.jpg)
كل عام و انتم بخير
و رمضان كريم
و يارب يتقبل صيامنا و صلاتنا و قيامنا فيه
السنة اللى فاتت ربنا وفقنا و عملنا يوم جميل التقينا فيه على الخير و اسعدنا اطفال كتير معنا فى مستشفى ابو الريش
و يمكن يومها شوفنا ان اغلب الاطفال سنهم صغير و بيحتاج وجود مرافق معهم و
غالبا بيكون المرافق ده ام الطفل او باباه .. الناس دى لاحظنا انهم وقت الفطار
بيدور على اى حاجة بسيطة تنفع يفطروا بها لدرجة ان فى امهات فرحت بشوية
البسكويت اللى وزعناهم للاطفال علشان تخليها للفطار
غالبا بيكون المرافق ده ام الطفل او باباه .. الناس دى لاحظنا انهم وقت الفطار
بيدور على اى حاجة بسيطة تنفع يفطروا بها لدرجة ان فى امهات فرحت بشوية
البسكويت اللى وزعناهم للاطفال علشان تخليها للفطار
طفل مريض و بيتالم حاجة صعبة جدا .. لكن فى نفس الوقت المرافق له بتكون حالته اصعب لانه مش
عارف يخفف عنه ازاى .. و علشان كده الفكرة المرة دى هتكون للناس دى .. محاولة للتخفيف عنهم و نقولهم اننا بنشارككم حتى لو بوجبة افطار بسيطة
و طبعا اللى يحب منا يقدم تبرع مادى او عينى بجانب الوجبة يبقى جزاه الله خيرا
الوجبة هتكون عبارة عن : رز + خضار + قطعة فراخ او لحمة + مخلل
عيش + ثمرة فاكهة
و هيكون تكلفيتها 10 جنيه
و المعاد هيكون يوم 5 سبتمبر
و المعاد هيكون يوم 5 سبتمبر
الساعة 3 قدام باب مستشفى ابو الريش اليابانى للاطفال
نفس المستشفى اللى اتجمعنا فيها قبل كده
و لو ربنا اكرمنا و كان عدد الوجبات يفرح و عددها كتير ممكن نفطر التمرجية
بتوع المستشفى او نطلع على المستشفى اللى جنبها و هى مستشفى المنيرة لاطفال و
نوزع على المرافقين هناك
بتوع المستشفى او نطلع على المستشفى اللى جنبها و هى مستشفى المنيرة لاطفال و
نوزع على المرافقين هناك
و اليوم ده مش بس للناس ده كمان لنا احنا لان الرسول الكريم قال " مَن فطَّر
صائماً كان له مثل أجره غير أنه لا ينقص من أجر الصائم شيء "يعنى ان شاء الله ناخد اجر صيام كل شخص قدمنا له وجبة
و فى حاجة عايزة اقولها للناس اللى مش هتقدر تشارك فى التبرع انهم ممكن
يحضروا معنا و يشاركوا فى توزيع الوجبات و التخفيف عن الاطفال و اكيد ده
بردو له اجر عند الله
و طبعا لاننا مش هنلحق نرجع بيوتنا على وقت الفطار ممكن بعدها نروح نفطر مع
بعض فى نفس المكان اللى روحناه المرة اللى فاتت - جزا الله سوو خيرا هو اللى راح
صور المكان و جاب قائمة الاسعار منه - محل ابو خالد فى شارع شمبيليون و
ده بيقدم مشويات و رز و سلطات و سعر الفطار عنده ممكن يكون فى حدود ال 30 جنيه
و لو حد عنده اقتراح بمكان تانى للفطار ياريت يقول لو المكان ده مش مناسب
وممكن لو تحبوا نعمل حسابنا اننا نفطر من نفس الوجبات اللى هنقدمها للناس معهم
اما بقى عن الوجبات اللى هنقدمها للناس فيفضل كل حد ناوى يشارك معنا يبعت يقولنا على الايميل او برسالة على الموبايل بالعدد اللى ناوى يشارك به علشان احجزه
المرة دى مينفعش نحدد يومها لازم على الاقل يوم الاربع اكون عارفة عدد الوجبات اللى هحجزها علشان تتحضر ليوم السبت
ده ايميلات الناس المسئولة عن اليوم
