اولبيريت غونائى لوزعى

الالولبريت ده بعته ليه صديق مدون مسوس عاوز يخلص منى ويسلمنى يد بيد لمين مش عارفه

بس عموما انا قولت هنشره بما انى عندى احبال فاضيه كتير واهو رزقى على ربنا هو بصراحه الواد عبقرى مع ان النحس لازق فى قفاه بس ما علينا قولت اكتشف مواهبه

وبينى وبينكم هو كا ن خافى كيفه شره بس انا اللى سوسوه وزنيت عليه ننشره

وبناء عليه اقر واعترف انى اتحمل كل حاجه فى الدنيا دى الا عواقب الاولبريت ده هههههههههههخخخخخ

بس لمساعده اخونا اللى هو انا وهو يا ريت لو حد عنده الهباب ده الاصلى كامل يبعته ليه وان شاء الله ينضم للحزن بتاعنا بتاع حزمنى يا وحركه شباب احم احم

وامانه عليكوا والله ما بحب الحلاوة يا جدعان مشوها كنتاكى او اتنازل واكل ماك مع انى مش بحبه واه محدش ينسى العصير انا بحب الفرواله

يالا كله يغنى مع الاولبريت للفنان العظيم صحاب حركه احم احم ومشوها احم احم علشان عيب

خمنوا بقى هو مين اللى هيودينى فى داهيه ده

اخترناه

اخترناه اخترناه..يوم ما نهب خيرنا وياه
اخترناه اخترناه من أول خطبة سمعناه
اخترناه اخترناه من أول سرقة فهمناه
اخترناه اخترناه..وادينا شفنا الفقر معاه
وده تورييث مش تزييف بكره ندق الطبلة وراه
هم كبير حمله تقيل جاي يذل في جيل وراه
اخترناه اخترناه زوروا اللجنة وقولنا الاه
اخترناه اخترناه قالوا رأينا وقلنا اه
اخترناه اخترناه..في مشروع توشكي وجربناه
اخترناه اخترناه..خرب بيتنا وصدقناه
وده توريث مش تزييف بكره ندق الطبلة وراه
مص بلدنا وهد بيوتنا وشوفنا خلاص الويل وياه..وإحنا معاه لما شاء الله
لا حينفيني ولا يخفيني ولا فيه مصلحة بيني وبينه الا السجن وقمل الدولة..وبقولها وعوضي علي الله
علشان كده احنا اخترناه
عهده بطالة وكله دعارة وأهي كملت بالعبارة..داس القاضي علينا بالجزمة وقالوا براءة يا خلق الله
علشان كده احنا اخترناه
قلنا وقالوا زود ماله..ما هي عزبة أبوه سايبهاله..وأما يحابي يقوم يتغابي ويجيب عز وزير وياه
علشان كده احنا اخترناه
أول مرة يا مصر يا حرة تدوقي طعم العيشة المرة بعد ما خرب وقالوا بيعمر.كرهنا طعم العيشة معاه
علشان كده احنا اخترناه


كان معكم واحده مش اختارت حد فى دنيتى غير اصحاب حلوين واصحاب تانين شوزات بس قلعتهم خلاص من رجلها وفضل الحلوين اللى بحبهم

شكر واجب لرينا نسرين بسيونى حبيبتى وبنت القمر وقوس قزح ومفروسه وكامى فوندامى ورئيس جمهوريه نفسى وسكر سنكرة وكل الناس اللى

علقت فى البوست اللى فات ميرسي ليكم وبعتذر لانها كانت وقت نرفزة وراحت لحالها وخلاص

والناس اللى كنت مخصماهم وصالحتهم انا يمكن حتى واحنا بنتصالح دبيت كام كلمه وحشين بس علشان اقطع الفرص على اى حد انه ينقل كلام غلط وعادى يعنى انتم عارفين انى بلطجيه واللى فى قلبى على لسانى وبرضه هو كده

ابى هانم بتنجانى

وبلاش نداله يا جدعان لو جرى ليه حاجه عااااااا




132 اخبط وقول رايك:

رئيس جمهوريه نفسى said...

الاول من نفسى

رئيس جمهوريه نفسى said...

طب التانى علشان الحبايب

رئيس جمهوريه نفسى said...

والثالث علشان اختى العزيزة مش تزعل ودقيى يا مزيكا واروح اعلق
ملحوظه شفتى احتليت الكوكب بتاعك ازاى

~*§¦§ Appy §¦§*~ said...

رئيس جمهوريه نفسى
====================

طيب العب بعيد بدل ما ارش عليك ميه
ولا اقولك لا خليك دا انا شكلى هحتاج لك قريب عاااااااااااااا شد حيلك يا ريس بقى

رئيس جمهوريه نفسى said...

بصى يا بتنجانى بخصوص الشكر اللى انتى كتباة انا حتكلم عن نفسى واللة العظيم يا بتنجانى انا معملتش حاجة تستاهل الشكر لانى مش بتجمل عليكى وربنا وحدة اللى يعلم انا برد مواقفك معاية فدة حقك علية ومن الاصل ما فيش بين الاخوات شكر
بخصوص الاوبريت دة يا معملة انا صعيدى والصعايده مواقف وبمانى المواقف بتبان وقت الشدة فانا اخرى هنا ولا اعرفك والحمد للة انى سواء كان كنتاكى او ماك بيبعت ديلفرى فعادى يعنى تامري وانا هنا بالتليفون ابعتلك كل اللى نفسك فية بس انا ولا اعرفك ولا شفت اصلا انا بفكر اخش دنيا مش امن دولة

اهو ده عيبه said...

ياخرابى على الاوبريتات اللى تودى مسترد
ايه يا آبى الكلام ده
ياحبيبتى وجبة الكنتاكى بقت غالية والفراولة قليلة الايام دى
خافى على نفسك بقى

شمس النهار said...

ويحي قلبي ماذا اري
ابي
الست الوالده شافت البوست ده سؤال بس كده علي الماشي
وبعدين مين اللي قال ان الصراحه والليكون كل اللي في قلبه علي لسانه بلطجي
لا طبعا ده هو ده الصدق بعينه مع النفس
بس المهم الطريقه
ماتكونش خارج حدود الادب واللياقه
ماتخافيش كنتاكي كنتاكي مش خساره فيكي
ربنا يكرمك

اسامه عبدالعال said...

انا ماليش دعوه بالموضوع ده

اجروا من هنااااااااااااااااااااااااااااااا

... amr said...

انا اسمي مكتوب ؟؟؟؟

~*§¦§ Appy §¦§*~ said...

رئيس جمهوريه نفسى
================

طبعا مش محتاج اشكرك ولا تشكرنى بس علشان ناس تانيه تموت بالغيظ هههههههههه
وبعين هتتصل تبعت ليه هوم تليفرى يا نحنوت يعنى مش هاين عليك حتى تترافع عنى او حتى تيجى تصورنى ههههههههههه
وبعدين هعيب عليك ليه
اذا كان صاحب الاولبريت خلع من دلوقتى هههههههههههههه
نورت يا دودو






اهو ده عيبه
=============
طيب مشيها سندوتشات بسطرمه بالبيض حتى عااااااااااا

~*§¦§ Appy §¦§*~ said...

