وجع الضرس ولا وجع الغربه

تحديث على السريع تانى : شكر كتييييييير للاستاذ/صلاح حجازى وكل العاملين بالبرنامج على اذاعه البوست بتاع مرور كوكبى الخرفانى اليوم الخميس وكمان اختاروا تعليق تامر نبيل علشان يوضح اللى بيمشى على القواعد دى ايه بيحصله هههههههه
=======================================================
يا صبااح الورد البلدى اللى من مصر مش من الصين

معرفتوش مش انا جالى هجرة للبر التانى وهسافر اكوم مستقبلى ايوون واجيب شروحه وراديوم من اللى بيجيب الاغانى حدانا فى الكفر.

مش هى دى احلامكم مش هو ده اللى عاوزينه تهاجروا وتسيبوها بتقولوا هى ماسكه فينا ليه خليها تسيبنا هى كمان مش عاوزاكم هى كمان رفضتكم وعمرها ما هتبقى حنينه عليكم.

انتم مش حنين وهى مش هتأخدكم فى حضنها انتم بعتوها للحراميه والنصابين للى طمعانين فى الكراسى الموسيقيه وطمعانين فى حسابات بره(احم احم انا مقصدش يا بيه خالص انا اقصد يعنى يشتروا الات حاسبه بس ).
هى كمان هتديكوا ضهرها وهتكشر على اسنانها وتفرمكم
الحمد لله سافرت تلات مرات بره مصر وانا كبيرة وانا صغيرة عشت فى السعوديه لغايه 7 سنين ورجعت يعنى فترة معرفش عنها الكتير بس كنت فاكرة انى لما جيت مكنتش بفهم مصرى ولا حد بيفهمنى ومكنتش عارفه اتكلم مع حد حتى فى المدرسه وعلشان كده طلعت هاديه جدا وانا فى المدرسه ( يعنى كنت بعمل مقالب على خفيف هههه ) بس لما كبرت سافرت تركيا والمغرب وماليزيا كنت ببقى عاوزة ارجع على طول احساس فظيع انى بعيده مع انها بلاد تجنن بس كانت مصر بتوحشنى بكل حاجه ترابها ناسها اللى بيرخموا عليا مش قادرة اعيش من غير الغلاسه وخفه الدم بتاعتنا مهما ولا بجد الدفا اللى بشوفه هنا حتى لو فيه ناس وحشه.
حتى ان كان الشعب التانى كويس وبيضحك فى وشك بس كنت بحس لما ابص للناس انى غريبه تفتكروا فلوس الدنيا كلها تسوى الغربه دى تفتكروا فلوس الدنيا كلها تسوى انك تبص فى وشوش ناس تلاقى نفسك متعرفهاش ده كان احساسى طيب ابسط حاجه مع انى بنزل فى فنادق شيك جدا مكنتش بعرف انام كنت لما برجع مصر احسن انى بقالى زماان منمتش حتى الشاور كنت بحس انى مش بعرف اخد شاور غير فى بيتى مع ان والله هناك احلى من حمامات التلات هههههخخخخ تتخيلوا الفنادق عامله ازاى هناك.

