تفشلح المتفشلحون وتفنيخ المتفنيخون




من فتره على غير العاده طبعا بتاعتى ماسكه شويه كتب وبقرأ فيهم وطبعا بلف على المدونات كلها فى الاستبوخس كده ومبعلقش علشان الوقت بس عندى متقندل اليومين دول خالص المهم بجد بقيت بشوف حاجات غريبه فى الكتابه حتى الكتب اللى بمسكها
ولما اتناقش مع حد يقولى المعنى فى بطن الشاعر الكلمه استفذتنى جدا انا خلاص زى ما بدى سى الشاعر ده حقه ان المعنى يبقى فى بطنه انا من حقى انى احافظ على معدتى من الترجيع يععععععععع
بجد وبعد كام لفه كده اتخبطت عن طريق الصدفه من صديق ليه كنا بنتكلم عن بطن الشاعر وودنه ورجله واى عضو بشرى لامؤاخذه موجود فيه
وبما انه فاهم انى مبعرفش اعبر كويس عن القصد من كميه القرف اللى بشوفها وبقراها لناس ....
قالى البوست ده هيبعبر عن اللى جواكى وبالفعل لقيت اللى بدور عليه وكأنى فجأه طلع ليه مارد من البحيرات المرة يقولى شبيك لبيك عبدك وملك رجليك البوست لقيته عند العبقرى الفنان اشرف حمدى صاحبه مدونة كاريكاطظ واستأذنته انى الطش منه البوست زى ما هو والبوست ده اهداء لكل الاخوه المتشفلحين المتغيبين اللى فاكرين الناس قاعده فى عقولهم وواخده قانون جديد ارحموا اهلينا مش عاوزين نعمل بجد زى اللى مفهمش قالك الله ده ابداع ده فن سرطانزم ده سيرالى امبريالى متشفلح فى القاولون ايه يا راجل هو ولا ابداع ولا بتاع هو تعذيب علشان تكرهونا فى القراءه سواء كتب او مدونات ارحموا الناس انا هخبط لكوا البوست ده وبشكر اشرف بجد انه عبر عن معاميق معاميقى وانه وافق انى الطش منه البوست

كأي شيء جديد \ غامض كان شغفي بعالم المثقفين وجلسات مقاهي وسط البلد والكوفية الشهيرة وربما البيريه أيضا والشعر المعقوص على طريقة ذيل الحصان ( للرجال أقصد ) والكتب التي تحمل أسماء أفعوانية مثل
قوقلة اللامتناهي أو رواية ورقة بيضاء مضمحلة بفعل الجاذبية أو قصيدة الحلزونة الأرجوانية ، ربما كان انجذابي اللا إرادي إلى صفوة المجتمع ، الصفوة العقلية والفكرية أقصد ، أنا شخص يعيش على الأفكار ، والفكرة عندي أكثر إثارة من قبلة أنجلينا جولي ، ومن أفخاذ النساء جميعا ، الفكرة العبقرية هي التي تبقيني مستيقظا لثلاثة أيام وتجعلني أتقافز كالبرغوث وأهز رأسي كالدراويش في حلقات الذكر مستطعما جمالها وتفرّدها ,، ربما كانت رواية عبقرية ، أو فيلم عبقري ، أو كاريكاتير عبقري ، أو جلسة مع عباقرة . ولكن من خلال إحتكاكي بطبقة المثقفين لاحظت أن أغلبهم وليس كلهم بالطبع تستهويه فكرة أن يكون مثقفا وأن يمارس ما أتفق عليه عبثا أنه فعل وسلوك ومنهج المثقفين ، هذه الفكرة في حد ذاتها هي الهدف لهم ولا أنكر أنها استهوتني شخصيا ولكني في واقع الأمر لن أقضي حياتي مرتديا كوفية وبيريه عاقصا شعري كذيل الحصان وتحت إبطي رواية بعنوان الأفق المفشوخ دون أن ينعكس ذلك على العملية الإبداعية . وجدت أنني أكثر حكمة وثقافة من غالبيتهم التافهة ، وعذرا إن قلت تافهة لأنه من الصعب على أن أنمّق الكلمات في حين أنني أرى مستقبلا حالك السواد من الناحية الإبداعية لو استمر نمو فيروس المثقفين على هذا النحو .

في الواقع ربما أكون مخطئا في مسألة تقدير نسبة هذه الفئة ، وأعترف باحتمالية الخطأ في كونها تمثل غالبية المثقفين كما ذكرت ، ربما كانت نسبة ضئيلة ولكن الذي لا شك فيه أنها ظاهرة بدرجة أكبر من المثقفين الحقيقيين ربما لأن المثقف الحقيقي لا يهمه لفت الأنظار إليه ولا يهمه مقاهي وسط البلد بقدر ما يهمه ما سيتم طرحه عليها من أفكار . لذا وجب التنويه إحقاقا للحق .

