غير الحجر يا نٌصه




بعدما راودنى الامل الخبيث الذي يضاهي فى هذه البلد بنت عم القرد ميمون عشم عيشه ام الخلول فى المياه العذبه وايضا حصول الارمله المطلقه على معاش
ان التغيير الوزاري الجديد سيؤتى بثماره علينا وهنتنغنغ ونعوم على وش الفته فى اول ايام الوزاره الجديده
ولكن هيهات وهأوات مصاحبه باصوات متحشرجه لا اعلم مصدرها احم احم

اتضح لى من البعد البؤري المتمركز فى اللاوعي المتفنيخ فى الركن البعيد الهادي ان الوزراه القديمه متزوجه من القيادات العليا جواز لا يجوز له الطلاق
ولازقه لزقه الكلب الجربان فى العمود وهو يقوم بحك ديله ( ومشوها ديله )

انتظرت وعينى تلمع لمعه الماس هذا التغيير ولكن جاءت عربيه الزباله بما لا تشتهي الانوف ولا البرك والمستنقعات ولكنهم رفضوا رفضا شديدا من الحديد الصلب ان يحركوا هؤلاء ولكن بما ان الموضوع داخل فيه برك ومستنقعات قالك مزعلش الشعب الطيب ده واعمل لهم وزاره جديده منها اجامل فيها امشيره هانم الصديقه الاولى لسيده القصر وليس البلد لانى لا اقبل ان تكون هذه الشخصيه سيده ترأسنى لانها كبيرها تترأس على السلم


وافرحوا يا عيال فقد قاموا بعمل وزاره جديده اسمها السكان وانا حقيقه الامر لا ادعي المعرفه بمعناها لان الحمد لله فى هذه الحالات على نعمه الجهل الذي اعيشها فى معرفه الادوار فى مسرحيه فاشله ولا مجاملات ليس لها معنى فانا بعد جهد جهيد عرفت معنى هيئه المجتمعات العمرانيه الجديده ووزاره الاسكان والتعمير
فنداء من كلبى من معاميقه يا من تعلمون ما هو معنى وزاره سكان ان ينوبكم هذا الثواب وتشرحوا لى او تشرشحوا ايهما اقرب لقلوبكم معنى هذه الوزاره

فانا اعلم انها لا تتعدي الخط الاحمرررررررر ده اولا ولا تتعدي مجامله ركيكه من الاخت طنط اسمها ايه دي ولا تتعدي نقل دم من قلوبنا وجيوبنا للوزاره الجديده لانج وسيارات فارهه وتشريفات وبدل انتقال وبدل استهبال وبدل استعباط
وبدل هرش وبدل زغزغه

ولم يكتتفوا يا ساده بهذا وذاك ولكن
لا اعلم ما فعله الصديق العزيز اللى اساسا معرفوش وزير الري وهنا تدق اجراس الخطر فى بالى ما هو فائدته اصلا ولا اعلم ومن هنا اناشد السيد الوزير ان يتقدم باستقاله حتى التجديد حلو يا راجل انت مزهقتش من الوزراه ده بعد 8 سنين مبيكونش عندك ابداع وانا ماشاء الله شايفه ان فيه وزراه بقالهم ردح بفتح الراء من الزمن ارحمونا يرحمكم الله هو مفيش فى قاموس حياتكم حاجه اسمها تنيمه بشريه دا اللى متجوز واحده بيزهق وبيجدد
طلقونا بقى الله يكرمكوا احنا زهقنا
انا بأقر وبعترف انى هرفع على الوزاره قضيه خلع وهستخدم حقى الدستوري
وهمرمطهم فى المحاكم ان شاء الله يكنسوا عليا الدائري والاتوستراد
مش هرحم ابدا اطلقه يا بابا اطلقه

وفى النهايه اكتشفت ان تغير حجر الشيشه اهم وانفع بكتيرررررر من الامل فى التغيير الوزاري

يا نصه غير يا ابنى الحجر خلينا نقوم

وكما قال الشاعر الشيشه حلال والتغيير الوزاري حرام

شعب نمرود صحيح قال يغيروا قال


كان معكم معلم كافيه الحياه ابى هانم توصيل الفقعات والوزارت للمنازل

حكمه الامبراطورة

اللى له ضهر ميتشالش من تغير وزاري واللى له مؤخره يتحط فى وزاره

93 اخبط وقول رايك:

مواطن مصري said...

هههههههههه بمناسبة التغير الوزاري عقبال البقاي بس مشيرة خطب ست مجتهدةة و كان ليها مشاريع لمحاربة ختان الاناث و مساعدة اطفال الشوارع و محاربة عمالة الاطفال

أحمـــــــــــــد أبو العلا said...

جرى ايه؟
مش عجبك مشمه هانم يعني ولا أيه؟

بصي ياستي متسأليش عن معنى وزاره أو وظيفتها

الموضوع ببساطه أن عند الوزراء أكتر من عدد الوزارات المتاحه
طب نعمل أيه يعني؟ الناس ديه تشتغل أيه؟ أصلهم مينفعوش يشتغلوا غير وزراء. نقطع عيشهم يعني؟ استغفر الله العظيم, وفين أصالة الشعب المصري والعشرة والعيش والملح؟

عشان كده لازم نعملهم وزارات تكفيهم (والله بيتعبوا)

بالظبط زي ماحصل مع المحافظين. كان عندنا عدد اتنين محافظ ملهمش محافظه, عملنلهم محافظه أكتوبر وحلوان

ياريت بقى نبطل نبص للناس في رزقها

وسمعني سلام شحط محط كبييييييييييير
تلاتلاف طوبه وعربية رمل

Appy said...

مواطن مصري
=============

وزارات ايه يا ضنايا اللى يتغيروا
طيب احلق شنب العادلى اذا فيه حاجه هتتغير
يا ابنى بلاش الامل ده الله يكرمك كده هخاف عليك
وبعدين انت قولت كلمه حلوه مشيره عملت فى حاجات كويسه اوك
بس اللى عملوه ده عارف زي ايه
لقوا مدرس بيدرس عربى كويس اوي
قاموا خلوه يدرس فيزياء
تقولى ايه جاب البحر جنب ابو الهول اقولك معرفش بس هو ده اللى عملوه









احمد ابو العلا
=================
منكن سيخ حديد مع الطقم الشحط محط ده متفهمنيش صح
انا علشان اعمل سقف لدماغي يا خويا

رئيس جمهوريه نفسى said...

