قنبله موقوته

تحديث يا جماعه فيه صديق لينا دخل التدوين وداخل ببوست انا بعتبره حلو اوي يا ريت تقروه اسم المدونه اكيد بحبها انطح الاسم هتروح للينك وطبعا كله عارف ينطح يعنى ايه يالا هجوم

طول عمرنا غير اى حد فى العالم متميزين حتى فى حياتنا الشخصيه العيب ده مش عيب حكومة لوحده ولا هو واجب عليهم هما بس الموضوع ده احنا كمان لنا ايد فيه
اطفال الشوارع
الموضوع باختصار مغاره فى قلب كوبرى الساحل فى امبابه كانوا بيغتصبوا فيها البنات بياخدوهم هناك ويغتصبوهم
وطبعا المكان مليان مخدرات ودعاره وبلاوى
لما اتكشف الموضوع كله واحد بيدلق جردله بقى
ابو تريكه متصل بجمعيه يقولهم اساعدكم
طلعت السادات هيرفع قضايا على وزيره الصحه والسكان ولا مش عارهف اسمها ايه دى الحجه مشيره وعلى الداخلية وعلى الشئون الاجتماعيه
دلوقتى الداخليه بتتحرك
نرجع وراء شويه دورنا احنا كان فين
لما بنشوف طفل ولا طفله من دول فى الشارع ولا بنعبرهم بنعطف عليهم بفلوس وخلاص وهما كمان عمرهم ما بيساعدونا لانهم بيكدبوا فى اغلبية الكلام اللى بيحكوه لنا
من فتره جابوا فى برنامج صبايا وبيقعدوا يعيطوا
الولادد مش كلهم متعاونين واشد شراسه وعدوانيه من ناحية اى حد وده بطبيعه حالهم اللى هما فيه
حتى هما عملوا مجتمع دلوقتى لوحدهم له قوانين وله عادات
احنا بقى كناس عاديه مش حكومة كنا فين
الناس اللى قريبين من المكان ده مبلغتش على طول ليه
لما بنشوف طفل فى الشارع ولا تحت كوبرى مبنبلغش ليه
الدوريات الراكبه مبتأخدش الاطفال دى تحطه فى ماوى ليه
باختصار اوى العيب مش على فئه وفئه لا
دى مسئوليتنا كلنا
طلعت السادات مفتكرش الكلام ده من قبل كده ليه استنى لما انفجرت واتحرك ولا هى فرقعه وخلاص على الرغم من حبى اصلا له جدا بس الموقف زباله ومش عجبنى
الست بتاعت الوزاره الجديده اللى بتعمل مؤتمرات فينها من المشكله دى
بهوات الداخليه واحنا فين برضه عملنا لهم ايه
كل فرده شمال عمل جمعيه علشان يلم على قلبه حار ونار فى جتته على اسم الجمعيه ويحطهم فى كرشه وخلاص
الموضوع علشان محدش يقولى بتتكلمى وبس
اولا ومن زمان المفروض يعملوا جمعيات على حق محترمه كويسهويحلوا مشكله الوفاء والامل
ثانيا تتقفل كل الجمعيات المشهره والنصابه اللى فى بير سلم واى كلام
وده يتعرف عن طريق تعيين اخصائيين يشرفوا على الاماكن دى

الدوله دى عامله خدمه اجتماعيه لمين نفسى اعرف ليه صديقه هولنديه بتاخد 10 الاف دولار فى الشهر وهى اخصائية اجتماعيه
فين بقى احنا كليه اربع سنين ومعهد سنتين وفى الاخر ولا بنعمل حاجه بيهم قاعدين نبيع فجل وجرجير
مبيعينوش الناس دى ويبقى لهم شغل محترم الوظيفه دى حساسه جدا جدا واللى يتخرج منها لازم يبقى على درايه كبيرة بكل حاجه فى علم النفس والاجتماع والجريمه والعقاب والاسرة والطفوله انا درست فعلا كل ده واستفدت منه جدا
الكليه دى لا تقل اهميه عن هندسه وطب واى كليه تانيه لان دى اللى بتبنى طفل او بنى ادم
ليه مش مهتمين بيها
الناس اللى بتتصل وعاوزه تساعد الموضوع مش ساعة المشكل وبس المفروض طول الوقت ميستنوش صمام الامان
لما ينفجر
احنا لما نشوف حاجه ليه بنسكت ونقول واحنا مالنا ليه منبلغش ونفضل ورا الحاجه حتى لو هما طنشوا شويه
مشكله الاطفال والعشوائيات مش هتتحل غير لما تترتب كويس ويبقى فيه تعاون بين الاتنين
الموضوع بجد وبامانه مسئوليتنا كلنا سواء احنا او الحكومة

يالا اقعدوا بعافيه

ملحوظه كلبوظه:- البوست اللى فات مش عارفه ارد على باقى الناس لان لقيت برضه الاغلبيه زى متلخبط مشاعر انسانيه تجاه فلسطين ومشاعر تجاه بلدى انا وبعض الفلسطنين طلعوا قالوا احنا مش مضررين من وجود الجدار اللى شوفته وسمعته ان حماس اكتر حد واللى سمعته برضه الانفاق دى بيتهرب فيها حاجات كتير والله اعلم بقى بفين الصح بس فى النهايه ربنا ينصر المظلوم وينتقم من الظالم
لان ولا وقفات هتنفع ولا شموع هتفك عنهم حاجه ولا مقاطعه اروبا للمش ابو دودو هتخلى مصر تتراجع الموضوع منتهى


لواء اركان حرب مدرعات ابى هانم سيبونى فى حالى


حكمة الامبراطورة

السكوت احسن من الكلام وسط الزيطه

50 اخبط وقول رايك:

أم بتول said...

