.jfif)
.jpg)
الدبور:- صباح الخير يا حبيبى بجد اللى انتي كتباه ده والاغنيه دي ليه
النحله :- (وش مكسوف ومحمر) ايوه انت شايف ايه اكيد طبعا
الدبور :- انا كمان بحبك اوي ومبسوط اوي ومش قادر اصدق نفسى انا بحبك حب تانى خالص حبيبتك من افكارك كلامك عقلك روحك
النحله :- انا كمان كل ده شدنى ليك اوي ومش عارفه قربتا منك كده ليه
الدبور:- يعنى بتحبينى او كده
النحله :- انت احلى حاجه فى حياتى
الدبور :- انا مبسوط اوي انتى اغلى حد فى حياتى انتى ملاك بحبك اوي
النحله والدبور سعاده لفتره وفى احلام حلوه وقت طويل
الدبور :- حبيبتى ممكن اقولك على حاجه بس اوعدينى انك متزعليش مني وتفهمينى صح
النحله :- عمرى ما ازعل منك ابدا (قلبها بيدق كتييييير اوى وعنيها بدمع من غير ماتعرف)
الدبور :- انا شبه متجوز ومقدرش اسيبها لانها قريبتى بس انا بحبك انتى ويا ريتك كنتي فى وقت غير الوقت ده
النحله:- مش زعلانه انا كنت حسه (كرامتها وقلبها وجعوها اوي بس تماسكت)
الدبور :- اوعي تسيبينى ابدا انا عاوزك تفهمى ان مينفعش اظلمها لانها قريبتى هى ملهاش ذنب وهيبقى صعب اسيبها قبل ما نتجوز اصلا
النحله:- (وعنيها بتدمع ولكن متماسكه) مشاعري ملهاش دعوه بحاجه تانيه انا بحبك لمجرد الحب
بس قولى ازاى هتتجوز واحده وقلبك مع واحده تانيه مش ده ظلم برضه
الدبور :- ارجوكى متصعبيش الامور عليا متعذبنيش سيبى الايام تعمل اللى هى عاوزاه انا بحبك ومقدرش ابعد عنك الا اذا كان ده طلبك
النحله:- انا عمرى ما عشت على الايام هتغمل ايه انا ليه انا عاوزه ايه مينفعش اعيش على امل اصلا مبنى على غلط واعيش استبن اللى عاوز يعمل حاجه بيعملها مش مستنى الايام والاقدار انا ليه ابص انا عاوزه ايه ده جواز يمكن انا مختلفه وبحب اخد قرار الجواز ده بعقل مينفعش اقول اصل سنى ولا اهلى فيه انا ارتاح مع ده ولا لا
الدبور:- ده اتهام ليه متغذبنيش ارجوكى انا بموت
النحله : - بعد الشر عنك (منسحبه وهى بتتالم وبتعيط)
طفوا النور وكلوزززز هونا
هنا انا آبى هانم امبراطوره الكوكب وقلبى كمان
هو ليه مبنقدرش نأخد قرارات مصيريه يعنى انا يا بحب دى وعاوزها يا مش عاوزها يعنى اللى يحب واحده ويخطب واحده يا ميسمحش من البدايه لنفسه يحب على خطيبته يا يتنيل ياخد قرار ويسبها ولا ايه
ليه بقى الناس بتلغب مشاعر بعض وتحب تبين انها مقهوره ليه منكونش اقوياء فى الحاجات اللى احنا عاوزنها ونتحدي الدنيا علشانها
ليه ولد برضه يروح يحب بنت ويقولها هتجوزك ويروح يتقدم لها برضه وفى الاخر يقولها لا اصلك متنفعنيش بس نفضل مع بعض انتى متنفعيش زوجه (الموضوع ده كتباه بنت المنصورة نودي بتاع متنفعيش زوجه )
طيب هو ده بيحبها ولا بيحب التانيه ولا مبيحبش الاتنين وبيحب نفسه وبس
بجد مش عاوزه هزار محدش يدخل يقولى اصله معندوش كرات دم فوشيا ولا زرقا
لا انا عاوزه التماسيح (الرجاله يعنى ) يقولوا رايهم بجد ولو حد بيعمل كده يراجع نفسوياته يعنى يحدد عو عاوز ايه مش ناقصين نفسويات متذبذبه وتجرح فى السحالى
السحالى والنبى انتم ليكم الجنه معلش بنتنيل ونحب بالقلوب بتاعنا ولسه عايشين زمن عبد الحليم ابو حافظ والدباديب والنبى بقى نخلى بالنا واللى عندها وكسه من دي تقول عليها وحلتها ازاي
انا مليش علاقه بالكصه دى خالس بس دي كارثه عشتها مع ناس كتير
ونورحب بالحلول وهنيالك يا فاعل الخير
- ملحوسه :- اوعوا تنسوا موضوع بيكيا الله يكرمكم يا رب اصل والله اسيب خرفانى عليكم اللى عاوز ينقل البوست انا موافقه بس مع حفظ حكوك البتنجان ليه ربنا يجازيكوا خير
كان معكم قاضى اول جنح مستافف محكمه القلب العليا ابى هانم
121 اخبط وقول رايك:
هيييييه انا اول تعليق شويه وجايه تانى
انا جيت تانى بيتهيالى ياابى ان دا نوع من الانانيه وانه بيحب يكوش على كل حاجه ياخد اللى اختارها زوجه ويعلق جنبه اللى بيقول انه بيحبها ومفيش مانع يغلط مع واحده تالته وهكذا واحد عاوز كل حاجه وميهموش احساس غيره بس الغلط بيبقى على اللى تديله فرصه يستغلها عشان يرضى طمعه
تحياتى ياقمر
سمر الشافعي
===============
انتى يا عمري قاعده فى الكوكب وتخبط فيكى انتى ههههههههه
يمكن فعلا يكون اناني ويمكن بيحب مش عارفه اضارب مشاعر فعلا وانانيه يمكن
منورت يا قمر الكوكب كله
استي دي اسطوانة بتشتغل وقت مااي واحد محترف اسطوانات يحب يخلع
مش حكاية ياخد قرارات ولا ياخد في سنانه
للاسف الشديد الغالبية اصبحت تدير نفس الاسطوانات
هههههههههههههههههههه
كأنهم متخرجين من مدرسة واحدة
هههههههههههههههههه
يا حبيبتى يوم ما الدبور اللى احبه يقولى كدا يبقى زن على خراب عيشه واما هو من الاول مش نافع ماشى ومكمل السكه منتظر ايه
دا واقعه اهله سوده حظ دبورك ان نحلته مسالمه لكن لو كان وقع فى ايدى كنت فعصته بجزمتى لا مؤاخذه اوووووووووف اخد نفس وارجعلك اصل الجوله صعبه عليا
فاصل ونواصل
السلام عليكم
موضوع جدير بالمناقشه واحييكى عليه
انا عاوز اقول ان كل افعلنا هى مسئوليه والانسان اما مشئول واما غير مسئول
وانا راى ان المسئوليه موزعه على الطرفين دايما
والاخلال بالمسئوليه يستلزم ان يكون فى رد فعل
اللى عاوز اقوله ان اى تجربه بنخوضها لازم نخوضها وعنينا مفتوحه ونحاول من البدايه نشوف خطواتنا قبل مانخطيها وعواقب الامور ايه
ولما نقرر يبقى نستحمل ونكون مسئولين عن قرارنا
تحياتى للامبراطوره آبى
بجد حضرتك معاكي حق
دلوقتي فيه ناس كتير من النوع ده
دول انا شايف انهم بيستهبلوا ومش
بيحبوا غير نفسهم
مش ينفع واحد يتجوز واحده وهو بيحب
واحده تانيه ويفضل معلق التانيه بقي
علشان هو بيحبها ومش ينفع يتجوزها
خلاص هي كمان تتجوز وتفضل تحبه
:d
لو هو يرضي كده لنفسه
تقبلي مروي
ابي هانم البنات بيحبوا يتحبوا حتى لو كانوا عارفين إن اللي معاها ده بيضحك عليها ، بتقول أهو واحد و السلام أحسن ما السحالي - قصدي أصحابي ما يقولوا علي ماحدش معبرني ، و البنات أصلا عز الندالة لما يجي العريس المجدع اللي عنده ماهية و عربية ، و تروح تعيط تقول للحبيب أصل بابا غاصبني أتجوزه ، و تلاقي ابوها أصلا ولا دريان بالدنيا دي ، و هي مزأططة إنها حاتبطل تنطيط مع الشاب الاستبن .
يعني من سحالي لتماسيح مش فارقة ، الرك على الدين و الأخلاق عند الجنسين .
شوفى يا ايبى يا اوختى احسن من الطريق المستقيم مفيش يعنى دبورك على ما تربيه
لو من الاول حطيتيه ادام اهلك وحسستيه بمسؤليه موقفه يعنى جديه
الموضوع مش حيقدر يخدعك
لكن لعب العيال اللى بيحصل دا مبحبوش ومعروف اخرته
اصل عندى فسافيس ..ومامى تعبانه وستى اتهرشت دا كلها تلاكيك
سومه_87
فى ناس عاوزه كل حاجه
ومبتعرفش تاخد قرار صح واحد فى حياتها
بس والله هما اللى بيندموا فى الاخر ولعلمك السحليه اللى حد يقولها كده وتسيبه وتنفضله هى الكسبانه
بلا وجع قلب
آبي هانم
بصفتي تمساح شرقي حتي الثمالة.
رأي ان هناك الكثير والكثير من الشباب الذين يفعلون هذا الأمر مراراً وتكراراً.
ولكن هناك من يحب بجد وبكل إخلاص،ولا تجدِ له أي منفعة بل علي العكس تجدين حبيبته تعامله بجفاء.
وتعامله بنظام واحدة بواحدة.
في زمن تامر حسني تلك تجدين اسفاف الحب.
هي اسطوانة دائرة ولكن من الطرفين.
لو تودين رأيا صحيحاً حقاً.
