متحرره ...حر..حرانه

تحديث:- عااااااااا قررت انا ابى هانم قفل المناقشه على هذا البوست الجملى حيث اننى خاااارت قواى ومبقتش قادره ارد تانى اللى يعلق براحته بس يقرى ردودى لان اكيد الكلام هيبقى مكرر وانا صوابعى اشتكتنى فى محكمه الضوافر ومبقتش قادره عليها عاااااااااااااااا


اصباح الخير على الحلوين بس الفياكين والفيكونات انا كده بقالى كام يوم ربنا موقعنى فى ناس فله فله بجد وكل شويه حد يقولى لا يا ابى يا اختى دى البنت دى متحررة اقوم انا اتنح واقول متحرره يعنى ايه دى وحوجبينى تقلب زى شنبات الاسد وشعرى يدخله فولت الفين وات وتخيلوا بقى منظرى ليه لانى بحس ان الناس بتقول الكلمه دى على انها شتيمه وانا على قد فهمى نظمى رمزى اللى فى دماغى عارفه ان الكلمه دى كويسهومحترمه وبنت ناس كبار اوى والتحرر هو الخلاص من قيود وعادات متخلفه فى المجتمع انما الناس حولوا الكلمه بقدره قادر لحاجه وحشه وطبعا دى اشهد بيها للمصرين انهم الشعب الوحيد اللى بيحول كل حاجه من معناها الجميل لمعنى يخليك تمشى بقفاك وتلبس زعبوط وتمشى بفرده بووت والفرده التانيه تحت ايديك يعنى لو بنت حطت صوره رومانسيه او صورة كتبت اسمها عليها يقولك دى متحرره اوى وده دليل على التحرر يا جدعان ولا ايه مش عارف الله هى دى صورتى يا ناس وبعدين صورة حلوة ما احنا ليل ونهار بنشوف افلام وكليبات ومولتى وبوبى اللهى كلب يعضها والست نانسى اكرم وبلاوى زرقه اشمعنى جت على دى هسألكوا كام سؤال بجد علشان نحط حد للمهزله والتخلف ده وجابوا وممنوع تعريف التحرر بالتعريفات الاتيه

التحرر هو الواحد الحرانه طول الوقت

التحرر هو الواحدة اللى مش محتله
يعنى مش عاوزة هزار نتكلم بجد بس مش قوى


يالا الاسئله وبرضه كله يجاوب البنات والاولاد لان فيه بنات هقولكم ومش تقولوا لهم مش فاهمين معنى التحرر ودماغتهم مزنوقه برضه فى كعب فنجان قهوة

السؤال الاول ربنا يستر
=========

ايه هو معنى التحرر؟

التانى اه يا خوفى يا بدران
=============
هل التحرر حاجه كويسه ولا وحشه من وجهه نظرك وتعريفك له ؟

التالت ضغط على الزرار واللمبه هتولع ههههه
=====================
هل التحرر له علاقه باللبس والتصرفات ولا له علاقه بالرغبات اللى جوه الانسان؟


الرابع وهنا هيبدأ تحديف الجماهير بالفته
===================

هل التحرر يتعارض مع الدين الاسلامى او الدين والتدين عموما؟

الخامس عشانا عليك يا رب
==============

الجواز من واحده متحرره او واحد متحرر كويس ولا وحش وايه سبب رفض الجواز منه او منها ؟

يالا حلوا بقى الاستمحان وربنا يكتر فى الاصفار اللى هديها لكوا ان شاء الله تحذير يا فيايكين محدش يفتح الكتب ويجيب ليه المعنى الا النبى اذنبكم على الباب وكل اللى رايح واللى جاى يديكم قفا انا عاوزة اللى جواكم واللى انتم فاهمينهم ومحدش يتكسف يقول الحقيقه علشان لو هو فاهم غلط الكل يصلح له وكل يرد على بعضه هنا عاوزين مناقشات وكلام مع بعض علشان نصلح مفاهيم ومعايير(حلوه معايير دى فى الزمخشرك يعنى الجردل اللى بنحط فيه الميه هههههههههههههه) غلط فى حياتنا

ملحوسه :- انا مش عاوزه التعريف والنبى انا عارفاه انا عاوزة وجهه نظركم ومحدش يقولى ده نسبى ومش نسبى انا عاوزاه بعيونكم انتم مطققونيش بقى بدل ما اسيب الخرفان عليكوا ...زومحدش يربط البوست بيه مش كل حاجه بكتبها تبقى عنى الله يخليكوا انا اللى بيجى ناحيتى ملوش عندى غير خروف وقلتين يعنى مش بسكت فى الحقيقه هههههههههههههه
كان معكم معلم اول ناظر مدرسه اخلاق بنت ام حميده ابى هانم بتنجانى


حكمه الامبراطورة

افتكر لك إيه يا بصلة وكل عضة بدمعة

162 اخبط وقول رايك:

TAFATEFO said...

هو كل اصطلاح ليه معنى لغوي ومعنى اصطلاحي

في ناس اصطلحت لفظ "متحرر و متحررة" عن الخارج عن التقاليد الشرقيه أو تقاليد الدين حسب مرجعيتهم

على فكره أغنية ماشيه السنيوره دي حلوه أوي .. وماشيه مع التوبك
:D

~*§¦§ Appy §¦§*~ said...

طفاطيفو
==========

مليش فيه يا عم الكروته جاوب على باقى الاسئله احسن اجى اشدك من حرف التى ده
والاغنيه اهداء منى ليه هههههههههههههههه
(وش بيطلع لسانه)
بجد اعرض وجهه نظرك اكتر يا طفاطيفو وبطل كلام مكلكع انا واحده صاحبه خرفان

واحدة مفروسة said...

يا صباح البتنجان
با بنتى انتى غاويه
اصطبحنا و اصطبح الملك لله
بصي يا بتنجاني خرفاني هانم
اولا مين حيصلح الاجابه؟؟
طبعا ماينفعش انتى
ولا اي حد..لان مفهوم الكلمه نسبي مختلف من شخص لشخص
و الاختلاف فى الاجابات مؤشر صحي للي يقدر يقلب الاجابات االى ليها معني فى دماغه و يستفاد منها
ثانيا
التحرر غير الحرية
الحرية اني آكل اللى يعجبنى...اقول راي بحرية ...يعنى ماحدش يجبرني على عمل شيء انا مش عاوزاه:
ديه الحريه

اما التحرر
فهي التحرر من قيود(وديه نسبيه)
لاني اللى انا شايفاه قيد بالنسبه لغيري مش قيد
التحرر ان الشخص يخرج من دائرة العادات و التقاليد اللى اتعودنا عاليها
يعنى زمان (على سبيل المثال) الناس المحافظه ماكنتش بتسيب البنت تخرج لوحدها مثلا...ولو خرجت ترجع بكتيره 9 و لو فرح 11 لكن مش توصل لنص الليل علشان العادات كانت بتقول ان البنت اللى بتسهر لوحدها لنص الليل حتدخل فى دائرة البنات اللى بتمشي مشي مش كويس
و مع الانفتاح و تغيير المفاهيم و انقلاب الموازين و اختلاط الحابل بالنابل...البنت اللى كانت من عبلة محافظه و متدينه شايفه ان من حقها انها تتحرر من تلك القيود اللى من وجهة نظهرها قيود و حبسة و خنقه
وده مش يخليها بنت مش كويسة
لأ حيخليها بنت بتحرر من قيد ما
بس مش كل التحرر مستحب
انا شخصيا مش احب التحرر
اللى يدخلني دائرة حواليها علامة استفهام

فهمتهي حاجه يا بتنجاني هانم كعب الغزال المتحني
سلميلي على الخروف

لورنس العرب said...

بخ- أنا جيت

لورنس العرب said...

1- التحرر كلمة تطلق على شيء يكون عليه قيود، وعندما تنفك القيود نصل للتحرر
2- التحرر شيء كويس عندما تكون القيود عائق أمام تحقيق شيء محترم (كلام كبير أهو)
3- النفس أماره بالسوء يا آبي - ورغبة الانسان في عمل شيء خطأ لا يعني التحرر، يعني مثلا التحرر من الهدوم لا علاقة له بالتحرر ولكنه فوضى، والبني آدم بصفه عامه بيحب الفوضى، عشان كده القوانين موجوده في كل شيء
4- التحرر لا يتعارض مع الدين الاسلامي، لأن كل من يفتعل القيود على الناس - في مختلف المجالات- هو في الحقيقه يسير ضد تعاليم الدين
5- بالنسبة للجواز
لو كان الجواز من واحده متحرره على طريقة ألبس اللي انا عوزاه وأخرج وقت ما انا عاوزه وأروح السيما مع أصحابي فالله الغني عن دي جوازه - ومش عاوزها

Z_Diva said...

بص يا برنجان انت يا بنفسجي
التحرر هو مفهوم متعدد الابعاد -شفتي البرد عملني عبقرينو ازاي :)-

لا سيرياسلي سبيكينج يعني, اتس ريليفينت يا ابس

المهم نجاوب الامتحان رقم ستة ميليون ربعمية تسعة و تامنين الف خمسمية واحدد و سبعين من اتاج معامل تفريخ الامتحانات البتنجانية

ج1: التحرر هو ان الانسان يخلص من حاجة مكتفاه ايان كانت و حتى لو كانت مكتفاه من وجهة نظره هو بس

ج2: هو انا مش بشفها كلمة عيب او تعيب حد الا في حالة التحرر من الدين و الاخلاق وبرضه في الاخر لو حد متحرر في حياته و في احتكاك بيني و بينه او بينها, عادي هو حر في حياته, و هحدد ليمت التعامل حسب المدى بتاع تحرر الشخص ده, و الله يتماشى نع حياتي و افكاري و مبادئي, اوك, مايمشيش يبقى ستيكين تو ذا مينيمام ليميتس :)

ج3: اكيد طبعا, التحرر من بعض الاوامر الدينية او بعض الاعراف الاجتماعية عشان بتتعارض مع رغبتنا, و ده في حالة التحرر الاخلاقي بس
لكن لو بنتكلم في تحرر سياسي بقى و لا تحرر زوجة او زوج من شريك مدمر يبقى مفيش علاقة بالرغبات او التصرفات

ج4: برضه حسب, لو بنتكلم بس في التحرر الاخلاقي هيكون ليه علاقة, بس في حالة لما التحرر يوصل لدرجة, ان ارفض التقييد بالامر ده او الفرض ده او القاعدة دي عشان انا عايز اعمل كذا و كذا و كذا كده يعني

ج5: انا عن نفسيماينفعنيش الا واحد متحرر من بعض الافكار الاجتماعية المصرية الخاصة بالبنت و الزوجة و كده, يعني لازم يكون بيحترم كياني و ان ليا مساحة شخصية مش من حقه انه يتعداها, وانه ميتحكمش فيا لانه الريدي هيكون عارف اني محل ثقة, و يسبني امشي في طريق اللي هيخليني احقق طموحي. يساعدني في البيت و الخ الخ الخ.

ها يا تيشتر, هخد صفر و لا هتديني بالماينس كمان :)

سيبك بقى من الجد اللي فوق ده, وقوليلي بقى انتي عاملة ايه يختشي و الشتا جالكم ولا نو ؟؟؟

nona said...

بصى يا ابى ما دام انتى مش بتعملى حاجة غلط و متاكدة انها صح و لا يهمك من كلام الناس لانهم عمرهم ما هيسبوكى من الكلام حتى لو لبستى اسود فى اسود و ماظهرش منك حاجة هيقولوا عليكى معقدة و مكلكعة
فاخليك يا بنتى زاى ما انتى عايزة مش زاى ماهما عايزين

بنت القمر said...

بصي يا ابي
متحررة هي المرحله الوسطي بين عاديه وصايعه:))
وطبعا حسب مفهوم كل واحد وحدودة
بس ارجع اقولك فكرتيني بفيلم انا حرة بتاع لبني عبد العزيز المهم
بالنسبه لصور القيس بوك
عموما من فتره قليله جدا من سنوات مش كتير كان اللي معاه صور او جواب ممكن يبتزها بيهم!!!!!!!!
لو انا عاجبني صورة لبنت بمايوة مش ها انزلها ابدا علي البروفيل بتاعي ومع ان الكل عارف انها اكيد مش انا
بس هي ها تدي انطباع مش لطيف خالص
المشكله اننا هنا لازم نتحرك حسب قوانين المجتمع
من حقك تلبسي شورت ومايوة
لكن ممكن تخلي صور البروفيل بتاعتك بشورت او مايوة
وجاوبي انتي ليه مش انتي بتلبسي مايوة في الحقيقه_ فرضا
طيب سؤال تاني
انتي لا بسه لبس بحر في اي قريه سياحيه ممكن تنزلي كل الصور في الفيس اكيد لا
رغم انك لبستي ده بره البيت
بصي يا ابي المجتمع بقا محافظ جدا ومتناقض جدا عشان كده احنا بنخضع ليه كان في جروب من فتره بتاع اخلعي حجابك وكده والبنات فيه نزلوا صورهم بالمايوهات مع اولاد الجروب
طبعا اتعمل علي الصور شوربه
:)))))))))
ومع انها صور حقيقه مش بروفيل
نصيحه اخيره بدل ما تدوري علي معني الكلمه خلي بالك وبالذات من اصحابك وخليي بالك ان المجتمع ازدواجي وقاسي في احكامه جدا ومش بيرحم
والراجل اول واحد يسقف لك انك متحررة وساعه الجد يبص لك بالمعني السلبي للكلمه ويروح يدور علي واحده متكلفته!!
انا مش بقول انه ده الصح
لكن ده الحاصل
يعني انا شفت شويه من صورك وانتي اكيد شفتي التعليقات عليها
صورة البادي الاسود
قالك تعليق الشباب يعمل ايه؟؟
في ظل الكلفته اللي الناس فيها واحد شاف ان الصورة دي مغريه رغم اني انا مثلا شايفاها عاديه بس بصراحه استغرببت من التعليق يا ريت تكون وصلتك فكرتي
حكمك حاجه والمجتمع حاجه تانيه وللاسف لما بنواجه احنا اللي بنخسر الي حد كبير

~*§¦§ Appy §¦§*~ said...

واحده مفروسه
=============
بصى يا قمر فيه قواعد وثوابت مبتتغيرش انما انا بتكلم عن تقاليد واعراف غبيه
يعنى واحد يقولك اه البنت دى بتلبس كذا يبقى وحشه ودى بتلبس كذا تبقى حلوة
وبعدين يا قمرايه البنت ممكن تعمل اللى تعمله واللى هى عاوزة حتى لو الساعه 7 الصبح مبتشوفيش المدارس واللى بيحصل ده قله ادب مش تحرر ولا حريه
انا بتكلم عن اللى يشوف حاجات هبله وهو شايفها فى كل وقت بس لما تيجى عند واحده يقولك مجتمعنا وعيب وميصحش ودى جرئيه
فهمتى قصدى
بس انا عاوزه رايك انتى مش المتعارف عليه
نورتى يا حبيبى

~*§¦§ Appy §¦§*~ said...

لورانس العرب
===============
اهلا
وايه بقى العائق فى انك تكون بتقرا وعارف كل حاجه هو عيب ان الواحد يكون فاهم كل حاجه وعلى الرغم من كده برضه يكون محترم ليه الناس رابطه الاحترام بقله المعرفه سواء فى الحياه العمليه او العلميه جاوب يا سقراط عصرك وغسيلك
وبعدين التحرر مش معناه انفلات فى الاخلاق
ممكن تسمح لمراتك بالسينما واللبس الكويس بس بحدود الاخلاق الكويسه
مش تروح يعنى الميد نايت
مستنيه اتخانق معاك تانى هههههههههه

~*§¦§ Appy §¦§*~ said...

ام زعبولا ذا دايفا
====================
ايوه الاخلاق بقى مبتتربطش بلبس كل مجتمع وله طريقته احنا لسه هنا بنقيم البنت باللبس مع ان مش عاوزه اقول فيه مداريين بيعملوا ايه
ومش معنى ان الوحده بتعمل حاجه عكس مستوى معين او بيئه تانيه تبقى منحله
يا اوختى فقعوا مرارتى بالازداوجيه بتاعتهم
عشره على عشرين يا ام زعبولا وحشتينى خالص خالص

~*§¦§ Appy §¦§*~ said...

نونا
========
الموضوع مش شخصى اوى يا حبيبتى طبعا
بس نقاشات بدور مع ناس انا عن نفسى ولا بيهمنى حاجه ولا حد خالص ههههههههههههه
نورتى يا قمرايه

~*§¦§ Appy §¦§*~ said...

بنت القمر
==========
بما انك بقى اتكلمتى على ده
انا كمان مش هحط صورة واحده لابسه مايوه
بس الصورة عمرها ما هتعبر عن الواحده يعنى واحده صحبتى حطه صورة ولد وبنت مش باينين لونهم اسود مقربين من بعض بيبوسوا بعض من بعيد معناها انها يعنى على اريها عاوزة تتباس
ههههههههههههه
وبعدين ليه تدى انطباع مش لطيف ما هما ليل ونهار بيتفرجوا علىالبنات علىالبلاج وعلى الدش ولا ايه

لا متفرضيش يا حبيبتى صح
بس انا مش هحطها علشان الحشرات الضاله
انا مش مزدوجه اللى يخلينى كده قدام الف واحد على البلاج يبقى احطها بس الامخاخ اللى ماشيه مزنوقه فى كعب شوز تعملى لها ايه
يا حبيبى الاولاد اليومين دول او بعضهم ماشى يدور على عضمه ماشيه ويتحرش بيها ويقولك هى اللى بتثيرنى
بص بقى موضوع اخلعى حجاب وده انا طبعا مش حباه
لان ده بيمس الدين وانا اللى بيمس الدين مش هحبه ولا ارحب بيه بس انا بتكلم عن الاخلاق
يا قمر مش عن المساس بالدين انا مش محجبه بس ملتزمه بحاجات كتير عند قصور بس هتتصلح
الدور والتانى بقى واحنا بنشوفهم عندهم الشكليات والاساسيات ضايعه وانتى عارفه حتى فى التفكير
بالمناسبه ده مش بادى هههههههههه
وكمان انا لما حذرت مش علشان حد قال كلمه وحشه لان انا بحذر من كلمه مزة لانى مش بحبها
اللى بيدخل عندى فاهم حدوده معايا فين
والبلوزه او البادى ده عادى جدا فى مجتمعى انا ومش معناه انى مش كويسه
بالعكس فيه اكتر من كده وكلهم محترمين
بصى يا قمر هو فى النهايه فرق فى الطبقات المجتمع
وكل منا له مقياسه بس ميجيش حد مش فاهم الالف من الكوز الدرة ويقيم حد علشان بيئته هو وكل واحد وخاصه من الطبقه اللى تحت فاكر ان بيئته هى اللى صح امبارح كنت بكلم حد صديق وبقوله مزة كلمه قرف قالى لا هى بتختلف من القائل بتاعها من اى بيئه او انهى مجتمع طبعا وصلت لكى
حته مغريه دى انا جاوبتك عنها فوق وهى فعلا الصورة عاديه واقل كمان
بس على فكره المثال اللى ضربته مش علشان الصوره دى هههههههههههههههه
دى صورة عاديه وكانت على الماسنجر وفى مكان تانى ومرسومه هههههههه زى اللى فوق كده بتاعت الكلب
بس تقولى ايه بقى
موضوع حكمى هو ده اللى بقوله الازدواجيه واراهنك ان كل التعليقات او اغلبيتها هتبقى فى البطاطا والاولاد اغلبيتهم مش هيجوبوا بصراحه لانه هو نفسه بيطلق الكلمه ومش فاهم ممعناها
انا مبخسرش يا قمر
انا بوضح صورة للناس وبوضح ازدواجيه ومعايير مقلوبه عارفه ممكن الولد اللى بيقول تحرر وبتنجان ده هو نفسه يكون بيعمل اى حاجه وحاططعلى الديسك توب عنده الصورة بس هى حلال ليه عيب على غيره
حاجه بقت قرف
مع انك حولتى الموضوع شخصى بس هو مش شخصى بس سعيده بكلامى معاك

micheal said...

شوفي بقي يا سنيورة
التحرر من وجهة نظري شيء إيجابي لما يكون تحرر من عادات وتقاليد وموروثات متخلفة هدفها تقييد البشر في حريتهم لصالح مجموعة أخري من البشر يستخدمون مثل هذه العادات والتقاليد لبسط هيمنتهم وارائهم ع الاخرين متحججين في الكثير من الأحيان بغطاء شرعي هو الدين أي كان هذا الدين
التحرر ليس له علاقة باللبس مطلقا وإنما هو تحرر العقل و الأفكار والرغبات وكيفية تنفيذها علي أرض الواقع
بالنسبة لمسأله الجواز..فبالنسبة لي مقاطعه نهائيا...يعني من الاخر لا يفرق معايا موضوع متحررة أم طالعة من الكهف
:)
بوست تمام يا إمبراطورة
تحياتي

~*§¦§ Appy §¦§*~ said...

ميشو
=======
ههههههههههههه عجبتك السنيورة
اه يا ميشو قول لهم انه لوش علاقه باللبس وحياتك وان ده هبل ما فيه متخفيات وبينيلوا الدنيا وبرضه متخفيات كويسين جدا وفيه ناس عقولهم ماشيه غلط خالص وبيفسروا على مزاجهم وهواهم كل حاجه يعنى
انا عاوزة افهمهم ان التحرر ده فعلا من عادات كتير باليه متنفعش زمانا يعنى زمان الست مكنش ينفع تخرج عيب وميصحش دلوقتى الست لو مخرجتش اللى فى البيت مش هيطفحوا سواء كان علشان بتشتغل ولا غيره
فليه منحترمش الناس ونتحكم فى رغباتنا ونبص للموضوع بعقل ومنبقاش نقاشين
يعنى بننقش كلام وبس ومش بنطبقه
بلا فقعت مراره يا خويا
نورت يا كميله

... amr said...

