.jfif)
.jpg)
اممممممممم هنترجم الصورة بصوا بقى انا عاوزة وصف ليه او اوصفنى فى كلمه وممكن اتنازل ويبقى فى كلمتين
ده طبعا هيختلف من الناس القريبه منى والناس البعيده
بس من غير مجامله يعنى الوصف ده هيكون تقييم
واللى يحب يقول ليه قيمنى بالشكل ده مفيش مشكله خالص
بس حتى لو نقض معنديش مشكله بس اياكم والشتومه اعلقكم على باب الكوكب وهتلاقوا الكلاشينكوف شحن ذاتى اشتغل
وطبعا مش محتاجه اقول الناس اللى مش عارفانى هتقييم المدونة او كتاباتى
ليه بقى يعنى حبيت اغير شويه وادى مساحه للناس تقول رايها وفى نفس الوقت يمكن هما شايفين غلط انا مش شيفاه
يالا كله هجوم
كان معكم أستاذ دكتور علم نفس لواء مدرعات ابى هانم
حكمه الامبراطورة
الناس بتشوف عيوب غيرها ويجليها عمى عن عيوبها
127 اخبط وقول رايك:
مناكفة وجدعة
:)
ف كلمتين اهو بس الحرف لزوم الفصل بس
أما ليه مناكفة ويعني إيه جدعة
ف المناكفة باينة من كلامك وبوستاتك وأظن وجهة نظري على جانب من الصواب ... إلا لو سموك ليكي وجهة نظر تانية ... ده على أساس الكلاشينكوف اللي متصوب ناحيتي فمش هقدر أعترض
:)
أما عن جدعة .... فهو شعور أكبر منه كلام ... يعني حسيت إن الشخصية اللولبية المتدفقة بتاعة آبي هانم إذا قابلتها في الحقيقة خارج عالم التدوين فهلاقيها بنت جدعة ... بس مش على حساب نفسها ومش مع حد ميستاهلش طبعاً
:)
وتقبلوا مروري
السلام عليكم
شوفتى انا برجع بتعليقاتى على مواضيع مهمه ازاى ازيك اخبارك ايه يارب تكونى بخير
اما عن التقييم فأنا مكنش ليا الشرف بمعرفتك بصوره مباشره انا عرف مدونتك وبس فانا هقول رأى فى المدونه وطريقة كتابتك بغض النظر عن انك مش بتكتبى باللغه العربيه الا انى بحب اقرى ليكى لان جريئه عندك جرئه فى الحق ودى اهم صفه بتعجبنى فى كتاباتك وبيعجبنى فيكى كمان انك بتعرضى مواضيع جديده
وشكرا وياريت مكنش طولت عليكى
والله يا آبي
أممممممم
أنت بتفكريني بسعاد حسني
في فيلم أميرة حبي أنا
بنت صحيح إنما بميت راجل
وليه الاحراج ده
بس انتى بنت جدعة شخصيتك قويه
برعي
متحررة
عنيدة
جدعة
متحركة
انشرى يا بت التعليقات علشان نسيت انا كتبت ايه
ومش عايزة اكرر اللى انا كتبته
خضرا وبأستك من فوق
هو انا قلت جدعة
ولا نسيت
وفيه حاجات تانية بس مش وصف لشخصيتك
معرفش تندرج تحت مسمى ايه
بس احب اقولهالك وجها لوجه
علشان مش هتبقى مجرد كلمة وخلاص
دى هتفتح باب لمناقشة
وانا مش بحب المناقشة القطاعى بتاعة التعليقات دى
احب اخد وادى فى الكلام اول بأول
بتفكرينى بأختى ساعات كتير
يمكن علشان انتوا الاتنين برج القوس
يمكن علشان انتوا الاتنين
مش بتلبسوا مايوهات تحت الهدوم
يمكن علشان انتوا الاتنين برعى
يمكن علشان انتوا الاتنين سافرتوا ماليزيا
سافرتوا برة عموما والسفر بيغير من شخصية البنى ادم
بيضيف ليها وبياخد منها
يمكن علشان استايل لبسكم قريب من بعض
بس انتى بتحطى رووووووووج
واختى مش بتحط روج
مش عارفة
بس ساعات كتير بحس ان انتوا الاتنين فيكم من بعض
يمكن علشان ليكم وجهات نظر متشابهة
معرفش بقى
اهوا انتوا الاتنين عايزين الضرب والعض وخلاص
امشى يلا من هنا
لما بتحطى هدف فى دماغك لازم توصليله
تحفة :)
جدعة ومحترمة
وفيكى خيررررررر كتيررررررررر
ربنا يبارك فيكى يا ابى
السلام عليكم
؟؟؟
ماذا أقول بعد ما قد قيل
وهل كل ما يقال يساوي ما قيل
قولولي ماذا أقول
،،،،
لا تأتي المعرفة الا من خلال العشرة والاحتكاك
لذا أمتنع
تحياتي
حكيمة
بتدي حقن يعني
هههههههه
انا معرفكيش شخصيا بس من كتباتك حسك طيبة علي عكس الافترا اللي في كتابتك
ذكية
وعندك كاريزما :)
بصراحة يا أبى لازلتى بالنسبالى شخصية غامضة لسه مش عارف مع إنى متابع من فترة طويلة لمواضيعك
بصي يا ست بتنجاني يمكن ان شفتك مرية وحداية بس لقيتك حد من الناس المنطلقة الي عيشها بالطول والعرض على شوية عند وتحدي ولسان بيقول حبتها ولا محبتههاش هي الدنيا ولازم تتعاش يعني هتعيشها يعني هتعشيها
في كلمة أو كلمتين ؟؟؟
شامونكن أبدا
دا إحنا شعب بيحب الرغي زي مابيحب الأكل بالظبط
فكرتيني بإقتراح حكومتنا النظيفة لما حبوا يحلوا مشكلة رغيف العيش
قالوا نخليه على بطاقات التموين
وكل واحد في الأسرة ليه رغيفين وبس
بصي يا أبي هانم
إحنا صفات كتير لمحناها فيكي
سواء من كتاباتك أو من لقاءاتنا
كنا نحب نتكلم عنها ونقول براحتنا
وإستحملي بقى مانتي اللي جبتيه لنفسك
دا إحنا كنا هنقول قوالة
بس بما إننا مش مسموحلنا غير بكلمتين وبس
فأنا هاختار صفة واحدة من كلمتين
" بنت بلد " .. آه
إنتي بنت بلد .. تخيلي
آه والنيعمة والنيعمة والنيعمة
وعلى فكرة
الصفة دي ماتبانش عليكي خالص في الأول
وده اللي حصل معانا
بصراحة أول لقاء قابلناكي فيه أنا وشفقة
خرجنا منه بإنطباع واحد
إنك " متعجرفة " حبتين
(مش فاهم الكلمة دي معناها إيه ولا إيه مصدرها اللغوي والنحوي)
بس أهو هوا ده كان إنطباعنا الأول وخلاص
واللي إستمر لغاية يوم زيارة جرحى غزة في مستشفيات إسماعيلية
في اليوم ده الصورة إتغيرت تدريجيا
من أول المستشفى لغاية الكافيه
لحد ماقدرتي تغيري صورتك في عينينا 180 درجة
ومش عارف إنتي ضحكتي علينا كده إزاي
وخليتينا نغير رأينا فيكي بالسهولة دي
عموما إحنا إتضحك علينا بمزاجنا
وعديناها
آه
هتنزل المرادي
بس إنتي فعلا إللي يقابلك لأول مرة
يحس إنك شخصية مركبة .. وتحير
محوشة جواكي تناقضات كتير
وكانك ماسكة العصاية من النص
كده أنا طولت أوي
وأخدت أكتر من حقي
عملت زي فؤاد المهندس في برنامجه
إسمه كلمتين وبس
وهوا كان بيقعد يتكلم بتاع عشرتلاف كلمة
مش كده ولا إيـــــه ؟؟؟؟
تحياتي
إحســـان المهندس
ارستقراطية من شبرا
وصفك يتوه فيه الجيااااد
أحم أحم .. اقصد العبااااااد
أقصد الكلمااااااات
ههههههههههههههههههههه
شعر .. أيه عمرك ماشوفتى شعر قبل كدة .. طب اقري كتير بعد كدة
..