و ده ارقام ممكن تبعتوا رسالة عليها او تسالوا على اى شىء خاص باليوم ده
داليا صاحبة مدونة قوس قزح
0117742287
استاذ خالد صاحب مدونة همس الاحباب
0101345140
ملحوظه من عندى بقى :- اللى يعرف مكان كويس واسعادره اقل فى الفطار عن الراجل اللى اسمه ابو خالد ده يقول لان فعلا مش كله هيقدر يتحمل ومش عاوزه ناس تيجى وتمشى يا هفكر فكيره تانيه اريح واقل وممكن نجيب فطار معانا وناكل فى مكان واحد بس هفكر فين واقول لكم بعد ما نتشاور مع باقى العصابه
اللهم ارزقنى و اياكم فى هذا الشهر رحمة الايتام و إطعام الطعام و إفشاء السلام و
صحبة الكرام يا ارحم الراحمين
البوست منقول من عند قوس قزح علشان انا مقدرتش اكتب
40 اخبط وقول رايك:
كل عام وانتى بخير اابى هانم, عايز اقوليك ان اليوم دة وفى نفس الساعة هايكون مبارة مصر ورواندا فى كاس العالم واخشى انها تؤثر على الحضورر وتتاثر بة, تحياتى
وانت طيب يا كريم
تصدق فعلا المباره اهم
كريم هو انا ناقصه فقعه مرارة
رمضان كريم يا بيبى
انا معاكو إن شاء الله
و هتكلم مع داليا صديقتى و اقولك
فى إيميل العدد اللى ربنا هيقدرنا عليه
و للأسف معرفش مكان كويس
انا ممشياها ماكدونالدز و بس ...
بس اكيد فيه اماكن كويسة كتير و خصوصا النوادى بتكون اسعارها معقولة بس معرفش مستوى الاكل إيه؟!!
و بالنوسبة للأستاذ كريم و سعادتك
و الماتش
يا اخوانا إحنا خلاص ف الباباى
و هنتكشوح كشوحة محترمة و هنتغلب و كاس العالم دا
كل سنة و احنا طيبيبن
هيا دى لاعيبة و لاّ دا مدرب
حاسس بالمسئولية
هيحرقوا دمنا يوميها شكلهم
انا خلاص قفلت منهم
و فرصة الماتش ان يوميها
يعنى هنفطر ف هدووووووء
و مش هيبقى فيه زحمة
خالص حبى يا ام سيمبا
فاتيما
========
وحشانى يا طمطم خالص وتنورينا
انا بقترح مكان بيكون فى متناول الجميع اعتقد ماك مش وحش
انما والنبى اللى بيقولى ماتش ده هو حر واللى مش عاوز يعمل خير وعاوز ماتش مع السلامه يتفضل وانا مالى اصلا يعنى احنا مش بنضرب حد على ايده
أنا معملتهاش و جيت معاكم قبل كده
بس ان شاء الله هحاول اجي لان بعدها بكام يوم امتحان
بس ان شاء الله اجي
كل سنه وانتى طيبه ياقمر
عامله ايه
ادعيلي اكون موجود احسن انا مشوااااااري كبير عشان اجى بس ان شاء الله هكون موجود
ههههههههههههههه
انا من ساعة ما كريم ساب عندى نفس التعليق بلف حوالين نفسى
لانى عارفة ان للولاد الماتش اهم للاسف
بس اخيرا قلت هتفضل السبت
علشان اللى يسيب الماتش لعمل الخير ثوابه يكون اكتر
و كمان تبقى البلد رايقة
كل سنة و انتى دايما شريكتى فى الخير
بصى يارحاب
فى اماكن زى الشبراوى كده بتقدم من الابرة للصاروخ .. اقصد من الفول للاستيك
ممكن نشوف مكان كده ايه رايك ؟
إزيك يا فندم
أنا اسمي مروة أشرف .. معده في قناة أنا .. احنا بنتقابل مع المدونين اللي كاتبين حاجة عن رمضان سواء عمل خير أو كاتب عن موقف معين أو بيحكي عن عزومة وبنعمل معاه مقابلة يكلمنا على التدونية بتاعتوا
من فضلك ابعتي رقم تليفونك أو حتى الإيميل بتاعك الطريقة اللي انت شايفاها مناسبة للتواصل يعني .. على الايميل ده وأنا حتواصل معاكي علشان نتكلم في التفاصيل
شكرا جدا
الإيميل
rama_mass@yahoo.com
