حق الزن



كلمة الزن عادة ما تصاحب الى اذهاننا الطفل لانه المشهور فى الشهور الاولى وحتى الى السنوات الاولى من عمرة بالزن وهى طريقه نصب عالميه من بعض الاطفال فى الوصول الى هدفهم وما يريدونه
وتكبير للجى والدى عند الاباء والامهاء وفى بعض حالات الاستسلام للزن والصوت العالى والدموع التى تفوق دموع التماسيح يوافقون على الطلب سواء كان برضاهم ورغبتهم ام للتخلص من هذا الصوت المزعج الذى يسبب ارتباك وانشطار فى الاذن الوسطى وشلل التماسيح الرباعى فى الاطراف
وهناك من يقاومون ويقفون كوقفه الاسد امام الفأر فى هذه الحالات ويقررون فى وقت قصير وياخذون قرار حاسم بتعلق هذا الطفل الزنان على المسمار حفظنا الله منه وهى طريقه متبعه مع بعض الاطفال او الدبايح او الملابس الغير مرغوب فيها وايضا طريقه مفضله لدى وهى تعليق الشخص من قفاه على الحائط ويكون عبره لكل العالم
وهذه هى قوه شخصيه الاهل ووقوفهم فى وجهه هذه الاصوات الفزيعه ولكن مع كثرة الضغوط تجد ان الاهل المقاومين اندثروا مثل الديناصورات اصبحوا كائنات خرافيه

هناك بعض الاشخاص ايضا الذى يهدفون الى الوصول لموضوع معين فيستخدمون مثل الزن على الودان امر من السحر ويااااا الله لو هذا الشخص او الشخصه يحبون اخر ويبدأون بالزن فى اشياء معينه مستخدمين هذا المثل شعار ودافع لحبهم
وهم لا يعلمون ان الزن على الودان اتغير من امر من السحر للقود الى القتل والزهق والملل
فيا من تزنون ابتغاء الوصول لهدفكم فاود ان انصحكم ان هناك طريقين لا ثالث نتيجه الزن
الاول
الانصياع لكلامكم والعمل به على مضض يعنىمن تحت الضرس يعنى واللى قدامك قرفان كما من وقع فى بلاعه مجارى طافحه فى الوراق او بولاق الدكرور
او المقاومه والاستبسال من اجل ان لا يستسلم وهنا ستجدون مدفع مترليوس مندفع تحت اى بند فى وجهكم
فى النهايه الزن بيولد الزهق ولو ولد الاستسلام فبيكون استسلام معوق فى اطرافه اى مصاب بشلل وصم وعمى حيثيى
والحل اما ان تترك من تزن عليه ليرجع لعقله اذا قرر عمل الشئ بيكون شئ نابع من داخله وسوف تستمتعون به او يجر اذيال الخيبه ويجر ما تبقى له من اعصاب ويذهب بعيد وفى هذه الحاله هيكون الحال افضل

الزن التالت
وهو البطاقه الانتخابيه كله بيزن علشان يبقى عندنا بطاقه انتخابيه علشان تقول لا علشان تقول اه لحاجه انت عاوزها
انا موافقه وانا من الناس اللى عندها الحمد لله
ليه بقى مش بنستخدم الزن بتاعنا اللى بنمارسه فى حياتنا العاديه على الحكومه بمعنى استخدم حق الزن بتاعك مع الحكومة وبلاش مع الاشخاص واعمل بطاقه انتخابية
حتى لو انت عارف انهم مزورين لعلى يستجيب لنا الله ويرزقهم برعد وبرق وصواعق من العيار التقيل تقضى عليهم
ودى دعوة واحده ودانها عليها زن لما بقت قد ودان الفيل بس لن استسلم الموت البتنجان ويسقط يسقط الاستقلال

يالا اقعدوا بالعافيه

كان معكم مدير اول مراجيح ملاهى دريم بارك ابى هانم


حكمة الامبراطورة

ومن الحب ما قتل ومن الجهل من تسبب فى خلل

34 اخبط وقول رايك:

spiderman ( المدونه الإسلاميه ) said...

السلام عليكم
هذه اول زياره لمدونتك
عجبني البوست ده جدا
و الى عبجني فيه التشجيع على ان كل واحد يدور على حقه
و ميقلش ما هو مفيش فايده

على عبدالله said...

السلام عليكم

الغريبة ان الاخوة (الزنانين) فاكرين انهم بيأدوا واجب دينى ووطنى كمان
شىء عجيب

انا ممكن (احتمال)انى اعمل بطاقة انتخابية لكن ال (مؤكد) انى لن أصوت

سواء فى انتخابات مجلس ال(الشيعب) او انتخابات (الرياسة) ،،،
مش كدا أحسن
هناك ما هو اهم

سانك يو

البنفسج الحزين said...

