ثوره الورد البلدى




فى تونس ثوره الياسمين
وفى مصر ثورة الورد البلدى شباب بلدى ولاد بلدى
نداء عاجل للاحزاب
متركبوش وتدلدلوا رجليكم انتم بالنسبه لينا احنا الشباب اللى اتهددنا واللى اتبهدلنا واحنا مش تحت اجنده وتعملوا برشوت علينا
الشباب دا بيحب مصر من قلبه
الاخوان النبى على جنب بقى
البرادعى اللهى لا يسيئك يا راجل روح شوف وراك ايه الله يخليك مش عاوزينك
دى صور ثورة الورد البلدى اللى هتظل طول السنين وسام على صدورنا كلنا
احنا عاوزين شباب زينا
كلمه اخيره للشوربه لو كان فيكوا راجل قبل ما يمشى العادلى كنتوا قولتوا له لا متطلعوش دلوقتى وتعملوا ضحايا لان واضح انكم حلفتوا اليمين ليه مش لمصر
الجيش ربنا يحميكوا طول عمرى بفتخر بيكوا كلكم


4 اخبط وقول رايك:

ياسمين حميد said...

صباح الخير على الورد اللي فتح في جناين مصر
صباح العندليب يشدي بألحان السبوع يامصر


http://www.youtube.com/watch?v=HPxTOHIPKto

Empress appy said...

ياسمين

صباح الياسمين يا جميله يا رب يكملها بالخير يا رب

يا مراكبي said...

بقالي شهر عايز آجي أكتب وأقولك إن عنوان البوست وتسميتك للثورة من أجمل الأسماء اللي سمعتها، بجد بجد أحلى ورد بلدي .. شباب بلدي

Empress appy said...

يا مراكبى


انا عارفه المواصلات صعبه معلش هو يمكن علشان انا بموت فى الورد البلدى فسميتها كدا