فرعون وزلطحون

المارينا احدى الاماكن المفضله لدى هنا فى دوله زلطحون
والغريبه ان محدش بيتحبرش بحد زغم الزلط ملط اللى الناس فيه

لا يخفى عليكم او على اصدقائى المتابعين لى انى من هواة التسكع والتسنطح فى الموولات وعندى داء ولا اجد له دواء وهو الشوبينج وزاد الامر بشراهه حيث اننى مجبره يا ولاده فى بلاد الضباب الذى اعيش فيها الان ان اقتل وانحر بعض الوقت فى الشوبينج
لان بعد الشغل لا اجد شئ اعمله غير انى اطلع روح زوجى كل يوم أعانه الله على فعلا بس يالا احسن يستاهل حد قاله ياخد واحده مش عاديه زى
المهم هنا اجد اغلبيه الماركات فانا اتسوق من ارمانى وجيس واتش اند ام واديداس او جاب وكل الناس الطيبيه دى المحترمه
ما يدعو للاسنغراب فى الموضوع ان تقريبا ومقربا نفس الماركات فى مصر ولكن هايهات اقول لكم بعد ثلاث شهور غربه ما الفارق
الفرق ان ربع مرتبى يستطيع ان يشترى ليى طقمين او طقم من ارمانى او من جيس وخمسه على الاقل من اتش اند ام او اسبلاش
واستطيع ان اشترى روج ماركه استغفر الله العظيم ديور او جيفنشى
ام فى مصر لكى تشترى فقط قلم روج او كحل فعليه العوض ومنه العوض فى المرتب نصف المرتب اذا كنت من قابضى الالف جنيه او اقل
هنا لا يوجد شئ اسمه جمارك العالم دى متعرفهوش لذلك تلاقى السنه كلها خصومات واشترى قطعه وخد عليها قطعتين
عندهم فن رهيب فى البيع عندنا فى مصر قبل الخصومات يزودوا الاسعار وبعدين يحطوا 50 فى الميه
مع ان هنا المحلات اللى بتحط 50 فى الميه محدش بيلتفت لها
اعلم ان المقارنه ظالمه فنحن 80 مليون وهنا عدد السكان اقل عشرين مره من عدد الوافدين وعلى الرغم من كدا وعلى الرغم من صغر الكويت بحس ان البلد دى فاضيه
مصر مواردها فين
احنا برضه فين من الحياه المرفهه دى انا لا احقد على الناس كلا وحاشا وانضرب على قفاه بالماشا
ولكن كنا زمان نتباهى بااننا فراعنه واننا نملك الاهرامات وهى ملكيه عامه باى ذا واى يعنى
طيب قولوا ليه لو الاهرامات اتهدت اختفت جه الراجل اللى بيخفى الحاجات خفاها
هيبقى عندنا موراد تانيه ايه
عاوزه حد يقولى ايه الانجاز اللى احنا دلوقتى 80 مليون عاملينه
يعنى لو الاهرام خلصت والنيل مشى راح مشوار احنا عندنا ايه
فرعون حالف بشنب جده ليعيش المصريين فى تقشف طول عمره
زلطحون بيدى للناس قروض ويسقطها عنها
وعلى الرغم من كدا الناس هنا حسه ان زلطحون واكل فلوسها كمان
فرعون حالف طلاق بالتلاته لمرتبنا مش يكفينا عيش جبس
زلطحون بين كل مطعم ومطعم مطعم تالت
فرعون بياخد ضرايب وعلى لارغم من كدا عندنا 40% تحت خط الفقر بل فى اخره كمان
زلطحون مبياخدش ضرايب وحتى المطلقات او اللى لهم ظروف خاصه بياخدوا فلوس من الدوله
زلطحون بيحاول يعمل اى تطوير فى اى حاجه علشان يقول احنا موجودين
احنا بقى اكتفينا بالاهرام وحضارة سبعه تلاف سنه وشدينا اللحاف واتغطينا

يشهد الله ان هذا ليس قر ولا نح ولا حسد وانما حسره من القلب على البلد


كان معكم ابى هانم بتنجانى


حكمه الامبراطورة

اللى متحتاجش وشه النهارده بكره تحتاج طراطيف صوابعينه

30 اخبط وقول رايك:

لورنس العرب said...