والله يا ابي معاكي حق الزن أو الالحاح عموما شئ مزعج جدا وهناك من الاشخاص من يجيدون الالحاح ويستخدمونه كوسيله للوصول لاهدافهم وهي طبعا وسيله مش صح لأن اللي قدامه بيعمل اللي التاني عايزة بدافع القرف منه وانه عايز يخلص منه لا أكثر ...
تحياتي ليكي ولخفه دمك...

esraa said...

انا بكره الزن
مش بحب حد بفضل يزن في وداني كده

بس البطاقه الانتخابيه لأن الحكومه ماينفعش معاها زن
احسن ناس يعملو نفسهم هنود ومش فاهمين احنا بنقول ايه
لكن لو كلنا انتخبنا محدش هيلاقي اصوات يزورها أصلا

Baskouta said...

Happy New Year Ya sweetie
من غير اي زززززززننننننن
اتمنالك سنة سعيدة

فتاه من الصعيد said...

ما اخذ بسيف الحياء حرام

المهم الزن ده عاده ممله ... وبكرهها بجد من الناس القريبين


هنحاول نزن ع الحكومه

تحياتي

لورنس العرب said...

احنا مش بنزن على الحكومه لسبب
وهو ان الكل يطبق بيت الشعر الشهير

قد أسمعت لو ناديت حيا ولكن لا حياة لمن تنادي

Wanda said...

عارفة لو زنت عليكى زى بنت اخويا ما بتعمل معايا :-)
حطلعى البطاقة الانتخابية فى ثوانى
عارفة ليه ليه ليه ليه ليه ليه :-)))
اصلها لازم تسال ليه 5-6 مرات علىالاقل

اولا كل سنة و انت طيبة
ثانيا فكرتينى بفيلم Shawshank Redemption
البطل زن علشان يمولوا المكتبة فىالسجن بجوابات للحكومة يوميا و فى الاخر وصل للى عايزه

Foxology said...

الزن على الحكومة ملوش لزمة لأن ودانها ودن من طين وودن من عجين والأذان فى مالطا انفع واجدى :)

على فكرة مفيش بلاليع مجارى فى الوراق ومشروع الصرف الصحى شغال زى الفل من سنة 1992 بدون اى مشاكل :))))))

تحياتى

مواطن مصري said...

الزن سلاح كنت بمارسة و انا صغير على اخويا الكبير

بس دلوقتي اخويا الصغير بيمارس سلاح الزن

عليا انا

احنا بنمارس الزن على بعض بس على الحكومة صعب لأن الحكومة هي ابو الزن بتزن كل يوم على الشعب زن في الاعلانات

يوسف بطرس غالي دة بقى يعتبر دكتوراة في الزن كل يوم يقعد يزن على الناس عشان تدفع الضرايب

كل عام و انتي بخير

Anonymous said...

ابى هانم

صباح الزن على حق ربنا

http://www.youtube.com/watch?v=3qOf21bMxcU

مسلم

kafrawy said...

الزن على الودان امر من السحر

تخيلى ........

دمتى بود

زهرة الجنة said...

كلامك صح يا آبي
والزن ده بدأ ينفع
في محافظتين اهلها استخدموا الزن لغاية ما تم تغير المحافظ الخاص بكل محافظه منهم
بس الزن المرة دي بطريقة مختلفة
وهي رمي المحافظين بالطوب والحجارة

شاب فقرى said...

ان شاء الله وبعون الله هعمل البطاقة الانتخابية دى

يمكن
لعل وعسى

بس المشكلة فى الزنانين اللى فى البلد دى

انهم محترفين زن

ربنا يكرمهم بعقد عمل فى بلد تانية ونستريح منهم

اللهم امين
تحياااااااااتى
فقرى

محمد عبد الوهاب mhmdwahab said...

وززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززززز
شوية زن من نفسى

!!! عارفة ... مش عارف ليه said...

لكل زن رد زن مساوي له في المقدار ومضاد له في الاتجاه

والزنان والمزنون عليه كلاهما آثم

في إرتكابهما لفعل الزن

-------------------

وأفتكر أن الزن ده ممكن يجيب نتيجة مع أي حد

إلا حكومتنا الرشيدة

لأن هي عارفة دية شعبها

إنها تسيبه يخبط دماغه في الحيط

وزنوا براحتكم وعيشوووووو

Appy said...

المدونة الاسلامية



ميرسى يا فندم ونورت حضرتك








على عبدالله

ليه يا على صوت يمكن صويتنا يوصل

Appy said...