شمس النهار
=============
شمس قلبى الست الولده لا تعلم بتاتا البطه
انى عندى المخروبه دى هههههههه الا كانت قتلتنى بس احقاقا للحق السيد الوالد وخالى مشجعنى جدا هو تقريبا بابا فى نفسه يبعتنى بعثه ورا الشمس شويه ههههههههه وحياتك يا شمس بابا لسه مكلمنى بيقولى خالك بيقول انك منزله حاجه مش كويسه قولت له والله يا والدى ابدا دى اغنيه قالى طيب هتتصلى امتى تقولى خدوكى قولت له ادعى بس على العصر كده ههههههههههههه
موضوع البلطجه يا شموس ابدا انا بقولها هزار ومش بجرح حد حتى لما بقول كلمه وحشه والله اللى قدامى بيضحك يمكن انتى علشان مش عرفانى ومقعدتيش معايا فمش هتفهمى كلامى اوى
ربنا يخليكى ومتحرمش منك





اسامه
=========
اه يا ندل
طيب هقول انك انت اللى عملت كده هههههههههه

~*§¦§ Appy §¦§*~ said...

amr
========
دا انت اول اعترفا طيب يا جدعان شاركوا باى حاجه ايه رايكوا فى الاوبريت بصوتى هههههههه طيب حد عنده لينك البتاع ده الاصلى عااااااااا

عمرو said...

يا جماعه فيه قنابل مسيله للدموع حتتحدف دلوقتى على البوست ده و اللى يلحق يجرى يجرى ههههههههه

kafrawy said...

هههههههههههههههههههههههههههه

و الله العظيم ما اختارته و لكن ليا فيه

nody_1987 said...

صباح الخير يا ست ابى يا الى بتصحى 7 الصبح

بصى انا مش اختارت حد الراجل ده
خد الحكم 86
وانا مواليد 87
على فكره انا بقولهم انا عيشت كتير اوى هو الواحد مش هايموت بقى
انما ده ما زهقش لسه
سبحان الله

... amr said...

ولا اعرفك

ولا عمري شفتك

.........

مكنشي العشم ... :((((((((((((((

د.مادو said...

انا ما شوفتش الموضوع اللى فات
بس الصبح كده لاقيت موضوغ ليكى اسمه حلو و صوره كمان حلوة
كنت ناوى أرد بس ماليش حظ
بس كان نفسى أشوفك أوى
بتقولى ايه وانتى متنرفزه
يلا كويس انك هديتى
و الأغنية روعه

romansy said...

هههههههههههههههههههههه
شر البليه ما يضحك

~*§¦§ Appy §¦§*~ said...

عمرو
=========
ايه ده اللى ما فيه حد قالك هساند يا بنتى عااااااااااا





كفراوى
=========
امانه عليك لتغير الصورة وحياة اغلى شئ فى حياتى اللى انت حاطهها دى والنبى اقولك ومش تضحك بتخض وقلبى بيتقبض والنبى

~*§¦§ Appy §¦§*~ said...

نودى
========
سلامتك يا حبيبى ان شاء الله الوحشين نورتى يا نودى وبالمناسبه بقالى يومين والله ما نمت





عمرو
=====
كده اقرى الفاتحه للنداله يعنى

~*§¦§ Appy §¦§*~ said...

د/مادو
========

ههههه ليه تشوفنى وانا متنرفزة حرام بلاش بلاش بلاش
علشان متزعلش
نورت يا مادو





رومانسى
=========
كده كده ماشى اضحك وربنا يستر

mony said...

ليه كده يا ابي

مش خايفة علي نفسك خافي علي اهلك


و بعدين حلاوة ايه و كنتاكي ايه يا شيخة

ده اللي هيفكر مجرد التفكير هيتقبض عليه بالقمر الصناعي


اكيد انت تقصدي صاحب العمارة بتاعكوا

مشيها كده و قولي انا طويل و اهبل انا قصير و قزعة

علشان المحامي يلاقي حاجة يدافع عنك بيها
و يقول مريضة نفسية


ربنا معاكي يا ابي
لكي الله

mohamed ghalia said...

وبقولها وعوضي علي الله
عوضنا على الله فيكى يا أبى نشوفك على خير وترجعنا بالسلامة
وإن شاء الله هجيبلك عصير الفارولة والأكل من كنتاكى
هههههههههههههه
تحياتى

mayada said...

هههههههههههههههههه
صباحه اعتقالات
خدي الكوبليه ده بقي

ورفضناه .. ورفضناه يوم ما خلا عيالنا عراه
ورفضناه .. ورفضناه يوم مهبش فشحتنا وراه
دمه تقيل ..لاء وسئيل واكل قوتنا جيل ورا جيل
علشان كدا احنا رفضناه
جاى يرقينى عشان يدينى قلت الحد ما بينى وبينه
خنت بلادك سبت ولادك ميشيوا يعضوا فخلق الله
علشان كدا احنا رفضناه
وما يقابل بلديته يحكى ليهم فحكايته
شوفتوا اللحمه ..
غاليه ووحشه اما العدس لذيذ محلاه
علشان كدا احنا رفضناه
بعت قضية بعد قضية ورهنت الارض العربية
حتى الاخوه اهل النخوه ميشيوا وراك يا ماشاءالله
علشان كدا احنا رفضناه
ضحكته كالحه ونظرته سارحه وتدعى عليه الارض الصالحه
اه متكبر لاء متجبر وابو نواس يشبه لاباه
علشان كدا احنا رفضناه
قولنا وقالوا صم ودانه م الجرانين هيخبى عياله
اصل صحفافه مصر بحالها عرفت ان جمال دا زمانه
وتفضل بردوا عيالنا عراه
علشان كدا احنا رفضناه
علشان كدا احنا رفضناه
انا مهاجره سيادتك
انسيني

micheal said...

هع هع هع هع هع هع..ده أنتي نايبة مستبيعة بقي
:)
هههههههههه...بجد مش قادر امسك نفسي كل ما أشوف التعليقات وبالذات موضوع القنابل المسية للدموع اللي حتتحدف ع البوست
بصي حنعمل إتفاق
لو أنتي اتمسكتي..حجيبلك كنتاكي
ولو انا اللي اتمسكت..يبقي بيتزا هت لو سمحتي عشان ماليش في الكنتاكي
حنطلك كل شوية في المدونة عشان أتابع الكومنتات واضحك وبالمناسبة أنا حبتدي شغل جديد بكره
:)
يلا البوست وشه حلو عليا عشان عملت الكلام فيه بضمييييير
تحياتي

بت خيخة وأى كلام said...

احيييييييييه

انا عايزة اعرف فين البوست بتاع مش بخاف
وكنت عايزة اقرا ردك عليا

ولا انتى اساسا ماردتيش على حد خالص؟


بس حلو الاوبريت ده
ولايق مع الوقع اللى احنا فيه
انا لو منك
كنت نشرت اسم اللى ظبطه كدة
وهناك بقى هما هيتصرفوا معاه
وسلومة الاقرع مايعرفش اخوه


سلام يا بتنجانة هانم

اختك خيخة

~*§¦§ Appy §¦§*~ said...