بجد تسوى ايه الغربه لما يسافر اب ولا ام وتسيبوا اولادكم وترجعوا مفيش تواصل كبير ما بينكم او الام تبقى جامده فى قرارتها علشان الاب مسافر ولما يجى الاب يدلع ما هو جاى شهر مش هينكد هى دى التربيه الصح فى نظركم
ولا الام اللى تسافر ويبقى العكس هتجيب اولاد كويسه منين.
ولا الشباب اللى يتغرب ويمسح بلاط ويسافر على مراكب ويعرض نفسه للموت ويوجع قلب امه وابوه وفى النهايه يسافر ويفضل بيتمنى انه يرجع ومهما كون صداقات ومهما عمل فلوس بيفضل قلبه وجعه وعاوز يرجع .
اشتغلوا هنا الشغل مش عيب ومش عاوزة اسمع واحد بلسان طويل ولا دماغه مزنوقه فى كعب الشوز يقولى مبقاش متخرج مش عارف ايه واشتغل ايه طيب ما الشغل بيجيب شغل ياكتكوت وانت بره هتشتغل سفير.
ولا احسن تقعد كل يوم سهران للصبح على النت وبتمد ايدك لوالدتك ولا ولدك علشان تاخد فلوس تنزل تقعد على القهوة ولا تقف على ناصيه تعاكس ولا تاخد منهم حتى تمن وصله النت اللى انت بتهييس عليه وتيجى تكلمه يقولك انا بدور على سفر ههههه والله بيصعبوا عليا
انا بس عاوزة الناس اللى بره مصر واتغربوا بقالهم كتير يكتبوا بكل امانه عن احساسهم فى الغربه ويقولوا للناس اللى هنا انها متسواش البعد ده كله
لو اتهنت من امك احسن ما تتهان من الغريب انا عن نفسى مقدرش ابعد عنها ولا عندى استعداد ابيعها باى تمن انتم ايه بقى.
وفى النهايه على رأى بابتى حبيبى (عويل بلاده عويل بلاد المسلمين)


ملحوسه من فيكون ادبس:- كامى فوندامى (زهرة الكاميليا)حدفتنى بسؤال وعاوزانى اجاوب عليه اللى هو ازاى حياتى قبل وبعد التدوين وانا من منطلق الحريه الفيكتاتوريه والتيتوقراطيه المتفنيخه عندى هجاوب وقررت ابعزق فى التيتوقراطيه واللى له سؤال يساله وانا اجاوب عليه مع سؤال كامى بس فى حدود الخرفان بتاعتى موافقه يكتبه لما يعلق على البوست ويالا اعمل فيكم ثواب واعرفكم بيه اكثر واهو ارمى الثواب فى البي سين هههههههههخخخخخخخخخخخ


كان معكم سفير سفروت لواء اركان حرب طيار آبى هانم

161 اخبط وقول رايك:

الطائر الحزين said...

بحجز بس

الطائر الحزين said...

ليس هناك أمر على اطلاقة صح ولا أمر على اطلاقة خطأ


اذا ضاق الرزق فى بلادك لا مانع أن تذهب الى مكان أخر

وان كان هذا الرزق فى بلادك لا يكفيك الاحرى ان تتطلع الى الافضل


لكن بجد نحن العرب والمصريين على وجه الخصوص عندنا ارتباط وثيق بالارض مش عارف ليه


قالوا كنا مستضعفين فى الارض
قال ألم تكن ارض الله واسعة فتهاجروا فيها


وفعلا وجع الغربة قاهر
لكن من تعود عليه يصاب بالبلاه حتى انى اعرف شخص مازال موجود فى الغربة من اثنى عشر عاما لم ينزل مرة

كيف حال أهله مع انه استقدمهم اليه مرتين



تحياتى

كاميليا said...

انا بس عاوزة الناس اللى بره مصر واتغربوا بقالهم كتير يكتبوا بكل امانه عن احساسهم فى الغربه ويقولوا للناس اللى هنا انها متسواش البعد ده كله
......

انا هاكتب عن احساس الغربة
بس الحقيقة البوست مفاجأة
وفكرته مفجأة
والاجابة محتاجة تركيز

لى عودة مرة اخرى
للتعليق

مع حبى

A7med3bdelfta7 said...

أنا لما بسافر أسبوع المصيف ببقى فى أخر يومين منه هتجنن وأرجع لبيتنا
فما بالك لو خرجت بره مصر كلها ممكن أعمل ايه
واحد صاحبى لسه راجع من أمريكا قريب.. هو كان هناك فى دورة تدريبية مع شركته
بيقوللى لما رجعت كان نفسى ف حاجتين
أسمع الأذان
وأكل طعمية:)

الربان said...

