الحب تيرررارررر


صباح شريف عليكم جميعا يالا عندكم استمحان النهارده بس رومانتيكى فستنتيكى شويه اوى

لانى زهقت بصراحه من الباميا (السوياسه ) والكلام فيها فهجيب لكم اساله حلوة وانا مشغله الكمنجات واتنين ليمون واوركسترا الخرفان بتاعتى وعزف اللحم المتشهور مائاميئو

؟ ايه هو الحب

ازاى بتشوف حبيبك او حبيبتك؟

الحب علاقته ايه بالكرامه؟

هل اول حب هو اصدق حب ولا ممكن يتنسى ويجى بعده الكتير؟

ايه هو الحب الفاشل؟

ايه الحاجه اللى تحب تعملها لحبيبك طول الوقت ومقدرتش تعملها

تحب تعمل لحبيبك حاجه بدون ما يقولك ولا تستنى لما يطلب منك

سؤال للفياكين الرجالى هلى الراجل منكن يعنى يحب اتنين وازاى

يالا يافياكين ومش عاوزة حد يجيب ليه تعريفات ولا قرشينات ههههههههه ولا يغش من الزمخشرك ولا المتعرى وخاصه المتعرى ده علشان عيب


يعنى نجيب كلام حد متعرى

انا عاوزة محاسيس ومشاعير حكيكيه

اه حب الام والوتن والاخت والاخ والاب وقبلهم ربنا طبعا والرسول (صلى الله عليه وسلم) مفروغ منه تماما

ومش عاوزة حد يشمر كمامه ويغمض عنيه ويدخل يقول الحب حرام اصل بجد جايبه قلل قناوى وراد الصعيد وعاوزة اجربها

انا قولت ميه مرة فيه حاجات خارج نطارق الخدمه او ايدينا والحب حاجه ربنا بيحطها فى قلب الواحد من غير ما يحس هنقول هنقاوم الاحتلال بتاع الحب اوكى عادى بس برضه هتتطسوا فى قلوبكم بيه ولا مفرات ولا مارشات ولا انفاق هتنفعكم

ملحوسه:) اوعوا تنسوا والنبى موضوع بيكيا وبؤجه الخير الوقت بيعدى ادخلو فى المدونه وشوفوا وتابعوا عاوزين نعمل حاجه كويسه بقى او اعملوا تنويهات عنها عندكم بليييززززز اللينك اهو

اشوشكم على خير بقى فى الكومنتات

كان معكم قائد الاوركسترا الخرفانى العظيم آبى هانم كعب الغزال

99 اخبط وقول رايك:

blue-wave said...

اولا
يشرفنى جداا انى اكون اول تعليق
بحجز واجاوب على مهلى

blue-wave said...

انا جيت تانى
جبت معايا ورقه وقلم واستيكه لزوم المسح
احم
هوا كل الاسئله اجبارى؟؟؟
طيب مفيش اختيارات؟؟؟
بسم الله الرحمن الرحيم
الإجابه تونس:))
لأ بجد بقى
هاجاوب هاجاوب

؟ ايه هو الحب
تقريبا بيقولو تتطلطش بحاجه كدا بس الباقى مابيوجعش
ههههه
فى رأيى المتواضع
الحب انك تحب حبيبك من غير ماتعرف بتحبه ليه

ازاى بتشوف حبيبك او حبيبتك؟
بشوفها اجمل انسانه فى الدنيا
ومفيش حد زيها

الحب علاقته ايه بالكرامه؟
مفيش كرامه فى الحب
بس بشرط
الحب يكون من الطرفين بنفس القوة
ساعتها محدش هايعاير التانى

هل اول حب هو اصدق حب ولا ممكن يتنسى ويجى بعده الكتير؟
انا رأيى المتواضع برضه
انه الحب الصادق اللى بجد
بيتسمى اول حب
مهما كان ترتيبه
الأول التانى العاشر
لأن مش كل اعجاب يبقى حب
ومش كل احساس بالحب يبقى حب
ومش كل ارتباط مبنى على الحب
لأنك لما بتحب بجد
بتقول على كل اللى فات انه كان وهم

ايه هو الحب الفاشل؟
الحب من طرف واحد


ايه الحاجه اللى تحب تعملها لحبيبك طول الوقت ومقدرتش تعملها
اكون معاها 24 ساعه فى اليوم

تحب تعمل لحبيبك حاجه بدون ما يقولك ولا تستنى لما يطلب منك
من غير مايطلب طبعا
ساعتها هايحس اد ايه انا فهمته من عنيه بس

هلى الراجل منكن يعنى يحب اتنين وازاى
مستحيل
ولو دا حصل
يبقى ماحبش اصلا
ربنا سبحانه وتعالى بيقول
ما جعل الله لرجل من قلبين فى جوفه
صدق الله العظيم

هييييييييييييييه
انا كدا خلصت
اخد كام من عشرة بقى؟؟؟

كلبوشستان said...

?ايه هو الحب

الحب : أسطورة الماضي وأكذوبة العصر

ازاى بتشوف حبيبك او حبيبتك؟

عندما تسقط الأقنعة المزيفه زي أوراق الشجر في فصل الخريف

الحب علاقته ايه بالكرامه؟

الحب أكبر معتقل للكرامة ولا جونتامو

هل اول حب هو اصدق حب ولا ممكن يتنسى ويجى بعده الكتير؟

هو بييجي بعده حبوب كتيييييييييييير ( للصداع والضغط والمنومات ..... ألخ ) بس مش بنقدر ننساه طبعا ومش اصدق حب طبعا لان الصدق ملهوش مدة انتهاء صلاحيه

ايه هو الحب الفاشل؟

اي علاقه تسمى كذبا حب قبل الزواج حقيقه والله لعلمك ممكن الحاله اللي بتأسرنا ومن تغفيل بعضنا بيطلق عليها حب ممكن تأثر على بيوتنا بعد الجواز
حالات كتيرة من تبلد المشاعر وعدم الثقه كله دا بيأثر كتير علي الانسان بعد الجواز

ايه الحاجه اللى تحب تعملها لحبيبك طول الوقت ومقدرتش تعملها

اني أخليه دايما بيضحك وسعيد وادام عنيا طول الوقت

تحب تعمل لحبيبك حاجه بدون ما يقولك ولا تستنى لما يطلب منك

أحب أرسم له كلمة بحبك بصدق على الهوا وعلى اوراق الشجر وعلى السحاب وعلى صفحات المية وعلى كلمه نجمه بالسما

سؤال للفياكين الرجالى هلى الراجل منكن يعنى يحب اتنين وازاى

وايه المشكله والسؤال دا في الوقت الحالي تقدري توجهيه للجنسين لان في بنات كتير واقعين تحت وهم اسمه أحب هذا وأريد هذا

الامضاء "

واحد متفاؤل جدااااا

ketchup said...

عناوين مواضيعك دايما بتضحكني

الحب هو ايه ؟؟
ال لامور طبعا
و ازاي بشوف حبيبي
اكيد بعينيا

هاهاها بايخه

علاقة الحب بالكرامة

مأنتمين


أول حب هو اصدق حب

دا سؤال جميل

انا شايف ان الحب لو حقيقي هيكون صادق عموما سواء كان اول او اخر مش هتفرق

لكن اول علاقة ارتباط عاطفي بيكون لها علامة بتسيب اثر مش بيتمحي
فالحب الاولاني مش من السهل انه يتنسي و ان كان في ناس تقدر تنساه تماما لان الحاجات دي نسبية بين البشر عموما

فأكيد مفيش قاعدة نقيس عليها عشان نطلع بأجابات حقيقية تماما

الحب الفاشل هو الحب اللي مش بيذاكر
هي هي هي برضوا بايخه

او الحب من طرف واحد دا حب فاشل جدا جدا



واحد يحب اتنين
معرفش بصراحة لاني مجربتش احب اتنين
بس على رأي شادية
علشان مليش قلبين مقدرش احب اتنين

تشيراارارارا

norahaty said...

السلام عليكم ورحمة الله وبركاته
ابى
اسمحيلى
ارد على اللى عايزة واللى مش عايزة لأ
الله !!!!انا ضيفتك حتغصبى على اكل الطبق كله!!!!
الحب هو داهية سودا بعيد عنك تلاقيها محدوفة عليكى من فين ماتعرفيش فجأة كده بتحبى (شوال البصل اللى ماشى ده)والله بالصح ما اكدب عليكى وتبقى شايفاه (فله ماشالله حسبالله) اناذنبى ايه هو الحب كده
قالتها قبلى الست ام كلثوم
وانك تحبى تانى وتالت و18 كمان
اه واه واه (مش من الوجع لأ دى موافقة على الكلام) وماتحرميش برضه
وبس كفايه كده شبعت
خليلى الطبق بتاعى ده فى الثلاجة عندك يمكن ارجع اكمله لو لىّ نصيب
ووووووحياة الغاليين عليكى ياشيخة ما تعملى بوستات تانى عن الحب
قطع وقطعت سنينه
سلام

bibo said...

اولا يابرنسيسه المتفزلكين من اول سؤال حسيت ان الثانويه العامه بتاعه السنه دي اسهل بكتير من اسئلتك
المهم
1-رؤيه شخص يتحرك له قلبك وكل مشاعرك وتتمني الا يتركك وتتمني ان تراه في كل وقت
2-بشوف فيها حنيه الام,لهفه الحبيبه,واقفه جنبي في كل وقت الشده والفرحه والحزن مش ترميني عند اي ملف زي بتوع اليومين دول
3-الحب اساسه الكرامه يا ابي هانم بمعني (ماينفعش مقوله الحب مفيهوش كرامه لا لا لا)اللي يحب مايجرحش كرامه اللي يحبه
4-مش دايما لكن ممكن يتنسي طبعا وده الاكيد ونفتكره ونضحك عليه لاني ممكن الحب التاني ينسيكي اي حب عدي
5-اللي مبني علي اساس جامد بمعني حب حقيقي ومشاعر حقيقيه بين الاتنين مش واحد بس والصدق هو الطريق الوحيد اللي يبني حب حقيقي
6-اني اكون سبب سعادته دايما واحاول امسح اي دمعه علي خده(حلوه علي خده دي صح ههههه)
7-طبعا مش لازم يقولها لازم اللي يحب يكون لماح ايه اللي يحبه حبيبه من غير مايقوله من المعامله معاه مش كده ولا ايه
8-القلب مايسعش غير واحد يافليسوفه المدونات
واخيرا وليس اخرا ارحمينا من اسئلتك احنا داخلين علي شهر رمضان المبارك وهنكون مفيصين قصدي صايمين مش هنقدر علي الاجابه
شكرا bibo

محمد فوزي said...

صباح شريف آبي هانم

إيه هو الحب ؟
الحب هو أن تشعر أنك بحاجه دائمه إلى شخص ما , ,
هو أن يسلبك هذا الشخص إرادتك
هو أن تتمنى سعادته في كل لحظه ولو على حسابك ,,
هو أن تشعر بمذيج غريب من السعاده , والخوف , والشجن , والثقه والضعف في آن واحد

إزاي بتشوف حبيبتك ؟
بشوفها وبتمناها ملاك عشان تتحملني وتقدر تسامح لأني متعب جدا

الحب علاقته ايه بالكرامه ؟
علاقته إن كل واحد يهتم بكرامة حبيبه أكتر من كرامته , لكن يوم ما يفكر في كرامته هو أكتر يبقى قرر يقتل الحب اللي جواه

هل أول حب هو أصدق حب ؟
لأ أصدق حب هو أول حب

إيه هو الحب الفاشل ؟
اللي يكون فيه عقبات اقوى من حب طرف من الإتنين


ايه الحاجه اللي احب اعملها ومقدرتش اعملها ؟
حاجات كتير , اني اكون جنبه طول الوقت , اني مسببلوش اي الم او دموع , اني احسسه ان الحياه هو وبس

أحب بل واستمتع اني اعمله الحاجه من غير ما يطلبها وافاجأه واشوف سعادته في عينيه

الراجل يحب اتنين ؟
لأ يحب واحده , لكن طبيعته ممكن تخليه يحتفظ بعلاقه طيبه مع واحده تانيه غير حبيبته

تحياتي وإحتراماتي

أبو خالد said...

أبنتي الغالية /أمبراطورة الكوكب الجميل آبي
كل عام و أنتي و الأسرة الكريمة بخير
وجزاك الله خير علي التعديلات و الأضافات في مدونتي
دمتي أبنة غالية

سمر الشافعى said...

اهىء اهىء اااااااااه والنبى ياميس رحاب انا مكونتش اعرف ان انهارده امتحان عشان كدا مذاكرتش وقعدت طول الليل اتفرج عالتى فى هوا مفيش امتحانات دور تانى للفاشلين امثالى يمكن وقتها يكون ربنا كرمنى وكيوبيد رشق السهم اياه فقلبى واقدر اجاوب

سومه...مجنونه فى بلد عاقل said...

ههههههه برىء يا بيه وحياتك مش انا اللى قتلته ولا انا اللى اجبرته على الانتحار دا قانون المصالح المشتركه هو اللى قضى عليه وجرمه وقال عليه وهم وسراب
انا قلت اجربه لاقيت عمك القانون كان معاه حق فى كل الحالات
فكرت فكره كويسه وماشيه بيها من صغرى مش مهم اللى قدامى يحبنى عشان احبه كفايه انى انا بحبه حتى لو هو بيكرهنى هى غتاته وخلاص
اه غتاته انا مش ناقصه كلاكيع من الناس
بنت يا ايبى متقلقيش انا اضمنلك الواد ميدو دا زى العثل طالع لامه

قلب مصرى said...

