اوبا افندى وامه



اصباح الخير عليكوا
بصراحه كده بما انى يعنى هقول راى بيصدم العقليات البشريه فتحملونى يا اخوة ويا اخوات بجد
انا بجد مش شغله نفسى بالاخ اوباما ده او اوبا بأعتبار ما سيكون .... لانى حسه انه زيه زى غيره
هيحب يقرص مصر ويقرقصها يقولك شيلوا المعونه وطبعا حكومتنا العفيفه الشريفه النظيفه متقدرش على كده دى بيوت ناس برضه
بالعقل وبراحه اوبا افندى هيغير ليه سيستم اللى جاى ناس حطه عليه امل فى مصر بتاع ايه
الاخوان والغد والوتنى لااااا سورى الوتنى مش مهم بعتوا له تهنئه ليه على اساس بيشتغلوا نفسهم ويقولوا مسلم هو رجع فى وشنا وقال انا مش مسلم
هو مٍسلم بالامر الواقع بس مش اكتر
الحجه ملك اللى بتخوفنى دى الداعيه ان شاء الله كانت رايحه تعمل معاه مباحثات فى شئون المرأه المصريه ليه هو ماله اصلا هى عادتنا زيهم ولا تقاليدنا ولا الدين بتاعنا زيه هى الست دى اتهرشت انا اه مش بحبها اه بتزعق ولابسه اسود على طول وبتخوفنى وانا اه توتى خالص وبتخض ايه يعنى
طيب ايمن نور ومهروش فى عقله وطول عمرة بيجرى ورا الامريكان وبيتمسح فيهم الاخوان بيهنوه ليه هيرفع لهم علم الاسلام هناك
شوفوا الخبر ده
انطح يا ريس وهتنطحوا بالعند فى اللى مش بيحب الكلمه دى هههههههههههههههههه

بيقولك هبعت حد يصلح علاقات مع مصر اه هيدق مسمرين جداد فى نعشها ومش بعيد نقوم الصبح نلاقى الشوارع كلها بقوا امريكان
يعنى هى كانت بايظه من ايام بوش ابو وشين والحكومه الظريفه اللطيفه كانت كدابه مش قولت انهم بتوع الكدب المنعكش حد يجيب لهم مشط يا جدعان
وبعدين باعت مبعوث يقابل رئيس دوله بزمتكم مش ده عار يعنى ينفع يا اخى والله انا مكسوفه لكم بجد يعنى فيه حاجه اسمها برستيج انت على طول ممرمط كرامتنا فى الارض ويقولك مطالب مصر خير بقى المطالب دى ايه حد يقولى وبناء على ايه بتطلب وايه كمان خبطها فى وشنا هنساعدكم عسكريا ونبعت طيارات طيب افهمها بقى دى بجد يعنى ايه عسكريا هو اللى بيدرب الجيش امريكان يا لهوى لا بجد هى مصر ماشيه على خطه عسكريه امريكيه اه صح والجيش عمال يبنى كبارى اى والله تسلم ايديه
ويقولك هنصلح العلاقات مع سوريا طيب بامارة ايه اذا كان بوش قايل انهم حلفاء للقاعده هتيجى انت يا حج تعدل على اجندا ماشى بيها الكونجرس كله بلا استثاء
بصراحه يا الراجل ده واكل مسقعه ومستهبله مصرى يا بيشتغل الناس والناس مبسوطه بالاشتغاله
انا بسمع كلام اونكل ابو الهول فى الحاجات دى هو قالى يا بنتى ايش تأخد الريح من البلاط قولت له بمعنى قالى هو ماشى على سياسه سيبك من الوعود البراقه (هى ايه البراقه دى ) اللى بيقولها علشان كان يكسب ود الناس بعد شويه هيدى لكله بالشوز على قفاه
انتم اتلهوا على عينكوا خليكوا فى بلدكوا وفى حكومتكم والريس متقال وولده الحج عوكل وبطلوا تتواكلوا وكل واحد يدخل يقول عندى امل
يبقى ده اهداء منى ليه يسمع اغنيه الامل بتاعت الست ام كلثوم ويروح يقعد على حرف البلكونه ويخليه عايش فى الاحلام والاوهام لان مفيش جديد
فى النهايه اتفقت مع اونكل ابو الهول على ده
انا بقول مش بيهمنى غير اللى هيأثر عليه انما اللى بنوا أمل وعمر واحمد كمان على اوبا افندى فاقول لهم من مزنقى هذا ابقى قابلنى يا كابتن عند اول قفا هنأخده

ملحوسه على جنب:- اللى بيقولوا الامن هو اللى حرق الغد اقولهم بلاش عقدة الامن يا اغبياء لان معروف ان الغد مين اللى حرقه الاعضاء وقله ادبهم والسلطه اللى بينهم والطمع فيها وجتكوا البلا مليتوا البلد بغابئكم وخبيتكم القويه وتعليق الخيبه على شماعات ناس تانيه الامن هيحرق الغد ليه ودلوقتى تحديدا هو ايه اللى حصل اصلا علشان يعمل كده غير كده للى بيقولوا مفيش تواجد امنى اقولهم انتم مش بتشوفوا لان مديرة امن القاهرة على بعد اقل من كيلو من المقر وشارع الموسكى اللى واصل لحزب الغد مليان دبابير ومعروف المنطقه دى بكده يا مجانين


كان معكم من قلب الاحداث وقلب ورق الخس
ابى هانم بتنجانى


حكمه الامبراطورة

ما يكابر في الامور الا غبي أو مغرور

100 اخبط وقول رايك:

¶¶ღِِAhMeD 3LaMღ¶¶ said...

اوباميا ع الصبح

... amr said...

يا صبح

... amr said...

هشرب النسكافية البلاك اللي زي النهار دة باين علية ..... واجي اعلق انشاء الله

mido said...

التفاؤل باوبا من قبل الساسة المصريين سياسة في سياسة، هما مش دقين عصافير!

romansy said...

اوباما بس متاجين اننا نشوف هو هيعمل ايه يا اما يكون كويس ويثبت للعالم ان سياسيه التغير فعلا هى اللى يتبعها لا اما بقى هيكون زيه زى غيره
ابى هانم بتنجانى

Z_Diva said...

Helloz apps :)

wallahy y5ty wmaliki 3laya ymeen, elnas de 3ashman a7mad 3ashman :S

sbehm bokra hys7o we yb2o zay elfoll insha2alah :S

al obma naseer el3laba al, ati3a

محمود حسن العدل said...

اختى الغاليةAppy planet

تحية والف تحية على كلامك اللى فى الصميم
انتى ثبتى ان فى ناس مدركة لما يدور من حولنا فعلا احنا فى مشكله كبيرة ربنا
يستر علينا

على فكرة
انا وصلنى تعليقك وقريته وفهمتة بس انا بردو مازلت عند رأي خالينا نتكلم بالعقليه الشرقية بتاعتنا ومش تزعلى من رأى اختلاف الرائ لايفسد للود قضية
تحية الف مرة
تحيااااااااااااااااااااااااااااااااتى

tarek momen said...

طيب ياستي انا بقولك عندي امل
مش في اوباما و لا الريس متقال و ولده
لأ الأمل في ربنا
وماشي هاسمع اغنية الأمل لأم كلثوم
بس المشكلة ما عنديش بلكونة

Alaa El-Skaikh said...

