الرفاق حائرون يفكرون يتسألون




صباح النور جميعا بصوا بقى يا حلوين البوست ده عارفه انه هيقلب عليا الصداع شمال ويمين وانا معنديش مشكله خالص للحكايه دى بس براحه علشانكوا مش علشانى انا لا سمح الله

السنه اللى فاتت دعي بعض الشباب لاضراب 6 ابريل وانا كنت من المرحبين بيه جدا اوى خالص
وليه كنت مرحبه شيفاها فكره جديده مبتكره بتجمع الناس على هدف محدد وهو كان ارتفاع الاسعار
وبعد ما خلص وطلع ابطال من ورق وطلع ناس كويسه وبرضه طلع ناس مش كويسه وهوايتهم الشو الاعلامى بس مش اكتر وده اتعرف على مر الايام بعد كده
ومن كلام سمعته من البعض بوداناتى
المهم
الاخوه الافاضل دلوقتى عاملين اضراب
طيب السنه اللى فاتت اتعمل وشوفنا احداث المحله وايه اللى اترتب عليها
وبعدها اخدنا العلاوة وان شاء الله يا رب اطفحها اذا كنت شوفتها اصلا بس ما علينا
وبعدها احم احم اخدنا على قفانا بس قفا كان قوى شويه وكنت هحط بسبب الزياده عصير قصب لبطوط بدل البنزين وعدت الحمد لله
هتلاقوا اللى حصل ليه فى بوست قديم اسمه حوار على المصطبه وتفاوض لبيع بطوط
اليومين دول كل ما افتح حاجه الاقى

اضراب 6 ابريل
طيب على اساس ايه عيد ميلاده مثلا على اساس بقت موضه كل سنه فى نفس الميعاد هنعمله ونحتفل بيه
ولا هنأجل مطالبنا كل سنه ليوم 6 ابريل نجمعها ونطالب بيها الحكومه
انا مبقللش من اللى بيعملوه الشباب
مع انى بقولها لهم وصراحه من هنا بجد واللى هيقرا منهم هيفهم
ان فى وسطهم اللى غاوين شو اعلامى مش اكتر واللى غاوين شهرة على الفاضى وانا مبتكلمش من فراغ ولا سمع وانا قاعده بأكل مهلبيه انا قابلت ناس بالصدفه البحته وجمعتنى انى اتكلم معاهم
يا شباب بجد اه البلد محتاجه حاجات كتير بس مش محتاجه تكرار محتاج تفكير
انتم نجحتوا المره الاولى فى نظرى بس علشان عرفتوا تجمعوا الشعب
انما مش علشان حققنا اى حاجه احنا لعبنا مع الاسد وقعد يلاعبنا بصوابعه وفى الوقت المناسب قام شايط برجله
وطبعا مش هنتكلم على اللى حصل فى المحله سواء ان كان السبب الامن او البلطجيه والحراميه
بس انا مبحبش ده يتكرر
علشان تأخدوا قرار بحاجه لازم تبقى مترتبه لازم يبقى فى سياسه معينه وتنظيم افكار شويه
انا بجد معنديش مانع اقعد فى البيت ان شاء الله طول السنه تبقى 6 ابريل بس ها ايه النتيجه بقى

غير كده المهازل اللى بشوفها من ردود فى الجرايد ما بين الوفد والشباب دول والتجمع والاخوان اللى حبه فوق وحبه تحت
ميديش اى امل ولا عمر ولا احمد حتى فى الموضوع ده خالص
انا مبجبش احباط لحد بس لو حد قادر يغير ليه الفكره دى يا ريت المره دى يغيرها

او تسبونى بقى براحتى واعمل انا حركه 32 ابريل او 25 يناير ايهما اشيك وكمان الوزارات تعمل اضراب اشمعنى هما يعنى بيتفرجوا علينا
هذا وبالله التوفيق ومحدش يحدفنى بطماطم كله يجهز شوم



كان معكم رئيس تنظيم بوتاجاز منفذ مدينه نصر ابى هانم




حكمة الامبراطورة


زى ناطح الصخره قرونه اتكسرت والصخرة متحركتش

116 اخبط وقول رايك:

محمد عتلم said...

32ابريل ؟؟؟
طب متعملى حركة 30 فبراير احلى

محمد عتلم said...

اوعى يكون انا اول تعليق ؟؟ ازعل اوى

صيدلانيه طالعه نازله said...

انا بحس ان الاضراب و الكتابه عنه بيبقى فرصه ان الصغيرين يطحنوا و يموتوا بعض و الكبار واقفييين بعيييييييييييييد يتفرجوا عليهم و يضحكوا لكن مفيش جديد و لا حاجه بتتغير و لا حتتغير غير لما الفكر الجديد يبقى بجد و جديد مش بتاع الحزن الوطنى

ايوشة said...

عندك حق الموضوع محتاج تنظيم مش فى موضوع الاضراب وبس فى كل حاجة لما برضو فى امتحانات الكادر ناس قالت هنقاطع الامتحانات ومرحوش الامتحان فعلا والباقى راح كان النتيجة ايه سقطوا اللى اصروا على موقفهم والتانين امتحنوا وسقطوا برضو على الامتحانات الخزعبلية اللى كانوا عاملينها والموضوع متحلش لسه بيعانوا
مشكلتنا الخوف كل واحد يقول لا ياعم انا مالى هو انا اد الحكومة وتلاقى كل واحد ودماغه بئا

... amr said...

معاكي قي موضوع الترتيب و التنسيق بصراحة .. و معاكي في موضوع الشو و البروباجندا اللي بيحبها ناس في 6 أبريل .. بس أضعف الايمان - من وجهة نظري - موضوع اضراب 6أبريل دة .. و طالما مش عايزين الاسد أو مختلفين مع قراراتة و سياساتة اللي مخلية كل واحد مننا همة لقمة العيش و انة يمشي جنب الحيط و ان ميتسنعش صوتة, يبقى الاضراب أضعف الايمان
بصراحة أتمنى ميحصلشي زي السنة اللي فاتت في المحلة و اللي مكنش من الاهالي

و كمان ماهو كل يوم في اضراب .. يبقى 6 أبريل يوم الغضب الشعبي ..
معتقدش في حد في الشعب في حالة .. كلة مضطهد من الحكومة و سياساتها ..

سلمي على بطوط :)

الطائر الحزين said...

عارفة حتى على مستوى الحوار مع العدو مثلا
لا ينبغى ان نتفاوض الا اذا كنا على قدر هذا التفاوض ومستعدين له

خالد المصري said...

اولا ده ظلم ظلم ظلم

تلغوه ليه

أنا محضرتش اضراب السنه اللي فاتت وكنت عامل حسابي على اضراب السنه دي ومكلم كل الشله ومجهزين كولكشن اغاني وشعارات جديده يجنن هتكسر الدنيا

ثانيا
اشمعنا يعني 6 متخلوها 9 على الاقل يبقى في الويك ايند

اسف يا ابي على المقدمة
ووالله مش بستهتر بمجهود حد

وانا معاكي فعلا

وأؤكد على كلام ايوشة واضيف

اذا تكرر 6 ابريل بنفس شكل السنه الماضيه فسيتحول الي صورة ممسوخه من اجتماعات قياداتنا العربيه التي لا تغني ولا تسمن من جوع سوى بمزيد من التنديد والشجب والرفض ولا شيء بالمره على ارض الواقع

اذا اردنا ان نتحرك فليكن ولكن باراده فاعله تغير من واقع مرير نشهدة
تحرك جدي ومؤثر يعود على الجميع بالفائدة، صدقا لا اعلم ما هو هذا التحرك وما شكله ولكن ايا كانت طبيعته فلن يكون تكرار ل 6 ابريل 2008

لكي من الود اصدقة

بنت الاسلام said...

رحاب بجد وحشتنيىىىىىىىىىى قووووووووووي

يارب تكوني بخير

انا كمان شفت دعاوي الاضراب الجديد

وانا معاكي في رايك انه لا جدوي ولا اهمية ولا نتيجة فعليه له

انا كمان كنت من مشجعي اضراب 6 ابريل اللي فات

لكن بعد الاحداث الدامية اللي حصلت فيه قلت لو كنت اعرف ان ديه النتيجة مكنتش شجعته شايفة ان النجاح الوحيد اللي حققه الاضراب السابق هو لفت نظر كثير من مؤسسات الدولة لطريقة جديدة ومجدية للحصول علي حقوقهم بسرعة وبدانا نسمع عن اضراب المعلمين الصيادلة السواقيين المحامين وقريبا 9 ابريل اضراب الاطباء وانا شايفة ان ديه الحسنة الوحيدة اللي حققها الاضراب اللي فات


تحياتي

مسدس صغير said...

انا مع اللى يعمل اضراب يوم الجمعة والسبت من كل اسبوع بيتهيألى ده يبقى احسن ومحدش هيزعل منى .
صح؟؟
خلاص اتفقنا اضرابنا يوم الجمعة والسبت الجاى.
ايه رأيك؟؟
ههههههه
ولا 6 ابريل و 6 اكتوبر حتى هو لا بيقدم ولا بياخر من وجهة نظرى البسيطة.
كل واحد لو بدأ بنفسه هييجى اليوم وتبقى البلد كلها كويسة
انا عارف ان احنا لو بدأنا من النهاردة بنفوسنا يبقى البلد هتبقى كويسة بعد 300 او 400 سنة بس هيبقا عملنا حاجة..

واى مدون مش هيدون يوم 6 ابريل انا هبلغ عنه.
انا بقول اهوه

thunder said...

معاكى انه بقة شو اعملى وحق البلد اتحصر فى يوم واحد وبق التفكير نقعد السنة ونستة اليوم دا لكن هيعملنا اية اليوم سيبك ولا 32 ابريل ولا 34 يناير كلها ايام ولا هتقرف اذا كانت اصلا الايام دى احنا بنعشها او موجودة
دمت بكل ود وخير يا تنجانى

احمد سعيد said...

بصى ياستى

اولا اضراب السنه اللى فاتت مانجحش بسبب مجهودات الاخوة المنظمين

نجح اولا واخيرا بسبب غباء حكومتنا منقطع النظير

على فكرة

انا كنت فى المحله ساعه الاضراب

وشفت الفيلم الهندى من اوله لاخرة

اولا الناس عرفت اخبار الاضراب عن طريق الموبايل

يعنى الناس لم تعلم بيه
الا لما خرج عن اطار النت
لان قله من الشعب المصرى اللى بتتعامل مع النت
والقله دى اغلبها بتتعامل معاة علشان السكس والاغانى والافلام
بس

يعنى اللى بيستخدموة لاغراض نافعه
قله من قله

ونيجى بقى للفئه دى

انها لا تملك اى تأثير على الساحه السياسيه
الا اذا استثنينا طلبه الجامعه
ودول برضه تأثيرهم محدود
انا لا انكر اخلاصهم وتضحياتهم طبعا

بس تبقى فى الاخر الحقيقه المرة

ان كام عربيه امن مركزى
على فنطاسين مطافى محملين ميه مجارى وميه ملونه
كفيلين بالسيطرة على الموضوع
طبعا بعد اغلاق الابواب وحصار الطلبه
وبعدين يهود خيبر بقى بيقوموا بالباقى ....