اجمعي بين رأي بيلا والأستاذ أحمد كمال
بسم الله ما شاء الله
خرفانك سمينة وحلقة صوفها كمان
كل سنة وانتي طيبة
أسامة
فضلت أفكر أعلق علي الموضوع من أنهي ناحيه، العاطفيه ولا الأخلاقيه؟ ناحية حسن النيه والا ناحية سوء النيه؟
وبعدين قررت إن النتيجه من كل النواحي واحده، بس الطرق مختلفه
عاطفيا لو بيحب واحده غير إلي وعدها بالجواز يبقي مينفعش لأنه تدليس لكل الأطراف ولو بحسن نيه
أخلاقيا مينفعش يخلف وعد، أو علي الأقل لازم يطلب أنه يتحل من وعده دا
حسن نيه والا سوء نيه مفيش فرق في النتيجه، كلها لعب بقلب ومشاعر بطريقه غير مشروعه
واضح من القصه إنها لعب عيل أهبل، نفسه ياكل من بلح الشام وعنب اليمن، بس هو بيقول مباشره: أنا حتجوز التانيه بس خلينا ماشيين مع بعض علشان بحبك، إنتي أحلي منها وجميله كده وبيضه.... يا بيضه أنتي يا بيضه. التانيه بتاعت جواز ونكد وحاجات كده ... إنما إنتي خليكي للفرفشه والحب ونلعب مع بعض عريس وعروسه في السر
البنت لو عندها كرامه تقوله بالحرف الواحد: روح علي أمك يا روح أمك لحسن أديلك بأوسخ شبشب عندي
وليه تقوله، دي تديله علطول بأوسخ شبشب عندها من غير ماتتكلم
يعني الموضوع ميحتملش أي رأي تاني بيتهيئلي، إلا لو البنت عجباها اللعبه وأهو بتتسلي لحد محد يتقدملها رسمي
ابى انا هقولك المنطق
وانا موافق عليه على فكره
بصى انتى ممكن تحبى اى حد .. اى حد بمعنى اى حد
تحبى واحد مهيس ومكبر دماغه .. بس ده مش متحمل المسئوليه ينفع يتحب وينفع صديق انما مينفعش زوج
اى راجل بيحب اى بنت متحرره وطموحه ... ومعظم الرجاله صفات الست الى عايزين يجوزوها انها تكون ست بيت كويسه ويكون ده كل اهتمامها والباقى يبقى اقل اهميه
انتى ممكن تحبى راجل اقل منك فى كل حاجه ( المستوى الاجتماعى والثقافى ) وصدقينى حتى لو حصل زواج مش هيكون سعيد فالعقل لازم يقول والله انا بحبك بس مينفعش واوعى تسبنى لانى محتاجه حبك انما برضه عقلى بيقول انك متنفعش
من الاخر فى حاجات فى البنت او الولد ممكن الطرف التانى يحبها فيه انما الحاجات مينفعش يرتبط بيها مينفعش يكون زوج او زوجه رغم وجود الحب الجامد والجامد جداااااا
لما بنحب حد مش بناخد بالنا اوى من ظروفه ولا ظروفنا ... بناخد بالنا اننا بنحب بعض بس ... ومش هنقدر نسيب بعض ... وبيخطر فى دماغنا ان اى مشكله قابله للحل .....
انما وقت الجواز كلنا بنبقى عايزين حد يتحمل المسئوليه ... من مركز اجتماعى وثقافى مساوى لينا ... ومستوى اخلاقى نقبله
بصى
هوه ده انا بسميه
ايه
مممممممم
زى متقولى كده
لا مش استهبال
فى كلمة تانية مناسبة
اه
استخسار
هيه ديه
يعنى عجبو بنتين
فى كل واحدة شايف حاجة
وعاوز الاتنين
وديه بتندرج تحت بند الانانية
(لازم نسمى كل حاجة باسمها)
بس انا اعتقد انه مش بيحب ولا واحدة فيهم
عشا انا مش مقتنع ان فى حاجة اسمها حد يحب فى نفس الوقت ديه خالص
إزيك يا آبي؟
أخبار البتنجان معاكي إيه؟
و الخرفان اللي بتصوصو و بتطير؟
إيه؟
بتقولي إيه؟
طييييييييييييييييييييييب
شكلك كده يا آبي بتتكلمي بس عن الولاد اللي بيمشوا بواحدة استبن على ما تفرج
طيب يا حبيبتي لو كمان كان فيه بنات كده
و على فكرة مش بيبقوا بنات منفلتات ولا حاجة
بيبقوا قمة في الأدب
بس برده من حقهن يحبوا و يتحبوا
عاوزات يجرّبن احساس الحب
و وقت ما ييجي العريس الجاهر
تبدأ في تشغيل الأسطوانة إياها
انت تستاهل اللي أحسن مني
أهلي بيضغطوا عليا و كنت هأقولهم إيه
يا ريت نبقى صحاب
و آدي وش الضيف
المشكلة يا رحاب بجد تكمن في الضمير الصح
الضمير اللي بقوا مش موجود عند حد دلوقت إلا من رحم ربي
الله يرحمه الحاج محمود شكوكو قالك :
الحب بهدلة .. خلاني أندلة .. بهدلّي صحتي .. خلاني بالبلا
الله يحرقه احساس بيذل صاحبه و يجيب راسه في التراب
يلا سلام
بيبى يا قمر التدوين كله
بصى انا قعدت شوية أفكر
فى كل الإتجاهات
عشان أعرف أرد على سؤالك بلسان مين ؟؟
لسان الراجل الأنانى
اللى مبسوط إنه ديك البرابر
و لا الراجل الضعيف
اللى مش قادر ياخد قرار شجاع
ينهى بيه المشكلة
و لا بلسان الراجل المحب العاشق
اللى الحب مبهدله
لدرجة عدم الإستغناء عن الحبيبة
و فى نفس الوقت مطالب
بالخنوع لرغبات و شروط المجتمع
و لا أروح الناحية التانية
و أجاوبك
بلسان البنت اللى بتحب الراجل دا أكتر من روحها
و آخر حاجة تفكر فيها شكلها
و لا البنت الهايفة اللى واخدها تحدى و متصورة إنها ممكن تكسب الراجل
دا فى النهاية
و لا البنت اللى عاوزة تقضييها فسح
و تهييس و هدايا
لحد ما ييجى العريس المناسب
مش عارفة
أرد بلسان مين
بس هارد بلسان نفسى
قرار الإنفصال صعب جداً
و مؤلم
بياخد وقت
و مجهود
لكن لازم هيحصل فى الآخر
غصبن عن الكل
يبقى الأولى بالبنت تلم روحها
و تحافظ على اللى فاضل من كرامتها
و تقول باباى
معطلكشى
تحياتى يا حبيبتى
أسمحيلى أقول لك الأول أنا شايف الحب ازاى:
الحب هو قمة المقدرة على الضعف تجاه الاخر
طبعا دى رؤيتى للحب
اذا كنتى متفقة معايا يبقى اكيد هتوافقينى انه مهما اى حد مننا مر بتجارب عاطفية وقال ايه بقى عنده خبرة وحرص قبل ما يدخل فى تجربة جديدة
معلش بقى يبقى برضه هنتنيل وهنحب تانى
ودايما انا باقول يا ابى
الحب بهدلة
و
الوحدة أيضا
اذا صدقت النوايا يسر الله السبل
==============
ولازم الوسطيه
لكى لا تأسوا على ما فاتكم وتفرحوا بما أتاكم
========
لا نحب اوى ولا نكره اوى
=======
وهناك من يبحث عن سمات معينة فعندما يجدها يجد الاخرى تبحث عن سمات اخرى
انا موافقه على تعليق فاتيما وابصم عليه بالعشره
الموضوع ممكن من كذا زاويه فاتيما قالتهم كلهم مش بعيد ابدا يكون الراجل بيحب بجد بس الظروف اقوي منه يعني مش فى كل الاحوال الراجل بيكون ندل والانانى
في الاخر النهايه معروفه والبنت لو مصممه تكمل يبقي مفيش غير طريقين عشيقه او زوجه تانيه لو تقدر تستحمل الوضع ده هى حره
ساعات بيبقي الحب اقوي من اننا نتخلى عنه وبنضطر نقبل باوضاع وظروف مهينه جدا عشان مش قادرين نبعد وعاوزين نكمل باي طريقه مهما كانت جارحه لكرامتنا
لو الراجل بيقدر ويستحق فعلا يبقي مش عيب ان حبيبته تقبل باي ظروف اى كانت حتى لو بقت زوجه تانيه مش بتشوفه غير مره فى الشهر ومتقدرش تخلف منه ولا تبقي زوجه كامله
فى كل الاحوال وفى القصه اللى انتى ذكرتيها او في غيرها
الحب الحقيقي اللى بجد تجربه مؤلمه جدا ومفيهاش راحه
على فكرة يا ابى
الحب لازم تبقى الضحيه فى الانثى
لانها هى الجانب الضعيف
لانه بيلين بكلمتين
على راى الرجاله
عشان كده بيقدر الراجل يحب مليون واحده فى الساعه
بصى يا آبى
اولاً بالنسبه للجنس الناعم
احنا الحاجه الوحيده اللى مش بنقدر نتحكم فيها ولا نوجهها صح هى مشاعرنا
ممكن تلاقينا اتعلقنا واتنيلنا وحبينا واللى شبكنا يخلصنا على راى عبد الحليم
بس دى اصلا غريزة جوانا عاطفيين زياده عن اللازم
صحيح لازم نفوق كده ونبطل نصدق اى كلام يتقال لينا
بس فيه كلام بتحسى فيه بالصدق وبيكون عادى وشويه شويه بيتحول جواكى لشعور تانى خالص وده طبعا غصب عنك
بس هنا لو مش ينفع تكملى لازم تعملى استوووووووب فخمتو يا بنانيت
بالنسبه بقى للجنس الخشن
الرجاله دى نوعيات ومع احترامى لكل الرجاله
فيه راجل بيحب ويوعد ويبنى احلام لمجرد انه يحس انه لسه مرغوب وحبيب والبنات بتجرى واره
وفيه راجل تانى ممكن يكون بيتكلم من قلبه ويتعامل طبيعى خالص وغصب عنه يلاقى نفسه اتنيل حب وهو اصلا ولا فى دماغه حب ولا زفت
وفيه راجل بيبقى عايز ياخد كل حاجه الزوجه والحبيبه والصاحبه عايز يعيش وخلاص بالطول والعرض
ده رايى الله اعلم اذا كان صح ولا غلط ؟؟؟
الموضوع ابسط من كدة
اذا كان الولد اهلة هم اللي تكفلين بجوازة
يعني جايبنلة الشقة و الشبكة و المهر
وهو داخل بمجهودة
يبقي يحط في بقة جزمة
ومتوقع منة انة يلعب بديلة برة
وبرضة مفيش منة رجا
لانة اذا كان محلتوش فلوس يجوز نفسة
هايروح يجوز تاني
الحاجة التانية الراجل لما يكون هو اللي متكفل بكل مصاريف جوازة
لا يحق لاحد التدخل في قرار مصيري زي دة
ويتحمل هو تبعات اختيارة
اما عن البنت فمفيش اكتر من البنات اللي بتحب تسمع
اسطوانات حتي وان كانت اسطوانة مملة ومشروخة
اما عن صاحبتك نصحتي ليها
يا تروح تذاكرلها كلمتين
يا اما تستني واحد
ميكونش لية بنات عم
عارفه يا آبى
كان ليه واحده صاحبتى كانت بتحب واحد متجوز وبتحبه بجد
وهو مش انكر الاول حسيت انه بيتسلى بيها بس بعد كدهبرضه قلبت معاه جد
وصمموا انهم يتجوزو
واحنا كلنا عارفين ان مراته مريضه ومن حقه يتجوز بس انا الصراحه واقفت لصاحبتى وفضلت اقولها لا طبعا مش ينفع تاخديه من بيته ومراته
وراح فعلا اتقدم ليها والحمد لله اهلها رفضوا رغم موافقتها هى
مش انكر انهم بجد اكتر 2 شوفتهم بيحبوا بعض بس هما غلطنين علشان من الاول سمحوا للعلاقه تستمر وحبهم يكبر جواهم
ربنا يهدينا جميعا
آبى هانم
السلام عليكم ورحمة الله وبركاته
أولاً بإعتبارى من التماسيح (الرجالة يعنى) فأنا مش مع حكاية إن الراجل مننا يحب واحدة ويتجوز واحدة تانية (رغم إن ربنا سبحانة وتعالى لما حلل للرجل الجمع بين الزوجات خلق فيه بالفطرة كده القدرة اللازمة لكده) لكن أنا بحس إن الحكاية ظالمة لكل الأطراف للراجل نفسه وللسحليتين اللى فى حياته.