ولأنني لا أجيد الاسترسال دعوني أقدم لكم بعض مظاهر فئة المثقفين \ مدعي الثقافة التي أقصدها


الغموض : لابد وأن تكون غامضا فيما تقدمه ، لو رواية أكتب فيها : والسماء تحلب العسل الضيق لتفرش على صفحة الماء الرملي براثن جحر منقرض فتموت أزهار السوسن تحت أقدام الورق المنصرم أعواما كثيرة . حدث هذا أمام الدكتور علاء الأسواني على مقهى بوسط البلد والرجل خجل أن يعلّق صراحة في حين نظرت لدكتور ميشيل حنا صديقي اللدود وإنفجرت نظراتنا بالضحك الصامت ، كان القاص الشاب يتحدث عن رائحة أرجل حبيبته المتعفنة ، والله العظيم بجد مش بهزر . بالطبع هذا كلام فارغ ، وأغلب من يكتب هذا الخراء الفكري لا يفهم أساسا ما يكتبه ، والباقي يكتب ذلك عن عمد ويكون تعبيرا بالفعل عن فكرة حقيقية ولكن ما قيمتها وقد جعلصتها بحيث أصبحت لا تناسب إلا أنت ، لأن حتى باقي المثقفين لن يفهموا ما تقوله . والفن أي فن هو في الأساس علاقة من طرفين ، الفنان والمتلقى ، وحينما تكون لغة التفاهم بينهما هي ميتافيزقية سلق الجمبري المتحولق فهذا يلغي الفن من أساسه .

الإلحاد : لابد وأن تكون ملحدا ، أو على الأقل تحمل لقبا مثيرا تقدم به نفسك إلى وسط المثقفين ، بهائي ، قرآني ، باذنجاني مخلل ، أنا أفهم جرأة بعض المثقفين في تناول علاقة الإنسان بالله ، كما أفهم الإلحاد حينما يخرج عن دكتور مصطفى محمود في بداياته والذي أصبح بمثابة مفكر إسلامي كبير فيما بعد ، وأفهم مشاعر ربما تكون صادمة للبعض مثل أن يكون الإنسان على خلاف مع الله ، بالبلدي ( ليه كده يا رب ؟ مش فاهم عاوز مني إيه يا رب ولا فاهم خلقتني ليه ؟ ولو أنا مش فاهم ده مش ذنبي ، ليه ما فهمتنيش يا رب؟ ) كلام قاسي أليس كذلك ؟ ولكن على الأقل أنت مؤمن بالرب ! أما الإلحاد فهو لا يليق بطفل في الثانية من عمره لأن وجود الله بديهي ولا علاقة له بدين ، ولقد توصل أجدادنا الفراعنة لفكرة الإله الواحد منذ آلاف السنين ومن السخف بعد كل هذه الأديان التي أنزلت إلينا أن ننكر وجود الله. هذا الإلحاد ظهر كثيرا على المدونات وتوغل في المجالس الثقافية على نحو مستفز ، يعني تافه وحمار وكمان كافر ؟ كتير قوي مش كده ؟

الإنفلات الأخلاقي : هذه نقطة صعبة وشائكة لأن الأخلاق نسبية ، وما يمكن إعتباره إنفلاتا أخلاقيا للبعض ربما يمثل تطرفا دينيا عند البعض الآخر ! أنا نفسي هناك من يقول عني عم الشيخ وآخرين يعتبرونني منفلتا ، ولكن هناك دائما ما يطلق عليه المتوسط العام ، على الأقل لا يصل الأمر لحفلات جنس جماعي مثلا ، لا اعتقد أن هناك خلاف على كون ذلك أنفلاتا أخلاقيا ، هذا مجرد مثال بالطبع وأعتذر عن تقديم أية أمثلة حول نقطة الإنفلات الأخلاقي لأنها ستثير جدلا كبيرا وهي نقطة فرعية في الأساس ، ربما أذكر فقط مسألة دعم السحاق واللواط باعتباره موضة عصرية ، السحاق واللواط مسألة شخصية بحتة يمكن ان تناقش عند الطبيب النفسي أو متخصص في علم الإجتماع أو المسائل الجنسية ولا علاقة لها بثقافة ولا فكر ولا بالباذنجان المخلل أيضا ، ما أريد التركيز عليه هو فكرة الصفوة بأن الأخلاق تم اختراعها لعامة الشعب أما هم ففوق الأخلاق وفوق الدين لأنهم فنانون عباقرة ومثقفين جهابزة ، وبالتالي هم من يصنع الأخلاق ليتخلّق بها بهائم الناس ! وحقيقة الأمر أن فئة المثقفين يعاني أفرادها من احتباس البول والإسهال وفيروس الانفلونزا ، يأكلون ويشربون ومن ثم .... انت تعرفون بالطبع ! هل ينكر أحد تلك المظاهر الفيسيولوجية ؟ إذن فمبدأ نحن فوق الأخلاق مرفوض منطقيا وليس أخلاقيا أو دينيا فقط .

سؤال فرعي مقرف : هل بول المثقف يختلف عن بول عم حسنين بائع الفول على ناصية شارعنا ؟


أما عن بعض الأمثلة لمن تحدثت معهم في جلسات ثقافية ولم تنطبق عليهم أيا من النقاط السابقة فهم على سبيل المثال وليس الحصر الفنان جورج البهجوري
دكتور أحمد خالد توفيق
الكاتب بلال فضل
الدكتور علاء الأسواني
الفنان خالد الصاوي
الكاتب والشاعر الغنائي عمر طاهر
الدكتور ميشيل حنا
وعدد كبير من المدونين ورسامي الكاريكاتير يعصب ذكرهم جميعا

مثقفين أهم ، ماحدش فيهم قال إنه ملحد أو قال مثلا : تفشحط الغنداق في قوافل الأرندلي ، وأعترف حقا بأنه لم يحاول أحدهم أن يقبلني من فمي حتى الآن


منحوسه كونوسه :- انا اكتر واحده اتصدمت فى الناس بجد بلاقى ناس بتكتب بشكل فى مدونتها وفى الحقيقه حد تانى خالص مقصدش اللى بيكتبوا قصص من خيالهم طبعا
الناس بجد دول يا اما بينقلوا من مكان ومش فاهمين يا اما مش عارفه هما كائنات متحوله منبعثه من ريحه شراب مش نظيفه لان لما تتناقش فى الحقيقه معاهم تلاقيهم صفر على الشمال بجد فى النقاش ومعندهمش الجرأة ولا الاسلوب اللى بيكتبوا بيه يا دوب حافظين كام كلمه حتى مش عارفين يوظفوها فى انهى جمله
يا ريت الناس لو بتنقل حاجه تقول انها نقلاها علشان ترحمنا وترحمنى من الخرعات والفجعات اللى بتحصلى ويا ريت برضه مش كل واحد حافظ كلمتين يرجعهم فى هدومنا يحتفظ بيهم لنفسه ويخبيه بدل ما يتجمركوا منه


كان معكم استاذ وزير اول مهندس زراعى ابى هانم

حكمه الامبراطورة

ترتر وحرير على غطاء زير


54 اخبط وقول رايك:

BAsMA said...