كلامك جميل قوووي .. بجد ماشاء الله عليكي .. عندي بس طلي صغنطط خالص .. انا اول مرة ادخل مدونتك واول موضوع قريته فيها هو دا .. وعجبني قوووووي قووووي .. وعجبتني كمان الاغنية اللي انتي حاطاها .. ممكن اذا سمحتي تقوليلي اسمها أيه او لمين عشان انزلها ؟؟ وتسلمي وتسلم مواضيعك الجميلة

الطائر الحزين said...

امريكا ستنهار من الداخل
واوباما هذا الذى ليس له اى خلفيه يعتمد عليها و اى خبرات سيكون سهل التشكيل ممن حوله من متخذى القرار فى البيت

========

المشكلة انه ظهر فى وقت أزمة والكل سينظر له على اساس انه المنقذ وسمعت جمله من الاستاذ هيكل يقول ان هذا الرجل يتكلم بالفكر التبشيرى او مان نطلق عليه هنا الدعاة الجدد وهذا لا يتفق مع السياسة

=======
اما حزب الغد عادى ما يولع

البنت الشقيه said...
This comment has been removed by the author.
حسن حنفى said...

انا شايف انه هيكون اوحش من غيره لانه هيحاول يبعد عن اي شئ ممكن اي خصم ليه يفسرها علي انه متعاطف مع المسلمين علشان هو مسلم اوكده فهو هيحاول يثبت العكس وانه حيادي وطبعا ده علي حساب المسلمين

دمتي بخير

Foxology said...

نفس الكلام انا قولته فى عدة امثال شعبية فى مدونة عابر سبيل للأستاذ طارق لما قولت :

احمد زى الحاج احمد
الكلاب (اسف للفظ) مش بتعض ودان بعضها

واتمنى يخيب ظنى فيه على الأقل يحاول يصلح العك اللى حصل من تحت راس اغبى رئيس امريكى سابق

تحياتى :)

fashkool said...

الست ابى تهانم .. تحياتى اوباما على الصبح وعلى المساء هو اوباما .. اقصد هو امريكا .. بمعنى هى الحدايه بترمى كتاكيت .. يا جماعه الامريكان دول سيستم .. ييجى اوباما .. ييجى بوش ... ييجى حتى كيرى ولا العفريت الازرق هى امريكا كدا حتضربنا بالشوز والكرباج والجزم كمان .. المهم احنا نقدر نعمل ايه .. والله متهيألى احنا متنا ما نقدرش نعمل حاجه ابدا بدليل ان الحزب اللى كنا فاكرينه حزب حلو وحيعمل حاجه حلوه فى البلد حرقوه من زمان واشعلوا فيه العداوات والفرقات والخناقات وبعدين الاخر ولعوه بجاز وسواء الامن اللى عمل كدا والا الفرقاء اللى عملوا كدا .. النتيجه واحده ... خراااااب ويأأأأأأأس وهباب

اسامه عبدالعال said...

صباح الخير
والنبي كلمتين عايز اقولهم وامسكى خرفانك بعيد عنى
اوباما كويس
اه
بتقول اه
اه
ايوه كويس هو اوباما ده منين من السويس مثلا وبتطالبوه يبقي كويس مع مصر ما محروقه مصر على اللى فيها اوباما امريكى كويس للامريكان يعنى هيفيد شعبه وهيطلعهم من الورطه الاقتصاديه وغلاء الاسعار اللى تسبب فيه ابن العبيطه اللى اسمه بوش غير كده يقي هما ميهمهمش عرب ولا مصريين ولا نيله رئيس امريكى هيفيد امريكا بس كده

شمس النهار said...

موضوع اوبه ده موضوع اهبلواهو العالم ينشغل شويه
بس اللي عندنا دول والنعمه والنعمه ماليهم حل
شوفي انا كتبت تعليق علي موضوع اوبا الكوكتيل ده
عند سبهلله
هحطوه بالكوبي بيست عندك هنا
***الشعب الامريكي فرحان عشان عمل اللي هو عايزه
ده لو كان هو ده اللي عايزه ومااتوجهش لده
امريكا حبت تغير صورتها وتقول اني مش عنصريه والابكره المسلمين
وطبعا ده بعد البهدله اللي شافتها وورتهلنا في العراق
اهو الريس اسود من اصل افريقي وابوه مسلم وامه بيضه
يعني كوكتيل عنصريه في بعض
ونبي مفصلينه تفصيل
ايه الحلاوه دي
همه جابوه منين ده
ده علي المقاس
اوعوا تقولوا بقه ان امريكا فيها عنصريه والا بتكره المسلمين والا السود مش واخدين حقهم
واهو المؤسسات حاكمه البلد واربع سنين تفوت والا حد يموت
احنا مالنا بقه باللي بيعملوه يجيبوا زيد يجيبواعبيد والا نطاط الحيط السياسه واحده
دي دولة مؤسسات ياجماعه
همه حبوا يصلحوا صورتهم شويه عشان الضربه اللي جايه
ده شغل يهود
لم اتابع بس النهارده شفت خبر يفطس من الضحك الرئيس الكيني اده الشعب اجازه عشان يحتفل
والا ايه اخوه الغيرشقيق عمال يرقص الايعني هياخد حاجه
هم يضحك وهم يبكي
خلينا احنا فالافلامانات اللي عندنا علي رأي بنتي
---------
بالنسبه بقه لموضوع حزب الغد
انا حزينه عشان انا واحده من الناس اللي كانت معجبه بالحزب ده وافكاره
وبسأل ليه احنا بنهد كل امل
وعلي فكره ده بيفكرني بالبلطجه اللي حصلت في حزب الوفد
نفسي اعرف اشمعنا الحزب الوطني

mayada said...

شالو ام حسن جابوا ام حسين
كتهم نيله عليهم هما الاتنين
وعلي اللي يمشي وراهم
هي الحدايه بتحدف كتاكيت

رئيس جمهوريه نفسى said...

صباح شريف برنسيسة ابي
طيب وهو لما باعت مبعوث لمصر ما اتصلش لية بالسكرتارية بتاعت مكتبى يطلب ميعاد لية ولا حتى بعت فاكس منا رئيس برضة على العموم مردوده مسيرى اروح نيويورك العسل ولا واشنطون المحطة ومش حعبرة
نيجى للمهم موضوع التفائل ببارك اوباما على اساس انه مسلم واللى ثبت انه مسلم يوم ما رح لبس الطرطور الصهيونى وعيط قدام حائط المبكى ولا يوم ما طردو بنتين مسلمات محجبات من مؤتمر انتخابي لية
موضوع التعويل على تغيير السياسة الامريكية بتغير الرئيس ده كلام هطل رغم انة صادر من ساسة يعنى عارفين انى المتحكم في السياسة الامريكية برنامج موضوع مش بيتغير بتغير رئيس وفى كونجراس وكلام زى الفل بيشرف على تنفيذ السياسة الامريكية وبعدين أوباما انتخب من قبل الامريكان لسبب انه هو اللى خاطبهم اقتصاديا بزيادة دخول وتخفيض ضرائب والقضاء على البطالة وده الاهم عند الناخب الامريكى اما بقاء سوريا العراق مصر تولع بجاز ولا يهمهم اصلا
موضوع انه بعت مبعوث وربنا الراجل فية الخير بعت مبعوث رسمى مش فراش مكتبة وان كان يا ستى على البرستيج يوم ما واحد يهودى قال ليذهب متقال للجحيم اعتزر متحدث باسم وزارة الخارجية مش وزيرة الخارجية على الاقل فالبرستيج ضايع من زمان يعنى مجتش على دى
واحب اقولك لا المعونة حتتقطع ولا امريكا حتضغط على موضوع تغيير السياسة الداخلية المصرية ولا حاجة البتة
موضوع حريق حزب الغد واللة كانة دكان عم عبدة ح بتاع البقالة اتحرق هى يعنى كانت الاحزاب عاملة اية

ماما أمولة said...

