العميد ميت





اولا ميعاد بؤجه الخير الشتوى قرب ادخلو على اللينك علشان اللى عاوز يشارك انطح يا ريس

من ساعه ما دخلت عالم التدوين وعرفت مكان البورصه وربنا وعدنى بناس شوزات متتقلعش من الرجلين وناس بتتلزق وناس بتترسم وناس منافقه وناس واطيه وكدابه والمثل اللى فى الجنب لهم

وناس كويسه اوى ورجاله اوى وجدعه اوى بنات وولاد من ضمن الناس ربنا وعدنى بعبد الرحمن فارس اللى يا ربى مفيش مرة واحده يطلبنى يقولى على خبر كويس مرة يصحينى على خبر اعتقال مره على حريقه مره على مظاهرة وعلشان اسكته بقى من اول المكالمه اقوله قول المصايب بس ورا بعض
من كام يوم كلمنى وقالى العميد ميت مختفى او محمد عادل (واللى ميعرفهوش هو مدون ) اتخضيت قولت له يعنى ايه قالى قمل الدوله راحت فتشت بيته بالليل ومسالتش عليه وملقتش اساسا حاجه

قولت له يمكن مستخبى فى مكان قالى كانوا سالوا دول داخلين يدوروا على اى حاجه وبس وطبعا الشباب مسكتوش وراحوا عملوا مظاهرة عند مكتب النائب العام وقدموا مذكرة علشان يعرفوا مكانه والراجل مشكور قالهم بعد 24 ساعه وفعلا رد ويا ريته ما رد لانه قالهم انه فى لازوغلى ربنا يجعل كلامى خفيف على قلوبهم وعقولهم

طبعا من واقع معرفتى شخصيا بمحمد عادل ولقائى معاه بالصدفه البحته اكتر من مرة عارفه ومتأكده انهم لو هدوا بيتهم وسالوا كل نمل البيت حتى مش هيلاقوا حاجه .
ليه بقى لان محمد عادل او العميد ميت ولا بتاع منشورات ولا بتاع جعورات ولا يافطات بيعلقها على قفاه ولا عنده كتب تكفير ولا بتنجان ولا حتى عن فيجتار لانه شاب معتدل جدا وعاقل جدا رغم صغر سنه اوى
محمد عادل بالرغم من اختلافى كتير معاه فى آراء الا انا عن نفسى شايفه فيه الشاب المحترم الجدع اللى فعلا بيعمل الكتير وفعل مش اقوال
محمد عادل كل تهمته انه بيساعد الفلسطنين كل تهمته انه بيزورهم كتير فى المستشفيات تهمته مش زى ما اشاع البعض انه علشان اخوان على الرغم من انه اخوان بس الحقيقه ان مش دى التهمه بتاعته
التهمه الحقيقيه انه بيأخد ادويه وبطاطين ولبس ويعديهم رفح ومجهود فردى هو وخمسه او عشره بيروحوا مواصلات يعنى ولا قوافل غاويه فرقعه اعلاميه ولا بيكون بيعدى وشايل يافطه على صدرة علشان حد يقبض عليه ويروح يقول للاسد انه اهو

محمد عادل كل هدفه من جواه مساعده الناس ممسكش بندقيه ولا رشاش ولا بيخل ويخلخل بالامن القومى زى ما بعض المتخلفين المجعرتيه قالوا

محمد عادل لما عاتبته مرة على انه مجاش معانا بؤجه الخير وقولت له انت زى القرع تمد لبره قالى والله ما كنت اعرف قولى ليه سيبى ليه خبر وكان هيجى معانا البؤجه دى الجايه
تانى مرة لما قولت له على موضوع الدويقه وبزعق معاه اكتشفت انه راح وساعد ناس كتير وكان لسه راجع من غزة اتكسفت انى معرفتش وقولت له ليه مقولتش قالى مش لازم امسك يافطه واقول انا عملت ايه انا بعمل لربنا