ابى موضوع اطفال الشوارع خطير جدا و انا عملت علية بوست قبل كدة ، المهم اننا نلاقى له حلول و نبدأ ننفذها لأننا شبعنا كلام عنهم و المسؤلين يتكلموا و يوجعوا دماغنا و يصدعونا و مفيش حل مطروح كلها وحجهات نظر ، لكن مين بيبص للأطفال دول على أنهم بنى أدمين ليهم الحق فى حياه أفضل ، مش نبقى أحنا و ظروفهم المهببه عليهم ،
ربنا معاكى و يارب نقدر نلاقى لهم حل قبل القنبلة ما تنفجر فى وشوشنا كلنا ووقتها لن ينفع ندوم أو كلمة ياريت كنا عملنا .
تحياتى

lostlove said...

طيب بجد معاكي حق في كل كلمه
تحياتي علي الموضواع
بس في مشكله بقي
انا كل يوم بتعرض في الشارع لاكتر من 10 اطفال اطفال شوارع
بس اتاكد منين ان ده بجد طفل مش لقي مكان يفضل فيه
ولا ده طفل اهل موجده وليه بيت
بس بيدخل ليهم دخل
شغل التسوول والشحاته وكل حاجه بتدل علي ان ده طفل شوارع بقت مهنه
اهل كتير دلوقتي بينزلو اطفلهم تعمل كده
يعني من فتره في التي في كان في رقم تتصل بيه وتبلغ لو شفت طفل كده
والله اتصلت
وفضلت مع بنوته زي العسل
ان حد يرد عليه مفيش
معرفتش اعمل حاجه
فعلا كل الي نقدر عليه نديهم فلوس
يمكن هي كدبت ويمكن ظروفها غير ما حكت
طيب الجمعيات الخيره الكتير
انا معرفشي كتير ولا قليه
بس في اطفال بيدخلو الجمعيات ديه
ومن العزاب الي جوه بيهربو
طبعا شفنا مسلسل اولاد الشوارع
ده بيحصل بجد
وعلي اسواء من كده كمان
المشكله كبيره وضخمه
الحكومه معندهاش حل
طيب احنا يمكن نلاقي حل
طيب مهو الحل محتاج دعم مدي
ولا هنشوف مكان ونصرف علي الاطفال ديه من جبنا
الي هو تقربيا مخروم وملف علي طول
انا ممكن الم صحابي وجراني شباب من سني ونعمل حمله لانقاز اولاد الشوارع
لو نجحت الفكره بمعدل 10 من كل 100 هحس اني عملت حاجه
تفتكري ده حل صح
انتي خريجه خدمه اجتمعيه وممكن تعملي زي
بس بردو ده كفايه
20 واحد من الي هيشوف البوست ده
هيعملو زينا
بردو ده كفايه
المشكله بقت ضخمه جدا
والحل فيها كل يوم بيبقي اصعب
المسؤوله اكبر علي الحكومه الي سكته ومنفضه متجاله المشكله
دي مصر بقي نصها اطفال شوارع
التشرد بقي اسهل حاجه
بسبب ظروف كتير
ومش تشرد اطفال بس
عشان بقي في كتير متشردين المشكله بقت من 5 او 6 سنين
لحد بعد 40 سنه
معرفشي تقدري ده صح ولا لاء
يمكن عشان شفت ناس في السن ده مرمين في الشوارع
معلشي واسف اني طولت
انا حسه اني بكتب موضواع مش تعليق
بس المشكله بقت كبيره
ومنتشره جدا
ومحدش عارف يعمل عليها اي كونترول
بجد موضواعك رائع
وتحياتي ليكي لانك اتكلمتي في قضيه زي ديه
تحياتي اتمني التوفيق

Appy said...

ام بتول

حبيبتى انا حطيت بعض الحلول البسيطه اللى بجد ممكن تساعد بس مش عارفه ليه اصلا بتتنفذ هى مش عبقريه منى بس معرفش ليه عدم الاهتما ده اصلا









lost love
==========
اهلا بيكى
بصى يا جميله الموضوع ببساطه ان لازم نبلغ وبس لان الموضوع لازم يبقى فيه تنسيق انتى مش هتقدرى تعرفى اذا كان له بيت او لا لان بالطبع هما كدابين او اغلبيتهم وفيهم الىل حالته صعبه ولو اتكلمتى معاهم هيحسوا بالدونيه ويحسوا انك بتتفرجى عليهم
الموضوع لازم تنسيق قوى وحد يكون معنى اوى بالموضوع ويقدم خطط ليه
موضوع الجمعيات اكبر دليل على فشله الوفاء والامل اللى اقدر اقوله لكى ان اللى هناك عصابه سواء مسئولين او مجموعه من الشباب ومصايب هناك ولا يهمهم غير اللى عاوزينه ومصلحته
زى ما قولت الموضوع محتاج تنسيق جامد بين جهات معينه واحنا كمان
نورتى يا فندم

lostlove said...

