يا مصبرنى على الوحش



بصوا بقى من زمان كده وكنت كل يوم والتانى اسمع عن واحد اسمه غبى الوحش محامى
طبعا كلكم عارفينه
وعارفين انه قاعد فى الشارع ليل ونهار يدور على نمله لابسه مايوة مش شرعى يرفع عليها قضيه التحرش بصورصارات او يعمل لها قضيه ممارسه البصبصه على النواصى
امبارح بتفرج على روتانا وفجأه لقيت وفاء الكيلانى وطبعا دى انا بموت فيها لجرئتها ورقتها وعقلها بصراحه فى برنامج ضد التيار
وفجأه لقيتها جايبه الاستاذ الليمونى نبيه الوحش البيه مخلاش حد بجد الا لما رفع عليه قضيه وافكارة رايحه فى شجرة ومش راجعه
بجد فيه قضايا انا معاه فيها بس هى هايفه
يعنى من اولى يرفع على وزير الداخليه قضيه علشان شعار الشوربه طيب يشيلوا الشعار يرموه يعملوه بادج ويعلقوة على عربيتهم ومشوها عربيتهم ههههههههههه
هو بيفيدنا بايه
ولا فى المقابل يرفع قضيه علشان التعذيب اول تناقض
قضيه دينا فى المدارس اللى رقصت يرفع عليها قضيه او على المدرسه ولا يحرك الشرطه انها تمنع بيوت الدعارة اللى مترميه فى كل مكان وتحت الكبارى ولا الكباريهات اللى قرفانا فى عيشتنا ورقصين استغفر الله العظيم عليهم
يرفع قضيه على ممثل سورى قال ان مصر كونها اول حاجه فى الفن بما معناه ان ده مسئوليه كبيرة ومش رياده وبس ولا يرفع قضيه على الخنازير اللى بيقتلوا اولادنا كل يوم على الحدود
يرفع قضيه على عبير صبرى اللى قلعت الحجاب ولا على حماده عزو ونظيف اللى خربين بيتنا
هو انت ربنا يا عم انت هتحاسبها ليه انت مالك يقولك بطبق الشريعه (البيه بتاع الشريعه لابس دبله دهب اصفر وواحده تانيه فضه فى ايده ) طيب ما تطبقها على كله اللى بيسرقوا البلد واللى بيغتصبوا كل يوم والتانى اولادنا واللى بيرجعوا متحملين فى نعوش من الغرق
وعلى عمرو دياب انه أسأ لمصر ولا اولى يفع قضيه على اللى بيطبعوا مع اسرائيل ولا المركب اللى اضربت فى ليبيا والاهانه اللى بيشوفها المصريين
انا عاوزاكم بس تلاحظوا الاسماء اللى بيختارها

يرفع قضيه على تامر حسنى وفيلم عمر وسلمى علشان الافيش مش فى سياق الفيلم ويتهم السبكى انه جزار وملوش فى الفن ونصب نفسه انه هو اللى بيفهم فى الفن ويقول تامر مينفعش انه يكون قدوة للشباب ليه يا سيدى بيلبس القميص ويفتح صدرة (ملحوسه البيه امبارح الكبير فى السن صعيدى الاصل لابس قميص وكرافت ليمونى لا تعليق منى (وش مدلدل مناخيه وعويناته بتوجعه) وده اللى بيتكلم عن الذوق يقول تامر هربان ومزور
وهنااااااااااا القصد بقى من اللى هقوله اولا تامر ولا غيرة مينفعش نأخده قدوة ممكن يكون بيلبس كويس والشباب او بعضهم بيبصوا عليه مش مشكلتى خالص بس الاهم انه بيتكلم تهربه من الجيش بزمتكوا وبحياديه جدا كام واحد اتهرب من الجيش بواسطه او بطبى او برشوة قولوا كده طيب ما يلاحق دول بقى احسن ما يبص عليهم انا شخصيا اعرف ناس كتير ومنهم والله قرايب ليه

السبب ان الجيش دلوقتى بقى قهر على الواحد بجد وذل ويا ريت بيروحوا يتعلموا حاجه دول الظباط مبهدلينهم جدا
بس فى المقابل انا واثقه من اولاد بلدى ان يوم لاقدر الله ما يحصل حاجه فى البلد الصغير قبل الكبير بنات واولاد هيقفوا ويحاربوا
الجيش مبقاش للحرب دلوقتى ولا بيخلق رجاله بيخلق ذل وانكسار جوا العساكر انا فى طريقى منطقتين وبشوفهم عاملين ازاى
نرجع تانى له مواقف كويسه انه رفع قضيه على نجلا ودى متدخلش مصر كويس بس ميخوضش فى اعراض الا سورى اذا كان البيه يعنى على درايه كبييرة وخبررررررررررة (وبلاش نيه كويسه انا ولا قولت انهم رفضوا يقابلوه ولا حتى انه بيشتغل دش ) وكان معاهم خطوه بخطوه انا طبعا مش بدافع ولا عن حد فيهم بس يبقى بالعقل لما اتهم حد
مش فاهمه هو كان مع روبى يعنى ولا دينا ولا بوسى زفت الطين ولا نجوى فؤاد
وكله كوم وميرنا المهندس كوم لبست الحجاب وقلعته مسلمتش منه وقالك دول بيأخدوا فلوس يلبسوا الحجاب وفلوس يقلعوه
والراجل ده كداب كدب بجد مش ممكن قالك انا مع المسيحين ومش ضدهم وبساندهم طيب ها وبعدين والقضايا اللى عملتها وموضوع التنصير اللى ماشى وراه يقولك لا انا مليش دعوة وبعدها وقع بلسانه وجاب اماكن تنصير فى المحله بعناوين واتهم ناس بالعماله ولما قالت له مرفعتش قضايا ليه يقولها رفعت واتحفظت لاسباب امنيه وسكت زى الماعزة ودى كمان خدوها علشان تعرفوا كدبه الوحش فى خناقة مع نخلة على الهوا : المساجد بتقفل بعد كل صلاة والكنائس 24 ساعة
بجد الراجل ده اللى فاهم شخصيته يفهمها ليه انا نفسى افهم له وضع بس بجد طول عمره محيرنى جدا ومش فاهماه وعجبتنى جدا والده طالب من المدرسه الفرنسيه لما قالت له انت بقى مين عينك واصى على الشعب المصرى احنا من طبقه معينه ودى حياتنا انت مالك ومبنحبش حد يدخل في حياتنا ولا يعمل واصى علينا وبعدين عممت الكلمه على الشعب كله والله برافوا عليه وليه بقول برافو لان رده كان هباب فكرنى بواحد فى الحزب الوطنى هحكى حكايته بعدين لما يرد بعدها على وفاء ويقولها هى جاهله بالدستور وبحافظ على الفضيله والاخلاق انهى فضيله دى وهو سايب كباريهات درجه 95 مفتوحه انهى اخلاق وهو مش بيرفع قضايا فى التعذيب انهى اخلاق وفضيله وهو ممعناش صوته فى الغلاء ولا فى الاضرابات ولا فى غرق عباره ولا فى موت البمبوطيه
انا من موقعى هذا بقوله اتنيل على عينك واتعلمها الاول وتعالى اتكلم بيها
طيب انا هسيب لكم الحكم ده بيحافظ على ايه بجد فهمونى يمكن مش فاهمه عنده خمستلاف قضيه وبيمسك فى الهيافات لو قعدت اعد اللى المفروض يعمله بدل الهطل ده مش هيخلص والمصيبه اللى فى الاخر وختم بها اللقاء الفزيع اللى اتحملته وانا بأكل كيلو مانجو وعنب وتفاح انه هيطبع كل الدعاوى دى فى كتاب على أجزاء طيب انا شريرة وعندى نحله ودبور واحد بيطبع المحاضر ليه قولوا انتم بجد هيدرسها لبتوع الشرطه ولا للمحامين اللى فى الشارع ومقلش ليه رايه فى هند صبرى بصراحه علشان هى محاميه ولا علشان ايه
انا نفسى اقابل الراجل ده واقوله الكلام ده اللى يعرف يوصله له يقوله فعلا يا مصبرنى على الجحش
بجد لازم الناس دى تفوق لازم الناس دى تقف عند حداها بجد متعملش ابطال على حسابنا وهو فى نظرى مش بطل ولا عمرة هيبقى بطل

المفجأه بقى :- انه رافع قضيه على روتانا ومنع بثها فى مصر لانها مش واخده تصريح ورايح يصور معاهم طيب دفعوا لك كام يا بيضه وابقى سلم ليه على الاخلاق والشرف والفضيله وده واحد من ضمن الالاف اللى عاملين ابطال وعاوزين شهرة على قفانا يا جدعان قفانا مش متحمل ولما تحبوا تعملوا ابطال اعملوها فى الصح مش الغلط احنا مبقناش شعب غبى ولا عمرنا هنكون كده

ملحوسه من واحده متغاظاه:- فيه بوست على بيكيا بس يا ريت بلاش نأخد الموضوع هزار احسن لكم ولا اوريكم النطح على اصوله

كان معاكم سعاده محامى اول دكتور طبيب صياد آبى هانم بتنجانى

125 اخبط وقول رايك:

انين الحزن said...