ما هو يا إما تحب وتتجوز نفس الست يا إما تطلع من الحكاية كده بشياكة ومن غير ما تجرح حد.
كان معكم من كوكب الأرض
قلب مصرى مراسل كوكب آبى
بصي يا ست ابي يابتاعت صينية المسقعة اللي وعدتيني بيها و طنشتي .... المهم النوع دة بقى من الشباب اللي هو عايز واحدة يتجوزها وواحدة يحبها بس وواحدة يعرفها لمدة 6 اشهر بس ... و الخ الخ ... دة بيبقى ياولداة محروووووووووووووم ..مش مصدق نفسة محدث نعمة.. يديكي انطباع انة ياعيني لو شاف صندل مرمي جنب الحيطة هايروح و يريل علية ..... بجد والله يا عيني مش مصدق نفسة ان في واحدة اتعرف عليها ولا خطبها حتى !! لا وممكن كمان يقنع البنت اللي معاة انة ميقدرش يسيبها وفي نفس ذات الوقت ميقدرش يسيب مراتة او خطيبتة عشانها ... لا واللي يحرق دمك بجد .. لما تلاقي البنت المبجلة اللي -- انا اسف في اللفظ-- مالهاش لزمة في حياتة .. تلاقيها اية بقى .. بتدافع عنة .. وممكن كمان تجيبلة اعذار !! طب يابنتي انتي بتدافعي عن واحد انتي بالنسبة لة عبارة عن نزوة ولا لعبة حتى هايلعب بيها شوية و بعدين يرميها بقى ولا يكسرها حتى .... والله انا اللي اعرفة حاجة ... الحب ولا الارتباط اللي يقلل من كرامة البني ادم - حتى لو قدام نفسة- يبقى يغوووووور .. مالوش لزمة.. ولا انتي اية رايك ؟؟ سيبك انتي عملتي الصينية ولا لسة ؟؟؟؟
يامسهل
بعدي برجلي اليمين اهو
السبب واضح ياآبي ان احنا قوم متردد اصلا مش عارف عايز يعمل ايه ؟
موضوع جميل وبصراحه النحله والدبور دول عاملين مشاكل في الكوكب ده
تحياتي
موضوع كالعاده جامد هو انتي مواضيعك بتحتاج رغي دايما وتاعباني معاكي يا بنت انتي
المهم يعني فكرة انه يحب حد وبعدين يقولها انه خاطب حد تاني او متجوز دي مصيبة كل اللي بنى جوازته على مصلحه او اوامر من اهله او علشان يتجوز وخلاص وبعد كده يبتدي يدور لنفسه على الحب اللي اتحرم منه وبيبدأ ده طبعا لما ظروفه الماديه تسمح او ممكن لما يلاقي اللي تعجبه وتتجاوب معاه
وده طبعا نتيجة غلط من اهله اللي احبروه ومنه اللي فرط في حقه في الأختيار
والتاني بقى اللي قرر انه عايز يكون معاها بس مش عايز يتجوزها علشان هي متنفعش زوجه
ده نتيجة ازدواج تفكيرنا عاجبه شكلها وروشنتها وجرأتها وعاجبه حاجات كتير فيها لكن هو مش قادر يتحمل على رجولته وغيرته كرجل انها تخرج ويكون ليها اصحاب رجاله وانها تلبس اوفر قوي كده و حاجات كتير قوي هو مش قادر يتقبلها وفي نفس الوقت هو مش قادر يمنعها عنها فبيكون قدامه 3 حلول واحد بيبعد عنها خالص ويقرر انها ولا تنفعه زوجه ولا يقدر يلعب بيها اكتر من كده وواحد تاني بيقرر انها متنفعش زوجه لكن هي لسه عاجباه فبيقرر انه يستغل حبها ويخليها جنبه علشان مزاجه انما جواز لأ
والتالت بقى بيقرر انه يخليه معاها لغاية ما يوصل بيها للي هو يقبله وده بيعتمد على استجابتها وطولة باله واسلوبه معاها
---
في الأخر يعني احب اقول بس ان قبل اي شيء البنت برده لازم تحسن الأختيار ولازم تعرف اللي قدامها ده نوعه ايه وهيقبل ايه وميقبلش ايه وتعامل ربنا قبل ما تعامله هو
وربنا يهدي الجميع
سلامي لخرفانك يا قله
سلاااااااااااااااااااااااااااام
اخوكي ايهاب
ازيك يا آبي هانم
ده ايه صباح غرام وإنتقام ده ع الصبح
بصي يا ستي , لو كانت البنت عارفه من الأول انه مرتبط وبرده حبته تبقى هي كمان مسئوله , هو مسئول وهي مسئوله , بلاش التحامل بتاعكم ده ع الرجاله هههههههههه
ويا إما الناس تقول هما الإتنين غلطانين , يا إما يقولوا هما الإتنين معذورين عشان بالحب متبهدلين ,
وبعدين لو اكيد بيحبوا بعض ومفيش اي شكوك في تسالي أو العاب يبقوا ياخدوا قرار , يا يضحوا هما الإتنين يا هما الإتنين يبعدوا عن بعض ويرتاحوا
عشان انا بستغرب ليه الراجل هو اللي مطلوب منه يضحي بأهله وعيلته وسلامه النفسي , ولو معملش كده يبقى اناني وهي مش عايزه تضحي والتضحيه في الحاله دي مثلا انها ممكن ترضى تبقى زوجه تانيه,
انما لو مش متأكدين انهم يقدروا على التضحيات يبعدوا عن بعض فتره لما يتأكدوا ولو في نصيب هيرجعوا لبعض
تحياتي
بصى يا بتنجانى هانم
واله اغلب الرجالة ولاد حلال خالص
وبيعملوا كدة واكتر وعادى يعنى على النحلة النونو انها تتحمل الظروف ان كانت تحبة
وان كانت بتلعب بيه ياحرام وهتكسر قلبة يا عينى
تبقى بنت وحشة ولعبية وبتاعت شباب كمان مش مقدرة للظروف
بصى فى الاغلب الرجل من الصعب انة يوفى لانة مش بيحب فى كل الاحوال بيستسهل ويتسلى احسن ويفضل يتحجج ويتنيل
وحاجة بجد تخنق ومش عارفة انة بكدة بيأذى مشاعر بنت ممكن تكون اختة فى مكانها وان دا حرام وعيب كمان
خلاص
كفاية كدة
عندك حق ان الموضوعات دي لازم يكون فيها قرارات حاسمة وما تتعلقش كتير قوي..
بس تعالي نفكر في الموضوع من ناحية تاني اهم..ساعات الواحد بياخد قرار بشكل متسرع انه يرتبط بانسانة هي كويسة ومحترمة وكل حاجة.. وبعد فترة من الارتباط يكتشف ان فيه عدم توافق فكري بينه وبينها.. او باختصار انه مش قادر يحبها.. هيجيله احساس بالخوف من انه يظلمها خاصة ان هو اللي اخذ القرار مش هي.. هيدي نفسة فرصة في فرصة علشان يحاول يقرب منها يمكن يحبها.. ومع كل فرصة الوقت بيعدي على فترة الخطوبة.. ومع الوقت بيزيد الاحساس بالخوف من انه يظلمها ويسبها بعد الفترة دي.. ويقول في نفسه انه ضيع عليها فرصة تاني.. كان ممكن تلاقي في الفترة دي الانسان اللي ترتبط بيه.. هو بيكون خايف انه يظلمها.. لكنه مش قادر يحبها او يحس انه هيعيش معاها في سعادة.. هو ممكن يفضل في التردد ده فترة طويلة مش قادر ياخد قرار يكمل ولا ينهي العلاقة..والسبب الرئيسي هو الخوف انه يظلم الانسانة دي لسبب هي مش ليها علاقة بيه.. لكن من ناحية تانية هو خايف يكمل تكون النتيجة ظلم ليه وليها العمر كله..
ساعات في بعض الاقاليم بيكون الموضوع أصعب.. لانها بتكون علاقات بين علائلات وبيكون الموضوع حساس جدا.. فيكون القرار أصعب..
صدقيني يا آبي الموضوع مش بالبساطة اللي انتي متخيلاها.. مش سهل انه يقول هكمل او مش هكمل..