طولت عليكي اسف
دخلت علي البروفيل بتاعك لقيت كزا مدونه
ولقيت بؤجه الخير
فعلا فكره رائعه
تحياتي ليكي
وربنا يوفقك في الي انتي بتعمليه
ويجعلو في مزان حسناتك
تحياتي
اتمني التوفيق

فتاه من الصعيد said...

اطفال الشوارع مشكله موجوده في المدن الكبرى بس ويمكن موش في الصعيد

بس للاسف معظم الولاد دول يمكن من الصعيد او الاقاليم وهربوا للقاهره

اعتقد ان المشكله هي الفقر ثم الفقر

لكن لو عايزين نحلها موش مستحيل يعني ..

لو في منظمه تاخدهم بالقوه بس تعلمهم كويس وتربيهم عادي

ما احنا بناخدهم بالقوه ونوديهم الاحداث

انتي ليه موش بتزوريني في مقري الجديد :)

تحياتي لطرحك للموضوع

lostlove said...

هو فعلا محتاج تنسيق كبير
واكيد الجمعيات الي انتي قلتي عليها ديه نصب في نصب
مصالح ولم فلوس علي اسم اطفال الشوارع
تحياتي ليكي

ماما أمولة said...

السكوت احسن من الكلام وسط الزيطة

المشاكل هي هي والقضايا هي هي والكلام هو هو


يبقى السكوت

سلام يا حبيبتي

البنفسج الحزين said...

محدش فينا يقدر ينكر اننا شعب سلبي بطبعه ودايما مستنيين حد ييجي ينقذنا من اللي احنا فيه ويحل لنا مشاكلنا كل واحد فينا مبيفكرش غير في نفسه واسرته واولادة وبس ويولع المجتمع باللي فيهوبالتالي مشكله اولاد الشوارع كانت نتاج للسلبيه والانانيه بتاعتنا كل واحد بيقول مادام ولادي في حضني مالي ومال ولاد الناس التانيين
تقبلي تحياتي

خواطر شابة said...

لما خالد يوسف فكر يعمل فيلم وعملوا عن العشوائيات وأطفال الشوارع الكل هاجمه وقالوا عليه بيشوه سمعة مصر وبينشر تقافة التيئيس احنا مجتمعات لاتحب ان ترى مشاكلها نخفي رؤوسنا في الرمال ونترك مشاكلنا تتعاظم
معك حق هؤولاء الاطفال قنبلة موقوتة وللاسف ومعهم حق في ذلك يكبرون ناقمين على المجتمع وعلى أفراده وبالتالي يشكلون مادة خصبة لدعاة الارهاب وللاجرام
تحياتي لك

Appy said...

lostlove

ميرسي لذوقك يا جميله
عموما الجمعيات دورها برضه مش لوحده ده مسئوليه كامله علينا
نورتى







فتاه من الصعيد
انتى هتدوخينى يا بنتى بجد لا اكيد بزورك بس انا مقصره فىالتعليقات جدا عند الناس شوفت المقر الجديد انتى هتعملى انتخابات غيرتى المقر ولا ايه هتنقلى الدايره
انا وجهه نظرك فى الموضوع ان مفيش فى الصعيد والاقاليم ففعلا اه بس زى ما انتى قولتى كده اغلبيه اللى هنا هربانين من اهاليهم والعكس

Appy said...

ماما اموله


مينفعش سكوت على ده يا ماما صعب وبيغيظ وانا وانتى وكتير برضه بيضروا منهم

faissl said...

سيادة اللوَز
لا مؤاخذة لو فيها سآلة يعني (وفيها على فكرة)
يعني إيه "بيغتصبوا فيها البنات بياخدوهم هناك ويغتصبوهم..؟"
:D

صيدلانيه طالعه نازله said...

كله بيتصل دلوقتى عشان الورنيش الاعلامى يشتغل يا اوختى
لكن فى الاول كان مفيش اضواء مسلطه على الحدث و بالتالى الورنيش كان حيلم تراب من غير ما حد يشوفه خالص
هيا دى بلدنا يا بؤبؤ منتحركش غير بعد المصيبه ما تحصل

Appy said...

البنفسج الحزين

لا ما ده تفكير غلط طبعا هو ايه ولا يمهنا المجتمع ازاى يعنى ما هو برضه بياثر على ولادنا واللى يفكر غير كده يبقى يستاهل ضرب اللى فى رجله بصراحه







فيصل

ايه يا سوسه انت مش عارف ايون طبعا اشك ان الخبر ده طلع من تحت ايديك انت مقرتهوش ولا ايه دور عليه فضيحه كوبرى امبابه او الساحل
اغتصاب بنات الشوارع فى بطن الكوبرى فيه مكان بيعملوا فيه كده
يا سوسه

Appy said...

خواطر شابه


علشان هما عاوزين يغمضوا عنيه بس مش اكتر سمعه مصر اللى يشوها اللى بيعملوه وده فى كل مكان بس احنا اللى مش عارفين نسيطر على فكره حتى امريكا واروبا فيهم







صيدلانيه طالعه نازله


مش قصه ورنيش بس يا لولو القصه انك لسه فاكر يعنى ما ده موجود ما تساعدوا الناس اللى عندها فاكار ولا بنستنى لما الدنيا تنفجر

لورنس العرب said...