كلمتين بجد قليل اوى اوى يا آآآبى عليكي
..
أطالب بالموافقة على مشروع قانون مد الكلمتين إلي صفحتين .. وذلك للحفاظ على الأمن الئومي .. وعدم زغزغته و التى تؤدي إلي ضحكه وبالتالى هزهزته ثم وقوعه .
الكلمتين
حساسة .. قراراتك متوازنة وأيضاً متهورة من ناحية اتخاذ القرار فى بعض الأحيان .
ولسة هدخل اضيف تانى كتير بعد السماح بمد الكلمتين
إيه دا
كلمتين بس ؟؟!!!
طب الاول أقول وحشتينى الكام يوم دول
و اجاوب ...
جدعة و حرة
الجدعنة مفهومة طبعاً لأنها شاملة صفات كتير قوى زى الشهامة و الخير بدون مقابل و إمكانية إن اللى واقف جنبك يتسند عليكى و هوه حاسس بالامان و إن ضهره مش مكشوف و دا إحساسى أنا الشخصى معاكى ....
حرة دى بقى لأنى زمان لما كنت أقرى و لا اسمع مسلسل تاريخى ...بيتكلم عن الجوارى و الحرملك ...يقولوا عن الستات اللى عكس الجوارى ...الحرائر
يعنى بيقولوا دى سيدة من الحرائر
يعنى مالكة زمام امرها و شريفة وسط قومها و لها مكانة كدا و إحترام
و متعلمة كويسة وغالباً صاحبة عمل او تجارة و ...و
من الآخر ... بنت ناس بمصطلحات الزمن دا
وإنتى كدا
جدعة
و حرة
و بوسة و حضونااااااات كتير قوى ...
مشاكسة ومتقلبة
مشاكسة لأنك بترفضى الواقع بسلبياته وبتحاولى تغيرى ولو فى خيالك وده كان باين من كذا بوست خصوصا البوست اللى تخيلتى فيه انك هتبقى رئيس الجمهورية وهتعملى ايه لما تبقى رئيس
متقلبة لأن ساعات بحس انك متضايقة من حد معين او حاجة معينة وبتنفثى غضبك فى المدونة هنا وساعات بحس انك عادى جدا والحمد لله الحياة مستقرة وده برضه بينعكس على المدونة هنا
والله اعلم
تحياتى :)
معرفش عنك أي حاجة
بس الي يسئل الناس عن رأيها فيه يبقي أكيد حد محترم جداً وبيفهم لأنه هيتقبل ده
في كلمه واحده
انت
appy
وصلت ياريس
لما عاوزه ملحق هرجع تاني
طيبة
و
قوية
طيبة ومايبانش عليكى
انت نازله الانتخابات والا ايه ياابي
عموما انا شفت فيكي بنت مصريه جدعه
مجرمـــــــــــــــــــــــــــــــــة
على فكره مجرمه دي عندي تعبر عن كل معاني الشقاوة والذكاء والماضة والجدعنه والذي منه
طفلة ناضجة وما تقوليليش ازاى
انتى شكلك ادانى كده
وسلامو عليكو
ألسلام عليكم
كلمتين
1:عقل بحترمه قوى
2:جدعه
انا هستعبط واخليهم جملة
(( أنا اللي مش قادرة أكونها )) بث خلاث
اولا احب اقولك انى مفروس منك جدا
لانى كتبت كومنت طويل عريض وفى اللحظات الاخيرة
ايييييييييوة
الكهربا قطعت
مش عارف انا حاسس انهم مستقصدنى
طيب خلاص
هسامحك المرة دى
بصى ياحتشبسوت ياختى
بصفتى دكتور نفساوى قديم
وبصفتى من المتفوقين فى مادة علم النفس فى التناويه العامه
وبصفتى واد فتك ومافيش زيى
هحلل نفساويتك على الرغم انى متشرفتش الى الان باللقائات اللى بتعملوها انتم معشر المدونين
بس برضه على الرغم من كدة هحلحلك وافصفصك
بصى ياستى
خدى عندك
تعشق الخرفان البمبى والمعيز الكاروهات
لمضه جدا ومستفزة
التفاؤل عنك بزيادة
بزيادة قوى
يعنى بيدلدق
دوغرى ومباشرة ومش بتحب اللف ولا الدوران
وبما انك كدة فدة هيخلينى ملفش عليك
واخبطك الوصف اللى جاى دة
سطحيه
( اة سطحيه عاجبك ولا مش عاجبك )
بس برضه بتحبى تلغوصى فى المواضيع الفلسفيه والملعبكه لو قابلتيها
بالاضافه لانها بتشدك
امممممممممم
باين انك متحررة فى لبسك ودة بيعملك مشاكل شويه وبيخلى ناس تفهمك غلط
او على الاقل بيستغربوا من التناقض اللى هما متصورينه بين المظهر والجوهر
مع انه مافيش تناقض ولا حاجه
واضح طبعا انك نشيطه
( زى القردة يعنى )
اممممممممم
ممكن نقول عنك
تفله كبيرة
او كبيرة متفله
ايهما
بتميلى للحاجات اللى حاسه انك مفتقداها فى سخسيتك
امممممممم
ومن الاخر كدة , عايزه قطم رقبتك
يلا بقى
ههههههههععععععع
ايه رأيك؟؟؟؟
كلمه ابرك من عشرة
كلمه واحدة اهو
بالظبط زى ماقولتى
يلا كفايه عليكى كدة النهاردة
العواف
طقه ( بمعني جامحه في مواضيعك بدون قييود وبشكل ساخر وجريء)
يمكن مدونتك من المدونات اللي باحرص علي دخولها حتي لو مواضيعها مش جاده كل مره بس اهو نشوف تعليقات الناس ورايهم
عسل و النعمه عسل
واحدة مربية خرفان
تبقى ايه؟؟؟؟
هههه
بصراحة مش عارف
اكتر حاجة لاحظتها
انك جدعة
وبنت بميت راجل
كفاية كده
همس الاحباب
كتابات جميلة
و بسيطة
و مش معقدة
و لا مقعرة
كتابات منكم و اليكم
يعنى كتابات واضحة
مفيهاش لف و دوران
عيبها الوحيد
و انا اسف
العامية الشديدة فيها
حتى فى مناقشة المواضيع الجادة
مش بقولك اتكلمى فصحى واضحة
بقول بس
تبقى عامية متزنة
شوية
بس طالما انتى حباه ده
يبقى جو تو هييل
ههههه
قصدى جو اون
:-)))))
و بمناسبة انك عايزة تعرفى رأينا فيكى
أهديلك
أغنية
أنا مش عارفنى انا مش فاهمنى
للمطرب العنتويل
عبد الباسط حمودة
:-))))))
-----
و أرجو رأيى النقدى المنتقد
ميكونش ضايق سيادة اللواء
:-)
انتى مصيبه
مش داهيه يعني
قصدي مصيبه في بعض الافكار والمواضيع
تحياتي
مش سهلة
:D اختي
very funny, gad3a gedan :))
جدعة بس دماغك ناشفة
معظم اللي قالوه صح
السلام عليكم
والله انت عشان الواحد يوصفك مظبوط
عايز 10 صفحات فلوسكاب
بس لو عايزة الوصف فى كلمتين وبس
جريئة و فاهمة
سلالالالالالالالالالالالالالالالالالالالالالالالالام
مم يمكن متشرفتش بمعرفتك على الواقع ولكن ب النوسبة كمدونة نشيطة و دمك زي العسل
مممم طيب رائيك فينا اية
:)
السلام عليكم
ازيك يا آبي لعلك بخير والحمد لله ..
