فلسفه جواز البرطمانات


عندي فوكيره نطت فى عقل بالى الصغنن ده ايه هى بقى دايما الجدل بينى وبين اصحابى والقريبين ليه فى موضوع الجواز انه ايهما افضل جواز الصالونات والانتريهات والتلاجات نسبه ان العريس رايح يتفرج على تلاجه يا تعجبه يا لا وعلى فكره النسبه الاكبر فى الرفض بتكون فى ايد العريس لان فى وجهه نظري التانيه وافقت انها تبقى فرجه وتلاجه للعرض وطبعا فيه ناس هتعارض كلامى وناس هتقول امال البنت تمشى على حل شعرها انا مقصدتش دي خالص بس فيه طرق كتير اوي غير عرض الفاترينات وعلى غرار ده بجد هحكى لكم حكايه يوميات عريس غاوي برطمان وهبقى اشرح لكم ايه السبب انى اطلقت عليه ده وهحكى لكم حكاياته كلها نيجى للمهم علشان منلوكش كتير علشان انا عارفه انى لوكلوك

السؤال ومربط وحدوه الفرس
ايهما تفضل او تفضلى جواز الصالونات والانتريهات ولا جواز الزماله والمعرفه او اي نوع تانى واللى مر بتجربه يا ريت يحكيها وتقولوا وجهه نظركم بس خلاويص كله يدخل يلوك براحته

ملحوظه انا ساعات مبردش على التعليقات لانى مش بلاقى رد على الكلام او مش بلاقى وقت وغالبا بكون موافقه فمحدش يزعل اللهي يخليكوا ليه


كان معكم عروسه من خارج البرطمان ابى هانم بتنجانى


حكمه الامبراطوره

دلل حماتك واكسب ودها أحسن ماتفتحلك نار ماتقدر تسدها

55 اخبط وقول رايك:

دموع القمر said...

تقد كدا اووول


تعليييق !!!!!!!!!!

دموع القمر said...

واللى بعده



كماااااااااااان

دموع القمر said...

يااااسلاااااام يااسلااااام

الله عليكى يادموع


احب انا احتلالات بعد الفطاار دى

دموع القمر said...

اروح اقرأ وارجع


فوريييييييرة

اوعى حد يااخد مكاااااااانى

دموع القمر said...

دلل حماتك واكسب ودها أحسن ماتفتحلك نار ماتقدر تسدها

حلوة اوى

بصى ياستى
عن نفسى مبحبش جواز الصالونات

وفى نفس الوقت محبش الجواز بعد قصة حب

لان الصالونات عاملة زى السلعة كل اللى جاى يتفرج عليها حلوة ياخدها مش حلوة يروح يشوف غيرها

وجواز الحب لا لان مهما كان بيكون جوا الاتنين شك وبالذات هو بيشك فيها
علفكرة ممكن حد يعارضنى بس انا بقول كدا عن تجربة لصحبتى
هى يتشك فيه ومش بتبينله وهو كمان

اللى موجود الايام دى
الجواز من بره بره
يعنى حد واحدة ابنها عايز يتجوز
يعرف ان العروسة هتعدى من هنا يقوم يقف علشان يشوفها من غير ماهى تعرف
ومن غير مايدخل البيت
من غير اى احراج

معلش رغييييييييت كتيير

بس فيه طرق كتيير للزواج
المهم ربنا يسعدهم ويهدى سرهم
وميفرقهم ابدا

تحيااتى لكى حبيبتى

Appy said...

ايه يا بنت انتى فطرتى فطار تقيل وجيتى تلعبى رياضه
هنا علشان تهضمي
طيب العبى مع الخرفان ينطحوكى علشان تهضمي كويس
حلوه وجهه نظرك بس لسه مش واضحه يعنى ايه يشوف من بعيد لبعيد دي بقى وضحي

adel said...

بصي يابنتي
جواز صالونات ايه بس و لا معرفة ولا حب
فكك بجد

بلا جواز بلا وجع اعصاب
ههههههههههه

بس علي فكرة و بجد جدا
ليه الولد هو اللي ينقي يعني
ما البنت هي كمان تنقي
هو الولد زايد ايد ولا رجل يعني ؟؟؟

ده فكر اكل عليه الزمن و شرب
او بالاصح فطر عليه تالزمن و اتسحر كمان

قوس قزح said...

بص يا ستى
هاحكى و امرى لله
انا اتحطيت مرتين فى موقف جواز الصالونات ده
و وحياتك قبلت به مش علشان انا بشجعه و لا انا ضده بس تقدرى تقولى كده مجاملة

المهم
واحد منهم كان الطالب المتفوق على نفسه طول عمره لحد ما بقى دكتور فى الجامعة .. و كانت القاعدة عادية جدا لحد ما جيه العصير و خلافه و نسى نفسه و هات ياكل لدرجة انى خوفت و قمت من جنبه ليسرح عليا

التانى بقى
كان ثرى عربى .. اقصد مصرى وارد الخليج و منفوخ اوى اوى و انتى عارفانى بقى اللى يبرق لى ابحلق له .. قام رقبته زى السمسمة

بس يا ستى
التفاصيل اكتر بقى على الماسينجر او لايف

فكرتك حلوة بس يا سلام لو الناس تحكى بجد .. هنضحك للركب ههههههههه

مواطن مصري said...

السؤال ومربط وحدوه الفرس ايهما تفضل او تفضلى جواز الصالونات والانتريهات ولا جواز الزماله والمعرفه او اي نوع تانى واللى مر بتجربه يا ريت يحكيها وتقولوا وجهه نظركم بس خلاويص كله يدخل يلوك براحته


مممممم


هي مشكلة حقيقية بس الواحد يفضل جواز الزمالة و البعض يفضل جواز الصالونات بعض الشيوخ

يرفضون جوازن المعرفة و الزمالة

بس سواء صالون او زمالة المهم يكون فية توافق و التقاء و تقارب روحي و نفسي و يكون فية اتصال و حب

المشكلة في زواج الزمالة و المعرفة ان الواحد

يقعد يسئل نفسة هو حد عرفها قبلي او كانت على علاقة مع حد و كدة

انا شايف ان جواز المعرفة او الزمالة أفضلها

اذا فشل في انة يلاقي زميلة و يحبها يبقى البديل الثاني

الصالونات

بس سواء دة او دة المهم تفاعل الكمياء و يكون في حب

مخبر قمل دولة said...

