.jfif)
.jpg)
استمحان قوي اوي اوي يالا كله يجيب الروقات والاقلام ويكتب
علشان انا رايقه اوي ومستعده اعض واضرب اي حدماذا تفعل لو كنت بتحب شخص ولكنه لا يبالى ؟
الجووووون بقى ان فيه تاني بيحبك وانت من كام سنه وانا ميال ميال ؟
حبك هيكون لمين الاولويه يعنى؟ احم احم
تعمل ايه لو التانى بيهتم بكل مشاعيره والاولانى مطوح مشاعيره بطول دراعه فى ترعه ميتها راكده والقراميط المعفنه سكناها؟
تعمل ايه لو الاولانى منكد عليك طول الوقت وفى نفس ذاتيات الوقت التاني ميدك كل وقته ومش زي الاول مديلك على قفاك
طبعا المواقيف دي كلها بنمر بيها مش انا طبعا نيهاهاها .....لا كدابه اكيد وانا كمان بس عادي يعنى
المهم مش عاوزه واحد يلف حوالين ودناته ويقعد يدور على اجابه دبلوماسيه انا خلاص خلعت الارقام الدبولماسيه انا من العامه الان
يعنى بمعنى اوضح عاوزه اصابات حره ومباشره وعورا عادي عندنا شاش وقطن ومركركوم نداوي الجراح
يعنى اصابات يعنى اهداف يعنى جوووووووووون
هنشوف بقى وهعرف اللى هيجاوب اجابات متحوره وحوارتجيه واللى هيقول اجابات مقنعه
وله جايزه هونا فى الكوكب
معاك ربنا بقى واتنين ملايكه وواحد شيطان هيطلع روحكوا ان شاء الله
ترسل الاجابات مع حله محشى بتنجان وورق عنب على العنوان المذكور
كان معكم استاذ طيار جناج عسكري مراجيح مولد النبى ابى هانم استنجلينا تيررررررارررررررا
حكمه الامبراطوره
لا تندم عندما لا يساوي الندم بادي استبريليس
103 اخبط وقول رايك:
عادة الانسان لا يجري إلا وراء اللي يهمله
أما اللي يكون بين يديه فإنه لا يبالي به
دائما تبحث عن الصعب وتترك ما بين يديك
دي عاده فينا
لكن بنكتشف اننا كنا على خطأ بعد فوات الاوان
لورانس العرب
=============
اممممممم طيب واللى معندوش نفس يجري يا خويا بقى يعمل ايه يجيب كوتشى اديداس ولا فالس
مش عاوزين نكتشف الخطا عاوزين نصلح
صباح الخير يا حج
ايه ده
استني كده اما اقوم ادور علي كاميرات المراقبه
لأ مفيش
اومال ايه مش فاهمه
البوست ده بيتكلم عني
عموما
هو الاولاني مش بيعاملني وحش ولا حاجه
بس عامل فيها عبيط
تررم يعني
وانا بصراحه بحب الاستعباط
قف للمعلم وبجله تبجيلاً .. كاد المعلم ان يكون رسولاً .
بص يا بيه
الأجابة الأولى للسؤال الأول
هل انا أساساً صارحته بحبى ليه علشان أقدر أحدد هو بيحبنى ولا لا ولا متجاهلنى ولا أيه ؟
وفى حالة لو انا صارحته وهو تجاهلنى أعتقد ان ماحدش هيختلف فيها ان اديله بالشوووز .. كرامتى يا بيه
السؤال التانى الى انا مش فاهمه
هو مين الى ميال .. الطرف التانى ولا الأول .. الى متنفضله ؟؟؟؟؟؟؟؟؟؟؟
السؤال الثالث
الأولوية هتكون للى بيهتم بيا اكتر طبعاً والى بيدينى من وقته و بييجى على نفسه كتير علشان خاطرى
السؤال الرابع
مش فى المقرر يا باشا او انا مش فاهمه او ان كل الاسئلة مفتحة على بعض وبعضهم اجابته واحدة
السؤال الخامس
راجع أجابة السؤال الثالث
صــ 75 من الكتاب المدرسى فى الحب العنفواني اللا مركزى المتحور
......
ها يا باشا .. ظبطنى فى النتيجة و هشوفك ما تقلقش .
عمركش صيفت فى شرم با ياشا
طب شوف شغلك فى النتيجة وهشوفك ف يومين فى شارم ولا حاجة .
ههههههههههههههههههههههههههه
سلام يا كولومبوس
انتى عندك مشكلة النهاردة مع الياء ياايمى
كلام لورانس صح الانسان يموت فى اللى بيتنطط عليه ومش مديله الوش لكن الانسان السهل والقريب نقول عليه واقع وده ميهمناش
المشكله يا أبى إنك طالبه إجابه عملية على موضوع مش عملى .. فا ده شىء صعب جدا .. يعنى انا مستغرب من جملة انتى بتقوليها اللى هى "حبك هيكون لمين الاولويه يعنى؟ احم احم" لو يا أبى اللى بتحسيه ناحية أى منهم هى مشاعر حب حقيقى , لا يمكن ساعتها تسألى سؤال زى ده .. لانى بحس ان الحب هو إحتلال عاطفى .. هل عمرك شوفتى شعب بيختار مين يحتله ؟ الحب الحقيقى حاجه كده تقتحم عقلك وكيانك وتخليكى تحبى شخص ما بدون أى سبب مقنع أو بدون أى أختيارات بديله
وعموما مشكلتك مشكلة ناس كتير اوى .. مش عارف انا ليه متلازمة (يحبنى+لا اهتم به) مش بتيجى الا مع متلازمة(أحبه+لا يهتم بى) تحسى كده ان ربنا بيخلص ده من ده..