الحق اول تعليق
وارجع تانى

BAsMA said...

اللى عنده الامل

والايمان بالله
اعتقد انه مستحيل يضيع

**************
كعادتك كلامك جميل اوى
بجد ببقى مبسوطة وانا بقرء ليك

صيدلانيه طالعه نازله said...

و الله يا بؤبؤ انت جيتى على الوجع انا كتير اشترى روايات و احاول انى اقراها بس مش افهمها و العياذ بالله و مش بعرف و اقول يمكن العيب منى مع انى عندى طفلين
هههههههههههههههه
اما المدونات فحدث و لا حرج بالاقى ناس كاتبه اشعار عجيبه و موضوعات مفنكشه كده و زحمه و مش بعرف ارد اقول حاجه و باخرج فى صمت من غير حتى ما اقول سلاموا عليكم
يا بنتى فى واحده على الفيس بوك بتخلى statusبتاعتها حاجات غريبه و اشعار عجيبه مش عارفه من ايه و عموما ربنا يرحمنا من المتحزلقين اياهم

الطائر الحزين said...

طيب الاول كل سنة وانت طيبة
يعنى الواحد يرد يقول ايه؟

=============
اى رسالة فى الدنيا
مرسل ومستقبل ووسيلة
لو حدث اى خلل فى احداها لم يصل الموضوع

NIDAAL .R said...

الله ينور عليكى انتى وهو
جبتوا المفيد
مع ان مش كل حاجة .. لأن من المستحيل كتابة كل حاجة لانها هتحتاج لمدونات مش بوست ولا اتنين ولا عشرة .

حكاية الملحدين دول .. حكاية مقرفة
انا مش عارف ازاى ممكن واحد يقول الكلام الى بيقوله ده وعلى مين .. على الله رب العالمين
مش عارف دول اتجننوا ولا ايه ؟
والمشكلة انهم مصممين وواخدين قرار بعدم الأستماع لى حد يكلمهم وقروا كتابين عن الألحاد .. وجايين يفرغوا الى قروه فيك .. يييييييييييي
دى حاجة ..أيجز أساساً
اما الاخلاق .. فكما ذكر فى البوست بالظبط
انا عن نفسى مثلاً .. لا أدعى الطهارة و العذرية و.. و.. و .. بس على الأقل فيه حدود ... مش هتوصل لزى ما جه فى البوست .

فكك من الى بيدعىالثقافة .. لأنه فى الاول والاخر بيبقى شخص خنيق وبي|أجزز على الى قاعدين معاه .. وبيبقى حديثه ممل وغير مشوق .. لأنه بيحفظ مش بيفهم .
.....
أختيار رائع لبوست رائع من كولومبوس متميز .
ألا انت اكتشفت الجزيرة ولا لسة ؟

micheal said...

بجد..تسلم ايدك يا أشرف ع البوست ده
فعلا بيعبر عن فئة كبيرة من مدعيي القفافة وبالذات في جزئية الالحاد لدرجة أني بقيت أقول دي شكلها حتطلع موضة..وفعلا فيه ناس اللي يجي يقرالها غير لما يقابله ويتعامل معاهم وفيه نموذج معين لو تفتكريه..أنا وأنتي متفقين عليه جدا وعلي فكرة الحد ده حيأخذ علي دماغه قريب جدا
:)
(حبقي أقولك التفاصيل)
أحلي حاجة يا ابي أن المدونة تكون بتعبر عن صاحبها أي كان..يعني كل واحد يتكلم في اللي هو فاهم فيه ويقدر فعلا يضيف فيه عشان يكون فيه حوار ثري من الاصل بدل ما يكون جدل عقيم ميجبش غير وجع القلب والشتيمة في بعض الأحيان
الحمد لله فيشو في الوقت الحالي معترف أنه بتاع رياضة وبس
:)
تحياتي يا بشمهندس

Founoon said...

عارفه لو هما من جواهم كدا فعلا ومصدقين اللي بيعملوه ومؤمنين بيه بجد كان اهون
هو مجرد قالب نمطي كل واحد فاكر انه عشان يبقى مثقف لازم يعمل واحد اتنين تلاتة اللي انتي ذكرتيهم دول
واهمهم الالحاد والانفلات الاخلاقي
لو انت مش ملحد ومش منحل اخلاقيا تبقى تافه ومش من المثقفين وعيل صغير مش فاهم حاجة في اي حاجة

انا كمان بقرأ حاجات مريعة في المدونات واوقات فعلا ما بفهمش حاجة اصلا من البوستات بتبقى بجد صعبة جدا شوية كلام مجعلص مرصوص جنب بعضه

انا بصراحة الناس دي بتصعب عليا بجد

بوست رائع يا بتنجاني بجد وكنت بفكر في نفس الحاجة بقالي يومين

faissl said...