عن معرقة وتجربة طبعا اي كان نوعها

ابو على said...

ونسال الرجاله انتو ليه بتحبو تتجوز جواز صالولنات يقولك يعنى عايزنى اتجوز واحده مشيت معاها سنتين وكل شويه بترسم على جواز ويتجوز واحده ويقولو عليها ملاك وتطلع ف الاخر كانت ماشيه مع صاحبه ههههههههههههههه

انا رايى ان النصيب لما بيجى محدش بيقوله لاء

حكمه العدد

ماهو اصل قليل الاصل يسيب الاصل وياخد الصوره

ترررم

Founoon said...

اولا وحشتيييييييني جدا جدا جدا

ثانيا

النصيب لما بيجي ما بيفرقش جواز صالون ولا حمام ولا بلكونة ولا شارع
ومافيش مقياس يقول جوازات الصالونات انجح ولا المعرفة السابقة انجح على الاقل من الواقع العملي اللي انا شايفاه قدامي

ماجربتش حكاية الصالونات لانها بالنسبة لي مرفوضة تماما من الاساس تماما ومتخيلة ان حتى لو الولد كويس فكرة القعدة بالشكل دا هتخلينا احنا الاتنين مش طبيعيين ابدا وممكن احنا الاتنين نرفض مع اننا لو في ظروف تانية كنا وافقنا

قصص الحب اللي بتسبق الارتباط لو لمدد طويلة انا ما بفضلهاش خالص نهائي

الشكل الافضل والانسب في رأيي المعرفة العادية من غير نوايا مسبقة ولا ترتيبات ولو الواحد شاف في اللي قدامه شخصية مناسبة وعايزها تبقى الطرف التاني يروح يفاتحها في الموضوع ويتخطبوا فورا من غير قصص حب وافلام وسنين تضيع في الهوا

وكدا يبقى مسكنا العصاية من النص

لا صالونات

ولا حب وصحوبية وعلاقات في اغلبها بتفشل بصراحة

Ahmad Hossny said...

معلش بس أنا مش فاهم إيه وجه الإعتراض ؟

جواز الصالونات مافيهوش مشكلة منطقية أو علمية أو إجتماعية أو شرعية

و الجواز بعد قصة حب طبعاً ليه مميزاته و ليه عيوبه وليه شروطه (عشان ساعات الحب ده بيكون مجرد هبل و تمثيل من الطرفين و أو إشباع عاطفي مؤقت بدون إهتمام بمدى التوافق بين الطرفين بحيث إنه يبني أسرة سليمة متماسك)

والله لو أمكن الجواز بعد حب (إرتباط عاطفي) و تفكير (إرتباط عقلي و تفاهم) يبقى خير و كويس جداً ، بس لو ملقتش حبيبي بالصدفة ده شيئ عادي و مش معنى كدة إني أحب أي حد و السلام و أعيش في وهم قصة حب و تطلع في الأخر على فشوش (ياإما حب بايظ يا إما جوازة فشنك)


حب -> تفكير -> جواز

أو

تعارف زمالة -> لفت إنتباه -> تصريح برغبة في الإرتباط

أو

مراقبة من بعيد -> معرفة أخبارها و أحوالها -> التأكد من القرار -> التقدم الرسمي

أو

تعارف رسمي في صالون -> كلام عام و مناقشات عامة -> تحديد مدى الإرتياح النفسي للشخص و مدى الإقتناع العقلي و الأسري به -> إرتباط


و اللي فاكرين إن العريس بيروح يتفرج على عروسة في برطمان متهيألهم .. العريس بيبقى رايح يقدم رجل و يأخر رجل عشان حيترفض عشان شكله أو وظيفته أو فلوسه أو مرضه أو ...


بس هي البنت عشان حساسة حطت نفسها في قالب إنها برطمان .. مسألتش هي نفسها العريس مشحطط نفسه و جي بيتهم ليه مع إعتبار إنه ممكن يتطرد و قفاه يمر عيش ؟ ليه ميقعدش في بيته و البنات هم اللي يجي يخطبوه و يشيلو هم الهم و وجع القلب ؟

عموماً ده رأيي و أرجو أن أكون أفدت

أحمد حسني
qasaqis.blogspot.com

Ahmad Hossny said...

أنا رأيي بإختصار .. مش مهم أسلوب الإرتباط

المهم يكون إرتباط على أساس سليم و يحقق نتيجة كويسة

فالأفضل إننا نتناقش في حتة الأساس و النتيجة و نسيب الأسلوب لكل واحد و ظروفه

assafo anaroze said...

يسعد مساك
شوفي الارتباط ده الغاية منه بداية حياة جديدة بين اثنين حيتغلق عليهم بيت باربع جدران يعني حياة لسنوات عديدة
كيف يمكن انك تعيش مع واحدة او واحد انت اتجوزتها عن طريق خاطبة
لا اظن ان تستمر الحياة بين طرفين اتجوزوا بالطريقة ديه
الجواز يحتاج لاساس مهم و هو الحب و التوافق بين الشخصيتين
سواء التوافق في المباديء و الافكار و التوجهات
يبقى الشروط ديه حتتوفر في جواز الصالونات لا اظن
افضل الجواز اللي يتم عن طريق التعارف و المعرفة القبلية
مودتي

دموع القمر said...

هقولك

انا شفت واحدة جت تقول انا عايزة اخطب لابنى

وبعدين لما رشحولها واحده قالت خلاص مثلا مثلا هى رايحة الجامعة يقوم يشوفها وهى واقفه فى الموقف

هى متكنش عارفة

عجبتوا يتقدم رسمى واللى فيه خير ربنا يقدمه
واكن الموضوع جه بدون اى ترتيبات
جه صدفه يعنى

محصلش نصيب خلاص يبقى بدون احراج
وبدون اى حساسيات
ولا انه دخل البيت

بس دقصدى

لنى شفت ناس كتير اتجوزا كدا

mayada said...