ابي

وحشاني ياقمر عامله ايه

الف مبروك ليكي بس معلش متاخره

ومبروك علي النيولوك بتاع المدونه شديد اوي

سلاموووووووووز
وزة

HERO said...

اولا مبروك على شكل المدونة الجديد انا لسة اول مرة اشوفه دلوقتي
ثانيا زي ما انتي قلتي ده واحد جاهل عايز يتشهر على حسابنا علشان كده بيخبط في الحلل ومش بعيد يكون واخد فلوس ومن امتى سمعنا عن واحد رافع قضية من النوع ده وكسبها يعني هي فرقعة كلام على الفاضي

تحياتي

fatma said...

معلش خليكى انتى الكبيرة بردو
الدنيا مليانة ناس منافقين زيه كده
بس شكله كده اهبل على فكره بالمونى بتاعه ده

دكتور بهــدوء said...

دا العاتشي بتاعنا دلوأتي يا ابي

خالف تعرف
وان لم تجد من تخالف
خالف نفسك

ويجعله عامر

قوس قزح said...

صباح الخير يا ابى

دايما بوستاتك بتفوء على الصبح :)
الرجل ده سمعت انه من اكبر المحامين فى البلد نتيجة القضايا اللى بيرفعها للفت النظر
بس مقدرش اقول رائى فى شخصيته لانى فاتنى البرنامج ده
هدور يمكن الاقى له حوارت على النت

و ارجع تانى لكى اقولك اخر اخبار البحث الانترنيتى

رئيس جمهوريه نفسى said...

الخصها ليكى يا ابى يا بتنجانى
كل محامى بينتظر قضيه مسمعه فى البلد اوالمنطقه الى هو شغال فيها تعمل ليه اسم
الاخ ده بيختار قضايا تسمع فى مصر كلها بعض الناس تقولك احنا نجيب فى القضيه بتعتنا المحامى الى اشتكى فلان ولا الى رفع القضيه العلانيه وعلى فكرة ده فضا من الشغل اهو بيشغل المكتب ويعمل لنفسه اسم بقضايا بيرفعها بنفسه
المشكلة القانونيه انى بيشترط القانون لرفع اى قضيه شرط المصلحه بمعنى انى الانسان يكون ليه مصلحه فى رفع القضية دى لا خلاف عليها
المصيبه فى الماده الى وراها على طول او احتمال تحقيق مصلحه والنص ده لو متقننش فى قانون المرافعات حتبقى مصيبه كبرى لانه بيفتح الباب للقضايا دى الى اسمها قضايا حسبه
كفايه كده علشان تسالى وتجاوبى ونكسر قلل ونرش مياه زى زمان على بعض

Hosam Yahia حسام يحى said...

ماشاء الله التصميم بتاع المدونه راااااااائع

وياااااااارب يصبر حضرتك ياااااااارب

صيدلانيه طالعه نازله said...

تحسى كده انه عايز يتشهر و بس يعنى بيرفع قضايا على ناس اصلا فيه جدل حواليها و بالتالى القضيه يتكتب عنها و اسمه بالمره يتكتب جنبها و انتى عارفه الباقى بقى لقاءات فى التلفزيون و الجرايد و الورنيش التلميعى يشتغل

Hosam Yahia حسام يحى said...

وماشاء الله انا سابع تعليق مش عارف ازاى بس انا رجعت لصفحه المدونه الرئيسيه ولقيتينى فعلا كده

:)

A.SAMIR said...

الوحش مدعي شهرة ليس اكثر
مدمن شهرة
بس العيب على الاعلام اللي بيلمعه اكتر واكتر
اي نعم هو بيتناول قضاياه من باب طرائف وعجائب بس برضة هو السبب في تماديه في الهسس دة
تحيااااتي

فارس بلا جواد said...

ازيك يا ايبى
انا سمعت عنه فعلا
بس الحقيقه هى دى الطبيعه الناس دايما بتالجا للناجح والمشهور معتقده انه شاطر وهيعرف يشتغل كويس وده مش فى مجال المحاماه بس لا كمان فى الطب والتدريس وغيرها من العلوم


بوست جميل

حياتى

Abo 7anf said...

السلام عليكم
بما ناى ادت يومسن اجازه من الامتحانات
قلت اعدى ابص
بس الوحش دا محامى مشهور
زى المطلع عينى الاسمو مرتضى منصور
زملكاوى بقى
بس دى ناس بتدور على الشهره
وللاسف الاخبار دى بق بتهم ناس كتير
دينا عملت ايه فلانه اتحجبت فلانه اتجوزت
بيعمل شو
شهره
وبعدين تامر يتاخد قدوه
والواحد نفسه يبقى زيه
دا فى القسم الكلام دا

Migo Mishmish said...

ابي الجميله
مبروك على النيو لوك انا شفته من اول ما عملتيه بس الكمبيوتر اتفيرس بعيد عنك وبعد ماتصلح خط التليفون قطع. كنت هاطق من الفراغ المهم انا مش عارفه ديه مشكلة عندي علشان كمبيوتري بعافيه شوية ولا ده عند الكل المدونة بقئت تقيله شوية يا ابي ده رابع مرة احاول افتحتها وهي ديه اول مرة تكمل
المهم الحمدلله اني ماشفتش الجحش ده لكني اسمع عنه طبعاً وإذا كان لكل إمرء من اسمه نصيب فصاحبنا اسم على مسمى
زيه زي بقيه الجهله اللي ظهروا لما المثقفين اللي في مصر ماتوا او هاجروا
وفي واحد تاني برضه لا يقل خطر عنه وهو يوسف البدري. انا مشفتش حد مخه مضلم زي الراجل ده
ولا يهمك يا ستي كل ده عادي انه يحصل في مدينة البهائم
Love,
MishMish

dina said...

و الله انا شفت الحلقة بردو و انا معاه فى حاجات و ضده خااااااااالص فى حاجات تانية و وفاء سألته على حكاية انه متصدر فى الهايفة دى قالها انه مش عارفة رفع قواضى على احمد عز و لا ايه و اعد يحور كدا....بس بجد وفاء جامدة جداااااااا

يمكن القضية الوحيدة اللى كنت معاه فيها القضية اللى رفعها على وزارة التربية و التعليم عشان دينا لانى فعلا شايفة ان المدارس ماينفعش تتطور كدا و ان المفروض الوزارة تفرض شوية رقابة عالموضوع لان دى مدارس ثانوى و فيها ولاد يعنى سن مراهقة و سمعنا طبعا عن التصوير و الحوارات دى اللى حصلت و بردو انا ضد ولية الامر من المدرسة دى اللى جابتها وفاء و بررت دا بأنهم صفوة المجتمع مش فاهمة يعنى ايه صفوة و الباقى ايه يعنى
ما علينا
بس انتى فعلا معاكى حق فى نقط كتير

مواطن مصرى نايم said...

هههههههههههههههههههه

ليا ملاحيظ عالموضوع
اولا : الراجل ينفع يلبس دبله دهب فى حدود 2 جرام دا حلال فعلا

ثانيا : تامر حسنى فعلا مينفعش يكون قدوة للشباب
الشاب ممكن يكون رومانسى و عسول و جان و امور و استيل بس ميكنش مايص

ثالثا : الوحش و الا الجحش دا بطيخة قرعه اصلا بيرفع القضايا دى عشان يتشهر
يعنى محامى ربع كم و لا يساوى تعريفه

بس راجعى نفسك فى موضوع تامر
هههههههههههههههههههههههههه
بجد انا مش بهزر
تامر بالذات لا مينفعش
راجعى نفسك احسن اسرق الخرفان و الدبور و النحلة
و اطلب فديه اخر شريط لتامر حسنى عشان اكسره قدامك
هههههههههههههههه

بوست جميل يا ايبى
eslam

appy said...

انين الحزن
**********
وزة يا حبيبتى حمد لله على السلامه
وحشتينى خالص نورتى يا قمر





hero
*****
الله يبارك فيك يا هيرو عقبال العتبه الجديدة عندك يا رب لا المشكله انه بيكسب بس مش بتنفذ يا ريت يوجهه مجهوده فى حته كويسه نورت الكوكب

appy said...

فاطمه
******
اعمل ايه بس يا طمطم اعمل ايه افضل الكبيرة كده على طول وافرقع يعنى ما يعملوا حاجه الناس دى اووف يا ربى يالا معلش علشان خاطرك يا قمر نورتى يا طمطم





دكتور بهدوء
***********

مرارتى يا خويا اعمل ايه فيها تعالجها انت بقى ولا ايه هههههههههه نورت يا دكتور

appy said...

