الناس امخاخ


ربنا سبحانه وتعالى لما خلقنا خلقنا درجات باعمالنا وبكل صفات فينا وحتى فى طريقه فهمنا للامور
والطريقه الصح لفهم الامور هو انك تجرد نفسك من ميولك ايه واسقاطاتك ايه وفشلك فى حياتك فى ايه وعقدك ايه وتفكر فى الموضوع وطبعا الغالبيه عمرها م بتعمل كده ولا هتفهم ده
مثلا واحده ذكيه جدا وواحد غبيه بس ربنا مديله حلاوة وركزوا على حلاوة شكلا ااقصد يعنى مش جمال لان الجمال ده حاجه والحلاوة حاجه تانيه خالص
تقوم الغبيه علشان كاره نفسها تعمل اسقاطات على التانيه
يعنى مثلا شوفوا فستانها عامل ازاى شوفوا جزمتها لونها ايه ومتنتقدش مثلا طريقتها فى حاجه مهمه على راى المثل ملقوش فى الورد حاجه قالوا له يا احمر الخدين
مثال تانى مثلا معترضين على حد من الحكومه وطبعا كلهم ولاد تيييييييت فى تيييييييييت بس لاحظت ان اغلبيه اللى بينتقدوا بينتقدوا شكل يعنى شوفوا بيعمل ايه شوفوا بيصقف ازاى شوفوا شعره ازاى
مبدئيا كل ده ميهمنيش فى حاجه والمفروض انه برضه ميهمش حد
الصح انك تنتقد فكره قاله كلمه قاله تصرف عمله انما مش انتقاد لمجرد الانتقاد
وعلى فكره اللى بينتقد ده مبيكونش عنده اصلا حاجه يقولها ولا فكره قادره يعمل حاجه
غير كده كمان مش معنى ان شخص طريقه لبسه وحياته وتفكيره غيرى يبقى هو غلط وانا اللى صح كل واحد له معايير واحنا منعرفش معايير الناس عامله ازاى والحقيقه مش حجر على حد ولا الصح انا مثلا علشان مسلمه بقول ان دينى هو الصح والمسيحى بيقول هو الصح واليهودى بيقول هو الصح وكل واحد متمسك برايه يبقى الحقيقه مش مطلقه ولا مسلم بيها هى بتختلف علشان اذواقنا وتفكيرنا وطريقه حياتنا بتختلف كل مكان وله ظروفه كل حياه ولها ظروفها فبلاش الاسقاطات الفارغه اللى بتتعمل ساعات

حاجه تانيه النصيحه
لما حد يطلب منى نصيحه اوعى تديله النصيحه دى حسب شخصيتك وبرضه ممتديهاش له على هواه بس اديها له حسب ما يتناس مع شخصيته بمعنى اوضح اكتر
لما واحد عاوز يلبس بلوفر اصفر فى اورانج فى اخضر مثلا وانا مبحبش الالوان دى مقلوش لا دى وحشه لان كده انا بديله النصيحه حسب اهوائى انا وده غلط
الصح انى اشوف ايه الغلط فى الالوان او فى البلوفر مثلا شبه البغبغان شبه الفخفخيان اى حاجه واقوله هات الالوان بس منفصله
ودى على فكره قدرات يعنى مفيش حد يقدر يتحكم فى ده الا اللى ربنا اداله عقل مختلف او قوة تحكم فى عقله

فى النهايه اتمنى اللى بينتقدوا اى شئ فى العالم ينتقدوة بموضوعيه
واللى بيقيموا حاجه يقيموها ككل مش اخد حته واسيب الباقى ده اسمه ضيق افق واسقاطات شخصيه ملهاش لازمه غير عقد فى حياتنا فبلاش نطلع عقدنا على حد