الاول ازيك ياام خرفان وكل سنه وانت طيبه

بصي ياحاجه انا من الناس اللي اتخطبت عن قصه وبتاع يقشعر لها الابدان وبتاع ولكن للاسف في المجمل كده لما حد اوانا كمان اجي اقيم التجربه دلوقتي وانا بره واعتقد هو كمان احس انه افشل ارتباط مر ع تاريخ البشريه بالرغم اني كنت بحب الانسان ده جدا وبحترمه وهو كمان اعتقد ولكننا فشلنا فشل مريع لما جينا نستخدم عقلنا بجد لتقيم ارتباطنا ده

ارتباط الصالونات انا في حياتي جربت الصالون ده مره وتوريطه وشايفه انه مينفعش ان الواحد يختار شريك حياته في ساعه انا لما بشتري شنطه بلف يوم م ابالك شريك وببقي كل واحد من الطرفين محفلط نفسه وملزق وناشر غسيله الابيض وبعد كده تسقط الاقنعه

الملخص احسن حاجه الواحد يجوز بعقله اه تحبي اللي تتجوزيه بس قبل ماتدخلي في ارتباط تقيمي الموضوع بعقلك وعشان كده انا شايفه بقي ان انسب سن لجواز البنت 30 ومافوق عشان تستخدم عقلها اكتر من مشاعرها

قوس قزح said...

انا نسيت اقول رائى فى انهى احسن جواز الصالونات و لا جواز الحب

الحكاية بمنتهى البساطة
ان الجواز مينفعش ابدا يتبنى على حاجة واحدة
لازم اكتر من حاجة
علشان لما تروح حاجة تلاقى حاجة تانية تسند الجواز

جميل ان الواحد يتجوز عن حب بس لازم ميكونش حب و بس
لازم يكون فى حاجات تانية
زى التفاهم و تناسب المستوى الاجتماعى و الثقافى و كمان الطباع المقبولة من الطرفين

ممكن ناس تختار كل دول و تشوف ان الحب هيجى بالعشرة
الناس دول تأكدى يا رحاب انهم عقليين اكتر من عاطفيين و لو جيه الحب لهم بردو هيشوفوا هو مناسب لهم و لا لا

و اللى بيدور على جواز الحب العكس ده

يعنى من الاخر كده الاعتماد على شىءواحد غلط .. لان وارد جدا انه يتغير مع الزمن و هنا الجواز هيفشل و يقع

كيكى عوووووو said...

مممممممممممممممم
طب كويس انى لقيت حد زى فى رأى طبعا الموضوع مرفووووووووووووض بلا صالونات بلاحلاقين!!!! انا دايما بقول قدام كدة انى نفسى اجوز واحد اعرفه طبعا الكلام دة بيتفهم ع طريقة الشياطين الحمرا!!! يعنى بمعنى كوبرى قصر النيل بيمسى!! انا اقصد جارى زميلى حد تكونى عارفة اخلاقة وعارفة لم بيتعصب بيعمل ايه بيتصرف ازاى كدة يعنى
بس مين يفهم بقى

سومه...مجنونه فى بلد عاقل said...

يا خوفى لتكونى بتكلمى على بطيخ اللى قولتى عليه يا ايبى:((
عموما هى وحشه انك تبقى فرجه بس اعتقد ان دى الوسيله المحترمه الوحيده اللى ماشيه لان زمان كان فى انضباط واحترام
دلوقت تشوفيه برا عشان يلعب بديله بالعكس البيت بيبقى فيه مسؤليه عن الخارج وهو لو محسش بالمسؤليه دى يبقى دا لانه مستهتر البيوت ليها حرمات وليها التزامات ..
وعموما وعلى كل شىء
صالونات.. تلاجات ...غسالات...
اللى يجيبه ربنا كله حلو:)
بس على فكره معلومه صغيره مش شرط ان الراى بيبقى راى العريس لان الراى بيرجع للاتنين ومش عشان هو جاى مثلا يتقدم فى البيت ابقى انا قاعده فى بترينه لاهو كمان بيبقى بالنسبالى فى نفس البترينه اللى بيغلى نفسه الناس بتغليه واللى بيرخص نفسه الناس بتدوس عليه
وكتير قوى ناس بتتقدم وتصرفاتها متعجبش البنت وهى اللى بتقول مع السلامه الراجل فى الغالب لانى بحسهم كائنات سطحيه بيوافقوا للشكل اول شىء ثم العيله والمظهر نادر اما تلاقى حد بيدور ع الاخلاق والدين والشخصيه اما البنت بتبص للتلات حاجات الاخيره دى قبل الشكل والمظهر
بس كدا كفايه يعوض الله عليك يا بطيخ هههههههههههههههههههههههه

سومه...مجنونه فى بلد عاقل said...

اه انتى عاوزه نحكى مواقف ههههههههههه فضايح بقى ونسيح على العلنى طيب ومالوا انا كدا كدا مجنونه مش فارقه معايا
مع انك لو قريتى مطلوب حنفى لفوزيه عندى فى المدونه حتعرفى المواقف كلها
وحتلاقى ابو صالونات وابو معرفه من برا ...

dreem said...

سلامو عليكو
بعيد عن تجربتى يا اوختشى هقولك رأييى
اعتقد جواز صالونات ولا انتريهات ما يفرقش الحكاية بتيجى ازاى ؟؟
انتى فالطبيعى لما بتقابلى حد لاول مرة اما ترتاحيله او ما ترتحيلوش
ارتحتى ابتدى الكلام والتعارف واديها وتوكلى على الله
انما الحب يا حبيبتى مرايته مفشفشة ومدغدغة والناس ما بتشوفش اللى جوة لان الطرف التانى بيحاول يظهر نفسه فى احلى صورة .. فالحكم على الحبيب هيكون فالغالب غلط ولو كملت بالجواز الست او الراجل يعنى هيكرهوا نفسهم ويكفروابالحب واللى بيعتقدوا فيه كمان

صبرني يارب said...

