فراشة ... وصقر

ملحوظه الاول التعليقات اعلى البوست يا حلوين علشان امى ريا قلت ليه انتى قفلتى التعليقات الست دى دايما شايله مترليوس امهات جبابرة


هى فراشة وزهرة أمل زهرة جذابة
برعم من النضارة وتصبح فراشة حيوية..
ويأتي اليها كل الفراشات
هى فراشة زهرة تذوى طهارة
هى فراشة ومجمع أرواح وقلوب
هى فراشة الكلمة
كتبت بكلماتها و معاني الدموع
وترجمت آهات الصدور
وفسرت نفحات القلوب
وقد زرعت كلماتها
ابتسامة على الوجوه
وغرست بسمة أمل في قلوب
العديد من الطيور
هى فراشة تنثر ورود المحبة
على هذه الساحة أو الصفحة السوداء
تسجل كلماتها اعذب الالحان
كلمات احتبستها القلوب..
كلماتها جمعت أفكار لملمت أشلاء..

فراشتي .... لا تحزني كل المـشاعـر
تطغى على الأنفس البشرية؟؟
فإما أن تكون مشاعر فرح
أو تكون مشاعر حزن
ولكن لن تكوني زهرة ذابلة
يبتعد عنها الناس

قد يكون الإنسان هو المضطر
إلى للذهاب إليك
لظروف ما فيكون جوابك
كلماتك
وأنت مثل الفراشات جميلة
فلماذا تهوين تحليق الصقور في الماضي
الصقور ليس لها إلا لون واحد
وأنت فراشة زاهية في ألوانها
وفي الأجواء
كانت تحلق الصقور معك
تحاول أنت تكتسب منك الألوان
وربما كانت تحاول
عشق الألوان في شخصك
الصقور تحلق معك
ولكنها تعيش بين الصخور أو في الكهوف
وأنت لم تتعلمي صعود الصخور
أو العيش بالكهوف وأنت فراشة تنتقل
بين الزهور الجميلة الخلابة
بين واحدة تلو الآخرة
فراشتي لا تعشقي النقيض
فأنت فراشة غاية في الرقة والأناقة
الصقور تكابر لأنها
لا تستطيع الوصول إلى عالمك
الصقور تكمل منظر باهي...للطبيعة
ولكن أنت من أعطي لها المعنى
المناسب الجميل
أيتها الفراشة أنت بسمة الأمل
وأنت بهجة البهجة والسرور..
وأنت رمز الجمال....الخلاب الجذاب
والى متى؟
والى متى؟؟
والى متى؟؟؟؟؟

إلى متى ستظلين هكذا؟؟



أنت من علم الصقر التحليق في فضائك
أنت من جعل الصقر صقر
وكان المغزي جميل والكلمات أجمل
عرفة الكثير من خلال كلماتك
وصل معك إلي القمة ذع صيته
كان مفتاح نصر الصقر
بيدك آيتها الفراشة
آيتها الفراشة كنتى الفجر الأصيل
وسر هوى وعشق الصقر
وقف القراء صامتين انبهاراً
وأنت والصقر عالمياً تحار بكم العقول
وعقود من السنين تمضي بالكلمات
كانوا يتسألون ما علاقة الصقر بالفراشة
هل تعشق الفراشة الصقر
هل الصقر هو من يعشق الفراشة