ملحوظه :- لو الكلام اللى بقوله ده لمس الوتر الحساس عند حد وحس انى موجهه الكلام ليه يبقى عبيط ههههههه بجد انا مبقصدش حد ولاحظت ان اغلبيه الناس مش عارفه ليه بتاخد الكلام على نفسها زى كده اللى على راسه بطحه بيحسس عليها
انا بتكلم فى العموم ومن تجارب فى حياتى
فا اللى هيلمس الكلام ده وتر عنده ويحسس على البطحه يبقى يشيل

ايده من عليها علشان اعملها له حفره نيهاهاهاهاها




كان معكم ابى هانم من امام عنبر تلاته العباسيه

حكمة الامبراطورة

لا تصدق كل ما تسمعه اذنك وكل ما تراه عينيك فانت تصدق ما تريد فقط

55 اخبط وقول رايك:

عاشقة القمر said...

انا عايزه احجز اونعليق ورجع يارب اكون اوتعليق

عاشقة القمر said...

بجد بوست جميل جدا كلامك كله صح
فعلا ربنامش خلقنا مخننا واحد
في ناس مش بتعرف تصرف خالص تصرفوهم داه ممكن يتاثر بها ناس
يعني احد مفروض اي تصرف يفكر فيه حتي يتصرف يعني تصرف بالعقل

انسان وبس ! said...

ايه ده هو فى سحب على اول خمس تعليقات ولا ايه يا آبى ؟
طب كنتى عرفينا وقوليلنا الجوايز ايه ؟

Appy said...

عاشقه القمر


بطلى لعب دا اول ثانيا انا مقصدتش كده بس ماشى كلامك ماشى





انسان وبس

انا عارفه يا محمود تقريبا فيه جوايز وانا شخصيا معرفش

انسان وبس ! said...

صباخ الخير يا رحاب
انا عارف انك صاحيه لان الموضوع سخن يح لسه نازل من ع النار بتاعت نفوخك طااااااازه

موضوع جميل اوى يا رحا وانا بتفقك معاك جدا فى كل كلامك اللى فى الموضوع ده اقصد

وانا استخدمت كلمة التجريد دى قبل كده فى بوست عندى وعنى.. كان تاج يعنى.

وعندك حق الحقيقه مش حكر لأحد

يا سلام لو كل الناس خصوصا فى مصر
تفكر بالشكل ده

عندك واحد صاحبى جدا عايز يتجوز مطلقه ... الكل معترض
هل جواز منها عيب او حرام ؟
لو الناس دى فكرت بموضوعيه وبتجريد وبطريقه صح لفهم الامور ممكن يغيروا رايهم ولا ايه ؟

امثلتك ممتازه وشرحك للموضوع

وضحكتك جدا لما قريت (....يبقى عبيط )
انتى مشكله

عاشقه الرومانسيه said...

http://elsahra-te7la.blogspot.com/
صباح الخيرات ياقمر
ليكى تهنئه هنا
ادخلى شوفيها
من سالى صاحبه مدونه حاجات جوايا
كل سنه وانتى طيبه

Appy said...

انسان وبس


ايوه انت جبت مثل هايل يا محمود يعنى مثلا لو اللى معترضين دول على جواز صحبك من مطلقه عندهم بنت مطلقه هلى هيفكروا نفس التفكير هل مش هيوافقوا برضه
ما دى اللى بقول عليها يمكن هو شايف فيها حاجات كتير كويسه شايف انه مرتاح الناس بتحكم حسب اللى هى فيه وبس يا محمود
واخيرا اتفقنا فى حاجه لووووووول انا مبسوطه جدا
وبعدين يا عم عبيط دى ابسط حاجه انا مرضتش جرح مشاعير حد بس
صباح الفل انا فى الشغل بس لس ه مبداتش اوى

Appy said...

عاشقه الرومانسيه كل سنه وانتى طيبه يا قمر وشوفتها يا حبيبتى

انسان وبس ! said...