الاول حددي ايه المقصود بكلمة جواز صالونات

وجواز مش صالونات

اولا انا ضد اي علاقة حب وتعطيف قبل الخطوبه وباقول ان ده مش صح اطلاااااقا

يقعدوا يحبوا ويعطفوا ويلفوا كافيهات البلد

وبعد كده يفتكروا بقى يسألوا على اهالي بعض ويشوفوا مناسبين ولا لا

وساعتها يقولوا ما دام فى حب مافيش فرق بين ابن الباشا وابن الجناينى


اما بالنسبه لجواز الصالونات

الى هو واحد ما يعرفش واحده خالص وعن طريق المعارف وصلوا لبعض

ليه بتاخدوها بالشكل المهين ده ؟؟

اولا احنا دينا بيقول زي ما نصحنا رسول الله ان الى عايز يتجوز واحده يروح يشوفها باي شكل كان من غير ما هى تعرف

لما يشوف منها الى يخليه يتجوزها وطبعا يكون عارف هى مين واهلها ايه يروح بقى يخطبها وتشوفه هى بقى وتقول رايها

لان طبعا لما البنت تطلب وترفض الطلب غير العكس تماما

طيب دلوقتي هو اي حد من دائة معارفك مش كان فى مره اولى للتعارف ده

طيب يا ستى ما تعتبري ان المره الى جه قعد فى صالونكم ده كانت هى دي المره الاولى

بلاش صالونات اتقابلوا فى النادي وسط اهاليكم برضه عادي

بس تبقى القصه ايه ؟
ده واحد عايز يخطبنى خبط لزق

مش جاي يشتري بطيخه على السكين

نتفرج ونحب وبعدين نبقى نتجوز


ويا ستى لو على الجواز من دائرة المعارف ماشي برضه ما قلناش لا

بس يعنى الى مش بتشتغل ودائرة معارفها قليله تعمل ايه ؟؟


نيجى بقى للتجربه الشخصيه

انا اتجوزت قريبى بس ما كانش فيه بين اي حاجه تماما بتاتا البته
لاسباب كتيره

اتقدملي بشكل رسمي وبعد ما عذبته شويه وافقت
ههههههههههه

الكلام ده كان 13 سنه

الحمد لله تعالى على ما آتانا مش هاقول عشان المدونين عينهم وحشه
ههههههههههههههههه

ايه رايك فى الرغي ده كله
ماليش دعوه انتى الى قلتي قولوا

إنـســـانـة said...

والله يابنتى انا كنت بفكر زيك كدة وعندى انتكارية ضد الجواز بشكل عام وضد موضوع الصالونات ده بشكل خاص

بس فعلا الموضوع نصيب بحت ... ويكأن الواحد بيدخل بينام ويصحى يلاقى نفسه فى بيت غريب ومتجوز والناس بتقوله مبروك

وده اللى حصل معايا ومع ناس كتير

قصدى ان الموضوع مالوش نظام معين او طريقة معين هي الطريقة المثلى ... فى ناس بتتجوز عن طريق النت وناس بتقابل بعض بالصدفة و و و و

تعددت الأسباااااب والجوااااز واااااااااحد

ولا عزاء للسيدات
:D

الشعب لابد له من حكومه تشكمه said...

ولنفترض انها اتخرجت ومش بتشتغل؟؟؟؟؟ تتعرف فييييييييييين؟ هتمشى تقول عاوزه اتعرف على حد علشان اتجوزه!!!!!!!
ومش متفقه معاكى فى كلمة برطمانات دى,بس هقولك حاجه فى سن معينه كل البنات بتقول كده, ايه جواز صالونات ده...
بس عموما هو فى رأى انجح,,,
وليه بتقولى ان الشاب هو المتحكم فى الامور بالعكس انا شايفه انه هو اللى بيتعرض للاحراج الاكبر قوليلى لييييييه اقولك:شوفى ياستى لو الموضوع محصلش قبول من نحيته الموضوع بيخلص فى صمت يعنى خلاص مش بيتصل مثلا لكن لو هو باه حصل من نحيته قبول بيتصل وهو مش عارف رد فعل الجانب التانى (فتخيلى احساسه) اوووم ايه يلاقى النحيه التانيه بتقوله مفيش نصيب وششششش كده يعنى ده باه سمعها بودنه وخرمتهاكمان....
عموما انا فى راى مفيش مشكله طالما بيدرسوا بعض وبياخدوا فتره للتعارف هم مش بيعرفوا بعض انهاردا ويتجوزوا بكره لا دا مجرد ارتياح وقبول وبعدها تحصل مناقشات واكتشاف للعقليات وبعدين سمعونا زغروطه وممكن تلاقيهم ولا روميو وكليوباترا اه اصلها اتغيرت مبقتش جولييت:))

شوكولاتة said...

بصي ياجميل انا مع دموع القمر لأن جواز الصالونات ده مهين جدا جدا للبنت وبيجرح مشاعرها وأنوثتها
أما جواز الزمالة والمعرفة فمختلف شوية يعني لو الاتنين مقضينها كافيهات ورغي في التليفون وحب عشر سنين وبعدين ييجو يفرضوا الجواز ده على اهاليهم فده اسمه عيب وحرام علشان بتحصل فيه تجاوزات كتير لكن لو واحد مثلا عجبته واحده معاه في الشغل او قريبته أو أي حاجة في الاطار ده وراح لمحلها بس مجرد تلميح وبعدين دخل البيت من بابه واتكلم مه أهلها فده بيبقى شئ كويس جدا أولا لأنه مابيجرحش البنت وثانيا مافيهوش حاجة حرام ولا عيب وده من وجهة نظري أحسن طريقة للجواز وده حاجة كده بين جواز الصالونات والجواز عن قصص حب

معلش طولت عليكي بس الموضوع مهم والبوست هايل

عاشقه الرومانسيه said...

انا شخصيا كارهه جواز الصالونات لانى بحس انى بضاعه فى فاترينه
وبرضه مش بتاعه مشى مع ده وده وانحراف وسرمحه
انا باشجع جواز المعرفه
يعنى حد يعرفنى واعرفه وعلاقتنا ببعض عاديه ويطلبنى
كده انا ممكن اوافق
وده اللى حصل معايا
وبرضه الموضوع باظ
هههههههههه
هو العيب فيا ولا ايه؟
شكلى كده مش هتجوز
(:
فاخر ما توصلت له انى اصوووووم عن الجواز وسنينه وخصوصا بعد بوست خيخه

لاسع افندى said...

ماجربتهوش
بس سمعت عن جوازات صالون ناجحه
افضل ان يكون الاتنين تربطهم معرفه سواء زماله او صلة قرابه قبل الارتباط




تحيه لاسعه

Sharm said...

ههههههههه

عندك حق فعلا

Anonymous said...

صباح الخير يارحاب


t

Appy said...

يا جماعه المقصود بالبرطمان مش البنت خالص ما تركزوا بقى ايه ده
سيبكوا من البرطمان ركزوا فى الباقى
يالا عاوزه كله يطلع الدرر اللى فى عقلياته جوه

Appy said...

