فتوى عمل المهلبيه



امبارح بالصدفه بتفرج على فيلم بتاع اوقات فراغ مش هقعد اقول الفيلم حلو وهايل لانه فعلا واقعى بالصدفه الولد بيقول للبنت المفتى سمعته اجاز البوس شرعا وقال
البوس حلال شرعا يا حازم ههههههههه
البنت سابت كل ده ومسكت فى كلمه قالك يا حازم
انا طبعا ضحكت لسبب تانى خالص ان فعلا مبقاش خبر اجازة البوس من عدمه او شرب السجاير فى رمضان من عدمها
الغريب انه قال يا حازم ههههههههههههههههه
الشباب بقوا شويه وهيطلعوا افتى لوحدهم كل واحد عاوز حاجه يعملها ويطلع بيها فته جديده
قووم ايه على الصبح النهارده اقلاقى سى جمال البنا بيقول

جمال البنا يجيز تطليق الزوجة وابقائها كعشيقة في حالة التعرض لاشكالات قضائية

طيب انا مش هقدر اتناقش كتير فيها بس اللى اعرفه ان كلمه عشيقه دى كلمه بتهين المرأة جدا وبتجرح كرامتها اللى عندها يعنى ازاى واحده كانت زوجه هتقبل ده
نيجى ليه هو عمل كده علشان بره بيحرموا او بيمنعوا زواج الاتنين طيب ما تتنيلوا يا ترجعوا من بره يا يتجوزوا واحده طالما قانون البلد بيمنع
الحاجه التانيه ليه شيوخ الازهر وبما ان الازهر له هيمنه المفروض فى العالم ده زمان يعنى احم احم
ميحميش موضوع تعدد الزوجات فى كل مكان ويطالب بتنفيذ الشريعه على المسلمين فيه (ده بصرف النظر عن انا موافقه او لا هههههههههه)
بس بجد فيه ناس بتوافق على الزوجه التانيه يبقى يحموهم ويطالبوا يستثنوا الزوجات الاجانب اللى اسلموا ويبقى خلصنا
بدل ما يطلع علينا واحد عنده هلاوس سمعيه وبصريه واللى عاوز يفصل فتوى ياخد فى ايديه حاجتين حرام او عكس بعض ويتكل على الله ويروح له الراجل هيظبط على الاخر

الخبر التانى

زوجة عفيفي وأمه تنازلتا عن الدعوي في مكتب المحافظ بعد زيارة أحد الضباط لمنزله

فاكرين ده البمبوطى اللى مات فى السويس طبعا مع الاسى الشديد من قلبى على اللى بيحصل بس اهم اخدوا تعويض احسن ما يبقى زى ما بتعاملنا الحكومه النخعه الخرعه بتاعتنا واللى بيتقتل ملوش ديه
السفيره الامريكيه اعتذرت للاسرة وتوصولوا لحل انهم يتانازلوا مقابل مبلغ مادى
انا طبعا عارفه هنقول هى ديتها اعتذار عن كل واحد يموت وخلاص وناخد فديه هقولكم ميبقاش موت وخراب ديار
الاعتذار الرسمى كويس مش وحش وكون اتمسكنا بحق الراجل لغايه لما رجع يبقى كويس
قارنوا بقى ما بين ده ودى امريكا
وما بين اللى بيحصل من اسرائيل
بيتهموا القتل فى اى حد سودانين مرة
عصفورة شايله زلطه وقعت منها موتت الظابط والبنت
اى كلام ولا حد بيعتذر ولا حد بيتكلم
تفتكروا مين سيد العالم امريكا ولا زفته الطين اللى عارف الاجابه يرسلها فى باكو لبان على الكوكب وله خروف هديه

خدوا بقى دى خبطه فى الجون فى الدماغ
أباظة يهدد بإجراءات صارمة ضد شركة الوليد بن طلال لتقاعسها في استصلاح أرضها بتوشكي

هو مش احنا قولنا توشكى دى خلاص خرابه عاوزين ايه من الوليد يعنى هى الشحاته هتبقى رسمى ولا ايه هما الناس دى بيضحكوا على مين نفسى افهم
وهو الوليد بالسذاجه دى
ولا الخزنه فاضيه اليومين دول طيب يشحتوا او ينصبوا بشياكه
طيب والنبى الباقى فين باقى الاراضى يا ناس
النوباريه اللى محتاجه الاهتمام مع انها بطلع افضل خضار وفاكهه ومترمين فى الشارع
مش القيين اللى ينقلها قتلوا احلام الشباب هناك بجد
مش عارفه هى مصر رايحه فين وشكلهم بقى منيل شبه الشراب الشمال اللى ريحته وحشه جدا من نصب لشحاته لنيله على دماغهم اصلوا الشحاته عند المصريين بقوة وخلوا الناس بقت متواكله

كده كفايه عليكوا وكل سنه وانتم طيبين

حكمه الامبراطورة

انتهت الزفة وضرب الدفوف وجات الهبلة تقول عاوزةتشوف

كان معكم مراسلكم من عند دار الحاج فته شيخ الطريقه الخرفانيه آبى هانم

144 اخبط وقول رايك:

Hierro said...

اول تعليق


حجزززززززززززز

قلب ينبض لله said...

ليس علي جمال البنا حرج
ما أعرفش هو كبر في السن ولا أيه
كلامه وفتواه غريبة جدا عن الأسلام وعن أي دين بصراحة
ربنا يهديه علي كل حال

كل سنة وأنتي طيبه ورمضان كريم

Hierro said...

الملكه آبي

بعد التحيه والسلام وفروض الطاعه والولاء
حلوه اوي حكاية واحده بواحده دي فعلا والله بجد فتاوى اليومين دول (حقيقه بقى مش افلام) بتعمل جاهدة على تضليل الشعب بكل لطرق المتاحه
الناس دي إتجتتن ولا إيه

والشحاته العلني دي كمان ولا يهمكوا هو إيه اللي مبقاش علني عشان الشحاته تستخبى

وبكل بساطه إجابة مني على السؤال((هي مصر راحه فين)) انا بيتهيألي إننا كلنا كدا بالصلاة ع النبي طالعين ع الجحيم في السفينه المباركه اقصد جحيم الدنيا ها دا إذا مكناش وردنا على مشارفه خلاص


تقبلوا تحياتي اتمنى التواصل

الطائر الحزين said...

ليس هؤلاء من نأخذ عنهم العلم

=========
رمضان كريم

زوج مخنوق said...

ابي هانم
بجد جمال البنا ده حرام اللي الاعلام بيعملهوله ده
ده المفروض يرموه في زريبة
مش الاعلام الفاشل بتاعنا عمال يتنطط وراه علشان ياخد فتاوى منه الناس تفضل تضحك عليها
الاعلام بيعمله ضجة و الراجل لاقى نفسه كده بقى معروف و ليه لازمة
و هو اساسا فردة صندل
لا و اللى يغيظ بقى
انهم بيكتبوا عليه مفكر اسلامي
خلاص
الاسلام ده بقى مرتع لكل واحد
اي متخلف عقليا يقول اي حاجة في الدين يتقال عليه مفكر اسلامي؟؟
بجد اعلام ساذج

بس عجبتني قوي حتة

واللى عاوز يفصل فتوى ياخد فى ايديه حاجتين حرام او عكس بعض

هما ايه دول اللي عكس بعض؟؟

و بالنسبة لموضوع الشحاتة هو ده اللى مخلينا ملناش كرامة بين دول العالم

لسه كنت باقرا عند كوبا حتى العمال السعوديين اللى في السفارة هنا بيتنططوا علينا

انا ما نزلنيش من هناك من السعودية الا كرامتي
ماليش خلق و هناك فاكرين المصري ده درجة تانية

هي دي اخرة الشحاتة

زوج مخنوق said...

و بتسألي مصر رايحة على فين ؟؟
مصر رايحة تجيب أومو
بس يا رب تلحق تيجي

قلب مصرى said...

الفتاوى التفصيل دى اختراع حكومى بحت والشعب ماشى ورا خطى الحكومة.

أبو خالد said...

أبنتي الغالية رحاب
جمال البنا شخص لا يعتد بكلامه بلغ من العمر عتيه و خرف
من ناحيةآخري كل عام وأنتي بخير و صحة و سعادة و جزاك الله خيرا علي الفيديو كليب
دمتي أبنة غالية

حسن حنفى said...

ونقول الووووووو

للاسف كل واحد بقي بيقول فتوه من دماغه

والبلد خلاص

بالنسبه لجمال البنا فدي مش غريبه عليه

كل شويه يطلع فتوه من دول

أحمد كمال said...

شكرا على جولة الكاميرا يا آبي هانم ، و الحل أنا بعته لك بس الظاهر لزق في جزمة من اللي ماسكينها

رئيس جمهوريه نفسى said...

بتنجانى
اولا كل سنة وانتى طيبه
نمسك نقطه نقط وبما انى مش حعلق على تدوينات طوال شهر رمضان اتبحبح واخد راحتى واطرقع صوابعينى واكتب برحتى
موضوع جمال البنا
بضو صوتى لصوت والدى العزيز بانه بلغ من العمر عتيه فعلا وياستى تضم فتواه دى لسلسة الفتاوى السابقه الخاصه باللمم اللى مش بتحاسب عليها كشباب وبتغفرها الاعمال الصالحة بعد كده وفتواه بخصوص الحجاب اللى بيتشدق بيها اللى بيعارضو الحجاب وفكرين الاخ ابن عباس او احد الصحابة وكلامه انزل بس تصدقى الراجل ده ماشى خطوه خطوه اولا قال البوس بين الشباب معلهوش ذنوب وده اللمم وبعدين اباحة اتخاذ عشيقة وياريت الناس اللى بتقول اعمال العقل تشوف اعمال العقل لما بيبقى عقل ناقص وصلنا لفين واحب افكر الاخ جمال البناء بقول اللة تعالى
وآتوهن أجورهن بالمعروف محصنات غير مسافحات ولا متخذات أخدان....."
صدق اللة العظيم
نقطة البمبوطى
لو طبقنا القاعدة اللى بتقول ما لايوخذ كله لا يترك كلة يعنى اهل البمبوطى كنت اتمنى انهم ياخدو حقهم كامل بس اعتذار رسمى من السفيرة والتعويض المالى كويس قوى وبلاش النعرة الكذابة اللى حتقول كان لازم اللى تسبب فى موته يتعاقب علشان احنا عارفين اننا مكناش حنقدر نعاقبة ولا بالطبل البلدى مش علشان حاجه علشان ضعف الحكومة المصرية وبلاش نروح نقارن الوضع باسرائيل نقارن بين الموقف الامريكى والموقف المصرى لو اللى تسبب فى موته حد من الحكومة المصرية كان حيترمى مبلغ لا يذكر بدون اعتزار ورغم مسئولية الحكومة بشكل مباشر عن حوادث تشبه دى كتير بس مافيش ريحة الدم ولا الاعتذار زى قطار الصعيد وزى قصر الثقافة وغيرة
موضوع توشكى الارض مش السجائر
قولت فيما سبق انى توشكى كمشروع اتعرض ايام جمال عبدالناصر اللة يرحمه واكتشف الخبراء انه غير مجدى اقتصاديا وخرج المشروع علشان يتقال انه اتعمل فى عهد مبارك على حسب ما اوردت جريدة ليفجارو الفرنسية للاسف مش قادر اجيب اللينك لانى المقال من سنين وفى فترة من الفترات كان توشكى والموبيل هما السبب فى ازمة السيولة فى البلد ولو عايز يطبقو الاجرات القانونية ضد الوليد بن طلال بيفكرو يبيعو المجمع لية ليه وبعدين اشمعنى الوليد بن طلال ما يشفو اللى مسقعين الارض فى خليج السويس عزور ليه قطعة ارض كبيرة هناك معملش فيها حاجه ولا اللى بيسترو الارض على انها زراعية وبعدين تتقلب بقدرة قادر مبانى وتتبنى عليها كمبوهات وكمبوخذ تتباع بالشى الفلانى ما اتخذوش اجراءت ليه ضذ داماك اللى خدت الارض واقترضت من بنوك مصرية على حسابهاولمت مقدمات الحجز وحولت الفلوس على دبى تبنى بيها مشاريعها ولسة مضربتش طوبة فى الارض والناس اكتشفت بعد كدة انها لسه مخدتش موافقه رسمية على المشروع بس ابتسم انت فى مصر
معلش يا ابى الواحد داخل على ايام مفترجه ومش عايز يطول فى التعليقات ويقعد لوك لوك لوك

مهندس مصري said...