عارفه
سمعت مره على قناة الرساله الدكتور على جمعه مفتى مصر و رغم الانتقادات اللى بتتوجه له الا انى بحترم علم الراجل ده

المهم كان بيقول كلام جميل اوى وقريب من معنى كلامك ... قال ان فيه قاعده فقيه مفادها " انه ينكر المتفق عليه - يقصد المتفق على انه منكر فينكر من الجميع وبالتالى منى - ولا ينكر المختلف فيه - يعنى المختلف حول انكاره فانكره البعض وجوزه البعض فهنا بقى مقدرش انا ان انكره على من اجازه ولو كنت انا ارى انكاره !! طالما ان انكاره مختلف فيه .

وادانا مثل بان ابن حزم بيبيح بعض انواع الموسيقى فلا املك انكارها على اى واحد يتبع مذهبه وان كنت انا انكرها او كانت منكره فى مذهبى

فهمتى حاجه

هو كان انتقدوه لانه افتى لمسلم مقيم فى فرنسا استفتاه هل يصح الحج من مال بيع الخمر اذا كنت فاتح محل بقاله فى باريس وببيع فيه خمر فهل احج من هذه الاموال ...قاله حج وحجك مقبول باذن الله

وهو افتى بمذهب يتبعه ثلاثة ارباع اهل الارض المسلمين وهو مذهب ابو حنيفه اللى بيقول ان عقود غير الملمين فى بلاد غير المسلمين جائزه بشروط

المهم خارج وجع الدماغ الفكرى اللى على الصبح ده
عايز اخد رايك فى موضوع ينفع ؟

Appy said...

انسان وبس

انا فاهمه اللى انت بتقوله فاكر لما مره انتقدت مفتى الجمهوريهه انتقدته فى فكره

او فى طريقه عمل حاجه
وفهمت باقى كلامك وممكن يا فندم تاخد راى فى حاجه لو عاوز الميل مفيش مشكله بس هو ايملات بس مش مازنجر يعنى

انسان وبس ! said...

عارف "الميل" بتاعك اللى هو ايميلات بس وموش مازنجر
بس موش ده اللى انا عايزه ..يعنى مش ده "الميل" بتاعى فى موضوع اخد الرأى منك .انا كنت اقصد وب "ميل " لحديث مباشر شات يعنى بس ما علينا .

عموما مش تشغلى دماغك لانه انه اصلا صوتى من دماغى وبيكون وليكن ما يكون دائما ...وربنا يستر

Appy said...

محمود
ها مفهمتش بس خمنت عموما تريث فى اى قرار يا فندم تاخده وربنا يسترها معاك

سومه...مجنونه فى بلد عاقل said...

ياله روحى هاتيلى كبايه شاى عسان لسه صاحيه وبعدين ايه دا ايه اللى انتى لابساه دا حد يلبس اخضر على بمبى ولون روجك مش حلو حاطه روج بنى والجزمه بنفسجى :)
معاكى حق يا ايبىاصلا غلط نتريق على شطل حد من عاب ابتلى
امال انتى ناكشه شعرك ع الصبح ليه وعينك شكلها مفعص وانتى صاحيه من النوم مش قولتلك تخبى مناخيرك قبل كدا عشان اما بتعيطى بتنفش:p

خواطر شابة said...

معك حق نحن ننتقد احيانل لمجرد الانتقاد أجد تطبيق للمعنى الذي أقصده خاصة في الجانب الفني حيث الفنان يشتكي من ان الناقد عندما انتقد مثلا عمله الاخير لم ينتقد لاالعمل ولافكره وموضوعه ولاطريقة التمثيل وانما ركز نقده مثلا على شكل الممثل أو أنه لم يستلطفه ونفس الشئ ينطبق على الجميع
ايضا نقطة النصيحة ما لفتي الانتباه له مهم ففعلا على من يعطي النصيحة ان يفهم انه يوجهها لغيره فيجب ان يراعي هذا الاختلاف عند ابدائها
تحياتي لك

adel said...

لا لالا لا
شكلك بتلقحي علي حد بعينه او سبت
وهاقوله يا برنزز الجيل

هو حد انتقدك عشان عيد ميلادك ولا ايه ؟؟
ههههههههههههههههه

خلينا في الحكمة و الخلاصة

Appy said...