بالطبع لم اتشرف بملاقاتك والتعرف عن قرب على شخصيتك لذا سيكون الحكم عليكي من خلال كتاباتك ومدونتك ..
بداية نشوف كيف علمنا الرسول صلى الله عليه وسلم ماذا نقول عند الحديث عن شخص ما :
عن عبد الرحمن بن أبي بكرة عن أبيه قال :
أثنى رجل على رجل عند النبي صلى الله عليه وسلم فقال ويلك قطعت عنق صاحبك قطعت عنق صاحبك مرارا ثم قال من كان منكم مادحا أخاه لا محالة فليقل أحسب فلانا والله حسيبه ولا أزكي على الله أحدا أحسبه كذا وكذا إن كان يعلم ذلك منه
لذلك احسبك والله حسيبك انكي انسانة محترمة .. جادة .. مهزارة احيانا .. تتفاعلين مع قضايانا المصيرية مثل موقفك اثناء حرب الفرقان في غزة مع اليهود ..قوية الشخصية .. طيبة وحنونة لمشاركتك في اعمال الخير ..
للدين جانب مهم في حياتك ..
اما العيوب فلا يوجد انسان كامل ابدا فالكمال لله تعالى وحده .. الافراط في الكتابة بالعامية ..احيانا تخونك بعض الالفاظ عند اختلافك في الرأي مع البعض ..
يا خبر الكلمتين بقم تلاتة
سلام
ابي الجميلة جدعة وب 100 راجل
آبى الجميله
انا بقى مش شفتك
بس هاتكلم عن احاسيسى نحيتك
انتى زى ما قال احسان بنت بلد و جدعه و فعلا ساعات بتدى حقن و اللى ييجى تحت ايدك يبقى نقرى عليه الفاتحه
بس طيوبه جدا و بتخفى ده بالحقن اللى بتديها
انا مش شفتك بس لو طلعتى زى ما وصفتى مامتك يبقى ده هايدى للى بيشوفك انطباعات تانيه منها التكبر و العجرفه رغم انك بعيده كل البعد عن ده
بس انتى حاده شويتين يعنى ردود افعالك جامده و يمكن تكونى عصبيه الله اعلم
بس اكيد اكيد انتى تتحبى على بعض
و ماتخيلتش انك ممكن تحتاجى تعرفى رأى حد فيكى
لانى بحس انك مش هامك حد
حتى اول ما فتحت البوست قلت
يا لهوى مالها ابى ياترى ايه اللى جرالها
نسيت اقولك انى بحد جدا جدا جدا
الحكم بتاعتك
و على رأى نشره اخبار الخامسه و العشرون
اقعدوا بالعافيه
اموووووووه
ـــــــــــــــــــــــــ
كلمه على جنب عجبنى جدا البوست اللى فات و خصوصا الولد اللى بيحب محشى مامته و فعلا كنت بقول هيه مامته هيه دى قيمتها معاه
بس تعرفى حتى اكل مامتنا بنحبه و محدش يقدر ينسهولنا حتى لو احسن منه
ـــــــــــــــــــــــــــ
أحسن تعبير هو المثل اللي بيقول
"مش كل عربيه كبيره بقت مقطوره
ولا كل من لبست طرطور بقت امبراطوره"
جدعه و شعنونه فى نفس الوقت
آبي هانم
برغم عدم معرفتي الشخصية بيكي
واني قابلت كل الأصدقاء المشتركين بيني وبينك
الا انه لم أتشرف حتي الآن بمقابلتك
الا انك
وبكل اختصار
انسانة لابد أن تـُحترم
وهذا الاحترام بدافع فكرك وشخصيتك وأعمالك.
من الصعب ان حد يجتمع عليه الناس برأي واحد
لأن الكمال لله وحده
لكن ان كانت موجودة عيوب وده أكيد - لأن الكمال لله - يبقي قليلة جدا
الكلام اللي فوق من متابعتي للمدونة
وأثق اني علي حق
دمتي بخير
ياصاحبة الخرفان
تحياتي
أسامة
رأيي فيكى؟؟؟
بنت زى الكتاب ما قال
يعنى
اسمع دايما ان الستات دول من نوع الفايتر يعنى مقاتلات بس بعيد عنك مفيش منهم فى بلدنا كتير انتى بقى انا شايفاكى بنت بجد يعنى فايتر
واضح ان الكلاشينكوف ماثر على التعليق
أنا عجبنى أوى اوى اللى قالك أرستقراطية من شبرا
بس أنا مش ده اللى جه فى دماغى أول ما قرأت البوست أنا ح اقولك اللى جه فى ذهنى على طول , و بلاش شغل البلطجة بتاع كلمة و اتنين , أنتى دافعة عليهم ؟؟ و ع العموم يا بنتى الكلمتين هما
(شبهى شوية )
بمعنى , أنك من جوا بتبقى حساسة و هشة شوية عن من برا ( مش معنى كده أنك ضعيفة لا خالص )لكن بتتأثرى بسرعة من البنى ادميين الزبالة اللى بنشوفهم كل يوم , فردود أفعالنا على المشاكل بتاخد جانب من الحدة لا يتفهمه الناس . برروه على أنه بلطجة أو شرشحة , لكنه مش كده خالص هو وسيلة بنعوض بيها عدم قدرتنا على التكيف مع القرف اللى حوالينا .