على الرغم من كونه اخوان لا يوم سمعته قالى اتحجبى ولا اعملى ولا رفض النقاش معايا بيسمع ليه وبيتناقش باحترام وبيقبل النقض ولما بيكون غلطان بيقول
فى مرة طلب منى حاجه وكنت هعملها بس الظروف بقى ساعدته انه يعمل ده لوحده بس وعدنى المره الجايه انا اللى اعملها بقوله والله هتحبسنى وهعترف واقول انا اخوان بس الاب ديت الجديد بتاعهم اللى من غير حجاب وبجينز قعد يضحك
محمد عادل زيه زى زى الف شاب فعلا بيعملوا مش رغبه فى منصب ولا رغبه فى فرقعه اعلاميه ولا فى جايزه ماليه ولا معنويه
علشان كده قولت ابسط حقوقه انى اتكلم عنه
قبل ما يتقبض عليه بكام يوم كان كاتب استات على الجايكو قبل ما طفاطيفو منه لله منه لله منه لله بركاته تعود عليه والاكونت انسى الباس وورد او يتنيل ومش عارفه افتحه واضطريت اعمل واحد تانى
انه حاسس انه ميعاده فى امن الدوله قرب دخلت سالته ليه قالى قبضوا على واحد زميلنا واللاب توب بتاعه عليه صور لينا قولت له وايه يعنى هو انتم كنتم ماسكين دبابه ولا صاروخ ولا ايه
قالى والله صور عاديه ولا فيها نمله حتى واقفه ما انتى عارفه بنقعد نهزر ازاى
قولت له ربنا هيستر ان شاء الله
مكنش خايف من اعتقاله لحاجه الا انه هيعطله على انه يساعد ناس كتير فى فلسطين وفى مصر برضه
انا عرفت محمد عادل الانسان بصرف النظر عن كونه اخوان او حتى تبع حركه احم احم ولا وتنى لا لو وتنى مش هدافع عنه هقوله احسن تستاهل لان دول معمول لهم غسيل مخ
بجد محمد يا عادل برغم اختلافى معاك ان شاء الله هتطلع وانت راجل وجدع ومحترم فى زمن قلت فيه اوى الحاجات دى
محمد اتعمل له امر اعتقال ومش هيتعرض غير بعد 40يومين على النيابه ربنا يستر وميقعدوش يرتبوا ليه فى دولاب اتهامات
او يقولوا بيعمل عمليه انتحاريه فى مناخيرة ولا بيهدد امن اصحابهم وحبايبهم اسرائيل ومطير النوم من عنيهم ولا منتمى للقسام ولا لاى حاجه تانيه لانه فعلا مش كده

ادعو ليه وكل اللى زيه

ملحوظه كلبوظه :- انا مليش دعوة ببعض تعالب الاخوان انا قابلت شباب صغيرين منتميين للاخوان بس قولت لهم كلمه واحده لو كل الاخوان زيكم كان زمان مصر كلها حبتكم بس للاسف وسطهم الكتير اللى مش كويس واللى غلب عليه مصالحه الشخصيه
غير كده للتوضيح محمد متقبضش عليه علشان مدون لا علشان بيساعد فلسطنين ولو هنقول علشان اخوان فكان زمان اتقبض عليه من زمان بس علشان هو ناشط الفتره اللى فاتت فى انه يروح ينقل حاجات ومساعدات للفلسطنين وزى ما قولت مجهود هو وكام واحد فردى يعنى مش قوافل

عبد الرحمن يا فارس الهى يسترك نفسى مره تجيب ليه خبر عدل يا اخى بدل ما اولع فى الموبيل وفيك زهقتنى

كان معكم ابى هانم بتنجانى لواء اركان حرب محابس قمل الدوله للفتره القادمه

حكمه الامبراطورة

ياللى بتدور ورايا على اى ملوخيه اتبطوا بقى يا حسدوتيه


واللى بيته من زجاج يقلع فى البلكونه لانه مكشوف ومش هيستخبى كتير



71 اخبط وقول رايك:

حسن حنفى said...

اول تعليق مش معقول

حسن حنفى said...

يمكن اكون اول تعليق ويمكن لا

المه ربنا مع محمد عادل انا مش اعرفه معرفه شخصيه بس سمعت كتير عنه ويمكن اهتميت باني اعرف عنه اكتر بعد الاختطاف ثم قرار الاعتقال
ربنا معاه يارب
ويحفظه من مكرهم

دمتي بخير

Mohamed Hamdy said...

رغم انى مقابلتوش ومشفتوش شخصيا ومقريتش مدونته بالإضافه لاختلافى فى الرأى مع الفكر العام للاخوان المسلمين الا انى لما قريت كلامك وكلام صحابه عنه عرفت ان الانسان اللى الناس تتكلم عنه كده مستحيل يكون انسان مش كويس

اظن اقل حاجه يقدمها صحابه له دلوقت هى انهم يتكلمو عنه .. ويفكرو الكل بقضيته .. وطبعا يدعوله من قلبهم لحد ميخرج من المحنه دى

تحياتى

mido said...

حيقرفوه شوية زى محمد رفعت و مراسل الدستور فى اسكندرية حسام الوكيل وبعد كده يخلوه سبيله
قال يعنى قرصة ودن

Dr Ibrahim samaha said...

ربنا يجعل كلامك خفيف علينا

انا من دول عدم الإنحياز يا رجالة :)

د إبراهيم

Dr Ibrahim samaha said...

طيب وعايزة واحد حاطط فى مدونته الوصر اللى حاططها
http://43arb.info/meit/

والله اعلم بس اكيد ليه صلة بيها

عايزة الحكومة تعمل معاه ايه؟

تتطبطب عليه

~*§¦§ Appy §¦§*~ said...

حسن حنفى
=============
اه والله اول واحد ههههههههههه
يا رب ربنا معاه






Mohamed Hamdy
==============
والله يا محمد بجد رغم اختلافى زى ما وضحت وعدم حبى للى بيعملوه
بس انا بتكلم عن محمد عادل الانسان واللى شوفته منه بعيد عن اى حاجه

~*§¦§ Appy §¦§*~ said...