الحكومه بغبائها لخصت المشكله فى اضطرابات امنيه
ورمت الكورة فى ملعب الداخليه
اللى كل الكور فى ملعبها دلوقت

والداخليه بغبائها المطلق بدل ما تلم الموضوع

كبرته

بالبيان المعتوة للوزير المتخلف

اللى خوف الناس اكتر
وهدد وتوعد

وخلا اللى ميعرفش يعرف

فبالتالى كانت النتيجه ان الناس قعدت فى بيوتها

مش مشاركه فى الاضراب لاسمح الله

ولكن خوفا من الاضطرابات والقلق

يعنى وزارة الداخليه كانت الراعى الرسمى للاضراب

طبعا فيه ناس كانت مشاركه عن اقتناع

بس انا باتكلم عن الاغلبيه العظمى
اللى تملك التاثير الفعلى على الساحه

العامل والسواق والارزقى
والفلاح والموظف

مش اخوانا فنجريه البق بتوع الاحزاب


دا بالنسبه لمصر عموما

نيجى بقى للمحله
اللى احداثها كانت بسبب الداخليه بشكل اساسى

من الاول كدة

الرجاله قالوا ان اى اضراب فى المحله لن ينجح بدون مشاركه عمال شركه المحله

ودا تفكير كويس

لان اى نشاط اساسى معادى للنظام بستبعد مشاركه العامل والفلاح

يبقى تهريج وهبل

طبعا الداخليه اول لما وصلهم الخبر

بناطيلهم اتبلت

كله الا عمال الشركه
حاجه وعشرين الف
ولو قاطعتهم فى لقمه عيشهم
هياكلوك بسنانهم
انشالله لو كنت مبارك ذات نفسك

الواحد من دول بيقبض مبلغ يثير الضحك

فيه ناس بتقبض سبعين واربعين جنيه

فى الشهر


بعد ما يخلص الورديه يروح يشتغل نجار

وبالليل تلاقيه سباك او كهربائى

يعنى بيعافر فى ستين شغلانه علشان يعيش ولادة

يعيشهم بس

مش يريبهم

التربيه دى ترفيه

الشارع كفيل بالتربيه طبعا


تخيل لما تيجى تقاطع دة فى لقمه عيشه

هو لا يهمه سياسه ولا بحزنون

بس كدة

من غير فلوس

مش هيبقى عندة حاجه يخسرها

ومش هيهمه داخليه ولا امن دوله ولا يحزنون

عندة يموت برصاصه ظابط حيوان احسن من انه يشوف ولادة بيموتوا من الجوع قدامه

نرجع مرجوعنا

بسبب مشاكل مشيخه المنصر
الشهيرة بمجلس ادارة الشركه

كان العمال ناويين يعملوا اضراب كالعادة

ونجح بعض الاخوة ربنا يوفقهم فى اقناع العمال بجعل هذا الاضراب يوم 6 ابريل

علشان الضربه تبقى موحدة

والبلد كلها عرفت كدة

طبعا الداخليه لاااازمن تحبط اضراب العمال دة

لانه فى وقت 6 ابريل

هتبقى الضربه قاتله

وبالفعل
تمخضت

حلوة تمخضت دى

تمخضت عقول اشاوس امن الدوله على الخطه التاليه

رجاله امن الدوله

اللى لابسين ملكى ومجهولى الهويه طبعا

يبيتوا فى الشركه بالليل
وطبعا العمال بييجو الصبح بالتدريج
بيتسرسبوا يعنى

فيستلموهم واحد واحد وهما داخلين
ويودة لحد مكنته
وطبعا ميقضرش يعارض

لانه لوحدة

وبالطريقه دى تم احباط اضراب العمال
ببراعه منقطعه النظير

ولكن السحر انقلب على الساحر

ويمكرون ويمكر الله

الناس فى المحله نزلت الشارع علشان تتفرج

وطبعا احنا شعب يموت فى الفرجه

لما نشوف بقى العمال الاشاوس هيعملوا ايه

ولما الناس لاقت كل حاجه ماشيه طبيعى

احبطت جدااااااااااا

وتصادف انه كان وقت خروج موظفين

طبعا رجاله الامل العام البهايم

ظابط دهل ابن واحد من تجار المحله الكبار

اللى متحامى فى كونه ظابط
وفى مركز ابوة

اعتدى على ست كبيرة فى اكبر ميدان فى المحله

وطبعا كلاب الامن المركزى كانوا متحفزين جدااااااااا

بسبب الاوامر المشددة اللى بيسمعوها من قادتهم بقالهم يومين

اى كلب يفتح بقه اضربوة بالنار

اتقالتلهم كدة

بالمفتشر

بالنااااااااار

بالرصاص الحى يعنى


طبعا الاهالى مسكت الظابط وفشوا غلهم فيه

فالامل المركزى اتخض ودور الضرب

ومن غبائهم انهم نسيوا كل نظريات فض الشغب اللى اتعلموها

واللى اهم حاجه فيها

انك تسيب للناس مخرج

علشان يخرجوا منه لما الضرب يشتغل عليهم

ويكون مخرج ديق

علشان تشتتهم

مش حبا فيهم ولا شفقه لا سمح الله

انما انت لما تزنق انسان وتنزل فيه ضرب

مبيبقاش قدامه خيار الا المواجهه

لانه ميت ميت

زى القطه كدة لما تزنقها فى حته

هتهب فيك وتخربشك

يقوموا يعملوا العمله دى علشان يتجنبوا مواجهات مع الشعب

واللى مش هتكون فى صالح قوات الامن طبعا

يقوموا بغبائهم يحاصروا الناس

ويضربوهم بالرصاص كمان

تخيل بقى الباقى

____________


اضراب المحله لم يفشل

يكفى انى اقولك ان حيين بس من المحله هما اللى عملوا القلق دة كله

باقى البلد كانت نايمه فى العسلللل

ولاااااااااا كان فيه حاجه

على الجانب المقابل

ذخيرة الامن خلصت
والامدادات اللى جايبينها خلصت

مع العلم ان تقريبا كل قوات الامن المركزى اللى كانت فى الدلتا راحت المحله

وجت قوات من القاهرة والاماكن النائيه كمان

وعلى الرغم من كدة
اصابتهم حاله من الارتباك

يعنى العسكرى كان بيعمل نفسه مغمى عليه علشان يشيلوة ورا

والطوب

وما ادراكى ما الطوب

الطفل الصغير فى العشوائيات عندة كفائه يحدف طوبه

ولا اجدع قذيفه مدفع

من ابعد الاماكن
وبتيجى فى الراس بالظبط

وتفلقها زى البطيخه

تخيلى المنظر طبعا

الاضراب مانفضش بسبب شطارة الداخليه

بس الناس زهقت

ومش عارفين يعملوا ايه بعد كدة

بسبب تخاذل بهوات السياسه
والمهدى عاكف الله يحرقه

اللى اتخنقت منه وكرهته من ساعه الموقف دة

فالناس حست بالخمول

لانهم مش عارفين يعملوا ايه ومش لاقيين قيادة تحركهم وتوجههم صح

وهنا طرقت الداخليه الحديد وهو ساخن

وقبضوا على مئات الناس
الغلابه اللى ملهاش دعوة بالموضوع

الحاجه اللى هدت المحله هى الابراياء اللى اتحاكموا

مش ضرب النار ولا الرصاص

دة الموضوع باختصار

________________


وسؤال اخير لاخوانى اللى منظمين الاضراب دة

هل العمال معاكم فيه ؟؟

وخصوصا عمال المحله؟؟

وهل لو كانوا معاكم فهل مشاركتهم جديه فعلا ولا مجرد كلام وفض مجالس ؟؟

والفلاحين اخبارهم ايه ؟؟

وطلبه الجامعه والموظفين؟؟؟

لو كل دول كانوا معاكم

يبقى مبروك مقدما

وان كان الموضوع هيبقى اصعب من السنه اللى فاتت واكثر دمويه

لان الداخليه اتعلمت طبعا

اما لو كنتم بتعملوا مجرد نشاط على النت

وفانلات سودا
وبوسترات

ومعتمدين على الهيصه بتاع السنه اللى فاتت ( اللى كانت صدفه

معتقدين ان الصدفه هتتكرر

ومعتمدين على كلاب تيارات المعارضه الوهميه

اللى حبوا يركبوا الموجه

ويسرقوا الفضل اللى كان يرجع بشكل اساسى للناس الغلابه بتوع عشوائيات المحله

فدول مش هتاخدوا منهم اكتر من الكلام

ويبقى تجهزوا قفاكم من دلوقتى

لانكم مش هتلاحقوا على التلطيش

وطبعا الحكومه هتستغل الفشل دة

وتضخمه اعلاميا

علشان تغطى على وكسه السنه اللى فاتت

وتحبط الناس اكتر وتقنعهم

انه مافيش فايدة


________________

وعلى اى حال ربنا يوفقكم


________________________


اما البت ابى دى

تصدقى بالله

انتى عايزة تنضربى

يعنى انا مردشت
اتكلم عن موضوع الاضراب دلوقتى

علشان احلله بعد ما ينتهى واقول كل اللى قولته فوق دة فى بوست كامل

وانتى كالعادة سبقتينى ونكشتينى

عاجبك كدة ؟؟؟؟؟؟؟؟


ماشى


ليكى يوم


وعندا فيكى هبقى اعيد الكلام دة تانى فى بوست

يلااااااااا

غتاته بقى

ضد الظلم said...

براوه عليكى
فعلا التجديد هى الافكار ماتت ولا ايه وكمان للحفاظ على 6 ابريل لابد من عدم تكراره لانه لو فشل مره سيلصق به الفشل طوال العمر وسننسى انتصارنا فيه وهيكون اليأس فى اى محاوله اخرى هو الغالب
تحياتى
ابو العربى

احمد سعيد said...

وبعدين كلمه اخيرة للاخوة المدونين

مافيش حلاوة من غير نار ياسادة

الدمويه اللى حصلت السنه اللى فاتت كانت شىء متوقع

يعنى كنتم مثلا معتقدين ان الداخليه هتتفرج


لا ياسادة

توقعوا اى تصرف من الداخليه

ونا بقولها اهو

اىىىىىىىى تصرف

وسع خيالك على قد ما تقدر

والكلام من نوعيه احنا مكناش متوقعين العنف دة

واللى بيقولوا نحمل الداخليه اى مسئوليه عن اى عنف

معلش

دا هبل


تخيلوا عماد الكبير بيقول لاسلام نبيه وهو بيصورة وبيخوزقه

احملك المسئوليه كاااااااااااملتا

اللى بتعمله دة مخالف للاعراف والقوانين

هههههههههههههه

هو انتوا اجانب ولا مش من البلد دى

زى طنط منى الشاذلى

لما كانوا بيصورا مشهد عن قانون المرور فى الشارع

وظهر فى الكادر امين ساحب مواطن من قفاة

فاستغربت قوى

ايييييييه دة!!!