Appy
تحياتي

احيانا السفر بيكون ضرورة...

لا انصح اي شاب بالسفر الي الخارج الا بعقد عمل موثق...و يكون في مجال تخصصة
يعني يعمل بمؤهله و خبراته...

أشتاق لمصر كثيرا...فهي تجري في دمي...احضر الي مصر حوالي 4 مرات في العام...و مع ذلك اشعر بالحنين بمجرد
مغادرتي لها...

اوافقك القول ان تركيا و ماليزيا من
اجمل البلدان التي ينبغي ان تزار...
و كذلك هونج كونج...

الاغتراب احيانايكون ضورة قصوي و لا
مفر منه....لكن ليس علي حساب الكرامة
ولا يكون امتهانا لها...

تحياتي و تقديري....كان معك من دبي الجميلة الربان.

appy said...

اخى العزيز/الطائر الحزين

حكيم كوكبى المتواضع مش قولنا مفيش حجز بس هفوتها علشان انت من الفيكونات الرئيسيه فى الكوكب
ومع حضرتك فى كلامك انما الشباب اللى بتستسهل عارف انا ليه بقول كده كمان لانى تقريبا بابا عاش عمرة مسافر لك ان تتخيل مدى المشاكل على الرغم من انه حنين جدا وطيب بس الفجوة اللى ساعات ببتوجد بس الحمد لله عرفنا نتخطاها
نورت الكوكب كله يا حكيمنا





كامى

حبيبه قلبى الجوانى يا فوندامى مستنيه ومش عاوزاكى تزعلى من الموضوع ده انا عارفه انتى قد ايه حساسه بس الناس لازم تفهم وتتعلم منك يا احلى زهرة كاميليا
يا احلى كامى فوندامى فى العالم كله

رئيس جمهوريه نفسى said...

الغاليه ابى
بصى بما انك مجربه شعور الغربه بره مصر فا اهل مكه ادره بشعابها
انا مجربتش السفر به مصر بس ليه محاولات والبعض منها مستمر ان كتب له النجاح حسافر مكتبش ليها النجاح انا مرتب امورى على الباء ابد الدهر هنا مش كل الى بيسافر عايز فلوس بس فى الى بيسافر لطموحه زى علماء مصر يعنى فاروق الباز لو مهاجرش مكنش بقى فاروق الباز وزويل نفس الحكايه
انا مش ضد السفر انا ضد الى بيسافر وما بيرجعش تانى
فلحوسه : 50% من العلماء الى كملوا درستهم فى امريكا مرجعوش بلدهم واستقرو هناك احسبى كام واحد مصرى منهم انا ضد انى دكتور مجدى يعقوب يبقى بره مصر هو والباز وزويل والناس دى مصر اولى بيهم
موضوع الالات الحابه يا ابى خلاص بح شحت من السوق ومحدش لاقيها

appy said...

A7med3bdelfta7



ههههههههه طيب والله والمسقعه كانت بتوحشنى انا كمان والله بلدى وبيتى مفيش احسن منهم ربنا يهدى وبلدنا تبقى كويسه بينا
نورت يا احمد الكوكب



الربان

المغترب فى دبى ارجع بلدك شوفت كلامك مظبوط جدا انا بتكلم على اللى بيسفروا ومش عاوزين يرجعوا ولا يزروها
والله واحد قالى انا قرفان منها ومش بحبها وعاوز اغور منها عملت له بلوك على النت ومش بكلمه هههههههه حسيت انه بيشتم كل المصرين بما فيهم انا
بس سيبك مصر احلى من دبى هههههههه نورت

عبدٌ من عباد الله said...

بالرغم من كل ما فيها
بلدنا احسن من غيرها

لانها بلدنا

و نصيحة بلاش غربة
خسائرها أكتر بكتير من خيرها

haitham said...
This comment has been removed by the author.
وجهة نظري said...