الاستاذ المجهول

النبى على قلبك يعنى ايه حرف التى اللى بتمضى بيه ده يعنى انا اخمن ايه ما تكتب اسمك وخلاص يا عمنا

karim said...

بينى وبينيك الرك على الطرفين وعقلهم و كل واحد عقلة مريحة, بس النصيحة الاخيرة دية فى الصميم, ابدعى كمان وكمان, تحياتى

فتاه من الصعيد said...

انا رأيي ان لازم يكون في توافق في اي نوع من الجواز ...... يعني تعرفي عباره الحب واشياء اخرى ؟

الجواز موش حب بس ..... ولا توافق فكري بس ..... الاتنين مع بعض ...... وممكن يجي باي نوع جواز

بس جواز الصالونات ده بطل من زمااااان ...... دلوقتي اي عريس بيشوف العرسه احم اقصد العروسه مره واتنين بره البيت " من غير ما تاخد بالها يعني "..... ولما يحصل قبول ممكن يكلمها مره مثلا ويقولها على ظروفه .... لما توافق من حيث المبدأ يدخل البيت وبس .....

بس انا بفضل زواج الزماله ..... يعني لو زمله في مكان واحد هيعرفوا بعض احسن ..... بس يا ريت المعرفه ما تطولش ويدخلوا في الجد علطول

فاتيما said...

بيبى يا قمر التدوين كله
عاوزة تسمعى حكاياتى
اول خطيب ليا كان ف مقام ابن عمى اعرف قصة حياته بالتفصيل و ظروف جوازه و طلاقه
لكن عمرى ما قعدت اتكلم معاه خااالص
لما تقدملى بعد ما طلق مراته
كان شكلها مش مدى على جوازة صالونات
فوافقت
بس بعد عشرة خطوبة سنة
كنت تقريباهولع فى روحى
و اتفشكل الموضوع و بقيت اقول عمرى ما هتجوز واحد معرفوش و لا اتخطبله حتى
بس ضغط المجتمع
و العائلة
و شخطتين من بابا
و نهنهة من ماما و عيب يا بنتى نقول الناس إيه متجوش ؟!!
شوفت عريس
اخو صاحبة ماما و انا معجبتوش لأنى مستوايا المادى طلع اعلى من امكانيته
كرامتى نحقت عليا قووووووى
و قولت معلش اسبابه وجيهة برضو العريس التانى و الاخير كان ضبوطة ف الجيش يا اوختشى زى القمااااااار كان جاى و معاه صديقه فى الكتيبة اللى تقريبا هوه اللى اتكلم كل الوقت ...انا بقى اللى موفقتش
عشان كنت خلاص اتزفتت اتنيلت اتهببت
ارتبطت بابو يوسف
و كنت مصمصمة اتجوز واحد عن كصة حب عميكة فزيعة مريعة خدت فيها على قفايا بعد كدا زى ما سعادتك هارشة
رأيى حاليا
و الله لسه لم يتغير
لان ليا صديقة ملتزمة قوى
و ضد أى علاق حب و لو فى السوكيتم بينها و بين روحها حتى
و مينفعش تتجوز غير بطريقة البرطمانات دى
و شايفة الويل بصراحة
الطريقة مش غلط على فكرة
الغلط الحقيقى فى سلوكيات بعض لرجالة و لامؤخذاة
شايفين نفسهم قوى
و بيجرحوا البنات عادى
و غالباً بلا مبالاة لأنهم عارفين إن سن الجواز ارتفع و كدا
انا سخصياً اكرملى اقعد من غير جواز على أنى اقعد زى التلاجة ييجى صاحب نصيبها يشتريها و يقلب فيها
هخلل
و ماله
اخلل و اقعد ف برطمان براحتى احسن ما يخللونى
و كل واحد حر برضو ينام على الجنب اللى يريحه
متخدنياش ف دوكه و إعترفى إنتى كمان يا ست هانم

وومن said...

هههههههههههههههههههه يخرب بيت أفكارك يا كرافت قصدي يا بتنجاني

بصي يا ستي هو مفيش قاعدة النصيب غلاب في الآخر يعني مثلا مثلا أنا اختي اللي تؤامتي مش المزغودة الصغيرة اتجوزت صالونات والحمد لله الحب جه في فترة الخطوبة وعملتلي عقدة في حياتي علشان انا مقدرش اقول علية بعد كدة وحش

تعالي عندي انا بقي مثلاً صالون خالتي بالتحديد شاف يجي 15 - 16 عرض تلاجة وقبل العرض أسبوع خناق في البيت علشان اوافق وشهر خناق بعدها علشان طفشت العريس
وفي النهاية خالتي قررت تخلي العروض من برة برة ونتقابل علي أرض محايدة صالونها أتحرج بما فية الكفاية وجاري تكملة الرقم القياسي في تطفيش العرسان وربنا يعين أمي عليا

من جهه اخري بقي وانتي كنتي حاضرة وشاهدة اديني أتخطبت للي كان زميلي وكنت اعرفة وإية النتيجة صفر أجدع من صفر المونديال

طب بذمتك بذمتك في حالة زي حالتي دي ينفع نقول مين فيهم أحسن الأتنين مجبوش معايا نتيجة

وفي السماء رزقكم وما تعدون
أقعدي بالعافية بقي يا آبي

الربان said...

تحياتي

لي رأيي يمكن يخالف الكثيرين...زواج الصالونات او زواج معرفة عن طريق الزماله في العمل او النادي مثلا...كلها طرق جيدة و مشروعه...و مرحبا بأي منها ان كانت ستؤدي المطلوب منها.

بالنسبة لزواج الصالونات...في رأيي ان
البنت او الفتاه لا يعيبها مثل هذا التعارف ..لانها تكون في منزلها مكرمة
معززة...و الرجل هو من يسعي و يذهب
الي منزلها....و طبعا بيكون معاه بعض
من اهله...
يعني بصراحة هو من يسعي و يرتب و يدبر
لاجل ان يري من يتمني ان تكون له زوجه.

كما لا أجد اي حرج ان رأت الفتاه ان تخطب لنفسها بطريق غير مباشر...ان رأت
في الشاب الصفات التي تتلاءم مع شخصيتها ...
فقد المحت السيدة خديجة بنت خويلد الي سيدنا محمد عن طريق احدي النساء ..
وهي ( السيدة خديجة ) وهي من هي في قومها من مكانة و مال...