ميدو
=======
يا ريت تيجى على كده وليه اساسا يقرصوا ودنه هو عمل ايه ما انت عارف يا ميدو







Dr Ibrahim samaha
==============
معلش يا دكتور الحكومه تعمل له ايه فى ايه
هما دول بيقتلوا فلسطنين ولا مصريين
يعنى دول معملوش حاجه
وبعدين انا بتكلم عن انسان
ويا سلام لو واحد بيحب القسام ولا حماس ولا ابو رجل مسلوخه الحكومه تعتقله
واحد اتكلمت عليه زى ما قولت وربنا اعلم بكلامى انه صح وكان قدام شهود الحكومه تعمل فيه ايه ده سؤال بزمتك
هما قفشوه بيموت حد فى مصر
ولا قفشوه بيعمل عمليه انتحاريه

لما تقولى على ده يعملوا فيه ايه
يبقى بتوع العبارة الحراميه القتايلن القتله سابوهم ليه
بتوع تلوث الدم
البلاوى اللى بتحصل فى المستشفيات
الظباط اللى بيقتلوا كل يوم مواطن

اللى بيسرقوا الفلوس ويهربوها
عز وهشام وكلاب الحزب
دول اللى المفروض يتعمل فيهم ولا ده
عموما انا لو هيتقبض عليا شخصيا علشان بساعد اهل بلدى وفلسطنين
اكرم ليه من حاجه تانيه وتبقى وسام على صدرى يا دكتور بجد

Dr Ibrahim samaha said...

انتى فهمتى انا عايز اقول ايه
؟؟؟
!!

~*§¦§ Appy §¦§*~ said...

د/ ابراهيم
=============
انا فاهمه انك مستنكر اللى الحكومه بتعمله وانا برد عليك من المنطلق ده وبوضح غيظى من الحكومه
مأخدتش المعنى التانى اللى هو احسن يستاهل الا كنت ساعتها زعلت منك اوى
يمكن ردى فيه انفعال بس لانى متضايقه من الموضوع وخاصه لما يكون عن واحد انت عرفه شخصيا

د.مادو said...

طالما اخوان يا أبى لازم يتظبط شويه ويطلع دى معر وفه وهو و شطارته بقى فى الاستجواب..ربنا يلهمه التثبيت ويبعده عنه السوء
بجد من كلامك عنه انا حبيته
بس أنا مفهمتش تهمته أيه؟

Dr Ibrahim samaha said...

المرة الجاية تلمى خرفانك :)

~*§¦§ Appy §¦§*~ said...

د/ مادو
=========
يا ريت واخدينه علشان اخوان دول هيكيلوا له تهم بلاوى عارف
كل مشكلتهم ايه
انه بيعدى حاجات لفلسطين ادويه وبطاطين واكل
حاجات عينيه والله والله يعنى ولا رشاشات ولا مدافع

bluestone said...

آبي انا ماقريتش التعليقات طبعا
بس هقولك رأي باختصار
من حق كل الناس واولهم اهل محمد نفسهم يعرفوا ابنهم فين ؟؟

بس اللي بيغيظني جدا
الحملات اللي طالعة تقولك اختفاء مدون

محمد عادل مش مجرد مدون
محمد عادل عضو في جماعة الاخوان المسلمين اللي ليها مشاكلها الخاصة مع السلطة

مش بقول ان الانتماء للاخوان تهمة طبعا لكن في النهاية الجماعة ليها حساباتها ومشاكلها مع السلطة
وكتير ما يقبض على اعضائها لاسباب مختلفة

وده سبب القبض على محمد
مش لانه مدون
عشان بس نحط الكلمات الصحيحة في مكانها الصحيح برضه

نوارة نجم مثلا بتسب وتلعن في النظام ليل ونهار
ومحدش قبض عليها
ومدونين كتير جدا بيشتموا في الحكومة ورئيسها كمان ومحدش اعتقلهم

لكن لما يبقى واحد منتمي لجماعة الاخوان ويتقبض عليه
وبالصدفة يكون عنده مدونة ما يبقاش معتقل لانه مدون
ولما يعتقلوا واحد نزل مظاهرة وبالصدفة عنده مدونة ما يبقاش اعتقل لانه مدون

~*§¦§ Appy §¦§*~ said...

bluestone
==============
ايوه طبعا معاكى انه متقبضش عليه علشان مدون
واللى يقول كده يبقى عبيط واهبل
بس يا بلو فيه اخوان كتير مش مقبوض عليهم فهمتى
محمد عادل كل مشكلته انه من فترة طويله وهو نشط اوى فى موضوع فلسطين
وبيسافر زى ما انا وضحت
ومش قوافل يا بلو
زى ما بيحصل هو بيروح فردى
ومرة منهم طلب اوصله بعربيتى لغايه الموقف بتاع العريش قولت له هوديك للاسماعليه بالادويه والبطاطين
وطبعا انا ولا هشيل متفجرات ولا فلوس
بس واحد صاحبه تانى راح معاه
وسافروا
فمحطوط تحت المراقبه من فتره
غير كده لما اتقبض على محمد خيرى زى ما وضحت لقوا صورة محمد عادل من ضمن اللى عنده
فاهمه طبعا
وفى النهايه ربنا ياخد اى حد يكون السبب فى حبس حد
والتخلى عنه
ميرسى ليكى يا بلو وعلى زيارتك







د/ ابراهيم
==========
ههههههههه ماشى يا دكتور عويناتى
حاضر اسكت بدل ما اسيبهم عليك فى الكوكب

mony said...

