حتى التاريخ يا ولاد أم عز


صباح الخير كتير
اولا قرار فيكونى رقم تلاتاشر بزليون قررت انا آبى هانم بتنجانى اعفاء المدعو أنا جعان من اجابات التاج وذلك نزولا وطلوعا عن رغبته ولان الله امر بالستر فى النهايه وكررت اكسب فيه ثوابات كتيره
ومنجلكوش فى تدبيسه

ندخل بقى على المهم بمناسبه الثورة اللى مصممين يقولوا عليها ثورة ومصممين يدرسوها فى المدارس وييزيفوا ويأيفوا حقائق تاريخيه
ويستغبونا لغايه اللحظه دى
ويقعدوا يقولوا ثورة وهى اساسا مش ثورة دى انقلاب عسكرى بحت وطبعا كلنا عارفين ايه الفرق ما بين الاتنين
يعنى بعد ما استولى الجيش على كل حاجه الشعب دخل وشارك وكلنا طبعا عارفين مين اللى قاموا بيها
واللى عمله سى عبد الناصر فى محمد نجيب
قووووووووم ايه روحى يا ايام وتعالى تانى بسرعه قبل ما تطلع روحى الاقى مصراوى افندى كعب الغزال
هو كمان له لازم يأخد من الحب جانب وله وجهه نظر فى تاليف التاريخ لابد ان تحترم ويعمل بها ورق تواليت سورى يعنى بس يدوده للساده المحترمين الموقرين بتوع الوزارة والخبرة كله اهو

واللى جايه اكتر حته غاظتنى وجابت ليه هسس فى مخيات الصغيرة وصداع للنحله والدبور


وتتميز ثورة يوليو بأن حباها الله بثلاث زعامات متتالية : جمال عبد الناصر وأنور السادات وحسنى مبارك : وجسد كل منهم مرحلة هامة عبرت عن أمال وهموم المواطن المصرى فالرئيس جمال عبد الناصر مفجر الثورة وقائدها وهى مرحلة اعطاء الأولوية المطلقة لاحداث التغييرات الاجتماعية وتأكيد استقرار القرار السياسى ، ثم أكمل الرئيس الراحل انور السادات المشوار ببناء جيش قوى فكان نصر اكتوبر 1973 وقاد معركة السلام ، اما المرحلة الثالثة فكانت بتولى الرئيس حسنى مبارك مسئولية الحكم .

واثبت الرئيس مبارك ان جيل اكتوبر هو استمرار لجيل يوليو فالرئيس حسنى مبارك يرى ان ثورة 23 يوليو جاءت تعبيرا عن ارادة شعبية عارمة تطالب بأن يكون هذا الحكم قائما على دعائم الديمقراطية والحرية والعدل وانها حققت على الخريطة الانسانية اكبر تحول عرفته مصر فى تاريخ الحكم .

واستكمل الرئيس مبارك مسيرة يوليو من خلال خمسة محاور هى ديمقراطية حقيقية تفتح كل الأبواب لاتفرق بين مؤيد ومعارض ولاتغير رأيا / والمحور الثانى سياسة اقتصادية محددة الاطار قامت على خطط التنمية الاقتصادية والاجتماعية والمحور الثالث بناء مجتمع قادر على تخطى العقبات والتغلب على التحديات من خلال تحقيق العدل الاجتماعى والانحياز لكل ماييسر الحياة ويؤمنها لمحددوى الدخل ، وأخيرا سياسة خارجية رشيدة تضع مصالح مصر قبل كل شىء وتمد جسور التعاون مع كافة الدول ، وبهذا اثبت الرئيس حسنى مبارك بأنه ابن بار لثورة يوليو استكمل مسيرتها .

ليييييييه بقى هو محمد نجيب دلوقتى قطعوه للوز ولا عملوا عليه ملوخيه
ما كلنا عارفين ناصر عمل ايه فيه لما قال لهم سيبوا الحكم بقى للشعب احنا عملنا اللى علينا كله
ما كلنا عارفين الفضايح اللى ريحتها طلعت والتاريخ ثبتهاواتحولت من ملكيه للعيله الملكه الى ملكيه للجيش

انا بابا فى الحرب من ايام الوكسه اللى حصلت لنا
وقعد يحكى ليه على تاريخ ناصر الا هو يعنى باسم العروبه وباسم الشعب اللى من غير جزمه بكعب
يبعت العساكر بتوع الجيش وفرق من الصاعقه ليه ايام ما القذافى طويل اللسان وضيق المخ ما مسك الحكم بدل السنوسى
ويبعتهم الجزائر واليمن ليه هو حد عبره
عموما يالا مش مهم اهو راح مكان ما راح
وبعدين حااااااااشر اسم الريس متقال ليييييه وانجازااااااااات ايه ده حد كان بينفذ اوامر هو مجرد واحد قاد حاجه مش هو اللى واضع الخطط
اتحشر فى النص ليه وبأماره ايه بقى حد يقولى وانجازات ايه اللى دلوقتى ولما يقول ان الثورة جت عن اراده شعب عارمه طيب مسبتوش الشعب يحكم ليه بقى ولا احنا منعرفش ونونو لسه ورابطين بافتتات على صدرنا
لو سمحتم كل واحد يقلع بفتته بقى واحكموا نفسكوا ومن امتى هو بيحافظ على اراده الشعب طيب والنبى والنبى يا حج بزمتك مش انت عارف ان اراده المأسوف على ايامه الشعب ده مش عاوزك طيب ما تحترم الاراده دى وسيبه اقولك روح هاواى هايله والهوا فيها بحرى وجامده اخر حاجه
هما ليه مصممين تصميم عجيب شنيع مريع انهم يزيفوا التاريخ احتمال نكون شعب مغيب ولا فاشل ولا غبى
بجد الشعب المصرى مش غبى ولا فاشل ولا مغيب
بس احنا شعب كسول وبيتحرك ببطء جدا
ونفسى اعرف ايه هو المحور التالت اللى هو عمله الريس متقال ده يكونش يقصدوا محور ميدان لبنان اه والله ما هو بيوصل اى حته باى مكان وبيودينى اكتوبر اروح كارفور اللى على الطريق والهايبر صح لقيت انجاز اهو
وبعدين يقولك محدودى الدخل هما فيننننننننن دول والله اللى ما هيطلع محدود الدخل اللى خباهم فى جيبه هسيب عليه خرفانى عيب كده احنا اخوات زى بعض طلعوهم الناس عفنت
ليه مصممين تقولوا محدود الدخل هما محدود الدخل بيتعمل لهم شقق بستين الف جنيه على اساس ايه يعنى مش عارفه ان تحديد الدخل بقى بستين الف جنيه
هو احنا لسه هنكابر ونقول محدود الدخل احنا عندنا محدود الفكر جايز محدودى العاطفه جايز محدودى النظره جايز انما دخل ان شاء الله اعدمه اللى يقول كده يا رب من الوزراء ولا حراميه البلد
دا فى مصر نزلوا تحت خط الصفررررر والفقر من بدرررررى
اللى يحزن فى ظل التهليلات الجامده قوى كيك اللى بيقولوها والانجازات والوكسات الهايله دى

فى المقابل وبالليل متأخر اى حد ينزل الحسين هتلقوا بعد الساعه 12 بالليل اولاد بتيجى بأقفاص عيش وتحطها والناس تجرى تتلم وتأخد العيش وتمشى ولما استغربت لانهم مش بيدفعوا فلوس وندهت للولد سألته قالى ان بعض من العرب بيجوا ويسألوا مثلا الولد معاك عيش بكام يقوله بميه جنيه
يقوم يدلوا الفلوس ويسيبوا العيش للغلابه تيجى تأخد وكذا مرة مش مرة واحده
بزمتكوا يا حكومه مش نظيفه ولا حتى محصله رشيده بتاعت بكار يا حكومه طنط ام عز
ده يرضى حد وتقولوا انجازات
سورى فى النهايه جتها وكسه اللى عاوزة خلف بالشكل ده
ويا مصريين يا محترمين حنوا على بعض شويه ايدين الناس اتمدت للعرب والله لهم حق يلعنوا اهلينا فى كل مكان ويتنكوا علينا

كان معكم قائد جناج يمين وشمال الطبيه آبى هانم بتنجانى

77 اخبط وقول رايك:

ana ga3an said...