و ساعات عشان كده بنعمل هجمات استباقية , بنخاف نتجرح أوى , فبنزق و ننطح - على رأيك - شوية هههههههههه
طبعا صورتنا بجناحين , بس ده رأيى على حد كتاباتك و انطباعاتى عنها .
مش عارفة بعت كتير عن الحكيكة و لا لأ؟؟
أه , فاتورة التحليل النفسى ح تتبعت لك ع البيت و لا نتعامل بالعملة الوطني يا أختى.
السلام عليكم
بصى انا مش اعرف عنك كتير بس اكتر اللى اعرفه واللى ملاحظه من موضوعاتك انها بتتناول القضيه اللى بتتكلمى فيها بخفه ظل
يعنى فى كلمه او اتنين
(دمك خفييف)
لكى كل التحيه
ارستقراطية لمضة وجدعة
معلش دول تلاتة
نعم
يعني ايه كلمة ولا كلمتين
ممتنعة عن الإجابة انا شهادتي فيكي مجروحة
:P
في حد يعني يقول رأية فالمصدر اللي أتي منه
شمنكن طبعا
هههههه نقض إسمها نقد يا آبي
بس والله بتطلعي بحاجات لذيذه
المهم
يا سلام لو بطلتي حكاية أنطح هنا تبقي 100%
أيه رأيك في التقييم المختصر ده؟؟
سلاااام
انا عملت نفس الموضوع ده والصوره دي عندي من كام بوست
اشمل وصف جالي هو جـــــــــوزاء
ده برجي
تلاقي فيه كل صفاتي
قريت التعليقات ولاقيت انك قوس وده فعلا اشمل وصف
اول زياره ليكي
تحياتي
صباح الخير عليكم جميعا
اولا ميرسى خالص وهرد على واحد واحد
بس كده مش نافع هو انا لازم اكل ليه اتنين تلاته علشان تقولوا الحقيقه
يا جماعه دى فرصه العمر انا سيباكم تقولوا اللى نفسكوا فيه بدل القمع بتاعى طول السنه ده هههههههههه
يعنى احمد سعيد قال عليه سطحيه ان شاء الله هعلقه من صوابع رجليه
بس هو ده اللى انا عاوزاه
يعنى اللى شايف حاجه غلط شايف حاجه مش عجباه كده احب افهم برضه ادمغه الناس
اه علشان محدش يلطش فى احمد انا فاهمه هو يقصد ايه وهو وضح فى موضوع القراءه او المواضيع التقيله
ودى هرد عليه فيها وافهمه
يالا نلتكى كريبا كريبا
السلام عليكم
ازيك عاملة ايه وكل عام وانتم بخير
شخصيا لسة ما كونتش فكرة لاننا ما اتكلمناش سوا كفاية
فبالنسبة لي لسة فيه غموض انما فيكِ الخير
تحياتي
الصراحه معرفش
انا اول مرة ازور المدونة
سلااام
كلمتين بس ؟
طيب هختار اكتر حاجتين بحبهم فيكى
طموحة .. وبتقدرى تحققى طموحك ده
طفلة كبيرة .. فى طريقة كلامك و رد فعلك
طيب انا اول مرة اتشرف بزيارة مدونتك
فالكلمه الوحيده الي هقدر اقولها ومن غير كلاشنكوف ولا عوزي
مدونه
قلنا من غير ضرب
هاخد لفه في المدونه وبعدين اقول كلمه تانيه
تحياتي .....
تحياتي
في كلمة واحدة مش كلمتين...( مع الاعتذار للراحلة داليدا...).
( حبابة )
وهي بلغة اخواننا اهل الشام..تشمل خفة الروح و الشخصية الاجتماعية المحبوبة من الغالبية.
تحياتي و تقديري
جدعة ولمضة
:)
بقولك إيه..اعتبري البوست مردود وقولي إجابة نفس السؤال بالنسبة لي في كلمة أو اتنين
وطبعا انطحي براحتك
:)
اه نسيت أقول حاجة مهمة
مهيب الركن(فاهمني طبعا)
:)
جدعة وبميت رجل
زهرة النار
ومش هاقدر اشرح طبعا السبب علشان انتي قلتي في كلمتين بالكتير
سلااااااااااااااااااااااام
اخوكي ايهاب
جدعة و اللي في دماغك بتعمليه :)
امممممم
برعي
ليه
ماعرفش هو انتي ماشيه معايا برعي
وبعدين احنا برعي زي بعض والبرعيين لازم يكونوا صادقين مع بعض
وهو انتي برعي بقي
مش بتنزلي اي رد حتي لو مفيهوش شتومة :)
جدعه
صحيح انا مشفتكيش قبل كده بس من الى بقراه عنك ومنك يقول انك اكيد شخصيه جدعه
واكيد اكيد طيبه وحبوبه
ده بقى احساسى
:)))))))))))
سلامى يا قمر
:))
أنا ولا أعرفك ولا شفتك قبل كده
صح كده؟
بس باين عليكي والله أعلم إن شخصيتك قوية جدا
أظن ما فيش صراحة أكتر من كده ... هههههه
وصفك عندى انك انسانه شقيه بتحبى المرح بس طيبه
على الرغم من انه كان فى لقاء واحد
انما الانطباع الاول يدوم
ففى كلمتين
انت تبحثين عن ......