للاسف يا ابي فكرة الناس عن الاخوانيين وحشة

بس و الله يا ابي ده نتيجة الاعلام

انا قابلت منهم كتييير

و الله كل اللي قابلتهم اخلاقهم زي اخلاق عميد ميت كده بالضبط

و اللي يبين لك اد ايه الغالبية العظمي عندم كويسين انهم وقت الاتخابات اللي فاتت كتير من المسحيين انتخبوهم

و الله بجد

مسيحيين يا ابي كانوا بيروحوا لجان الانتخابات و ينتخبوا الناس بتوع الاخوان
و اللي قاللي كده مش من الاخوان

ده من الناس اللي كانت في لجان الانتخابات
(الموظفين)

ربنا يرفع عنه
و يرحمه منهم و الله

علشاان الناس ديه هيلفقوله تهم مايعلم بيها الا ربنا
و يجيبوله شهود كمان


ربنا يسترها و يشمله برحمته الواسعة



حلوة اوي اخوان بالاصدار الجديد ديه
ههههههههههه

~*§¦§ Appy §¦§*~ said...

mony
==========
مونى يا قلبى مش عاوزة احبطك واقولك انا قابلت منيلين بنيله مش دى الفكره خالص
انا مش بدافع عن ميت علشان هو اخوان لاااااااااااااا كلااااااااا البطه
انا بس بدافع عن انسان قلبه على بلده بصرف النظر عن كونه اخوان او حتى مسيحى وفى نفس الوقت والله
بيموت فى فلسطين
يا بنتى دا انا بسمعه كلام سم وعادى جدا عارفه واحد مؤمن بقضيته
وده نادر اليومين دول
اه يا اختى بدل ما يدخل حد يقولى انتى اخوان هههههههههه
تصدقى ابقى اب ديت تحفه هههههههه

رئيس جمهوريه نفسى said...

احم احم
ده انا بس اعلن انتمائى للحركة ولو انى مش عارف اية اهدافها بس يمكن تكون حتوزعى عيش ولا بطاطين قلت احجز بس لو روحنا قمل الدولة انتة عارفه انا محامى وضميرى صاحي حعترف من على الباب ومش حستنى انى ادخل جوه واقول انك زعيمة التنظيم
موضوع محمد عادل ايام ما كنت بكون فى القاهرة وبروح البورصة ولو انى شايف انى ده مش حيتكرر على المدي القريب او البعيدمحصلش لية نصيب انى اشوف محمد عادل او اقابل ولا حتى زورت مدونته في يوم بس من كلامك كل اللى حقدر ااقولة ربنا يفك سجنه ان شاء اللة
بخصوص جواب الاعتقال يا ابي تقريبا هو بعد ال40 يوم بيتقدم تظلم من امر اعتقال فى محكمه جنوب القاهرة للمحكمه مش عرض للنيابة
موضوع الاخوان انا خلافي مع الاخوان فكريا مش شخصيا انما على الشخصيات الاخوانية انا اصحابي اخوان وبحترمهم وبيحترمونى ومحمد من الاخوان او لا شخصية محترمه من خلال اللى بيعملة ربنا يجزاية عنه خير ان شاء اللة
-------------------------
بخصوص تنظيم حركة احم احم الاجتماع الجاى امتى

إيما ( أم البنين) said...

آبي الجميله
ولو إني مش عارفه بالضبط تقصدي مين بالواطيين..لكن ربنا مع محمد ويحفظه ..أعجبت بتصرفاته من كلامك ..ربنا يحفظه ويحفظ كل شباب مصر
سلامي لكل إللي هييجوا بؤجة الخير..وسلام الزعارير كمان
تحياتي
كتبت تدوينه عن فرقعة الصحافه المصريه ..يهمني تقريها
سلام

~*§¦§ Appy §¦§*~ said...

رئيس جمهورية نفسى
================
هههههههههه انت عاوز تسلمنى بزمتك ينفع
بعدين يا محمود الريس هو ميشو انا نيبته التقيله هههههههه
عموما مقدرش ابث فى موضوع الانضمام
غير لما اخد راى الزعيم اللى ان شاء الله هخلعه قريب ههههههههه
محمد فعلا انت مشوفتوش بس زى ما قولت انا بضامن مع انسان مش مهم هو مع مين وكفايه اللى بيعمله
نورت يا محمود وخلى اللى يطق يموت






ايما ام البنين
==============
الواطين عارفين نفسهم يا حبيبى متشغليش بالك وانا جاااااااى فى السريع

عاشقة القمر said...