انا طبعا كان نفسي بس انا نازل مصر بعد الميعاد ده ب 10 ايام
عموما انا ممكن و عايز اشارككم بعدد وجبات اتفق معاكي عليه
اقترحيلي طريقة اوصلك بيها الفلوس
hg
السلام عليكم
كل سنة وانت طيبة
والجميع بخير
ونستمتع برمضان وروحانيات رمضان
أعاده الله علينا أعواما كثيرة وأزمنة مديدة
وربنا يوفقكم لفعل الخير دايما
جازاك الله خيرا يا رحاب
ورمضان كريم
السلام عليكم
آبى هانم كل سنة وانتى طيبة ويارب بخير دايما
كان نفسى أشارك ولو حتى رمزيا بس عندى مشكلة
انا ليا تمن شهور فى الجيش ومش بعمل خير خالص ورمضان فرصة انا دلوقتى فى اجازة وهتخلص التلات 25/8 هسافر من اسيوط بعد الفطار لو عندك حل تخلينى اشارك حتى لو كان متعب شوية ياريت تقوليلى عليه النهاردة وهيبقى ليكلى ثواب انقاذ روحى من الضياع
رجاء كبير جدا فكرى فى حل
ورمضان كريم
كان نفسى بجد اكون موجود فى حاجه زى كده :)
انا محروم من الحاجات دى هنا فعلا
ربنا يؤجرنا على النية ان شاء الله
لكن رغم انى مش هاقدر اجى لانى خارج مصر لكن شايف فعلا انه الافضل تغيروا ميعاد الماتش
مش علشان انا بفضل الماتش او الكلام ده او لانى لو كنت فى مصر كنت هاسمع الماتش ومش هاجى
لكن اللى بيعمل خير ياريت يبذل اكثر استطاعته علشان يستوعب اللى عاوز يعمل ويشارك معاه
الميعاد ده بيخلى فى صعوبة فى فعل الخير على كتير من اللى كانوا ممكن يشاركوا معاكو
انتى ساعدوهم وغيروا الميعاد حتى لو كانوا غلطانين
علشان تبقى المشاركة اكتر وفى الاخر اللى هايستفيد هو الانسان اللى هياخد الوجبات دى ياريت متحرمهمش من الوجبات والمساعده اللى ممكن تزيد لو غيرتوا الميعاد
ده مجرد رأى مش اكتر
وفى الاخر ربنا يوفقكم للى فيه الخير ويؤجركم امين عن هذا الفعل
وأن يجعل عملكم خالصا لوجه جل وعلا ليس فيه رياء أو سمعه
السلام عليكم
تحية كبيرة جدا على الإيجابية دي ليكي ولباقي فريق الخير ده
عقبال كل سنة .. وان شاء الله دايما يكون على ايديكوا الخير
كل سنة وانتم طيبين ، ربنا يبارك فيكم و يتقبل منكم ان شاء الله
كل سنة وانتى طيبة يا أبى
إن شاء الله نيجى كلنا اللقاء
كل سنة وانت طيب
ربنا يجعله فى ميزان حسناتكم
ونورت المدونة بزيارتك ليها
ويارب متكنش الاخيرة
كل سنة وانتى طيبه وانشاء الله معاكوا وعلي الاسبوع الجاي هكون محدده ان شاء الله عدد الوجبات
اما المكان انا بسال عن مكان كويس يكون سعر الوجبه مناسب :)
كل سنة وانتي طيبة يا آبي
علم وجاري التنفيذ إن شاااااااااء الله
بس اتفقوا هانفطر فين ربنا يكرمكم يااااااارب
شكلها هاترسي علي كشري زي ما خيخة أقترحت
ولو فطرتوني كشري هاعيط يا ناس انا صغنون ومعنديش مخزون إستراتيجي
فين مستشفى ابو الريش دى عشان انا جاى
كل سنه وانتي طيبه يا ابي
ويارب اقدر اجي معاكم في اليوم ده
انا فرحانه بيكم قوي وبالخير الي ممكن يوصل للناس دي في الايام الصعبه دي
المهم طيب لو مش هقدر اجي اليوم ده
ممكن ابعت فلوس للوجبات دي
ولا لازم اجي
ولو ينفع ابعتها ابعتهلكم ازاي
ياريت تردي عليا وبسرعه
رمضان كريم عليكم
كل سنه و انتى طيبه اولا
غالبا انشاء الله حاكون موجوده فى القاهره فى الوقت ده و طبعا لو موجوده اكيد حاجى و فرصه اشوف الناس كلها