ابي حبيبتي

انا مش بحب الناس دي ولا بحب السياسة

بس بحبك

وجيت اصبح عليك

سلام

ضد التيار said...

نا شايفه انها خطوة كويسه ليهم و تحسين صورتهم قدام العالم فقط لا غير

يعنى اللى حصل كله تفاؤل ليهم هما مش لينا احنا

موضوع حزب الغد الحمدلله ان لاقيت حد متفق معيا ان الموضوع منهم فيهم

ريمان said...

آبى الجميله

كلامك فى اللصميم والله وربنا يستر علينا ادينا قاعدين نتفرج

على فكره الاغنيه اللى انتى حاطاها حلوه

mahasen saber said...

شالوا بوش جابو اوباما
ومن بوش لاوباما يا وطنى ..يعنى الوطن العربى..لا تفرح
وآدى وشى السمح اهه لو اوباما وسياسته جه بشئ جديد مفيد للعرب والمسلمين وايد امريكا هتطول اكتر فى المنطقه ودبابيرها هتعشش فى كل ارجائها وده ليه لان مش جنابه اليى هيحكم هو هيبقا واجهه للرئاسه زى اليى قبله واليى بيحكم ويتحكم ويتأمر ويئمر فى قفانا عيش اللوبى اليهودى

والله اعلم
وربنا يخيب ظنى وظنك يا رحاب وقولى امين
ولاا يله نفكر كده مع بعض الدور على مين اوباما وحكمه هيلعب استغمايه فين المره دى فى سوريا ولاا قدمت سوريا دى ؟ يمكن يفكر يعمل عملية تجميل لمناخير ابو الهول كمان ولاا هو مش من عشاق تاريخ نابليون

خيب ظنى يا رب
وظن رحاب

عمرو said...

لو حيبقى فيه تغيير حيبقى فيه تغيير للأسوء اٍنشاءالله للأسوء أوى أوى
ده حيحاول يثبت أنه مش مسلم بطرق لا تخطر على قلب بشر و بكره نقول و لا يوم من أيامك يا بوش

wanna b a physician said...

بصى بالنسبة لاوبا هو يااببى الحوار باين من الاول انه هينجح كان واهو بالمرة كدا يبقى بجملة الديمقراطية عندهم اولا وثانيا لانه هيخربها تقريبا كدا اكتر من بوش
بوش ده تحسيه كان تايه شارب حاجة لكن ده فايق وواعى ويا مصيبة سوده بقا لو الناس اعتمدت على انه مسلم دى غريبة اوى اذا كان الراجل قال انا مش مسلم
وبعدين ايا كانت السياسة ماشيه ازاى عندهم هو هيكون مختلف عن الاخرين وان شاء الله كدا كله هيخبط فى بعضه وهو هيقعد يتفرج

سلام

همس الاحباب said...

شالوا الدو حطو شاهين
الدوا قال ما انتوش لاعبييييين
من بوش لااوباما يا قلبى لاتحزن
امريكا دولة مؤسسات يا بشر وليست افراد
ولا اوباما ولا غيره يقدر يغير حاجة فى استراتيجية الشرق الاوسط
ده خطط موضوعة وسوف تنفذ واما اللوبى الصهيونى ايولعها نار
افهموها بقى
بلاش نستنى المنقذ الهمام
لابد من اصلاح انفسنا بايدينا لا بايدى غيرنا
تسلم دماغك يا ست نحلة هانم

عاشقة القمر said...

انا مش اهعلق مش ماعطني 5 من 10
هههههههههههه

جبهة التهييس الشعبية said...

بصي يا اوختشي

اولا مودوع التشيفاؤل باوباما ده هو تطبيق موضوع لمثل: وش جديد يبعت رزق جديد

طبعا كل ادارة امريكية جديدة بتيجي بتبقى عايزة تظبط نفسها في العالم حيث انها معتبرة نفسها انها رئيسة مجلس ادارة العالم

وبتشوف كل شاب وفتاء وتجس نبضهم عشان تظبط معاهم

طبعا بما ان مصر بتقوم بدور الواد اللي بيلمع العربيات في الاشارة: كل سنة وانت طيب يا باشا

فده معناه ان العربية الجديدة في الاشارة ح تديهم جنيه جديد بيعور ويخرفش

هو طبعا بما انه حريص فباعت مفتشين يشوفوا الحكومة المصرية قاصة ضوافرها ومضفرة شعرها وغاسلة سنانها ورجليها قبل ما تنام وللا لا؟

عشان يعرف يستاهلوا الجنية وللا ما يستهالهوش

عرفتي بقى؟

ربنا ما يجعلنا من قطاعين الارزاق
ويا ستي ما تقديش

باعت له مندوب رئاسي باعت له مندوب مبيعات مندوب نظافة

المهم باعت كام مع المندوب
الحجات الصغننة دي ما تقفيش عندها

طب ما الكبير اتصل بيه عشان يهنيه وهو ما ردش المكالمة لولا زعيم عربي مع انه رد مكالمات كل رؤساء العالم

مجداوية said...

السلام عليكم

أوباما بالنسبة لأمريكا وبالنسبة للسيلسة الخارجية زى ما كتبت عندى لا تذم ولا تشكر الا بعد سنة وست تشهر

لكن اننا نتخيل أنه المنقذ لنا مما نحن فيه من ظلم منا وعلينا فده بقى زى اللى بيستجير بالرمضاء بالنار

أى رئيس أمريكى سواء أوباما أو غيره الهدف الأول مصلحة أمريكا فأى حد حيحقق لهم مصالحهم حيمون حليفهم حتى لو الشيطان نفسه وده حليفهم من زماااااااااااااااان

انتى أكيد مشوفتيش ملكة زرار من زمان
أصلها دندشت الأسود و دخلت الألوان على ألسود وبعدين معلش ماله الأسود شياكة ووقار وأنا بألبسه معنى كده انى حاخضك لو شفتينى ماشى يا توتى يا بفره انت جبتى خبر انها عايزة تستعين بيه ده منين ؟؟ يا ريت تحطى اللنك بتاع الخبر ده عشان كده يبقى الست عايزة ظبط زوايا لأنها بتحود وممكن تعمل حوادث

لكن ايه الحكمة والعقل ده
ما شاء الله ما شاء الله بعد تدوينة يا آه يا آه والدقن
تعتبر التدوينة دى عودة الى المسار الصحيح والفكر العالى
مش تقوليلى ايه هو الشرف وبتعملى استطلاع رأى عشان اللى مش عارف يعرف الغاية لا تبرر الوسيلة
معلش انتى بنتى وأنا مامتك النونو ولازم أقولك الحق حتى لو زعلتى انتى فى التدوينة اللى فاتت كنت عايزة ظبط زوايا زى ملكة
لكن الحمد لله رجعتى الى قواعدك بهذه التدوينة ذات الفكر الصائب والدماغ العالية يا سكينة

بس انتى شوفتينى ازاى وأنا داخله بالبندجة والرشاش !!!!
كان صوتى عالى فى الكتابة صح
أصلك غظتينى
ملحوظة املائية :
اكتب : ابقى قابلنى
ولا تكتب : ابقى قبلنى
لعدم اللبس
:)
:)
:)

Dr- Hema said...

