سنه كمان


اكتشفت ان يوم 17 ديسمبر كان تانى سنه ليه فى التدوين
اممممممممم يمكن رؤيتى للموضوع اختلفت كتير
هقولكم ازاى
كنت لما دخلت التدوين حسيت ممكن اكسر العالم وان التصرفات الايجابيه اللى بعملها على حد قول الناس هتاثر فى ناس تانيه بس اكتشفت ان انا وناس تانيه هما اللى كده والباقى فى البتنجان يعنى يا عم كبر هقولكم شويه حاجات اكتشفتها بمناسبه مرور عامين من التدوين ووجع القلب واستهلاك صوابعى مع الكيبورد وتمأيأ عنيه قدام اللاب توب
استعنى على الشقا بالله
1- بقى ليه اصحاب بيجمعنا هدف واحد زى مساعده الناس واننا نبقى بنعمل حاجه صح
2- اكتشفت انى مبقتش عاوزه اروح تجمعات فى الهواء يعنى علشان محدش يزعل او يفهم غلط اول ما دخلت التدوين كنت بحب اشوف الناس واعرفهم بس الصراحه اتصدمت واكتشفت او يمكن حظى وقعنى فى ناس مبتحبش غير قاعده المصاطب وقولنا وقال وشباب بيرسم نفسه على الفاضى وهو جعر وفاضى وريحته وحشه كمان ونصاب فمبقتش احب اتعرف على ناس
3- الناس بتتصدم لما تشوفنى يقولوا ليه مش متخلين انك كده انتى هاديه ومش جباره مش عارفه ليه الانطباع ده مع انى برعى برعى يعنى

ناس كتير بتقول عليا مغروره بس انا مش كده انا بعتز بنفسى بس وبحط حدود يمكن علشان فيه ناس الحياه بالنسبه لهم سبهلله فانا مش بحب ده
5 - بقى ليه اصحاب واكتر من الاخوات وبحبهم جدا جدا
6- اكتشفت ان ناس بتعلق لمجرد التعليق وبتكتب وهى دماغها هواء فاضيه فرد كاوتش نايمه ملهاش لازمه مينفعش معاه تتملى غير سبيرتو
7- مش كل اللى بيدونوا بيفهموا ولا عندهم اراء تنفع ناس كتير بتكتب فراغ مش اكتر وحب فى الشهره مش اكتر
8- ناس كتير بتسرق من جرايد وبتنسب لنفسها ناس كتير بتسرق من منتديات وتغير وتقول انا اللى مبدع
9 - ناس كتير بوشين يتكلموا على حد وحش وفى نفس الوقت يروحوا يصاحبوه
10- فيه ولاد زى النسوان الفاضيه بتوع قاعده الشلت اللى اتكلمت عليهم فى الاول بيحبوا يوقعوا البنات فى بعض وفاكرين ان دى شاطره ده مرض يا متخلف انت وهو روح استحمى واتعالج
11- قابلت ناس حلوه اوى استفدت منهم فى حياتى كتير
12- كل اللى بيشتمونى ولا يعرفوا عنى حاجه وبيتكلموا اى كلام وخلاص لما ازنق حد واساله فى حاجه يكمل وصله الردح القذره بتاعته وانا اقسم بالله وفيه مجربها لو فتحت فى طوله اللسان ما حد هيعرف يرد قدامى وبادله وحقايق وهجرح جامد وكل مجهول بيدخل عندى غالبا بكون عارفه هو مين ولو راح حتى بغبائه عند حد من اصحابى برضه ببقى عارفه المشكله اللى هما مش فاهمينها ان اصحابى اللى بيروحوا عندهم دول بيقولوا ليه وبنتكلم فى الموضوع وبنضحك ثم محدش فى العالم يعنيه انا عبمل ايه ولا بقول ايه يبقى على راى صديقى العزيز خليك وخليكى فى بوزك لما نعوزك
وعلى فكره هما مجموعه معروفه وانا مطرقعه لهم باللى فى رجلى قبل كده فخلاص بقى بطلوا تماحيك شكلكم بقى وحش وعلشان محدش يسال فيهم ناس من التدوين وناس من بره التدوين خالص
13- الناس بتزعل لما اقول دى مدونتى وانا حره اكتب اللى اكتبه ومش فاهمه ليه هو انا يعنى مأجراها منهم فالمفروض يقولوا ليه اكتب ايه ومكتبش ايه