لازم احجز دوري وأرجع تاني

أصلي مش بحب آجي متأخر بتوه وسط الزحمه

A.SAMIR said...

كتبت قبل كدة بوست عن موضوع اولاد الشوارع دة و مش فاكر اذا كنت نشرته و لا لا
بس كان موضوعه ان الناس بتوع الروتاري و الليونز و الكلام دة اللي بينادوا بحق اولاد الشوارع في التعليم و الرعاية و الخدمات هم نفسهم اللي بيقرفوا لو مجرد واحد من دوووول لمس عربيتهم حتى
عموما موضوع اولاد الوارع دة سيبقى بلا حل
تحياتي

يا مراكبي said...

يا ما ناس حذرت من موضوع أطفال الشوارع زي ما حذروا من العشوائيات .. وأحسن تعليق كنت سمعته هو إن القاهرة محاطة بأحزمة ناسفة من القنابل الموقوتة متمثلة في الموضوعين دول: أطفال الشوارع والعشوائيات

عموما من الواضح إن القنبلة ما بقتش موقوته ولا حاجة ودي بتنفجر فعلا خلاص .. والتجاهل التام من الجميع حكومة وشعبا (تحسي إن كأن الحاجات دي مش موجودة أصلا) هيعجل جدا بإنفجار مروع وهيؤذي ناس كتير .. لكن ساعتها مش هيجدي البكاء .. وعشان كده لازم الكل يتصرف ويساهم في حل المشكلة قبل ما الكارثة القادمة تحصل .. ومش هتكون حاجة صغيرة أو بسيطة

اقصوصه said...

للاسف

المجتمعات العربيه بشكل عام

مجتمعات سلبيه :(

انسان وبس ! said...

عندك حق فى تسميتة الموضوع ده قنبله موقوته
لان اطفال الشوارع دول يا آبى مش مجرد عيال عايشه فى الشارع دول جزء من المجتمع والشعب المصرى شئنا ام ابينا
وبيكبروا ...وبيكبروا بسرعه كمان او هما بحكم ظروفهم كبار
والمشكله دى متشعبه وتلاقيها داخله فى مشاكل تانيه زى الاتجار فى الاعضاء وفى السرقه والنشل والدعاره والمخدرات وبلاوى كتيره ...اقل حاجه ليهم علاقه بيها هى موضوع عمالة الاطفال نفسه كمشكله

الحكومه لازم يبقى ليها دور اقوى من كده ...والناس برضو لازم تتعاون

الحكومه عملت الرقم 16000 لنجدة الطفل بس صدقينى الناس اغلبهم عنده ازمة ثقه فى اى شىءتقريبا الحكومه بتقوله ، ده غير السلبيه اللى اتزرعت فى شعبنا المصرى

اتصلت مره ب16000 بعد ما لقيت بنت او فتاه حوالى 14 سنه نايمه تحت الكوبرى فى ميدان الجيزه الكوبرى قدام سينما مهجوره اسمها الفانتازيو
انا اتصلت وقلتلهم فى كذا كذا
عرفوا الموضوع منى واخدوا اسمى ورقم تليفونى وانا كنت رايح النيابه الكليه فى الجيزه وقلتلهم مش فاضى لاى حاجه
هم اهتموا فعلا وكلمونى انهم وصلوا واخدوا البنت
الرخامه انهم فضلوا يكلمونى لحد ما روحت البيت

باسلوب ما فهمتهم انى مش مهتم لابعد من كده انا قمت بدورى وانتم بقى تتصرفوا هو قالى ان فيه ناس بتحب تعرف الحاله حصل معاها ايه للاخر قلتله انا بثق وبأمل فيكم خير .

عملتها مره تانيه بس اتصلت من سنترال وغيرت اسمى للاسف ... كانت بنت برضو فى مترو الجامعه عند الاسانسير
الخارجى للمعاقين

مش بعيد عن الموضوع مره كنت قلعد على قهوه فى شارع فيصل مع ناس صحابى فجه ولد صغير حوالى عشره حداشر سنه بيلمع جزم انا مكنتش هلمع الصراحه ولا حتى اصحابى قلتله شكرا
الواد عليه اسلوب فى الكلام خلانى لمعت واصحابى كمان اللى مكنوش هيلمعوا
بيتكلم بطلاقه عاليه واسلوب مقنع
اعدت اتكلم معاه ان فيه ناس كويسين ممكن يعتنوا بيه ويعلموه ويربوه وياكل كويس ويلبس كويس وهيعاملوك كويس
ومتخفش الموضوع ده تبع ماما ..اقصد تيته سوزان الواد زى بيتكلم كويس سمع كويس
بس فى الاخر قال ان هو مش صايع فى الشارع بلا اهل انا ليا اهل بس بابا بيشتغل بواب وانا بشتغل علشان اساعده
اديته الرقم فى ورقه وقلتله خليه معاك احتياطى قالى ماشى

يعنى الموضوع داخل فيه الفقر وده صعب حله حل جذرى بس اكيد فيه حل

Appy said...

لورانس

انت رحت فين يا معتز يا خراشى اوعى يكون الكلب عضك




احمد سمير

والله يا احمد كل حاجه لها حل بس للى عنده ضمير

Appy said...