مونى
========
لا مش انا انا مالى ده حد سرق الباس وورد بتاعتى ودخل كتب فى الكوكب انتى هتجيبى ليه تهمه هههههههههههههه





محمد الغاليه
================

طيب اقرى الفاتحه بقى انتم بتبشروا عليا ليه بس عاااااااااا

esraa said...

هههههههههههههههه

حلو اوي بجد

اللي عمله فعلا عبقري

~*§¦§ Appy §¦§*~ said...

مياده
=========
والله قولت من زمان بنات المنصورة رجاله ومش بنخااااااااااف
يا جدعان والله
هنضمك للحزب بقى ايه رايك
تهاجرى فين اقعدى هنا







ميشووووو
=============
شوفت نيبتك التقيله مش قولت لك
اقرى كلام مادى والله ينفع معانا
انا على بكره هنزل اسمك امال اروح لوحدى هههههههههه
مبروووووووك الشغل يا ريتنى كنت نزلت ده من بدرى

~*§¦§ Appy §¦§*~ said...

خيخه يا فضوليه
================
خلاص خلاص بخ
وبعدين انتى عاوزنى اقولك وانتى اساسا مش بتقولى لحد حاجه
عموما الموضوع انتهى وانا مش بنزل نفسى لحد خالص سيبك انتى ايه رايك فى الاولبريت ده حلو صوتى حلو وانا بغنى ههههههههه





اسراء
=========
ده تعب تعب يا بنتى لعى بال ما عمله
مقولش لكى

مهندس مصري said...

هههههههههههههههه
لو جرا لك حاجة حأتصل بكل اصحابنا اللي في مصر و اوصيهم على العيش و الحلاوة ليكي
:)

وومن said...

هو مين راح فين جه امتي ؟

كل ده حصل في الكام ساعه اللي روحت انامهم

يالهوي

كنت متخانقة مع مين وازاي اصلا انا معرفش هوانا وقعت بعيد عنك ولا ايه ؟؟؟
( وش بيهرش في راسه (

وكمان ايه الأوبريت ده طب لما يجوا يخدوكي اعمل انا ايه واصلا مش وقتة اختك علي وش جواز

يعني اروح اعمل معاها الواجب ولا اجيبلك عيش وحلاوه

هههههههههههههههههههههههههههه

يخرب بيت اللي يزعلك يا شيخة

روقي كدة انا اصلا حاسة اني بتفرج علي مسلسل فاتني حلقتين منه ومش مجمعة

يلا شكلي بهيس هابقي اجي بعدين لما اعمل الإصتباحة

فاتيما said...

سا بيبى إنتى مش هتسكتى غلا لما تاكلينا كلنا معاكى كنتاكى
أنا زى خيخة و فضولى يقتلنى لأنى أصلا ملحقتش لا أعلق و لا أقرى البوست من أصله ...
بس فاهمة بالويم كدا إن فيه حد رذل و ضايقك ...
معلش ساعة زعل و راحت لحالها
و ماعاش و لا كان اللى يضايقك يا قمر التدوين كله
أنا بقولها بجد يا آبى مش مجرد لقب
غنتى حاجة كبيرة قوى وسط المدونين و عالم التدوين عموماً
أى حاجة بعد كدا خايبة لا حد يصدقها و لا يهتم بيها
فسر يا جميل بالقافلة و لا تنصتى للعواء حلوة عواء دى ؟؟
تحياتى يا حبيبتى

... amr said...

انت بتغنية !!!! انا بقول البرد دة جه منين برضة ...... بتقري الفاتحة على قلة الاصل انتي مش كدة .. قشطة عليكي .... انا مش هرد عليكي

انا ردي هيكون في الملعب

هههههههههه

Oss said...

ده أنا كنت فاكر إن النشييييييييه-على رأى منى زكى- بتاع اخترناه ده هو السلام الجمهورى
لغاية لما دخلت المدرسه وعرفت الحقيقه المره

بس احنا ممكن نخلى نشيييه اخترناه المعدل السلام الوطنى لكوكب آبى
:)

تحياتى

قوس قزح said...

اصحابى الحلوين ؟؟
ما خلاص يا بتنجانى
مش هنبقى حلوين
قولى اللى كانوا حلوين
اللى هيبقوا متعلقين
و شعرهم منكوش
و قفاهم بالوان قوس قزح


انا من الاول قلت دى معرفة منيلة بنيلة هههههههههههه


مفروض الاوبرت الجاى تقولى
صورة صورة صورة
كلنا كده عايزين صورة
صورة لصحابى الرجعين
و دماغهم مبطوحة

ضد التيار said...

مش عارفه انتى قصدك الاوبرات الاصلي بدون التعديل

عموما هو هنا

http://www.4shared.com/file/68457207/f73c7187/_-_.html


سؤال برئ جدااااااااااااااا

انتى ناويه على ايه ؟؟

wanna b a physician said...

انا مليش دعوة انا مش اخترت حد ياستى انا براءه من الموضوع ده
انا جيت لاقيته وشكلى كدا انا هامشى وهو هيقعد هههههههههه
اه وانا البوست راح فين جيت اقرا واعلق الاقيه اختفى يا خرابى
يلا حصل خير ان شاء الله
سلام

جبهة التهييس الشعبية said...

هههههههههههه
ههههههههههههههههههه
ههههههههههههههه
ح اموووووووووووت

ابو على said...

ههههههههه
هو انا كل اما اشوفلك تعليق ولا بوست بحاول اسالك السؤال دا

هو انتى فشتك عايمه كده ليه

يوميات فنانه مفروسه جداا said...

ايه ده
ميييييين

فييييييييييين
انا فيييييييييين

ايه مين انا ازاي

ممكن قرش

عاااااااااااااااا

ايه اللي جابني هنا
*********************
معلش يا اابي يا ختي اعمل عبيطه وفاقده الذاكره احسن مااتشد من قفايا
اابي
انا قولت اابي
اابي مييييييييين
انا فييييييييين
انا همشي بقي
معرفش مين بيعمل ايه عند ام السحلول
اما معديه بس
من هنا
سلامو عليكو بقي

المحارب المتيم said...

آبى هانم

رغم انى معرفتش مين اللى كاتب البوست بعد اللخبطة اللى فوقيه

رغم انك قلتى انك هو

بس ما علينا

تصدقى الكلمات راكبة على بعضها

وموسيقيه جداااااا

جميلة جدااا رغم كمية السب والقذف اللى يودوا فى داهية دول

المهم

ما أحنا اللى اخترناه

ومحدش ضربنا على ايدينا

تحياتى

المحارب المتيم said...

آبى هانم

رغم انى معرفتش مين اللى كاتب البوست بعد اللخبطة اللى فوقيه

رغم انك قلتى انك هو

بس ما علينا

تصدقى الكلمات راكبة على بعضها

وموسيقيه جداااااا

جميلة جدااا رغم كمية السب والقذف اللى يودوا فى داهية دول

المهم

ما أحنا اللى اخترناه

ومحدش ضربنا على ايدينا

تحياتى

طالب ثانوى said...

هههههههههههههههههههههههههههه
اغنية جامدة جدا بس مين اللى مؤلفها انا كنت هعمل حاجة زى كدة بعد لما سمعت اغنية احنا وراك ريسنا يانور بس مرضتش بدل ما اروح ورا الشمس

محمد فوزي said...