ما هو جمال البنا برضه اللي كان افتى ان البوس بين الولاد و البنات من صغار الذنوب اللي بتمحوها الحسنات
يعني بيشجع على كده
اما فتواه الجديدة فأعتقد انه يقصد انها تفضل مراته بس لما الحكومة الأجنبية تسأله يقول لهم دي الجيرل فريند
و هناك ده مقبول عن الزوجة التانية لإن الأخلاق عندهم ماشية بالمقلوب بس الأحسن طبعاً انه يتجوز واحدة بس او يفضل في بلده بلا وجع دماغ و كذب على الحكومة
بالنسبة للأزهر من ساعة طنطاوي ما مسكه و هو في النازل
و أهدر إحترام و كرامة الأزهر عالمياً و حالياً لا تعتد أي جهة شرعية خارج مصر بفتاوى طنطاوي بعد إباحته لمنع لبس الحجاب في فرنسا بقوله إنه شأن داخلي

السفيرة و إعتذارها
اعتقد انه فعلاً زي ما قلتي حاجة احسن من مفيش و ربنا يرحم الشهيد البمبوطي
بالنسبة للوزير بقى
أؤكد لك انه هجاص و فنجري بق و لا يقدر يعمل حاجة
لإن العقد اللي بينه و بين الوليد بينص على اننا نوصله المياه في الترع الاول و بعدها هو يستصلح
و مفيش ميه مشيت في الترع لغاية دلوقت و كل اللي مستصلح هناك دلوقتي مستصلح على المياه الجوفية بالآبار
يعني ممكن هو اللي يطالبنا بتعويض عن تأخيرنا في توصيل المياه ليه
و شروط العقد في صالحه لإنه واخد عقد إحتكار ألعن من إمتياز القناة بتاع ديليسبس و لا حد يقدر يقول له تلت التلاتة كام
أنا كان مشروع تخرجي من كلية الهندسة هو تخطيط و تصميم فرع رقم 1 في توشكى اللي هو بتاع الوليد و مساحته 120 ألف فدان و منهم كان بيقولوا 10 % للخريجين و الباقي للوليد
فأنا عارف انا بأتكلم عن
إيه بالضبط
و حسبنا الله و نعم الوكيل

صانعة الأحلام said...

ابي هانم

بصي سيادتك انا ليا تعليق


أولا مش عشان شيخ مخه تعبان حبتين وفيه مغرفش ايه من جوة - مش معرفش لاء مغرفش -لأنها اكيد مهلبية او زلابية او مببار وفي التلات حالات وهشة ومنيلة وبايته

هنحكم على الازهر كله بانه بقى وحش هو كمان ... لاء انا أوكدلك انه لسة فيه ناس بتتقي الله ولا تخشى فيه لومة لائم


نرجع بقى للموضوع ... انا مش عارفة الأخ جمال دة مشكلته ايه بالظبط... ايه اللي مخليه انه يحب ان يشيع الفاحشة بين الناس ... هل ياترى هواية ... هل ياترى مرض نفسي ... هل ياترى حب للظهور على طريقة خالف تعرف ... بس على فكرة هنا ليس تميز ولا حتى اختلاف ... دة شذوذ وخروج عن المألوف


عموما مش عايزة اطول عليكي
بس برسلك تحياتي

وكل سنة وانتو كلكو طيبين

tamer.sala7 said...

مع الاختلاف الكبير في جميع اراء جمال البنا بس مش عارف ليه انا موافق علي الموضوع ده يعني هو اجاز ده في دول معينة وبشروط معينة وزي ما الدنيا كلها عارفة ان الجواز اشهار ورضا وقبول وبعدين مينفعش يبقي واحد مهاجر ومعاه لجوء سياسي تقوليله ارجع بلد مهو لو كان ينفع انه يرجع بلده مكنش اتأخر وبعدين هو اجاز الفتوة دي للحفاظ علي الاسرة من التفكك لأن جايز اوي يكون فيه اولاد ويتشردو بسبب قوانين عامية والموضوع كله ممكن يتحل بأجراءات روتينية وزي ما الرسول قال انما الاعمال بالنيات
وده برده ميديش الحق لأي حد يفتي وتحفضي الوحيد علي الخبر هو هو لفظ الابقاء كعشيقة لأن الكلمة دي تجرح كرامة اي راجل بمعني انا ممكن اتجوز واحدة ويبقي ليا عشيقة واحدة تانية غيرها انما مينفعش يبقي ليا عشيقة وفي الاخر اتجوزها

بالنسبة لزوجة عفيفي انا كنت متوقع الفدية والفلوس بس مكنتش متوقع الاعتذار الرسمي ومكنتش متوقع ان اهله يتنازلو

اما موضوع اباظة الراجل ده انا بدأت اكرهه اكتر من يوسف والي لأنه بجد مش فاهم اي حاجة في البطيخ وحاسس ان هو بيشتغلنا كلنا و حنصحي الصبح نلاقيه اخد الفلوس وباع الارض الزراعية وخلع

محمد الكومي said...

اولا رمضان كريم

ثانيا موضوع اوقات فراغ عادي يعني الرسول عليه الصلاة و السلام من زمان قال استفت قلبك و ان افتوك الناس

يعني من الاخر كل واحد فينا عارف في قرارة نفسه الصح من الغلط

فمافيش داعي ان كل واحد ياخد الفتوى اللي على مزاجه و يسيب اللي ماتوافقشي هواه

ثانيا موضوع العشيقة معاكي حق فيه تماما

هو اهانة شديدة في مجتمعنا و لكن لله في خلقه شئون يعني في فرنسا مثلا الراجل لما يحب مراتهخ جدا و يكون عاش معاها فترة كبيرة ماتلاقيهوش يقول عليها
madame

تلاقيه بيقول
ma bien amie
et
le bien amie

يعني عشيقتي الاولى او المفضلة بمعني ان العشيقة في عرفهم درجة اعلى من الزوجة و الحبيبة

للمعرفة ليس الا النقطة اللي فاتت دي عشان مايتفهمش اني برحب بكلمة عشيقة احنا مجتمعنا بيرفضها و انا مع مجتمعنا بس تقدري تقولي زي طرائف كدة

ثالثا

الوليد بن طلال

عادي جدا
اقولك انا مفاجأة بقى نااااااااااااار

مدينة الشيخ زايد كان بانيها الله يرحمه الشيخ زايد و ده من اندر الخلايجة اللي بيحبوا مصر

طبعا مصير المدينة معروف هو كان عاملها لاسكان الشباب غير القادرين و بتسهيلات و الحكومة استلمتها من هنا و باعتها ب 150 الف جنيه من 14 سنة طبعا المدينة سافرت لاصحاب الكروش و انهاردة الشقة فيها بتعدي ال 700 الف جنيه

انهاردة ابنه الشيخ خليفة عايز يعمل مدينة الشيخ زايد 2 للفقراء و سكان العشوائيات و متردد لانه خايف الحكومة برضه تبيعها غالية او تزبطها للاغنياء

رابعا بالنسبة لموضوع الكليب

عايز اقولك ان انا موافقط تماما في موضوع ان التصوير غلط

بس المفروض ناخد الغلط من الاكبر للاقل

يعني مثلا الغلط الاخطر و الاكبر هو استغلال النفوذ و السفالة على ربنا انا ماعرفلهاش توصيف قانوني و ماعرفش ان كان ليها عقوبة ولا لا

بس هي الفكرة

ان مايبقاش في حد بيبلطج و بينتهك القانون بالطريقة دي و نيجي نقول بقى انتهاك الخصوصية
ماشي في انتهاك خصوصية بس في غلط اكبر

و على فكرة انا اليومين دول مشغول و هفضى يوم التلات و بفكر بجدية اني اقدم بلاغ في نيابة اسكندرية الكلية في الست الهانم و لحد دلوقتي ما قررتش

و عموما ربنا يقدم اللي فيه الخير

و كل سنة و انتي طيبة يا ستي و يعود عليكي بالخير

وومن said...

آبي

طب بذمتك اضحك ولا اعيط

طب لو ضحكنا علي ترزية الفتوي وعلي الفتاوي اللي متدخلش عقل عيل صغير

نعيط علي كرامتنا اللي متبعترة برة وجوة

ولا علي اننا بقينا قدام العالم شحاتين عيني عينك

ولا علي ايه ولا علي ايه

يالهوي بجد

محمد الكومي said...

اه صحيح موضوع البمبوطي

ده حصل عشان احنا في دولة

لامؤاخذة

و لا مؤاخذة دي بس عشان مدونتك دي نظيفة متطورة مابتحبش القباحات

سبحان الله في الكومنت الاولاني بتاعي مارضيتش اكتب عن الموضوع ده عشان ماشتمش بعدين لاقيت انه اهم موضوع و حبيت ابين بس اني ماتكلمتش فيه عشان نظافة المدونة

و لو كنت وقعت عليه كان زمان شلال مجاري طفح في البلوج عندي

عموما الراجل ده دمه في رقبة الدولة
ال

لا مؤاخذة
و مشيها لامؤاخذة

عايش ولكن said...

ابى
جمال البنا بيدور دايما على الفتاوى اللى ضد الشريعه او اللى بتعمل بلبله وللأسف اعلامنا بيدور على الحاجات دى وعاوز ينشرها مش عارف ايه الهبل اللى بيعملوه ده
انا سمعت منه حكاية ان البوس حلال دى وكمان بيتبرأ من شيوخ الازهر بيقول مبيعرفوش حاجه ( ال ايه هو بسلامته اللى علامه) المشكله انه اخ لشيخ محترم جدااااا الله يرحمه بقا الشيخ حسن البنا
اما حكاية توشكش فتوشكش دى بقا دى موال تانى خالص اللى مش عارف بقا انتى عارفاه ولا لا ان المشروع بتاع تشكش ده اتعرض على الرئيس جمال والرئيس السادات ومحدش وافق عليه انما جت البقره الضاحكه بقا هى اللى وافقت عليه بقا وحسبنا الله ونعم الوكيل فيه صرف عليه دم الشعب ومطولناش منه حاجه الا اغنيتين علشان الموضوع يتطبخ كويس عاوزينها تبقى خاضره الارض اللى فى الصاحره ههههه ربنا ينتقم منهم
فموضوع انهم يشحتوا علنى بقا اصلهم باعوا للوليد اراضى كتير هناك على انه هيستصلحها بس طبعا خلاص بخخخخخخخ كله كلام
دمتى مبدعه
علاء

مصــــري said...

آبي هانم بتنجاني

عن جمال البنا أنا كاتب عنه بوست محترم
وان كان احسن علاج لدول هو التجاهل

والبمبوطي مش محتاج حقه
عشان يبقي زي المصريين اللي انضربوا في شرم من اسرائيلين

وتوشكي
يعني ايه توشكي؟؟؟؟؟؟؟!!!!!!!

تحياتي
أسامة

mony said...

ازيك يا ابي وحشاني بجد


جمال البنا يا ابي ماعليهوش حرج خالص

هو من امتي بيتاخد بكلامه


المشكلة انه واخد شهرة اخوه و عامل لنفسه قيمة


اما باقي الاخبار التانية

فخلاص انا اخدت عليها و مابقاش في حاجة بتشدي اني اعرف ايه اللي بيحصل تحت بيتي حتي


بمعني تاني مابقاش في حاجة جديدة


المهم سيبك انت

كل سنة و انتى طيبة يا جميل

bastokka طهقانة said...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

الشنكوتي الكبير said...

انتي يا قله يا بتاعة السوياسه
انتي يا بنت مش هتتلمي بقى ولا ايه
عايزاهم يجوا يعلقوكي انتي وخرفانك في المدبح سوا سوا
خليكي براحتك بقى
المهم يا بنتي كل سنه وانتي بصحه وسعاده ولو على الفانوس جهزوا انتم بس افطار للمدونين في رمضان وانا ابقى اجيبلك الفانوس وانا جاي
بس قوليلي هو لازم الفانوس يبقى على شكل خروف

سلااااااااااااااااااااااااام
اخوكي ايهاب

ana ga3an said...

الحج جمال البنا للاسف
هو اخو الشيخ حسن البنا الغني عن التعريف
وللاسف جمال البنا ممن يطلقهم عليهم التكنوقراط اي العلماني المتدين
وهو المحب للسياسة الغربية او الامريكية علي وجة التحديد
والنظريات الاقتصادية و العلمية و الاجتماعية وهو متدين
لكن متدين منة فية
يعني لا يري ان الحجاب فرض شرعي
وان للذكر مثل حظ الانثيين ان الكلام دة مينفعش في العصر بتاعنا

موضوع زواج الاثنين في الدول الاجنبية اسمحيلي مرتبط بامور كثيرة
منها اذا كان المسافر اصلا متجوز اتنين في بلدة وطبقو علية النظام دة
واحدة منهم مصيرها اية ولو كان عندها عيال
هارتجع اكيد بدلها لانها ملهاش خلاص اقامة علي زوج
واذا فرضنا انها لظروف هاتوافق انها تطلق مدنيا يعني علي الورق فكلمة عشيقة لن تذكر هناك ولا مرة
ما وضع الابناء اذا كان في
هل سيتم التأمين الطبي عليهم ولا هايتمتعو بالتعليم المجاني ولا بالرعاية الاجتماعية
اذا كانت امهم بلا عائل رسمي امام القانون

اما عن الاخ اللي قتل من قبل السفينة الامريكية هايتم صرف 750 الف جنية مصري لاسرتة تعويضا
وقررت الحكومة منها خوفا علي اهل المتوفي من الفرحة صرف التعويض علي دفعات ميسرة
100 جنية كل شهر

خمسة فضفضة said...