والحدق يفهم
السلام عليكم
أنا جايه بالمحامي بتاعي
وأى قلة حتترمى أنا أحملك وراها المسئولية الجنائية كاااااملة
افتح المحضر
يوووووه قصدى
أقول بس مفنياش من قلل
انما انت ليه عايزة تعرفي رأى الناس فيكي ؟
أنا بأحس انك جواكي حزن وشجن بتخبيهم بشخصيتك المنطلقة اللي ساعات بتكون منطلقة زيادة عن اللزوم من وجهة نظري طبعا عشان أنا وانت بنشوف الدنيا من زاويتين مختلفتين
وده مش قناع على أد ما هو درع
فيكي خير كتير وممكن تكوني مشروع كبير لمصلحة اجتماعية لو وجهتي نفسك صح
أننننننننننن آننن
انت قولتلي كلمتين بس وأنا عمالة أحلل
صعب وصفك يا آبي في كلمتين طاب قولي صفحتين
لكن ححاول أكون أد هذا التحدي
في كلمتين وبس
زهرة بنفسج
بتبهج وهي زهر حزين
كل دي قلل اتحدفت
يا حضرة الظابط هي اللى بدأت
:)
:)
جدعه مع حبة اندفاع
كلمه واحده ما تكفيش يا رخمه
sakayar
=============
والله الكلاشينكوف علشان فيه ناس بتقول شتومه دا انا طيبه خالص
عارف بقى انى ببقى جدعه مع الناس ساعات على حساب نفسى بس الحمد لله بدأت اغير اى خدمه
ميرسى لذوقك بجد
بحبك يا مصر
==============
يا راجل دا انا هنفذ فيك الاعدام نطحنا بالخرفان
انت مختفى فين بس حمد لله على سلامتك
عارفه مش عارف
==================
سعاد حسنى مره واحده طيب كويس انى مش بفكرك بنداله حسين فهمى هههههههه
ربنا يخليك يا وليد يا رب
اسامه
=========
ليه احراج انا مستنياك يا ابو لسان طويل تقول الصح طيب ارجع تانى قول
خيخه خوخه
==============
سوسه من يومك علشان قولت كلمه واحده بقيت تقوليها فى كذا تعليق
اما عن التشابهه بينى وبين اختك فده كويس انا معرفتى القليله منك عن شخصيتها مبسوطه اننا شبه بعض
وبعدين تعضى مين انا يااااختى لو قفشتك تحت سنانى
وبعدين هو مين خلانى خضرا وباستك من فوق البركه فيكى بقى
عموما اجهزى للقاء علشان نشد فى شعر بعض موضوع الهدف مش دايما بيصيب يا خوخه ساعات بتطلع منى فشنك اوى
احمد حيدر
=============
ميرسى يا احمد مكنتش متوقعه ردك
مع ان المفروض انت اول واحد تقولى اغلبيه كلامك مبفهموش وده علشان فرق اللغات بس هههههههه
نورت يا احمد
حاجات جوايا
===============
سمسمه ربنا يخليك ايه يا عيال مفيش عيوب ولا ايه ايه الهنا اللى انا فيه ده
حسونه
========
طيب خد امتناعك فى ايدك هههههههه
بس على الاقل قول الكلمتين فى حق كتابتى هو انا عامله الموضوع ده ليه علشان لو فيه حاجه وحشه اجتمع عليها الناس يبقى احاول اغيرها علشان نقدر نفضل على تواصل
عادل
========
انا استاذه حقن ههههههههههه
انا طيبه بس قويه ومفتريه فعلا
نورت يا عادل
فنون
========
لا الكاريزما دى حد تانى
ذكيه يعنى هو مش ذكاء بقدر ما بحاول اشغل مخى وهو وظروفه جه فى الصح او الغلط
محمد الغاليه
===============
ممكن تتكلم عن المدونه او كتابتى يعنى
المهم انك بتشرفنى
قلب بينبض بالحب
=================
تصدقى فعلا انا عيشاها غتاته كده على الناس ونفسى والله معاكى حق يا قمر يالا اهى دنيا
شفقه هانم واحسان بيه
=====================
تصدق يا احسان لو مكنتش قولت الصفه دى كنت زعلت منك انت وشفشق هانم
ليه بقى لان كلمتك صح ده الانطباع الاول عند الناس عندى
برجوازيه متعفنه ههههههههههههه
على فكره دى حقيقه انا عندى سنه عجرفه بعيد عنك مبتتكسرش مع اى حد يعنى فيه ناس بكسرها معاهم لانى بحس انهم هيفهمونى صح ومش هيفهموا تصرفاتى غلط زى ما عملت معاكوا كده ولما طلعتوا روحى فى الاسماعيليه ولك حساب عليها ههههههههه
وفيه ناس بفضل سايب ده عندهم ليه بقى لان مينفعش اتعامل معاهم والله بجدفيه ناس كنت بحس ان لا حرام لازم اهدى معاهم وابقى مش متعجرفه وبعد فتره اكتشف ان فى البدايه كنت صح وان الناس دى فعلا مينفعش معاها غير كده علشان تفضل فى مكانها الصح
اانت فاهم حاجه من اللك ده ولا ايه بقى
ميرسى لصراحتك يا احسان اللى انا بقرها فعلا وبعترف بيها ويمكن الايام تجمعنا تانى وافهمك زى ايه مثلا وليه بعمل كده بامثله عمليه
نورت احسان بيه المهندس سلامى لشويكار هانم
الطائر الحزين
=================
موووووت من الضحك يا ايهاب بجد على الكلمه دى
ايون انا فعلا كده بس ده بسبب عوامل الجو يعنى فيه ناس تتعامل معاهم بشياكه تلقيهم فهموا الحياه غلط بتحول من شبرا
مع الاحتفاظ بشبرا القديمه برضه كاتنت بهوات وبشاوات مش اى كلام ههههههههههههههه
نضال
==========
اه انا متهورة بس فيه حاجه مقابله ليه بتحمل نتيجه القرار مهما كانت مقرفه بعدين
امممممممم اكتب تلات صفحات وابعتهم على زيرو تسعميه زيرو فرختين وبيضه ههههههههه
فاتيما
=============
يا قلب الام ربنا يخليكى ليه ده كتير خالص
بس حره دى يعنى حرانه هههههههههههههه
وانا على طول حرانه بالعند فى ناس بقى يا طمطم
طيب يا ريتنى كنت اعرف اعمل معاكى حاجه من اللى انتى بتقولى عليهم دول معاكى
بوساتك هديهالك لما اشوفك يا قمر
فوكس
==========
فعلا المدونة كتير بتعكس حالتى لانى بعتبر المدونة زى الاندكس كده او الاجندا فى البيت بكتب فيها كل اللى جوايا ملاحظه قويه يا فوكس
سلامى للقمر التانى نصك الحلو
تامر دياب
==============
ميرسى يا تامر بجد
بس انا بسالهم من باب الحريه فى الراى وبعد كده هعلقهم على المدونة ههههههههههه
مادى
=========
فاهمه يا بنت المنصورة يا قمر
بوسه كبيرة
سارة
=======
ضعفى بقى اكتر يا ساره وادينى بجاهد ربنا يخليكى يا قمر
Arabic ID
=============
اهلا اهلا
ميبنش اه لانى بحاول اخفى ده لان الناس بتفهم الطيبه غلط اليومين دول