العزيزة آبى
قبل ما أجاوب أحب أقول إنى الحمد لله متزوج ((وعن قصة حب جامدة قوى))
نجاوب بقى
إيه هو الحب؟
سؤال صعب جداً مش عارف أجاوب عليه غير إنى أقول مراتى بالنسبة لى هى الحب.
بتشوف حبيبتك إزاى؟
بشوف إنها كل النساء فى الأرض وعلشان كده مش محتاج حد غيرها فى حياتى والحمد لله.
إية علاقة الحب بالكرامة؟
المفروض إن الحب الحقيقى يرفع من كرامة المتحابين مش العكس.
هل اول حب هو اصدق حب ولا ممكن يتنسى ويجى بعده الكتير؟
الحب الأول مش دايماً أصدق حب خصوصا لو جه فى فترة الصغر من العمر لأن حكمنا على الأمور مش دايما يكون مظبوط.
ايه هو الحب الفاشل؟
مافيش حاجة اسمها الحب الفاشل أنا أعرف إما حب أولا حب ومش شرط إن الحب اللى بينتهى إنه يكون فاشل لأنه ممكن يفضل عايش فى قلب المحب.
ايه الحاجه اللى تحب تعملها لحبيبك طول الوقت ومقدرتش تعملها؟
الحاجة اللى احب اعملها لحبيبتى ولسة مش عارف اعملها إن اريحها من المواصلات واجيب لها عربية.
تحب تعمل لحبيبك حاجه بدون ما يقولك ولا تستنى لما يطلب منك؟
أغلب الأحوال أحب أعمل لحبيبتى (زوجتى) الحاجة من غير ما تطلبها لأن ده بيخليها سعيدة أكتر.

سؤال للفياكين الرجالى هلى الراجل منكن يعنى يحب اتنين وازاى؟
أما بالنسبة لحكاية حب اتنين فاعتقد إنها ممكنة لأن ربنا سبحانه وتعالى شرع للرجل الجمع بين الزوجات فعلشان كده خلق جواه القدرة على الحب لأكتر من امرأة فى وقت واحد والله اعلم.

أخيراً أحب اقول إن الإجايات لازم تكون نسبية لأن موضوع الحب ده حكاية غريبة شوية فاللى أنا بحبه غيرى ممكن يكره والعكس بالعكس، علشان كده أحب أقول إن إجاباتى دى شخصية جداً مش شرط تكون صالحة لغيرى من الناس.

جمعاوي said...

السلام عليكم

أنا عاوز اقول بس اني مقتنع بكلمة جميلة جدا

كانت اترفعت شعار في حملة(يلا نحب بجد)اللي كانت بجامعة القاهرة

الكلمة بتقول الحب مثل الزهرة لا ينبت ابدا في الظلام

ان عاوز اجاوب بس على سؤال من وسط الاسئلة اللي موجودة

الا وهو الحب الفاشل :_هو الحب المبني على الخداع أو الغش أوا لمصلحة او ما شابه

وتقبلي مروري

وقبل ما انسى متشكر لحضرتك جدا على الاهتمام...ويا ريت تراجعي الميل بتاع حضرتك

وجهة نظري said...

والنبي إنتي فايقه ورايقه هههههه
بهزر بهزر .... مش ناقص قله في دماغي، كفايه القلل الروماني هههه

الحب مالوش معني محدد ... دا لو كان في أصلا حاجه إسمها حب من أساسه. بالنسبالي الحب هو الرغبه في تملك شخص من الجنس الأخر (أو من نفس الجنس لأخوانا البعدا هههه) ... والسيطره علي مشاعره لتصبح ملكيه خاصه، والغرض طبعا هو الجنس، أصل الواحد عايزه واحده يحبها يعمل بيها إيه في الأخر؟؟ حيبيعوا سبح؟ حيتجوزوا طبعا

فكل الإفرازات النفسيه والذهنيه إلي بتدي مشاعر الحب أساسها جنسي، بس حكاية الحب دي بتدي لفظ مشروع للموضوع

والدليل علي كده إن مفيش حاجه إسمها حب في الدول الأخري، التركيز كله علي الإرتباط والملازمه، لأن معندهمش مشكله في الجنس... فمبيقعدوش يسرحوا ببعض، وبحبك ..... ندخل في الموضوع مباشرة

بشوف حبيبتي كأنسانه، هل يصلح الأستمرار معاها والا حنضيع وقت في قصايد شعر ومديح وتسبيل، وهيا اساسا معندهاش فكره إزاي تبيقي شريكه في الحياه؟

الحب مالوش علاقه بالكرامه .... كل دا إثبات إن مفيش حاجه إسمها حب.... إلي له علاقه بالكرامه والتغاضي عن بعض المشاكل هي الرغبه في الإستمرار وتكوين أسره أو شركه. وفي الأخر مفيش حاجه ممكن تدوس علي الكرامه ... يعني إيه مثلا، تمسح بيا الأسفلت وأعديها علشان بنحب؟

أول حب غالبا أهبل حب ههههه لأنه بيكون بين أطفال عايزين يكتشفوا الطرف الأخر، أو بين مراهقين عايزين يتمنظروا علي صحابهم بالحته المزه بتاعتهم، ويلاقي نفسه بيتحكم في واحده، إلبسي دا ومتلبسيش دا، ورايحه فين وجايه منين. أخر حب هو أصدق حب، لأنه حيودي علي الطريق الصح .... لو كان في توافق حقيقي

الحب الفاشل هو إلي مالهوش أخره ... حنفضل نسبل لبعض ونسمع ام كلثوم طول عمرنا ههههه

مفيش حاجه ممكن أعملها وعملتهاش، وإلي مقدرش أعمله يبقي مينفعش يتعمل

وممكن أعمل حاجات كتيره ومفاجاءت من غير ما يطلب علشان الحياه تبقي سعيده. مجرد إلإحساس بفرحة الشريك من مفاجأه دي حاجه مفرحه أوي ليا

الراجل ممكن يحب إتنين وعشره كمان ... ده دليل تاني إن مفيش حب اساسا، في رغبه للتملك ... عندك الأشقر هات أم شعر إسود، عندك الرفيعه هات المليانه، عندك القصيره هات الطويله

إنما الراجل المظبوط ميقدرش يرتبط فعليا غير بشريكه واحده بس في علاقه جاده، إلا لو ظهرت ظروف خاصه جدا ممكن يرتبط بواحده تانيه

كفايه عليكي كده، وماتقوليش عليا معقد ههههه

fours said...

عن اي حب بتتكلمي طالما انتي مش متجوزة ولا مخطوبة؟

انتي بتتكلمي عن الحب زي اللي بيتكلمو عن قعر البحر ولكن مبيعرفوش يعومو, يعني متعرفيش عن الحب حاجة

وبتتكلمي ساعات عن مصر واتي اصلا موش مصرية وبتحشري منيخرك في حاجات مش من اختصاصك ولا عندك اي انتماء احساسي اليها

وكل مواضيعك مكتوبة باسلوب بياعين الخردة وساعت زي بياعين البصل وكل جملة بتزعقي بامية وكوسى, يعني لو فتحتي محل كنافة حييجو الناس ويلاقوكي نايمة على بتنجان

ايه السخافة دي

متتكلمي عن الطبيخ وبس , دا اذا كنتي اصلا بتفهمي بحاجة

وكمان بتكتبي بالمصري؟
علشان تكبر الاهانة على الكتاب المصريين

ولا حتجيبي جائزة نوبل للمدونين المصريين

الحق الطماطم يا عباس
روحي اجمعي تبرعات لغزة واشتريلك علبة سجاير

نهر الحب said...

الحب شئ جميل جداا لكنه نادر
اما علاقتة بالكرامة فهو بيدعمها يعنى اللى بيحب بيحافظ على كرامة حبيبة
اما اصدق حب فهو انك تحب اصلا
صحيح الحب الاول بياخد اجمل ما فى الانسان من مشاعر صادقة صافية دون خلط او زيف لكنة ممكن ميكونيش الاصدق
الحب الفاشل
الحب من طرف واحد

اما عن الراجل ابو قلبين
فلا احد يستطيع ان يحب اتنين فى وقت واحد

appy said...

fours
==========

سورى يا جماعه بس هرد على البتاع ده الاول

والله العظيم انا عنيه دمعت من الضحك على اللى مكتوب ده
انت ولا انتى بجد فاهم انت بتتكلم عن مين ولا انت ماشى تورزع تعليقات وواحد منهم وقع منك هنا طيب اللهى يخليك تعالا شيله ولا اقولك سيبه انااساسا صاحيه مودى مش كويس وانت ربنا يكرمك ضحكتنى موت

وبعدين تعالا هنا يا لئيمه انت انت منين عارف انى مش مخطوبه ولا متجوزه تكونش بتجمع تحريات عنى يا لهوى عليك انتم شاغلين نفسكم بيه اوى كده
طيب يا خايب مش اللى يجمع معلومات يعرف جنسية اللى بيكلمه

ولا يكونش اهل العريش لهم جنسيه تانيه غير المصريه يمكن
بس ماما المنصورة تبقى اكيد بالقانون الجديد هأخد الجنسيه اه والنبى ربنا يخلى اونكل مبارك اللى هيدينى الجنسيه
وبعدين بياعين الخرده طيب ايه عرفك بيهم اممممممممم
انت بتشتغل معاهم من ورانا ولا ايه طيب قول اللهى يسعدك يعنى نعمل قرشين فى البلد الهم اللى اتملت باللى زيك
وبعدين يعنى
انت لو مصرى يا راجل حد يكتب موش مووووووووش
اسمها مش
وكوسه مش كوسى

انت مش معاك محو اميه ولا ايه


بصانا عادة بشيل الكومنتات الهطله بس بما انك ضحتنى هسيبه والله اللى جاى واللى رايح يضحك عليك بيه

ويالا بقى اجري العب بعيد يالا
والا هانسل ابو وردة علي دماغك
ابو وردة المصري عارفة
ولا الست والدتك كانت بتصبحك بالزنوبة

محمد فوزي said...

ايه ده ايه ده ؟
انتي عندك حشرات ولا ايه يا آبي هانم
معلش ابقي رشي شويه كده ولا بالجزمه على طول

بالنسبه للأخ أو الأخت أربعات

طب لما انت مصري قوي كده وليك وجهة نظر , طب مش تخليك راجل كده وتعرفنا بنفسك أحسن بدل ما انت عامل زي الجبان اللي عامل اكونت مخصوص عشان يشتم بيه بنت

وبعدين يا أخي ده انت حتى مش عارف تتكلم !!!

معلش يا آبي هانم ده تلاقيه واحد سكران دخل المدونه غلط

يالا امشي يا شاطر اجري العب بعيد

لماضة said...

حب ايه اللي جي تقول عليه
ايه يا بوبي مش تراعي القطط الصغننه المغمضه الي زي حلاتي
وش مكسوف

بجد مش عارفه اجاوب
وعد اول ما هجرب هجاوب على طوووول
بس اكيد انه احلى حاله ممكن حد فينا يعيشها خصوصا لو كانت مع الشخص المناسب في التوقيت المناسب والمكان المناسب

Z_Diva said...

eda, ana 3la ma3'yart elknal 3ashan agyb knat elcommentz knt fakdt elzakra we nset elpost aslan :S
estany b2a ama atla3o ganby hna 3shan ashof ellila de feha eh belzabt
.
.
.
.
.
aho fat7to, yeeh estany b2a lamma a2lb elkeyboard 3rby 3shan ana 3arf 3ranglizy bta3y bygbloko heshes :D
.
.
.
.
بصراحة بقى يا ابئوبي, انا اخر واحدة منكن تفيد في الحوار ده, انا اصلي بعد ما اعدت اشتغل نفسي عشر سنين و عاملة فيها شهيدة الغرام, اكتشفت اني كنت مألفة قصة حب من خيالي المريض و كمان كنت بهاجم الطرف التاني عشان مش بيمشي على السيناريو اللي في دماغي, و انت عارفة الحوار يعني, و من ساعة ما صحيت من النوم مبقاش ينفع اني اثق في اي مشاعر احسها او احس ان في حاجة من حد نحيتي, على طول اضرب طناش عشان انا ممكن يكون بيتهيألي كالعادة, يعني من الاخر قررت مادخلش اي علاقات عاطفية عشان بيتهيألي ان كاه بيكون في دماغي و اني هعمل من نفسي اضحوكة عالفاضي -هو ايه اللي انا بقولوا ده و ايه دخله في موضوع البلوج- معلش يا اببي اصل انا فيري سيلف ابسوربد و بحاول ابطل بس الحوكاية هتخد تايم, فسوري لما بسرح منكم في الكومنتز :)
من الاخر يعني, انا والله ماعرف ايه هو الحب, وايه الحقيقي من الخزعبلي من التهريج. ام اوت اوف زا جايم :))))))))))))))))
و خليكوا في السايف سايد كيدز بلا حب بلا كلام فاضي, شوف مستقبلكم اجدع, هو اللي هينفعكم:))))))))))))))))

Z_Diva said...

ايه ده, لسه قارية الكومنت الخزعبلي
هو انت سحبوا منك الجنسية عالدائري ولا ايه ؟؟!!!!!

ده ايه الحلاوة دي, ناس لوز لوز لوز و الله
يعجبني انك مخك كوبير, ماكنتي ادتيله كوللة يا ابي والنبي, انا بقالي فترة نفسي اتخانق, لو محتاجة مساعدة انا في الخدعة :)

ربنا يكفينا شر الخزعبليات يختشي

Copa Zaki said...