السلام عليكم ورحمة الله وبركاته


ازيك يا ابي
كل سنة وانت طيبه رمضان كريم

بالنسبة لجمال البنا فاماتديلوش من وقتك كتير لانه بيخرف ويقول حاجات كده مالهاش اي لازمه ومش عارفه الازهر ساكت عليه ازاي ؟؟؟
اعتقد انه مش بيبقي حاسس بالكوارث اللي بتطلع من بقه
ربنا يخرجنا منها علي خير

اما اهل عفيفي فامعزورين اذا كان في بلاد بحاله مش عارفه تقف قدام امريكا هايقفوا هما

واذا كانوا مش لاقيين مسانده من البلد اللي المفروض تكون اول الساعيين لتفجير القضيه والمطالبه بالقصاص والتعويض العادل يبقي هايعرفوا يخدوا حقهم

عارفه لو كان العكس هو اللي حصل كان زمان جيش امريكا عمال يبرطع عندنا

حسبنا الله ونعم الوكيل

سلام يا قمر

الدفاع said...

هى دى مصر بعينها يا آبى هانم
وفى كتير جدا من الفتاوى اللى بتصدر لعمل فرقعه وهيصه والناس يتخانقوا ويختلفوا عليها وتاخد فى رجليها كام الف واحد من الناس يقتنعوا بيها لانها بتيجى على هواهم ويمسكوا فى خناق الناس اللى رافضه ويزداد انقسام المجتمع ويتفرق اكتر ماهو متفرق ويكره كل قسم الاقسام التانيه ويبقى مستحيل اجتماعهم على شئ
وهكذا دواليك
تحياتى وكل عام وانتم بخير

mayada said...

كل سنه وانت طيبه ياابي
جمال البنه ده بتاع اللبان مش حرام في رمضان هههه بصي اصلي يااوختي في ناس كده
عاملين زي طابع البوسطه كل ما .............عليهم يلزقوا
اهو العينه دي بتاعه جمال البنا وخالتك نوال السعداوي ابقي ارمي كلامهم في اقرب صفيحه زباله تقابلك ده حتي الرد عليهم قله قيمه تجاهلهم افضل شويه كلاب خليهم يهوهو لهم شويه
وبصي ياابي هتقولي الناسممكن تاخد بكلامهم هقولك محدش صغير والناس عارفه الصح من الغلط بس هما اللي عاوزين يستعبطوا ويخدروا ضميرهم
..............
زوجه البمبوطي بقي ياستي
الست معذوره ناس غلابه ياابي عاوزين يعيشوا انا مقدرش احكم علي موقفها
لان انا ظروفي الاجتماعيه والماديه غيرها وربنا مايحكم علي حد بالحوجه لانها وحشه
...................
الاستاذ بتاع تشكي سي اباظه افندي انا مش هتكلم عند ياريت يروح يلهي مش مكسوف يروح يقعد جنب الحيطه كته خيبه
وتوشكي دي كانت نصبايه علي فكره
وخدي التقيله بقي
عاوزين يعملوا قناه من العالمين عشان يخضروا الصحرا الشرقيه
مش عارفه هيجيبوا لها ميه منين دي
ولا مش يخليهيهم في خيبتهم التقيله
الي جانب انطبيعه الارض في الصحرا الشرقيه فيها مشاكل يعني مش عارفه يااختي اقول ايه ربنا يهدهم يارب

محمود المصرى said...

بسم الله الرحمن الرحيم

كل عام وانتى بخير يا حاجة آبى

بالنسبة لجمال البنا فهو مش مفتى ولا حاجة دا واحد طاقق وكل شوية يطلعله بكلمتين عبط زيه , وربنا يشفى كل مريض , انما ايه موضوع البوس حلال يا حازم فى فى الفيلم ولا حقيقى ولا ايه بالظبط؟
بالنسبة لتوشكى هى المفروض اساسا المفيض معمول علشان يصرف الزيادة فى بحيرة السد العالى اللى فوق المية وتمانين متر لأن أحتمال السد مش اكتر من كده , فلما الفيضان يعلى يصرف فى المفيض بتاع توشكى , اما الاراضى التى تستصلح هناك فهى تروى بمياه الابار لأن مياه النيل ليست مستدامة فى المنطقة يعنى بظروفها لما المية تعلى بس , ولكن الحكومة صرفت على استصلاح الاراضى هناك قيمة تسعة مليار جنيه , ووزعوا الاراضى على كبار المستثمرين زى الوليد بن طلال اخد مائة الف فدان بحوالى خمسة مليون يعنى الفدان واقف عليه بخمسين جنيه بينما الدولة صارفة على الابار والخدمات والبنية التحتية ما يوازى عشرين الف جنيه للفدان , يبقى مش موضوع شحاته يا حاجة دا موضوع ان فى واحد نهب الارض بمساعدة الحكومة بتاعتنا واخد الارض بتراب الفلوس علشان يستصلحها وماعملش كده وقام زرع تمنميت فدان بس كانتلوب وعنب بيصدرهم , احنا مال اهالينا ندفع فلوس استصلاح اراضى علشان الوليد بن طلال يصدر عنب وفراولة ؟

تحياتى ومبروك المدونة فى شكلها الجديد

mostafa rayan said...

كل سنة وانتي طيبة يا آبي

Vague said...

السلام عليكم ورحمة الله وبركاته

رمضان كريم عليكي

وان شاء الله يسيب اثر فيكي بالايجاب طوال حياتك

بنت القمر said...

يعني الست تحفي عشان يتجوزها وبعد ما يتجوزها يطلقها ويمشي معاها{ عشيقه} ليه بتجوز عشان تفرح امها وتتطلق تغيظ في ابوها
احيه يا سوسو احيه؟:)))
ضحكتيني وشر البليه ما يضحك

rara said...

كل سنة وانتى طيبة

ورمضان كريم

Gannah said...

آبى
الراجل جمال البنا ده ولا حول ولا قوة الا بالله حصل فى مخه حاجه
وكل ما اشوفه اسمع منه كلام ينرفز العفريت والله يسامحه اللى سايبه يفتى
وحسبى الله ونعم الوكيل عشيقة ايه يا راجل ؟؟؟؟؟؟
الاسلام كرم المرأة وجمال البنا اهانها واعادها الى العصور المظلمة اوىىىىىىىى
كل سنة وانت طيبة يا آبى
تحياتى

وجهة نظري said...

عن فتوي جمال البنا، دي أول فتوي يقولها صح، مع إنها مش قابله للتنفيذ حتي في الدول الأجنبيه .... وبعدين هيا تنفع للمتجوز إتنين أو اكتر من قبل ما يروح الدوله التانيه، لأنها تبقي مهزله لو راح هناك متجوز واحده وعمله 2 والا 3 عشيقات ويقولك متجوزهم ههههه

الأزهر فقد فعاليته تماما في التأثير علي أي جهه أو دوله أخري، وده ناتج عن حاجات كتيره معظمها دولي .... وده موضوع تاني كبير أوي أوي ليه وقته إنشاءالله

عيلة البمبوطي خدوا تعويض جيد وإعتذار كمان ولسه مش عاجبهم ... يحمدوا ربنا إنهم طالوا حاجه .... إلي ماتو في العباره مخدوش نص إلي خدوه، وغيرهم دايخ السبع دوخات مع الحكومه المصريه نفسها علشان 5000 جنيه تعويض عن حوادث

إلي بيحكم العالم ولا هيا أمريكا ولا إسرائيل ولا يهود ولا أي حد ليه هويه ... إلي بيحكم العالم هو "النظام العالمي الجديد" ... كيان ملهوش أرض ولا دين ولا أخلاق ... هم طايلنا وطايل غيرنا، وكله بيلعب لمصلحته قبل ما الفريره تطوله وتفرمه ..... مصر وإسرائيل وأمريكا وكل دول المنطقه بيلعبوا الدور المطلوب وكل واحد بيحاول يلاقيله مكان قبل المفرمه ماتيجي .... ما علينا

أما بقي أباظه والوليد فدي حكايه مش عارف إيه وراها ... بس ممكن وغالبا أسلوب ضغط علشان مكسب في حته تانيه ... نظام سيب وأنا أسيب .... الأخبار دي مش بالسهوله دي، ممكن يكون وراها بلاوي ملهاش دعوة بتوشكي أساسا، وتكون متعلقه بصفقه في السودان مثلا

أما بالنسبه لتوشكي .... فدي وراها شغل عالي أوي. مهو معروف من الأول إنها مش نافعه وأي خيبه، بس كان المطلوب وجودها في فتره زمنيه معينه علشان تغطي حكايه تانيه، الله أعلم هي إيه

تحياتي

Ahmed Al-Sabbagh said...

ههههههههههههه

كل سنة وانتى والأسرة الكريمة بكل خير

ورمضان كريم

وبعودة الايام

تقديرى ومحبتى

أحمد

بنت سيناء said...

طيب ولية بدل ما نحط حجج ونخلى الزوجة عشيقة ما نحكم الجالية المسلمين فى كل مكان؟؟او من اسلم حتى
جماعة الخير..لا تفقدوا الثقة فى مشايخنا ..وانا وصلت لقناعة وهى((استفتى قلبك))
آبى...اخر سطر ((الحاج فتة شيخ الطريقة الخرفانية))اشعر فيه برائحة سخرية على الشيوخ ومن حج بيت الله لا يجب ان نقول عليه الحاج (فتة)على الاقل اعتبارا لما زار من اماكن مقدسة
عذرا..ولا تزعلى منى

darkskies said...

هو فعلا الفتوى غريبة ومش مقبولة وهو كل فتاويه على هذه الشاكلة
المهم ان دى فعلا مشكلة فى البلاد الغربية انهم يجبروك على تطليق مراتك الاولى عشان تتجوز الاجنبية وتأخد الاقامة
و فى ناس فعلا ما بتعترفش بالطلاق ده بينها وبين نفسها على اساس انه مجبر عليه
فتلاقيه مطلقها فى امريكا ومتجوزها فى مصر
فكون انه فتى باباحه كده ماشى ده رأيه بس ليه اصلا نقول ان رأيه ده فتوى وعلى اساس ايه هو يفتى

ahmed_k said...

للأسف جمال البنا ده أخد حجم أكبر من حجمه
أنا على فكره
بأطلق عليه إسم (قبيح الهدم)لأنه ليس به أي جمال ولا أي بناء
رحمنا الله من مفتين التيك أواي
بتوع الفضائيات
وأهو ناس بتجيب فلوس للقنوات الفضائيه والسلام ومش مهم ما يقدمونه من فكر وفتاوى فاسده
لا حول ولا قوة إلا بالله

وتقبلي خالص التحيه

the ghost said...

اذيك يا ابى.مشعارف كل لما بقول ابى بحس انى بقول ابى بابا يعنى.انا بالنسبة لى جمال البنا دة راجل راااااااااااايق بشكل مش عارف الكلام اللى بيجيبة دة بيجيبة منين.عموماياابى دى اول مرة لية هنا فكل سنة وانتى طيبة ورمضان كريم وهحاول اقرى بوستاتك كلها

appy said...

hierro
==========
طيب وماله مبروك عليك اول تعليق وكل سنه وانت طيب اهلا بيك اول مرة فى الكوكب واول تعليقع نورت







قلب ينبض لله
===========
هههههههههه ليس عليه حرج طيب واللى بيمشوا وراه بقى بجد فيه ناس بتمشى ورا كلامه
نورت الكوكب

appy said...

الطائر الحزين
=============
دا انا جبته نكته الموسم بس وعلم مين ده اخره يرفع على مصر اذا عرف يميزه عن علم اى دوله تانيه
كل سنه وانت طيب







زوج مخنوق
=============
يعنى واحده حلال والتانيه حرام وهما يظبطوها على بعض ويدولك فتوى جاهزه هههههههههه طيب ممكن تخليها اريال علشان بينضف احسن هههههه
نورت وكل سنه وانت طيب

appy said...

قلب مصرى
==============
امال هنمشى وراك يا ريس هههههههه نورت يا ابو رقيه







بابا ابو خالد
===============

كل سنه وحضرتك طيب والاسره طيبه ومنورنى دايما

appy said...

حسن حنفى
=========
هو بيفصلهم انت متعرفش خد اتنين فتوى منه وعليهم واحده هديه







احمد كمال
===========

هههههههههههههه طيب مش تقول لهم يمسكوا شوز نظيفه شويه هههه
نورت يا بشمهندس وكل سنه وانت طيب

appy said...

رئيس جمهوريه نفسى
==================
نحنوت نور تانى وطرقع صوابعه زى دماغه
اول مرة اتفق معاك يا محمود فى حاجه يا لهوى انت هتنتقل للرفيق الاعلى ولا ايه اوعى تفهم غلط الرفيق الاعلى هتسكن فى الدور التالت يعنى ههههههههههه
نورت يا نحنوت








مهندس مصرى
===========
اهلا يا هندسه كل سنه وانت طيب
طيب وكل واحد مسموح له بكام جيرل فريند بقى على كده ولا هينزلوها فى الكوبنات هههههههه
نورت يا هندسه وشكرا للمعلومات الكويسه عن توشكى

appy said...