اسأل الله ان يوفق الجميع و أن يسعد كل القلوب...

تحياتي و تقديري

♥ Am fOpa'D ♥ said...

ايش حكااية البوستات الحلزوونية اللزجة دي ( عن المضمون)
طبعا قشدة ولوز وبندق على البووست وتسلمي عليه

عامة ارى من موضوع الزواج طبيعة واجبة للطرفين بطريقة كبيرة سواء من الناحية الدينية انها نصف الدين او من الناحية النفسية للاهتمام المجرد من السيطرة و الاهواء المجردة من الشوائب و هذه الطبيعة ورائها حقائق عدة وليها شروط كثيرة
فليس زوااج صالوناات او زواج معرفة او زوااج زمالة او حتى الانترنت كاافي انه يوفق و يوفر الاسس الكثيرة الي يتبني على اساسها بيت واسرة شامخة و تقرب للكمال
وان كان ده كله صعب في ارض المحروسة وفي ظل هذه الظروف والعواصف المحيطة
لكن ماذا نقول,,,
كل وااحد بيحط رجله فوق قطعة من الارض ضاامن انه مش هيقع منها
فلما يضمن تكوين حيااة مستقرة ليه وللطرف الاخر ولاسرة المبجلة يحط رجله على ارضية الواقع ده وهو مطمن

صحيح,,, بضع البهارات التي لا اقبلها
-لا اقبل الزوااج المبكر في الحياة المدنية في سن الدرااسة يعني ولا في الحياة الريفية وان كان قبولها مشروط بطبيعة المجتمع الي عايشين فيها

- اقبل القوامة ولا اقبل التبعية

- لا اقبل انتكاس المبادئ وطأطأة الرأس خوفاً من اقوال النااس ورأي المجتمع

وفي الاول والاخر,,,ده كينونة كبيرة محتاجة نضج فكري واسس صحيحة
مش اي لزجة وتمشية حاال

♥ Am fOpa'D ♥ said...

صحيح نسيت اقول حااجة
بعتذر اني في الكومنت بتاعي بعدت عن السؤال,,,
بس الاجابة عليه محتااجة بنود صريحة حاولت اقولها في الكومنت

وتسلمي على البوست آبي هاانم,,,:)

micheal said...

ينصر ديييييينك يا أستاااااااذ نفيييييييييسة
بجد موضوع بعتبره في غاية الأهمية لان اليومين دول موضوع البرطمانات شغال عندنا في البيت عشان يجيبوا عريس للبت أوختي
ده أنتي زي ما تكوني منشنة
أنا ضد موضوع البرطمانات ده خلاص
ومش متخيل أروح أعاين واحدة كأنها بوضاعة يإما تعجبني وأشتريها(أتجوزها) أو أقلبها..لأ تخيلي كمان بقى لو عمل الموضوع ده حد مسيحي حيبقي الشعار
البضاعة المباعة لا ُترد ولا ُتستبدل
نياهعهعهع

Anonymous said...

انصار الحرية مش يتكلموا لا في جواز صالونات او منتديات
خصوصا اذا كان الموضوع يمس ثقافة مجتمع له عاداته ونظمه
دا من ناحية
ولا يقدوروا يتكلموا عن خصوصياتهم لأنه تخص ناس تانية معاهم
لكن اذاكان دايما عندهم تطلع للغرب
فدي تبقئ دايما وجهة نظر شخصية لهم

اسمي تامر وهبي يا رحاب
مش عارف وهبي دي جت منين

Anonymous said...

انا مش مع ان البنت تكون بضاعه بيعينوها ولكن ايه الطريقة المثلى للتعرف على عروسه معينهوا\ا كانت من عيلة محافظة ولاباباها شديد ولااحوها ولاهى بتتقى الله فى اى معرفة قبل اهلها بيعرفوها شوفى ياستى هو المهم مش فى الطريقة المهم النتيجة ايه على ثبيل المثال انا لدى اختين يعنى احنا الثلاثة متزوجين بثلاث طرق مخطلفة شوفى نتيجتهم ايه انا تقدم لى واحد قريبى وبرضه خطبنى بطريقة تقليدية جدا وحياتنا متزنة الى حد كبر اما الاخت الثانية تقدم اليها واحد هو يعرف شكلها فقط لكن هى ماتعرفوش طلت من اهله يكون بقى زواج صالونات علشان هى تشوفوا وتحس طبعا بالقبول على الاقل والايجاب وهى تقرر ا\ا كانت موافقة ولالا علشان هى تعاين مش هو وشافته ووافقت عليه وكانت مشاء الله احلى زواجة ورجل مشاء الله عليه مثالى ومحنرم وطبعا تولد بينهم حب واخلاص بلاحدود الله اكبر عليهم طبعا انا طولت عليكى بس فاضل الاخت الثالثة والاخيرة الدلوعة بتاعتنا اللى كانت تطلب والكل يجيب اتعرفت على واحد معيد عندها فى الكلية وحبوا بعض بشكل كبير جدا واتقدمله وتزوجو ولكن كانت حياه غير مستقرة بالمرة انسان بيعامتها وحش خالص مع ان معاهم ثلاث اطفال واتعرف على واحدة غيرها وحبها واهمل اختى خالص واتصلت بالبنت دى قالت لها انا معرفش انه متزوج وهى عارفة وعلى يقين انه متزوج من اوليقى الا باللهربنا يوفق الجميع ياحبيبتى المهم نراعى كل الابعاد والاجوانبونراعى ضميرنا وكرامتنا اهم حاجة فى الوجود سعيدة بزيارتى فى مدونة حضرتك وموضيعك جميله ماتزوج اختى طبعا بيتها ادمر وحالتها وحشه خالص شفتى الثلاث زواجات ايه الطريقة وايه النتيجة وما توف

بت خيخة وأي كلام said...