وقعت الأستاذ وزير أول بلا بلا بلا أبي هانم في خطأ تاريخي منهجي لوذعي
ويا ريت برضه مش كل واحد حافظ كلمتين يرجعهم فى هدومنا يحتفظ بيهم لنفسه ويخبيه بدل ما يتجمركوا منه
غلط يا فندم
عشان الجيش قال لك ايه..؟ أيييوه صح: الكلام ما عليهوش جمرك..!! :D
ويظل المعنى في بطن الشاعر وليخسأ الخاسئون.. ليه بقه..؟
لأن التخزين من اختصاص الدفاس وابو دهشوم ومحدش ح يطلعه غيرهم ده أولا.. ولأن الشاعر عامل استحراصه ومفبش الهوامش..

Abo 7anf said...

السلام عليكم
بقى عادى
مفى كتير عندنا فى الكليه
بيشيلوا كتب اسماميها صعبه قوى
علشان يبقوا زى سمير غانم فى الفيلم
مش فاكر اسم الفيلم
و ميعرفوش اه فى الكتاب
بس بيلفتوا بيه الانظار
و يظهروا مثقفين
و الحمدلله العبد الغلبان عمره مقال انوا مثقف ولا يحزنون

رئيس جمهوريه نفسى said...

فاكرة تعريفى للمثقف اخر حاجه فى بوست قديم اتفقنا انا والاستاذ اشرف فى بعض التشبيهات وان كان هو شرح المثقف بشكل جميل خالص اوجز فا انجز
القصة يا بتنجاني انى النوع دة من الكتابة بيتقال عليه ادب الحداثة او السرد الجديد تقوم تشبكى اربع خمس جمل غير مفهومين ومالهمش اى لزمة اصلا والكل يدخل يقولك الله يا استاذ لسبب بسيط جدا هو طبعا كمثقف اخر مش ممكن حيقول ليكى انا مش فاهم ينزل على طول من مرتبة الثقافه والمثقفين بس للاسف الشديد كمان النوعية دى بتنظر نظرو استعلاء للمتلقي فبتحاول تبان انها اعلي من المتلقي باى طريقة فبتحاول تشذ عن النسق العام في السلوك فى الطباع فى الملبس في الاخلاق رغم انى الثقافه مش كلمتين بيتقالوا او بيتكتبوا الثقافه بالنسبة ليه مدلولها واسع طبعا بعد التجاوز عن معنى المقف في دولة المغرب

الثقافه بالنسبة ليه هى كل الخبرات المكتسبة باى طريقة معيشة حياتيه او عن طريق القراية او النظر بتشكل نهجك في الحياة فبتكون ثقافة الانسان وبتظهر في سلوكة الحياتي

محمد عتلم said...

انا بعتبر عم الجامد اللى بيتفلسف ويحلل كل حاجه ده من وجهة نظره عمال على بطال ويقول مصطلحات جامده وكلام مش راكب على بعضه ده ميت اكلينيكيا ....آل الواد مثقف آل
شوفى .. ابى
احنا عندنا مثل قديم بيقول حالك يبان يانداغ اللبان .. يعنى المثقف بيبان من طريقة حياته وتعايشه مع الناس وفى لبسه وفى طريقة شرحه لوجهة نظره لشخص ما .. يعنى ميجيش يشرح شىء لواحد سطحى ويعقد امه بالمصطلحات عشان يبينله انه مثقف وفاهم - لكل مقام مقال ولكل مقال مقام - المثقف هوا اللى بيقدر دايما انه يتوصل للحلول الوسط اللى ترضى اغلب الاطراف وهوا اللى يقدر يتعايش فى احسن شكل مع الناس علشان الثقافه بتنعكس على شخصيته ويقدر يستفيد منها انما اللى بيكتب او يقول غير اللى بيعمله فى حياته العاديه ده عبيط مش مثقف والمفروض يكون خارج نطاق الخدمه يا معلم
عندى كلمه اخيره والنبى يا بتنجانى احب اقولها
راقب افكارك لأنها ستصبح افعالا
راقب افعالك لأنها ستصبح عادات
راقب عاداتك لأنها ستصبح طباعا
راقب طباعك لأنها ستحدد مصيرك
ـــــــــــــــــــــــــ
وفى النهايه احب اهدى اغنية كوكو واوا لخالتى الحاجه بتنجانى وللبرنامج وتيته وجدو وطنط سوسو

احمد سعيد said...

كنت قريت مقاله زمان لاحمد رجب عن الموضوع دة
هدور عليها وابعتهالك

مسدس صغير said...

بوست رائع.
لا يحتمل الا معنى واحد ان صاحبة لابد ان يكون من كبار المثقفين .
ان صاحبه صاحب فكر
ان صاحبه يمتلك مفردات لا يمتلكها كثير من المثقفين او بمعنى اصح من الذين يدعون الثقافة

A.SAMIR said...

والله يا ابي انتي لمستي وتر مهم جدا
كنت بافكر في الموضوع دة
ساعات اقعد اقرا حاجات على النت او الكتب عجيبة جدا
تحسي ان الكلام دة مش عربي خالص
حاجات بتزهقني من القراءة والله ويا اما اقفل الكوميوتر يا ارمي الكتاب
تحياااتي

EmY said...