صانعه الاحلام
==============
حبيبتى انا مش عممت طبعا وعارفه ان فيه ناس افاضل محترمين جدا وكويسين
بس فعلا الازهر بقى تفصيل على الحكومه فاهمه طبعا
ابقى راجعى قبل كده بوستاتى هتلاقينى متكلمه عن ناس فى الازهر هايلين انا عمرى مش بعمم بس مننكرش ان الازهر دورة قل اوى فى العالم وكلنا عارفين
نورتى الكوكب يا قمر وكل سنه وانتى طيبه








تامر صلاح
===========
اقرى رد انا جعان ورد رئيس جمهوريه نفسى ولو وافقت انت بعدها بحق
وبعدين يتنيل يسبها هنا طيب يتجوزااتنين ليه اساسا
غير كده ليه الازهر مش يحاول يصلح الكلام ده
زوجه عفيفى انا عذراها وبجد خطوه حلوة مش وحشه مش بدل ما يروح فطيس يا تامر
نورت الكوكب وكل سنه وانت طيب

appy said...

محمد الكومى
===========

محمد هى مش استخدمت سلطات ولا حاجه ركز بس وانت هتفهم لو من الاول يا كومى هى صاحبه نفوذ مش كان زمانها اتصلت بابوها ده اول تصرف صح هى مش عملت كده الا لما الولد بدأ يبلطج عليها
على فكرة لو بنت حد كانت فعلا اتصلت من الاول صدقنى انا اكتر حد عارف ده لان ليه اصحاب منهم وقرايب كمان مش دفاع بس دى حقيقه العقل بيقرها
ثانيا حاسب ميت حد بقى على سب الدين يا محمد كل يوم من سواق لظابط لكل حاجه محمد ممكن تكون شتمت غصب عنها مش هنعلق لها المشنقه ومش بقول انها مش غلطانه بس انتم بتكبروا الحاجه بدون داعى يا كومى وانا عارفه انك عاقل ومش ماشى فى القطيع لان فيه ناس غاويه فرقعه وانت مش منهم انا متاكده
كل سنه وانت طيب







وومـــــن
==============
اضحكى يا حبيبى هتعيط ليه عيطنا عليهم كلهم المتخلفين دول
نورتى يا قمر الكوكب

appy said...

محمد الكومى
===============
على فكرة انا مبسوطه للموضوع ده بدل ما دمه كان ضاع هدر وعلى فكرة السفيرة علمت البلد ثقافه الاعتذار بطريقه شيك واقرت بالغلط الدور والباقى على اللى مش بيعترفوا بالغلط اصلا نورت يا كومى ومستنيه الاسكريبت






عايش ولكن
===============
سبحان الله شتان بين الاتنين
يالا الراجل عاوز يبقى مشووور اوى والاعلام واللى بيحصل والانقسامات اللى الحكومه عاملاه بتعمل دورها
نورت وكل سنه وانت طيب

appy said...

مصرى
=======
هشوف البوست
بس انا مش ضد انه ياخد حقه بجد انا مبسوطه ان فيه ح بقى اتعمل له حساب ودوله تانيه قدرته بجد والحزن على ان بلده مش قدرته
نورت يا اسامه وتوشكى دى حاجه وحشه ملكش دعوة بيها







mony
========
وهو يجى ايه فى اخوه لا يا حبيبى هو موظف نفسه صح
نورتى يا مونى وكل سنه وانتى طيبه يا قمر

appy said...

bastokka طهقانة
=================

كل سنه وانتى طيبه واسرتك بخير يا رب نورتى الكوكب







الشنكوتى الكبير
===============
عارف يا ايهاب لو مجبتوش على شكل خروف النبى لاقومها عليك وانت عارف انى حقنه صح ولا تنكر هههههههههه
كل سنه وانت طيب يا ايهاب والقمر بتاعتنا طيبه سلم عليها كتيييييييير

appy said...

ana ga3an
===========

وكان معكم قناه المعلومات من السلطنه الجعانيه انا جعان باشا
النبى من غيرك مكناش عرفنا نعمل ايه
اقولك امسكك قناه المعلومات فى الكوكب او قناة السويس حتى يبقى ضمنا العائد بتاعها هيرجع على الشعب اللى انت منه ههههههههههههه
اياك بس ميأخدوش ضرايب موت على ال100الف جنيه هههههههههههههد
نورت يا صديقى






خمسه فضفضه
==========

كل سنه وانتى طيبه يا دكتورة وايه النور ده
انا معاكى فعلا انهم معذورين ومبسوطه علشانهم جدا نورتى يا دكتوورة

appy said...

الدفاع
=========
النبى بقول عليك لما يا اسامه وفعلا ده اللى بيحصل بجد انت مش شايف البلاوى اللى ماليه النت وغيره واللى بينقادوا واهى الحكومه قاعده بتضحك وتطقطق فى صوابعينها كلها ههههههه
نورت يا محامى الكوكب لسه لك بوست وارقيك مستشار شوفت الكوسه بقى







mayada
=========
مادى بالتاء المربوطه لا فعلا فيه ناس نفسها ضعيفه وعقولهم كمان بتاخد يا بنتى انا عارفه
كل سنه وانتى كميله يا قمر المنصورة
نورتى الكوكب

appy said...

محمود المصرى
==============
اهلا يا شيخ محمود ههههههههههههههههه ازيك انت بتطلع مع هلال رمضان
اه والله بجد الولد كان بيقولها بجد فى فيلم اوقات فراغ انه سمع المفتى بيقول كده مش جمال البنا كان قال كده برضه قبل كده
ههههههههه
هى المشكله البنت مستغربتش من الفتوى استغربت انه بيقول يا حازم وده كان افيه عادى ههههههههههههه
وبعدين انا عارفه انه طاقق بس انت عارف ان فيه نفوس ضعيفه بتمشى وراه يا محمود
على فكرة انا متبعاك كويس جدا
نورت يا شيخ محمود وكل سنه وانت طيب







mostafa rayan
==============
وانت طيب يا مصطفى نورت الكوكب

appy said...

Vague
=========
دبشه انت فين بقالك فترة يا ريت تكون بخير
كل سنه وانت طيب يا دبشه







بنت القمر
==========

ههههههههههههههه تصدقى حلوة النظريه دى اوى تغيظ فى ابوها وفى اللى خلفوها كمان
نورتى بجد وانتى اللى موتنى من الضحك بجد كل سنه وانتى طيبه يا قمر

appy said...

rara
=========
وانتى طيبه يا قمر وبخير






Gannah
========
لا ده فاكر نفسه علامه والمصيبه انه محسوب على الشيوخ الله يخرب بيته
كل سنه وانتى طيبه ونورتى الكوكب وسعيده بيكى خالص

appy said...

وجهه نظرى
===========
ايوة فرصه ليكوا طبعا لا ما يمشها وما ملكت ايمانكم
انا مش عارفه مستعانش بيها ليه
ههههههههههه بجد ده راجل مخه خرب من بدرى
موضوع الوليد انا شكيت فى كده لانهم مش بسهوله يعادوة اكيد يعنى
اسرة البمبوطى لا بجد مين قال انه مش عاجبهم بالعكس ده اتفاق كويس وعلى رايك غيرهم مفيش
ربنا يبارك لهم بقى
كل سنه وانت طيب ومتنساش الباميا والبسله ههههههههههه







Ahmed Al-Sabbagh
================

وانت طيب يا صباغوس اوقلك بقى هنا زى ما قولت ليه على الماسنجر ههههههههههه
نورت يا صباغ

appy said...

بنت سيناء
==============

لاااااااااا انتى فهمتى غلط عيب عليكى تفتكرى انا استهزأ من ناس حجت بيت ربنا ولا من شيوخ محترمين لا طبعا انا بسخر من الشخص ده يا حبيبتى تحديدا
استغفر الله ليه بس قفلتى دماغك يا بنت بلدى
انتى بس مش واخده على اسلوبى لسه
وبعدين حج فته ما ممكن يكون اسمه كده الكلمه التانيه اللى بعد المبتدأ يعنى مش بغلط فى المبتدأ بغلط فى الاسم التانى يا قمر فهمتى وصلتك مش سخريه طبعا من ده
يا لهوى هما كل بتوع سينا دماغهم متربسه كده ههههههههههههه
كنت فاكره انى لوحدى ولكن انتى كمان هههههههه
نورتى الكوكب وكل سنه وانتى طيبه








darkskies
==============
طيب وفيه ناس بتوافق على الاتني بنت خالى جوزها متجوز المانيه واسلمت وبعدين اتجوز بنت خالى وعلى فكرة الاتنين فى المانيا يعنى بيكون حسب الزوجه ما بتبلغ
نورت الكوكب وكل سنه وانت طيب

appy said...

ahmed_k
==========
النبى اسم جميل ولايق عليه
نوت يا احمد وكل سنه وانت طيب ومنور الكوكب






the ghost
===========
اهلا بيك بس مش اعتقد انها اول مرة
كل سنه وانت طيب

m5m said...

كل سنة وانتى طيبة يارحاب والسنة الجاية تكتبى لنا من عش الزوجية السعيد
...................
بصى ياستى :

1- جمال البنا ده شيخ على الطريقة الهوليودية ودى مش أول فتوى من النوع ده ليه..ده من حوالى سنة طلع فتوى ان الولد والبنت من حقهم البوس لتفريغ الكبت وكذلك كل أشكال الممارسة بشرط الحفاظ على العذرية يعنى حازم ما جابهاش من عنده(..يعنى من الأخر الراجل مسلم نمره فى نيويورك وماشى بالرخصة الدولية...حاجة كده نفس نظام عمرو خالد بس عشان الراجل عجوز و مش فى أناقة عمرو ولا سرسعته ولاباروكته فبالتالى سوقه مش ماشى

2-اللى يحزن فى موضوع البمبوطى ان الحكومة المصرية غيرت فى جينات الشعب وبقينا نقبل حاجات عمرها ماكانت فى قاموسنا زى العوض..ده احنا لما الواحد كان تتخبط عربيته يتخانق ويزعق ويشتم لكن لو جه حد يقولله حادفع لك حق التصليح يبص له من فوق لتحت بقرف ويقول له عايزنى أقبل العوض؟
دلوقتى الواحد لو الاكصدام اتحك مجرد حكة ينزل من باب العربية مادد ايده
والمصيبة اننا بقينا نقبل العوض فى الدم...أهل البمبوطى اتوعدوا ب 750 ألف جنيه فسكتوا وخلاص ويمكن قالوا فى سرهم زى فيلم المولد بتاع عادل امام "ماهو ميت ميت..الفلوس أحسن منه"..وابقى قابلينى لو طالوا حاجة بعد كده

اللى حرق دمى أكتر المصرى اليوم يوم السبت 30-8 لما نشرت ان أهالى قتلى الزورق السويسى من كام شهر-فاكراهم؟-غاروا وقالوا اشمعنى احنا وبيطالبوا ان أمريكا تدفعلهم..حاجة قذرة بجد...بيثبتوا للعالم كله فكرة الخليجيين عننا اننا ممكن يتعمل فينا أى حاجة بالفلوس

والله يوم عن يوم با تأكد أكتر ان الحكومة دى مش بس سرطنت الأكل...دى كمان حطت لنا زيت كافور فى الميه

3- موضوع توشكى والوليد ده مصيبة تانية شرحها يطول بس كفاية كده أحسن دمى اتحرق بزيادة

.........................

جبتى الفانوس؟

the ghost said...

لا اول مرة واكتر حاجة شدتنى هى صورة البروفايل فى ابداية دلوقتى قريت بوستات كتيرة ويارحاب اسلوبك متميز وجميل واعتبرينى من زوار مدونتك الدائمين من الام.هو انتى بتحبى اسم ابى و لا رحاب

appy said...

m5m
=======

انت كل ده معبى يا محمد ماشى ماشى
بص بقى حته العوض ده مش عوض دى ديه وبيتيهيأ ليه عندنا كمسلمين ما علينا هتاكد منها برضه
بس هو الاهم الاعتذار عن خطأ احسن ما كانوا ينكروا زى مخفيين الاسم مابيقولوا
ويرموا الاتهام على اى حد
انا مجبتش الفانوس ممكن تجيب ليه عليه خروف ولك هديه بس يكون على شكل خروف ههههههههههههه
اه على فكره الناس بتعمل كده من غلبها
انا عربيتى اتخبطت مره اول ما اشتريتها وبعد ما وديت السواق اللى خبطها على القسم ودفع فلوس حق التصليه ندهت عليه وادتهم ليه
عارفه ليه علشان صعب عليا مع ان الباب اتبهدل
بس وقولت له انا جبتك القسم علشان قله ادبك مش اكتر
بس الديه موجوده يا محمد
وتانى مرة برضه اتخبط الاكصدام بصيت للولد من فوق لتحت وقلوت له غور من قدامى ورحت كعيت 100 جنيه يعنى مش الشعب كله يا ريس
كل سنه وانت طيب
وبلاش الغيبه دى








the ghost
===========
اهلا بيك فى اى وقت لا بحب آبى اكتر وعلى فكره رحاب كده غلط مش بيتكتب كده خالص ههههههههههههه
كل سنه وانت طيب واهلا بيك اخ صغير فى الكوكب

الربان said...

تحياتي


اولا ... الشيخ جمال البنا( شقيق حسن البنا) هو الذي اجاز القبله..و شرب الدخان في رمضان.