مش شرط على فكرة تكون فيه واحدة تاني شاغلة تفكيره.. لكن هو مش قادر ياخد قرار مع الانسانة المرتبط بيها.. يكمل ولا لأ؟؟
تقبلي تحياتي
علشان احنا مش بنعرف ناخد قرار فى اى حاجه
اغلبنا انانى جدا
عايز شكل دى وعقل دى ورقة دى واهل دى
دايما بقول
لما بنحب بجد
كل الفوارق بتزول
وبيبقى فيه اخلاص مالوش مثيل
بس لو حبينا بجد
تحياتى
bella
========
طيب مدرسه اسه دى بس اللى متخرجين منها دول بقوا حاجه نيله اللهى تتكسر بجد اسطوانتهم كلهم والله بحس انهم كوبى من بعض خيبه يا اوختى نورتى يا قمر
سومه المحنونه
===========
اه والله دبور وزن على خراب اعشاش كتير يا سمسمه
ومين قالك انها مسالمه هى بس مش بتحب تعيط قدام حد علشان الميك اب ههههههههههههههههه
الدفاع
=============
ايوة مسئوليه طيب هو ليه مش يتحمل مسئوليه كلامه ولا بقى ده لعب فى جميع الاتجاهات
بس القرار التكمله فى الحاله دى صعب اوى اعتقد
ربنا يهدى السحالى والتماسيح
تحياتى يا محامى الكوكب
حسن حنفي
=========
هو مش هيرضى اكيد طيب يا خوفى منك انت يا صغير اوعى تعمل كده لما تكبر نورت يا حسن الكوكب
احمد كمال
===========
شوفت بقى فيه حدبيغشش حضرتك لانى كنت بتكلم مع حد فى القصه دى البنات اللى بتسيب الولد والله هكتبه بوست تانى لان بصراحه اتحكت ليه من ولد وقد ايه هو متألم لغايه دلوقتى
موضوع البنات بتحب تتحب دى جديده شويه او مش هقدر اوعدك استوعبها بس همشيها علشان خاطرك نورت يا بشمهندس
سومه المجنونه
==============
والنبى لو عنده فسافيس يروح يتاعلج ويجى يا سمسمه احنا مش ناقصين بطيخ فى دماغنا احنا كمان نورتى يا قمر يا عاقل انت
3ala asm masr
==============
هنوده اللى بيعوز كل حاجه مش هيأخد اى حاجه
المصيبه انه يكون عارف عاوز ايه بس اهو بيتسلى بالتانيه وعليها تتقبل يالا يروحوا فى شجرات صغيرات ههههههههههههه نورتى يا قمر
مصرى
=========
فيهم اه يا اسامه وفيهم اللى عارف هو عاوز ايه وفيهم المستهبل
بطل حسد فى الخرفان الخرفان فى النازل الله يكرمك هههههههههههههه
زي ماقلتي في العنوان
غرام مزيف
ماهو اللي بيحب حد بجد
مايقدرش يحب حد غيره
ولا ظروف الدنيا تخليه يضحي بيه
بس هو فين الحب اللي بجد ده
فيييييييييييييين
cause they are *** ***** -7ozift men kebal elrikaba-
ah ya o5tchy el3ynat de btb2a kda f3lam, selfish immature mean jerks, mho elly ysm7 lnfso y7b 3la mrato aw 5atebto, walla elly y7b wa7da, aw bm3na asa7 y3ml nfso by7b wa7da, wey2olha matnf3iesh, aw elly kol shwaya b7al we kl da l2ino bykoun byhanzar we mesh wa5d elmas2la gad, aw 7ta law y3ny el7kaya ygy mnha gad, bas hygy mn waraha mwaghat ma3 el3a2ila elma2ila, fa ynafad lelilah, kol dol 3alm mesh nadga, we ananya
-sorry bktb 3ranglizy tany, bas asly b7b elt3'yeer, we mksila a3od adwar 3al 7rouf 3rby b2a we kda, inty 3rfa masha3'l el7yah ya 2o5tchy :D-
ها
متفق معاكى تماما
:((
آبى هانم
اولا انا مش عدنان انا عرفة فاروق
السيوطى من اسيوط المحارب المتيم
عدنان دة من شبرا اسير حبيبته
قلت كدة علشان قولتى فى الرد بتاعك
على تعليقى عدنان
المهم
موضوع الحب والجواز دة للاسف ملخبط
خالص اليومين دول
وفعلا فى بعض الاولاد اللى مش تماسيح
بيعملو ا كدة
وفى بعض البنات اللى مش سحالى بيرفضوا
كدة
بس بردو فى بنات سحالى واولاد خرفان
المهم انا شخصيا مش هفكر فى الارتباط
الا لما تيجى واحدة تخلينى افكر فى
الارتباط ولو قرررت الارتباط بيها
هتجوزها غصب عن عين اهلها وأهلى
والناس
وفى ناس زى كدة كتير
بس خلاص
سلام
\
آبى هانم الجميلة
اولا جميل أن يشعر الانسان بهموم الآخرين
ولكن من خلا من الهم منا ؟؟؟
لم استثنيت نفسك من المشكلة ألست فى قلب
المشكلة لكونك بشرا يحب ويكره؟؟
ولكن ليس هذا مجال حديثنا
فأنت امبراطورة قلبك كما قلت
حقا ما كتبت فبعض الناس وليس كلها
تفعل ذلك واتمنى أن ينصلح حال الجميع
غير الحب الذى ينتهى بهذا الشكل ليس
حبا فى الحقيقة ولكن هو زيف كما قلت
تحياتى
الحب اللي اعرفه بالشكل ده له نوع واحد حلال فقط والباقي مالوش اي لزمة
الحب هو الحب الطاهر العفيف اللي بيجي بالخطوبة الاول والتعارف ويكون في حدود شرعية
وبعد كده بيجي كتب الكتاب او العقد ودي مرحله تانية
وبعد كده الدخلة او البناء
هو ده الاطار الشرعي النافع
انما المسخرة دي مش نافعه ابدا
يعني ايه يحب واحده ويتجوز واحده تانية
بجد والله ... همه البنات دول لعبة ولا
ايه
حرام بقى الاستخفاف بمشاعر الاخرين والتلاعب بيهم كده
ربنا يرحمنا برحمته بجد ويغفر لنا ذنوبنا
بما انى راجع من الفرح الساعة 7 صباحا
و يا دوب لسه فاكر ان فيه حاجة اسمها بلوجات
و فيه ناس بتنزل بوستات جديدة
(كل ده تأثير الفرح)
فكنت بتمنى انى اكون اول واحد يعلق
عشان انا على اخرى من المواضيع دى
مين قال ان الراجل هو اللى بيظلم ؟؟؟
ليه مش البنت ؟؟؟
ليه البنت تعزل نفسها من كونها اساسا فى اى مشكلة تحصل بينهم ؟؟؟
ليه نحط رمز الراجل المزواج او اللعبى او الخاين رمز لاغلب الرجالة ؟؟؟
ليه ما نقولش ان اغلب البنات بتحب ولد عشان مجرد انها تكون مرتبطه مش عشان حب فعلا ؟؟؟
ليه الولد ممكن يضحى فى اغلب الاحيان و البنت مش بتحس انه فى اللحظة دى اضعف منها و يتقال ان البنات غلابه ؟؟؟
ليه و ليه و ليه
حاجات كتير
حبقى افهمت اكتر
بس مش حينفع انى اسيح كده فى التعليقات
(انتى فاهمه)
قولى للنحله انى مش مرتبط تفكها من الدبور اللى مرتبط
و انا موجود
ههههههههههههههههه
سلامى لامبراطورة الكوكب
اجدع اخت فى الدنيا
ايبى هانم و خرفانها
آبى هانم
==========
الطرف اللى عنده حاجات يخسرها اكتر هو اللى لازم يكون عنده مسئوليه اكتر
يعنى كل ما يكون عندك حاجه غاليه كل ما تزداد اجراءات حمايتها والحفاظ عليها
صح؟؟؟؟؟
وشكرا على اختيارى محامى للكوكب كله
وده شئ يشرفنى
وبالمناسبه دى كنت عاوز اسأل بس هى الاتعاب فى الكوكب هنا عباره عن ايه؟
خرفان ولا بتنجان؟
ولا هى عملة الكوكب ايه؟
ولا انتوا مش هاتدفعوا خالص؟؟؟
تحياتى
فيلم عربى جامد جدا
عايزة رأيى
اولا: الاثنين يولعو بجاز (اسف) و
هو انا شايف فعلا انهم يقضو وقت لذيذ وخلاص من غير حب ولا بطيخ و افلام هندى
بدل ما يخدعو نفسهم و نكد وعياط و زعل
اهو كل واحد بيملأ فراغ فى حياته
طبعا هو الحل ده غلط بس اهو احسن من المشاعر اللى ما لهاش معنى بدام لن تتوج بالارتباط والزواج
انا جه
اقول رأيي
هو بيعمل كده ليه
سؤال يطرح نفسه
والاجابه واضحه وضوح الزلاببيايه فى طبق مخلل البتنجان
عنده حاجه ناقصه وبيحاول يعوضها
ومش كلام وخلاص ده
لا انا عارفه انا بقول كده بناء على كلام رجاله اعترفو بده
بس خلاص
تشاااااو بقى
الله يرحم زمان
الناس خلاص مبقتش حتى عارفة تحب
مبقتش عارفة يعني ايه مسئولية
مبقتش عارفه جواز يعني ايه
فيه نظام هبل ماشي في البلد
:)
على فكرة الواد عسقول كاتب موضوع حلو اوي في الاستراحه منتظرينك
لا لا لا لا يا آبي
إنت غير منصفة بالمرة في البوست ده لأنك تناولتيه من طرف واحد طرف أنثوي بحت و ظلمتي الشباب الغلابة ( وش محروق ) أنت مسمعتيش عن البنات اللي بيرموا اللي بيحبوهم و يتجوزوا اول واحد بيوقف عربيته قدام بوابة العمارة و يسد بيها الشارع اللي علي ناصيته شقة تسع أوض و صالتين و معاه بابي و مامي و قرشين في البحر قصدي في البنك
أعلن رفضي للتحيز يا آبي و بعدين برده اللي بيعمل كده بيتردله سواء ولد او بنت يعني الولد اللي بيظلم بنت أو العكس هيتردله في أقرب فرصة
مع تحياتي ( وش بياخد نفسة ) فشيت اللي جوايا فيكي سوري يا آبي انتي اللي كتبتي الموضوع
حوار درامى رائع
دا انا عنيه دمعت
اعتزلت التدوين
شكرا انكم قبلتوني في عالمكم الفتره
دي
ويشهد الله كم احببتكم فيه
الواد دة انسان انانى
وشبه مريض نفسى كمان
ال متجوز واحدة ومعلق وحدة
دة مرض نفسى حطير جدا
اسمه
اللعب بالديل والعنين الزايغة هههههههه
والبت نحلة تسكت له كدة
اخخخخ
شكرا ااابى على البوست اللى يجيب الضغط دة ههههههه
ازيك يا ابى
بصى بالرغم من ان حركه الاستندال والخلع دى بتيجى من الولد بس البنت هيا اللى بتحط نفسها فى الموقف دا اصل اكيد يعنى فى خلال قصة حبهم اللطيفه دى كان فى اشارات لشخصية الولد او اخلاقه كونها بقى عجبتها الحكايه و صهينت على عيوبه فدا غلطها زى ما هو غلطه
اما بقى من اللى انا شايفاه فى الجامعه مثلا الولد يفضل يحب فى دى ودى اما لما يجى يتجوز غالبا بيختار واحده تانيه او اهله بيختاروله و اللى بيخليه يعمل كده المجتمع بتاعنا اللى بيدى للراجل مطلق الحريه حتى فى الغلط
و بيصقفله كمان لما بيعملها
تحياتى ليكى
و سلميلى ع الدبور والنحله
وجهه نظرى
==============
قعدت اقرى تعليقك اربع مرات قبل الاكل فى الاخرف همت ان الحل الوحيد الشبشب طيب وفرها علينا وقول من الاول ههههههههههههه
بص هو موضوع يتحل من وعده الاول ده صح لان فى نظرى يا الانسان عاوز حاجه يا مش عاوزها يعنى ده جواز مش لعب عيال يعنى اتجوز غصب عنه او علشان اى سبب وبعدين لقى انسانه بيحبها يبقى يضحى بيها ليه
نورت وميرسى على تعليقك الجميل
بطوط حبوب
=============
لو هتكلم بالمنطق بتاعك وبراحه يبقى مفيش حاجه اسمها احب فيه حاجه اسمها اعجب بده انما حب يعنى قبلته قلبا وقالبا يعنى ممكن اتغاضى عن كتير واصلح الوحش اللى فيه
عارف مثل الحب حاجه والجواز حاجه ده غلط جدا وانا مش بحبه الانسان يا ياخد حد كله على بعضه يا ميقولش بحب
نورت يا ابو البطابيط
seven
=======
انا بسميها حب تملك وانانيه هههههههه وحاجات كتير