قوس قزح
*******
انا خايفه على مرارتك دورى براحتك يا حبيبى وفكرى وتعالى ردى بقى براحتك اذا كان عندك مرارة لسه ههههههههههه نورتى يا قمر






رئيس جمهوريه نفسى
***************
ده مستفذ ربنا ينتقم منه بجد يا محمود لو المحامين كده يبقى يا رب نخلص منهم يا رب بجد دول المفروض يكونوا ناس عندهم ضمير
يالا جته قله فى دماغه وخروفين ينطحوه ولا بلاش خرفان يجلهم تسمم ولا حاجه نورت يا دودو

appy said...

حسام يحيى
**********
اهلا يا حسام ازيك اعمل ايه بس يا رب يصبرنى نوورت ومبروك عليك التعليق رقم مش عارفه كام هههههههههه






صيدلانيه طالعه نازله
********************
المشكله انه فاكر نفسه علامه من علامات المجتمع يا شيخه حاجه تغيظ وهو جاهل تماما
نورتى يا قمر وشوف لنا سم فيران عندك ليه

appy said...

a.samir
********
يتلمع ايه بس هو ده حد ينفع يلمعه لو جبنا كل ورنيش الدنيا ولا هيعمل معاه حاجه ههههههههههههه نورت الكوكب كله






فارس بلا جواد
**************
بس ده غبى بجد لو حد فكر يلجأ له ومشهور عنه التخلف العقلى مش عارفه ازاى طايق نفسه
سعيده بوجود يا فارس بجد

appy said...

ابو حنف
*******
ههههههههه ايون هو زى مرتضى زفت ده ربنا يستر على الناس منهم يا رب
وبعدين انا مبقولش تامر يتأخد قدوة للشباب فيه ناس فعلا بتبص للبسه عادى يعنى بس انا مبقولش عليه قدوة هو المتخلف ده اللى بيقول وانا مالى هتلبسوها فيه ليه بقى نورت يا زملكاوى يا محلاوى






ميجو ومشمش
*************
ازيك يا مشمشه والله المدونة بتفتح عادى امممممممم هتلاقى خروف واقف لكى فى الكابل بس ولا الجهاز عندك حران حطيه فى البانيو هيبقى فله ههههههههههههه
المهم ربنا يرحمنا من العالم دى بجد يا رب
نورتى يا مشمشه

aliaawwe said...

heyyyyyyy i am new in blogging world
this my blog adress
http://aliaawwe.blogspot.com/
للتواصل معى و قراءه تعليقاتكم فى مدونتى

kochia said...

حب الشهرة ولفت الانظار ده مرض
هو مش عاوز يعدل الكون
هو عاوز الناس تشاور وتقول هو ده فلان اللي عمل كذا
وفيه ناس كتير غيره بيحاولوا فعلا يعملوا الصح
ومش بيجروا ورا تليفزيون ولا جريدة عشان تصورهم

ده مرض
ربنا يشفي

appy said...

dina
*********
اهلا بيكى يا قمر بصى يا ستى تقصد صفوة المجتمع احنا بس بنفهمها غلط انهم الطبقه الغنيه قوى فهمتى او اللى تعلمهم بيكون خاص ده اللى بيقصد بصفوة المجتمع بدليل انها اتكلمت عن كل المصريين وقالت احنا من طبقه اجتماعيه تانيه
ثانيا موضوع دينا هو مرفعش قضيه عليها لانها زى ما شوفت كلمته فى التليفون وبعدين حفلات البرومو بيحصل فيها بلاوى كتير وبتكون خارج المدرسه يعنى دى جى وحاجات طيب انا معاكى انها غلط اوك طيب ما يصلحوا التعليم ولا هو التعليم باظ لما لاعيال اتفرجوا على دينا يعنى هما مش بيشوفها فى الحفلات العاديه والافلاح والكليبات يعنى مش مبدأ وبعدين ما يرفع قضيه على التعليم الهباب اللى عندنا هو غاوى فرقعه مش اكتر
طيب اقولك حادثه فى المقابل يا حبيبتى وتحكمى انتى بنت خالتى بتشتغل فى مدارس نيوفيجين ودى بتاعت مفتى الجمهوريه واعلانها كان بيجى فى نجوم اف ام ماشى وكانت الحفله انه المفتى هيصلى بالناس الجمعه وبعد الصلاه فيه حفله هيحيها كريم ابو زيد ودى بقى كانت على الملا ليه متحركش فيهمتى بقى هو بيعمل ايه






مواطن مصرى نايم
*****************

اولا : لا بقى انت هتفتى انا اعرف ان الدهب حرام للرجاله عموما ونهى عنه الرسول والقمصان الحرير واد انت انت جبت الكلام ده منين صبرنى يا رب على اسلام

ثانيا : اللهى اتطس فى صوابع الدبدوب بتاعى مقولتش يبقى قدوة ولا فكرت فيه يعنى عيب عليك انت بتفهم غلط لا يا بابا بقول بعض شباب بيلبسوا زيه وتامر مش كل لبسه وحش يعنى انا مقولتش قدوة زيه فى حاجات كتير فهمت ولا نووووو

ههههههههههه يا بنى اصلا اصلا انا مش بحب اشوف تامر انما غاظنى الراجل يعنى انت بتعيب على واحد فى قميصه ولا الجيش وانت الاتنين عندك بيظين فهمت وعنيه اجيب لك بوستر تامر ولع فيه يكونش مشاكلنا خلصت وتامر ده اللى هيوجع قلبنا ههههههههههههههههه
جتك خروف ينطحك فى دماغك اللى ملخبطه دى وبعدين انت قريت النحله والدبور هناك ايه رايك فيها بصراحه قول متنكسفش ههههههههههههههه نورت يا لولى

appy said...

aliaawwe
*************
يعنى المفروض داخل مدونة حد يبقى من الذوق تقرى الموضوع وتعلق عليه الاول وبعدين تسيب اعلانك وعموما نورت وميرسى جدا



kochia
*********
اللهى صوابعينه تتكسر اللى يشاور عليه ده جاب ليه غممان نفس بصراحه جدا ومش عارفه متحمل نفسه ازاى نورتى يا قمر

بحبك يامصر said...

ابى ازيك
يارب تكونى بخير واوعى تكونى بتنسى توصلى السلام لاسلام
دول ناس مجانين شهره وطبعا الراجل ده بيدور على احداث تكون الناس هتتعاطف معاه ومع قضيته زى قضايا خلع الحجاب دى
وتحياتى لكوكبك بخرفانه بدبابيره وبنحله برده

رئـــــيسـة حزب الأحلام said...

ازيك ياابى
بجد الزمن اللى احنافيه جاب لنا الضغط والسكر وكل حاجة حلوة بس هنعمل ايه لازم نتحمل الدلع اللى بيدلعوه علينا
حلوة اوى حكايه حمادة عزو دى ربنا يخليلوا مامته
تحياتى لكى ياقمر ونشوف بعض على خير انشاء الله

wanna b a physician said...

بصى يا ستى بقا الراجل ده فعلا انا مش باطيقه
واخر مره شوفت يوم المدرسة
وقعدت اقوله طيب وانت البعيد اهبل وانت مالك ياعم ناس عاملين حفلة فى فندق يجبوا دينا يجبوا بوسى وانت ايه حشرك ولا مش اتعزمت يعنى
الناس اللى من العينه دى مستفزه بجد وعامله فيها زى ما قولتى ابطال عالفاضى وهما بالونة وبس

كلبوشستان said...

بقولك باقي معاكي حته مانجه او شوية عنب ؟؟

mostafa rayan said...

بصي يا ابي انا مش معاكي انك تتضيعي وقتك في البرنامج بتاع وفاء الكيلاني دة
بصراحة انا شايفها مذيعة مستفزة واسئلتها بايخة قوي انا اتفرجت علي حلقة عمرو مصطفي وبصراحة اتنخنقت منها قوي
اما نبيه الوحش فهو اقل من ان تكتبي عنه بوست لأنه ليس اكثر من مدعي ومحب للشهرة فقط بدليل ان كل قضاياه عن قضايا فنيه لآنها تتيح له الشهرة
اما بخصوصو موزضوع تطبيقالشريعة فقد سأل احد السلف كيف نطبق الشريعة علي ارضنا فقال طبقها علي نفسك تتطبق على ارضك
تحياتي ليكي وسلام

Nsreen Bsunee said...

الله جامد اوى النيولوك ده تحفه الف مبروك عليه يا قمرى
:))

يا بت الوحش ده عبيط ومريض نفسياً متركزيش معاه ده مخه تعبان

مدحت محمد said...

اعتقد والله اعلم انه بيبقى هدفه الشهرة

كمحامى عايز يعمل لنفسه صيت

وموضوع انه يرفع دعوى على عبير صبرى انها خلعت الحجاب

بغض النظر ان الحجاب فرض

بس معلش مش من حقه
وكمان تامر بيفتح القميص وبيبين شعر صدره
يمكن عشان معندوش شعر فى صدره ولا حاجة
ههههههههه

بصى هو بيبقى عايز يعمل صيت

مالهاش تفسير تانى

تحياتى ليكى

الزواج.....روضة الحب said...