نايس بوست appy دائما كدا ان شاء الله


ايه هو الحب ازاي بتشوف حبيبتك ؟
الحب بالنسبالي فعل مش كلام و حبيبتي بشوفها في الحاجات المشتركه الي بينا و التواصل
الحب علاقته ايه بالكرامه ؟
اكيد علاقه كويسه
هل هو اول حب اصدق حب ولا ممكن يتنسي ويجي بعده كتير ؟
هو مش بيبقي صادق انما بتكون عامليه نفسيه لان دي بتبقي اول مره يبقي فيها مشاعر متبادله و بتكون هي علاقه زي غيرها بس بيبقي الفرق ان الطرف في العلاقه بيبقي هيمان شويه علشان اول مره
ايه هو الحب الفاشل؟
الحب الفاشل بتاع كلام و بس يقعد يقول بحبك و هي تقوله بحبك و الاتنين ناسين الدنيا
ايه الحاجه اللى تحب تعملها لحبيبك طول الوقت ومقدرتش تعملها ؟
اني اكون جنبها علي طول
تحب تعمل لحبيبك حاجه بدون ما يقولك ولا تستنى لما يطلب منك
؟ علي حسب نوع الحاجه بس الي حد ما لما يطلب مني

بطوط حبوب said...

آبى انا شايفك بتقولى ايه على بطوط


وكنت هفجر البلوجر وبعدين قلت معلش لسه صغيره ومتعرفش يعنى ايه بطوط لكن المره الجايه مش عارف ايه الى هيحصل

خافى على بلوجرك وامشى جنب الحيط

بطوط حبوب said...

بصى بقى يا ستى

الحب ؟؟
حاجه كده زى وجع السنان .. مفيش له مسكن ينفع ولو قوى مسكن
ولا مضمضه ولا اى حاجه
بتحسى انك عايزه تخلعى كل سنانك مش سنتك الى وجعاكى بس

والمصيبه الاكبر ان مفيش غير واحد بس الى يقدر يسكن الالم ده
----
ازاى بتشوف حبيبتك؟؟
تتصل بيها وتطلب تشوفها
:)

علاقه الحب بالكرامه؟؟
تيجى على كرامتك اوى لحد ما تحس انه مينفعش اكتر من كده

اول حب اصدق حب؟؟
اه لانك بتيقى عبيط ومش بتبقى حاطط قواعد ولا خايف على كرامتك
بتبقى عايز تحب بكل ذره قلب عندك
واظن نك بتحب بباقى الاعضاء كمان لان القلب مش بيقضى

الحب الفاشل؟؟
الى مكنش حب من الاول
او الى فى طرف بياخد وطرف بيدى ع طول

اعمل لحبيبى ولا استنى يطلب؟؟
على حسب درجه ذكائى بس انا احب اعمل انا
انا احيانا الذكاء ميساعدش الواحد
:)

احب اكتر من واحده؟؟

اظن ممكن
وممكن جدا
الراجل بطبعه انانى وطماع وممكن يحب فى كل واحدهانها مختلفه عن التانيه
ويبقى هيموت لو مشفش الاتنين ( بس مش مع بعض)
:)

مواطن مصرى نايم said...

الحب هو ؟؟
الحب
توافق و خوف و فرحه و لذه و احساس
الحب حاجة حلوه جدااااااااا
لما تحس بيه يبقى الدنيا قدامك مفروشه ورود
ـــــــــــــــــــ
ازاى بشوف حبيبتى ؟؟
حاجة مش عارف اوصفها
ممكن اكون بشوفها حاجة موجوده فالجنة بس
ممكن ملاك و حوريه من الحور
بجد بشوف حد نقى
ـــــــــــــــــــ
ايه علاقه الحب بالكرامة ؟؟
ولاد عم
ههههههه
اه يا ايبى لازم اهزر مش حينفع ابقى جد طول الامتحان
بس طالما الطرفين بيعملوا اللى يسعدهم يبقى مفيش كرامة فالحب
ــــــــــــــــــــ
هل اول حب هو اصدق حب ولا ممكن يتنسى ويجى بعده الكتير؟؟

مفيش حب اول و حب اخر
الحب الناجح اللى بيكون زواج فيما بعد هو ده الحب الاول

افهموها بقى
ههههههههه
ـــــــــــــــــــــ
ايه هو الحب الفاشل؟؟

انك تحب حد مش ممكن تعرف توصل له
لانه ميعرفش انك بتحبه و مش حيعرف بأى طريقه
ــــــــــــــــــــ
ايه الحاجه اللى تحب تعملها لحبيبك طول الوقت ومقدرتش تعملها؟؟

مش عارف
بس اكتر شئ انى اكون جنبها اليوم كله و العمر كله
يعنى مفيش ثانية تفوت الا و احنا مع بعض
_____________________
تحب تعمل لحبيبك حاجه بدون ما يقولك ولا تستنى لما يطلب منك؟؟

من غير ما يطلب انا بحس جدا الحمدلله هى عاوزة اى و بحاول اعمله مهما كان
ــــــــــــــــــــــ
هل الراجل منكن يعنى يحب اتنين وازاى؟؟

صعب جداااااا
لان صاحب بالين كداب
ـــــــــــــــــــــــ

كده الفضايح دى عاجبك انتى كده يعنى
ماشى يا ايبى مسيرى حوقعك فى بوست ابن حلال يكون استمحان برضوا
اول يوم ف رمضان بقى تدبحى لنا خروف من خرفانك
(انا مش بحب اللحمة و بالذات الضانى على فكره)

تحياتى لبتنجانى هانم مالكه الخرفان صديقه النحله و الدبور

اخوكى الرزل
اسلام

محمد الكومي said...

مساء الخير يا ابي

باعتالي اسد منكوش عالفيسبوك

لعلمك انا اسد شعره كويس طبيعي الحمد لله مابنتحتاجشي المنظفات الصناعية دي

نيجي بقى للبوست
انا بشوف حبيبتي على ان هية الدنيا زي مانا عايزها تكون ادام عيني

يعني عالمي الخاص و هي بتساعدني على كدة و انا برضه بحاول اكون كل حاجة في حياتها تحديدا كل حاجة بتحبها في حياتها

طبعا في علاقة بين الحب و الكرامة
لازم كل طرف يراعي الطرف التاني و مايجيش عليه اوي لان المشاكل بتيجي من ان في طرف دايما بيستحمل كتير لحد ما ينفجر

عشان كدة لازم نعمل حساب بعض و مانجيش على بعض كتير و ده ما يقللش من فكرة التضحية في الحب بالمناسبة
الحب الفاشل هو الحب الذي يمارس لمجرد شغل الوقت

الحاجة اللي احب اعملها لحبيبتي طول الوقت و ماقدرش

احطها في عيوني و اغمض عليها
اعمل لحبيبتي حاجة من غير ماتقوللي لو انا متاكد و بس متاكد و جدا كمان ان الحاجة دي هتسعدها

الراجل الصح مافتكرش يحب اتنين في نفس الوقت لان ببساطة الحب عند الرجل هو ترجمة لفكرة الامان فطبيعي جدا انه مايشتتش روحه

في بقى حاجة غريبة جدا بالنسبة لي في اخر الموضوع

لو جه على بالي ان اختي بتحب حد يركبني عشر تلاف عفريت

و لو سرحت بخيالي للمستقبل و شفت بنت من بناتي بتحب حد ابتسم اوي و ابقى فرحان بيها
و ماتقوليليش ازدواج في الشخصية و عقد و تسلط و الكلام ده بس مش عارف صدقيني مش عارف

سلااااااااااااام

mohamed said...

نعم يأبى هانم
قائد الاوركسترا الخرفانى (ماء) كعب الغزال
أولا الحب مش حرام
ثانيا أية هو الحب
أخوانا علماء النفس قالوا وأستحملى من غير زمزئة
هو تفاعل كميائى يحدث فى الانسان أستجابة لحافز خارجى وهذا التفاعل
سبق أن أعد داخل الجسم نتيجة لصور مسبقة تفاعل معها الانسان وأستراح لها
مثلا وجهة معين لشخص نحبة مثل ألام
الحب أنواع
أمتلاك
تفاهم
مزيج من الاثنين
كفاية عليكى كدة
تحياتى

mohamed said...

نعم يأبى هانم
قائد الاوركسترا الخرفانى (ماء) كعب الغزال
أولا الحب مش حرام
ثانيا أية هو الحب
أخوانا علماء النفس قالوا وأستحملى من غير زمزئة
هو تفاعل كميائى يحدث فى الانسان أستجابة لحافز خارجى وهذا التفاعل
سبق أن أعد داخل الجسم نتيجة لصور مسبقة تفاعل معها الانسان وأستراح لها
مثلا وجهة معين لشخص نحبة مثل ألام
الحب أنواع
أمتلاك
تفاهم
مزيج من الاثنين
كفاية عليكى كدة
تحياتى

mohamed said...
This comment has been removed by the author.
mado80 said...

آبي

عامله إيه ياقمر

والدنيا هنا عامله إيه
حاسس إني بقالي ميت سنه بره مصر منعزل خالص عن العالم
المهم يارب تكوني بخير

تحياتي ليكي يا آبي

صاحب المضيفة said...

ألحب هو غريزة وطبع وفطرة ركبها ربنا فينا وميل نحو الشيء او الانسان بيكون تلقائي وسهل وبسيط لو أخدناه بشكل طبيعي


باشوف حبي بشكل طبيعي وباتمنى يكون احسن حد في الدنيا وبادعي ربنا انه يوفقني دايما اننا نوصل للخير المطلق سوا في الدنيا والاخرة طبعا


الحب علاقته طردية بالكرامة .. من الكرامة انك تحافظ على حبك بشكل حلو ومن الحب ان تحافظ على كرامتك بشكل حلو برضو

أول حب هو أصدق حب حتى وان جه تالت مرة لانه ساعتها هايكون الحب الاول ده مجرد تفاهات وساعتها برضو مش هاينفع يتقال عليه حب
لذلك اول حب هو اول حب حقيقي وقع فيه البني ادم

الحب الفاشل هو الحب اللي مش على مقياس الشرع الوعرف والعادات والتقاليد والأداب العامة ...
هو الحب اللي مش بيكون عفيف ولا طاهر ... هو الحب اللي بتظهر فيه المنافع الشخصية والمصلحة الفردية على المصلحة العامة للاتنين

احب اعمل طبعا ولو حاجه تنفع اني اخد رايه فيها علشان تطلع احلى اخد طبعا علشان احاول اسعده اكتر واكتر

الحب في الاخر هو مقياس لادمية الانسان وعيشته بطريقة سوية من غير اسفاف ولا ابتذال وطريق طبيعي لبداية المفترض انها تكون حلال وشرعية مية في المية وترضي الله ورسوله صلى الله عليه وسلم


احيكي على موضوعك الرايق ده يا ست ابي هانم بتنجاني

حسن حنفى said...

ممممممممممم

انا هقرا التعليقات بس

لاني لسه صغنوووووووووووون

:d

ربنا يكرم حضرتك ويديكي ثواب

بييكيا

Noha El-arabi said...

الحب هو حاجة حلوة
مش محتاجة لا اسئلة و لا اجابات
:)

حنين القلب said...

اجابه السؤال الاول
الحب اسمى واعمق احساس من غيره بنفقد الحياه بنحس ان قلبنا ولا ليه لازمه اصلا
السؤال الثانى
بشوف حبيبى بعيون قلبى يعنى من غير عيوب بشوفه احسن انسان فى الدنيا
طبعا مش اختارته حبيبى لازم يكون مميز
على الاقل بالنسبه ليه

السؤال الثالث
حكايه الحب الاول دى مش بصدقها اوى لان كل حب الانسان بيمر فيه تقريبا بنفس المشاعر ومش فيه حاجه اسمها انا ليه تجارب قبل كده مش حد هيعرف يكسر قلبى لو حبيبه
الحب احساس مش فيه تجارب كل مرة بتبقى زى ما تكون اول مرة

السؤال الرابع
الحب الفاشل مش فيه حاجه اسمها حب فاشل فيه حاجه اسمها ناس فاشله مش بتعرف تحب

الحب علاقته بالكرامه زى الملوخيه وعلاقتها بالارانب
الراجل لو هان كرامه اللى بيحبها يبقى بيكسرها وهيتسبب الكسر ده فى كرهها ليه وضياع الحب منهم

الحاجه اللى احب اعملها لحبيبى علطول انى اكون معاه علطول ومش اسيبه ابدااااااا


احب اعمل ايه لحبيبى من غير ما يطلب منى
احب اعمل اى شىء يسعده
يخليه مبسوط
وكفايه انى اشوف فى عنيه ضحكته
بسسسسسسسس
تم بحمد الله
يا رب انجح هى النتيجه امتى ؟؟

الدفاع said...