سومه قومى ي ا بنت انتى اعملى ليه فنجان قهوة امشى








عادل

انا اللى يبص ليه بعين اخزق له عنيه الاتنين يا عدوله انت تعرف عنى كده

Appy said...

خواطر شابة

اهو ده يا قمر اللى بقول عليهوده اللى قصدته فى النقد

adel said...

لا انا اعرف عنك كتير
:P
هههههههههههههه

لاص ياجماعة محدش يكلم البنت دي
عندي انا

وبعدين اللي يزعلك هو مبدأ واحد ماشي بيه
بالجزمة
بس لو جديدة بلاش عشان متبوظش بسرعة

أم بتول said...

كلام جميل .. وكلام معقول مقدرش أقول حاجة عنه ، ههههههه
فعلا لازم يكون كلامنا و حكمنا بحيادية تامة و حسب طبيعة الشخص نفسه مش حسب طبيعتنا و لا حسب أهوائنا و قدراتنا .
و اهم أول نقطة أنت طرحتيها أننا ما نحكم على الشخصية الى قدامنا من المظهر الخارجى ولا من مشاعرنا تجاهها يعنى بنحبها ولا لأ بنستلطفها ولا بتغير منها ، دة هو الصدق مع النفس ومع الناس
تسلمى يا أمبراطورة

Appy said...

عادل

انا ماسكه نفسى علشان خاطر فاتيما المره الجايه فكرنى ارميك فى البحر هههههههههههه



ام بتول

عارفه الىل علمنى الكلام ده واحد قريب ليه بحترمه جدا
موضوع النقد ده بلاقى ناس كتير بتتكلم فى مواضيع سياسيه واجتماعية وبرضه بدون يحاديه

Appy said...

الانونيمس






ههههههههههه طيب ممكن البوست اصلا اللى بتتكلمى عنه علشان انا مش عارفه بوست مين وصحبتى مين
لان من الواضح اننك ينطبق عليكى مثل اللى شالت مخها وحطت بداله الشوز
معلش انا هفهمك للنهايه بس قوليلى تقصدى مين صحبتى وبوست ايه الا انا بقالى كتير مبدخلش مدونات
بجهز بقى نفسى عقبالك يا رب

بدراوى said...

بقى يبقى عيد ميلادك من 3 تيام و متعرفيناش
و اعرف من التعليقات

كل سنة و انتى طيبة و بخير و صحة و سعادة
و يارب كل امنياتك تتحقق ما علمنا بها و ما لم نعلم
:-)
-------
بخصوص البوست انا موافقك على كلامك
المشكلة ان فيه حد بيحكم بشخصيته
و هو اصلاً لو حط نفسه مكانى حيحكم بحكمى انا
ديه المشكلة
اما بخصوص الإنتقاد عمال على بطال فده منهج حياة عند المصريين من قرفهم

Appy said...

بدراوى


اهلا اهلا
ما انت اللى مختفى وباعته لك السلام مع احمد سعيد من فتره واختفى هو كمان فى ظروف غامضه
نيجى بىق للمهم موضوع الانتقاد انا معنديش مشكله فيه يعنى مثلا لما اتكلمت عن عيشه عب الهادى قولت انها عملت كذا مقولتش هى شكلها مذا قولت مثلا طريقه كلام فلان نظيف مثلا فى الموضوع ده مش عقلانيه مقولش ده طويل واهبل ممكن اقول افيهات انما مش اسقاطات يعنى ننظر اكتر للموضوع من الداخل مش الخارج فهمتنى
نورت ومتغبش تانى

Wanda said...