اية دة انشاء الله !!!! هو انا كل ماروح عند حد الاقية حاطط اسئلة و عايزنا نجاوب ؟؟؟؟!!!! مش كدة يا ست بتنجاني . . . بس دة مايمنعش اني هجاوب يعني ... بس هو لازم شوية لماضة .... بتنجان بقى :))) جايللك اوعي تقفلي

nody_1987 said...

صباح الخير يا ابى
اولا ياستى التحرر دى كلمه نسبيه بتختلف من شخص لاخر ومن مجتمع لاخر وبالنسبه للمجتمع المصرى فا الاغلبيه شايفه ان الكلمه دى عيب
وهى معناها الاصلى التخلص من القيود
واكيد التحرر ده شىء كويس بس لما يبقى بعقل
يعنى ما يجيش اتنين ممسوكين فى المقطم فى عرببيه وش الفجر ويقولوا احنا ناس متحررين
لا عند امهم طبعا
دى اسمها صياعه
والتحرر ما لوش اى علاقه باللبس عارف لان اللبس جه بارضه شىء نسبى
يعنى الى يتلبس فى المعادى والناس تشوفه انه لبس محترم
ما يتلبسش فى شبرا ولا بولاق
والى تلبس لبس من غير قماش وتقول ده تحرر طبعا ده مش تحرر خالص ده حاجه تانيه
والتحرر عمره ما كان ضد الدين لان الدين مش دين قيود ولا تخلف النبى عليه الصلاه والسلام قال انتم ادرى بشؤن دنياكم
بس لو كان تحرر بجد
مش لبس ملخبط وافكار بهوميه وتصرفات شاذه ونقول انه تحرر
اما بخصوص الجواز فا التوافق هو الى بيلعب الدور الاكبر مش اى حاجه تانيه
زى ما بيقولوا كده النصيب
بصى يا ابى
شوفتى طبعا فيلم الباحثات عن الحريه
اهم البنات دى كانت فى باريس ولوحدهم ولكنهم ما كنوش احرار
القيود كانت جواهم ومش عارفين يتخلصوا منها
مع انهم كان احرار من الخارج

اسفه على الاطاله

~*§¦§ Appy §¦§*~ said...

عمرو
=====
مستنياك








نودى
====
ربنا يكرمك يا رب صح يا نودى بس يا ترى بقى الكل بيعمل كده
انتى جبتى اللى فى دماغى بدون كلاكيع
ومش معنى ان البنت بتخرج وتدخل يبقى هى منحله ولا اللبس مقياس
ايوه كده هما دول بنات المنصورة الصح
نورتى يا قمر

سمو الأميرة سارة said...

آبي .. على فكرة كنت هنزل موضوع قريب بنفس الفكرة .. عمرك اطول من عمرى هههههههه ..
نتكلم جد بقى .. مفهوم حرة او متحررة بقي يترجم - لا شعورياً - في عقل الناس لمعنى وحش .. لحاجة غلط .. بيبصوا للى بتقول على نفسها حرة او متحررة انها واحدة لا بيهمها شرع ولا دين ولا حرام ولا حلال .. بيبصوا لها بصة - اسفة انى هقول الكلمة دي بجد - بس بيبصولوها على انها واحدة بايعة نفسها او مش بتحافظ ع نفسها بمعنى ادق .. وللاسف المفهوم دا وصل للناس بسبب دماغهم اللي راكبة شمال وبسبب بعض البنات اللى كانت - ولازالت - بتعمل حاجات مش محترمة ولو حد كلمها تقول ماحدش له دعوة بيا انا حرة .. وتبيع نفسها وتقول انتوا بتعترضوا على ايه انتوا رجعيين .. منا فترة كنت لسة زيك كده بحب وصف حرة ودايماً بوصف نفسي بالمهرة الحرة لكن اكتشفت ان الناس بتفهم الاسم دا غلط .. هقول حاجة اخيرة لعل وعسى الناس اللى في منها امل تفوق .. هحكى الموقف دا بعد ما رسول الله صلى الله عليه وسلم فتح مكة وبايع الرجال على الاسلام بدأ في بيعة النساء، قال رسول الله أبايعكن على ألا تشركن بالله شيئا.فبايع عمر النساء على ألا يشركن بالله شيئا فبايعنه فقال صلى الله عليه وسلم:” ولا يزنين”.
فقالت: أوتزني الحرة ؟

هو دا كان مفهوم الحرة في دماغي بس يظهر ان في حاجة غير كده في دماغ الناس

~*§¦§ Appy §¦§*~ said...

سمو الاميرة
=========
يعنى اتفقنا اهو ان التحرر والحره مش عكس الدين ولا بيسيؤا ليه يبىق العيب فينا يبقى برضه مش نربطه بالدين
عارفه انا متوقعه ايه كل حد يدخل يقول عكس اللى جواه هيقول كلام منمق وزى ما توقعت لغايه دلوقتى البنات مكتسحين الملاعب لووووووووووووووولى
وسلمى على الاولاد المستخبين علشان بس يبصوا بقى لنفسهم شويه
نورتى يا قمر
بجد واكتبى يا ستى احنا ورانا حاجه غير تصحيح عقول الناس

TAFATEFO said...

يا فندم التي والبلياتشو تحت أمرك

بس أجاوب ازاي؟

حضرتك ايه رأيك في البنت اللي تبات عند صديقها الأعزب (بدون علاقه ولا حتى عاطفيه) .. هي معملتش حاجه غلط .. بس دي متحرره من قواعد بتحكم على فعل المبيت عند صديق أعزب بانه خطأ في حين لم يحدث الخطأ المقصود بالاستنكار من الناس

البنت دي حضرتك ممكن تشوفيها متحرره .. لأنها ارتكبت فعل خارج عن التقاليد التي تحكمك .. اعتقادات حضرتك

ولذلك .. خروج البنت لوحدها في الريف مثلاً عيب .. بس في القاهره عادي .. ان بنت يبقى ليها زمايل أو أصدقاء ولاد (والولاد العكس) في معتقدات أهل الريف مثلاً تحرر وعيب .. وفي البندر (حلوه البندر) عادي

* وش بيطلع لسانه بتتكتب كده
:P

:D:D :P:P

~*§¦§ Appy §¦§*~ said...

طفاطيفو
=========
لاااااااااااا استوب بقى
اهو ده الخلط اللى بقول عليه
اللى تبات عند واحد عاذب قليله ادب مش كويسه مش متحرره اهو انت ضغط على زرار اللى عاوزاه النبى برافو عليك
بس انت جبت منين ان دى معتقداتى ولا وجهه نظرى شوفت انت بتحكم غلط زيك زى اى شاب فى البطاطا ههههههههههه شوفت انت عامل زى الناس ازاى بتقول يا بطاطا
انا ضدها يا حج ومش معنى انى مش محجبه وبشتغل وليه افكار يبقى قليله ادب
انا مع الكويس الاعراف الغلط فى الجواز والطلاق واللبس ومش معناه البس رقاصه وامشى فى الشارع
اوباااااااا شكلك خبطت فى حيطه
على فكره الارياف او الفلاحين مش عيب ولا حاجه بطلوا تتجنوا على الناس لانها بتروح الغيط وتشتغل وتنزل السوق وبتروح بيوت قاريبها ههههههههههههههه
وشيه بيطلعوا لسانهم مش واحد
وواحد قله علشان طفاطيفو ههههههه

TAFATEFO said...

علشان كده مينفعش نقول .. ايه رأيك في التحرر؟؟

طب ما هو اللي بعتبره تحرر .. على حسب معتقداتي
يا أستنكره .. يا أعجب بيه

مثلاً .. رجوع البيت الفجر

أنا لو شايف ان ميصحش حد يرجع البيت بعد الساعه 12 .. هشوف ان رجوع البيت الفجر ده تحرر .. أنا أستنكره .. لما قد يرتبط به من قعدة أصدقاء السوء وشرب المخدرات مثلاً أو السهر في اماكن غير لائقه .. وهكذا

ولو أنا أهلي مجبريني على اني أرجع قبل 12 .. هشوف أخويا اللي بيرجع البيت الفجر متحرر .. تحرر أنا معجب بيه

ولو أنا برجع البيت أصلاً الفجر .. مش هشوفه تحرر ولا حاجه .. هشوفه شئ لا يحمله في مضمونه أي سوء .. وهو كسلوك منفصل عن أي سوء قد يربطه به المجتمع من قعدة أصدقاء السوء وشرب المخدرات مثلاً أو السهر في اماكن غير لائقه .. وهكذا

TAFATEFO said...

أنا بقول مثال .. وفي الرد التاني ضربت المثل بنفسي

أنا معرفش معتقدات سيادتك ولا حاجه .. ده مجرد مثال

:D:D:D

ولا انتي عايزه تاخديني ضحيه علشان مجاوبتش
:D:D

TAFATEFO said...

أولاً .. أنا منوفي .. أنا أي نعم مولود بالقاهره .. لكن ارتباطنا العائلي بكل العائله من طرفي الأب والأم وثيق

وبما ان العائلتين كبار .. وفي كافة طبقات المجتمع .. بدءاً من الأجريه في الغيطان .. وانتهاءً برجال المال والسلطه .. فأقدر أقول لحضرتك ان مفهوم العيب بيختلف اختلاف كبير جداً

وفي الريف .. البنت ميبقاش ليها اصحاب صبيان .. ومتقولش صاحبي .. تقول زميلي لو ليها
تلعب معاهم في الشارع آه .. انما تعشج .. أمها تتمنالها اللي تعشجه .. وأبوها يجوزها لأقرب طارق لباب بيته .. بس معيتاووهومش كيف ما عملوا بهنادي

وفي شريحه أخرى

سا**** راحت مع أصحابها شرم أسبوع وراجعه يوم الثلاث .. لوحدها؟! لا فادي معاها
:D:D

أنا مبحكمش لى حد .. وماليش دعوه بتصرفات الناس .. ولا بحب أتناقش فيها .. ونظري قصير ومبلبسش نظاره علشان أفعال الناس وتصرفاتها وإعلانات الشوارع مبتستهوينيش
:D:D

بس لما حاجه بحب أشوفها باخد نظارة أي حد من أصحابي أشوفها وأرجعهاله
:D

وومن said...

أبي هانم بتنجاني هجاوب ورزقي علي الله
من وجهه نظري أني انضف دماغي ومسيبش العنكبوت يعيش فيها

عندي دماغ يبقي احكمها مش ابقي زي السفنجة اشرب كل اللي بيدلقوه في دماغي فهماني يا آبي طبعا
--------
التحرر حاجة كويسة لو فاهمينه صح وعارفين الفرق بينة وبين الإنحلال علشان عندنا هنا في مصر مش عارفين الفرق خالص
علشان بغببغانات بنكرر كلام مش فاهمين معناه
والبركة في الناس اللي صوروه علي انه لبس خارج وسهر لحد الفجر وانعدام اخلاق

--------
لا ملوش علاقة باللبس لو انا فاهمة صح التحرر في الأفكار
وطريقة تفكيري ملهاش دعوة بذوقي ولا طريقة لبسي

--------
برضة من وجهه نظري لأ بالعكس لو أخدنا الدين الصحيح والوسطية الحقيقية
وصفيناه من تدخل الجهل والخرافة والتقاليد البعيده عنه

هاتلاقية تحرر فكري فعلا مع إلتزام اخلاقي
--------
هاتختلف معني التحرر في عقلة ايه يعني لو مخة نضيف مفيهوش عنكبوت ولا عقد رجالي ملهاش لازمة
يبقي هاتجوزة حالا
لو فاهم غلط وفاكر ان التحرر ابقي بلا دين ولا اخلاق يبقي اقعد من غير جواز احسن
خلاص خلويص

~*§¦§ Appy §¦§*~ said...

طفاطيفو
========
منوفى فهمت السر كده يا حج ههههههههههه
بصى بقى موضوع الريف ومش الريف لا متعممش البنت بقوا لهم اصحاب واصدكاء بال بالعكس بلاوى زرقه علشان مجتمع مغلق جدا وانت فاهم
اللى ملهاش اصدقاء دى يا طفاطيفو ويقال زمايل بس دى اللى متربيه بنت ناس اوى الصداقه مش كلمه فى المطلق
بتتقال دى لها قواعد يا حج
وبعدين انا بقول المثل بتاع التحرر بين البنت والولد مش ولد وولد وبعدين قولنا فيه قواعد بتحكم يا لهوى اشد فى شعرك وارتاح
عموما فهمت وجهت نظرك وابقى تابع بقى ربنا يقويك ويقوينى

TAFATEFO said...

أنا معرفش حضرتك كويس .. بس مش هتستحمليني أكيد زي ما نواره ورامز بيستحملوني

عموماً أول ما تزهقي قولي .. أنا كنت قاصر الشر من الأول
:D:D استحملي بقى

اللى تبات عند واحد عاذب قليله ادب مش كويسه مش متحرره

حكمك ده ناتج عن اعتقادك .. وأنا لو برحب ان بنت تبات عندي ودي قناعاتي .. هقول على حضرتك رجعيه وبتحكمي على الأفعال تبعاً لنواياكي .. أنا ممكن أبات في غرفه والبنت في غرفه تانيه
أو قد تكون ظروف قهريه اضطرتها للمبيت عندي

وعموماً .. لو أنا هبات عند بنت (وشايف ان ده عادي) وهي كمان شايفه كده
وحضرتك شايفه ان ده عيب .. والمجتمع شايف ان ده عيب

يبقى أنا وهي متحررين من قواعد وعادات لحضرتك وللمجتمع .. باعتبار فعل المبيت (في حد ذاته) عيب .. نتيجه لما قد يصاحبه من علاقه محرمه .. في حبن أن كلاهما منفصل .. وأحدهما فقط هو العيب

أنا كده تحررت من مفهوم للعيب عند حضرتك والمجتمع

لأني كمان لو شفت واحد بايت عند بنت .. هفترض ان مفيش بينهم حاجه .. ومش هحكم على الفعل انه عيب

نسبة المعتقدات تمثيليه .. يعني مش دي معتقداتي و لا معتقدات حضرتك
مجرد ضرب لمثال

~*§¦§ Appy §¦§*~ said...

وومن
=======
حلو اوى يا ميرا ويا ريت يبقى ده على صحباتك برضه تشوفيهم نفس النظره
وتربطى ده بده
واقعدى جنبى ودلدلى رجليكى اتفرجى على اللى هيطلع علينا ههههههههههههههههه

~*§¦§ Appy §¦§*~ said...

طفاطيفو
========
لا استحملك
بس عاوزة اقولك ان ده مش تحرر ده دين بيحكمنا فيه غرائز للانسان
لو الاتنين متربين مع بعض من سنين اوك ومعروفين انما لو اصحاب يبقى مينفعش لان لابد وحتمنا يغلطوا
وبعدين ده هيتعارض مع الدين يا عمنا يبقى ازاى بقى

TAFATEFO said...

:D:D
وقعتي

طب ما هو الدين هو من ضمن مكونات اعتقادات وقواعد المجتمع والفرد

علشان كده دول متحررين من أحد هذه القواعد

مينفعش نطلق مصطلح له دلالات مختلفه عند كل فرد .. وله حكم مختلف حسب كل تصرف ونقول حكمك عليه ايه أو رأيك فيه ايه

منا ممكن أكون شايف التصرف التحرري ده عيب
وممكن يكون نفسي أعمل زيه بس مش قادر فمعجب بيه
وممكن اكون بعمل زيه أو اكتر منه فشايفه عادي أو شايفه الصح

ولا ايه؟

... amr said...

انا جيت تاني - تصفيق حاد بس من غير حدف طماطم -

1
التحرر يا ست الكل ... هو ان الواحد مايكونش مقيد .. يكون حر ... يعمل اللي عايزة بس بشرط ... مايكونش مخالف للدين ... حرية مسئولة يعني .. بما انة حر ... اذن علية ان يكون مسئول امام الله ثم امام المجتمع

2

التحرر مش حاجة وحشة :)) حد يكرة يبقى حر ... بس المسئولية مش سهلة زي ما الناس فاكرة

3

مممممم ... هو في مثل بيحرق دمي بصراحة .. اللي هو بتاع كل اللي يعبك و البس اللي يعجب الناس (( او العكس مش متاكد بصراحة)) في كلتا الحالتين ... انا مش بحب المثل دة
و كمان انا قولتلك ... طالمل انك حر يعني مسئول ... يعني اللي بتعملة يا اما يكون ليك او عليك ... الصح معروف و الغلط معروف ... و كمان فين صينية البشاميل ؟؟؟؟؟؟؟

4

مش عارف لية فية ناس فاكرة ان الدين - اي دين - مهمتة التخنيق و الحجر على الناس ؟؟؟؟؟؟؟ الدين مش كدة ... الدين بينظم حياة البني ادم ...مينفعش يعيش جهجهوني كدة ... بيعرفنا الصح من الغلط ... مش حاجة عيب يعني .... ولا يبقى اية الفرق بيننا و بين الناس البدائيين يعني ؟

5

الجواز قسمة و نصيب يا بتاعت الخفان :P
اعتقد ان السؤال صعب :( .. عشان فية حاجات كتيرة بتتاخد في الحسبان ... طب هي متحررة ... مش عندي مانع .. في نفس الوقت هي فاهمة يعني اية حرية ... يعني اية مسئولية ... يعني اية احترام عادات و تقاليد (( العادات الصح و النبي )) اذا كدة ... اهلا بيها ... انما بقى شغل انا حرة بالمزاج .. اعمل اي حاجة و ماليش دعوة بالناس و الكلام المطاط دة ... سوري ... النمرة غلط . . . . و مش هقوللك تاني على صينية البشاميل ..... و الله اقلبها بجد


:P

هو انا طولت ؟؟؟؟

متاسف

قوس قزح said...

السؤال الاول
التحرر انك تعملى اللى انتى عايزاه من غير ما حد يتحكم فيه خالص
بالرغم من ان فى قيود هتكون موجودة بردو من غير ما تحسى و دى موجودة بالفطرة داخل كل انسان

السؤال التانى
اما عن انه وحش او كويس فده يرجع لمدى التحرر ده يعنى مينفعش اعمل كل فكرة مجنونة فى بالى و اقول انا بتحرر ده وقتها تهور او انحلال


السؤال التالت
التحرر لو علاقة بكل حاجة و ابسط حاجة من اول طريقة عمل الكفتة بالسكر لحد الخروج عن تقاليد المجتمع و الدين

السؤال الرابع
التحرر بيتعارض مع كل شىء لانك بتعملى اللى انتى عايزاه بعيد عن قيود اى شىء


السؤال الخامس
الجواز من متحرر لو انا متحررة حلو اوى لو انا مش متحررة وحش طبعا لانى هفضل طول الوقت احاول اقيده و هو يرفض و هتبقى حياة كلها مشاكل


المهم
التحرر معناه انك تخرجى عن المألوف و ممكن الخروج عنه يكون مش غلط ولا حرام و هنا بقى انتى اللى بتختارى نوع تحررك يكون تحرر ايجابى و لا تحرر سلبى

عاشقة القمر said...

مش عارفهفيه اختلاف بين دوال ولا كلمه واحدها
انا اهقول عدنا
نحنا مش لي بنت واحدها تحرر بقول ناس فلان متحريين
يعني الاسره كلها
بيعملو حاجات غلط مش بلبسوا كويسهيتكلم قدام اي احد كلام بيكون مثلا كلام لي نفسيك مش بتقولي
مش بلبسوا كويسه
يعني مش قصدي حجاب لا
ممكن يكون يلبوس حاجه تكون عاريه
قدم اي احد يجي عندهم
مثلا ممكن البنت عادي طالعه بدون استاذن من ام والاب
ممكن ايضا عادي تجيب معاها زميلها البيت مش بسالوه مين داه
ممكن تسافر الي اي مكان في العالم لوحدها
وهكذا داه
عدنا بقول ناس فلان متحرين لكن مش بنت
يعني الاسره كلها بيتكون هكذا

~*§¦§ Appy §¦§*~ said...

طفاطيفو
=========
اسم الله عليه من الوقعه
لا يا خويا مش ده اللى اقصده
على فكره مش كل البنات ولاد العائلات والسلطه اللى انت بتتكلم عنهم دول بيباتوا بره وبيسافروا وبحريتهم لا دى مفاهيم غلط مش صح
لان فيه فى البلاد الارياف بيكدبوا على اهاليم ويباتوا بره وسيبك من الافلام اتكلم عن الواقع
كمان موضوع الدين
زى ما وضحت زمان مينفعش الست تخرج لوحدها انما دلوقتى ضروريات الحياه سواء عمل او احتياجات
وبعدين دينا مناسب لكل وقت يا حج

Eman said...

البوست بجد في الصميم يا آبي

هجاوب علي الأسئلة بس اكرميني في الدرجات بلاش صفار علشان خطري :)
ربنا يستر

التحرر: هو التحرر من القيود والعادات والتقاليد واللي الشخص اتربي عليها
وممكن يكون سلبي أو ايجابي

ايجابي: لو العادات دي عادات متخلفة و خاطئة

سلبي: لو هي مبادئ وأسس المفروض أننا نتمسك بيها

مثال: زماااان كانوا بيحدوا من تعليم المرأة حقها في التعليم والشغل و.. و..و..