عموما عشان ابقا قولتلك كلام عملى قدر الإمكان انتى استمرى فى علاقاتك بالإتنين زى ماهى حاليا , وطبعا حاولى تلفتى الشخص الغير مهتم لمشاعرك بس طبعا بدون أفوره ... وادى قلبك الفرصه انه يحدد مشاعره متجهه ناحية أى منهم .. وأظن ان دى حاجه بتيجى لوحدها .. فقط الصبر
تحياتى
بالنسبة لحبك الاولوية لمين,,احب اقولك,,نحن لا نختار من نحب ولا نحب من نختار,بس
ياااه
هو الاستمحان ده معقد ليه كده؟
يووووه
طيب برده نحاول
وربنا يستر ويبعد عننا العض والضرب
لو بحب شخص وهو لا يبالي بصراحه هتصعب عليا نفسي بس كرامتي هتنقح عليا وبصراحه أكتر هقلب على الوش التاني معاه ومعاملتي ليه ممكن تتقلب 180 درجه
لو في نفس الوقت كان في حد تاني بيديني اللي مفتقده ببساطه مش هقدر أتجاوب معاه لأني في الحاله ديه هعذبه أكتر لو كدبت وتجاوبت معاه في وقت مشاعر الانسان مش مستقره
يعني هطلع من المولد بلا حمص
هههههههه
شفتي بقى, كده آخر صراحه
الله يكرمك بلاش الألقاب
"استاذ طيار جناج عسكري مراجيح مولد النبى"
اللي من غير ترخيص ديه
مش فاضيين نزور حد يتاخد تحري
هههههههههه
انتي كوميديا و الله
بصي يا ستي
اختك فيها صفتين عكس بعض تماما
اولا انا لا يمكن ابدا اجري وراء واحد بحبه و مطنشني وممكن اهد اجدعها قصة حب و اطير راجل لقطه لأني بحبه و هو مش حاسس بقيمتي حتى لو روحي فيه
و ده كلام واقعي مش انشاء
لأني لما خطر في بال سيادتي أدور على خطيتي ما بين الخطايا السبع المعروفه لقيت انها الكبر
ثم الكبر
ثم الكبر
كرامتي اولا و قبل كل شيء و لو مناخيري وقعت مش حوطي علشان اجيبها
الغريب بقى يا آبي اني عندي برضه عكس نفس ذات الصفه
وده لأني و زي ما جوزي حبيبي بيقول عني ست مطرقعه بها كل المتناقضات لدرجة انك مستحيل تحدد انا ماشيه في انهو اتجاه بالظبط
عامله زي العربيه اللي سواقها شارب كده
المهم في نفس ذات الوقت انا لو حبيت بجد و اتحبيت بجد أدي اللي بحبه عنيا و ادلعه طول الوقت و لا اهتم بقى مين فينا بيدي التاني اكتر و ميبن فينا بيبتدي الأول
المهم يكون سيادته جرى ورا سيادتي و قال لي بحبك و عايزك ساعتها اختك تقع في الشرك زي العبيطه و تكون له شهرزاد و تجعل بسلامته شهريار و تقول الكلام المباح و غير المباح و لا انظر لكبر و لا كرامه و لا اي حاجه
و انا رغيت كتير و مش عارفه جاوبتك و لا لأ و نسيت أجيب المحشي معايا بس اعتقد ان الاجابه هي
طنشي الأولاني و خليكي مع التاني
اما لو كنت بتحبي الأولاني و مش بتحبي التاني فأنتي كده كاتبه البوست ده علشان تغيظي الأولاني
:)
ايه اللخبطه دي
!!
اصل احنا كده
نموووووووووت في ايلي ينكد علينا ويدينا بالشووز علي الدماغ
نعيط و نعترض بس في نفس ذات الوقت بنقول كووووووماااااان
..ومع الحياة الواحد شاف لو روحي في الشوز ايلي بنضرب بيها ..مروحلهاش
ياما دقت علي الادمغة الشوززز
الحب ما لوش كبير
بس احنا بنحب المستحيل
وبنتمسك بالبعيد وننسى القريب
ايييييييه دنيا
اممممممممممممممممم
أعتقد انى الى بيحبنى هو الى هيحافظ عليا
بصى يا بتنجانة
هو انا مش قادرة افهم اللغة البتنجانية بتاعتك
لكن هاجاوب زى ما فهمت السؤال
بصى يا ستو انا
انا لما احب حد
مش بستنى لما يجى يقولى انا بحبك
معنديش مشاكل انى اخد الخطوة الاولى
لو اللى انا بحبه ده مش بيحبنى
خلاص اخلع انا وماهينش نفسى وماهينش مشاعرى معاه
لان الحب مش عطاء وبس
الحب هات وخد
تراعينى قيراط ارعاك قيراط
تراعينى قيراطين ارعاك قيراطين
هتتنطط على اللى خلفونى
هاتنطط على اللى خلفوك
واحد بيحبنى وانا مش بحبه
هاكون مبسوطة طبعا
هو فيه حد يكره انه يلاقى حد يحبه
لكن
هاوضحله مشاعرى
وافهمه انى مش بفكر فيه كحبيب
علشان مايقعدش هو يرسم خطط مستقبلية فى عقل باله
وانا اساسا ولا بفكر فيه ولا نيلة
وعلى فكرة زى ما فيه متعة انك تدى حب واهتمام لانسان
بيكون فيه متعة انك تاخدى حب واهتمام برضه
المتعة الكبيرة فى تبادل مشاعر الاهتمام والحب بين الطرفين
بتبقى موجعة اوى انك تدى علطول وماتاخديش
وبتبقة منفرة وفيها نوع من الاشمئزاز على نفسى
انى اخد حب واهتمام من حد وانا مش قادرة ابادله الاهتمام ده
فبطلب منه انه يبعد عنى لانه مهما عمل
انا مش هافكر فيه
فبلاش يهين نفسه ومشاعره معايا كدة
بس خلاص
سلام
اختك خيخة
طيب لو الواحد محبش خالص يعمل اية؟؟
او الي عاوز يروح يقولها و هو مش عارف يروح يعمل اية برو؟
ابي القموره
انا عن نفسي ما راح اتعب نفسي واحب عشان اتعذب وانصدم ... بس اذا انا فى نفس موقف الانسانه هذي راح اخذ اللي يحبني
مش اللي انا احبه وهو مطنش
اختي العزيزة ابي
احيط سيادتك علما اني غيرت لينك المدونة بتاعتي من يوميات نائمة في الارياف الى عالم ماريونت وهو ده اللينك
ضروري اعرف رأيك يا ابي هانم بتينجاني
http://3alammarionet.blogspot.com
احلة تحية
اختك رنا
احمق من لا يتمسك بشخص يحبه من اجل شخص لا يحبه
سؤآل محير يا اوختي
الاستمحان صعب
ربنا معاكى
انا خلصت مذاكرة من زمااااان
و مديه دماغي اجازة
ههههههههههههه
اتجوزيهم الاتنين و اخلصى
ههههههههههههههههههههه
بتحصل يا ابى
بتحصل فى احسن العائلات والله
بس الواحد بيجرى ورا اللى بيبقى ميال ليه اكتر
ولا ايه يا استنجلينا
ماذا تفعل لو كنت بتحب شخص ولكنه لايبالي؟
حبك حايكون لمين والأولوية لمين؟
حاطنشه واسيبه ،وحا أحب واحد غيره يبالي
أنا محدش يطنشني ياعسل
ايه ده؟؟؟
يعنى انا غايبه شهرين وراجعه على امتحان
طيب انا مش مذاكرة ومش هجاوب
انا جايه اقولك
وحشتينى موووووت والله
بس خلاص
حب من طرف ثالث يعني ؟ ;p
عندنا مثل بالكويت يقول :
اللي يبينا عيّت النفس تبغيه ..
واللي نبيه عيّا البخت يجيبه
..
يعني اللي عاوزنا روحنا مش عاوزاه ..
واللي عاوزينه الحظ مش راضي يجيبه ..
أعتقد ينطبق الحال على الكثيرين ..