لحد امتى حنحط الامل فى تغير الوزرات يا جماعة الخير احب ااقولكم انى تغيير الوزرات فى مصر هو عبارة عن تحريك العساكر فوق رقعة الشطرنج حتفضل طول عمرها عساكر مالهاش اى دخل في الخطه الا ما ندر وكلهم بيلتزموا حرفيا بخطط الرئيس وابن الرئيس وكان الله بالسر عليم ولا على راى الاخ عصام الشوال
30 عام من عمر مصر مضت ولا جديد يذكر ولا قديم يعاد فمحدش يحط امل على تغير وزارى

بس سبحان الله يا بتنجاني من اول الصبح وانا قدام عينى كلمات احمد فؤاد نجم

وطول ما مصر ولاده
وفيها الطلق والعادة
حتفضل شمسها طالعه
برغم القلعة والزنازين

ودول مدينى تفائل مش فى الوزرات اللى بتغير من غير ما حد بيعرف ليه ولا الوزرات الجديدة اللى محدش عارفها ليه بس متفائل بالشعب دة يمكن مجنون صح

ولا يا نصه كابتشينو ياعم علشان نضيع الصداع

Appy said...

رئيس جمهوريه نفسي
===================

لااااااا يا نحنوت عيب كده ادي كل واحد وظيفته نصه تخصصه الشيشه
بس الكابتشينو عندي يا عم هقول للواد التاني يجيبه متلخبطليش العيال هما متلخبطين خلقه وبيمشوا بقفاهم ده نصه اجدع من ميت وزير حتى عنده ثقافه التغيير يا راجل طول اليوم بيغير الحجر ولا بيكل ولا بيشتكي

خمسة فضفضة said...

السلام عليكم ورحمة الله وبركاته

ازيك يا بتنجاني هانم

شوفي يا ستي من ايام مؤتمر السكان اللي كان في اوائل التسعينات ده ، والسكان تاعبينهم مش عارفه ليه تقريبا عاوزين يغلواالايجار والسكان مش راضيين ، لا ومن بجاحتهم يقعدوا يقولولهم غيرولنا نور السلم لا دي السباكه ناشعه لا دا الاسانسير عطلان لا دا السلم مكسر وكل شويه قاعدين يقرفوهم في عيشتهم كده مهم سكان قلالات الادب وماعندهمش دم والحكومه غلبت معاهم يا عيني والبيج بوس طلعت عينه معاهم ومش عارف يرضيهم لحد ما قرر يتخلص من العبء بتاعهم فمره يضمهم للصحه ومره يعملهم وزاره لوحده ويجيب الست مشمش وزيره عشان تدلعهم كده وتشيلهم علي الكفوف الراحه ومتهيالي انه اخر ما يزهق منهم خالص هايشيلهم هيلا بيلا ويرميهم في البحر بلا سكان بلا نيله


ماتجيبي نفسين خلينا نظبط الطاسه

:))

سلام

tamer.sala7 said...

بقي عايزين تشيلو نظيف ؟؟

حمراااا

shayma said...

ايه ده يابنتى ده
انا مش فاهمه حاجه خالص
وزاره سكان ايه دى كمان
يالهوى هيا ناقصه وزارات
مش لما يمشى الحال بالموجود يبقو يخترعوا جديد
حاجه عجيبه والله

ماما أمولة said...

يا بنوتي يا ابي يا جميلة

هم بيغيروا الوزراء اللي مالهمش مشاكل

من باب الديموقراطية يعني

زي ما قلتي بالضبط شغال كويس

نقوم نغير نشاطه

صدقيني مافيش حاجة اسوأمن بتنجاني ها تروحي لحد فين مع ولاد .......الوزرا دول

Sherif said...

جميل جدا السكين
skin
الجديد

جيت ابارك وماشى على طول

تحياتى

Appy said...

خمسه فضفضه
============
اهلا اهلا يا دكتور
والله انا من راي ولا اسانسير ولا بتاع هما يسيبوا الناس تطلع السلالم على الاقل روحها تطلع للى خالقها ونرتاح
وهما يرتاحوا شوفتوا انا بجيب حلول عمليه ازاي
يا نصه حجر عنب فاخر هنا للهانم تعدل الطاسه وصايه الله يكرمك









تامر صلاح
==========
هي ايه دي اللي حمرررررررررا
(وش برئ) هههههههههه

Appy said...

شيماء
========
هو يا شيمو يعنى لو كانت سيادتي فاهمه كنت سالتكم ايه يا ربى العيال الهم دي اجيبلك حجر علشان تفهمي ولا انتى خفيف خفيف








ماما اموله
============

امممممم والله يا ماما لو هياخدونى لسان الوزراء فى مارينا موافقه اروح معاهم

Appy said...

شريف
========
ياااااا عاش من شاف حروفك يا شريف
دا انا مغيره اللوك من ردح من الزمن عارف الردح ده هو ده اللى اقصده
منوره يا شريف اوي جدا خالص

*البت المشمشية *حلوة بس شقية * said...

ابى
روحى نامى
وابقى اتغطى كويس يا حبيبتى

وومن said...

حراااام عليكي بجد يابنتي هايجيني الضغط والسكر نوبة واحدة

تغيير وزاري ايه اللي حاطه علية أمل ولا امها حتي

وكمان لسه الواحج بيصتبح بيعدل في دماغة يلاقيكي امية في وشة خبر وزارة سكان

ودي موقعها ايه من الإعراب مش كفاية الهيئات اللي اساميها مكلكعة ولا ليها اي لزمة لا كمان وزارة زياده

يعني العالم كلة ينقص الوزرات واحنا نذودها طب احم احم بقي

اندهيلي علي نصة يجيبلي اصتباحة تانية علي حسابك

kafrawy said...

هههههههههههههههههه

بيقولك ان ريس الوزرا
كان موافق ع التعديل اللى اتعمل دة بامر رياسى

تفتكرى نظيف هيكون موافق برضه ع التعديل اللى - ان شاء الله- هييجى باقالته و تكليف غيرة ماهو مش هيخلل ف الدنيا مسيرة ماشى برضه

هههههههههههههههههههههههه



غير الحجر يا صلاح

Appy said...

البنت المشمشيه
==============

طيب هاتى الغطا اللى اخدتيه









ميرا
=======
يا بنتى انا قولت لكي اقري الجرايد انتى سكرتيره مش هتنفعي معايا انا قررت ارفدك خلاص واحقق لكي امنيتك
هو انا هفضل ادور على الاخبار بنفسي واقولها ليكوا ولا ايه
يعنى انتم عندكوا ضغط وانا اتجمرك منى

Appy said...

kafrawy
==========
النبى اعمل فرح لو حصل كده
يا ريت بس ده خلاص تخطي مرحله المخلل والجبنه الاسطمبولى من زمان
وبعدين مش اسمه صلاح اسمه نصه حضرتك متروشوش الواد بليز

رئيس جمهوريه نفسى said...