بكره الخبر يبقى ببلاش

وبعدين هو مش لوحده ماسك امريكا عندك مجلس شيوخ ومجلس نواب ومجلس محافظين والحكومات الفيدرالية ووزارة الدفاع وكلام كبير

وبعدين هو بينفذ سياسات محطوطة فى البيت الأبيض

وربنا يستر على الولايا

د/هيما

ahmed_k said...

أولا ألخبر ده ممكن يكون غير صحيح
لأن أوباما في أيام حملته الإنتخابيه
تجاهل كل البلدان العربيه والإسلاميه
فممكن يبعت مناديب لدول عربيه في حال إستلامه للسلطه فعليا قبل كده لأ

وبالنسبه لطلباتنا من العم أوباما بسيطه هي يا ريت يبحبحها علينا شويه في المعونه أصل الناس بتكتر رغم جهود الحكومه في تقليل السكان من حرائق وغرق وهدم عمارات وتحريض الجبل على أن يطبق عليهم بس برضو مفيش فايده بيكتروا وبيزيدوا
فالمعونه معادتش مقضيه يعني أوباما باشا ميرضيهوش أن الحكومه تقعد على ابواب الجوامع تشحت
فالطلب بالتأكيد حيكون زيادة المعونه شويتين
وهنيالك يا فاعل الخير

المحارب المتيم said...

آبى هانم


برضو منطحتش هناك
هههههههههههه

انتى عارفة أنا كنت عارف من ول ما بدأت الانتخاباات ان اوباما هيفوز وسيبك من التحليلات لساسية وغيرها أنا بعرف ربانى كدة بحس

لمهم بس برضو حاسس أنه مفيش أمل منه

وان كان فيه أمل فأخرة فترة رئاسية وحدة ده اذا كملها

المهم

أول مرة ابقى معاكى فى كل اللى بتقوليه

تحيتى

أحمد المسلم said...

السلام عليكم ورحمة الله وبركاته
أرى أنه من الضعف أن ننظر لمن تم انتخابه ليكون رئيسا لدولة أخرى على أنه منقذنا ومنجينا من المهالك

أتمنى أن نفكر كيف نجعل من دولنا الإسلامية قوة رادعة حتى تنظر لنا كل دول العالم نظرة احترام وتقدير وهيبة وقد كانت هذه النظرة موجودة أيام دولة الخلافة الإسلامية " الدولة العثمانية " أيام قوتها

دعونا نفكر في أنفسنا وكيف نستعيد قوتنا بدلا من النظر لدولة احتلتنا وسرقت أموالنا ولازالت

أذكركم بقول الله تعالى والذي يصف حال كثير منا الآن إذ يقول ربنا {فَتَرَى الَّذِينَ فِي قُلُوبِهِم مَّرَضٌ يُسَارِعُونَ فِيهِمْ يَقُولُونَ نَخْشَى أَن تُصِيبَنَا دَآئِرَةٌ فَعَسَى اللّهُ أَن يَأْتِيَ بِالْفَتْحِ أَوْ أَمْرٍ مِّنْ عِندِهِ فَيُصْبِحُواْ عَلَى مَا أَسَرُّواْ فِي أَنْفُسِهِمْ نَادِمِينَ} (52) سورة المائدة

فلا داعي للإسراع إليهم ولا إلى غيرهم فما النصر إلا من عند الله ونحن قوم عزتنا في الإسلام وذلنا في غيره والواقع خير دليل والسلام ختام

Sherif said...

آبى الكميلة
==========

كل العالم يحلم بزعيم .. فى وقت خلا من الزعامات وامتلأ بالموظفين من أول بوش

لاتنكرى ان أوباما له كاريزما ما توحى بالتفاؤل .. ولو حلما

عارفين ان اجندته الاميريكية كفيلة باغراقه حتى اذنيه .. كما هى كفيلة بالتهام ولايته الاولى .. وربما الثانية أيضا .. ولو نجح قليلا فمش هايجيب مجموع

لكنه الأمل و الحلم فى حد ذاتها .. حتى دى كمان ممنوع ؟ ايه الظلم ده

¶¶ღِِAhMeD 3LaMღ¶¶ said...

هوه الراجل لسه معملش حاجه عشان نحكم عليه
وبعدين الحج باراك ابن عمو حسين
الامريكان انتخبوه عشان تصحيح الوضع الداخلي مش عشان سواد عيون العرب او حتي اسرئيل او حتي اي قضيه في المنطقه سوي سحب القوات المرميه في كل نصيبه عشان ولادهم ترجع ليهم
بعد ما خربوها وقعدو علي جازها
وبترولها
.......
علي فكره انا اكتب وانتي بتفكري وانا افكر وانتي بتكتبي في نفس المواضيع
هههه

bastokka طهقانة said...

ايه ماج السياسة اللي اندلق عليا ده
انا لسة ضاربة فطاير مش طالبة سياسة



من اوباما لبوش يا قلبي لا تحزن
مع الاعتذار للمثل الاصلي

اوروفوار

مواطن مصرى نايم said...

شوفى يا ابى يا اختى
اى و الله كده زى ما حقولك
احنا حكومتنا ماشية بمدأ
شى شى هص هص
اه
و الله
لازم تبين للعربجى الجديد انهم حمير بيسمعوا الكلام
و لما يقول
هص
يقف الحمار
و لو قال شى
الحمار يمشى
يعنى هما بيثبتوا له انه لما حيركب حيرتاح
طالما ان شغله الحمار دى بتجيب دولارات
يبقى مفيش مانع انهم يبقوا حمير

انا ما فرحتش بفوز اوباما و لا كنت حفرح لماكين
احنا الفرحة اللى شايفنها فالعالم العربى دى نتيجة

افتقاد العالم العربى لتغير السلطة

اه يعنى الناس فرحوا عشان نفسهم الحاكم بتاعهم يتغير زى ما حاكم امريكا اتغير

يعنى الفرحه هنا
عباره عن كبت

و الله الموفق
و احب اسمع سلام

مصر هى مامتى لونها لون بجامتى

ابو على said...

سلام عليكم

عموما الله يسامحك بقى انا معايا توكيل من ربنا ( استغفر الله العظيم)ماشى يا ستى متشكرين

عموما هاقولك عيب وحرام تغلطى ف بنى ادم مش عمل حاجه ولا غلط فيكى ولا ف المسلمين
انتى كده خدتى سيئاته وهو خد حسناتك
ويا اخت آبى اين كان اسمك انا مش نبى ولا رسووول ولا بدعى انى كده

عموما كل واحد ليه ملك بيرد عليه
سلام

mohamed ghalia said...