بالنسبة للشوبينج
ولله انا ليا 2 اصحابي في أمريكا بيقولوا لي لو معاك في أمريكا مليون دولار هاتنزل تصرفهم من كتر ما الحاجات بتشدك
وفعلا بيجيبوا معاهم حاجات من هناك غريبه جدا والحقيقه انا بنتهز الفرصه وبخليهم يجيبولي معاهم كل الهدوم اللي بلبسها كل سنه لنها رخيصه جدا مقارنة بأي محل اديداس او تيمبرلاند هتلائي الاسعار نار
اما بالنسبة لموضوع المصريين واللي بيعمله فينا الأخ
اعتقد ان ده شيء مكتوب على المصريين
احنا خير اجناد الارض
لو جت لنا الفلوس هانرتاح- ولو ارتحنا مش هانعمل حاجه وهانبقى زي العالم اللي في قطر والكويت وغيرهم وهناكل ونقعد
اعتقد اننا مكتوب علينا الوضع كده للنهايه لحكمه لا يعلمها إلا الله
احنا عندنا في مصر الانسان مغوط من اولى ابتدائي- عليه ضغط المزاكره والامتحان وهو طفل- وبعدها ضغط الوظيفه والبحث عنها وبعدها ضغط تدبير نفقات المنزل بعد الزواج
ده تقريبا مش موجود في أي مكان
عشان كده المصري غير اي حد تاني
مكتوب عليه يستحمل للنهايه
ده قدر الله في خير اجناد الأرض
ولهذا السبب رجال مصر غير الآخرين
ونساء مصر غير الأخريات

empress appy said...

لورانس

طبعا فكره الارخص دى كويسه انا بس مضايقه من اللى بيحصل فينا يعنى عندنا ماركات بس مرتبات يوك
عندنا ماركات بس نار يا حبيبى نار
يعنى تفتكر لو دخلت نكيست عندك واهو فى كارفور هتلاقى هناك تى شيرت او بادى حريمى ب20 جنيه اهو انا جيباه هنا بما يعادل علشرين جنيه
على فكره احنا فعلا لو مسكنا فلوس فى مصر هنفترى بس الناس هنا مش قاعدين وبس يا لورانس والله فيه ناس بتشتغل هنا وبيحاول اه شغل بدائى وتحسه مرفهه بس برضه اهو كويس
وبعدين مواردنا فين البلد دى مش فيها غير البترول وعاوز اقولك النكته الكبيره بيقطعوا الكهرباء
احنا فين يا جدعان فين بجد

ويكا said...

سبحان الله
واله انا كنت لسه سرحان فى الموضوع ده وانا جاى الشغل النهارده ، ولقيت نفسى بقول
مصر اساسا مكتوب على اهلها ، انهم ما يبقاش معاهم فلوس ابداً (الناس اللى عايشين فيها) .

من قديم الازل ، الى الان لم اسمع بان المستوى المعيشى بتاع المصريين كان عالى ابداً .

طوووووول عمرهم كانوا منهوبين ، والفلوس عند قلة معينه معروفه ، وباقى الشعب (اسمحه محدودى الدخل ، حتى من ايام فرعون كان فيه يا محدودى الدخل يا معدومى الدخل).

حاجه غريبه فعلا والله.

اما بالنسبه للشوبينج، بحاول اغير ام الخصله السوده بتاعت نهم الشرا دى الى صفة نهم الفرجه بس، ههههه
لانى يا بتنجانه مخروب بيتى ، وعمرى ما وصلت لاخر الشهر ومعايا فائض من المخزون المالى . فى ظل ان ولاد اللذينه اصحابى كلهم مأنتخين وشايلين على قلوبهم اد كدهحتى ولو دخلهم اقل من. (رهاب والله ، يا اما انا اللى اهبل)
ههههههه

اما بالنسبه للماركات
فيا بنتى مش السعر بس ، لا والغريب الجوده والله كمان ، لو نفس الماركه ، بتلاقى الجوده هناااااا فرق رهيييييب.

مفيش فايده ....... :-(

مصر بقى (ام الدنيا - لازم تضحى بعيالها لاجل ابو الدونيا يعيش وهو واللى حواليه ، زوجه بحق بصراحه ).