طيب انا عايز كابتشينو بتاع احمد حلمي

loooooooooooooooooooooooool

عارفه ليه الكافتريات من احسن المشاريع اللى بتتعمل في مصر مش علشان العاطلين ولا وقت الفراغ والكلام الفاضى اللى بيتقال دة لا علشان بتطبق مبدء التخصص بشكل رائع تلاقي اللى بيغير الحجر غير اللى بينزل الطلبات غير اللى بيشرف على المكان لاحظيها كدة وقارنيها بوضع الوزرات ومصر اللى كل واحد فيهم عينه فى وزارة اخوة وعامل فيها ابو العريف وانى واحد دكتور اتطفال يمسك وزارة تعليم وانى واحد رجل اعمال صناعي يمسك وزارة مجتمعات عمرانية وتعمير كان المهندسين خلصت في البلد
ومشيرة خطاب تمسك وزارة اسكان

ياعم نصه انده بتاع الشيك ربنا يخليك علشان نروح نام الحساب عندى يا بتنجاني

سوبيا said...

يعني ايه تغيير وزاري
ويعني ايه وزارة السكان
انتي لغبطيني زياده فوق العادة
هي لغبطيني بتتكتب ازاي
انا ايه اللي جابلني هنا
ولا انا جيت ولا ما جتش
ولا ايه بالظبط
وهو انا عاجباني دماغك
ولا لا

بصي
تقبلي مروري
هما دايما بيكتبوها كده

واعذري الكلام اللي مش مفهموم ده
بس لو فهمتي
يأه فعلا عاجباني دماغك
ولو مش فهمتي
ولا يكون عندك فكر
لان انا نفسي مش فاهمه
وبرده عاجباني دماغك

دمتي
ست الهوانم

Appy said...

رئيس جمهوريه نفسي
=================
كده اتحبس وش انت عارف مليش فيه يا خويا لو ليه مكنش يتعز عليك انا اخري اللى انا قولت عليه وبس
وبعدين انت كلامك صح حتى يا نحنوت تغيير الشيفات علشان الناس اللى بتشتغل ترتاح والناس الزباين متزهقش افرض واحد بايت على الكافيه ذنبه ايه يشوف نفس الخلق كل يوم يالا دنيا

وبعدين يحرق نصه اللى مرمطوه ده الواد لو يعرف هيسيب الكافيه وهيشتغل رقاصه ارحموه بقى












سوبيا
=======

ليه الاحراج ده يعنى
افهم ايه بس هو انا فاهمه فين هما السكان ددول اصلام يعنى
ايه الهزار التقيل ده يا جدعان
ميرسي يا فندم على المجامله
يا نصه دماغ هنا للناس المجدع دول

Founoon said...

محمود أبو زيد وزير الموارد المائية والري السابق راجل محترم بس فوق التمانين عشان كدا طلب اقالته لانه صحيا مريض فعلا
يعني المسألة مش تغيير وزاري في الاساس من اصله دا وزير مش قادر يكمل فغيروه

اما بالنسبة لمشيرة خطاب فالست دي انا بحبها وبقدرها جدا هي فعلا انسانة مخلصة ومؤمنة بقضية وعايزة تعمل فرق ست مجتهدة فعلا والوزارة المستحدثة ( الاسرة والسكان ) مش بعيدة عن نشاطها السابق خالص بالعكس الوزارة هتكون نفس النشاط بس على نطاق اكبر من الطفل والام
والمجالس القومية كلها(الطفولة والامومة والمرأة ..) بقت منضمة للوزارة دي وتحت اشراف مشيرة خطاب

ربنا يكون في عونها لانها وزارة صعبة جدا لو فعلا اشتغلت صح هتفرق جدا في البلد

دا رأيي المتواضع
وبلاش تحلمي بتغييرات وزارية من اللي بالي بالك عشان ما توجعيش قلبك ع الفاضي

Appy said...

فنون
=======
كويس انك شرحتي انا عارفه انه طلبت الاقاله علشان سنه
بس مشيره يعنى ايه معنى الوزاره هي متقدرش تشرف على كل ده فى وزاره الصحه والسكان
ولا لازم وزاره جديده
بصى يا قمر كل العالم فى ظل الازمه بيرشد اسهلاك فى حاجات كتير احنا تقريبا الدوله الوحيده اللى بتخترع مواضيع
انى طبعا فاهمه يعنى ايه وزاره جديده يعنى ايه وزيره جديده
ثم تعالى هنا امومه ايه وطفوله انهى امومه الستات اللى متشحورين فى الشوارع يا فنون ومفيش تطور عارفه عيبك ايه
انك مجتيش اسطبل عنتر بس وعد اشدك من ةدناتك واوديك علشان تعرفي الامومه والطفوله بيعملوا فيها ايه مفيش تقدم غير يا حبيبى فى المناطق الراقيه اذا كان فيه
انا بتكلم عن واقع بنشوفه بعنينا
عارفه محو الاميه بينجحوا كده علشان يوروا للناس اننا معندناش محو اميه وبس
انما تعالى فى الحقيقه وانتى تعرفى المهازل
اتمنى يبقى فيه تغير مع ترشيد استهلاك او رشيده حتى بتاعت بكار
نورتى يا كميله ورايك على عينى يا جميل

tarek momen said...

ياستي الدفتر دفترهم و المأذون مأذونهم
انا اللي مضايقني ان اسمها مش لايق علي الوزارة
زمان قبل مايلغوا الوزارةدي
كان وزيرها اسمه ماهر مهران وزير السكان
شايفة السجع
يعني من عندي ياخدوا النصيحة دي
مشيرة خطاب وزيرة الأسرة و الأحباب
تمشي كده
تحياتي

Founoon said...

انا مش مقتنعة اساسا ان الصحة والسكان يبقوا سوا في وزارة واحدة

ايه علاقة دا بدا
وعمري ما شفت ان وزير الصحة بيعمل اي حاجة للسكان من اي نوع ولا حتى كلام في الهوا
وزير الصحة يبقى بتاع صحة ومسؤول عن المستشفيات والصحة

ماله ومال السكان ؟

ف مبدئا انا مقتنعة بوجود وزراة جديدة تهتم بالمواطنين اجتماعيا مهما كان مسماها

هما سموها اسرة وسكان واختاروا مشيرة خطاب وانا شايفة ان مافيش حد اكفأ منها للمنصب دا بصراحة

اسطبل عنتر وغيره اماكن غير صالحة للاستخدام الادمي وانا رحت هناك كتير والله وعارفه الاوضاع عاملة ازاي عشان كدا انا شايفه ان لازم يكون في حد مسؤول عن احوال الناس دي

انا معاكي ان المجالس القومية ما نجحتش نجاح مبهر والاوضاع ما بتتحسنش
بس احنا محتاجين 100 سنة من العمل المتواصل الجدي باخلاص عشان نلمس تحسن
واعتقد ان الوزراة دي بالشخصية دي بنحط رجلنا على اول طريق ال 100 سنة

مواطن مصري said...