أختى العزيزة أبى
والله دايما أرائك بتعجبنى جداا
يعنى الراجل أعلن انه صحيح من أصول إسلاميه بس هو مش مسلم وراح قعد يعيط ساعتين قدلم حائط المبكى وأعلن تعاطفه مع إسرائيل
وبعدين هما الأمريكان عبط ؟ هما لو عرفوا انه عند ميل بسيط للمسلمين ولا عمرهم كانوا فكروا يرشحوه
الكفر كله مله واحدة
ودى خطة كلهم ماشيين عليها مش فارقه بقى بوش ينفذها ولا أوباما
ربنا يستر علينا
أنا بقول نشوف مصايبنا احنا احسن
وسيبنا من أمريكا ورؤسائها
تحياتى اختى الغالية
دمتى بود وفى سعادة

goodman said...

لن يغير شخص واحد سياسة ماشيه من سنين
حتى ولو اراد هو
على كل حال
يناء الاحلام على اوباما
ليس الا هروب مؤقت من الواقع
وقريبا نستفيق من تلك الغفوه

جنّي said...

ومين قالك انهم ما خدوش اول قلم على قفاهم من اوبا الم يقل ان القدس هي عاصمة دولة اليهود ..

وفي النهاية الكفر كله ملة واحدة
فمن يبرأ من الاسلام لا أمان له ..

شكرا وتحيتي

blue-wave said...

بالفعل
هىي سياسه
مابتفرقش فيه الأشخاص

أنونيمس said...

الموضوع مش أوباما بحد ذاته

الموضوع اللي جاب أوباما

واللي خللى بوش يمشي

واللي لازق فينا بغرا

mohamed said...

لا لجلد الطبيب المصرى بالسعوديه1500 جلده

ضــى القمــر said...

الله معاكِ حق فى كل كلمه يا ابى

بس ياريت كل اللى عندهم أمل بالمستحيل يسمعوا شويه

او يقللوا الأمل الغير مفهوم ده

شكرا لكِ على اجمل فنجان قهوة يا قمر ..

بس شربته على وش الفجر :)

adel said...

بصي انا لسه جديد هنا
فبالنسبة للعم اوب واما ده ربنا يجعل كلمنا تقيل عليه
مش هيفرق عبن اللي قبله و اللبي بعده
و اول القصيدة عين مساعد اسرئيلي تمام ....يعني جاب من الاخر
و مع اني مش عندي عقدة اليهود....بس اديني هنشوف ...

عادل
http://elbald-dy.blogspot.com/

micheal said...

ميه ميه يا نايبتي الجميلة
أنا قلت قبل كده السياسة الأمريكية لها ثوابت لا يغيرها اشخاص ولذلك لم أتابع الإنتخابات الأمريكية مطلقا لدرجة أني حتي وقت قريب كنت فاكر أن ها بين الست هيلاري ومستر أوباما
:)
وحتي لما بوم بوم فاز..عرفت بالصدفة لان الهوم بيج بتاعتي موقع الياهو وعرفت متأخر بتاع 12 ساعة
:)
أما الغد فطبعا متفق معاكي لان ده حال الأحزاب المصرية
واضح أن الوثني ده قدر مصر مش ختهرب منه أبدا
تحياتي

الربان said...

تحياتي

التغيير في السياسة الخارجية للولايات المتحدة الامريكية يخضع لعملية معقدة
نظرا لوجود لوبي صهيوني قوي هو تقريبا من يحرك السياسة الخارجية.

اوباما أو غيره...نفس السياسة ستستمر
و بمجرد فوز اوباما اعلن انه من غير المقبول تملك ايران سلاح نووي...هذا مثال بسيط لانه قبل الانتخابات كان بينادي بالحوار مع ايران.

مصلحة الولايات المتحدة تأتي اولا بالنسبة للساسة الامريكيين...و هم يعتقدوا ان مصلحتهم في وجود اسرائيل
دولة قوية في الشرق الاوسط...

ياريت ساستنا يتعلموا ان الولاء لمصر يكون هو المرجع الاول و الاخير...و لا يستقوا بالغرب...لان مصلحة و أمن مصر
اولا ...و ليست المصالح الشخصية الضيقة.

بالنسبة لحريق حزب الغد... الصراع محتدم بين الجميع...ليس فقط حزب الغد بل
علي رئاسة الاحزاب الاخري ايضا...
و ليت الامر توقف عند هذا الحد...بل وصل الي الرياضة...و طبعا كلنا نعلم
مشكلة نادي الزمالك...و مشكلة اتحاد
رفع الاثقال....

الكرسي...و السلطة...سيظلا دائما و ابدا بريق يخطف ابصار البعض منا...

تحياتي و تقديري ...و ياريت تجمعي الحكم
في كتاب ...اعتقد انه سيجد نجاحا.

تحياتي و تقديري

nour shahen said...

يا آبى حسستينى انى في خناقه مش تقرير صحفى علي الصبح
مخنقوقه منهم قوى كدا ليه
هدى نفسك يا بنت الحلال بالراحه عليها
مشو بوش جابو اوباما كلهم فى فريق واحد فريق الدمار الشامل وتلبيس العمم
واحنا بضعفنا المصطنع بنعمل مش شايفين سيبنها تخرب مهو ضربوا الاعور علي عينه قال ايه خسرانه خسرانه
واشربى العصير هههههههههه
اقصد القهوه
بس انا مبحبش القهوه واحد كابتشينو الله يكرمك
تحياتى ياحياتى

ana ga3an said...

انتي يا بنت انتي مش هاتبطلي تتبلي علي الاخوان
فين دول انهم قامو بتهنئة اوباما علي فوزة
انتي بتمشي مع ابو الهول في اللي يجي علي هواكي
والباقي لا :)


انا معاكي في عدم جدوي تغير الرئيس الامريكي
فالذي يدير امريكا ليس مجرد شخص
فيتغير الموقف بتغيرة
واقولها لصغار العقول ومنغلقي الافق
امريكا ليست مجرد رئيس بل هي 13 مليون يهودي

لورنس العرب said...

كله فاكر ان اوباما جاي عشان يعمل لمصلحة البلد بتاعته- لكن الامريكان مختارين اوباما عشان يعمل لمصلحة امريكا مش مصلحة حد تاني
.....
بالنسبة لحزب الغد- امبارح في جريدة الدستور قرأت للمعاق ذهنيا -ابراهيم عسيى- والمتخلفه عقليا- جميله اسماعيل- ان الحكومه وراء حريق حزب الغد
أصل اي حاجه مش تمام لازم تبقى الحكومه وراها والناس يا عيني ملائكه
ولاحظي حاجه
ان حاليا فيه حزبين
حزب لأيمن نور وحزب للغد
من المفترض ان اللي في حزب الغد وشهدوا على ايمن نور ودخلوه السجن كانوا يلائوا ناس تتبعهم
لكن اللي بيشجع ايمن نور لا ينتمي لحزب الغد ولكن لأيمن نور نفسه
ولو مات ايمن نور لن تجدي من يقول انه من انصار الغد- بل سيعلقون صورته على الحائط انتظارا إلى أن يقوم بين الاموات مثلما يفعل الناصريين مع عبد الناصر والوفديين مع سعد باشا
بقترح عليهم يسموه حزب النور - وده عشان المستقبل يعني
ولا انتي ايه رأيك؟

وومن said...