تحياتي :)
بصي ياستي في مثل صغنون كده
اللي حبناه حبناه وسار متاعنا متاعه ومين كرهنا كرهناه ويحرم علينا اجتماعه
المثل ده ليه ابن صغنون بيقول
علي مااتذكر
اللي ميحطنيش كحل بعينه ماراضاش اخليه شوز في رجلي تقريبا
وهي دي الحقيقه تقريبا يعني وفي نفسي الوقت رائي انا كمان شفتي الكميا بقي هو ده الحب
لكن سيبك بقي من كلام البنات اصلي بموت فيه مقدرش ابعد غظبن عني وبتاع
فلو ده كلام البنات الرقيقات ال رومانسيات
فاعترف من هذا الموقع اني لا اقرب للبنات دي اطلاكا مطلكا
وممكن مكنش بنت اصلا بالوضع ده ههه
يمكن من الجكمة اننا نأخذ اللي يحبنا لأنه سيكون حريص علينا وعلي سعادتنا أكثر وأكثر من أي شخص تاني
لكن الشخص الأخر الذي لا يهتم بمشاعرك
سيمن عليك دايما بذلك
يعني الافضل ان تحاول أن تحب من يحبك أفضل من السعي وراء من لا يهتم أصلا بحبك له
اعتقد انه هيحب اللي يهمل ليه :d
وهيمل التاني ومش بعيد يتريق عليه :d
السلام عليكم
ازيك يا آبي هانم
كالعادة باجي وانا نايم والوش عشان اكتب الحروف
بس هو الناس فاضية للي انتي بتقولي عليه دا آبي؟؟
اكيد في حجات اهم من اني ادور بقي علي حد بيكن ليا مشاعر مش طبيعية او طمعان وعينه في كوباية الكابشتينوا اللي ادامي
سيبك انتي....وإذا كان الروقان اخرته معاكي كدا فبلاها روقان وارجعي كما كنتي
إن الإنسان قبـل الحب شيء وعنـد الحب كل شيء وبعـد الحب لا شيء
كلنا عدينا بالمرحله دى بس انا عن نفسى مكسفتش انى اقوله بحبك و خليته يحبنى و مبقاش يقدر يستغنى عنى صحيح بعد كده سبنا بعض بس المهم الاول كان فيه ايه
البنت طالما صح متكسفش انها تقول بحبك
المهم تحافظ على احترام الطرف التانى ليها
اما لو فضل مطنش و عامل مهم
يبقى باى باى كمبوره
كلنا عدينا بالمرحله دى بس انا عن نفسى مكسفتش انى اقوله بحبك و خليته يحبنى و مبقاش يقدر يستغنى عنى صحيح بعد كده سبنا بعض بس المهم الاول كان فيه ايه
البنت طالما صح متكسفش انها تقول بحبك
المهم تحافظ على احترام الطرف التانى ليها
اما لو فضل مطنش و عامل مهم
يبقى باى باى كمبوره
البنى آدم كدة
الممنوع مرغوب
لكن انا اختار اللى شارينى وابيع اللى بايعنى حفاظا على الكرامة وأملا فى مستقبل مستقر
تحياتى :)
ازيك يا ابى؟؟؟؟
ايه الامتحان الصعب ده
الاختيار التانى ممكن لو الواحد اعطى نفسه فرصة وارتبط باللى بيحاول يقرب منه يمكن مع الوقت ومع القرب يشوف فيه حاجات مكنش شايفها..الافضل بصراحه نستنى لا ده ولاده
تيحاتى
بصى انا شخصيا اتحطيت فى الموقف ده بالظبط
كلام فى سرك يعنى
واحد معجب اوى لدرجه ان الناس كلها عرفت انه معجب وكده يعنى
بس انا كنت فى الناحيه التانيه خالص
وكمان كان حاجه ميئوس منها ومع ذلك تشجعت وقلت له لا
انا ما بفكرش فى الارتباط دلوقت
اوعى تيجى على نفسك علشان حد
بلاش دور التضحيه والشهامه ياخدك
انتى الى فى الاخر ها تتعبى
الحب شعور نبيل من وجهة نظرى لا يحتاج الى طرفين . فقد يحب الانسان احدا دون ان يشعره ويستمتع بلوعة هذا الحب الاحادى . على الرغم من اننى اعلم انه اذا كان من طرفين فيحدث تفاعل يؤدى الى قوة وصلابة هذا الحب.
..
اما بقى بالنسبة للاجابة على الاسئلة فأنا مش فاكرها لأن زى ما حضراتكو عارفين السن والزهايمر ربنا لا يوريكو..
هههههههه
بوست هايل
مودتى
وتحيتى
السلام عليكم
بسم الله الرحمن الرحيم
طلاب مدرسه سعيد العريان
بالنسبه للشخص الاول
عارفه ياابى
لما تكون حاجه صعبه و الواحد بيحاول يفوز بيها
بتبقى ليها لذه خاصه (مجرد تشبيه) نروح بقى لصميم الموضوع
تفرق لو الحب دا من الطرفين
و الشخص التانى عامل فيها يواد يتقيل
دا شئ لذيذ
لان الاتنين بيحبوا بعض فعلا
اما لو الحب دا من طرف واحد
و التانى متجاهله تماما
و مفيش مشاعر متبادله
يبقى الحوار دا ملهوش لزمه
لانوا بيضيع وقته
مشكلة يا ابى لان الحب مش بادينا
اصلى هقولك حكمى عقلك شوية هبقى عبيطة لان العقل فالغالب بيكون مركون عالرف .
هقولك خدى اللى يحبك .. هبقى غبية لانك ممكن تكونى مش بلعاه
بس بما انك مطرقعة ودماغك عالية
خيرى اللى بتحبيه
يعنى اخبطيه على نافوخه وقوليله هاه هتقول ولا تغور
ومن الرد او رد الفعل هتعرفى تقررى
اشطة ؟؟
سلاموز
الاجابه رقم واحد
لو مش بيحبني وطبعا انا لا اجرؤ اني اكلمه في الوضوع هستعبط واستهبل واغير الموضوع واطنش وعوضي علي الله وهنسي او احاول اتناسي واغني بتلموني ايه تا واحاول ااقلم نفسي يعني بقدر الامكان مش هحط نفسي في اني اقلل
من كرمتي او اتعب نفسيا بس دي بتبقي
طبعا حاجه خارجه عن اراده الانسان
اجابه رقم 2
لو في حد مهتم بيا او بيحبني وانا مش ببدله نفس الشعور ده هبعد فورا
من الاخر هروح العب بعيد مش ناقصه هي وجع دماغ ماله مهو الواحد ميت فل واربعتشر اهو بياكل وبيشرب ويتخمد ينام بلا نيلللله( قطيعه)
سلام الله عليكم ورحمته وبركاته
استحمام معروفه
انما استمحان دي ايه اظن ان دي كلمة خليط بين العربية والبنجلاديشية
:)
اولا يسر الله لكم كل امر
وكل عام وانتم بخير
وياريت نكثر من الصلاة علي النبي صلي الله عليه وسلم هذه الايام
--
ثانيا اعلق بقي
هناك ابيات شعر رائعه تقول
اذا المرء لم يرعاك الا تكلفا..
فدعه ولاتكثر عليه التأسفا
ففي الناس ابدال وفي الترك راحة ..
وفي القلب صبر للحبيب ولو جفا
فما كل من تهواه يهواك قلبه ..
ولاكل من صافيته لك قد صفا
اذا لم يكن صفو الوداد طبيعة ..
فلا خير في ود يجيء تكلفا
فسلام علي الدنيا ان لم يكن بها..