نورت
شمس النهار
===========
اممممممممممم انا داخله الانتخابات بتاعت سباق الجمال اللى بتتركب دى عارفها ههههههههههه
ميرسي يا شموس
بس اكيد فيه عيوب
لماضه
========
امممممممممم جعلتنى مجرما هجتلك هجتلك حد يجيب المشرط اشرح البنت دى
ميرسى لماضه هانم كعب الغزال بس مقولتيش تحفظاتك عليا يا حفيظه اسيح لكى انا بقى واقولها ههههههههههههه
dreem
=========
طفله مش عاوزه تكبر
انا كده فعلا
ابو حنف
=========
الشاعر الزملكاوى المحلاوى
يا راجل عقل ايه ده مفوت وماشى على رمان بلى
ربنا يخليك يا رب
سمو الاميرة ساره
==============
لانك انت دلوقتى احلى من الانا اللى مش قادره تكونيها دى صدقينى يا سارة انتى كده مرتاحه بلاش تبقى حاجه تانيه
احمد سعيد
===========
العواف عليك احمس التانى
شوف يا احمس لولا انى عارفه دورك فى طرد الهكسوس كنت طالبت باعدامك فى ميدان سفنكس ههههههه
لا بجد انا هقولك انت بتقول سطحيه علشان موضوع القرايه
انا دارسه علم نفس على فكره زيك حضرتك كده
اربع سنين عقبال امالتك
بس مش دى المشكله المشكله انى من الشخصيات الواقعيه يعنى مثلا لما اقرى لحد كبير وقديم حلو اوى بس مبتأثرش بيه ليه بقى لانه بيحكى عن فتره محددة هو عاشها مبيحكيش عن الفتره اللى انا عايشاها
زى مثلا الصراع على السادات وعبد الناصر
وحكيم وغيره
يا لهوى الناس ماتت وشبعت موت وانا هقعد اقيم مين عمل ايه مش مهم هما غلطوا فى ايه انا مؤمنه انى مش لازم اعرف كل حاجه عن الماضى ولا قرايت مكلكعه لانى عارفه مش هتفيدنى انا قدامى واقع دلوقتى
لازم يتصلح
يمكن بجيب ثقافتى من الناس من العيشه من المشاكل اللى بحسها مع الناس ودى بتكون اكتر واقعيه من باولو كوهين وفيجيتار المناضل والمركسيه والخزعبليه والاشتراكيه والبتنجانيه
يعنى اقرب لك
عندك التواليت غرق ميه
وعارف ان السبب الماسورة هتسيب ام الماسورة وتقعد تقرا فى كيف تحافظ على الماسورة ولا تاريخها ولا مين رمى ايه
لا طبعا انا مؤمنه انى احل المشكله وانا فاضيه بقى ابقى اقرى عن تاريخ اللى اخترعها
دى انا ببساطه
موضوع لبسى سورى فى الكلمه اللى هقولها مسبب ليه مشكله اه فعلا فى بعض الاماكن اللى مش المفروض اروحها يعنى مستوى غير وبقيت احاول علشان الاحتكاك اغير شويه للاماكن بس
ومسبب ليه مشكله مع طبقه اقل ايون انا طبقيه متعفنه بعيد عنك كل واحد حر
واذا كنت رابط الللبس بالشخصيه انى علشان مهتمه بيه او انى بلبس برانيم يبقى سطحيه يبقى اقولك انت باميجى
اه والله جاى من الباميا
فيه ناس كتير طبقات عاليه اوى واعلى منى عندهم ثقافه عباس العقاد نفسه ميملكهاش
الثقافه مش بالشكل يا احمد فيه عيال لابسين كعب كوبايه وكتاب فى ايديهم وكفتجيه برضه
فى النهايه انا بقرا وبتعمق فى اللى يفيدنى ويفيد اللى حوليه مش بقرا فى صراعات فى الماضى واكلكع دماغى مش ناقصه يا ضنايا
دا الواحد على بال ما بيطلع من بيتهم لغايه الشغل كل يوم مشوار بتاعى ربع ساعه بكون اتعلمت خمسين درس اضربهم ى خمس ايام فى الاسبوع فى مرتين فى اليوم شوف كميه الدروس
طيب دول بقى ولا كتاب من الامعاد الدقيقه اللى بتقول عليهم
انا باخد الحياه ببساطه لانى متربتش على الكلاكيع وتربيت حياه عاديه هاديه ولا فيه صراعات ولا بتنجانات
بابا دماه زى مفضينها بنأخد اللى بنهتم بيه بابا كان فى الجيش من ايام الوكسه لغايه 75 اخر تلات سنين كان فى المخابرات
يعنى كده فاهم تربيتى ودماغى اعتقد
اتمنى تكون فهمت حاجه ادون احمس الرابع عشر
وبعدين لو انت تقصد سطحيه انى بقعد على السطوح كتير يبقى انسى كل اللك اللى فوق ده وهسالك سؤال واحد بس مين قالك اصل دى قعدتى المفضله ساعات ههههههههههههههه
dr.lecter
===========
انا طقه جدا جدا
وفعلا ساعات مواضيعى بتكون فضفضه يعنى بتكلم معاكوا وانكش فيكوا اهو بنسلى بعض ونستفيد يمكن حد يقول حاجه مفيده ميرسى ليك بجد
كفراوى
=========
والله انت اللى سكر ربنا يخليك
الضاحكون
===========
مربيه خرفان تبقى صاحبه املاك شوفت عمرك ما تعرف تقدر حاجه بس لما اشوشك يا خالد
بداروى
==========
انا بكتب زى ما بتكلم بالظبط
على فكره الا بعض الالفاظ يعنى دى طبيعه عاااااااااا
اغيرها ازاى بقى والله بحاول وهحاول من اجل الشعب
ربنا يخليك لا مبضايقش حضرتك خالص والله وبعدين انا عارفنى بس عاوز اعرف الناس شيفانى ازاى وده مهم ليه كل فتره كده
GeHaD-----(male)
===============
ان شاء الله يخليك يا رب دى دى حاجه حلو بالقوى يعنى ولا نص نص
اصل فيه افكار مش كويسه يعنى
نورت يا جهاد
احمد سمير
=========
خالص فعلا ومبحاولش اكون سهله
لان المجتمع ساعات بيجبرك على كده
رئيس جمهورية نفسى
====================
كويس انك سكت لان شهادتك فيه مجروحه
وبعين كفايه اللى بتقوله فى الحقيقه سواء نقد وشد ودان لما بغلط ولا كلام بيشجعنى ميحرمنيش منك ربنا يا محمود والله
ما علينا
==========
ربنا يخليكى يا رب ميرسى خالص
مهندس مصرى
==============
ههههههههههههههه اه الحجر بيتفتت ودى لا
ما انت عارف يا هندسه
حدوته
=========
ان شاء الله يخليك يا رب
يا لهوى واحد اسكندرانى يشهد بالشهاده دى حد يفوقنى يا جدعان ميرسى يا حدوته
مواطن مصرى
==============
امممممممممم راى فيكم مين بالظبط
بص انا بحب كل الناس اللى متبعاها حتى لو اختلفت معاها فى الراى ولما بلاقى حد بيقول راى غلط بحاول اتناقش معاهم بحس كل الناس طيبه مش فيهم شر واللى فيه شر بيكون نتيجه عوامل جويه
بس
جنى
=======