الله عليكى
حلو الموضوع ده يا بتنجاتى العزيزة


بصي يا ستو انا

هاتكلم عن نفسى

انا احب جواز الزمالة او المعرفة المسبقة
مابحبش اتجوز واحد اول مرة اشوفه

لأن اللى اعرفه ده اكيد دار بينى وبينه احاديث وكلام وحوارت تخلينى اعرف هو بيفكر ازاى

لكن

وخدى بالك من لكن دى

امتى ممكن الجأ لجواز الصالونات

لما مايكونش عندى فرصة انى اقابل انسان واعرفه يبقى مافيش غير جواز الصالونات

يعنى انا وهانى اتعرفنا على بعض عن طريق الجامعة

طب لنفترض انى ماقابلتش حد وماحبتش حد ايام الجامعة
وجيت بعد الجامعة مالقتش شغلانة اشتغلها ومش باخد كورسات ومش بعمل دراسات عليا ولا بروج نوادى

يبقى هاعرف حد منين واتعرف عليه واتكلم معاه؟

يبقى مافيش غير جواز الصالونات
ساعتها هابقى فعلا هايطلق عليا مستنية عدلها
لانى مش بعمل اى نشاط فى حياتى يخلينى اتعرف على ناس

بس خلاص

كنت حاسة انى هارغى اكتر من كدة لاقيت ان كلامى خلص فجأة

لو افتكرت حاجة تانية اقولها هابقى ارجع لك تانى


سلام يا بتنجانة

اختك خيخة

شمس النهار said...

حلو موضوع الصالونات ده ضحكني جدا
بس عارفه هو اللي ماشي اليومين دول
علشان الهبل والسلطه اللي بتحصل اليومين دول في العلاقات بين البنات
واللي يروح يجيب لأهله اي كلام
واللي تحبلي ولد اي كلام
ايه
الحكاوي كتييييييير

L.G. said...

عزيزتي رحاب
عن نفسي كنت افضل ازواج بشخص أعرفه ولو معرفة طفيفة مثل أحد الأقارب أو الجيران أو زميل في الجامعة أو العمل
ولكن مرت السنون ولم أتزوج
الحل أمامي الآن يقتصر تماما على زواج الصالونات وفقط بما أني لا أعمل وكل معارفي تزوجوا وولاده في المدارس
لذا الافضل زواج المودة ولكن زواج الصالونات الخطوة التالية وفيه الجميع معرض للرفض والجميع يتعرف على الآخر
عن نفسي أكرهه لأني رفضت اناس كثر مما جعلني احزنت بعض الناس ولا أجد غضاضة لو رفضني أحد فهذا ليس عيبا فيه أو في مجرد عدم توافق
اذا رفضت جواز الصالونات فأنا أحكم على نفسي بالوحدة بما أني لا أرى الا جمال سليمان في أفراح إبليس :)))

جواز الصالونات اضطرار للرجل والمرأة وهما فيه سواء في كل شئ

تحياتي ورمضان كريم

Appy said...

اولا انا هرد رد جامع عن راى انا شخصيا
ثانيا موضوع البرطمان مش معناه اننا عرايس فى برطمان
بس فيه رجاله او ولاد بيكون مترسخ فى زهنهم بس ان فيه بنات عمرها مرها فى حياتها ما عرفت حد او حبت حد او حتى فكرت فى زميل ليها فى الجامعه فى الشغل بصرف النظر عن كونها قالت او لا
والله فعلا ده حقيقى
طبعا مفيش الكلام ده فيه بنت ممكن تكون حبت اعجبت بشخص ممكن ميكونش حصل بينهم اى كلام بس هى اعجبت بواحد
مش يعنى اتولدت من بطن والدتها علىالعريس على طول
وده على فكره كون البنت تعجب بحد مدرس زميل دكتور اى حاجه مش عيب ولا حرام طالما فى حدود حتى بينها وبين نفسها
موضوع جواز الصالونات والاخت اللى قالت مش عارفه اخواتها ونجحوا
فيه شخصيات بيتوتيه بطبيعتها بمعنى انها عارفه انها تخلص تعليم وتتجوز وبس ده اقصى طموحها ملهاش طموح معين فى زوج ولا طموح فى مستقبل مع زوج
دول غالبا الحياه بينهم روتينيه وكل واحد مكيف نفسه على ده وبس
وهى ست بيت وخلاص
كون اخت تانيه فشلت يبقى مش معنى دده انه كان حب فيه ناس بتوهم نفسها انها بتحب وهى ولا بتحب ولا حاجه
فى راى الحب والجواز عن حب او معرفه طويله مسبقه
بدون هدف يعنى مكونش عارفه ان ده عريس بيخلينى اتعامل بطبيعتى اكتر مكونش متحفظه ولا بمثل لان غصب عنك هتلاقى ده ومع او ل مطب هتتكشفوا انتم الاتنين
الزواج بقى عن حب معناه انى اكون فاهمه ابعاد الشخص اللى قدامى اعرفه فى عصبيته فى هدوئه فى تقلباته كلها
اتعاملنا مع بعض براحتنا بدون تكلف شاف انفعالى ممثلتش حاجه غير طبيعتى لان الناس فى فتره الخطوبه الصالوناتى بيكون اللى فى دماغهم اعدى الجوازه باى شكل وخلاص
انما اللى بينهم معرفه وحب بيكون الامور اوضح
ده راى انا شخصيا

الاخ بقى اللى بيقول غرب ومش غر باقوله والنبى ابقى افهم انت بتتكلم مع مين وفى ايه وبعدين قول مين قال نبقى زى الغرب ونبقى زيهم فى ايه
طيب اقولك يا ريت نبقى زيهم صرحاء فى علاقتنا ببعض زيهم على الاقل عندهم لو الواحد حب واحده بتكون هى وبس ولو اتنيل واتجوز واحده بتكون هى وبس
مش كل يوم والتانى مع واحده تانيه

بس ده راى انا شخصيا
وميرسى ليكوا اللى عنده اعتراض يقول

hasona said...

hgsghl uh

السلام عليكم

لكل زيجة ظروفها
والتي لا نستطيع ان نفصلها عن طريقة الاختيار

ولكن حتي في زواج الصالونات بيكون الامر في يد العروسة والعريس
بمعني انها لن تكون هي وحدها اللي سلعة
كما عبرتي أنت عنها بهذا المعني

يعني ممكن هي تعجب العريس ولكن العريس لا يعجبها
وتكون الدفة بيدها أو الجزمة

هو التفضيل مش بأديدينا
ولو بأدينا لكنا جميعا اختارنا طريقة واحدة للزواج
ولكن لكل ظروفه وله الطريقة التي تناسبه وتناسبها

Anonymous said...

