سيبولى قلبى وارحلو


صباح الفل على العالم كله .
اه سيبولى قلبى بالايمان اللى فيه هو عجبنى كده معرفش غير انى مسلمه مؤمنه بالله سبحانه وتعالى ورسله وأنبيائه بحب سيدنا محمد صلى الله عليه وسلم .
مشوفتش رب العالمين لكن بحبه لانى مليش غيرة مبسوطه انى مريحه دماغى وحطيتى على قلبى وعقلى مراوح وكولديرات كمان مبسوطه انه قالى خدى القرآن اهو هو ده دليلك والاحاديث عن الرسول وريحى عقلك بس يا رب اقدر اعمل بيه لانه اكبر واقوى من اننا نقدر ننفذه كله واعظم بكتير ده حمل كبير قوى.
ساعات مواتير عقلى بتلف وابص للسماء وللطير وحتى الناموسه ببص لنفسى فى المرايه واقول سبحان الله كل ده ازاى قلبى بيخشع ليه اكتر وبحبه اكتر مش برجع الحاجات دى لظواهر بتنجانيه ولا ايدلوجيات متعفنه ولا رز بالتقليه بشوف قدرتة.
بحسها لما بتعب والدنيا تضيق فى وشى واركع وابكى واطلب منه انه يرشدنى للطريق الصح وينور طريق وبصيرتى والاقى نفسى هديت لو قعدت اتكلم مع الناس كلها مش برتاح غير لما بكلمه بيكون عندى يقين من جوايا انه سامعنى وشايفنى عمرة ما خذلنى لما رفعت له ايديى قولت يا رب استحلفك بكل اسم سميت به نفسك وعلمته لنا او اثرته على نفسك اغفرلى او اذا كان الامر فيه خير سهله له اذا كان شر ابعد عنى .
بلاقى الخير جاى او بعد بكون مقتنعه من جوايا انه ده الاحسن ليه ومبزعلش وبكون فرحانه علشان انا ثقتى وايمان بيه كبير.
مش محتاجه اشهد فى المحكمه وشهادتى تتساوى بالراجل هو شرع كده وانا بسمع كلامه مش محتاجه خلع هو ادى الطلاق فى يد الراجل وسهله ليه انا كمان لما قال(فَأَمْسِكُوهُنَّ بِمَعْرُوفٍ أَوْ سَرِّحُوهُنَّ بِمَعْرُوفٍ) بس ازاى لازم نعترض لازم نكابر وبدل ما نقول للراجل اتقى الله واعمل بشريعته لا ندور على حلول بعيد عن القرآن.
مبسوطه انى ست وانه ادانى حقوق كتير وحافظ عليا وعلمنى ازاى احافظ على نفسى .
عارفه اركان الاسلام الخمسه ومبسوطه بيهم عارفه الصلاة وبحبها وسهله على قلبى وروحى مش عاوزة اتعب عقلى وقلبى فى حاجات تانيه .

مش متشدده ومش متزمته عارفه يعنى ايه ابقى مسلمه مش بأذى حد وبحب الخير للناس وبسامح بعمل بالاخلاق اللى اتعلمتها من الرسول عليه الصلاة والسلام حافظه ادعيه كل الانبياء والصالحين مؤمنه بكل الرسل اللى نزلوا عاوزين تتعبونا ليه بتدور لنفسكم على ايه بتفكروا الدنيا اتخلقت ازاى هو خلقها هو العالم مفيش غيرة .

بتحرفوا فى كتب الاديان التانيه مليش فيه بتشرعوا بمزاجكم انتم حرين هو اللى هيحاسبكم

عارفين محتاجين ندافع عن الرسول والاسلام ازاى مش بالجعجعه والصوت العالى والقتل والضرب والارهاب لا بحاجه بسيطه هو اداها لنا نتبع تعاليمه ساعتها العالم كله هيحترمنا ومش هيقدروا يهاجمونا الرسول مش محتاج دفاع باللسان لا بأعمالكم ولا الاسلام محتاج لدفاعكم انتم بدافعوا غلط تاريخه خير دافع عنه اخلاقه ومعاملاته خير دافع

عمل ايه التشدد عمل ارهاب دى كلمه سلام جايه من الاسلام يا عالم .

عملت ايه الانقسامات والمسميات داخل الاسلام خلتنا نقتل فى بعض مع ان ربنا حرم دم وعرض المسلم على المسلم

انا بشر وعندى أخطاء بطلب منه انه يساعدنى ويهدينى وعارفه ان الوقت جاى امتى معرفش بس هيجى بس هو مدينى المقابل مدينى قلب وعقل منورين بيه هو .
بتدور على تشريعات ليه ما هوالقرآن واضح والاحاديث بتحرفوا ليه بمزاجكم انتم حرين بس ابعدوا عن المؤمن البسيط اللى عارف دينه ودايما ربنا بيلهمه للصح والنور ومبيردش ايديه ابدا لان هو الحنان المنان الغفور التواب الرحيم.
بجد سيبولى قلبى وعقلى وارحلو بعيد .
اتجمعوا يا مسلمين على طاعه الله وعدم التشدد وعدم انتهاك حرمات الغير وتكفير الغير (انك لا تهدى من احببت ولكن الله يهدى من يشاء) هى دى قناعتى وهو ده الرضا بتاعى.
ملحوسه بقى كده صغيرة: الكلام ده مش معناه هجوم على ديانات اخرى او على ناس ده كلام حسيته من جوايا فى ظل اللى بشوفه قدامى انا بحترم كل الاديان بس مليش فيه ومش هتناقش فيها انا مقتنعه بدينى وبحياتى البسيطه .

كان معكم فيكون تائهه فى خلق الله وصعبان عليه المسلمين وغيرهم آبى هانم بتنجا
نى

127 اخبط وقول رايك:

فراشة said...

صباح الخير اول تعليق يا سلام اول مرة دى
بجد يا ابي الكلام اللي انتى بتقوليه ياريت الناس كلها تحس بيه لان ده الايمان بالفطره السليمه وفي ناس كتير في الدنيا كده بس بتكابر عارفه ان الغرب عندهم الفطرة اللي عندك دى بس لمابيجوا يعملوا خير بيبقي ده بأسم الاحتياج الانسانى او المساعدات الانسانية بيستكبروا يقولوا عشان ربنا
بجد بجد ياريت نبقي اصدقاء لان الناس اللي زيك كده قليلين للاسف
ايمان
" على فكرة دى اول مرة اقول فيها اسمى لحد "
خليها سر ما بينا ههههه ماشي

عمر المصرى said...

السلام عليكم
جزاكى الله خيرا على هذا الطرح الرائع
وكلامك هو مختصر لكلام كتير أوى فعلا محتاجين نرجع لدينا وعقديتنا ومعاملتنا وأخلاقنا وقيمنا الاإسلامية الصحيحه
لا إله إلا أنت سبحانك إنى كنت من الظالمين
اللهم ردنا إلى دينك مردا جميلا غير مخزى ولا فاضح

بطوط حبوب said...

يااااااااااه على السلام الداخلى
انا بظن مفيش ناس عندهم سسلام داخلى اد المسلمين
كل حاجه عندهم واضحه
واجمل حاجه فى الدنيا الواحد يحس بيحب
يحس انه قريب منه
يحس انه ممور فى فضله وانه مش لو فضل طول عمره يشكر ربنا مش هيقدر


"يااااااااااارب كيف اشكرك ولك فى شعره من جسدى نعمتان نعمه ان سويتها ونعمه ان ألنتها
قال يا موسى من عرف هذا فقد شكرنى"

محمود المصرى said...

بسم الله الرحمن الرحيم

اولا بالنسبة لشهادة المرأة ياريت تقرأى الموضوع دا علشان الصورة تكون واضحة .
http://wake.maktoobblog.com/765417/%D8%B4%D9%87%D8%A7%D8%AF%D8%A9_%D8%A7%D9%84%D9%85%D8%B1%D8%A3%D8%A9_%D9%81%D9%89_%D8%A7%D9%84%D8%A7%D8%B3%D9%84%D8%A7%D9%85
اما بالنسبة للخلع فهو من حقوق المرأة التى شرعها الله لها , لكن للأسف الوضع الاجتماعى العام فى البلد اصلا متعارض مع الاسلام فى امور كتير فنلاقى ان استخدام الخلع بيكون مش متسق مع الشرع , يبقى المفروض اننا نحسن اوضاعنا الاجتماعية ونوفقها لما امر الله به .
ملحوظة اخرى ياريت تعديل بسيط فى الاية ( فامسكوهن بمعروف او سرحوهن بمعروف ) يعنى ال التعريف بس تتشال من كلمة المعروف .
اما باقى المقال فانا لسة مش عارف هو بيمشى فى اى سكة ؟ هل يحمل معانى السلبية مع المؤثرات الخارجية ؟ ولا تقصدى اننا نعلم ما فى الاسلام ونعمل به كما امرنا الله والرسول ولا نهتم بأقوال الاخرين ؟ دا استيضاح مش اكتر .
احب برضه اسأل مين اللى عاوزاهم يرحلوا ؟
اخيرا البوست رائع خصوصا مواضيع المواتير والايديولوجيات والبتنجانات دا هههههههههههههه .
تحياتى

appy said...

فراشه

ايه الصباح الفل ده كله تعرفى ان اسمك موجود فى مدونتى ههههههههه طبعا شايفه ههههه
ويشرفنى اننا نكون اصحاب انا بس هعمل ميل خاص بالمدونه واديه لكى يا قمر
وكسبتى معايا جايزة اول تعليق فى الكوكب اممممممممممم اجيب لك ايه كيس مكرونه هتعرفى تطبخيه ولا هتفضحينا ههههههههه




عمر المصرى

عليكم السلام
ربنا يكرمك ميرسى ليك ولذوقك ولدعائك اللى رددته وراك نورت الكوكب

appy said...

بطوط حبوب

ايه يا دودو ده انت نايم على باب الكوكب هههههههههههههه ولا نفسك تيجى تلاقينى شايله كلمه بطوط عربيتى من هنا بعينك

والله يا دكتور احلى حاجه فى الدنيا السلام الداخلى للانسان ودى نعمه من ربنا وهى الحمد لله عندى بنسبه مش قليله نورت الكوكب يا احلى بطوط




محمود المصرى

يا اهلا ما انا عارفه لازم تنكوشنى يا محمود يا اخويا هو انت هتهمد بس اعمل ايه بحب مناقشتك استعانا على الشقا بالله ثم القلل ههههه

موضوع المراة وشهادتها انا مريحه دماغى منه ومش عاوزاه يا محمود بجد وعموما هقرى
موضوع الخلع هكتب فيه بوست لوحده وهشرح لك وجهه نظرى وتعالى نتخانق فيه ايه رايك بس لو قدرت تزودنى بأحاديث وايات شرعت ده يبقى كتر خيرك وانا بقى عليا انى اكتب فى الناحيه الاجتماعيه طالما هو حلال شرعا اتفقنا

كتر خيرك على تعديل الايه حالا هعملها واسفه

اما باقى المقال فانا لسة مش عارف هو بيمشى فى اى سكة ؟

ان انا دخلت فى حوارات وقريت حوارات ناس بتشرع حاجات وبتقول حاجات غريبه قوى عليا مع انها واضحه فى القرآن وصريحه هنقول زى الحجاب والشهاده والصلاه فهمت حاجه ولا لسه
واها كلها معانى سلبيه شوفت هجوم على الاسلام من ملحدين ويهود ومسيحين وعاوزين يشككوا فى اى حاجه بالنسبه للدين الاسلامى كده وضحت صح وشوفت تشدد ملوش حل من مسلمين تشدد لدرجه تطرف يا محمود والله العظيم
وانا فعلا قصدت اننا نعمل بالاسلام واللى قاله الرسول وهى دى فطرتى وقناعتى

احب برضه اسأل مين اللى عاوزاهم يرحلوا ؟

اللى عاوزين يخرجونى من كوكبى وايمانى وقناعتى بحياتى ورضاى بما قسمه الله لى وحبى له ولرسوله والمسلمين

يا رب اكون قدرت اوصلك الموضوع

محمود المصرى said...