مشكلتى والله يا جنى انى بحس ان المدونه دى كأننا قاعدين مع بعض على كافيه او فى جنينه وبنتكلم مع بعض فاكيد بكتب فيها زى ما بتكلم وبعدين اصلا مبعرفش اقول كلمتين عربى صح
لما بتخونى كلمات اعرف انى ماسكه نفسى بالقوى عن الغلط علشان مبحبش اغلط فى حد ربنا يبارك فى رايك يا جنى
ماما اموله
=============
ام بقى هتشهد لبنتها بايه ربنا يخليكى يا رب
الجواز وسنينه
================
بصى يا قمرايه انا فعلا ساعات بكون متعجرفه اقرى ردى على احسان هتفهمى السبب
موضع انى مبيهمنيش حد دى حقيقه فزيعه
بس انا حساسه جدا ناحيه نظره الناس ليه
مبحبش حد يكون خد انطباع مش كويس عنى وساعات الانسان فعلا مبيشوفش عيوبه على الرغم انى عارفه عيوبى كويس وبحاول اصلح فيها
بس احب اعرف الناس خدت انطباع ايه عنى
تجديد فعلا
فى الحياه
ربنا يخليكى ليه واشوفك قريب ان شاء الله
تامر على
===========
ههههههههههههههههههههههه انا معنديش طرطور انا بدور على طرطور الساحره الشريرة مش لاقياه
وبعدين غلط العربيات الكبيره دى كائنات شريره بكرهها
مصرى
=========
ميرسى يا اسامه ده من ذوقك واحترامك بس
انجـــى
=======
انهى كتاب اكيد تقصدى بتاعى ميكى صح
ميرسى ياانوش ربنا يخليكى
سارة نجاتى
=========
جبتى هدف يا ساره مش هقولك اكتر من كده اعتقد انك فاهمه
son of egypt
===============
امممممممم دى وراثه فى العيله تقريبا ربنا يخليك يا رب
ايوشه
=========
تسلمى يا قمر
بس ايه ارستقراطيه دى شكلى كده هيأممونى قريب
وومن
=====
هههههههههه طيب هبقى اعضك ابقى فكرينى
احمد
========
هههههههههههههه وانت يعنى كنت قاعد معايا وانا بكتب
لا انا اقصدها كده
هو انت فاكرنى هبله واديكم فرصه تقولوا نقد فيه
انا اقصد نقض بتاع المحاكم هههههههههههههه
عاشقه وغلبانه
==============
انا قوس ايون ومنيل بنيله
ميرسى ليكى ومنوره خالص
عاشقه النقاب
================
وعليكم السلام
والله انا مش غامضه بس الخوف اللى جواكى من اللى حصل قبل كده والعكه اللى انا اتحطيت فيها بدون ذنب هى اللى عمله فيكى كده لو شيلتى القلق هتفهمينى بسهوله
منوره الكوكب ويا رب بنتك تكون بخير
امبارح كان عمره عشرين
======================
متتأخرش بقى
قوس قزح
========
مانتى اللى بتوجعنى هههههههههههههههه
يا راجل انا طفله مش عاوزه تكبر يا دوللى مش بزمتك كده احسن
ضايع
========
واضح انك مرجعتش امممممممممممممم
انت توهت فى المدونه بس دى كوكب ربنا معاك بقى
الربان
=========
امال فيه ناس بتكرهنى ليه مع انى مش مؤذيه يالا دنيا
ميرسى يااستاذنا
فيشو
=========
هههههههههههىىىىىىىىى
يا واد عيب عليك هو انت مش مكفيك يا بتاع الانطهاد انت اللى بقوله لك فى الحقيقه لا يا فيشو انت صحبى ومقدرش اسيح لك قدام الناس خليها اقولك بينى وبينك
طالب ثانوى
=============
فاروق فخر المصريين والله انت سكر يا روقه بجد
يا ابنى لو عندى ابن زيك كنت حطتيه فى عينى ربنا يحميك يا رب
شنكوتى
==========
قريتها يا ايهاب
ومبسوطه بيها جدا جدا بجد ربنا يخليك ليه
ايمان
=========
امممم مش كل اللى فى دماغى يا ايمان والله انا لو عملت كل اللى فى دماغى يبقى هولع فى البلد هههههههه
اسماء عونى
=============
ايه يا بنتىالصورة دى صورتك اتنشلت فى الباص ولا ايه
ماشى يا زومل حازى فى الصف
jazzylife
===============
ايوه علشان عامله مودريشن ههههههههههههههههه
طيب والله بنزل اللى فيه شتومه بس للاسف محدش بيشتم او بطلوا بس انا عملاها للامان متفهميش البلاعات فجأه بتطفح صراصير كده ازاى
ههههههههههههههههههههه
نورتى يا جميله وعلى فكره انا متبعاكى
شيماء
=========
ميرسى يا شيمو ربنا يخليكى يا رب وافضل عند احساسك ده وممضربش على زرار النداله
يا مراكبى
==============
اممممممم انا شوفتك فى حفل توقيع مدونات مصريه للجيب بس انا كنت عامله زى مجاذيب السيده بسلم على الناس
انا شخصيتى ناشفه مش قويه
ميرسى يا استاذى ويا رب متغيرش رايك فيه
العراف
=========
شقيه وعيله وبعمل كوارث فعلا
مصرى وبدرجه مواطن
================
انا قابلتك امممممممممم انت مين بقى
وببحث عن ايه معرفش والله
انا ببحث عن وطن محترم بس وناس كويسه والله
وقول انت علشان انا مش حدوقه خالص
مجداويه
==========
هع هع هع انتى لو جبتى هيئه القضاء العالى بنفسها ولا هيحموكى منى
يعنى يبقوا حمايه مش يحموكى بالليفه ولاصابونه ههههههههههههههه
يا مانتى انا عارفه وجهه نظرك فيه والله ونفسى اكون عند ظن حسنك بس مش عارفه ادعيلى بقى وربنا يكتب الخير ليه
ياريت ابقى مصلحه دى طيب شوفى ليه وظيفه فى الاحداث طيب
وابقى خلى الظابط ينفعك دا انا هضربك انتى وهو هههههههههههههههه
صبرنى يا رب
===============
حبه حبه يا جباره
ده كتير يا قمر ياقمر كتيرررررررررررررررر
يوميات الحاره
============================
انا اسفه والله طيرت تعليقك بالغلط
بس عموما اهلا بيك وشيفاك تاعب نفسك وعامل بروفايل علشان تعلق
المهم بما انك مش عارفنى ومش متابعنى اعتقد
يبقىانت مفهمتش البوست
لانى بقول انا عاوزه اعر فانا فى نظر الناس ازاى مش حد يقولى انا ايه
انا عارفه نفسى كوي سوعارفه عيوبى بس بيهمنى الناس برضه
نورت وشرفت يا فندم
وصف فى كلمة واحدة: آبــى
على فكرة
انا مهاجمتش لبسك
ولا عملت ربط بين شخصيتك ولبسك نوهائى
ان قولت فيه ناس بتربط المظهر بالجوهر
وبتحكم على غيرها بسطحيه
مقولتش انا
فمكانش فيه داعى للكلام دة كله
لانى بوضح نظرة الغير
مش نظرتى انا
دى حاجه
ثانيا