بصي بقى هو احسن حاجه عملتيها هو شوية الكلام اللي فوق الأوبريت ده لأنه كلام من نوعية غلوش غلوش حد فاهم حاجه لأ محدش هههههه , وبالتالي لو جبنالك محامي من نوعية فريد الديب او الدكتور بتاع العباره ممكن يطلعك منها على إساس بطلان الإجراءات وعدم وجود حالة تلبس هههههههههه

بس يطلعك منها إزاي ؟ ده انتي لابساها لابساها أقولك
انا هروح اطلبلك اوردر من كنتاكي احسن , ها بتحبيه سبايسي ولا عادي ؟

Sherif said...

أبى الجميلة
=========
بلاش الجرأة دى اللى بتخطى البراميل

ربنا يحفظك من كل سوء

سارة نجاتى said...

أنتى و الولد السوسة صاحب الأوبريت رايحين فى داهية ان شاء الله , قوليلى هم بياخدوا الناس اللى بتعلق كمان ؟؟ هه؟؟

تابعينى بقى يا جميلة فى الذكرى الشهرية لمدونتى .

سلام

سارة نجاتى said...

ايه ده هو مايكل اللى كاتبه ؟ يخرب بيتك ,
أنت و هى مالكوش عندى غير العيش و الحلاوة , أنتوا فاكرين نفسكوا طالعين الساحل ؟؟

adel said...

انا مش هاقول هنا الا كلمة واحدة
انا مليش دعوة بالمكتوب ده...و بسجل اعتراضي عشان التاريخ ....و برضة في حالة القبض عليكم
ههههههههههه

عادل
http://elbald-dy.blogspot.com/

blue-wave said...

يا نهار ابيض
دانتى رايحه ابو زعبل وش:))
بقولك ايه
بتحبى حلاوة نوع ايه؟؟؟

¶¶ღِِAhMeD 3LaMღ¶¶ said...

والله ولا اخترناه ولا اختارنا غيرو
وشكلنا كده مش هنختار حد في ايامنا الي زي الفل دي
عارفه حضرتك ناس كتيره قوي شالت احساس الزعامه تجاه الي احنا ماخترنهوش
وحطوها في حاجات تانيه كتير

محمد فوزي said...

معلش يا آبي هانم
عندي تعليق واقف في زوري لأخونا

أبو علي

بإعتبارنا يا أخ ابو علي بنكتب على الكيبورد اللي هو أداه لا توصل الإنفعالات فأحيانا لازم نحط بعض العلامات المعبره عن الإنفعال اللي بنقصده , فمثلا هههههههه معناها ان احنا نقصد ان التعبير ده او الجمله دي على سبيل الفكاهه أو الدعابه وده مش معناه بالضروره ان احنا في الوقت ده بنكون بنضحك فعلا

وحتى لو بنضحك فعلا فده شيء جميل ,
إنما اللي مش جميل التعبير اللي انت اخترته بصراحه
أصل فشتك عايمه دي غير إنها قديمه قوي لكن كمان غير مناسبه لا للشخص الي انت بتوجهاله ولا للمكان اللي هو المدونه
ومعلش ان كنت أزعجتك
وشكرا

ahmed_k said...

حلو الأوبريت ده
متهيألي سمعته قبل كده
فين فين فين ؟؟ مش فاكر
هو مين اللي إخترناه الأول هههههه
مش صاحب الضربه
بس برضو مش عارف الضربه كانت في مين
يعني مين المضروووووب

سلااااااااااااااام

tamer.sala7 said...

طيب انتوا اختارتوه انا مال اهلي استحمله كام وعشرين سنة ليه ؟؟؟؟؟

منهم لله بقي اللي اختاروه

الطائر الحزين said...

ربنا يروق بالك

لورنس العرب said...

كنت عاوز اسألك سؤال- معلش هو ملوش علاقه بالموضوع- وكل لما آجي أنسى
والسؤال الحقيقه يراودني من فتره





اشمعنى الخرفان؟؟

~*§¦§ Appy §¦§*~ said...

مهندس مصرى
==============
غير النظاره يا بشمهندس مش بحب الحلاوة ايه الناس الرخمه دى

عاااااااااا





وومن
=======
مش قولت لكى ميه مرة رشى جاز فى شعرك بدل ما تهرشى وتطيرى السكان علينا كده

~*§¦§ Appy §¦§*~ said...

فاتيما
=========
عواء
دى جايه من الديب هههههه
لا يا طمطم مش فى بالى وعموما معرفه الشخصيه مش هيفيد لانها مهمشه وجبانه لانها مقدرتش تواجهنى بالحقيقه
وميرسى على اللقب يا احلى فاتيما فى الدنيا




amr
=====
الساعه كام ههههه

~*§¦§ Appy §¦§*~ said...

اوس
=======
ههههههههههههه لا مش ده خالص عموما هفكر بس لا ده وحش مينفعش للكوكب خالص






قوس قزح
===========
ايه العيال الاندال دى الله امال اروح لوحدياتى يعنى لازم تيجوا معايا مش اصحابى وبعدين هبقوا اقول انتم ملكوش دعوه بالكلام انتم بس كنتم بتعزفوا
احسن علشان تحرموا تصحبوا واحده مجنونه زى هههههههه

~*§¦§ Appy §¦§*~ said...

ضد التيار
===========
هكلم الاوبريت يا حبيبتى على باقى المقاطع ربنا يخليكى ان شاء الله هناخدك معانا هههههههه








wanna b a physician
===================
حتىالدكاتره اللى كان املى فيهم كبير طلعوا بيخافوا لكى الله يا ابى شكرا شكرا البوست اختفى فى ظروف غامضه

~*§¦§ Appy §¦§*~ said...

جبهة التهييس الشعبية
========================
مش قولت لكى مصيبه بس شوفتى الكارثه جمع كل حاجه ازاى امانه عليكى البانرات بقى متنسيش ها





ابو على
=========
والله يا اخى بحاول اكون معاك لطيفه بس انت مصمم بجد ان الواحد يقولك كلام وحش وترجع تعيط تانى وتقولى الله يسامحك
هو انت منين ايه الالفاظ دى وبعدين انت مالم عارف ليه بضحك علشان مطقش من الاغبياء واللى معندهومش ذوق ومبيفكروش
والنبى ابقى فكر شويه قبل ما تكتب ومتركز مع تعليقاتى عند حد ولا هنا

~*§¦§ Appy §¦§*~ said...

فنانه مفروسه
===============
اه اعملى هندى يا ياسمين ماشى ام سحلول لما تأكلك اهو حتى البنات طلعوا خرعين ماشى كلب يعضكم كلكم







المحارب المتيم
==============
ايه العيال اللى بتلبسنى تهم دى
سب مين بس سا عم احنا بنتكلم على كوكب الخرفان ايه المشكله يا لهوى على التلاكيك
وبعدين انت بتكتب التعليق مرتين ليه ها بتاكد على كلامك ماشى يا محارب لك يوم

~*§¦§ Appy §¦§*~ said...

طالب ثانوى
=============
لا لما تاخد الثانويه العاميه ابقى اعمل اللى انت عاوزه يا فاروق دلوقتى لا حتى تبقى داخل عليهم بشهاده ملو هدومك ههههه





محمد فوزى
===========
انا انا انا مش انا والله مش انا
ايه الناس دى
طيب باكله سبايسى وايت مييت من فضلك ومعاه شوكليت كيك وفاتنا او اى حاجه اورانج
ولو جبت رز مش هقولك لا

~*§¦§ Appy §¦§*~ said...