ازاى ماسكه كدة

هههههههههه

ياسلام ياختى

واضح انك لسه راجعه من كندا


فاى كلما عن تغيير سلمى

هبللللللللللللللللللللللل

لان الفساد عمرة ما هيمشى بالذوق

انا مش دموى ولا بحب العنف

بس دى الحقيقه

ودة منتهى المنطق

والتفاهم مع الداخليه باللسان اشبه بتحذير اسد جائع مقبل على التهامك

وصلت ؟؟؟

احمد سعيد said...

وبعدين يابت انتى ايه الحكمه المحبطه دى

ونا اللى قولت عليكى متفائله

سحبتها خلاص

ياااااااا محبطه


طيب

خليه محافظ على قرونه

وخليه يسيب الصخرة تكبر

لحد ما تقع عليه وتكسر قرونه

وتكسر دماغه كمان


اصل الموضوع مش اختيارى ياابى

esraa said...

بصي يابطوط
الاضراب السنه اللي فاتت كان فكرة عمال المحله مكنش فكرة حد تاني
هم اول ناس طالبوا بالاضراب وطلبو ان الناس تتضامن معاهم وفعلا حصل
وعشان كده المحله اتقفلت اليوم ده وحصل فيها اللي حصل
لكن محدش يقدر ينكر ان يوم 6 أبريل اللي فات الشعب أثبت للدنيا كلها انه لسه فيه أمل كبير
المهم الشعب مش الناس اللي اتحطت في الشو الاعلامي
اللي حصل بقي انهم فكروا في استغلال نجاح اضراب 6 أبريل السنه اللي فاتت عشان يتعمل اضراب انجح السنه دي
في ناس كتير بتقول ان الاضراب نجح قبل مايبدأ وهم اجانب مش مصرين
بصي علاء الاسواني كتب مقال أكتر من رائع في الموضوع ده
وده http://www.shorouknews.com/column.aspx?id=20346 اللينك بتاعه
اقريه واعتقد انك هتوافقي علي الاضراب
بغض النظر عن مين اللي دعا له
المهم الشعب ياخد حقه

مواطن مصري said...

انا ممكن اعمل حركة يوم 12 مايو على عيد ميلادي

:))

ع انى بقولها لهم وصراحه من هنا بجد واللى هيقرا منهم هيفهم
ان فى وسطهم اللى غاوين شو اعلامى مش اكتر واللى غاوين شهرة على الفاضى وانا مبتكلمش من فراغ ولا سمع وانا قاعده بأكل مهلبيه انا قابلت ناس بالصدفه البحته وجمعتنى انى اتكلم معاهم
يا شباب بجد اه البلد محتاجه حاجات كتير بس مش محتاجه تكرار محتاج تفكير


متفق معاكي أغلبهم يريد الظهور الاعلامي

و انا شايف ان ظروف البلد الاقتصادية مش محتاجة أضرااب
و أن الاضراب ميبقاش يوم محدد كل سنة دة اسمو غباااااااااااء تختطيتي

انا مش مع الاضراب السنادي انا شايف ان البلد محتاجة تفكير و عمل عشان احنا في أزمة و فية شركات لو لقت الموظفين مش موجدين بتسرح

مواطن مصري said...

الاضراب السنة الي فاتت نجح و كان لية مطالب محددة لعمال مصرررررررر انما الاضراب السنادي هو شو اعلامي فقط لا غير

حاجات جوايا said...

أنا اتوقع ان اضراب 6 ابريل مش هيحصل
ولو حصل مش هينجح ابدااااااااا

ومحدش اصلا هيشارك فيه

الناس زهقت وعرفت ان مفيش فايدة

والدليل ان اضراب 4 مايو منجحش

كله كلام فى كلام

لا هيبقى فيه اضراب

ولا هيكون فيه نتيجة منه لو حصل

الجواز و سنينه said...

ابــــــى
انتى طلعتى دماااااااااغ عليه
احييكى على البتنجان المره دى
و الله مبسوطه جدا من كلامك و مستمخه
و قلتى كلام كتير فى الجون
ارفعلك الشابوه
تحياتى من اعماق قلبى

mera said...

اي نعم دي حركة اوهن من خيط العنكبوت,,,لكن الطرقات الخفيفة علي اي باب انتي متعرفيش اي طرقة هتوقع الباب,,,,

الدرعمي said...

عين العقل والله .. أجمل حاجة حكمة الإمبراطورة @ كل 6 أبريل وانتي طيبة @

أحمـــــــــــــد أبو العلا said...

اضراب تاني يوم 6 أبريل؟
الله, هيا بقت مناسبه وعيد قومي ولا ايه؟

مش كل حاجه ينفع تتكرر كده

يعني مثلا لما واحد يتجوز, ييجي السنه اللي بعدها ويحتفل بعيد جوازه يقوم يتجوز تاني ولا ايه يعني؟

وعجبي

micheal said...

هههههههههههههههه..أنا مشارك في حركة 32 أبريل
:)
متفق معاكي جدا ومتوكع الفشل لافتكاسة 6 أبريل السنة دي
في جميع الاحوال فيشو مضرب تلقائيا سواء عملوا اضراب 6 ابريل ولا 6 أكتوبر ولا في عاشورا
:)
يا بنتي ده أنا يوم ما اشتغلت في الجورنال كان 4 مايو..يعني حننكر
ده حظ إيه ده يا ربي
:)
سلام يا مهيب

عاليا حليم said...

انا هحدفك بالورد أصل عاجبنى عنوان البوست أوى
:)

وجهة نظري said...

هو أنا مش في قلب الأحداث فمش عارف أوي، لكن حقولك فكرتي عن الموضوع

هلس في هبل بيساوي صفر

قلة عقل بتساوي قلة قيمه

شرح النظريتين دول بتطلب الرجوع لأخر موضوع أنا كتبته عندي، وشرح الموضوع محتاج وقت طويل بس كفايه أقولك لو معندكيش حاجه تساومي بيها أو حاجه تضغطي بيها يبقي مش حتكسبي أي حاجه

إلي بيدعوا ليه دا ما إسموش إضراب خالص، ممكن يبقي إسمه إضراب في مصنع أو مجموعه مش مبسوطه أو حاجه زي كده، بس علشان يكون في تأثير فعلي لازم يكون في تنظيم محدد ورأي عام شعبي مشارك ومطالب محدده والأهم لازم يكون في رئيس وقائد للحوار

فاكره قصة أحمد عرابي؟؟ حاجه زي كده، مطالب محدده ودعوه للحوار وعمق شعبي معاه

إنما لما "البروروم" يكون في القصه، والكبار مخفيين والصبيان بيلعبوا، دا إلي إسمه عبط

وخلاص، الحكومه والنظام عرفوا آخرها، حنصرخ ونعيط وشوية عمال يولعوا حرايق، امن مركزي بينزل يلطش، عيل معندوش ثقافة الوقوف في البلكونه يموت، ونسيب القصه الأساسيه ونمسك في العيل إلي مات، وكل سنه وإنتي طيبه في 6 إبريل السنه الجايه وقابليني لو حد خد أي حاجه غير علي أفاه

شكرا

تامر علي said...

اسمحيلي اختلف معاك شوية
- أولاً الإضراب أصبح حركة والحركة اصبح لها رواد وأعضاء وده في حد ذاته نجاح يحتسب لها
- مقاومة الفساد واجب على الكل وكل واحد يختار الطريقة المناسبة للمقاومة فلا أقل من الدعم الفكري لمقاومة الفساد حتى لو اختلفنا معاه في التوجهات
- نقطة ان البعض طالب شهرة فده طبيعي جداً في أي تجمع طالما في بني آدمين هاتشوفي بلاوي
- ضحايا الإضطرابات غالباً ما يكونوا على علم بالأخطار المحيطة وعندهم الوعي الكافي والرغبة في مواجهته
- في مثل بيقول مش كل من عيّط مغلوب ... ولا كل من عشق الجزر أرنوب ..ياريت كلنا نعمل بالمثل ده :)

صوت من مصر said...

اضراب 6 ابريل اضراب 50مارس والله مش هتنفع
طب يوم 6 ابريل عندى امتحان ميد ترم اعمل ايه
افتكر اضراب 6 ابريل الى فات البلد كانت عامله اضراب للحبيبه وكنت كاتب عنه برضه
انا اتشليت
ياريت يحصل حاجه بجد

مجداوية said...

السلام عليكم

بصي أنا بعت لأحد المسئولين عن الجروب وقلتلهم نفس تقريبا المعنى ,وإن الحكومة مش حتسمح لهم أصلا بالاضراب ,,

لكن يا خبر بفلوس

أنا أى حاجة ضد الحكومة بأؤيدها حتى لو كانت رمزية حتى لو كانت بلا نتيجة أو فائدة أى شىء يقلق أمنهم ويعكر مزاجهم


وبعدين اللعب مع الأسد بيفرز الادرينالين

وبيعطيك جوانح

:)
:)

علي الصبي said...

أنا معاكي في إن السنة كلها تبقى 6 إبريل..مافيش أحسن من كده

فاتيما said...

آبى
آبى
انا منكن أبقى مع الرفاق دول اللى بيتسائلون ؟؟!!!
طيييييييييب
الفكرة يا بيبى كانت جميلة و مثالية
نوع من الإضراب السلمى
لكن تطوره و دخوله فى مرحلة عنف
هوه اللى بوظ كل حاجة
طبعا إحنا شعب موسوس و طبيعى لما تيجى تسألينا مين اللى إبتدى بالعنف
نقولك هما اللى حدفوا الطوب الاول
هما
مش إحنا
عشان تحصل عركة عبيطة ملهاش لازمة
و الهدف يضيع فى النص و تتحول لشكل همجى مش شكل حضارى للتعبير
القصد عاوزة أقولك
كل اللى عنده فكرة من حقه يدافع عنها و ينفذها مل لم تضر حد تانى ...
و أنا بضم صوتى لعنوان البوست المميز
و أفكر و أتحير
وأشوفك يوم الجمعة على ألف خير يا حبيبتى
بوسة و حضونة يا قمر التدوين كله

mohamed ghalia said...

واضح إنهم هيقضوها إضرابات
وبرده مفيش حاجة هتنحل
دى مجرد مسكنات

dr.lecter said...