بصي أحب أعرفكإن أنا والا حاجة في الكمبيوتر،والإيميل بتاعي بيبقي ملخبط كدة لوحده علي طول
لما سعادة الأستاذ جوزى يصلحهولى هابعتلك نمرتي علي طول

شكرا والله يآبي لاستجابتك لية
بجد والله نفسي أكلمك

جنّي said...

المشكلة ياسيدتي في الأولويات فقد ترك أمور عظيمة ومسك في الصغائر ..

وقد تكون الشهرة سببا لقضاياه ..

شكرا

مواطن مصرى نايم said...

حتأكد من موضوع الدبلة بجد
و ابقى اقولك
لانى كنت سمعتها من فترة
و ناسى مين الشيخ اللى قالها لى
حفتكرة و اسأله تانى
ان شاء الله

بس حنقول ان اللى بيحب يلبس حاجة غالية يلبس بلاتين مؤقتا لغاية ما اسأل
البلاتين حلااااااااااااااال
ايوه ركزى معايا
الحرير حرام اه طبعا انا متأكد

اما بقى تامر
بجد الله عليكى
اجدع واحده بجد
مش بتحبى تشوفى تامر
ميه ميه عليكى
بجد فرحت جدا
هى دى العالم اللى بتفهم

يا شيخة ربنا يخلى لك اسلام يا رب
دا انا كده لازم اوصيه عليكى
ههههههههههههههههه

اما بقى حكاية اللبس بتاع تامر
شعبان عبد الرحيم برقبته
ههههههههههههههه

mohamed hesham said...

انا من موقعى هذا بقوله اتنيل على عينك واتعلمها الاول وتعالى اتكلم بيها ....

وأنا أضم صوتي لثوت حضرتك ...

والسـ ختام ــلام

alexandrany said...

عادي عادي ما تدقيش
ياما دقت ع الراس طبول

darkskies said...

مش عارف انتى حارقة نفسك ليه
الشخصيات دى لذيذة جدا زى مرتضى منصور كدة(سياده المستشار..ههه
يعنى دول تسمعى كلامهم وتشوفيهم عشان تتسلى كده لو زهقانه ولا حاجة
وتضحكى على طريقة تفكيرهم وسعيهم للبروباجندا

سبهللة said...

آبى يا حبيبتى
الراجل دة بيبحث عن الشهرة
نقطة ومن اول السطر

3ala asm masr said...

هو أصلا مش لاقى قضايا يترافع فيها ولا أحد معبره عشان كده بيدور على شغلانه يشتغلها
وبعدين فعلا مين عينه وصى علينا ومين اللى اداله لواء الشرف والفضيله عشان يتكلم بأسمهم ومين اللى عينه حاكم عشان يطبق الشريعه
ده راجل مبالغ فيه

blue-wave said...

والله مدونتك بقت احلى مدونه بحب ازورها:)
بجد مالكيش حل
واللى زى الراجل دا كتير
للأسف بلدنا بقت مليانه غاويين شهرة ومنظرة على الفاضى
بجد نفسى تنزلى بوست كل يوم

في حب مصر said...

انا مش فاهم ازاي بيجيلك طولة بال تقعدي قدام التليفزيون بتاعنا وتتفرجي على برامج حمارية قصدي حوارية زي دي
هو انا صحيح مش بحب الراجل نبيه الوحش ده بس ساعات فعلا بيثير قضايا كويسة
وبعدين تامر حسني فعلا هربان من الجيش وبصراحة انا بعد ما شفت فيلم عمر وسلمى احتقرته جدا لان الفيلم فعلا سافل بكل معنى الكلمة
قدوة ايه يعني اللي يمثلها تامر ده.. فعلا بقينا عايشين زمن رقصات نص كم

تحياتي

فاتيما said...

مش عارفة يا آبى وفاء الكيلانى دى مبحبهاش كدا
بحس إنها متصنعة فى طريقة كلامها و عندها ثقة لدرجة الغرور فى نفسها
ما علينا
أنا طبعا مبشوفلهاش حلقات بس قريت كتير عن الراجل التحفة دا و هوه مريض بالشهرة هتعمليله إيه بقى ؟؟
بس يعنى مفقوس قوى و الناس هرشاه
تحياتى يا بيبى
و إيه الغنوة الحزاينى دى ؟؟

سنووايت said...

ازيك يا ابي
انا متابعة مدونتك من زمااااان علي فكرة بس يمكن دي اول او تاني مرة اكتب تعليق
بجد الموضوع جمييييل جدا واستفزني اني اكتب تعليق
لان هو سر النجاح دلوقتي مبدأ خالف تُعرف
اي حد عايز يتشهر ويطلع في التلفزيون يعترض وينتقد ويندد ويشجب بالناس التانية الناجحين
وربنا يصبرك ويصبرنا ويصبر الشعب اللي خلاص وصل للأخر

هي دي اغنية مين اللي علي المدونة؟

Oss said...

خافى على نفسك يا آبى
ده ممكن يرفع قضيه عليكى

طب وهو ليه مارفعش قضيه على البيج بوس اللى داخل على 40 سنه
ولا ده خارج سلطته

ممكن يكون بيعمل القواضى دى علشان يدخل جينيس ؟؟

على فكره انا اول واحد هيشترى كتابه لانى متأكد انه هينافس كتب احمد رجب فى الضحك

تحياتى

mayada said...

بصي الراجل ده غريب جدا ياريت حد يحدد
موطنه الاصلي اكيد الغابات الاستوائيه

انا اتفرجت عليه مرتين مره بتاعه المدارس ودينا
والمره التانيه مش فاكره كانت ايه اصلا
بس كان فيلم كوميدي جدا جدا

bar2ash said...

السلام عليكم
ازيك يا ابي

شكل المدونه تحفه بجد
وكمان عايزك متشغليش بالك باللي زي ده انتي لسه صغيره علي الامراض دي

عجباني اوي الكرافات الليموني
هههههه


تحياتي

محمد الكومي said...

شوفي يا آبي

اغلب الظن ان المتخلف ده في حد بيحركه و بيقبضه كمان

على فكرة رغم اني اهلاوي موووووووووووووووووت

الاهبل ده رفع قضية اسقاط قضية عن عصام الحضري لما فلسع

شفتي الهبل وصل لفين

عجبني اوي نقلك للست اللي قالتله احنا من طبقة معينة و دي حياتنا

طبعا الناس بتستفز - بضم التاء الاولى -

لدرجة انها تقول في كلامها و تدافع عن تصرفات معينة بانها تصرفات لطبقة معينة

القصد ان الست دي تم استفزازها لدرجة انها قالت الكلام ده اللي معاها كل الحق فيه

تحياتي

محمد الكومي said...

قصدي قضية اسقاط جنسية عصام الحضري

الاهبل عايز يسقط جنسية الواد عشان لعب كورة اومال لو راح اسرائيل هيعمل فيه ايه

فزلوكة said...

بصى يا آبى هانم
ولا تنرفزى نفسك خااااالص

فى ناس بتحب الظهور ليس إلا
شايفة إن دا هيحققلها الظهور دا
ولو بالشكل إللى مش عاجبناه
وتتحجج بكل حجة ممكنة عشان تبرر بيها موقفها

لكن هقولك على حاجة
إحنا إديناهم الفرصة بردوا
جبناهم فى البرامج والفضائيات
عشان يكون فى إثارة
وفى النهاية الناس بتتفرج وبتتسلى
يعنى إذاكان هوا غلطان فإحنا كمان غلطانين

أهم حاجة إنتى بس تروقى
صحتك بالدنيا يا قمر

Unique said...

انا شوفت جزء من الحلقة دي على روتانا وكل اللي استفدته اني سمعت حد مستفز فعلا
كمية التناقضات اللي في كلامه يخلليكي مش قادرة تعدي كام مرة بيقول حاجة ويرجع ينكرها بعد ثانيتين
شخصية غريبة اوي
بس ازاي قدرتي تصبري قدام التلفزيون
وهو بيتكلم ! هههه

النجمة الصامدة said...

يمكن انا معاكي ف انه فعلا في قضايا اهم بكتير نهتم بيها بدل ما نشمي نتتبع كل صغيرة وكبيرة لناس تافهة اساسا

وكتير اصلا اخبار من دي بتكون مش معروفة لناس كتير وهو يشهرها بالهيصة والفرقعة اللي بتحصل كل شوية


بس الله يخليكي
هدي اللعب شوية وانتي تكتبي لحسن والله وانا بقرا اعصابي باظت وحاسة اني بركز بالعافية
:S

سلامات

Bongo said...

الشهرة كويسة بردو يا ابي
مش طلع في التلافايزيوووون ههههههه

اللي يعيش ياما يشوف

وومن said...