صديق صدوق صادق الوعد منصفا
--
مش عارف بقي اذا كانت الابيات دي للامام الشافعي او لسيدنا علي
بس اظن انها تناسب طبيعة السؤال
واخيرا
القلوب بين اصبعين من اصابع الرحمن يقلبها كيف يشاء
وليس لاحد في قلبه اختيار
:)
--
وجزاكم الله كل خير يازميلة المعارك والاقاليم
ولا اقاليم ايه انا من العاصمة
ازيك يا ابى يا جميلة
شوفى يا حبيبتى زمان قالوها فى الامثال " خدى اللى بيحبك ومتخديش اللى بتحبيه "
بس لو هتاخدى اللى بيحبك عشان بس هو بيحبك ومعتقدة انه هيسعدك رغم انك مش بتحبيه ولا حاجة بس عندك امل تحبيه فى يوم م الايام .. يبقى حرام عليكى وانتى بكده هتشقيه مش هتسعديه خصوصا لو فضلتى فاكرة الاولانى
مش عارفة ليه حاسة ان البوست بتاعك مرتبط ارتباط وثيق بالبوست بتاعى ( لحظات ضعف )
بس بوستك البداية .. قبل اتخاذ القرار
وبوستى النهاية .. بعد اتخاذ القرار
واهى دنيا وعايشينها
اعملى استخارة يا قمر وربنا يوفقك للخير ان شاء الله
الله
إيه دا ؟؟!!!
إحنا مش خدنا الأسئلة دى قبل كدا ؟؟
و لا أنا مستهيألى !!!
طيب فى كل الحالات لازمن اجاوب على قمر التدوين كله و مينفعشى أتاخر
بسم الله الرحمن الرحيم
إجابة السؤال 1
لو بحب واحد و مش واخد باله ...
هخليه ياخد باله و ميهمنيش رد فعله
الموقف اللى قولتى عليه دا مريت بيه قبل كدا
و للأسف الواحد بيدور على العذاب ...
فيروز بتقول
لو كان قلبى ملكى ما اخترت غيركم و لا رضيت سواكم فى الهوى بدلا
لكنه راغب فيمن يعذبه
...
واخدة بالك من راغب فيمن يعذبه دى
أهى دى مربط الفرس
أو الحمار يبقى أليق لأن الواحد بيعند مع روحه و يحرن
و يفكر فى اللى ناسيه
و ينسى اللى فاكره
فمتهيألى مش محتاجة اقولك عملت إيه ساعتها ...
طبعا اللى بحبه سابنى لحد تانى
و اللى بيحبنى زهق
و مشى لحد تانى برضو
أنا عايشة لله و للوطن و للحد التانى دا يظهر
و قعدت أنا فى الشمس
يلا
الموقف لو حصل دلوقتى
تصدقى معرفشى هعمل إيه ؟؟
بس متهيألى تفكيرى هيختلف قوى عن زمان لأنى هعمل حساب يوسف و وضعى الحالى ...
و غالبا لو حصل و طبيت
هحب فى المطلق كدا و عشق الروح و الكلام دا لأنه مش هيخلينى آخد موقف ما أندم عليه بعدين
الخلاصة يعنى و من الآخر كدا
إنتى عاوزة إيه بالظبط من الأسئلة دى
منزنى بقى مش لطيشف قدام الشعب كدا ؟؟
و بعييين هيا حلة ورق العنب دى مش كانت مقررة علينا برضو السنة اللى فاتت ؟!!
طب أبقى اجيب طبق و سلطة زبادى و أستلف شوكة البت خيخة و أجى اخمس معاكى فيها
بوسة و حضونة يا حبيبتى
انا طبعا هروح للي بيحبني وعاشقني ومهتم بيا
اما اللي منفضلي وبتعامل معايا بألاطة لاء مايلزمنيش
العمر كله يومين لازم اعيشهم مع حد بيحبني وملهوف عليا مش حد مش حاسس ولا هيحس بيا
دة رأيي
وتحياتي ليكي
بسم الله الرحمن الرحيم
( الإجابة ( فيلم بين الأطلال
عض و ضرب ؟!! هي بقت كدة :((
:S ماشي .. اما نشوف اخرتها اية
الحمد لله لسة ماتحطيتش في موقف اني احب من طرف واحد .. هي مرة بس مكانش حب يعني .. كان اعجاب و كان لسة في أولة و الحمد لله حسمتة .. جسيت نبضها و لقيت الدنيا ضلمة .. :) .. عادي يعني
---
هو السؤال التاني معناة ان فية حد بيحبني - أستغفر الله - وانا - أستغفر الله - في كصة حب تانية ؟ انا فاهم كدة
لو كدة يبقى بفهمة ان انا مرتبط بكصة حب ملتهبة .. ( كصة حب يعني حب متبادل ) ... بس بصراحة .. و الله بشيل همة :( وبكون متضايق عشانة .. مش كفاية انة حس و حب واحد زيي لأ و **** يطلع مرتبط كمان ... حاجة
---
و بعدين مانا قولتلك ... انا ماليش في موال الحب اللي من طرف واحد دة .. انا بصراحة باخدها مسألة كرامة .. ربيت نفسي على كدة و الله .. أصل مش بليق في دور العاشق اللي بيجري ورا واحدة مش عايزاة .. بابقى سخيف
ومش بحب الي بيعمل كدة بصراحة - واحد ولا واحدة - .. بالذات بقى لما يكون مستلذ العذاب اللي هو فية ... أععععع
ربنا يعينة بصراحة
------
المواقيف دي - على رأيك - مريت بيها و دي كانت ردود أفعالي فيها
و أشهد الله على ذلك .. و الله على نا أقول شهيد ... أقول قولي هذا و أنتقل الى مكتبي و أكمل شغلي
------
لسة ضارب محشي امبارح .. ابعت لك شوية ؟
بص يا عم الطيار جناح عسكرى
(ممكن اتمرجح و النبى و النبى)
ههههههههههههههههه
نجاوب بقى الاستمحان
=====================
ماذا تفعل لو كنت بتحب شخص ولكنه لا يبالى ؟
ازاى يعنى
يعرف يعنى و عامل نفسة ميعرفش و الا ايه؟؟؟
بس انا صعب اقول لحد بحبك كده مباشرة
اتحرج
ممكن اوضح بتصرفات و كده
و بعد كده لما يفهم ابقى اقول بحبك
لو بقى مش عاوز يفهم يبقى مش حلاقى سكة خالص
========================
الجووووون بقى ان فيه تاني بيحبك وانت من كام سنه وانا ميال ميال ؟
حبك هيكون لمين الاولويه يعنى؟ احم احم
و الله يا عم الطيار
دى عويصه
ههههههههههههه
بس حب اللى يحبك و اللى ميحبكش متحبوش
يعنى اللى بيحبك هو اللى يستاهلك مش التانى
====================
تعمل ايه لو التانى بيهتم بكل مشاعيره والاولانى مطوح مشاعيره بطول دراعه فى ترعه ميتها راكده والقراميط المعفنه سكناها؟
نفس الاجابة اللى فوق
انا اصلا حنسى الاولانى طالما حد بيحبنى و بيخاف على مشاعيرى
=====================
تعمل ايه لو الاولانى منكد عليك طول الوقت وفى نفس ذاتيات الوقت التاني ميدك كل وقته ومش زي الاول مديلك على قفاك ؟؟
و حياة امى يا ابى
نفسى الاجابة بتاعة السؤال اللى فات و اللى قبلة
اصلى كده نطرت الاولانى خلاص
واحد بيتقل او مش بيحبنى اوى يبقى مش يستاهلنى
و الا ايه يا كبير
تجنبا للمخاطر محبتش اغلط فالاولانى بقى
مع ان لسانى كان حيفلت كذا مرة
ههههههههههههههههه
سلام
كان معكم قائد السرية التانية لواء دكتور محاسب اسلام
شوفي آبي
هختزل الاجابات على الأسئلة كلها في اجابة واحدة وإن شاء الله تكون وافية وبدون لف ودوران والله
في حديث عن سيدنا محمد صلى الله عليه وسلم يقول
اللهم هذا قسمي فيما أملك فلا تحاسبني فيما تملك ولا أملك