احنا هنتغير لما الزمالك ياخد الدوري مرتين ورا بعض لسة فية امل

زي ما حاطت امل على الزمالك

شمس النهار said...

ماهو حاجه من الاتنين يااللغه العربيه بتاعتي باظت اكتر ماهي بايظه
ياانتي بتكتبي بلغه تانيه
في ايه
انا مافهمتش حاجه خالص
ده بوست عايز ترجمه علي صدره

همس الاحباب said...

تغيييييير
تغيييييير
اه سمعت الكلمة دى قبل كده
بس مش عارف امتى ولا فيييييين
تغيييييير وزارى
انسى يا باشا
دول لازقين على قلوبنا
ولا هينفع خلع ولا طلاق
ومبروك علينا وزارة السكان
ومبروك علينا الست امشيرة
اللى ناوية تخلينا سكان شوارع
تحياتى

لورنس العرب said...

أول تصريح صدر من السيده الوزيره بعد تولي الوزاره كان عجيب
قالت "سأعمل على الاكتفاء بطفلين فقط لكل اسره" لكنها لم توضح لنا كيف ستعمل على هذا الهدف تحديدا!!! يعني هاتمسك الناس ازاي؟
يعني لو انا اتجوزت وحبيت اجيب العيل التالت هاتقتله ولا هتعمل ايه بالظبط انا مش عارف

micheal said...

ههههههههههههههههههههههههههههههههههه
خخخخخخخخخخخخخخخخخخخخخخخخخخخخخخخخ
ده البوست ده ممكن يخليكي تزروي وادي النطرون مع إحترامي لأي ضهر ممكن تكوني مسنودة عليه
:)
بقولك إيه..ما نحاول نضبط كده ونشد حيلنا..يمكن نعمل وزارة إحماوية نمسكها بدل ما الواحد قاعد خالي شغل كده
:)
بقولك ايه..كفاية شيشة بقي
أنتي عارفة كويس أني صديق البيئة ولا أندهلك جزراية
:)
تعظيم سلام يا مهيب الركن ع البوست

Foxology said...

تغيير وزارى ؟؟ ده فى المشمش ان شاء الله

وبعدين مش جديدة حكاية التأييف والـاليف دى ايه الجديد يعنى ؟؟

ربنا يصبرنا

تحياتى

بت خيخة وأي كلام said...

و عندك واحدة شيشة نادية للمعلمة ابى وصلحوووووووووووووووووووو

ولا
حموووووووووووووووووو
التمساحة يلااااااااااااااااااا




وكل كلامى اللى فوق ده معناه حاجة واحدة بس

انى مش فاهمة اى حاجة
من اللى بتحصل فى البلد

ومشيها بلد

علشان نمشيها ديل الكلب



سلام
اختك خيخة

الضاحكون said...

هههههههههه
شكلك فاهم يا نصه
ههههههه
ابى هانم لايجوز مطلقا من.. فعل طلق يطلق تطليقا ان نتهم الساده الوزراء بانهم يظلون فى المناصب لفتره طويله بارادتهم
لا ياهانم
ثبت من نظريه فيسا غورث وده اخو فيثاغورث فى الرضاعه ان الوزراء فى مصر موصوف لهم من قبل الحكيم ان يظلوا فى الوزاره على الاقل 15 سنه متواصله لعل الله ينعم عليهم بالشفاء ولا يحتاجون الى دخول العباسيه

عبده الرايق

الضاحكون said...

بمناسبه الشيشه الموجوده فى الصوره
انا نسيت اسأل
المعسل ده قص ولا زغلول ؟؟؟

حسن حنفى said...

ايه هو كده كل حاجه مش عاجباكوا يعملوا ايه اكتر من كده بس

:d

هههههه

يا مراكبي said...

أنا سعيد والله إن المدونة دي لسه ما قفلتش ولا اتشمعتش بالشمع الأخضر .. ده إيه الديمقراطية الجامدة قوي اللي في مصر دي؟ إشي خيال يا ناس

عموما لو ليكي شوق في التغيير قوي كده أديكي فشيتي غلك وغيرتي الحجر .. عايوة إيه تاني؟

هو تفاحة والا معسل صحيح؟

مواطن مصري said...

مدام الزمالك كسب اربعة يبقى فية امل في التغير

بدراوى said...

فيرى نايس
انا كله كوم

و وزارة السكان ديه كوم تانى

على فكرة هى مقصود بيها
وزارة الأشعة
وزارة
ال
Scan

يعنى منفذة على الصحة

ههههههههههههههههههههههههه

بس هو احلى حاجة فى الموضوع الغرف بفتح الغين
يعنى اشى بقى مكتب جديد
و مستشارين
مناشير
نازلين واكلين طالعين واكلين
و مكاتب وكلاء وزارة
اول و ثانى

و يالا بقى
ان شاء الله محد حوش
:-)

مصــــري said...

آبي هانم

هنا يحضرني القول
وخدي بالك من يحضرني دي
الله خد الله جاب الله عليه العوض
جملة الست بتعة
في مسلسل شارع المواردي
ودي حاجة كده من الحفشينيات

التغيير الوزاري لا يؤثر في تماما
ودخول جون فينا في تصفيات كاس العالم
يجعلني حزيناً أكثر من ذهاب وزير
أو اتيان أخر

ومانجلكوش في وزير أبداً

سلامي للخرفان البمبة

تحياتي
أسامة

thunder said...

ههههههههههههههه تغير وزارة دى اشاعة وبعدين متزعليش منك القيادات يا ابى هانم انتى فكرتينى بعبدة مشتاق الله يرحمة ممممممممممممممممممممهو مشتاق للوزارة واحنا مشتاقين لوزاء بجد يحسسونا بى ادميتنا وبمصالحة المواطن قبل مصلحة الحكومة هههههههههههههههههه لا بجد شكلى جالى زهايمر انا كمان يابنتى بطلى فى هكومة وشكلك ناوية تحجزى سويت فى ركن القناطر ولا ابو زعبل ومتحلميش كتير مين قال اصلا ان فى وزارة اتغيرت ابقى نامى كويس واقفلى البلكونة وعلى راى فلاح كفر الهنادوة يجعله عامر

مصرى وبدرجة مواطن said...

كان لابد من التغيير على الاقل الناس تلاقى حاجة تتكلم فيها علشان نعلم الناس الديمو....... قراطية اهه ناس بتمشى وناس تانية بتيجى او على رأى اللى قال المية تروى العطشان وتطفى نار السكان

mido said...

مبروك علينا بقى عندنا 32 وزارة

:))


بما أنك محضرتيش حفل توقيع كتاب نوارة -- دى شوية صور عندى

جنّي said...

السلام عليكم

مساء الخيييييييييير

غيرنا الحجر يا هانم ..

يغيروا ايه دول اتجوزونا جواز كاثوليكي لا فيه طلاق ولا خلع ..