هو ده تقريبا اللى فاكراه من التنوين المغناطيسى ده
هذا وبالله التوفيق واوعدكم
اوعدكم
اللى جاى انيل بس قولوا يا كريم

لا ريا وسكينه ولا الخط انا مستر اكس جنبيه قط انا كل اللى مطرقع لهم عارفين مكانتى انا

كان معكم ابى هانم من فوق برج الكفاح المسلح

56 اخبط وقول رايك:

لورنس العرب said...

مش عارف أعلق أقول ايه
بس دي نماذج موجوده زي اللي موجوده في الشغل وزي الموجودين في كل مكان
الناس أصنافهم محدده حتى ولو كانوا على الكمبيوتر
بس بستغرب من ان بقالك سنتين بس
انا كنت فاكر ان بقالك أكتر من كده بكتير

أحمد شريف said...

هذا أول طرق مني لمدونتك
لم أقرأ أطروحات أخرى لك بالمرة هنا
لكن لي ملاحظة أتمنى لو تشمليها بالرعاية
كل ما طرحتيه من أمور بعيداً عن أسلوب الصياغة متفق معك فيه .. لكن أظن أنه من الأليق أن تستخدمي عبارات أكثر لياقة وتنبذي كثير من المصطلحات التي سيقت في كلامك

أظن أنك فتاة تحملي قدر كبير من الحماسة والحيوية والجدية ولست من هؤلاء ممن يهوون التنطع فأكملي الطريق بدون الالتفات لمن يقذف أو ينقدك نقداً هداماً
ومعاتبة اللئيم اجتنابه

دمتِ بكل ود وإن شاء الله تكون هناك زيارات دورية مني لصفحاتك

Sweet Violet said...

اعتقد ان المعظم اكتشف كل اللى قولتيه بردو
بس لسه فى ناس فاكره ان بلوجر وردى و ملائكى غير الواقع الشرير خالص
يلا تعيشى و تكتبى بقى فى مدونتك ياقمر
^_^

Appy said...

لورانس


انا من ديسمبر 2007 يا حج هو ناا شكلى بقالىكتير على قلبكم كده ولا ايه









احمد الشريف

اهلا بيك اولا
ثانيا ده اللى بقول عليه وهقولها تانى دى مدونتى يعنى اكتب الالفاظ اللى تريحنى انا مش بكتب فى جرنال عام ولا فى كتاب انا بشخبط فاكر الشخبطه بتاعت المدارس واحنا اطفال انا بشخبط
وعلى فكره انا مش بكتب فى المدونه ولا علشان ابقى مشهورة ولا علشان ابقى كاتبه ولا علشان يتنشر ليه مواضيع فى جرايد كل ده ولا يهمنى وبيتعرض عليه كتير وانا برفضه لانى انا مش كاتبه ولا صحفيه انا بقول راى بالاسلوب اللى متواجد فى الحياه
الا صحيح ايه اطروحات دى هو واضح انك فعلا اول مره تقرا ليه النبى خد لك لفه كده وانت تفكر الف مره قبل ما تقولى اطروحات دى ههههههههههه

Appy said...

استاذ احمد انا لفيت فى مدونتك كده شويه يعنى
الا ايه الانجازات العزميه الىل كاتبها عن الريس عوكل دى لا انت بتتعب والراجل بتعب ودور مصر خاصه دور الريس جامد جامد يعنى

Appy said...

Sweet Violet

لا وردى ايه خالص انا اكتشفت ده من السنه اللى فاتت يا قمر لا تكلكى عليا

لورنس العرب said...

أيوه انا كنت فاكر ان بقالك فتره طويله جدا
انا بكتب على النت من 10 سنين بس كنت مقتصر على المنتديات بس ولم اعمل مدونه إلا من حوالي سنه ونصف
بس أول ما دخلت دخلت عندك
وكان متهيألي انك تقريبا اول ما جوجل قال يا مدونات دخلتي عليه على طوووول
ولما عرفت انه سنتين بس استغربت بصراحه!