من المخابرات الجعانية للمخابرات الخرفانية
نشكركم علي حسن تعاونكم

مصر عدي عليها 3 رؤساء
الريس الاشتراكي
الرئيس المؤمن
والرئيس الصايع وعيالة و امهم

وجهة نظري said...

هاواي؟؟؟ شكلك كده حتتبعتي مارينا حيث الهواء النقي ههههه

شوفي يا ستي .... مصايب وحلت علينا ورجعنا تاني لأيام الملكيه وأنيل كمان، ولما الإنقلاب العسكري حصل كان غرضه يمكن كويس بس وقع في إيد ناس سابت البلد سداح مداح ولعبت قمار عليها، فبأينا ننزل من سيء لأسواء

أما بقي قائد الضربه الجويه، فده كان الإنقلاب السلمي إلي أعاد الملكيه لمصر

إحنا كشعب إتلعب علينا من كل النواحي، وجربوا فينا كل النظريات الإقتصاديه والسياسيه، لحد ما بقي حالنا بيصعب علي رعاة الإبل إلي كنا بنصرف عليهم، دلوقتي بيسيبولنا حسنه ناكل بيها عيش

تفتكري فارق معاه الكلام دا؟ تفتكري مسمعوش وميعرفش في كام واحد بيدعي عليه وعلي عيلته؟ تفتكري مبيعرفش إلي بيحصل في البلد وحالة الشعب بقت عامله إزاي؟؟ تفتكري مش عارف المحتكرين واللصوص والمجرمين إلي طايحين في البلد؟

جايز. وجايز يكون هو كمان معتقل ومش عارف يعمل حاجه. وجايز يكون مبسوط كده، طالما الشعب لسه بيتنفس يبقي خلاص عايزين إيه تاني؟

تحياتي

الطائر الحزين said...

لا ينبغى ان نحكم على عصر بائن من منظور ومقدرات عصر حالى

لابد ان نرجع الى الظروف نفسها ونحكم
هذا ليس رأى فى فترة الحكم لكن هذا للانصاف

==============
كل لدية ما يدافع به
عن حرب اليمن
والجزائر
وغيرها

اكيد هناك اسباب ولو كانت غير منطقية بالنسبة لنا لكن هناك اسباب

==========
اما كونها ثورة او انقلاب او ما شابة

لست مع ثقافة الهزيمة حتى لو كنت أضحك على نفسى واعمل انتصار وهمى

==============
بس خلاص

فارس بلا جواد said...

ازيك يا ايبى
صباح الخير

تحياتى

خالد كامل said...

انا مش أول مرة ادخل المدونة ... انا متابعك على طول ... لكن أول مرة أكتب تعليق عندك
بالنوسبة للبوست بقى ... الموضوع كله يتلخص فى
اننا هنفضل طول عمرنا مضحوك علينا
يقولولنا ثورة تبقى ثورة
عارفة لو رجعوا قالوا يا جماعة اول رئيس جمهورية لمصر هو جورج بوش
هنصدق

دا اللى عندى
سلام

Anonymous said...

آبى هانم

اول تعليق مش اول زيارة

الموضوع دة هعرف اعلق فيه

طبعا الحكومة النظيفة بتاعتنا ( خدى

بالك من كلمة نظيفة)

الحكومة دى هى السبب الاول فى التطور

الفكرى فى مصر وكمان التقدم الاقتصادى

اى والله تطور فكرى طاب اسألى اى حد

كدة عن رايه فى الحكومة هيقولك يا ستى

انا واكل شارب نايم شغال ب500 جنية فى الشهر مالى بالحكومة




وبعدين عندنا تعليم مش ممكن يكون فى

زية فى الحكومة

وعندنا الشوارع مليانة عربيات شعب غنى يعنى



وكمان محدودى الدخل دى فئة مش موجودة

احنا عندنا غبر محدودى الدخل من كتر

اللى معاهم وغير محدودى الدخل لأنهم مش

معاهم حاجة اصلا


وكمان الثورة المجيدة اللى كلنا


بنفتكرها دى والله انا نسيتها بس فاكر

انجازاتها


اكيد انجازات مصرية من بتاعت الفراعين

لأن اللى عملته الثورة اقصد الانقلاب لا

الهوجة ولا بلاش اللى حصل يوميها وبس

اللى عملته مش ممكن يتعمل غير فى مصر

ومصر بس


ياااااااااااااه

دا انا طولت قوى معلهش استحملى

تحياتى

صباح الخير يا مصر said...

Appyplanet
**************
المشاكل الحقيقيه ابتدأتها الثوره بفكرها الاشتراكى المنحرف...فكانت الطامه الكبرى هى اللعب فى جينات المجتمع ليكون الناس كلهم ملاك و ينهى على الملاك الحقيقيون ...مع ان الله خلقنا درجات وهكذا تستقيم الامور ..وعندما نراجع ماخلفه هذا الفكر نري ان الثوره قد قضت على رجال الاعمال الحقيقيون و استبدلتهم باناس لا خبره لهم و عندهم من عقد النقص مايكفى مايكفى لاغراق البلد فى صراعات شخصيه و نفسيه معقده

وعندما نرى ماهو الانجاز فى ذلك نجد و بحسابات سريعه اننا تخلفنا كثيرا عن ذى قبل بكثير و نجد انفسنا اليوم نرجع للرأسماليه و ابطالها معظمهم رجال اعمال لا نجد لهم تاريخا او اصلا

تحياتى يا هانم

جبهة التهييس الشعبية said...

ابي
مين قال المصريين مش بيحنوا على بعض
لا حرام كل المصريين بيحنوا على بعض حتى اللي مش لاقيين العيش الحاف
بصراحة يعني
مافيش غير بس الميليارديرات ورجال الاعمال ودول يعني باطك منهم والنجم وما حدش متوقع منهم حاجة

انا واحدة صاحبتي بتحكي لي على ست تعرفها هي مرات رجل اعمال من صبيان رجال الاعمال العتاولة
بيشتغل في ديلهم يعني
جاب لها ساعة من باريس بنص مليون يورو
الماظ وكده
الساعة ضاعت
طبعا بعد ما دورت واتهمت الخدامة والدادا وما رضيتش تتهم المربية عشان المربية خواجاية ومش ممكن تسرق
جوزها قال لها: فداكي..اجيب لك واحدة غيرها

وصاحبتي بتقول لي: الست دي بقى هي هي نفسها
لما الكماريرة بتاعتها تعيا ما يهونش عليها تطلع لها سبعين جنيه خمسات

بس دول تعدادهم قليل
لكن معظم الناس بتساعد بعض
انا اشتغلت شوية في العمل التنموي والخيري وباقول لك ان الناس بتتبرع بشدة ومن غير ما تضطري تطلبي منهم

بس هم ح يكفوا مين وللا مين يا ابي

الحل مش في التبرع
الصدقة عمرها ما بتحسن اقتصاد
طول ما فيه حرامية زي جوز الست صاحبة الساعة الفقر ح يزيد

انما والنبي انا عجبني تأريخ ثورة يوليو ده
عثل عثل

رئيس جمهوريه نفسى said...

نشرت اخبار 6 اكتوبر 2015 هذا وقد اثبت المرؤخين انى الرئيس جمالكا كان هو الملهم لاول ضربه جويه عندما راءه الرئيس متقال بيلعب بالطيارة الورق فوق سطح البيت فقتبس منه خطة اول ضربة جويه فتحت باب الحريه وبهذا يكون رئيسنا القائد المقدام الهمام اكل الحمام هو فاتح باب النصر وصاحب دور فعال فى حرب اكتوبر
ومن الاخبار الخفيفه تاكد الباحثون بعد دراسه شامله فاحصه فى كافة ارجاء المعموره بمصر ان سلالة الانسان محدود الدخل قد انقرضت فى كافة ارجاء مصر منذ عام 2008 وتحورت طبقا لنظريه الارتقاء للخلف در لصاحبها ابن عزو الى سلاله معدومى الدخل لثبت مصر انها صاحبة الرياده فى تلك النظرية الاقتصادية البحثه
اخبار خفيفة
نجح الدكتور تامر زاهى حواس فى اكتشاف ورقة كلينكس مدفونة فى احد حدائق مصر الجديده تثبت ان الرئيس متقال كان يمر بالسياره امام قصر العروبه فى ليله شديدة الظلام ايان اجتماع مجلس قيادة الثورة وبذلك يكونة المذكور اعلاة احد قوائد الثورة المجيده وابن شرعى لها يا ضلاليه يا لى بتفترو على الراجل
حسبى اللة ونعمة


بتنجانى نهزر بقاء بعد ما اتكلمنا جد النهارده الصبح خبر يفقع المراره مشيها المراره والنبى احد رجال الاعمال مديون بحوالى 1.6 مليار جنيه للبنك الاهلى واتعملت تسوية بقيت المديونيه 800 مليون جنيه بس وكمان بالتقسيط تتسدد والضمانات الى قدمها للسداد كلمة شرف واحلى من الشرف مفيش المديونيه بتعته هى مديونيه من مديونيه 7 رجال الاعمال بلغت مديونتاهم حوالى 12 مليار جنيه للبنك الاهلي وحده
وتقولي ليه انها محتاجه صدقات اوبجشكن يا مصر

WhItE HeArT said...