آبي

جناب الإمبراطور صباح السوياسة

اولا مين اللي قال ان باراك مسلم علشان جدة كان اسمة حسين الراجل من اول يوم قال انه مسيحي وجابوا اسقف الكنيسة بتاعته وقال ابني اوباما تربيتي ومسيحي

ثانيا بقي تاعبين نفسكم وومتفائلين بأمارة ايه الأمريكان نفسهم قالوها
دي سياسة دولة بغض النظر عن اللي قاعد علي الكرسي

بلا خيبة عليكو بتتمسحوا في الراجل فاكرين هايعملكوا ايه ومن اولها باينه راح اتمسح في اليهود وزار اسرائيل عبر حد منكم
متفهميش الناس دي هبلة ولا دقة عصافير مستنين لما واحد يجي يعدلهم المايلة

كفاية بقي يا آبي مرارتي مش مستحملة

ana ga3an said...

عزيزي لورنس العرب
بدلا من تلقيح الاتهامات والنعت بالاعاقات الذهنية

خليك في حالك ومعضلة ظفر الصباع الصغير

راجى said...

اقول ايه بقى ؟ الناس الحلوة قالت كل حاجة

خمسة فضفضة said...

السلام عليكم روحمة الله وبركته

متهيالي اننا مانتسرعش في الحكم علي اوبا افندي قبل ما نشوف ويمكن يكون كويس وجايز جدا يكون زي الزفت

وعلي راي امينه : بكره يا كودية الزار نعرف الجد من الهزار

ههههههههههههه


--------------

اما حزب الغد فايه يعني ماكل حاجه في البلد عماله تولع اشمعني هو اللي مش هايمشي علي الموضه

دا حتي تبقي عيبه فحقه
:))))))))))

------------

آبي المدونه عندك بتهنجلي المتصفح ونادر لما باعرف اعلق ، مش عارفه فيها ايه بتخلي الفاير فوكس يقفل ؟؟؟


سلام يا قمر

Abo 7anf said...

انا معاكى انتى عندك حق
اوباما وغيره اكيد مش هيجى يطب السماح من مصر عن العمله غيره
اما حزب الغد دا قله ادب

انا من اهوى ومن اهوى انا said...

قاعدين كلنا مستنيين أوباما وكأنه المخلص

وكأنة المهدى المنتظر اللى هايهدينا لطريق الجنة

شوفوا حالكم يا ناااااااااس محدش بيمسح دمعتنا غير إيدنا

اوباما مش هايجيلنا يبوس الواوا بتاعتنا :((

ههههههههه تحياتى يا أبى

Oss said...

صبح صبح يا آبى
لأحسن يحتلوا الكوكب باللى عليه
ويقولوا دى ليها علاقه بالقاعده
أو على الأقل يعملوا غاره على الكوكب
ويخطفوا خروف او اتنين من خرفانك
:)

بصى
مهما كان
أنا حاسس انه اكيد هيبقى احسن من بوش
فى الطبعه الأولى على دريم من كام يوم
المسلمانى قال -وانا معاه- ان الرئيس تقريباً منظر او وش للكونجرس
لأن معظم السلطه فى ايدهم مش فى ايده
بس ذكار الريس انه يخلى الناس ازاى تهلل على القرارات دى
بوش كان حمار
وعمر ما حمار هيجى زيه
فده مهما كان هيكون أحسن لأنه هيستخدم السلطه اللى فى ايده حتى ولو كانت قليله بذكاء

تحياتى يا آبى
وآسفين عالغيبه

mony said...

و الله يا ابي لما اوباما نجح


قلت ابدا
لابد و حتما يكون في حاجة غلط


يا اما في مصيبة كبيرة و السيناريو بتاعها مكتوب و هتكون بامضائه الشريف


يا اما الله اعلم

بس الموضوع فيه انً

ابو اعصار said...

لنكن واقعيين فوز اوبا ما يعني الكثير لكل المهمشين حيث ان العالم الحر مكان للمبدعين والناجحين


التفاؤل مش هو المقياس
نجاح اوباما بتنظيمه وافكاره وتحديه للعواقب جعل منه شخصية ذات كاريزما عالمية مش في العالم العربي بل في اوربا والقارة الهندية
انا لا ادعو الى الاتكال على اوباما فقط انا ادعو الى اخذ العبرة وقارني بينهم وبين اي دولة عربية حيث الحاكم الاوحد يجلس على الكرسي مدى الحياة ما يحركوش الا تنين انقلاب او موت

ربنا يجيبهم لاي حاكم ظالم

مش شرط انا لما اعجب بخطه اي شخص اني بحبه وبتفائل بيه

ربنا يعقل قيادي حزب الغد انا خوفي لا يحصله فصيل تاني من المعارضة

تحياتي لك

mahasen saber said...

انتى مين اليى حارق دمك ومزعلك وبعدين تشيلى البوست قبلما ااقراه ده يصح يعنى
انتى كل ما تدايقى بتشيلى بوست يا رحاب
زى اليى كل ما يدايق يشد فى شعره
ههههههههه امال فين خرفانك يا قمر علمهم كيفية الاستعداد للهجوم

روقى كده ولا يهمك

رئيس جمهوريه نفسى said...

يا قمر انت يا واثق وحاطط رجل على رجل
بس اذى يا بتنجانى تقولى حتدعى الناس على فرح اختك وكنا مع بعض ومش تعزمينى وش بيعيط

سومه...مجنونه فى بلد عاقل said...

ربنا ياخد طنط ام مرفت لو كنت فاهمه حاجه
بصى انا لسه معلقه عند لماضه على موضوع اوباما دا قولت انا مش مستبشره بيه خير وان الجاى مش احسن من اللى رايح وحاسه انه اسوا كمان
لتحليل بسيط كدا فى راسى من عده مسميات اتقالت ومن محاوله اغتياله من نازيين على حد علمى فكونت فكره ربنا يخيب ظنى فيها
بوست ايه اللى نزلتيه وشيلتيه
ومالك متنرفزه ليه
ولا يهمك يا سكره ومتزعليش من اى شىء
اهبالنسبه للغد انا برضو فى الاول قولت هى توقيعه من الامن وبعدين ادركت انها مش كدا خالص من طريقه كلام الاعضاء على بعض وشتيمتهم فى بعض وادى الحياه الحزبيه مش عارفين يستروا نفسهم قصاد الناس ابو الاحزاب من اوله لاخرها اذا كانت بالقذاره دى بصراحه ومعلش وبعتذر للناس بس فعلا حاجه اخر قله ادب
وقال دول اللى كانوا حيمسكونا

سومه...مجنونه فى بلد عاقل said...

سومه هى الحل رشحونى لرياسه قرعيا الكبرى

كيكى said...

اوباما اوغيرة؟
تفتكرى اصلا فى امل او اصلاح وتغير
صدقينى يا ابى
مبقتش تفرق سينا من سونيا!!
عووووووووووووووووو1

Zika said...