المرأة دلوقتي اتحررت من القيود دي و بقي ليها صوت ورأي

ده اسمه تحرر ايجابي

كمان من مبادئنا كمجتمع شرقي أن مثلا ما ينفعش مثلا أن البنت ترجع بيتها وش
الفجر وتقولك أنا مع صاحبي وكدة

ده برده اسمه تحرر بس تحرر سلبييييييييييي و تجرد من المبادئ اللي المفروض نتمسك بيها

وبالتالي التحرر وحش ولا حلو ، بيتعارض مع الدين والتدين ، ده كله بيرجع لنوع القيود اللي هنتحرر منها

لأن باختصار الانسان لازم يحكمه مبادئ وقيم علشان يكون انسان

وبس

تحياتي

~*§¦§ Appy §¦§*~ said...

عمرو
=======
شوفت مشيت كله كويس كويس وجيت فى الاخر قولت لو يعنى انت مش متاكد ومش عارف ومش هتحس بيها يبقى انت احكامك غلط ومفيش حاجه اسمها هخرج براحتى وادخل براحتى بس نفذ الموضوع على الاتنين ههههههههههه
وواحد صنيه بشاميل بالسكر لعمرو بيه

~*§¦§ Appy §¦§*~ said...

قوس قزح
=========
بالرغم من انك قولتى فى الاول انه التحرر له قيود نفيتى الكلمه تحت وقولتى بيتعارض مع كل حاجه
على فكره التحرر مش من الدين خالص اللى اقصده من تقاليد واعراف حتى ملهاش علاقه بالدين
الافكار المجنونه اللى مضرنيش ولا تضر المجتمع ولا اللى حوليه عمرها ما تبقى مجنونه ومش بتتعارض مع حاجه ابدا
موضوع المقياس ده اللى بقول عليه ان واحد شايف واحده بتتكلم وبتروح وتيجى يقول عليها متحررة وده مصاحب لالفلونزاالغباء لانه بيصاحبه اعتقاد خاطئ ان اخلاقها وحشه وممكن تخرج فى اى وقت وتعمل اللى هى عاوزاه بدون اخلاق افهمتى قصدى عاد
نورتى يا جارتى العزيزة

... amr said...

انا اسف بس لو متخيلة اني فهمت حرف من اللي قولتية - غير البشاميل - يبقى انتي غلطانة . . . اكتبي عربي يا حجة

حسن حنفى said...

انا بقي الحمد لله قلت قبل كده اني لسه بكون فكر علشان كده ههرب من كوووووول ده وهقعد هنا ومستني كده وعمال اتفرج واشوف الاراء كلها واقارن بقي
بس لازم يكون فيه واجب ضيافه كوبايه شاي وعاوز اكل لاني جعان
:(
عاوز فجل فاكراه اللي مش كان عجبك وانا كنت بشربه في عصير ده
:d
عاوز عصير فجل وشاي برضه
هههههههه
واي حاجه تتاكل
:p

~*§¦§ Appy §¦§*~ said...

عاشقه القمر
===========
اسفه ده مش تحرر ده قله ادب هههههههههههه
فيه فرق يا حبيبتى التحرر هو العادات الغلط يعنى البنت دى مينفعش تتجوز غير من القبيله دى
ودى مينفعش تتكلم كده ودى ممكن متلبس كده فهمتى قصدى

~*§¦§ Appy §¦§*~ said...

ايمان
=======
لا متخافيش بس ايه رايك فى انك تحكمى على وحده من شكلها بعيد عن بيئتها او هى متربيه ازى
مع ان كلامك هايل وحلو على فكره ومعاكي فيه
نورتى ومفيش اصفار يا قمر انا بس بوضح تناقضات وبنتناقش ممكن اكون بعمل حاجه انا مقتنعه انها صح وفى نفس الوقت غلط
بوسه كبيره ليكى

TAFATEFO said...

:D:D
أنا مقلتش كل

وكمان ده بالنسبه لهم مش عيب .. دي طبيعة القواعد اللي بتحكم تصرفاتهم
علشان كده قلت لحضرتك بابا وماما عارفين

العيب نسبي .. والصح والخطأ برضه نسبي
لأن مش كل الناس بيحكمها الدين
وحتى اللي بيحكمهم الدين .. فهمهم للدين مختلف

:D:D

~*§¦§ Appy §¦§*~ said...

عمرو
========

لجواز قسمة و نصيب يا بتاعت الخفان :P
اعتقد ان السؤال صعب :( .. عشان فية حاجات كتيرة بتتاخد في الحسبان ... طب هي متحررة ... مش عندي مانع .. في نفس الوقت هي فاهمة يعني اية حرية ... يعني اية مسئولية ... يعني اية احترام عادات و تقاليد (( العادات الصح و النبي )) اذا كدة ... اهلا بيها ... انما بقى شغل انا حرة بالمزاج .. اعمل اي حاجة و ماليش دعوة بالناس و الكلام المطاط دة ... سوري ... النمرة غلط . . . .



ده كلامك الاخير
يعنى برضه التحرر عندك له قيود وانا معاك بس انت كده مش واثق فى اللى قدامك وبالتالى طالما الشك دخل جواك هترفض المتحرره من عادات وفكر قديم متخلف
يعنى يا عمرو بعض الولاد بيعتبروا البنت اللى بتقرا ومثقفه وحلوة دى جرئيه ومتحرره
وبيفضلوها طالعه من بيت ابوها رايحه بيت الجيران وخام
ودايما رابطين بين فهم البنت فى كل حاجه بانها قله ادب
فهمت يا حج

Eman said...

علشان كدة دينا هو مقياسنا

من مبادئ دينا هنعرف ايه القيود اللي المفروض نتحرر منها وايه اللي المفروض نتمسك بيه

ما ينفعش نقتنع بحاجة الا لما يكون عندنا ليها دليل من دينا

دي رحمة ربنا بينا انه ادانا قوانين دينا علشان نعرف نتحكن في تصرفتنا

~*§¦§ Appy §¦§*~ said...

حسن حنفى
==========
احلى كوبايه شاى ليك يا جميل وكون براحتك بس خلى بالك متنقدش ورا حد ممكن انا شخصيا اكون بتكلم غلط عادى يعنى
وانت منور









طفاطيفو
=========
لا الدين بيتفسر على الاهواء يا طفاطيفو انما الصح صح وواضح
وبعدين انا بتكلم عن عادات وموروثات غلط اضرب لك مثل انا مش بحب اروح المقابر غير لما بكون مخنوقه اوى عند ماما بيروحوا خميس اول وتانى وعاشر وحركات احنا عارفين ان ده حرام صح
واذا مرحناش علشان نتعظ يبقى مفيش داعى
يبقى انا بثور عليهم واقولهم ده غلط يبقى معناها بتحرر من معتقدات غلط
صلى على النبى واتهد بقى هههههههههههههه

حسن حنفى said...

ده نورك يا فندم

مش تقلقي انا بقرا كل التعليقات وبقارن بينهم وبشوف اللي يصلح ليا :)

واللي شايفه صح واللي شايفه غلط :)

وشكرا علي واجب الضيافه

:d

... amr said...

لالالالا ... انتي فهمتيني غلط .... انا قصدي هي فاهمة التحرر اية ... انا مش باشكك فيها ولا في افكارها ... انا قصدي اية فكرها هي ... فاهمة ازاي .. فاهمة انها مسئولة عن تصرفاتها ولا لآ مش زي البغبغانات ... بتقول الكلمة و هي مش عارفة معناها ولا ابعادها

الموضوع مالوش دعوة بالتشكيك خاااااالص . . . و كمان انا مش هتجوز واحدة من غير ماافهم دماغها كويس اوي . . . بس

~*§¦§ Appy §¦§*~ said...

ايمان
=====
حلو اقرى ردى بقى على طفاطيفو قبلك على طول
يا حبيبى
وانتى تفهمى وجهه نظرى
وبعدين تعالى لو قولنا دينا كمان ونتكلم عن الحجاب وانا عارفه انه فرض
بس فيه اللى بيسيأوا ليه وفيه مش محجبات انظف منهم صح
يبقى منحكمش باللبس نحكم بالاخلاق
وممكن واحده تبقى لوحدها وعايشه لوحدها ومحترمه عن واحده عايشه مع اهلها
يبقى منقولش المجتمع بيقول ان الشكل هو الاهم فهمتى قصدى

Eman said...

صحيح كمان ما ينفعش نحكم علي واحدة من لبسها

احنا مش ربنا ، دي حاجة ما بينها وبين ربنا ما لناش دخل بيها

في بنات لابسين نقاب و......... اخلاقهم واحشة أوي

وفي بنات مش محجبات ... ومحترمين

~*§¦§ Appy §¦§*~ said...

عمرو
=======
طي بكويس يعنى انت مع التحرر ن عادات غلط فى حياتنا وان البنت لازم تبقى فاهمه كل حاجه ومش معناه انها منحله ولا بقى يطلق على قليله الادب انها متحرره
فهمت ولا اترجم

... amr said...

سوري . . . و بعدين انا ماليش دعوة بدماغ الولاد اللي بتوع الخام و اللي بيفهموا و يقروا . . . دة هبل

~*§¦§ Appy §¦§*~ said...

ايمان
========
صح ومش كل واحده مثقفه وفاهمه الدنيا تبقى منحله وقليله ادب يا ريت الناس تفهم الفرق ميرسى ليكى يا حبيبى

TAFATEFO said...

:D:D

حاضر

بس على فكره مكنتش فاكرك هتستحملي كل ده

:D

~*§¦§ Appy §¦§*~ said...

طفاطيفو
=========
لا انا بالى طويل اوى وممكن اناقشك لبكرة بس هى الفكره انى انا وانت نطلع بنقط مش نحاول نثبت قدام بعض وجهه نظر مين اللى صح احنا بنتناقش علشان المتناقضات اللى فياتنا فهمت قصدى مش فتونه هههههههههه
سعيده بيك جدا والله وبكلامك

~*§¦§ Appy §¦§*~ said...

قوس قزح
===========
سورى يا قمر نسيت اقولك التحرر انك تبعدى عن معتقدات غلط وفهم فى كل امور الدنيا غلط بس بنعملها لانها موروثات مش انى اعيش بدون قيود ده فهم مش صح خالص
لان زى ما انتى قولتى كل شئ فيه قيود بس لازم تكون ايجابيه
بوسه كبيرة ليكى

قوس قزح said...

انت هنا حصرتى مفهوم التحرر فى تصرفات البنت فى مجتمعها
انا بتكلم على التحرر بصفة عامة

اما عن ان فى قيود فهنا باقصد القيود اللى مخلوق بها الانسان و بتكون موجودة بدون ما يشعر
اقولك زى ايه .. زى مثلا انه يمشى عريان وسط الناس .. ربنا خلقنا على فطرة الستر .. و لما حد بيعملها بتلاقيه يعنى يعملها بعد تفكير و غالبا بتكون اثناء مظاهرة او مهرجان
ماهى الملابس فعلا قيد على الواحد و مع كده متقبله و يمكن مش حاسه كمان انه قيد

اما عن الدين فطبعا فى تحرر من الدين
تحرر ايجابى بان الواحد يجتهد فى مسالة من مسألة الدين و يخليها تناسب الظروف و المجتمع اللى احنا فيه .. زى موضوع البنوك و التامين و غيرهم
او انه يتحرر بالسلب و يقول هشرب خمر وانا مسئول انى مسكرش او يتحرر خالص و يقول النية باللى فى القلب
و اظن كلنا سامعين عن الطائفة اللى بتنادى ان الدين هو الطبيعة و الاستمتاع بها بدون قيود
و كلامى عن الدين هنا كان نتيجة سؤالك هو له علاقة بالدين ولا بأيه !!!



نيجى بقى لمفهوم البنت و تحررها
طبعا لا اللبس ولا الشكل و لا السلوك له علاقة البنت دى ماشيها بطال ولا مش بطال
و البنت هى اللى تحدد تصرفتها و خروجتهاو لبسها و اسلوبها بدام مقتنعة انه صح
بس فى شىء واحد
زى ما هى قررت ان بتصرفتها دى و تفكرها ده حرية شخصية
فبردو الناس اللى حواليها حرين فى انهم يشوف ده انحلال و تحرر من قيود الادب و الاخلاق

يعنى مينفعش البس حملات مثلا و شورت و انزل اروح منطقة شعبية و قول انا حرة لان هنا نا بعمل حالة استفزاز لمشاعر المجتمع و استحمل بقى رد الفعل بتاعه من تحرش او نفور

و فى نفس الوقت مينفعش البس نقاب و اروح اقعد على شاطىء عراه و اقول انا صح و هم الغلط لان بردو هنا هكون محط انظارهم و نفورهم و استاهل اى كلمة تتقال لى

التحرر لا يساوى ابدا عدم الاخلاق
و لكن عدم مراعاة تقاليد المجتمع تساوى الخروج عنه و بالتالى الشذوذ عن القاعدة و يبقى محط انتقاد الجميع
بالخير او بالشر

يارب يكون المرة دى واضح وجهة نظرى

معلش طولت عليكى يا بتنجانى

Wish I were a Butterfly ... said...

كنت عايزة أقوللك حاجة البوست اللي فات بس مش كان عندي وقت كتير للأسف... بس برده عايزة أقوللك :). ممكن؟؟

انت شخصية جميلة أوي أوي أوي يا آبي ماشاء الله

و بجد بجد أصحابك القريبين منك محظوظين بيكي. ربنا يسعدك علطووووووووول بجد :)... و بس

التحرر بأة...الموضوع كبير فمعلش سامحيني هحاول أكتب تاني كمان شوية النهاردة
سلام يا بيبو

همس الاحباب said...

صباح البتنجان
والخرفان على الصبح
امتحان ايه واسئلة ايه
مش طالبة اسئلة بصراحة
لانى رجعى وضد التحرر والمساواة
عندك مانع
ههههههه
تحياتى

~*§¦§ Appy §¦§*~ said...

قوس قزح
==========
الله يفتح عليكى يا حجه هو ده امال دخلتينى فى حيطه ليه الاول ده المقصود وينطبق على تفكيرنا واللى بنعمله بقى قدام الناس ومنمشيش مخبين راسنا ونقول مش عارف ايه ونسيب اللى فاهمين الكلمه دى غلط ماشيين على عماهم
ويقعدوا يعقدونا ويرموا التهم شمال ويمين
الله يفتح عليك
يا ريس شكرا شكرا وجبت هدف

Abo 7anf said...

السلام عليكم
كل شئ زاد عن حده انقلب ضده
دى المشكله ان الامر بيزيد
التحرر شئ كويش علشان عقلنا ميقفش عند مرحله مينفعش نعديها علشان العادات والتقاليد
ولو تحررنا وصل لدرجه انوا يعارض الدين يبقى اكيد فى غلط
لان الدين مش لزمان ومكان معين
الدين لكل وقت
فى اعتقادى ان مينفعش ان واحد يخرج مع واحده دون ارتباط ويسهروا لحد الفجر بدعوه التحرر
ولو كان الولد دا يرضاه لاخته يبقى معلش ..........
بس برضه دون التحرر كانت لسه البنات قعدين فى البيت مبيشتغلوش
لان العادات كانت موقفانا عند حد معين

حكايه اتجوز واحده متحرره
بردوا عند درجه فهمها للتحرر

~*§¦§ Appy §¦§*~ said...

Wish I were a Butterfly ..
==========================
ربنا يخليكى يا قمر بجد انتى دايما بتكسفينى برقتك دى والله
وعقبال لما اعمل لكى يا رب ان شاء الله على النت وفى الحقيقه







همس الاحباب
==============
اه منك يا هم الاحباب انت يا رجعى انت عارف ان راجعى دى يعنى تقعد ترجع بقفاك كده لغايه لما تبقى فى زمن سى ابوجهل او امنحوتب الخمستاشر ههههههههههههههه

~*§¦§ Appy §¦§*~ said...

ابو حنف
=========
درجه فهمها من وجهه نظرك او زيك صح
عموما بعض الاولاد رابطين الموضوع التحرر بانحلال الاخلاق وده اللى اقصده انه ملوش علاقه بيها يعنى البنت مطلوب منها انها تبقى فاهمه كل حاجه وفاهمه الحياه علشان احنا فى زمن مينفعش فيه واحده مش فاهمه ولا مثقفه ولا مطلعه
لان الحياة مش هتكمل بينهم
ومينفعش لما البنت تكون فاهمه كل حاجه يتقال عليها قليله ادب
نورت يا زملكاوى ومبروك رجوعك للملاعب

Abo 7anf said...

اه بالنسبه للبس سواء كان بنات او ولاد
بيتهالى احنا بنبقى عارفين
اذا كان اللبس بتاعنا ينفع او مينفعش
مهو فى لبس بصراحه ملهوش اى علاقه بالتحرر
ومش عايز اقول نشوف لبسنا بيخالف دينا ولا لا
كدا المحلات هتقفل
نكون معتدلين احسن
نلعب فى الوسط
و بما احنا مش ربنا علشان نحكم باللبس
والناس ملهاش غير الظاهر
نبقى نلعب فى الوسط

blue-wave said...

بصى يا رحاب هانم
التحرر هو الخروج عن المألوف سواء كان المألوف دينيا او اخلاقيا او اجتماعيا
الناس عمرها ماهاتتفق على حاجه وهاتتنتقد كل حاجه تخالف اللى اتعودوا عليه
يعنى مثلا لازم الواحد يروح اى فرح ببدلة كامله ولو مرة لبس مثلا قميص وبنطلون وكرافت بس يبقى كدا متحرر من وجهة نظر بعض الناس:))
البنت لازم ترجع بيتها قبل المغرب ولو العشا ادن عليها تبقى متحررة عند بعض الناس برضه:))
علشان كدا لازم نشيل الناس من دماغنا ونحط فيها حاجه واحدة بس
ربنا
هل اللى بعمله دا يرضى ربنا ولا لأ؟
بس
وتتحرق الناس بقى
تحياتى لملكة الكوكب

~*§¦§ Appy §¦§*~ said...

ابو حنف
=========
يا لعيب انت صح برافو عليك ومنربطش ده بده لان لكل طبقه طريقتها وحياتها ومش معناه انحلالها المصيبه فى التقليد اللى بيجى من الطبقات لبعض وده اللى بيوقع فى المصايب










د/ عمرو
==========
اهلا اهلا
ههههههههههه
لا ما هى الناس يا عمرو فاهمه التحرر غلط انا اقصد العادات والتقاليد والثقافات الغلط مش الصح
والمجتمع والتقليد الاعمى
انا مش حطه حد بس نفسى نعالج متناقضات جوانا يا عمرو
نورت الكوكب كله يا دكتور

محمد الكومي said...

طيب عالسريع على ما اروح بالليل

ايه رياك في الاحتباس الحراري

نياهاهاهاهاهاهاهاهاها

ايوة

هو اللي انتي بتفكري فيه بالزبط

Zika said...

ازيك يا ابي
فينك من زمان
عامله ايه ؟
يارب تكوني بخير
المهم بقي
بالنوسبه للامتحان النوهائي بتاعك ده
الاجابات اهي
ايه هو معنى التحرر؟

التحرر يا ست ابي هو اني الواحد او الواحده يحكم عقله ويخرج بره قوقعة العادات والتقاليد ويبص للحاجات من وجهة نظر اوسع ومايهموش كلام الناس وتعارضهم علي مخالفته للتقاليد دي بس في النهايه التحرر لازم يكون بالعقل مش تحرر وخلاص
يعني مثلا لما تلاقي شاب بيشرب سجاير قدام ابوه ده ماسموش تحرر ده اسمه قلة ادب
:)
هل التحرر حاجه كويسه ولا وحشه من وجهه نظرك وتعريفك له ؟
التحرر ده حاجه مفيده للبني ادمين وهتفيد المجتمع كمان لما تكون بتفتح دماغ الواحد وتخليه يقدر يستوعب حاجات كتيره ممكن يرفض يستوعبها واحد مش متحرر
الشخص المتحر بيبقي متفتح ومتفهم

=====================
هل التحرر له علاقه باللبس والتصرفات ولا له علاقه بالرغبات اللى جوه الانسان؟

ليه علاقة بالاتنين بس التحرر الداخلي افضل واهم
ممكن يبقي واحد او واحده متحرر او متحرره من اللبس والتصرفات بس من جواه هو اللي بني الهرم الكبير
ودماغه قديمه ومقفله


===================

هل التحرر يتعارض مع الدين الاسلامى او الدين والتدين عموما؟

لا لا لا لا
الاسلام ما بيقولش اننا نبقي متخلفين وعقلنا جامد زي الحيطه
الاسلام بيقولنا نشغل مخنا وما نبقاش تماثيل
الاسلام هو اصلا دين التحرر من العادات المتخلفه والتقاليد الغبيه والعبوديه وكل حاجه غلط
الاسلام تحرر في حد ذاته
==============

الجواز من واحده متحرره او واحد متحرر كويس ولا وحش وايه سبب رفض الجواز منه او منها ؟

كويس .. كويس اوي
وانا افضل تكون زوجتي متحرره احسن ما تكون عامله زي صندوق الضمان الاجتماعي او زي موظفين الحكومه
انتهت الاجوبه
بالتوفيق في التصحيح
:P

~*§¦§ Appy §¦§*~ said...

