نداء لمساعدة الداخلية





دائما وابدا ابطال مصر من اجل الحراسه يعملون ليل نهار فى مواجهه اى عدوان آثم غاشم ناقم على مصرنا الحبيبه
ولا ننكر طبعا دور ظباط الداخليه الفزاع ورجال قمل الدوله الهمام فى كشف اى مصيبه سوده وطبعا الجرايد بتاعتنا اجدع جرايد تكتب اى انفراد واى كلام

بس العجيبه انى بحب المصرى اليوم والمره دى الحقيقه مش عارفه هى وسعت منهم ولا هى اصلا واسعه عليهم ومبهوئه ومكنتش انا واخده بالى الخبر اهو انطح برجلك مش براسك هنا

القصه وما فيها تفجيرات الحسين اللى قعدوا يعملوا فيها خرومبو وشمال يمين وقولنا هتطلع فى الاخر مختل عقليا حسب تقفيل الداخليه او عز الدخيله ايها اقرب وبعد فحص ومحص وتفعيص الداخليه والرجاله الجامدين اخر حاجه اللى ميعرفوش حاجه مش كلهم طبعا او ميقدروش يفرقوا بين الماوس بتاع الكمبيوتر والماوس اللى هو الفأر العادى قبضوا على التنظيم الشنيع وانا معاهم قلبا وقالبا ومش معترضه بس يا حضرات اللى هتقروه ده خزعبلات ده كده بقى جلا جلا دا الموضوع اتحول من مختل لمختلين قالوا التنظيم فيه اجانب قولت ماشى مستبعدهاش قالوا فيه مصرين قولت والله كويس
ولازم الموضوع يختم بفلسطين وقالوا انهم فلسطنين كمان معاهم وان كل العناصر دى ادربت فى غزة
كده كنت هزعل لو مقالوش الكلمتين دول كنت هقول هى مالها الداخليه يعنى عقلت فجأه كده ولا حرارتها مرتفعه طبعا وعلشان الملف والورق الفولوسكاب يتكتب بضمير ويتعمل الف ورقه وظابط اهبل بيحب على روحه على النت ليل ونهار ياخد مكافأه يقولوا مسكوا دبابات ومن هنا ينطلق منى لفظ اعتراضى فزيع مقدرش اقوله هنا علشان الرقابه وهكتفى بتيييييييييييت اهليكم يعنى ده اولا مش عارفه هيخبوا فين الدبابات ولا يمكن جايبنها ماركة استرتش بتتنى وتتفرد
لا ولازم اسم سيناء يجى فى النص والامن يلعب لعبه الوسخه مع المرضى النفسين بما انه مبيقدرش على البدو اللى هما بيحموا مصر اصلا من الجهه دى ويقولوا ساعدوهم وطبعا كلامهم كدب ولنفترض اعلى ما خيلهم يركبوه واذا كانوا ناسين ظابط قمل الدوله اللى اتقتل ومكتمين عليه ولغايه النهارده مش عارفين يجبوا مين قتله يسالوا نفسهم ليه اتقتل وبرضه يقولوها تلات مرات قدام المرايا البدو مفيش حاجه عندهم اسمها هتك عرض ويسكتوا على حد ده قدامه القتل ربنا يرحم جميع الموتى

والحاجه الجامده اوى ومش فاهمه ايه جاب القلعه جنب البحر وكشك السجاير فى المطبخ بتاعى
لو افترضت ان هما ناس جامدين اوى خالص اوى وبيتكلموا صح يقولوا ابه بقى يا ولاد ان الناس دى كانت هتفجر خط الانابيب بتاعت الغاز طيب حلو اوى ويا ريت انا اقدر اعملها هى مش عيب ولا حرام ده المفروض يحصل وعلشان منزعلش الناس مش علشان الفلسطنين الوحشين ولا حاجه لا علشان ده حقنا كمصريين

طيب براحه هى انابيب الغاز دى واصله من الحسين ولا واصله منين بالظبط واحد عاوز يفجر الهرم يروح يضرب برج الجزيره على البوبو بتاعته ليه ( البوبو محدش يسالنى يعنى ايه دى كلمه عيب )

انا طبعا مش قادره اعرف اذا كان ده تصريح من الملابس الداخليه وجميع القطع اللى مصاحبه ليها