ماما أمولة said...

ههههههههههههههه

والله يا آبي ان فيه انيل من اللي انت قلتيه

انا انضغط على اعصابي لحد ما طقيت وعملت جراحة

لكن ها اعيش في مدونتي ها اكتب واللي مش عاجبه يبقى يطق هو

ليه عتاب عندك

بيني وبينك

سلام

فاتيما said...

لن امل من كتابتها
ف كل مناسبة
كل سنة و إنتى منورة وسطنا
يا قمر التدوين كله
و انا زى الأخ لورانس حاسة انك من بدرى بدرى و بقالك ييجى خمس ست سنين بتدونى و دا لأنك ما شاء الله نشاطك و حماسك اللى قليلاً ما يفتر بيدى الأنطباع بالرسوخ و الثقل
يا خفيفة الروح إنتى
ربنا ما يحرمنا يا رب
من خرفانك البمبى
و نحلتك و دبورك
و برعى اللى ساعات بيطلع علينا دا
و بيبقى الكل عاوز يمشى من وشه الساعة دى احسن نتعور و نتحدف بالقلل و ابو وردة
و ربنا يبارك فيكى و فى بؤجة الخير الطيبة بتاعتك انتى و وش الخير
و انتى نموذج للإنسانة اللى ينطبق عليها المثل بتاع
امشى عدل يحتار عدوك فيك
انتى كدا يا بيبى
و كلامك عن بعض النماذج السيئة منطقى جدا لان التدوين
جزء مصغر من الدنيا
و صحيح الناس كتير بتحاول تتجمل
لكن الكذب فى النهاية بينكشف
و اتصور الحاجات الكويسة كانت أكتر من الوحش و الآتى أحسن بإذن الله
السنة الجاية ف الوقت دا
يكون حصل اللى بتمناهولك
و بالمللى عشان قلبى بيقولى هيحصل ...و قريب إن شاء الله
بحبك يا قمر التدوين كله

فاتيما said...

بس صحيح
الصورة اللى مع البوست غريبة قوى
و صعبة
منكن سيادتك تشرحى للعالم
اللى زى حالاتى
معناها بدكة ..بس من غير قلل
بوسة و حضونة

لقد خلقنا الله احرارا said...

اولا
كل سنة وانت والمدونة بخير
ثانيا
ما على الرسول الا البلاغ
ده الرسول
فما بالك انت
مش لازم كل الناس تستجيب
مع انها حاجة محبطة
ثالثا
مش لازم الناس تشترك معاكم علشان يكونوا ايجابيين
ممكن يكونوا بيمارسوا انشطتكم الخيرية
مع نفسهم
او مع زمايلهم فى الشغل
رابعا
انا فعلا زى لورنس العرب
كنت فاكراك من زمان فى التدوين
مش لانك قاعدة على قلبنا
لا
لانى فعلا زى ما قال كنت فاكره انه من اول جوجل ما قال يامدونات
عملتى الكوكب بتاعك


خامسا
النماذج السيئة اللى بتحكى عنها
موجودة فى كل مكان
لان النت دنيا
زى غيره
معلش هارغى معاك شوية
على الاقل النت مفيش فيه حد جاب لأمى ذبحة صدرية
من كام يوم كانت تعبانه وكنا عند الدكتور وواحد عمل نفسه روحه بتطلع
الهى تطلع بجد
وخلاها تعبت جدا
وفى الاخر طلع بكلام الدكتور بيمثل علشان بيحب يعمل كده كل مرة
ويدخل بدرى قبل المرضى

النت اذاه محدود بالنسبة لى على الاقل
اللى هيضايقنى
هقفل الكمبيوتر ومش هعرف عنه حاجة
واللى مش عاجبنى انا مش مضطرة اشوفه والا اقابله



بصرف النظر عن كل الرغى ده
انا سعيده انى عرفت مدونتك
وعندى فضول شديد
اتعرف على تجاربنا وخبراتنا مع التدوين


كل سنة وانت طيبة

Appy said...

