ما تحاسبنيش

لكل اللى كنت فاكرهم اصدقاء او قريبين او حتى فى شغلى او حتى حياتى الخاصه اللى دخلواا حياتى وقررت انى خلاص اقفل الباب فى وشهم خلاص مبقاش لكم مكان فى حياتى خالص
وبالمره بس دا مش ضعف منى ولا عمرى كنت هقبل انى ابقى ضحيه ولا انا ضحيه
بس انا عندي دم وحره مش عيله ولا بهد الدنيا ولا بغدر بحد كل الفكره ان اللى بحسه بعمله وبس
واعتقد انا راعيت مشاعر كتير جدا محدش حس بيها ولا قدرها
ولو مش فاكرين افتكروا بوست انا مش ليلى يا عبدوو
انا مش هفأ انا قويه واقدر اخد قرارات بوسه كبيرة لكل الحاجات اللى قررت ارميها من حياتى
مووووووووووووووووووا

।youtube.com/v/U-VjYLWYcvE&hl=en_US&fs=1">

ملحوظه :- الموضوع ملوش علاقه بجوزى اصل الناس بتدخل الخطوط فى بعضها انا وهو كويسين الحمد لله انا بتكلم عن الىل كنت فاكره انهم قريبين ليه سواء دلقوتى او قبل كدا

انتهت

حكمه الامبراطوره

ضاقت عليها ولما استحكمت قلعت جزمتها

10 اخبط وقول رايك:

t3ban said...

و أنا كمان جامد قوي
و بعرف اخد أقترارات

empress appy said...

تعبان


انت شاطر بس عارف اصعب حاجه ايه انهم يكون اصدقائك مثلا او ناس بتربطك ليهم حاجات كتير جدا وفجأه ميقدروش مجرد وجودك فى حياتهم ويبداو يلعبوا بدا
قيس على دا كل حاجه فى حياتنا سواء شغل او سياسه او احداث بتحصل
يالا كل حاجه هتاخد الشر وتروح

فتاه من الصعيد said...

معلش وكده احسن كتير

الصداقه بتحملنا واجبات تجاه اصدقاءنا...فمفيش داعي نتحمل من حد ما يستاهلش

تحياتي

صمت المشاعر said...

اصعب حاجه انك تشعر انك تحترم وتحب حد سواء كانوا اصدقاء او في مجال عمل ويقابلوا احترامك وحبك باشياء اخري مش كويسه

ربنا يارب يسعدك ويبعد عنك الشر دايما

سومه...مجنونه فى بلد عاقل said...

يعنى اييييييييييه الكلام دا؟؟؟

(ست* جنى* الحسن) said...

سلامو عليكو..
حاولى متخليش الكره يملا قلبك لحد لانه لو ملا قلبك هتخسرى حاجات كتير حلوة جواكى هتندمى عليها وقتها
اعملى بحكمة الحسن البصرى :
اذا احببت حب الا قليلا
واذا كرهت اكره الا قليلا
انى احبك فى الله

حسن حنفى said...

اسوأ حاجه ان الواحد يقدر حد ويعزه والتاني يطلع مش يستحق حتي مجرد المعرفه ويحاول يستغل تقديرك ليه
الانسان ساعتها مش بس بيندم علي انه وثق في حد مش يستاهل لأ كمان بيندم علي انه
ضيع جزء من وقته مع انسان زي ده
بس في النهايه بتكون تجربه وعدت :)

مهيج الجماهير said...

من حبنا حبيناه و صار متاعنا متعه و من ( مش عارف عمل ايه كدة ) يحرم علينا اجتماعه

خليها على الله
و صدقينى مبتقفش على حد

تحياتى :)

empress appy said...

ويكا


وانت يعنى من امتى بتفهمنى ها ها
لا كدا كفايه عليهم :P







سومه


بس يا بنت انتى زيك زى ويكا خليكوا كدا بناركم

empress appy said...

باقى الناس تعاطفك لوحده مش كفايه اتبرع ولو بربع جنيه مخروم

ميرسى يا جماعه والله انا كويسه جدا بس فيه ناس كدا لازم من حين للاخر يتهز عليها الغربال