نورت وسعيده بتعليقك
ňįĝŗő
=========
يا واد يا محلاوى ازيك عامل ايه كده طيب وكده ههههههههه
الحب اندله ايه بس يا عم شكوكو انت سيبك انت اخر كلمه قولتها هى اللى فى الجون ومن الاخر
الله يحرقه احساس بيذل صاحبه و يجيب راسه في التراب
هو ده
بس موضوع البنات هتكلم فيه لوحده انت داخل تدافع يا ابنى ماشى ماشى هديلكم فرصه انكم تفشوا غلكوا انتم كمان
نورت يا نيجرو الجميل
فاتيما قلبى انا
=================
ارد لكى انا عن ده وراى فيه بصراحه
لسان الراجل الأنانى
اللى مبسوط إنه ديك البرابر
ده اخره الشوز لان مفيش ديك برابر اليومين دول فيه ناس بيتهيأ لها كده
و لا الراجل الضعيف
اللى مش قادر ياخد قرار شجاع
ينهى بيه المشكلة
ده بقى مصيبه لو مش قد الحاجه ميعملهاش يخليه محطوط فى مكانه ويرضى باللى هو فيه
و لا بلسان الراجل المحب العاشق
اللى الحب مبهدله
لدرجة عدم الإستغناء عن الحبيبة
يبقى يضحى بالعالم كله علشان لحظه وجود معاها لو بيحبها بجد وحاسس انه سعادته معاها
و فى نفس الوقت مطالب
بالخنوع لرغبات و شروط المجتمع
فاتيما المجتمع طول عمره مأيدنا يعنى انا عن نفسى وانتىى عارفه لو قولت لا على حاجه حتى لو جواز بتكون لا ومتقوليش كل الناس مش زيك هقولك لا برضه احنا اللى بستضعف فيه ناس بتحب تكسب مش تخسر يعنى ممكن يخسر البنت وميخسرش هو
ولو اتحدى المجتمع وده مش موجود فى الرجاله تفتكرى هيتحدي تصرفاته عارفه يا طمطم الرجاله دايما يقولك الرسول عليه الصلاه ووالسلام كان بيحب السيده عائشه اكتر حد
اقول ها وبعدين هما فاكرين نفسهم زيه بس هما بيأخدوا بالظاهر عارف يا طمطم لو هو بيحبها اكتر من التانيه كان حاول باى طريقه يوصل للتانيه انه بيحب دى او انها مجرد جوازة وخلاص انما اصلهم عندهم اسطوانه مشروخه اصلها معملتش ليه حاجه دلوقتى بتبقى ملاك خليه زعلان منها يالهوووووووى هيطلع فيها الكلاب الفطسه
و لا أروح الناحية التانية
و أجاوبك
بلسان البنت اللى بتحب الراجل دا أكتر من روحها
و آخر حاجة تفكر فيها شكلها
تبقى غبيه ومش قادرة تقدر هل هو هيقدر ده والله هيأخده حق مكتسب
و لا البنت الهايفة اللى واخدها تحدى و متصورة إنها ممكن تكسب الراجل
هى ممكن ليه لا ما الهيفات كتير بس مش لدرجه الوجع ههههههههههه
دا فى النهاية
و لا البنت اللى عاوزة تقضييها فسح
و تهييس و هدايا
ومين قال ان واحد بالشكل ده اصلا بتاع تهييس ولا فسح دا اذا مكنتش هى هتهتم بيها اكتر متنسيش انها هتقبل بوضع مهين
مفيش حاجه اسمها جروح فيه حاجه اسمها كرامتى تتنيل على عينها وتلمها من الاول بنات هم يا طمط خلاص هضربهم متزعلش روحك انت يا قلبى نورتى يا كميله
maged stephen
=================
بس الاختيار الصح عمره ما بيكون بهدله ولا تعب اعصاب
نورت يا ماجد الكوكب وسعيده بيك اول مرة
الطائر الحزين
==============
يا عاقل انت يا اخونا الكبير
ربنا ييسر الحال للجميع بس معتقدش لان من البدايه الشخص بيفكر بأنانيه
نورت وبقيت تضرب على الحكم
واللى فى البانر خللت
Nsreen Bsunee
===========
رينا يا قلبى وحشانى بصى يا قمر ومين قال انها لما تتنازل وايه يضمنك ان الشخص ده يقدر اللى هى هتعمل
يعنى ازاى اقولك مثلا يروح يتجوز التانيه الاول وبعدين يجرب حياته نفعت مع الاولى ولا لا ولو نفعت يبقى يروح للى ضحت ويوقلها معلش بقى اصل مش هينفع وده ليه لانها اتنازلت
او حاجه تانيه يلاقى الاولى مش مريحاه يبقى يروح للتانيه يقولها اتجوزك وبكده يبقى هو برضه بيدور وبيجرب وسايبها استبن يبقى مينفعش بصى يا رينا مش كل اللى بيتنازلوا اللى قدامهم بيقدروا ويأخدوا بالهم حتى من كلامهم
هى علاقه فاشله والاولاد انانيين فيها
نورتى يا كميله انتى
مصر يا موكوسه .....يا مزارع الكوسه
=====================================
عمر ما حد يقول تضحيه فى الانثى وهى ليه اصلا تبقى ضعيفه علشان ايه هى مش هتموت وال حاجه
واهلا بيكى فى الكوكب نورتيه بالكوسه بتاعتك
حنين القلب
=============
النبى انت سكر مقالب سيبك انت دا انت طلعت محلل نفساوى كميل خالص
يا بنتى اللى بيحب مش بيشوف ولا بيسمع ولا بيحس غير باللى بيحبه اى حاجه تانيه اى كلام ولا ظروف ولا بتنجان
نورتى يا حنين القلوب كلها
ana ga3an
===============
صديقى اللدود
هههههههههههههه انت مالك داخل شايط فى الواد كده ليه ومش قولنا اسمها شوز عيب كزمه دى وحلو داخل بمجهوده دة يعنى ايه مش فاهم هههههههههه
ايون الحاجه التانيه بس فيه ناس ضعيفه مبتعرفش تاخد قرار وعموما دة متوقع فى ناس كتير اوى وبيخافوا وبقول فعلا عليهم مش بيحبوا
ههههههههههههه وانت عرفت منين انها بنت عمه هو الكنترول بيغشش يا جدعان ولا ايه لاااااااا انا هسحب الورق بس عموما مش بنت عمه هههههههههههههه
نورت يا صديقى
حنين القلب
===========
ايوة يا حنين سمحوا لبعض دى المشكله من الاول بجد لا ما بنى على غلط فهو غلط ربنا يهدى كل الناس
نورتى يا قلبى
قلب مصرى
===========
احب التماسيح الشجاعه مش اللى بتنزل دموع
النبى انت احلى تمساح فى كوكب الارض شكرا لك يا اخى العزيز
amr
=======
يا عمرو يا بتنجان كلام مظبوط فعلا بس عارف ساعات اللى بيحب بيجب مبررات لحبيبه بس علشان يخفف على نفسه والله مش اكتر
وعموما الصينيه على النار لا تقلق
WhItE HeArT
==============
اهلا عدى عدى بس اوعى تقع فى النهر بتاع الكوكب ههههههههه
صح التردد بيخلى الدنيا تشيط والله بقيت حكيم زمالك اهو هههههههههههههه نورت الكوكب
الشنكوتي الكبير
=================
يعنى ايهاب يعنى اخويا بقى اللى عاوزين نحضر فرحه علشان نقول لدودو الوصايا الالف وتخيل لما انا اللى اقولها شوف الهنا اللى انت فيه
عارف يا ابو الشناكيت دماغك الهاديه دى بتفكر حلو بس اللى اتقهر ولا اهو جوازه وخلاص ولقى البنت اللى بيحبها واتجاوبت معاه ليه بقى ميتحداش الدنيا علشانها ليه مطلوب منها التضحيه وهو لا
ا
نورت يا ايهاب وسلامى لدودو الجميله خالص
محمد فوزى
==============
ههههههههههههه لا يا دكتور ده غرام الافاعى هههههههههه
اوك همشى معاك وحده وحده هى مسئوله بس زى ما انا وضحت ممكن تكون عارفه جزء ومش عارفه التانى وقبلت على اساس ان دى خطوبه وانه طالما حب دى يبقى خلاص مفيش داعى للاولى ده اولا واتزنقت يا دكتور اللى بعده
الاتنين مذعورين ازاى يعنى ههههههههههههه طيب ما يتفقوا على نقطه واحده يا دى يا دى
حلو اوى يضحوا الاتنين طيب البنت وممكن تضحى انها تبقى تانيه انما الراجل هيضحى بايه انه هيتجوزها ههههههههه ولا بايه ما ممكن هى تضحكى والاكيد انه هيأخده حق مكتسب وممكن يجرححها ازاى يعنى يقولها انا نازل مش عارف اعمل ايه او اجيب ايه للتانيه وعليها انها تتقبل الامر يبقى مين اللى بيضحى
اهو علشان متقوليش بتحامل بس
سلامته النفسيه لا الف سلامه عليه ههههههههههه وليه اهله عارف امتى يضحى باهله لو الاولى احسن من التانيه اللى اختارها انما لو هى كويسه يبقى حتى ليه هما هيعترضوا هنقول قريبته والله بيبقوا ولاد عم او خاله وبيطلقوا بعض فترة وكتير حصلت يعنى يسبها قبل ولا بعد احسن يا دكتور وانا جاوبتك لو هى تبقى زوجه تانيه عمرة ما هيقدر يمسك نفسه عن انه يجرحها
وبعدين ايه يبعدوا فترة ما يخلصوا ويبعدوا على طول شوف حتى ردك متحيز للرجاله يا دكتور بلاش كده انت واقع فى كوكب صحبته امبراطوره ست
هههههههههه
نورت يا دكتور وسعيده بيك هنا على طول
نهر الحب
=========
الرجاله هتقيم عليك الحد وهيقولوا عليكى عديمه القلب وكاسيه ههههههههههه
نورتى يا قمر الكوكب كله
فى حب مصر
==========
اهلا بالناس اللى هناك
ما هو التردد فى حد ذاته مشكله ما هو برضه بيظلمها وكل ما الوقت يعدى كل ما المشكله تكبر يبقى لازم يقطع على طول
الانسان اللى ميقدرش ياخد قرار مصيرى يبقى ضعيف
غير كده موضوع لااقاليم او القرايب ده انيل ليهبقى ما هو ممكن بعد فترة شويه يطلقها يبقى حافظ على ايه ولا يخونها ويتعرف ولا يتجوز عليها يبقى يطلع من البدايه باى طريقه من لاموضع هو يعنى انت عاوز تفهمنى انه ميقدرش يخلع ولا الراجل معندوش المقدره على كده يبقى بتهزر
عموما ررايك عقلانى وانا بحترمه جدا
نورت وترجع يا رب بالسلامه
blue-wave
==========
صح يا دكتور والله مظبوط ربنا يهدى اللى عقلهم راكب شمال خالص
نورت الكوكب كله
بنت الاسلام
==========
بطوط انعدم يا ياوختى البنت هى اللى بقت بتتمسك والرجاله فاكرين نفسهم اخر حاجه فى الدنيا ومحدش قدهم بلا نيله
المهم وحشتينى يا بطوطه الجميله
Z_Diva
==========
طيب هما ...........ووحشين انتى برضه مصممه تعذبينى فى القرايه ههههههههههه
والله يا ام زعبولا الواحد مكبر دماغه عن الناس دى بس بيصعبوا عليا بقى الاخلاق البايظه والمتضاربه وعدم مقدرته انه ياخد موقف صح
نورتى يا كميله الكوكب وفين الصورة بتاعتى يا رخمه
حسام يحيى
=========
اهلا بالجناح المتفق نورت يا حسام
المحارب المتيم
==============
نؤسف نؤسف وبعدين عادى كلكم زى بعضياتكم مش هتفرق اسماء ههههههه
ربنا يديلك يا سيدى بنت الحلال الحلوة اللى تنفعك يا رب
شهريار العشق
==================
لان انا بقدر على قلبى والمشكله متخصنيش
عارف حتى لو مشكله خاصه بيه او اتعرضت لها لازم اخد فيها قرار حاسم لانى بوصل اللى قدامى لكده حتى لو كان القرار قاسى علينا مش بتردد
نورت الكوكب كله
اللى بتحكيه ده حصل و بيحصل و حيحصل طول ما بنربى الولد على انه المهدى المنتظر و انه هوه اهم واحد و الباقى كلهم عدم و ان الولد لانه ولد يعمل اللى هوه عايزه يحب يصيع يلعب ببنات الناس مش مشكله