ولا ده فبركه من المصرى اليوم
بكل الحالات

لو فبركه المصرى اليوم
يبقى هطالب الداخليه تحبسهم كلهم
لو تصريح من الداخليه يبقى هطالب العباسيه تاخدهم كلهم


وفى النهايه الشعب فى خدمه الداخليه وتعاونوا علشان خاطرهم واعملوا على تلبيه النداء الاتى علشان نريح الناس دى شويه

اولا :- المساعده فى القبض على المختل عقليا المتسبب فى كل التفجيرات وحوادث الاغتصاب والسرقه والفتنه الطائفيه


ثانيا :- القبض على كتائب الشهيد ماس بقياده الجناح يمين شمال فولت عالى فى التسبب فى الحرائق



ثالثا :- القبض على سمكه القرش الغاشمه فى فى التسبب فى انقلاب العبارات واكل الناس مش زى ما الحقودين بيقولوا عيب فى العبارات

رابعا :- القبض عليا انا شخصيا وتسليمى لاقرب مستشفى ان شاء الله مستشفى الكلب اهو يبقى شفقه ورحمه بيه من اللى بيحصل


خامسا : احب اعرفكم ان

الاتفاقيه الامنيه فى مصر .... عباره عن تأمين الشورت فى البى سين ولا عزاء للاسكريتش

وعلى اللى يمسك اى حد من دول الاتصال بالدخليه والتبرع لها بكارت بعشره جنيه علشان تعرف تتصل بيك تانى وتقولهم الاماكن او ولوعوا فى نفسكوا واخلصوا

كان معكم لواء اركان حرب عميد برتبه مناخوليا ابى هانم بتنجانى

حكمه الامبراطورة

انا مش بالغباء ده ولا انت بالذكاء ده

37 اخبط وقول رايك:

Me7'o said...

ههههههه

عجبتنى الجملة دى

"لو فبركه المصرى اليوم يبقى هطالب الداخليه تحبسهم كلهم لو تصريح من الداخليه يبقى هطالب العباسيه تاخدهم كلهم"

إنما بقى لو على الدبابات فهما بيفكرونى بفيلم عادل إمام الإرهاب والكباب

فاكرة العيل الصغير اللى طلع المجمع علشان يوصل اللاسلكى

هههههههههه

فاكرة بقى لما رجع قالهم إيه

كان معاهم أسلحة ورشاشات ودبابات برضه

هههههههههههههه

تحياتى

يكونش هوا الواد ده اللى كتب التقرير فى المصرى اليوم

ادم المصري said...

هههههههههههه
تحذيرك ضحكني اكتر من المقال
.
.
.
.
رغم انك مش الاولي ولا الاخيرة اللي حاطة تحذير بالنوعية وبتتكلم في مشاكل زي اللي قريتها في المقال دا .. الا اني ما قدرتش امنع نفسي من الاندهاش بصراحه
.
.
.
.
باتخيل كدا مجموعه من الرعاع السفاحين بتوع ايام زمان دول اللي كانوا بيحاربوا بالبلطة والسيف .. ايد الواحد فيهم مقطعة من كتر الجروح ووش الواحد فيهم طابر ربعه من كتر المعارك
.
.
بيحاربوا ناس شيك زي الامريكان اللي بيطلوا موظفين في شركات دول وكل واحد ليه مكتبه الخاص وتكييف في اوضته
.
.
.
الفساد في البلد عامل بالظبط زي السرطان اللي توغل في جسد الضحية وتوحش ولا نفع وجدوي من اي مقوامات
.
.
ما ينفعش وحش متجبر بالشكل دا نعامله بالرقه دي
.
.
دا رايي
وانا كاتب في البروفايل
ـــــــــــــ
اعلم اني امثل واحد علي سبعين مليون من مجمل الشعب المصري
هذا ان كنت لا تعلم كسر ضئيل جدا جدا
فارجوك لا تهتم لكلامي ولا تقم له وزنا



لاني متاكد اني الجنون دا ما بيعجبشي حد
تحياتي والسلام

مهندس مصري said...