ازيك ابي
واحشتني
هو انتي مش بتفتحي ايمل

عارفه اخوان من مصر في السودان بعانو اوي
كل مره يكون عايزين يزور اهلهم في مصر بيرجع عيشان في حالة رعب
بذكر انو مره نحنا في مطار مصر كلنا دحلنا عادي

بس واحد مصريه فتشش هو عندوشنطه صغيره اتخليوه من اخوان
بجد انا زعلت اوي من قصه دي

عارفه ابي اي احد في زمان يعمل خير هو يرموا عليه بلاوي كلها
ام ناس بجد واحشين هم يكون عيشان سعيدة بس اهروح فيان من ربهم
ام ناس بتعمل الخير جزاءهم عدم ربنا ان شاءالله اهدخل الجنه
بس دنيا عايزه صبر

ربنا معاهم

tamer.sala7 said...

ربنا يفك حبسه هو وكل المظاليم اللي محبوسين بأمر قوات الاحتلال المصري

اوعى تفكر said...

ربنا يفك اسر محمد وكل الابطال اللى زيه اللى وقفه فى وجه النظام وقالوا لا للفسادربنا يفك اسره هو وكل المسلمين
................................
انا حقيه اختلف معاكى كتير فى رأيك عن كلامك عن الاخوان
يمكن حضرتك متعرفيش الاخوان عشان كده بتتكلمى عنهم كده
مش معقول تبقى ناس عايزه مصالح شخصيه
وهم فى اى وقت معرضين للاعتقال ومصادرة اموالهم مثل اعضاء مكتب الارشاد
بالذمه لمما واحد يتحبس كل شويه وياخدوا فلوسه
هيبقى عايز ايه؟

~*§¦§ Appy §¦§*~ said...

عاشقه القمر
==============
لا يا حبيبتى مش بفتحه خالص

غير كده معلش هما هنا اى حد مربى دقنه بيفتشوه حتى لو هو مربيها علشان مش معاه فلوس يحلقها
وعموما الاخوان مبقوش يربوا دقنهم على السنه
نورتى يا قمر







تامر صلاح
==========
يا رب يا تامر يا رب

~*§¦§ Appy §¦§*~ said...

اوعى تفكر
=============
اهلا بيك ويا رب يفك كل اسره
بس والله انا مش فى وقت ولا مجال اناقش عموما هقولك
عاوزين الحكم ده اولا علشان كده صابرين وعارفين انهم هيرجعوا كل حاجه
غير كده طبعا اوعى انت تنكر ان فيه اللى داخلين الجماعه وبينتموا ليها مصالح وبيزنس وعيب انا اللى اقول لك ده والله مقولتش كمان من فراغ
ده من تجارب شخصيه واحتكاك
وده مش عيب لان فى كل مكان لازم يدخل اللى يكون مش كويس
فهمتنى يعنى هتلاقى فى كل الاحزاب فى مصر والدنيا كده
فيه الكويس والوحش
بس الجماعه بتتحمل مسئوليه ده ليه بقى
اقولك لانهم المفروض يدققوا فى مين يدخل ومين لا
لان انتم عندكم خمسميه راى وخمسميه كلمه وخمسميه قائد لكل مدينه جوه محافظه ولا انا غلطانه
عموما فى النهايه مش انا اللى بحاسب وهما مش همى دلوقتى انا همى ان ده يطلع
وكمان المتنيل يغور فى داهيه
فهمت
نورت ومعلش رغيت بقى
واتمنى متزعلش من راى يا ريت

مهندس مصري said...

انا ما أعرفش محمد عادل
بس و الله حبيته من كلام الناس عنه
واضح انه انسان محترم و عظيم
ربنا يكرمه و يفك سجنه
و ينتقم من الظالمين

اقصوصه said...

اعجبتني حكمة الامبراطور جدا :)

الله يفك اسر العميد يا رب

تدوينه جميله

تقبل مروري :)

mohamed ghalia said...

ربنا معاه ويعينه
بس عايز أقلك إنى عندنا فى مصر كونك تنتسب للأخوان ده جريمة بتحاكم عليها
تهمة الإنتماء للجماعة المحظوره
ربنا معاه وإن شاء الله يرجع على خير
دعواتنا كلنا ليه

عاشقة القمر said...

تعالي مدونه شوفي ترجم
مش بتاعت امثال وادها تاني
ههههههههههههههههههه
اهتموت من ضحك
هههههههههههه

عاشقة القمر said...

تعالي مدونتي عشان تشوف ترجمه ههههههههههههههههههههههه

مواطن مصرى نايم said...

و الله يا ابى الواحد مش عارف يعمل ايه
البلد دى بجد خلاص بجد بتتمص
فاضل يعملوا فينا ايه يعنى
بيع و باعوا
جوع و جوعوا الناس
سرقة و سرقوا
ربنا معانا بجد
و محمد يرجع بالسلامة

ahmed_k said...

بجد الواحد بيحزن على اللي بيحصل في بلدنا
يعني الدوله مش عايزه تقدم العون لأبناء غزه الذين يموتون من تضييق الخناق عليهم بلا ذنب أو جرم أرتكبوه
ولا منفس لهم إلا حدودهم مع مصر
وعندما يقوم بعض الرجال بتقديم العون بشكل فردي عبر الحدود ويقدموا مساعدات يقبض عليهم
وبالتأكيد هذه المساعدات لاهي سلاح ولا مفرقعات دي مواد غذائيه وأدويه وما شابه يعني مفيش جريمه يعاقب عليها القانون أرتكبوها
أسأل الله أن يفك كربهم وأن يجعل ما يلاقوه جهاد في سبيله ويجزيهم به خير الجزاء

تقبلي مني خالص التحيه

سارة نجاتى said...