ايه المفاجأت دى يا ابى هانم
نجاوب وامرنا لله
الحب : هو انجذاب بين قطبى العلاقه العاطفيه يصيب جميع مشاعر الانسان
وهو يختلف من الرجل للمرأه بل احيانا يختلف من شخص لاخر فعلى حين انه عند الرجل جزء مهم فى حياته وهو احتياجه لذلك الانجذاب لكون الرجل يحتاج لممارسه المسئوليه والرعايه وللهدف الاسمى وهو الزواج فاتمام العلاقه بين المتاحبين هى اللغه الرسميه المعبره عن الحب
وبغير حب تصبح العلاقه زى اتنين كل واحد فيهم بيتكلم لغه تانيه ومش عارفين كل واحد بيقول ايه
اما عند المراه فالحب هو كل حياتها وليس جزء من حياتها
لذلك فاهميته اكبر لها من الرجل
ازى بتشوف حبيبك
===============
باشوفه بعين المحب ومراية الحب عميا
علاقة الحب بالكرامه
===================
علاقه كويسه جدا ومحدش يقدر يقول عليها تلت التلاته كام
اذا كان هناك حب فالمحب لازم يحب لحبيبه اللى بيحبه لنفسه
الحب الاول؟
=========
ونَقِل فؤداك ما شئت من الهوى ما الحب الا للحبيب الاول
الحب الفاشل
===========
للاسف مش ممكن نعرف انه فاشل الا لما يفشل بالفعل اعتها نقعد بقى ونقول الاسباب وكل ده كان ليه
الحاجه اللى تحب تعملها؟
=====================
انى احبها 24 ساعه فى اليوم و7ايام فى الاسبوع 30 يوم فى الشهر
وده صعب جدا
تحب تعمل لحبيبك حاجه من غير طلب؟
=============================
احب اعمل طبعا ومضطر اعمل بس برضه احب اعمل نفسى مش عارف حاجه ولا واخد بالى
هل ممكن الرجل يحب اتنين؟؟؟؟
===========================
ايون
ايون
ايون
ايون
وده عادى جدا وفى طبيعة الرجل اللى ربنا خلقه بيها
وعشان كده ربنا شرع للرجل بتعدد الزوجات لان الرجل بينجذب للمرأه عن طريق البصر
والمراه اجمل من الرجل
وهى بينجذب للجمال ولصفات المراه كلها
وعشان كده وارد جدا ان هو يقع فى حب امرأه تانيه
ولكن لن يتساوى حب اثنين عند اى رجل ابدا لازم فى واحده تكون اثيره ومفضله عنده
اما موضوع ( ما جعل الله لرجل من قلبين فى جوفه) فده موضوع تانى غير حب النساء
ربنا بيقول( زين للناس حب الشهوات من النساء والبنين والقناطير المقنطرة من الذهب والفضة والخيل المسومة و الأنعام والحرث، ذلك متاع الحياة الدنيا، والله عنده حسن المآب )يبقى الرجل ممكن جدا يحب اتنين وتلاته كمان واربعه
وده يا جماعه مش شذوذ ده يمكن يكون هو الاصل فى الرجل وفى طبيعته
لكن ممكن بقى الرجل ما يكونش فاتح المجال لحب تانى او عنده تشبع من الحب الوحيد فى حياته يقوم يكتفى بيه
واسف للاطاله
انا خلصت ورقة الاجابه وكتبت على الجلده
ربنا يستر على النتيجه
سلام

بت خيخة وأى كلام said...

ايه هو الحب
اجابة السؤال ده هتلاقيها عندى فى بوست اسمه الحب هو
مش فاكرة موقعه من الارشيف



ازاى بشوف حبيبى
أخضر وبأستك من فوق
لا مش هى دى اجابة السؤال ده
انا بشوفه انسان بكل ما تحمله الكلمة من معانى

اول حب مش بيتنسى
لكن بيجى بعده كتير برضه


الحب الفاشل اعتقد انه
اللى بينتهى بالجواز


الحاجة اللى احب اعملها لحبيبى طول الوقت ومقدرتش انى اعملها
انى اكون مخلصة لدرجة الوفاء


احب اعمل لحبيبى الحاجة من غير ما يطلبها منى
انا احب اوى افاجئه


بس خلاص

سلام
اختك خيخة

أحمد كمال said...

أنا أول ما شفت الموضوع ده قلت مش حاجاوب ، و بعدين كبرت في دماغي ، و آدي يا ستي الإجابات من الآخر :

1- علاقتك بإنسان معين تكون مختلفة عن باقي الناس ، لإنه الوحيد من نوعه في العالم بالنسبة لك .
2- أنظر رقم 1
3- مالوش أي علاقة ، ده يعتمد على المحب نفسه .
4- غالبا مابيكونش حب من أساسه ، إلا بقى لو جه متأخر 10 سنين كده .
5- هو الحب بلا هدف ، أكيد حايفشل لو ماترجمش لعلاقة أكمل .
6- الاهتمام الكافي .
7- على حسب الحاجة نفسها .
8- ممكن ، و ده مش لأن الراجل بيعجبه الشكل زي ما البعض تفضل ، لكن لأن الراجل بيدور على حاجات كتير ، و ممكن كل الحاجات دي ماتكونش موجودة في واحدة ، و مع ذلك لو رجعنا لرقم 5 حنلاقي إن الراجل غالبا بيمتنع عن كده لو كانت العلاقة بلا هدف ، مثلا لأن المجتمع مش بيسمح بتطور العلاقة التانية بشكل سليم ، أو لأن العلاقة الأولى حاتفشل .

يجعل كلامنا خفيف على الخرفان و القلل .

وومن said...

أبي

انتي متسلطة عليا صح

بس عموما هجاوب
جبت الورقة والقلم ونبتدي

1- علي رأي فيلسوف لما تسمع صوت عصفور في قلب المطر
لما تشوف القمر من ورا الغيوم
تبقي بحب كتك خيبة

2- بشوفة ملاك كامل مكمل الراجل الوحيد علي الكرة الأرضية واللي كنت محظوظة كفاية علشان يحبني
شوفي العبط

3- علاقة وثيقة ذات اتجاه واحد علي رأي دكتور الإحصاء بمعني ان كل ما ذاد الحب ذادت الكرامة
مفيش حب من غير كرامة وعلي رأي الست اصون كرامتي من قبل حبي

4- لا مش شرط هو بيبقي اصدق حب لآنة بيكون اول تجربة واحتمالات فشلها كبيرة وممكن جدا يجي بعده ونتكتشف ان اللي بعده اصدق

5- الحب اللي موصلش للنهاية

6- اني اسعده

7- اه احب اعملة كل حاجة هو يعوزها من غير ما يطلب

لوسمحتي مش عاوزين النتيجة تتأخر وشوية ضمير في التصحيح اوك

الإتربي اللولبي said...

أولا عشان تعرفي ما هو الحب و ازاي باشوف حبيبتي و الكلام ده أرجو زيارتك و تعليقك على رؤيتي للحب

ثانيا سألتك سؤال قبل كده و ما جاوبتيش ع الميل

يا ترى انتي الأخت ر . س ؟

أرجو الإجابة

ahmed_k said...

يا آبي الإجابه علي أسئلتك عايزه بوست كامل
عموما الحب هو شعور غريزي خلقه الله في الرجل والمراه تجاه بعضهم البعض
والحكمه منه حفظ النوع البشري وتكاثره
فالزواج له أعباء وتبعات ثقيله يهون منها وجود هذا الحب وإلا ما أقدم أي شخص علي الزواج ولأنقرض الجنس البشري من زماااااان
والحب بدون كرامه يصبح مذله وهوان للطرف فاقد الكرامه
فلكي يقوى الحب ويستمر لا بد أن يحافظ كل طرف علي كرامة الطرف الآخر
وممكن الراجل يحب أكثر من واحده لذلك شرع الله للرجل الزواج من أربعه في أقتصرت المرأه علي زوج واحد
فبالإضافه لعدم إختلاط الأنساب كذلك لقدرة قلب الرجل علي إستيعاب أكثر من واحده ههههههههه ميزه رجالي وبس
ودي خلقة ربنا

أعترضوا بقه علي خلقة ربنا يا بنات

وكفايه علي لحد كده
يا تري حاخد كام من عشره يا آبي

مع اصرارى said...

أنا قريت فى مجلة امريكانية
اسمها العادات السبعة للأكثر فاعلية
مشهورة زى المية بالنسبة للملوخية
وهى مش موجلة ولا فيلم ولا أغنية
ده كتاب عدد صفحاته حوالى تلتمية
اكتر كتاب متألف لتباع فى الدنيا دية
بجد صدقونى معلومة حاكيكية
ستيفين كوفى يبقى صاحب التمخيخة دية
قال ايه ماتصدقوش السينيما العاطفية
هوليوود دول نصابين وزمان ضحكوا عليا
قالوا سهم كيوبيد صاب قلبى قبل عنيا
ابدا والله خالص ابسوليوتلى يا وليه
الحب ده فعل حاضر ممكن أجيبه بأيدية
يعنى عاوز تحب طب ما تحب يعنية
وبرده لو مش عاوز سيبك م القصة دية
واحد سأل استيفن فى محاضرة تنموية
قاله يا عم الرايق فيه مشكلة نفسية
بطلت احب مراتى ونسينا الرو منسية
وبقينا قرفانين والعيشة بقيت عادية
لكن عندنا عيال عاوزينهم مية مية
رحنا لكل الدكاترة والهيئات الدينية
لكن مافيشى فايدة والحالة هى هى
رد ستيفن عليه اوعى تبيع القضية
مادام عندك عيال ماتحب الست ديه
الحب فعل عام يعنى بإيدك وايديا
الحب ليه معانى منها تفاهم تضحية
بدل ما تعيش لنفسك ابقى عيش ليها شوية
وشوف ايه اللى تحبه ان شالله مهلبيه
حاول تفهم موراتك هاتحب الست ديه
يمكن تسهر تغنى انا ليكى خليكى ليا
تم التعليق يا سادة ومع اسمى تحية
سلام الله عليكم والرحمة الربانية

فزلوكة said...

دايما كدا تحرجينا بأسألتك
d:
بصى يا ستى أنا طبعا طبعا مش هاعرف أجاوب على كل الأسئلة بس فى سؤال شدنى وبجد أصلا منرفزنى ألا وهو
"الحب علاقته ايه بالكرامه"
عشان أنا بشوف بنات وولاد مبهدلين نفسهم وذلينها بشكل غير طبيعى ويجوا يقولوا أصل الحب مافيهوش كرامة
سواء بقى على مستوى الأصحاب أو الناس المخطوبين وحتى المتزوجين

يعنى بجد حاجة تجنن
فى رأيي حب من غير كرامة محكوم عليه بالفشل مقدما
لإنى مع الوقت هلاقينى بخسر حاجات كتيير أهمها نفسى
وفى النهاية هتخنق وأحس إن إللى قدامى هوا السبب

بجد يا آبى الموضوع دا منرفزنى
يا بنتى بيبهدلوا نفسهم جامد أوى
ببقى نفسى لما أشوف واحدة كدا أروح أديها قلمين وأقولها فوقى
لكن إنتى عارفة أحيانا البرستيج مبيسمحش

دمتى بخير يا أحلى آبى

appy said...

blue-wave
**********

هههههههههه انت تاخد كام من عشرة 8 من عشره لان الحب اللى بدون كرامه وبدون محافظه الاتنين عليها يبقى مش حب تيرراررررررر
اه الحب اللى من طرف واحد اساسا اسمه وهم مش حب
ربنا يسعد قلبك دايما يا رب
ومبروك عليك اول تعليق يا دكتور









كلبوشستان
============
طيب لما بتحب ترسم السعاده بتنكدوا علينا ليه هو عذاب انسانيه يعنى طيب ما تخلو الحياه حلوة يا ساتر رجاله اخر زمن هههههههه
نورت الكوكب كله

appy said...

ketchup
===========
ههههههههه انت اجاباتك تعاد ساقط مع مرتبه ولحاف الشرف اى خدمه يا عم بس هعمل لك رافه وادخلك دور تلاتشر بعد عشر سنين ههههههههه






norahaty
===========
والله انت سكر انت اكتشفتى بعد قد ايه يا نور انه شوال بصل اصل انا بكتشف بدرى ههههههههههههه
ويا حبيبتى كلى اللى انت عاوزاة وبراحتك قطيشعه تقطعه يا عمرى ولا يهمك نورت يا قمر

appy said...

بيبو
========
لبيب باشا هو انا ورايا شغلانه غيركم الشغل والكوكب ازنقك هنا وهنا والله رافه بيك واللى بتعانيه منى طول اليوم ومكافاة ليك على انك تعتبر فدائى ومتحملنى فى الشغل كمان هنجحك
انما ايه الحبيبه هى امك دى يا بنى ربنا يخلى الحاجه النبى لاقولها بقى ههههههههههههه
نورت يا بيبو








محمد فوزى
*************

عارف لما شوفت اجابتك حست فعلا ان الحب هو تيرررراررر هههههههه
بقى هو ده الحب ضعف واراده وحاجات كتير ربنا يهنى قلبى يا رب
وبعدين انت لو متعب يبقى ارها معاك اكياس وساطور كبير محترم وانا هجيبه لها هديه من عنيه
مفيش حاجه اسمها عقبات فيه حاجه اسمها اتخطاها قدام الحب مفيش مستحيل النبى يا خوفى منك يا بدران
وبعين يحتفظ بالعلاقه فين فى التلاجه مثلا اهو ده الكلام اللى ميجبش ميه ولا نور
اخليك تعيد ورقه الاجابه تانى بىق ولا اعمل فيك ايه
نورت يا دكتور الكوكب

appy said...

بابا /ابو خالد
***************
كل سنه وحضرتك طيب وبصحه وسلامه يا رب
ومتقولش كده احسن ازعل شكرا على ايه بس
نورت يا ابى الغالى






سمر الشافعى
**********
طيب وشك للحيطه بقى او سمحتى وايديكى لتحت وهخلى خرفانى ينطحوك هههههههههه
علشان انت مش مذاكره

appy said...