و الله يا هانم
الكلام جميل فعلا احنا متعصبين لروحنا قوى فى كلامنا و ارئنا
فى بالى اكتب بوست عن الموضوع مشابة ليكى
ليه كل واحد فينا بكفر و يجرم و يصغر غيره
يعنى مثلا بنقول احنا كمسلمين حندخل الجنة (امة الاسلام كلها) طب مافيه مسلمين مختاروش دينهم و مبيعملوش باحسن مافيه و برضة يتعاملوا مع البقية بانهم الاحسن
يعنى لو اتولدوا فى مجتمع مسيحى او يهودى مبرضة حيقولوا نفس الكلام
محدش بيحط نفسه فى جزمة غيرة:-))

الكلام بتاعى تاه
معلش اكمله بعدين
عموما كلامك صح يا فندم
و ساعات الاصفر و الاخضر و الاورنج (برتقالى يعنى) بيبقوا حلو بس طريقة اللبس و توزيع اللون
عايزة تشوفيها اتفرجى على الهنود :-))

المهم المقولة اعرفها
لا تصدق كل ما تسمعه اذنك وصدق نصف ما تراه عينيك
اصل الخدع البصرية كثرت قوى فى عالم التكنولوجيا

معلش طولت يا هانم السماح

Appy said...

واندا

اسمك حلو من فيلم اجنبى انا افكره بس مش فاكره انهى فيلم فكرينى بقى بجد والله بس كنت عارفه انها حاجه حلوه
المهم يا ست البنات
فعلا اللى قولتيه صح
بس حته ان المسلم هيدخل الجنه دي احنا عندنا القران اخر حاجه يعنى يا رب ندخل الجنه يا رب فاهمه قصدى اكيد
المشكله ان فعلا احنا ساعات بنبص للغير بنظره تانيه ومبنديش له الحق فى تصرفاته وسبب ده اننا احتكرنا الصح على نفسنا وبس
مع ان ممكن اكون غلط
يعنى مثلا برضه احنا بنقلد الغرب ساعات
بس بنقلده غلط
ونرجع نلوم عليه بصى مثلا للمسابقات حرفناها للغلط ونقول العيب عليهم لا احنا العيب علينا لاننا مش بناخد الفكره ونعمله بما يناسبنا
عموما انتى مطولتيش ولا حاجه انتى شرفتينى بتعليقك بجد

Hager Za3bal said...

عاجباني النصيحه اووووووووووي يا امبراطوره :)

تسلم ايديكي :)

سومه...مجنونه فى بلد عاقل said...

حاضر يا ستى:)

P A S H A said...

علم وينفذ سيادتك


هو بيني وبينك أنا مقتنع بإن أرخص شيء في الدنيا هي النصيحة ،، عشان ما حدش بياخد بيها ..

بوست حلو فعلاً
تحياتي
سلام

Foxology said...

والله الموضوع مهم جدااا ونفسى نحكم عقلنا فعلا فى كلامنا وتفكيرنا بس مفيييش كله ودن من طين وودن من عجين

تحياتى

dr.lecter said...

عداكي العيب وقزح

الطائر الحزين said...

فقه التعامل مهم جدا متى وكيف تنقد والاهم فى اى وقت تستشعر قبول النصيحة أو حتى الاصغاء اليها

مـحـمـد مـفـيـد said...

صح فعلاً
الناس أمخاخ
)

Wanda said...

واندا يا ستى مش من فيلم من قصة قلبتلى نافوخى :-))

http://wanda-wanderer.blogspot.com/2009/11/blog-post_2276.html

لو حبتى تعرفى معناها عندى

فاهمة قصدك لعلمك طالبة معاية اتكلم فى الموضوع ده بس مش دلوقتى اصل حغيب بعد يومين فخلين فرفوشة كده لما ارجع و الاكتئاب يرجع نبقى نقلب المواجع :-)))

مرسى على ردك ياهانم ، نحن الى تشرفنا
الناس مقامات برضة :-))

يا مراكبي said...