هههههه

empress appy said...

ويكا

بص يا باميا ويكا انت انا عن نفسى باخد جزء من مرتبى افرتك فيه اما الباقى بشيله حاول تعمل كدا ولو انت زى م شقادر تبطل شراء لانى مش من هواه الفرجه بس
احبس نفسك فى البيت وطلع غلك فى اصحابك هههههههههههه
اما عن تضحيه الزوجه فدا احسن نثل علشان تعرفوا الست المصريه بتعمل ايه هههههههه
يا ويكا فى كل بلد سرقه فىيه هنا سرقه والناس مش راضيه برضه عن الوضع بس عارف لما يبقى رحامى نضيف يعنى برضه مش طماع انما احنا عندنا حرامى طماع بجد

مجداوية said...

السلام عليكم
أزيك يا سكينة ياللي سانة السكينة
:)

الحمد لله أرماني ملوش في النقاب ولا العبايات
:)
أنا بحب الشياكة في الجزم والشنط بس مش لدرجة جيس أبدا
الحمد لله المهم يبقى الإنسان شكله مهندم وصدقيني مش بالماركةوكمان بصراحة بقيت بأستحرم مش زى الأول لأن فيه ناس مش لاقية تلبس ولا تاكل

المهم
أنا مستغربة إنك معتعرفيش موارد مصر منين

وزير المالية قال إن الضرائب رفعت الميزانية وكل ما التزم الناس بدفع الضرائب كل ما الخزنة اتملت
وكمان فلوس المعاشات والمضاربة بيها في البورصة
لااااااا مصر منتجة طبعا
وطبعا مفيش حاجة حتخلي الضرائب والمعاشات يختفوا فدي موارد ثابتة
نصيحة من مغتربة سابقة
متشتريش كتير حتى لو الحاجة رخيصة
أنا كنت عاملة زى ثروت عندي تلاتة من كل حاجة
وفري فلوسك لأولادك وللزمن
خليكي بين البنين
وخير المور الوسط
وربنا يسعدك ويوفقك يا بتنجاني

أحمد الحيدر said...

مساء الخير أختي العزيزة ..

ولو إني لم أعرف معنى زلطحون ولكن أعتقد أنني عرفت شخصه :)

نعم لدينا في الكويت محترفو تسويق ويستطيعون بيع السمك وهو في الماء .. وبالطبع البضائع النسائية من ماكياج وملابس وغيرها هي الأكثر رواجا لسهولة التسويق على الجنس اللطيف .. ولكن صدقيني ليس الجميع قادر على الشراء والاستمتاع بهذه الماركات الثمينة .. ربما تلك هي الصورة النمطية لدى من يرى الكويتيين من الخارج .. اما الواقع فأظن أنك ستكتشفيه أكثر مع كثافة الاحتكاك بالمواطنين .. لا أقصد مواطني الشوبينج فقط بل الجميع :)

نعم .. نحمد الله مليون مرة أننا أفضل من غيرنا بكثير .. لكن أيضا عندما نقارن بجيراننا الأعزاء - اللهم لا حسد -- مثل الإمارات وقطر .. ندرك أن زلطحون أكل الأخضر واليابس .. وترك لنا الفتات ..

معلومة للتوضيح فقط .. عدد المواطنين في الكويت مليون و200 ألف تقريبا .. وعدد الوافدين يفوق المليونين .. لذا لسنا أقل بعشرين مرة ;p


عموما .. تمنياتي لشخصك وزوجك الكريم بالتوفيق وطيب الإقامة في بلدكم الثاني .. وبالتوفيق لمصر وكافة أهلها أيضا :)

تحياتي ..

empress appy said...