سومه المجنونه
**************

يا لهوى عليكى انتى ايه لازقه فى الحب هههههههههه بس تصدقى حلو القانون ده عارفه ان قانون الحياه وحكم البشر اقوى ساعات من اللى بنحتاجه فى حياتنا يالا ايهههه دنيا يا بنتى
وبعدين مش اسمه ميدوا اسمه ابو الحميد متهزريش بقى على خطيبى
نورتى يا سمسمه






قلب مصرى

********


اولا ربنا يهنيك ويخلى لك زوجتك يا رب بس موضوع الراجل يحب اتنين دى انا شايفه ان كل الرجاله مصممين عليه ايه الحكايه بقى نجهز سواطير ولا ايه
اممممممممم هنشوف اخرتها معاكوا يا فياكين
ويا رب تجيب لها العربيه ان شاء الله
نورت وسعيده باجاباتك

appy said...

جمعاوى
========
اهلا بيك وحاضر هشوف الميل وهجاوب على الاسئله باذن الله
نورت ومبسوطه بيك






وجهة نظري
===========
تعرف يا عمنا انك بجد اجابتك فيه شئ عقلانى مش عاطتشفى خالص
يعنى هو انت قاعده رومانيا دى هتيجى على دماغنا ههههههههه
حاسه وانت بتجاوب انى لقيت شريك ليه فى تحديف القلل ههههههههههههه
هى عموما وجهه نظر بس حتى لو تناولنها من ناحيه الجنس زى ما بتقول اقولك انه برضه عاطفه مش حسابات
وعلى فكره انت مش معقد بس عجبتنى البسى ومتلبسيش دى لان دلوقتى كل الرجاله بتقولها ههههههههههه اه والله كل واحد فاكر انه بيبقى راجل لما يقول لمراته كده
نورت يا مش معقد

appy said...

نهر الحب
*********
يا ننوس يا قمر
نورتى يا عمرى ويا سيدى على الهدوء والرومانسيه هنديكى ورده بدل النتيجه نورتى يا سكر مقالب







محمد فوزى
*********
لا ده مش سكران ده ماشى تايهه ومش عارف هو فين قال بيقولك على نفسه صعيدى هو فيه صعيدى قليل الادب بصراحه عمرى ما شوفت كده وكمان جاهل يا دى الفضيحه ام حناجل
المهم استورد لنا كام شبشب كده وكام زجاجه فليت علشان ننظف الكوكب ولا اقولك خده حميه يمكن يفوق هههههههههه
ميرسى يا دكتور على ذوقك

appy said...

لماضه
*******
طيب لما اشوفك هقررك يا لمضه انتى ولا اقولك يا لمبى ههههههههههه حاتر يا دكتورة مش هعمل كده وهراعى الاطفال اللى عندى الا قوليلى هتكبرى امتى بقى ههههههههههههه
نورتى يا دكتور






Z_Diva
==========
ام زعبولا انتى غاويه تالفىى قصص من جوات معاميعك ولا ايه يا لهوز يا بنتى يا قلبى
طيب والنبى لما بيجب لكى هديه بيجبها لكى فى الحلم ولا ياايه ههههههههههه
بصى يا ام زعبولا انا مش هقولك لا حبى ولا اعملى لانى مؤمنه شويه بكلامك نيهاهاهاهاها ان الحب احنا اللى بنخترعه وبس
وبعدين اسرحى يا اوختشى الكوكب هواه بحرى والعبى عند النهر هناك مع الفراشات
نورتى يا زعبولتى

appy said...

Z_Diva
=========
ههههههههههههه اه يا اوختشى واتحايل على الظابط اقوله النبى سيب ليه الالجنسيه يقولى كلا البته انتى ماشيه مش معلقه المثلث
قولت خلاص اسيبها له واشترى واحده تانيه من وسط البلد هههههههههههههه
النبى بلاوى جاهله بتتحددف عليا وبعدين هو انا كنت جبت سيره غزة فين والنبى قولوا ليه غير كده الجاهل ده انا مش بشرب سجاير ده متخلف ربنا يهده
ميرسى يا ام زعبولا الكميله






Copa Zaki
************

حلو علاقه الحب بالكرامه دى كويسه يعنى ناس محترمه مثلا ههههههههههههه
اهلا بيك وربنا يسعد قلبك يا رب ويحقق لك اللى انت عاوزة ان شاء الله نورت الكوكب اول مرة

appy said...

بطوط حبوب
==========
يا مامى يا مامى عشت وشوفت ضرس بيتكلم تكونش فاكر نفسك ضرس العقل ولا ايه وبعدين يا ابنى انت اخرك معايا سوسه ارميها عليك تبوظك هههههههههههههه قال خافى على بلوجك قال ماشى لك بق يترد عليه ههههههههههههه

عارف اللى غفر لك فى تعليق انك اول مرة تقول صح ان الراجل انانى وطماع وعلشان كده ممكن يحب اتنين
وهفوتها لك يا بطوط علشان قولت كلمه كويسه
نورت يا ابو البطابيط








مواطن مصرى نايم
****************

اسلام رع ايديك لفوق الحب من غير كرامه ملوش لازمه ولو مش افظت على كرامتها وهى كمان يبقى تروحوا تضربوا بعض بابو ورده كل يوم ههههههههههههههه
وبعدين ايه جنبها لازقه يا ساتر وترجعوا تقولوا البنات اللى بتلزق هههههههههه
وانا محدش يعرف يزنقنى فى اسئله وابقى ورينى شاطرتك يا رزل بقى
هههههههههه
نورت يا اجمل اخ

appy said...

محمد الكومى
***********

ههههههههههه النبى مش شكله امور لما شعره بقى مش منكوش كده ههههههههههه حطه بقى فى البروفيل بتاعك يا كومى
بص يا محمد يمكن خوفك على اختك وحبك ليها دلوقتى لانها قدامك هو السبب انما اولادك دول بعيد لما يجيوا ان شاء الله هتلاقى نفسك بتخاف نفس الخوف
بص يا محمد انت بتخاف ليكون اللى بيحب اختك بيضحك عليها علشان تتخطى دى لازم تقبله وتشوفه وتبقى كل حاجه تحت عينك علشان تطمن عليها كمان وتبقى جنبها
نورت يا محمد وانت مش مزدوج الشخصيه ولا حاجه








mohamed
==========
يا لهوى ايه حصه الكمياء دى على الصبح تفاعل ايه طيب اوعى وشك لينفجر المعمل فيك ههههههههههههههههههههههه
نورت الكوكب

الشنكوتي الكبير said...

بسم الله الرحمن الرحيم
الأجابه تونس
ههههههههههه

اسئلتك صعبه يا بنت انتي
عموما هاحاول بقى اجاوب
1 ازي بتشوف....
بشوفه اجمل حد في الدنيا وبشوفه في احسن صوره دايما مهما كان لابس ايه او بيعمل ايه

2 علاقة الحب بالكرامه علاقه كبيره تقريبا كانوا هيتجوزوا
من حقي احتفظ بكرامتي ومن حقها تحافظ على كرامتها ولأننا كيان واحد فلما احافظ على كرامتي يبقى بحافظ على كرامتها وكرامتها من كرامتي خلطه في بعضها كده اما بينا وبين بعض بقى يبقى الموضوع يختلف لو حاجه تخصنا احنا الأتنين بس يبقى الكرامه بتقل شويه يعني الموضوع ميبقاش حنبلي قوي ومش كل حاجه ناخدها على العرق التركي ونعمل فيها من اسياد بلدكم يا حلوه وهي تبقى بنت الباش وكده يعني الموضوع بيبقى فيه تنازل شويه

3 هل اول حب هو اصدق حب
لا يا ماما لا انا بقول ان اصدق حب هو اول حب
بمعنى علشان عارف علامك على قده يعني ان اول حب في خياتنا ممكن يكون اعجاب انبهار تجربه عبيطه وعدت بالتالي ده مش حب خالص انما الحب الجامد الصادق هو ده اللي اعتبره اول حب في حياتي
بغض النظر عن نجاحه او فشله ممكن يكون اصدق حب في حياتي متكتبش ليه النجاح
4 هل ممكن اول حب يتنسي ويجي بعده كتير
يتنسي لأ لكن ممكن يجي بعده حب تاني صادق جدا
5 الحب الفاشل اللي الطرفين يقرروا يتخلوا عنه ومينقذوهوش
الحب الفاشل اللي حد من الأتنين يكون طماع واناني
6 الحاجه الل احب اعملها ليه طول الوقت مالكيش دعوه يا قليلة الأدب
7 احب اعمله اللي نفسه فيه قبل ما يقولي طبعا
لأنه هيحس اني عارف اللي في عقله وقلبه وبفكر فيه دايما وبالتالي هيدور يعمللي اللي نفسي فيه من غير ما اطلبه
8 هل الراجل ممكن يحب اتنين


الأجابه نعم
ممكن يحب اتنين للأسف بس مش بنفس الدرجه واحده حب حقيقي ومجنون ولا هو فاهم بيحبها ليه ولا عارف الدنيا بتلف بيه ليه كل ما يشوفها او يفتكرها حب بجنان يعني
والتانيه بيحب فيها حاجه معينه مفتقدها في حبيبته اللي اتنيل وحبها زي الجردل
هو الراجل كده طماع ممكن يكون واقع في حبيبته لشوشته ومع ذلك يدور في الستات التانيه على اللي ناقص فيها


===================

اظن كده بمنتهى الصراحه اهو
يالا سلام بقى
سلااااااااااااااااااااااام
اخوكي ايهاب

appy said...

مادو
********
ازيك يا ابن العم كل سنه وانت طيب ربنا معاك يا رب يا مادو نورت تانى مبسوطه اننا اطمنا عليك





صاحب المضيفة
**************
طي باعمل ايه ومش اروق ليه مش بدل الهم اللى احنا عايشين فيه طيب والله بقيت احس ان الحب زى الهم برضه
وميرسى لاجابتك الهاديه واضح ان الموضوع جه على هواك هههههههههههههه
نورت الكوكب

appy said...

حسن حنفى
*********

طيب يا حسن المهم انك هنا مبسوطه بيك اوى






Noha El-arabi
***************
اهلا بيكى يا نهى
ساعات فيه حاجات حلوة بيبقى فيها سم صدقينى
فلازم نشوفها قدام عنينا
نورتى الكوكب ومبسوطه بوجودك

appy said...

حنين القلب
*************

يا قمر انتى والنبى انتى عامله زى البلسم بتاع بانتين انتى تنجحى وانا مغمضه خالص بجد بس مش هديكى مرتبه الشرف عارفه ليه علشان انتى قولت ارانب انا مش بحبها يععععععععع بقرف منها طيب كنتى قولتى حاجه تانيه
يالا بقى معلش ملاقيش عندك طبق فته بقى ههههههههههه
نورتى يا قمر الكوكب







الدفاع
*********
تحبها كام فى كام ايووون صعب صح كده لان زى ما قولت الراجل مش حياته مرأة واحده وانما الست حياتها رجل واحد
وبعدين اللى انت قولته عن ان الراجل يحب اتنين صعب اوى بجد وحتى لو كده انت قولت قافل المجال يعنى التحكم فى ايديه وفى قلبه معاه هو فبلاش نرمى على حاجات تانيه
وقد قررنا نحن ابى هانم امبراطورة الكوكب تذنيبك على الباب يا متر علشان انت ناقضت نفسك فى نفس المكان رفعت الجلسه وقعدت تانى ههههههههههههههههه

appy said...

بت خيخة وأى كلام
==================
خوخه حبيبه قلبى

عارفه البوست يا خوختى بجد
وايه اخضر دى مش هتلمى لسانك ماشى يا خيخه على فكرة انا حليت الكلمات المتقاطعه ههههههههههههههههه
الله يخرب بيت دماغك يا سوسه انتى
المهم الوفاء موجود طالما فيه حب يا خوخه بس يعنى ايه بينتهى بالجواز يعنى متحبوش بعض بعد الجواز يعععععععع ليه بتشوفيه شوال بطاطس ولا ايه
هههههههههه لا بهزر نورتى يا خوختى








م/ احمد كمال
***************

لا وانا كنت هسكت بقى لما انت متجاوبش يا نهار
المهم موضع انه يدور على حاجه
دى صعبه هو هو نفس فكرة الجمال اللى اتكلم عنها الناس برضه يعنى لو واخد واحده مش حلوة بس فيها باقى الصفات هتبقى برضه هتدور على واحده فيها الجمال
ومتخافش يا بشمهندس قللى مش هتيجى ناحيتك بس دور على حد يبعد عنك الخروف بقى ههههههههههههههههه

كلبوزة لكن سمباتيك said...

؟ ايه هو الحب

الحب هو الامان

ازاى بتشوف حبيبك او حبيبتك؟
جوزي

الحب علاقته ايه بالكرامه؟
الى حد ما

هل اول حب هو اصدق حب ولا ممكن يتنسى ويجى بعده الكتير؟
بيتنسي و بيجي بعده الصدق الحقيقي

ايه هو الحب الفاشل؟
الحب الي في سن صغير

ايه الحاجه اللى تحب تعملها لحبيبك طول الوقت ومقدرتش تعملها
اني اكون صحبته و اخته و مراته و حبيبته
و نجحت فعلا في ده


تحب تعمل لحبيبك حاجه بدون ما يقولك ولا تستنى لما يطلب منك

بحب جدا احس هو نفسه في اية و اعمله قبل ما يطلبه


حتى اسالوه
:)



تحياتي

appy said...