الرجل اجتهد، مع اختلافي التام معه، و العلماء فندوا فتواه...و بينوا اوجه
القصور و العوار بهما....

بالنسبة لفتواه الثالثة الخاصة بالزوجة الثانية، في رأيي ايضا ، انه
خانه اللفظ في كلمة (عشيقة)...
و للان لم اسمع او اقرأ اي رد من اهل العلم و الافتاء حول شرعية هذه الفتوي.

بعض البلاد مثل بريطانيا تأخذ بتعدد
زوجات المسلم ، علي حد علمي بناء علي
السماع....


تحياتي و تقديري

Hosam Yahia حسام يحى said...

بجد ماشاء الله على الراجل ده

كلمه زى السكر

حاجه كده تضحك

وانا شايف ان الحاج ده عمره الافتراضى خلص

وبطاريته خلصت خلاص من بدرى من ايام السجاير الموتولوف

m5m said...

لأ يارحاب انتى غلطانة
لا دية مع القهر...الدية دى ميزة - أوبش يعنى- ربنا اداها من باب التسامح مع القدرة على القصاص وفى حالات معينة..لكن النص الالهى هو " ولكم فى القصاص حياة يا أولى الألباب" وكذلك "كتب عليكم القصاص فى القتلى "..يعنى المبدأ هو القصاص وليس الدية

اقرى النهارده المصرى اليوم وشوفى مرات الراجل بتقولك أنا قبلت عشان ماحدش يقدر يقف قدام الحكومة والعيشة صعبة..يعنى مقهورة...مقهورة بالعجز والفقر وقلة الحيلة
أههههههههههههههههههههه منك يابلد

موضوع العربيات ده مثال..طبعا كلنا عرضة ليه لكن أنا باقصد مبدأ ان المصرى كان عنده عزة نفس حتى فى حاجة من حقه لكن دلوقتى كله بيدور على أى حاجة مش حقه

.......................

حاجيبلك الفانوس و أنا مش غايب...أنا متابع بس كسل ومشاغل

كل سنة وانتى طيبة وسلامى لخطيبك وكل سنة وهو طيب

Sherif said...

الثائرة الجميلة آبى
=================
هناك علماء يحاولون الاجتهاد .. لابأس من ذلك .. لنا فى النهاية عقول نفكر ونحكم بها
ومعارضتنا دون ان نستمع لهم ليس انتصارا للدين بالمناسبة

يقول المولى سبحانه وتعالى

قالوا لو كنا نسمع او نعقل ما اصبحنا فى اصحاب السعير

لماذا لم نتعجب من فتوى القرضاوى ببقاء المسيحية فى أوروبا التى اسلمت على ذمة زوجها المسيحى؟ كان تبريره - والذى انا مقتنع به- انه من غير المعقول ان نكافئ المرأة على اسلامها بهدم بيتها .. كلام معقول .. ومن يدرى .. ربما كانت دعوة احكم لزوجها الى دخول الاسلام .. لكنه وضع شرطا لهذا الحكم انه لمن فى مجتمعات غربية فقط .. ايضا معقول ..

ثانيا فى المجتمعات الغربية هناك ما يسمى بال
De Facto
وهو ليس زواجا بالشكل الشرعى الذى نعرفه .. لكنه زواج لأن الواقع يقول بذلك .. فلا يهرب رجل من مسئولية ابنه ونسبه وكفالته ايضا بالقانون

الذى اريد ان اوضحه ان مشاكل الاسلام فى الغرب هى اعقد بكثير مما نتخيل وتحتاج الى اقتحام عاقل جرئ لحلها

من بين هؤلاء جمال البنا وسيد القمنى ومحمد شحرور وحامد نصر ابو زيد وخالد منتصر وغيرهم الكثيرون ممن سيعيدون ديننا الى مايليق به عقلا .. لانقلا .. وهذا افضل بكثير من اصحاب فتوى ارضاع الكبير وبول الرسول مما اصبح لايناسب الآن

على الاقل يجتهدون .. اما ما يقول الآخرون فهم لم ياتوا بجديد .. هو كلام مكرر معاد مملّ يمكننا ان نقرأوه فى اى مكان ولاحاجة اذن لهم .. وهم من ينطبق عليهم قوله تعالى

واذا قيل لهم اتبعوا ماانزل الله قالوا بل نتبع ماالفينا عليه آباءنا،أولو كان آباؤهم لايعقلون شيئا ولايهتدون


كل سنة وانت طيبة

حازم سويلم said...

حبيب قلبى الفيكونى
رمضان كريم يا جميل
على فكرة انا مكنتش جاى اعقم, انا كنت جايبلك الفانوس والخروف, بس طالما اسمى جى فى البوست .. فانا رجعت الفانوس وسرحت الخروف

يا صديقتى اريحى نفسك, فما دمنا أمة تقرأ القرآن بعيون الموتى وعقول السلف, فلا تندهشى حين تسمعى المزيد حول علاقة الرجل بالمرأة

تحياتى

بنت سيناء said...

آبى...انا اعلم تماما انكى لا تقصدين بس لازم تعرفى
انك فاتحة المدونة للجميع ولازم تحطى فى الاعتبار حبيبتى هناك عقول مختلفة ولا تنتظرى ان كل واحد يدخل المدونة لازم يكون متعود على اسلوبك وعارف ان آبى لا تقصد؛
واى شئ تحسى فيه ان بيه شئ ممكن يتفهم غلط اجتنبيه؛دة مش حجر على حريتك بالعكس ؛انتى من غير اخر كلمتين بتكونى وصلتى اللى عيزاه عن شيخ معين انا بقولك كدة فى المجال الدينى بالذات
وبعدين مالهم اهل سينا ؟؟اليست سيناء أرض الانبياء؟؟
انا قلت فى تعليقى انى اشعر برائحة سخريةمن بعض الكلمات مثل الحاج فتة وشيخ الطريقة الخرفانية..لازم تتقبلى كل التعليقات بصدر رحب
وبعدين لو هتدخلى لى فى النحو وتقولى انا اقصد المبتدأ فى كلمتك(الحاج فتة) فالمعلوم ان اللقب موصول بالملقب يعنى كلمة فتة لوحدها من غير الحاج لن توصل ما تقصدية )ولو عيزانى ادخل من النحو للفلسفة اوك انا مستعدة ما اصلى فاطرة..أما بكرة بئة مش هتلاقى فيا حيل للمناهدة..كل سنة وانتى طيبة وحضرى السهور وصلى التراويح

ana ga3an said...

Sherif
باشا والله يا اخي فعلا محدش جايبنا ورا
غير الناس اللي بتنقل من غير ما تشغل فرد الكاوتش اللي فوق اكتافها
مين الناس العجيبة دي اللي سيادتك شايف الاسلام هايقوم علي ايديهم
سيد القمني دة اكبر موالس ومدلس في التاريخ كلة
بعد ان نشر تكذيب وابراْ نفسة من كل ما كتبة او ألفة او تم نشرة في حق الدين الاسلامي
بعد ان هددتة جماعة اسلامية
واول من لطعة بالجزمة علي قفاة مجلة النفاق الاسبوعي روزا اليوسف
التي كان ابنها البار ايام شطحاتة العنترية

خالد منتصر علمانى و يكتب فى الصحف التى تتباهى بأنها علمانية
وكل مواقع الكفر والالحاد بتستشهد بكتبة

حامد نصر ابو زيد
بتاع ان الحجاب مش فرض وانة مقحم علي الدين غير الحب لدرجة العشق لاقباط المهجر
فرق اية البرنس عن جمال البنا بتاع لبن الام مفيش احسن منة

محمد شحرور دة اول مرة اسمع عنة بيلعب في نادي اية دة


معلش يا رحاب كل مرة ادخل عندك امسك في واحد من اللي بيجرو في الجونينة عندك

بنت سيناء said...

حازم سويلم...امة تقرأ القرآن بعقول ا لسلف؟؟هل لديك اعتراض على السلف
الصالح حازم؟؟

ما هى اوجة القصور فى السلف؟؟ام اننا أمة لم تستطيع ان تنقد الحاضر..فحاولت ان تنقد الماضى؟؟تعودنا واعتدنا ان ننقد ما لا نعرف عنة إلا القليل..لماذا؟؟

appy said...

الربان
==========
اساسا انا مش بعترف بيه ولا شيوخ الفضائيات دول كمان
نورت يا بشمهندس وكل سنه وانت طيب







حسام يحيى
=========
اه والله بس متقولش سكر اصل يعبوة فى اكياس
نورت يا حسام كل سنه وانت طيب

appy said...

m5m
=======
محمد اللى انا ابوه فيه حد يقول لوالده انت غلطان ماشى ماشى

وبعدين كمل الايه يا محمد
أيها الذين آمنوا كتب عليكم القصاص في القتلي الحر بالحر والعبد بالعبد والأنثي بالأنثي فمن عفي له من أخيه شيء فاتباع بالمعروف وأداء إليه بإحسان
تخفيف من ربكم ورحمة فمن عفي له من أخيه شيء فاتباع بالمعروف وأداء إليه بإحسان ذلك تخفيف من ربكم ورحمة فمن اعتدي بعد ذلك فله عذاب أليم. ولكم في القصاص حياة يا أولي الألباب لعلكم تتقون}

يعني مادام اهل القتيل وافقو علي اخذ الدية
وهي تقريبا شرعا 4 كيلو وشوية دهب
ومادام القتل خطاء بدون عمد فتقبل الكفارة او الدية
ما هو يا محمد لو مقبلتش هتبقى خسرت وبعدين الست طلبت السماح منها
ما هي لازم تقول كدة والا الناس في بلدهم هاتاكل وشها دة لو هي قالت كدة حقيقي
لكن لامؤاخذة اهل بلدها دول هايكلو اسرة اللي مات
ولا هايتغدو وطنية ويتعشو تراب الوطن
اما عن تمثليه المصرى اليوم مش عاوزة اقولك يعنى بجد المسخرة وعدم المصداقيه اللى هى فيها بجد هى عاوزة اى فرقعه وخلاص
المهم كل سنه وانت طيب يا محمد
خطيبى السلعوه كلته خلاص بخ







Sherif
==========
اسفه انا مش معاك فى الاسماء دى بجد
وانا جعان وضح ليك السبب يا استاذنا لان فعلا دول مينفعوش ولا غرب ولا شرق
وغير كده الالتزام لادين كويس ودينا نافع لكل الاوقات
كل سنه وانت طيب وبخير يا رب

appy said...

حازم سويلم
===========
وانا مالى مش الفيلم اللى قال انت بتلكك
وبعدين يا حازم مش كل السلف وحشين على فكره فيهم الناس الكويسه اوى سيبك من المتعصبين اللى مغمضين عنيهم عن الكتير
نورت يا صديقى








بنت سينا
===========
يانى عليكى انتى بتللككى ليه ههههههههههه
ما انا بنت سبنا زيك برضه هو فيه احلى من ارض الفيرزو فى مصر تصدقى بالله انا ما عندى اغلى منها وبفتخر واتفشخر بيها
عنيه هخلى بالى يا بتاع المبتد والفلسفه هههههههههه
كل سنه وانتى طيبه وكميله ومنورانى على طول وبعدين مش بتسحر يا ستى علشان الدايت وسنينه

appy said...

ana ga3an
===========
انت ياصديقى اتكلم براحتك بس من غير جرحى بليز ههههههه وسيب الخرفان بتاعتى بليز من ايديك
والاستاذ شريف يمكن عاوز يخفف من حده الموضوع بس شويه وكل له وجهه نظره يا صديقى ولا ايه
مش قولت لك انت قناة المعلومات ايه رايك اجيب لك شاشه وتقعد تبث معلومات هنا فى الكوكب ههههههههههه








بنت سينا
=========
من معرفتى بحازم احب اقولك يعنى انه يقصد عقول بعض السلف اللى قافلين داغهم على فكره انا اعرف سلف كويسين جدا جدا وفيهم برضه الوحشين ولا ايه
نورتى يا قمر وهسيبه يرد عليكى برضه

m5m said...

أبويا العزيز

ماهو ده اللى قلته..ده تخفيف من ربنا لو امتلكت القدرة على القصاص..وماتقوليش يعنى هى الست حاتقتص من أمريكا..حكومة مصر هى اللى مفروض عليها تعمل ده وتحسس العالم ان المواطن المصرى ليه كرامة مش دمه متباع ب 150 ألف دولار...ده بوش بيصرفهم فى الشوبنج

وبعدين ست مين اللى طلبت منها السماح؟ وايه عرفك ان المصرى اليوم كدابة؟ ويعنى ايه مش حايتغدوا وطنية ويتعشوا وطنية وتراب الوطن؟ الكلام ده غريب قوى يارحاب...لأ يتغدوا ويتعشوا كرامة أو يموتوا ويحصلوا اللى مات لهم لكن بشرف من غير مايقايضوا على دمه

أرجع و أقول لك تانى لو كنتى شفتى المولد لما عادل امام بعت واحد لمرات البواب اللى العمارة وقعت عليه ولما لقاها حزينة عليه حمر لها عينه وقال لها "انتى حاتحسبيه علينا راجل..ماهو كان ميت ميت...الفلوس أحسن منه" وراح راميلها رزمة الفلوس فى وشها

هو ده بالظبط اللى اتعمل مع أهل القتيل...وكلها شوية وتبقى الفلوس أحسن من أى واحد فينا

..............................