ولابد ان نتقوقع حتي يستشري حينه و هو متزنأر علي حين غره فتبعلج البلعوم و تفنشسا و قد قلت لا فقال بلي

ده جزء بسيط يعبر عن ثقافقتي المتزبلحه

بصي يا حبي الكلام مش بفلوس فكل واحد يقول الي علي مزاجه و يفشر براحته

العيب من عندك انتي انك بتربطي بين الكتابه و الشخصيه الحقيقه المعظم بيطلع عقده علينا و يعيش في وهم هو نفسه يعيشه في الواقع فيفشر بقي و يقول كل حاجه عكس حقيقته و شخصيته و قناعاته و طبعا بيلاقي الي بيصقف و يقول عظمه علي عظمه يا ست كمان و النبي كمان

احنا بنربط الثقافه ان الشخص يقول كلام معقد و يلبس النظاره و يبقي مش طايق نفسه زي ما بنربط التدين بالتكشيره

جتهم القرف ملو البلد بقوا اكتر من البني ادمين

Foxology said...

مدعو الثقافة هى التسمية الأصلية للفئة اللاصقة نفسها مع زمرة المثقفين

مينفعش الواحد يعمل نفسه حاجة مش فيه هيتكشف ويبان ويبقى شكله وحش :)

تحياتى :)

thunder said...

ممممممممممممممممممممم
معاكى ياابى انهم يقول منقول لكن برضوا لو مش عارفين يعبروا هما مش بينسبوا لانفسم لقب مثقف هما بيحاول يعبروا عن شعور خاطرة اى حدث فى حياتهم احنا وغيرنا اللى بنقول عليهم مثقفين البعض عارف انه مش قادر يكتب او معتندهوش ملكة التعبير عن فكرة معينة لكن حاول على قد ماقدر من دماغة بفكرة مبسطة او مجعلظة المهم انه حاول لكن منسابش لنفسه فكرة انا مثقف كجلمود ضخر حطه السيل من على طبعا المشكلة اوانا منهم ناس بنمر بى اى حدث او عابر فى حيتنا وبنلاقى متنفس لينا فى المدونة نقول انا عاملت انا اتصدفت حابب الناس تسمعنى وخلاص ومش مقصود من كلامى انك موجه كلامك لحد كل الحكاية انى لفيت فى المدونة ولاقيت ان الناس مخنوقة من الناس اللى بتتكلم او زى ما بنقول فكرين نفسهم مثقفين سورى بقة العيب مش فيهم العيب فينا احنا يعنى مضطرين نروح ونسمعلهم ولا اية؟؟ حاسس ان الراى دا هيفتح عليا النار على العموم بصى كل واحد بيعبر عن رايه وخلاص وكل واحد حر فى طريقة تعبيرة بحدود الادب يعنى .. يعنى ماينفعش واحد يكتب شعر زىازج لزوج هزرفى الزفازف ودا شعر قيدم والله ويجى يقوله دلوقتى يعنى بعبر بى ابسط طريقة توصل او زى ما قولتى منقول مش عيب طالما عبرت باسلوب انته حاسية وحاسيت انه احسن من اسلوبك وبس

بت خيخة وأي كلام said...

الحلزونة يامه الحلزونة
وقعت من البلكونة

********

واحد بيقول لصاحبه شوفت الحفرتكوش اللى فى البلكونة

قاله يعنى ايه بلكونة؟




بس خلاص


سلام
اختك خيخة

mayada said...

هههههههههههههه
ترتر وحرير علي غطي زير

هي دي الحكايه ياابي فعلا ترتر وحرير علي غطا الزير

ثقافه المظهر اللي انفجرت في المجتمع مش في الثقافه بس

تلاقي المتدين دقن طويله بنطلون قصير شويه كتب علي ايده اليمين او نقاب

ابن الناس بقي عربيه اخر موديل وشويه لبس خلاص بقي محترم وابن ناس

التعليم والمتعلم بقي شهاده وشويه ورق يقولوا انه متعلم مع انه لسه مبيعرفش يفك الخط

فالطبيعي ان الثقافه دي تنول منها الكتابه جانب
كل سنه وانت طيبه

أنا حر said...

بوست حلو قوي رغم الالفاظ اخارجة الى حد ما فيه لكنه واقع للاسف ملموس حوالينا بس بيتهيألي ان مش هما دول المثقفين اللي احنا بنتابع اعمالمهم وبنهتم بيهم وبيأثروا فينا والدليل على كده شهرة علاء الاسواني وغيره من الناس المثقفين المحترمين
تحياتي

مواطن مصري said...

سؤال فرعي مقرف : هل بول المثقف يختلف عن بول عم حسنين بائع الفول على ناصية شارعنا ؟


هههههههههههههههههههههه لوللللللللللللللللللللللللللللللللل

مواطن مصري said...

فكرتيني ب فلم فوزية البرجوازية انت امبريالي متسلق
ههههههههههههههههههههههههه

تامر علي said...

جميع الأمم المهزومة حضارياً تنهزم فكرياً ... نفس التراجع الإقتصادي والإجتماعي والسياسي يجب أن يتبعه تراجع فكري .... مثلاً فكرة الحداثة وتفجير اللغة لم تكن لتولد أصلاً لولا وجود من يدعم المخابيل الذين يكتبون نصوص حداثية مع علم الجميع التام بتجردهم التام من الموهبة ولكن (الحكم ) عندنا ليس الجمهور فنحن شعب لايقرأ ... ولا النقاد ... فقد مات أغلبهم ... ولم يبق في الساحة إلا أصوات الهراء

وومن said...

آبي انا بهرش في راسي ومش عارفة اعلق

طب بص انا هاجي اقرا تاني وبعدين اعلق علي رواقة

ساره said...