آبي

مش هاقولك وحشتيني علشان انتي عارفه

وبقيت كمان اقرا بوستاتك بالصدفة ( وش مخامصك )
نيجي بقي للمهم هو ماما دايما بتقولي مثل كدة بتعلق بيه أي حاجة مش عاجباها
" قال يابا علمني الهايفة قاله تعالي في الهايفة وتصدر "
ده تعريف الوحش ولا الجحش ده في كلمتين وبس
بالنوسبه لموضوع تامر ده انا اتفق معاكي ان الولد يبقي استايل وجان وامور وشيك انما مايع وسمج ودمة تقيل نووووووو
تحياتي

ابراهيم العشرى said...

ابى
دى تانى مرة اخش مدونة اقرا فيها
هى جميلة بس لية تعليق مش اى حد يقول حاجة يبقى جامد سواء حقيقة او كذب
وعموما ساعات الناس بتكذب علشان فلوس
او بتكذب علشان مظهرة
لكن اصعب حاجة هو حب الشهرة دة اصعب مرض اصعب من مرض حب المال
علشان كدا هو بيحب يرفع قضايا على شخصيات مرموقة علشان كلة يقول دا فلان عمل وسوى فى رجل الاعمال وبعد يوم او اثنين تلاقية خبط حزبة وبيتاسف تانى يوم
ههههههههههههههههههههههههههه
وهذة الابيات مهداة من ابراهيم العشرى
مدونة همسات قلب اليكى ابى


رايت فتاه قد اشعلت فتيلها
وصممت ان تكشف حقيقة عدوها
كتبت عنه فى مدونة الكل يزورها
انها ابى الذى عجز تقديرى لجمالها
فبدات اقرأ على الدوام بسطاتها
فكيف لشاعر مثلى ترك موضوعاتها
انها سيف على كل كاذب فيكون قتيلها
دعونا جميعا نصفق لـــــــــــها

اهداء
ابراهيم العشرى
مدونة همسات قلب

الى الانسة ابى

Vague said...

يا صباح البتنجان

مش عارف انا ايه ابي البتنجاني دي.. لو ليه قصة احكيهالي عشان انا فاضي


بخصوص المحامي ده فانا اول مرة اسمع عنه هنا.. بس يمكن يكون كويس(مع انك قلتيلي ياريت منحسنش الظن بيه) بس انا شايفه (من خلالك) انه عاوز يصلح برضه..بس خانته الطريقة اللي يصلح بيها
كويس انه يرفع قضيه على تامر شعر الصدر عشان القفيش ده بيتعلق فكل حتة فمصر
انما مالوش حق يرفع قضيه على شعر صدره .. هو حر فيه وان كان بيزعجنا

وليه حق يرفع قضيه على نجلا ..عشان الشباب مايبظوش
بس مالوش حق في موضوع عبير صبري.. ربنا هو اللي هيحاسبها


تحياتي
ادم

واحدة مفروسة said...

لأ يا آبي لأ انا زعلانه منك جداااا
انتي مش واخده بالك هه بيرفع قضايا على مين ولا إيه؟؟
دلوقتي هوه لو رفع قضيه على حد
والحد ده على راسه باطحه حيعمل ايه؟؟؟
حيروح جري يديله قرشين علشان يقفل على الموضوع

على فكرة سيرة الراجل ده ما جاتشي فى ميكي.....

sebofy7alo said...

مبروك على التجديدات
وبعدين دة ممكن يرفع قضية سب علني وحيجبنا شهود
علشان كدة اسمي سيبو في حالو
أبعدي عن الشر وخدي تاكسي
ههههههههههههههه
بوست قوي جدا

ahmed_k said...

في البدايه عايز اوجه تحيه كبيره وأحلي سلام للواء ملازم محامي نجار آبي هانم باشا بيه علي الكلام العالي اوي ده
انا مؤيدك في كل ما قلتيه لأن هذا الشخص وأمثاله لا يجب الألتفات اليهم لأنهم لا غرض ليهم الا الشهره والمنفعه الماديه
وبصراحه في بلدنا حاجات كتير اوي عايزه يترفع عليها قضايا
بس احكام القضاء مبتتنفذش الا علي الغلابه أو اللي مش مسنودأو الأحكام اللي ماشيه مع رغبات الحكومه
مثلا في كام الف حكم بطلان انتخابات متنفذش,فمثلا مجلس محلي سفاجا أخذ حكم بطلان انتخابات وما يترتب عليها وفضلوا الأعضاء الباطلين في مناصبهم حتي انتهاء الدوره بتاعتهموكذلك المجلس المحلي الحالي لمدينة الغردقه واخد من عدة ايام بطلان انتخابات للتزوير الفاضح ولكن هل من مجيب؟؟؟؟
انا كنت مرشح في تلك الأنتخابات وسقطت لأني مش حزب وطني رغم ان اصواتي تنجحني بالثلث لكن حسبنا الله ونعم الوكيل
فيا ريت هو وأمثاله ميتعبوناش بكلام فارغ ملوش فايده الا علي جيوبهم ومنافعهم الشخصيه

وعايز يا آبي اسألك هو الدش في كوكبكم بيجيب ارسال القنوات الأرضيه عندكم ؟اصل احنا في الأرض مبنشوفش تلفزيون كوكبكم هنا خالص يا تري العيب من البث عندكم ولا الأستقبال عندنا؟؟؟ هههههههه

تقبلي خالص تحياتي
والسلام ختااااام

alexandrany said...

يا بنتي انا مش حذرتك قبل كده بلاش تقعدي قدام التليفزيون بعد الساعه عشرة بالليل
قولتلك ولا ما قولتلكيش

وأدي جزاة اللي ما يسمعشي كلمها انا اقولها
ههههههههههه

محمود المصرى said...

بسم الله الرحمن الرحيم

انا ماعرفش بصراحة اللى بتتكلمى عنه لكن سمعت عن محامين بيرفعوا قضايا حسبة ويتم رفضها لأن قانون الحسبة اتلغى من ايام قضية نصر حامد ابو زيد .
انا بس عاوز اتكلم عن مسألة الاحتساب الناس فاكرة انها وصاية او كده زى ما نقلتى عن احدهم , الرسول قال ( مثل المدهن في حدود الله والواقع فيها ، مثل قوم استهموا سفينة ، فصار بعضهم في أسفلها وصار بعضهم في أعلاها ، فكان الذي في أسفلها يمرون بالماء على الذين في أعلاها ، فتأذوا به ، فأخذ فأسا ، فجعل ينقر أسفل السفينة ، فأتوه فقالوا : ما لك ، قال : تأذيتم بي ولا بد لي من الماء ، فإن أخذوا على يديه أنجوه ونجوا أنفسهم ، وإن تركوه أهلكوه وأهلكوا أنفسهم ) , وبالتالى انكار المنكر من القول او الفعل بأى وسيلة من الوسائل الشرعية الثلاثة باليد او اللسان او القلب هو امر لازم علينا جميعا لننجو .
واتفق معاكى ان القضايا الكبرى لابد ان تحظى بالاهتمام والاولوية لكن مالا يدرك جله لا يترك كله .

امل said...

السلام عليكم
الراجل ده شكله من الناس اللي بيحبوا يلفتوا الانتباه لنفسهم عن طريق الفرقعات الغريبة ومعاكي حق في ان فيه حاجات كتير أولى من اللي هوه بيعملها دي
تحياتي ودمتي بخير ان شاء الله

amal said...

ههههههههههههههههههههه

ابى انتى عسل اوى

يخرب عقلك فطستينى من الضحك
شكلك مفروسه منه اوى

دا واحد بيسعى للشهره ذى الاف غيره

ربنا يصبرنا ع الهطل ده

appy said...

بحبك يا مصر
===========

طيب يعنى هو يشتهر ويشلنا والمشكله ان الناس بتصدقه والله وفاكرينه بطل الله يخرب بيت عقله
نورت يا جميل الكوكب كله





رئـــــيسـة حزب الأحلام
======================
اهلا يا قمر وهبقى سعيده خالص لو شوفتك يوم التجمع

appy said...

wanna b a physician
====================
عارف بقى اللى مش لاقى حاجه يعملها بجد والمشكله انه فعلا بيتكلم عن طبقه اجتماعيه مختلفه واحرج نفسه يا عم ما تبص على باقى الناس لا البعيد احول واعمى
نورت يا دكتور وشوف له علاج عندك





كلبوشستان
==============
استغفر الله يا عم المانجو بعشرة جنيه والعنب باربعه هتهزر ولا ايه لا طبعا مش هديلك هههههههههه

appy said...

mostafa rayan
===============
لا بص بقى يا مصطفى انا مش شوفت الحلقه دى بس بصراحه هى بتعمل حلقات قويه يعنى لما جابت الفاجومى وناس كتير جدا كانوا ناس اقوياء فعجبتنى وبعدين ضد التيار جامد جدا انما لو على عمرو مصطفى فده اصلا هايف هتبقى الحلقه بتاعته عامله ايه ههههههههههههه
اما الجحش ده مسكت نفسى خالص علشان مش اكتب عنه مقدرتش والله يا مصطفى اعمل ايه مستفذ والناس بتصدقه

appy said...