بسم الله ما شاء الله .. خير فيه ايه المرة دي؟ ايه الموضوع الموضوعي الرزين ده؟
:-)

عموما أنا أحب أضيف نقطة كمان .. وهو إن الإنسان تخلى عن غروره وإعتقاده بإنه هو بس اللي صح .. وحط نفسه مكان الطرف الآخر .. هيكتشف إنه بيشوف الأمور بزاوية مختلفة .. وإن الموضوع فيه مرونة أكبر .. بس تقولي لمين .. الناس أمخاخ

Appy said...

هاجر


منوره يا جميله




سومه

انتى لسه هنا

Appy said...

P A S H A

ايه النور بتاع الناس الحلوة دى بس

Appy said...

فوكس

=========

الناس بقت متعبه اوى جدا وانا زهقت




دكتور ليكتر


قزح فين يعنى

Appy said...

محمد مفيد


بتتريق ولا ايه يا ابو العبدين هوصيهم عليك انت حر

Appy said...

واندا


لا كان اسم سمكه فى فيلم انا فاكره
نورتى يا جميله وحاضر هقراها





المراكبى

ما انت عارف مضطر اخاك لا بطل يبقى عاقل ورزين ههههههههه

karim said...

اسمحيلى ان اهنءك بكلامك الجميل و المقنع الدائم بس فى حاجة مهمة اكيد الكلام دة منك يبقى بيتنفذ منك, وعلشان كدة ناس كتير بتنتقدك علشان كتييييير جدددددددددا حالهم مايل مع الاسف, استمرى عزيزتى

Che said...

على فكره يا آبى ... مينفعش ان الواحد يكون حيادى بنسبه 100% .. لازم يكون جواه تحيز و لو بسيط ناحيه رأى معين بيمثله تفكيره ... الفكره هو انه ازاى يحاول يبقى موضوعى ... يعنى يحاول على أد ما يقدر يحترم رأى الناس التانيه لانه اللى ينفع لزيد اكيد مينفعش لعمرو
سيبك انه جوا كل واحد فينا بتبقى فيه عقده نقص انه عايز يحس انه متميز عن الاخر حتى ولو بنقطه وهميه

akeedba7ebha said...

الكلام ده فعلا يا ابي صحيح وفعلا الناس حتى المسؤلين الى بتكلمى عليهم دول فعلا بيعملوا كدة واقل من كدة كمان وبيسيبوا المشكله الرئيسيه ويتصدروا للتافه

ولو سمحت ممكن تغير التمبليت بتاع المدونه لانه زى بتاعى وانا حطه من زمان

واحد من البلد دى said...

السلام عليكم

والله يا اختنا وحشتينا
وانا كنت جاى بؤجة الخير بس المشكلة ان ابنى الكبير زراعه اتكسر جبستهوله..عقبالك..
لألألألأ مش عقبالك لما زراعك يتكسر لألأ عقبالك لما يكون عندك ابن كبير زيه..
هههههههههههههههه

البوست طبعا جامد..
بس انا لما حد بيطلب منى النصيحة..
باقوله..انا لو مكانك حاعمل كذا و كذا وكذا..لكن فى النهاية انت حر تاخد بكلامى او لأ..

دمتى طيبة

Anonymous said...

1 - ساهم فى إنقاذ سمعة مصر عالميا فى فيلم مافيا وانقذ بابا الفاتيكان من الاغتيال
2 - ساهم فى المحافظة على حياة وزيرة مصرية ومجموعة وزراء أجانب فى تيمو وشفيقة
3 - ضرب أروع الامثلة فى تحمل المسئولية بعد تولية حكم الجزيرة
4 - خاض حروبا كثيرة من أجل حقه وحق الاخرين فى أبراهيم الابيض

أحمد السقا رئيسا للجمهورية

http://www.facebook.com/group.php?gid=224868136868

sookra said...

ابى هانم
تصدقى عندك حق
لازم ناخد بالنا من اننا موش ننتقد شكل ومظهر وشعر ولبس
ننتقد فكر وافعال
وكمان لازم ناخد بالنا من موضوع الاسقاطات دى
بصراحه نبهتينى لحاجات كتير
تسلم ايديكى

أ / أحمد عبد المنعم said...