موضوع الصورة الفلاشيه الواقعيه اللى انتى واخداها دى اعتقد انها مش مظبوطه
يعنى مثلا افرضى انا شايف انتنين نازلين ضرب فى بعض وانا معرفهمش
لو دخلت اسلك مثلا
من غير ما اكون عارف اصلا ايه اللى حصل وايه المشكله علشان اهدى مابينهم
هنضرب فى وسطيهم
انا مش بقول اسيبهم واروح اذاكر اسباب المشكله
بس لازم اكون عارفها
ولازم يكون عندى خلفيه
بقول خلفيه مش سيرة ذاتيه
واخدالى بالك
وبعدين اللى احنا فيه حاليا دة مش حادث حصل بين يوم وليله
دى كلها تراكمات تاريخيه
وشخصيه الانسان المصرى الانوى الاخطبوطى نادر الوجود دة
شخصيه معقدة جدا
علشان نفهمها لازم ندرسها فى ظل متغيرات مختلفه
والتغيرات دى احنا مش هنقدر نحضرها فى المعمل وبعدين نجيبه ونرميه فيها
يبقى لازم ندرس التاريخ علشان نشوفه فى المتغيرات دى
اللى هى ظروف تانيه غير اللى موجودة دلوقت
فهمتى حاجه؟؟؟
وبعدين هو انا كل لما اكلم حد يهب فيا
ايه ياعم المدرس
احمس
مدرس تاريخ
ايه يعنى
عادى
وبعدين اعتقد انى مكتبتش بوست مثلا عن اسباب الحمله الفرنسيه
وانا مش بتعامل فى حياتى زى ما بكتب فى البوستات
كل مافيها انها اشبه بخواطر
فالواحد بيكتب براحته
وبيبحبح
وبيبع يعنى
وبيحاول يفصص كل حاجه
على قد ما يقدر
ويشغل مخه عالرابع
مش معنى كدة انى هجيب كتاب عن كيفيه صيانه الماسورة
هشرحلك مثل مقرف
عندنا بلاعه هنا فى الشارع كل يومين تنسد
ونجيب بتوع البلديه يسلكوها
وتبقى تمام التمام
وبعد يومين تنسد تانى
فين وفييييييييين
بعد البحث والفحص والتمحيص
تبين ان فيه واحدة جارتنا بترمى فيها حاجات تسدها
ومبتبطلش
فبعد شويه تهزيق وعلى شويتين فضيحه
بطلت
شوفى بقى لو مكناش عرفنا الموضوع دة
كان زمانا كل يوم بندور فى نفس الحلقه
وننزل الشارع بالمايوهات
فهمتينى؟؟
مثل مقرف مش كدة؟؟؟؟
ثم
واضح انك فهمتى كلامى غلط
او انا معرفتش اوضحه صح
لما بقول عنك سطحيه
بتكلم عن تفاعلك مع الاحداث من خلال مدونتك
لانك شخصيا انا معرفكيش
فبحكم عليكى من خلال كتاباتك
فانا شايفك بتعالجى الامور بسطحيه شديدة
دة مش نقد
يعنى انا مش بعيب فيكى
وبرضه مش مدح
انا بذكر حاجه انا شايفها قدامى
فيه ناس كتير بيعجبها الاسلوب دة
وفيه ناس مش بيعجبها
وبرضه علشان انا عارف دماغك هتروح فين
انا مش بعيب فيكى
ولا بطالبك تغيرى اسلوبك
ولا بهاجمك واطلب منك تدافعى عن نفسك
انا بوصف صورة قدامى
قد يكون كلامى صح
وقد يكون كلامى غلط
بس الواضح
ان تعليقى الاولانى ماتفهمش كما كنت ارغب
جه اوت يعنى
امبارح كان عمره عشرين
======================
متتأخرش بقى
_______________
حاضر مش هتأخر :D
حازم سويلم
================
ميرسى يا حازم بس هى مين ابى اصلام يعنى
احمد سعيد
===========
يااااااااختى عليك انا مهبتش فيك يا راجل حرام عليك والله انا كنت ميته من الضوحك وانا برد عليك لانى واثقه انك مش هتفهم كلامى
اولا موضوع اللبس يا بطل فاهمه انت مش قصدك انت انت قصدك اللى حوالين هو انت شوفتنى يا مصيبه بس انت عملت حاجه حلوه فجرت حاجه كان نفسى حد يفجرها افهمت عاد
غير كده اقتنعت بموضوع البلاعه
بس تصدق لو نزلت بالمايوه وماسك العوامه على وسطك هتبقى تحفه طيب كنتم سيبوها
انا برضه اقصد مش التعمق الاوى يا احمد انا بطبعى مبحبش القراءه اوى وفيه كتب حطاها فى البيت مبقرهاش وبالعكس بقعد اقرى ساعات فى كتب بتاعتى ايام الدارسه شوفت الدماغ بقى
موضوع الحلول
يمكن علشان انا شويه نفسى الحياه تبقى هاديه فجيب ابسط الحلول انا كمان اصلى مش كلاكيعوا وحسه ان الدنيا بسيطه حتى المشاكل بسيطه ممكن تتحل
يعنى لما بكون مضايقه من حد او حد عمل ليه مصيبه بقولها على طول
راجع بوستات القديمه هتفهم معنديش مشكله فى مواجهه اى حاجه زى ما انت بتقول مبحبش اللف والدوران علشان كده بحس ان حل كل المشاكل سهل يمكن اكون ورديه فى احلامى شويه
على فكره انا عارفه انك مبتعبش فيه ولو حتى بتقولى نقد يا احمد بالعكس انا ابقى سعيده جدا
لانك بتوجهنى لحاجات ممكن مكونش واخده بالى منها خالص
وانت عارف انك من الناس اللى بحب اخنق فيها هههههههههههههههههههههههههههه
بجد اوعى تزعل انا فاهماك ومش مضايقه من كلامك خالص خالص بجد
حصل خير
وميرسى على الرد
انا اوصفك فى كلمه واحد بس
انتى وبكل فخر ايبى
:)
شايفه الزكاء بتاعى يا خواتى عليا مفيش منى اتنين ولا تلاته ولا اربعه ايه النصاحه دى
انا كان تعليقى حاد
انا عارف
عموما انا اسف
حقك عليا
بس معلش انا كنت بتكلم بعشم شويه
وفى نفس الوقت مقبلتش ردك
وزعلت منه
يعنى قبلت الحاجه منى ومقبلتش العكس
ودة غلط
حقك عليا
بس على فكرة
دة مش معناة انى رجعت فى كلامى
انا بعتذر على الاسلوب بس
ياسطحيه
الاخت الاكبر بس مندله بقالك كتير ههههههههههههههه
كنت اظنك اكثر فطنة من ذلك
سومه
========
ماشى يا قرعه لنا شات نتلم فيه يا ذكيه يا جمر انتى
احمد سعيد
==============
اخص عليك يا احمد انا ازعل منك يا لهوى يا جدع متقولش كده
انا لو زعلت منك هفجرك مكانك وانت قاعد
انت عارف انا بحترمك من زمان وعلى فكره انا مبزعلش من حد بسهوله وخاصه لما بكون بحترمه
وبعدين ايون سطحيه وهربى الكلب بتاعى فوق السطوح علشان يبقى زى عنديك مانع
بقولك ايه لا زعلانه عاوز تصالحنى هاتلى كلب ايه رايك
على فكره احمس دلع احمد
لان من احب الملوك ليه احمس
نورت يا ابو الحميد
الدكتور اللى بسماعه
=====================
اه اخت ندله انا صح والله تصدق مين قالك
هههههههههههههههه
مواطن
========
لا والله ظنك غلط وانا مش فى مود فوازير وحياه ربنا نورت
Post a Comment