اسف على موضوع خطيبك...ربنا يكرمك بالأفضل ان شاء الله

appy said...

محمد مايهمش
===============
محمد انا كمان مضايقه ومقدرة شعورك على الكرامه واحساسك انها اتهانت
بس صدقنى يا محمد ساعت الناس دى بتصعب عليا وخاصه ان الحكومه شايله اديها
عارف الناس بتلوم بعض بس الست فعلا معذورة عجبك اللى حصل فى العبارة ما كانت الحكومه المصريه يا محمد ومحدش عبرهم برضهم
يعنى والله مقدرة وانا زيك مضايقه على اللى بيحصل ده ومعنى السماح انها اعتذرت
محمد الحكومه بتاعتنا مش عارفه ثقافه الاعتذار اساسا ييا محمد
وعموما احنا رفضنا او وافقنا فالست عملت اللى هى عاوزاه واهى امنت مستقبل ولادها بدل ما كانت تشتحت بيهم ولا تنحرف ولا تستنى واحد يقدم لها فلوس يوم وعشرة لا فهمت وجهه نظرى انا مش بدافع عن امريكا ولا نيله ربنا يحرقهم بس فعلا انا موجوعه ان فيه ناس غريبه بتقدر عن الناس بتوعنا فهمت
المصرى اليوم دايما بتغالط فى الحقايق وانت عارف انا مش دايما بصدقها وقولت لك حتى لو الست قالت كده
يبقى علشان اهل البلد ميكلوش وشها افهمت عاد يا ولدى العزيز
ولا يهمك اللى راح يغور فى شجرة ههههههههههه

قوس قزح said...

يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين

كل سنة و انت الى الله اقرب

appy said...

محمد مايهمش
===============

نسيت اقولك اسرائيل كل يوم والتانى بتقتل اطفال وشباب زى الورد سواء ظباط ولا مدنين ومحدش فيهم يتف فى وشنا فهمت اللى عاوزة اوصله

wanna b a physician said...

والله يا اببى الواحد بقا مش قادر يستحمل كل اللى بيحصل ده والناس متفرقه ومش ايد واحده وعمر الفرقه دى ما هتعمل حاجة بالعكس دى بتساعد علىالخراب اكتر
ربنا يعينا بقا
اه بمناسبة سيدة العالم طبعا الزفته لانها اصلا هى اللى مسيطرة على الكبيرة التانية
وكل سنة وانتى بخير وسعادة

ضى القمر said...

والله جمال البنا ده كارثه من كوارث الزمن ..

إصلا هو بيفتى على اى اساس .. ولا هو مفتى هو أساسا علمانى

إزاى الفتاوى تخرج عن غير اهلها ..

الاول يبيح تقبيل الشباب للبنات .. والسجائر فى رمضان حلال ..

( أه فكرتينى عايزة انزل الفتوى دى عندى .. احنا فى رمضان . أهو نفرح المدخنين شويه ..ههههههه )

واخيرا الزوجه تكون عشيقه ..

مهذله والله

الله يهديه .. ويصبرنا على اللى بيعمله فينا ..
وطبعا مستحيل تترفض فتاواه لأنه بتكون زى عامل التشتيت للشعب ..
يعنى ننسى كل القرارت والقوانين الغريبه ونركز فى فتاواه الغريبه

وهو ده اللى عايزاه حكومتنا .. اننا نتشتت فى اكثر من طريق .. وننسى اللى احنا فيه

الله يعينا هنستحمل ايه ولا ايه ولا ايه

بجد كده كثيييييييييييير جدااااا

وكل سنه وانتى طيبه يا قمر
:)

الدفاع said...

السلام عليكم
اسمحيلى يا استاذه آبى بس ارد على الاستاذsherif
وسبب ردى ذكره لبعض ايات من القرأن متوهما انها تتدعم مايعتقده كما انه قد جمع من الاسماء ممن يعرفون اما بالجهل او بالشطط او بالعلمانيه ومن عجب انه جمعهم فى مرة واحده
وكلهم مثلما قال اخونا العاقل جعان لا يساوون فى كفة العلم ولا العقل مايوازى حفنه من التراب
اما بعد فقد قال الاستاذ شؤيف مستشهدا ببعض ماورد فى القرأن وكان مما قاله
الوا لو كنا نسمع او نعقل ما اصبحنا فى اصحاب السعير
وساق مثال لذلك برأى شاذ للدكتور الفاضل القرضاوى
وهنا وفى معرض الرد على هذا المثال اذكر قولا لاحد العلماء وهو الامام النسائى رحمه الله فقد قال( لو اتبعت رخصة كل عالم اجتمع فيك الشر كله)فاذا كان الرجل محرم عليه بنص القرأن ان يمسك الكافره افنقبل على المرأه ما لانبيحه للرجل اى عقل هذا
لقد توهم الشيخ القرضاوى ان المصلحه المحتمله لبقاء المرأه الغربيه المسلمه مع زوجها الكافر انها قد تكون افيد من الستجابه للطاعه بوجوب الفسخ
وهو امر فيه من الشطط مالايخفى على عقل اذ ان العقد هنا ينفسخ ويصبح لامحل له
والفسخ معناه ان العقد يزول ويصبح كان لم يكن حتى يسلم الزوج ولا يرتب اى اثر كالميراث مثلا
والامر ليس خاضع لاجتهاد اذ لا اجتهاد مع وجود نص
وليست هذه الزوجه التى اسلمت بافضل حالا من ابنة الرسول حين اسلمت وامرها الا تقرب من زوجها العاص بن الربيع وكان حينها مشركا لم يسلم بعد
اما كون المراه فى الغرب او فى الشرق فليست احكام الزواج مما يختلف باختلاف المكان
هذه واحده اما الاخرى فذكره الايه الكريمه
(واذا قيل لهم اتبعوا ماانزل الله قالوا بل نتبع ماالفينا عليه آباءنا،أولو كان آباؤهم لايعقلون شيئا ولايهتدون) فليقل لنا الاستاذ شريف اى اسم من الاسماء التى ذكرها قد اتبع ما انزل الله فهو يقول انهم ممن يجتهدون وياتون بالجديد اى جديد يا اخ؟؟؟
هى مجلة موضه؟؟؟
للامر ضوابط حتى تقوم بالتجديد ولا يجوز ان يكون التجديد مخالفا للاصل
فالرسول يقول
( كل من احدث فى امرنا هذا ماليس منه فهو رد) ولعل الجديد الذى تقصد هو ما تلوكوه السنة هؤلاء ليل نهار من البدع
فمن هو الذى يتبع ما انزل الله ومن الذى يتبع اهواءه؟

همس الاحباب said...

لا حول ولا قوة الا بالله
اللهم انى صائم غدا
حرام عليكى احنا ناويين الصيام
بلاش نخرج عن شعورنا
حسبى الله ونعم الوكيل فيهم
يلا كل سنة وانتى طيبة ورمضان كريم
وربنا يتقبل منا ومنكم صالح الاعمال
شفتى الفانوس وهو بينور فوق قرون الخرفان تحفة مش كده
اى خدعة يا جميل

ana ga3an said...

m5m
انت عايز تسمع كلام واقعي وبيحصل
ولا عايز تتفرج علي فيلم المولد

اولا امر ضرب النار في بارجة امريكية مش حاجة عشوائية
لما عسكري مقدمة تطلع في دماغة يضرب يروح ضارب
علي الاقل امر من 3 افراد في تسلسل قيادي
فا مين اللي يتحاسب
ولا نجيب كبارات امريكا يبوس دماغ الولية ويطيبو خاطرها بكلمتين ويديها الفلوس في شنطة سومسونايت

يا اخي اذا جوزها مات فاتاخد فلوس تسد جوع اسرتة
خير من ان يتشدق عليها البعض بالوطنية
الي هي ما شافتش الذل غير في مصر
لما يا سيدي حد بعد الشر من عيلتكو تخبطة مركب ماليزي
متبقاش تاخد الدية

انا عارف هاكون السبب في قفل مدونتك
والعيال هايستنوكي وانتي راجعة بليل يحدفوكي بقزازة كوديفان فاضية في دماغك

Sherif said...

العزيزة آبى
==========
من الوارد ان يخطئ كل مجتهد حتى الامام فالامام الشافعى يقول رأيى صواب يحتمل الخطا .. ورأى غيرى خطأ يحتمل الصواب .. هذا الشافعى شخصيا

وقلت فى بداية تعليقى أن لنا فى النهاية عقل نزن به الأمور

ولست فى معرض ردّ هنا اذا كان الحديث يشوبه الاهانة

فانا لااعرف الاستاذ جعان الذى تطوع بالرد علىّ .. هذا أولا .. ثانيا أنا لااجرى فى جنينة حتى تدافعى عنى .. ومسألة فردة كاوتش .. ايه ده؟..

كذلك الاستاذ الدفاع .. عموما أنا لاادخل فى جدل غير موضوعى .. لأن هذه ليست طريقة للحوار .. وهى القاء البذاءات استرسالا على اناس لايعرفوهم

أنا متأكد انى لو سألتهم سؤالا واحدا قد لايطيقون الاجابة عليه لانهم لايعرفوا

ولنبدأ بسؤال بسيط .. يقول المولى سبحانه وتعالى فى سورة الماعون

فويل للمصلين ، الذين هم عن صلاتهم ساهون ، الذين هم يراءون ويمنعون الماعون

فمن هم المصلون فى هذه الآية؟


فى النهاية أحب ان يحتفظ كل منهما برأيه لنفسه .. دون تجاوز او ادعاء انه اعلم اهل الارض .. وليطلب من الله ان يزيده علما

آسف للإطالة .. لكنى بعد اذنك سأغادر هذا المكان اذا اوصلنى لهذا المستوى من عدم اللياقة

لاتغضبى .. ولكن من حقى ان اشعر بالاحترام .. ومن واجبك ان توقفى الاهانة

مع كل تقديرى ومودتى لك

حنين القلب said...

مش عندى حاجه اقولها الا
حسبيا الله ونعم الوكيل
وكل سنه وانتى طيبه
ورمضان كريم

ana ga3an said...

Sherif
بما اني اللي رديت فاالاحق اني ايضا اوضح الامر
اولا مع كامل التقدير لشخصك
انا لن ولم اوجة اهانة لشخصك
سواء عن قصد او غير قصد
وان ظهر عكس ذلك فاعتذر عن اي لبس او عدم وضوح الكلام
فاما من كان نقدي لهم الذي تعتبرة اهانة وغير موضوعي
هم الاساتذة الافاضل اللي فاضلين لسة في البلد بياكلو من خيرها ويشتمو مسلمينها وشعبها
اذا اردت سيدي الموضوعية فقبل ان تقول ان هؤلاء يمثلو الدين العاقل والفكر الثاقب
نقب في اثارهم ونشاتهم وطبيعة كتاباتهم
وانا اعرفهم حق المعرفة وعن طريق مقربين من الوسط الادبي في عدة افرع
وليس المجال لاخبارك بالقاب بعضهم في الوسط الصحفي لانها يعاقب عليها القانون

اما عن سؤالك عن تفسير الاية التي نزلت في المنافقين في سورة الماعون
هو دة قمة عدم الموضوعية تحب حضرتك اجيبلك التفسير من الجلالين ولا القرطبي
ولا تفسير موقع اسلام ويب اعتقد في ظل وجود العم جوجل لن يصعب علي تلميذ ابتدائي يمتلك جوز جنيهات يتيحو لة ساعة انترنت في اي سايبر الحصول علي اجابة اي شيء في اي مجال
فاعذرني علي عدم ماجاراتك في التحدي الديني العنيف دة
سبحان الله اختيار العجيب للاية صدفة غريبة حقيقي عند تحدثك عن الكتاب السابقين
لم يدعي احد هنا انة اعلم اهل ارض ولا لكان احمق اهل الارض عن جدارة
عزيزي اخيرا وبكل تقدير واحترام لشخصك لم يوجة احد اهانة من اي نوع لك
الا لو كنت تعتبر الاختلاف معك واظهار حقيقة من تناصرة اهانة

الحكمة ضالة المؤمن said...

البنا ظاهرة غريبه
المشكلة انه
يظهر في الاعلام بصورة مكثفة
في اوقات حرجه
مثل لبرة التخدير
تشوف الناس منشدة نحوا حاجة
يجي البنا يحولهم عنها 180 درجة
شي غريب
و الوليد فعلا ليس ساذجابل عقلية تجارية
احترمنها او كرهناها
الرجل ذكي

رمضان كريم

بنت سيناء said...

آبى
انتى عسل والله
ايوة كدة اتقبلى كل تعليق بصدر رحب كعادتك
أنا عن حازم :
فأنتى قلتى هو متقصدش السلف كلهم بعض السلف..طيب انا اية اللى عرفنى بقصدة فلسان العاقل وراء عقلة والانسان يعرف ببكلامه..هو لم يقل بعض السلف..هو قال ي يقرأون القرآن بعقول السلف يعنى عمم...ماهو انتى مش هتلاحقى تدافعى عن مين وللا مين يا آبى..فأحسنلك اطلعى منهاهههههههه
احب اقوله ان السلف هم اصحاب صحابة رسول الله عليه الصلاة والسلام..صلوووووووو عليه وسلمو تسليما..يله الكل يصلى على النبى

سبهللة said...