محمد الكومي
================
هههههههههههههههه الله يخرب بيت دماغك مش ده بتاع الشمس اوين هو ده صح والانفجار الداخلى للفلزات اللاشعوريه ويبقى الكوكب متوهج مع اصطحاب بعض اعراض الفلونزا الطيور ههههههههههههه







زيكا
=====
الله ينور عليك يا ريس فى كلامك صح انت عرفت تفرق بين قله الادب والاحترام والتحرر عمره ما كان قله اجب ولا عدم احترام الله بقتح عليك دنيا واخره يا راجل

محمد الكومي said...

بصي يا رحاب

لازم نمنطق الامور شوية

احنا في مصر عندنا مبدا غريب

ان اللي مش عاجبه واحد واقف في اقصى اليمين يلزم اقصى اليسار

يا ريت نبص مثلا عاللي مش عاجبهم البنت اللي بقولو عنها متحررة
طيب ايه اللي خلاها تعمل كدة
احنا لسة في وجهة نظرهم برضه

اكيد انها اتعرضت لضغوط كتير اوي

فاكيد هي معذورة لما بتاخد الجانب التاني من الكبت

نيجي بقى للاعتدال

هي بنتحتى و ان كانت في تصرفاتها شوية اوفر الا انها في النهاية تصرفات شخصية و يا سيدي لما تبقى خطيبتك و تعمل حاجة مش عاجباك سيبها و لما تبقى مراتك فشكل و لو مش عاجبك تصرفها فكك منها و كبر دماغك
لان دي تصرفات شخصية لا هتفيد حد ولا هتضر حد

والا مع النظرة دي ابقى انتقد الشيطان بالمرة عشان بيغويك و انتقد الحكمة الالهية في وضع الشيطان كغواية للعباد

بنت بتدخن مثلا غلط كبير اهلاو سهلا مين قال ان الولد اللي بيدخن صح

بنت بتشتم يا خبر مش متربية

مين قال ان الشاب اللي بيشتم قمة الادب

بنت بتغني

اوه هية مش مكسوفة

يا اخي عادي ماتحبكهاش

المفروض نظرتنا للاخطاء تكون قياسية مش نسبية بمعنى اننا نبص على قدر الخطامش نبص على مين اللي بيرتكب الخطا

حدانا في الاسكندرية الجميلة ثقافتنا الشعبية و الاجتماعية كدة

انا ممكن جدا امشي بشورت و فانلة كت في الشارع عادي جدا

بنت محجبة ولا مش محجبة مالناش دعوة

احنا بنعامل البني ادم

الحمد لله على نعمتك ليا اني اسكندراني

بالمناسبة الكومنت الاولاني انتي مافهمتيش قصدي خااااااااااااااااااالص

انا كنت اقصد الخيم المنتشرة يا بونيتي

يالا سلام و اشوفك بعد الماتش

و بعد كل الحوار الفاشل ده

الاهلي فوق الجمييييييييييييييييييييييييع

و الاتحاد سيد البلد

~*§¦§ Appy §¦§*~ said...

محمد الكومي
============
ايوه معاك بس فعلا مش مقياس البنت هو اللبس ولا التصرفات بس بما اننا فى مجتمع ذكوري وانا غيرت اسمي لبرعي المفش فقررت من بدري ان اوجهه الناس بالازدواجيه القاتله واللى تكون عارفه كل حاجه بقت بتمثل انها متعرفش وده ليه
علشان ميتقلش عليها قليله ادب فبقى ده ازدواج من جميع الاطراف
وبعدين انت جاي يعنى تولعها هنا اتحاد وزمالك واهلى اياك نسرين بسيونى تسمعك وتسحب منك الجنسيه الاسكندراني

Sherif said...

آبى العزيزة
==========
هذا الموضوع حرج وحساس .. وأنا افهم سبب حساسيتك تجاهه ، فهو فى اعتقادى اننا أقحمنا احكام الدين فى كل شئ بشكل مبالغ فيه

والأولى أن نعيش زمن الرسول والصحابة انفسهم لنرى كيف كانوا يعيشون قبل القفز الى الاحكام

وهنا أسوق اليك بعضا من قراءاتى

في عصر النبوة كان من حق المرأة "
ضيافة الزائرين الرجال وتقديم الطعام والشراب بنفسها لهم ومباشرة ولو كان زوجها غائبا. وكانت تستقبل الرجال الذين يحضرون لتهنئتها بزواجها وتجلسهم على فراشها وكانت تأكل مع الرجال الأجانب عنها على مائدة واحدة فقد أكل النبي (ص) وميمونة إحدى زوجاته التسعة والفضل بن العباس وخالد بن الوليد وامرأة أجنبية من مائدة واحدة بل ومن إناء واحد، فقدم لهم ضب فامتنع عنه منه النبي (ص) وجارته في ذلك زوجه، أما خالد والفضل والمرأة فقد طعموا منه . وكان من حقها أن تتشوف للنكاح (للزواج) فتتزين وتتجمل وتجلس في بيتها، فيدخل عليها الخطاب واحدا وراء الآخر تعاينهم ويعاينونها وتلاغيهم ويلاغونها، ثم تختار هي منهم من يروق لها ويحسن في عينها. وكان من حقها أن تطلب التفريق بينها وبين زوجها لقبح منظره ودمامته فحسب والتي فتحت هذا الباب هي امرأة قيس بن شماس، وقصتها مشهورة لا يخلو منها واحد من دواوين السنة أو كتب الفقه لأنها أول "خلع" في الإسلام ولم تكن هناك غضاضة في أن تغسل المرأة رأس رجل أجنبي عنها أي غير ذي محرم وتمشط له شعره وتدهنه وتعطره وترجله قامت بذلك امرأة من رهط الصحابي المعروف أبي موسى الأشعري معه ونكتفي بهذه
" النماذج القليلة لدلالتها العميقة

لدى ماهو اكثر من ذلك ان شئت لكن المقام لايسعه تعليق صغير هنا .. فان اردت يمكنى ارساله دراسة فى هذا الشأن اليك من نفس امهات الكتب التى ينهلون منها ويفتون

تحياتى اليك

كـــيــــــــارا said...

مممممممممم


مين صوره المحول ده

عثل عثل

سوال بقي يعني ايه بنت متحرره وبنت مش متحرره

ايه ده

اللفظ الصح بنت بتعمل شي ضدد اللي امر بيه ربنا ولا لا

يعني في اللبس ربنا محدد لبس المراه شي ضدده يبقي وقعت في كلمه حرام مش تحرر

المفاهيم داخله في بعض اصلا

كـــيــــــــارا said...

اه نسيت اقولك يابت وحستيني وزحلانه منك خالص مالص

~*§¦§ Appy §¦§*~ said...

شريف
======
اهلا بيك هنا بس مش ده السبب الاساسى السبب ان الناس فاكره ان البنت المتحرره قليله ادب ومش كويسه
مش فاهمين ان كل طبقه لها طريقتها والاخلاق واحده ويمكن فيه الاكثر مالا ولكن الاصول كويسه وبيكونوا اكتر احتراما
من ناس كتير وطبعا فاهمنى
وفيه الطبقه المستحدثه اللى هي
بقت فلوس بدون اخلاق قاخدت الناس المحترمه بينهم وفى الرجلين بالبدلي كده وفيه الفقرا اللى محترمين جدا وفيهم اللى بيطلع لموبيل ولبس وفهموا الطريقه والتعبير غلط فاساؤا للكل
اما موضوع الدين فهو ثابت فى كل وقت والاحادسث اللى بتدور عنن الحجاب والكلام ده مش عجبانى لان هو فرض واناعارفه وكلناعارفين بس مش عارفه ليه بنربط حجاب وحده او شكلها اخلاقها
غير كده برضه مدعي التحرر اللى بيهاجموا الاسلام او الثوابت ويوقولوا الحجاب مش فرض والكلام الفارغ ده فهم منقادين وانا مش هتكلم عنهم لان مينفعش اتكلم عن حد منقاد وسايب دماغه لحد تاني
غير كده ان فيه ناس رابطه ثقافه البنت او الولد ومعرفته لكل شئ انه قله ادب وعدم حياء وبالتالى البنت تخبي هي فاهمه ايه ولو معملتش كده هتصنف انها مش محترمه ولها خبرات
مع انها ممكن تكون قرائه وبس
ومن هنا بتيجي الازدزاجيه اللى فى المجتمع تلاقى الواحد بيخرج عادي مع اصحاب ولو البنت خرجت مع حد تاني يقولك مش محترمه
تلاقى الاولاد بيمدحوا فى عقل البنت وفى نفس الوقت يقولك يا عم دي متحرره انا عاوز واحده خام مع انه ممكن يخونها ويدور على غيرها اول ما يتجوزها
يحرموا الصور العاديه الرومانسيه مش بتكلم عن حاجه وحشه فى نفس الوقت يكونوا نفسهم يبقى بيعملوا كده
اظدواجيه فى المعايير فى كل حاجه
اما عن قصص حضرتم انا مستغرباها شويه مش عارفه بس حتى اللى بتستشهد فيها بالرسول كان موجود فيها مش لوحدها بس يا ريت تدينى اللينكات الا انا اول مره اسمع الكلام ده بصراحه انا قريه كتير فى السنه ومعرفش الكلام ده
وموضوع غسل الشعر والكلام ده
اه على فكره فيه حقايق كتير بتبقى مغلوطه فى الكتب
واه يا ريت برضه الشباب ميجبوش كل التحرش على البنات لان فيه الكويس والوحش بلاش الاجماع يعنى
شاكره لك مشاركتك ويا ريت اللينكات علشان اشوف الكلام ده
منورنى دايما

~*§¦§ Appy §¦§*~ said...

كيارا
======
يا قلبى اقري ردودي على الناس علشان تفهمي اللى اقصده
ومتزعليش منى انتى اللى مختفيه يا مخفيه هههههههههه

مهندس مصري said...

أنا بقى مش مجاوب
بس حأدعوكي لقراءة البوستين دول انتي و كل قرائك

http://emamm.blogspot.com/2008/10/1.html

و

http://emamm.blogspot.com/2008/10/2.html

و دول احسن رد على أسئلتك
إقرأي التاريخ يا آبي
:)

mado80 said...

ابي عامله ايه

ايه يا ابي هو انتي كل شويه تغيري في شكل المدونه
:)

بعد كده هاتوه ومش هاعرف اوصل لكوكبك

المهم انت عامله ايه يارب تكوني بخير

واحدة مفروسة said...

انا جيت تاني
بصي انا راي ان التحرر مش بالضرورة يكون معناه حاجه وحشة
و مش بالضرورة لما يكون الانسان متحرر يبقى معناه ان سلوكة مش كويس
ساعات المجتمع بيكتسب عادات مش صح و التحرر منها بيكون افضل
سلام

mado80 said...

معلش يا ابي

انا مكنتش قريت الموضوع يخرب عقلك

كل مواضيعك كده جريئه وبتوجع الدماغ بس انا بحب وجع الدماغ
:)

بص انا شايف مش كل العادات او التقاليد متخلفه ياابي

كمان التحرر نسبي وبيختلف من شخص للتاني

تحياتي ليكي ياابي وكل التقدير ليكي ولكوكبك ولأسئلتك اللي بتخللي فيوزات العقل تضرب
:)

~*§¦§ Appy §¦§*~ said...

مهندي مصري
=============

النبى على قلبك يا راجل ما تجيب ليه لينكات اللى هسميك محمد لينكات وبعدين رايك انت مش الماضر الزمن بيتغير وبلاش تجيب ليه ناس مزدوجه وانت فاهم هههههههههههههههه
وبلاش كلاكيع تطلع علينا يالا مستنيه رايك









مادو
=======
ابقى اربط الكوكب وانت تعرفه انت اخبارك ايه يا رب تكون بخير على طول

~*§¦§ Appy §¦§*~ said...

مفروسه
=======
الله ينور يا عم الحج على كلامك صح كده غشره على عشره يا ست ههههههههههههه
منوره يا قمر






مادو
======
اى خدمه بس علشان الازدواجيه اللى قرفنا بيها يا عم يرحمونا بقى شويه
نورت يا مادو

ضد التيار said...

اولا ازيك ياست آبى هانم

على فكره فى سؤال مرمى فى المدونه عندى ماجاوبتيش عليه

دى مش معامله على فكره بتطلبى نجاوب هنا وانتى مافيش متابعه

شكلى كدا هاخرج من الحزب اللى لسه ماعرفهوش من الاساس

نيجى بقى نجاوب على الاسئله بتاعتك فى الانجاز لانى محتله جهاز اخواتى و بجاوب منه

لانى الجهاز عندى مروحه البرسيسور جالها سكته قلبيه وحالفه ماتقوم بالصدمات

ادعيلها تقوم بالسلامه

المهم


ايه هو معنى التحرر؟

التحرر ان الواحد يحرر فكره من القيود اللى مرزوع فيها بسبب العادات و التقاليد اللى هى اوقات بتبقى مخالفه للدين من الاساس


هل التحرر حاجه كويسه ولا وحشه من وجهه نظرك وتعريفك له ؟

التحرر شئ كويس بفهومه الصح اللى هو مش مخالف الدين والعقيده

لكن بيبقى مخالف زى ماقولت لبعض العادات والتقاليد اللى مخالفه اساسا للدين



هل التحرر له علاقه باللبس والتصرفات ولا له علاقه بالرغبات اللى جوه الانسان؟

لا طبعا مالوش دعوة بالتصرفات و لا باللبس

و انا شايفه برضه انه مالوش علاقه برغبات الانسان من جواه لان النفس اماره بالسوء

لكن ليه دعوة بفكر الانسان انه يتحرر من الافكار اللى تودى فى داهيه اللى بيفرضها المجتمع علينا



هل التحرر يتعارض مع الدين الاسلامى او الدين والتدين عموما؟

لا من وجهه نظرى لا يوجد تعارض

الجواز من واحده متحرره او واحد متحرر كويس ولا وحش وايه سبب رفض الجواز منه او منها ؟

الجواز من واحد متحرر كويس مش وحش طبعا

كدا انا جاوبت على الاسئله كلها

بس فى نقطه هنا بالنسبه لمجتمعنا اللى هو مش عارف يفرق مابين الانحلال والتحرر

يعنى مثلا عشان انا ابقى بنت مودرن ومتحرره او الشاب عشان يبان مودرن ومتحرر

بتلاقيهم اتحرروا من كل حاجه فرضها الدين علينا و بيسمها تحرر

واعتقد ان هو دا اللى غير معنى الكلمه كلها و بقت شتيمه علنى

و ان المتحرر شخص منبوذ فى المجتمع لا عنده دين ولا اخلاق

و أكيد ليا عوده بس ادعى انتى ان جهازى يقوم بالسلامه من الغيبوبه اللى فيها

انتى ليه صحيح مش عامله

Id


الباسورد ورد الحساب على جهازى و اختك عندها الزهيمر اساسا


انا سجلت مخصوص عشان اعرف ارد

عااااااااااااااااااااااااااااااااااااااااااا


ربنا على الظالم

عااااااااااااااااااااااااااااااااااااااااااااااااااااا

Sherif said...

عزيزتى آبى
=========
هذه ليست لها لينكات محددة لأننى جمعتها من مواقع كثيرة جدا واحتفظت بها على فايلات عندى

ما استطيعه ان شئتى ان ارسله لك على الميل .. لكننى لاأعرف وسيلة لذلك

البروفايل لدى عليه الميل الخاص بى هذه واحدة

الثانية يمكنك ارسال الميل الخاص بك على الموبايل الخاص بى ورقمه يمكنك أخذه من قوس قزح لانى لااعرف رقمك

ثالثا وهذا هو الاهم .. انا اتفادى كثيرا عرض رأيى لانه ربما بدا صادما لكثيرين .. لكن هذا لايمنع ان اعرضه على المستوى الشخصى لمن يحب

هذا منعا من سوء الظن

تحياتى لافكارك المتنوعة والشجاعة فى نفس الوقت

جمعاوي said...

السلام عليكم ابى
البوست المرة دى حلو وبيناقش قضية عمهمة بس الامتحان صعب اوىىىىىىى

وطبعا زى ما انتى متعودة منى انى فى امتحاناتك باجاوب بمزاج كده مش لازم اجاوب الاسئلة كلها بس لما باجاوب باجاوب بمزاج
كان زمانك جاوبتلك سؤالين تلاتة بدل الرغى ده -انا عارف انك بتقولى كده فى سرك دلوقتى -ماشى يا ابى هانم خلاص هاجاوب ههههههههههههه

============
ل التحرر له علاقه باللبس والتصرفات ولا له علاقه بالرغبات اللى جوه الانسان؟
=================
طبعا من وجهة نظرى له علاقة بالرغبات الداخلية فممكن مثلا بنت تبقى محجبة وملتزمة بالزى الشرعى بس هى داخليا تحب ان تتحرر من اللبس اللى هى حاسه انه غصب عنها لابساه

ده راييى واظن فى طياته اجابة على كذا سؤال

دمتى لنا بخير ويلا سلام

mahasen saber said...

اولا لون البوست جابلى تحرر فى النظر..يعنى نظرى كان سايبنى وماشى ..
غيرى اللون ربنا يقوى نظرك
...
ثانيا بقه يا ابى من بشاعة لون البوست اليى معرفتش ااقرا بتركيز منه الا انى حسيت ان فيه اسئله وامتحانات وكلام من ده وانا ربنا تاب عليا من زمان بس مش قوى
..بس هقولك يا جميل هو طبعا فى مجتمعنا انتى قولتى بيقيسوا التحرر ازاى وانتى ست العارفين ..
اما انا بقه فالبنسبه ليا والتناسب التحرر او البنت المتحرره هيا اليى افكارها حره ومنطلقه للاتجاه السليم يعنى يا ستى معتدله فى دينها والتزامها بيه .مش متشدده..
البنت اليى مش بتطبق قيود المجتمع يعنى البنت لازم تتجوز يعنى لازم تتجوز وهيا مثلا مش شايفه انها لازم وحتما تعيش فى ظل راجل ومكتفيه بظل الحيطه
البنت المتحرره هيا اليى بتهتم بشكل عقلها وبصحته زى ما بتهتم بشكل جسمها ورونق بشرتها
..البنت المتحرره اليى شايفه نفسها ان عندها قدرات وبتفتش عليها جواها وبتنميها وبتعملها يعنى ليا واحده صاحبتى ربنا يمسيها بالخير كانت بتموت فى العاب القوى والتايكندو والكل وقف ضدها برغم انها كانت محققه مراكز جامده الا ان الكل حتى فى النادى وقفوا ضدها الرياضه دى مش للبنت البنت ملهاش الا بيتها...ده مش تححرر محمود ولا انا بيتهيالى..
..البنت المتحرره اليى متخافش انها تكلم اى حد وتناقش اى حد ومتعملش نفسها مكسوفه وقليلة الادب لو فتحت بقها الاول ..بلا نيله مين قال ان الباقه والتحدث بلباقه والنقاش ومعرفة ثقافات وعقليات الاخر عيب وقلة ادب
...وفيه كتير بقه يا ابى يعنى قيسى مفهوم التحرر من وجهة نظرى على اى حاجه حلوه
...بس الخصهالك فيه فئات كتير من المجتمع بتبص لبنت الطموحه الذكيه اليى عايزه تسبت نفسها وتعمل حاجه مفيده واليى شخصيتها قويه ومش بتخاف وتكش ووالنبى يا عمو عدينى الطريق ...
للاسف المجتمع بيبص للنماذج دى على انها متحرره يعنى قليلة الادب..واليى هيقولى لا القاهره مش فيها كده هقولها مصر مش كلها القاهره والمدن الكبرى...
وبس خرفت ولا ايه غيرى لون البوست وانا ااقرا تانى
سلام يا جميل يا متحرر ومتحرر..

mayada said...

اوووووووووووووووبا
ده الموضوع كبير كبير
بصي ياست الكل
التحرر ده بختلف من مجتمع لمجتمع
ومن شخص لشخص
من مجتمع لمجتع
يعني انا مثلا (وانا هتكلم عن نفسي)
بالنسبه عائله ابويا متحرره وحرانه لاني بفكر وبقول لا وخارخه داخله لابسه مسافره علي راحه راحتي
في نظر عائله امي (out of date)
لان انا ليه عادات وتقاليد وحدود عارفها وعمري ما اتخلي عنها
في حين ان امي وابويا شايفين ان ست البنات وبيحمدوا ربنا انيطلعه كده
عشان بيقولوا انيعارفه الغلط وعارفه الصح والغلط
وبالنسبه لشخص وشخص
انا مش شايفهنفسي متحرره ولا مقفله لان انا بيتنا كده فانا طلعه شبه بيينا يعني لا طلعت ولا نزلت عن المالوف
في حين اني ممكن اشوف واحده بتعمل نفس اللي بعمله واقول عليها متحرره
لانها اتربت علي حاجه وهي خالفتها
ومن الاخر انا مبحبش لفظ متحرره دي
لان اللي بتحرر ممكن يجيله اللي يعتقله مره تانيه
يعني لك تحرر سقف يلا سلام

mohamed ghalia said...

أنا أخر مرة عرفت فيها عن التحرر ده كان بيتكلم عنه قاسم أمين
غير كده ولا اعرف تحرر ولا غيره
تحياتى
دمتى بود

عاشقة القمر said...

معلش مش فهمتك
داه احنا عدنا التحرر هو كده
ممكن تفهمني زياده انا مش عارفه عندكم ايه

عالم حبيب said...