واخرتها ايه

انا قعدت في البيت السنه اللي فاتت ومارحتش الشغل علشان انا فعلا كنت حانق ومفرووس من اني مش واخد حقي ومش راضي عن اللي بيحصل

بس النتايج كانت مؤسفه واتقلبت مهزله

لو هيعملوا اضراب تاني سلمي برده مش هتروح لكن مش معقوله تبقي مووضه وخلااص

وبعدين اصلا الحكومه مش حماره علشان تسيب غلطه السنه اللي فاتت تتكرر

للاسف مهمها عملنا واضربنا اللي هيتضر هو ناس زينا لكن اللي فووق ولا هاممهم ان شالله البلد تولع باللي فيها

احنا بالظبط عاملين زي الحطب اللي محتاجاه المدفاه الحجريه

وقود بالمعني الاصح

خلص الحطب ده هيحولونا لفحم

او يعصورونا ويطلعوا منا بترول

مانفعش برده هيرمونا ويجيبوا غيرنا


الاخوان فاكسين والاحزاب اليساريه والاشتراكيه فاكسه

كله فاكس كله بيهجص

والعمل؟

العمل عمل ربنا
وعلي الدنيا السلاام



التغيير هو الحل؟

طيب مالثوره جت وكانت ايه النتيجه؟

شويه ظباط وعساكر كتموا علي قلب المصريين 18 سنه حكم ديكتاوري قاهر ووضيعوا البلد ونزلوا بها لسابع ارض

جه اللي بعده عمل ايه؟ اه صلح شويه بس جه يكحلها عماها

واللي بعده بقي

ولا حاجه


تغيير؟ انا بقيت مقتنع ان افضل حل لنا اننا نحكم باجانب مافيش مانع ان واحد زي محمند علي ييجي يحكمني بدل مالمصريين مش عارفين يحكمونا ويدونا حقنا



الثوره؟ هؤووو

كل واحد هيقولك يابيه انا عندي عيال عاوز اربيهم

انا بلجري علي لقمه العيش

الحاجه الوحيده اللي الناس فعلا ممكن تهيج عليها هو انهم مايبقوش لاقيين ياكلوا

بس للاسف هم لاقيين لاقيين عيش قد الربع جنيه المخروم

ولاقيين فول حمضان وشاي بنشاره الخشب وسجاير كيلبواترا المسرطنه


طالما ان اقل مقدار من المعيشه متوافر واللي علي فكره بقي اوطي من معيشه الحيوانات

الناس مش هتقول لا

عاارفه لو بتنزلي وسط البلد او رمسيس وتشوفي الميكرباصات مليانه علي اخرها والناس طالعه براها بالظبط زي المترو

تقولي ايه اللي جابر الناس علي كده

ليه راضيين بده؟
لييه زانقين نفسهم وليه بيط
لعوا يجروا ورا اتوبيس هينفجر من الضغط

ولا يطلعوا يجروا علي مخبز بيعمل عيش لونه اسود؟


لانهم راضيين بكده



6 ابريل؟


كنت عامل عشم كبيير اووي عليه انه يسقط الحكومه لما يتعمل بشكل منظم وحضاري مش غوغائي ونابع من الخوف


هيحصل تغيير ان شالله

بس اسمه الطوفان

والطوفان ده هيسبلعنا كلنا ان شالله

لما الطبقه الوسطي بتنهار او بالفعل انهارت

ومابقاش الا طبقه المترفين والمعدمين

والطبقه الجديده اللي بتدعي الطبقه فوق المتوسطه مابتهتمش الا انها تحاول التقرب من الطبقه العليا ومابتعملش توازن بين الطبقه العليا والطبقه المعدمه


لو قريتي كتاب دكتور جلال امين الاخراني هتكتشفي اد ايه احنا اتغيرنا في كل حاجه


الامل كله هو في جيل يتربي علي قفافه ومواريث غير اللي احنا واهلنا متفطمين عليها

bar2ash said...

السلام عليكم

ازيك يا ابي

عارف مشغولياتك كتير
مش فاضيه حتي ترمي السلام


لكن خليني اديكي عذرك مش عارف لحد امتي


خلينا في البوست

كنت لسه بعلق عند مدونة اسمها لقمة في الزور

وقلتلها ان الاضراب ده مش هيعمل جديد
مع انه اضعف الايمان بس احنا بنتعامل مع ناس متعرفش يعني ايه ايمان

عجبني اوي ف كلامك جزئية انه لو عندي مشاكل نأجلها لحد 6 ابريل اللي جاي

متفق معاكي المره دي

ياريت يكون في حلول اخري

انا عن نفسي متشائم
ومش حاسس ان في أمل

ربنا يوفقك


برقش

أخـــ مسلمة ـــت said...

صحيح
الاضراب السنة اللي فاتت كنت بأيده لاني كنت حاسة انه لاول مرة الناس اجتمعت واتحركت علشان حاجة

اما السنة دي حاسة انه الموضوع هيبقي مجرد تكرار وروتين

انا حتي ماسمعتش عن أهداف محددة ليه

يمكن فيه وانا اللي سمعي تقيل؟؟

أما عن اختلاف الاخوان والتجمع والوفد والشباب
فالاختلاف ظاهرة صحية
ما تنتظريش انه كل الناس يبقوا قالب واحد
وما اعتقدش حتي انه لو حاولنا نوفق بين كل دول هيتفقوا علي كل حاجة
كل واحد ليه برنامج
والموضوع فكرة مقابل فكرة
الاصلح والاقوي هو اللي هيفضل موجود
وبتوع الشو الاعلامي والمصالح مصيرهم زي مصير حكومتنا المبجله

لانه في الاخر اصحاب المبادئ هما الباقيين

تحياتي ليكي ولتفكيرك اللي بيعجبني دايما

:*

mUsLiM said...

بجد انا بستمتع وانا بقرأ

هههههه

حلوه اوى قصة أيهما أشيك دى

وعلى فكره انا تقريبا متفق معاكى ، طالما انتى مش معترضه على أصل فكرة الإضراب ومعترضه على مسألة التنظيم والجدوى فانا متفق معاكى

بس برده مقدرش اقول انى معارض لإضراب 6 أبريل لأنى مش عارف جدوى الإضراب ومش عاوز اتوقع

لكن كل اللى اقدر أقوله ان الإضراب سلاح ذو حدين لو نجح فبيدى دافع وقوة ولو فشل بيؤدى الى احباط شديد

وياريت مننساش اللى حصل فى 5 مايو

غير ان الشارع المصرى الآن

يجب دراسة حالته النفسيه جيدا قبل قرار تنظيم اضراب معين علشان نقدر نحكم هو مستعد للاستجابه تلقائيا ولا لأ

غير برده ان اضراب 6 أبريل اللى فات ممكن نقول عليه أول إضراب شعبى وده كان من أسباب نجاحه لأن كتير من الناس خافت لأنها اول مره تسمه كلمة اضراب فبالتالى منزلتش الشارع وأضربت حتى لو كانت مش عارف يعنى ايه اضراب ومش موافقه عليه

لكن دلوقتى الإضرابات بتتباع فى اى سوبر ماركت على فكره

ههههههههه

ممكن طلاب مدرسه يقولك نعمل اضراب

ممكن عمال كافيه

عادى يعنى

هههههه

بقى شئ زى الاكل والشرب وأم على فى مصر

معلش اصلى بحب أم على :))

يلا ، وعاوز تتحفينا كمان وكمان بحكمك المأثوره

ههههه

السلام عليكم

لورنس العرب said...

لا مش عيد ميلاده
ده الذكرى السنويه الأولى
والناس مصممين على 6 ابريل
يمكن يكونوا طامعين في ان الحكومه تعمله اجازه
مهو السنه دي زاد يومين على الاجازات
يوم عيد الشرطه ويوم تحرير طابا
انا بقترح يكون معاه 6 ابريل كمان

قوس قزح said...

متفكرنيش ب 6 ابريل ده
لان جوزى كان شمتان فيا بشكل لما فضلت فى البيت انا و الولاد و الناس كلها فى الشارع عادى

المهم
الناس دى فاهمة الاضراب غلط
اول مرة اشوف اضراب له ذكرى سنوية
بكرة يخلوه اجازة رسمية

سيب انتى تعالى يومها نعمل اضراب عن الاضراب و نعمل له جروب فيس بوك على كام تدوينة و ناخد كام ولد من بتوع البادى بيلدينج و نقف بهم على الكورنيش .. اقصد فى ميدان التحرير ههههههههه

kafrawy said...

انا بقول حركه اول مايو

وكل مفك صاموله و انتم طيبين

إبن مصر said...

السلام عليكم

طيب ممكن تعرفينا ايه اقتراحك

يعنى ايه الصح واعمليه ولو صح كتير اوى هيمشوا وراكى وانا اولهم
المهم اننا نتحرك للصح وعدم السكوت
مش كده ولا ايه
ومن دلوقتى انا معاكى فى اضراب 32 إبريل ده
تحياتى

Mohamed Hamdy said...

انا موافق على كلامك . أهلا بالإضراب بس لو لسبب مش لمجرد الاضراب

تحياتى ليكى .. ابقى زورينى

Foxology said...

زى ما قولتى يا آبى ...

ترتيب وتنظيم صح

هى دى النقطة اللى على اساسها يبقى فى اضراب وقرار

تحياتى وامنياتى بمستقبل افضل لشباب البلد اللى عندهم افكار تستحق التحرك :)

الربان said...

تحياتي

ياريت الناس تفكر بهدوء مثلك..و تحلل
الموضوع و تتذكر ما حدث العام الماضي.

لن اقول من الذي تسبب في احداث المحلة
من اعمال قتل و نهب و تخريب....لكن الحقيقة المؤكدة انه حدث هذا كله...

القاعدة الشرعية ( لمن هو مهتم بالدين) بتقول ان " درء المفسدة مقدم
علي جلب المنفعه "...بمعني انه طالما الاضراب سيؤدي الي مثل هذه المشاكل فدرءه بالامتناع عنه واجب...هذا و الله اعلم...اللهم ان كنت اصبت فأجري عليك
و بتوفيق منك...و ان أخطات فمني .

اما الحديث عامة عن الاضراب فكما ذكرتي
انت...لماذا 6 ابريل بالتحديد و ليس يوما أخر...
من سينظمه...ما المطلوب من وراءه...
من سيشارك فيه و كيفية المشاركة...هل
بالخروج الي الشارع..؟ ام المكوث بالبيت
و هل فرضا لو تم هذا الاضراب في هذا اليوم سيؤدي الي نتيجة...؟

حبانا الله بنعمة العقل و التفكير و القياس و الاستدلال....و ياريت نستغلهم
و نستفيد مما منحنا الله.



تحياتي و تقديري

GHARAM said...

بما أني بره فموضوع الإضراب ده باكون فيه متفرجه



أحلى حاجه أغنية ذكرى يخرب عقلك كل حاجه بحبها بتحبيها

وومن said...