بسم الله الرحمن الرحيم

كده الموضوع انا فهمته واتفق معاكى فيه كليا .
بالنسبة للخلع هو مستمد من آيه وحديث .

قول الله تعالى ( وَلاَ يَحِلُّ لَكُمْ أَن تَأْخُذُواْ مِمَّا آتَيْتُمُوهُنَّ شَيْئًا إِلاَّ أَن يَخَافَا أَلاَّ يُقِيمَا حُدُودَ اللّهِ فَإِنْ خِفْتُمْ أَلاَّ يُقِيمَا حُدُودَ اللّهِ فَلاَ جُنَاحَ عَلَيْهِمَا فِيمَا افْتَدَتْ بِهِ )
والحديث
قصة امرأة ثابت بن قيس رضي الله عنه وعنها
والقصة أخرجها البخاري عن ابن عباس رضي الله عنهما أن امرأة ثابت بن قيس أتت النبي صلى الله عليه وسلم فقالت : يا رسول الله ثابت بن قيس ما أعتب عليه في خلق ولا دين ، ولكني أكره الكفر في الإسلام .
فقال رسول الله صلى الله عليه وسلم : أتردين عليه حديقته ؟
قالت : نعم .
قال رسول الله صلى الله عليه وسلم : اقبل الحديقة ، وطلِّقها تطليقة .
و
في رواية له أنه عليه الصلاة والسلام قال : فَتَرُدِّينَ عَليْهِ حَديقَتَهُ ؟ فقالَتْ : نَعَمْ . فَرُدَّتْ عَليْهِ ، وأمَرَهُ ففارَقَها .

ومنتظر موضوعك حول الخلع من وجهة النظر الاجتماعية وان شاء الله اتفق عليه مقدما .

a7med3bdelfta7 said...

ياااااااااااااااااه
الواحد بقاله كتير مجاش هنا
أنا مش هعلق دلوقتى
بس عاوز أسجل متابعة أولا
تحياتى

امام الجيل said...

جميل

احساس طالع من القلب فمس القلب
فعلا الواحد مش محتاج واسطة بينه وبين ربنا ومش محتاج رقيب

مدام ربنا موجود
امسكوهن بمعروف وفارقوهن بمعروف

جميل اوى الخضوع لله
خدنا ايه من جمعيات حقوق المراة اللى محطتش ليها حدود لا اسلام ولا غيره
تعرفى حضرتك ده مراد الشيطان من الانسان الا يصل الى حد فى طلباته الى ان يصل الى الكفر

يعنى يبتدى معاه بالمعاصى ثم الاكبر ثم الاكبر حتى يصل بيه للكفر

فاللى يسيب نفسه لدماغه وارائه بعيدا عن ربنا مش هيطمن ولا يستريح ابدا
ربنا احن علينا من امنا وابونا
واحن واقرب الينا من انفسنا حتى
ومش هيفرض علينا فرض الا كان فيه مصلحتنا وخير لينا ومش هيبعدنا عن معصية وسوء الا لو فيه ضرر لينا

فلازم نطمئن لله بس بجد
جميل اوى ان الواحد يطمئن ان ليه رب واله مش هيظلمه ابدا فقد حرم الظلم على نفسه بل بيعامله بالفضل والرحمة مش بالعدل بس

وبينتظره وينتظر رجوعه ليه وقربه منه ويتنزل نزولا يليق بفضله وعظمته كل ليلة ويقول هل من داع فاستجيب له هل من مستغفر فاغفر له هل من طالب حاجة فاقضيها له
هل
هل
هل

ينزل الينا الله وهو الغنى عنا
ونحن نيام
ونحن افقر ما نكون اليه

سبحان الله
ومع ذلك لسه ممهلنا وبيحبنا
تصورى لو رحتى لحد تأديله خدمة ولله المثل الاعلى وكل يوم تروحيله تلاقيه نايم او مش فاضيلك اكيد هتزهقى ده اقل واجب معاه

بينما الله عز وجل ارحم بينا من انفسنا
فميجبش ابدا نبعد عنه وننساه

جزيتى خيرا كثيرا جدا خالص
ايقظتى فينا معانى علتها اتربة وران
نسألأ الله ان يطهر قلوبنا
اللهم امين

only spot said...

سلام عليكم
بصى يا ابى متفقه معاكى فى كل كلمه انتى قلتيها ويمكن يكون هو ده احساسى الحالى الحمد لله بالراحه والسكينه بعد صراعات كتير مع نفسى انتهيت منها بحاجه واحده قل لن يصيبنا الا ما كتب الله لنا وهو مولانا وعلى الله فليتوكل المتوكلين
فيه حديث قدسى بيقول انا عند ظن عبدى بى فان ظن بى خيرا فهو له وان ظن بى سوء فهو عليه
انا زيك امه بسيطه عندى قدر كافى من المعرفه بدينى بس جوايا يقين مش ممكن يتوصف ان ربنا فعلا عند ظن عبده بيه عشان كده دايما بيقف جنبى وبينصرنى حتى وانا احيانا عصيه لانى عمرى ما فقدت الثقه لحظه فى رحمة ربنا ولا يئست منها
ربنا يدمها عليكى نعمه الرضا والسكينه وربنا يهدينا كلنا
خالص تحياتى

وومن said...

ما شاء الله هو دة الكلام اللي لازم نقولة لنفسنا وللناس فيت وسطية دينا فين الفعل مش الكلام مش المظاهرات والجعجعه هي اللي هتدافع عن رسولنا الكريم ( غيروا ما بأنفسكم )

Miss Dot said...

بالظبط يا ابي كلامك مظبوط
الكلام ده مظبوط ميه ف الميه فعلا

Tamer Nabil said...

مفيش حاجة تتقال بعد الكلام الجميل


تسلمى ومشكوررة على البوست الرائع


تحياتى

Soooo said...

حاسس انك مخنوقه ومتضايقه من حاجه
لاااااا
اابي اللي كلنا حبيناها وحبينا كلامها مش لازم تزعل فانيه واحده


خدي دي ياستي
ده بوكيه ورد فيه كل الورد اللي بتحبيه

روقي




سلاموووووووووووووز

شـــــهــــروزة said...

لو كل الناس شافت حياتها ومفاهيمها و كمان عقيدتها بالبساطة والهدوء دة


مكانش حد غلب ولا غلبنا معاااه
ولا طول علينا لسان اللى يسوى واللى ميسواش

لكن نقول اية؟
خلقت الأديان كمنطقة غيبية تعجز العقول عن اختراقها والتكيف معها
فعملت العقول على التحايل عليها و الالتفاف حولها

خلقت الأديان لترويض الانسان وكبح جماح نفسه
لكنه إلتف هو حولها وعمل على ترويضها لرضا نفسه


مخلوق غريب
صح؟؟

تحياتى الحارة

محمود الدوح said...

بجد بوست جميل جدا جدا

طول عمرى بقول نبسط الدنيا هنلاقيها صعبة

مش نقعد نعقد فيها ونيجى فى الاخر نقول حصل وحص وحصل

بجد بساطة جميلة منك

اه على فكرة انا فرحان ان انا التعليق ال13 ودا انجاز فى مدونتك

محمود الدوح said...

لا رجعولى حقى

بعد مادخلت على صفحة التعليقات قمت افطر وكان المفروض تعليقى ال13
انا مليش دعوة

المنسى said...

السلام عليكم ورحمة الله وبركاته
كلام جميل فعلا
وطالع من القلب بجد
كلنا ساعات بنقعد مع نفسينا ونقول الكلام ده
بس اعتقد إننا لازم نفهم فى دينا اكتر علشان نقدر ندعيله وننشر الإسلام والسلام بين الناس مش بس نكون مسلمسن وده إللى بيحاولوا كل الناس يمنعوه
مبروك عليكى إيمانك وثقتك فى ربك وربى ورب العالمين


والحمد لله إنى لخقت التعليق السباع عشر لأول مرة


http://elmancy2000.blogspot.com/

شوفى الجديد
الدعوة عامة

Abo 7anf said...

بما انى مليش فى النفاق
ومبحبوش
بس بجد انتى موضعيك جميله
والاجمل انها طالعه من غير تكلف بسيطه
هو توبيك رائع بدون نقاش
واجمل شئ ان الواحد يرضى بالمقسوم ليه
واكيد ربنا رايد الخير لينا
وكل واحد واخد حقه 24 قيراط
بس يريت الكل يقتنع
وبصراحه موضوع جميل جدا

Desert cat said...

" وجعلنا أمة وسطا "
القرآن منهج والسنة سبيل
والدين واضح وصريح لاهو محتاج تعصب وتشدد ولا متحاج لا مبالاة
كل واحد متحير فى امور دينه يرجع لمنهجه للقرآن والسنة ووقتها يهتدى بفضل الله للطريق الصحيح
بكره اوى التشدد والافتراء على الله وروسوله باقوال مالهاش اى وجود وبكره اكتر اللامبالاة وعدم الاخذ بهم فى الامور الحياتية وكل واحد يالف دين جديد على حسب اهواءه الشخصية
عموما ربنا مخلقناش هباءاً
وربنا يرشدك دايما يا حبيبى للطريق الصحيح ويهدينا جميعا الى سواء السبيل

fatima said...

آبى
يا أجمل كوكب فى المجموعة الشمسية جمعاااء
يا حبيبتى أزيك الأول
و متهيالى انتى حاليا عايشة حالة صفاء روحانى كبيرة دفعتك لكتابة هذا الكلام
انا متفقة معاكى جدا فيه و بس موش بعرف أقول التعبيرات دى لأن ساعات أخاف أكون بحكم على حد و لا أطلق مسميات
بس انا بتضايق جدا من التشدد و المغالاة فى مظاهر و قشور الدين
و موش عارفة ليه لما ربنا بيخففها علينا بنعقدها احنا ليه؟؟
و كلامك ألف فى الميه صح
نتمسك بديننا و أخلاقه المعتدلة نبقى قدوة و الدين الاسلامى بينتشر فى الغرب بهذا الاسلوب ...أجانب يرون مسلما بحق ...يراقبونه
و يجدونه اكثر الخلائق راحة نفسية و سكينة روحية ..
فيطلب من تلقاء نفسه التعرف على الاسلام و الباقى معروف
النور يجد مكانا الى القلوب التى لا غشاوة عليها
بس كل واحد يخليه فى نفسه و يشتغل عليها بس
كالعادة برغى كتير عندك بس انتى السبب
موضوعاتك مميوة و تجبر الواحد على المشاركة
تحياتى يا حبوبتى

كاميليا said...