الفراشة كانت تعشق الصقر
وتعشق الخيول في طبعها وهو من تقمص الدور
اخذ من الصقور التحليق حول كلمات الفراشة
ومن الخيول العدو خلف كلمات الفراشة
وعين نفسة فارس لكلمات الفراشة
ووضع لكلمات الفراشة مقص الرقيب
لماذا هذا ولماذا ذاك
لا تبكي فراشتي لا تشتكي ولتمسي لهم العذر
الكلمات أعجزتها المعاني أيتها الفراشة
وبوحك كان الفجر والضحى الأصيل
ولكن في فجر الكلمات وفي الأسحار قلتي لي
هناك من يدعو عليك فراشتي الصغيرة
سرقتي قلب الصقر من أحضان الوطن
أصبح يعيش الحب والاغتراب
أيها الصقر لا تحمل المعاني أكثر مما تحتمل ولا تغضب
أنت ِلوحتها والرسم موهبتها
هل يوافق عنوان كتابها
حرف أسمك
لكل كتاب عنوان
وأنت عنوان لكتابها
هل توافق كلماتها حروف أسمك
وجزء من شخصك
غالباً ما يطلقون على الصقر الوحش
وهو أول القبض عليه يسمى (وحش)
لأنه متوحش بري لا يأنس البشر
وبعد ذلك يطلقون عليه اسماً
وهي كانت تسميك الصقور المسالمة
أيها "الصقر السيزر" لكل شاعر أو كاتب ملهم
الصقر يتميز بخاصية الأبصار
وكان يعجبني أنا شخصياً نظرتك الخاصة لكلمات الفراشة
أو بمعني أخر كان لك فلسفتك خاصة
التي توافق في صفتها الصقور
الصقر يتميز بخاصية
السمع القوي وهو يساوي
إضعاف السمع عند الإنسان
لذلك كنت تسمع مكنون كلمات الفراشة
تتميز الصقور بتميز الصوت
أسرع من البشر مما يساعدها
على تحديد موقع كلمات الفراشة في الظلام
وبين ألف الكلمات
ولكل خطيب سامع والنفس تهوي وتميل
ولكن يبقي في الأساس لكل شخص
منكم عالمة الذي ينتمي إليه
وشخص يرجع إلي أحضانه
أنت تختار أحضان الوطن
وهي تختار أحضان الاغتراب
هي تحب الصقور الحرة
"الحر الأشقر" هو اسم من أسماء الصقور
هي لا تحب الصقور المبرقعة والتي تلبس النقاب
لأنها تثق في شخصها وتثق في صقرها
ولأنها تؤمن أن جمال الشيء وهو حر طليق
وليس مقيد ويلبس النقاب ويحاسبها بغيرة أنثي
أنا لا اصدق أن هناك أنثي تغار من كلمات
تغار من فراشة نشرت فرحتها واخزنها
أنا أغار على الفراشة
ولكن أغار على شخص الفراشة
وليست من كلمات الفراشة

كنتم توافق فكري

و الفراشة و الصقر لم تجمعهم حدود مدينة أو وطن
وكلاً منهم له عالمة الخاص

هذه الكلمات تنتهى بانه لا يمكن ان تعشق الفراشه صقر جارح وحتى لو عقت الفراشه هذا الصقر لابد له من اعاده حسابته بان يحافظ على فراشته


اى تشابهه بين الكلام دا واحداث حقيقية تبقى مصلحة

حكمه الامبراطورة

الصقر بيعيش على الفريسه لا تجعلى نفسك فريسه سهله

كان معكم ابى هانم من ارض الصقور ورقصه يا معلم

14 اخبط وقول رايك:

Empress appy said...

البوست دا عن كل شخصيه بريئه بتعيش وسط عالم مش برئ وسط ناس ممكن تتخيل انهم كويسين وهما لا البوست دا عن الطمع والجشع والانانيه المفرطه وعدم تقدير التنازل عن اشباء كثيره
انتهى البيان واللى جاى اوجع حححححححححححححححححح

مجداوية said...



السلام عليكم
أنا يا سكينة من الأمهات الجبابرة؟
الله يسامحك

أديني جيت وسبت الأر بي جي في البيت
حلوة تنفع مطلع أغنية
:)
وبعدين أنا عضمة كبيرة بأمشي على النقط بتغيري مكان التعليق ليه دوخونا معاكم بقى ؟
ما علينا
المهم إننا وصلنا
تصدقي لما بتكتبي عادي كده بقيت مش بأفهمك
:)
يعني العربي المدشدش أخدت عليه وكنت بقيت أفهمه فريرة قلبتي ليه
هو مكان التعليقات والأسلوب كمان !!

بسالكلام ده كبير
وبيوجع
مع تحفظ بسيط
إن مفيش حد في الزمن ده فراشة أوي كده وإلا تبقى ولا مؤاخذة غلطانة في العنوان وجاية من عصر أفلام فاتن حمامة اللي كان بيغمى عليها لو حد زعق في وشها
لكن طبعا المعنى وصل وواضح
ومستنية اللي جاى ومحضرة علبة مناديل
بعادك عن مصر عمل فيكي ده كله !!!
لا حول ولا قوة إلا بالله
فين أيام القلل والشبشب أبو وردة
هييييه

dr.lecter said...