والدستور ها يخلي الابن يتزوج ما تزوج اباه ..

سلام

تامر علي said...

أما عن الوزارة الجديدة والست الجديدة فهي آخر مسمار في نعش الأخلاق في بلدنا حيث أن المهمة الأساسية لها (من زمان) هو تهيئة المجتمع لتطبيق بنود مؤتمر بكين بكل قذاراته وحقاراته على الشعب المصري ونجحت نجاح جزئي حتى الأن وكانت آخر نجاحاتها مشروع قانون يمنع محاكمة الأطفال(تحت 18سنه) في قضايا الدعارة والقانون قيد التطبيق يعني الوزارة الجديدة هي وزارة الإباحية في الفترة القادمة وبكره نسمع الفضايح .
أما وزارة الري فشأنها شأن باقي الوزارات (ملهلش لازمه يعني ) فقالوا يلغوهم واحده واحده وبدأوا بالغلبان بتاع (أمبو) ده :)

Appy said...

استا>نا الكبير طارق
=======================
يعنى المأسوف على شبابها كانت موجوده الوزاره قبل كده
وفشلت طيب يعنى واضحه اهى
عموما انا هطالب بتغير اسمها لا تكلك








فنون
========
هو واضح انك مقتنعه بمشيره لدرجه الاستماته طيب خدى بقى يا ستى امبارح عرفت المعلومات دى ما انا مبهداش برضه
مشيره خريجه اقتصاد وعلوم سياسيه بلديات الريس عندها ولدين خريجى نفس الكليه
بس اتجهوا لعمل تانى مش اقتصاد ولا علوم سياسيه
اشتغلت ملحق وسفيره فى جنوب افريقيا
هتلاقى فى المصرى اليوم انها طلعت قالت انها مش عارفه ايه اهداف الوزاره ولا ايه اللى ممكن تعمله
ثم مش مشيره دى برضه يعنى اللى قالت الاطفال تحت 18 سنه ميتعقبوش على الزنا
ولا انا غلطانه
ثم ايه علاقه الصحه بالسكان
هى الصحه دى لمين للقطط فى الشوارع
ما اى حاجه خاصه باسكان والاسره
قوليلى بقى واحده اتعينت وزيره علشان الريس قابلها وعرف انها بلديته
يبقى ايه
مع عدم معرفتها باى شئ عن الوزاره
والكلام ده عن لسانها فى المصرى اليوم
واتقال فى برنامج الطبعه الاولى
اه وزير الرى فيه اربع اسباب لمشيه من الوزراه
يقال هو طلع وقال انا مش تعبان ولا حاجه ويقال انه اتشال علشان هاجم الوليد بسبب موضوع توشكى ويقال انه بسبب عدم مقدرة على اقناع بتوع جنوب افريقيا انهم يمضوا على تعاقد
ويقال بسبب مهاجمته للحكومه مؤخرا علشان مشروع توشكى فى مؤتمر فى سينا
يعنى الراجل مطلبش الاقاله
اه مشيره اكفا ولا مش اكفا انا اعتراضى مش على الشخصيه خالص والله
انا اعتراضى على وجود الوزاره دى اصلا
انتى فاهمه المصاريف هتبقى ازى فاهمه ايه اللى هيحصل ركزى يا بطوطه فى الرد بتاعى الاول وانتى تفهمى انا معرفهاش علشان اعترض عليها او هى كشخصيه متخصنيش
وبعدين ايه علاقه سياسه واقتصاد بالسكان
هو انا مش قولت ميه مره محدش ينقل ابو الهول جنب النيل
صباح الفل يا فنون
















مواطن مصرى
=============
موت يا حمار بقى

Appy said...

شمس النهار
==============
هبعت لكى المعجم بتاعى يا شموس








همس الاحباب
===============
انت هتفشر انت عمرك ما سمعتها غير لمل المدام بتقولك انا هغير للبنت البامبرز
انما فى حته تانيه اتحدى

الربان said...

تحياتي

و الله انا شايف ان حضرتك هاتحتاجي تغيري
عشرين حجر و ليس حجرا واحدا فقط...

التغييرات الوزارية في مصرنا المحروسة تأتي و تذهب دون ان يعرف الناس السبب
و من هنا يأتي العجب.

من تاريخ صدور قرارات التعديلات الوزارية و انا غي حيرة من أمري...
لا اعرف اصلا ما المقصود بوزارة السكان
كانت ايام المرحوم د.ماهر مهران اسمها وزارة انظر حولك...لانها مهتمه بتحديد النسل والانجاب...و صرفت الملايين بدون فائدة لاننا شعب بيحب الانجاب..

سمعت معالي الوزيرة علي التليفزيون بتقول فيما معناه ان الوزارة ستهتم بالاسرة ككل.
في رأيي انه لدينا المجلس القومي للمرأة و المجلي القومي للطفولة ....يبقي الوزارة اتت
حتي تنصف الرجل المسكين الذي لا يوجد له
مجلس قومي ههههههه.

الامر الثاني تغيير وزير الري لاسباب صحية...و الرجل ما شاء الله يبدو في
اطيب صحة...متعه الله و الجميع بالصحة
والعافية....

ياريت المسؤولين يحترموا عقول الناس...
و ان تكون هناك مصارحو و مصداقية بين
الحكومة و الشعب...لان بدون هذا لن يكون هناك اي تقدم....حتي لو كان هناك
وزيرا لكل مصري...


تحياتي و تقديري...و بلاش الحجر...لانني خايف علي صحتك لانك هاتغيري حجارة كثيرة.

Appy said...

لورانس العرب
=================
ستعمل
اه طيب كويس والله ده على اساس ايه بقى شرعى ولا عرفى اللى هتعمل معاهم كده واحده بتقول الاطفال تحت 18 سنه ميتحاسبوش على الزنا وترجع تعمل
وداخله اصلا تقول انا مش عارفه اعمل ايه فىالوزاره يا لورانس بلا فقعه مراره
والله ما عندى مشكله
المشكله فى التوقيت ابن التيت وخد دى طلعت بلدياتى الريس مسقط رأسه يا عم










فيشو
=========
يعنى انا اقول ترشيد استهلاك فى الوزارت وانت تقولى وزاره جديده ابقى مناقه يا ابنى التنظيم بتاعنا ميتحملش كده احنا خلينا ملمومين شويه بعدين نقلب براحتنا

Appy said...

فوكس
========
طيب ما المشمش بيطلع كل سنه محدش بيتغير ليه









خيخه خوخاتى
=============

استرى عليه وهمشيها زى ما انتى عاوزه عونيه يا فقسه نيتى

Appy said...

الضاحكون
============
عبده باشا
تصدق انت برضه علامه فى الفيزياء وعرفت ازى بقى انهم اخوات فى الرضاعه
امممممممم
لا الشيشه دى جنينه فواكه اجيبلك







حسن حنفى
==========
انا قولت شعب نمرود قرود

Appy said...