يعني اعمل فيكي ايه اروح استخبي

يا بنتي عندي استمحانات ومريحة الأدمغي شوية وموفراها للدش تيجي تخلي الزمبلك بتاعها يشتغل ليه
عافية يعني لوي دراع هاشغل مخي يعني هاشغلة

ماشي انا عمالة اقرا مقالات ودعوات ومش عارفة ايه عن الإضراب هو ده عيد ميلاده ولا ايه ؟

طب بغض النظر عن اللي حصل في المحلة انا الإضراب اللي فات كان عندي محاضرات وقولت بلاش اروح الشغل وانزل اشوف ايه اخبار الجامعه

المشهد كالتالي
كتيبة أمن مركزي متوسطة الحجم عند مقر حركة كفاية اللي في ميدان الجيزة والناس رايحة جاية بتسأل هما معسكين هنا ليه ؟

فيلق صغنن من الأمن المركزي عند كل باب من أبواب الجامعة

جيش صغنن كدة محاصر الباب الرئيسي والغريبة برضة ان الناس في الشارع مكنوش فاهمين سبب التواجد الأمني المكثف دة ولا طلبة الجامعه نفسهم

ادخلي الجامعة بقي واقسميها نصين المناطق المحيطة بالباب الرئيسي الناصريين مظاهرة -الوفديين مظاهر - كفاية مظاهره أي تيار له وجود هناك برضة مظاهره لوحدة
وكل واحد في وادي

ارجعي ورا شوية في الركن البعيد الهادي وانتي تحسي اني بقيتي في بلد تانية حيث الهدوء والسكون والشجون والكابلز اللي ولا في الدماغ والمحاضرات شغالة عادي خالص ولا كأن في اي حاجة بتحصل

طب نفهم من كل ماسبق دة ايه

مفيش معني لأي إضراب او عيد ميلاد إضراب من غير ما يكون في توحيد للموقف وتوعية حقيقية للناس وده اللي مفيش امل اننا نعملة خالص

وانا مش هاضرب 6 إبريل اللي جاي عندي امتحان ميد ترم

وكل إضراب وانتم طيبون
والسلام عليكم ورحمة الله وبركاتة

طعمية سخنة said...

فعلا عندك حق
المفروض الاضراب يبقي طول ايام السنة
دا احتمال ميبقاش في علاوات السنة دي عشان الازمة العالمية

مواطن مصري said...

انا اقترح ان يكون فية علاوة بدل الاضراب زي بدل السفر

شمس النهار said...

يابنتي 25 يناير ده عيد الشرطه اصلا

Che said...

عارفه يا ابى
انا كان معايا واحد صاحبى فى الكليه و بعد ماخلصنا الكليه فوجئت فى يوم و انا بقرا جرنال صوت الامه انهم عاملين معاه حوار بصفته القيادى الشاب فى حركه 6 ابريل ، نفس الصاحب ده كان شغال هتيف فى انتخابات نقابه المحاميين لمرشح محسوب بشكل ما على الاخوان مع ان صاحبى ده يعتبر يسارى .. المهم انه فعلا فى ناس غاويه شو و ده مش معناه انى باقول كل اللى فى الحركه كده
اكتر حاجه عجبتنى لما قلتى اننا نعمل حركه فى يوم 6 ابريل بمناسبه انه ده عيد ميلاد الحركه
كل سنه و انتى طيبه

ahmed_k said...

إزيك يا آبي إن شاء تكوني بخير
فينك من زمان مبقيناش بنشوفك
مش مهم اوي يعني ههههههههه

بس أنا بأيد كلامك ده فعلا
الإضراب اللي بيتحول لتخريب وتدمير وإتاحة فرصه للبلطجيه والحراميه بلاش منه
البلد محتاجه لفكر جديد وتنظيم قوي ومخلص يقدر ينظم مثل تلك المطالبات
في شكل منظم ومحدد ويكون تحت السيطره حتى لا تنفلت الأمور ويحدث مالا يحمد عقباه
كما في العام السابق


دمتي بكل خير

Here i'm said...

خلينا نتفق الاول ان اوضاع مصر مش محتاجة يوم أضراب واحد بس محتاجة 10 سنين * 365 يوم أضراب :D

و خلينا نتفق برضه ان فى اى حتة فيها بتوع الشو الاعلامى .. فى شو أعلامى فى الجمعيات الخيرية و فى شو اعلامى فى المعارضة و الاخوان كلهم شو اعلامى و بالتالى اى حاجة فيها شو أعلامى ..

الفكرة جديرة بالاحترام .. بس برضه محتاجه تنظيم رهيب .. أنا ضد فكرة أن دا عيد ميلاد الأضراب .. مادام اتفقتى على معاد العيلة كلها حتتجمع فيه كل سنة يبقى ملوش لازمة تغيرى المعاد السنة الجاية علشان ترضى سؤال ليه فى نفسك :D

عجبنى قوى أن الصحفيين قدموا ورقة بمطالبهم .. و اتفق 9 من رؤوساء التحرير و مضوا على المشاركة فى الأضراب .. على فكرة فى بينهم برضه شو اعلامى .. بس أهم اتفقوا على طالبات ليهم .. أداريو التعليم عاملين اعتصامات و وزير التربية أتدخل علشان ميشركوش فى الأضراب .. الأطباء قرروا اغلاق العيادات يوم 9 أبريل ..

أنتى دلوقتى أمام مجتمع بينمو و بيحبى سياسة بس سياسة تفتقد للفوضى و التنظيم .. و دا علشان مفيش رمز الواحد يكون تحتيه سياسيا .. كلهم على باطل


يبقى الشباب دا اتحرك تحرك بديهى .. مصر كلها بتتحرك .. كله حيتحرك و بالتالى الشباب يتحرك .. انا مع الأضراب المنظم .. السنة اللى فاتت اتهرينا يا جمعاة الأضراب أسمه خليك فى البيت أيه اللى ينزل الناس و يتعاركوا .. أحنا برضه شعب هياص و يحب الهيصة و بالتالى لازم تمسكى كل واحد فى ودنه و تقوليله المطلوب منه

الأضراب لو السنة دى حيبقى فاشل السنة اللى جاية حيبقى منظم اكتر و اكتر .. و مش بعيد تلاقيه يوم قومى بعد كده .. ما يوم 1 مايو كان يوم العمال علشان احتجاجات العمال

فى رايى مينفعش نجهض يوم كله بيتجمع فيه .. خلينا نصلح اللى فى أيدينا و ربنا يكرم


وجعت دماغك معلش :)

ابو اعصار said...

المفروض يغيروا التارخ
على راي بشار الاسد لما كان بينكت على قوى 14 آذار المفروض يغيروا اسمهم
لان السلعه اذا اتعرضت في السوق وما انباعت فقط بيغيروا اسمها
الاضراب ليكون منظم والا مفيش

موفقة يا ستي

الكلمة نور said...

بلاش اضراب سعادتك ممكن تشتركى فى اى حاجة مهمة وتخلى بطوط يشرب بنزين 95 كمان من غير ما حد يزعله
وخدى راحتك خالص فى الكلام ماهى بلد مالهاش صاحب لا اللى مبوظينها حاسيين ولا اللى باظت فى ايديهم شاميين
ريحتها لما باظت
وبعدين كلمتين فى ودنك على المصطبة اللى محصلش السنه اللى فاتت يحصل السنه دى ولو محصلش السنه دى يحصل اللى بعدها
اقولك سيبك من وجع الدماغ ده اهم حاجه بطوط يشرب بنزين
وصاحب بطوط ياكل مهلبية ساقعه فى يوم حر
وادينا قاعدين شوية خايفين نعمل حاجه وشوية لما حد يجى يعمل حاجه نقول شكلهم غاويين منظرة
بس سيبك فلتحيا بطوط وتتحرق البلد ونشوى على نارها درة لبطوط
واهى البلد موجوده وطالما احنا عندنا بطوط يبقى مصر بخير والناس مبتركبش مواصلات ولا فى ناس مش لاقيه العيش الحاف اصلا
ولتحيا بطوط وليتضخم الوحش
كناطح صخرة يوما ليوهنها
فما اوهنها وادمى قرنه الوعل
واقولك فى داهية الوعل وقرونه وليحيا بطوط وبنزينه

Appy said...

الكلمة نور
==============
هرد يا جدعان على البتاع ده وبعدين ابقى ارد عليكوا

بص يا اخ انت انت فهمت انا كاتبه ايه ولا انت مش فاهم
لو مفهمتش شوف حد تانى يفهمك ولا انت من الناس اللى على راسهم بطحه وبتحسس عليها قبل ما ترد على حد ابقى اقرى ليه كويسه وافهم الكلام وبعدين رد
متبقاش عامل زى اللى بيعلقوه فى ساقيه وماشى وخلاص
مش ناقصين صداع
من شويه ناس مش فاهمه حاجه

sakayar said...

فعلاً يا آبي
أنا معاكي في الفكرة جداً
إذا كانت الحركة دي هتبقى منظمة أكتر ومدروس أهدافها وتؤثر وتكون إيجابية ف ده شيء جميل
لكن لو هياخدوها عادة بقى وكل سنة يبقى الاحسن يجيبوا تورتة وشمعة ويقعدوا في بيوتهم يطفوها
وفعلاً الأسد المرة اللي فاتت كان بيلعب بس بضوافره .... لكن المرة الجاية أظن الأسد معندوش الصبر يلعب كتير
دمتي بكل خير

NIDAAL .R said...

كولومبوس
قبل ما اقول اى حاجة فى الموضوع ده
اسمحيلى لو سمحت أخبط شوية فى الناس المعلقين مش كلهم ولكن معظمهم .
الى انا ملاحظه ان مافيش غير كام واحد معدودين على الصوابع هما الى فهموا البوست وبيناقشوا بجد .. وبأفكار وأسباب منطقية .. و الباقى أما داخل مؤيد لمجاملتك واما داعى لزيارة البلوج بتاعه .. احم يعنى
هو البوست محطوط علشان نتناقش فيه ونطلع افكار سواء مؤيدة أو معارضة وبأدب
ولا معمول علشان نثبت ولائنا للبلوج
أنا مش فاهم بصراحة .

أوعوا حد يحدف بحاجة .. انا قولت اهو

NIDAAL .R said...

وبص يا عم كولومبوس

وبدون اى تحيز لا ليكى ولا لشباب 6 ابريل
انتى بتتكلمى صح وتمام وكووول وقشطة و كل حاجة
ومافيش كلمة غلط فى كل الى انتى قولتيه بالنسبة لأى كيان سياسي .

بس أولاً : الى بيقول ان الأضراب مش بيجيب نتيجة أقوله لأ .. جاب نتيجة وأتخفضت أسعار بعض السلع و جت العلاوة
بعيداً بقى ان فيه تجار ضحكوا على ناس وثبتوا الاسعار ومارديوش ينزلوها تانى
وبعيداً عن أن فيه أصحاب شركات مارديوش يدوا العلاوة للموظفيين .