Nsreen Bsunee
===========

والله يا رينا حظه انى كنت مركزة قوى بقى شوفى وفعلا من زمان بيستفذنى فكان لازم اشوفه ويا ريتنى ما شوفته ده ولا يتسمع ولا يتشاف ابقى دورى عليه على اليوتيوب وانتى تفهمى الطبقيه لما بتنأح عليا ههههههههههه علشان كده وافقت على كلام وليه امر الطالب
نورتى يا رينا وميرسى يا حبيبى عقبال عفش بيتك هههههههههه







مدحت محمد
==========
طيب يا شباب اللى عنده شعر صدره يخبيه بدل ما يرفع عليه قضيه بيقفشوا فيهم اليومين دول ههههههههههه نورت يا مدحت

appy said...

الزواج روضه الحب
***************

طيب يا حبيبه قلبى هستناكى يا رب يتظبط بسرعه ان شاء الله نورتى الكوكب





جنــــى
==========
الله ينورك عليك ده اللى عاوزة اوصله للناس ربنا يكرمك يا رب نورت الكوكب كله بجد وخدلك خروف بقى على الكلمتين دول بس رجعه تانى ههههههههههه

appy said...

مواطن مصرى نايم
****************
شعبان اه برقبته طبعا مش بيلبس قماش نجيد وده غالى هههههههههههههه نورت يا اسلام





mohamed hesham
****************
ايوون خلوا الاصوات تعلى والنبى ونقوله تنيل علشان يعد هيرفع علينا كام قضيه ههههههه نورت يا محمد

appy said...

alexandrany
***********

لا الا الطبله دى جابت ليه صداع نورت يا اسكندراى وفين اللوجو يا تباع الكلام






darkskies
*********
علشان فهمت ان ناس مبسوطه منه شوفت الخيبه والله والراجل مستفذ جدا فى طريقه كلامه لو شفته بجد ومرتضى ده اصلا انا مش بحترمه خالص نورت الكوكب

appy said...

سبهلله
******
اللهى تجييله نقطه ومتبقاش من اول السطر
نورتى يا قمر





3ala asm masr
***************
انا نفسى اعمل قضيه واشتكيه بسبب الصداع اللى جاب ليه علشان اوريله هيافته بس ههههههههه
نورتى يا هنوده

appy said...

blue-wave
*********
ميرسى يا دكتور على ذوقك وبعدين مين الاولى يشتهر انتم الدكاترة ولا عرضحلجى المحاكم ده انا اساسا شكه فيه هههههههههه نورت يا دكتور





فى حب مصر
***********
الفيلم سافل انا مش شوفته كده بصراحه شايفه ان ده بيحصل بس ما علينا انا مقولتش ان تامر قدوة خالص هو فيه شبابا بتحبه بس التانى يروح يطلع باقى الناس مش يمسك فى واحد وبس انا اقصد انه بيدور على فرقعه مش بدافع عن تامر
واتخبطت فى نافوخى واتفرجت اعمل ايه اهو بنغير جو شويه هههههههههههههههه

appy said...

فاتيما
*********
لااااااااا وفاء هى قويه مش مغرورة يا طمطم انا بحبها لان معندهاش خطوط فى الاسئله واسئلتها مش متوقعه خالص اما الجحش الحصاوى ده فكويس انى شوفته معاها الاغنيه حاله بس بحبها هههههههه نورتى يا طمطم





سنووايت
=========
اهلا بيكى يا قمر ويكفينى متابعتك ليه وطبعا تعليقك يزدها كمان
الاغنيه دى بتاعت شهيناز هتلاقيها على النت اسمها ملناش مكان نورتى الكوكب كله

appy said...

Oss
****
انا نفسى يرفع عليا قضيه علشان افرج عليه بلوج سبوت واخواته ههههههههههههه
نورت الكوكب اول مرة وسعيده بيك جدا





mayada
=======
يا طوله بالك يا بنتى انا مقدرش اجازف بعمرى واتفرج عليه تانى ههههههههه وده كائن خرافى متخلقش خالص ولا هيتخلق ده فلته عصرة نورتى يا مادى

appy said...

bar2ash
*********
اه يا خويا ما انا اخدت اجازة يومين اغير جو اللهى يخرب بيته يا رب
نورت يا برقوووش وميرسى ليك







محمد الكومي
**********
والله برافو عليك يا كومى انك فهمت النقطه دى للست فعلا هو برضه ايه الججحش ده انت لو شوفته وهو بيتكلم هتفهم انه حاجه مصيبه والا طريقه كلامه
انا فعلا نقلت كلام الست علشان عجبنى كان ناقص تقوله انت ايه انت اساسا علشان تتكلم هههههههههه العرقى التركى نفش عندها هى كمان
نورت يا محمد الكوكب كله

صاحب المضيفة said...

لا بجد

مفاجاة حلوة انه يرفع قضية على روتانا ويروح يصور معاهم

دي بجد نكتة حلوة


وبعدين كلامك في جانب كبير من الصواب فعلا

احنا اصبحنا بنمسك قوي في توافه الأمور ونسيب الأمور العظيمة

ربنا يرحمنا برحمته يارب



دمت بسعادة

appy said...

فزلوكه
*********
اذا كان علينا فاهمين فيه ناس تانيه مش فاهمه كده خالص ومش هتعرف حقيقه الناس دى
نورتى يا قمر وميرسى ليكى






Unique
========
ده عنده كميه متناقضات ولا تفهمى اساسا انتى بقيتى مين من كتر الهبل اللى جالى نورتى يا حبيبتى وطمنينى عنك وبلاش توحشينا

appy said...

النجمه الصامده
===============
اهلا بكى يا قمر اعمل ايه والله انا كمان بتغاظ بسرعه بس علشان خاطرك حاضر نورتى الكوكب






Bongo
========
ده يبقى شهرة معيز يا حبيبتى مش اكتر نورتى الكوكب كله

appy said...

وومــــن
==========
معلش غصب عنى مش عملت فورورد اسف غلطه فورورديه ههههههههههههه نورتى يا قمر







ابراهيم العشرى
-----------------
ياااااااااااه ميرسى خالص على ذوقك بجد اكسفتنى جدا جدا جدا
ميرسى والله لذوقك وسعيده بيك جدا

appy said...

Vague
*********
ههههههههه اه يا دبشه انا قولت منحسنش الظن بيه ماشى
وبعدين بتنجانى وخرفانى ليهم قصص طويله وخد هنا انت بتهزر انا قلبت عليك الاسماعيليه يوم التلاتاء والاربعاء ومش لقيتك كنت مستخبى فى انهى محجر رد بقى كده عليا وقولى ايه الزحمه دهى والرطوبه حتى رحت سألت عليك عند الناس فى شارع البلاجات قولت يمكن انت الدبشه اللى رابطين البجع فيها قالوا ليه لا ههههههههههههههه
نورت يا دبشه





واحده مفروسه
=============

وجهه نظر جديده جدا جدا هههههههههه تضاف لمصايبه نورتى يا قمر

appy said...

sebofy7alo
=============
ليه هو انت متعرفش انى مش بخاف للاسف المؤسف ولا ايه خاف انت بقى على نفسك نورت يا شريف





ahmed_k
===========
طبعا العيب فى كوكب الارض عندكم انتم اصلكم لسه متأخرين انا هنا عندى خرفان بمبى انت عندك بقى اتحدى هههههههههه وكلامك مظبوط ده راجل خرفانى اعقل منه ههههه نورت الكوكب كله

appy said...

alexandrany
**************
اعمل ايه مش عندى نوم اجيبه منين قولت اشوفه يمكن انام والله تصدق عزوو برقبته يوم ما شوفته نمت على طول تقولش بنج يا خويا ههههههههههه






محمود المصرى
**************
اهلا يا شيخ محمود وحشتنا والله مبسوط برجعوك للكوكب تانى يا راجل ايون كده اديه طعم فى المناقشات
بص يا محمود ومقدرش انكر كلامك بس اذا كان اغلبيه القضايا اللى بيرفعها ولا لها اى لزمه ولا هتقدم ولا هتأخر اساسا ويمكن متكونش معروفه يعنى عمل فرقعه وشهرة لناس ممكن متكونش معروفه اصلا ولو كان سابهم شويه كانوا بقى بضاعه اتلفها الهوا فهمتنى
نورت يا محمود الكوكب كله

appy said...

امـــل
*********
اهلا يا قمر وفعلا اللهى يفرقع بالونه فى دماغه نورتى يا حبيبتى






amal
====

يا رب على طول تضحكى كده وابقى تعالى كل يوم ههههههههههه بجد سعيده انك ضحتى ونورتى يا قمر الكوكب

الشنكوتي الكبير said...