أبي حبيبتي

الشخص هذا اذا ما عنده القدره الكتابية ليه يكتب؟؟ .... واذا مره يعني ضروري يكتب .. يكتب عن شئ يفهم فيه او حتي يترجم اللي حاس فيه واكيد راح يوصل لناس ... لكن ينقل خواطر واشعار ناس ثانيه وينسبه له هذا عدم اخلاق وما عنده امانه

اما عن المعني فى بطن الشاعر
وانا فى ثانوي كنت اقراء بشراهه فا مره قريت شعر لواحد ملحد والله حتي مش فاكره اسمه
طبعا قرائت الشعر ولا عشر مرات
اني افهم شئ ابدا
بعدها بفتره عرفت انه ملحد

المثقفين الصح هما اللي يخاطبون الناس على قدر عقولهم

او على الاقل يكون كلامهم مفهوم

أشرف حمدي said...

إحم إحم
يالهواي ، يا خراشي هههههههه

مش عارف أقول ايه ، بس بجد متشكر جدا على التقديمة العظيمة دي ، طب فنان وقلنا ماشي إنما عبقري كمان ؟
ده كتير قوي

عموما أنا مندهش من كم النعليقات ليوم واحد ، أنا بعد كده حنشر عندك بقى خلاص هههههههه

ده شرف ليا طبعا إن تدوينة من عندي تنشر هنا ، انا بالفعل مش عارف أعبر عن إضمحلال الحزن حينما تفتت إلى أغادير انسالت عبر مناحي الفؤاد فاقشعر بطن الشاعر بما يحويه من جنون فكري
ههههههههه

أشرف حمدي said...

إحم إحم
يالهواي ، يا خراشي هههههههه

مش عارف أقول ايه ، بس بجد متشكر جدا على التقديمة العظيمة دي ، طب فنان وقلنا ماشي إنما عبقري كمان ؟
ده كتير قوي

عموما أنا مندهش من كم التعليقات ليوم واحد ، أنا بعد كده حنشر عندك بقى خلاص هههههههه

ده شرف ليا طبعا إن تدوينة من عندي تنشر هنا ، انا بالفعل مش عارف أعبر عن إضمحلال الحزن حينما تفتت إلى أغادير انسالت عبر مناحي الفؤاد فاقشعر بطن الشاعر بما يحويه من جنون فكري
ههههههههه

فاتيما said...

و الله البوست دا هايل
سواء ما كتبه أشرف
او تعليقك اللوذعى يا بيب و متسأليش يعنى إيه لوذعى لو سمحتى ...
للأسف النموذج دا موجود كتير
لكن القارىء ...أى قارىء محترف بيبقى ذكى و بيقدر من بين السطور يكشف المدعى و الزائف و المتفذلك
اللى زى دول فقاعات و بتاخد وقتها و حجمها ...و بعدين تفرقع
و الكتابة فى وقتنا الحالى بقى من أهم شروط وصولها للنا
البساطة
أما حكاية الألحاد و الإنفلات الاخلاقى
فدول برضو لزوم لفت الأنظار لأن اللى زى دول بيبقى فاضيين من جوا
و عاوزين يعيشوا فى الدور و يخلقوا لنفسهم قضية
ربنا يهدى الجميع
و تاااااااااانى
الله ينور عليكى و على أشرف

Appy said...

سوري يا جماعه بس الاول هرد على اشرف حمدي



اشرررررف
==========
بجد عنيه دمعت من كتر الضحك على تعليقك مين مناحي ده يا خويا هو ده نوع جديد من المانجه بس علشان اجيبه قولى
واذا كان على النشر دا الشرف ليه يا اشرف انى انشر لك حاجه بتاعتك بجد
والبكره فى اسلام انا جعان هو اللى بعت ليه لينك البوست قبل ما ادخل عندك وقالى ده اللى هيعبر عن اللى انتى عاوزه تقوليه
وعموما ممكن ابعت لك وصله على الكوكب تنشر على طول انت تؤمر يا فندم بس الكومنت بخمسه جنيه ايه رايك ههههههههه
هو بجد لولا انه له قيمه وبيقول فكره مكنش حد عبرنى بصراحه
بس انت قولت اللى فى نفس ناس كتير والله
وانا اولهم يا خويا دا انت لك الجنه بسبب الراحه النفسيه اللى عملتها ليه بالبوست ده
وبعبررت من مفاتيح مفايتح معاميقى يعنى
على فكره انت فعلا عبقري لانك بتكتب حلو وبترسم حلو كمان يكفى ان كل حاجاتك واصله لكافه الناس بكل العقليات
بجد مبسوطه بيك اوي ربنا يوفقك

جنّي said...

السلام عليكم

اصبتي اختنا الطيبة آبي وأظهرتي هؤلاء الأقزام على حقيقتهم .. ثقافتهم ثقافة جرايد وتليفزيونات وبعض الكتب الصفراء ..
قال رسول الله صلى الله عليه وسلم : « إن أحبكم إلي وأقربكم مني في الآخرة أحاسنكم أخلاقا ، وإن أبغضكم إلي وأبعدكم مني أسوأكم أخلاقا الثرثارون (1) المتشدقون (2) المتفيهقون (3) »
(1) الثرثرة : كثرة الكلام وترديده
(2) المتشدقون : المتوسعون في الكلام من غير تحفظ أو احتراز
(3) المتفيهقون : هم الذين يتوسعون في الكلام ويفتحون به أفواههم

تحيتي

أسوور said...

كلام الأخ كله صح
وانا علقت عنده

شمس النهار said...

ممكن اسأل سؤال علي الماشي كده واجري
هو في ايه ؟

Alexandrian far away said...

سهله يا ستي
بلاش الجدع ده يروح يقعد مع الناس دي
وخليه مع الناس العقلاء الكمل زي علاء الأسواني
يريح ويستريح

سومه...مجنونه فى بلد عاقل said...