صدق رسول الله
بمعنى
إن المشاعر دي مش بصلة ممكن نوجهها في الاتجاه اللي احنا عاوزينه
دي حاجة كده
زي لطشة البرد
مش بتميز تيجي
امته .. وفين .. وازاي
وربنا يكفيكي شر لطشة البرد
تحياتي
وليد
آبي هانم
بسم الله الرحمن الرحيم
الاجابة تونس
أصلي ماليش في الجوانيات دي
ماهو يادغري يابلاش
آسف لعدم الاجابة بصدق
كبرياء ذكوري بقي
هههههههه
تحياتي
أسامة
انا شفت البوست و ابتسمت ابتسامه خبيثه ذات معني طبعآ انتي عارفه ليه
لو سمحتي قبل ما اقول رأي سمعيني اغنية اكدب عليك خصوصا كوبليه
امال انا ايه قولي انت انا ايه و اختارلي بر و انا ارسي عليه
انت حبيبي يعني لسه حبيبي ولا حبيبي علشان كنت حبيبي قول قول قول يا حبيبي قووول
و بعد هذا الفاصل الغنائي اللوزعي اقول بقي يا عم
بصي يا ستي الحب دايما مالوش اي سبب يعني مش علشان حد بيعاملني حلو و بيهتم و بيحبني هاحبه حتي لو فيه كل مميزات الدنيا
ممكن احب واحد مشلول و عبيط و اعمي و اطرش كمان و اكون شايفاه احسن انسان في الدنيا
الحب لما بيكون من طرف واحد او التاني مستعبط طبعا بيكون صعب اوي بس مش هاتقدري تغيري ده
قدر بقي نقول ايه
ممممممممممم نفرض اختارنا اللي بيحبنا ممكن يطلع علينا اللي كنا بنعمله والتقل وممكن لا ئبئا عارف قيمتنا ويحافظ علينا
ولو اخترنا اللي بنحبه حنفضل ف الم لاننا مش نعرف حيحس امتي ولو حس احنا ممكن بعد كدة نبدا نزهق ونتقل تعويض عن اللي فات وممكن لا
بتختلف من الشخصيات وفعلا
موضوع صعب
ابى هانم بتنجانى ذات الخروف البمبى
اقولك على حاجه احسن؟؟؟
:
:
:
:
:
:
:
:
بلاها ناديه.......بلاها سوسو
اولا تنهيده جااااامدة اووووووووووووووووووووووووووووووووووووووووووووووووووووووووووووووووووووووووى وبعدين لا دبلوماسية ولا حاجة اساسا اساسا الاجابة محمد منير وتونس والاسئلة دى مش من المقرر اطلاقا ومحدش يقولى فى كتاب وزنة لانى حفظة صم والصفحة المنيلة دا مش لاقى ليها اجابة فية على العموم لو عرفتى الحل بعيد عن كرمبوا تلفنيلى عند ابويا العمدة وتعملى فيا ثواب
حبيبتي ابي
ميرسي ليكي اوي على التعليق بس انا رجعت اللينك تاني على فكرة عشان حسيتها خطوة ملهاش لازمة
ميرسي مرة تانية
الاول
كل سنة وانتى طيبة و سعيدة دايما يا رب
بالنسبة للسؤال
جميل انك طبعا تتحبى من حد لكن الواحد بيكون مش كفاية له انه يتحب ..بيكون محتاج هو نفسه يحب اللى قدامه ..لان مشاعر الحب دى هى اللى بنفضل طول عمرنا ندور عليها علشان نديها للطرف التانى
يبقى كده الارتباط بشخص بيحبك و انتى مش بتحبيه مينفعش الا لو انتى على الاقل معجبة بحاجة فيه ممكن تكون سكة لكى للتعود عليه و المودة بينكم
اما عن الشخص التانى ..فخدى بالك ان فى ناس متعرفش تعبر عن حبها و يمكن كمان تكون خايفة من الارتباط و فقد الحرية و علشان كده بيكونوا حاديين شوية فى تصرفاتهم و يمكن فعلا النوعية دى بتخلينا نتعلق بها اكتر بس علشان الممنوع مرغوب .. لو انتى متاكدة انك بتحبيه لشخصه مش لمجرد انه تقيل و عامل عاطف ..يبقى هنا لازم توضحى له ان فى مشاعر جواكى له و ان كان هو مفيش حاجة من ناحيته يبقى الافضل انك تبعدى عنه
و بلاش تهدرى مشاعرك على شخص مش مناسب
و اخيرا .. الاتنين دول اكيد مش اخر الدنيا يعنى ممكن تلاقى حد تالت خالص وسط بين الاتنين
و بعدين ما انا قلت لك خدى نور و طلعيه على مزاجك :)
حكاية مكررة
بس اسلوبك ف حكايتها مختلف
لذيذ
بصراحة كدة انا هحاول مع اللى بحبة لكن مع اول موقف تجاهل هيقع ويتدهور ويتدحدر من نظرى خالث مالث
ولما نفسى تصعب عليا هبتدى التفت للى بيحبنى وبيعمل كل حاجة فى مقدرتة علشان يريحنى ولو حبيتة هكون انسانة حظى سعيد وهحاول بالتاكيد انا كمان اعمل كل اللى فى مقدرتى علشان اريحة واسعدة
بس خلاص
تحياتى وتقبلى مرورى يا عثل
احترت رئاى الناس هيبقى ايه؟
بس انتى عارفه بيتهيألى لاننا دايما مش بنعرف نقدر صح هنسيب اللى بيحبنا ومدينا كلحياته وبرضو نفضل ماسكين فى اللى بنحبه ومبهدلنا معاه
لا وايه نقعد نعيط ونندب بختنا
مشكلتنا الازليه اننا دايما وابدا مش بنعرف نقدر صح
ولو عايزه الحق ؟
القلب بتفضل جواه غصه مره بتكبر كل يوم شويه بشويه واحنا مش حاسين لحد ماتلاقى مره واحده كرهتى اللى بتحبيه
بس عارفه برو ساعتها بيكون ايه اللى حصل؟؟؟؟
بيكون اللى بيحبك فقد الامل وضاع من ايديكى وترجعى تندمى عليه
ايه النكد والهباب اللى بقوله ده؟؟
ماعلينا
ازيك ياجميل وايه الاخبار والاهرام والمساء ؟
نسيت اقولك
ممكن لو سمحتى اللى هيبعتولك الاجابات مرفقه بحله محشى ورق عنب تفتكرى اختك بدورين ولا تبعتيلى حله مه وتخليكى كريمه وشهمه :)
انا هجاوب وربنا يستر ومسقطش هههه
المهم نتكلم جد حبه
عن تجربه من الامتحانات دى كتير قبل ماندخل القفص بقا خلاص
الى بيهتم بيا وبيقدرنى ومدينى كل وقته وبيدور على الى بحبه ويسعدنى وعندة الاستعداد نستحمل بعض ومعندوش انانيه وكبر واستهتار بتضييع الوقت او المشاعر افضل كتييييير
هنقول انه فى اختلاف فى الشخصيات وممكن يكون عامل مطنش بس هو تقيل وكده خلاص بسيطه كل واحد يحس اكتر هو بيحب ايه ويقدر يعيش مع مين اكتر
الحب كمشعر بيختلف شويه عن الجواز الجواز عاوز مشاركه وتفاهم واحترام وحاجات كتير تتبنى عليها علاقة هتمتد سنوات طويله وهتتعرض لظروف وموجات وحاجات كتير ياترى الشخص ده هيتصرف ازاى قصاد كل الكلام ده؟ لو هو باديها تقل وستعباط من الاول؟
ولو الشخص الى مهتم مش مايلاله او مرتاحاله تماما توماما يعنى خلاص يبقا لا ده ولا ده ويمكن فى وجه جديد هيبعته النصيب
ههههههه شكلى هاخد فيرى بيج زيرو فى الامتحان
تحياتى
أنا رأيي إن الإنسان (عادة) غير قادر على الوصول لقرار صحيح فيما يتعلق بمصيره في ظل وجود مؤثرات (هوائية) مصاحبة:)
لاء مش النشرة الجوية .... يعني لايمكن في الوضع ده حد ياخد قرار صحيح وفي الحالتين القرار غلط ... الصح هو التحرر أولاً من كل الأهواء وبعدين الحكم بحيادية في القرار .