انا شفت ناس تقول لولادها حب زى ما انت عايز لكن الجواز مفيش غير بنت عمك و لا خالك اللى تتجوزها و ساعتها الباشا الصغير يروح يعمل زى اللى حكيتيه و مش مشكله مين اللى حيتجرح فى الاخر
صاحب المضيفه
===============
انا معاك ان هو دهالصح
بس قولى هى مش دى مشكله فى المجتمع وموجوده يبقى ندى لها ضهرنا ليه ونقول مينفعش وخلاص
ولا ناخد بايد الناس ونقولهم صلحوا اخلاقكم
عموما نورت الكوكب كله ويا رب كل الناس يبقى هو ده حالها وتتصلح هو ده اللى عاوزينه
مواطن مصرى نايم
====================
طيب اصبر للبوست الجاى هقول فيه كل ده
يا لهوى كل ده تأثير الفرح طيب اخر مرة اسمح لك بمرواح افراح انت هتتحسب فى البيت خلاص على طول
عارفه يا اسلام المشكله بعدين هنتكلم فيها واخليك تفش غلك فيه زى ما البنات وحشه اولاد وحشه احنا عاوزين نغير اخلاق الاتنين يا ريت ونبقى احسن
وخلاص هقول للنحله بس تطلع من الصدمه وهى تقرصك ههههههههههههه نورت يا اسلام
الدفـــاع
===========
ايوة صح والحمايه بتكون انه يا يبعد يا يكمل احسن علشان الطرف التانى ده فى راى
وعموما المحامى بتاع الكوكب مش بيأخد فلوس احنا شويه وبنرقيه احنا اخرنا القاب وبس ههههههههههه
ايه حلو ولا هتغير كلامك ونعمل ضدك محكمه هههههههه
نورت الكوكب
darkskies
================
طيب ده رايك بدل ما تشاعد الولد انه يغير اخلاقه او البنت والله حل كويس برضه يعنى احنا بنساعد بعض ولا نقولا يولعوا
ههههههه
عموما اوعدك لما يولعوا مش هنجيبك تطفيها انت ههههههههههه شكلك فى المطافى وبتعمل لها دعايه هه
نورت الكوكب
la Princesa ... WHiSPeR
==========================
اهلا يا برنسيسه
انت نورت يا قمر الكوكب كله
وطالما اعترفوا النبى ما اقدر اقول حاجه خلاص بقى هما اللى جبوه لنفسياتهم ههههههههههههه
نورتى يا سكر
الباحث عن الحقيقه
=================
يوووووا زمان عدى وولا ربنا يرحمنا احنا حاتر انا عارفه الموضوع ده ما انا كنت موجوده فى الاجتماع يا عمنا حمد لله على سلامتك
Cold air
==========
يعنى يا حبيبتى متوقعه ايه من امبراطورة وصاحبه كوكب هتكون ديموقراطيه تبقى بتحلمى ههههههههههه
بص والله لردودى هتفهمى وجهه نظرى ان انا بحط المشكله ونغير الناس ونعالجها
وبلاش الوشوش المتقلبه دى هههههههههههههه اصل بخاف واسيب عليكى خرفانى ههههههه نورتى يا قمر
ِِAdem El-Mahdy
===============
اهلا بيك وسلامتك من الدموع يا ادم
حسن حنفى
=============
ليه بس يا حسن كده تريث يا بنى
Nada
==========
انتى بس اشربى كوبايه عصير والدم هيبقى حلو ومتظبط معلش يا ندا بس دى حقيقه
فى المجتمع ومش انانى اوى هو بيبقى متردد لو نيته وحشه يبقى دزمه مش انانى وبس هههههههه
نورتى يا قمر
نور
=====
ممكن تكون بتتغافل علشان بتحبه او متوسمه فيه خير بس فى النهايه لازم تفوق يا نور انا عارفه
وهما كمان بيسلموا عليكى وبلاش توحشينا كده نورتى يا نور
صيدلانيه طالعه نازله
====================
لا ما هو لازم نغي رالموضوع والاصول دى يا دكتور ولا ايه رايك يعنى انتى ربى ولادك على عكس كده واللى بيقولوا كده تفتكرى بناتهم مش بيتعمل فيهم الكلام ده
نورتى يا قمر
مممممممممم .. أولا البنت ازاي تسمح لنفيها انها تعرف حد مرتبط .. لو متعرفش المفروض تنهي الموضوع ده اول ما تعرف .. فيه حاجات العقل لما بيتحكم فيها بيبقي أفضل بكتير من المشاعر ..
المفروض ننظر للمشاعر علي إنهها أغلي من كده شوية
ده رأيي .. لان مشاعرنا مش رخيصة أديها لواحد عاوز سوري في اللفظ "يرمرم" بعد ما ربنا هداه و اداله واحده يرتبط بيها .. ليه بقي يلعب ببنات الناس .. و يقول بيتنيل بيحب ؟؟
ده يبقي بيضحك عليها اللي بيحب بيعمل حاجه .. الحب مش شويتين دباديب و كلمتين بالمربي و أغنيتين نار لعبد الحليم و بحبك أوي لشرين .. الحب قبل أي شيء لو حقيقي هيتحول لفعل و إلا فلا ..
آسفة إني طولت ..
بس انتي قولتي قولوا رأيكم ..
بس كده خلصت
تحياتي ليكي :)
للاسف يا أبي الانانية الذكورية هي السبب
كل ولد فاكر انه مسموح ليه يلعب بمشاعر كل البنات وهو في الاخر يختار الانسب ليه
احنا الولاد عندنا مش عارفين اي حاجة عن المشاعر والحب بالشكل اللي يخليهم يحافظوا على اللي بيحبوهم لأنهم اتفه من انهم يحافظوا على نفسهم اصلا
تحياتي
لأ فعلاً يا آبي في عند الجنسين حاجة بتختلف مسميتها
البنات في كتير منهم أوي بيحبوا يتحبوا وحالمين شوية ورومانسيات خالص ونفسها تعيش القصة الجميلة وتلبس الفستان الأبيض وعلي ما ده يتحقق بتشغل نفسها بوهم قد يكون استبن وقد تكون مصدقاه وقد تكون عاملة نفسها مصدقاه ..لحد ما حلمها يبقي حقيقة
علي الجانب الآخر التمساح فيهم بيبقي يا عيني عنده فراغ عاطفي..مش لاقي البنت اللي ترضي غروره وتحسسه إن في حد بيهتم بيه وبيحبه وبيخاف عليه ويقدر يتباهي بيها علي الأقل قدام نفسه ويحسس نفسه إنه جاب الديب من ديله وعشان كده تلاقيه بيتغاضي عن عيوب كتير ومشاكل كتير بتبان إنها هتحصل بينهم عشان بس المسرحية تفضل معروضة لحد ما يلاقي بطلة موهوبة أكتر أو لحد ما يحبها بجد وساعتها هتبقي حقيقة مش تمثيل أو لحد ما يتقلب منها قلبة متقلبهاش أوتوبيس من علي المحور
فعادي الصنفين لما بتقع منهم التربية ويسقطوا في الدين وتتلوث الفطرة ممكن يعملوا أي حاجة المهم يفضلوا في دائرة الضوء العاطفية الجميلة الهفهافة اللي ياما بيتدبح بسببها ناس كتير كانت بريئة بس مع الوقت بينضموا لقائمة السحالي والتماسيح
وما نجيلكيش في كارثة عاتشفية :))
خالص التحية :)
ابى
على فكرة الموضوع دة كتير الان
والسبب النت
والشات
الرجل يبقى متزوج وكلمتين يلف بيهم على البنيه تسلم النمر
وبعا ياننوسه انتى عارفه انى متجوز ومش حقدر اتجوز
ياريت كل بنت قبل ماتقدم على تجربه تفكر بعقلها
واسمحيلى اسيب المرة دى خرفانى عليكى
واقولك انتى فين من مدونتى
عندك حق عرب
سلام يااروع ابى
هههههههههههههههههههه
اضحك الله سنك يابي
بصي
اي واحد يحب واحده وفي الاخر يقولها اصل انا لازم اتجوز بنت خالة مراة ابويا وهيحرموني من الميراث لو ما اتجوزتهاش واصل احنا متفقين يبقي هو كان اساسا من الاول بيحور عليها ( يعني بيشتغلها) لان مفيش واحد مش مالك قراره ولما هو عارف ان هو مش هيتجوز حبيبته من الاول عشمها ليه وعيشها في الوهم ليه ؟
طبعا طبعا اكيد لانه انسان مستهتر وبيحب نفسه
يعني
لما انا عارف اني هتجوز واحده معينه
ليه ادور وادخل يف علاقة مع واحده انا مش هتجوزها
ويعني ايه مش للجواز
هو فيه بنات مصريه وبنات مستورده
واحده اعد بيها في البيت وواحده اقول عليها دي مراتي وانا ماشي في الشارع
ولا هي البنات نوعين
نوع بيتجوز لانه بتاع جواز
ونوع بيقعد في البيت يتحب ويتساب وبس
وعلي الجانب الاخر
( خدتي بالك من علي الجانب الاخر دي)
البنت بايدها انها لما تشوف واحد بيستعبط ويقولها اصل لازم اتجوز بنت خالتي لازم ماتفضلش متعلقه بيه وتفهم ان هي انضحك عليه وماتفضلش لازقه زي اللبانه
( والله بشوف امثله ما يعلم بيها الا ربنا)
بس كده انا برغي بقالي كتير
مش عارفه اقولك ايه يا ابى
الموضوع ده انانيه وشششششششششششش
يعنى الشاب حيله امه من دول كل همه ازاى يكسب على اد مايقدر من غير مايضطر يخسر او يتنازل
عايز يبقى هو الكسبان فى جميع الحالات وهو ده الى بيحصل فعلا
طبعا ان واحد يعرف واحده ووقت الجد يخلع
ده كفيل طبعا بإنها تكرهه مدي الحياه
وده سببه ان هوه مالوش اساس تربوي
ولا معايير اخلاقيه ف تعامله م الجنس الاخر
كانه فقط يخدم مصالحه
زوجه خام محترمه
وحبيبه محترمه م وجهه نظرها
ونظره برده
بس ف قراره نفسه مابيحترمهاش
عرضك للموضوع عجبني
اوي
طيب واللي بتحب واحد وتزغلل عينيها امكانيات واحد تاني
يمكن متجوز
او أد ابو ابوها
وتتجوز ده وتحب ده تبأه إيه
عارفه كنت بتفرج ع برنامج
تقريبا خمس بنات
املهم يتجوزوا واحد متجوز
يصرف عليهم
ويجي مره ف الشهر
وطول الشهر مالوش دعوه بيها
مش عارف ايه اللي جاب الموضوع ده هنا
تقريبا الدبور زن ف دمافي
بان السحالي ساعات بيفتروا ع التماسيح برضه
شوفي
في اتجاه سائد بين الشباب دلوقتي ان الجواز مسئولية كبيرة و ان انا كشاب ماحملش نفسي مسئولية و ادفن شبابي في مسئولية و وجع دماغ بقى و زن
الحل السحري هو المصاحبة
باي شكل سواء اكانت هذه المصاحبة رسمية بخطوبة او مصاحبة
المهم ان في نهاية المصاحبة دي او لما يوصل المنتفع منها للتشبع من العلاقة دي ايا كان اسمها بيكون اسهل اختيار هو الانفصال
في لوم برضه على البنات
البنات عندهم عيب خطير و هو الالتصاق الزائد عن الحد
بمعنى
لو الواحد ماشي مع صاحبته او خطيبته او مراته حتى
و بان عليه انه متضايق شوية
تلاقيها على طول
مالك يا حبيبي و هاتك يا اهتمام زايد جدا بيه
مش وحش بس كتره بيخنق لان عادي جدا ان الواحد يكون مخنوق ده على سبيل المثال على فكرة
اللي بقوله ده عبر عنه بلال فضل في حلقة ارجوك افهمني مع بثينة كامل عالاوربت
عموما حبيت اوصل نقطتين
الشباب اليومين دول مش بيحبوا المسئولية بجميع تبعاتها و عشان كدة بيفضلوا العلاقات المجانية
البنات
مش عارف اعبر ازاي
بس لازم يعيشوا حياتهم و يعاملوا اللي قدامهم بشكل طبيعي جدا و غير مبالغ فيه او مفتعل
تحياتي
بحب انا اوى المواضيع من هذة النوعية
ومناقشتها واموت ف ضرب الدبابير اوى كمان
هههههههههههههههههه
اصلهم يستاهلو بجد
وهما كلهم كدة واحدة للحب واخرى للزواج
قاال يعنى كل واحد فيهم متفرد من نوعة مهومش ع قفا مين يشيل يعنى
واله عجبانى اوى كلمة العسقلااانى
لو تفتكريها ف يوم اللقاء
قال الرجالة كلهم ...dogs
ههههههههههههههههههه
اة والله قاال كدة وتفسيرة عجبنى اكتر كمان
دمتى مبهدلاهم ياقمر..