ده بالنسبة لأضراب يوم 6 أبريل الى فات .. اما بالنسبة لباقى السنة
فإضراب سائقين القطارات و أضراب عمال غزل المحلة و تحقيق مطالبهم وغيرهم وغيرهم من الكيانات العمالية فهو اكبر دليل ورد على الناس الى بتقول أن الأضراب مالوش لازمة لأنهم مجرد بغبغانات
بتردد ومش بتفهم

بالنسبة بقى للبوست بتاعك يا آآآبى
كلامك زى ما قولت انه صح ولا يعيبه شىء
بس شكلك نسيتى أنك بتتكلمى على كيان سياسى فى مصر .. الى هى من أكبر الدول الأمنية فى العالم
وبتتكلمى على الشعب المصري الى كل فين وفين لما بيعترض ولا مابيخافش من الحكومة
فمش هآجى أقول للناس مرة واحدة أعملوا إضراب كل ما يكون ليكم مطالب وحقوق.. فكويس جداً أن الناس أستجابت فى 6 أبريل الى فات .. وبعضهم كان خايف ينزل من البيت فقعد فى البيت
...
وانا معاكى أن فيه شوية عشوائية فى القرار .. والخطوات و التصعيدات و التهديدات الغير محسوبة من ناحية 6 أبريل .. وانا واجهت بعضهم بالاخطاء دى لأنى مش عايز الحركة يبقى أخرتها زى اى حركة ظهرت وماتت قبل كدة

بس لازم ناخد فى حسباننا يا آآآبى ان الحركة تعتبر لسة مولودة وده أمر طبيعى جداً ان يبقى فيه اخطاء فى التحركات و التنظيم و الأدارة .
وخلى بالك انتى مش بتتكلمى عن حزب زى الوفد او غيره من الأحزاب الى عفا عليه الزمن وتحسب عليها الأخطاء .

وأفكرك تانى
أنتى بتتكلمى على كيان سياسى بداخل مصر و بتتكلمى عن شعب مصر مش بتتكلمى على اوروبا وشعبها

اوكى يا آآآبى
وبوست مميز فعلاً و الى مابيعرفش يفهم وبيقرأ الى على مزاجه ما يقراش او على الأقل مادام ما فهمش ما يعلقش بقى .

وأتمنى أنك تكونى فهمتى مغزى كلامى
سلام ..

الكلمة نور said...

بتاع ايه وساقية واضح من ردك ان حضرتك حد محترم جدا
ودماغك كبيره اوى
اللى بتكتبيه بيتفهم بعد تلات مرات قرايه وكمان بتفهمى اللى بيرد بيفكر فى ايه من غير ما يقوله
ماشاء الله عليكى
دا انتى لقطه
اقولك شكلك زعلتى على بطوط
لانك مش ممكن تزعلى من بتاع بيرد على نفسك
اقولك يحموكى فى كنكه
ومتنشريش

د/أبويحيى وادم said...

السلام عليكم ورحمه الله وبركاته

السادة الأفاضل زوار مدونتي الأعزاء ، أساتذتي الفضلاء ، إخوتي من المدونين والمدونات ،أصدقائي الأعزاء
تحية طيبة وبعد
أتشرف بدعوتكم اليوم إلى زيارة مدونتي ( مدونة ادم ويحيى ) وذلك بصفتكم أحد الشركاء الأساسين فيها بآرائكم وتعليقاتكم على موضوعاتها وزيارتكم لها
لحضور ندوة بعنوان

( ادم ويحيى ، تجربة تدوين )

اليوم هو استفتاء على تجربة تدوين

اليوم نعرف من هو أبو يحيى وادم وكذلك ادم ويحيى من هم ومن والدتهم

اليوم نعرف حقيقة هذه المدونة وما هي رسالتها الحقيقة وهدفها

اليوم رسالة اعتذار لكم عن بعض الأمور

اليوم رسالة شكر من كل قلبي على أمور أخرى

اليوم استفتاء حول منهج مدونة ادم ويحيى

اليوم هو رسالة منكم لي حول ما طالعتموه بيوم من الأيام بهذه المدونة
فأرجوا أن لا تبخلوا على بتعليقكم على هذه ألتدوينه
في انتظار زيارتكم
والسلام عليكم ورحمة الله وبركاته
د/أبو يحيى وادم

مواطن مصري said...

ليبرمان اتحقق معاة انا نفسي امنية حياتي قبل ما اموت او اهج اني اشوف وزير بيتحاكم في المحكمة و هو لسة في المنصب بتاعة

على عبدالله said...

السلام عليكم

مش فاهم يعنى !! هى بقت موضة ولا تقليعة جديدة ،، يعنى كل 6 ابريل يبقى اضراب ؟
ولا لان اضراب 6 ابريل اسفر عن تحرير الوطن من اغلال الحكومة مما ادى الى زيادة مستوى الرواتب وتقليص معدل البطالة ،أو حتى انخفاض مستوى الارتفاع فى الاسعار ووووو غيرها فأصبحت ثورة 23 يوليو ! قصدى 6ابريل ؟!!

عامة الاضراب او الاعتراض على سياسة الحكومة الفاشلة ! امر مطلوب لكن بشرط عدم الاضرار بالعامة او التخريب !، يعنى مثلا واحد استغنى عن الحكومة وبمجهوده عمله محل بقالة !باى حق نخرب بيته بحجة الاعتراض على الحكومة!!

للاسف الشديد بالفعل هناك صنف خبيث من الناس مستنى جنازة علشان يشبع لطم !! ناس هدفها التخريب والتخريب فقط ،، وكمان فى ناس بالفعل بتحب المنظرة "مثلا يسب ويلعن فى الحكومة علشان يبقى بطل قومى !!"
مش مطلوب تبقى النسبة 100% من اصحاب الضمائر العامرة ولكن المطلوب ان تغلب هذه النسبة نسبة اصحاب اللاضمير
حتى ينصلح حال البلد


خلى بالك
ممكن يلزقولك تهمة ترويج الافكار الفاسدة ،ويحطوكى فى قائمة"الارهابيين" ابو زمل يعنى :)))
هههه

سلام

mado80 said...

آبي

انا معاكي في حركه 32 ابريل دي
:)
كلامك صح ميه في الميه

تحياتي ليكي

NIDAAL .R said...

كلمة نور

هقولك كلمة فيها المختصر والمفيد

انا واحد من شباب 6 أبريل
ولو أنت واحد من الشباب بأسلوب هجومك ده الى الشباب مش بيتبعوه فى دفاعهم عن نفسهم وبيلجأوا للمناقشة و الحوار

لكن لو انت بجد واحد منهم تبقى أنت عااار عليهم .. وهتسبب فى تشويه صورتهم الى منجحش الأعلام أنه يعملوا .

نهر الحب said...

لقاء تدوينى يوم الجمعه 10/4
ببورسعيد اللقاء عبارة عن تجمع للتبرع للايتام المعاقين
ولقاء وتجمع تدوينى بعدها
ان شاء الله
ياريت تشرفنا
التفاصيل عندى وعند ماما امولة

hasona said...

السلام عليكم

الاضراب - الاعتصام - العصيان المدني

كلها تعتبر من أضعف الايمان
حتي لو مش عجبنا الاسد أو اختلفنا مع أي فصيلة من الحيوانات

كل شئ حولنا أصبح فاسد أو في خطأ
عبارة تغرق - هجرة للناس في لنشات للصيد يكون مصيرهم طعم للأسماك
وغاز يباع لأسرائيل مدعم وأبناء وطنا لا يجدونه وان وجدوه يكون بأضعاف أسعاره العالمية
ويتم تحذيرنا من صخرة وننتظر حتي تسقط هتدفن عائلات بأكملها

وأشياء كثيرة لا تستطيع صفحات علي احتوائها

حتي تقرير الاداء الحكومي كان في حدود 65 ألف صحفة - ولا تعليق




وسيطرة شرزمة من رجال الاعمال
وتزاوج السلطة بالمال
أصبح الوضع خطير خطير جدا

،،،
أوافقك الرأي لابد من تنظيم وتخطيط لهذا الاضراب
كيف وأين - نتايجه - ايجابياته وسلبياته

ليست المشكلة في تاريخ معين
لكن التوقيت مهم جداً
تعاملي معه كبقية التواريخ الاخري
6 أكتوبر - 25 ابريل - 1 مايو - 21 مارس وهي تواريخ كثيرة أصبحت غير قابلة للحصر


الموضوع أكبر من تصورنا وتخيلنا
لكنها قد تكون البداية

تحياتي

جنّي said...

السلام عليكم

لا طماطم ولا شوم .. ما المانع ان نختلف ويكون لكل منا رأيه .. اوافقك ان يكون الامر مرتب وتكون اهدافه واضحة وقابلة للتحقيق .. ولكن الحزب الفاسد وحكوماته الاكثر فسادا يريدوننا شعب مستأنس لا يهش ولا ينش .. والاضراب السابق لم ادعو له او اشارك به لنفس الاسباب التي ذكرتيها ولكن يجب ان يكون هناك حراك شعبي بصرف النظر عن اصحاب الشو والمصالح .. وكما قالوا اول الغيث قطرة وهؤلاء الشباب سيزداد عودهم صلابة مع مرور المحاولات ولا يجب الا نيأس فالالف ميل يبدأ بخطوة ..
ملاحظة : ليست لي اي علاقة بشباب الاضراب ولكني اشجعهم ..

دعواتك لي بتمام الشفاء ..

يا مراكبي said...

قصدك مين بالصخرة؟

إعترفي أحسنلك من دلوقت بالحسنى

الإنكار مش هيفيدك

احمد سعيد said...

انتى يا بت انتى مش بتردى على التعليقات ليه؟؟؟؟؟

قلتى هتردى من كام يوم وصباح التنفيض


ردى يا سطحيه يا بتاعه الخروف

اخوكى ( الصغير ) حلاوة

david santos said...

Really great and very nice work!
Happy day!!!

مواطن مصري said...

شكل ابي اختفت نجهز البانر ولا اية

Appy said...

ههههههههه لا ابى قاعده على قلبكوا بس انا كنت فى اسطبل عنتر امبارح وعندي محباطات نفسويه اصبري يا مواطن وانا هرجع اناكف فيكو تاني بس استعيد مسفوياتى



احمد يا سعيد

بص يا حلاه العنتبلى انت بجد سرك باتع مش قعدت تقولى متفائله بزياده ادينى احبطت اهو يا حج وانصدمت بالواكع اكتر ارتحت بقى
اتهد
اه ابقى راجع ردود نضال لانه على فكره من شباب 6 ابريل والنشطين جدا جدا
وحد محترم اوي بجد

احمد سعيد said...

ابى
هىهىهىهىهىهىىىىىىىىىىىىىىى

نعيما

اهلا بيكى فى عنبر المحبطين

تحبى احجزلك كرسى

ولا سويت ؟؟؟


__________________


عمى نضال

انا مهاجمتش الحركه

بالعكس انا بشجعها جدا

وشايفها هى الامل

فى وسط كومه العفن لبشاوات المعارضه الحاليين

كل ما فيها انى قلت ان الاضراب ينجح اذا توفرت فيه الشروط الاتيه
ويفشل لو حصل العكس

ولو فشل هتكون التوابع كذا كذا

اصل البت ابى تقريبا شكلها مفهمتش التعليق بتاعى كويس

هنعمل ايه

سطحيه بقى

Appy said...