أصل بالمخ كده
لو عندهم صواريخ و أربيجيهات و قنابل شديدة الإنفجار
يبقى ليه إستخدموا قنبلة بدائية في الحسين ؟
ثم اللي عايز يفجر قناة السويس و سفن إسرائيلية حيلاقيها في الحسين ؟

ثم السلاح اللي لقوه في سيناء غالباً كان حيتهرب لغزة
يعني داخل لغزة مش خارج منها

الفبركة بتاعة الأمن بقت ما تقنعش عيل صغير

أما إعترافات الناس إنهم تلقوا تدريبات في غزة فسهل الناس تقول تحت التعذيب أي حاجة
و شوفي هما بقى لهم كام شهر تحت التعذيب

بدراوى said...

آبى ازيك
--------
على فكرة بتعجبنى بوستاتك عن الداخلية
بصراحة بتشحوريهم خالص
و بيصعبوا عليا
ههههههههههههه

بصى انا من محبى المصرى اليوم جداً جداً
بس للأسف الشديد ناس كثير منهم مثلاً ميدو
ادهم
عارفاه طبعاً
و نوارة كمان و يمكن دكتورة بيلا
مسمينها المخبر اليوم
!!!

شوية بقى ليها اخبار امنية شبه احمد موسى

اما بخصوص الخبر ده
فلو تفتكرى
ان تهمتا

تفجير خطوط الغاز المتجهة إلى إسرائيل، ورصد السفن الإسرائيلية داخل قناة السويس، تمهيداً لوضع خطة لتفجير بعضها.

كانت فى اوراق قضية تنظيم حزب الله
يعنى الموضوع كله منفذ على كله

و تدريبات فى غزة ليه مغزى واحد
يعنى حماس دربتهم و كدة
ما نتى عارفة مش طايقين حماس

و مش بعيد دكتور عبد المنعم ابو الفتوح يشيلوه جزء من الموضوع

احنا دلوقتى فى موسم قصقصة الريش
تجهيزاً للوريث

و طبعاً مفيش مانع مع الأخوان نلبس حماس شوية قضايا كدة
و يالا

خللى طنط اسرائيل الله يحرقها
تفرح

و تاخذ غاز ببلاش و احنا الناس مش لاقيين انابيب

قريت للسفير ابراهيم يسرى بيقول
ان اسرائيل خفضت اسعار الكهرباء عندها على حس رخص الغاز المصرى

و بيقول لكن فى مصر الكهرباء اسعارها بتغلى
---
شوفى الخبر ده

ترحيل ٧ فرنسيين بعد شهرين من الاحتجاز للاشتباه فى علاقتهم بالمتهمين فى «تفجيرات الحسين»


http://www.almasry-alyoum.com/article2.aspx?ArticleID=217688

tamer.sala7 said...

لا معلش بقي المخبر اليوم والداخلية عجينة واحدة ومجدي الجلاد زي حمدي رزق


كلهم قتلة ..كلهم خونة

قوس قزح said...

اطلبى العباسية ههههههههههههه

بس مش لهم
لنا احنا

الناس دى بتعمل كل ده علشان نروح فى الاخر العباسية

طيب انا بس عندى سؤال واحد
مش كان اولى ببتوع غزة انها يفجروا القنابل دى فى اسرائيل ؟؟ دى العالم دى كانت اسرائيل واخدهم رايح جاى ..يعنى ابسط الامور لو معايا قنبلة هروح ارميها فى وشهم مش هروح ارميها فى حارة الجيران

و اللى عايز يفجر انابيب الغاز صحيح هيفجرها من الحسين ليه .. على اسس انها الماسورة الام مثلا ؟؟ ولا على اساس انهم كانوا فى زيارة الحسين بالمرة ؟؟

اطلبى يا ستى العباسية بقولك

Appy said...

ميخو
========

ههههههههههههه ايوه دى زيها بالظبط وفى الاخر يقوله ثكلتك امك








ادم
=====
اهلا اهلا
عموما انت مش مجنون يا ادم كلامك واضح
ومينفعش نعامل رقه بس هما مين اللى نعامله برقه وضح بس علشان مش فاهمه لو تقصد الداخليه دول اصلا ميعرفوش الرقه
لو تقصد اللى قبضوا عليهم يبقى اقولك هما مش لاقين تهم يعملوها يعنى ميستخفوش بعقلنا ولازم تبقى تهم واضحه مش فرح جنب طهور
نورت يا ادم

Appy said...