وده طبعاً شبه مستحيل علشان الإنسان هواه جامح جداً وصعب ياخد قرار زي ده ..وعليه ستظل الأمور على ماهي عليه حتى يفرق القدر الجميع ... ثم يأتي بعدها دور العقل... وعلى العقل دور:)
نفضي للاتنين
هعهعهعهع
فعلا حاله رخمه
اعتزلي الاتنين بجد لفترة
ساعتها المعادن هاتظهر
...........
زعلان جدا ان حضرتك مش كنتي بتسألي عني
!!!!!!!!!!
والله تالت مرة اقرأ البوست ده عشان اعرف أحط كومنت عليه
:)
ضحيت هنايا فداك وحعيش علي ذكراك..يا اما نفسي مرة أشوفك وشك محل قفاك
ايييييييييه ايييييييه
بنيت للحب معبد سكنتك أنت فيه..عمال في قلبي تهبد تبيع وتشترييه
تالافوني حتي جايبة كارت مش فاطورة..عشان تطلبني دايما تلاقيني في اي صورة
ايييييييه ايييييه
كفاية هزار كده لحسن حتنطح وأنا بصراحة مش قد لسانك يا سيادة اللوا اليومين دول
شوف يا جناب الكومندر المهم
الحب من طرف واحد ده تضييع وقت علي الفاضي رغم أني بعترف أن ده النوع الوحيد اللي جربته في حياتي و3 مرات كمان بس الحمد لله كل مرة بيبقي زي شكة إبره أو دور البرد اللي الواحد بيأخذه ويخف منه
وصعب أوي لو الحد اللي أنتي بتحبيه بتتعاملي معاه يوميا مثلا وهو مش حاسس..يبقي معني كده أنه شايفك بصورة معينة مش حيقدر يغيرها بسهولة..يبقي الموضوع حيبقي وجع قلب ع الفاضي
بالنسبة للتاني الهيمان فالحب مفيهوش مجاملات ولو حسيتي أنه زودها أو أنه بدأ يتعلق بالمفتش برعي بزيادة والموضوع بدأ يتعبه يبقي فهميه بصنعة لطافة أنه مش حينفع
ده رأيي الشخصي و ع العموم بررضه أنا مش أسامه منير
:)
وهذا ويتقدم الحاج فيشو(غصبا عنك) بالتهنئة بمناسبة المولد النبوي للبت ابي وبيقولها مش عيب عليكي كل سنة انا اللي افكرك بالمناسبة
هع هع هع
سلام يا قمر
خدي اللي شاريكي ..و اللي بيستعبط او مش عارف هو عايز ايه او او او او ...لم اخزة اكسو بره
طب وذنبه ايه التانى دة نعلقه؟؟؟؟
اتمني ان تقبلي دعوتي لحضور توقيع كتابي الاول أحيانا و احيانا
يوم الاربعاء القادم
11 مارس 2009
الساعة 7 مساءا
بمكتبة البلد أمام الجامعة الأمريكية
العمارة اللي فيها سيلانترو
http://www.facebook.com/event.php?eid=133120355079#/event.php?eid=133120355079
اتمني ان تشرفيني بالحضور
:)
كل سنه وانتي بالف خير انتي وكل اللي بتحبيهم واللي بيحبوكي
صلي علي رسول الله وعلي اله وصحبه وسلم
انهارده نكرر الصلاه علي النبي دي اقل حاجه نعملها في يوم مولده
اللهم ارزقنا حبه
متجبيب بقي حته حلاوه
ولا انتوا عندكوا اكل ايه طيب؟
يادى النيلة , ايه حكاية الولاد اللى مش حاسه دى ؟؟
يابنتى زمان كنا احنا اللى نبقى منفضين و تقلانين هما بقوا يقلدونا فى كل حاجة كده ههههه
طبا ح نصرف للتانى استمارة ستة , لأن متفقة مع مايكى لما قال الحب مفيهوش مجاملة , و سبحان الله دايما يبقى الهيمان على نفسه اللى مش نافع على رأى واحدة صاحبتى " هو أنا ربنا ميوقعش فيا غير العيال العبيطة ؟؟"
سلام يا قمر
كله كوم وحلة محشى بتنجان حاجة تانية
ليه استفزاز عاطفة معدتى وانا عامل دايت
ليه اثارة الفتن الطائفية دى؟
سمعت مثل قديم بيقول"ان حبك تعبان اتلفع بيه"
على راي حسن سبانخ زعيم الحياه الطبيعيه
يا سيادة القاضي القضيه سهله وبسيطه
بصي يا ستي
اللي بيحبها تتنيل تحه وتخلصنا دي الخلاصه طبعا
الشرح
انها هتفضل تجري ورا اللي مش شايفها والحاجه البعيده عزيزه وحلوه
لكنها مش هتيجي
فهتقعد تتحسر عليها وتضيع الحاجه الحلوه من ايدها
وبعد ما تقرر تاخد اللي بيحبها هيكون زهق من اللي خلفوها وهيظبط مع قطه تانيه
فليه الغباوه تاخد اللي بيحبها
وصدقيني البنت ممكن تحب شخص لأنها عايزه تحبه
البنت عندها القدره دي
مجرد انه يقدملها شروطها في الحب هتلاقي نفسها بتحبه
يعني موضوع الحب الأول والحب الوحيد دي عند البنت هي اللي بتحددها هي اللي بتحط الولد في المكانه دي وهي اللي تقدر تشيله برده
الدليل انه لو خانها مثلا ومهما كانت بتحبه ممكن تقلع الشبشب بعد كده وتردحله في المحكمه
يبقى من الخر متفلقناش وتروح تحب اللي بيحبها
سلااااااااااااااااااااام
اخوكي ايهاب
فى مبدأ معروف ان لما تقرب هى\هو يبعد
والعكس صحيح
احنا كدا لما نضمن حد غالبا بندور على غيره لاننا عارفين ان الاولانى موجود واستبن هنرجعله لو ما لاقينا حد اساسى
انا مع انى اسيب الاتنين
لان الحب عمليه مشاركه كليه
العطاء بنفس مقدار واتجاه الاخذ
والا يكون اى شئ اخر لا يستحق الوقوف عنده
ارمى وراكى
القدر هو اللى هيحكم ويكتبلك الخير
المهم ما يكون هناك ندم ابدا
كل سنه وانتى طيبه
اسماء عونى
==============
ما هو مش مودينا فى داهيه غير سى تررم ده يا حبيبتى
نضال
=========
ايه يا واد علاقه شرم باللى بتقوله ده
انا بحب مارينا اصل شرم جت على فتره كده ولمت بعيد عنك فقولت اخدها من قاصرها واروح مارينا تانى واهو اللى نعرفه بقى يا خويا
arsenalwy
===========
انا اه تقريبا انا لدغه انت متعرفش
محمد حمدى
==========
محسسنى بالدكتور النفسانى اللى بيعالج المريض يا ابنى انا عن نفسى من الاخر وبصراحه اللى بحس انه بيشاور عقله انه يخنق فيه او يدلع او ميدنيش نفس الاهتمام فى اول ملف بلف وبرجع