شريف
=========
والله البرميل هى اللى بتيجى لغايه عندى انا مش بروح
ميرسى ليك يا شريف على خوفك عليا بس انا عارفه ورايا ناس تجرى وقت الجد هههه




سارة نجاتى
===========
اه طالعين هيحجزونا فى مارينا انا واخده شاليه هناك ابعدى عن ميشو ده الريس بتاعى

~*§¦§ Appy §¦§*~ said...

عادل
=========
حتى انت يا عادل ربنا سمحك اعترض اعترض ويعنى موافقتك هشله من مكانه





بلو وويف
==========
ابوزعبل ليه رايحه مصنع الاسمده يا دكتور
وبعدين انا قولت مش بحب الحلاوة ايه الناس اللى مش بتقرا دى

~*§¦§ Appy §¦§*~ said...

ღِِAhMeD 3LaMღ¶
=================
حطوا ايه مش عارفه
بس عاوزة اقولك احنا وصلنا لمرحله من القرف لا يرسى لها بجد




محمد فوزى
==========
يا دكتور بتتعب نفسك مع ايه بس هو ده حد تفهمه الكلام ده الرد عليه زى ما انا رديت وعموما ميرسى يا دكتور بجد ليك ايه الادب اللى انت فيه ده بس

~*§¦§ Appy §¦§*~ said...

احمد
=======
الشعب يا احمد هو اللى بقى يموت كل يوم مش جسمايا روحيا ومعنويا
نورت يا احمد




تامر صلاح
==========
انت مختفى فين انت بقال فترة
انا يا خويا ولا اخترت حاجه خالص انا مالى انا كنت صغيره

~*§¦§ Appy §¦§*~ said...

الطائر الحزين
=============
هو بالكلام اللى فى الاوبريت ده والوجع اللى فيه يبقى بالى رايق يا حلاوة بجد شكرا شكرا





لورانس
=========
بحبهم اوى وبحسهم كائنات حلو اوى اوى اوى ومرتبطين معايا من صغرى بحوادث كتير اوى هبقى احكى الموضوع ده

لورنس العرب said...

ولله انا ناوي ان شاء الله اجيب واحد على العيد وده أول خروف اشتريه في حياتي من مالي الخاص
لكن احنا عندنا في البيت بيحبوا الاسترالي بتاع الجمعيه
انا اصلا مليش في اللحمه
لكن بحب امسكه من شعره جدا واقعد ادامه
لكن مشكلتي معاه ان الاسترالي عنيف جدا وشرس

~*§¦§ Appy §¦§*~ said...

لورانس
==========
لا انا مش بحب الاسترالك ده انا بحب العادى بتاعنا وبعدين حرام عليك هتدبحه ليه انت شرير زى باقى الناس عااااااااا

انين الحزن said...

طبعا

انا بقالي كتير مش موجوده فبذلك ماليش دعوة بيكي خالص

دنا ممكن ابلغ عنك

ندااااااااله بقه تقولي اييييييييييه


ولا اقلك ما تهونيش عليا

اخبار الجونينه بتعتك ايه لسه بتشربي 2 شاي

سلامووووووووووز من اهدي مكان في العالم ( مكتبي


وزة

كوارث said...

هههههههههههههههههههههههه
اوبريت تحفة فعلا ..
بش مش خطر ولا حاجه !
ده عادي يعني مفيهوش امن دولة
اللي فيه امن الدولة
اخترناه اخترناه
امتى يغور في سخط الله .؟

مواطن مصرى نايم said...

الله عالصوت
صوتك رائع
ههههههههه
بس اصلا مفيش حد يقدر ياخدك مارينا
انتى وراكى رجالة
دا انا اولع الدنيا
دوسى انتى و ملكيش دعوة بالعواقب
ههههههههههه
و بعدين دا انا لسه عامل حادثة و جامد جدا يعنى
و اكتشفت انى بعرف اطير
يعنى كمان بعرف اتضرب
ههههههههه

يخرب بيت اللى يزعلك يا ابى
انا ما شوفتش البوست
بس اللى يزعلك يستاهل الحرق اصلا
فى حد يزعل
دره
على رأى محمود

مصــــري said...

آبي هانم

بأمانة عصيدة زي الفل

بس برضو بأمانة عصيدة تودي في داهية
أوبريت يودي علي السجن الحربي علي طول
ومش عايزك تقلقي
هاتولي انا امر العيش والحلاوة

أسامة

~*§¦§ Appy §¦§*~ said...

انين الحزن
===========
يا اختى على اجمال اخير ظهرت القمر
تعالى بقى اقعدى جنبى يالا او خدينى جنبك وحشتينى خالص





كوارث
=========
الله يطمنك يا رب مشكرين يا متر

~*§¦§ Appy §¦§*~ said...

مواطن مصرى نايم
===============
ربنا يخليك يا اسلام ادوس وانت تهرب صح صح انا عارفه
انت هتقولى انت صبى اى كلام هههههههههه
ربنا يكرمك وبعدين انتم ناوين تكسفونى طول اليوم النهارده ولا ايه
انت شوبه وهو شويه تسلم ليه يا رب






مصرى
=========
والله اللى هيجيب حلاوة هعترف عليه انتم حرين انا مش بحبها عاااااااااا

Z_Diva said...

la howa comment wa7ed 3la post soyasy wa7ed felsna ya mama ah, ana mesh b7b marina asln 7ta :P

حسن حنفى said...

بس انا مش اختارته بقي يعني اختارتوه من ورايا :((

زعلان جدااا

ههههههه

دمتي بخير والحمد لله انك قلعتيهم
:d

الجواز و سنينه said...

ايه يابنتى ده
ايه الاكتشافت العبقريه و اللى تودى فى داهيه دى
لو غبتى هانعرف انتى فين
و ده اهم ما فى الموضع علشان نبعتلك دليفرى
اناس بقت غريبه و الله فين الشجاعه
فين باب الخروج من البوست ده

انسان وبس ! said...

حبال فاضيه
ههههههههههه
بيج ماوس
هتروحى فى داهيه خلى بالك

بس متخافيش هجيبلك عيش وحلاوه
ده لو جالى خبر يعنى
ربنا معاكى
وكفاره مقدما

Abo 7anf said...

لا بجد حلو
بقلك ابقى نزلى كل يوم بوست علشان نطمن انك لسه موجوده
هههه
يعينى

انا ودماغي said...

يالهوى يانى
أنا لسة صغيرة على الكلام ده
أنا شكلى جيت غلط و لا إيه
ليه كدة بس يا آبى
أنتى كدة لعبتى فى عداد عمرك
ربنا يستر علينا
يا جماعة انا أول مرة أشوف المدونة دى و دخلتها بالصدفة
سلامو عليكو
























وحشانى موت يا قمر
موووووووووووووووه

وومن said...