لورانس

لا تقريبا فيه ناس قبلى او معايا فى نفس السنه كتير






فاتيما

يا طمططم القمر الصوره انى قويه وسط الذئاب
اى كلام طبعا ولا اعرف هههههههه
بس هى عجبانى جدا وبتدل على القوه برضه او المراه المستذئبه
وبعدين يا طمطم انتى من الناس الحلوة على قلبى وانتى عارفه كويسه يا احن حضن فى بلوج سوبت وولاد عمه

Appy said...

لقد خلقنا الله احرار


اللهى يتشك فى قلبه يا اوختى ليه كده انا عارفه ان التدوين عالم مصغر من العالم العادى بس المشكله والزياده ان بعض الىل فىالتدوين مدعى ثقافه وفهم وهما هما نفس اللى لابسين نفس الماسك القذر ووبعدين انتى ترغى براحتك
اا موضوع الخير طبعا انا معاكى فيه وكتير بيحصل فى اماكن تانيه انا عارفه انا مش بتكلم عن ده بس عن رد فعل كويس للناس اغلبيه اللى بيطالب بحقه مش عاوز يحاول فى الحقيقه فهمتى قصدى والف سلامه على ماما

Appy said...

ماما اموله
يا خراشى ان شاء الله انشك فىصوابعينى ازعلك انتى
اممممممم لا انا غلطانه طيب هكلمك وعاتبينى واضربينى كمان براحتك يا قمر

dr.lecter said...

ايه يابنمتي
ده حد يحتفل بعيد ميلاد مدونته بالشكل ده؟ كله شتيمه شتيمه
مافيش ضرب خالص

هو انت معاكي حق في 60 بالمائه من اللي قلتيه بس انا عن تجربه بقالها سنه ونص اهو بس مش كل الناس كده

يمكن اتنا لاحظت كان فيه هجوم ساعات عندك وتجاوزات بس ده حصل معانا كلنا وبعدين محدش يعتمد علي كلام بيتكتب علشان نحكم علي الناس ونكون فكره عنهم ووجهه نظر

المثل الشهير بيقولك عرفت فلان اه
عاشرته لا

الطائر الحزين said...

كل عام انت بخير

الطائر الحزين said...

أظن ان معنى الصورة
هو ما اتكتب فعلا فى التدوينة

Appy said...

ليكتر


ههههههههه كله شتيمه ايون موصلتش للضرب

عموما انا بتكلم عن بعض اللى قابلتهم وطلعوا مش كويسين
وبعدين هو دى احتفالتنا لازم نبقى مميزين





الطائر الحزين


اى نعم يا ايهاب هو ده اللى قصدتهالصورة

adel said...

هههههههههههههههه

طب كنت اكتبي اسماء للناسا للي ريحتهم وحشة
هههههههههههههههه
او اللي بيحبوا قاعدة المصاطب دول ؟؟

يلا سنة فاتت و سنة جاية و مش هيفرق معاكي غير نفسك
واللي بيكتب بيكتب لنفسه اللي مش عاجبه بقي
............*

sookra said...

ابى هانم
انا متابعاكى من ايام ماكتبتى
بوست
الجواز وسنينه
ولما قريته رجعت قريت كل موضوعاتك
ربنا معاكى
وخوفتينى من فكره اللقاءات
المهم ياقمر التدوين زى طمطم مابتقولك
كل سنه وانتى بخير يارب وعقبال ماتكملى 100 سنه فى التدوين وسنينه
صباحك شيكولاته

P A S H A said...

- مساء الفل يا فندم
طب أنا دلوقتي محتار بجد أعلق ولا ما أعلقش ؟
البوست حلو بجد .. تسلم إيدك .. موافقك في معظم اللي قلتيه .. بس طبعاً فيه نقط أنتِ تقدري تقيمها أكتر مني بحكم خبرتك عني في التدوين .. بس يمكن بجد اللي شدني أعلق عندك بند 13 بتاع حرية التدوين وبالصدفة كنت لسه عامل بوست عن الموضوع ده ... عاوزه رأيي .. أتكلي ع الله وأكتبي اللي نفسك فيه ولا يهمك .. أمال احنا فاتحين المدونات دي ليه ؟
.. وكل سنة وأنتِ طيبة ومنورة البلوجر

سؤال بس على السريع : برج الكفاح المسلح ده يبقى اللي جنب برج الأطباء؟ ههههههههههه
سلام

بدراوى said...