لا تعليق بعد رأي مهيج الجماهير

رأيه هوه رأيي بالظبط في الموضوع ده

تحياتي

محمد فوزي said...

صباح الخير يا آبي هانم
إسمحيلي أعترض
أولاً انا ضد فكرة الثنائيه اللي بنعيشها في حياتنا في كل حاجه دي وكأننا زي ما بننقسم في تشجيع الأهلي والزمالك لازم ننقسم ونبقى يا ناصري يا ساداتي واللي بيحب ده بيكره ده عمى واللي شايف ده عمل إنجازات يشوف التاني غرقنا وهكذا
كل زعيم من زعماء مصر كان له دورا وخطى بمصر خطوه يستحق بها التقدير والإحترام , وعندما أقول التقدير فأنا لا أعني التقديس والعصمه التي تجعله لا يمس إنما أقصد إعطاء كل ذي حق حقه
وأيا كان المسمى ثوره أو إنقلاب فأعتقد أن رفضها يعني أن نرفض الإستقلال وأن نتقبل لفكرة أن نظل محتلين طالما أن حياتنا كانت ستكون أفضل أو هكذا يعتقد من تأثر كثيرا بمسلسل الملك فاروق

وأخيرا يا آبي هانم
أتعجب من مصري يحب جيفارا ويعتبره رمزا ولا يحب جمال عبد الناصر

سبهللة said...

احجز واروح اقرا وارجع اعلق

المنسى said...

إيه ده كله إيه ده

إنتى دخلتى الثورة فى دلوقتى ليه
ماعلينا
بصى ياستى الجملة دى قالها يحى الفخرانى فى مسلسل عباس الأبيض
كان بقول فى كل البلاد العربية التاريخ عندنا بيتكتب مرتين

مرة فى حياة الزعيم
ودى بيكبروه وميجدوه وعظموه وهكذا
والمرة التانية

بعد مايموت
بيلعنوا سلسفيل جدوده

ده بالنسبة للتاريخ

سياسة القادة العرب والشرقيين بوجه عام مش عارف دى طبيعة تربة ولا إيه
إن كلم وإن إختلفى
فهم ديكتاتوريين من طراز غريب عجيب فريد

حتى عبد الناصر
هو إللى عمل الثورة وأمم القناة وبنى السد وقلب مصر بحكم الجيش وتسبب فى موت 40 ألف فى اليمن و70 الف فى النكسة وعمل القومية العربية وفتح المعتقلات ورحى فى كل معارضيها عظم الفن وأم كلثوم وعدم عبد الحميد كشك وحسن البنا

محدش عارف الناس دى بتفكر إزاى ولا هما صح ولا غلط

أما بالنسبة للتقدم والتنمية وإيدينان إللى إتمدت للعرب

لا تعليق

ونا جعان بيقول عدى على مصر



مصر عدي عليها 3 رؤساء
الريس الاشتراكي
الرئيس المؤمن
والرئيس الصايع وعيالة و امهم

مصر لغاية دلوقتى إحنا منتخبناش فيها ولا مرة رئيس جمهورية وسيبك من إنتخابابت المهلبية إللى حصلت الأخيرة

بس أنا مقتنع إن مفي ش ولا واحد فيهم عدل
ومقتنع برضو بإن أخر حاجم كويس مسك مصر كان محمد على
وعارف إنه ليه سلبيات

بس الإيجابيات أكتر وعشان كده تكسب

تحياتى يابتنجانى
وخللى بالك من المسقعة
ومتروحيش مظاهرة النهاردة بليل
عشان انا رايح

سبهللة said...

انا محرقش دمى غير العيس بتاع الحسين اللى بيتوزع على الغلابة من فلوس العرب
حسبنا الله ونعم الوكيل

Empress appy said...

محمد فوزى
==========

معلش هرد عليك انت الاول بعد اذنكم يا شوباب

ايه يا محمد اتحسدت ما كنت بتفهمنى يالا معلش ادى اخرة الافتائات

اولا انا مش ضد الثورة ثانيا انا فعلا مع رايك ان كل رئيس له غلطاته وله عيوبه ومميزاته
وانا ولا ناصريه ولا تبع السادات ومش بحب الكالم الفارغ ده
بس واضح ان الناس مفهمتش انا كنت بتريق على تزييف حقايق وحبيت اثير
فكرة الحاجات اللى جبتها والحروب هى دى اللى انا ضدها فهمت
يا رب يكون كلامى وضح للكل علشان محدش يبنى على حاجه غلط

Empress appy said...

انا جعان
===========

صديقى رئيس سلطنه الجعانين والمحتاجين اى خدمه بس بطل طلبات لان مش هعملك حاجه تاني وانت عارف
طيب الاشتراكى ده من مشترك الكهرباء وعرفناها
المؤمن ده يعنى ايه مسلم ولا مؤمن جايه من الامان معلش اتحمل غبائى اللوذعى
الصايع ده ايون اللى بيسرح بدل ما بمناديل فى الاشارات بعقولنا
والله اخرتك معايا مارينا ههههههههههه

نورت يا باشا







وجهه نظرى
========
حبيبى يا ابوحمد يا فاهمنى انت
ايون والله عارفه ان الغرض كويس بس التطبيق زباله وطبعا كل واحد له غلطاته طيب دلوقتى بيزيييييفوا لاتاريخ ليه مش فاهمه
عارف وسامع وشايف اللهى يفقد حواسه الخمستاشر قادر يا كريم
معتقل فين فى مارينا ولا جمصه ههههههههههه
نورت الكوكب كله

Empress appy said...

الطائر الحزين
=============
مش عارفه ايه اللى مصبرنى عليك ومش سايبه عليك خرفانى
انا معاك فى كلامك بس حرب اليمين وغيرها كانت من باب انه رئيس الامه ومينا موحد القطرين عنجهيه فارغه وفلتت من عبد الناصر فى المقابل منكرش له الكويس اللى عمله
ومتنساش الوحش برضه وفعلا كل واحد له الوحش والحلو وظروفه
وانا مقدراها
بس مين الاقل خطأ فى نظرك
وتزييف الحقايق ليه بس مش فاهمه
نورت يا اخى العزيز






فارس بلا جواد
=============
اهلا اهلا صباح الفل

Empress appy said...

مهيج الجماهير
=============
اهلا بيك ونورتنى جدا
بس احنا اللى بنقبل على نفسنا كده وهما لازم يفهموا اننا مش كده
بس نورت الكوكب






المحارب المتيم
===========
لا يا خويا انت شايل ومعبى قول قول نورت الكوكب كله

Empress appy said...

صباخ الخير يا مصر
================

عبد الناصر كان نفسه يطبق نظام مش عارف ابعاده بس الحسنه الوحيده تخليص مصر من الملكيه
وانا فعلا معاك ان ربنا لو عاوز يخلى كل الناس اغنيه هيخليهم ولو يفقرهم هيفقرهم
المشكله فى اللى موجود دلوقتى
ربنا يستر ويبطل يلعب فى جيناتنا اصل واضح انها باظت فعلا
نورت وسعيده بيك






جبهه التهييس الشعبيه
====================

نوارة هانم
والله يا نوراة بقيت الاقى ناس قلوبهم قاسيه على بعض فيه اه الخير اللى بتقوليه ده كله وعارفه
بس لما تشوفى المناظر دى بجد قلبك هيوجعك وكرامتك كمان
غير كده عارفه طبعا المتعفنين اللى بيعملوا كده وعلى فكرة يا نوراة دول مش ولاد ناس دول ولاد حاجه تانيه خالص
بس عيب مش هقول
قولى انتى ههههههههههههههههه
لانهم شبعه بعد جوعه بجد ولاد الناس بيحسوا ببعض
نورتى يا نوارة واى خدمه بجيب لكى اخبار تضحك اهو وحمد لله على سلامتك

nody said...