انا بارضه مش شايف ان اوباما ده هو سوبر مان بتاع العالم يعني انا حاسس ان زيه هيبقي زي غيره لا هينقص ولا هيزود .. هو اه احتمال ينقص والله اعلم بقي الدور علي مين
...
الا انتي ازيك كده... فينك ؟
...

~*§¦§ Appy §¦§*~ said...

¶¶ღِِAhMeD 3LaMღ
===============

هو انت جعان يا احمد هههههههههه






amr
====
بالسلامه يا عمرو تنور يا خويا

~*§¦§ Appy §¦§*~ said...

ميدو
==========
هو انا مش سيباك على الجايكو بتضحك جاى تعمل ايه هنا هههههههههههههه
لا هما داقين على دماغتنا طبول يا ميدو
نورت هونا وهوناك





رومانسى
==========
واباما ماشى على خطا الكونجرس يا ابنى هيغير ايه كبيره هيغير للعرب الكوافيل ههههههههههه

~*§¦§ Appy §¦§*~ said...

Z_Diva
========
ام زعبولا قطعه من قلبى هههههههههه
انتى ايد دخلك فى السوياسه يا حجه
ههههههه
صحيح قال اوبا قام قال نورتى يا قمر






محمود العدل
==============
اهلا بيك يا محمود
وعموما راى كله قولته فى التعليقات على البوست واهلا بيك وانا اللى سعيده بتعليقك بجد ومتابعاك على طول ربنا يكرمك

~*§¦§ Appy §¦§*~ said...

tarek momen
==============
اقعد على حرف الشباك هههههههه عموما الامل فى ربنا هو احسن حاجه الدور والباقى على اللى عندهم امل فى بنى ادم شبهم
نورت يا استاذنا






Alaa El-Skaikh
===============
اهلا بيك ومنور الاغنيه لمطربه اسمها nadi ali
هى بتغنى ترانسات بس
اعمل سيرش عليها

mostafa rayan said...

انا كنت قرأت البوست قبل الحذف
عايز بس اقولك ماعاش اللي يزعلك يا قمر
ماتحطيش في دماغك واحنا بجد بنحبك وبنحترم رأيك حى لواختلفنا احيانا معاه
تحياتي ليك ودمت بخير

~*§¦§ Appy §¦§*~ said...

الطائر الحزين
================
يا ريت تنهار ما الداخل والخارج والحروف كمان وعندك حق فى كلامك
لا الناس اللى عاوزه تتعلق بقشايه حتى لو غلط
نورت يا حكيم





حسن حنفى
===========
اسم الله عليك يا حسن اهو انت فهمت اهو

~*§¦§ Appy §¦§*~ said...

Foxology
==========
ده علشان يصلح العك ده ولا قدامه ميه سنه يا لهوى ده شال حله تورلى على قفاه
نورت يا فوكس






fashkool
=============
استاذنا هو الامن وقف يتفرج بصراحه هههههههههه
هو سابهم يولعوا فى بعض بس وقالك نخلص
نورت يا استاذنا

~*§¦§ Appy §¦§*~ said...

اسامه عبد العال
==================
صح يا اسامه انت والله كلامك صح كويس ليهم مش هيعمل لينا حاجه يبقى الناس بتتمسح فيه ليه
ومن غير ولا حاجه






شمس النهار
==========
المشكله يا شمس اننا فاهمين الكلام ده هل بقى الحكام العرب مش فاهمينه ولا دى مصالحهم الشخصيه ولا ايه بقى

~*§¦§ Appy §¦§*~ said...

مياده
=========
اى والله يا اوختى الله ينور على المنصورة واللى منها






رئيس جمهوريه نفسى
==================
اه يا نحنوت ازاى ميتصلش بيك تصدق فاتته الشوز ده ههههههههههه
بس يا محمود اللى مضايقنى ان الناس دى فعلا معندهاش دم
وبعدين بينى وبينك هو يروح لرئيس منتخب مش يروح لرئيس كابس بالبلطجه
النى انت هتحبسنى ههههههههههههه
نورت يا دودو

~*§¦§ Appy §¦§*~ said...

ماما اموله
===========
صباح قشطه وحاجات جميله خالص
وانا بحبك اوى ربنا يخليكى ليه






ضد الطيار
================
ايوه صح ليهم مش لينا احنا خالص خالص
نورتى يا بنوته

~*§¦§ Appy §¦§*~ said...

ريمان
=========
ميرسى يا حبيبى واتفضلى الاغنيه بالمطربين كمان ولا حد يغلا عليكى ههههههههههههه







محاسن
========
انسى والله ما عندى اى تفاؤل منه يا ريت يا بنتى بس يبعد عن الدول العربيه يعنى يا نحله لا تقرصينى ولا عاوز منك عسل

~*§¦§ Appy §¦§*~ said...

عمرو
==========
طول ما انت ماسك لهم العصايه اللى فى صورتك دى يبقى هيتعدلوا
نورت يا عمرو






wanna b a physician
==================
لا وراح حائط المبكى كمان علشان يحلف ده كان ناقص يحلف لهم طلاق باتلاته ولا فاكرين عيلته اذا كان فيها مسلم هيأثر عليه وهو حتى لو مسيحى زى اى حد قبله كان عمل ايه يعنى للمسيحين
يا دكتور بلا نيله

~*§¦§ Appy §¦§*~ said...

همس الاحباب
==============
ميرسى يا خالد بس يا ريت نفهم ان كمان بقى بينا احنا كسلمين صهاينه ههههههههههههههه






عاشقه القمر
==============
انتى هتكروتى قولت 15 من 10 مش خمسه هههههههه

~*§¦§ Appy §¦§*~ said...

جبهه التهييس
=================
وهما يا نوارة يعنى ممسحناش لهم العربيات
ما تبصى يا بنتى كويس هتلاقى فيه ناس مسحت له الشوز حتى بس ركزى كويس
علشان يقعدوا يتكلموا بالدولارت
والله ما صعبان عليا الا الناس الغلابه
نورتى يا نواره الكوكب كله






مجداويه
======

برضه مفهمتيش يا ريا والله ما بعمل استنطاع راى ده يا حبيبى
انا بواجهه الناس بفكرهم الغلط فهمتى والدليل ان فيه ناس كتير معرفتش ترد
ثانيا انطحى على كلمه حجه ملك هتلاقى اللينك يا قمر اللى فيه بتقول هتروح لاوبا افندى فيه
ونزلى السلاح عيب كده عليك
دا انا بنتك هههههههههههههه

~*§¦§ Appy §¦§*~ said...

د/ هيما
===========
وعنده مجلس نميمه كمان نسيت تقولها هههههههههه






احمد
=======
عموما هكلم لك اوباما بيه يشوفك بكلم سنت او سحتوت حتى هههههههه
نورت يا احمد

~*§¦§ Appy §¦§*~ said...

المحارب المتيم
==============
طيب عندنا فيك كلام كلامى هيبقى لينكات ونطح وورينى هتعمل ايه هههههههه






احمد المسلم
===========
ربنا يكرمك يا رب انت قولت اللى عاوزه
بجد مبسوطه بكلامك ونورت الكوكب

~*§¦§ Appy §¦§*~ said...