يا مراكبى

المشكله ان الناس بتغطى عنيها عنها وتقولك انا وبس مع ان ده زى ما انت قولت بياثر على كل حاجه والبلد مديه قفاها للترعه







اقصوصه

طيب ما احنا كمان كده سلبيين

Appy said...

انسان وبس


والله يا متر موقفك حلو وهما برضه اهتمامه كويس جدا وحتى لو المشكله مشكله فقر زى الطفل ده يبقى انت لفت الانتباه ليه انه حد يساعده من ده دور الرعايه الاجتماعيه يا محمود وده الدور اللى بقول عليه فى انشاء الجمعيات لمحترمه
والتوظيف للناس المعنيه بده

مواطن مصري said...

و الله ابو تريكة دة جدع

عارفة لو المنتخب يعمل متش ودي يساعد بية الاطفال دول يبقى احسن حاجة عملها حسن شحاتة و ابو تريكة

بالنسبة ل الاطفال

انا مبقتش اثقفيهم بحس انهم نصابين يا مافيا

بس بيصعبو عليا و لو ساعدتهم بحس اني بشارك في المصيبة

لأن انا ضد عمالة الأطفال

عشان كدة انا بساعد الي اقرب مني و الي اعرفة

بس لو هتعملو حاجة انا بيس بس متكنش الجمعة
ز يا رب الحقكم قبل الجهادية

انافكرت انضم لرسالة او صناع الحياة قبل الجهادية بس متردد

كل سنة و انتي طيبة

مواطن مصري said...

اتفرجتي على فلم مدينة الرب city of god?

يا خوفي بكرة نبقى كدة و نلاقي اطفال الشوارع يرفعونا ب السلاح

بدراوى said...

عارفة طرحت للمشكلة صح
بس المشكلة كمان ان اى شىء عندنا مش بيتعمل لوجه الله و الوطن
زى بالضبط لما طلعت مشيرة و طلع طلعت
السادات دلوقتى

و ابو تريكة كمان

الموضوع كبير لان دولة اساساً تخلت عن رعاية الناس اللى ليها قيمة
متوقعة ايه منها تجاه اطفال الشوارع اللى اخرهم يروحوا الإصلاحية يطلعوا مجرمين اكثر

لازم يبقى فيه حصر حقيقى ليهم
و بحث حالة حقيقى عنهم

عارفة انا خريج اجتماع بس للأسف الشغل فى الجمعيات تعبان يا قلبى
انا مستعد بجد لو فيه فرصة حقيقية فى جمعية محترمة انى اشتغل
بس كله همبكة و كلام و بس
صحيح انى ماليش اوووى فى العمل الخيرى و شغل الجمعيات بس ممكن اتغير عشانه
بس احس انى بعمل شىء
مش مجرد يافطه و حصر ان فيه كام جمعية فى مصر بتعمل كذا
مجرد سد خانة

زى بالضبط فتحنا كام مدرسة فى سنة كذا
و كله ارقام فى ارقام

و بعدين فاكرة البوست اللى كتبته فاطيما و قالت انها راحت عرض مسرحى تقريباً الليلة الكبيرة و لقت طفل يتيم حاضر فبنت جت تلعب معاه امها قالتلها مالكيش دعوة بيه
متوقعة من مجتمع زى ده يعمل ايه

انا شخصياً بخاف شوية من اطفال الشوارع لأنهم زبالة اووووووى
و مش مستعد اخاطر بده
بس المشكلة ان مش كلهم زبالة

بعضهم ولاد ناس بس الفقر صعب

و مشيرة ديه نفسى اعرف هيى و ماما سوزان بيعملوا ايه بالضبط
!!!!

Foxology said...

من الاخر دى بتبقى موضة كدة علان التوك شو والرغى والانرويل والكلام الفاضى اياه وبعد كدة : كل ئ ينسى فى مصر بعد حين

ودمتم بكل خير وعقبال المشكلة الجاية او الاكتشاف الجاى

تحياتى

لورنس العرب said...

عندنا السيده سوزان مبارك راعية الطفوله المشرده وأخذت جوائز على هذا الموضوع
بعد ما اخدت جائزة بفتره حصل موضوع التوربيني
وكنت كتبت موضوع عنها في قهوة كتكوت
قلت منين اخدت جائزة ومنين الدنيا لسه زي ما هي
انا افهم ان الجائزة بتتاخد نتيجه للمجهودات
لكن العمليه بتزيد يوم عن يوم
تبقى انتي اخدتي الجائزة وبتتكرمي باستمرار ازاي؟

فشكووول said...

آبى هانم سيبونى فى حالى
ازيك

فى الاول كدا بعتذر عن التأخير عشان النت قاطع عندى من اسوبع ولسه جاى امبارح وعملت مشاكل كتير مع شركة النت

اطفال الشوارع بقى .. الموضوعن كبير ... كيبر .. كبير وما ينفعش يتعلق عليه بكلمتين حلوين وكويسين كدا .. لا عايز الواحد يتكلم عنه فى بوست كامل وحيكون بوست طويل كمان لكن عموما .. تفتكرى لو حد بلغ البوليس عنهم حيعملوا حاجه؟

عن اسمه ايه السادات ... كله بيشتغل دعايه واعلام لنفسه .. لكن ما يمنعش اذا يعمل حاجه حلوه وبالمره يعلن عن نفسه
يعنى لا حاجه حلوه ولا اعلان

اما غزه والجدار .. انا مش عارف افسر الموقف المصرى الا انه هناك ضغوط جباره على اشخاص مصريين وليس على مصر اما الجدار الفولازى او لا توريث .. وطبعا الكل عارف ان التوريث اهم من مصر وغزه والعرب الجرب كلهم المهم ننوس عين ابوه يمسك الحكم
وما تودينيش فى داهيه

فشكووول said...