بيس
ع فكرة المدونة فيها مشكلة
مش بتفتح معظم الوقت
دا فتحت بعد يومين معايا
شووفى الحكاية
بيس..
عندك حق
اوي
كلامك كان فظيع
في ايه بجد
كلامك حلو اوي
انا ياما شوفت قصص من د
ي بجد
الرجاله دول عينهم فارغة
اوي
بكل الاشكال
واللي بيمثل ويقول انا بحبك انتي وهتجوز واحد ةتانية
يبقه بسهولة يحب عليها تاني
منهم لله
وكل الي يخون مراته او خطيته او حبيبته ياكله قطر
ويفرمه
الحل انها تبعد عنه
وتقوله اتفوه
عليك
راجل ناقص
كل حاجة بتتنسي
بلاش تضيع عمرها
وتندم
تسيبه من الان
خلاص
توظ فيه
يا ابن البتنجانه
انا متغاظة اوي بجد
من قصتك
الولاد دول صنف عاوز يتحرق
وبجد
هو كده بيكون عاوز يخلع
يا نهاره ازرق
خليها تديله في صف سنانة
انا عشان كده متعقدة من الرجاله
وقد جائت نودى بنت المنصوره
للدرجه دى الموضوع استفزك
انا حسيت انك زعلتى اوى من الكومنت بتاعك
انا استنيت اشوف التعليقات وبصراحه فيها كتير ضايقتنى وطبعا لانهم كلهم رجاله مش حاسين ولا مقدرين يعنى ايه بنت تتهان وتقل كرامتها وخصوصا لو كان من اكتر شخص قريب ليها فى الدنيا
ومش زى ما معظمهم ما قال بسبب الظروف الاقتصاديه او الاهل او عدم التوافق بينهم وانه ممكن يكون يصالح البيه
لالالالالالالالالالالالالالالالالالالالالالالالالالالالالالالالالالا
فيه دبابير حالتهم الاقتصاديه بتبقى ممتازه
وهما اصحاب الكلمه الاولى والاخيره فى عيلتهم
وبتكون التوافق الى حد ما موجود
وبتكون البنت كمان والله مضحيه
وكل ده وبسلامته يقولها سورى يا حبيبتى
هاتجوز غيرك
ونفضل مع بعض مش مشكله
يعنى لا قلب ولاضمير ولا اخلاق
زى ما انتى قولتى بالظبط حقااااااااااااااااااره
تحياتى ياقمر
السلام عليكم
آبي فيكونتي الرقيقة فرحت قوي بتعليقي عندي طبعا أنا مقدرش ابعد عن المدونات خالص ده ادمان بس ادمان جميل اما بالنسبة بقه للموضوع ده فأنا رأيي ان الدبور ده أنااااني وبيحب نفسه المفروض مكنش قرب منها أصلا ما دام سعادته شبه متزوج والا هوه يرضى ان مراته تعرف واحد غيره دي مش مساواة بس ده دين وأخلاق
ربنا يهدينا جميعا
تحياتي
عفوا آبي قصدي بتعليقك عندي هههههه معلش شفتي المذاكرة عملت في ايه
يا آبي
مش معقول بقالي يومين عمالة الف حوالين الكوكب مش عارفة اعمل هبوط بالمروحية البنتيم فور بتاعتي
لا شوفيلك حل وسعي المطار نظمي الترافك كدة السياحة تنضرب علي الكوكب يا ماما
نتكلم جد بقي بما انك دايما كدة جيالي علي الجرح مش انا بس معظم البنانيت بجد مش عارفة هو ذنب اي بنت لما تبقي شخصية ودماغ ومتكلمة ومتفتحة وطموحة انها تبقي درجة تانية للحب فقط
بما انها حبوبة ودمها خفيف ورمانسية وستايل إذن فهي لا تستحق الحصول علي لقب زوجة عشيقة هايبقي فل عليها قوي
بجد يععععععععععععع علي الرجالة دي
الراجل الشرقي مش عندة ازدوتجية لا قولي ثلاثية رباعية
وكفاية بقي علشان انتي عارفة مرارتي
تسلمي يا قمر علي موضوعاتك الجامدة
شوفي يا جميلتي
لو هو غلطان عشان مكمل و هو مش حيقدر يعمل حاجة
هي لازم تغنيله سميرة سعيد و تقوله انا كتير عليك و تنفضله
بس السبب الاكبر ان احنا بقينا متذبذبين اوي كشباب و قرارتنا دايما مترددة عشان حاجاااااات كتييييييييير اوي
:)
سلام عليكم
ازيك يا ابى ويا رب تكونى بخير
الناس اتعودت يا ابى انها تلف وتدور وتبقى السعاده قدام عنيها وترسم ماساتها بايدها او يبقى الطريق الصح قدام عنيها وهم بيدورا دايما على طريق المشاكل والهموم بمنتهى البساطه السحالى تلم تعابينها وتعرف ان لن يصيبنا الا ماكتب الله لنا وتحكم عقلها وضميرها بدل مشاعرها والتماسيح يبطلو انانيه ولعب على السحالى ويتقوا الله فى السحالى ويسالو نفسهم نفس اسئله الرسول للصحابى اترضاه لاخته او امك او ابنتك
يمكن اكون هجوميه ممكن اكون سطحيه بس لانى عايشت قصص ناس كتير زى القصص الى ذكرتيها بالبوست لقيت ان ده اسلم الحلول واحسنها ان الناس يدخلو البيوت من ابوابها
خالص تحياتى
كنت كاتبالك تعليق طويل وعريض
وبعدين رحت مسحته
مش عايزة اعلق على البوست ده كتابيا
انا عايزة اعلق عليه لما اشوفك
علشان هاحكيلك حكاية
من ارض الواقع
سلام
اختك خيخة
يا بنت الحلال دي حكايات للضحك على البنات الخايبه ..ومتهيألي إن البنات خلاص ما بقوش خايبين
وربنا يحفظهم من أمثال الشباب ده
بجد رأى انوا اساسا بيخلع منها
اللى أعرفه انوا اللى بيحب حد ممكن يتحدى الكون كله علشانه مش خايف يظلم قربيته ولا يحزنون
ده من الاخر حوار ساذج علشان يتسلى بالمسكينة الضحية يعنى
تحياتى يا آبى هانم
تحياتي
في رأيي ان هذا قد يكون انفصام في الشخصية....يعني اتزوج واحدة...و احب أخري...الاخري للحب و الفرفشة...و تكون مودرن...و مواصفاتها تتوافق مع
احلامي....
اما الزوجة...يعني تكون ام...و تخرج محجبه...و ملتزمة... اكلها لذيذ و نكهته تفتح النفس...و غسيلها اكثر بياضا...
هذا نوع من انواع الازدواجية التي يعيشها المجتمع الان....حتي في الرياضة.
العاقل ، في رأيي أيضا ، هو من يوفق اوضاعه...و تكون له زوجه و حبيبة ...وام لاولاده...ان تكون له كل هذا كما يكون هو لها ايضا هذا و اكثر.