ومش شرط اللى يتم بيه احبه
انا ممكن احبه لو انا فعلا عاوزاه غير كده
كله بيتحط فى علبه بيبسى ويتفرقع يا محمد
ميرسى على رائيك بس انا كمان كنت بتكلم فى العموم
نورت
المينيماليزم
===============
طيب يعنى فيه امل يا دكتور ولا كده كله هيومت ويعيش كيبود مبلطج على قفانا
احمد ابو العلا
================
وليه من غير حمص اتنين كيلو حمص وحلاوة للاستاذ هنا يا شوباب
والله يا احمد انا عن نفسى هنفض للاتنين ههههههههههه
فريده
=========
انتى سوسه كبيره
بس عموما انا مبكتبش ده علشان اغيظ حد لسبب اللى بحبه انا شخصيا مبيقراش ليه علشان مش ناقص وجع دماغ
ده اولا اما اذا كان حد تانى بيقرا فيشرب هو بقى
عن المتناقدات احب ابشرك انى انا كمان فيه كل ده بس بابا اللى قالى الكلمه دى قالى فيكى كل متناقضات الدنيا فعلا
بس انا كنت بعرض الموضوع عموما لان كنت قبلها قاعده مع ناس اصحابى وفتحنا الموضوع ولقيته بيتكرر كتير وعلشان اشجع الناس تتكلم عملت اسقاط على نفسى مش اكتر
انتى فهمتى تقريبا صح
نورتى يا فريده هانم الكوكب كله بجد
jazzylife
===========
ايه مصنع الشوزات اللى اتحدف فجأه ده
يا اخ ولا يا اخت معنديش ستات تضرب بالشوز الشوز ده له ناسه
معلش اصلك متعرفنيش
المره الجايه سوف تعرف ان شاء الله
عموما انا ولا باخد على دماغى ولا بدى حد ده قضيه عموميه
نورت بالجاز ده كله
همس الاحباب
=============
قطعت قلبى يا ضنايا ممكعش كلينيكس تانى ربنا يخليك
محمد الغاليه
===============
اشك اذن انا دبوس
خيخه خوخه
============
الكبير كبير برضه يا سوسه
انتى سوسه مسوسه صح
متفقه معاكى ىا خوخه بس انتى عارفه انا عرضت الموضوع علشان شوفت كتير اتشحتفوا وعاوزة افوقهم بس نورتى يا جمر انت
مواطن مصرى
===============
لو مبيحبش يبقى ريح دماغه يا جدع حد طايل
لو عاوز يقولها
امممممممم ما ترسى فى حته
ابعت لها مسج وريح دماغك او استنى البوست اللى هكتبه عن المعامله بين البنات والالاولاد
سارة
=========
ما هو يا حبيبتى مش بايدك ولا بايد حد يعنى الموضوع غصب
نورتى يا قمر
عالم ماريونت
===============
رنا دوختينى يا بنتى ارحمينى هعضك
تامر صلاح
=============
واحد قهموة للبيه علشان يفهمنا كلامه
هو ده وقت احمقات
يعنى كده الناس تفهم ايه بس ماشى ي ا تامر
واحده مفروسه
===============
طيب لو عملت كده تاخد واحد هديه عليهم ههههههههههههه
بسمه
=========
ما احنا عاوزين العائلات تتعدل بقى يا بوسى
غرام
========
يا واد يا تقيل
انضم فى الصف
حنين القلب
===============
انت اكتر يا حبيبتى
احمد الحيدر
==============
ايوه هو ده اللى اقصده ومش عارفه ليه نفس غريبه فعلا يا احمد
ربنا يهدى
سعيده بمتابعتك ليه
مياده
=========
خدنى جنبك يا اخ
انا بس كتبت الموضوع ده علشان الدمل يتفتح لانى عارفه انه معبى عند ناس كتير
hasona
==========
اممممممممم
فكره برضه بس ممكن متكونش انت اصلا بالع اللى بيحبك اوى ممكن يكون بارد
بس فى الحاله اللى عرضتها
التانى يتحب او فيه ميل ليه بس مش حب قوى
حسن حنفى
==============
ههههههههههه انا بقول نضربهم التلاته بالنار ونخلص
الراقص مع الذئاب
==================
عارف يا محمد اكتر حاجه بتفرحنى ايه
انى فعلا بكون عارفه انك راجع مش شايف وتعبان وبتدخل عندى برضه
بجد بكون سعيده اوى
عموما سيبك من البوست ده اقرى اللى قبل كده اعتقد انك هتهتم بيهم اكتر
بس ضرورى ارجع للى فاتك اذا مكنتش رجعت له
وحمد لله على سلامتك يا ح الظابط بتوحش بلوج سبوت واخواته
حياه
========
معلش بكره ربنا يشفيه ان شاء الله من التحول اللاارادى ده نورت
صيدلانيه طالعه نازله
=====================
يا لولو يا حبيبى ده مع الناس المحترمه دلوقتى عيال عاوزة قطع رقبتيها على راى ابن اختى
فوكس
=========
عاوزين علاج للبنى ادمين دول بقى زهقونا يا فوكس
سلامى كتير لاينو
Gannah
==========
انا قولت كده من الاول نستنى الجزء التالت محدش صدقنى ههههه
نورتى يا حبيبتى
نودى
-========
لا شهامه ايه وضحيه ايه يروح فى شجره لست انا هذه المرأه يا حبيبتى
مسدس صغير
===========
الف سلامه عليك من الزهايمر كان بدرى عليك
ابو حنف
===========
ايه مدرسه العريان دى ما تغطوه يا جدعان
ابو حنف هو عامل فيها يا واد يا تقيل ويا ارض اتهدى ما عليكى قدى بس على مين هو اخره علبه بيبسى
نورت
دريم
=======
اموت فى الستات اللى بتجيب من الاخر هما هيعملوا لينا دوشه انا اديله مقلب حراميه هههههههههه
سمكه واحده
==========
ايوه يا اوختى قطيعه تقطعهم كلهم شبه يوم التلات نورتى يا قمرايه
الفاتح الجعفرى
================
ياااااااااه يا زميل المعارك ربنا يكرمك يا رب وممسكش فى خناقك زى كل مره
هى فعلا القلوب بين ايدين ربنا
وهنطنش ده وده ونقعد بقى
وبعدين ايه الاوشاعه دى انت من امتى بقيت فى العاصمه مش الكدب حرام ها قولى بقى بامارة ايه لتكون اخدت بيتكوا وعزلتم كده ازعل اوى
حاجات جوايا
================
سالى يا حبيبتى انا فاهمه كلامك وفهمته لما قريت البوست بتاعك بس عموما
ربنا هو اللى بيدبر كله الموضوع مش خاص بيه لوحدى دى مشكله بتقابل كتير اوى