كل سنة و مدونة حضرتك بألف خير
الا قوليلى انا انهى نوع فى الليلة ديه
ههههههههههه
و كما قالت أبى
اوعى تاخذ الكلام على نفسك
ديه نصيبة ايه ديه
هههههههههههههههه

Appy said...

عادل


لا خليهم يشموا نفسهم عامل ايه يا كارثه انت




سكرة

حرصى يا حبيبتى فى تعاملاتك بس

Appy said...

باشا


لا يا فندم انت تعلق ان شاء الله تعلق الغسيل من على الحبل :PP

البرج ده جنب برج الديزة ركز يا عم الله لا يسيئك









بدراوى

هموت من الضحك هقولك طول ما بكتب البوست اكتر حد شايله همه انت قولت يا دى النصيبه السوده اهو دلوقتى يفتكر انى بتكلم عنه مع انى ولا شوفتك ولا اعرفك وبجد بعتبرك اخويا بالظبط
وقولت ماشى ربنا يسهل واجيب احمد سعيد من قفاه
واقوله فهم بدراوى انه عليا الطلاق بالتلاته ما قصدته هو خالص دا انا بحبه وبحترمه جدا
شوفت منك للى كلت دراع ورجل جوزها جبت ليه هلع وخرعه بسبب حساسيتك دى هههههههه

بت خيخة وأي كلام said...

ابى

انتى مضايقة وانتى بتكتبى البوست ده

رغم انك بتهرجى فى اخر البوست
بس انتى كتبتى البوست ده وانتى فاكرة اوحش حاجات حصلتلك من عالم التدوين

الحاجات الوحشة والذكريات الزفت كانت مسيطرة عليكى


انتى نسيتى تكتبى عن الايام الحلوة اللى قضتيها وسطنا
ونسيتى تتكلمى باستفاضة عن الناس اللى بيحبوكى وعرفتيهم من العالم ده

فاكرة اول يوم لقاء حريمى؟
فاكرة لما رقصنا سوا بحيرة البجع؟

هههههههههههههههههههههه
انا كل ما افتكرنا بضحك علينا وبحس اننا كنا رايقين اوى
رغم ان الكلام ده مش من فترة بعيدة بس حاساها ذكرى من سنين كتييير

فاكرة يوم ما شبشبك اتقطع وانتى جاية بؤجة الخير


طب فاكرة يوم ما رحنااتغدينا كلنا كشرى وكان معانا بابا ابو خالد

فاكرة لما رحنا نتبرع بالدم وانتى صوتى جامد


ماكتبتيش ليه عن داليا مانتك الصغنونة زى ما بتحبى تناديها؟

ليه عددتى الحاجات الوحشة وسبتى الحاجات الحلوة


انتى ليه كنت مضايقة يا ابى وانتى بتكتبى البوست ده؟


يمكن اكون غلطانة فى احساسى

بس حسيتك مش مبسوطة
يمكن علشان توقعت ان البوست هايكون مليان كلام مشرق اكتر من كدة


لا انا مش مبسوطة
انتى بهتى عليا وخلتينى اكتئب وافتكر
ايناس نهر الاحزان لما رخمت عليا

وخلتينى افتكر مروة الزارع اللى ضحكت عليا


وخلتينى افتكر المجاهيل ولاد الكلب اللى بيدخلوا يقولوا كلام رخم وبيغلطوا فيا


وش واحدة مبتئسة خارجة من عندك وبتقفل الباب وراها

واحدة مفروسة said...