مهندس مصرى
==================
انت تقصد عقل مين احنا ولا هما لو تقصدهم هما
يااااااااختى يبقى عيب عليك انت بتشتمهم يبقى هيرفعوا عليك قضيه سلق وقذف ههههههههههههههه
يا هندسه اذا كان دول ولا دول فانا بجد بقوا حاجه كوميدى ليه
انا معاك ممكن يكونوا هما فجروا بس لزمتها ايه كل الهبل التانى ده مش عارفين يعملوا قضيه صح ابدا توحد الله









بدراوى
========
متفقه معاك تحليك صح وفاهمه كل ده هما عندهم دولاب او كاتبين على الحيطه الاتهامات وبينقلوا ويقعد يقول اقلب الصفحه اقلب الصفحه علشان يكمل اتهامات
بصراحه المصرى اليوم بوخت وزهقتنى بجد
وهشوف الخبر حاضر

Appy said...

تامر صلاح
==========
طيب ومعلش ليه هما حد فيهم جوز امى
ما الاتنين انيل من بعض

Appy said...

قوس قزح
===========
لا يا دودو اول خط الانابيب جنب عمود النور اللى فى الازهر وطمفتاح فتحه مرتبط بمفتاح المراوح بتاعت مسجد الحسين
ركزى انتى بس وانتى هتفهمى الناس دى جامده اوى
هى نمرة العباسيه كام بقى

akeed said...

اولا انا اول مرة ازور المدونة بتاعتك بصراحة جميلة وجريئة جداً و الموضوع دة رائع جداً انتى بشرحى ببساطة ازاى الناس ديه بتستهبل عقولنا و معتبرين ان الكل مجنون و ايصدق بسرعة


تحياتى ودمتى بكل خير

Love-Guru said...

ايوه عندهم دبابات و كمان عندهم طائرات هليوكوبتر ماركة تشينوك
CH 46
مزودة بخصائص الطيران الليلي
و هذا الفيديو يظهر احدي مناورات التدريب
http://www.youtube.com/watch?v=odzi_VK8m3k&feature=related

مواطن مصري said...

يا ابي هانم وحشاني و بقالي فترة مش بعلق عندك

المهم

فية مؤامرة ضد مصر من الول العربية و طبعا كلا عارفين ان حماس دلوقت بقت راس الحربة ل ايران زي ما حزب اللهراس حربة ليها في المنطقة


يا ابي مشكلتا اننا بنتعامل معاهم ب العاطفة و هما بيتعاملو عمانا ب المصلحة

احنا مصلحة بلدنا فوق الجمع حتى لو كانت على حساب القضية الفلسطينية و حماس

انا الحقيقة مش بثق في حماس ولا بحبها و غير متفق معاهم


ايييييييييية الله يرحم الشهيد ياسر عرفات

مواطن مصري said...

و بعدين بقى اخوان المحظورة يا اما تشتغل سياسة بس و تترك الدعوة يا ما تستاهل الي جرالها


اديكي شايفة الي حصل في بني سويف و الدقهلية

عايش... ولكن !!!! said...

هو مين مع مين
بجد انا اللى هروح العباسيه

mUsLiM said...

الله يفتح عليكى يا شيخه والله

والله انتى محترمه وبتفهمى

انا مش هاعلق على كلامك

لانى متفق معاكى فى كل حرف الحقيقه

بالله عليكى تدعيلى يا اختى :)

ربنا يكرمك ويعزك ويعرفك دايما الصح والعدل ويهديكى لصراطه المستقيم

السلام عليكم

Appy said...

akeed
=======
اهلا بيك وميرسي على المجامله دي ومنور يا فندم الكوكب بكلامك







love
=======
انا هروح احجز طياره من دي ويبقوا يلبسونى قضيه تفجير مطارات علشان تبقى كملت بقى

Appy said...

مواطن مصري
---------
اهلا يا عمرو بس ايه جاب برضه كشك السجاير فى بيتى والله بيتى صغنن يا عمرو محدش جاب سيره حماس كده هما نفدوا الخطوط على بعض حتى انت
يا بابا امن الدوله عندها دولاب حطه عليه قايمه كل واحد على حسب لاحظ الكلام وافهمه وانت تعرف
واقري ردودي وانت تفهم برضه
هو الازهر فيه مفتاح ولا محبس الغاز
الحركه دي معروفه مين عملها
ومش هنتهمها فى حد افتكر توقيتها كان امتى ايام موضوع حسن نصر الله
يعنى اى تلبيسه
وايه جاب سيره البدو هى اى حشره ركز فى الكلام علشان تفهم والنبى










مسلم
========
ربنا معاك يا رب بس مالك يا اخى قلقتنى والله
ربنا يفرج عنك اي حاجه يا رب

Appy said...