آبى هانم سيبونى فى حالى
ازيك

فى الاول كدا بعتذر عن التأخير عشان النت قاطع عندى من اسوبع ولسه جاى امبارح وعملت مشاكل كتير مع شركة النت

اطفال الشوارع بقى .. الموضوعن كبير ... كيبر .. كبير وما ينفعش يتعلق عليه بكلمتين حلوين وكويسين كدا .. لا عايز الواحد يتكلم عنه فى بوست كامل وحيكون بوست طويل كمان لكن عموما .. تفتكرى لو حد بلغ البوليس عنهم حيعملوا حاجه؟

عن اسمه ايه السادات ... كله بيشتغل دعايه واعلام لنفسه .. لكن ما يمنعش اذا يعمل حاجه حلوه وبالمره يعلن عن نفسه
يعنى لا حاجه حلوه ولا اعلان

اما غزه والجدار .. انا مش عارف افسر الموقف المصرى الا انه هناك ضغوط جباره على اشخاص مصريين وليس على مصر اما الجدار الفولازى او لا توريث .. وطبعا الكل عارف ان التوريث اهم من مصر وغزه والعرب الجرب كلهم المهم ننوس عين ابوه يمسك الحكم
وما تودينيش فى داهيه

شمس النهار said...

اطفال الشوارع
مشكله مش هتتحل الا لو اتعمل فريق عمل من الداخليه والصحه والشؤن الاجتماعيه اللي من كتر فضايحها غيرت اسمها وعنوانها علشان ماحدش يعرفها

كنت متطوعه في جمعيه بتاخد اولاد الشوارع تعلمهم وتهتم بيهم وتعمل اللازم تجاهم وبصراحه الجمعيه كان بيجي لها تبرعات كتير

بس للأسف العيال كانوا بيهربوا
همه حبوا الشارع وكارهين النظام والنظافه قليل منهم اللي كان بيقعد ويكمل

المشكله لازم تتحل من جزورها وده مش كلامي الحقيقه
ده كلام رئيسة الجمعيه اللي كانت بتدعي بشعر راسه المتبقي من شده
بتدعي علي مين علي الحكومه كلها
جزور المشكله
ان مايكنش في اطفال شوارع اصلا
والتحكم في الموجودين
وده عن طريق الدخليه
يعني ببساطه يتعملوا زي معاملة دور الايتام
والفرق ان اليتيم يامعروف الام المعيله اللي ماقدرتش تربيه وسلمته بنفسها للدار وبتكون اداة ردع
يايتيم الابوين مع عدم وجود عائل او موجود وعاجز عن الصرف عليه
او يتيم الابوين ومجهول الاهل زي اللي بيلاقوهم في بعض الحوادث
يالقيط
واكيد انتي عارفه الكلام ده اكتر مني بس حبيت اوضح لوحد قرا التعليق

اولاد الشوارع لما بيروحوا الدور المختصه
بيكونوا اعتادوا الاجرام والانحراف وتصدقي اكترهم بيفضلوه
واغلبهم ليهم اهل معروفين وليهم بيوت
ومابيرضوش يرجعوها
وفيهم بيكون من بلد تانيه خالص
موضوع كبير جدا ياابي
انا سيبت الجمعيه بعد شهر كان هيجيلي حاله نفسيه وفعلا ماكنتش باكل والا بنام
ياريت تتعمل حاجه ياريت

معلش طولت عليكي اسفه
بس انتي كمان دستي علي دمل عندي

كل سنه وانتي طيبه

P A S H A said...

آبي هانم


بصفتي شاب من شباب الشوارع هههههههههه ... ممكن أسيب نمرة موبايلي هنا لأي حد عاوز يتبرع .. ولو مش عاوز يتبرع .. وعاوز يكفلني أنا مستعد ... عاوز يجوزني ... مصلحة ... يسفرني من البلد يمكن تنضف موافق ... إنما لوكلوك لوكلوك لوكلوك وفعل ما فيش يبقى كمان كام سنة سيادتك هاشرفك هنا وألزق نفس التعليق بس هابقى رجل شوارع ... زي ما أنا واخد التعليق ده وغيرت فيه كلمة طفل خليتها شاب !!

معايا أنتِ يا معلمه ؟؟

(على فكرة الإيراد اللي هاييجي هايتقسم بيننا التلت والتلتين ) :)
سلام

حياة said...

ماما أمولة said...
السكوت احسن من الكلام وسط الزيطة

المشاكل هي هي والقضايا هي هي والكلام هو هو


يبقى السكوت

تعليق صحيح مائة فى المائة السكوت احسن احنا بنسخن اوى لما بنتكلم فى موضوع جديد بنقعد نقول هنعمل ونسوى الكلام هو الكلام والنسيان بسرعة احنا شعب بنتكلم اكتر ما نعمل تيجى المشكلة او تنكشف تثور الدنيا ولا تقعد والبهوات اعضاء المجلس اللى سابوا وزير وعضو به يسب الدين للشعب والوزارء يقعدوا يوعدوا ويقولوا وفى الاخر نرجع تانى افتكروا ماذا فعل الناس عندما غرقت العبارة وحادث القطار وغزة والجزائر

اسكتوا احسن من الكلام وسط الزيطة

المشاكل هي هي والقضايا هي هي والكلام هو هو
يبقى السكوت احسن من الكلام
شكرا لللاخت ماما امولة

تحياتى آبى

صبرني يارب said...