احمد الحيدر



كنت مستنيه ردك على فكره فى الشركه اللى انا فيها جالنا ناس كتير محتاجه الشغل فعلا بس فيه غريبه مش فاهماه ومش هقدر اكتبها هنا على الملاء وتخمينك يا اخى العزيز عن زلطحون صح والمعلومه جت ليه من اخوه كوايته برضه اصدقاء لينا هنا
وسبحان الله وانا راجعه النهارده من الدوام
انا وجوزى بقوله ان اكيد البلد دى فيها ناس تانيه احنا مش شايفنهم
ونفسى اشوفهم واعرف عايشين ازاى انا عارفه ان فيهم عدم عدل فى حاجات كتير وخاصه اللى بدون مش واخدين كل حقوقهم حقيقى الصوره مش واضحه قدامى
بس بصراحه بشوف حاجات بتفرس وتغيظ
فيه ناس غريبه فعلا
على فكره انا مش بنتقد الكويت ككل انا بنتقد سلبيات شوفتها فيها ولو تفتكر لما سالتك عن موضوع البطاله مقدرتش احكم عليه بنفسى وسيبتك انت تحكم وقولت لك مقدرش احكم على مكان مش عايشه فيه
انا اشيفه ايجابيات كتير هنا
بس انت عارف لسانى اتمنى متكونش زعلت منى بجد
واتمنى اعرف واشوف الناس التانيه اللى مش عارفاهم انا ولو اقدر اساعد زى ما كنا بنعمل فى مصر بس انا جديده ومش عارفه كتير
اتمنى تساعدنى
سعدت بكلامك يا اخى العزيز وشكرا لامنياتك لينا

empress appy said...

مجداويه

مانتى ريا الجميله اكيد زعلانه منى من البوست اللى قبل اللى فات بس عارفاكى بتكبرى دماغك انتى
انا فعلا بشيل يا مانتى بس انتى عارفه اللى فيه داء سواء فى مصر او بره
اما عن الموارد فحدث ولا حرج
وحشانى يا مانتى
وحياتك لادور فى ارمانى على نقاب وانتى ااقل منها بس سيبك انا شوفت محلات فى اماكن تانيه زى الفحاحيل عندهم نقاب لكى واحد هديه منى وشنطه كمان وشوز بس قولى مقاسك فى الشوزات يا جميله بس وبنوتك فى الخدمه وخاصه ان اول نزوله ليه هتكون فى اليكس ان شاء الله

فتاه من الصعيد said...

ده موش حسد ده قر :)))

مصر بقيت تكيه وكلنا ولاد البطه السوده ..

وللاسف الفساد هنا ملوش حل ... زاد وغطى

وللاسف اكتر ان الناس ساكته :(

تحياتي

مجداوية said...

تسلمي يا آبي
أنا مش عايزة حاجة الحمد لله عندي الدنيا كلها
أنا عايزاكي تكوني سعيدة وربنا راضي عنك وانت راضيه
ربنا يكرمك يارب وتفرحي وتتهني

Shaimaa said...

اذيك يا أبى يارب تكونى مبسوطة فى الكويت

شوفى يا ستى .. كل قرايبى اللى عايشين برة مصر اللى منهم أسرة كاملة فى الكويت .. وفى انجلترا وفى العودية.. الكل بيأكد ان أغلى بلد على مستوى العالم فى الأكل والشرب واللبس هية "مصــــــر" لدرجة انهم معدوش بيحبوا يرجعوا يعيشوا هنا تانى

نهر الحب said...

بطلى شوبنج يابت وحاولى
تذكى لاخوات الغلابة اللى محتاجين كرستين ديور او ايف سان لوران هناك افتكرينا بحاجة بدل ننق عليك
يابنتى متقرنيش مسوى الرواتب فى دولة من اعلى مستويات الاجور والمعيشة فى العالم بدولة فقيرة يا ابى

عموما لنا الله

الدفاع said...

بعد ده كله جايه تقولى ان زلطحون ضرب فرعون على قفاه ؟؟؟؟؟؟؟؟
اه يا بلد

MR.PRESIDENT said...

رينا يوفقك ويسعدك
في ناس مريضة بالتسوق
يعني ممكن يستلف عشان يعمل شوبينج
-------
ربنا يجعل ايامك سعد وهنا
وطاعة لربنا
وبالتوفيق

MR.PRESIDENT said...

رينا يوفقك ويسعدك
في ناس مريضة بالتسوق
يعني ممكن يستلف عشان يعمل شوبينج
-------
ربنا يجعل ايامك سعد وهنا
وطاعة لربنا
وبالتوفيق

t3ban said...

نقول علي الدنيا السلنكتيه
موارد مصر في الكريديت

أحمد الحيدر said...