تخيلى اتضايقت له أوى , أولا ده شىء مش كل الناس بتستحمله , بس كويس أن كان متوقع , لأن صدمة بتبقى أسوأ شىء زى ما حصل مع اسراء عبد الفتاح
ثانيا هو فعلا مكنش بيعمل حاجة ؟ بس يتهيىء لى أنهم مش ح يقعدوه كتير , أصلوا مش بيعمل حاجة خطيرة يعنى
ربنا معاه يا رب و على فكرة أنا د
لسه عارفة الموضوع من عندك


و بالنسبة لصاحبك بتاع التليفونات ده , ولعى فى الموبايل طبعا

سلام يا جميلة

المحارب المتيم said...

آبى هانم

ربنا معاهم يارب هو واللى زيه

وميروحش اسيوط

لازوغلى ارحمله منها

جميل جدااا الكلام اللى كتبتيه فيه صراحة وود وتفهم

وياريت كل الناس زى النماذج اللى بتتكلمى عنها

فى ناس كتير زى محمد بس مش واخدين حقهم فى البلد دى

تحياتى

انا ودماغي said...

الحقيقة أنا اول مرة أسمع عنه

بس إن شاء الله ربنا معاه و يحفظه من كل شر يا رب

الراجل ده رائع بجد

عايش... ولكن !!!! said...

اهى دى اللى بيقولوا عليها قرصة ودن
بس تصدقى انا كل ما بسمع عن ناس زى محمد بفرح ان بلدنا لسه فيها ناس بتدافع عنها وبتضحى بحاجات كتير علشانها
برغم انى معرفهوش بس من كلامك اتأكدت انه انسان كويس
ربنا يفك اسره

daktara said...

بجد شعور (جمع شعر)رائع منك
عايزين كل المدونيين يكونوا يد واحده
ربنا يفك سجنه وسجننا كلنا
تحياتي لك ولمدونتك الرائعة

انظر حولك
د. خالد عزب

daktara said...

Your comment has been saved and will be visible after blog owner approval.


تاني
امال ايه بقي موضوع ابو ورده ده
هو طلع مغشوش
راجعي نفسك يا هانم
وخلي التعليق يظهر علي طوووووووووووووووول

daktara said...

الا صحيح هو ايه
HR
انت بتشتغلي فيه
ولو كده ما تشوفيلي شغلانه معاكي
ده انت اللي عندكوا البهاريز كلها
ههههههها

¶¶ღِِAhMeD 3LaMღ¶¶ said...

الشاب ده في مليون واحد زيه
فعلا فعلا فعلا
وكلهم مشاء الله زيه بيدخلو المعتقلات
بتهمة
فعل الخير

واحد جارنا شاف كام منظر من المناظر الي بنشوفها في التليفزيون
قام الدم غلي في عروقه وقال انا عايز اروح فلسطين اجاهد
ياعم يهديك يرديك مفيش فايده
من يوم ما راح ولحد ما رجع
واتمسك طبعا قبل ما يدخل

وهوه قاعد في بيتهم
ولا بيصلي ولا بيخرج ولا حتي صلاة الجمعه بنشوفه
تخيلو انتو بقي ايه الي خلاه يبقي كده
ايه الي اتعمل فيه

fashkool said...

تصورى يا ابى انتى خوفتينى فى الاول وكنت فاكر الكلام بجد .. بس الحمد لله طلع مقبوض عليه بس .. على العموم هناك 20 الف معتقل فى السجون .. قلبى معاه

مصــــري said...

آبي هانم

ربنا يستر عليه
أنا قابلته مرتين أو تلاتة في البورصة
يمكن ما اتكلمتش معاه
بس صحبة فارس كلها جدعان وكويسين

محمد من النوع المحترم
الفارس الصامت
اللي يعمل الخير لله وبس
بدون تحزب أو اتجاهات سياسية فارغة
كان الله في عونه وعون أهله

أسامة

esraa said...

ربنا يخرجه بالسلامه يارب

محمد الكومي said...

ربنا يصبر اسرته

و يهون عليهم

حاجات جوايا said...

لا إله إلا الله
الدنيا دى والله بقت شئ مقرف
مفيش فيها حاجة كويسة
ويوم ما يكون فيها حد بيعمل لدينه .. يبقى مكانه السجون
بجد احنا بقينا فى آخر الزمان
ربنا يرحمنا ويفك أسره

dr.Roufy said...

ربنا معاه وينجيه ينجينا من الى احنا فيه يا آبي..زي كل مرة هاقولك ..مش لاقية تعليق يتقال
الكلام كله بقى شبه بعضه
:(

قوس قزح said...