ازيك يا بتنجاني
تصدقى انا مش حسيت انه مر سنتين
يعنى على كده انتى كنتى قبلى بحاجة بسيطة بقا؟
انا من مارس 2008
بس سيبك انتى بنت جادعة اوى
من اول يوم دخلت مدونتك و انا بقولك الكلمة ديه
و من بعد ما قابلتك قلتلك كده برضه، و اكتر انتى بتعرفى مكانتك عندنا، او عندى يعنى
هههه صحيح خرفانك بتطلع علينا ساعات و ساعات بنختلف فى الاراء
ههههههههه
و ساعات بنقفش.....بس فى النهاية انتى انسانة قلبها ابيض و دوغري و جادعة
و كلها صفات قلما ما تجديها فى رجالة اليومين دول
اما بقا عن الناس المدونين ففيه منهم ناس تفرس..تفرس بجد
يمكن انا مش اديت الفرصة لمعرفة اي منهم عن قرب
و ده لأني مش ناقصة فرسة اكتر من اللى فيا
سايباكى عليهم بخرفانك
هههههههههههههههه
كل سنة انتى و كتير من اللى بحبهم بجد بخير و سعادة و راحة بال يارب

اما بقا عن التعليقات على المواضيع بتاعتك
ههههههههههههههههه
ففى موضوعات تودى مرينا كعابي يا أوختى
و انتى شكلك بيحب البحر
ههههههههههههههه
سلام

خواطر شابة said...

هذه النماذج التي ذكرت ليست مقتصرة فقط على عالم التدوين ستجدينهم ايضا في حياتك العادية لذا أفضل حل هو محاولة غربلة المعارف ليذهب كل ماهو غير صالح ويبقى فقط الحقيقيون هؤلاء فقط من نقترب منهم والباقي تبقى المعرفة سطحية فقط فلا يمكننا ان نقاطع الجميع في هذه الحياة
تحياتي لك وكل سنة وانت طيبة وبخير

faissl said...

يا كريم :D

Appy said...

خيخه


تعالى بس متقفليش الباب وراك عارفه متخيله ممنظرك زى القط بتاع توم وجيرى وهو ماشى مدلدل ودانه وبيجر فى ديله قوم هوووووب قاوم عفاه من قفاه واجيبه
انا طبعا اتكلمت على الحاجات الحلوة وكفايه انتم وبعدين اشمعنى افتكرتى دول ونسيتى
يوم البؤجه لما قولنا كلام لبعض فى ودناتنا وقعدنا نضحك
ولما بنخرج مع بعض وانتى يجيلك مشوار وتجرى زى الفأر اللى مقطوع ديله نيهاهاها
لا يا خوخه انا مش مضايقه ولا حاجه
انا بس بخبط فىناس بتحاول توقعنا فى بعض وبخبط فى ناس قرفانى فعلا ناس يعععععععع
قرف
هبقى اقولك فى ودنكناس ايه غير يع قرف
المهم متفتكريش حاجه وحشه يا اوختشى محدش واخد منها حاجه
اجيب لكى كوبايه شاى بالنعناع يا واد انت

Appy said...

مفروسه

بسسسسسس بلاش مارينا دى النبى انا حسه ان نهايتى على ايدي اللى فى بالى هههههههههههه
انا على فكره مطلعتش من التدوين غير بالناس الحلوه اللى بحبها وهما عارفين نفسهم وانتى منهم طبعا لكى اوضه كده كامله فى جنب
بس على فكره بقالك شهرين مدفعتيش الايجار هاتى اللى عليكى

Appy said...

فيصل


الله انت ايه اللى جابك هنا مش قولت لك اقعد دور انت بقى :P




خواطر شابه

انا مفلتره يا قمر من زمان بس بقول انطباعات عامه وانتى طيبه يا جميله

adel said...

هههههههههههه
حلوة يشموا نفسهم دي
اوبشن جديد
شم نفسك بنفسك ...يامعفن

الكارثة تمام
ايه اخبار جناب الهانم ربة الباب العالي ؟؟؟

ممنون جدا للرد
هههههههههههههه

مصاء الخير

akeedba7ebha said...

انا معاكى ياابي فى برج الكفاح الى انت فيه هاتيلي شقه معاكى انا لسه جديد اهو
مكملتش حاجة لسه مكتبتش اول توبيك

ويارب دايما مكافحه برة التدوين وفى التدوين

انتى عرفتينى ولا لسه؟

لاسع افندى said...