عايش ولكن
----------
لا متركز العباسيه بقيت كومبليت استنى للدور الجاي هناخدك معانا خلى حد عاقل بره








مواطن
=======
برضه مين جاب سيره الاخوان انت حشرتهم ليه فى الموضوع عاوزه افهم
بس

أحمـــــــــــــد أبو العلا said...

شكلك ياابي متعرفيش شغل الترزي

الترزي ياستي يجي كده وفي اصطباحه من اياهم ويضرب المقص في القماش ويطلع بدله انما ايه نلبسها للشحات يبقى الوزير

هوا ده اللي بتعمله الصحافه
بس يمكن البدله بتوسع شويه, او الحكايه بتاعة الداخليه هيا اللي ديقه زياده عن اللزوم

بصي من بره علىالموضوع وقولي الله الله والله وعملوها الرداله

فتاه من الصعيد said...

على فكره الداخليه اتقدمت خالص .... بقيت بتعرف الدبابات والصواريخ بعد الماس الكهربائي والخلل العقليه ...... عمار وامان دايما يا مصر

Appy said...

احمد ابو العلا
----------
البلد دي عاوزه رادل زي صلاح الجين الابنودي
افتكرت الجمله دي لما قريت تعليقك ههههههههههههههه









فتاه من الصعيد
=============
يوووووا يا بنتى دول عرفوا يدخلو نت عندهم وبقوا يعملوا ايميل مش هيعرفوا الدبابات

لورنس العرب said...

الحقيقه انا تابعت الامر من اوله لآخره
كنت عاوز اعرف تحديدا من القائم بالعمليه الارهابيه ولكنني فشلت
شويه تنظيم حزب الله- وشويه ناس من فلسطين- وشويه مش عارف قالوا ايه
المهم اني كنت بقرأ الجرايد والمواقع سطر سطر عاوز حاجه مكتوب فيها ان -فلان- هو مرتكب الحادث ولكني فشلت في العثور على شيء مثل هذا
صحيح انهم اكتشفوا تنظيم لحزب الله داخل مصر وساعدهم على كده فلسطينيين ومصريين وهذا شيء لا جدال فيه
لكن يبدو انهم فشلوا في معرفة فاعل حادث الحسين ومكسوفين يقولوا

Appy said...

لورانس
=====
بالظبط يا معتز ده اللى انا عارفاه حزب الله مخباش وقال انا مكنتش هاجى ناحيه مصر ومانكرش انما بقى خبيتهم التقيله دي ايه هما فعلا معرفوش بس الارجح ليه بجد دلوقتى بعد البهوئه دي متاكده ان ليه يد فيها بقى علشان افتكر توقيتها مع موضوع حزب الله وحرب غزه مش عارفه ليه الغباء ده
انا معنديش مشكله انهم يقبضوا على الحقيقين وان محدش يجي ناحيه بلدي باي سوء بس هما كده بيستخفوا بعقلنا اوي الداخليه مفيش مره بجد بجد قالت حاجه صح ما يسكتوا خالص يا يقولوا الحقيقه انما كل يوم بنفقد الثقه فيهم وفى كلامهم
هما مش بيخلوا حد يساعدهم كده
وبقت الناس شايفه اي واحد لو خرب يبقى الداخليه تستاهل الناس مبقتش مستوعبه انه تخريب ليهم شخصيا
لا بقوا بينسبوا اي حاجه ان احسن تستاهلوا وبتكون فش غل للناس وبكده مش هيساعدوهم ولا هيحافظوا على البلد
والداخليه ولا غيرها من غير الناس مش هتقدر تعمل حاجه يا رب يفهموا بقى

saheda.com said...

