التاج ده تدبيسه يعنى اللى هيقرا يجاوب يعنى اللى مش هيجاوب احمد سمير بتاع الاغلبيه الصامته هيزعل يعنى انا مدبس لوحدى من الاخر بس على فكره هو مفيد لانه بيجمع احداث سنه يالا معاكوا ربنا واتنين ملايكه وواحد شيطان يونسكم
السؤال الأول : أجباري
بالنسبة لسيادتك......ياترى سنة 2009 تقدر تعتبرها بشكل عام سنة سعيدة....كبيسة...مملة...مالهاش لازمة.....الخ؟
كبيسه باللحمه
ياريت تختار لها وصف من كلمة واحدة
السؤال الثاني : اجباري برضة
ايه أجمل حاجة حصلت لك في 2009؟ و بالمرة أسوأ حاجة حصلت في 2009 (لو كانوا كتير اختار الأسوأ)؟
غيرت بطوط وجبت سيمبا ربنا وعدنى باللى يملى حياتى عملت كتير اوي كويس فى شغلى اسوء حاجه اللى عمال بيحصل والتوريث وعدم وعى الناس كانهم مغيبين وبقوا كلهم بيحلموا وشايلين دباديب بمبى
السؤال الثالث: برضة اجباري
لما بيتقال قدامك 2009.....ايه اول حاجة بتتبادر لذهنك على طوووووووووول؟
الازمه الماليه والاضمحلال اللى بقينا فيه والازمه بمعنى الازمه الخاصه بيه ههههههه حرب غزه
السؤال الرابع: أكيد عرفت انه اجباري
بتحتفل بليلة رأس السنة؟؟؟ و لا بتعتبر الأحتفال بها حرام؟؟؟ (طبعا اكيد مش مقصود الأحتفال السكر و العربدة لأنها حرام في رأس السنة و رجليها كمان) و لا ايه؟
اه بحتفل طبعا بعمل محشى وبسبوسه وشيشه واقعد فى جزيره القطن اللى فى ميدان اللحاف
السؤال الخامس : مبني على اللي قابله
لو مش محبكها॥و ما بتعتبرهوش حرام....ياترى هتحتفل بيه السنة دي ازاي؟؟ او احتفلت بيه ازاي لو جاوبت على التاج دة بعد 31 ديسمبر؟؟
نفس الاجابه اللى فوق انظر السطر اللى قبله
السؤال السادس: مش محتاج افكركم انه اجباري
فاااااااااكر 31 ديسمبر 2008 (اه...السنة اللي فاتت)؟ ياترى فاكر حالك ساعتها كان ايه و كنت عامل ازاي؟؟؟
اه طبعا كنت بصلح كبالن بطوط والحى السابع كله سمع صوتى لما كنت بزعق فى الميكانيكى وردحت له بالانجليزى والفرنساوي والدنيا مطرت عليا يالا الله يرحمها بقى
في 31 ديسمبر 2009....ايه اللي اتغير فيك؟؟ ياترى لسة قاعد نفس القعدة و في نفس المكان و لا في حاجات كتير اتغيرت من 31 ديسمبر 2008 الى 31 ديسمبر 2009؟؟؟؟؟
بقيت انضج فى شغلى والبيت بقيت بحب بقيت اشرس واعنف بقيت عصبيه بقيت صريحه وداخله فى شجره والصراحه اكثر من اللى قبلها الحقيقه
السؤال السابع: برضة
غلطة غلطتها في 2009 و مش هتكررها في 2010
اانى بجاوب على التاج ده هههههههه لا الحقيقه هى انى كنت مسرفه واتزنقت شويه وامنت بناس كمان مينفعش اامن بفكرهم ومردتش على ناس كان المفروض اديهم بالشوز بس مش ناويه اكررها واقول على ناس سكت عليهم كتير بس وعد اى حد هيضايقنى هشرد للى جابوه
لسؤال الثامن: و دة اكيد اجباري برضة
امنية هتتمناها في 31 ديسمبر 2009 و تدعي ربنا انه يحققها لك في 2010....ادعي...(مين عااااااااارف؟) مش جايز تكون ساعة اجابة؟؟
اكون فى مكان واحد مع اللى بحبه اوي وكمان اتعلم كورشيه وكونغوفو وابقى رئيس الوزراء
السؤال التاسع : و الأخير
شخص............تتمنى لا تشوف صورته و لا تسمع أسمه في 2010؟؟؟؟!!!! (ياريت بلاش اللي في بالي....عايزين حد غيره)....بلاش تقليدية
هى واحد لا وحدات ووحايد كتير اوي اعتقد بيدخلوا هنا وبصراحه عاوزه اقولهم لو عندكم دم بقى متدخلوش هنا ومتبعتوش ليه على الفيس بوك دا بالنسبه للى لهم اكونت انما محدثين النت احب اقولهم ابعدوا عنى علشان قرفت وبعد كده هتكلم بالاسم والسن ومش بعيد العنوان نيهاهاها شريره انا عارفه
حكمه الامبراطوره
لا تقرا لاحمد سمير( الاغلبيه الصامته) ولا تأمن لتاجاته
كل سنه وانتم بخير
.jpg)
16 اخبط وقول رايك:
÷ههههههههههههههههههه
كووول سنة و انتي طيبة