كل سنه وانتى والمدونه بخير

وعقبال 100سنه تدوين


تحياتى

micheal said...

اقر على جميع النقاط مع تحفظي على التعبير في البند العاشر بس في النهاية دي مدونتك طبعا وانتي حرة تكتبي فيها اللي يريحك
:)
بالتوفيق دايما يا سيادة اللوا
تحياتي

مواطن شووجااع said...
This comment has been removed by the author.
بت خيخة وأي كلام said...

ابى

مش فاهمة

قريت ردك على تعليقى على البوست اللى فات وكتبتى حاجة عن التوقيع ما بينا

وردك عليا هنا فيه كلمة التوقيع ما بينا


هى بينا دى عائدة على مين؟
عليا انا وانتى تحديداً؟
ولا تقصدي بينا
بين المدونين عموما؟


لو بينا انا وانتى يبقى محتاجة منك تفسير

مين اللى بيوقع ما بينا
وبيوقع ازاى يعنى؟

انا عن نفسى محدش حاول يوقع بينى وبينك او بين اى حد

انا الفضول بياكلنى انى افهم ايه حكاية التوقيع بينا دى؟

سلام
اختك خيخة

ـ-ـ- أحمد عبد العدل-ـ-ـ said...

كل سنة و آبى بلانيت طيب ان شاء الله
و السنة الجاية تكون مليانة خير و نشاط
متفق جداً إن التدوين بيخرج من إطار الكتابة البحتة لإطار التفاعل بين المجموعة اللى بيجمعها انهم عاوزين يعملوا حاجة حتى لو كانت بسيطة بس حبهم و إخلاصهم بيخليها تكون بمستوى محدش متوقعه
أقترح ان حضرتك مترديش خالص على أى حد له أهداف تخرج عن إطار الاحترام و تتعالى عن مستواهم وياسلام لو تشيلى ابو وردة اللى فوق ده علشان بيقلقنى بصراحة :))
بالنسبة لحالة الملائكية المنشودة فى السادة البلوجرز فالتدوين أداة للتعبير يمتلكها الناس على اختلاف أخلاقهم و كل واحد بيعبر بيها عن نفسه المهم نلاقى أصحاب الأهداف المشتركة معانا و نخليهم عالمنا الخاص
بالتوفيق ان شاء الله فى السنة الجديدة

قلم رصاص said...

قولتي حاجات كتير يا أبي عبرت عن اللي عاوزين نقوله

ربنا يبارك فيكي يارب

وفعلا اللحاجة اللي بقت بتزعلني اوي اليومين دول الناس اللي بتفرض نفسها بكل صفاقه على الاخرين ..طبعا دول موجودين في كل حتة وفي اي حياه سواء واقعية او افتراضية ..اللي زعلني انهم ظهروا وانتشروا اوي في عالم التدوين

العالم ده بجد وصلت له السحابه السودا ومياه الصرف الصحي اللي في شوارعنا والكوسه كمان اللي عاوزين يمشوها بالعافيه

هنا المفروض الكل يقتنع ان الاحترام لازم يبقى متبادل عشان نبقى مختلفين للأفضل

اشكرك مرة تانية ع البوست

وعقبال 100 سنة تدوين يارب

وكل سنة وانتي طيبة بمناسبة العام الهجري الجديد

في حفظ الله

karim said...

اابى هانم التى بجد اعتبرها صوتنا العالى اللى بيكون جوانا, انا بجد معجب بيكى كما انى نعجب بمدونين اخرييت, مش هاقوليك اية رايك فى مدونتى و الكلام دة , طبعا يهمنى رايك جداا و ياريت لو تقولية, بس انا مقتنع انى بقول اللى حاسة وبشوفة, لانى مقتنع زيك ان دة مكانى محديش لية حاجة عندى واللى عاجبة يتفضل واللى مش عاجبة يتفضل يشوف مكان تانى, تحياتى

فتاه من الصعيد said...