أنا بحب اوى
الملحوسة اللى دايما فى الاخر دى

الاسلام دين الوسط
ليتنا ندرك هذه المقولة جيدا

طبعا كلامك رائع كالعادة
وتناولك للموضوع غاية فى البساطة والعمق فى نفس الوقت

بحب دايما ازور كوكبك الجميل

مع حبى

الفاتح الجعفري said...

آبي
السلام عليكم
لا بوست جامد جدا ماشاء الله
عارفه الكلام ده قوي جدا لانه فعلا كلام نابع من القلب كلام الفطرة فطرة الاسلام التي فطر الله الناس عليها
فعلا معاني بسيطه جدا ياريت الناس كلها تحس بها وتفهمها ومش عايزين اكتر من كده
عارفه ايه المشكله اننا نتعامل مع رب العالمين بالورقه والقلم للاسف الشديد وده خطأ
لازم تكون علاقة حب وخوف معا
وده اسمه الخشية
وعلاقة افتقار وتضرع وعلاقة عبد بخالقه
ليه لما الانسان يقع في مشكلة يروح للناس كلها والله عزوجل يبسط كفيه بالليل والنهار,يستجيب لعبادة ويرزقهم من حيث لايحتسبون
ياريت كلنا نفهم ونستشعر ديننا بالبساطه والهدوء اللي انتي اتكلمتي بيه ده
اللهم انا نسألك حبك وحب من يحبك وكل قول وعمل يقربنا الي حبك
ربنا يحفظك ويهيء لكي من امرك رشدا
وجزاكم الله خير

بحبك يامصر said...

اببى
تعرفى انى بحب اجى كوكبك متأخر اه بجد عشان اجى الاقى الناس علقت وانتى رديتى التعليقات وردودها بيكملوا البوست وانا كده خلاص البوست كامل وصل ليا بصراحه بوست هايل وكمان البساطه اللى فى دينا واضحه مش محتاجه فلسفه
تحياتى ليكى ولابداعاتك

Marvel said...

شعار الرحلة دي بلا منازع هو

يا مثبت العقل والدين يا رب

كل يوم فتاوى جديدة وكل يوم خناقات دينية جديدة..بجد حاجة تخلي اكتر العقلاء يتجنن

Vague said...

السلام عليكم
ايه الحلاوة دي.. ايمان وتقوى وورع (مش ورع فلسكاب)
المهم ختة الانقسامات في الدين...
من الطبيعي ان يكون في خلاف...

خدي الكلمة دي مني (صحيح هية مش بتاعتي) وعلقيها باحرف من ذهب

(وحدة الامة ليست في وحدة الرأي... انما في احترام الرأي الاخر)

فتحتي نفسي اني اكتب في موضوع الخلاف فالدين..


ملحوسة ممكن تنفضيلها عادي جدا:
(مش ناوية تلبسي الحاجب ولا ايه)

appy said...

محمود المصرى

ميرسى يا محمود وانا هبقى اكتيه تسلم ايديك نورت



احمد عبد الفتاح

طيب يعنى كنت مسافر اعارة برة الكوكب ولا ايه عموما نورت



امام الجيل

بص هو انا مش ضد جمعيات حقوق المرأة بس بشرع ربنا وتحت امرة انما مش تشريعات على مزاجهم واى استهبال مليش انا فيه
وميرسى على كلام الجميل ربنا يكرمك نورت الكوكب كله

appy said...

only spot

حبيبه قلبى ميرسى ليكى وربنا يدمها نعمه عليكى انتى كمان ويبعد عننا الناس اللى مواتيرها ضربت من بدرى




وومن

يا قمر صح غيروا ما بأنفسكم مش جعجعوا فى شعارات كدابه واهيه ربنا يهد الناس المتخلفه نورتى بجد يا قمر



miss dot
ميرسى ليك ويا ريت نعمل بيه كلنا نورتى

فزلوكة said...

وأنا يا ستى
فرحانة بيكى كدا

إحساس إنك متناغمة مع الكون ومع كل حاجة خلقها ربنا إحساس رائع
بجد أحلى حاجة ف الدنيا إنك تحسى إنك إنتى وربنا سبحانه وتعالى مع بعض

دمت فرحانة يا جميل

appy said...

تامر نبيل

اهلا بيك اول مرة هنا ميرسى ليك ولذوقك وربنا يكرمك ابقى خد خروف نونو كده هديه اول زيارة للكوكب ههههههههه


سووووو

مخنوقه من الغباء يا سووو ومن العبط واللى بشوفه بقيت احس بقلل الدنيا كلها بتقع على دماغى لوحدى ومش قادرة اتحملها الا الدين يا سووو قولنا السياسه وفيها غباء ماشى انما الدين يا لهوى
يالا هديه مقبوله منك مش هتجيب اللى عليك بقى ههههههههههههههه



شهروزة

ايه ده القمر كله عندى هنا والله انا منبسطه انبساط ربنا يكرمك يا رب ويخليكى وتنورى الكوكب على طول
وتفتكرى لما الانسان بيلف هيفده بايه لفافانه ده هيخنق نفسه
لا هو مش غريب هو غبى ربنا يكفينا شر الغباء
نورتى بجد يا قمر

خايف من الحقيقة said...

مش هناقش تفاصيل الافكار .... دي عايزه بوست كامل
بس الايمان والاحساس اللي في البوست بجد رائع جدا وصادق جدا جدا
ربنا يديم علينا نعمه الايمان وحب الايمان والرضى بالايمان

وجهة نظري said...

إية الكلام دا؟؟؟ إنتي بقيتي علمانية كافرة، والا إشتراكية ملحدة، ولا وظفوكي في أمن الدولة إنت كمان مع قطة الصحراء؟؟

لأ بجد إية الكلام دا.... إنت عايزة الدين بالساهل كدة منك لربنا حته واحدة؟؟؟ أمال الشيوخ وأمراء الجماعات والمفتيين ولا مؤاخذة المرشدين دول يعملوا إية؟؟ يستقيلوا؟

أنا من رأيي تثوبي لرشدك وتوبي لربنا عن الكلام إلي إنتي قلتية في البوست دا وإعزمي أن لا تعودي إلي ذلك مرة أخري

دا إنت شخصية غريبة، وبتقوليها كدة علي الملاء مش مكسوفة .... يا شيخة إذا بليتم فإستتروا

آلـ مؤمنه بالله سبحانه وتعالى ورسله وأنبيائه وبتحبي سيدنا محمد صلي اللة علية وسلم وعارفة أركان الأسلام وبتصلي، وآلـ إية، بتدعي ربنا وبيستجيب ليكي!!..... إية الكلام العجيب دا، هوا الدين سهل أوي كدة تدعي ربنا ويستجبلك، ناقص تقولي نفسك يدخلك الجنة كمان!!! إإإإيييية هوا بالساهل كدة

appy said...

محمود الدوح

ميرسى يا محمود خالص على ذوقك وبعدين هبقى اتصل بيك تبقى تيجى الاول ومعلش حقك عليا انا انت عارف انت الاول عندى على طول وبعدين تفطر لوحدك اللى يأكل لوحده يزور خخخخخخخخخ



المنسى

عليكم السلام ورحمه الله وبركاته

اوكى معاك اننا نفهم بس منترجمش على مزاجنا واهوائنا اللى احنا عاوزنها مبروك عليك التعليق ههههههههههه



ابو حنفى

ميرسى ليك ربنا يكرمك يا رب ويا ريت الناس تقتنع كلها نورت الكوكب يا زملكاوى

appy said...

قطه الحلوة

ربنا يهدينى ويرشدنى للطريق الصح وانتى كمان يا حبيبه قلبى
والناس جميعا
اما المتشددين ربنا يبعدهم عننا بجد لان خلاص قلبى نفر منهم هما والناس التانيه اللى بيهاجموا الاسلام جميعا مش طيقاهم ربنا يهدى
منورانى على طول يا حبيبتى


فاتيما

ام يوسف الحلوة الحمد لله يا حبيبتى على الحاله اللى انا فيها وعقبالك يا رب
ويهدى الناس اللى لفه دماغتها وماشيه بضهرها
انت رغيك على قلبى زى العسل اقعد اطلبك بيبسى ههههههههههههههه



كاميليا

ارق واحن واجدع كامى فوندامى فى الدنيا انى بتنورى كوكبى ودنيتى يا كامى لو تعرفى انا بحبك قد ايه هتعرفى مكانتك عندى ربنا يرجعك بالسلامه يا ست البنات

appy said...

الفاتح الجعفرى

ربنا يخليك ليه فوت الفرصه المرة دى انى اتخانق معاك وانكش فيك يالا معلش المرات جايه كتير والله كسفتنى ربنا يخليك
وربنا يجعلن فى قلوبنا الرحمه والحب والخشوع يا رب نورت يا ابو المعارك
الا قولى هى فطرة دى حاجه حلوة كده يعنى ولا ايه بقى اممممممممم بس عارفه حلوة صح ههههههههههه



بحبك يا مصر

الحمد لله ان البوست كله وصلك وميرسى لذوقك وكلامك الرقيق نورت الكوكب كله



Marvel

حلة الشعار والله تيجى نعمله حمله هههههههههههههه نورت يا جميل

appy said...

Vague
ايه الملاحيظ الخبيثه دى
والله ناويه بس كل شئ بوقته عمرى ما انفض لكلمه حق فى حياتى ابدا لو على رقبتى بس انت متعرفنيش علشان كده قولت انى انفضلها
انا عمرى ما كابرت فى الحق وانا قولت انا بشر وليه غلطات بس بطلب منه انه يساعدنى اه مش محجبه بس فى قلبى ايمان كبير والناس اللى حوليه بيحسوه منى لانهم قريبين جدا وبيقعدوا معايا

وعارف الورع اللى مش فلوسكاب ههههههههههه نورت يا أدم وورينى كتاباتك

أنا إنسان said...

ايه ده كله
ايه الايمان ده
اول بوست الاقيه ينبض بإيمان كده
انا والله حسيت اني بأقرأ لشيخ أو واحد متصوف
لا
بأقرأ كلام كاتبه طفل صغنن
ربنا يبارك في حضرتك
ويكرمك
ويهدينا ويهديكي
بوست رائع بجد
واهو طلعنا من الاكتئاب اللي كنا فيه من الطفوله المشرده
والطلاق
والحكومه
والعيش
بجد
جزاكي الله خيرا
...............
ملحوظة
دماغى وحطيتى على قلبى وعقلى مراوح وكولديرات كمان مبسوطه انه قالى خدى القرآن اهو هو ده دليلك والاحاديث عن الرسول وريحى عقلك بس يا رب اقدر اعمل بيه لانه اكبر واقوى من اننا نقدر ننفذه كله واعظم بكتير ده حمل كبير قوى
...................
هوه صحيح ربنا ادانا القرآن علشان ده يعتبر انسب وافضل منهج ودستور وقاعده تسير عليها الامه
وصحيح انه اعطاه ذلك لكي لا يشغل الانسان نفسه بوضع قانون لحياته
فهو تعالى اعلم بنا منا
صحيح انه اعطاه ذلك لكي لا ينشغل فكره بتشريعات وقواعد ويفرغ طاقته كلها في اعمار الارض وخلافتها
ولكن ليس ذلك معناه ان
نريح دماغنا
ولا نريح عقلنا
مش كده برده
؟؟؟؟؟؟؟؟؟


................
مش متشدده ومش متزمته عارفه يعنى ايه ابقى مسلمه مش بأذى حد وبحب الخير للناس وبسامح بعمل بالاخلاق اللى اتعلمتها من الرسول عليه الصلاة والسلام
...................
رائعه الجمله دي
بجد





............
عارفين محتاجين ندافع عن الرسول والاسلام ازاى مش بالجعجعه والصوت العالى والقتل والضرب والارهاب لا بحاجه بسيطه هو اداها لنا نتبع تعاليمه ساعتها العالم كله هيحترمنا ومش هيقدروا يهاجمونا الرسول مش محتاج دفاع باللسان لا بأعمالكم
......................
أما دي بأه فخطيره فعلا
حضرتك بجد طلعتي ماشاء الله
فاهمه صح صح
أنا نفسي الناس كلها تبقى كده
ربنا يكرمك يارب

appy said...