تحياتي و تقديري
أبى هانم :
المشكلة اننا بنختار الشخص الصح وبس فى الوقت الغلط وسعات كتير الظروف هى اللى بتتحكم فينا ولما الواحد ظروفة تتحسن اول ما هايجرى بيجرى على اصدق حب عاشة فى حياتة
دا مش مبرر علشان حد يعلق حد ويسيبة عمر الظلم ما كان مبرر
كلنا مظلومين ولكن فية ناس بطبعها
ديلها عمرة ما هايتعدل
تحياتى
الموقع بتاعك مش بيفتح عندي بقالي 4 ايام مش عارف ليه
عاقله على ارض مجنونه
=====================
لا انت تقول رايك بكل صراحه وانا معاكى فى ده يا قمر انتى اديهم بس ولا يهمك ههههههههه نورتى يا سمسمه
انا حر
========
وشهد شاهد من اهلهم تقريبا صح كده
والله بجد انا معاك بس كلمه فى سرك مش كله علشان التعميم وحش هههههههههه
نورت الكوكب
ضياء
=========
لا انا لا بعد الشر عنى دا انا ببقى عامله زيه الدبه وببهدل الدنيا
ههههههههههههه وكلامك مظبوط يا تمساح نورت الكوكب
طارق الغنام
==========
والله النت والكمبيوتر مبهدلنى بقالى يومين ومدونتى فيه حاجه مش طبيعيه
نؤسف وهركب بطوط وجايه حالا
الجمعاوي الاصيل
=================
ربنا يكرمك يا رب نورت الكوكب كله
Zika
=======
المخرج المثقف المتأخر خدت بالى يا مخرجنا الا مينفعش تعمله فيلم اللى انا كتباه ده ههههههههه
نورت يا زيكس
shayma
=========
حلوة حيله ماما دى بجد عجبتنى المشكله ان فيهم بجد اللى بيأخدوا لسه المصروف وبيعملوا رجاله
نورتى يا شيمو
دكتور بهدوء
===============
بص يا دبور قصدى يا دكتور الموضوع اللى زن ده حاضر هتكلم فيه لان زى ما بنغير اخلاق فى الشوباب نغير فى الشوبات
اتفقنا وخلى الدبور يتبسط بقى ههههههههههه
محمد الكومى
===============
بس ده احلال يا محمد وحاجه مش كويسه مش قد المسئوليه يبقى ميدخلش فى علاقه ايه ده يعنى ايه وكمان بتنصح البنات بدل ما تقولها لا متكلميش حد عديم المسئوليه يا لهوى عليك
لا انا زعلانه بجد
نورت يا كومى
دعاء مواجهات
===============
ولو عملوا حرب عليا يا دودو هتقفى جنبى ههههه نورتى يا قمر وعدلنا الخرفان اللى فى الكوكب هما اللى عاملين ازمه
وده جزاة اللي ميسمعش كلام ماما
:)))
قصدي يعني ان كل شيء بالمعروف
وبما يرضي الله
بيمشي يا آبي
ولو مش مصدقه
اسألي الخرفان
:))
تحياتي
مها زين
==========
يا سيدى على الناس بتوع الهوب هوب لما يضايقوا من حد بجد هههههههههههه ايه يا بنتى دا انتى ادتيهم بالشلاليت هههههههههه نورتى يا قمر
nody_1987
===========
اسكتى بجد انا كنت متغاظه وعارفه المشكله الاكبر ان والله عنيه دمعت لما شوفت كلامك ربا ينتقم من كل حد يظلم حد لانها بتحصل كتير نورتى يا قمر المنصورة
امل
======
هههه انا مبسوطه اوى انك رجعتى تانى والله علشان انا بحبك اوى نورتى كوكبك تانى يا قمر
وومن
====
صلحنا العطل يا فندم تحت امر احلى وومن فى الدنيا
اه شوفتى الحظ المنيل طيب تيجى نعمل اغبيه هههههههههه يمكن ننفع
نورتى وارجعى فى قرارك احسن لك على ما اكلمك يا حبى
اربعين سنة ستيوتن
====================
طيب دلينا على لينك الاغنيه ههههههههههههههه
نورتى يا قمر الكوكب
only spot
===========
انتى ولا سطحيه ولا حاجه وهو ده اللى بنقول عليه يتقى ربنا
مش ناوى ترجع بقى يا سكر انترافيش انت وحشتنا
بنت خيخه حبيبتى
========================
طيب ابعتى على الفاكس على طول انا قاعده جنبه اهو مش هستنى لما تشوفينى
نورتى وبوسه لشيرى كبيرررررة
ايما ام البنين
==================
فعلا والله عندك حق يا حبيبتى بس اصحاب العقول فى راحه وحاضر انا جاى على طول وراكى
نورتى يا قمر وترجعى بالسلامه
Mercy Devil
=============
ايوه انت جبت من الاخر بيخلع بس لازم نخلى بالنا علشان الناس ومشاعرهم
نورت الكوكب كله
الربان
=========
حمد لله على سلامتك من القاهره ونورت الكوكب كله تانى وربنا ميحرمناش من من تعليقاتك ولا ارائك
نورت الكوكب
انا من اهوى ومن اهوى انا
=========================
اهلا بيك وكلامك موزون بس مش عارفه ليه صعب نتقبله لاننا بشر وعن نفسى مش عاوزه ضحايا فى الموضوع ربنا يهدى نورت الكوكب
لورانس العرب
===============
اه اتحجج وقولى خرفانك اللى متقله البلوحج ادينى ظبطه شوف بقى
دكتور حر
===========
لا يا دكتور مصدقه والله ههههههههه
نورت الكوكب
يا رحاب انا ما نصحتش بالبعد عن عديمي المسئولية لانه امر مفروغ منهو بديهي
و عموما ماقدرش على زعلك
بس حبليت اوصلك نقطة و اتجاه سائد انا عايشه و قريب منه بحكم اني شاب و ممكن يكوةن البنات مش واخدين بالهم منه
بس خلاص
يارب تكون وصلت
محمد الكومى
================
وصلت وده عشمى فيك بجد ربنا يكرمك يارب وتفضل بارئك الحلوه
السلام عليكم
هو انا أغيب أغيب
وارجع الاقى المواضيع جميله
وبعدين تماسيح ايه بس
وسحالى ايه كوكب الزواحف دا
بصى اكيد البيعمل كدا غلط
ومفيش غصب عنوا والكلام الفارغ دا
و بعدين مينفعش تستنى على امل
لا الامل مش موجود
ولو طلبت منوا انوا يسبها وياخد قرار تبقى غلطانه
لاو انسان ميستهلش انها تعيش معاه
لانوا حتى لو سبها الدنيا بتلف
وممكن تكرر
اما حكايه ان الواحد مبيخدش القرار
لان الذى الاستاذ بيهزروا
فاكرين بنات الناس لعبه
لا والاكتر كمان يا آآبي
إنه ممكن يكون متجوز وعايش حياته
ومراته كويسة
وبنت حلال
وييجي يقول للبنت مننا
دانا بحبك
ومش قادر اعيش من غيرك
ومراتك يابن الناس انت متجوز
يقولها مراتي لو عايزة تكمل ماشي ، ولو مش عايزة تكمل معايا براحتها
انما المهم انتي
ويمكن البنت المسكينة تقول بحبه وتكمل معاه
بس ساعه الجد لو هي ماتراجعتش وحست انها هتخرب بيت
هو نفسه الجبن هيخليه مايرضاش يسيب مراته
عشان منظره والتكاليف الماديه
او عشان يكون فعلا عايز ياخد كل حاجه
البيضا والسمرا
وانا من موقعي هذا
بوجه نداء لكل بنت تقع في هذه المشكله
انها تسييييييييييييبه فورا
وقطعيا
ونهائيا
ولو في حب
تبقى تنساه من دلوقتي لحسن الجرح لو اتأجل لبكره هيبقى اكبر واعمق
انسيه يا بنت الناس وهو يقرر هو عايز ايه
والأحسن بقى انه مايقررش ويبعد عنك ويفضل في تسويفه
ويبقى اراح واستراح
وبوجه برضو نداء لكل التماسيح الظراف اللطاف الخفاف اللي بيستحلوا الموضوع ده
وكأن ماعندهمش لا إخوات ولا اي بنات في العيله كلها
ويقولوا ربنا حللي الجواز 4 مرات
وياريته بيتجوز
ده بيفكر بس
يا اما بقى يقول القلب ومايريد
المهم انه بيستحل ده
بقول لكل واحد من الفصيله دي
ارفعوا ايديكم عن النسوة
عشان احنا بجد عاطفيين قوي
وممكن ننساق في حب مجهول المصير
ومايعلمش نهايته الا رب العباد
ودمتم
ojg
عارفه يا آبي
يمكن تكون اول مره اعلق عندك ويمكن لأ واكون نسيت
بس الاكيد اني جيت ومعلقتش قبل كده
والاكثر تأكيدا اني قريت تعليقات ليكي كتيره وسمعت عنك كتيييييييييييير
مدونتك حلوووه اوووووووووي
اما البوست فبجد حلوه الحركات دي اووووي
بتشد اللي يقرا للموضوع ويفكر فيه اوووي
فكرتين باغنيه
كلهم بيقولوا كده في الاول
1-المشكله ان الانسان بطبعه اناني
بيبقى عاوز دي ودي وعايز كل شيء من غير ما يخسر شيء
بيحب دي وهيتجوز دي لفلوسها او منصبها او اي سبب
عايز يكوش على كل شيء
2- التررد...كتير مبيبقاش الفرد عارف هو عايز ايه
او مش متأكد من ان اختياره صح
وخايف يندم
فيحاول يمسك كل الخيوط
3- كسل واستسهال ...اه ليه يبذل مجهود ويحافظ على شيء من الاتنين مادام ممكن يحب دي ويتجوز دي ويصاحب دي
موضوع قوووي جدا
اشكرك عليه
أبى كيف حالك
اسمحى لى بالتعليق
عندنا حالتين فى الموضوع دة
الاولى
----
حالة المراهقين وهم من لم يصلوا لمرحلة الاتزان والنضج النفسى
البنت تحب أن تحب وأن تحب
الولد يحب أن يكتشف العالم الاخر
المسئلة للبنت معنوية
المسئلة للولد حسية
كلاهما أنسان
ولكن العقل الانثوى يعمل بطريقة تختلف عن العقل الذكورى وهذة حقيقة علمية .
الثانية
-----------
من تجاوزوا المرحلة السابقة
فهى بالصورة التى وصفتيها
هية محاولة قنص من كلا الطرفين
لتحقيق أهداف مرسومة مسبقا
أى محاولة صيد للطرف الاخر لتحقيق مصالح
بصرف النظر عن كنة هذة المصلحة
وهنا دعينى أعدل كلمات الاغنية
----------------------------
غرامهما مزيف وضميرهما عدم عدم
فكلاهما دبور ونحلة فى نفس الوقت
منتظر زيارة بس مفيش مانع فى سندوتش عسل
لازم يعنى نزور ونجامل فى الحقيقة
ماشى
الواد ده مش بيخلع لالالالالالالالالا الواد ده اى الدبور يعنى مش عاوز يدخل العش ده أساسا ونفسه يا حبة عينه فى عش تانى بس بعيد عن النحلة دية وخلاص
هههههههههههههههه
عموما ربنا يجعل كلامنا خفيف عليهم
ع النحل يعنى اصلى عندى حساسية من قرصهم
Abo 7anf
===========
تسلم يا زملكاوى يا فنان على الكمتين دول ربنا يهديك يا رب نورت الكوكب
ojg
==========
اهلا اهلا يا وزة ايه النور ده كله والله وفيه اكتر ولازم ناخد بالنا نورى وسعيده بتعليقك يا ست البنات
زمرده
=========
اهلا بيكى دى اول مرة يا ستى هنا ويا ريت متكونش الاخيرة وتتراجعى عن الاجازة وسعيده بيكى جدا وميرسى لذوقك
mohamed
==========
يا سيدى علىالناس اللى بتختفى وترجع بحكم دى نورت يا محمد وميرسى لتوضيحاتك
Mercy Devil
==============
يخلع مين ماشى يخلع بس ياخد على دماغه الاول ههههههههههه
نورت الكوكب
ينفع يا آبي وماله
ماينفعش ليه يعني
حد يقدر يعترض
طبعا بما انك قولتى مفيش هزار يبقى نلبس الوش الخشب ونرد بقى
اولا القاعدة طبعا مش معممة ولا حتى اغلبية نقدر نقول بس انها نسبة كافية للظهور فى مجتمعنا
هو فى اسباب كتير او لمستها من اختلاطى بكل الفئات من عامة الشعب وده طبعا من كرم اخلاقى المتناهى المتوازى المنبعج من الطرفين مفلطح عند خط الافتراء... الهم يعنى انا شايف ان السبب الرئيسى اصلا غياب معنى الحب فى نظر الشباب وضياع رونقه اللى كان المفروض انه يبقى احساس صافى بيجربه لاول مرة يكون البيه وصل لمرحلة زيى ما تقولى تشبع مهو اص دلوقتى الشاب لازم يرتبط من بعد خمسة ابتدائى فبيبقى الاحساس ده ملغى عنده تقريبا ... وانا طول عمرى مقتنع ان الطفل مش بيرمى اللعبة عشان بيحبها انما لو مبيحبهاش اول حاجه هيعملها انه هيسيبها على جنب وممكن ينساها
وصلت ؟
معلش طولت عليكى بقى .
Post a Comment