كن معا (الحملة الدولية للافراج عن النواب المختطفين )
بسم الله الرحمن الرحيم

الى السادة اعضاء مجلس الشعب
الى الاحرار فى كل مكان
الى الاخوة المدونين
الى من اتخذ قضية فلسطين
قضية عقيدة
الى من لديه كل جهد وامل
قادر ان يساهم معنا
لقد اقيمت
الحملة الدولية للافراج عن النواب المختطفين
من هذا المنطلق ندعوا الكل
الى السعى للافراج عن النواب الفلسطنين من سجون الاحتلال الصهيونى
كلا منا يساهم بكل طاقته
ارجوا من السادة نواب مجلس الشعب
تصعيد الحملة
فى مجلس الشعب
وفى البرلمنات الاوربية
من الاحرار فى جميع انحاء العالم
توعية الشعوب
والضغط على الحكومات
من الاخوة المدونين تفعيل الموضوع فى المدونات
ومراسلة
المدونات والمنتديات
وخصوصا الغربية
لتفعيل الحملة
وهذا جزء من حديث
الاستاذ مشير المصرى
رئيس الحملة
الدولية للافراج عن النواب المختطفين

بنوته مصرية said...

يا ابي انتي مش فاهمة انا هقولك

الدبابات دي جيبينها زي العوامه والمركب بتاع نور بينفخو فيه يبقي دبابه يفضو الهوا اللي فيه يبقي كيس عادي ضغير يحطوه في جيبهم حاجه كدا صيني من بتوع 2.5

فهمتي الدبابات فين

والله مسلسل كوميدي جدااا

قال يعني الفلسطنين لو عندهم الدبابات والاسلحه دي مش هيفجروها علي اليهود في بلدهم

بقولك انتي شده السلخ علي الدخليه اليومين دول مووووووووش خايفه
من ابو دبوره ولا ايه
ههههههههههههههههه

وحشتيني يا قمر

assafo anaroze said...

صباح الخير
هههههههههههههه
الستيل بتاعك في الكتابة عجبني اوي فيه سخرية لاذعة
اكيد كلما كانت هناك تفجيرات و اعمال تخريب دائما بيتهموا الشعب و الفلسطينين و ده مش غباء منهم بل لتحويل الراي العام عن قضاياه الاساسية و كمان عشان النظام يستفيد من ذلك و يعطي شرعية لمواقفه المعارضة لنظام حماس و للمقاومة عموما
نقول ان التفجيرات ديه عملها الشعب بس مين السبب في غرق العبارات مين السبب في حروب الجوع الموجودة في مصر مين السبب في غلاء الاسعار و قة الخبز
مين السبب في البطالة مين السبب في الفساد الانتخابي
مين السبب في الاستبداد السياسي في مصر
اسئلة للاجابة عليها من طرف الداخلية و النظام برمته
مودتي و دعوة للتواصل مع مدونتي

مصــــري said...

آبي هانم

هما قالوا بس يغيروا
يمكن الشعب يكون بيفهم ولا حاجة
دول مش بعيد كانوا حطوا كائنين فضائيين في التنظيم.

أغبي جهاز أمن شوفته في حياتي
وهو هو نفس الجهاز اللي خرج من أغبي قاتل شفته في حياتي ألا وهو السكري.

تحياتي
أسامة

بنت سيناء said...

حماس وفتح والقاعدة وحزب الله وطالبيين وكأس القارات وكأالعالم وام كلثوم وعبد الوهاب وتامر حسنى ... وتوهنى ياباشا
دة تعليق اول واخد ع الموضوع فى الجريدة..تعرفى..انا مش لاقية كلام افضل من تعليق الاخ محمد اللى نقلتة دة..وصعبانة عليا يا امى::مصر::

بنت سيناء said...

نسيت اقولك انهم فعلا زى ما قلتى مابيقدرو على بدو سيناء لانهم بجد رجال يعنى فية مناطق عندنا بتخاف الحكومة تدخلها نهائى..المركب اللى فيها ريسين بتعمل اية؟؟؟....بتغرق...هههههههه

بنت سيناء said...

ومعلش حاجة تالتة...انظروا فقط فى وجه هنية ورجال حماس حتى تعرفو هل هم بهالاجرام ..مع المسلمين؟؟مصر تتحدث بلسان اسرائيل تحب من تحبة اسرائيل وتكرة من تكرة..وتحية ارض جو للداخلية واللى قدرت بجدارة..ان تستهزئ بعقولنا كشعب

ويكا said...

بخخخخخخخخخخخخخخ
انا جييييييييييييييت

ازيك يا برنسيس

على فكره يا كميل ، الخير فيه
"وجود أسلحة ومتفجرات وصواريخ مضادة للدبابات"

مضاده للدبابات يا معلم ، مش دبابات مره واحده كده.
ايه على اساس انها نفخ يعنى زى العوامات كده؟!!!!
ههههههههه
ومع ذلك
جتنا نيله فى دخيلتنا الهباب.