فزلوكه

ربن يخليكى ليه يا قمر نورتى الكوكب



خايف من الحقيقه

ربنا يكرمك يا رب بس هى دى البساطه بتاعتى
والله ونفسىالناس تبقى تعمل بيها نورت اول مرة ليك هنا




وجهه نظرى

يا لهوى عليك ايه يا راجل اللى بتقوله ده امن الدوله وايه الكلام التانى اللى مش فاهمه ده مشترك كهربا ومعلماتيه دى انا قولت اخرة قعدت بره كمصر فوتت دماغك هههههههههههههههه المرة دى فهمت كلامك طبعا الدين سهل لو دخل قولوبنا من جوه ببساطه يا خوفى لاى حد تانى يفهمك غلط وتبقى جبته لنفسك ههههههههههههههه وتاخد على دماغك

appy said...

انا انسان

ربنا يخليك يا رب
بص لا انا قولت انه حمل يا ريت اقدر اعمله واوفيه حقه لماادانى القرآن اشغل دماغى فى طاعته ورضاه مش اشغل دماغى فى انى الف حولين الاسلام والحاجات التانيه
وباقى الكلام ربنا يبارك فيك ورحمتنى المرة دى من الحسد ههههههههههههههههههههه

خبيب said...

ياااااااااه

قمة الراحة النفسية

والسلامة العقلية كمان !!

شكرا على التدوينة المريحة

wael said...

حلو ه اوي اغنيه امين امين بتاعة عبدالحليم
خلاص يا استاذه عديها ورده ما اخدتش بالي انها صباح عديها
انا راجل بيدور على شقه ومتبهدل عديهالي يعني
هههههههههههههههههههههه
مهي صباح بتغني وورده بتغني ده حتى ورده صوتها احلى

Anonymous said...

وكذلك جعلناكم امة وسطا لتكونوا شهداء على الناس ويكون الرسول عليكم شهيدا

رجاء التدقيق فى الايات القرانية قبل وضعها مش عيب ان الواحد يعمل سيرش على الاية فى اى موقع للقران مادام مش حافظها

رئيس جمهوريه نفسى said...

ابى العزيزه
موضوعك ده عايز كوبايه نسكافيه وسيجاره ومخمخه علشان فى نط حختلف معاكى فيها بالنسبه لخلع وفى نقط حتفق معاكى فيها ودلوقتى ميعاد المكتب وحعلق ببوست هنا مش بس تعليق صغنن

الفارس الملثم said...

حقيقي الكلام اللي قلتيه هو احساسي واحساس ناس كتير في التعامل مع الاسلام ...

الاسلام بسيط جدا مفيهوش تشنج او صوت عالي او كلمة حرام علي كل حاجة , بالتاكيد كلنا بنرتكب بعض المعاصي البسيطة , بس نرجع لربنا تاني ونطلب منه الغفران وانه يسامحنا ,ولما بنكون في كرب بنبقي عارفين انه سمعنا وحتي لو مستجبش وقتها , لانه بيبقي عارف الخير فين والشر فين وهو دايما عاوز لينا الخير ..

الاسلام هو دين الله بس لازم احترم عقائد وديانات الاخرين لان القران والرسول طلبوامنا كده ..

الاسلام هو المعاملة وكما قال الرسول عن المراة التي يتقي جيرانها شرها والله لا تؤمن ..

كفاية كده المرة دي

تقبلي مروري

رئيس جمهوريه نفسى said...

انا جيت
العزيزه ابى حقسم البوست على محاور وحتكلم عن كل محور
اولا: مفهومك للاسلام والى انت بتطبقيه هو صحيح الاسلام (الدين المعامله) ودى انا بتفق معاكى فيها انى مرجعيه الدين الاسلامى هى القران والسنه مصدقا لقول الرسول عليه الصلاه والسلام (تركت فيكم ما ان تمسكتم به لن تضلوا بعد ابدا كتاب الله وسنتى )
صدق رسول الله
ثانيا:الفكره الخطا عن الاسلام فى الغرب والتشدد هى صنيعت ايدينا يعنى مننا فينا لاننى احنا سبنا الساحه لكل واحد ينظر الينا حسبما يتراى له وفشلنا انى احنا نوصل صوره الاسلام الصحيحه للعالم وبيشوف بس صوره بن لادن والظواهرى فبالتالى لما يطلع نكره يقول الاسلام اتنشر بحد السيف بتبقى الصوره الى كونها مش صوره مسمتمده من سيره النبى والصحابه لا بتبقى صوره بن لادن والظواهرى

رئيس جمهوريه نفسى said...

بصى يا ابى معلش مع الاستعجال نسيت موضوع الشهاده وما حدث من لغط فى الشارع المصرى بعد المطالبه بتعديل قواعد الشهاده بالاكتفاء بشهاده امراه واحده فقط وليس امراتين وما ذهبت اليه وكيله مجلس الشعب من انى مبررات ذلك هو تغير الظروف التى ورد فيها النص وانه يجب تغيره هو ضرب من ضروب الجنون لانى اولا ما يمكن تعديله او تغيره حسب تغير الظروف كل شى بعيد عن القران والسنه لانى ما ورد فى القران هو مطلق ولكن يمكن تعطيله اذا دعت ضروره لذلك مثل ما قام الفاروق عمر بتعطيل اقامه حد السرقه فى عام الرمد ولكن لم يلغيه
فمتجيش حد يقول نعدل نصاب الشهاده لانى التطور التكنولوجى بيخلى الوحده تفتكر ايه يعنى حتسجل الشهاده بتعتها على ريميند ولا ايه
وبعدين النص عام رجل يساوى امراتين فلذكر مثل نصيب الانثيين فى المواريت ورجل وامراتين فى الشهاده لعله شرعها الخالق عز وجل والقول فى غير ذلك ضرب من الجنون

Nsreen Bsunee said...

ياريت كل الناس بتفكر زيك كده

انا الحمدلله عندى ثقه فى رحمه ربنا ومتاكده انى مش كامله وانى دايما حاحب ابقي افضل على مستوى الايمان والروحانيات

بس انا مختلفه معاكي فى موضوع الخلع فيه رجاله ولاد كلب اوى وبيحبو يذلو الست يبقي لازم يكون في ايديها فرصه لانها تنفصل عنه لو هو صمم وعاند

ابي الموضوع ده عالى اوى من احلى الحاجات اللى كتبتيها بجد عشان كده مش عارفه اعلق عليه تعليق يناسبه غير انى اقولك ربنا معاكي وتفضللى زى ما انتى ومفيش حاجه تغيرك

alshared said...

اابي

البوست ده ماليش تعليق عليه

بس تعرفي انتي في نعمه ناس كتير مش حاسيين بيها

ربنا يثبتك يا اابي

تحياتي

Ahmed Al-Sabbagh said...



الصديقة العزيزة .. بتنجانة

بجد اذا كنت بحترمك جدا من ساعة ما عرفتك يا بتنجانة
بس بعد البؤين دول احترامى لكى زاد بشكل مريع
يااااه.. فينك من زمان يا شيخة
انتى فالحة بس تعملى عيد ميلادك فى العباسية وسيبانا هنا .. مع ناس لا تعرف من الدين الا سطور مكتوبة على اوراق ولا يتنسمون روحانياتة
مش هقولك اكتر من

تسلم يمينك يا بتنجانة قصدى يا أبى

وتحياتى لكى
أحمد الصباغ

nigro said...

العزيزة آبي
متفق معاكي تماما في ان البساطة في تناول أمور الدين و عدم المغالاة أو التعقيد أو التفلسف أسهل طريق للوصول إلى الله
بس عارفة
فيه ناس البساطة عندها بتتحول لإستسهال و الإستسهال بيتحول بعد كده لإستهبال
خير الأمور الوسط
لا تساهل قوي ولا تشدد قوي
بينَ بين
مش عارف اذا كنت كده بعدت عن الموضوع الأصلي
و جو كتابتك ليه
بس دي الفكرة اللي جت في دماغي بعد قرايتي للموضوع
تحياتي لبساطة التناول الجيدة الرائعة

dr.Roufy said...

الله عليكي يا آبي
كلام مش لاقية له وصف غير انه عبقري
فعلا انا مسلمة وكفى
بلا تقسيمات ولا تفريعات
مؤمنة بالله رب العالمين
وبانبياءه وكفى
مؤمنة انه وحده من يحاسب ويعلم ذات الصدور
ربنا يكرمنا بحسن عبادته ومعرفته

:)
مودتي

monaliza said...

الله عليكى وعلى كلامك الجميل اللى وصلنى لدرجة انى والله دمعت
ايه يابنتى الحلاوة دى
متعرفيش ببقى مبسوطة ازاى لما بسمع حد بيتكلم عن ربنا كده وعن حبه لدينه كده
ربنا يكرمك يارب ويسعدك ويجازيكى كل خير على البوست الجميل ده

د/اجدع بنوته said...

وحشتينىىىىىىىى يا أأبى

طول منا بزاكر الاسبوع اللى فات

واقول أأبى ياترى نزلت بوستات جديده عن ايه

اجى الاقى السلام النفسى ده مغرق الكوكب كده

مش عوايدك بجد يعنى

ربنا يهديكى ويهدينا ويوفقنا ويقوينا

ويكرمك يابنتى ويزيدك ويغرفلك اى حاجه تسقط منك سهوا

ويكتر خيرك

وشويه وهشحت ههههههههه

بس احب اقولهم فعلا

ارحلووووووووووووا

وسيبوا البووص بتاعنا ف حاله

حمادة زيدان said...

آبي
إيه يا بنتي الجمال ده ... أنا مش هارعف أعمل كومينت دلوقتي بس أستني كومينت لما اروح علشان انا في سيبر دلوقتي
سلاموز ولنا عودة

فرنسا هانم said...

حاسه كده ان حد ضايقك
او انك زعلانه من حاجه
انا اقلب عاليها على واطيها لو حد زعلك
انا اقلبها ضلمه
عموما
انا زيك ومش مجامله والله
انا بحب الوسطيه مش بحب التشدد خالص
وبرضه عارفه امور دينى ومش بتعداها
تحياتى لكى
ولكوكبك

مجداوية said...
This comment has been removed by the author.
مجداوية said...