شريف
=========
نعمل له ملحق عادى ههههههههه
يغرق بس بعيد عننا والناس دى تفوق
الا اما مش شايف اى كاريزما خالص فى الموضوع هههههههه نورت يا شريف





¶ღِِAhMeD 3LaMღ¶
===============
ايه اكتب وتتكعبلى وافكر واتكعبل دى ههههههههههه
عروستى
عموما شرف ليه يا احمد ان ده يحصل

~*§¦§ Appy §¦§*~ said...

طهقانه
=========
سورى يا فندم كنا بنغسل بس شويه كوبيات ما انتى حظك مش بيجى غير فى ده هههههههه
نورتى يا قمر





اسلام
---------
يا لهوى يا سمسم دا احنا طلعنا وهشين على راى ايمو ابن اختى اوى
لما بيقولى انتى وهشه اوى يا هاتو هههههههههه
انا هقولى برضه فى المرايا كده
صباحه يا سمسم

~*§¦§ Appy §¦§*~ said...

ابو على
==========
والله ما قصدى تزعل يا حج
بس انت ضايقتنى لما قولت موضوع مش بيتقبل له صلاه
وعموما متزعلش منى ولو عاوز حسنات معنديش مانع الحمد لله رب العالمين عندى كتير هههههههههههههههه






محمد الغاليه
==============
لا احنا اللى عبط علشان مصدقين انه الفارس المغوار ههههههههههه

~*§¦§ Appy §¦§*~ said...

goodman
=============
ما هو كفايه بقى هروب الا كده هنقضى عمرنا خلف القضبان فى الاوهام
نورت الكوكب





جنى
=======
لا هما مستهبلين ومش عاوزين يشوفوا ده وبيرقصوا كلهم مع بعض على حساب الشعب

~*§¦§ Appy §¦§*~ said...

blue-wave
=========

لا وسياسه ماشيه بقفاها على العرب بس
نورت يا دكتور






انونيمس
==========
عاش من شفك يا راجل والله

~*§¦§ Appy §¦§*~ said...

ضى القمر
============
اهلا اهلا بالنسبه المستخبيه ابقى تعالى كل يوم وانا اشربك عشره منه يا حبيبى







عادل
========
اهلا بيك نورت بلوج سبوت وعماته

~*§¦§ Appy §¦§*~ said...

ميشووو
=========
هههههههههه مش قولت لك نايبتك دى هتوديك فى حتت وحشه
وانا اجى فى مخك فين يا ريس
ويا رب يولع فى الوتنى وسنينه





الربان
=========
استاذنا وانا اقدر اقول حاجه على كلامك انا اللى مضايقنى الحكامم العرب واصرارهم المستميت على انهم يضايقوا فينا

~*§¦§ Appy §¦§*~ said...

نور
=======
لا ابدا مش خناقه بس نرفزة يا حبيبى فقعوا مرارتى
نورتى يا نور






انا جعان
==========
طيب وبعد ما جبت لك اللينك يا سمسم
ها لسه بتبل واتنشر عليهم
ولا هتقولى زى ما قولت ها قول قول كده
عموما حد طايل يقعد مع ابو الهول
ده كله حنيه وحكم وحتى بيضحكنى ساعات ههههههههه
على فكره انا حطيت اللينك فى الكلام علشان محدش يقولى جبتى الكلام منين اكيد مش بابا اللى بيعمل التصريحات دى هههههههه
نورت يا سيزر

لورنس العرب said...

انا شفت موضوع الاخوان في اسلام اون لاين قبل لانتخابات الامريكيه- وقالوا انهم بيأملوا ان التغيير ييجي على ايده- مش هما لوحدهم- ده فيه في البرازيل ناس قالوا انهم بيأملوا ان تتغير الاوضاع على يد اوباما- كله مجنون يا آبي، وكله عاوز يبقى تابع لهم والناس كلها لم تتحد من أجل تغيير مجتمعهم من الداخل- منتظرين واحد من بره هو اللي يغير

~*§¦§ Appy §¦§*~ said...

لورانس العرب
================
مع اتفاقى معاك فى كل كلمه الا انى زعلت من كلمتك على ابراهيم عيسى بجد لانه مهما اختلفنا معاه فهو حد كويس غير كده انا مقرتش المقال
بس اعتقد انه بيلوم الامن فى عدم التدخل بس انا مش بلومه ههههههههه
اما عن جميله فربنا يسمحك ليه تقول اسمها هنا عااااااااااا






وومن
========
والله ما انا يا واختى اللى قولت
اعملى سيرش عليهم واضربيهم بالشوز يا حبيبى

~*§¦§ Appy §¦§*~ said...

راجى
========
ميرسى يا راجل ليك ونورت








فضفضه
========
دا انا اقطع له رقبته اللى مش يخليكى تدخلى هنا
هتلاقى بس التمبلت تقيله على الجهاز عندك
نتورتى يا دكتورة

~*§¦§ Appy §¦§*~ said...

ابو حنف
==========
ماشى يا زملكاوى بس الحكام العرب مش بيفهموا كده ليه مش عارفه
نورت يا محلاوى






انا من اهوى
=============
طيب نجيب لهم هيفا ههههههههه

~*§¦§ Appy §¦§*~ said...

اوس
=======
يا راجل انت لسه فاكر ان لك اخت قاعده فى الكوكب ده
نورت يا اسامه تانى






مونى
=======
دى ان واخواته وولاد عمتها ههههههههههه

~*§¦§ Appy §¦§*~ said...

ابو اعصار
===========
بصراحه احنا الكراسى عندنا هى السبب اى والله
مش جايبنها تيفال علشان كده الحكام لازقين ههههههه





محاسن
=========
لا يا حبيبى ده كان الشوز ضيق على رجلى وقلعته
هههههههههههه
ربنا يخليكى ليه يا قمر

~*§¦§ Appy §¦§*~ said...

رئيس جمهوريه نفسى
==================
عيب عليك هو انت محتاج دعوة يا نحنوت دا انت من اصحاب الفرح






سومه
=========
يا بنتى قولت عليكى ست العاقلين محدش صدقنى
اه هنتخبك فى استنخابات الاطفال اجرى يا بنت بدل ما ارش ميه ههههههههههه

~*§¦§ Appy §¦§*~ said...

كيكى
=========
ايه ده فين عوو بتاعتك انا كده برضه اتخضيت يا بنتى






زيكا
========
قاعده جنب ابو الهول يا زيكس هههههههههههههه

~*§¦§ Appy §¦§*~ said...

مصطفى ريان
==============
ميرسى يا مصطفى ربنا يخليك يا رب
ويا ريت بقى لما تختلف تقولى علشان بحب اتناقش يمكن اكون انا غلط ساعات
نورت وربنا ميحرمنيش منك خالص





لورانس
=========
خليهم يأملوا مش ياملوا يا خويا من كتر القعده

Bannoura said...

آاااااااااابي
ضحكتينيييييي

أوبا أمه

تصدقي بجد جامدة

شاله ألضو
جابو شاهين
ألضو قال
مانتوش لاعبيييييييين

~*§¦§ Appy §¦§*~ said...

Bannoura
==============
اعمل ايه اصله فاقع مرارتى يا قمر