بسم الله الرحمن الرحيم

الأخت الفاضلة : كوكب إيبى

الفصل بين الذاتية والموضوعية أمر هام للغاية فى أمور النقد أو فى حياة الناس بشكل عام وليس حين النقد فقط
لكنها
مسألة جد متداخلة
فحين يقرر المرء أن يكون موضوعيا ويبعد متأثرات ثقافته على الحكم بل يبحث عن ملامح الموضوع الذى صو بصدده ومقايسه
إن فعل ذلك رغبة من نفسه فقد أصبح الأمر ذاتيا
لذا نقول :

فلنصنع من ذواتنا نفوسا موضوعية

فلنقبل التقابل فى الأمور المختلف عليها
فلنقبل فكر الغير وإن خالفنا
إن كان يمس الصواب ويبغيه بموضوعية مقنعة

أشكرك على موضوعاتك الجميلة و الحلوة

د.مادو said...

ازيك يا آبى
كلامك لمس فعلا الوتر الحساس فيا
فقلت أدخل اسلم عليكى بعد ما شلت ايدى من ع البطحة اللى على راسى
وجبت البنج و المشرط و الجوانتى معايا و أنا جاهز علشان تأوريهالى
:) :)

فتاه من الصعيد said...

انا احيكي على البوست ده

معظم اراءنا انطباعات وليست اراء

يا ريت كلنا نتكلم بموضوعيه ونحكم بحياديه

تحياتي

العازمي said...

الله سبحانة وتعالي ياخذ ويعطي
شكرا مقال جميل

تحياتي
العازمي

محمود المصرى said...

ازيك يا حاجة
انا اتفق معاكى ان الانسان لما ينتقد لازم يكون مستند الى فكرة , يعنى لما تهاجم الحكومة تهاجمها علشان مبدأ ولما تنتقد شخص يكون علشان جوهره , لكن ايه حكاية ان مافيش حقيقة مطلقة ؟
لا طبعا فى حقائق مطلقة , يعنى وجود الله حقيقة مطلقة , وصدق الرسول حقيقة مطلقة , وكل ما قام عليه الدليل القاطع هو حقيقة مطلقة , وسواء كان هذا الدليل من صحيح النقل او صريح العقل او من المشاهدة .
تحياتى

بت خيخة وأي كلام said...

يااااااااااااااااااااااااه

حاسة ان بقالى قرن غايبة

ده النت ده نعمة واللى يكرهها يعمى


طب انا عندى تعليق عايزة اكتبه بس الصداع مقريفنى وكمان عايزة انام


ممكن اجى بكرة واكتب التعليق

بت خيخة وأي كلام said...

طب انا عندى تعليقين واحد للنشر و واحد مش للنشر
تحبى ابتدى بايه؟


نبتدى بالتعليق بتاع النشر


بصى يا ستو انا
متفقة معاكى مبدئيا
وكلامك فكرني انى مرة من زمان قريت نقد فى جرنال تقريبا الدستور
الصحفي كان موجه نقد لنوال السعداوى

وبصراحة اكتشفت انه مش بينقد افكارها ولا ارائها

لاااااااااااااااا

الاستاذ كان بينقد شكلها

وقعد يتريق على شعرها الابيض اللى يا حرااااااام
بيخوفه وبيحس انها عفريت


بجد ساعتها قرفت من الصحفى
بغض النظر انا بتفق او بختلف مع اراء نوال السعداوى

لكن
اللى يجى ينقد حد وخصوصا لو الحد ده مكانته فى افكاره وارائه
ينقد الفكرة او الراى
مش ينقد شعر ابيض