ايييه ده أنا جيت متأخرة كده ليه ,,انتى مش قاعدة فى البلكونة ومدلدلة رجلك كتبتى ده امتى ؟؟ المهم
بصى بقى يا ست الكل يا شربات انت مفيش حاجة اسمها ديانات تانيه والكلام اللى حشوا بيه دماغنا ده مفيش دين غير دين واحد وهو الاسلام أما أهل الكتاب فالمفروض أسلموا لما جاء الاسلام لأنه خاتم الرسالات والدين الخاتم اللى بقاى بقى من اليهودية والمسيحية دول بقى وده مش كلامى ده كلام ربنا كفار أو مشركين لكن فى نفس الوقت ربنا قال لا اكراه فى الدين قد تبين الرشد من الغى
وقال تعالى أيضا : قل يا أيها الكافرون لا أعبد ما تعبدون ولا أنتم عابدون ما أعبد ولا أنا عابد ما عبدتم ولا أنتم عابدون ما اعبد لكم دينكم ولى دين فربنا خاطبهم بقل يا أيها الكـــــــــــــافرون
احنا مش مطالبين أبدا اننا نسىء لأى حد بيخالفنا فى دينا الا اذا هو ابتدى الاعتداء علينا أو الاساءة لينا ,,وعدم الرد على الاساءة عدم نصرة لدين الله الحق وتخاذل وربنا توعد اللى يقصر فى نصرة دينه بالعذاب الأليم أو الفتنة وأعتقد ان حال المسلمين أكبر دليل اننا تخاذلنا ,,أما بقى باقى التعليق فأنا سأكتبه لك بصفة شخصية عشان جارتك اللى بتتجسس عليكى متسمعناش

متخليش الاعلام والعرف واللى أخدناه غلط فى التعليم و الشعارات اللى حفظوهلنا تغطى على الحقائق دى والموجودة فى القرآن ,,دينا دين حب وتسامح لكن بالأدب منهم فان عدتم عدنا ,,احنا مطالبين بنصرة دين الله
مش بالكلام ولا المشاعر القلبية فقط لكن بالمظهر والمخبر والفعل والسلوك
وصباحك احلى منه مفيش

الربان said...

تحياتي

بصراحة موضوع جميل...جمعتي فيه بين المضمون و خفة الدم كالعادة..

حين تنظرين للسماء و للطير..فأن هذايعد
تفكر في خلق الله ، قال تعالي :
وَيَتَفَكَّرُونَ فِي خَلْقِ السَّمَاوَاتِ وَالأَرْضِ رَبَّنَا مَا خَلَقْتَ هَذا بَاطِلاً [آل عمرآن:191] وقال: إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ [الرعد:3].

الاسلام لا يعرف التشدد...و الرسول الكريم صلي الله عليه و سلم قال :

هَلَكَ الْمُتَنَطِّعُونَ (1) قَالَهَا ثَلَاثًا.
التنطع: هو التعمق في الشيء والغلو فيه، ومجاوزة الحد في قول أو فعل.

وحتي لا أطيل عليكم...فان من اراد مقام
العبودية لله...و هو من أشرف المقامات
فليس له ان يسأل عن حكمة الله في صوم
او في صلاة...او في طلاق...او في شهادة
أو ميراث...يكفيه ان الله قال افعل...او لا تفعل...
وتيقنوا ان الله ماحرم علينا شيء الا رحمة بنا و خيرا اراده لنا...
و ما امرنا بشيء الا لصالحنا ..

و ما المحب الا للمحبوب مطيع

تحياتي و تقديري و دمت بالف خير...

حازم سويلم said...

الرقيقة وأجمل ما فى مجرتنا .. آبى

يقول الصوفى العظيم (بن عطاء السكندرى) اذا اتسعت الرؤية ضاقت العبارة
وهذا بالضبط ما أحسست به بعد قراءة هذا البوست , لن أضيف تعليق أنشائى الى ما قيل ولكنى أدرك تماما المفهوم الذى تتحدثين عنه وبه

الأسلام أعظم بكثير مما نتخيل ولن يزيد قولى من عظمته , العيب فى المسلمين وليس فى الأسلام , تعرفى يا آبى انا حبيتك بجد , مش عارف هتفهمى الكلمة دى آزاى بس صدقينى بالبوست ده انا نفذت الى روحك الشفافة التى تخفيها برداء الشقاوة
انا عارفك شقية بس دماغك كبيرة وتوزن بلدين

يا نهار أبيض التعليق رقم 58 , الناس دى عايشة هنا والا ايه

تحياتى القلبية يا أجمل نجمات المجرة

الطائر الحزين said...

فتح الله عليك وزادك طمأنينة وسكون


من وجد الله فماذا فقد!!!!!!!



اركان الاسلام الخامسه
اركان الاسلام الخمسة



تحياتى

اسف على التأخير

nonoymm said...

ازيك يا ابي
ربنا يفرح قلبك كمان وكمان
اسلامنا دين الرحمة
تحياتي الحارة لاسلوبك الصافي
دمتي بود

Alexandrian far away said...

الصديقه العزيزه
والفراشه الرقيقه
أبي
مش عارف
مفروض أعلق ولا لأ؟

تحياتي وأحترامي ومودتي

appy said...

خبيب


ربنا يكرمك يا رب ويبارك فيك والحمد لله انى لسه محافظه على عقلى فى الحياة دى نورت الكوكب


wael

ربنا معاك والله ليك عذرك يا دكتور انا بس خايفه على نظرك وسمعك هههههههههه



انونيمس

عموما ميرسى على التصحيح بس مش فاهمه انت انسان بتعمل حاجه كويسه ليه مش بتقول انت مين بس تصدق بالله قول لا اله الا الله انا مبسوطه قوى انى وزوارى بيخلوك تقرى وتتابع كده ربنا يهدى الجميع بس توضيح نونو هما مش كتبوا الايه دى استعاره منها او معناها لان اللى كتبتها حفظها الحمد لله نورت

appy said...

رئيس جمهوريه نفسى

ممكن كوبايه شاى معاك يا ريس بس مش انا قولت اجل الخلع هتموت صح وتتكلم فيه ههههههههههه اصبر على قللك يا ريس



الفارس الملثم

اهلا بيك وكفايه ليه ما تقعد شويه يا راجل هههههههههههه ايه النور ده كله وعموما متفقه معاك بس المهم منقعدش نكرر الغلط صح ولا ايه




رئيس جمهوريه نفسى

يا اهلا اهلا تانى آآه هو ده بقى موضوع الغرب اللى تعبنى تعرف ان البيه بتاع فيلم الاسلام ده طلع مجردواحد دماغه مخبوطه فى حيطه وردت له تانى بالهطل البيه عمل مدونة وماشى يوزع فى لينكها يعنى جاى يضايقنا يقوم ايه بعض الناس تتنرفز وترد عليه بقله أدب وهو ده اللى عاوزة تانى حاجه وضحت جدا انه عاوز يتشهر لانه واضح انه نكره
ثالثا وده اللى مخوفنى ان الناس التانيه تبدأ فعلا بتشدد وتهاجمه عارف يا محمود انا خايفه يقعدوا يدولوا اهميه وهو ده اللى هو عاوزة او يتصرفوا غلط ويروحوا يقتلوه ولا نيله ويبقى هو أثبت وجهه نظرة

نيجى لموضوع الشهاده وانا متفقه معاك فيه وانت وضحته صح تسلم ايديك يا ريس

appy said...

نسرين

رينا يا حبيبة قلبى من جوه كده والله يا رينا وانتى عارفه ان البوست ده كمان علشان ناس كتير تانيه ضايقتك وانا عارفاكى كويس وعارفه قلبك الابيض وانك متدينه بس مش بيعجبك الناس المتشدد وعاملين نفسهم حامى حمى الاسلام وهم ناس قلوبهم جاحده ...موضوع الخلع ده هنتفق فيه ونقول سلبياته ونطلع القلل على الكبد الاسكندرانى هههههههههههههه نورت الكوكب يا حبيبه قلبى



الشارد

ميرسى ربنا يكرمك ونورت الكوكب كله



احمد الصباغ

انت جاى تشرد ليه يا ريس احمد عبد العال وتقول العباسيه وحركات ان ما حبستك فيها مبقاش بتنجانى صحيح ههههههههههه ميرسى لذوقك وكلامك يا احمد ربنا ميحرمنيش منك ابدا

appy said...

نيجرو

مبعدتش ولا حاجه فعلا ساعات بيتحول لاستهبال ربنا يحفظنا يا رب من ده ويهدينا للصح ويرشدنا للطريق الوسط اللى يرضى ربنا نورت يا جميل


د/ روفى

يا نهار على التقسيمات هو اللى بيحصل فى العراق وفى كل بلاد المسلمين شويه ربنا يحفظنا منها يا رب يا دكتور ويحميكى نورتى



موناليزا

سلامتك يا حبيبه قلبى من الدموع وميرسى لرقتك وكلامك نورتى الكوكب كله

appy said...

د/ اجدع بنوته

حبيبتى يا سمسمه ربنا يوفقك يا رب فى مذاكرتك حتى وانتى بتذاكرى بتفكرى فى المدونات وفى كوكبى تحديدا يا سلام ايه الهنا اللى انا فيه ده كسفتينى والله يا سمسم وبعديين لازم يبقى فيه سلام نفسى ووطنى وجمهورى وجاهورى ههههههههه مش كوكب آبى يا بنتى الحمد لله على النعمه ...اما بمناسبه الشحاته فبصراحه مش معايا فكه خدى لكى خروف وقله وان شالله ما حد حوش هههههههههه نورتى يا سمسمه



حماده زيدان

قصاص المدونين ربنا يكرمك يا رب ويخليك علق براحتك بس متعلقش حد من هنا هههههههههههههههههه



فرنسا هانم

حبيبتى قلبى الغاليه انتعارفه لو حد ضايقنى هقولك هو انا ليه غيرك يحمينى بعد الله سبحانه وتعالى بس والله مضايقه من اللى بشوفه معايا ومع ناس تانيه كتير قوى بيتظلموا بس فكتبت الكلام ده من جوايا بس ..انا قلبى حاسس انك زى بدليل ان الحمد لله رب العالمين كتير افكارنا بتتلاقى ربنا ميحرمنيش منك ابدا

appy said...

مجداويه

ملكة الالقاب والقلوب ههههههههه ما هو وانا قاعده فى البكونه وسارحه فى ملكوت الله سبحانه وتعالى حسيت الكلام ده بيطنطط جوا دماغى وقلبى وقولت انزل بقى واكتبه وبينى وبينك جارتى كانت بتبص عليا هههههههههه
انا معاكى ان الاسلام هو خاتم الاديان وشاملها وجامعها وانا مبسوطه بيه وبحبه انا اقصد يعنى الاعتقادات التانيه والناس اللى بتتكلم كتير سواء اهل كتاب او غير
بصى يا حبيبتى مش بقول بالقلب فقط الدفاع عن الدين بس بالعقل يا حبيبه قلبى لان فيه ناس بتتصرف غلط وتعلى صوتها على الفاضى او تقتل او تنقل صورة الاسلام غلط فهمتى ده اللى قصدته مش اننا نسكت ونكتم لا
مستنيه يا حبيبتى ردك علشان الجارة الوحشه دى نورتى



الربان

والله حضرتك زودت البوست جمالا بذكرك للايات القرآنيه دى ربنا يكرمك يا رب



حازم سويلم

يا نهار ابيض ايه الهنا ده يا راجل دا انا اول كومنت عندك وقولت لك انا منزله بوست جديد كده تتأخر عليا ماشى .....كسفتنى والله يا حازم بكلامك ربنا يخليك وميحرمكش من شقاوتى والرغى بتاعى هههههههههههههه ...تحب احجز لك خيمه فى الكوكب هنا تقعد مع حبايبى

appy said...