جاز ايه بس يا قمر

الفلت احسن واوفر انتي مش عارفة ان الجاز غلي

هههههههههههههههههههه
عموما علمك علمك علمك انا سكاني مؤدبين وبينكشفوش غير علي بنات افكاري بس حتي ولاد افكاري لا انا مانعه الإختلاط
بس عارفه اول انتي ما تفهميني الفولة والعدسه وطبق الكشري كله السكان بتتلم وبابقي تمام

سلام يا قمر

maha zein said...

يا جامد يا جامد
لا بجد هو احنا اخترناه؟
ده مين اللى كتبه الكلام الجامد ده
تسلم الايادي ومنعرفوش اللى كتب الكلام ده
منعرفوش وبكررها لاخر مرة
انا مش معاهم

انتي عاملة ايه وكيفك الان
يا رب تكوني بخير وسعيدة ومتهنية
انا هستأذنك اروح اشوف في ايه حاصل عندك وايه الحوارات اللى انا مش سمعة عنها حاجة خالص دي

حنين القلب said...

والنبى ما هتجبيها البر
بس حلو اوى الاوبريت ده
انا قعدت اغنيه بالحن كمان
يسلم ايد اللى كتبه

آبى
قولتى بتحبى عصير الفروله وكنتاكى
الحق اروح احجز ليكى

~*§¦§ Appy §¦§*~ said...

ام زعبولا
===========
وانا اللى كنت بقول دى ام زعبولا حبيبتى هتقف جنبى واقفه جدعنه طلعت عيله ومبتحبش مارينا طيب اقولك بلاش مارينا اختارى مكان تاى بقى عااااااااااااا





حسن حنفى
===========
انت يا عينى اتفرق عليك قهرا وظلما معلش

~*§¦§ Appy §¦§*~ said...

الجواز وسنينه
================
على كليكك اليومين الباب اللهى خروف ينطحك عيال اندال صحيح عاااااااااا
امشى لو شوفتك هعضك





انسان وبس
=============
ايه ده المحامى بتاعى ولا هتخلع زى المحامى الاولانى يا ساتر عليكم ربنا يستر

~*§¦§ Appy §¦§*~ said...

ابو حنف
=========
لا هقف اصفر لكم كل يوم علشان تعرفوا انى هنا ههههههههههه







انا ودماغى
=============
انتى كمان وحشانى متبعاكى وربنا معاكى فى الامتحانات يا قمر

~*§¦§ Appy §¦§*~ said...

ميرا
========
يا دى الليله انتى يا بنت انتى بقيتى بتخرفى ليه كده هو ده تاثير البوست عليكى ههههههههه






مها زين
==========
اهلا بحلوان وبنات حلوان الجدعان وحشتينى يا بنتى بجد

~*§¦§ Appy §¦§*~ said...

حنين القلب
==============
حتى انتى يا حنين والله انا بحاول اعوم واوصل للبر التانى بس العوم بيرهق هههههههههه
اه وممكن مانجو كمان

Z_Diva said...

porto so5na :D

صيدلانيه طالعه نازله said...

متخافيش يا ابى انتى وراكى خرفااااااااااان
يووووووووووووووووووه اسفه وراكى رجاله يقرقشوا البومبونى و ميقولوش الاه حتى لو مشيوا على المهلبيه
سيرى على بركه الله و احنا وراكى بس ياريت كل شويه تبصى وراكى تتأكدى ان احنا لسه موجودين متمسكناش
هههههههههههههههههههههه

كلام حسام said...

بقولك ايه
انا مش معاكي في اللي انتي قولتيه لا بس انا ماليش دعوة
طالما لسه فيه شاي وسكر يبقي كله زي الفل
احنا مالنا ومال الكلام الكبير اوي ده
احنا اصحاب عيا

قلوب بتغنى said...

Appy
هاى
جميل قوى الاوبريت ده
انشاء الله هنغنيه ورا السيد جيمى وهو بيدخل قصر الرئاسة
الله يكرمك يا شيخة
ده احنا كنا دايخين على اوبريت ترحيب
مصر ولادة يا خوانا

الربان said...

اختي الفاضلة آبي

تحياتي

الحقيقة قرأت لديك في هذا البوست ما
لم اكن اتمني ان اراه ...من الفاظ وتهم
ليس لها اي دليل...

أعلم انه ورد اليك من احد المدونين
كما فهمت....لكن حقيقي كلمات قاسية مثل عزبه ابوه...

ياريت تعيدي نظر في الموضوع...

تحياتي و تقديري

اقصوصه said...

ابي

ما اقدر اعلق على هالكلام

الا بكلمة وده بس

(ونعم الاختيار )

لووووووووووول

~*§¦§ Appy §¦§*~ said...

ام زعبولا
=========
هقدم طلب يا حبيبتى نتنقل فيه علشان خاطرك ههههههههههه





صيدلانيه طالعه
===============
لا هو انا غبيه دا انا هربطكم فى رقبتى بحبل قال اروح لوحدى قال

~*§¦§ Appy §¦§*~ said...

كلام حسام
==============
اه يا اندال ماشى ماشى كل اللى هيقولى مليش دعوة والله بقى هزعل منه عااااااااااااا






قلبو بتغنى
=============
تعيش البنات الجدعه حرة مستقله ههههههههههههه

~*§¦§ Appy §¦§*~ said...

الربان
=========
هو ايه بس يا بشمهندس اللى ملوش دليل
لا بجد مش فاهمه علشان اعرف ارد عليك علشان السرقات والنهب والتدليس فى العبارة والدويقه اه هو فاكره عزبه السيد الوالد ولعلم حضرتك هو بيتعامل على ان مصر دى ملكه لوحده
غير كده اسال حضرتك سؤال وجاوب وبعدين اقولك ليه
قولى كده مين من رؤساء العالم بيقابله ومبيبعتش مندوب اقصد لما هو بيبعت او يطلب يقابل اى رئيس دوله
وعموما رايك لك عليه احترمه بس من حقى انى مش اكون موافقه عليه
نورت يا استاذنا وكالعاده بضيف حاجه جديده برضه








اقصوصه
=========
هههههههههههههههه ربنا يخليكى يا قمر وشكرا على الزغروته دى بمناسبه القبض عليا ولا ايه

خواطر ليست عابرة said...

بصراحة ضحكت واستمتعت قوي بالكلام الرائع ده مع اني لما قريته ما كنش مودي كويس
بس فعلا أحيييك علي حسن اختيار الموضوعات علي المدونة

محمد الكومي said...

اول تعليق


بعد المائة

هع هع هع

اراهن ان اللي بعتلك ميشو

و بعدين في مقطوعة ناقصة

لا اخترناه و لا شفناه نجح ازاي سبحان الله

محمد الكومي said...

و بعدين اثبتيلك على منظر يا حاجة انا عيني احولّت من بلوجك انتي بس

مش معقول كل ما تنزلي بوست تنزلي معاه تيمبليت جديد

احنا برضه بالصلاتو عالنبي صيع و نرعف نتمبليت كل ربع ساعة ولا انتي بتذلينا يعني

واحدة مفروسة said...

مرسي يا رحاب
و انتى طيبة و بخير و سعادة
مرسي يا قمرة

fashkool said...

انت اخترتيه .. وانا مالى

وعلى العموم انا بكون مبسوط لما حد يبقى مبسوط من كلامى وانشاء الله أعمل لك بوست كامل عن التحنيط

Bo2Loz said...

wa7shani ya appy :)
msh ha3alak asli maleesh fel e7`tyarat

الدفاع said...