شوفي آبي .. ليس هناك وجه أن نقارن ما نفعله مع تصرفات وسلوكيات الآخرين .. يعني مش علشان التلفزيون بيعرض كل يوم كليبات فاضحة أو غيرها من السلوكيات إننا نقلل من تصرفاتنا لو شابها أي شئ

التحرر ككلمةعندما أسمعها يختلف معناها عندي حسب الحالة التي تقال فيها .. لو حد قال : بنت متحررة .. ارتبط بأذهاننا إنها تخرج عن السلوك المتعارف عليه أخلاقيا واجتماعيا .. بخلاف لو سمعت مثلا " التحرر الديني " أو " التحرر السياسي " يعني المعنى بيختلف حسب السياق

أحيانا بيكون حاجة كويسة وأحيانا حاجة وحشة حسب المعني زي ما ذكرت من شوية

إذا كنا نقصد بالتحرر اللبس وهيئة البنت أو الولد ... الخ .. بالمعنى ده أكيد بيتربط بيهم

سؤال :

- مين قال ان لبس البنطلون الملزق للبنت تحرر

- مين قال ان لبس الحظاظة للولد وحلقة الكابوريا والاستاكوزة تحرر

- مين قال ان خروج البنت مع الولد تحرر

اسئلة كتير

إذا كانت الإجابة ان هو ده التحرر فأكيد بيختلف عن الدين .. لأن من خلال فهمي للتحرر يلخصه الصحابي ربعي بن عامر لما دخل على رستم ملك الروم .. قال له من أنتم .. فرد عليه الصحابي : نحن قوم ابتعثنا الله لنخرج العباد من عبادة العباد لعبادة رب العباد ومن ضيق الدنيا لسعة الاخرة ومن جور الأديان لعدل الإسلام

لو الشاب اتجوز من واحدة متحررة أو العكس .. يتوقف على مدى فهمنا للتحرر .. لو المعنى الجيد يبقى ممتاز .. لو المعنى التاني يبقى ربنا يستر عليهم

ضد التيار said...

اللى انتى متعرفهوش يا آبى


ان الزاهيمر واخد معيا حقه على الاخر

نسيت بسورد الاميل الثانوى عشان اقدر ارجع بيه البسورد بتاع الحساب

و نسيت برضه السؤال

عااااااااااااااااااااااااااااااااااااااا

و بسبب انك مش حاطه

id

نسيت برضه وبرد عند باقى المدونين كانى برد عندك

عااااااااااااااااااااااااااااااااااااااااااااااااااااااااااااااااااااااااااا

romansy said...

ايه هو معنى التحرر؟
التحرر نوع من انواع الحريه الزائده
هل التحرر حاجه كويسه ولا وحشه من وجهه نظرك وتعريفك له ؟
والله ما عارف فعلا
اصل كلو بقى ملخبط
الصح بقى تايهه فى الغلط

هل التحرر له علاقه باللبس والتصرفات ولا له علاقه بالرغبات اللى جوه الانسان؟
فدى حريه شخصيه بشرط انه ميكونش البس اوفر

انسان وبس ! said...

ازيك يا ابى
معلش فاتنى البوست اللى فات و بصيت عليه وللاسف كمان كان فيه رقاصه وبترقص
يلا خيرها ف غيرها

امتحانك عب وعايز وجع دماغ ووقت
بس اوعدك هحله باذن الله
قريبا

مصــــري said...

آبي هانم بتنجاني

التحرر هي كلمة يطلقها كل شخص تسول له نفسه بلعب دور الرقيب اللعين علي البشر.

وعادة الرد من عندي
"من كان منكم بلا خطيئة فليقذفها بحجر"

لعب دور الرقيب ووصف هذه بالتحرر وتلك بالتعقيد هي عادة مصرية لا فكاك منها أبداً

وبالتالي أنا أجد معني التحرر "أميبي" الشكل أي بلا معالم.

"التحرر" ليس من مصطلحاتي فأعذريني علي عدم وجود تعريف له عندي.

جوهر الانسان هو المتحكم الأساسي في كل شئ فالطيب طيب والندل ندل مهما صار شكل ملبسه.

الدين الاسلامي في الأساس هو دين دعا لرفض معتقدات بدائية ودعا الي تحرر العقل من غباء الجاهلية،أما عن التحرر الذي عرضتيه في التدوينة فان اللبس الاسلامي الشرعي للنساء معروف والدين هذا شئ بالفطرة والرغبة وليس بالاكراه
فمثلا لا أستطيع ان أجبر أحد ملبس معين مع ان الملبس الذي أنصحه به هو الملبس الشرعي وذلك من باب الأمر بالمعروف وليس من باب لعب دور الرقيب.

رغيت كتير وصدعت دماغك معلش

تحياتي اليكِ يا صاحبة الخرفان

أسأمة

أنا حر said...

طبعا مش محتاج اقلك وجهة نظري في التحرر لانك عارفة....انا حر
عموما يا ست آبي انا مقتنع ان التحرر ده احسن حاجة في الدنيا للولاد وللبنات في اي مكان في العالم وبغض النظر عن الدين اللي معتنقينه لان التحرر مش ضد الدين
انما احنا هنا في مجتمعنا عندنا جاذبية للتخلف وجذب كل شبابنا للتخلف مش عارف ليه
عموما انا متحرر جدا وبدور كمان على بنت متحررة ارتبط بيها علشان تقدر تفهمني وافهمها وكمان علشان اقدر اعتمد عليها في حياتنا
صعب قوي انك تلاقي حد متحرر في مجتمعنا ده خصوصاان معظم المتحررين عندنا بيستخدموا التحرر في الانحراف وفي امثله على كده كتير بس ده مش موضوعنا
معلش طولت عليكي بس اعمل ايه بقى جيه في التحرر وبتتكلمي يعني قصداني انا بكلامك
:)
تحياتي

الدفاع said...

التحرر فى مفهومى والذى يجب علينا جميعا ان نسعى له هو ان نتحرر من عبودية الهوى ومن عبودية العادات الى عبودية الله واتباع منهجه
( ونفس وما سواها فالهمها فجورها وتقواها قد افلح من زكاها وقد خاب من دساها)
كل نفس فينا فيها الجانبين الخير والشر
ومن الواجب ان يتحرر الانسان من شرور نفسه الى التقيد بخير نفسه
وما ذلك الا فى اتباع المنهج الربانى الذى انزله الله تعالى وهو لم يفرط فى شئ حتى نفكر نحن فيما هو اصلح لنا
فقط نفكر فى اصلح الطرق للتطبيق
اما ان نعرف التحرر فقط بالمفهوم الضيق لانه التحرر من التقاليد التى عفا الزمن عليها وانه ومن التخلف ان نتبع ما كان عليه الناس وناخذه هكذا وكل ما يقال فى هذا المجال فهذا سببه اننا نحكم على الاشياء وعلى الامور بمعيار العيب وغير العيب
ومن هنا تاتى النسبيه فما ترينه عيبا قد لا يراه غيرك عيبا فالنتيجه اننا نختلف ويفعل كل منا ما يهوى ويفرح بما لديه وفى النهايه تكون النتيجه ان نرى مايعتقده البعض انه حريه
وهو فى الحقيقه فوضى واتباع للاهواء
اما الحريه والتحرر الحقيقى فيكمن فى التحرر من النفس الاماره بالسوء
واعتبار ان المعيار لقياس الافعال والتصرفات هو الحلال والحرام
وابتاع المنهج الربانى اساسا لجميع التعاملات فلا يصلح الناس وهم باخلاق حسنه وبغير دين ولا يصلح الناس بدين وبغير اخلاق
واى اخلاق ليس مردها الدين هى امر لا فائده فيه بل فيه كل الضرر
كما انه هناك خطأ شائع بين الناس
وهو عدم اتيان تصرف ما او امر ما الا ما تقتنع به انفسهم
حتى لو كان خلاف الثابت من الدين
وقد وقفت على قول لابى بكر رضى اله عنه يقول فيه( اذا تعارض امرين عندى بدأت بابعدهما عن هواى) يعنى بيعمل اللى مش على هواه
وسبب اختلافنا ان كل نفس فينا لها هوى وكل منا يتبع ماتهواه نفسه فى كثير من الامور
ومن هنا يظهر الاختلاف ثم التعصب لما نعمله ثم الضعف لعدم تمسكنا بمنهج واحد
(ان يتبعون الا الظن وما تهوى الانفس) وقد قال رسول الله صلى الله عليه وسلم
( تركت فيكم ما ان تمسكتم به لن تضلوا بعدى ابدا كتاب الله وسنتى) ولا اعلم منهجا يصلح الا هذا وليجرب ايا منا اتباعه واعتباره اساسا له فى التعامل وليرى بنفسه نتائج اتباع المنهج
وقد قيل ( ان العرب قوم لا يصلحون الا بدين) وهذا حق ونحن نراه امامنا فى كل شئ
( الم يأن للذين امنوا ان تخشع قلوبهم لذكر الله)نحن جربنا اتباع كل المناهج وفشلنا وفاحت رائحة فسادنا واصبحنا على ما نرى من الحال
الم يحن الوقت لنجرب المنهج الذى يعدنا بالتحرر والرقى والتقدم والعدل فى الدنيا وبالجنه فى الاخره
اشكرك بشده يا آبى على موضوعك الرائع الذى اثار كل هذه الفائده
فى بس حاجه انا اسف انى مضطر للرد بخصوص كلام الاستاذ شريف
كلام حضرتك بعضه خطأ وبعضه الاخر كان فى زمن ما قبل فرض الحجاب وارجو مراجعه مصادركم وعرض الاحاديث الوارده فيه على صحيح الاحاديث وباطلها لمعرفة ما الصحيح فيها وهو لن يعدو ماقلت
وتحياتى للجميع
واسف على الاطاله

mony said...

المتحررة بالفظ اللغوي مايزعلش حد

لانه مابيتنافاش مع اخلاقنا

انما المتحررة بالمعني بتاع دلؤتي لو جاوبتك علي الاسئلة بتاعتك علي الاساس ده

اكيد هاخد 3 اصفار مش صفر واحد


و عشانا عليك يا رب

mony said...

معلش يا ابي انا ما اخدتش بالي من انك لازم توافقي علي التعليق

فلما مالاقيتش التعليق كتبته تاني

صعيدية بجا


بخصوص المشكلة اللي كنت عاوزاكي فيها

الحمد لله


وشك حلو اتحلت خلاص


ابقي امسحي التعليقات اللي مالهاش لازمة بأه

سلام

~*§¦§ Appy §¦§*~ said...

ضد التيار
==========
اولا حمد لله على سلامه البروسسور
ثانيا ربنا يكرمك يا رب يا حبيبتى هو ده والمجتمع بقى فيه مرض فعلا مش عارف التفريق ولا اللى بيطلقوا على نفسهم متحررين برضه عارفين لانهم بيفسروه غلط وفيهم اللى بيقول على نفسه متحررة وهى اساسا تفكيره غلط
نورت يا كيله خالص










شريف
=======
انا بعت لك على الميل وعاوزة اقولك مش عيب نعرض ارائنا ونتناقش ومش عيب لو انت او انا غلط نرد على بعض ونقول فعلا ايه الصح والغلط
عموما سعيده بوجودك على طول

~*§¦§ Appy §¦§*~ said...

جمعاوى
=========
التحرر ليس معناه التحرر من اللبس يا حج وده الفرق اللى الناس مش فاهماه التحرر هو من عادات وافكار وقوالب غلط بعيد عن الحجاب
اقرى ردودى اللى فاتت وانت تفهم
وبكده تبقى اخدت صفففففففففففففففر لانك من اللى فاهمين الكلمه غلط








محاسن
=======
هرد عليكى من الاخر اه القاهرة وكل مكان بدليل الاولاد اللى بيصحبوا بنات وبيكونوا مبهورين بيهم وفى نفس الوقت يروحوا يتجوزا غيرهم
موضوع الدين فيه ثوابت مينفعش تتغير يعنى مينفعش اقولك الحجاب مش شرع مينفعش اقول الجواز ملوش لازمه هههههههههههههههه
هو احيانا بس هى دى الحياه
طبعا فاهمه كلامك ونؤسف على اللون طيب قولى تحبى بلون ايه وانا اعمله بجد اصلى عندى برىبرى فى الالوان ههههههههههههه

~*§¦§ Appy §¦§*~ said...

مياده
=========
حلو اوى يبقى مينفعش نحكم ونعمم ولا الشباب برضه يعملوا كده ولا ثقافة البنت وفهمها لكل حاجه فى الحياه قله ادب عيال زهقونى يا اوختى هههههههههههههه
بس كلمه تحرر مش وحشه ومحدش يقدر يعتقل افكار كويسه الا اذا هىكانت عامله حاجه بدون اقتناع وساعتها تبقى تمردت لفترة وانتهت
نورتى يا مادى








mohamed ghalia
===============
اقرى تعليقاتى وانت تفهم على فكره هى مش كلمه وحشه خالص والله انتم اللى شايفن انها وحشه وده مفهوم غلط
نورت

~*§¦§ Appy §¦§*~ said...

عاشقه القمر
===========

اقرى ردودى وانت تفهى وخاصه ردى على شريف يا حبيبتى






عالم حبيب
=========
مفيش حاجه اسمها الحاله مش بقول احنا شعب بنترجم بمزاجنا يا ابنى هى حاله واحده بس مش اكتر
انا بعيده عن الدين يعنى مش هالف فاهم الدين له ثوابت يبقى نتمسك بيها انما فيه خرافات ابعد عنها وخرفات مش تاليفى ده الحاجات اللى بيفتوا باى كلام زى ارضاع الكبير والصغير والهطل ده
فهمت قصدى وعموما لو راجعت ردودى على الناس هتفهم اكتر
منورنى دايما

~*§¦§ Appy §¦§*~ said...

ضد التيار
============
الف سلامه يا حبيبى بس حاول تركزى بس






رومانسى
=========
التحرر مش حريه زايده هو التحرر من عادات باليه وتجمد فى الدماغ بعيد عن الدين تماما وغير كده لو حاجه مست الدين بنبعد يعنى اقرى ردودى وانت تفهم اقرى ردى لشريف وانت هتفهم قصدى والمعنى الصح
نورت

~*§¦§ Appy §¦§*~ said...

انسان وبس
==========
اهلا هو وجع الدماغ وصل ههههههههه
لا والنبى استنى يومين اصل انا حسه اللى بقوله بعيده اقولك ريح دماغك وارقرى ردودى علشان تفهم قصدى وبعدين ناقشنى
نورت يا محمود ومنور دايما وبلاش والنبى الرقاصه اللى جابت ليه الكلام ووصلت ان غبى يقولى انتى مش مسلمه يلعن النت ابو بلاش اللى لم الحشرات ده
يالا مستنياك نورت يا محمود بجد







مصرى
========
ايوة التفكير بتاعنا وعيوبنا انا مقصدتش اللبس بس الناس برضه رابطه التحرر باللبس فهمت مش فاهمين انه بالثقافه وانك تبقى قوى على العادات والتقاليد المتخلفه بعيد عن انى امس بالدين
موضوع الصورة هى مش بنت عريانه ولا حاجه بس تقول ايه للامخاخ اقرى ردى على بنت القمر وانت تفهمغير كده انت بتنصح بالزى الاسلامى وانا مش معترضه بس متبقاش تدخل على حد مش لابس الزى الاسلامى بقى ههههههههههههه (وش بيطلع لسانه )
نورت يا اسامه

~*§¦§ Appy §¦§*~ said...

انا حر
=========
تصدق انا حسيت انى كتبت البوست عنك ههههههههههه
معاك حق وانا معاك فى كلامك دماغتنا اللى مزنوقه بس فى حتت وحشه ونفسى الشباب يعملوا كده فعلا

نورت الكوكب







الدفاع
========
على الرغم من كلامك الحلو الكويس جدا
بس انت مفهمتش قصدى لو كنت قريت ردودى كنت فهمت انا مش بتكلم بانشاء يا اسامه انا بتكلم عن بشر زى وزيك طيب لو هتتكلم بالدين يبقى متشوفش صور يبقى متكلمش حد على النت يبقى يبقى يبقى فاهم لو اخدناها بالمقايس دى ومينفعش نقول الكلام ده انا بتكلم عن نظرة الولد للبنت والحياه انت ممكن تشوف ان بنت بتكلمك على النت متحرره مع ان الفكره مش تحرر ولا لا بس انت ممكن تطلق عليها كده وتبقى شايفاها عادى واحد تانى يقولك لا دى متحرره قليله ادب
فهمت انا بتكلم فين
وبعدن انا معاك فى التحرر من اهواء الدنيا
بس اتكلم كلام هيتنفذ متجبش واحد من السجن وفى الضلمه تقوم خبطه فى النور فهمت قصدى طبعا
ولا ايه ظروفك انت كمان بقى اقرى ردودى يا متر الهى يسترك ما هى العيله دى ناويه تودينى افغانستان انا عارفه ههههههههههههههههههه

~*§¦§ Appy §¦§*~ said...

مونى
=======
اقرى ردودى والنبى وانتى تفهمى قصدى اصل اختك تعبت واللى بقوله بعيده واضح ان الناس فعلا عندها فهم غلط او مش صح اواى حاجه عااااااااااااااااااااا
نورتى يا قمر وكويس ان المشكله اتحلت

عاشقة القمر said...

ابي صباح الخير
تعالي مدونتي في حاجه هناك اهتلفي
مكتوب في تعليق

البحث عن أنا شىء جنونى said...

التحرر .. التحرر

كلمة عميقة تحمل العديد من المعانى
لكن ما هو التحرر .. هل هو الانفتاح وكسر كل القيود التى تفصلنى بين فوانين عالمى وقوانينى
ام انه ذلك الحائط الذى يفصلنى عن احلامى
ام انه ما يفصلنى عن نفسى الحقيقة التى طالما رغبتها

ربما الجميع .. وبالفعل تعريف التحرر يحمل كا ما ذكر

التحرر هو الوسطية .. لكن الوسطيه ليست بمفهومنا الشرقى .. وان كل ما تفتعله الفتاه هو تحرر وتفتح بل ويقال ان تلك الفتاه على شفا الهاوية
وذلك غير صحيح بالمرة
من حقك سيدتى ان تتحررين بافكارك واحلامك فلا يوجد قانون فى الى دستور يمنع المراه عن حقها الشرعى فى ان تكون كما تريد ان تكون بالطبع ليس خارج حدود الحلال ..

التحرر هو الانطلاق الى عالم النفس الحقيقة
فكونى متحررة كما انتى
:)

لك كامل احترامى

من بعيد .. بكتبلك

الربان said...

تحياتي

اولا اعتذر لاني تأخرت في الادلاء بالراي
في الاستفتاء علي المادة( 2500 ) من قانون التحرر و الاشتباه.

اما فيما يتعلق بالموضوع، ففي رأيي اننا يجب ان نعرف المقصود بالتحرر من
وجهة النظر العامة....

بالنسبة لي التحرر يعني الفكر المنفتح
بمعني ان الشاب او الفتاه لا يفكر بالطريقة التقليدية...و داخل دائرة
مغلقة لا يستطيع ان يخرج منها بفكره..
و لا يعني التحرر الخروج من اسسيات الدين الحنيف او التمرد علي قيم المجتمع
الذي نعيش فيه و نحن جزء منه.

اجابة الاستفتاء:

التحرر في الفكر ...شيء ممتاز...يعني
لا اعمل بسياسة القطيع...اسير وراء
القطيع حتي ان كان خطأ....

التحرر ليس لبس و مكياج...انما هو اسلوب للتفكير السليم للحصول علي نتائج افضل...و الرغبات الموجودة داخل الانسان مثل الجنس مثلا...قد يكون
التحرر بمعناه العام هو الخطأ الاكبر.
لكن ان كان التحرر مع الزوج..و ان تكون ايجابية مع زوجها...اي يمكن لها
ان تبادر بطلب حقوقها بطريقة لذيذة
و عاطفية...فهو مطلوب ومرغوب فيه و تثاب عليه ايضا...

ان كان التحرر قد تم فهمه بانه التحرر
من الملابس...و من مفهوم الدين الصحيح
هنا يكون خطأ كبيرا لابد من التصدي له.
لكن ديننا الحنيف حثنا علي الفكر و التفكر بحرية...فنأخذ ما يناسبنا و ندع ما لا يناسب و لا يتماشي مع الدين الحنيف و قيم المجتمع الذي نحيا فيه.

الزواج من متحرر او متحررة...ان كان التحرر يعني التفكير السليم غير التقليدي...فأهلا و مرحبا به...اما ان كان يعني العري ...و ما اشبه من اخلاق ممجوجه...فنهايته الي الدمار.


اعتذر عن الاطالة...لكن الموضع نفسه يستحق....

خالص شكري و تقديري

osama said...

معنى التحرر انى اتخلص من كل حاجه مش مقتنع بيا واعمل اللى انا عايزه وقت ما انا عايز واقدر اقول رايي فى اى موضوع بدون احراج باختصار انى اكون نفسي بدون رتوش مع الالتزام بحريه الاخرين

التحرر حاجه كويسه جدا طبعا واكبر اسباب تخلفنا انعدام التحضر اللى هوا جاى من التحرر

التحرر له دخل بكل حاجه بس مش موضوع ان بنت لابسه مكشوف بس هيا اللى متحرره يعنى لو بتحب تلبس مكشوف وبحريتها فده تحرر ومش عيب ولو بتحب تلبس نقاب وبحريتها فده تحرر ومش عايب المهم انه بناء على رغبتها الشخصيه

السؤال الرابع ده كده انتى بتلبسينا فى الحيط وبدون ما نكون فى موضع فتوى فالتحرر نسبي يعنى لو الانسان متدين هيكون تحرره ملائم لما جاء فى الدين اما لو كان على قدر قليل من التدين فا اكيد فى حاجات هتتعارض وربنا يغفر لينا جميعا

ما احنا قولنا هيا المتحرره دي يعنى بنت كلب بالعكس دى انسانه عندها شخصيه انا مش فاهم هو احنا بقت غرايزنا ذى الحيوانات ليه فى نظره غبيه فى البلد دي للى لابسه جيب قصير او كت انها خلاص مومس رسمى انا شخصيا مش هتجوز غير واحده متحرره ومثقفه معنديش استعداد اتنيل مع واحده اتصادم معاها ثقافيا يووووووووووووووووه الله يسمحك يا ابى عصبتينى

وبعدين يعنى المتحرره هيا اللى بتثير الفتنه مهم اتحرشوا فى بنات جامعه الدول وهما لابسين عبايات وعجبي

Monzer said...