تحية .. متجددة :)

أولا لا تفكري للحظة أختي بأني أزعل أو أتضايق لكتابة أي موضوع عن الكويت .. ليس فقط لأنك حرة في رأيك ولا يستطيع أحد أن يحجر عليه .. بل لأن في مثل هذه الموضوعات فوائد كثيرة قد يصعب حصرها .. من بينها معرفة رأي الأخوة المقيمين بصراحة ودون مجاملات في الكويت وبالتالي إمكانية تصحيح أي وضع خاطئ .. ومنها توضيح نمط الحياة والصورة الحقيقية لها من الداخل من قبل الوافد لأبناء بلده دون تأثر بالإعلام والمسلسلات الكويتية السخيفة التي لا يظهر معظمها الحقيقة :)

لذا فمن واجبي الشكر لا الزعل ..

بالمناسبة نشر في الصحيفة التي أعمل فيها (القبس) اليوم تحقيق عن بعض الأسر الفقيرة المتعففة يمكنك الاطلاع عليه للاستزادة .. كما يمكنك إن رغبت زيارة أي لجنة خيرية ومتابعة حالات الفقر الموجودة هنا .. وأقولها بكل أسف أن بعض هؤلاء كويتيون أبا عن جد ..

قضية البدون شائكة جدا ومعقدة ولها تفاصيل تاريخية معقدة .. صحيح بعضهم مظلومون لدرجة لا يمكن تخيلها .. وآخرون ظلموا أنفسهم بأنفسهم ..

أما إذا احتجتم إلى أي شيء خلال إقامتكم هنا أو لديك أي استفسار تحرجين من طرحه في المدونة فأتمنى ألا تترددوا في مراسلتي .. وبريدي الالكتروني متوفر في ملفي الشخصي على مدونتي المتواضعة :)

تحياتي لزوجك الكريم وكافة الأهل ..

empress appy said...

احمد الحيدر



بجد ميرسى يا احمد وطبعا عارفه جريده القبس وقريتها بس مش متابعه جيده لها
عموما اكيد هبعت لك حاجات كتير وشكرا على رايك وفعلا حتى انا وانا فى مصر بنتقد مصر فى حاجات بيكون علشان تتصلح مش علشان ارخم علينا يعنى
وحتى الكويت نفسى كل الدول العربيه تبقى كويسه احنا مش اقل من الغرب
وفعلا موضوع الاسر الفقيره دا محتاج كلام كتير واسئله فى بالى كتير
متشكره ليك ولسعه صدرك

empress appy said...

تعبان


كريديت مين دا بتاع مين يعنى سلفه ليه بليز

empress appy said...

شيماء

ربنا يخليكى يا حبيبتى الكويت حلوة بس انا مش ناويه اقعد فيها طول عمرى مش ممكن نسيب الحراميه فى بلدنا يعنى ونقعد بره دا كدا افطس بدرى









مجداويه


حبيبتشى ربنا يديلك كل اللى تتمنيه يا رب دنيا واخره

empress appy said...

نهر الحب


يا خراشى اول مره اشوف شحات بماركات :P

انا عنيه ليكى يا ننوسه










الدفاع


مين ها ايه انا مقولتش حاجه

واحدة مفروسة said...

وديه كانت نهاية دولة الكويت الشقيق
:))))))
ما هو حال مصر اتدهور من النق عليها ،و طمع ناسها فيها قبل الغرب
ااااه ياني يا بلدى، حالك يبكي،
:D لكن و لا تزعلى بكرة الكويت تبقا زيك
ولما يحصل :)))))) حنبعت آبي فى دولة أخري شقيق .
ا

Ahmed Faissl said...

طب عندك فكرة ان الراجل اللي بيخفي الحاجات كان جه عندنا فعلا وحاول يخفي الأهرامات وما عرفش..؟
مش أي حد يا ماما :D

عرفة فاروق عبد لله said...

السلام عليكم


يعنى ان مكانش المصريين هيغلوا اى حاجة بسبب ومن غير سبب مين هيغلى

دى جزمة جلد فيران دلوقتى ب100 جنية ولسة هتغلى تانى

اما بخصوص زلطحزن وفرعون
فدول ربنا يعينهم مش عارفين يعملوا مع الناس ايه واحد عندة كتير وبيشترى سكوت وواحد عنده كتير وبيفترى

تحيتى\

هندسة وصفية said...