يا حلاوة يا ولاد
ده فى حاجات كتيرة مشتركة بينا و بينه يا رحاب يا اختشى
مدون
و بيساعد الناس
و قعد على البورصة
و اتعرف على عبد الرحمن فارس :)
و الانيل بقى الجايكو اللى شكله متراقب ده


و كان جاى البؤجة ؟؟ و كنا هنتصور على اللاب توب ؟؟
لولوى .. يعنى اجهز الشنطة يا رحاب و لا ايه !!
بصى احنا ساكنين جنب بعض فبدل ما نعمل شنطين كفاية شنطة واحدة لان هى طلعة واحدة لنا احنا يا اختشى سوا سوا

هو بس فى سؤال اخير
هو انا لى صور عندك على اللاب توب ؟؟ اصل يظهر الصور بقت نوع من انواع
منشورات .. طيب صور فرح اختك البنت لسه عروسة حرام عليكى

حسبى الله و نعم الوكيل
مش صعبان عليا غير اهله ربنا معهم
ابسط حقوق الانسان فى اى مكان فى الدنيا انه يكون له مكالمة تليفون يطمن اهله او يطلب محامى
ربنا معاه بجد

الطائر الحزين said...

ربنا يطمنا عليه

فعلا ابواب الخير كثيرة وتحتاج من يطرقها حتى ولو بمفردة

بارك الله فيك لالقاء الضوء علي محمد لفته طيبة منك

لورنس العرب said...

ربك يخلصه من اللي هو فيه
بالنسبة للإخوان قليل جدا منهم اللي بالوصف اللي وصفتيه

قلب مصرى said...

إن شاء الله ربنا هايسترها معاه هو وكل اللى زيه ويخرج بالسلامة، وربنا يبعد عننا عيون اللى بالى بالك بقى.

micheal said...

أولا بالنسبة لبؤجة الخير..فللأسف للسنة الثانية مش حقدر أجب والمرة دي بسبب أني مطالب بتغطية انتخابات اتحاد الكورة في نفس اليوم
:(
بس ربنا يوفقكوا وأتمني أن أكون معاكوا فيها السنة الجاية
أما النسبة لعادل فبصراحة حاجة تستفز وتحرق الدم وتخلي الواحد ينطح ويطلع أوبريتات وأغاني وطنية عليها
يعني لو كان عادل ده غرق ناس في عباراة ولا سرطنلهم الأكل زي يوسف والي كانه زمانه براءة و علي رأي المثل
احم احمووه...طز في جيمي وأبوه
ربنا يرجعه بالسلامة
تحياتي يا نايبة جدعة

!!! عارفة ... مش عارف ليه said...

هي دي مصر يا عبلة


ودمتم
وليد

MAKSOFA said...

تعرفي بتفكريني بشبابي ايام الجامعه ، كنت متحمسه زيك كده وبعدين الدنيا والحياه غيرت كتير مني

همس الاحباب said...

ربنا معاه
ومع كل الشرفاء المحبين لتراب الوطن
ربنا ينصره باذن الله

تحياتى

الراجية عفو الله said...

السلام عليكم ورحمة الله وبركاته
لدي مشكلة عرضتها في مدونتي
http://la7zat200.blogspot.com/
ارجو اعاطئ رأيك

شكرا

mahasen saber said...

آبى كده يا ابى تقطعيلى قلبى يا بنتى انا ناقصه انا حزينه على الولد المحترم ده جدا وحزينه اكتر على اهله ربنا يصبر مامته وباباه
لا حول ولا قوة الا بالله

mahasen saber said...

وانا اسفه على الاكونت بتاعك اليى اتضرب بسبب الفيديو بتاعى تعيشى يا جميله وتاخدى غبرها ..
بس على فكره انا كنت بحبك كتير دلوقتى بحبك كتير قوى قوى مش عشان الاكونت اتضرب بسببى لا عشان انتى فعلا بنت جدعه وقلبك طيب وشكرا يا جميله على اهتمامك ده وعملت التحديث زى ما انتى قولتيلى وحاولت محاولات شتى عشان احط الفيديو انا ومحمد نضال بس خلاص مش لقيناه بس بجد من قلبى مليون شكر على اهتمامك
ربنا يكرمك وتفضلى جميله من جوه يا رحاب كده علطول

~*§¦§ Appy §¦§*~ said...

مهندس مصرى
================
المحترم عمرة ما يختلف عليه اتنين بالرغم ان فى زمنا ده متستبعدش حاجه ادعيله وانت بتحج هو وكل مظلوم






اقصوصه
==========
يا بنتى دل اقل حاجه عندىى هههههههههه

~*§¦§ Appy §¦§*~ said...

محمد الغاليه
==============
المشكله مش فى كونه اخوانه المشكله انهم متهمين انه على علاقه بالقسام وده غلط طبعا ربنا معاه






مواطن مصرى
===========
هتعمل ايه هتقعد زينا بدل ما ياخدوك واحتاس من غيرك اقعد هنا احسنلك

~*§¦§ Appy §¦§*~ said...

احمد
=======
ما هو فيه اتفاق ما بينهم وبين اخوانا البعدا علشان كده لازم يحافظوا عليه عموما بكره نشوف ايه اللى هيحصل






سارة نجاتى
=============
معلش اصبرى انتى بتشبهى مين بمين
انتى بتشبهى واحده بالصدفه عملت حاجه بواحد فعلا بيعمل الكتير
اسكتى يا بنتى متفتحيش بقى فى الموضوع ده خالص خالص
نورتى يا قمر

~*§¦§ Appy §¦§*~ said...