فى مرحلة ما من عمر الإنسان بيبقى مسئول فيه عن أفعاله بغض النظر عن رأي الناس فى أفعاله دى

وكل واحد بيحل امتحانه بنفسه

والامتحان ده ماينفعش فيه لا إجابة نموذجية ولا غش

ليه باه علشان أصلا مافيش أستاذ لمادة الحياة النموذجية
كل واحد بدماغه
ودماغه دى هي المدرس والمدرس الاول والناظر والمدير وواضع الأسئلة كمان والى بيدي الدرجة

و ماينفعش حد يغش من حد ولو غش من كل الناس هايتوه وهايبق حد تاني غير نفسه وعمره ما هايرضي عن نفسه علشان ارتبط رضاؤه عن نفسه رضا ادمغة الناس التانية عنه

فالمحك هنا ايه؟ رضا ربنا اولا

طالما اقتنعتي ان التصرف الفلاني مش بيغضب ربنا خلاص

يبقى كلام الناس ع الجزمة

دى مرجعية

ناس تانية ماعندهاش المرجعية دى و البشر المقتنعيني بالمرجعية دى بينظروا للتصرفات الى بتخرج عن المرجعية دى نظرة استهجان

وناس تانية عندها مرجعية تانية وهي العرف وبرده الى بيعمل تصرفات خارج دايرة العرف بيتعرض للاستهجان وهكذا

دواير فى دواير فى دواير

تحياتى وآسف على الإطالة

~*§¦§ Appy §¦§*~ said...

البحث عن أنا شىء جنونى
=======================

انا فى نظرى هى كسر لكل القيود والعادات اللى سببت لنا الغباء والتخلف وخلت الاولاد يتحرشوا بالبنات والغرايز تمشى فى كل مكان
وكمان بعض الناس اللى عندهم عقد نقص او بيتطلعوا لحاجه اكبر من مستواهم وده مش عيب بس بينفذوه غلط
قيووود وعادات كتير وحشه صدقنى فى المجتمع
ميرسى لكلامك ونورت








الربان
========
ههههههههه هو ده استفتاء دى فته
وطبعا بما انك فاهم اللى انا بقوله فجاوبت صح وعبرت عن راى كتير ويا ريت الناس تاخد بالهم بين الغلط فى المفاهيم
والتصرف على اساس مفاهيم غلط
بجد انت شرحت اللى انا عاوزة اقوله بحييك عليه
وبعدين اتفقنا انك تطول هنا براحتك خالص ومتتعتذرش ابدا
نورت الكوكب يا سياده الربان

~*§¦§ Appy §¦§*~ said...

اسامه
=========
اهدى يا حج اهدى بس
لا هو مش حاجه مش مقتنع بيها هى بس حاجات باليه مش مناسبه لزمنا ولا تتعارض مع دينا
ومش برضه نبص لفته اليومين دول
فهمت يا اسامه
نورت يا جميل واهدى والنبى متتعصبش اعصابك امال انا اقول ايه من امبارح هههههههههههههههه










منذر
=========
اهلا بيك اول مره هنا
عموما متفقه فى جزء من كلامك بس عاوزة انبهك على حاجه برضه كل واحد بيشوف هو بيغضب ربنا ازاى وبيترجم على مزاجه التحرر كويس دون المساس بقواعد الدين فاهم طبعا
بس خلاص
نورت الدواير قصدى الكوكب
اه على فكره انا مش استاذ ولا حاجه بس احنا بنتناقش على مفاهيم غلط وخلط البعض ان البنت المتحرره معناها ان اخلاقها وحشه واتضح بالفعل ان الناس فاهمه كده

جبهة الدفاع عن العمدة حزين said...

حد شيفنا يا جبيصة طيب نط من فوق السور ومتخليش حد يحس بيك ايوة بلاش عينك تزوغ علي الخرفان هه لأ يا متخلف هات الخروف اللي فوق ايوة هو ده مش هتعرف هي تجيب واحد زيه ايوة تعالي يا كميل تعالي يا نونو يا ختي ننوس عين جديو عدي يا جبيصة تعالي



الووووووووووووووو

ايوه يا عمدة العملية تمت بنجاح والحمد لله ايوه هسيب الرسالة بتاعتك بعد سماع صوت الخروف



ماااااااااء


السلام عليكم ورحمة الله وبركاته اتشرف للمرة الثالثة ان اعلق في مدونتك التي اراها من اهم المدونات حاليا ولكني تغيبت عن التعليق عن الرسالة السابقة بسبب الصور والله ليس تشدد ولكن هذا فعلا هو الحرية اني لا ارحب بهذه الصور فأمتنع واترك غيري ان ود ذلك اما بخصوص الرسالة الرائعة المرة دي واراها تحتاج منا كمدونين ورشة عمل جزاك الله عنا خيرا اما بخصوص تعليفي فلي اولا سؤال*****************



هل لو اقنعتي خير الاقتناع هتغيري الفكرة فعلا في موضوع الصور علي المدونة....؟

ردي يا متعلمة هه ردي والا انا اللي هاجي اقطع الصورة علشان اكون ديمقطاتوري


ابو فاطمة اوي تتبعي اثار اقدامي انا وجبيصة الخروف مش هيرجعلك قبل متردي علي السؤال.....

اجري يا وله اجري

~*§¦§ Appy §¦§*~ said...

جبهه الدفاع
=============
اصلا سيب الخروف اللى فى ايديك ده وقولى
انهى صورة اللى بتتكلم هنها يا عمده وبعدين لو اقنعتنى انى غلطانه اوك مش مشكله
اتفضل قول انا بسمع اى راى

MKSARAT SAYED SAAD said...

آبي ازيك
موضوعك جميل :
----
دعاوى تحرير المرأة برفعها شعار المساواة والحرية تُنَفِّر من قوامة الرجل؛ مما يؤدي إلى التمرد عليه وعلى التقاليد الإسلامية والروابط الأسرية، وفي كلٍّ ضياع للأسرة ثم للمجتمع كله، يشهد على صدقه الواقع.


ومن المحزن أن الكثير من المسلمات انبهرن ببريق هذه الدعوات، وظنن أنها تحقق ما يردن من سعادة ونعيم، وهذا يرجع لأسباب سوء أحوال المرأة في كثير من بلدان العالم الإسلامي، وجعل بعض العادات والتقاليد غير الشرعية ملصقة بالإسلام؛ كتسلط الرجل على المرأة بدعوى القوامة وسلبها حقوقها، أو عدم إشراكها معه في التفكير والرأي بدعوى نقصان العقل.


وجهل المرأة بتعاليم الإسلام، وعدم تعليمها ما ينفعها، وإغراقها في الأفكار المدمرة لعقلها وبيتها كدعوى التحرر.

ومن هذه الأسباب أيضًا: الحركة الاستعمارية المسلطة على العالم الإسلامي. ومحاولات التدمير الفكري والاجتماعي من قبل أعداء الإسلام وهو ما يعرف بالغزو الفكري.


الإسلام وتحرير المرأة:

وعلى كل من ابتليت بهذهالدعوى وصدَّقتها وانجرفت في تيارها أن تعلم أن الإسلام قد حرر المرأة، فحفظ لها حقوقها بما يضمن عدم إساءة الرجل لها، وأتاح مجالات تنمية كفاءتها ومواهبها الفطرية.
لقد أعطى الإسلام المرأة حقوقها الاقتصادية فجعل لها من الميراث نصيبًا بعد أن كانت محرومة منه، بل وساواها في بعض حالات الميراث بالرجل، ودافع عن حقوقها الاجتماعية فأعطاها حرية اختيار الزوج، بل وحرية طلب الطلاق في حالة تعثر الحياة الزوجية، وجعل لها حق حضانة الأطفال، وحافظ على عفتها وشرفها وكرامتها فأمرها بالحجاب والتستر، وكلف الرجل بالإنفاق عليها حتى ولو كانت ثرية، حتى لا تضطر للخروج من أجل العمل، فإن اضطرت للخروج فلا غبار عليها.

أدلة تكريم المرأة:

وأدلة القرآن والسنة كثيرة في بيان تكريم المرأة. قال تعالى: {ومن يعمل من الصالحات من ذكر أو أنثى وهو مؤمن فأولئك يدخلون الجنة ولا يظلمون نقيرًا}
[النساء: 124]،
وقال تعالى: {للرجال نصيب مما اكتسبوا وللنساء نصيب مما اكتسبن} [النساء: 32]، وقال تعالى: {وعاشروهن بالمعروف فإن كرهتموهن فعسى أن تكرهوا شيئًا ويجعل الله فيه خيرًا كثيرًا} [النساء: 19].
وقال ( : (إنما الدنيا متاع، وليس من متاع الدنيا شيء أفضل من المرأة الصالحة) [ابن ماجه]. . .
وقال ( : (من اْبتُلِي من البنات بشيء، فأحسن إليهن، كُنَّ له سترًا من النار) [مسلم].
تقبلي مروري
سيد سعد

دعاء مواجهات said...

ازيك يابنتى
ايه العناوين الجامدة دى
انا جايه تانى
انا بس بسلم وببوسك
علشانى وحشانى اوى
بيس ياقمرى

سارة نجاتى said...

ازيك يا أبى ؟
تصدقى أن أنا لما أحب أكتب فى حاجة ليها علاقة بالبنات فى بلدنا , بتجنب كلمة "تحرر" و " متحررة" عشان موجعش دماغى باللى يقول لى احنا ضد التحرر, بس مع الحرية , على أساس أن الفرق شاسع , لو "متحررة" يعنى لم تسير مع ثقافة القطيع , يبقى احنا متحررات و يا رب نتحرر أكثر كمان ,
و ابقى نورى المدونة, دى لسه ماكملتش شهر و محتاجة اللى يساعدها .هههه

سلام

شباب روش طحن said...

التحرر من الحرية والحرية مفهوم مختلف عليه من طوب الأرض وما لوش حل لحد الوقتي فخليني أعرف التحرر من وجه نظري وأمري لله عشان أبدا أجاوب علي الأسئلة بأسلوب واحد

التحرر هو ثورة علي قيد وبس كده

والقيد يحتم أن يكون مانع وضار ولا يعقل أن يكون مفيدولذلك يجب التخلي عنه

يعني مثلا فكرة إن البنت مخلوق شرير والراجل ألي يخلف بنت يزعل ويضايق جدا
أنا متحرر منها ومن غيرها من الأفكار المتخلفة فأنا بعتبر ده قيد بيسبب لي مشاكل ويضرني فلازم أتحرر منه

طيب سلطة القانون مثلا بتفرض عليا أوامر معينة أهي دي ما ينفعش أسميها قيود لانها بتمنعني من الشيء الضار عشان تفدني مش تضرني وقياس علي ذلك قوانين الدين والأخلاق والمقاييس العامة لأفكار العدالة والحق مش ممكن أتحرر منها ده مش تحرر ده تهرب من التكليف زي ألي عايز يسرق ومحدش يحاسبه وعايز يتحرر من سلطة القانون

ثانيا: التحرر بالمفهوم ألي ذكرته ده أكيد شيء كويس ومفيد يعني مثلا دعوة النبي كان دعوة تحررية بتهدف بالأساس لتحرير الإنسان كتاب الحرية لجون ستيوارت مل كتاب تحرري بيهدف لتحرير الإنسان مع الفرق بين الاتنين وبالمناسبة في أوجه تشابه بين الأتنين إلي حد ما

ثالثا: التحرر فكرة وأي فكرة ليها وجود في عقل الإنسان لازم يبقي لها دليل في مظهره

رابعا: بالمفهوم ألي ذكرته لأ طبعا لا يتعارض مع الدين لكن لو فهمنا بوجه نظر تانية قد يتعارض مع الدين وقد لا يتعارض لأن في فريق بيعتبر غاية الحرية هي التحرر من كل حاجة وأي حاجة

خامسا :لأ دي لازم تكون متحرره بصراحة مش طالبه وجع دماغ لكن خدي بالك تحرر غير تحرر

حـــــدوتـــــة said...

السلام عليكم

انت مدخله نفسك فى موضوع كبير
واحنا ممكن نتكلم اسبوع فيه من غير ما نوصل لنتيجة

انا شايف ان لفظ بنت متحررة المقصود بيه هنا ان البنت دى مش مهتمة بالتقاليد او رأى الناس فى لبسها او تصرفتها وانها بتعمل الحاجة اللى هى عايزاها مادام شايفة انها صح

التحرر مش حاجة واحشة لما يكون مع عقل واعى ومدرك مش مجرد خالف تعرف

التحرر بيبقى فى كل سىء فى اللبس والتصرفات والرغبات اللى جوى الانسان

اعتقد ان اللى يفهم الاسلام صح مش هيتعارض مع التحرر

انا شخصيا افضل البنت المتحفظة

سلالالالالالالالالالالالالالالالالالالالالالالالالالالالالالالام

مجداوية said...

السلام عليكم
حلو البوست ده نلحق نرد بسرعة عليكى قبل ما تنزلى غيره ..الله أكبر انهاردة الخميس ,,عشان القر

انت بتسألى وانت عارفة الاجابة بس نقول كمان ولو انى معرفش ان كنت حأقول حاجة مختلفة أو غير كل الأراء لأنى مقرتش التعليقات لسه
لكن من وجهة نظرى
ان التحرر ككامة مفيهاش أى حاجة المهم التحرر من ايه ؟
هل تحرر من قيم ومبادىء بتخنق أم التحرر من ملابس حشمة بتستر أم التحرر من مسئولية الأهل فى التربية والملاحظة
وانت مش عايزة كلمة نسبى
وأنا معاكى مفيش حاجة هنا اسمها نسبى
الصح صح والغلط غلط
لكن مفهوم الكلمة بيختلف على حسب تربيتنا وثقافتنا والتزامنا الدينى
وأى شىء يخالف الدين يبقى غلط وأى شىء يغضب ربنا يبقى غلط
والحرام بين والحلال بين
وعدم المعرفة ممكن يكون سببها التربية والتعليم والاعلام اللى بيغيروا وبيبدلوا صورة الغلط ويخلوه صح والعكس صحيح

اللى عايز يعرف يقرأ الدين بتاعنا بيقول ايه وتعاليمه ايه
واللى مخالفه له أى كان اسمها متحررة أو متخلفة أو أو تبقى غلط
أنا أعتبر نفسى متحررة
لأنى مستغنية عن كل شىء مادى يجعلنى عبدة أو أسيرة له
قمة الحرية هى الاستغناء عن كل الملذات والشهوات التى لا ترضى الله

قمة الحرية أن تكونى طائعة لله
بحب ورضا

ده هو اطار التحرر المحمود وغير كده يبقى انفلات

مصــــري said...

آبي هانم

قرأت ما كتبته بنت القمر وقرأت ردك عليها وكادت عيني أن تذهب ولكن لن تذهب سدي لأنه كلام ذو أهمية.

نلخص كل ما كتبتم في اختلاف الطبقات يجعل للكلمة ألف معني وأقصد بذلك كلمة "التحرر".

في الأحياء الشعبية تنشأ طبقتان أحداهما دينية وتنظر لكلمة "التحرر" علي كونها تحرر من الملبس والأصل والعرف والتقليد.

والطبقة الأخري وهي الأغلبية والتي تتمثل في كل من يحمل كلمة"مزة" في قاموسه الشخصي.
وكلمة مزة عنده تعني التحرر مع العلم انه لا يعلم انه توجد كلمة اسمها "تحرر".

لا أدري من أي طبقة تنتمي ياآبي ولكنها بالتأكيد طبقة تهتم بالعقل والمنطق في السلوك أكثر من العرف والتقليد.

في التعليقات لم يجمع اثنان علي نفس الرأي وهذا يـُثبت أن الكلمة أميبية الشكل وبلا وصف محدد.

أسامة

لورنس العرب said...

يا ستي مهو المشكله ان اليومين دول الناس بيقولوا على انفلات الاخلاق انه هو التحرر، ده اللي انا بسمع عنه
أما بالنسبة لمراتي- مستقبلا ان شاء الله والله اعلم من هي- لمؤاخذه انا ديكتاتور في موضوع اللبس ده
تلبس اللي انا شايفه صح
طبعا هايكون مناسب ليها
بس لمؤاخذه انا محدش يبحلق في الحريم بتوعي وهما ماشيين في الشارع!!!

~*§¦§ Appy §¦§*~ said...

MKSARAT SAYED SAAD
==================
اهلا بيك يا سيد
وميرسى على كلامك
بس انا وضحت وقولت محدش يغش ولا حد ينقل كلام وانت بقى بتغيظ فيه وناقل الكلام
اممممممممم
انا عاوزاك تجاوب على الاسئله بالبلدى كده فاهم مش كلام منقول كوبى وبيست تقول زى ما انت فاهم وحاسس وشايف
ميرسى ليك خالص نورت يا سيد وميرسى على ذوقك







دعاء مواجهات
==============
ما انا عارفه لما تتزنقى تثبتى حضور وتجرى
ماشى يا دودو

~*§¦§ Appy §¦§*~ said...

سارة نجاتى
==========
حاضر يا سارة ويا رب دايما بره القطيع نورتى يا كميله








شباب روش طحن
==============
كويس وصلت للفكره شويه ابقى اقرى ردودى علىالناس علشان تفهم اكتر انا قصدت ايه
بس انا ملاحظه بالمفهوم اللى قصدتيه دى كتير انا عاوزة بمفهومك انت وهل لها مفهوم تانى عندك بس خلاص ههههههههههههه

~*§¦§ Appy §¦§*~ said...

حدوته
=======
لا خالص انت فهمت غلط قصدى انا مش كده انها مش معترفه بمجتمعها ولا مش عارف ايه اقرى ردى على بنت القمر او شريف احسن وانت تفهم
وعلى فكره انت من الناس اللى فاهمه التحرر غلط بدليل انك قولت اخد متحفظه لانك معتقد ان التحرر ده هو انعدام الاخلاق وده مش صح خالص وده التفكير اللى عند الشباب الغلط
يا ريت تصحح تفكيرك او وجهه نظرك وفرق ما بين اللى معندهاش اخلاق وما بين المتحررة من عادات باليه وافكار متخلفه
نورت يا حدوته










مجداويه
==========
قلب الام حبيبى انتى لو هتاخديها من ناحيه الدين انا معاكى والاعتدال وفاهمه ان التحرر بالنسبه ليه على الاقل لا يتعارض مع الدين وانتى شوفتى مناقشتى مع رئيس جمهوريه نفسى قبل كده
بس انا ااقصد ان الشباب رابطين بين التحرر وانعدام الاخلاق فهمتى اقرى ردى على شريف او صدعى واقرى باقى الردود يا حبيبه قلبى علشان تفهمى اكتر انا قولت ايه ولو انى واثقه انك فاهمه اللى فى دماغى يا سوسه هههههههههههههههه
علشان انت حبيبى وبتفهمنى على طول يا ارهابيه هههههههههههههههه

~*§¦§ Appy §¦§*~ said...

مصرى
=====
برافو يا اسامه شاطر اخيرا فهمتنى
وفعلا المشكله ان الكلمه كده
وده صدمتى تاتاتاتاتا عااااااااااا
بس لازم الشباب يفرق ما بين المنحله والمتحررة فاهمنى طبعا
نورت يا اسامه يا مزدوج ههههههههههه








لورانس العرب
==============
انت متاكد انك مش صعيدى ههههههههههههه
ما هو اللى مضايقنى انقلاب المفاهيم فهمت يا فهمى
ههههههههههههه
يا رب يديلك حد كويس سا عم اقولك ابقى حطها فى الفريزر هههههههههههههه

صيدلانيه طالعه نازله said...

بصى يا سكر التحرر فى وجهه نظرى ان الانسان يعمل الحاجه من منطلق قناعته الشخصيه و تربيته و معتقداته و ميبقاش واقع تحت سيطره حد يحجر على افكاره و يسيطر عليه و يحبسه اما ان الواحد يمشى على حا شعره و البنات تبقى لابسه الهوا بدل الهدوم و نرجع الساعه 3 الصبح لوحدنا ده اسمه تسيب مش تحرر

momken said...