وومـــــن
***********
طول عمرك فاشله مع مرتبه الشرف هو ده الحب ههههههههه ييادى الخيبه انتى مش بتتعلمى ههههههههه يا بنتى اتعلمى بقى وجعتى قلبى
يالا هنعديكى السنه دى وامرى لله
فين بوست التنفيض يا ميرا نفسى افش غلوياتى بقى
نورتى يا قمر







الإتربي اللولبي
==================
حاضر هشوف وايميل ايه ومين ر.س دى
لا حضرتك انا اسمى التانى م ش فيه س خالص خالص وموضلش ليه ايميل من حضرتك خالص
نورت الكوكب

appy said...

ahmed_k
=========
تاخد 5 من عشره علشان اه انا معترضه بقى لان ممكن تقفل الباب من الاول
افهمك ازاى يعنى بالعقل كده لو ربنا مقلش الكلام ده ولا سمح بيه مش كنتم هتلتزموا بس انتم لقيتوا رخصه بقى بالكلام فاستخدمتوه على مزاجكم
بس خلاويص عرفت ليه خمسه ههههههههههههههه
نورت يا احمد الكوكب








مع اصرارى
*************

برااااااااافو الاول على الكوكب كله انت بجد ايه الابداعات الفزيعه دى
تقول لها يا وليه ههههههههههههه
بجد تحفه وجسدت الحياه معاها كمان وده فعلا الواقع اللى عايشنه تحياتى ليك بجد

appy said...

فزلوكة
==========
ساعات بيتحول ده لانتقام بس لما بيبقوا عاوزين يتنتقموا من بعض او يعندوا قدام بعض بيهينوا كرامتهم اكتر ومش بياخدوا بالهم
يعنى اشرحها لكى واحد يقول لواحده انا هسيبك خلاص اوالعكس
تقوم تكبر فى دماغها وتقول لا انا اللى اسيبه مش هو تبدأ تعمل حاجات ترجعه لها
وهى فى نفس الوقت بتهين كرامتها من غير ما تعرف
نورتى يا قمر






الشنكوتى
********
هوبا اخويا بتاع لوحات الاعلانات هههههههههههه
ربنا يسعدك مع القمر يا رب
انما ايه الصراحه بتاعت الحب التانى والجردل هو انت بقيت من الفئ دى ولا ايه ههههههههههههه
نورتى يا هوبا سلامى بقى للقمر اللى انت عارفها

فاتيما said...

آبى
هوه أنا كل مرة اوصل متأخرة كدا ؟؟
طب ممعلش
ماشاء الله الخرفان لونها احلو قوى يا بيبى
أنا حاجزة خروف فسدوقى من اللى واقفين فى الصورة دول
و اللمون دا لمين ؟؟
للخرفان عشان تعرف تعزف كويس
طييييييب
الأسئلة دى للرجالة بس
طب هستنى لما تتوجهلنا اسئلة حريمى
عشان أقول و أبعبع بقى
الواد سووو مسافر و لا إيه ؟؟
طب أنا بس بطمن
و ربنا يوفقكم فى بؤجة الخير
تحياتى يا حبيبتى

appy said...

كلبوزة لكن سمباتيك
**********************



طيب هساله حاضر ههههههههههههه ربنا يا رب يهديه لكى ويهديكى ليه
نورتى يا قمر

appy said...

فاتيما
==========
لاااااااااااا ايه الكروته دى لا يا حبيبتى دى للاتنين مش رجالى بس وانتى كمان
اه الواد سوو عنده سببوه فى الساحل بيلم قواقع هيبنى بيهم بيت هههههههههههههههههه
ارجعى بقى تانى جاوبى انا مستنيه اجابتك انتى

فاتيما said...

بيبى
ازيك
دى آخر حاجة هكتبها بقى و أدخل انام
أصلى مطبقة بقالى يومين
المهم سو يرجع بالسلامة إن شاء الله
و نبتدى بقى الإجابات
#
الحب يعنى حد متقدريش تتخيلى حياتك و أيامك من غير وجوده فيها بأى شكل و لو حتى على البعد
#
بشوف حبيبى الامان و الحماية و السند و الإحترام و الحنان و كل شىء حلوو الموضوع دا بيعملى مشكلة لأنى يا إما ببالغ فى نظرتى للى قصادى و بتغش فيه ... يا إما بتعبه قوى لأنى متطلبة
#
الحب لازمه تنازل عن الكرامة احياناً لأنه بينطوى على شىء كتير من الإحتياج و مينفعش حد يحتاج لحد و يبقى كرامته دايما واقفة على حيلها 24 ساعة
#
أول حب هوه ابسط حب الواحد مر بيه
و محدش بينساه ببساطة لأن التجربة الاولى ليها وقعها يعنى حتى فى العلاقة بين أى إتنين دايما يفتكروا اول مرة قالوا لبعض بحبك لكن آخر مرة ميفتكروهاش قوى
#
آه ممكن يتنسى و ييجى بعده الحب الأكثر قوة و نضج ليه لأ
بس هيا الصدفة إننا نقابله تانى
#
الحب الفاشل هوه قصة حياتى
يعنى تحبى الشخص الغلط
فى المكان الغلط
و فى الوقت الغلط
و بالشكل الغلط
#
مبحبش حد معين حالياً عشان أقول
هعمله إيه يا بيبى
بس أحب اطمنك إن اختك لما بتحب
بتنيل الدنيا خالص
و محدش بيقدر يحوشها
يعنى هنسوى الهوايل بإذن الله
#
أيوه لازم هسأل اللى قصادى
بصراحة لأن الرجالة بتحير
واكتر مننا إحنا يا ستات
و مل الآخر هسأل
و أريح دماغى
و النتيجة هتطلع إمتى؟
و لا هتديهالى من الكنترول ؟؟
طب خلاص لما أصحى بقى أشوف نجحت
و لا كالعادة
نتيجة آخر السنة بتاعة
مدرسة فاتيما للحياة العاتيفية
لم ينجح احد

خالد المصري said...

ايه هو الحب؟
اسمحيلي هو ده السؤال الوحيد اللي لا اؤمن بمنطقة
فتحديد الشي وتوصيفه يعني امكانيه الحصول عليه او التخلص منه بناءا على اراده حره للانسان الحب دائما يسلب تلك الارادة فكم مره سمعنا تلك الجمله من محبين - حاولت ابعد بس مقدرتش- او العكس - حاولت احبه بس مقدرتش -

............................
ازاى بتشوف حبيبك او حبيبتك؟
كما هي كما يراها الاخرون ولكن احب كل ما فيها احب عيوبها مميزاتها احب حتى اخطاءها

احب كل فيها وكل ما ليس فيها وكل ما ستكونه يوما

............................
الحب علاقته ايه بالكرامه؟
اقرب ما يكون وابعد ما يكون وذاك جزء من جماله فانا لا تهمني تلك الكرامه المزعومه مع حبيبتي ولكني احرص الناس على كرامتها والمثل بالمثل

............................
هل اول حب هو اصدق حب ولا ممكن يتنسى ويجى بعده الكتير؟
عندما ياتي الحب بصدق يصبح هو الاول والوحيد ولا يمكن استبداله

............................
ايه هو الحب الفاشل؟
حب التملك

............................
ايه الحاجه اللى تحب تعملها لحبيبك طول الوقت ومقدرتش تعملها
ان اكون كما تستحق


............................
تحب تعمل لحبيبك حاجه بدون ما يقولك
ولا تستنى لما يطلب منك

الاتنين

كم هو جميل ان افاجئها بما تحب
كما هو رائع ان اعطيها ما تتمنى


............................
لك من الود اصدقه

seven said...

؟ ايه هو الحب
مش عارف

ازاى بتشوف حبيبك او حبيبتك؟
للاسف لسه مشفتهاش ولا شكلى هشوفها
هههههههههههه

الحب علاقته ايه بالكرامه؟
فى ناس بتقول ان الحب مفهوش كرامة
بس انا شايف ان ممكن يبقة فى تنازلات عشان الحياة تمشى بس
مفيش حاجة اسمها مفيش كرامة فى الحب

هل اول حب هو اصدق حب ولا ممكن يتنسى ويجى بعده الكتير؟
ملهاش علاقة بس عموما اول حب يبقة فى اندفاع جامد فى المشاعر والحركات بس مفيش حاجة اسمها جب صادق وحب كداب فى حاجة اسمها حب وفى حاجة اسمها وهم

ايه هو الحب الفاشل؟
اللى الطرفين ميقدروش يحمو الحب ده
ايه الحاجه اللى تحب تعملها لحبيبك طول الوقت ومقدرتش تعملها
هيه بس تيجى ومش هحرمها من حاجة
هههههههههه

تحب تعمل لحبيبك حاجه بدون ما يقولك ولا تستنى لما يطلب منك
لما الحاجة تيجى من غير مطتلب بيبقة ليها تاثير جامد جدا
عموما مش بين 2 بيحبو بعض حتى لو ناس صحاب عاديين.

سؤال للفياكين الرجالى هلى الراجل منكن يعنى يحب اتنين وازاى
مش كل الرجالة بتحب 2
بس اللى بيعموا كده بصراحة مش عارف
هما بيعولو كده ازاى
بيعملو زى مبيقول محمد منير
قلبى مساكن شعبية
بس بصراحة مش مقنع بيها خالص

بس خلاص

حنين القلب said...

fours

يا ريت قبل ما تدخل عند اى حد تعرف انت بتقول ايه وتختار كلامك وتحترم الناس اذا كنت انت اصلا محترم
اتمنى كلامى يوصلك

آبى
حبيبتى انا عارفه طبعا ان الكلام الفارغ ده ولا فى دماغك
سلام يا حبيبتى

mostafa rayan said...

الحب دة يا آبي اجمل شيء في الدنيا اللي بيحب بيوف حبيبته اجمل حاجة في الدنيا وبيشوف عيوبها مميزا وبيتغاضى عنها
ومين اللي قال ان الحب حرام النبي صلى الله عليه وسلم كان يحب امنا خديجة ويحب امنا عائشة وكان يصرح بذلك دوما والفروق عمر رضي الله عنه كان يقول لم ارى للمتحابين إلا الزواج
بس السؤال يا ابي فين الحب الحقيقي اللي يقدر يعليلكي ويخليكي احسن وانتي تدوري عليه ولاتستني لما يجي
اما سؤال الرجل ممكن يحب اكتر من واحدة فألاجابة بصراحة اه المرأة بالنسبة للرجل مثل الورد ومافيش اي مانع اني احب زهرة الكامليا وبردة احب الورد البلدي والياسمين اللي رائحته تخطف القلب
تحياتي ليكي ولكل قرائك الكرام

!!! عارفة ... مش عارف ليه said...

لأول مرة هعلق من غير ما اقرا التعليقات وده علشان متأثرش برأي حد
لان المرة دي مش تعليق ده اجابه على اسئلة وبصراحة مش بحب الغش
ندخل في الموضوع بقى

----------
أيه هو الحب؟
الحب حاجة كده زي لطشة البرد بتجي على سهوه ومن غير ميعاد

ازاى بتشوف حبيبك او حبيبتك؟
الحبيب مش أجمل جميل هو حد عادي بالنسبة لكل الناس إلا حبيبه

بيشوفه ورده بتفتح مع أول شعاع شمس وبتلمع على ضوءه ملامح حبيبه من ندى الفجر

الحب علاقته ايه بالكرامه؟
مفيش كرامة بين حبيبين

هل اول حب هو اصدق حب ولا ممكن يتنسى ويجى بعده الكتير؟
أو حب فعلا صادق .. لكنه ساذج
وممكن يجي بعده كتير .. لكنه مبيتنسيش
دي أول بصمة على القلب

ايه هو الحب الفاشل؟
حب ينمو على تربة بوور تخلو من التفاهم

ايه الحاجه اللى تحب تعملها لحبيبك طول الوقت ومقدرتش تعملها
اكون حواليه

تحب تعمل لحبيبك حاجه بدون ما يقولك ولا تستنى لما يطلب منك
طبعا من غير ما يقول ولا حتى يفكر إني أبهره باللي اقدر اقدمه له

سؤال للفياكين الرجالى هلى الراجل منكن يعنى يحب اتنين وازاى
في حديث للرسول صلى الله عليه وسلم بيقول فيه

اللهم هذه قسمتي فيما أملك فلا تلمني
فيما تملك ولا أملك
صدق رسول الله

ومن هنا واضح ان صعب ان حد يحب اتنين لان اكيد هيكون في حد اكتر من غيره

متشكر على الوقت اللي قضيته مع نفسي
مع إني حاسس اني عكيت والدنيا كلها بتتفرج على العك بتاعي

تحياتي وربنا يخلي لنا
امتحاناتك الكوكبية دييه

وليد

mayada said...