كل سنة وانتى طيبة
رمضان بكرة
وحبيت اجى اهنيكى

امل said...

السلام عليكم
كل سنـــــــــــة وانتي طيـــــــــبة يا آبـــي رمضان كريم

حـــــدوتـــــة said...

السلام عليكم

كفاية ايه بس
ده موضوع تنزليه فى اول الشهر المفترج
كنت اصبرى يومين تلاتة
بس يلا مش مهم
كل سنة وانتى طيبة

سلالالالالالالالالالالالالالالالالالالالالالالام

Sherif said...

عزيزى جعان
==========
ومع ذلك فانا اسأل حضرتك وليس تلميذ فى ابتدائى بجوز جنيهات ولك ان تستعين باى من كتب التفسير يتراءى لك .. القرطبى .. ابن كثير .. الجلالين

هذا ليس تحديا .. وانما بالعكس حوارا هادئا كان قصدى منه ان اقدم لك محمد شحرور الذى للأسف لايلعب فى اى نادى وانما هو احد المفكرين فى الشام .. كما احببت ان اعطيك مثلا عن اشياء كبرنا عليها - وانا لااستثنى نفسى من ذلك - وآن الآوان لضبطها

انا لااعتبر الخلاف فى الرأى اهانة .. لكن السخرية فى موضع الجد تضايقنى فى بعض الاحيان

فهلا حاولت؟

محمد الكومي said...

رمضان كريم

فانوسك عندي

الدفاع said...

استاذنا الفاضل
sherif

انا لم ار اى اهانه لشخصكم لا فى ردى ولا فى رد انا جعان ولا فى رد آبى وانما كل ما فى الامر انه لا يعدو ان يكون خلافا فى راى وانا عادة لا ارد عندما يكون هناك خلافا شخصيا
وسبب ردى عليكم هو استعانتك بايات فى القرأن لا تدعم ما تقول فقلت نطرح راينا امام الناس وبالتالى يقرأوا رايكم ثم يقرأوا ردى ويصلوا للاصح
اما ان اتعم الاهانه فهذا لم يحدث
كما لا يوجد سخريه من شخصكم الكريم
ولكن قد تكون السخريه احيانا من الراى ذاته دفعا له ولكن ليس من اجل السخريه انما من اجل الوقوف على حقيقة الامر
وقد كنت اعتقد انكم لو قمتم بالرد ستردون بكلام موضوعى يعنى ترد الحجه بالحجه والدليل بالدليل
انما ان تغضب لرأيك وتتهمنا بتوجيه اهانات ثم تزيد عل ذلك بالتحدى باجابة سؤال او غيره فاعتقد ان هذا هو ما يصح ان نطلق عليه اهانه وسخريه منا سيما وقد قلت اننا لا نطيق اجابة سؤال واحد مما تعلم اليست تلك هى السخريه؟؟؟؟؟
عموما انا لا اعلم جواب سؤالك ولو انى كنت قد قرأت فى مره انهم المنافقون وادعوك انت تعلمنا مما علمك الله ونستفيد لان ده الهدف من وجودنا هنا
اننا نفيد ونستفيد
وشكرا

Saudi Romantic said...

ألســــــلام عليـــــكم

ألأخت الكريمه appy

بمناسبة شـــهر رمضــــان المـبـــــارك

حـبـيـت أقـــول لكـــم

كل عـــــام وأنـتــــم بـــخــــــير

http://up3.m5zn.com/get-8-2008-zco52aofwrk.jpg

http://up3.m5zn.com/get-8-2008-q5gh5kr9n6s.jpg

في أمـــــان ألله

ana ga3an said...

استاذ شريف كويس ان حضرتك شرحت ان الغرض من سؤال تفسير الاية هو ربطها بقصة عن الاستاذ شحرور السوري
ارجو حضرتك تكون متاكد من ان الاستاذ شحرور لن يخذلك
لاني اتصلت بصديق دمشقي في حلب مدرس هو بجامعة المأمون
اخبرني ما فية الكفاية عن الاخ شحرور
مع وعد غدا علي اقصي تقدير سيقوم بارسال بعض القصاصات من مقالات في سوريا وطنة ثم غيرها من الدول
اقلها ينهال علي رأس شحرور تقريعا
علي فكرة الاقرب لجماعة التكنوقراط المختلطة بالمركسية نظرا لاستقرارة في الاتحاد السوفيتي لفترة
فانا علي وعدي ان اردت انشر القصاصات المدعمة باراء ائمة علوم ازهرية وغيرها
تؤكد علي انفلات عقل الشحرور من شجرتة

Abo 7anf said...

السلام عليكم
أزيك ياابى
أخبارك ايه
الحمد لله خلصت امتحانات
او مده الحكم الكانت عليا
وجيت اسلم واقلك كل سنه وانتى طيبه
اه جمال البنا دا محدش بيسمعله
مقفبل كدا اجاز الشيشه
بس للامانه حرك التفاحه علشان فيها طعم

appy said...

محمد
=====
اسلام مش كلمك كويس علشان تغلط فيه لو سمحت انا مش اقبل بكده ابدا على فكره هو شخصيه محترمه
ومينفعش اللى انت قولته ومش هقبل لبه هو بيوضح لك وجهه نظره انما مقلش قله ادب والكلام ده فاسفه همسح تعليقك لانى مقبلش حد يغلط فيه ولا فيك وهو مغلطش وبعدين عادي ما كله بيرد على بعضه
ملحوظه انا قولت انى تقريبا شيلت كل اللينكات وحطيتهم على الريدر
محمد غلطك فيه هو غلطك فيا فشكرا بجد
وكل سنه وانت طيب

m5m said...

أنسة رحاب
.........

واضح ان فيه حاجة مش طبيعية أو أنا ما اعرفهاش لأنك لو بتتصرفى بمنطق كنتى تمسحى تعليقه قبل تعليقى ومعاهم تعليق الأخ الشبح..لكن تحيزك الغير مبرر خلاكى تمسحى تعليقاتى أنا بس وتقولى انى غلطت فيه وده غلط فيكى وهو ماغلطش فيا مع انك لو قريتى رده بدون تحيز كنتى خدتى بالك من كمية التريقة والسخافة اللى ختمها بالتعرض للعائلات

......................

عموما حصل خير..و أدينا بنتعلم

تشرفت بمعرفتك الفترة الماضية يا أنسة رحاب

appy said...

محمد
========
هو مغلطش ولا حاجه هو صعبان عليه موقف الست بس ويعدين هو مقلش ادبه عليك وبعدين ما كلنا بنتكلم بهزار يا محمد انت اللى شتمت وده عيب جوست ماخدتش بالى وهمسح تعليقه وعموما براحتك انا مش بتحيز ولا حاجه انا مع الحق يا محمد

بنوتة said...

فعلا كلمة عشيقة مهينة جدا اعتبري ان خطيبك مثلا قلهاللك مهينة فعلا مش انتي برده اتفرجتي على الفيلم ميلودي افلام
صح انا عارفة
ههكخكخكخ
اصلاني كنت بضحك معاكي كركركر
***
ملحوظة:اصلاني يعني اصل انا بس بالفلاحي
***
رمضان كريم
على فكرة عندي تاج ليكي لو حتردي عليه فيه رمضان ماشي بعض رمضان ماشي في اي وقت لو مش عاوزة براحت

appy said...

الشبح
=======

مغلش انا همسح تعليقك ده علشان مش يصح تقول كده
وبعدين اخويا الصغير انا اكبر منك مرتين يا مصيبه
منور دايما الكوكب وانت عامل زي ابن اختى كده حساه بيلعب فى كل مكان

appy said...

محمد
=======
حاضر يا محمد وميرسى فعلا ليك الغلط فعلا غلطي انا شكرا ليك اوي بجد

appy said...

ana ga3an
=============
سوري يا اسلام بجد اذا كان حد غلط وطبعا مش اقصد الاستاذ شريف لان عارفه ان الحوار بينكم هيكون مفيد
انما غلط حد تانى فيكى انا بعتذر لك هنا بجد سوري متزعلش وانت رد براحتك يا صديقى
واذا كان على زجاجه الكيتوفان فعادي اكتر من كده وبيزيح ربنا هههههه
انا مش عامله الكومنتات علشان حد يهلل ويقولى عشره على عشره يا ست
انا للكل يتناقش علشان نستفيد من بعض
خف ايديك يا عمنا شويه ههههههههههههههه

appy said...

استاذ0 شريف
=============
طبعا حضرتك انا بحترمك ومقدره انك مش واخد على اسلوب انا جعان فمعلش احنا كوبى شويه من بعض فى السخريه بس هو عمره ما يقصد اهانه لحضرتك ابدا وهو وضح
لحضرتك ارجو ان النقاش يستمر علشان الكل يستفيد بجد ونوصل لمعلومات قيمه من الناحيتن وخاصه لما تكون بين اتنين محترمين زيكوا

the ghost said...

يا ابى انا اسف لو ضايقتك . وانا مش شايف فى ردى اى حاجة غلط.صغير صغير ياستى بس انا ما بحبش الكلمة دى .وتانى بكرر اسفى .ومادام تعليقى ضايقك مع انى مغلطش اطلاقا.هفضل برضة متابع مدونتك بس مش هعلق تانى واظن مدونتك هتفضل جميلة سواء بتعليقى او من غيرة

dr.Roufy said...

جمال البنا دا كوميدي قدير
ههههههههههههههههههه
يلا ماعلينا

رمضان كريم يا قمر

:)

مجهول said...

كل عام وأنت بخير وكل أحبائك بكل خير وسلامه وربنا يتقبل منا جميعا صالح الأعمال ,, اللهم أدم علينا طاعتك ونعمك

رمضان كريم

مجهول said...

وبالنسبة للأخ جمال البنا وخلافه
فالمعلقين قالوا الكثير والكثير ومش محتاج إضافة

والله يرحم الشهيد البمبوطي
ولأسرته رب كريم عادل
....
انا متابع مدونتك قبل فترة توقفي وهي ما شاء الله رائعة ولا تحتاج لشهادة مني

شكرا لمجهودك وقلمك الرائع

appy said...

the ghost
==========
هو انت بتتأمص عموما براحتك تعلق او لا انت حر انا بجد مش هطبطب على كل واحد يدخل
عموما شرفت بس انا طالما موجوده اعرف اخد حق اللى اتغلط فيه علشان الموضوع مش يطور وخلاص فهمت وسوري على كلمه صغير يا سيدي
كل سنه وانت طيب

قلب مصرى said...

كل رمضان وحضرتك بخير
اللهم بلغنا ليلة القدر واجعلنا من عتقاء هذا الشهر

Jana said...

بعيدا عن المهلبية

كل عام وأنتِ الى الله أقرب آبى

تقبل الله منكِ صالح العمل ورزقك فضله العظيم
وكنتِ من عتقائه هذا الشهر
كل عام وأنتِ بألف خير

محمود الدوح said...

ابى

كل سنة وانت طيبة
ورمضان كريم

على فكرة شكل المدونة حلو قوى
ومينفعش العب واجرى فيها زى زمان عشان مبوظش شكلها

رمضان كريم

The Führer said...

مش أول مرة آجي هنا ، لكن أول مرة أعلق .
البوست جميل جدا ، بس عايز أعرف هي إيه مؤهلات البنا ؟ أنا ماسك لساني للآخر ، اللهم إني صائم.!
كل سنة وانتي طيبة ،أصل النهاردة غرة رمضان علي كوكو الأرض . هو إنتي في شهر إيه علي كوكو أبي؟!
دمت بكل الخير.
تحياتي

!!! عارفة ... مش عارف ليه said...

كل عام وأنتم بخير

اللهم تقبل منا صيامنا وقيامنا وركوعنا وسجودنا

رمضان كريم
وليد

جمعاوي said...

السلام عليكم آبى

وكل سنة وانتى طيبة ورمضان كريم عليكى

وبصى بقى فكك من كلام جمال البنا ده احنا بس ربنا يسترها علينا كده وما نقعش فى براثن فتاواه الغريبة يعنى السنة اللى فاتت لما قال ان التدخين ما بيفطرش فى نهار رمضان كام عدد الناس اللى اتفتنت بالفتوى دي وغيرها وغيرها ربنا يسترها علينا يارب

نورتى المدونة وبالنسبة للخرفان ربنا يخليهلك

ويلا سلام

Sherif said...