الطائر الحزين

استاذى واخى الغالى ربنا يكرمك يا رب وتفضل تصحح ليه أخطائى ههههههههه اعمل ايه بكتب بسرعه معلش هو ده اخرة التعليم المجانى
وفعلا الحمد لله انا ارفه طريقى ليه وعارفه انه بيهدنى دايما للصح وحب الناس وطاعته ربنا بس يقوينى على نفسى ويكفينى شرها لان شيطانى فبكلمه واحده بكون اقوى منه انما نفسى ربنا يقوينى عليها
ومتتأخرش تانى لو سمحت هسحب منك كل الجوايز باثر رجعى ونقف فى المحاكم قدام بعض ههههههههههه ربنا يكون فى عونك



nonoymm

حلو قوى ان اسلامنا دين رحمه والرحمه دى بتكون لينا المفروض من رب العالمين وبينا وبين بعض يعنى منكونش قاسين على الناس
عارفه اكتر حاجه بضايقنى بجد ان الناس بتحكم على بعضها من غير ما تشوف بعض ولا تتكلم بعيد عن النرفزة والعصبيه اللى ملهاش لازمه واللى بيحزنى اكتر انى بشوف مسلمين كده بجد وده حرام علينا كلنا علشان كده وجهه كلامى لكل الناس اللى متعرفنيش ولا تعرف الناس القريبه منى وبتتهمهم بحاجات مش فيهم او بتفهمهم غلط ربنا يهدى الجميع ويجعل فى قلوبنا الرحمه جميعا وميرسى ليكى نورتى




Alexandrian far away

صديقى العزيز الغالى انت تعلق فى اى وقت وباللى انت عاوز تقوله واتمنى انى مكونش ضايقتك بس ده احساسى وده انا فحبيت انقله للناس ومش هجوم على حد خالص انا بحب الناس كله وبضايق علشانهم وربنا عالم باللى فى قلبى وعقلى من ناحيتك وربنا يهدى الجميع يا رب

انا مذنب said...

ابي الجميله

كل مره بتعقلي ذياده
مش عارف ازاي تقولي ابي بتنجان وانتي كلامك اعقل من اي انسان

عارفه احنا مشكلتنا اننا دايما لما بنلاقي اننا اضعف من اننا نعمل الحل الصح
بنقوم مخترعين حلول تانيه عجيبه ونمشي وراها ويا اما نقدر يا اما منقدرش ويقولك اسباب خارجه عن ارادتنا احنا عملنا اللي علينا ولو مقدرناش نعمل عادي برده تلاقي اصلا الحلول اللي بنستخدمها لأي موقف عامله زي ودنك منين يا جحا

علاقات زوجيه كلها مشاكل تلاقي الحلول العجيبه اللي مش عارف بنجيبها منين
يعني قعدنا نقول نقلد الغرب وندي المرأه حقوقها عملنا اللي الغرب نفسه معملهوش هناك الطلاق بيتم بموافقة الأتنين لازم الأتنين يوافقوا عليه
وبعيدا عن ان ده غير شرعنا مالناش دعوه جينا احنا قررنا ندي الست حق الخلع مع ان الست كتير بتتضايق من موقف معين وتقرر تنخلع وبعد شويه بتندم لأنها قلبها ارق واطيب ممكن بعد شويه تلين وتحن ليه تاني بعكس الراجل
لكن احنا عملنا زي الفيلم بتاع الشقه من حق الزوجه
طلقني طلقني
راح مطلقها زعلت منه ازاي يطلقها بسهوله كده
هي الست بتغضب بسرعه لكن بتروق تاني والحياه بتمشي

حتى في السياسه كل مجموعه عملت فريق علشان تجاهد كأن مينفعش نتفق كلنا على فريق واحد وبعدين الفرق بدل ما تحارب العدو بتحارب بعض كتنا نيله في حظنا الهباب
ونلاقي فساد حتى في المجاهدين وناس اختلست فلوس التبرعات وحاجات تكسف
ويوم ما حاولت الكلاب تنبح على سيد الخلق(ص) عملنا ايه دورنا على كل الحلول البسيطه حتى الحلول القويه يا اما مبنفذش بألتزام يا اما بتكون اصلا متنفعش

افتكرت النكته بتاعة الصعيدي اللي قفل العربيه ونسي المفتاح جوه وقعد يحاول يفتحها بسلك من فتحة صغيره في الزجاج زي ما شاف في التلفزيون وابوه قاعد من جوه العربيه يقوله هات السلك يمين هاته شمال

وكأن مينفعش اللي م جوه يفتح هو ويخلصنا
احنا برده لحد دلوقتي بنحاول دايما نستخدك السلكه زي ما اتفرجنا في الأفلام الأجنبي

سلاااااااااااااااااااااام يا احلى دماغ

الطائر الحزين said...

عارف انك بتكتبى بسرعه

بس الخامسة تفرق عن الخمسة كثير

تعالى قولى رأيك


تحياتى

تــــايه ومش تـــايه said...

بوست جميل جدا .
انا بيتهيالى احنا مش محتاجين غير اننا نرجع لدينا علشان نبقى فى وضع احسن .
احنا مش هنفرض احترمنا على الناس بالمظهرات ولا بالمقاطعه ولا بغيرو .
.لو حسو فينا احترمنا لدينا مش هيقدرو يقربو منو.
وربنا يهدينا كلنا ويجمع قلوبنا

خايف من الحقيقة said...

اولا اهلا بيكي عندي
اقري كويس وقولي رايك بصراحه
يهمني جدا رايك
ثانيا:
قوه الايمان في بسطه مكوناته ومفداته مش الكلام والمصطلحات الكبيره
ربنا يديم علينا نعمه الايمان والاسلام

appy said...

انا مذنب
اولا اهلا بيك هنا اول مرة

ثانيا هو مين قال انى عقلت لا خالص بس دى حاجه فى قلبى من جوه بس هههههههههه
عموما موضوع الخلع تقريبا حضرتك اتكلمت عليه زى فكرتى بالظبط
واهلا بيك هنا وميرسى بجد لزيارتك وانا رحت هناك عندك ووجعت قلبى ينفع كده يالا معلش هعمل الخير وارميه فى البى سين هههههههه



تايهه ومش تايهه

هو كلامك صح بس فيه حاجات لازم نعمل فيها وقفات نورت الكوكب كله



استاذى الطائر الحزين

كده هتكون المدرس بتاعى وانا طبعا فهمت ربنا يجازيك خير

أنا حر said...

لو كل الناس تعمل زيك وتحدد هي عايزة ايه بالظبط هنرتاح كلنا
موافقك على كل اللي قلتيه لأنك مؤمنة بالكلام ده ومقتنعة بيه كمان وهو ده اللي المفروض يحصل فعلا
احلى حاجة في البوست ده عجبتني اني موافق على كلامك في جزئية ان اللي بيدافع عن الرسول والاسلام مش بالجعجعه موافقك جدا في النقطة دي
تحياتي

walaa said...

هههه ايه يا قمر ده هو فى رز بالتقليه ههههههه
انت عسل والله
ثانيا بوست قمه فى الروعه والله بجد مش مجامله
انا ارفع يدى واتفق معك فى كل كلمه
فعلا الاسلام لما نزل اعطى للمرأه كل حقوقها بل الاسلام هو وحده الذى كرم المرأه وجعل لها الكيان
علشان كده اللى بيحصل دلوقتى هما ناس مطبقوش الشريعه صح
وعلى رايك بدل ما يدوروا على حلول بره طيب ما يطبقوا الاسلام صح

واخيرا انت عارفه علاجنا بأيه
قال المصطفى فى حديث فيما معناه
تركت فيكم ما ان تمسكتم بيه لن تضلوا بعدى ابدا كتاب الله وسنته
وهكذا كما قلتى تحياتى
اليكى ولاء

appy said...

انا حر

ياااااااا الحمد لله اتفقنا مرة فى حياتنا مع بعض هههههههههه ميرسى ليك ونورت الكوكب كله خد بقى خروف نونو معاك مش خسارة فيك ابدا



ولاء

الا صحيح بما انك ست بيت هو فعلا فيه رز بالتقليه ده ولا انا بقول غلط هههههههه ميرسى ليك يا ولاء وربنا يهدى الجميع ويدى له قناعه جواه يا رب

همس الاحباب said...

انا كده دايما متاخر
ولا ده سوء حظ
بجد تسلم ايديكى
ودماغك يا ابى
كلام رقيق يحمل كل المعانى
فعلا كلام نابع من قلب صافى نقى
جزاكى الله خيرا
تحياتى يا اختى

زعيم كمورا مورا said...

البشرية تايهة ياآبى
هى دى المشكلة
الناس تاهت فى الدنيا
انشغلت بيها
ونست الاساس الدين
الى ربنا بعتهولنا عشان نلجا اليه لما نبقى تايهين زى التوها الى احنا فيها دى

روح الانسان ياآبى الروح الى ربنا مديهالنا امانة

الروح الى قوتها فى ايمانا
وطول محنا بعاد عن دينا وطول ماايمانا فى قلوبنا ضعيف
سيبك من الظاهر
مين بتشوفيه فى الزمن دة ماشى على دينه كما يرضى الله
قليل جدا ونادر كمان
ديما تشوفى الناس متقسمين
بين ناس متشددة جدا جدا
وناس متحررة جدا جدا

يعنى حبة فوق وحبة تحت

لا الى فوق مرتاحين ولا التحت مرتاحين

شوفى الصورة الى فى مدونة نسرينا

وانتى حتعرفى قصدى ايه

عارفة ليه ولا كدة مرتاحين ولا كدة مرتاحين

لان الدين مش كدة الدين مره مكان كدة
ربنا خلقنا احرار كل واحد يعمل الى عايزه وفى الاخر الحساب
ربنا سهلنا الدينا
تقوم تيجى ناس غريبة عقلها متركب شمال تصعبها على نفها وجاية تصعبها
علينا

تقوم تيجى ناس تانية متغازة من الناس الاولنية
تقوم اية ومسهللنا الدنيا جدا

يعنى لتمشى بقوانين لا متمشيش
طب وليه كدة

طب ليه منعش كدة

كل واحد مسئول ن حاله
ومافيش مابينا ومابين بع غير كل حب وود واخوة وسلام
وعيش وملح
ولو حد شاف اخوه جاره حبيبه عايز مساعدة منه او بيمل حاجة هو شايف انها مش ولا بد ينى

يروحلوا بكل هدوء كدة وياخده على انفراد
مش يجيى يقوم دببله كلمتين قدام بشر اعدة
اه والله يأخت اآبى
ينى انتى قاعدة وسط ناس حبيبك عارفين مثلا
انك بت مية مية وتمام
يقوم الاخ داخل كدة زى القطر يقوم فقله كلمتين دبش
يقلب القدة فى ثانية
والى يفرسك انه ييى فى الاخر ويقول اصلى كان قصدى خير
وعجبى

المهم
احنا كنا بنقول ايه

اه
المفروض الواحد يبقى نده احساس
ميبينش للى قدامه انه احسن منه او هو وزير الرى
والتانى ابوه زبال فى مصلحة الاسطابلات بتاعت الامم المتحدة

المفروض اننا نحسس الى قدامنا اننا واحد وممكن اى حد يغلط
وينصحه وهو هادى كدة ومبتسم
مش يدخل عليه زى جودزيلا لما دخلت على السمك
بصى ياآبى اختصار الكلام الى قلته فوق دة كله
ان اساسا الايمان هى الرو
ينى انسان مؤمن ينى روحه حلوة
انسان بيد عن ربنا اكيد
قلبه حيبقى اسود من السواد نفسه

mohamed hesham said...