ليه اوجع بس خلينا في الفراشه والصقر
بقالك كتير مكتبتيش كده

Empress appy said...

مجداوية



رياااااااااا وحشانى والله اصل انتى مش فاهمه انا موفره ابو ورده اللى هنا وبعدين البتاعه دى انا قريتها وغيرت فيها ولزقتها هنا تفتكرى برضه انا اكتب كلام صح مليون فى الميه كدا يبقى عيب عليا انتظرى البوست القادم التعليم المجانى
وبعدين الغره مش بتأثر فيه ابسكوتلى انا اللى هاغير امها لا تكلكى

Empress appy said...

دكتور


والله غصب عنى ممكن تقول معنديش نفس مليش مزاج
زهقانه مخى قافش وعطلان
المهم انت نورت

فاتيما said...

طب انا كنت لسه هدخل
اعلق و اقول

ايه البوست الغريب دا يا آبى ؟؟

وأصله وجعنى
لأنه مليان شجن شديد
ومرارة أشد

وكنت هقولك انتى كويسة يا ترى ؟


وكنت كمان هقول
طب يا رب تكونى دايما بخير


و لما قريت تعليقك
نوعا ما
اطمنت


بس مش قوى برضو

انما هنتظر الجاى بقى
و اوجع اوجع يلا مش مشكلة
ما دمتى بخير يا حبيبتى


بوسة و حضونة
يا قمر التدوين كله

Empress appy said...

فاتيما


لا يا طمطم انا بخير عليا النعمه دا حتى الوليه اللى قاعده فى الشغل عماله تقولى انتى نوتى جيرل لما خلاص هتنطق عربى قريب
اشيل يعنى البوست دا ولا اعمل ايه بقى فيكوا الواحد مينفعش يستهبل وسطكوا ابدا تيرررررررررراررررررررررر

اللى جاى عن التعليم بس مش ها يوجع دا بس انا بحب اديكم حقنه مره كل شهر
بوسه ليكى كبييرة وليوسفى افندى رفعنا العلم كمان

Empress appy said...

فاتيما


لا يا طمطم انا بخير عليا النعمه دا حتى الوليه اللى قاعده فى الشغل عماله تقولى انتى نوتى جيرل لما خلاص هتنطق عربى قريب
اشيل يعنى البوست دا ولا اعمل ايه بقى فيكوا الواحد مينفعش يستهبل وسطكوا ابدا تيرررررررررراررررررررررر

اللى جاى عن التعليم بس مش ها يوجع دا بس انا بحب اديكم حقنه مره كل شهر
بوسه ليكى كبييرة وليوسفى افندى رفعنا العلم كمان

Foxology said...

الكلام فكرنى برباعية عمنا جاهين لما سحلية حبت خنفسة وطبعا الناس استغربت ازاى العلاقة دى تتوجد من الأصل ؟ بس كل شئ ممكن المهم ان الطرفين يبقو راضيين بالعلاقة ميبقاش حد فيهم متمسك بيها تمسك مرضى زى الشعب والحكومة كدة من الآخر :))

تحياتى

فتاه من الصعيد said...

الفراشه ممكن تحب صقر

بس هل الصقر ممكن يحب فراشه ... ولا طمع بس ؟؟

عموما كلنا بنتعلم من اللي بيجرا لغيرنا

تحياتي

سومه...مجنونه فى بلد عاقل said...

حيفضل الصقر والفراشه مخلوقات يمكنها الخطا والصواب فاذا اخطا الصقر فيجب ان نحترم طبيعته كمخلوق واذا اخطات الفراشه لابد ان نحترمها كمخلوقه ونعطى فرصه واتنين وتلاته
وخدى بالك الاتنين بجناح وبيطيروا برضوا ودا شىء مهم

Empress appy said...

فوكس

انا فاكره الرباعيه دى اوى
بس المشكله مش فى الناس كمان اللى بتستغرب المشكله اصلا ما بين الطرفين اللى مش بيراعوا بعض
نورت يا فوكس

Empress appy said...

فتاه من الصعيد


الحقيقه ساعات بيكون طمع بس لو كان حب فاعتقد انه ها يبقى كبير اوى اوى

Empress appy said...

سومه


م شكل حاجه بطير تبقى متوافقه الصقر جوارح والفراشه حاجه هشه