البنفسج الحزين



الاخوه الزنانين رافيعن شعار لا للاستسلام
ميرسى على ذوقك يا فندم







اسراء

عادى يعنى ادينا بنحاول بقى على الودنين يمكن تنفع

Appy said...

بسكوته


ميرسى يا حبيبى هابى نيو يير ليكى انتى كمان






فتاه من الصعيد

يمكن المحاوله تكسب يا بنوته ومتغبيش عن التدوين لو سمحتى

Appy said...

لورانس


امممممممم تفتكر يعنى مش هيجيب نتيجه تبىق على الاقل ارضيت ضميرك يا معتز








واندا

هههههههههههه ايوه عارفه ليه وعارفه لما تقعدى تتسالى طول الليل عن الحيوانات وبتعمل ازاى عشروميه مره عندى نفس السن فى ابن اختى

Appy said...

فوكس

انه تعبير مجازى اصلى مروحتش الوراق خالص ههههههههه بس اعرف ان المجارى بتطفح فى كل مصر عموما





مواطن مصرى


بطرس غالى ده هيجى فى الاخر ويلبس مصيبه سودا لان قالك انك ممكن تعمل تظلم والحكومه تدفع عنك الضرائب العقاريه لسه عارفه المعلومه امبارح تخيل المسخره

Appy said...

مسلم


هشوف حاضر






كفراوى


لا طبعا لانى مقاومه كبيرة للزن بتاع الناس لا تكلك

Appy said...

زهره الجنه

بتاع حلوان اتغير من غير زن وده فرحت فيه اوى لانى كتبت بوست عنه زمان واتهزأت بسببه بس فى النهايه طلع كلامى صح واترمى فى الزباله






شاب فقرى


ربنا يقدرك يا رب

Appy said...

محمد عبد الوهاب


طيب زن بعيد عن هنا :)))

الحــ ــزين said...

بجد موضوع جميل جدا
وفقتى سيدتى
وان شاء الله هايكون فيه تواصل منى ديما
اتمنى انتى كمان تتوصلى

اقصوصه said...

الزن

وما ادراك ما الزن

وما معفول الزن :)

هي وظروفها said...

مساء الخير

ردك عند خيخه ضحكني فدخلت عندك

بخصوص العيال الصغيره بقي زنهم تنح يعني هو العيل تمامه معايا اني اجيبله شيكولاتيه انما يشتغلنا كل شويه بعياطه بقوله اولع هتزهق من العياط وتبطل يا هتتعب وتنام

والنوع التاني دي بقي عالم بنت كلب بيرشق للبني ادم واول ما المصلحه تقضي مبتشوفيش وش اهله فانصحك يا تديله وش ومش هينفع يا تلخصي في طلبه وتخفي وتفسي دماغك

والبطاقه الانتخابيه بقي دي في مصر زيها زي بطاقه التموين هتاخدي بيها قمح مسرطن ومكرونه البهايم متكلهاش والشاي وربنا اريال اتو ماتيك لي طعم عنه

بحييكي علي بوستك وتحياتي ليكي وبتمنالك ربنا يوفقك ولما يحين الوقن يجيلك شاب يستاهل حد محترم ولبق زيك

أخوكي وليد الدوغري

نهر الحب said...

مازلتى جميلة شجاعه
ومحاولة ان ترتقى بنفسك

نهر الحب said...

التدوينة السوداء ادعوا كل المدونين الشرفاء الى عمل تدوينة سوداء يوم 15/1 اعتراض على الجدار الفولاذى جدار العار والخزى

مواطن مصري said...

على فكرة انا سجلت اسمي في لجند القيد بالانتخابات

الشموع السوداء said...

اعتقد ان الزن حق شرعي مكفول لكل مواطن

Appy said...

الحزين

اهلا بيك


اقصوصة

متزعليش من كلامى فى بوست خيخه بس انا فعلا كنت مضايقه من الاشكال الضاله اللى بتتكلم

Appy said...

نهر الحب


وهتعمل ايه البتاعه دى يا نوسه يعنى ايه فايدتها ما برضه الجدار اتعمل وبيكمل والناس ولعت فى بعض ومش بياثر





هى وظروفها

ههههههههه بزمتك ده رد يضحك يا لهوى هو و انا حتى لما اعمل زعلانه وماموصه واشتم بضحك ده مؤشر مش كويس خالص
ههههه
عموما نورت يا فندم واهلا بيك وميرسى على دعوتك

Appy said...

مواطن مصرى

طيب حلو اوى





الشموع السودا

هنزل الموضوع ده فى الدستور المصرى علشان يبىق حق بجد