طيب تفتكري لو كان حد بلغ عادي كده كان حد هايعبر يا ابي

بذمتك ودينك انتى مصدقه ان ده كان ممكن يحصل

من غير فرقعه اعلاميه ؟؟

بصي هى عيشه تقرف

وطلعت السادات ولا غيره ولا غيره كلهم قررررررررف وكلهم كلاب بيهوهو على اللقمه وبس


والجمعيات بجد بجد الى بيحصل فى البلد دي مسخره

مسلمينهم رقابينا يا ابي
متفقين معاهم على تقليب الشعب

يا جدعان ثالث بوست ادخله النهارده واقعد اناحي من قلبي بتفتحوني ليه ما تسبوني ساكته

الزنارى said...

السلام عليكم و رحمة الله و بركاتة
تحية طيبة و بعد
للأسف هذا هو الواقع المر
حكومة ....... و رعاية .........
لا أرضى عن هذا
و للأسف لم أستطع متابعة مدونتك فى الفترة السابقة بسبب انشغالى فى المذاكرة و ها انذا اعود لمتابعة اخر مواضيعك بعد وجود بعض الوقت الفارغ لدى .
مع خالص الاحترام و التقدير
أحمد الزنارى

فتاه من الصعيد said...

انا بس خفت لاكون ضايقتك بكلمه اثناء اي تعليق ليا

اصلي ساعات بكتب تعليقات مختصره ممكن تتفهم غلط :)

تحياتي

أم بتول said...

عارفة آبى أنا من الحلول الى كنت طرحتها فى البوست عندى الجيش ، بمعنى ليه الجيش مش بياخد الأطفال دول سواء بنات أو أولاد و يبدأ يعد لهم مكان يعيشوا فيه و يدربهم على حرف و بعد كدة يضمهم لصفوفه ، عمال فى شتى المجالات فى الجيش ، فهو يحتاج من الو السائق حتى عامل البناء فالجيش يقوم باعمال كثيرة و مهمة و يحتاج للأيدى العاملة بكثرة ، حتى فى خبز العيش ، البنات لية مش ندربهم على التمريض و الخياطة ، يخيطوا ملابس الجيش و الممرضين و المجندين ، يعملوا الوجبات لميز الضباط و المجندين ، فى حاجات كتير نقدر نحول بيه سلوك الأولاد دول و حياتهم 180 درجة ، يتحولوا من أيد هدامة للبناء ، ها نستفيد منهم كتير قوى قوى ، الأطفال عددهم كتير جدا و صعب أن فى جمعية أهلية او حتى حكومية تستوعب العدد دة كلة و تقدر تسيطر عليهم و على سلوكياتهم ، الجيش هو الحل فى نظرى ، صحيح ها يكلف الدولة عبأ فى الول لكن بعد كدة ها ناخد منهم أنتاج ، و ألهم أننا ها نتقى شرهم وشر أنهم يتحولوا لمجرمين زى ما بنشوف .

Appy said...

مواطن مصرى

ابو تريكه جدع وانا جدع وانت جدع بس الجدعنه انك تعمل الحاجه قبل وقوعها فهمت منستناش
حاضر هشوف الفيلم عونيه افضى بس واشوفه









بدراوى

سوزان ومشيرة بيعملوا بديكير ومانكيير تعرفه نيهاهااهاها

كنت بتناقش مع دكتورة بحبها جدا امبارح فى صحه المجتمع امبارح قالت ليه يا بنتى يا حبيبتى هيجلك كل الامراض اللى فى الدنيا بسبب فكيرك
ومش هتتجوزى فى سنتك دى
قالت ليه المشكله دى محتاجه تهدى المجتمع من جديد قالت الفكر فى الفلوس وبس بعض الناس بتفكر كده وتخلى ولادها يشتغلوا وهمهم على الفلوس وبس ده اللى بيخلق كده ومن ضمن الناس الخدمات او البوابين لان معندهمش فكر صحيح بالتربيه السليمه
انا عن نفسى اقتنعت بكلامها الحقيقه لو فيه حاجه ممكن اقولك وربنا يسهل

Appy said...

فوكس


الله يخليك يا فندم عقبال لما نلاقيهم هما كده الممسئولين يعنى






لورانس

ايه يا كابتن مستخسر فى الست حته جايزه ده على فكره حقد منك قلبك اسود اوى
يا عم ده اى كلام فى اى حته

Appy said...

فشكول

امممممم انا مش فاهمه حته التوريث بالجدار يعنى هو بيوافق عليه علشان ابنه يورث ممكن برضه
احتمال
عودا حميدا يا خالى العزيز

Appy said...