ثوره يوليو دى تتلخص فى مقال كتبه احسان عبد القدوس واعتقلوه بسببه
كان عنوانه
مجموعه اللصوص التى حكمت مصر
هو كده وخلاص
اما بقى بالنوسبه لتزوير التاريخ
فا ربنا يخلى لينا هيكل كلب السرايا وامثاله
تحياتى يا قمر

Empress appy said...

رئيس جمهورية نفسى
====================
نكد عليك وعلى اومرك يا عثمان
ليه كده يا محمود يعنى انا ناقصه امراض العصر والغسل يا ابنى الكلوركس غلى منك للى كلت دراع بنت اختها يا محمود
طيب انت بتتريق فى الجزء الاول والله بالطريقه دى هيحصل كده على اساس ان الشعب بيتغير وهو لا ههههههههههههههه
نورت يا دودو







القلب الابيض
=============

هو انتم جايين مع يعض ههههههههههههه طيب انظر للرد فى الكومنتات عقاب ليك

همس الاحباب said...

الله يرحم ايامك يا ستى ابى
والله كانت اخت جدعة هى فعلا لاسعة حبتين بس كانت طيبة
صباح نطح الخرفان وصداع النحلة والدبور
احنا بنزييف التاريخ يا ابى عيب ده احنا التاريخ نفسه يا بنتى
وبعدين حبابينا بتوع الحكومة مواليد الشمعدان والسامبا لازم يبقى ليهم دور نشط وفعال فى ثورة يوليو المجيدة وكمان لازم يبقوا ابطال فى حرب اكتوبر
المهم اكتر حاجة بجد ضايقتنى وحرقت شوية الدم المحتفظ بيهم هى حكاية العيش والحسين بقينا شحاتين ومتسولين لكل من هب ودب
حسبى الله ونعم الوكيل

Empress appy said...

المنسى
=========
بص يا منسى كل واحد وله اخطائه وده اللى انا فاهماه بس فيه اخطائك فايتل
قاتله يعنى
بس ده ميمنعش حبى للى ماتوا وكرهى للى عايش ههههههههههههههه

وعموما يا منسى التاريخ هو اللى يهمنى مش يتزور فهمت
وبعدين عرب
عرب مين يا ابنى ومفيش ديمكراتيه فى العالم كله
نورت يا منسى







سبهلله
=========
يا حبيبتى امال لو شوفتى فى الحقيقه هتعملى ايه
ربنا عليهم يا رب

واد غلبان said...

تحياتى
بالطبع اتفق معك فى مساوئ الثورة ولكن من غير المعقول ان تنزعى كل انجازات الثورة وتتركيه بلا انجازات
اتركى للجيل القادم او الحالى شيئا يتشبث به
الفراعنة كانوا عبده اصنام
جمال عبد الناصر كان ملحدا ةانور كان يدعى الايمان
اما حسنى مبارك
فهو××××××××
دعينا على الاقل نذكر لكل واحد منهم انجازات لنحقق العدل
اليس كذلك

Empress appy said...

nody_1987
==========

هيكل هيكل بس
يا بنتى اى حد عاوزة تعرفى التاريخ اعرفيه من والدك والناس الكبيرة مش اللى بيكتبوا اليومين دول ولامهللتيه اسمعيه من اللى كانوا فى الحرب
نورتى يا قمر







خالد همس الاحباب
=============
ايه يا ابو همس انت بتبشر عليا طيب وصيتك العيال بقى وخلى بالك فى اتنين مطبقاهم فى درج الكومود ههههههههههههههه
نورت يا خالد

رئيس جمهوريه نفسى said...

بتنجانى معلش حطمع فى تعليق تانى
بالنسبه لموضوع كتابة التاريخ احنا التاريخ بيكتب عميانى بمعنى انا شاهدت خناقه بكتب انى فى خناقه بس الخناقه قامت ليه مش مشكلة او ايه اسباب الخلاف دى مسائلة ثانويه مش حتهم حد انما ده على عكس ما بيحدث فى العالم كلة بمعنى انى عند كتابه التاريخ وليكن فى امريكا مثلا فى قانون بينص على سرية الوثائق لمدة 25 سنه وبعد ما تمر الفترة دى بتبتدى تطلع الوثائق للعرض العام لكل من يحب الاطلاع عليها او الحصول على نسخه منها ولو كانت الوثيقه بتشكل خطر على الامن القومي الامريكى بتزيد مدة السرية ل 25 سنة بس فى مصر مفيش اساسا وثائق يتكتب ليها السرية وعلشان كده للاسف مفيش تاريخ موثق فى مصر انما الى بيحصل كل واحد بيكتب السيرة الذاتيه بتعته ولو اربعه كانوا مع عبد الناصر او السادات فى اجتماع وكل واحد كتب السيرة الذاتيه يتعته الى حصل فى الاجتماع حيتروى باربع طرق مختلفة وكل واحد بهدفه من رواية الواقعه وده مش بيؤدى للوصول بالحقيه ابدا انما لو فى توثيق للاجتماع ده ممكن نقدر نحكم الى حصل بعد الاجتماع ده كان ايه هدفه
---------------------------
مثال على تزييف التاريخ اكيد تعرفى اشرف مروان كان سكرتير عبد الناصر وجوز بنته هدى وشغل مناصب كتير فى عهد السادات النهارده مثار حواليه لغط كبير اسرائيل بتقول ان اشرف هو ما كان يعرف باسم الصهر او بابل وكان جاسوس ليها داخل مصر وبلغها بميعاد حرب اكتوبر وهو الى عرض عليهم التعامل معاهم فى سفارة اسرائيل فى لندن عام 1968 وكان بياخد مقابل كده 100 الف جنيه استرلينى فى الساعة وده ممكن يفسر ثروتة الطائله واجتمع بيهم 44 مره وفى كتاب حيصدر خلال ايام فى بريطانيا واسرائيل بتفاصيل اللقاءت دى حال حياته لما ينفى التهمه عن نفسه بل كان فى اواخر ايامه للمورخ الى اشار الى اسمه صراحه فى كتاب واسمه بيرجمان المهم بعد وفاة او انتحاره او نحرة فى لندن الرئيس محمد حسنى مبارك قال انه قدم خدمات جليله لمصر ومحدش عارف ايه كون الخدمات دى ومحدش وضح دورة رغم انى المصداقيه بتاعت التاريخ يقولوا لينا هو كان ايه بس محدش حيقول هل خوف من صدمة انى المخابرات كانت نايمه عنه وهو جاسوس ولا هو جاسوس مزدوج محدش عارف ولا حد حيعرف لانى طريقه كتابه تاريخ مصر هى الطرمخة
ولا تزعلى على غلو الكلوركس ليكى زجاجه هديه من عندى

Unknown said...

ابى
ازيك ياقمر
هى فعلا مش ثورة هى انقلاب عسكرى لخلع الملك وبعدين الموضوع كبر فى دماغ الضباط الاحرار وقالوا يخلعوا الملكية كلها لاسباب التوريث الفساد والديون المتراكمة على مصر فى الفترة دى ويحولوا مصر لجمهورية بنظام ديمقراطى
وفشلة الخطة
وكترت الديون
وكثر الفساد
لكن عارفة جمال كان له فكر ومبدأ وان كان نفذ خطأ اما اكتوبر

فدى كمان درست خطأأ
واسألى باباكى
كفاية عشان الدنيا حر ومش بحب هاووى انا فى الحر
باى
ورجع التوريث
وكترت العوالم بس بقى اسمهم فنانيات

Hosam Yahia حسام يحيى said...