كل سنه ومدونتك طيبه وبخير

ودي مدونتك وانتي حره طبعا :)

تحياتي

!!! عارفة ... مش عارف ليه said...

آبي دوماً .. تختلف عن الأخرون

هو ده الاحتفال بأعياد الميلاد ولا بلاش


جميل أووي تعبير "المرأة المستذئبة" ده :)


كل سنة وأنت طيبة

Foxology said...

الكلام سليم محدش يقول لا عليه

تحياتى وعقبال مليون سنة ضوئية من عصر التدوين :)

WhItE HeArT said...

هههههههههههههه

بصراحه كل اللي اقدر اقوله على كل ده كل سنة وانتي طيبة وبس

تحياتي

bos bos بسمه عبدالباسط said...

سنتين بس تصدقى فكراكى أكتر من كده
ده أنا قربت أكمل ثلاث سنين


وتصدقى كل اللى قولتيه صح وعارفة أكتر حاجة بتغيظنى لما حد عايزنا نكتب بمزاجة والمفروض أنها مدونة يعنى من غير ذكاء شىء شخصى وكل واحد حر فى اللى يكتبه واللى مش عاجبه كلام حد ما يريح نفسه وما يدخلش عنده وخلاص بيوجع قلبه وقلبنا معاه ليه بس

مجداوية said...

السلام عليكم

:))))

كل سنة تدوينية وانتي خط يا سكينة
وتحليلك منطقي ويعتمد لإن لا تذم ولا تشكر إلا بعد سنة وست تشهر, وانتي عديتي المدة بست تشهر كمان

:))

ولسه

Appy said...

يا عادل اتقى الله فيه احسن اعلقك بقى على باب الكوكو هنا






كريم

ميرسى يا كريم ليك

Appy said...

بوس بوس


اللى مش عجبه يبقى ميقراش ده راى انا كمان





فوكس

تسلم يا رب وانت طيب

Appy said...

القلب الابيض


وانت طيب ومنور

Appy said...

مجداويه


عارفه يا ريا انا مخصماكى يعنى كده وبعت لكى على الفتيس توك وواضح انك مش بتدخلى وانتصلت بيكى وتليفونك مقفول كلمنى شكرا يا مانتى لو سمحتى علشان مجبش تلاته صعايده واتنين قاهرينن وتلاته منايفه واقلب عليكى اسكندريه باللى فيها

Appy said...

عارفه مش عارف ليه


نحن نختلف عن الاخرون اطلبونا تجدونا




فتاه من الصعيد

مستنيه رايك بعد سنه انتى بالذات

Appy said...

احمد عبد العدل

وانت طيب يا احمد هى مش ملائكيه اوى قد ما بتمناها تكون عقلانيه




قلم رصاص


اسكت انا اتفقعت
نورت يا كابتن تانى

Appy said...

مواطن شوجا ع


تصدق مفهمتش حاجه من اللى انت جايبه يالا حصل خير ولا يهمك

مواطن شووجااع said...

لو كنتي تعبتي نفسكـ بس وقريتيه كنتي هتفهمي

أنا أظن كدا


ولا يهمكـ

Appy said...

مواطن شوجاع

انا قريت بس مش فاهمه انت معترض على كلامى ولا متفق انا ده اللى بقصده

شاب فقرى said...

عندك حق فى كل كلمة قلتيها

وكمان فى حاجات شايف انك مقلتيهاش عالمجتمع التدوينى الرهيب

وحاجة لاحظتها فى شباب كتير

بحس انهم طالعين من عالم الشات للتدوين

جايين يعرفوا ناس وبيكتبوا اى كلام وبيصاحبوا ويكلموا ويوعدوا اكتر من واحدة وحركات عيالى وسخيفة جدا

لاحظتها فى ناس كتير ما شاء الله

تقدرى تقولى وباء

الناس دايما بتشوف اللى واثق فى نفسه مغرور ودى مشكلة ملهاش حل

هنيئا لك أصدقائك المقربين :)من التدوين

وأسعد الله أيامك

كنت عايز اقول اكتر

بس مصدع جدا ومش قادر اركز
شاب فقرى