شمس


يا لهوى يانى دا انا دوست على السد العالى فى الضغط
ايه يا شمس ده
ما ده برضه من اللى قولته ان الاطفال دول فيهم اللى عاوز يعيش بره فى الشارع وخدوا على كده وانهم كدابين علشان كده قولت دول قنبله موقوته
يبقى لازم عليهم رقابه جامده وايد قويه وتعالجى جذور المشكله
يا حبيبتى الله يكون فى عونك انا اتعاملت مع بتوع الاحداث ولما اتخرجت خدتنى روح المغامره ورحت على لواء كده فى الاحداث محترم قولت له عاوزه موافقه حضرتك انى اعمل تدريبى هنا وساعتها حسيت فى عنيه انه عاوز يختصر وميستناش حكم المحكمه عليا ويحطنى هو فى السجن
قالى يا بنتى روحى شوفى مكان تانى
اقوله انا عاوزه اعمل دراسات
يقولى يا بنتى روحى دول ياكلوكى هنا دا الحاجه الوحيد اللى بيشوفها مؤنث هى ورك الفرخه
ومرضيش واحبطنى الحقيقه
يالا ربنا يبعت لنا اللى يحقق حلمى فى الموضوع ده

Appy said...

باشا

طالما فيها قسمه قشطه انا معاك طبعا





حياة

هرد عليك رد واد لا ياس مع الحياة يا ايهاب :))

Appy said...

صبرنى

ايه يا حجه فرخنده مالك
اقرى تعليق انسان وبس
قالك ايون بيستجيبوا
انتى الناس هتنرفزك وهطلعيه عليا
عليا ال اجى اعضك من مناخيرك بقولك ايه اعملى ليه كيكه وهاجى اخدها :PP

Appy said...

الزنارى

حمد لله على السلامه ربنا يوفقك يا رب




فتاه من الصعيد

يا بنتى انا لو زعلانه منك كنت جيت جبتك زعبوطك اللى لابسه فى الصورة دى
وعلى فكره اسرائيل عندها حاجات بتنتجها وعندها تقدم
شوفتى بقى انا متابعه ازاى يا جميله وقريت كل التعليقات كمان

Appy said...

ام بتول


والله حلك كويس وبما ان زى شمس ما قالت ان الولاد بيهربوا يبقوا عاوزين ايد قويه ومفيش اقوى من الجيش
فكره برضه كويسه
انا بفكر اجمع كله واوديه لحد مختص بس مش عارفه اعملها ازاى

أم .. بوبه said...

المشكلة موجود من زمان ومحدش عايز يحلها ولا فاضيلها

الشنكوتي الكبير said...

الموضوع قديم زي ما بتقولي واللي بيزيط في التبرعات من زمان موجودين
واللي هايصين دلوقتي وافتكروا يقولوا نرفع قواضي ومعرفش ايه مش هنقدر نلومهم قوي على الأقل اتحركوا متأخرين ايوه بس اهم هيتحركوا

انتي عارفه يا ابي انا اتفرجت على فيلم اجنبي زمان مش فاكر اسمه طبعا كان عن دار ايتام بتلم تبرعات في حفله كبيره قوي عاملها واحد مسؤل كبير
المهم البطل بتاع القصه بيكتشف فساد الراجل ده وانه هيلم تبرعات حوالي 50 مليون دولار
لكن هيدي الملجأ مليون واحده بس او يعني حاجه زي كده
بيحاول يقنع مديرة الملجأ وهي شابه جميله كده -لا مؤاخذه يا غاده يعني- وبيقولها انهم يكشفوا الراجل ده
قالتله انها عارفه كل ده وعارفه اللي هيحصل وانها موافقه بيه لأن الراجل ده عنده نفوذ وقدره يجمع الأغنياء في الحفل ويخليهم يدفعوا بوالتالي هي هتاخد جزء يفيد الأطفال اللي بترعاهم احسن ما الحفل يتلغي كله وميطولوش اي حاجه

هي فكرت صح الراجل هيسرق هبره كبيره فعلا لكن على الأقل هيعملها حاجه وهيديها مبلغ كويس

انما تعالي هنا بقى عندنا تلاقي بيلموا فلوس قد كده ولا تعرفي راحت فين الفلوس دي

اما اجدع حاجه بقى ملايين اتجمعت علشان مستشفى الأطفال ومع ذلك قعدوا يلموا في حقها كتير قوي يا جماعه كل ده لوسه مخلصتش لسه مخلصتش
ده لموا على حسها كتيييير قوي
ما علينا المهم انها اتفتحت اخيرا

ربنا يسترها بقى

خلي بالك من نفسك

سلاااااااااااااااااااااام
اخوكي ايهاب

أم بتول said...

فعلا ألأنت جبتى المفيد ومن الآخر ...... أزاى نوصل للمختص ، أزاى نوصل للى يقدر ينفذ بجد ... مش وعد وخلاص ، يارب يخليكى لو عرفتى قولى لى علشان أروح معاك .

A.SAMIR said...

ليكي امانة عندي في المدونة.........روحي خديها بسرعة

micheal said...

تمام يا سيادة اللوا ..والمصيبة اننا حنعيط(كالعادة) بعد ما تنفجر في وشنا
لازم يبقى فيه إخصائين مخترفين يتعاملوا معاهم
يعني أنا مثلا والله ما بحتقرهم ولا ببصلهم نظرة إزدراء بس بجد حبقى متخوف أتعامل معاهم لأني مش مؤهل ومش حعرف أخاطبهم بلغتهم..وأعتقد أن ده حال ناس كتير
تحياتي وهابي نيو يير