المحارب المتيم
==============
انت شكلك اتنفيت على اسيوط ولا ايه
عموما يعنى الشوزات هما اللى واخدين حقهم فى البلد دى معلش نورت الكوكب







انا ودماغى
=============
اهلا اهلا انت خليك فى كليتك بس وخلى بالك منها

~*§¦§ Appy §¦§*~ said...

عايش ولكن
==========
عن نفسى بتمنى تبقى كده ويطلع بدون اى خساير خالص يا ريت






daktara
==========
هقولك موضوع المودريشين الناس الحقير على النت كتير وعندى واحد مريض بيدخل يشتم وانا عمرى ما هنزل لمستواه ابو ورده مش الغرض منه الشتيمه بس التهزئ بأدب بس لا يبقى فيه حوار اصلا انما واحد بيشتم وبس اعمل ايه
واضح انه تربية خدامات بقى
ربنا يشفى يا رب
وعموما انا بنزل كل الاراء يا دكتور

~*§¦§ Appy §¦§*~ said...

¶¶ღِِAhMeD 3LaMღ¶¶
=====================
مش عاوزة اتخيل خالص صدقنى لانه هيبقى صعب عليا
ربنا يرحمه يا رب







fashkool
==========
انا حسه اننا بقين كلنا محبوسين فى كوابيس مش بس معتقلات

~*§¦§ Appy §¦§*~ said...

مصرى
======

مش كلهم يعنى وفارس عارف هههههههه
ان فيهم الواطين بس عاادى هو وضياء وكام واحد زى الفل بصراحه ربنا معاهم







اسراء
========
يا رب

~*§¦§ Appy §¦§*~ said...

محمد الكومى
===========
اه يا محمد ولده تعبان جدا







حاجات جوايا
===========
علشان تحرموا تحبوا بلدكوا شوفتى اخرتها

~*§¦§ Appy §¦§*~ said...

د/ روفى
===========
ادعيله يا دكتوره بس يا ري






قوس قزح
===========
ههههههههههههههه انا مش فاكره انتى شوفتيه ولا لا
وبعدين يا بنتى وشنطه على ايه متقلقيش هما هيجبوا لنا لبس ابيض فى ابيض وناعم وحرير
دول ناس ذوق ذوق ذوق هههههههههه
صورك على الكام معتقدش هيفتشوها يعنى هههههههههه
ادعيلهم يا دوللى ربنا معاهم

~*§¦§ Appy §¦§*~ said...

الطائر الحزين
===============
ربنا يبارك فيك يا فندم والله

ادعيله من قلبك






لورانس العرب
===============
عارف مين الشباب الصغير لان الدين والحماس واخده اوى اوى بجد وده كويس بس عيبهم انهم انضموا فى وقت الاخوان بقت ميولهم السياسيه طاغيه وبيقدموا تنازلات كتير علشان الحكم والحكومه

~*§¦§ Appy §¦§*~ said...

قلب مصرى
=========
يا رب يا ابو رقيه







ميشو
========
يا لهوى انت جاى تغنى النشيه الوتنى هنا
رحنا فى داهيه ول اقولك 1000000000 طز يا عم ولا تزعل احنا لنا بركه الا انت يا ريس

~*§¦§ Appy §¦§*~ said...

عارفه مش عارف ليه
=================
والله ما انا عبله يا بيه
انا بنت مصريه نفسى اعيش كويس بقى






مكسوفه
=========
يشرفنى اكون زيك
واتمنى مفيش حاجه تبعدنى ولا تعطلنى
وفعلا بينى وبينك من كتاباتك دلوقتى حسه انى هبقى زيك فى حاجات كتير عاااااااااا

~*§¦§ Appy §¦§*~ said...

همس الاحباب
==============
يا رب يا ابو همس
واحد شاى بقى الهى يكرمك علشان دماغى اتقلبت ولا هاااا اروح اسلمك واقول بيساعد فى تنميه العقول هههههههه








محاسن صابر
=============

اهلا اهلا
اولا لا شكر على واجب بجد فرحت لكى اوى
موضوع الفيديو هسال طفاطيفو واشده من حرف التى واجيبه يظبطه تانى اعتقد الاكونت بتاعه حصل فيه حاجه فهحالو اشوف هو نقله فين
وبعدين يا حج انا نفسى بس مشاكلك تتحل كلها كلها وتطلع من البرنامج بفايده يعنى مشاكلك تخلص ده المهم ليه

أيمن بدر said...

ازيك يا ابى عاملة ايه. ايه اخبار التدوين معاكى
مفيش حد يسأل عليا كده وانا غايب ..ماشى
طبعا كان نفسى اعلق فى موضوع مفرح شوية بس لقيت الموضوع مهم طبعا ربنا يفك سجن محمد عادل ويصبر اهله
وبجد جميلة اللفتة الجميلة منك لموضوع مهم زى ده
تحياتى