ايه ياابي كومنجات وترررارررررررر
وكدهون بس مش بحب الليمون عاوزه كانز ماكس
_________
ايه هو الحب
شويه حاجات كده مضروبه في خلاط وعامله كوكتيل غريب بس في نفس الوقت طعمه حلوه
ومعرفش اوصفه فهمتي حاجه ياابي

زاى بتشوف حبيبك ؟
مش فاهمه قوي بس بشوفه اهم حد في الدنيا
بالنسبه ليه علي الاقل

الحب علاقته ايه بالكرامه؟
الا الكريم كريمل ده له علاقه بكل حاجه
انت عارفه بقي من عند شحاته حنفي وكده
يعني كرامتي محدش يجي جنبها حب بتنجان قلقاس اي حاجه
وبعدين لو حب بجد لازم يحافظ علي كرامتي زي انا ما هحافظ علي كريم كرميله
هل اول حب هو اصدق حب ولا ممكن يتنسى ويجى بعده الكتير؟
اول حب في الترتيب عامه بيتنسي لانه بيبقي تقريبا عند الكل في سن صغير وبيفشل فشل زريع
لكن اول حب بجد اه بيبقي اصدق وصعب يتنسي بس اهي بتعدي
الحاجه اللى تحب تعملها لحبيبك طول الوقت ومقدرتش تعملها
اني اقول حاضر وطيب ومن عونيه بس لاحصلت ولا هتحصل تقريبا
تعمل لحبيبك حاجه بدون ما يقولك ولا تستنى لما يطلب
لا يعني اكيد من غير مايقول لو حب برضه
لازم افهمه واعمل من غير مايطلب
ده يمكن الحاجه الوحيده اللي ممكن اعملها عشان اثبت له اني بحبه
يلاسلام ياابي
مرسي ع الكانز ياسكر
يجعله عامر بقي

mayada said...

ابي استني هاتي كراسه الاجابه نسيت سؤال
ايه هو الحب الفاشل؟
الحب الفاشل له اشكال كتيررررررررررر
بس عامه بيكون بسبب ان طرف بيدي اكتر من طرف
يلا خدي الكراسه بقي خلصت اجابات

عايش ولكن said...

ايه هو الحب؟
الحب معتقدش انه له تعريف لانه شىء مش ملموس زى مثلا لو سألتك انتى عاقله هتقوليلى اه طيب عرفتى منين؟!!!
زى حاجات كتير مش ملموسه بس بتبقى محسوسه فى حياتنا وغير كده الحب ليه درجات فمعتقدش انه ليه تعريف ثابت ينفع لكل الناس لانه هيختلف من واحد لاخر
..........
ازاى بتشوف حبيبك او حبيبتك؟
بعنيا هيكون بشوفها ببقى يعنى هههههه
مقدرش اجاوبك حاليا لانى مش مرتبط بقالى 4 سنين بس على قديمو بقا اقدر اقولك انى كنت بشوفها حلوه بمعنى انها احلى واحده فى نظرى لكن مش اجمل واحده لانها تفرق كتير .. بين الجمال والحلاوه
........
الحب علاقته ايه بالكرامه؟
الاتنين وجهين لعمله واحده مينفعش حب من غير كرامه لان اللى هيبقى دايما متنازل التانى ممكن (بس مش دايما) يتعود على كده ويبقى جرحه بالنسباله عادى لان متعودش ان يبقى فيه كرامه فى حبهم
................
هل اول حب هو اصدق حب ولا ممكن يتنسى ويجى بعده الكتير؟
انا مبعتقدش اصلا فى الحب الاول بس اقدر اقولك لو الحب الاول بعد سن 19 سنه مثلا او عشرين وكان متبادل من الطرفين وحب حقيقى اعتقد انه هيبقى صعب يتنسى .... بس الصعب بنتغلب عليه
..................
ايه هو الحب الفاشل؟
مفيش حب فاشل فى وجهة نظرى لان كلمة فاشل دى معناها اننا مخرجناش باى حاجه مفيده من الموضوع عامة لكن انا بشوف ان حتى لو قصة حبنا مكملتش فاحنا طلعنا منها بحاجات كتير مفيده لينا ودايما محدش بيتعلم ببلاش
....................
ايه الحاجه اللى تحب تعملها لحبيبك طول الوقت ومقدرتش تعملها؟
ده بقا مقدرش افتيلك فيه لانى زى ما قولت مش مرتبط.
......................
تحب تعمل لحبيبك حاجه بدون ما يقولك ولا تستنى لما يطلب منك؟
احب انى اعمل الحاجه من غير ما يقول لانى كمان احب انه يعمل الحاجه من غير ما اقول
لازم نكون فاهمين بعض حتى لو بنظره
............................
سؤال للفياكين الرجالى هلى الراجل منكن يعنى يحب اتنين وازاى؟
يعنى بالزمه ده سؤال هلى ومنكن دانتى شككتينى انك كاتبه رجالى هههههههه
المهم معتقدش ان ممكن حد يحب اتنين ده القلب يحب مره ميحبش مرتين هههههه
بس اقدر اقولك ان ممكن الواحد يكون بيحب واحده وفى نفس الوقت معجب بواحده تانيه لانها فيها حاجات مش شايفها فى اللى معاه
وده بيبقى مجرد اعجاب لكن الحب بيبقى ليها هيا طبعا

هيييييييييييييييييييييه خلاص
هريتينى اسأله حرام عليكى اشوف فيكى يوم يا ظالمه هههههههههههههههههه

الفاتح اليعقوبي said...

السلام عليكم
استاذة ابي
الحب شئ جميل وشئ رائع للغاية ويعد أحد المحركات الرئيسية في حياة الانسان فانسان بدون حب كارض جدباء ليس لديها قدرة علي العطاء


والحب بين الرجل والمراة ليس له سبيل لا الزواج وإلا كان نوعا من انواع العبث

فالذي يحب في الاصل يجب ان يكون لديه
عطاء
غيرة علي من يحب
يسعد اذا رأه ويحزن لحزنه
ويفرح لفرحه
ويثور اذا تناوله احد بما لايحب
ويغضب اذا اساء اليه احد

والحب ليس
انانية
وليس بنزوة
وليس بعلاقة لحظية
وليس بتنازل من جانب طرف واحد
وليس بذل او اذلال

والاهم من هذا كله
الحب ليس بعذاب لان هناك من يتعذبون من اجل من يحبون ومن يحبونهم لايشعرون بهم

وأما ان كان الحب سيؤدي الي مايغضب الله او ان هذا الحب سياتي علي الكرامة
فعذرا
فسحقا للحب وسحقا لمن نحب

وللحب ترتيبات
اولا حب الله ورسوله
ثم حب البلد التي ننتمي لها
ثم حب الاب والام
ثم حب الزوج او الزوجة ثم حب الابناء
والترتيب في الحب شئ مهم لان في بعض الاوقات عندما نحب عشوائيا يكون اختيارنا في التضحية متاخر او خاطئ
فعندما يخالف الحبيب شرع الله ساقول له لا
انت رقم اربعة في قلبي
وعندما ينادي واجب وطني وأنا بين نار الحبيب ونداء الوطن
ساقول له لا يصح الا الصحيح بلدي اولا
وعندما ياتي الحبيب او يتجاوز مع الاب او الام فيجب وقفه عند حده
لذا وجب الترتيب

وبالنسبة للمراة
فزوجها قبل اباها وامها

معلش طولت شويتين تلاتة

ربنا يكرمك يااستاذة ابي
وشدي حيلك عشان رمضان

اه واخر حاجة
اهم حاجة في اللي بنحبه انه يكون سبب في قربنا من الجنة
والا فقلته احسن
والسلام

لورنس العرب said...

الحب في تعريفه عندي- هو الرغبه في الآخر بدون سبب
لكن دلوقت فيه اللي بيحب واحده عشان هي حلوه
واللي بتحب واحد لأنه يملك عربيه وشقه
وللسبب ده الحب حاليا يعتبر من الحالات النادرة الوجود
يمكن ينقرض قريبا

(احمد سكر ) said...

ايه الاستمحانات دى بئه

ماصدقنا خلصنا من الدراسه
عمتا نحااول

ايه هو الحب
الحب هو تلك المراه التى نرى من خلالها

الدنيا بطعم اخر

وشكل اخر
هى تلك المراه التى نرى فيها انفسنا اناس ااخرون

عاشقون

محبون

هائمون

الحب هو تلك المرا التى نرى فيها حبيبنا بيعينا لايراها سوانا

الحب هو ذلك الشعور الجارف تجااه الاخر

تلك الرجفه ف اليدين

تلك الرعشه على الشفتين

الحب هو ان احيا بعين من احبها

اعيش بقلب من اهواها

احلم بعقل من اعشقها

الحب هو ان اقول احبـــــــــــــك وملاين الخلايا داخلى ترقص طربا

ياااااااااااااااه دا مهما كتبنا عن الحب ولا اكننا كتبنا حرف فيه

ازاى بتشوف حبيبك او حبيبتك؟؟
بشوف حبيبى بصفاء بحر هادى

بشوف حبيبى بعنيه هو

بشوف حبيبى بقلبه هو

يوم عشقتك لم احسب للالوان حسابا

لم احسب للزمن حسابا

لم احسب للالام حسابا

هل تريدى ان تعرفى كيف ارى حبيبتى

انظرى الى عيناى ستجديها وقد ملكتها

انظرى الى قلبى ستجديها متربعة على عرشه
الحب علاقته ايه بالكرامه
مرتبطين ببعض ارتباط زى ارتباط الحبيب لحبيبه
لازم يكون فى كرامه بين الاتنين طبعا
وخصوصا لو الحب دا تكلل بالزواج

هل اول حب اصدق ولا ممكن يتنسى ويجى بعده الكتير ؟؟

اكيد
ايه هو الحب الفاشل ؟؟
الحب المبنى على الرغبات والكذب

الحب المرتبط بالمصالح
وكفايه عليكى كدا بئه

زهقققققققت

تحياتى

احمد الزهقاااان

Copa Zaki said...

والله ما ينفع لازمان تجاوبي التاج يعني لازمان تجوبيه بدل ما هوزع منشورات انيك تجاوبيه

خالد المصري said...

هو الامتحان ده هيتصحح امتى والدرجات هتعلن امتى وفين ويا ترى هل تم اعداد نموذج الاجابه وتوزيع الدرجات ولا لسه

وكمان تنتشر بعض الاشاعات عن وجود كثير من حالات الغش وتسرب للاجابه


خيبه يا ابي لو طلع امتحان زي امتحانات الخكومة المهرية

لك من الود اصدقة

واحد من البلد دى said...

السلام عليكم
الحب بين البشر كمركب كيمائى لا تتمتثل ذراته أبدا بين الناس فما بينك و بين شخص ما من المستحيل أن يكون هو نفسه بين أثنين ىخرين و يظل ذلك المركب يبحث عن التفاعل حتى تتلاقى الذرات بعضها ببعض فتتحد و لا يمكن فصلها أبدا و إن إنفصلت فهناك خطأفى المعادلة و لم يكن المركب صحيحا و علينا أن نبحث عن المركب الصحيح..
2-أرى حبيبتى أنها منتهى كل شيئ فهى منتهى الحب و منتهى الحنان و منتهى الأمان ومنتهى الخوف و منتهى الإحتواء و منتهى التآلف..وبإختصار فعندما أفكر فى إحساس ما أجده ينتهى إلى حبيبتى..
3-لا يوجد أى علاقة بين الحب و الكرامة..
فالذل فى الحب هو منتهى الكرامة..
ولكنه يترتب على الموقف..
4-تسعين بالمائة من الحب الأول لا ينسى و لكن هنالك فرق بين أن يتذكر الإنسان حبه الأول و أن يعيشه ..
فهذه تعتبر خيانة لحبه الحالى و لكن لا ضير من التذكر فهناك أشياء لا يمكن للمرء أن ينساها مهما طال عليها الزمن
5-الحب الفاشل هو الذى يقوم على المنفعة -أى منفعة-سواء كانت مادية أو مهنية أو أسرية أو -عفوا لصراحتى-جسدية..
فما يمكن للرجل -أو المرأة-أن يحصل عليه قبل الزواج يجعله يشعر بعد الزواج أن الزواج لم يضف لحياته شيئا جديدا..
فاحذروا معشر الشباب الإنسياق وراء أهوائكم تحت مسميات هى أبعد ما تكون عن ما تفعلون
6-أحب أن أفعل لحبيبتى-التى هى زوجتى طبعا-ما يجعانى أرى فى عينيها السعادة و الرضا
7-أحب أن أعمل لحبيبتى كل شيئ قبل أن تطلبه..
ويا حبذا لو كان قبل ما تفكر فيه أساسا
8-يمكن للرجل أن يشعر بعشرات النساء لكنه لا يحب إلا واحدة..

طبعا جاوبت على كل أسألتك لأنك صديقة دائمة للمدونة و أختا غالية
سلامى لكى و لإسلام

امل said...

السلام عليكم
يااااه يا آبي الحب ده أجمل شيء في الوجود بس لما يكون حب حقيقي مش مجرد مشاعر مجهولة او اعجاب وكمان لما يكون حب متبادل بين الطرفين وصراحة اجمل حاجة لو كان بين اتنين متزوجين ومطمنين لوجودهم جمب بعض اما اوحش حاجة لما الانسان يحب حد ما يستاهلش حبه او انه يحب من غير أمل حب مستحيل يعني فاكرة لما قلتي انك بتحبي بس من غير حبيب انا كمان زيك حاسه اني بحب الشخص المجهول اللي في خيالي واحيانا اقعد اكلمه واقوله امتى هتيجي بقه ههههه بس دي مشكله لانه واقف في طريقي ومش مخليني قادرة ارتاح لاي حد ربنا يرزقك باللي يسعد قلبك ويكون قرة عين ليكي في الدنيا والآخرة
تحياتي وكل الحب

عيله مفتريه سابقا said...