فاتيما
=========
هههههههههههههه انتى جبتى من الاخر احنا نسيبنا فى كل ده
ونقعد ناكل المحشى
وبعدين انتى اللى هتعمليه ومش هتنازل عنه يوم ما يوسف يرجع عزومه كبيره وانتى هتعملىالمحشى باديك اه ساعتها هبقى عامله حسابى ودمديه عربون للمطافى والاسعاف بس برضه مش هتنازل
ولا مش هى بتاعته السنه اللى فاتت كان ورق عنب مستورد ده بلدى
بوسه كبيرة ليكى
مصطفى ريان
===============
ايوه صحيح على رايك العمر فيه قد ايه
بلا نيله نورت يا مصطفى
على باب الله
==============
ههههههههههههههههه فعلا لان كله اطلال
نورت يا فندم
عمرو
========
انت تسيبك من كل اللى قولته ده لانى مفهمتش حاجه ن الكصه دى ونركز فىالمحشى ممكن تجيب ليه حله وهردها ليك اول ما يكون معايا
نورت يا عمور
سياده اللواء مواطن مصرى نايم
=============================
تحذير يا ريت تنزل من على المرجيح بقالك يومين متشعلق فيها هههههههههه
يا سمسم كله بيطوح فى الغسيل
بس اللى ينفذ بقى
اللى انت قلته هو العقل بس الغريبه مش كل الناس بتنفذه انا عن نفسى بطحن كله فىالخلاط
نورت يا سياده اللواء
عارفه مش عارف ليه
====================
ممكن نحافظ على نفسنا من لطشه البرد يا وليد صدقنى
وده اللى دايما بعمله بحاول ابعد او البس تقيل
مممممممم
لك اتنين كليول حلاوة جايزة الاجابه نورت يا فندم
مصرى
=========
يا دى النيله يا ابنى لا دى موزنبيق
ايمى
=======
نيهاهعاهاهاهاها ههههههههههههههخخخخخخخخخخ
همممممممممموت لانى متخيله شكلك طبعا والتسقيطه اللى حصلت
عموما اكيد كله بيكون عنده فكره
وكله عارف وفاهم وكله مستعبط ومستهبل
بس الاهم اننا منكملش فى الاستعباط علشان المشاعير متتعبش يا فراو جزرة
نورت يا سياده اللواء
عروسة
========
عروستى ايه مين فين
عموما منورة يا فندم
احمد سعيد
=========
انا قولت بلاها المسرحيه كلها يا ح الظابط محدش صدقنى بلا خيبه يا خويا جبت محشى معاك ولا جاى اورديحى كده
عكرتوف ادون احمس
thunder
=============
براحه يا عم طيرت الخرفان والفراشات اللى فى الكوكب
طيب هات المحشى وانا اقولك الاجابه
قوس قزح
=========
ببتسم ابتسامه منتصر بعد اللى حصل نيهاهاهاها
معنديش مراره للى عامل عاطف ولا ابو زيد حتى
انا هركز مع نور احسن يا دوللى بلا هم يا حبيبى بقى اجى اخده الساعه كام
horas
==========
ميرسى يا فندم
MaNoOoSh
==============
يلا ربنا يوفقك يا حبيبتى نورتى خالص بالص الكوكب
Habiba
===========
تيرررررررراررررررررر ميه مسا على الناس الكويسه اللى جابت من الاخر
بس عموما التانى ممكن نكون ميالين ليه برضه
اخبارك انتى ايه يا قمر
Habiba
==========
عونيه بس ميبقوش اندل ويخلوهم جدعان ويبعتوا
الشموع البيضاء
=================
انا هبعت لكى شمعدان كبير نحطك فيه
لا مش بيج زيرو هبعتلك من المحشى لا تكلكى
تامر على
==============
لما تلاقى العقل ابقى ابعته على الكوكب او سمحت ده مش بتاعى
انا انسان
==============
قهلا قهلا
والله غصب عنى انا فعلا عامله زى النحله بلف حوالين نفسى حمد لله على سلامتك من الاختفاء الغامض اللى بتعمله كل فتره انت ايه حكايتك
الحج فيشو (مايكل سابقا )
==========================
هههههههههههههههه يا مجرم لا التانى ميال هو كمان وكله مايل على كله ولما تشوفه قوله
اجرى ياض بلا وجع قلب برعى لا ينهزم ولا ينكسر تيررررررررررارررررررر
واللى يتعلق يقع على رقبتيها يا خويا واحنا مالنا
وبعدين بتفكرنى بايه بامارة انك مش فاكر صيامكوا امتى اتوكس اجرى
نور
=====
يا اوختى وليه وجع القلب بلاها سوسو وناديه وشريهان كمان
انجى
========
هو محدش فهم ان التانى اقصد ممكن نكون ميالين ليه بس مش بدرجه حب الاولانى ليه فهمتى يا جمر
Esraa Hamed
===============
الف مبروك يا اسراء ان شاء الله احاول واجيلك يا جميله
سمكه واحده
==============
وانتى طيبه وبخير دايما يا رب
سارة نجاتى
==========
متمشيش ورا كلام ميشو هيغرقك يا اوختى والله صدقينى
شاب فقر
=============
يعنى هو حد عبرنى وبعتها دول عيال رخمه
طارق مؤمن
===========
يا مامى اتلفع بتعبان ايه الخنقه دى
الشنكوتى الكبير
================
يعنى يا شنكت فى النهايه
اجهز كام جوز شباشب معتبرين
نورت يا خرومبس
بسنت
=========
وانتى طيبه يا بسنت وبخير
وانتى قولتى المفيد
من غير غش من التعليقات اللى فاتت
بصراحه الحب الناجح لازم يكون من طرفيين
لو انا باحب انسانه و هى مش متجاوبه مع مشاعرى
يبقى انا باهدر مشاعر الحب اللى جوايا
لازم الغى اهتمامى بيها بمجرد ما اعرف انها مش مهتمه بان يكون فى علاقه بى
و دا ملهوش علاقه بوجود او عدم وجود انسانه تانيه بتحبنى
----
بعد ما انتهيت من المعضله الاولى
افكر فى الانسانه التانيه لو انا فى احتياج للارتباط و الانسانه دى مناسبه بشكل عام لى و حسها مرهف و بتحبنى
اعتقدى انى هارتبط بيها و انا متأكد ان المشاعر الحميميه و مشاعر الحب اللى بتقدمها هيكون ليها تأثير
لكن طبعا مش معقوله انى اكون مش قابلها اساسا
مفيس بنا كيميا
مش ماليه عينى
و اكمل
طبعا فاهمانى
تحياتى
Post a Comment