انا باحب جيفارا

وباكررررررررررررره عبد الناصر

:D

ده بس رد على تعليق

موضوع الثوره اعتقد انها زى الايمان

الثوره فى القلب

:))

لو لم أثر اذن انا موجود

وليحيا التاريخ المصرى منذ عهد الرئيس حسنى مبارك الاول فى الاسره رقم 2 فى العهد رقم 3 قبل الميلاد

الى الرئيس حسنى مبارك برده فى الاسره رقم 3 فى العهد رقم 25 بعد الميلاد اقصد بعد الثوره


تحيا جمهوريه مصر العربيه

ميرا ( وومن ) said...

آبي

بتنجاني خرفاني كدة برضة كتبتي كل الزن اللي في دماغي طب دماغي هاتزن علي الفاضي دلوقتي ولا اعمل انا ايه

مش مهم خلاويص هادور علي حاجة تانية اخلي دماغي تزن عليها

سلام يا قمر

حسن حنفى said...

بوست جميييييييييل

بس ده لازم يحصل في شعب مش عاوز يعمل حاجه حتي لو الحاجه دي في مصلحته


وبعدين

ابتسمي انت في مصر

تقبلي مروري

... amr said...

عدى على مصر 3 رؤساء ... عبد الناصر
السادات .... الرئيس ابو الرئيس القادم .....
كذللك هناك 3 سيدات أوائل ...
السيدة تحية .... السيدة جيهان ... السيدة ام الرئيس و هي هي في نفس الوقت ... زوجة الرئيس..... وكمان في حاجة تانية ... اللي عملوة الضباط الاحرار دة في 52 لو كان فشل كانوا هايتطلعوا عبارة عن شوية ناس مارقيين عايزين يقلبوا نظام الحكم ويثيروا البلبلة في الشارع المصري الهادىء ... بالضبط زي العيال الوحشين بتوع الفيس بوك ... و 6 ابريل و الكلام الخزعبلي دة ... اعتقد ان الفرق بس كان في نوعية البتنجان اللي كان بياكلوا الشعب ساعتها ... كان بتنجان نضيف مش مضروب زي اللي موجود الايام دي ... عشان كدة تلاقي اللي يستغفلوا الناس و يقلبوا الحقائق زي ما حضرتك شوفتي كدة و شوفنا كلنا ... ولسة هانشوف.....
اسف للاطالة

NIDAAL .R said...

انا عن نفسى يا آآآبى واحد ما عندوش انتماء لاى حاجة الا للعلم بتاع مصر و بس
مافيش حاجة اقدر اقول انا بحب فلان علشان عمل كذا و كذا .. الله يخرب بيته الى كان السبب
و من مبادىء الثورة انهم ناويين يغلوا تذكرة المترو بردو و من ضمن مبادىء الثورة ان الناس ما تلقاش تاكل
و من ضمن المبادئ ان العرب ييجوا يتبرعوا لينا بثمن العيش .. هما مشكورين طبعاً لو بيعملوا كدة لوجه الله وربنا يجازيه خير بس اكيد فيهم حد نيته مش لله .. واصلة طبعاً .. لكن احنا كرامتنا فين
هو يعنى ايه مبادئ اساساً و يعنى ايه ثورة ..
و زى ما انتى قولتى جتها وكسة اتنين تلاتة الى عايزة خلف
.....
والله يا آآآبى لو التذكرة غليت 10 قروش كمان و الله لاركب المترو من غير تذكرة
ويوم ما اتمسك هقول مش معايا فلوس
يعملوا بقى محضر يحبسونى يعملوا اى حاجة انا زهقت و مقدرش اتحمل تكاليف مواصلات اكتر من كدة ... حرااااااااام عليهم بقى و الله حراااااااااااااااام

Mahmoud البطراوى said...

شالو فاروق حطوا فاررق
عالم افضيه ورايقه

يا بنتى هم عايزين يثبتوا ان التاريخ بعيد نفسه
بدأنا ملكيه ورجعنا ملكيه
وما دايم غير الله

صاحب المضيفة said...

الا يعني ايه ثورة بالمناسبة

ممكن حد يقولي كده


ربنا يستر علينا ويتمها على خير


تحياتي يا ست ابي هانم بتنجاني

في حب مصر said...

سبحان الله شوفي التوافق..ههههههه
أنا نزلت البوست الجديد من غير ما أعرف انك عاملة عن ثورة يوليو.. بس طبعاااااااا فيه اختلاف جذري بين رأيي ورأي سموك.. والاختلاف في الرأي لا يفسد للوز كبسة..هههههه
أنا رأي عن عبد الناصر حطيت في المدونة بتاعتي واتمنى تقرأيه.. لكن رأي عن حسني أحب أمتنع عن كتاتبه لأسباب أمنيه..ههههه.. خاصة اني هانزل أجازة قريب وعايز أرجع تاني..هههههههه

تحياتي

حبيبـــــــة القمـــــر said...

حرام بوستين في الراس يوجعوا
يا ابي انا لسه كنت عند الصباغ اتعقدت
قلت افك عندك شويه
يمكن تكتبي حاجه تفرح الواحد وتحسسه ان فعلا البلد دي لسه بخير
واننا مش طول عمرنا بننداس بالرجلين
الاقيكي بتثبتيها اكتر
طب نعمل ايه طيب
كده فيه ايه تاني ممكن نآمن بيه
ولا ملكيه ولا جمهوريه
ولا ثورة مجيده ولا حاجه
طب قوليلي بقى
هي حرب اكتوبر صحيحه ولا دي كمان هتطلع خدعه
انا خلاص دماغي هتشت

Oss said...

بداية كده يعنى
لو عايزه دمك يتحرق اقرى اللى كتبه الحاج سرايا فى الأهرام بتاع الجمعه اللى فاتت
بس هتكونى الجانيه على نفسك

وبعدين ايه المحاور بتاعة مبارك دى
انا ماعرفش غير محور واحد بس فى القاهره ماشيهعليه العربيات رايحه جايه

وبعدين ام الثوره دى كانت عليا فى درس كامل كله اهداف ونتائج
يعنى مش بس فى الحياه
لأ ده وراكوا وراكوا فى التعليم

وبعدين انت جبتى الديب من ديله
دى مش ثوره
ده انقلاب عسكرى
لو كانت ثوره كانو عملوا زى سوار الذهب فى السودان
لما عمل ثوره واطاح بالحاكم وعمل انتخابات ومادخلش فيها

وحوار العرب ده
لأ وألف لأ
ده لو البلد فى مجاعه وواحد عربى جاى يدينا
لأ
دول ولاد 60فى 70 (يعنى 4200)
مش يدونا القرش بإيد ويدونا على قفانا بالتانيه
وعلى زبيل المزال
بتوع رز المعمر القذافى وفريق وكر العصفوره ده

تحياتى

حسن حنفى said...

حضرتك ليكي تاااااااااااااج


لو مش حلتييييييه قبل كده


يا ريت حضرتك تستلميه

:d

حمادة زيدان said...

آبوووووووووووووووووب

وحيك عليكي لعنات السماء .. أذهبي إلي الجحيم ... آة قلبي قلبي .... ههههههههههههههههههههههههههههههههههه
بتغلطي في القديس ناصر .. لو حد ناصري جه يالهوى مش بعيد ينتحر أو ممكن يفخخ نفسه في المدونة ونخلص منك بقي وبعدين يروح ياخدله تفة سوري لفة على قبر القديس ناصر

والله يا بنوته أحنا عايشين في زمن تيييييييييييييت والله مش كتير اللي زيك كدة

Lady E said...

ايدين الناس اتمدت للعرب والله لهم حق يلعنوا اهلينا فى كل مكان ويتنكوا علينا

عندك حق للأسف !!!

والله انا خايفة عليكي يا قمرايا

احسن يبعتوكي انتي هاواي

ربنا يستر

عيله مفتريه سابقا said...

ممممممممممممممممم

انا عمرى لا شوفتك ولا اعرفك

ومصر حرة بفضل الثورة

والفيديو بتاع الريس المبجل المتعظم المتفشخر

حووووووسنى مووووووبارك

بتاع فيلم كمال الشيناوى ده

ايووووووووون

تحيا مصر

يعيش الوطن واحنا موش مهم

والسلامون عليكون

Unknown said...

هههههههههه
كان معكم ابي هانم بتنجاني
رحنا في داهيه
قوليلي عاوزه السندوتشات فينو ولا كيزر

mostafa rayan said...