ده هبل
واستخفاف واضمحلال وسخافة وقلة ادب



لكن نيجى للناس العاديين

واحدة زيي

انا مش قاضية علشان احكم بحيادية على الناس


غصب عنى ومتهيالى والله اعلم ان الناس العادية كلها كدة


الناس بتحكم على الاخر من خلال طريقة تفكيرها هى

يعنى بصى يا ابى

لو جينا لنفس المثل اللى انتى ضربتيه بتاع الالوان ده

انتى ممكن تقدري تقولى رايك يحيادية

لكن انا مثلا اتعودت ان الاحمر والاصفر يليقوا مع بعض
فبالتالى لو شوفت واحد لا بس احمر مع ازرق هاستغرب وهاسال نفسى ازاى ده لابس كدة

لو انا متربية على ان البيئة اللى حواليا كلها ملتزمة بشكل معين فى طريقة لبس

يبقى لو شوفت حد مختلف هاستغرب واحكم عليه وهاقول ازاى ده يلبس كدة
بغض النظر عن الاخر ده بيفكر ازاى او هو من جوة عامل ازاى


وفيه حاجات بتخلينا غصب عننا نحكم على اللى قدامنها
زى الشريعة والقانون


الشريعة الاسلامية بتاعتنا عرفنا من خلالها ان اللى تلبس لبس مكشوف ده كدة حرام وتبرج

فبالتالى اى حد فى بلدنا لما بيشوف واحدة لابسة عريان بيحكم عليها انها متبرجة

دى حاجة لن يختلف عليها اتنين
ومش محتاجة امخاخ

مهمها اختلفت طريقة التفكير
ففى حاجات كدة الكل بيحكم عليها حكم واحد

اللى ببيسرق الكل بيحكم عليه انه حرامى


انا اقدر اعلن رايى بصوت عالى فى حاجة معروف حكمها ايه


لكن مثلا
انتى بتحبى احمد
وانا بكره احمد
ده مش معناه ان حد فينا صح والتانى غلط

ده معناه انك شايفة حاجة فى احمد وبسببها انتى بتحبيه
وده معناه انى شايفة حاجة فى احمد بتخلينى اكرهه



لكن لو مشينا فى الشارع ولاقينا واحد وواحدة بيبوسوا بعض

ماهو طبيعى ان حاجة زى دى هتخلينا نحكم نفس الحكم ان الاتنين قلالة الادب
رغم ان شخصيتك مختلفة عن شخصيتى

لكن فيه حاجات كدة
رغم اختلاف امخاخ البشر الا انهم بيتفقوا عليها


ارجو ان وجهة نظرى تكون وصلت


انا عايزة اعتذر عن عدم حضورى يوم البؤجة وعيد ميلادك

كان نفسى جدااااااا اشوفك ونقعد نهرج مع بعض


بس يلا ملحوقة ان شاء الله

Appy said...

انا هرد عليكى يا خيخه رد شامل جدا جدا
بصى فيه ثوابت مبنختلفش فيها زى الدين وزى ربنا
انا بتكلم على المجتمعات المختلفه يعنى مصر وبره مصر مش داخل مصر فى موضوع اللبس
موضوع النصيحه انتى زيك زى الاف بيقعوا فيها عادى انهم بيدوا على حساب مزاجهم بس ده مش صح بس برضه براحتك
بلاش اللهى يكرمك تقولى نقعد نضحك ونهزر اصل فيه ناس قلبها بيوجعها ومشيها قلبها بلاش البوبو بتاعتها وبتحقد وعاوزه توقعنا فى بعض تعالى نكتب بوست اننا شدين شعر بعض علشان يرتاحوا

اكتبى بقى التعليق التانى اللى مش للنشر

Appy said...

استاذ احمد

انا اسفه لعمر والله قوله ميزعلش انت كنت منورنا بجد



محمود المصرى

انا مش بتكلم عن الدين انا بتكلم فى الحياه العاديه

Appy said...

د مادو

عودا حميدا يا دكتور نورت تانى نسيت المقص اللى هقص بيه لسان ناس كتتير





ميرسى ليكم جميعا
بس فى النهايه انا بتكلم عن التقييم والمقارنات ما بينا وبين الغرب مش بينا وبين بعض