حلاوه العنتبلى
بص يا جنونه يا سطحي اهو انت اهو اللى طلعت كده
نضال بالعكس مش معلق على كلامك انت يا جنونه لان انا قولت له على تعليقك وقولت هو ده اللى انا بفكر فيه وهو على فكره برضه بينقل الافكار دي للشباب بتوع 6 ابريل هو هاجم البتاع اللى اسمه الكلمه نور ده مش انت
والكومنت الاولانى منه هزار معايا نضال ده اخويا الصغير على فكره
زيك كده يا احمس افندي
اه احجز ليه شازلونج فى العنبر بتاعك بقى يا خويا
منه له منه له ادعل عليك بايه بس هيعمل فيك ربنا اكتر ما هو عامل
:p

احمد سعيد said...

ايون

ايييييييييون

انا عارف انه مش معلق على كلامى


دى مجرد خطوة استباقيه توضيحيه لموقفى

لا اكثر ولا اقل

ايه دة

ايييييييييه دة

ايه العصبيه اللى انتى فيها دى


اهو انتن كلكن كدهن

يا سااااااتر

احمد سعيد said...

:)

Appy said...

حلاوه العنتبلى

هو انا قاعده لك النهارده ولا ايه اطلع من نافوخي للناس تقول انى مبردش عليهم وبرد عليك يا ابنى انا اجازه عااااااااااا ومكتئبه شويه بس تصدق والله طلعتنى من المود وشكلى هيبقى عندي امل تاني وابدا اخنق فيك نهاهاهاها
وبعدين ايه كلكن كدهون بس هى نواره طبعت عليك فى كدهون وبتاع هههههههه
استبقايه
انت بتذاكر نحن الاميه من ورايا ماشي يا احمس بتعمل خط دفاع يا لئيمه بس على مين احنا فاهمينك وخبزينك
وعاملينك باتيه وكرواسا
ابعت لك حته هههههههههه

احمد سعيد said...

ههههههههههه

لا ياختى

انا شبعان

خلاص عفونا عنكى


هنسيبك شويه كدا

روقى الجمجمه

واستكنيصى عالاااااااخر

وارجعى تانى


بس ما تطوليش

NIDAAL .R said...

آآآبى وضحت وجهة نظري .. وأنا مش بهاجم حد ولا ههاجم حد .. كل الحكاية انى بنقل أنطباع على الكومنتات الى انا شايفها و الناس الى داخلة تمضى حضور فى الدفتر بتبقى عارفة نفسها .

عارف يا احمد يا سعيد انا الى غايظنى جداً وبيفرسنى أيه ؟
أن فيه بعض المصريين دايماً يستخدموا التكنولوجيا غلط او بعيداً عن الهدف بتاعها
يعنى البلوج أتعمل علشان تكتب فيه وتتشارك فيه مع أصحابك او غير أصحابك الاراء .. وتتناقشوا فى الى انت كاتبه

لكن مشكلتنا بقى أننا بنبقى عايزين الناس تشوف أحنا كاتبين ايه ومش عايزين نشوف الناس كاتبة أيه .. وده يبقى خايف يقول كلمة معارضة يروح التانى زعلان ويبقى خسر زبون كان بيقطع كل يوم تكت للبلوج .
أظن أنها واصلة تمام وواضحة .. وانت او غيرك بجد انا لا أقصد حد بعينه ولكنى بتكلم عامة .

يلا .. أتمسوووووا بالعافية

احمد سعيد said...

نضال

مع الاسف

كلامك صح

ودى اكتر حاجه كانت خنقانى فى فكرة التدوين


على فكرة

انا متابع المدونات من اكتر من 3 سنين

لكن اول مرة اشارك بتعليق كانت ايام غزة

وبعدها بحوالى شهر قررت انى اعمل مدونه

كنت ناوى اكتب عن سلبيات المدونين فى مصر

وافرقع بمب كتير

بس فضلت ااجلها شويه

اهو انت جيت ونكشتنى اهو

يلا يا زعيم

ربنا يوفقكم

بس معلش يعنى

استفسار

البت الشعنونه صاحبه المدونه دى قالتلى انك من شباب 6 ابريل

وانا شايف الصورة ضبابيه الى الان

هل هى كدة فعلا

ولا مجرد تعتيم من الحركه

ولا لسه فيه حاجات مااتفقتوش عليها

ايه الكلام يعنى


قول يلا

دفعتى امن دوله قاعد جنبى اهو ومستنى الرد وعايز يعلق رائد على حسكم

ههههههههههههههههههههه

بجد لو فيه حاجه اقدر اساعدكم بيها قولى

بالتوفيق يا معلم

وخلو بالكم من يهود خيبر

اللى تشوفوة منهم فى الحرب اقتلوة

حازم سويلم said...

عزيزتى آبى


لا يهمنى هنا ان اتفق او اختلف مع رؤيتك, يهمنى فقط ان تدركى ان نظام فاسد قمعى كالذى يجثم على نفوسنا, لا يجدى معه الا هذه النوعية من الأضرابات, وانه لن يعطى الناس آى شئ طواعية

اما بخصوص, عدم التنظيم الذى تعانيه مثل هذه الحركات, فهذا بديهى, فمن شأن آى "حركة" ان تنشأ مضطربة... حتى تنتظم

تحياتى

الشنكوتي الكبير said...

لو عملتي اضراب اسمه مختلف شويه
ممكن نبقى نشوفها

خدي بس بالك ليقفلوها على دماغنا يا فالحه
سلااااااااااااااااام
اخوكي ايهاب

NIDAAL .R said...

احمد سعيد
مادام الى هيبقى فى الحرب من يهود خيبر
يبقى لازم نتاااااااااااااويه
هههههههههههههههههههههههههه

الصورة بالنسبة للإضراب مش ضبابية ولا حاجة
بس كنا مأجلين أعلان خريطة الأماكن الى هيبقى فيها مظاهرات لغاية كام يوم فاتوا بس

عموماً انا كاتب الخبر فى الموقع الى انا شغال فيه
و الرابط أهو

http://masr.20at.com/newArticle.php?sid=20526

قشطة ..

وبالنسبة لسبيات التدوين و المدونين
اكتب الى فى نفسك .. انا بعمل كدة عن نفسى حتى لو معارض البنت الى هى أختى الصغيرة مع انها اكبر منى .. آآآآآبى كولومبوس .. حاكم انا مش بحب اخلى حاجة فى نفســـي
ههههههههههههههههههههههههههه
بس بتدينى على دماغى بعد كدة
ديمقراطية بقى يا سيدى
ههههههههههههههههههههههه

ربنا يستر إن شاء الله وشكراً لعرضك المساعدة .. وممكن تتابع الجروب على الفيس بوووووووووووووكس

Tamer Nabil said...

السلام عليكم

ازيك ياابيبى

اخبارك اية

بقى اغيب شهور كدة ومش اجدك تسالى عليا كدة تنسى اخواتك المدونين

اشكى بقى فى الامم التدونية

المسامح كريم
-----

6 ابريل دى من راى كدبة والناس صدقتها

وبعدين عمال المحلة يومها هما اصحاب القرار

على العموم ربنا يصلح الحال

واشوف بلدنا افضل من كدة

ايبى ونبى عايز احط عندى المدونات اللى بتابعها يعنى كل مدونة تنزل موضوع يظهر عندى

زى عندك

اعمل اية

تحياتى

ِِAdem El-Mahdy said...

ربنا يستر

الاضراب عندنا انهارده

ةو هنضرب فى الجامعة

متنسوش تجيبوا عيش و حلاوة
لو اتمسكنا

وبس

Appy said...

محمد عتلم
===========
لا فبراير مش هكون فاضيه ورايا غسيل






صيدلانيه طالعه نازله
=================

لا دى ولا دى كله له غرض فى نفسه يا لولو وانا بجد جبت جاز منهم

Appy said...

ايوشه
=========
مش كل حاجه بتتعمل بتكون وحشه المشكله بقت ىفى الناس واستخدامهم ليها يعنى فجأه تلاقى اى حد بيعمل اى اضراب بدون حساب عواقب وفى النهايه الحكومة بتمشى اللى هى عاوزاه فاللى احنا محتاجينه تنظيم وقوة علشان تقدرى تواجهى









عمرو
========
ده مبقاش اضعف الايمان دى بقت الصورة اللى بتقوى الحكومه بها نفسها قدام امريكا وتقولهم انا اهو عند ديمقراطيه
عارف انا معاك انه كويس بس انا مطلعش من بيتى لمكان الا لما يكون هعمل هدف وكويس او هجيب جووون على الاقل
دى وجهه نظرى بس
سلامك وصل يا عمرو ربنا يخليك

Appy said...

الطائر الحزين
===============
الله يبارك لك يا ايهاب
وكمان اكون اشد منه ذكاء







خالد المصرى
===============
بالظبط يا خالد هنفقد رونق وقيمه حاجه اتعملت كويس

Appy said...

بنت الاسلام
=============
بطوط حبيبى
انا عارف ان كان هيبقى فيه مصايب ومتنسيش ان بتوع المحله هما اساس الاضراب مش اكتر
والاحداث دى عملتها الحكومه علشان تقولك انت شعب مينفعش معاك حاجه
بس فى النهايه انا كل اللى جوايا خوف على بذره حلوة تتوه يا بطوط









مسدس صغير
=============
امممممممم اه ونعمل الاضراب فى العين السخنه على البلاج اهى دى الافكار معاك يا ريس

بص هو مع اننا نبدأ بنفسنا محتاجين اننا نتوحد فى حاجات كتير اوى اوى وده عملاه الشباب دى بس المشكله ان التنظيم غلط مش اكتر ربنا يسترها

Appy said...

thunder
==========
هو الاحباط ماشى فى كل الناس ولا ايه بقى ايه يا حج ادينا قاعدين نتفرج








احمد سعيد
==========
حلاوة يا عنتبلى مختلفتش معاك فى ده
وعلشان كده بتوع المحله لما اتقلهم علاوة وزياده 30% قالك قشطه يا حج
وقعدوا وسكتوا على كده
بس انا معاك ان الفضل الاول يرجع ليهم ومن زمان فى الاضرابات
بص يا احمد هما بيسبوا الناس تعمل اللى هى عاوزاه وبرضه هما ماشين بالسياسه اللى هما عاوزينها
ومش هينفع تحل الا لما تشيل من الاساس
انا لو فتحت يا احمد فى الكتابه وفى اللى بشوفه وشوفته على الاقل فى اسطبل عنتر مع ان دى مش اول مرة اروح بس المره دى اختلفت الرؤيا اوى اظبط دماغى بس وارتب افكارى وهوريلك بلدنا دى مبقتش تنفع ليه لا حكومه ولا ناس
ولا فيه احزاب ولا حتى اى حاجه تنفع
كله مصلحتى وكله عنده عقد وكلاكيع بيعمل بيها اسقاطات على الناس
واللى بيدعوا الوطنيه وهما شوزات فى رجل الداخليه
واللى بيدعوا الثقافه وده تعويض نقص فى شكلهم او مستواهم
يعنى يا ابنى بجد انا من الاخر مبقتش اخد معلومه من حد ولا شايفه امل فى ام البلد دى فى حاجه
ايييييييه شوفت اللى فيا بقى

Appy said...