انتي عايزة حسني يسيب الحكم يابنتي حسني بيعتبر مصر بيت ابوه الملك في حدبردة يفرط في بيت ابوه الملك
تحياتي ليكي وان كنت اري ان مصر في عهد جمال والسادات افضل من كدة بكتير على الأقل كانلينا احترامنا في الخارج

مواطن مصرى نايم said...

ايبى

اعقلى يا بنتجانى
هههههههههههههه
دا انتى عندك بطوط عاوزة تربية
هههههههههههههه
الخرفان دى مين اللى حيراعيها من بعدك


الا صحيح يا ايبى هى اول ضربة جوية دى عرفوها منين
يعنى هو طلع بطيارة لوحده ضرب و رجع
يالا اهى فشره و الكل بيغنى ورا محمد الحلو
اول طلعة جوية فتحت بابا الحرية


شفتى اسلام
(انا جعان قال ايه)
بس دا ميه ميه

و بعد كده حتبقى خديجة جمال
(موزة مصر الاولى)
بقى انا اوافق ان واحده زى خديجة تبقى اعلى من مراتى ليه
ليه يعنى
دا انا مراتى هى سيدة مصر الاولى
ربنا عالظلم

سعد سعد يحيا سعد
سعد سعد محمد سعد

تحياتى
اسلام

الميكروباص said...

الشعب طول عمره بعيد عن الأحداث
الثورة قام بها رجال الجيش - او زي ما قلتي انه انقلاب عسكري لا علاقة له بالشعب
الشعب كان في موقف المتفرج
اما جمال عبد الناصر فأخذ دور البطوله في الافلام بعدما اطاح بقائد الثورة الحقيقي الذي لا يذكر عنه الاعلام شيئا وهو اللواء محمد نجيب اذي لو كانت فشلت اثورة كان اول من سيتم قطع رقبته
اما بالنسبة للثورة نفسها- فأعتقد انها فشلت بحرب 67
....
فاركه مباديء أو اهداف ثورة يوليو اللي درسناها في التاريخ؟
كانت عباره عن 6 اهداف - 3 منهم قضاء : القضاء على الاقطاع - القضاء على سلطة رأس الما- ومش فاكر الثالثه
والآن يوجد أحمد عز وغيره
يعني الاقطاع موجود
والافتراء موجود
فقط هي مسميات مختلفه
بل ويوجد بهاوات وبشاوات يا آبي
وناس عايشين أحسن من البشاوات كمان- وبيعملوا في الناس بلاوي سوداء لم يكن البشاوات اللي بيتريقوا عليهم بيعملوها

الميكروباص said...

على فكره
لا انكر ان الرؤساء عملوا حاجات كويسه
لكن الاخطاء بتاعتهم كانت من النوع الكبير اللي معلم فينا حتى الآن - باستثناء السادات
الذي مهما تحدث أحدا عن مساويء فعلها- يكفي أنه قام -بفضل من ربك- بتحرير سيناء

ahmed_k said...

والله معاكي حق
من ساعة ما كل حاجه حشرنا فيها أسم مبارك والبركه أتنزعت من كل حياتنا

وحكاية العيش دي متأثرش في الحكومه ولا تهزلهم شعرايه
ده العمده الكبير بذات نفسه شفيلله مره لقاء وبيتكلم عن الشيخ زايد ومرات الشيخ زايد ومبسوط أوي انهم بيساعدونا وبيشحتونا لما سعادته كان بيطلب منهم
حاجه تكسف والله
ربنا قال (وأما بنعمة ربك فحدث) لكن العمده بتاعنا من ساعة ما ركب فوق كتافنا وهو متدعي الفقر لغاية أما ربنا فقرنا بصحيح

جابولنا الفقر الله يخرب بيوتهم

معلش طولت

دمتي بكل ود

wanna b a physician said...

على فكرة يا اببى التاريخ المصرى منذ القدم مزيف من أيام الفراعنة لان اللى كان بيكتبه زى بتوع انهارده كدا مهللين وبس
وساعات حكام بنفسهم كانوا بيكتبوه
اما موضوع الثورة طبعا هى انقلاب عسكرى وايا كان اللى حصل من جمال او كدا
بس بيتهيألى الناس اللى عاشت ايامه وقابلت كتير منهم بيشكروا فيها
احنا بقا هنشكر فى الايام دى
احنا هنعمل حاجة تانية

الامبراطور said...

hi appy
ازيك
دى اول زياره لمدونتك
حلوه قوى
واستايلها جميل
تحياتى

Empress appy said...

واد غلبان
===========

هو مين اللى كان ملحد ده
هو عبد الناصر علشان كان بيطالب بالاشتراكيه يبقى ملحد الا دى معلومه جديده ههههههههههههههههه
طي باتشبسوا براحتكوا عادى يعنى
نورت الكوكب






رئيس جمهوريه نفسى
==================
محمود التاريخ بيتكتب مرة بالتمجيد ومرة باللعن فهمت بس
واللى بيكتبوه بيكتبوه حسب رؤيته الشخصيه
فاحنا نعمل ايه يا منقراش خالص
يا الحل التانى نقرى كله ونقرر انهى اقرب للصح
او تقعد مع حد يحكى لك وبرضه مش هتفهم
فنلغى التاريخ من حياتنا

اشرف مروان كلا البته والبطه يا محمود ابدا المخابرات عندنا لا يمكن تكون نايمه اهو ده بقى اللى اعترض عليه بشده
واستحاله
بس هما عندنا اعتقد خايفين يردوا ويقولوا لاسرائيل احنا ادينا لكم ..........زكذا مره زى الهجان والشوال وغيره من العمليات التى لم تكشف بعد
محمود بابا دخل المخابرات فترة وكان قناصه فاهم ومن المعترف به ان جهاز المخابرات عندنا قوى اوى وملوش حل ومش هقدر اقول اكتر من كده اصل اخوانا قمل الدوله يزعلوا منى علشان مش بقول عليهم انهم اذكيا هههههههههههههههههه

Empress appy said...

نهر الحب
=========
انا معاكى انه فشل فى تنفيذ الكتير
بس اكتوبر لا عيبها هو الريس متقال وبس ومعاهده عبد السلام دى بس هههههههههههه
وبعدين اقعدى فيه تكييف يا بنتى





حسام يحيى
==========
حساك بطلع له لسانك ههههههههههههه معلش يا حسام انا عارفه انك لسه مشوفتش من عهد المبارك الجليل كتير ربنا يديلك طولت العمر اتحمل يا راجل

Empress appy said...

وومــن
=======
اخص عليكى يا ميرا يعنى انتى سالتينى سؤال قعدت انا طول الليل مع بابا اقرقر فيه ولقيت الخبر فى وشى اسكت
وبعدين ان كان على حرقه الدم فهى كتيرررررررررر قوى اصبرى هتلاقى ههههههههه
نورتى يا قمر





حسن حنفى
===========

اهلا بيك يا حسن وميرسى على وجودك

Empress appy said...

amr
====

لا اطاله ايه انما مين تحيه دى هههههههههه
وبعدين ماله الفيس بووك اللى محير الناس كلها كده مش عارفه شويه يقولوا ده عن السكس وشويه عيال تاكسجيه
بجد عملنا لهم هبل
بس سيبك هنفهم برضه





نضال
====
انت محدش يتكلم معاك يا ريس انت اقفل لهم المترو كله ولا يهمك ههههههههههههه

Empress appy said...

بطوط حبوب
==========

ايووووون طيب ميعملهاش غير بتوع مصراوى يعنى مش عيب والله بجد بقيت اخاف عليهم من كتر النفخ اللى بيعملوه ده
نورت يا بطوط






صاحب المضيفه
==============

لا دى لسه مجتش فى مصر هسال لك لو فيه مستورد اقولك ههههههههههههه
نورت الكوكب

Empress appy said...