هههههههههههه
يا نشاله يا ايبى:))
كل سنه وانتى ايبى

صوت من مصر said...

ايه الدماغ دى
تهيس بجد
تسلمى تحياتى ليكى
صوت من مصر

خالد المصري said...

ابييييييييي

ازيك يا صاحبه القلل

والله وحشتوني انتي والمدونين الاحباء ومدونتي الغلبانه وكل حاجه في ذالك الجزء الخرافي من العالم وحشاني

ام هند
تصدقي يا ابي ان واحد من هؤلاء الناس اللي بيتكلم عليهم اشرف حمدي هو اللي استفذني للكتابه من البدايه ولولا اني واخد عهد على نفسي مكتبش اسمه في اي حته كنت قولت عليه

عارفه يا ابي زماااان كنت بمثل في المسرح على قدي كده وكنت دايما برده باستغرب لنفس الموضوع
الواحد من دول يروح ضارب الكوفيه حولين رقبته وناكش شعره نكشه منير او اسوء وضارب كاسين خمره ولا اززتين بيره ومصاحب ولا مؤخذة مع واحده كده كده وبتاع ويقلك انا بقيت فنان اه وحاجه كمان
لازم تلاقيهم يمشوا الهوينا ويبصوا لفوق كتير ويبص للناس باحتقار

وهوبا بقى فنان ومبدع وربنا يكفينا الشر

يحكيلك عليهم اخونا سوووووو ماهو السبب في موضوع المسرح ده الله يسامحه

بقولك ايه متقلبيش عليا المواجع
اشوفك على خير

صاحب المضيفة said...

كلام جامد قوي يارحاب بجد

بس اكيد انا مش من الناس اللي بتنقل من غير ما تفهم او حتى تكتب حاجه مش فاهماها

ولا ايه ؟؟؟

:):):):)


تحياتي وبجد معلشي اني مش بازورك كتير لانشغالي بس

سارة نجاتى said...

و الله يا ابى انا عاوزة أترمى فى حضنك أنتى و اشرف و أعط اهىء اهىء اهىء

لسه سايبه حالا من ايدى كتاب مش فاهمة منه كلمة و أنا اللى كنت فاكرة أنى جاهلة و أنى طبيعى أنى أفهم حاجة زى الأفق المفشوخ و أن كل الناس شكلها فاهم و أنا اللى زى كيس الجوافة فى القعدة

يعنى محدش بيفهم الحاجات دى ؟؟ طب الحمد لله

نفسى أعرف الناس دى تكب لنفسها ؟؟ لو لنفسها احترم ده و اوكيه
بس مش تطبعه و تديه لمتلقى مش عارف راسه من رجله

بس ملحوظة على موضوع المظهر الخارجى للمثقفين , أنا بحس أنهم فعلا بيحبوا يلبسوا الكوفيه و الباريه يعنى من غير أنعره مقصوده . معرفش ليه , بس بالذات الناس اللى فى سن معين ( كبار يعنى ) راسهم بتسقع فعلا أو بيداروا الصلعة بيها ههههههه

و نبى خليه يقولنا رأيه فى المثقفات من البنات ؟؟ أصل أنا عندى تصور برده بس عايزه أشوفه صح و لا لأ؟

سلام يا جميلة و اختيار موفق جدا

shayma said...

تصدقى البوست ده فى الجون بجد
ساعات بقابل ناس من مدعى الثقافه دول او اقرا حاجه زى ماقلتى واحس ان فى صاروخ خرج من نافوخى
ايييييييه الى انت كاتبه او بتقوله ده
واقول يمكن العيب فيا
بس بجد بجد حاجه غريبه كده

الشموع البيضاء said...

بجد البوست تحفففففه
والله انا بحس انه عارفه المثل القائل خالف تعرف
اهو هو ده اعمل اى حاجه متخلفه عشان تتعرف وتبقا مميز وبتقول كلام بعيد عن الشعبى السلس بتاع الهجايص على راى سعيد صالح فى العيال كبرت
مع ان لو شفنا الادباء العظام زمان كانوا بيكتبوا بلغه عاديه ولعشرات السنين بعد ماماتو لحد دلوقتى بنجيب كتبهم ونستمتع بيها مش الكلام العبيط بقا انا بحس انه بهدف التجاره والتوزيع واى فرقعه وده مش فكر ولا فن ولا ادب
ده كلام هجايص

بدراوى said...

آبى هانم
------
شوفى انا كنت مكسل كثير اقرا التدوينة
ديه من عنوانها
ده بصراحة يعنى
و بصيت بصة مبعدية انشطارية
عليها
لقيتها مش جايه مع الهبل دوبل
لكن اما قريتها دلوقتى
عجبتنى
بشده
شكراً ليكى على النقل بتصرف انبعاجى لهذه التدوينة الجميلة للرسام العبقرى اشرف حمدى
اللى انا عاشق لرسوماته بشده

و اتمنى الا اكون من تلك الفئة التى تدعى الثقافة
لمجرد اختلافى مع النقاب

انا لا اعد نفسى مثقف و لا حاجة
و بكره بشده التصنيف أصلاً
لكن انا برده من حقى اختار افكارى

تحياتى
بجد على هذه التدوينة
ربنا يوفقك

و اتفضلى كتاب
مدينة البهائم
ديه ديماجوجية شديدة
شوفى يا آبى انتى دخلتى التاريخ
بتعليقى عندك هنا
هههههههههههههههههههههه

*SosSoOo* l'o'l said...

ما هى دى الموضة الجديدة

كل حاجة بقى ليها موضة جديدة حتى الصياعة

مدونتك حلوة قوى

tamer.sala7 said...