شوفى ياستى

البنت المتحرره من وجه نظرى هى التى تسمح للاخرين بالتعدى على حدودها الدوليه

يعنى بتسمح بالمس والتفعيص والاطلاع وما شابه ذلك

التحرر قيمه يختلف معناها بين الشعوب وبعضها
الفتاه الامريكيه الملتزمه هنا فى الشرق بتكون فاسده او ساقطه

والتحرر فى الريف مثلا ان بنت تمشى فى وقت متاخر بعد تمانيه مسائا او تعالى صوت الكاسيت او تاكل صباع موز

اما التحر بتاع الطبقه المتوسطه الى انا منها
فيعنى الخروج والتخلى من التيمات القديمه التى فرضها علينا الجاهلين من قولب جامده ما انزل الله بها من سلطان
وليس هناك اى دليل على انها اشياء قيمه
من قال ان اسنان البنات عاوره ولا يجب ان تضحك البنت فى الشارع
ومن قال ان الاعلان عن رائيها كارثه ويحتاج لهيئه مواجهه الكوارث والازمات

الحريه يا سيدتى هى قيد جديد يفرضه الشخص على نفسه لانها حر

البوست حلو والموضوع حيوى جداً

الا صحيح هما بيقولوا عليكى متحرره فى انو موضع بالظبط
يعنى حسب الموقف

؟؟؟؟؟؟؟؟

تحياتى

~*§¦§ Appy §¦§*~ said...

صيدلانيه طالعه نازله
=======================

ميرسى يا قمر وكلامك مظبوط خالص نورتى يا حبيبى







momken
=========
ايه تفعيص وكلام ملوش لازمه ده
ومش بفهم معناه ومش عاوزه افهمه لانى حسه انه مش كويس خالص
ثانيا مين قالك برضه ان فى الفلاحين كده بصراحه كلامك كله على بعض رايح ناحيه حاجه مش حباها ومش هسمح بيها
وانت زى اى حد فاكر ان التحرر قله اخلاق
غير كده انت تسال ليه عنى ومين قال عنى ايه وموقف ايه مش فاهمه انت داخل تتعرف على شخصيتى ولا تتكلم فى الموضوع يا ريت تبقى تلتزم باللى قدامك وبس ومتسالنيش مين قال ايه على مين
وبعدين مين قالك انى هسمح لاى جاهل انه يقول عليا متحررة من منطلق الفكر المتخلف اللى البعض فاهمه
يا ريت تبقى تخلى بالك من كلامك شويه

~*§¦§ Appy §¦§*~ said...

momken
=========
نسيت اقولك كمان حاجه
كلام حلو اوي
كاني باسمع اختي بتكلم
يا تري في منك اتنين
لو رجالة العرب يبقو بالتفتح دة مكنش دة بقي حالنا
وبيقولو علي دماغي هي الل متفتحة
وهافتح دماغ اللي يقول غير كدة
روح بقي

الطائر الحزين said...

التحرر هو شى فى النفس وليس ممن حولك يعنى انا اتحرر من عادات عندى متمسك بها الكثيرين لكن انا اراها خطأ فاتحرر منها لكن المعيار اليس يفصل بين التحرر والانفلات هو هل هذه الحرية تضرنى او تضر غيرى
========
والحرية هى ان تكون عبدا لإله واحد

فما دام هذا التحرر فى اطار شرعى
(من الدين والعرف)
فاهلا به
===========

يعنى لابد ان يكون لكل شىء ضوابط سواء كان هذا الضابط من الدين او العرف يعنى مفيش حاجة اسمها تحرر من غير ضابط

-التحرر حاجة كويسة لانى اتحرر مثلا من هوى نفسى -من انقيادى وراء شهواتى-من انقيادى وهكذا

- له علاقة بالرغبات اللى جوه الانسان

- لا طبعا لا يتعارض مع الدين اذا فهمنا التحرر مضبوط

ست البيت said...

يا واقعة بيضة،،،
أنا معلقتش هنا،،،يبدو أنه عامل السنة
نشمر ونجعمز ونقووووووووووووول آآآآآآآآآللللللللللللللللللو
: بصي يا آبي هانم بتنجاني وخرفاني وكوكبي التاني
التحرر زي اي كلمة في حياتنا المصرية مطاطة يا بنتي
التليفزيون يقولك اصل احنا في بلد حر و الحرية يعني الديمقراطية وانك تقول رأيك وتسمع رأي الاخرين
طب عمرك شوفتينا عملنا كده؟
طيب الشباب شايف أن دي بنت متحررة
منين عرفت ..من لبسها ؟ لأ الكلمة الصحيحة حرانة مش متربية ممكن
ولو أن على فكرة في بنات بتلبس حاجات مش ولا بد بس محترمة في أخلاقها ودا نتاج تربية
يعني شبه ما قالت مجداوية الموضوع اختلاف ثقافات وتربية
ولأ الحرية شيء نسبي وله حدود
تختلف من بيئة لأخرى ومن شعب لآخر ومن دين لديانة آخرى لكن يعني ايه بنت حرة
البنت الحرة في نظرى اللي أهلها وثقوا فيها وهي احترمت الثقة دي
حرة في أني مثلا أخرج من شغلي اروح أزور واحدة صحبتي
ولما ارجع أقول لأمي أنها عارفة أني مش ممكن اكون بزور واحد صاحبي وأنا كمان محترمة ثقتها فيا
الحرية أني أكون حرة في اختيار حياتي وشكلها
أدون أقرا في اللي انا عاوزاه
محدش يفرض عليا نوعية كتب معينة ولا مشاهدة افلام بعينها
محدش يفرض عليا احب المغني الفلاني ولو اني بكرههم كلهم
ولا احب الممثل الفلاني
محدش يفرض عليا طريقة لبسي
لكن بيبان هنا حدود الحرية
أني مش عشان حرة البس بادي استومك وبنطلون ساقط سنتين
ومرفود كمان
مش حرة آجي الساعة اتنين بالليل
وقيسي على كده جاحات كتير
أما التحرر فدي كلمة مرادفها في المجتمع هنا غلط
يعني المتحررة تلبس من غير هدوم وتروح تتفرج على صور العائلة مع نبيل صاحبها في البيت
وتشوف أفلام مولتي وموفي ستار وفيلم روبي الوحيد
أن كت أن كت ان كت
يعني زي ما البعض بيدعو أنها تعيش مع واحد قبل الجواز
أه والله في ناس بتطلع توافق ع الكلام دا في التي في
التحرر كلمة مفهومها ومرادفها البنت اللي ماشية غلط ودا من الاخر
واراهنك لو واحد قبل يتجوز واحدة من النوعية دي مع انه بيدعي انه معهم
التحرر مش كده خالص وانا موافقة مجداوية في كلامها يمكن لأني ارهابية زيها
ههههههههههه
موضوع حلو يا آبي

ومجنونة عالعادة
وبمناسبة التحرر اقري البوست الجديد وبلاش تعليقات لو سمحتي
ابعتي على الميل رأيك يهمني
انا تقريبا نفسي كل بنت في بر مصر كلاته تدخل تشوف الموضوع دا
لعلهم يعقلون

ست البيت said...

واد يا كومي
انا يا واد مبتقعدش في مدونتك كده ابدا
وبعدين قصدك ايه بالحر دا
يا خي ماهي حرة تمشي بخيمة تمشي بهودج
اشمعني يعني بنات الجنز الضيق وآخر قباحة ماشيين وعلى راسهم حجاب محدش قال بم
واد يا كومي ليك معايا روقة
بس لما افضالك

اقولك انا اروح مدونتك ازعق براحتي
يا سلام

~*§¦§ Appy §¦§*~ said...

الطائر الحزين
==============

ميرسى لكلامك وفاهمه وجهه نظرك بس على فكرة العرف مش دايما صح يعنى اللى فى الصعيد ولازم يتجوز بنت عمه مهما ان حب واحده تانيه يبقى ايه عرف غلط فهمت ده مثل وقيس على كده كتير
وتقريبا شويه زى الدفاع مش من عيله واحده هتودينى افغانستان هههههههههههههه






ست البيت
=========
ههههههههههههههه هموت منك حرام عليك والله انتى صح وهو ده اللى نفسى الناس تفهمه بس تقولى ايه بقى
بجد لو ينفع اعمل منشور بيه واوزعه عل ى العقول هتعمل كده
وفى النهاره زى ما انا قولتها الحريه لها اسقف وبتكون طوق علشان ثقه الاهل ولازم تبقى اطار محترم
مش زى البعض اللى شايافها
اما عن محمد سبيه هههههههه
هو قاعد معايا هنا بيحب القعده هنا ههههههههههههه
وبس متفتحنيش فى موضوع المحجبات اللى لابسين ملزق دول
وانا جايه يا جمر على طول وممكن انشر معاك الموضوع انا كمان بس اشوفه يا بنيتى

ana ga3an said...

معلش يا رحاب كالعادة هابوظلك الموضوع
مش بايدي
لكن لما
الاقي كلام هفلطة واقرب لجماعة التكنوقراط واشباههم

sherif
لعلمي برهافة حسك ومشاعرك
هاحاول اتكلم بادب علي قد ما اقدر
سيدي الفاضل
اهو مفيش ادب اكتر من كدة


كتب اية دي اللي سيادتك استخلصت منها خزعبلات المعلومات
انا شايف الكلام دة تعليق في منتديات
من نوعية منتدي الهمس واللمس
لكن كتب بينكتب فيها الكلام دة
اسمحلي دة ورق بفرة مش كتب
يا ريت عنواين للكتب دي الواحد يتأكد من المصادر اللي سيادتك بتسوقها
ولما سيادتك تقتبس تبقي تقتبس مظبوط
لما تقول ان
في عصر النبوة كان من حق المرأة "
ضيافة الزائرين الرجال وتقديم الطعام والشراب بنفسها لهم ومباشرة ولو كان زوجها غائبا. وكانت تستقبل الرجال الذين يحضرون لتهنئتها بزواجها وتجلسهم على فراشها

توضح ان المقصودين هم المحارم
الاب والاخ والابن لو من زوج اخر

استاذ شريف
لك كل الحرية في تفكيرك ومنطقك وقرااتك لكن اذا اقتربت من الدين الرجاء
اعطائنا اسماء مراجعك لكي نقدر علي ان نجاريك

سومه...مجنونه فى بلد عاقل said...

يا خراشى دا انا متاخره قوى على الامتحان
طيب ححله واحطه بس اصطبرى سوانى عليا

سومه...مجنونه فى بلد عاقل said...

شوفى يا ستى كلمه تحرر دى كلمه كبيره قوى من وجهه نظرى ممكن تكون تحرر من قيود مجتمعيه او دينيه ممكن تكون تحرر من استعباد او احتلال
لكن باستخدامها على بنت متحرر تبقى باللفظ الدارج بتاع الناس بنت مش ماشيه على الاصول
وانا معاكى على ان المجتمع فيه وجهات نظر غلط ولازم نتركها ومنعملش حاجه عشان حد لكن لازم لما نتحرر من قيود المجتمع نتحرر منها فى نطاق دينى
يعنى ماجيش اقول انا بمشى واصاحب والحكايه كول وبيس وبوى فريند واللى انتى فاهماه وانا كدا متحرره
لا كدا ابقى واحده عاوزه قطم رقبتها من الاخر
لانها تحررت بشكل لا يقبله لا دين ولا مجتمع كمان فى تحرر الملابس اللى بيحصل يا ايبى انتى عاجباكى المناظر اللى بنشوفها من بطون عاريه وتبقى ماشيه لابسه حجاب ومش لابسه والضحك بطريقه خليعه....وكدا يقولك متحرر وكول
احب اقولك اللى خلى كلمه متحرره عيب هم المتحررين بانفسهم يعنى اللى تغلط تقولك انا متحرره
يبقى العيب مش من الناس العيب من اللى بيطلقوا عليها الكلمه دى لانها هى اللى بوظت الكلمه بمفهومها الغلط لكلمه تحرر وحريه
............
فهمتينى ولالا؟؟
.........
الزواج من متحرر لا طبعا انا عن نفسى مش موافقه اتجوز واحد متحرر من دينه لكن لو متحرر من قيود المجتمع زى ما شرحت فوق مادام فى نطاق دينى اه مفيش مانع بالعكس تفكيره حيكون احسن بكتير
من تفكير واحد نافوخه مجعلص ماشى بنظام المراه ملهاش حقوق ومتورثش واللى بيقولوه فى الارياف
.............
لكن واحد عنده كل حاجه صح وايزى ممكن تمشى شخصيته مع اى واحده بس على الاقل مش انا...
ياله سلام يا سكر

سومه...مجنونه فى بلد عاقل said...

نسيت اقولك ان للحريه قيود لا يجوز تعديها بس يا ستى ومفيش لا تحديف فته ولا لحمه عشان اللحمه غاليه ههههههههههههههه

سومه...مجنونه فى بلد عاقل said...

اه انا نسيت اقولك حاجه مهمه هو بناء على ايه بيحكموا الناس دا متحرر ولا مش متحرر ؟؟؟
عشان المجتمع بتاعنا بصراحه بيحكم بطريقه انا عن نفسى حتحرر منها ههههههههههه
الحكم بالمظاهر مش صح الا طبعا لو كانت الانسانه ماشيه ببدله رقص فمقدرش اقول دى رقاصه بس محترمه يعنى من البيت للكباريه ومن الكباريه للبيت:))
فى بصراحه فى مجتمعنا كلمات لازم تتنسف نسف

ana ga3an said...

رحاب الصديقة اللدودة
شوفي يا ستي
كلمة تحرر اقتبسناها من الغرب
من ايام حرب فيتنام وموضة الهيبز
والتحرر من كل روابط المجتمع
سياسية او دينية او تقاليد
والحياة بدون اي ضوابط
علاقات جنسية , مخدرات,اجهاض وغيرة
وكانت من العبارات المفضلة للجماعة دول
ان معرفة القيد هي بداية التحرر منة
وتطور مفهوم التحرر في الغرب من مجرد التحرر الاخلاقي الي التحرر العلمي
والخروج عن المألومف من النظريات العلمية والبحث عن افكار وحلول جديدة خارج الاطر التقليدية
الخلاصة وكعادة العرب ما نحن الا ناسخين لاي حاجة جاية من الغرب
اصبحنا اكثر تحررا في كل شيء
ملص وبلبصنا دين ولعناة
اخلاق ودوسناها بالصرم الا ما رحم ربي
فكلمة التحرر في اصلها الحالي في الدول الاجنبية مش عيب
بل ترمز في مجالات العمل الي التفتح علي نظم غير تقليدية
اما في شرقنا الاوسط السعيد ترمز
للمؤاخذة للصياعة وقلة الحيا

التحرر الفكري ارقي انواع التحرر
اما التحرر الجسدي هو احطها للاسف
وكل حسب تقاليد مجتمعة

النهاية الشخص الناجح القوي المسيطر علي محيطة
يستطيع ان يفرض مايشاء علي من يشاء
ودة عن تجربة
وان تحدث الناس من خلفة فهو قادر علي جعلهم يهابونة ويحترمونة من امامة

في مثل بيقولك من راقب الناس مات هما
انا رأيي ومن لم يراقبهم مات مللا

Sherif said...

السيد انا جوعان
===============
ليس من عادتى الهلفطة أو الكلام المرسل .. ولست فى معرض تقديم نفسى لاننى .. ولاتغضب حاصل على اتنين ماجستير .. واحد فى التصميم الميكانيكى وكرّمت فيه من رئيس الجمهورية

والثانى فى ادارة الاعمال كنت فيه بتوفيق من الله الاول على ولاية اطلانطا بالولايات المتحدة الاميريكية

ونعم ياسيدى معى الدليل على ذلك .. والذى اريد ان أقول حتى لايذهب فكرنا بعيدا .. أن مثل هذه الشخصية تعودت على البحث العلمى ولاتتحدث قبل ان تستوثق تماما مما تقول

أنا اعلم ان اول سؤال يسأله لك أى واحد هو جبت الكلام ده منين ؟ ولاغرض من هذا السؤال سوى التشتيت .. والاجابة ياسيدى الفاضل هى من امهات الكتب التى يستقى منها علماء الأزهر علومهم ونفس المصادر .. إذ لايمكن ان اكوّن رأيا مرسلا لانى قرأت تعليقا أو رأيا لأحد هنا أوهناك ..خلال تجوالى على النت

سيدنا خالد لم يكن من محارم السيدة التى دعتهم .. والعرض للخطبة كانت تفعله كل إمرأة فى هذا العصر الجليل فيدخل عليها الخطاب واحدا واحدا يتحدثون اليها فتخطب منهم دون ان يتحرج احد ويقول لأ .. هذه خلوة أو غيره .. ولو أردت لزدتك .. والتاريخ ملآن بما هو أكثر من ذلك

ما لاأدريه هو عدم قبول رأيا آخر لمجرد اعتقادنا النهائى فيما جبلنا عليه بشكل لايقبل الرأى الآخر

ومرة ثانية ياسيدى أنا لاأهلفط بالمناسبة

كما ان الصراخ ليس انتصارا للاسلام .. بالعكس .. وضع الامور فى نصابها هو الذى يجعلنا نرتب ديننا القيم بشكل علمى يمر على العقل

والابحاث قائمة وليس آخرها بحث اسلام البحيرى فى شأن سن زواج السيدة عائشة من الرسول عليه السلام .. مع انه فى صحيح البخارى تسع سنوات

رجائى الا تستخدم ألفاظ كهلفطة وخرفان وغيرها لآننى سأجد نفسى مضطرا للانسحاب من هذه المدونة القيمة بحق احتراما لنفسى واحتفاظا برأيى الذى لاأفرضه على أحد .. هو رأيى الشخصى وأنا مقتنع به .. ومن حقك الا تقتنع به ببساطة

تحياتى

مجداوية said...

السلام عليكم

والله اللى المفروض يقرا الكلام تانى هو انت يا آبى بتنجانى انت مش بتقولى قولولى رأيكم انتم !!!!
أنا بأقول رأيى مش رأيك وأنا قولت انك عارفة الجواب و عارفة كل حاجة
وبعدين صح الربط بين التحرر وانفلات الأخلاق لأن ده هو المغهوم الخاطىء للتحرر وزى ما قولتى وأنا قلت ده بيتوقف على مفهوم التحرر ونوع التربية والثقافة
أنا فاهماكى
لكن ساعات بتقفشى معايا ومش بتركزى فى اللى أنا كاتباه
وبعدين مقدرش أفصل الدين عن أى سلوك أو مفهوم ومتقوليش انه شىء مفروغ منه لأنه مش كده عند ناس كتيرة والا مكنتيش سألتى يعنى ايه تحرر ومكنتيش لقيتى ان التحرر هو الانحلال زى ما بيحصل فى الغالبية

وأنا قرأت كلام الأخ الكريم شريف وردك عليه بس ليا ملحوظة على طريقة عرض الأخ شريف للحياة أيام النبوة يا أخى الكريم كان أيام الرسول فيه تدرج فى الأحكام لكن فى النهاية كان فيه حجاب وكان فيه أوامر بعدم (الملاغية) والخضوع بالقول وغض البصر وفصل الرجال عن النساء حضرتك بتوصف كأنه فيلم من اخراج حسن الامام
حضرتك جايب الكلام ده منين !!!!!

اقرأ سورة النور
قال تعالى :
وقل للمؤمنات يغضضن من ابصارهن ويحفظن فروجهن ولا يبدين زينتهن الا ما ظهر منها وليضربن بخمرهن على جيوبهن ولا يبدين زينتهن الا لبعولتهن او ابائهن او اباء بعولتهن او ابنائهن او ابناء بعولتهن او اخوانهن او بني اخوانهن او بني اخواتهن او نسائهن او ما ملكت ايمانهن او التابعين غير اولي الاربه من الرجال او الطفل الذين لم يظهروا على عورات النساء ولا يضربن بارجلهن ليعلم ما يخفين من زينتهن وتوبوا الى الله جميعا ايها المؤمنون لعلكم تفلحون

صدق الله العظيم

وأيضا قال تعالى:
الاحزاب (آية:59): يا ايها النبي قل لازواجك وبناتك ونساء المؤمنين يدنين عليهن من جلابيبهن ذلك ادنى ان يعرفن فلا يؤذين وكان الله غفورا

صدق الله العظيم

يبقى كامل الزينة والملاغية والكلام الغريب ده جايبه منين
ومتنساش ان فيه أحاديث كثير ضعيفة فنحن لنا القرآن وما أجمع عليه من
أحاديث الرسول الكريم

وحلوة أوى حكاية الكوافيرة الحريمى للرجال دى
أضحك الله سنك
يا أخى الكريم هناك منطق وعقل فاذا كان القرآن الكريم يحافظ على المرأة ويضع حدودا مثل ما أوردت من القرآن بهذا الشكل فكيف تصدق أنه يسمح لها أن تمشط شعر الرجل وتدهنه وتعمله مساج كمان
سبحان الله العظيم
واللينكات الصادمةالتى لديك كما تقول مثل الاسرائليات كده فما أكثر ما نقرأ ونسمع عن أمور عجيبة تنسب للاسلام لكن المفروض احنا عندنا عقل نميز

وما لا تقبله الفطرة لا يأت به الاسلام

مجداوية said...

معلش يا آبى مكنتش قرأت رد الأخ شريف على الأخ الكريم أنا جوعان على رأيه بس هو اسمه أنا جعان
ما علينا
بس طالما قال كلام مرسل
وطالما معاه اتنين ماجستير
وطالما فى اطلانتا بأمريكا وطالما قال أمهات الكتب وعلماء الأزهر
فانا أسحب سؤالى بتاع انت جبت الكلام ده منين
لأنه استنساخ من الأخ الكريم الفاضل الدكتور الماجستير
الفيلسوف الباحث العلامة اللى أنا مش حاقول اسمه أحسن أحلم بيه بالليل وأقوم مفزوعة بعد الحمد لله ما خفيت من مناقشته

شكرا للدكتور الماجستير شريف على المعلومات القيمة
وأكيد دى أمهات الكتب فى عصر النبوة بتاعة نوتس لاندنج
وآه دى تريقه
لأننا شبعنا من أمثالكم
اسفة آبى مقدرتش امسك نفسى

مجداوية said...