فى حب مصر
==========
ايوه انا عارفه مش هتتهد الا لما اقتلك انا رديت عليك
وعموما انا مش باكرهه ناصر انا مقدرة الظروف اللى فيها بس كرهت تصرفات غلط البوست ده اغرض منه هو بيان الحقائق عن التاريخ فهمت يعنى مينكروش دور نجيب ومش يمجدوا فى هباب الطين اللى دلوقتى بس
نورت الكوكب وترجع بالسلامه





حبيبه القمر
=============
يا نهار يا ضنايا لا يا حبيبتى كانت صح اوعى تزعلى نفسك دى الحاجه الصح هى والشهداء اللى ماتوا معلش معلش مش هضايقك تانى
نورتى يا بيبه

Empress appy said...

oss
=====
ههههههه لا مجبتش الديب من ديله بس حبيت اعرفهم انهم مكشوفين قوى
وبعدين مين كلب السرايا ده اللى بتقول عليه نورت الكوكب





حسن حنفى
==========
لااااااااا اللهى يسترك شكرا بلاش تيجان دماغى وجعانى

Empress appy said...

حماده زيدان
=============

روق روق يا عم الحاج انت ناوى على مارينا معايا اه بجد علشان نقعد وتحكى ليه قصصك بدل ما اقراها على النت ههههههههههههههه
وبعدين يفجروا الكوكب هو انا يا ابنى اصلا غلط لا انا بقول ان له عيوب عادى يعنى ما السادات له عيوب وحسنى كله عيوب عادى يعنى هههههههههههههههههههههه








Lady E
=========
انا مش بخاف وانتى مش تخافى عليا يا قمر
نورتى الكوكب كله

Empress appy said...

عيله مفتريه سابقا
=================

اموت فى النداله يا جدعان هما دول الاصحاب ولا بلا
ههههههههههههههههههههه





لماضه
======
امسك يا جدع الدكتورة بتتخلى عنى طيب هعترف واقول انك رئيس التنظيم كله والطبيب المعالج ههههههههههههه
نورتى يا دكتورة

Empress appy said...

مصطفى ريان
===============

اكيد اكيد اى عصر غير ده احسن وانا معاك ولكل اخطائه
ما عدا اوسنى الوحيد اللى كله اخطاء هههههههههههههه






مواطن مصرى نايم
================

اولا طبعا لازم تحامى لانا جعان مش انتم اسمكوا واحد هههههههههههههه
ماشى يا اسلام

ثانيا مزة فى عينك دى شبه الخنفسه الدكر
ومش بحب كلمه مزة دى وحشه يا نيله انت

واخيرا ايون هو اللى مسك النبله ونشن على اول طيارة ههههههههههه
نورت يا اذى

Empress appy said...

لورانس العرب
==============
ايون فيه بهاوات وبشاوات وانا مش ضدهم هههههههههههههه
بس ضد الناس اللى بتيجى على الغلابه الباشا مش بفلوسه سا لورانس الباشا او ابن الناس المحترمه مش زى ما الافلام صورتهم
لا ابن الباشا هو اللى مؤدب ومحترم حتى لو فقير الغنى بأخلاقه قبل فلوسه
ولا انا بنكر دورة بس مضايقه من التاريخ اللى بيزورا بيه كل حاجه
نورت يا معتز الكوكب




احمد
====
والله يا احمد احنا اللى سمحنا له انه يفضل فيه بقولك ايه تعالا نشيل الكرسى مع بعض هههههههههههههه
نورت يا احمد

Empress appy said...

wanna b a physician
=====================
احنا هنشكر ربنا انه مدينا الصبر على الناس دى بس
نورت يا دكتور





الامبراطور
=========
ميرسى ليك ونورت الدنيا

tarek alghnam said...

ابى
ازيك الاول
عامله ايه
انتى مالك برؤساء المحروسه
ولا مالك بالريس متقال حتى
يابنتى كلى عيش
اى خاجه فيها كلمه ريس ابعدى عنها
اتكلمى على اى حد الا عن اى ريس
ثانيا
الطبقه محدودة الدخل
الحكومه حتعملهم ايه ولا ايه
مش كفايه المبيدات المسرطنه
مش كفايه الفشل الكلوى والسكر والضغط
مش كفايه وجع القلب والامتحانات والدروس حت فى الصيف
الله يكون فى عون الحكومه
لو اتكلمت مش حخلص
بس عاوز احييكى
ودمتى رائعه كعادتك

Anonymous said...

كلام زى اللوز يا بت يا ابى يا بتنجانى
واكتر حاجه فرسانى العيش بتاع الحسين
حسبنا الله على دى دوله تييييييييييت وحكومه تيتييييت تيييييت تيييييييييييييييييييييت

و انا موافقه على كلام الريس لاااااااا متفهميش غلط الريس محمود مش متقال لا سمح الله
:))))))))))


يلا بخاطرها ام عز

Mahmoud البطراوى said...

مبقتيش تسألى بقالك فتره قلت ادخل اشوفها علقت على الكومنت ولا لأ؟؟
:)

ايه يا بنتى انتى فين؟؟

في حب مصر said...

السلام عليكم
اسمحيلي سموك انزل هنا ردي على تعليقك على مدونتي بخصوص الثورة وعبدالناصر
اولا نتفق تاني ان الاختلاف في الرأي لا يفسد للود قضية
ثانيا 23 يوليو كان اسمها ثورة مش انقلاب عسكري.. ثورة بكل معنى للكلمة اطاحت بنظام قديم فاسد ووضعت اسس نظام جديد قائم على المساواة، صحيح كان فيه اخطاء.. بس دي طبيعة اي ثورة انها بتوقع في اخطاء وبعدين بتصحح نفسها، زي ما حصل مع الثورة الفرنسية اللي بدأت تاريخها بارهاب غير مسبوق.

بالنسبة بقى لموضوع الاشتراكية والمساواة الاجتماعية.. الفكرة في حد ذاتها مش كانت غلط..لكن الغلط كان في التطبيق.. وبعدين مش علشان فيه بعض الناس تضررت من قوانين تحديد المليكية الزراعية والتأميم يبقى غلط ان الراجل يفكر في تحقيق المساواة الاجتماعية.
انا ليل سؤال واحد: الناس اللي كانت بتملك آلاف الأفدنة والعزب والقصور كانت جايباها منين.. مش من النعم اللي منحها ملوك اسرة محمد علي من املاك الدولة لكل من هب ودب ولكل من يثبت ولاءه ليهم.. يعني في الاصل الحاجات دي كلها ملك الناس البسيطة.. والتفكير في انها ترجع لاصحابها كان سليم تماما.
صحيح فيه عدد قليل جدا من الناس الشرفاء تضرر.. لكن معروف في التاريخ ان كل ثورة ليها ضحايا.. لكن النتيجة في مجملها كانت ايجابية جدا جدا
وبعدين مش معنى ان ربنا خلق الناس فقرا واغنياء اننا نسيب الاغنيا يستعبدوا الفقرا.. ربنا مش قال كدة.. وبالتالي فكرة المساواة اللي فكرت فيها الثورة كانت متميزة..

رحم الله عبد الناصر

زفته وقطران said...

معكم علي الهواء مباشرة لكي يعطيكم الحكمه الاخيره
اللواء محارب قائد قوات الزفتاويه
زفته هانم
بصي ياابي ياحبيبتي
اكتر حاجه شلاني
انهم ايه يقولولك انهم جابو محمد نجيب عشان كانو محتاجيني رتبه يعملو بيها الثوره
طيب
جيبتو الراجل
كرموه بعد متشيلوه مش تزله اهله

ابي انت ظالمه
لان الشعب المصري كله
واقف وقفة رجل واحد
ف الوقفه المصريه
والله انا خايفه تتطلع وقفه العيد بيحضرولها

معلش ياابي اني مكنتش بدخل الايام اللي فاتت بس انت حبيبتي
اختك خلاص رجعت من الاجازه
سلميلي ع الخروف

واد غلبان said...

عبد الناصر ما كانش ملحد طبعا
انا كنت بادى مثال على الاشاعات فقط
وغالبا ما تكون هذه الاشاعات مجرد رأى شخصى
==============
هو يعنى حسنى مبارك"حفظه الله---- فى جهنم"
****برضو

Empress appy said...

طارق الغنام
===============

ابعد اروح فين هما اللى لازقين فى قفانا لما ورم
نورت يا استاذنا الكوكب





shayma
========
لا يا شيمو بلاش تتاغظى الغيظ الكبير جاى فى الطريق نورتى يا قمر

Empress appy said...