عزيزى انا جعان
==============
ماهو مش معقول كل مانتكلم عن واحد نهتم فقط بتصنيفه فى خانة ما .. ليس الغرض ان اعرف ده موالس .. وده علمانى الخ

الحوار الموضوعى هو مايتناول الفكرة وتحليلها .. وبعدها لك ان تقبلها أو لا .. هذا رأى شخصى لاحكر فيه على أحد

اما مسألة سورة الماعون فهى السورة المكية التاسعة عشرة فى ترتيب النزول

والصلاة بصفتها التى نعرفها لم تفرض الا فى نهاية العهد المكى فى الاسراء والمعراج

من هنا كان السؤال .. من هم المصلون؟

ورغم انك لم تجب على السؤال .. فقد كنت اتخيل انى سابعث لك على الميل .. اذا شئت ندوة جميلة ادارها هذا الدكتور تفتح اذهاننا على معان جديدة .. اذ ان المقام هنا لايسمح وانا اشكر آبى لكرمها وسماحها بهذا .. اذن من جهتى .. كفاية


الاستاذ الدفاع
=============
المشركون ومنهم العاص كما ضربت مثلا غير أهل الكتاب
وقد فرق الله بينهم فى القرآن فى أكثر من موضع من ضمنها سورة البينة
لم يكن الذين كفروا من أهل الكتاب والمشركين منفكين .. الآية

فاذا كان المسيحيون ليسوا من اهل الكتاب فمن هم اهل الكتاب؟

ليس هناك عالم مسلم واحد يحرم الزواج من نصرانية .. لأنه لايمكن ان يبيح الله لنا الزواج من كافرة

لانستطيع ان نقلل من قدر شيخ جليل مثل القرضاوى وهو رئيس الاتحاد الاسلامى العالمى

كل احترامى وتقديرى لكم

الدفاع said...

استاذ شريف
هو ده كلامى؟؟؟؟؟؟؟؟هو انا قلت ان حكم المشركين من اهل الكتاب كحكم المشركين من غير اهل الكتاب؟؟؟؟؟؟؟
طبعا ماقلتش كده انا بس بارد بحجه عقليه عليك وبارد كلام الشيخ القرضاوى دون التعرض له فهو شيخ قدير ولكل جواد كبوه
ومن الخطأ تتبع ذلل العلماء ورخصهم وهذا راى شاذ للشيخ مع جلالة قدره ورفعة منزلته
وتحريم زواج المسلمه من الكافر ايا كان كتابيا من عدمه من المسلمات فى الاسلام لقوله تعالى
(يأيها الذين آمنوا إذا جاءكم المؤمنات مهاجرات فامتحنوهن الله أعلم بإيمانهن فإن علمتموهن مؤمنات فلا ترجعوهن إلى الكفار لا هنَّ حل لهم ولا هم يحلونَّ لهنَّ) الممتحنة10·
وايضا لقوله تعالى
(ولا تنكحوا المشركات حتى يؤمِنَّ ولأمة مؤمنة خير من مشركة ولو أعجبتكم ولا تنكحوا المشركين حتى يؤمنوا ولعبد مؤمن خير من مشرك ولو أعجبكم) البقرة221·
اما ان ناخذ الحكم من عالم على عاوهنه لمجرد رفعة قدره فى العلم فقط فهذا لا يصح
سيما والعالم قد خالف النص القرأنى لسبب واهى وحجه ضعيفه
ولولا الادب فى مخاطبة العلماء لصح ان ننزل العالم من مكانته ونعيده اسفل سافليم لمجرد ان يظن ان رايه اولى بالاتباع من النص القرأنى
وتحياتى لكم واتمنى ان تعم الفائده من وراء نقاشنا هذا
وكل عام وانتم بخير

هيثم الدهشان said...

آبى
كده غلط انتى سبتى الباتنجان وقلبتى على المهلبية

الفتاوى ياماما بقت زى البحر

وبعدين انتى بتحكى فى توشكى اللى كانت حلم ومات من قبل مايتولد

ولا البمبوطى ماخلاص الشعب بقى يتاقل بالفلوس وفى الظروف اللى احنا فيها الفلوس احسن

يابت ارجعى للباتنجان احسن من المهلبية

تحياتى وكل سنة وانتى طيبة

عمو said...

appy

كل سنة وانتى طيبة

ورمضان كريم



تحياتى وتقديرى

Abdou Basha said...

فتوى المهلبية فكرتني بفتوى الخشاف
الناس كانت بتسأل عن رأي الدين في الخشاف
كل سنة وانتي طيبة

Eldebug said...

كل سنة وانتى طيبة ويارب تكونى دايما بخير ...





بس خلاص

micheal said...

لموضوع الأول تعليقه ربنا يتوب علينا من الهيافة ونركز بقي في الجد
الموضوع الثانسي تعليقه ..ليه إحنا منتظرين من أمركا واسرائيل يقدرونا ويعملونا ثمن واحنا أصلا مضروبيت بالجزمة القديمة في بلدنا ومعندناش سعر عند الحكومة وحياة القطار والعبارة وغيره وغيره..يعني يا إيبي تفتركي الغريب حيكون أحن عليكي من القريب اللي منك وعليكي
:)
تحياتي

زُمُرده said...
This comment has been removed by the author.
زُمُرده said...

كل سنه وانت طيبه ولله اقرب وعلى طاعته ادوم
وبخير وسعاده


سياسه تاااااااني

صومي بقى شويه
والله العجب كله في الاخبار

نهر الحب said...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

Amgad said...

علي فكرة بقي
انا في الفتوي دي متفق
مع جمال البنا ولكن
في ليميت معين
لان الضرورات تبيح المحظورات
وعلي فكرة مصراوي اللي مافور الموضوع اوي
ومبين الزوجة التانية علي انها عشيقة
طيب ليه ميبقاش نوع من الزواج في السر
او نوع من الزواج في الله
زي مكان الناس بتوع زمان بيتجوزو
مدام دي شروط البلد
ومش معني اني متجوز اتنين
وربنا حللي كده
وسافرت برة اطلق واحده
عشان خاطر ام البلد اللي انا فيها
متهيالي ممكن احول احدهما
لزواج ولكن غير معلن
وكفاية اني قدام ربنا
معتبره زوجتي
وان زواجي عليها تم بطرق شرعية

blackghost said...

انا ما بتامصش وعموما انا غيرت اسمى وهفضل اعلق عنى وتزعليش هة

blackghost said...

انا اتضايقت علشلن تانى تعليق قلب مشكلة

appy said...

قوس قزح
==========
كل سنه وانتى طيبه وبخير يا جارتى العزيزة







wanna b a physician
=====================
ما هى التفرقه دى اللى عاوزاهاالحكومه دى لعبه يا دكتور بس حكم عقلك كل سنه وانت طيب

appy said...

ضى القمر
===========
يوووووا لو نزلتى دى هتلمى عليكى كل المدخنين يعملوها عندك كافيه هههههههههه
كل سنه وانتى طيبه






همس الاحباب
===========
كل سنه وانت طيب يا ابو همس نورت الكوكب كله

appy said...

حنين القلب
===========
كل سنه وانتى طيبه يا جمر ومنورانى دايما







الحكمة ضالة المؤمن
================

ما هو ده اللى عاوزينه يقلب الناس والناس عقولها اتسلبت فعلا
وميرسى ليك نورت الكوكب

appy said...

بنت سيناء
===========
اقولك روح اخنقيه ابقى خلصت منه وانتى بالمرة هههههههههههههههه
لا بجد انا فاهمه كلامك بس علشان انا عارفه حازم من زمان فبرد عنه
نورتى يا قمر سيناء






سبهلله
=========
اهلا بالنور اللى هنا وفى كل مكان كل سنه وانتى بخير

appy said...

امل
=====
وانتى طيبه يا اموله ومنورانى دايما








حدوته
========
اعمل ايه بس والله حاجات تحرق الدم والناس بتصدق نورت يا محمد وانت طيب

appy said...

محمد الكومى
===========
ايه الفوانيس اللى على الورق دى بس ماشى همشيها لك المرة دى كل سنه وانت بخير يا اسد






Saudi Romantic
================
وانت بخير وطيب
وبجد نورت المدونة كلها

appy said...

Abo 7anf
=============
اهلا يا زملكاوى كل سنه وانت طيب والحمد لله انك خلصت
تفاح يعععععععععع بيدوخ يا عم غير ههههههههه






بنوته
=========
بعد العيد حتى يبقى مع اللبس الجديد يا قمر
نورتى وكل سنه وانتى طيبه

appy said...

dr.Roufy
===========
اهلا يا قمرايه وانتى طيبه وبخير يا رب







مجهول
========
اهلا بيك ومييرسى لذوقك خالص
ونورت الكوكب وكل سنه وانت طيب

appy said...

قلب مصرى
=========
وانت بخير وسعاده يا ابو رقيه







Jana
=======
وانتى طيبه يا حبيبتى وتقبل الله منا ومنكم

appy said...

محمود الدوح
=============
طبعا عارف انى مش طايقك بس رمضان كريم يا دوح ولو شوفتك بتلعب هنا انت عارف هعمل فيك ايه صح
كل سنه وانت طيب يا محمود






The Führer
==============
مؤهلات استغفر الله العظيم انت بتظلم المؤهلات ليه بس ههههههههههههههه
كل سنه وانت بخير ونورت الكوكب فعلا

appy said...

!!! عارفة ... مش عارف ليه
============================
وانت طيب وبخير يا رب ومنورنى دايما






الجمعاوى
=========
لا انا عارفه الخرفان فى ايد امينه هههههههههه
كل سنه وانت بخير

appy said...

هيثم الدهشان
================
اهلا اهلا
كل سنه وانت بتنجان يا دهشان حاضر هرجع تانى نورت تانى يا هيثم






عمووو
==========
وانت طيب يا عموو وبخير

appy said...

Abdou Basha
==============
اهلا اهلا يا عبدو باشا
هى وصلت للخشاف الا طلع ايه حرام ولا حلال هههههههههه
نورت وكل سنه وانت طيب






Eldebug
==========
وانت طيب بس خلاص ههههههههههه
كل سنه وانت بخير يا فيلسوف

appy said...

micheal
==========
لا مفتكرش بس كنت بعشم نفسى هئ هئ هئ هئ
اعمل ايه بس فعلا ربنا يتوب علينا ويرحمنا بقى






زمردة
=========
اه نفسى بجد ابطل الموضوه ده مش عارفه
كل سنه وانتى طيبه يا قمر

appy said...

نهر الحب
=========
كل سنه وانتى طيبه يا ايناس منوره الكوكب






Amgad
=========
وحقهم فى التامين الصحى والطبى والحاجات دى فين لما يحب يفتى يبقى يامن لهم حياه صح فهمت
نورت الكوكب اول مره وكل سنه وانت طيب

appy said...

blackghost
===============
طبعا تعليقك هيبسطنى ونقاشك كمان بجد واهو تستفيد واستفيد
وسعيده بيك انك فهمت الموضوع نورت الكوكب تانى العب بقى زى ما انت عاوز مع الخرفان بتاعتى

انسان بلا عنوان said...

ازيك يا ابى

- هو بالنسبه لموضع الفتوى ...
مش صح انك تقولى عليها فتوى وده خطأ شائع للاسف ..لانها ليست صادره عن جهة افتاء رسميه او عن احد الشيوخ المعروفين بعلمهم وصلاحيتهم للفتوى (واغلبهم ان لم يكن كلهم دارسين بالازهر )..يبقى بالنظر لمصدر ما يسمى بالفتوى هنا نجد انها ليست فتوى وانما هى مجرد رأى لما يطلق عليه مفكر اسلامى(او مخرف مبتدع ) .

ولو بصيتى بقى لمتلقى الفتوى تجديه - فى الغالب - يعلم بعدم جوازها ...يعنى مثلا البنت تعلم ان البوس حرام ..زبس هى بقى كانت عايزه...وخلاص

- وبالنبه لموضوع تعدد الزوجات..
هو انتى مش موافقه عليه ولا ايه ؟
المؤمنين اذا قضى الله ورسوله امر بيكنش ليهم الاختيار فقط يرضوا ويسلموا تسليما..عشان يبقوا مؤمنين بجد

-بالنسبه لزوجة عفيفى...
فلا اعلم هل الديه او التعويض يكفى ام لا .....بس المشكله مش فى كده ...المشكله فى دوله قد يشعر رعاياها بانها غير قادره على حمايتهم على اراضيها !!...فما بالك بخارج حدودها ودور السفارات والقنصليات !

- اما عن اباظه وعن الحكم فى مصر عموما فربنا يستر على البلد بجد ....وبالنبه لموضوع الوليد بن طلال معلوماتى انه اخد مئات الفدادين عشان يستصلحها ومزرعش الا نسبه بسيطه جدا ....رغم ان كل الامكانيات طبعا متوافره لسموه...على عكس شباب الخريجين ...طب كانزا فرقوها علينا ...اهو كنا عملنا حاجه ليها لازمه ومنه ساعدنا بلدنا برضك

- بالنسبه للحكمه بتاعتك ....الله يسامحك بقى اهو انا جيت متأخر زى بتاعت الزفه هههههه..حسستينى بالاحراج
بس النت كان بيفصل

appy said...

انسان بلا عنوان
================
لا يا محمود يا نهار ابيض هو انا يعنى كنت عاملاها علشانك هههههههههه
المهم انا اساسا مش معترفه بيه خالص البنا ده
موضوع الديه اهى احسن من مفيش وخاصه الست فعلا محتاجه ومش هنمشى ورا شعارات الناس وخلاص

موضوع تعدد الزوجات مقدرش اعترض على شرع ربنا
بس ان يكون استخدامه بالعقل
نورت يا محمود وسعيده بمتابعتك