بوست رائع ... وهادي ... وخلاني انبسطت كتير لما قريته

شكرا

مجداوية said...

انزل يا جميل من على السور وتعالى خد التاج
واجابتى على حالة جارتك ده حيبقى بوست يا صحاح انا كنت عايزة الايميل عشان موضوع تانى بس واحدة واحدة عليا عشان انا بأحاول انظم وقتى عشان بناخد محاضرات كتيييييييرة وعمالة اصور فى ورق ومش بأذاكر وشكلى كده بنتى حتشمت فيا وتطلع هى الأولى عليا وأنا بقى كبرانه فى دماغى أطلع الأولى عليا ههههههه بس بلاش لمل تجاوبى على التاج تدخلى اللغة البتنجانية فيه خليك بطبيعتك طبعا بس يعنى متدلدليش رجلك من البلكونة وان كنت متأكده انها حتكون اجابات فى منتهى الجمال زى قلبك وعقلك

عبده الرايق said...

انا لسه معلق عند قطه الصحراء على بوست له نفس الافكار
يعنى تقدرى تقولى نسخه واحده من منظور شخصين
عموما
التشدد فعلا افه العصر
لان المتشدد او المتشدده ينقل او تنقل صوره سلبيه عن الاسلام لمن يراها فى تشددها

في حب مصر said...

مساء الخير باعتبار ان الساعة دلوقت عشرة وتلت بتوقيت الإمارات.. هههههه

بوست جميل يا آبي وان كانت لي ملحوظة صغيرة وهي أن صحيح احنا عندنا إيمان بالفطرة وبنعرف حدود دينا وايه الصح والغلط.. بس في حالات كتير بتلتبس علينا بعض الأمور اللي بنحتاج فيها لرجال الدين.. بس المشكلة الكبيرة دلوقت ان رجال الدين ممكن يخلوكي تتشتتي أكتر من الأول بس آرائهم المتضاربة
وفي الحالة دي مفيش غير اننا نرجع للحديث الشريف استفتي قلبك وان أفتوك

تقبلي مروري

mohand said...

مين يسمع

ومين يقول

ومين يتفاهم

الساحرة said...

بوست رائع وكلماته تعبر عن احساس ناس كتير
فعلا الدين المعامله

ونداء اللي ماسك قلبك يسيبه احسن ليه هههههه

بس ارحلوة دي صعبه احنا علي قلبك هههههههه

سيكو said...

وحشتينى
وحشتينى قوى بيبو

حلو قوى الكلام
فعلا كلنا تايهين فى خلق الله
ربنا يصلح اوجوال المسلمين جميعا

ابقى زورينى
سيكو

Mahmoud(WHYME) said...

تعودت منك على أفكار مختلفة وإسلوب متجدد
العقلية الفذة كما هى بل وتنضج
أسلوبك الفريد جعل لكلماتك الحياة وأعطيتى لقرائك السعادة بالقراءة
محمود

haitham said...

آبى اسمحيلى اقولك ان ده احسن ادراج قريته ليكى
كلامك صحيح بس مش ناس كتير زى ماقالت ايمان فى الكومنت بتاعها
تحياتى ليكى وتسلم ايدك بجد
اه صح
انا فخور انى صديق ليكى وانى اتقابلت مع الانسانة (...........)دى

سهر الليالى said...

والله معاكى حق وأنا دايما بقول أنا مسلمة وبس مش لازم أكون كدة ولا كدة لا أنا مسلمة أشهد أن لا إله إلا الله وأ، محمدا عبده ورسوله

أسيب كل الرغى اللى الناس بتقعد ترغيه وألتفت لنفسى أصلحها ولما هكون كويسة الناس هتعرف أن الإسلام كويس

مقعدش ادور على فتاوى وخلاص لا يوم لما أتزنق بس أروح أدور وفى السر مش لازم الفضايح يعنى

أقولك ربنا يهدينا بقى دة الإسلام جميل أوى

مواطن مصرى نايم said...

الله عليكى بجد تحفة
الله ينور بجد
بوست رائع
خلاص انا لاجئ فى المدونة بعد كده
و مش ماشى منها

mostafarayan said...

بجد البوست دة جميل قوي
جميل اننانطبق ديننا عملي ونحس اننا قريبين من ربناوانه سبحانه قريب منا يحتوينا ويدافع عنا
تحياتي ليكي بجد

آلام وآمال said...

والله انتي قلتي كذا حاجة في بعض مهمين جداا بأسلوب حلو وطالع من القلب من غير تعقيد ولا تزويق

تسلم اديكي

appy said...

همس الاحباب

ميرسى يا خالد ربنا يكرمك يا رب ..وبعدين انا عذراك المواصلات صعبه معلش هههههههههه نورت



زعيم كمورا مورا

ربنا يهدى الجميع يا زعيم نعمل ايه بس والله انا تعبت من الناس دى بس كل شئ بايد ربنا نورت يا زعيم الكوكب كله


محمد هشام

الحمد لله انك اتبسطت ربنا يبسطك كمان وكمان يا رب نورت يا قمر

appy said...

مجداويه

كده انا حسه انى اقل بكتير انى اجاوبك على حاجه زى دى بجد.......ز بس حاضر عويناتى
نورتى يا قمر وربنا ينجحك وتطلعى الاولى مع بنتك او تتقسموا فى اللقب ههههههههههههه



عبده الرايق

يعنى اروح اخد التعليق منها ونقعد نتخانق ولا ايه ههههههههههه بس انا مش اتكلمت عن دول بس انا على كل الناس التانيه كمان مسيحين يهوديين ملحدين اى حد مش عاوزهم يتعبونى بجد



فى حب مصر

صباح الخير علشان انا برد الصبح هههههههههه
شوفت انت اختلفت ورجعت اتفقت ان فيهم بيلخبطوا بينى وبينك انا دايما بلجأ لكتب لاشعراوى كمان نورت يا قمر الكوكب كله وترجع للوطن بالسلامه

appy said...

مهند

ربنا يهدى كل الناس ..بس يسبونى فى حالى نورت يا مهند


الساحرة

انتى اقعدى فى قلبى وعلى قلبى براحتك خالص انما الناس الوحشه لااااااااا بليز


سيكو

اسميكى بعد كده سيكو وزة ههههههههه انتى كمان وحشانى والله بطل عليكى كتير بس انتى وزتك خدك مننا ربنا يهنيكم مع بعض

appy said...

محمود

ربنا يخليك ده كلام كبير عليا قوى كسفتنى بجد بس والله بكتب اللى فى قلبى وبس نورت يا محمود



هيثم

ربنا يخليك يا رب وميرسى انما ايه النقط دى مفهمتش طيب دى حاجه حلوة ولا وحشه بقى نورت يا هيثم



سهر الليالى

يا قمر ما هو القرآن واضح والسنه بصى انا دايما بلجأ لكده او الشعراوى بصراحه عندى ادمان اسمه الشعراوى بجد ربنا يرحمه يا رب
نورتينى يا برنسيس

ياسر حسين said...

ربنا يبارك لك في عقليتك الجميلة دي
يا ريت كل النساء تفكر مثلك وكل الرجال كمان

خالص تحياتي

appy said...

مواطن مصرى نايم


طيب يا عم اصحى شويه يا نهار علىالناس النايمه هههههههههه انت تنور خد لك خيمه بقى فى الكوكب لو احتجت حاجه نادى بس وانا هنا وده شرف ليا



mostafarayan

ميرسى خالص ويا رب يهدى الناس كلها نورتنى يا مصطفى


امال وآلام

ما هو الكلام اللى بيطلع من القلب ده مينفعش فيه تزويق لانى حساه ميرسى خالص نورت الكوكب

استاذ/ياسر حسن

ميرسى يا فندم يا ريت كل المؤمنين يفكروا كده نورت

Omar... [ خروشات ] said...

صباح الفل يا ابى

انا اتاخرت جدا جدا على زيارتك

ارجوا المعذرة والله غصبا عنى

نيجى للبوست

نيجى لشخصيتك؟

نيجى لكلامك؟

و جهة نظرك؟

فلسفتك لعلاقة الانسان بربه؟

لو جينا لكل ده هاقولك شىء واحد

انك متصالحة مع نفسك بشكل ودود وبسيط وصريح"

فكرى شوية ؟ هتلاقيها نعمة موش متوفرة كتير الايام دى

و لله الامر

عمر،

klmat said...

كلامك جميل ومدونتك جميله
سعيده اوى انى زرتك
انتى عبرتى عما اشعر واؤمن به
خير وسيله للدفاع عن الاسلام هى سلوكنا
تسلم ايدك
المفروض ليا جائزه انا رقم 100
هههههههه
تدوينه جميله اوى
خالص حبى وتقديرى

appy said...

عمر

ايه النور ده كله يا ربى لا انا مش قد الكلام ده ربنا يخليك ليه يا رب
وميحرمنيش من ذوقك ولا طلتك عليا نورت الكوكب كله



klmat
اممممممممم هو الدخول على طمع من اولها وعلشان اول مرة ماشى ليكى خروف من خرفانى هديه ههههههههههههه نورتى وميرسى لذوقك

نور said...

ياااااااااااه
أخيرالقيت واحده ست عاقله
و راضيه انها ست
و فاهمه ان ربنا حكم عدل و انه مظلمهاش لما خلقها ست
في ستات المفترض ان هما في مناصب كبيرة اوي و المفترض انهم بيفهموا و لسه بيدوروا ازاي يغيروا في شرع ربنا
أل ايه
علشان يدوا الست حقوقها
و كأن ربنا - استغفر الله العظيم - كان مستنيهم هما يصلحوا الأمور

فاضلك حاجه واحده بس علشان تثبتي انك ست عاقلة مما يمثل نسبة 1 % من الستات :D

و هي انك تقدري تقولي سنك بصراحه و متخبيهوش
و ده اللي ال 1 % مش بيقدوا بردو يعملوه :D :D

نور said...