يا بنتي هو انتي يعني مش عارفه المثل بتاع تعالى في الهايفه واتصدر

هي في ناس عايشه على النخع واللعب ده
شهره وحوارات في التلفزيون وبرامج ويطبع كتب كمان
يعني مكاسب من كل ناحيه ناس بتلعب صح
عارفه ان الفكره دي اصلا اجنبي الناس اللي عايشه على انها تعمل حاجه بضجه كبيره والقنوات تفضل تستضيفهم والمجلات والكتب تتنشر ومولد بقى واهو كله فلوس يا معلم خاصة هم عندهم بره الحاجات دي بتكسب قوي ولأننا دلوقتي بقينا بنتبع الغرب في كل قذارته وسايبين التقدم الحقيقي فلازم تشوفي عندنا العينات دي وتقابليها كتير
ولسه ياما هنشوف

سلاااااااااااااااااااااااام
اخوكي ايهاب

دعاء مواجهات said...

ازيك ياقمر وحشتيييييينى

إموووووووة إمووووووووووووة

كدة متزوريش المدونة ولا تتطمنة عليها ف غياابى

وحشتينى بجد

سلاام مؤقت

Hosam Yahia حسام يحى said...

التعليق رقم 86

كده انا رجعت لاصلى

بس انا برده واخج التعليق رقم 7

:d

زفته وقطران said...

اولا انا بحب الاغنيه اللي انت حاطاها دي جدا

ثانيا الراجل ده اصلا
بيحسسني انه عنده تخلف
او فولت غباء
ومش هو اللي غلطان
اللي غلطان
وسائل الاعلام اللي بيجيبه ويدوله الفرصه يتكلم




لالالالالالالالالالا
تصدقي انا لو مكانهم حجيبه عشان اضحك
متزعليش ياابي
اعتقد ان في ناس كتير اوي الايام دي بقيت بتقدر تفرق بين اللي بيدافع بجد
واللي كل همه يتكلم وخلاص
اختك
زفته

حـــــدوتـــــة said...

السلام عليكم

يا سيتى متزعليش نفسك
مفيش حاجة تستاهل كل ده
بس انتى عكننتنى عليا فى البوست ده
لانك جيتى على الجرح فى موضوع الجيش
اصل انا عقبال ما تشوفى ولادك عسكرى فى الجيش
وشفت ايام سوده كنت بقول فيها لو مصر حربت اسرائيل دلوقت
انا هحارب مع اسرائيل
بس الحمد لله السنة بتاعتى هتخلص الشهر الجاى
وهبقى حر اخيرا
كان معكم جندى مجند حمودى حمودى من القوات البحرية

سلالالالالالالالالالالالالالالالالالالالالالالالالام

الطائر الحزين said...

من يريد ان يقف بجانبك لا يأخذ الإذن منك

لكن يرى ما عليه فعله فحسب

رامز عباس said...

سلاموز يا حاجه

ازيك يا رحاب

معلش طرت من مدونتك شويه وبشتغل اليومين دول علي بحث للمعاقين


يلا مش دى القضيه العصرية




المهم



هاتي خرفانك


ل في حد عنده مشكله لاني بحاول احلها


ممكن يكون فيه خروف لينه اتقطعت هو بيتخانق

مع بتوع طابر العيش

nody_1987 said...

ابى
انا اول ما شوفت التنويه بتاع البرنامج قررت انى ما اتفرجش عليه
دا راجل غاوى شهره وطرقعه
احنا اصبحنا فى عصر عملقه الاقزام
وده ونعم القزم
كان رفع قضيه على وزير الداخليه لما بلطجيته اتحرشوا بالصحفيات عند مبنى نقابه الصحفين
يوم الاستفتاء على تعديل الدستور
الستات دى اتخرب بيوتها
ولا حد عبرهم

همس الاحباب said...

الف مبروك على النيولوك الجديد للمدونة والخرفان
ثانيا اسف لانى مقصر فى زيارتك بس غصب عنى
انا جيت اسلم واقولك اخبارك ايه وماشى
الاخ المحامى ده يلا رزق الهبل على المجانين
الواحد مرارته اتفقعت من زمان
سلام

nonni said...

اممممممم كتبتى كل حاجة لدرجة انى مش عارفة اكتبلك ايه بس تعرفى انا وصلت لدرجةانى بقيت احس ان الناس اللى بيرفع عليهم قضايا بيقبوا متفقين معاه علشان خاطر يعملهم صيت

اخيرا حابة اققولك ان مدونتك حلوة كتير



تحياتى

إيما ( أم البنين) said...

Appy الجميله
تسلم إيدك ولسانك على التدوينه دي ...قلت إللي عايزين نقوله....بس ياريت يوصله الكلام ده ..وحاسبي ليرفع قضيه عليك إنت كمان

إيما ( أم البنين) said...

أنا نزلت لينك حملة في حب رسول الله علشلن تقدري توصلي ليهم وفقك الله

أحمد كمال said...

الحقي يا آبي بيقولوا إنه رفع قضية على الكوكب كله و حايقفله هو و 62 مدونة صديقة

عمرو (مواطن مصرى) said...

أهلا appy

إزيك

متابع بوستاتك, بس ماعلقتش ,
انا مش متابع نبيه الوحش بدقة فمش هقدر أقول رأى كامل فيه, مع إنى عارف له شوية حاجات كده, بس ماتكفيش لتكوين رأى متكامل,,

بس احنا عندنا مثل بيقول يامصبر الوحش ع الجحش يارب

انتى عكستي المثل فى العنوان D:

يالله بقى

سلام,, وفى انتظار حوار نختلف فيه , ونتخانق D:

Eman said...

ايه رأيك ما ترفعي عليه قضية استغفال الشعب ومحاولة الهاءه بالتفاهات وأحنا كلنا وراكي يا باشا
:)

® رأفتـــلوجيا الرأفتانى said...

اهو نبيه الوحش ده مثال برضه على العالم الفاضيه اللى ملهاش شغلانه
زى واحد اهبل راح لابوه وقاله علمنى الخيابه يا بابا .. ابوه قالوه تعاله فى الهايفه واتصدر

اهو الوحش ده ما يجيش غير فى الهايفه ويتصدر
يعنى لو دينا ماتت ولا لقدر الله ضاعت مواهبها البلاستيكه قال ده هيصلح حال البلد

يحكى ان الوحش رفع على مراته قضيه علشان شكلها مش حلو لما بتصحى من النوم

إبـراهيم ... معـايــا said...

سيبك إنتي ، كللللله كوووم، وطريقة كلامك عنه كوم تاني .... تحفوية بجد يا آبي ، ناجيس تو كم هيــــر
،،،،،،،،،،،،،،
معلش أصل ثقافتي فرنساوي اليومين دول

إبـراهيم ... معـايــا said...

وبعدين حلوة فكرة إن الواحد يكون تعليقه رقم 100، ده التجعليق المئوي ، ولاااازم نحختفل بيه ، وبرضو حلو لما يكون الـ 101

تحيااااااااااتي الصباحية

حمادة زيدان said...

آبي هانم

والله انا مفروس مش من الوحش وبس ... مفروس من كل واحد عامل فيها واصي علينا ... هو احنا إيه لا مؤاخذة يعني "حيوانات" ولا ربنا خلقنا إحنا من غير عقل وهما بعقل ... والله أنا كنت ناوي أعمل بوست ع الموضوع ده بس ياللا انتي قومتي بالواجب وزيادة شوية

معلش بقي في التأخير
سلاموز أبئوب

ايمى said...

ازيك يابوبو

ايه ياعم التغييرات الجااااامدة دى تحفة

على فكرة يابوبو فيه ناس كتير كده بيظهروا على قفا الشعب ويعملوا ابطال وهما وراهم بلاوى مستخبية
(رصيف نمره خمسة )

سلامات ياقمر

أنا حر said...

عزيزتي آبي معلش دبستك في واجب رخم شوية بس لازم تعمليه
زوري المدونة عندي علشان تعرفي الاسئلو وتقدري تحليه
تحياتي

ست البيت said...

هناك تااااج...ينتظر ..إما الإجابة وإما الإعتذار

أنا بحب الإخوان said...

السلام عليكم ورحمه الله وبركاته

هذه حملتك أتينا بها إليك
إلى متى الصمت

إلى متى نترك أمورنا يحمل همها غيرنا
فنحن لها إن شاء الله

مهما قالوا ومهما زيفوا الحقائق فتلك عقولنا باقية

ادعوكم للتفاعل مع الحملة بالتوقيع وبتحمل مسؤليتكم كاملة في إنجاحها فهي حملتنا جميعا

أنشروا لوجو الحملة ورابط المدونة والجروب لديكم

حثوا كل من تعرفوا على المشاركة والتفاعل

هدفنا ان نصل مليون فرد وسوف نصل أن شاء الله

بيك وبينا وكل امتنا هنعلنها ونقول

أنا بحب الإخوان

http://iloveikhwan1928.blogspot.com/

أرسلوا تلك الرسالة لكل من لديكم

لورنس العرب said...