بطوط حبوب
==========
وانا اقدر انسى ما انت عارف بقول اسمك خمسين مرة فى اليوم علشان بنادى على بطوط عربيتى هههههههههه عسر مرور والله يا محمود وشغل بس سورى وانا جاااااااااى





فى حب مصر
==========

اهلا بالمعارك ماشى يا سيدى سموى سمحت الكوكب بتاعك وطبعا حتى لو اختلفنا مش هقتلك خالص اوعدك هههههههههههههه
بص لا هى انقلاب لان الثورة لابد ان تكون قائمه من القاعده اللى هى الشعب اللى نظم للانقلاب العسكرى الظباط الاحرار ومكنش حد من المدنيين يعرف
وعلى فكرة ده فى حد ذاته كويس جدا وانا مش ضده ابدا لالعكس انا مبسوطه بيه وده لازم تعرفه اولا
ثانيا كون عبد الناصر قضى على الاقطاع كان لازم يفرق بين حراميه القصر والناس الشرفاء ومكنش ينفع يبقى فيه ضحايا زى ما بتقول لانه طلع الغل اللى جوا الناس واتوجهه غلط يعنى واحد اتظلم وكان عبد عند واحد قام ناصر نصفه طلع غله على الكل مش على اللى ظلمه وبس
فهمت اللى اقصده
واحنا متفقين ان النظام بتاع تطبيقها غلط
تعرف تقولى ليه شال نجيب ومش بيذكره
بس
ثانيا انا ضد طبعا ان الاغنياء يستعبدوا الفقراء
بس برضه اولاد الناس الكويسه مش بيعملوا كده انما اغنياء الحرب او الشبعه بعد جوعه هما اللى بيعملوا كده وبص على كلام نوراة وتعليقها عندى وردى عليها وانت تفهم
نورت وسعيده بمناقشتك

Empress appy said...

زفته وقطران
===========

حبيبتى ازيك انتى يا رب تكونى بخير وبعدين سيبك من العالم الوحشه دى دول ماشيين بقفاهم





واد غلبان
===========
ههههههههههههه ايون انا عارفه بس حببيت اتأكد مش اكتر
نورت الكوكب

كوارث said...

تحيا مصر هي أمي نيلها هوا دمي كالعادة
هممم
بلاش اتكلم احسن
دحنا عندنا كمية فضايح من اول رجالات الثورة لآخرها !!
اللى هوا حسني
هههههههههههههههه الرئيس حسني امتداد لثورة يوليو .. وقضى على الاقطاع وبيحب النظام الاشتراكي
صباح الفل

Diyaa' said...

thats the least number of comments at post of urs besm ellah ma sha2 allah
1st i'm diyaa..thx for the ride :))
2nd..as u told me u want to talk to me..its not granted that i can catch the soonest meeting ..so i prefer when u can come online u add my yahoo
infernal_themind2050@yahoo.com
or infernal_mind2050@hotmail.com

i want to talk about the 1952 refolution too.

hey i didnt see u the same person at blog..u look more simple and not that honest !!
i mean wow..u talk about politics in the only way we should talk about politics..but there is one thing missing..we shall start from the roots..so remind me with that point when u decide to add me
last thing for now..i'm not rich enough to have a better connection..too bad 256kb from link.zeft ..cant u make ur blog back ground in lower resolution ? cuze it takes big time to open ur blog..special one hehehe
glad to meet u :)

Diyaa' said...

sorry for talking in english but i'm just home too late..after mid night and i was dizzy like u so u can imagin.i'm too lazy to use arabic letters lol
just didnt want to forget the ppl whom i met so i added them to my list of blogs at the computer not the blog
not yet
salam

Empress appy said...

كوارث
=========

والله ما بقيت اسمع تحيا جمهوريه مصر دى دى بينها رجعت ملكيه تانى نورت يا مصيبه







ضياء
========
اهلا بيك
بس قولى هونست دى يعنى يا خويا مش امانه
ولا انت تقصد يعنى يعنى انى شكلى غلبانه ومليش فى حاجه وانت اتصدمت فيه
ياال معلش هسيبك تهيس علشان اللى كنا فيه نورت يا ضياء

انسان وبس ! said...

هو من حيث انها ثوره فهى تعتبر ثوره بجد فى بدايتها
- ورأيى انها ثوره حصل عليها انقلاب !
ايون لما اختلفوا واعتقلوا نجيب ، وبقوا بدل ما يشتغلوا على تحقيق اهداف ومبادىء الثوره لا بقوا خايفين على كراسيهم من بعض ومن الاخرين من بره ومن جوه .
- منكرش ان الثورجيه دول او العسكرييين دول عملوا بلاوى فى البلد ، وخصوصا فى مجال الحريات ، الا انهم وبفضل الله خلصونا من الحكم الملكى بكل مساوؤه
وعملوا مشاريع بجد كويسه زى السد العالى ومصانع الحديد وكده ويكفى تأميم قناة السويس ، اللى كان عمر الملك ميفكر ييجى جنبها

- نيجى بقى على اللى بتقولى عليه الريس متقال
- وفى البدايه وقبل الى كلام وباعتراف جزئى من الحكومه نفسها ومن شخصيات حزب وطنى ديمو كراتى فالبلد مليانه فساد ، وكوسه وكوسه وكوسه ، وفساد!
بس صراحه انا كتبت الموضوع ده

بعنوان كلام فى السياسه
وعشان مطولش اكتر ادى الرابط بتاعه
http://mahmodhandol.blogspot.com/
الموضوع بعنوان كلام فى السياسه
وربنا يستر

Ehab said...

عم بتجول ايه البت دي
يا حمدان يا جعران
نادم على هنداوي ولافيني البندجه خليني انشها طلقتين في خرفانها
يقطع الخرفان على المعيز على الجديان على الكل كليله

مالك يا بنت انتي ومال الزعماء الطيبين الحلوين المقطقطين دولهم
هو انتي كنتي عايزاهم يدوكم البلد بعد ما تعبوا وحرروها ولا هو انتي بتحسبي الدنيا حلوه وبمبي زي ما جالتلك البنت مجصوفة الرجبه سعاد بنت حسني عجولك ايه
الولد محمد نجيب ده كان عايز يرجع البلد بس مش للشعب ده كان عايز يرجعها للباشوات يعني اللي عملته الثوره يضيع في الكازوزه يا قله راحم هم ملعون ابو خاشهم كلاتهم حابسينه ودفنوا على اسمه بطين متعاص جله وبعدين جه عبد الناصر الله يرحمه راجل ملو هدومه وعمل ليكم لازمه يا شوية غجر بدل ما كان زمانك بتلعبي في الحاره يا جاهله اداكي التعليم والكرامه وعمل لبلدك قيمه كبيره وفتح مصانع والدنيا بجت زي الفل صحيح مكملش لأنه الله يسامحه بجى قسم التركه على صحاباته العسكر وهم اتنيلوا خربوها اصل مينفعش الجعان يحكم خير بلد بحالها وهم كان فيهم ناس جعانه قوي
المهم هو راح مطرح ما راح وجه اللي خربها على الأخر بجى وقلبها كباريه كبير " جال رئيس مؤمن جال" المهم يعني مشي على خط اللي جبله بالأستيكه وخربطها على الأخر حتى الحرب عمل بعديها سلام منيل ولا كأنه رقاصه في فرح وبتدي اجدع سلام خلانا عرة المنتصرين المهم يعني راح برده في الوبا مع هنادي وجانا اللي ما فيش فيه رجا
وده مش محتاج وصف وحديت ده معلم كبيييييييييييييييييييييييير
مش هاجول عنه حاجه ليجي يحرج الكفر كلاته

======================

العيد جرب اعلفي خرفانك كويس عايز خروف مليح اكده علشان ادبحه في العيد الكبير
=======================

عشان تحرمي تقولي الملفيه يا فلاح

سلااااااااااااااااااااااااااااام

Empress appy said...

انسان بلا عنونان
================
اهلا بيك يا انسان وحاتر هروح اشوفه جرى

نورت الكوكب كله






الشنكوتى
===========
الفلاج جه هنا ونورنا يا دى الهنا
بقى بزمتك مش مكسوف وانت مش بتحب الملفاى يعععععععع عليك فلاح فلاح يعنى طيب ليه نظلمهم والله فيهم اللى عارفينه هههههههههههههههههههه

نورت يا شنكوتى وبجد مبسوطه انى شوفتك فضلت يومين عندى كوابيس هههههههههههههههههههههه

Share |