ان ان تش
ايه الاسئله دى يا اوختشى
دنا فى حالة من التقلبات والتقلصات
اقولك؟
حب ايه اللى انت جاى تقول عليه
معنى الحب ايه؟
الحب يا سيدتى كائن فراغى الشكل يعيش بين الناس
خططه جوهنميه يا بنتى
ممكن فى ثانية يأسرك وممكن فى سنة
الحب بالترتيب ,احساس,ألتقاء ,فهم,جاذبيه,وبعدها بقى اتفاق عيوب
.
.
ازاى بشوف حبيبى ؟
دايما كنت بقول ان حبيبى اللى هو بجد حبيبى مش بشوف راجل غيرو فى الدنيا بس مبشوفوش ملاك بس بشوف فيه صفة الرجوله فى كل كائن ذكر فى الدنيا فبشوفه الراجل الوحيد
.
.
الحب علاقته بالكرامه ؟
امممممم
بصى يا قطه
بداية الحب غير وسطه غير نهايته وعلاقة الطرفين كعلاقة حب وعلاقة بالكرامه بتختلف
فانا فى اول العلاقه كرامتى موجوده وكرامته هو كمان حافظ عليها بتبدأ التنازلات وممكن توصل لحد كما يقال لا وجود كرامه فى الحب ..الحب من الحاجات اللى مينفعش تتاخد قفش
فهمتى يا قطه؟
.
.
بصى مش هقولك زى اسمو ايه لما قال الحب الاخير اول حب
لكن الحب الاول ده اللى بيبقى قلب الخصه
اللى لسه ورور اخضر مفيش تجارب ومفيش رزع وخبط فى القلب
اول خبطه
شوفى بقى
زى النونه اول لما يمشى بيكون ازاى؟
بس بيكون له جماله وحلاوته اللى بنفتقدها بعد كده
واسأل مجرب
الحب الناضج بقى ده اللى اسمو ايه بالعقل
وده انا معرفش اجربه ، لانى فى الحب بفكر بقلبى
.
.
الحب الفاشل؟
بتاع الطرف التالت ده
ربنا ميوعدك حب مقندل يا اوختشى
بس عارفه
بيكون له احتمالات نجاح فى السيما
.
.
ايه الحاجه اللى تحب تعملها لحبيبك طول الوقت ومقدرتش تعملها؟
مبصش فى وش راجل تانى غيرو ، واظنها كانت صعبه
ومازالت على الناس الحبيبه
.
.
تحب تعمل لحبيبك حاجه بدون ما يقولك ولا تستنى لما يطلب منك؟
بصى يا قطقط
الواحد ممكن يعمل ده فى حالة لو وصل التفاهم بينه وبين حبيبه حد كبير
بس بينى وبينك انا بحب اطلب منه -وانا فى حالة الحب يعنى - عشان احس انه فعلا مستنى طلبى عشان ينفذه

بس ايه الاومتعان ده انتى مش عارفه انى على وش عيد ميلاد
هى ناقصه
ال حب ال
معلش يا قطتى انى اتأخرت كانت موصلات بقى انتى عارفه بورسعيد زحمة ازاى الايامدى

سلامون يا بوبه

جنّي said...

والله برافو عليكي وكمان شاطرة تورطينا في الاجابة من غير ما تجاوبي .. كنا نحب نعرف اجاباتك الاول ..
على كل هانجاوب وامرنا لله :
1-الحب أحلى من العسل
2-نصفي الثاني
3-(ممكن تنزل المرة دي (الكرامة
4-مش ممكن يتنسي بس ممكن يجي بعده
5-اللي حب ولا طالشي
6-نعيش في جزيرة لوحدنا
7-طبعا ها اعمل كل حاجة تسعده من غي ما يقولي
8- بقى الراجل منكن يجاوب
جاوبنا ورينا شطارتك وجاوبي يا حلوة
----------------------
اشكر سؤالك عنا وتفقدك لنا والحمد لله عدنا ودونا وأهلا بيكي في كهفنا المتواضع يا صاحبة الكوكب
شكرا

Soooo said...

ايه هو الحب؟؟
مافيش تعريف صريح للحب نفسه .. هو حاجه كده بتيجي خطف .. زي مترو المرغني لما يجي ويخبط الواحد وهو طالع على تريومف يضربلو سندوشتين جمبري من عند شادر السمك

ازاى بتشوف حبيبك او حبيبتك؟
والله على حسب .. يعني لو واحشاني قوي .. باشوفها ملاك بيضحك قدامي .. ولو لسه متخانقين حالا .. باشوفها ملاك برضه .. بس زعلان مني

الحب علاقته ايه بالكرامه؟
مافيش كرامه في الحب .. اللي بيحب حد بجد .. لازم يشيل كل الحدود مابينه وبين اللي بيحبه

هل اول حب هو اصدق حب ولا ممكن يتنسى ويجى بعده الكتير؟
اول حب حاله متفرده .. اول ايد الواحد بيمسكها .. اول صوت بيقول باحبك .. اول ضحكه طالعه من القلب وقت الفرح من الاتنين في وقت واحد .. ممكن يتنسي طبعا .. لأن الانسان بطبعه بينسى

ايه هو الحب الفاشل؟
ان الواحد يبقى عارف ومتأكد ان اللي هو بيحبها .. مش هتحبه أبدا

ايه الحاجه اللى تحب تعملها لحبيبك طول الوقت ومقدرتش تعملها
اني اخليها تفضل تضحك طول عمرها .. من قلبها

تحب تعمل لحبيبك حاجه بدون ما يقولك ولا تستنى لما يطلب منك
لا طبعا .. من غير ما يطلبها .. دي حلاوتها في المفاجأه ياعم الحاج

سؤال للفياكين الرجالى هلى الراجل منكن يعنى يحب اتنين وازاى
ابو بالين كداب .. وابو تلاته منافق .. وابو اربعه بيستعبط اصلا
الواحد مالوش غير قلب واحد .. والقلب الواحد مايشيلش غير واحده بس

----

مين عم الاربعات ده اللي جاي يتعلم عربي هنا؟؟؟
وبعدين انا قلتلك مليون مره شيلي خرفانك وقللك .. خليتي الناس افتكرتك من بلاد بره .. وبيني وبينك عنده حق برضه .. حد مصري يبقى عنده خرفان بينك؟؟؟؟


ملحوظه
انتي جدعه قوي يابت انتي




سلامووووووووووز

الربان said...

تحياتي

الحب هو شعور غامض ينتابنا...يدغدغ المشاعر..و يحسن الدورة الدموية :) .

الكرامة واحدة لكلا الطرفين...يعني كرامة البنت من كرامة الفتي...و العكس ايضا صحيح...

الحب الفاشل هو نتاج لانانية طرف من الاطراف...يريد كل شيء دون ان يقدم اي شيء....
ايضا العند و التعنت من اسباب الفشل.

الحب الاول غالبا ما يكون اندفاعا..و تغلب عليه العاطفة السطحية...و لكنه يستمر بالذاكرة لانه الاول...كما نتذكر
اول مرة قدنا فيها السيارة او اول سيارة قمنا بشرائها...

فكرتينا بالذي مضي...و انقضي .. :)

تحياتي و تقديري

haneen said...

على رأى ام كلثوم
الحب .. الحب .. الحب
هممممممم
هى اكتر واحده شرحته بكلام جميل وبسيط وعشان انا بعشقها هجاوب بكلامها

الحب هو الود والحنيه عمره ما كان غيره وظنون وأسيه .. الحب هو اللى بأمره هويتك وعمره ما بإيدك ولا بإيديه

لورنس العرب said...

حنين شرحت لنا الحب على طريقة أم كلثوم
ولكن غاب عنها تعبير أحمد عدويه عن الحب عندما قال

" نار يا حبيبي نار ، قلبي مولع نار، فول بالزيت الحار"

وكل واحد يبعبر عن الحب بطريقته

appy said...

فاتيما
=========
النبى انتى الحب والحنان يا قلب الام انتى هاتى حضونه كبيرة يا احن ام






خالد المصرى
===========
يا عينى على الرومانسيه البحته ماشى هديلك خروف بمبى هديه ربنا يهنيك ويسعدك يا خالد يا رب

appy said...

seven
********
حلوة قلبك مساكن شعبيه ده طيب متنفعش تبقى حتى متطور مش شعبى ههههههههههه
نورت ويا رب تلاقى اللى تستاهلك وتستاهلها






حنين القلب
==========
حبيبة قلبى انتى واخدة تاكسى رايح جاى علشان تردى على واحد مش عارف يقرا والمصيبه ولا يكتب سيبك منه ربنا يخليكى ليه يا حبيبة قلبى

appy said...

mostafa rayan
==============
عارف قفلتك بجمله اه ان الراجل يحب اكتر من واحده يبقى يا مصطفى هنفضل ندور على حب حقيقى ههههههههه
نورت الكوكب






!!! عارفة ... مش عارف لي
==========================
احترم الناس اللى مش بتغش دى
بتبقى حلوة علشان كده هنجحك وامرى لله ههههههه
على فكرة يا وليد انت الوحيد اللى تقريبا وصل لك انا اقصد ايه من امتحاناتى علشان بحب اعكس للناس وليه صورها بس
نورت وسعيده بيكى فى الكوكب

appy said...

mayada
===========
بنت المنصورة الاموره
ايووون ركزى انتى بس مع شحاته حنفى وهى هتتظبط يا مادى نورتى يا قمر وربنا يخليكوا لبعض
ومفيش حد يا هانم بياخد كراسه الاجابه تانى 8 من عشرة هههههههههه






عايش ولكن
=============
هو انتم لسه شوفتوا حاجه دا انا هبهدلكم ان ما خلتكم تذاكروا من كتب هههههههههههههه ربنا يخليك ليها ويخليها ليك يا رب

appy said...

الفاتح اليعقوبى
==================
اهلا بالجناحات وزميل المعارك ازيك يا استاذنا
والله اللى بتقوله حلو وكنت مستنيه راى حد منكم انت والجعفرى علشان الناس تفهم ان كل الناس بتحب المتدينين الاوى والنص نص برضه ويشوفوا الحب صح
ربنا يكرمك وميرسى لرايك وكل سنه وانت طيب







لورنس العرب
================
هو تقريبا انقرض بقى من عصر الديناصورات ههههههههه لا بهزر موجود بس دور شويه

appy said...

احمد سكر
===========
يا سنكرة لسه بتدور برضه معلهش يا ابن الناس بقى حظك مدورش على الحب يا احمد هتلاقيه جايلك صدقنى
بص يا زهقان انت اقعد وامسك انت الكمنجات ههههههههههه
نورت يا سنكرة








Copa Zaki
===========
النبى لو وزعتهم فى لازوغلى حتى ولا كانى شايفه حاجه ههههههههههه

appy said...

خالد المصرى
=============
كلا البته انا كوكب نظيف بس لا مش نظيف بتاع القطنه لا كويس معنديش كوسه مش بحبها هههههههههه
نورت يا خالد








واحد من البلد دى
=================
وتفتكر هقدر ارد على الشعراء انا بقى
ربنا يخلي لك زوجتك واولادك ونورت الكوكب يا استاذنا

appy said...

امل
=====
حبيبى يا رومانسى مبسوط انك بتظهر على الشاشه متتأخريش عليا علشان اطمن عليك يا قمر







عيله مفتريه
===============
نيهاهاهاها كل سنه وانت طيب يا كابتن وفك بقى من اللى انت فيه ده وانا مش عارفه مالك بس

appy said...

جنى
=====
طول عمرى بوطكم نورت تانى الكوكب بتاعنا
واوعى اسمعك تقول جاوبى نووووو مش هجاوب الا البخ الدنيا وتبقى مشكله ههههههههه





sooo
======

ساسو ازيك يا راجل قولى جبت كام قواقيع من هناك بقى
وبعدين ابقى روح قولها بقى واتحرك يا اخى دا انت تزهق بلد ومين قال انها مش ممكن تحبك ايه الياس ده حاول انت بس
وايه جدعه دى مين انا اكيد تقصد حد تانى هههههههههه
اما الاخ ده مكنتش اعرف يا سوو يا خويا ان الخرفان تدينى جنسيه تانيه غير المصريه يمكن فاكر انهم من استراليا طيب اعمل ايه اكتب عليهم وارد ابو كبير ههههههههههه
نورت يا ساسو

appy said...

الربان
========
ليه بس انقضى وانفضى دى ربنا يجعل فى قلبك الحب على طول انا كده دايما استمحاناتى علشان الناس تحرك جواها حاجات
نورت الكوكب كله








haneen
=========
لا دا انتى تيجى تقعدى معايا فى البلكونه على الكلمتين دول يا قمر نورتى يا حنين

appy said...

لورانس
=========
هههههههههههههخخخخخخخخخ
ايه الكوكب اللى اتقلب اغانى واكل وزيت حار وفار ده

الطائر الحزين said...

الحب هو ذلك الشىء الذى يجعلك تتحمل اشياء من شخص لا تتحملها من غيرة

هو الذى يجعلك تتغاضى عن اشياء تغضبك يفعلها شخص ولا تتغاضى عنها من الاخرين

هو الذى يجعلك تتصف بالحلم فى مواقف لو تعرضت لها مع أخر لقاطعته وصببت عليه لعناتك

هو
ذلك القدر الذى يأتى دون وقت محدد ولا مكان معلوم

appy said...

الطائر الحزين
=================
لو كل الناس بتشوف الحب بالشكل ده وتنفذه كده يبقى هنعيش كويسين اوى

بس على فكره هو لو جه كده وبقى قدر هيبقى حلو اوى لان انا دايما بقول ان الحب قدر ملوش مكان او يعنى بلغتى انا عامل زى البرد بيلطش من غير مقدمات

يالا هنديلك عشره على عشره فى الموضوع ده وامرى لله
نورت الكوكب