السلام عليكم

حافترض آبى انى غلطانة فى ظنى والدكتور شريف فعلا ده رأيه ومقتنع بيه
لكن اسمحى لى أن أترك تعليقى السابق الموجود به الظن الاخر وليسامحنى الله ان كنت مخطئة فى ظنى
ولكن ما أناله من لوم للدفاع عن دينى فهو شرف لى

لنتفق استاذ شريف أن الكتاب الوحيد على وجه الأرض الغير محرف هو القرآن
وأن ما نسب من صحيح السنة الى الرسول فى الغالب الأرجح صحيح بالكامل على افتراض أنه كلام الله على لسان رسوله صلى الله عليه وسلم

اذن ما يطابق من كلام الرسول ما جاء فى القرآن فهو صحيح وما يعارضه فهو موضوع فالأصل الأول هو القرآن وكما وضعت لك الآيات الكريمة فى التعليق الأول فهناك حدود للمرأة تتعارض كلية مع ما ذكرته من كلام من أمهات الكتب
وأيضا العقل والفطرة تأباها اذن هذا الكلام بدون شك غير صحيح
حتى لو درس فى الأزهر حتى لو كان كما تقول فى أمهات الكتب
لأن كتاب الله يفنده
لأن الفطرة والعقل يفنده
فكيف نقبل أن تسرح المراة شعر رجل أجنبى وتدهنه وتسبسبه وتقوله نعيما
أظن مش مقبوله أبدا

وأى امرأة هذه تستقبل الرجال وزوجها غير موجود وأى امرأة هذه تجلس الغرباء على فراشها
هل عقلك الدارس الباحث المفكر يقبل هذا !!!!!
اذا كان أى رجل بسيط غير متعلم لا يقبل أن تنكشف زوجته على غرباء فهذه فطرته على أساس أنه رجل ولديه نخوة
أما من لا يفرق معه هذا الأمر فهذا ليس مجال حديثنا

ان سبب ذهابى لدراسة دينى هى هذه الادعاءات والافتراءات الباطلة عن الاسلام ليس للتاكد من عدم صحتها لأن الشك يتعارض مع الايمان والاسلام ولكن لأعرف كيف أرد عليها
و ما درسته وما علمته من وجود الاسرائليات ومئات الأحاديث التى نسبت للرسول ولم يقلها تجعلنى
أتأكد أن أسلحة الهجوم على الاسلام هى للمتششكين وضعفاء الايمان
وأيضا لمحدودى العلم والمعرفة
القرآن الكريم واضح وسهل لمن يفتح الله له قلبه وعقله
ومن يفسره على هواه أو يؤمن ببعضه ويكفر ببعض خرج عن الايمان
ولا يحتاج القرآن لأمهات الكتب لكى تعرف النواهى والأوامر
فاذا فعلت ما أمرك الله وانتهيت عما نهى الله فأنت الفائز ولك الجنة هكذا بكل بساطة بلا تعقيد ولا بحث ولا أمهات ولا علماء
وقل فعل أمر وما يأتى بعده من افعل أو لا تفعل أمر
فاقرأ القرآن واستخرج النواهى والأوامر
وتعلم من سيرة الرسول ما يطابقها
وكفى
هل هناك اختلاف فى هذا ؟؟؟
فاذا كان فى القرىن غض البصر والحجاب والعفة وعدم ابداء الزينة الا للمحارم وكل ما يتفقق مع العقل والمنطق والأخلاق والفطرة السليمة فأرجوك لا تروج لغيره من أمهات كتبك بعده

والسلام عليكم

مصــــري said...

آبي هانم بتنجاني

وحياة التحرر اللي انت زعلانة عشانه ده مش لازم التصييت وازدواج وبتاع.

ده أنا حتي غلبان وماشي جنب الحيط....لالاانا جوه الحيط.

كده الناس تفتكر ان ببقي مستر هايد بالليل وباقتل الناس اللي بكرههم.

عموما ياست البنات استمتعنا بالبوست والتعليقات والمناقشة فيها.

تحياتي
أسامة

بت خيخة وأى كلام said...

متحررة يعنى مش ماشية على القيود اللى المجتمع فرضها عليكى


والناس فى مجتمعنا المصرى او العربى عموما بيتخضوا لما يلاقوا بنت قدرت تتحرر من القيود دى

انتى متحررة كونك عايشة لوحدك فى شقة
وضربتى بقيود المجتمع عرض الحائط
اللى هى ازاى بنت تعيش لوحدها


وانا كنت متحررة لما اصريت بعد طلاقى من هانى وقبل رجوعنا لبعض
انى اعيش لوحدى ومش هارجع اعيش مع اسرتى
ودى كانت مصيبة اعظم

مطلقة وكمان عايشة لوحدها
يالهوى يالهوى
دى كدة تبقى فى قمة التحرر

بالنسبالى انا
انا احب اتجنب مواطن الشبهات

يعنى ماروحش ديسكو واسهر لحد الفجر واقول انا حرة
ده كدة يبقى اسمه انحلال ولا مؤاخذة

مارحش البس هدوم ماتليقش مع مجتمعنا ولا مع اسلامنا
واقول انا حرة


وانا لا اقصد ان البنات لازم كلهم يتحجبوا

هو اى نعم الحجاب فرض

بس الفكرة
ان عدم الحجاب مش معناه انى البس عريان
ممكن اكون غير محجبة بس محتشمة

ومش معنى كدة برضه ان درجة احتشامى تخلينى انزل البحر بالجلباب

لأن لكل مقام مقال
البحر يتنزل بمايوه
مش عايزة البس مايوه
يبقى اتنيل على عينى وافضل قاعدة على الشط ومانزلش بهدومى

والمايوه هو مايوه
المايوه الشرعى ده
ضحك على الدقون

السهر البس سواريه
مارحش الافراح ببنطلون جينز

ومارحش الجامعة بقميص بترتر



المهم
معنى التحرر من وجهة نظرى
هو التحرر من قيود المجتمع اللى تأخر الواحد
وتخليه محلك سر


التحرر حاجة كويسة
لما يكون رفض لعادات وتابوهات اتزرعت فى نافوخنا لمجرد ان احنا نمشى زى القطيع وخلاص

والتحرر بيكون وحش لما نتحرر من اخلاقنا وديننا


التحرر ليه علاقة
باللبس
و لا بالرغبات اللى جوة الانسان

انا مافهمتش يعنى ايه بالرغبات اللى جوة الانسان دى
بس بالنسبة للبس
مش لازم
لان ممكن جدا بنت تكون بتلبس عريان
بس متقدرش تخطى خطوة غير لما تقول لولى امرها
متقدرش تقف قدام المجتمع وتعمل حاجة نفسها فيها
علشان خايفة من التقاليد وكلام الناس

فبالتالى اللبس مش دليل على تحرر
على اد ما هو استايل فى اللبس ممكن يتغير بتغيير الموضة

لكن الشخصية المتحررة مش بتتغير ابدا
لو لبستيها حجاب او نقاب او مايوه
هى هى مش هتتغير

التحرر يتعارض مع الدين لو تحررنا من ديننا
يعنى
انا مش شايفة مانع ابدا ان الست تشتغل وتتحرر اقتصاديا عن الاسرة او جوزها
او انها تعيش لوحدها
او انها تسافر برة براحتها

لكن ماتروحش تشرب خمرة وتسكر وتقول انا حرة
ماتروحش تزنى مع الرجالة وتقول انا حرة
ده انحلااااااااااااااال
وليس تحرر


الجواز من متحرر او متحررة

هو اساس يعنى ايه متحرر

انا عمرى ما شوفت راجل متحرر
لان الراجل بيعمل كل حاجة
هى المشكلة فى الست
يعنى لو راجل عاش لوحده محدش بيقول حاجة
لكن لو الست عاشت لوحدها
الناس بتتخض

وبرضه انا بأكد ان الراجل لو استغل كونه كرجل وعمل اى حاجة غلط
فهو انسان منحل برضه
مش متحرر


الجواز من متحررة
مش وحش
لكن الراجل اللى هيتجوز واحدة متحررة لازم يعرف ان البنت دى شخصيتها قوية
ومش هاتقبل تكون إمعة
لازم يقنعها بكل قرار هيتخذه
ولازم يتقبل فكرة انها ممكن تعارض قراره
وماتاخدش بيه الا عن اقتناع تام من جانبها



بس خلاص
ده انتى متعبة اوى

يا متحررة

ههههههههههههههه
سلام
اختك خيخة

فاتيما said...

بيبى
أزيك يا حبيبتى
يااااااااه
كنتى واحشانى و واحشنى بوستاتك و إستمحناتك الجميلة
بس السؤال المرة دى غريب شوية
يعنى يا آبى الناس بتحكم على البنت بالشكل و دا بالنسبالى مرفوض تمامص
كل الحكاية هيا التشدد الدينى اللى بعض الناس بقت فيه و خلاها تحكم بالشكل و تتشدد
إنما المفروض البنت يتحكم عليها باخلاقها و تصرفاتها و بالتالى كلمة تحرر هنا ملهاش لازمة
التحرر أنا أفهمه بمعناه الإيجابى يعنى التخلص من القيود اللى توقفنا مكاننا و متخليناش نتحرك لقدام و نمشى مع الدنيا
إنما الناس بتاخدها على إن متحررة يعنى عاوزة تمشى على حل شعرها و كدا و طبعاً دا منتهى الردة و الرجوع للوراء ...
مقدرش أجاوبك على حكاية الشاب او الراجل يتجوز واحدة متحررة و لا إيه ...بس من اللى بشوفه حواليا
الراجل عموماً بيحكم على المظهر
و لو هوه محكمش و بيحب البنت دى و مقتنع بعلقها بيعمل ألف حساب لنظرة اهله و الأصحاب و الجيران و جيران الجيران و هيتراجع خوفاً من الأنتقاد و يروح يدور على واحدة يرصى بيها مجتمعه
الخلاصة
إنتى وحشتينى يا حبيبة قلبى

سومه...مجنونه فى بلد عاقل said...

يا خراشى يا ايبى يا بنتى دا انا بقرا التعليقات لاقيت خناقات وتحديف كراسى مش فته
الله يعينك يا بنتى
بس هو انا ليا سؤال واحد هو مين مع مين وايه فين وليه عشان بس الامور دخلت عندى فى بعضها؟؟!! يعنى هو هم عاوزين ايه طب انتى فين منين عشان بس افهم هى الحكايه ايه
تحدثكم من سرايا المجانين سومه_87
نحن السابقون وانتى اللاحقون ان شاء الله متقلقيش مجهزالك العنبر المجاور

ana ga3an said...

حاولت اربط بين حصولك علي ماجسيتير ميكانيكا
وتكريم رئيس الجمهورية
وماجيستير ادارة اعمال
بالفتي في امور الدين
ولا تكريم الرئيس يشمل ضمنيا انك علامة في التاريخ الاسلامي وعلاقتة بالحداثة
والزمن المعاصر
عزيزي اذا اردت تفاخرا لازدتك حتي تمل
وفي قلب الموضوع الي بنكلم فية
او في امور الدنيا

ثانيا اسلام بحيري واخد خط مختلف تماما عن خطك علي ما اعتقد
فالرجاء استشهادك بابحاثة فيما يلاقي صدي في نفسك وتركك لاحكام اخري كالحجاب
ياريت تكون موضوعي في استشهادك بابحاث الاخرين
وصدقني اذا كانت لديك ابحاث مماثلة ومجهود شخصي
لكان بيننا نقاش منطقي
اما الاستناد علي مقتطفات من النت وقراات في امهات الكتب
اللي سيادتك متفضلش بذكر اسماءها علشان اطلع عليها
انسحابك او استمرارك
دي حاجة انا مليش دخل بيها
ولا صاحبة المدونة لها بها دخل
مش عارف انت يعني زي اللي بيقول انا مقموص ومش جاي تاني هنا

المحارب المتيم said...

آيى

بصى يا ستنا

انا هدخل فى الموضوع على طول

السؤال الاول

التحرر معناه

أن أمارس حياتى كما أشاء دون المساس بثوابت العرف والدين بما فى ذلك الاعراف التى ارتضاها المجتمع بأغلبيته كأعراف أخلاقية

والتحرر بهذا المفهوم ليس به أى خروج عن الاعراف الدينيه
كما أن التحرر ليس له علاقة بنوعية الملابس طالما أنها لا تمس العرف الاخلاقى
يعنى البنت متلبس من غير هدوم وتقول حرية
والولد ميلبسش حاجات من بتاعت اليومين دول ينزل البنطلون تحت الحزام بتلاتة متر ويقول على نفسه راجل أنا كدة هديه عيارين طلقتين يعنى وأريح دماغى

بس كفاية

انتى ليكى فترة مش بتزورينى

ليه؟؟؟؟؟

سلام

بت خيخة وأى كلام said...

انا جعان كاتب الحتة دى فى تعليقه عندك


التحرر الفكري ارقي انواع التحرر
اما التحرر الجسدي هو احطها للاسف


بصراحة عجبتنى جدا
وحسيت انها ملخص للرغى الطويل اللى انت كاتباه قبل كدة


بس خلاص
سلام
اختك خيخة

ღღAhMedღ3LaMღღ said...

احنا ليه بنبص للتحرر انه حاجه وحشه
وليه نبص للتحرر انه حاجه حلوه بنت حلال

مدام احنا عارفين ومتأكدين ان كل حاجه فيها السلبي والايجابي
يبقي مش محتاجه رغي

نتحرر من عاده عفي عليها الزمان
ميضرش بردو

نتحرر عشان نواكب العصر
ميضرش خالص

نتحرر عشان نتحرر
ايه الحلاوه دي


بس نتحرر ازاي
وايه الي نتحرر منه
وايه الي مينفعش نتحرر منه ابدا

..........
ملحوظه عشان انا ولد فابقول ملحوظه
انما حضرتك بنت فابتقولي ملحوسه

غلط شنيع اننا نلزق كلمة التحرر للبنت بس

kochia said...

انا جيت متاخر برده بس الموضوع عجبني اوي
فكرة جميلة انك تناقشي الموضوع ده
وبحس اننا كمجتمع واقفين بين احنا متحررين ولا لا ؟؟
التقاليد حلوة ولا لا ؟؟
ومش عارفين نخطي للتحرر ولا نفضل علي قديمه المضمون والمعروف واللي محدش يقدر يقول عليه حاجة ولا ينتقده

المهم
هجاوب بقي من وجهة نظري

معني التحرر هو انطلاق الفكر من غير قيود من اي نوع دينية او اجتماعية اوفكرية

التحرر مش وحش ولا حلو وبيعتمد علي الشئ اللي هنتحرر منه
هل هنتحرر من الدين يبقي وحش
هل هنتحرر من جمود الفكر ونفكر ونعمل بشكل افضل يبقي حلو

الثالث
التحرر اساسا له علاقة بالفكر .. والفكر هو اللي ممكن يؤثر علي كل حاجة بعد كدة .. لبس وتصرف وغيره
لكن الفكر هو الاساس

التحرر لا يتعارض مع الدين طالما لا يتعارض مع الدين
يعني ليه نضع الدين امام التحرر
لاننا ببساطة لما نقول شخص متحرر بنقصد فورا انه متحرر من اخلاق المجتمع وده مش صحيح لانه ممكن يكون تحرر من قيود المجتمع اللي مسببه تراجعه للاسف وهناك شعرة بين هذه وذاك عشان كدة القضية حساسة

الجواز من شخص متحرر الفكر بمعني انه بيفكر بعقله مش بعقل الجاهلية زي ناس كتير للاسف هو كويس
والتحرر هنا لا يتعارض مع الدين في رايي .. بالعكس الدين نفسه اري انه متحرر الفكر جدا وخرج من عباءة تقاليد وتمرد عليها للافضل

بس كدة
الكلام كتير بس انا جاوبت علي قد السؤال

تحياتي

~*§¦§ Appy §¦§*~ said...

انا جعان
==========

مش عارفه ليه انت بتدى انطباع انك لما تتكلم مع حد بتتخانق مع انى مش شايفه كده ولا يمكن نضارتى هى اللى بايظه ههههههههههه
عموما براحه يا سيزر شويه الله يكرمك
وكوكبك يا كبير









سومه المجنونه
=============
بما انى رديت على على المازنجر فسامحينى يا اوختشى صوابعينى وجعتنى وانا متفقه معاكى فى كتير من اللى بتقوليه اعذرينى بقى انتى شايفه اللى فيها ومنجلكيش فى بوست ضرب نار ههههههههههههههه
واحجزى اه العنابر كلها ليه لوحدياتى ما هو هيكون استعمار مين مع مين ومين فين
انتى بتسالينى اذا كنت انا مش عارفه انا مين وايه اللى جابنى هنا ههههههههههههه

~*§¦§ Appy §¦§*~ said...

انا جعان
=========
الحمد لله وجهت كلامك ليه شوفتنى هنا يعنى احمدك يا رب
جبت لنا الكام ملص ومش ملص ايه ده عيييييييب ههههههههه
بس كلامك حلو التحرر العقلى وده اللى اقصده الحمد لله انك فهمتنى وعموما مش جديده انت على طول فاهم وبتقصر ههههههههه
نورت يا سيزر








شريف
====
انا جعان مش يقصد حاجه هو انا كل مره احوش بينكم الله
مش انتم خلاص بتتناقشوا والله اسيب انا لكم الكوكب وامشى عااااااااااااااا

~*§¦§ Appy §¦§*~ said...

مجداويه
==========
اهلا اهلا نورتى حاضر انا فاهمه خلاص تفضلى البيت بيتك بس شريف زى ما فهمتك عكس اللى فى دماغك خالص يا متفجرات متحركه هههههههههههههههه
على فكره هو لما بيقول كده مش بيستعرض هو بيقول انه حد دارس وبيقرا مش حاجه وحشه موووووووه








مصرى
========
لا يا اسامه انا بهزر انها مزحه انها جوك انها اى حاجه احترس المدونة ترجع للخلف هههههههههههههه

~*§¦§ Appy §¦§*~ said...

بنت خيخه ام شيرى
====================
ياشيخه يا شيخه
ما تحكى قصه حياتنا اهو فيه ناس هتسيب كل اللى انتى قولتيه ويمسكوا فى حته اطلقتى وقعدتى وانا قاعده لوحدى اعمل فيكى ايه اعضك منين طيب قولى
ربنا يخليكى لينا يا مسيطانا على النت ههههههههههههههه
ارحمنى يا رب وفك الاستك شويه يمكن تفهم مرة ومتدخلش تلخبط هههههههههه
انا عارفه تفكيرك طبعا جدا وفاهماه
وكلام انا جعان بيعجبنى جدا جدا وبيقنعنى تخيل ان فيه حد بيقنعنى فى الدنيا ههههههههههههههه
وبعدين بتقوليلى يا متحرره كأنك بتشتمينى ليه كده ههههههههه اه انا متحررة واللى هيقول غير كده هديله بالقله على دماغه واهو انتى بقى
بوسه لشيرى وقولى له ابى بتحبك كتيررررررر ووحشتها خالص








فاتيما
==========
انتى كمان وحشانى خالص
وطبعا بما انك من القريبين ليه فعارفه وجهه نظرك ايه لاننا تحدثنا من قبل ويا ريت الراجل فعلا يتغير هو كمان ولا مش هيعمل حساب لجيران الجيران لا لعم عبده البقال كمان اللى شارع خالتهم اللى فى بلد تانيه هههههههههه

~*§¦§ Appy §¦§*~ said...

المحارب المتيم
=============
معلش ازمه مواصلات بقى يا خويا
بس يا رب وانت بتقول معنى التحرر يبقى بتنفذه ومقتنع بيه
نورت الكوكب








ღღAhMedღ3LaMღღ
==============
انا بتكلم عن الايجابيات يا احمد مش السلبيات فهمتنى
على فكره انا اقصد الاتنين بس اصل المتهم الاول دايما البنت
نورت يا احمد

~*§¦§ Appy §¦§*~ said...

كوشيا
========
يو جيت ماى بوينت
بجد اصبتى الهدف صح انتى فهمتى قصدى يا شيخه كنتى تعالى من بدرى عااااااااا
عموما نورتى يا قمر

nour shahen said...

شوفى يا آبى وجهت نظرى علي حسب علمى وان نظرى يعنى 6/6
على حسب أخر مره كشفت عليه بعد ما اتحولت ههههههههههههههه
وربنا شفانى والحمدلله

ان التحرر او الحريه هى انى اعمل اللي يعجبنى طالما مش بضر بحد ولا بخرج عن حدود الأدب والأخلاق ولا أعمل شيء مخالف لدينى
واى حد يحب يسئل ويقولى يعنى اللبس الغريب دا تحرر اقوله راجع كلمة الأدب والأخلاق والدين وانت تعرف اذا كان ضمن قاموس الحريه ولا لا

مفهوم بسيط وسهل وأنك تكون أنسان متحرر جايه من كلمة حر أظن وكل أنسان فينا بيتولد حر كما قال الشاعر والله تعالى أعلى واعلم
سمعونى أحلى تسقيفه بقى ههههههههههههههه

~*§¦§ Appy §¦§*~ said...

nour shahen
===========
تصفيق ححححححححححححححححاااااااااااااااد
لوووووووولى برافو عليكى
وبهذا التعليق ننتهى من هذا البوست الجملى الذى قادنى الى الانيهار العصبى لما لاقيته من افكار فى الادمغه شكرا لكم