لو حصل حاجه كده ولا كده ممكن بس لو سمحتى تبعتييلى بطوط على ماتخرجى؟
يعنى اهو اجيبلك الككنتاكى والماك والحلاوه بيها واهى فرصه برضه تفضل شغاله علشان مش يجرالها حاجه
بس بجد انا هاقف جانبك ومش هانكر انى اعرفك (لو بعتى لى بطوط)و هاترافع عنك كمان
اطمنى يا ابى قضيتك مضمونه
وهانعمل اللى علينا والباقى على الله
تحياتى

darkskies said...

مم
هو حاولعلى قدر الامكان تظبيط القافية وطلعت مش بطالة
انا رخم فعلا
بس هو ده رأييى

حاجات جوايا said...

هههههههههههههههههه
والله لو الصيف الجاى هيبقى حر زى الصيف اللى فات
أنا ممكن أخدمك وانزل البوست عندى واروح انا على مارينااااااااااا
ههههههههههههههههههههههههههههههههههههه


مبروووووك النيولوك يا جميـــــــــل
بجد ذوقك بيعجبنى اوى ما شاء الله عليكى
ربنا يجعلها عتبة مباركة عليكى وعلى زوارك

دمتى فى حفظ الله اختى الحبيبة

الربان said...

الاخت الفاضلة Appy

تحياتي اختي الفاضلة

اولا : اشكرك لسعة صدرك ، و تقبلك للعتاب بصدر رحب
و اتاحة الفرصة لابداء وجهة نظري ، بالرغم من انها
قد لا تتوافق مع ما ورد في الاوبريت .

ثانيا : ابدأ بقول الله تعالي الي سيدنا موسي و اخيه هارون
عليهما و علي نبينا و سائر الانبياء السلام ، حين امرهما
بالتوجه الي فرعون ... قال الله تعالي :
اذْهَبَا إِلَى فِرْعَوْنَ إِنَّهُ طَغَى) 43
( فَقُولَا لَهُ قَوْلاً لَّيِّناً لَّعَلَّهُ يَتَذَكَّرُ أَوْ يَخْشَى)44 سورة طه.

ماذا نستفيد من هذا....في رأيي ان الاستفادة هنا هي
مخاطبة اولي الامر بقول لين بالرغم من ان فرعون طغي.
وقول الله تعالي الي سيدنا محمد صلي الله عليه و سلم :
}فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظّاً غَلِيظَ الْقَلْبِ لاَنفَضُّواْ
مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ
فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ {آل عمران15
ايضا نستفيد ان نتحدث الي الاخرين باسلوب يبتعد عن الغلظة
و الفظاظة....
ثالثا : ان اتفاقنا او اختلافنا حول موضوع ما...او اداء مسؤول
ما...( و انا اعلم مدي وطنيتك و حبك لوطنك ) يجب الا يجرنا
الي انتقاد الشخص...بل علينا ان ننقد السلوك او التصرف ،
و نراعي دائما ان نضع انفسنا مكان هذا المسؤول... لنعرف
ما قد يكون وراء قراراه من ضغوطات او دوافع قد تكون سلبية
و قد تكون ايجابية يظهر ايجابياتها بمرور الوقت.
لا يجب الا نعفي انفسنا من المسؤولية لان البعض منا مشارك
بطريقة او بأخري الي ما وصلنا اليه من سلبيات كثيرة تعكر صفو
حياتنا اليومية من خلال سلوكيات مرفوضة و محاولة فرض اراء
و معتقدات خاطئة....

ان مصر بحكم موقعها التاريخي ...مستهدفة من قديم الزمن
و ما زالت....و محاولة تمزيقها داخليا علي اسس طائفية
و عرقية بل وثقافية مستمرة و لن تتوقف...و علينا جميعا
ان نعمل علي ايقاف التفرقة و التجزئة و تقطيع اوصال
الوطن....

كانت الي عهد قريب الفكرة عن الملك الراحل فاروق
رحمه الله انه كان سكير و زير نساء...الي ان اظهرت
الحقاءق غير ذلك...و انه لم يتعاط الخمر ...و لم يكن
له علاقات نسائية خارج الزواج.....
في عهد الرئيس عبد الناصر و الرئيس السادات كان
هناك الكثير من الاشاعات و التي ثبت عدم صحتها بعد
وفاة كل منهما.....

لا ننكر ان هناك اخطاء...و هناك فساد....كما هو في كل
انحاء العالم....لكن المعالجة و النقد يجب ان يكون منصبا
علي التصرفات و القرارات التي نعتقد بعدم صحتها او بأنها
لا تتماشي و المصالح العامة....
بالنسبة لموضوع العبارة....لقد سارع النائب العام باستأناف الحكم
و قال في حكم اول درجة ما قال من دفوع. أذن الامر الان امام
القضاء....و لننتظر .
بالنسبة لموضوع الدويقة....هو " الم " بل "فاجعه " في قلب
كل مصري....و في نفس الوقت اسأل نفسي... اذا كنت
مكان هؤلاء...هل اقطن في حضن الجبل...و مخاطر ذلك...؟ ام
ابحث عن مكان اخر و ما أكثر العشوائيات بالقاهرة و حولها.
مجرد سؤال ، و لا اعلم الاجابة اليقينية لو كنت مكان احدهم.

أخيراعلي المستوي الشخصي و كأنسان في هذه الحياة لا اقبل ان يخاطبني احد
ما...مهما كان هذا الشخص و مهما علت قامته و ارتفعت
مرتبته و يقول لي مثلا : هي عزبة ابوك؟..... فما بالك و نحن
نخاطب رئيس دولة...

ختاما...اشكرك كل الشكر علي اتاحة الفرصة لي ...
و ما دفعني الي هذا يقيني التام بحبك لوطنك و بالتزامك
باداب الحوار و هذا ما لمسته في مدونتك الجميلة التي احرص
علي متابعتها .

لكي مني خالص التحية و الشكر و التقدير.

Monzer said...

يا نهار أبيض

ماشفتش بتنجان اكتر من كده الصراحة

ايه ده كله

تقريبا انا جيت فى آخر الليلة

Foxology said...

يا خبر ابيض

الأولبرييت ده جامد جدا وعليه العوض بأة فينا

يلا يعيش الوطن واحنا مش مهم :)

تحياتى :)

Foxology said...

حلو الأولبيررت ده وربنا يسترها علينا

يلا يعيش الوطن واحنا مش مهم :))

تحياتى :)

واحد من البلد دى said...

انا بعتذر عن التأخير بس و الله اول ما بلاقى فرصة انى اتنفس بدخل على طول
حتى لو مش بقدر اعلق لضيق الوقت
لكن بقرء البوستات الجديدة

تحياتى

klmat said...

بجد تحفه . بس انا مش حمل قمل الدوله
ده قمل مش عادى
وحشتينى اوى ياابى
انا بحب فيروز اوى خصوصا فى اغنيه خايف اقول اللى فى قلبى
تسلمى يارب

سومه...مجنونه فى بلد عاقل said...