انا جيييييييييييت
....................
عارفه
عندنا واحد جارنا في المعادي راجل مشهور في المنطقه اسمه الدكتور العجيزي
ادكتور العجيزي ده رفع قضية على رئيس الجمهوريه
ورفع قضيه على وزير الداخليه
ورفع قضيه على طوب الأرض
الراجل ده بأه واحد صاحبنا متجوز بنته - واختلفوا على المؤخر وهما بيكتبوا الكتاب في فندق سوفتيل المعادي وراح قال للواد مش هاجوزك بنتي وأخد البنت من الكوشه ومشي
...
الناس اللي من النوعيه دي يا آبي بتبقى مريضه نفسيا وتخصصها شهره
والغريب انهم عارفين ان الناس بتقول عليهم كده
ولكن بيستمروا بردو في اللي بيعملوه
يعني مفيش فايده
وتلائي عندهم متناقضات رهيبه
يقول الحلال والحرام وهو لابس دبله دهب- أو ممشي مراته مش عارف مالها، وحاجات غريبه كده
والاعلام بيظهرهم لأنهم فعلا يستحقوا الظهور- الراجل بيرفع قواضي على ناس غريبه
ولعلمك
الاستفاده جايه للطرفين
يعني لما البرنامج بيستضيف واحد مجنون زي ده بردو بتبقى حلوه ليه
وطبعا التاني ما بيصدق عشان يطلع علينا ويقول الكلمتين بتوع المجانين بتوعه

حنين القلب said...

والله يا آبى تسلم ايديكى ظبطيه بجد
والله بعد اللى قولتيه مفيش حاجه تتقال بس فيه ناس كتير كده
عارفه انا برضه مش بقتنع بكلام يسرى الجندى بحس انه برضه كداب شيخ ومتجوز عرفى ويفول الجواز العرفى حلال وفى لقاء تانى يحرمه ومدخل بناته مدرسه راهبات ولما المذيعه تسئله يقول ليها الاسلام حلل لينا الزواج من مسيحيه ومدرسه الراهبات بتعلمهم احسن تعليم
بقى انت شيخ ولا المفروض انك شيخ وتدخل بناتك مدرسه رهبات
والله دى بقت حاجه تحرق الدم
بس تسلمى يا ابى
سلام يا عسوله

alexandrany said...

الشعب المصري ده اعمل فيه ايه بس
مش قبل ما تكلمي عن اللوجو تروحي وتشوفيه هناك عندي ع البلوج

هي الدنيا حصل فيها ايه بس يا بني ادمين
خلاص مافيش ثقة
مش قولتلك تبطلي الظن السيئ ده
ههههههههههه
موجود هناك على فكرة من فترة بس انتي تلاقيكي ماكونتيش بتروحي البلوج
تؤمري يا باشا

appy said...

صاحب المضيفه
**************
اه شوفت التناقد بتاع الراجل بجد صعب قوى يالا خير مش مهم المهم انت نورت من تانى






الشنكوتى
********
اهلا يا بوب انا كان نفسى اكتب البتاع ده ومعرفتش ميرسى يا هوبه انك قولته ليه نورت يا كبير

appy said...

دعاء مواجهات
**********
حمد لله على السلامه يا دودو ما انا عارفه انك لما هترجعى هتنطى هنا زى القرده وانا حطاكى على الريدر او ما تكتبى هعرف نورتى يا قمر





حسام يحيى
========
مبروك عليك يا حسام كل التعليقات هههههههههنورت يا قمر

appy said...

زفته وقطران
**********
زفتتى حبيبتى انت تؤمرى فى الاغانى واحنا ننفذ يا قمر بس
وفكرة انه بيضحك لا ده بيجيب القاولون العصبى يا اوختى نورتى يا قمر




حدوته
*******
عسككككور ضغنن خالص خالص يا رب تخلص بقى بس بزمتك مش بقول صح اهو وانت خير تجربه هههههههههه نورت يا قمر

appy said...

الطائر الحزين
*************
من الممكن برضه بس لو فى الحق انما ده بيقف جنب نفسه وبس وشهرته ولو وجهه نظرك غير يبقى تحترم برضه
حمد لله على السلامه يا اخى الكبير





رامز عباس
*************
ازيك يا رامز نورت الكوكب تانى كله

appy said...

nody_1987
*********
واللهعندك حق يا نودى بس حظى العاسر ولا المتعثر مش عارفه ويا حبيبتى ساب قضايا كتير نورتى يا قمر المنصورة





همس الاحباب
********
يا اهلا بالاحباب اللى بيهربوا نمل فى الخرفان وحشتنا يا ابو همس ومعلش عذريناك بس لما نشوفك لينا عزومه عندك

appy said...

nonni
******
اهلا بيكى اول مرة نورتى الكوكب ومعلش اسيب لكم حبه كلام المرة الجايه هههههههههه وميرسى لذوقك





ايما ام البنين
=============
حبيبتى اللى بتنورنى من السنه للسنه ههههههههه وحشانى ويالا تعالى بقى عاوزين نشوشك هنا ومتخافيش رايا رجاله ولا انتم مش رجاله ولا ايه هههههههههههوميرسى على اللينك يا قلبى

appy said...

احمد كمال
==========
طيب انت منهم هههههههههههههه نورت يا ابو مصطفى





عمرو (مواطن مصرى
***************
ايه يا عم انت متابع فى صمت ولا ايه بتشجع اللعبه الحلوة ههههههههه عموما يا عمرو انا مؤدبه ومامى قالت ليه مش تقولى على حد جحش ده ابن ستين تيييييييييييت وانت افهم بقى نورت يا عمرو وربنا ما يجيب خناقات يا راجل

appy said...

Eman
=========
طيب تصدقى لعبه حلوة تيجى معايا ونروح سوا هههههههههه بجد انا موافقه يالا هسال فيها كبرتيها فى دماغى يا ايمان





رأفتـــلوجيا الرأفتانى
=====================
اهلا يا كبير وبعدين انهى مرة فيه اصله متجوز اتنين بجد والله
وحلوة قوى البلاستيكيه دى هههههههههه نورت وسعيده بيك هنا جدا

appy said...

إبـراهيم ... معـايــا
***********************
ايه ده انت طلعت من صفوت المجتمع ده ما هما اللى بيتكلموا فرنساوى ههههههههههه نورت يا ابراهيم ونعمل لك احتفال خاص ارفع عليك 101 قضيه زى الوحش ههههههههه





حماده زيدان
==========
معلش يا كاتب انت وراك هموم عارفه ههههههههههههه بقولك تيجى نرفع عليه قضيه اشمعنى هو تبقى ايه اخششك فى حياتنا يا كابتن هههههههههه نورت يا حماده

appy said...

ايمى
=====
يا بنتى بطلى تستخبى بقى علشان مش اضربك نورتى يا قمر






انا حـــر
===========
كده ادعى عليك بايه بس يلا معلش حاضر انا جاىىىىىىىى فوووووووووو

appy said...

ست البيت
********
اهلا بيكى يا منوسى معلش انا جاوبت التاج ده قبل كده نورتى يا قمر






هو بيحب الاخوان
===============
اولا انا مش هقدر اشترك فيها معلش بما انى مختلفه سياسيا مع الاخوان او القيادات فمقدرش اساندهم سورى ربنا معاكوا بس مش مختلفه دينيا عموما نورت

appy said...

لورانس العرب
*************
ايه يا ابنى هى المواصلات من المعادى لهنا صعبه كده هههههههههههه وبعدين جارك ده حالته صعبه قوى هو كمان يالا نرفع قضايا استهبال عليهم ههههههههه نورت ومتغبش تانى اصل اذنبك هنا ولا انا حسدتك ولا ايه





حنين القلب
*********
يا لهوى بتهزرى انا معرفش ده يا ريت تقولى القصه وانا افضحه على بلوج سبوت واخواته ههههههههههههههههه نورتى يا حنين

appy said...

alexandrany
=============
يا فرحتى بيك طيب اوديه المدونات التانيه ازاى اشرح او سمحت اختك غبيه اللى هو انا اعذرنى معرفتى بالحاجات دى زى الهندى بالظبط هههههههههههههه شاكرين مهللين

الطائر الحزين said...

انا كنت قاصد انها الحكمة؟!!!!!!!

appy said...

اخي الطائر الحزين


نوسف نؤسف هسر فهم خرفانى هههههههههههه ابقى وضح انت عارف الخرفان بتعمل صداع ههههههههههههههههه

refka said...

ابى سعيد قوى انك بتابعينى وبتقريلى
بس معلش تعليقك عندى مش فهمته خالص

بس الاهم اننا نرضى ربنا وحتى فى علاقتنا منجرحش حد على حساب حد تانى او منتعبش بعض فى حياتنا حاجات كتير قوى علشان ربنا يرضى عنا كمان
دة كلامك اللى مش فهمته
حاساكى تقصدى حاجه معينه اتمنى انى مش اكون عملت حاجه ضاايقتك لان تعليق خارج عن موضوع البوست تماما
معلش مش عارفه ادخل مدونتى
مش بتدخل خالص
شكرا لاهتمامك بمتابعتى

رفقه عمر