دعواتك ان ربنا يسهل و اجى
و بينا تليفون انشاء الله
أيه الحكايه هو بوست واحد وكلكم ناسخينه
عموما ربنا يوفقكم ويكرمكم
ويجعله عمل في ميزان حسناتكم
مستشفى ابو الريش فى شارع القصر العينى فى وسط البلد اسمها مستشفى ابو الريش اليابانى
اللى عاوز يبعت بصراحه مش عارفه هو انا اصلا معرفش انتم فين علشان تبعتوا واقول لكم يا ريت كل واحد يوضح
مش لا قية كلام أقوله لكم غير جزاكم الله جميعا كل خير يا فريق الخير و اقترح أن نطلق عليكم جميعا فريق فاستبقوا الخيرات أن شاء الله معاكم و ربنا يقدرنا جميعا على فعل الخير و يتقبل منا اللهم آمين
يا اابى انا مش قصدى ان المباراة اهم انا بقوول انها هاتاثر على الحضور اكييد بس
رمضان كريم يا أبي
وكل سنة وانتي طيبة
ربنا يتقبل منكم ومنا الصيام والقيام والصلاة والدعاء وصالح الاعمال ان شاء الله
في حفظ الله
كل سنه و انت طيبه و الي الخير و عمله اقرب
طاب ممشاكم و رزقكم من الجنة منزلا
تحياتي
وفقكم الله للخير
آبى
كل سنه وانتى طيبه ياجميل
نفسى احضر معاكم بس نظرا لأنى مش من القاهره يصعب علي ذلك
دعواتك ياجميل
ورمضان كريم
السلام عليكم
كل سنه وانتى طيبه ياقمر بجد مدونتك جميله جدا
كنت اتمني ان اكون موجود بالقاهره علشان اشارك معاكوا بجد
ربنا يكرمكوا
ويجعلوا في ميزان حسناتكوا
احتمال كبير أكون في القاهرة وقتها
وأكيد لو كدة هكون معاكم باذن الله
على فكرة ده هيبقى يوم ميلادي :D
كل سنة وانت طيبة
رمضان كريم
وإن شاء الله أكون موجود
يومها بإذن الله
السلام عليكم
اولاً كل سنه وانت طيبه يا آبي ورمضان كريم عليك وعلى كل اسرتك والمسلمين في كل مكان ..
تعرفي يا آبي أكثر شيء يعجبني في مدوناتكم المصريه ايه ؟
أنا اجاوبك على هذا السؤال .. أكثر ما يعجبني هو التكاتف في عمل خيري مثل هذا العمل والنشاط الملحوظ في هذا الجانب وربنا يتقبل منكم كل خير ويجزاكم عليه مليون خير
في امان الله يا آبي هانم
كل سنه وانتى ايبى كدا وزى العسل
وبما ان الماتش حيقى شغال لازم لازم لازم المعاد يفضل زى ماهو عندا فى اخوانا الرجاله بس بقى يا ايبى سيبينى كدا عليهم متمسكنيش يا شيخه لحسن انا متغاظه منهم انا بمشى فى الشارع بقيت اشوف الرجاله راسهم على هياه كوره ابيض فى اسود مستنيه حد يشوطها حاجه وحشه بصراحه ....
ومن موقعى هذا احب اقولك لو خفيت من هنا ليوم الجمعه انا راشقه فى الليله دى ان شاء الله
وموضوع الاكل دا انا شايفه انه توفيريرا وافضليا واحسنيا واى حاجه ايا اننا نكمل صيام لحد بيوتنا
حراااااااااااااااام حتبوظولى ميزانيتى المنوفيه مرارتى حتنقح عليا انا حتعب اكتر ادينى سخنت تانى اهو انا دلوقتى نفسى اتكتم انا مت
كانت معكى شهيده افطار رمضانابو 30 جنيه
سومه
احنا ممكن نتقابل فى كنتاكى وناكل الحج ريزون ابو 8 ونص واهو اليهود ارخص من ابو خالد
كل سنه وانتى طيبه يا آبى
و يارب يتقبل منك عملك الصالح
مبروك العربية الجديدة يارب يبارك لك فيها
رمضان كريم
كل سنه وانتم طيبين واللى هيجوا هينوروا الدنيا كلها واكيد هيتبسطوا واللى مش هيقدروا ربنا يقدرهم على فعل الخير فى مكان تانى
Post a Comment