انتى بتزعلى لوحدك ولا انا اللى عندى خلل والكليه اثرت على نافوخى حتحكيلى الحكايه عشان انتى عارفانى رغايه واحب اللت والعجن ومتتهربيش منى وكل شويه مشغوله وثوانى وتروحى تنامى كل دا عشان متدفعيش العشره ساغ خلاص مش عاوزاه
معنى البوست دا انك حتنورينى قريب طيب كويس عشان انا هنا مظبطه الجو فى انتظارك عشان نبقى هاى شله ونعمل بارتى سجون محترم

سومه...مجنونه فى بلد عاقل said...

اصطبحنا واصطبح الملك لله يا سى رئيس جمهوريه وادى الاول مكرر عشان ترتاح
والتانى مكرر
ورقصنى يا جدع

خمسة فضفضة said...

السلام عليكم ورحمة الله وبركاته

انا ماليش دعوه وماشفتش حاجه ولا سمعت حاجه ولا اعرف حاجه يا سعادة البيه

ولا اعرف حد اسمه آبي لسه مجدد رخصة عربيته ولا عمري سمعت عن كوكب ولا خرفان ولا بطوط ولا اي حاجه من دي


اصلا كنت تايهه وجيت هنا غلط ، مش ده برضو عنبر نمره خمسه حالات مستعصيه

هههههههههههههههههههه


----------------


علي فكره يا ابي انت زعلك وحش اوي ، يا بنتي خدي في الواسع وماتحطيش فدماغك النت يا ما بيلم ، وياما شفنا ويامت هانشوف

معلش جيت اعلق لقيتك مسحتي البوست


سلام

حـــــدوتـــــة said...

السلام عليكم

على فكرة انا مع اول قفا
هعترف عليكى بكل حاجة يطلبوها منى
معلش الواحد لازم يحرص على نفسه
انتى مشوفتيش فيلم الكرنك ولا ايه

سلالالالالالالالالالالالالالالالالالالالالالالالالالالالالالالام

سومه...مجنونه فى بلد عاقل said...

لا دا فيها موت انا حاطه هنا امبارح تعليقين راحو فين دول

سومه...مجنونه فى بلد عاقل said...

انتى يا حجه هو انتى فطستى ولا اتقفشتى غريبه يعنى مش لاقياكى هنا تكونيش روحتى واحد تانى

محمد مارو said...

رحااااااااااااااااااااااااااااااااااااااااااااااب

عاوز اتشاكل معاكى

انا كمان عيد ميلادى 8/11
كده تنسينى ؟

محمد مارو said...

اما عن البتاع ده

فانا بجهز لكى عيش و حلاوه و لا انتى بتحبى الجبنه المثلثات اكتر ؟

~*§¦§ Appy §¦§*~ said...

خواطر ليست عابره
==================

طيب الحمد لله انك ضحكت يا رب دايما
وميرسى لكلامك







محمد الكومى
=========
ما هو انت اللى بتيجى مـاخر يا اخ مش عارف اقولك ايه بس وبعدين انا ليه بركه غير انى احولك انت تأمر بس

~*§¦§ Appy §¦§*~ said...

واحده مفروسه
==============
ميرسى عليكى انتى هو فيه بين الاصحاب ميرسى يا حبيبى






فشكول
=========
انا والله ابدا دا انا كنت صغيره
نورتنى يا استاذنا

~*§¦§ Appy §¦§*~ said...

بقلظ
=======
انتى كمان يا قمر وسيباكى تلعبى وتجيبى اجوان عند خيخه براحتك هههههههههه





الدفاع
=========
اه انت حاطط عينك على بطوط بقى طيب ايه رايك انت الوحيد اللى هعترف عليه هههههههه

~*§¦§ Appy §¦§*~ said...

دارك
========
هو اشتغل فيها على قد ما قدر بس عموما الجزء التانى ظبطنا كله يا رخم نورت الكوكب








حاجات جوايا
===============
لا الا انتى يا قلبى انتى عندك اطفال هعفو عنك
ميرسى لذوقك يا حبيبتى وعقبال لما اجدد لكى انتى كمان

~*§¦§ Appy §¦§*~ said...

الربان
========
يا استاذنا انت اخ وان عارفه دوافعك ولولا انى عارفه حضرتك وشخصيتك كان هيبقى ليه رد تانى لان كلام حضرتك يتفهم بكذا معنى
بس يا استاذناا هو فعلا ظالم كل الناس ومش هقعد اعد ليك واقسم بالله الناس كلمته ميه الف مرة وموضوع مصر مضغوطه داخليا وخارجيا ده اللى بيحفظوه لبتوع الجيش بس يا استاذنا انا مش عارفه اقولها لحضرتك ازاى انما يا ريت تحاول تقعد مع حد كان فى السلطه وطلع بس
والعباره زيها زى غيرها هيدلينا والمبيدات المسرطنه انت معلش مش عايش فى البلد ومش عارف انا عارفه انك بتساعد على قد ما تقدر
حته بقى مكلموش كده
سورى انا مخترتوش ولا انت اخترته ولا غيرنا اختاره يبقى من حقنا وبعدين هو مش رئيس بلدى هو فرض نفسه عليا
وفى النهايه برضه لك كل الاحترام ورايك له كل الاحترام برضه مع اختلافى معاه
ودايما منورنى





منذر
=====
ولا هتشوف يا منذر يا خويا

~*§¦§ Appy §¦§*~ said...

fox
=======
يعنى هنبقى ولا هو ولا احنا هههههههه
نورت يا فوكس







واحد من البلد دى
=============
اهلا اهلا
يا سيدى المهم انك بخير

~*§¦§ Appy §¦§*~ said...

كلمات
==========
انتى كمان وحشانى وحلوه الاغنيه هدور عليها واحطها لكى يا قمر
وبعدين القمل حله الجاز على طول






سومه
=======
موضوع كده هفوه وعدت يا قرعه هحكى لكى لما اشوفك والله يا سومه النت بيفصل وبنام واليومين دول مشغوله علشان فرح بوسى اختى عقبالك يا قمر

~*§¦§ Appy §¦§*~ said...

سومه
=======
انتى يا قرعه بتعلقى فين انت يا بنت تايهه يخرب بيت البطيخ الضارب اللى بتأكليه ده







خمسه فضفضه
==========
على فكره والله العظيم كلامك ده بتبسط منه اوى فى نصيحتك ليه بس والله يا دكتورة انا بزعل علشان انا مش بزعل حد منى بجد
وبعدين تعالى هنا انتى قريتى على طول من غير ما حد يقولك ايه الناس الجدعه دى ههههههههه
نورتى ويا رب البلوج كده ميكونش تقيل معاكى

~*§¦§ Appy §¦§*~ said...

حدوته
=========
ايوه يا بيه الواد حدوته ده هو اللى عمل كل ده
ههههههههههه وسمعنى سلام اسكندرانى وادينى اعترفت عليك نيهاهاهاها






سومه
=====
لا يا قرعه كنت مسافره

~*§¦§ Appy §¦§*~ said...

مااااااارو
-==========
قطر المنصورة
لا يا ريس انا اول واحده مهنياك وانا غيرت شكل البلوج من كام يوم بس وساعتها قدرت احط الحته اللى فوق دى وبعدين لا تكلكا هجيب لك تورته فى الفرح وااكلك محشى نيهاهاهاها