بس انا مش هجاوب مليش مزاج اكتب بوستات اصلا
كل سنة وانتى بخير اابلى هانم. انا هاقوليك اجابة واحدة لكلة, انا اتجوزت فى 2009 بس
كل سنة و انتي طيبة و بصحة و سلامة
في احسن المراكز و نشوفك وزيرة كدة
بس محشي في راس السنة تيجي ازاي
:D
ربنا يسعدك دايماً
تاج حلو
تصدقى انا مش فاكر اى حاجة فى يوم 31 ديسمبر 2008 خالص
نوهائى
زهايمر
و كل سنة و حضرتك بخير و صحة و سعادة و فرح دايماً
عادل
وانت طيب وهتحاوب بعد السنه برضه
كريم
ودي اعتبرها حادثه ههههه
مواطن
اه والله محشى بتنجان كمان
بدراوي
لا دي كانت بطوط ولازم افتكر كل سنه وانت كيب
كانت مليانه وزحمه اووي بس هي عندي احسن من 2008 بمراحل
لغايه دلوقتي افضل سنه كانت 2007
حاجات كتيره اسوا حاجه ان عمتي ماتت
اول حاجه تيجي في ذهني ناس جدد علاقات جديده طموحات جديده ناس مشيت اماكن جديده رضا والحمد لله
لا مبحتفلش قاعد اهو عمال اجاوب علي اسئلتك يااختي
السنته اللي فاتت في نفس الوقت كنت في قمه الاكتئاب وعمال اقول اصبر هي كانت سنه بنت ستين كلب وهتروح لحالها والصبر حلو
اللي اتغير بقيت مكبر ومروق وعايش حياتي وزي ماتيجي تيجي
الالي نفسي فيه اتزوج واحج واطلع بره مصر
ياالا كل سنه وانت طيبه ياست رحاب علشان معايا ساندوتش عاوز اكله وانت معطلاني باي
في عام 2009 توقف الزمن و ضاعت البسمة و راحت الضحكة و اتي الحزن و توارت السعادة و غابت الشمس و تكاثرت الغيوم و تلاشي الامل و تضاءل الرجاء و لم يصبح للحياة معني أو للغد هدف. في عام 2009 جرحت تفسي جرحا لن تداويه الايام و لن تخفف من آلامه احداث الحياة بحلوها و مرها فكلاها اصبح سواء بلا طعم او مذاق. في عام 2009
فقدت اعظم حب و احن حضن و ارق مشاعر و اصدق دعاء. ففي هذا العام خسرت ما لا يمكن تعويضه بالدنيا كلها في هذا العام فقدت امي رحمها الله و لا يخفف من حزني عليها انني كنت بارا بها حتي آخر ايامها بل حتي آخر ساعاتها. في هذا العام فقدت عملي و اضررت لمقاضاة اصحاب العمل و تلاشت او كادت مدخراتي و ابتلاني الله بمرض في القلب تم علاجه بدعامة قلبية و اخفيت انباء مرضي عن والدتي حتي لاتقلق و حين رزقني الله بعمل مرضت والدتي ففضلت غير نادما ان الآزم والدتي في مرضها لمدة 3 اشهر حتي قضي الله امرا كان مفعولا. كل هذه الاحداث لا شئ بجانب فقدان الحب الصادق الخالص و ففقدان الام خسارة تتضاءل بجانبها اي شئ آخر. رحم الله امي و اسكنها فسيح جناته و جمعني و ايها في مستقر رحمته
كل سنة وأنت طيبة
كل سنه وانتي طيبه وبالف خير
يا رب يحقق امانيكي
تاج حلو واجابات حلوه
تحياتي
بعد سهرة راس السنة الجميلة والقلق وعدم النوم بسهولة قولت اجاوب لاول مرة
1-مالهاش لازمة لانها مملة
2- التعرف على اصدقاء جدد
3-الازمة المالية
4- بحتفل طبعا
5- بحتفل مع الاصدقاء القريبين لى قوووووووى
6-نفس ها السنة بداية الازمة المالية
7-غلطة حلها فىكلمتين ( اتق شر من احسنت اليه)
8-يارب السنة دى تكون سنة تحقيق الامنيات اللى فى بالى
9-كل من يكره مصر ويزايد عليها
وتمنياتى لجميع الاصدقاء بسنة سعيدة وسنة لتحقيق جميع الامنيات
تحياتى
سنه ميلاديه زاخره بالطاعات
اتمناها لك :)
هههههههههههه كل سنه وانتى طيبه يا ايبايه
ولا كانك شوفتينى ها :)
أحمد سمير بعتهولي
مش هعرف أخده من عنده لأني واخده من عنده
هعمل له الاجابات باليل على رواقه في الميكروباص
وكل سنه وانتي طيبه
سلام عليكم..
إيه ياعم الإجابات دي..الكلام دا ماينفعش..إحنا عاوزين عناوين وأسماء(صورة واحد بيهدي النفوس) :)
كل عام والجميع بخير :)
صراحة اسئلتك صعبة حبتين
ومش من المنهج خالص
وكمان مش مذاكر كويس
فاعتقد الاجابة الصحيحة هي
( كل سنة وانتي طيبة )
Post a Comment