وااعدى بالعافيه
امممممممممممممممممممه

مجداوية said...

السلام عليكم

ماهو عشان كده يا آبي ألمانيا بعتت فريق من وزارة الداخلية لعندنا عشان ياخد كورس مكثف عشان تطلع بيانها المنتظر في قضية شهيدة الحجاب مروة الشربيني واللي حتكتب فيه أن ابنها الصغير مصطفى هو السبب وان المرجيحة هي السبب ويمكن جدر البطاطا هو السبب !!!!وده اللي بيتنقله حاليا فاقدي الأهلية من الشامتين والحاقدين على الانترنت واللي حيموتوا من الغيظ عشان هي شهيدة وهم ملهمش غير في البتنجان
ومقالب الزبالة
أو بير السلم

Appy said...

بنوته مصريه
===============
من امتى بخاف يا رودى انتى تعرفى عنى كده عيب عليكى بقى اصل انتى عارفه هاجى ارميكى فين







assafo anaroze
==============
اهلا بيك وميرسى لمجاملتك
وانا جاى يا فندم حالا

Appy said...

المصرى
=========
يا اسامه
هو مبيخرجش اغبيه هو بياخدهم معاه بس







بنت سيناء
===========
يا بنتى اللى بتقوليه ده معروف الجهله بس المتخلفين هما اللى مش عارفينه يا حبيبتى

Appy said...

ويكا
========

نفخ دى يعنى بينفخوها ويرجعوا يلموها تانى
بزمتك اصلا ده كلام يقولوه
وبعدين انت كنت مختفى فين يا ريس








مجداويه
=========
يا مانتى يا حبيبتى هحكيلك حكايه علشان تريحى بيها نفسك ومناخيرك
كل يوم الصبح وانا جايه الشغل
فى طريقى مشتل زرع يجنن بشترى منه
وجنب مشتل الزرع عاملين مقلب زباله مقرف وشكله نيله وهو جنب المشتل
طبعا كغريزة انسانيه طبيعيه عنيه بتروح وحاسه الشم لمقلب الزباله ده
لقيت نفسى كل يوم بروح الشغل متعفرته ونفسى بتغم عليا
فكرت قولت وعليا بايه من القرف ده
قبل مقلب الزباله اقوم قافله الزجاج بتاع العربيه يقوم ميدخلش ليه ريحه واقوم باصه على مشتل الورد
وبكده اروح وانا رايقه
مع مرورو الوقت فجاه ملقتش مقلب الزباله خالص
اتارى الناس خدت بالها وشالته
شوفتى الموضوع بسيط ازاى عمر مقلب الزباله ما بيجى منه غير اللى ياذى العين والمناخير
ومع الوقت والتدريب اعتبرته كأنه مش موجود مع انه كان كبير اوى وشكله المقرف كان بيوجع عينى وبطنى بس بارادتى انا قدرت ابعد عنه

اما مروة فربنا ارحم بيها واحن عليها من كل العباد يكفى موتتها يا رب اموت زيها وايمانى فى قلبى اكبر بكتير

فهمتى القصد من اللى قولته فوق انا عارفه انك هتفهمى

مجداوية said...

السلام عليكم

آه طبعا فهمت
بس حاقولك على حكاية تانية عندنا في الشغل في الشتا بنبقى قافلين الشبابيك من البرد وسادين الشبابيك اللي بتجيلنا منها الريح تقوم تعدي عربية أونكس ودي تبع شركة النظافة وطبعا محملة زبالة تقوم ريحة الزبالة مخترقة الحوائط والشبابيك المقفولة والصديرى والكرافتة المربوطة وتوصل لمناخيري اللي أنا سداها إزاااااااااى ؟

لأن ريحة نتانة الزبالة مركزة أوي

ولأن الزبالة حتفضل موجودة لو شيلتيها من حتة حتتكوم في حتة تانية
ومعندناش هنا ريسايكل لها

مفيش حد غاوي يشم زبالة يا آبي بس عندك حق أنا قربت أرجع من ريحتها وعايزة أشم هوا نضيف

ربنا موجود بقى
وشكرا على الحكاية