يا مراكبى
==========
طيب والنبى تتقفل والوزارات اللى عندى دى ارميها فى الشارع دا انا عندى 95 وزاره
وبعدين محدش يقدر يجى ناحيتى اسيب عليهم وزاراتى تأكلهم
الشيشه كل الانواع ما عدا التفاح والكريز والكنتالوب والقص والزغلول
اخلى الواد ينزل لك حجر ولا ايه








بدراوى
==========
طمنت قلبى والله تصدق مكنتش عارفه افهم هما قاصدين بيها ايه انت طلعت خلبوص ومثقف اهو

Appy said...

مصرى
========
ايه يا اسامه يحضرنى دى
انت بتذاكر من ورايا مش مسمحاك








thunder
==============
تصدق برضه انا قولت المشكله فى الغطاء تقريبا حد بيسرقه من عليا بالليل وببرد
هأخد بالى برضه

Appy said...

مصرى وبدرجة مواطن
=====================
ما انا قولت هما مش عاوزين يزعلونا
برضه الناس كستر خيرهم والله









ميدو
========
تسلم يا جميل والله كان نفسى اجى بس بطوط كان مزنجر وزعلان هشوفهم

Appy said...

جنى
========
طيب هو حضرتك شرعا عادى يتجوز الابن مرات ابوه
ولا هيخلوا اى حد يعمل لهم فته ويمشوها









تامر على
===========
دى يا تامر طالعه تقول انا مش عارفه مش هقدر اعمل حاجه قبل خمس سنين
امال عاملين الوزاره ليه بتقول انا معنديش خطط
ربنا يأخدهم بجد والله

حازم سويلم said...

واضح يا آبى انك متابعة (جلال عامر), حيث انه دوما يردد ان التغيير الوحيد الذى يحصل فى المحروسةهو تغيير حجارة الشيشة, وبالكتير تغيير الستائر

Founoon said...

مش هنكر اني بحبها ومقتنعة بيها جدا
وشايفاها انسانة مخلصة وحقيقية مش زي شلل النصابين الافاقين الوصوليين اللي ماليين البلد

ومتفقة معاها في فكرة انا الاصلاح مش هيحصل في يوم وليلة

انا اساسا شايفة اننا محتاجين سنين طويلة من الشغل اللي بجد عشان نقدر نطلع كوادر تشيل المسؤولية وتصلح في البلد

يعني محتاجين السنين اساسا عشان نطلع كوادر مش عشان نصلح

بالنسبة لموضوع وزير الري انا سمعت الكلام اللي اتقال كله ووارد والله مش بعيد عننا يعني

بس وزارة الاسرة والسكان حتى وان كان اسمها مابيوضحش هي بتاعت ايه الا اني شايفة اننا نستنى ونشوف يمكن تعمل اللي ماقدرش غيرها كتير يعمله

تحياتي يا بتنجاني :)

سومه...مجنونه فى بلد عاقل said...

شوفى انا اوعدك انى حفهم فى القريب العاجل ان شاء الله :))

بت خيخة وأي كلام said...

فيه أوشاعة فى البلد بتقول
ان الحاجة مشيرة من كفر مصيلحة

وعلشان كدة انكل حسنى عملها وزارة مخصوص


بلديات بقى

صوت من مصر said...

يعنى وزاره الاسكان دى هتخلينى الاقى اكل واسكن واتجوز ولا هتبقى زى الباقى فراااااااااااااااااااااااااااااغ

حاجات جوايا said...

يعنى هى هتفرق يا ابى
تتغير او متتغيرش
مهى بايظة بايظة
انتِ لسه عندك أمل ولا ايه ؟؟؟؟؟

ساره said...

بالنسبة ل نصة غير حجر الشيشة ولا لسة
عشان هى الحاجة الوحيده اللي ممكن تتغير


أبي وحشتيى ياقلبي

mony said...

و انبي يا اختشي انا كنت بطلت افقع مرارتي بالاخبار اللي تحرق الدم ديه

و لا اعرف دلؤتي مين مسك ايه و لا مين عمل ايه


مش احسن رضك

مجداوية said...

السلام عليكم

العنوان تمويه بقالك تدوينتين

الكلام تحتيه كبير ومهم

ايه حركات كولومبو دي

:)

mahasen saber said...

رحاب افهم حاجه بس يعنى الوزاره دى هتدى لكل شاب شقة بطيخ ولاا هتديله فى وشه

يا رب متكنش الاخيره

جنّي said...

السلام عليكم

لغاية دلوقتي ما لاقوش حد يعملهم الفتة ( على حد تعبيرك )حتى امامنا الاكبر سألوه هل يجوز ان جمال يرث الحكم بعد ابوه ؟ قال لهم لا يجوز ان ينكح ( يتزوج )الرجل ما نكح اباه ..

بس برضه ها يعملوها

هو بشار احسن من جمال

سلام وكفاية كدا ما توديناش في توكر

EmY said...

هي الارمله اتطلقت امتي ازاي تطلق من ورايا مش حد يقولي كنت هافرحلها

انتي ازاي مكنتيش عارفه ان الحكومه اسره واحده بيحبوا بعض

مش عيب الكلام ده يعني ست مشيره يوم ما نحب نجاملها تاخد ايه اقل من زاره محندقه كده علي قدها

اكيد وزارة السكان دي هاتاخد بالها من السكان و تهشتكهم و تبشتكهم و تخليهم منشكحين كده 24 ساعه في اليوم

يعن الراجل عايزاه يزهق من 8 سنين في الوزاره في غيره مبرطع 20 سنه و ليه عايز يطور و يجدد

مافيش طلاق لو مش عاجبك ارفعي قضية خلع و انا هاشهد معاكي

وومن said...

يا آبي قولتلك قبل كدة انا قطعت الجرايد من ساعه ما بابا لغي اشتراك الأهرام

ثانيا سكورتيرة جامي نو احتج انا بيرسون اسيسنت علي درجة اوفيس مانجر قد الدنيا

ومش شغلانة رفد هي يعني قدمت استقالتي رفضوها انقطعت عن العمل اسعبطوا رفدوني ورجعوا في كلامهم
قولت ارفع عليهم قضية عرفت انها علي مايتحكم فيها هابقي انا سبت الشغل في معادي طب اعمل ايه

وبعدين اقرا جرايد ليه وانتي موجودة ده انتي ولا العربية اللي بتبقيك علي إطلاع

ايوشة said...

هما عملوا تغير وزارى ولا اعرف
وعلى راى المثل اللى خده القرعة تاخده ام الشعور

حنين القلب said...

