حقيقى لا اعلم ماذا حدث لبلطجيه الحزب الوطنى ولا اعلم ماذا اصابهم من سعار هم ورجال الاعمال

الجميع يعلم ان احمد سشفيق يشهد له بالنزاهه والاحترام ومن وقت طويل ليس الان

ما هو تفسير ان يخرج الرجل علينا فى كل القنوات يقول انا لن اسمح بمساس اى احد

وتانى يوم هذا ما يحدث

رجال اعمال الحزب الوطنى اصابهم الهلع والفزع من الاستقرار بدأوا يخربون

انا اعلم جيدا هؤلاء القادمون من نزله السمان لا يعنيهم من سيحكم او من سيمشى

كل ما يهمهم هو قوت يومهم والسياحه التى يعيشون عليها

مبارك خلاص جاله ارتجاج فى المخ من الهزه اللى حصلت له بدأ يلوش بصراحه مكنتش فاكره انه بالعند والغباء الفزيع دا الناس اللى طالعه تطالب تقول ابوكم وادوله فرصه يمشى بكرامته لو هو عنده كرامه كان عمل التشكيل ومشى

والناس اللى ها تقولى الدستور لازم يتغير فى وجوده

الدستور دا مش قرآن الدستور دا احكام تفصيل الشعب بيعملها واردته وقوانين يتغير عمر سليمان يغيره

مبارك لازم يمشى ولازم يتنحى لو بيحب البلد دى زى ما قال وادعى فى التليفزيون وبعد المهزله اللى حصلت والبلطجيه لازم يعرف انه لازم يمشى ولازم يرحل

نصيحه منى بجد لو عاوز تحترم اللى باقى منك امشى وكفايه

لو بتحب البلد دى زى ما خدعت كتير بخطابك وقولت ولادى امشى وسيبنا كفايه حرام

اعتقد ان السيناريو كالاتى

لعب اشباه رجال الاعمال فى مصر على هذه الوتيره

بدأوا يضخوا اموالهم فى تحفيز هؤلاء الاشخاص للنزول للشارع والضرب فى بعض الابرياء

وليس كما يذاع انهم اخوان او غيرهم لان شباب الاخوان هم زملاء لنا وان كنت لا احبذ وجودهم من الاساس فى الشارع السياسى

ما حدث هو سعار من الحزب الوطنى ورجال الاعمال

احلق شعرى وامشى فى الشارع بكسروله فى راسى ان كان الموضوع دا مش متورط فيه ابو العنين وسرور وحميده وايضا بعض من رجال المعارضه اللى يهمهم ان الدنيا تفضل والعه

سبب اخر احمد شفيق معروف عنه الصرامه والحزم واعتقد ان دا ها يخلى له اعداء كتير جدا جدا

الناس اللى كانت بتؤيد مبارك قليله جدا واندفع للغلابه وبتوع العشوائيات علشان ينضموا ليهم

بخصوص رقاصه المحور اللى تابت

المحور جاب بنت بتقول انها اتدربت على يد فريدم هاوس وانها اندفع لها هى وزملائها علشان تخرب وان احداث الكنيسه من ضمن اهدافها

انا لن اكذبها ولكن سؤالى كان بسيط جدا جدا واحده زى دى بقالها سنتين بتتدرب على التخريب ضميرها صحى فى لحظه ثانيا واحده زى دى اعترفت بالخيانه وبتقول عندى وثائق تطلع فى التليفزيون ولا تتقدم للمحاكمه والمذيع الاهطل يقولها بكره تيجى معانا تانى على اعتبار ان التى فى رحله بيطلعوها

القنوات المصريه ماشيه على مثل جت تكحلها عمتها

الناس مش عاوزه تضليل كفايه استخفاف يا تقولوا الحقيقه يا تتخرسوا لان النتيجه عكسيه امبارح اونا بعترف لما سمعت الكلام دا انهرت وثورت جدا وشتمت بافظع الالفاظ دا استفذاذ علنى دول بيحفزوا الشباب تانى علشان يبهدلوا الدنيا

اسلوب التخويف مش ها يجيب نتيجه المطالب بسيطه

النهايه بلال فضل كشف البنت دى النهارده وقال انها صحفيه فى جريده واعتقد ان بلال فضل لا يكذب ابدا

الفيديو اهو

الفيديو التانى والاهم ليه ورد الجانين اللى فتح دا على جناين مصر

عاوزه العالم يشوفوا عاوزه كلاب الحزب يشوفوا عاوزه رئيس الوزراء يشوف عاوزه السيد عمر سليمان يشوف لانى مش معترفه بمبارك خلاص دا ملوش لازمه بقى

يتفرج هل دول يضربوا هل اللى عملوا نفسهم دروع بشريه يضربوا ويقتلوا ويحرقوا

الفيديو التانى اهو ومهم جدا تنشروا علشان العالم كله يعرف مين هما شباب مصر