زواج الصالونات عرفناها ومعتادة ومتكررة ومتوارثة عن الاباء والامهات وايضا زواج الزمالة مقبولة طبعا زميل فى العمل اوزميل فى الجامعة اواى زميل لكن يعنى ايه زواج المعرفةمعرفة مثلا عن طريق النادى او اخو زميلتى اواخو صاحبة اختى اوعن طريق النت كل الحاجات دى زواج معرفة وطبعا الحب مش عيب ولا حرام طالما كانت مشاعر فقط مش مفعلة ولكن كيف اعرف ابعاد وجوانب شخص معين قبل الخطوبة دة حتى فى فترة الخطوبة مش مضمونة والله العظيم ياختى بتختلف العملية خالص غير ماكل البنات الغير متزوجة ماهى فاكرةعاوزة اقول لحضرتك الزواج دة لابد طبعا من الاعجاب بالنسبة للطرفين والقبول والاحترام ومن هنا يبدا يتولد الحب صغير جدا وبعد الزواج فيه نتيجتين ياما الحب دة يكبر وينمو يوم بعد يوم بالعشرة والتعامل الطيب والمودة وعدم الروتين ولاالفتور اللى بيحصل بعد فترة من الزواج عند عدد كبير من المتزوجين يااما العكس طبعا واليعوز بالله لكن صدقينى مهما كانت العلاقة بين الاشخاص سواء حلوة ولاوحشة مش بتحددها الا العشرة

بت خيخة وأي كلام said...

انا معنديش اعتراض
بالعكس انا عايزة أويد رأيك فى نقطة ان الاتنين اللى بيرتبطوا عن حب او عن معرفة مسبقة
بيتعاملوا مع بعض بطبيعية اكتر
يعنى مثلا واحدة بين اصدقائها واصحابها هتبقى يوم فرفوشة
ويوم حاطة روووج
ويوم رايحة تقابلهم وهى صاحية من النوم ومدلوقة فى اى تى شيرت
ويوم اتخانقت مع حد فيهم وعصبيتها طلعت عليه
ويوم راحوا اى مكان واتغدوا سوا ويوم ضحكت
ويوم اتناقشت

كل الحاجات دى بتعملها بعفوية وبطبيعتها قدام اصحابها واصدقائها
فلو واحد من زمايلها دول قالها بحبك وعايز اتجوزك هو بيكون عارف شخصيتها عاملة ازاى
عارف لما بتضحك بتضحك ازاى
ولما بتتعصب بتبقى عاملة ازاى
ولما بتاكل ولما بتمشى ولما بتفكر

فبالتالى حاجات كتير بالنسبالهم
مكشوفة لبعض

مش محتاجين فترة خطوبة يعرفوا فيها بعض ويمثلوا فيها على بعض

بالعكس ساعتها فترة الخطوبة بتكون احلى فترة فى حياتهم لانهم بيبدأوا يجهزوا عش الزوجية سوا وتلاقى كلامهم عن الوان الحيط وموديلات الاثاث والحاجات اللذيذة دى

يا سلاااااااااااام
ربنا يوعدك يا بتنجاتى بالفترة الجميلة دى
بجد بتبقى فترة كميلة اوى ومشاويركم ولفكم على معارض الاثاث والديكور
وخناقتكم على موديل اوضة وفى الاخر كلمتك انتى اللى بتمشى برضه

لان فى تأثيث البيت كلمة الست هى اللى بتمشى
دى مملكتها يعنى ترتبها بمزاج مزاجها ورأى الرجالة بيكون كدة وخلاص علشان نرفع من روحهم المعنوية بس ونحسسهم ان رأيهم مفيد




سلام يا كميلة

اختك خيخة

Appy said...

خوخه خوخاتى

-----------
ايون الله ينور عليكى يا حبيبتى هو ده اللى اقصده
انهم شايفين بعض بكل المواقف
وفى كل الاشكال يعنى عادى اروح وانا واقعه من السرير ويشوفونى كده
ومره يشوفونى كميله وعايقه ومضايقه
يبقى لما اعجب بيه اعجب بالجردل بحاله ههههههههههههههه
مخدش منه الايدين وساب الوسطين
اما عن كلمه الست هى اللى تمشى
فاكيد فى البيت وبره البيت انتى عارفه ان اختك قويه ومفتريه وبقت عبد الجبار نيهاهاهاها

Appy said...

انونيمس
=========
طيب ابقى قولوا اى اسم علشان اعرف انادي بايه
زمان الست مكنتش بتخرج ولا تروح وتيجى يا قمر
يعنى كانت عن طريق المعرفه ومحدش قال انه كله ناجح اغلبه بعد فتره بيلعنوا اليوم اللى اتجوزا فيه والراجل بيتجوز تانى
او بيخون
والست لازم تسكت وترضى لسبب واحد انها معندهاش حل تانى
اما عن طريق المعرفه ايوه اخو صحبتى خالها عمها ابن اختها كده يعنى ما هو مش هتمشى فى الشارع تتعرفى
وده لسبب الولد يقولك انا اتعرفت عليكى فى الشارع ارتبط بيكى ازاي مع انه ممكن يكون موقف عادي الظروف خلتكم تعرفوا بعض بس الدماغ بقى
المهم
انا فى راي ان الجواز بتاع الصالونات مش مضمون مليون الميه فى ان البنت معملتش حاجه ولا تعرف حد فهمتى او فهمت يا جميل شرفت

Appy said...

L.G

حبيبتى انتى حاله من دول اللى هو انا اقصدها فى ايدك تقبلى او ترفضى انما فيه بنات تانيه بتوافق لمجرد انها يتقال عليها مخطوبه وبرضه صالونات هتبقى بطريقه واحده صحبتك ترشحك له لانها تعرفك وتعرفه معرفه كويسه مش واحد سمع عنك من بعيد او كده يعنى فهمتى يا قمر

Appy said...

حسونه
=======
انا عارفه ان لكل جواز ظروفه بس نفسى اللى اتجوزا صالونات بحته او عن طريق المخدماتى يقولوا ندموا ولا لا وشافوا الوش التانى ولا لا
انا على فكره بتكلم من منطلق تجارب لاصحابى كتير اوي

ابو على said...

بزمتك ودينك يا شيخه بتعملى نص اللى بتقولي عليه دا ههههههههههههههه


حكمه العدد


على وشك يبان يا نداغ الللبان
هههههههههههههههههههه

ابو على said...

هههههههههه انا علقت ف منطقه محزوره باين

انقليلى التعليق والنبى فوق
اجره التاكس ماتخفيش عليا