هههههههههههههههههههههه

والله انتى بتحلمى يا آبى
انتى فاكرة ان التغيير ده هيغير حاجه من حال البلد

ابقى قابلينى

وان كان عاجبنا اهه غيروها واللى مش عجبه يخبط راسه فى اتخنها حيط
ولا عزاء للسيات ولا للرجاله
لان الميت راح وراه الشمس


وحشتينى يا حبيبتى

الشنكوتي الكبير said...

ايه الصداع ده كله
كل ده علشان تغيير وزاري
قال تغيير وزاري قال
ومن امتى كان فيه حاجه بتتغير في بلدنا يا بنتي
قالك كل واحد يبتدي بنفسه التغيير يبدأ منك
قعدنا نتغير ونتغير لحد ما غيروا نفسنا خالص وقلبوا بطننا
وحاسس اني هارجع الي في بطني على المدونه بتاعتك دلوقتي

وبعدين اهي البلد كلها ماشيه على النظام ده هو انتي فكرك ان الوزاره بس هي اللي مبتتغيرش
روحي شوفي شركات القطاع العام وقطاع العام الأستثماري
المدير بيبقى عنده 80 سنه وبيموت ومبيطلعش معاش
رئيس مجلس اداره شكره كبيره عيان وبيتعالج بقاله سنتين بره مصر على حساب الشركه والدوله طبعا ولسه برده مدير ومبيطلعش معاش مع انه قرب على التسعين سنه
النائب بتاعه اللي شغال مكانه عنده حاجه وسبعين
والمديرين كلهم من النوعيه دي
اللي يجنن اكتر ان اللي على دكة الأحتياطي والجيل الجديد اللي عليه الدور يمسك القياده بعديهم كلهم عدوا الستين سنه
متفهميش هم هيعينوهم ولا هيمدولهم كسام سنه ويقوهم مديرين
ماشيين على نظام الي يدخلها مبيطلعش
ولا بالطبل البلدي
يبقى عايزه الوزير بجلالة قدره يسيب مكانه
هي الدنيا زي سلك الكهربا الكهربا توصليها في اول السلك تلاقيها مسمعه في اخره برده
وبلدنا مش هتغير حد من مكانه ابدا

لحد ما ربك يشاء والسر الألهي يطلع

تكون طلعت روحنا

سلااااااااااااااااااااااام
اخوكي ايهاب

hasona said...

السلام عليكم

تعديل وزاري يحتاج الي تعليل

المشكلة مش في التعديل الوزاري اذا كان من يختار هو نفس الشخص
واذا كان نفس الشخص يؤمن بالثبات الوظيفي والبيات الوزاري
اذا لك الله يا مصر
،،،،
أما وزارة السكان
فهي الوزارة المنوطة بمكافحة السكان والقضاء عليهم
وتأجيرها مفروشة لغير المصرين والسادة كبار رجال الدولة

ومن ثم القضاء علي التركيبة السكانية
،،،
كل الوزراء ليسوا في أماكنهم الصحيحة

ان شاء الله التغير قادم لا محالة
،،،،،
تحياتي

hasona said...

لست مدون وانما قارئ
متابع حسب الوقت المتاح

أشكرك علي السؤال

tamer.sala7 said...

يوم اليتيم موافق الجمعة 6 ابريل ايه رأيكم تقضوه مع ايتام الاسكندرية ؟؟


لو حد حابب يشارك يا ريت

مواطن مصري said...

ابي ابي شوفي الخبر دة
نائب بالوطني يقترح الإعدام العلني لمرتكبي جرائم الاغتصاب
http://www.masrawy.com/News/Egypt/Politics/2009/march/16/rape.aspx
مصراوي - خاص - طالب محمد خليل قويطه النائب عن الحزب الوطني بضرورة اصدار تعديل تشريعي عاجل في قانون العقوبات بحيث يتم إقرار عقوبة الإعدام علنًا لمرتكبي جرائم الاغتصاب ليكون ذلك رادعًا لمن تسول له نفسه ارتكاب مثل هذه الجرائم.
وأكد عويطة في النداء العاجل الذي قدمه لمجلس الشعب أهمية سن تعديلات تشريعية جديدة لمواجهة حالات الزواج العرفي والاغتصاب ومظاهر الانحرافات الأخلاقية فورًا.
وأكد النائب ضرورة إصدار تعديلات تشريعية، للحد من الزواج العرفي والسري وزواج المتعة، بحيث يسمح للمحكمة في حالة إنكار الزواج والنسب، إخضاع الأب الذي أنكر نسب مولوده إلى تحليل الحامض النووي D.N.A لإثبات النسب أو نفيه.
وأشار إلى ضرورة استحداث نصوص تشريعية تسمح للمغتصبة بإسقاط الحمل بالإجهاض في حالة إذا نتج حمل عن هذه الجريمة مع وضع الضوابط التي تكفل عدم استفادة غير المغتصبة من هذه التيسيرات، و أن يتم الإجهاض قبل مرور 120 يومًا على الحمل، مستندًا بذلك إلى فتوى أيدت هذا الرأي صدرت عن مجمع البحوث الإسلامية.

hasona said...

السلام عليكم

Appy planet

حبيت أنوه أني لست مدون ولا أملك مدونة
لكني أحب القراءة
لذلك أتابع القراءة الحية (المدونات ) من آن لأخر
واذا حبيت أن أضيف تعليق-أكتب اميلي(علي جوجل) واكتب ما يجول بخاطري وأرسله

والمفاجأة أني ما أعرفش مين حسونة اللي بيظهر ده-لأن أسمي محمد
احتمال أكبر انه عيب من الموقع نفسه
مع ذلك وجدت انها لن تفرق كثيرا

تحت أي أسم
،،،
شكرا لك كتير
لكن علي الاقل عرفت انك زورتيني وانا ماكنتش موجود-الباب مفتوح دائما

المحاولة لا تندرج تحت جناحي النجاح أو الفشل -لكنها تعني الاصرار والامل

بصراحة مافيش وقت لأكون صاحب مدونة ودي مسئولية كبيرة

وفي نفس الوقت مش أحب أنافق أحدا أو حد يجاملني أو يهاجمني

ما أقوله من القلب الي القلب

وسأُتابع قدر الامكان

بأعتبر نفسي عابر سبيل

تحياتي لك وشكرا

محمد عتلم said...

اللى له ضهر ميتشالش من تغير وزاري واللى له مؤخره يتحط فى وزاره
هيا بقت كده يابتنجانى ؟؟

Appy said...

الربان
==========
يا سلام ريحة قلبى كده يعنى انا مبتجناش عليهم وزاره وعملوها ولغوها رجعوها تانى ليه
وسكان ايه بس اللى هيعملوا لهم ترشيد استهلاك مش لما الاول يوجهوا الناس دى للمناطق الجديده البلد دى بقت بتمشى بحاجه غريبه جدا سايبه كل الامكانيات ومحلك سرك
بجد بجد يعنى انا زهقت منهم
الحجر ده ولع خلاص وانا اتدمرت جنبه يالا دنيا









حازم سويلم
==============
مين فين والله ما شوفته يا بيه
هو مين ده

Appy said...