ابو العربى
===========
او تكراره بشكل مرتب ومنظم وله اهداف واضحه
نورت يا فندم








احمد سعيد
=========

انا معاك ان مفيش دخان من غير نار والداخليه مش هتتغير والناس هتزيد عدوانيه
وبعدين محللتش ليه يا خويا عندك من بدرى
انا كده دايما انكش فى الناس وبعدين يشدوا فى شعورهم ايه ربنا يخلينى لكم بقى

Appy said...

esraa
=========
اسراء الفكره مش فكره انى رافضه انا رافضه عدم التنظيم وعدم الوعى بحقوق كتير فاهمانى
ومحدش هياخد حاجه يا اسراء لان اللى بيدهولك باليمين بياخدوه بالشمال وافتكرى العلاوة









مواطن مصرى
=============
يا عم الناس بقت بتعمل اضراب حتى على الحاجات الغلط
اسكت انا زهقت والله من ام التقليد اللى على الفاضى

Appy said...

حاجات جوايا
================

انا مستنيه اهو يا سمسمه لما نشوف اخرتها









الجواز وسنينه
================
يا سلام يا حبيبتى ابعت لكى اتنين كيلو بتنجان تعمليهم محشى

Appy said...

ميرا
==========
لو اصلا الباب ده ضعيف انتى بتتكلمى فى سياسه وقاعده بلد مش من اهلها دى من بره وخلينا واقعين
وانا مش ضد يا ريت بس يبقى فيه نظام مش اكتر







الدرعمى
=========
وانت طيب يا فندم

Appy said...

احمد ابو العلا
================
تصدق فكره بس متقولهاش لحد علشان الرجاله ما بتصدق








ميشو
=======
اممممممم بما انك متشائم على طول فمش هاخدك معايا فى الحركه بتاعتى

Appy said...

عاليا حليم
=============
هههههههههه كل يغنى على ليلاه
نورتى يا عاليا







وجهه نظرى
===========

لازم يكون في تنظيم محدد ورأي عام شعبي مشارك ومطالب محدده والأهم لازم يكون في رئيس وقائد للحوار

هو ده الله يكرمك اللى عاوزاه بس واضح ان فيه ناس مفهمتش
ربنا يخليك يا معتز

Appy said...

تامر على
===========
هو اعترضت على ايه يا تامر وانت بتدافع فى ايه
انا بتكلم ان المفروض تبقى منظمه ولهلا مطالب محدده والحركه نشاطها طول السنه وانا عارفهم كويس
المشكله فى التوقيت الغريب اللى مش هينفع ومش هيكون فى صالحهم
بس
ده خوف عليهم مش اكتر
مش تقليل منهم خالص









صوت من مصر
===========
اضرب المراقب ويبقى كده اشتركت وساهمت فى الاضراب اى خدمه

Appy said...

مجداوية
==========
وتعتقدى يا مانتى ان ده هيقلقهم اهو والله ما رديت ارد على التعليقات علشان اتفرج كمان السنه اللى فاتت شوفى الشوارع كانت ازاى والسنه دى بشاير هلت يا امى اسكتى الا انا على اخرى وصورصارات واقفه على مناخيرى








على الصبى
==========
تعيش الانتخه

Appy said...

فاتيما
==========

عارفه مشكله الشعب ان مش عاوزين يفهموا ان فيه ابتكار وتجديد كله عاوز يقلد ويعمل واشمعنى انا وخلاص ودى فى حد ذاتها يا طمطم مشكله
نورتى يا قمر








محمد غاليه
===========
والله ساعات بتتحل بس برضه بترجع ريمه لعادتها القديمة

Appy said...

dr.lecter
=============
الحكومة اتعلمت زى ما احمد سعيد قال
ان الداخليه اللى سيحت للموضوع السنه دى ولا كان فيه حاجه اصلا
شوفت بقى بنديهم فرص ازاى

وعلى فكره المجتمع كله بقى كارهه بعضه ومفيش نقطه تواصل بينهم







برقش
=========

انا مع الاضراب فى حاله اهداف محدده احنا كده مبنعملش حاجه للحكم ولا بنقدر نتقدم يا برقش
المهم معلش ومش عارفه لامتى هفضل اقولك حقك عليا

Appy said...

اخت مسلمه
=============
حبيبتى منورة المشكله فى الاختلاف المره دى برضه ان مش كل واحد اللى دعا
المفروض كل دول معارضه يعنى يتفقوا على التخلص من الحكم والظلم
وفى النهايه لو اختلفوا على حاجات تانيه انا موافقه
ثم انا معترضه انهم يحبطوا الشباب ويقولا شويه عيال فهمتى قصدى لان العيال دول عملوا اللى مقدروش هما عليه
نورتى يا حبيبتى










mUsLiM
===========
ربنا يكرمك اهو انت فهمت اهو انى مش معترضه على الضراب بالعكس خالص
كده اموت وانا مرتاحه ان فيه حد فهم البوينت بتاعتى

Appy said...

لورانس العرب
================
هههههههههههههه اجازة كده الراجل اللى بنشتغل معاه هيقفل الشركه ده بيزهق من كتر ما بنقوله على المناسبات اللى عندنا











قوس قزح
=============
فاكره البوست بتاعك ده يا حبيبتى والله
هههههههههههههه كورنيش طيب مينفعش نروح النادى مع بعضينا نعمل الاضراب هناك او نروح الساحل حتى على البلاج
والله انت حبيبى يا ابواحمد

Appy said...

kafrawy
===========
لاااااااا احنا عاوزين تميز







ابن مصر
==========
الصح ان نبقى كلنا ايد واحده عندنا خطه واهداف وكل ما نحقق هدف ننقل على اللى بعده
بص بجد والله انا فعلا بفكر واول ما الاقى حاجه هعلنها مش هزار

Appy said...

محمد حمدى
=============
امممممممممم ما هما قالوا الاسباب بعدين بس انا مش فاهم برضه







فوكس
========
بحاول اوصل لهم وجهه نظرى بجد

Appy said...

الربان
===========
المشكله ان السنه اللى فاتت الداخليه اللى فلا ساعده فى الموضوع لما تمطع العادلى وحذر الناس وفى المصالح الحكوميه السنه دى هما اتعلموا ودى كانت اول ضربه ليهم









GHARAM
==========
ده شرف ليه يا غرام بج
وبعدين انا بعشق ذكرى الله يرحمها فعلاد

Appy said...

وومن
========
فين التورته يا بنت طيب والله لاسيب عليكى الواد نضال بقى ها







طعمية سخنه
==============
ما هما غلوا كل حاجه وخلوا المرتبات تكش

Appy said...

شمس النهار
===============
وايه المشكله والشرطه تضرب معانا اشمعنى هما ملهومش نفس يعنى









Che
========
يوووووووووووووووووووووووا النوعيه دى كتييييييييييييييييييييير
اسالنى انا والله

Appy said...

احمد
=========
صح كده يا احمد ده اللى انا اقصده كمان ربنا يكرمك ومش هاجى برضه ههههههههه









Here i'm
===========
على فكره انا معجبه بالشباب ده جدا ومش معترضه عليه بالعكس
انا فعلا بحاول اوصل لهم وجهه نظرى ولو قريت رد نضال اللى هو منهم
وهو صديق واخ ليه هتفهم
هو فهم ايه وانا كنت عاوزة اوصل ايه

Appy said...

ابو اعضار
=============
حتى ده بينكت برضه
منور يا ابو اعصار من زمان






sakayar
=========

طيب كويس ان كل الناس متفقه معايا اهى ربنا يكرمكم يا رب

Appy said...

نضال
===========
اه يا خويا اسعار نزلت والتجار ثبتوا معاك فيها
والعلاوة والبنزين يا نضال اللى اترتب عليه الكتير وانت فاهم
بس انا منكرش انى كنت مبسوطه بيه جدا وانت عارف خنقاتى مع ناس كتير بسبب الاضراب السنه اللى فاتت على ايدك باماره مسدس الميه اللى كنت شيلاه
عارف يا نضال نفسى بجد ان الشباب دول يبقواعلى طريق صح زى ما قولت لك ويتم شيل العناصر الوحشه زى ما فهمتك يمكن يقدروا يعملوا حاجه وساعتها اوعدك انى ابقى على راس الحربه

Appy said...

الكلمة نور
===============
ويطلعوك بشوكه وهنشر نورت يا قله








مواطن مصرى
==============

هج انت وانا هحاكم الناس ليك ولا يهمك

Appy said...

على عبد الله
================
هو اعتراضى يا ارهابى على اانا بندىالحكومه فرص كتير سواء تخريب خنقه حبس مصايب كده يعنى
وبعدين مين قال انهم مبيقولوش عليا ارهابيه دى اقل حاجه يا اخويا بجد









مادو
=========
خلاص مفيش رجعه فى الكلام

Appy said...

نضال
=========
يا عم بترد على مين ابىق رد على حد فاهم مش داخل يلوش سيبك يا نضال







حسونه
=========
اتمنى انها تكون بدايه قويه علشان تستمر بجد

Appy said...

جنى
=======
مين قالك انهم بيريدوا كده
خالص دول عاوزين زيطه وزمبليطه علشان امريكا يقولوا لها احنا ناس عندنا ديموقراطيه ويدى فرصه للتوريث الموضوع متلعبك فى بعضه بطريقه قرف يا جنى
ربنا معاك والف سلامه عليك







يا مراكبى
===========
اااااااااا نننننننننااااااا
ليه الاحراج بقى وانت سبت الباقى ومسكت فى دى طيب مش هقول حتى لو اتعذبت باللس بضهر المعلقه ها بقى

Appy said...

نضال
========
ههههههههه ولو هاجمت يا حج ايه المشكله طالما معاك حق
اتمسى بالخير يا خويا









احمد سعيد
=============
ما تكتب يا احمد وانا ممكن اغششك كمان

Appy said...

حازم سويلم
===============
انا مش معترضه على الاضراب انتم ليه مش فاهمين بس انا معترضه علىانه يبقى من غير نتيجه بس









شنكوتى
==========
ههههههههههه انا شكلى هروح فى شجره بسببك يا شنكت

Appy said...

نضال
=========
طيب دا انا كنت بخف ايدى من عليك طيب ماشى جبته لنفسك ابقى استلقى وعدك بقى









تامر نبيل
===========
حمد لله على السلامه
بص ادخل على اللى اوت من السيتنج وهتلاقى حاجه بتعمل الريدر ده استنى هبقى ادور على الاسماء بالظبط واكتبها لك

Appy said...

Adem El-Mahdy
===============
ولا هعبركوا الحلاوة غاليه يا خويا اعملوا دايت بقى