ياااااااااااه
أخيرالقيت واحده ست عاقله
و راضيه انها ست
و فاهمه ان ربنا حكم عدل و انه مظلمهاش لما خلقها ست
في ستات المفترض ان هما في مناصب كبيرة اوي و المفترض انهم بيفهموا و لسه بيدوروا ازاي يغيروا في شرع ربنا
أل ايه
علشان يدوا الست حقوقها
و كأن ربنا - استغفر الله العظيم - كان مستنيهم هما يصلحوا الأمور

فاضلك حاجه واحده بس علشان تثبتي انك ست عاقلة مما يمثل نسبة 1 % من الستات :D

و هي انك تقدري تقولي سنك بصراحه و متخبيهوش
و ده اللي ال 1 % مش بيقدوا بردو يعملوه :D :D

appy said...

نور

ميرسى للزيارة
بس نور ده بنت ولا ولد هههههههههه عموما انا بقول سنى على طول لو حد سألنى مش بخبيه هههههههههههههه

nonoymm said...

ابي
ايوة عندك حق نرحم بعض وما حدش يتهم حد بحاجة من غير دليل ولا حجة عليه
ولا يعمم احكام ويظلم بيها ناس يمكن يكون فيهم خير ولا يكيل سباب وشتم من غير سبب وخلاص
المشكلة ان تلاقي واحدة عمالة تقول متشدديين متعصبين وما اعرفش ايه في حين انها هي نفسها بعرض المشكلة بانت اكثر تشدد وتعصب
سبحان الله ربنا يهدي
واتمنى انك تنوريني حضرتك كمان

بنت الاسلام said...

ربنا يديم عليكي يارب نعمة الرضا والقناعة لانهم فعلا كنز لايقدر بثمن

والدين بسيط ومريح واجمل حاجة اننا نطبقه في دنيتنا فنفوز باخرتنا بدون عصبية ولا همجية بالعكس ده اصله الرحمة والحنية

ياقمررررررررر الفلوس قربت تخلص

اجيب الطرحة ولا لسة

؟؟؟؟؟؟؟؟؟؟


تحياتي

بنت القمر said...

ابي
مبسوطه جدا
بايمانك البسيط العفوي
وكويس انك وصلتي للي غيرك وصله بعد كفاح
انتي اختصرتي سكه طويله من قراءه اسئله ةعدم الحصول علي اجوبه
حالا ها احطك علي الريدر عشان اقري جديدك اول باول
وعموما اهلا بيكي في جمعيه المغضوب عليهن
:)
وها تلبسي الحزام الناسف امتي وتنتقلي الي تورا بورا
تحياتي يا عزيزيتي
ومعجبه بتجميعك الخيوط كلها مع بعضها



محمود المصري
اشكر مناقشتك موضوع شهاده المرأه انا كمان محتاجه ادرسه
شكرا

مدونات زوجة عاشقة said...

ياريت فعلا كل الناس تحاول تطبق هدى القرآن والسنة بجد ماحدش هايتعب فى حياته (تركت فيكم ما إن تمسكتم به لن تضلوا بعدي أبدا كتاب الله وسنتى )عارفةإ ية أجمل حاجة فى الدنيا ؟إنك تتأكدى إن ربنا عز وجل معاكى فى كل لحظة ،سامع كلامك وكل اللى بيدور جوة نفسك ،بس ياريت نكون كلنا مع الله(ونحن أقرب إليه من حبل الوريد)صدق الله العظيم0

UNIQUE said...

بساطة وجمال روح مسلمة بجد

انتي رد جميل على اي حد متصور انه مكن

يهدد الكوكب بكلمتين

تحياتي.. وربنا يثبتك ويثبتنا

haitham said...

آبى انتى عايزانى انضرب بالقلل طبعا اللى جوه القوسين من نقط لا يمكن تكون حاجة وحشة او شتيمة انما بصراحة هيا إطراء
وفسريه زى مانتى عايزه بس من غير ماتفسرى حاجات وحشة

الراقص مع الذئاب said...

السلام عليكم
ازيك يا آبي

كلامك جميل وفعلا محسوس إنه طالع من القلب
ربنا يهدينا ويهديكي الي الصراط المستقيم

بس لازم حد ذو علم وورع يوضح لينا امور سعات كتير بتكون غايبة عننا او بنجهلها
وسعات بنعمل حجات غلط علي اساس إنها صح
عشان كدا لازم نتعلم...ودا بيجي عن طريق حد نثق في دينه وورعه وعلمه
مش هنسميه ارهابي ولا متشدد ولا متزمت
يمكن الامور اختلطت علينا مع الافلام والاعلام القذر اللي بيصور العلماء علي إنهم مجرمين عاوزين يسودوا علي الناس حياتهم
يارب تكوني فهمتي قصدي


كلامك جميل يا آبي....ربنا يجازيك خير

fnan_geology said...

هو ده الاسلام من غير فلسفه

بنوته مصرية said...

ايه ده يا آآبي طيب ادعيلي معاكي والنبي


لا بجد مشاعر جميلة وايمانك مشاء الله قوي

بجد انتي بتنجان في عز الكلام الجميل الاقي مصطلحاتك الغريبة هههههههههههههه
تحياتي يا قمر

هاتي المكرونه اعملها انا بس هاتي معاها ازازة زيت هههههه

Rain man said...

اجما حاجة في فضفضتك انها شاملة
بتفكري في اكتر من شىء في وقت قصير
يمكن اللى لفت نظري _ ايام ما كان عندي نظر _ كلامك عن اننا مش محتاجين صوت عالي او جعجعة فاضية مع الناس اللي بيهاجموا الاسلام
لاننا مش من حقنا نطالب ناس بإحترام دينا الا لما نحترمه احنا الاول
فعلا يا آبي
انا كتير بحترم اصدقائي المسيحين لما الاقي اخلاقهم عالية و متمسكين بدينهم و عقيدتهم
ببساطة الدنمارك و النرويج و هولندا و كولالمبور حتى مش ملزمين بأحترام دين اصحابه نفسه فرطوا فيه

يالا مش عايز اطول عليكي

تحياتي و سلامي

اجندا حمرا said...

العزيزه
appy

الايمان في القلب هو اصدق ايمان
التهليل عمره مابيودي و لا بيجيب
و كتير ناس بتقعد تهلل و هي مش فاهمه اي حاجه

مناجاتك صادقه و من القلب عشان كده وصلت قلوبنا كلنا
ربنا يثبت ايمانك و يجعله في ميزان حسناتك
تحياتي ليكي

رهف said...

آبى الجميله
البوست حلو اوى واحلى حاجه فيه انك بتتكلمى عن اللى جوا كل حد فينا يمكن محدش قبل كده منا فكر يكتبو
بس انتى كتبتيه وعبرتى عنه بكل بساطه
تحياتى لكى ياقمر ومستنيه
البوست الجديد
باى باى

Dumuro said...

SECURITY CENTER: See Please Here

أم أحمد المصرية said...

صديقتي Appy
بعد السلام عليكم و رحمة الله
تدوينة جمية جدا و مريحة للنفس في عالم من المواضيع و الاخبار التي تثير الكآبة فعلا الايمان يريح النفس قوي الله ايمانك و ايماني و ايمان الجميع ورزقك خير الدارين
---------------------
ملحوظة :شكرا انك اخترت صورة التعريف بتاعتي لهذه التدوينة معرفش قصدك و لا توارد خواطر بس ده رمزي من يوم ما بدأت التدوين و يظهر ان ذوقنا واحد و ان شاء الله بداية صداقة جميلة و ابقي نورني

DayDreaming said...

كلامك مش محتاج تعليق
محتاج بس اقولك
ما اجمل بساطة اسلوبك

مجداوية said...

انتى فين يا آبى مش باينه بقالك يومين ,,انت سافرتى ولا ايه ؟ ابقى طمنينى عليك

appy said...

عاشقه النقاب

انا مش فاهمه ليه انتى حولتى الكلام عموما اذا كانت هى متشدده فى ارائها يبقى لها حق فى حكمها على غيرها علشان هما بدئوا بالكلام المستفذ وبعدين احنا مدخلناش قلوب بعض ويا ريت اللى قصدته من البوست ان كل واحد يسيب التانى فى حاله وقلبهوايمانه وربنا هو اللى هيحسبه فى النهايه احنا مش اولياء على بعض يا ريت نبقى اولياء على نفسنا بس لو قدرنا عليها
نورتى الكوكب



بنت الاسلام

عارفه يا بطوط انما الناس الداعيه ولا غيرهم ولا غيرهم لما بيقعدوا يوجعوا دماغنا ويلخبطونا بصراحه بيفقعوا مرارتى وبعدين حوشى تانى يا بطه ههههههههه علشان خاطرى


بنت القمر

اهلا بيكى هنا يا قمر وليه يا سيتى حزام وبتاع هى الحياه ابسط من كده كل واحد يعيش براحته وربنا هو اللى هيحاسب مش انا بس انا اقدر ارضيه وشرف ليه انك تحطنى علىالريدر نورتى الكوكب

appy said...

مدونات زوجه عاشقه

اهلا بيكى نورتنى وربنا يهدى الناس كلها يا رب


UNIQUE
حد يقدر كنت قطعت رقبته ههههههههه نورتى يا قمر



هيثم
ميرسى للتوضيح اصل ضرسى كان بيوجعنى وكنت هطلع غلى فى حد هههههههه

appy said...

الراقص مع الذئاب

اهلا وسهلا يا حضرة الظابط
بص يا سيدى الاعلام ولا حاجه انا بمشى وراها خالص بتجيلى حساسيه انما انا بسمع أراء واحكام غريبه جدا جدا من بعض الداعيه فده طبعا غلط لان زى ما قولت القرآن واضح والسنه وانا بصراحه بلجأ للشعراوى وميرسى ليك نورت الكوكب كله



فنان

اهلا بيك اول مرة نورت وميرسى ليك



بنوته مصريه
مكرونة وزيت ايه يا بنتى هو انا جايه اخطب حد من عندكم ربنا يسمحك حد يطلب حاجات غاليه كده ههههههههههههه

appy said...

رجل المطر

تصحيح معلومه كوالامبور مسلمين هههههههه بما انى انا رحت هناك 15 يوم فالاغلبيه مسلمين نورت ومتغبش علينا


اجندا حمرا

ميرسى ليك يا قمر انتى دايما بتنورينى



رهف
اهلا بيكى ربنا يخليك وميرسى لكلامك الرقيق ده بس يا ريت المتشددين واللى خنقنى يبعدوا بقى من حياتى

appy said...

ام احمد المصريه

اهلا بيكى اول مرة هنا ربنا يخليكىونورتينى اما بخصوص الملحوظه بجد انا كنت جايبه الصورة من على الفيس بوك بس كويس وليا الشرف انك بتستخدميها وميرسى ليكى خالص



DayDreaming
ميرسى خالص على الزيارة الرقيقه


مجداويه
بخخخخخخخخخخخخخ انا جيت ميرسى يا حبيبى على سؤال

ayar said...

كلامك مس قلبى بجد وعبر عن اللى بحسه دايما .. احييكى

رفقة عمر said...

كلامك اثر فيا قوى
حاسيته خارج من قلبك
عارفه اللى عايز يعرف الدين بحق عليه بالقراءن وسنه الرسول صلى الله عليه وسلم
بجد النجاه فيهم
فى هذا الزمان تخبط العلماء واخذتهم الاضواء والشهره الا من رحم ربى
ربنا يثبتك ويزيدك من فضله اللهم امين يارب العالمين