فنون
=========
وانا مش مختلفه بس اقرى راى الربان كده وانتى تفمى قصدى هو عبر عن اللى انا عاوزاه وخلينا نشوف
ده بعد كامم سنه يدينى طوله العمر بقى لما ابقى اشوف كلب حتى فى الشارع اتغير
نورتى يا بطتى












سومه
========
السيده فى ضهرك يا شيخه واتوبيس هيئه نقل عام فى وشك ما تفهمى هتتفرسى وتتفقع مرارتك بلاش خليكى كده

Appy said...

خيخه خوخه
==============
دى مش اوشاعه يا اوختى دى حكيكه عاريه اقرى ردودى على فنون هتعرفى لووووووووووولىىىىىىىىى
عقبال عندك لمما تطلعى من بلده وطلعى لنا تربنتينه









صوت من مصر
===========
لا هتخليك تتجنن اكتر ما انت يا مواطن

Appy said...

حاجات جوايا
===============
اه عندى امل اختى ربنا يخليها والله








ساره
========
دا انا مبهدلاه معايا كل شويه يغير الحجر الواد هيطفش منى
وانتى كمان يا قمرايه

Appy said...

مونى
=====
انا اكتر حاجه بسمعها انهم مسكوا حرامى هههههههههه
انما حاجه تانيه لا






مجداوية
=========
مانتى ريا
شوفتى تربيتك بقى بقت كرنبه
ايوه كرنبه احسن من خزوعبل ده اللى بتقولوا عليه
طيب مفيش حاجه كده يعنى هديه بتاع جايه ايدك فاضيه ربنا يسامحك بقى

Appy said...

محاسن صابر
=============
هتديله مقلب حراميه
هى هتوعيه انه ميخلفش وانه ينظم النسل
بس نفسى افهم ينظم ايه اذا كان مش متجوز حاجه هم يا بنتى








جنى
======
لا منشار مش احسن من جيمى
ودار الافتاء هى المكان السليم فى الكره الارضيه لعمل الفته ابقى تعالى اجيب لك طبق من هناك

Appy said...

ايمى
========
شوفتى ادى اخرة سيبانك للناس واحده تطلق واحده تتجوز واحده تمشى على حل ضفايرها يا بنتى امسكى الناس كويس
بقولك ايه منفسكيش فى وزراه كده اجيبها ليكى









وومن
=======
اممممم ده استغلال وش يا بنتى كده ماشى مش عارفه من غيرى بس هتعملوا ايه

Appy said...

ايوشه
==========
انتى عكستى المثل ليه يا بنتى ايه العيال الحوله دى
اسمها اللى خدته ام الشعور تاخده القرعه








حنين القلب
=============
طول عمرى طيبه وبحلم بحاجات غريبه هبقى اغير الغطاء برضه اهو حمايه
وانتى كمان يا قمر

Appy said...

الشنكوتى
===========
يعععععععع عليك امشى ياض وشى ورك الناحيه التانيه
اه تصدق الناس دى يا اخى متبته فى الكراسى بشكل رهيب
والله الشباب لهم حق يجلهم تخلف عقلى وكساح كمان
يالا دنيا فونيا وزمن كباس واصلح بوابير جاز







hasona
==========
اولا اهلا بيك وسعيده بمعرفتك
ايا كان اسمك بقى
ثانيا
هما يعنى هيغيروا الشعب عاوزينه ملون
طيب والله انا ملونه برضه يعنى مش ابيض واسود
وعيلتى كده تفتكر هيغيرونا ولا هنتساب زى ما احنا

Appy said...

تامر صلاح
===========
عاملينه هنا علشان المكتبه اللى هنعملها لاسطبل عنتر يا تامر
ابقى تابع على قوس قزح وبيكيا موضوع الكتب








مواطن مصرى
==============
قوطه قوطه
يا راجل اقوله ايه بقى حمرا يا قوطه
افلح ان صدق
يا ريت
بس اقولك على سر لو عملةوا كده اغلبية بتوع الوطنى هيعدموا فمعتقدش بس المفروض ان ده موجود بس القاضى مبيعملوش
وحكوك الانسان بطالب بعدم الاعدام ومصر دوله متفنيخه فزيعه مريعه ولسه بتعمل احكام اعدام
واللى عندهم اسلامفوبيا بيطالبوا بالغاء الاعدام
كده الراجل لو قارى شويه هيتجنن علشان مش هيبقى عارف رايح فين ولا جاى منين

Appy said...

محمد
========
ادخل على الاكونت بتاعك وغير فيه الى اسمك الصح
ودايما منور يا سيدى عابر سبيل وصاحب بيت

Appy said...

محمد عتلم
=========
انت ظهرت على الشاشه يا فنان كنت مختفى فين
ايووووووون هى دى بقت المصلحه فى مصر هتقدر تبقى عندك الامكانيات لده اوك هتدخل وزاره ولو دخلت مش هتخرج اى خدمه

arsenalwy said...

ابى

خليكى فى القهوة علشان لو طلعتى منها هتتعبى او لو قررتى تطلعى روحى البيت افتحى الكمبيوتر واقعدى قدامه

قلب ينبض بالحب said...

هههههههههههه فقرية يا ست بتنجاني بس والنبي استخبي شوية احسن تكون كبش الفداء بتاع التعديل الوزاري يالا فوتك بعافية

شفقة هانم واحسان بك said...

إنتي بتحطيني في مزنق كده
يعني هما إختيارين وبس ؟؟
يا تغيير وزاري .. وده طبعا من تاسعتاشر المستحيلات
يا إما نغير حجر الشيشة ؟؟
طيب واللي مابيشربش شيشة .. يغير إيه ؟؟
يغير مراته مثلا ؟؟
هههههههه

وبعدين مالك ومال مناخير شفشوقتي ؟؟
هي مش ليها راجل ياكلها مناخيرها ولا إيه ؟؟
ربنا يرزقك بواحد شبه تايسون ياكل مناخيرك ويحلي بودانك كمان


تحياتي
إحســان

أسوور said...

ارجع واقول

مفيش فايدة

wanna b a physician said...

وزارة السكان يعنى وزارة تقعد تعد السكان ونشوف هنقتل كام واحد عشان نقل ونحل ازمة المواصلات والاسكان
وتشوف كام واحد هنهد بيتهم وننقلهم الصحرا وهكذا

دى وظيفة مش عجباكى يعنى وبعدين لو اى ساكن ضايقك هيتعامله معاه بصفتهم مسئولين عن السكان
ولما تحبى تسكنى فى حته وعايزه تسألى عن الجار قبل الدار اسأليهم

بلا وجع قلب