لالالالالالالالالالالالالا


كله كوم والشعر اللي قالته نوارة في حفل توقيع كتابها ده كوم تاني

انا وشمعي وميدو حتي معرفناش نحفظ منه بيت واحد

حاجة كدة من بتاعة الناس المثقفين زيادة عن اللزوم

maxbeta3zaman said...

نفس المعنى قاله الفاجومىأحمد فؤاد نجم من أكثر من أربعين سنة فى قصيدته العصماء "يعيش أهل بلدى "
حيث قال فى هذا الموضوع
يعيش المثقف على مقهى ريش
محفلط مظفلط كثير الكلام
بكام كلمه غامضه وكام اصطلاح
يفبرك حلول المسائل قوام
ويبدو أن الموضوع مازال كذلك من وقتها وزاد عليه أيضا بعض البدع والاتجاهات مما ذكرت هنا

daktara said...

بجد بجد
فكرة الموضوع الرائع ده كانت بتداعب خيالي من زماااااااااااااان
اكيد مكنتش هاقدر اكتبه بالروعة دي
انا متفق معاك تماما
واضيف انك علشان تكون مثقف من بتوع المناظر انك تجيب سيرة الحب في زمن الكوليرا ومائة عام من العزلة
لجابرييل جارسيا ماركيز
علشان تسبك الطبخة
يا بيه
العلم في الراس مش في الكراس


شكلها باظت
انظر حولك
د. خالد عزب

daktara said...

ولكي انت يا عزيزيتي ابي
لك كل الشكر علي اعادة نشر البوست

tarek momen said...

بصرف النظر عن التفشلح الذي يختلف تماما عن التفنيخ الذي ينبعج من النافوخ
عندكم احتفالية في التجمع الخامس الجمعة الجاية
ياريت تمري علي المدونة عندي
تحياتي

بسنت said...

قريت المقال هناك لما نزل وعلقت عليه
بس الصراحه ما جت فرصه اشوف هوس المثقفين على الواقع
فى قهوه او ندوه
بس الحال بالكلام دا اكيد لا يسر
لانه ترتر زى ما قلتى تمام
والاناء للاسف فارغ

مواطن مصري said...

بجد الواحد نفسة يقعد في قهوة من بتوع المثقفين بس فين القهاوي دي


؟؟


اغلب المدونين ليهم في سلينترو و كوستا انما اظن مفيش مدونين بيقعد في القهاوي بتاعت المثقفين

طعمية سخنة said...

هههههههههههه
اشرف حمدي اصلا طلعوه من طب اسنان لأنه اقدم من العميد
اما بالنسبة للكتب و بطن الشاعر و اعضاء الشاعر! فده يفيدك فيها دكتور تشريح
البوست جميل اوي

phobia said...

يا معلمه appy
اللى انا اعرفه عن التدوين انه بدايه الحريه فى مصر كله بيقول رايه باى طريقه وباى اسلوب وباى وسيله المدونيين مش كتاب ولا المدونات معموله للهدف اللى احنا حولناها ليه دلوقتى
فسيبى اللى يكتب يكتب ولا يلعب فى دماغ الناس يلعب واللى يلحد يلحد واللى يعمل اى حاجه وعنده اى فكرة سواء منقوله مقتوله يكتبها وانتى عليكى انك تختارى وانتى ماسكه الريموت فى ايديكى يا تروحى على قناه ميلودى يا اما قناه اقرا يا اما تسيبك من الاتنين وتقعدى تتفرجى على ماتش طايرة

tarek momen said...

الصديقة يور ماجيستي
طبعا طبعا اتفضلي انقلي البوست و اي حاجة تعجبك
والكلام ده لجميع الأصدقاء من المدونين و المدونات
مافيش حاجة هاتتبقي غير السيرة الطيبة
ماهو انا عابر سبيل

Appy said...

مشكرين يا رجاله على التعليق جميعا بس انا متفقه مع اشرف فى كل كلمه قالها بجد
وعلى فكره فيه بلاوي اكتر من كده كمان بس قريبا اشرف لم كتاكيته

صديقى الكسندريا

عونيه هقوله فاهمك يا خبيث ههههههههههههه


فوبيا

لا بتوع التدوين بالذات حاجه حوبلس كيس اسال مجرب يا خويا



مواطن

يا عنيه يا خويا وحياه والدتى انا بلاش انت
دول متلقحين على البورصه كبيره خمسه جنيها وبيروحوا كوستا كبيرهم برضه عشره جنيه نسكافيه ويفضلوا متتلقحين طول اليوم علشان يتقال عليهم من عليه القوم وهم ربنا اعلم بيهم
وكوستا والحاجات دي بقت قديمه ازنقهم وقولهم تعالوا نقعد فى حته عدله كده هتلاقى كلهم بقى عندهم اجماع مجلس وزرا هههههههه
ما انا قولت اسال مجرب يا خويا وانا عدت عليا كل الاشكال دي بلا استثناء
كل يضرب الجل والبوكسر الاحمر ويروح يقعد هناك علشان يترسم
وهما اخرهم معروف
نورتوا جميعا وشكرا ليكم ولاشرف بالاخص

أشرف حمدي said...

طعمية سخنة
ايه يا جماعة حتطلعوا عليا إشاعات :) ههههههههه
أقدم من العميد ايه وطلعوني ايه ؟
انا بفكر أنشر شهادة التخرج وكارنيه النقابة وتصريح مزاولةالمهنة ع المدونة بجد :)

وشكرا يا جماعة على التعليقات الجامدة
والشكر الأكبر لابي
تحياتي