حوار بين اب وابنه المشهود له بالغتاته وتربسه الدماغ فهذا الطفل فى الحقيقه يحمل كل الجينات التى يحتويها العالم

فهو مشبع بجين الغتاته وجين الشجاعه وجين الغباء وجين الذكاء ولكن مشكله هذا الطفل انه لا يعى الوقت المناسب لاستخدام هذا الجين وبالتالى يحاول الاب معه بكل الطرق للتود له وانه يدربه على استخدام جيناته

ولكن الطفل ينقلب على ضهره كما الصرصار ويرفس بارجله فى الهواء ويأبى ان يسمع

فقال له الاب فى يوم يا حبيبى لازم تتعلم تستخدم كل جينات اللى هى الكروت الخاصه بك فى اللعب

لا تحرقهم جميعا مره واحده استخدم الدهاء والذكذاء والطيبه والشر ولكن كل فى ميعاده

وكغتاته الاطفال والعناد المستفذ يتربس هذا الطفل على ان يمشى شفيق

ودا الحوار كالاتى :-

الاب:- يا حبيبى انت عاوز ايه

الابن :- عاوز عمو يمشى ويسيب البيت

الاب :- يا حبيبى طيب عموم قاعد فتره انتقاليه لغايه لما شقته تخلص

الابن لا مليش دعوه يمشى

الاب:- يا حبيبى متقلقش مش هيشرف على حاجه فى بيتنا دا مؤقتا لغايه لما ماما اللى هى الحكومه ترجع

الابن:- لا برضه يمشى

الاب: يا حبيبى متقلقش هو اه من النظام القديم بس مشهود له بالكفاءه .

الابن لا برضه يمشى مليش دعوه

الاب:- طيب نديله فرصه يدير البيت وانا ها اراقبه .

الابن :- لا برضه يمشى انا مالى

الاب :- يا حبيبى احنا فى مرحله انتقاليه ومتقلقش دا بيتك يعنى فى اى وقت يعمل حاجه روح اديله مقص حراميه .

الابن :- لا برضه يمشى

الاب:- يا حبيبى هو الريسبشن ها ينقل لما يضايقك روح اعتصم تانى وانا ها اعتصم معاك

الابن :- لا برضه يمشى

الاب:- طيب اسمع خليك ذكى واديله فرصه لو اى غلطه نونو جدا اعمل اللى انت عاوزه علشان مضحكش علينا العالم والجيران وبعد ما كانوا بيحلفوا بينا يقولك ايه الناس العبيطه دى

الابن :- لا برضه يغور

الاب:- يا حبيبى لو المبدأ انك تمشى كل النظام القديم يبقى يا ريت بقى طالب ميبقاش فيه ولا حزب من اللى شغالين شبه الرقصات ايام النظام

الابن :- وانا مالى هايشمى يعنى يمشى

الاب:- طيب ما احنا كمان من النظام القديم يعنى الشعب نسيب البلد يعنى ونمشى

الابن :- اه مش مهم انت كمان امشى

الاب:- طيب نمشى كلنا طالما انت مخونا ونرجع تانى بعد ترميم اليبيت

الابن :- اه مش مهم بس دلوقتى تمشى

الحوار اللى متشعلق فوق دا محاوله منى لتمثيل دماغنا اللى مقفوله انا مش بطالب حد بحاجه بس انا حواجبينى متشعلقه طول الوقت لما يجبوا واحد ويسألوه طيب ليه يمشى طيب عندك اعتراض على ايه طيب طيب سمعته طيب اى حاجه محدش لاقى كلمه المهم يمشى كل ذنبه انه فى نظام قديم

انا معنديش مشكله بس انا ملاحظه حاجتين فزاع بجد

اولا قصه التخوين والتحفز للجيش الفتره اللى فاتت

الثانيه تربسه الدماغ ان كل سواء حلو او وحش يمشى

اعتقد الوقت مينفعش لدا ابدا البلد دى زى المدرسه مينفعش تسيب مدرسه من غير ناظره ومديرين الا ها تبوظ

ملحوظه تالته الاحزاب سواء الوفد او التجمع امبارح بس من حوار معتز مع رؤساء الاحزاب الاتنين رافضين دخول اعضائهم الوزاره

فى نظرى وفى راى واللى بكل وضوح مش قابل للنقاش

الاتنين رافضين لمصالح شخصيه لان الاتنين اجمعوا ان لازم الحكومه تستأذن منهم اولا

طبعا علشان هما يحددوا مين اللى يبقى فى الوزاره او يرشحوا مين منهم بعد الاتفاق بصرف النظر الشخص دا ينفع ولا لا المهم يبقى الاتفاق من تحت الترابيزه مع الشخص موجود اعتقد كدا واضح جدا الصورة

كان معكم طفل غتيت عنيد لابس تنين فى دماغه ابى هانم

حكمه الامبراطورة

اللى يلعب مع العيال ميخلاش .....