حاسس اني عايز اختلف مع فكرة التدوينة
لاني انا لما نزلت اجازة من شهر كدة و لفيت في مصر لقيت نفس الماركات و لقيت نفس الاسعار الي هنا ان ماكانتش اغلي كمان و قعدت افكر طب هو الناس الي بتشتري دي مش ممكن كلها راجعة من الخليج و لقيت ان عادي ان الي قاعدين في مصر زيهم زيي بالظبط و قادرين يشتروا نفس الماركات و مش طبعا مش كل المصريين مفهوم ان في كتير مطحونين بس الي اكتشفته كمان ان في ناس اصحابي و دفعتي و فس سني مرتبهم 4 و 5 الالف و في ناس برضه اصحابي و دفعتي و مرتبهم 25 و 30 الف
احنا عندنا هنا مشكلة كبيرة جدا متعلقة بينا ان المصريين مفتقدين لثقافة العمل و التطور و كل واحد بياخد شهادته مهما كانت و يدور علي و يموت نفسه علي مكان يخلل فيه لو لقاه
انا قعدت مع الراجل صاحب توكيل مانجو والله العظيم قالي انه سلسلته في مصر شالت بقية السلسلة في الخليج وقت الازمة الاقتصادية
انا حاليا بتجيلي عروض في مصر اقل بحاجة بسيطة من الي بخدو في الكويتو بجهز اني اصفي اموري و فعلا امشي
لو عايزة الانجاز فعلا الغائب عن حكومتنا انها مشغولة و خايفة علي امنها و امن الدولة و سابت التعليم يخرب و الي بيتخرج انهاردة ميفرقش كتير عن طالب 3 اعدادي

عايش... ولكن !!!! said...

عاااااااادى يا جماعه احنا طول عمرنا كده
والبلد دى تكيه طول

dodda said...

ya benti enti tayeba awi

homa armani webta3et h&m kalo dma3'ek awi keda???

e7na mawaredna homa 80 milion bani adam..
we tab3an ensi mawdoo3 el7aga bebalash kedeh bta3et shalbeyeh we elwe7da els7eyeh...
we mabrook elgawaz

علي محـمــــــد said...

السلام عليكم

الله الله الله .. قبل ايام عرفت من واحد من اصحابي في المدونات المصريه ان آبي تزوجت وراحت الكويت :) مبروك ولو انها متأخره .. الموضوع ياستي مش صح لانك قارنتي بين الكويت ومصر من الناحيه الضريبيه وهذا غلط لان العالم كله يقول ان الخليج فرصه لتجاره مالها مثيل لان الضرايب عندهم تقريباً صفر .. والمقارنه الاصدق والافضل هي المقارنه بين مصر وبريطانيا مثلاً لان بريطانيا دوله تفرض الضرائب وهي عاليه عندهم ومع هذا دخل الفرد مميز جداً ويعتبر من الاوائل في العالم .. يعني الموضوع مش موضوع ضرايب بقدر ماهو موضوع ادارة بلد :)

في امان الله

Basees said...

تهنئاتي لك بشغلك الجديد في الكويت، وأتنى لك قضاء أوقات سعيدة ومثمرة في وطنك الثاني

مجرد عابر سبيل
لك تحياتي

t3ban said...

انا كمان فاضلي 18 يوم و اجيب 4 شهور بعيدا عن المحروسة و قاهرتي انا
فكك من كل
هلاهيل وسط البلد برقبت سنتربوينت و سيتي ماكس و دافنشي و مادفنشيش
شبراوي جسر السويس بيشبع اجدع من اجدعه مبثوث ولا بخاري
زنقة اكتوبر في ميكروباص حلوان الساعة 2 الضهر اريح من اجدعها ليجزس منكرش و لازم احمد ربنا اني اخيرا سوقت الاكورد و الجي ام سي و الكايين و المرسيدس
بس عربيتنا اريح و احلي بكثير كفاية اني ضحكت فيها من قلبي
اوعي تفتخري بغير مصر
انا لسة مبهدل واد يباني الناهردةفاكرني شب تيكي تيكي من الي بياكلو بيتزا طول النهار ميعرفش ان اسكندراني بطعم ليل القاهرة