مش عارف لية شكلك عايزة تاخدي تمن الخروف إلي إنت بعتهولي ضرب؟

شوفي يا ستي،بالنسبة ليا ولا أي حاجة في بلاد الغربة تساوي لحظة من لحظات مصر، ومهم طالت سنين الغربة عمرنا ولا حنحس إحساسهم ولا حننسي إحساسنا، حتي لو كانت الغربة في بلد عربي بيتكلم لغتنا ويؤمن بدينا

يا بنتي كفاية ريحة مصر، يقولولك معفنة، آآة بموت في عفنها....كفاية هرجلة الشوارع إلي مبتنامش 24 ساعة.... بموت في هرجلتها، بموت في جوها بموت اتمشي في الشوارع وعمارتها القديمة، سحر وتاريخ محدش عندة زية، ولا عمر ما حد حيبقي عندة زيه.... كل واحد بيعملوا تاريخ 100 سنة، إحنا أقل تاربخ 1000

كفاية القلعة والحسين، كفاية طريق مصر إسكندرية الصحراوي وريحة البحر لما أوصل إسكندرية والا واحة عمر والفطير المشلتت

كفاية التاكسيات الأبيض وإسود، وكفاية الأصفر وإسود

كفاية سان إستيفانو، والعصافرة والمنتزة والمعمورة

كفاية شبرا والمهندسين ومصر الجديدة ومصر القديمة

كفاية المولات وزحمت المصريين علي الأكل

كفاية الطرق الزراعية والصعيد وأسوان ولقصر

كفاية بورسعيد والقناة

كفاية النفق وشرم الشيخ وسحر جبالها طول الطريق

كفاية الأهلي والزمالك والكافيهات لما تلاقي كل الناس بتتفرج علي المتشات، والا ريحة الشيشة مع إني مبشربهاش

كفاية أم كلثوم وهيا بتغني، عبد الوهاب وهوا بيخلي الناس تسهم، عبد الحليم وهوا بيفرح الناس، فريد الأطرش وهوا بيشممك فصول السنة بصوتة

كفاية الأفلام المصري والا فيلم ابيض وإسود لإسماعيل ياسين والا استفان رستم والا محمود المليجي وغيرهم

حتي إلي بيحصل وطوابير العيش وإضرابات المحلة والأحزاب والحكومة إلي بندعي عليها ليل نهار، وحكم فوق الـ25 سنة، والميكروباصات إلي بتكسر علينا ليل نهار، والشوارع المكسرة، والعمارات إلي بتقع، والعبارات إلي بتغرق، والناس إلي بتدبح حمير وكلاب علشان يساعدوا الغلابة من فقراء مصر.... هيا دي مصر يا عبلة، تناقضات من الشمال لليمين ومن فوق لتحت... هيا دي مصر إلي بنحبها وبنموت فيها

ولا حاجة من الكلام دا حتحسية في الغربة، ولو عيشتي هناك 100 سنة، ولا عمرك حتحسي بأحسن من كدة، حاجة بتنطبع في قلبك لما تتولدي ومافيش حاجة تمسحها

بعد كل دا، كل واحد وظروفة بتخلية يضحي بحياتة علشان حاجة تانية او ظروف اقوي، بس مش ممكن إحساس أحسن، وكل واحد نفسة يعيش في مصر ومايسبهاش أيدا، بس إية إلي رماك علي المر قالك إلي أمر منة

بالنسبالي مثلا مكانش الموضوع موضوع فلوس خالص، أنا كنت عايش مرتاح وبدل العربية خمسة، وفيلا وشالية في كذا مصيف، والمصحف الشريف كلة من الحلال، ولا عمر أبويا خد رشوة، وقعدوة في بيتة لما قال للوزير "مش حيحصل طول مانا شغال هنا"، تاني يوم بالظبط كان بالجلابية قدام التليفزيون هوا والدكتوراة بتاعتة، وأنا إشتغلت من غير واسطة، ولمدة 25 سنة حاربت المستحيل وذاكرت بدل المرة 10، وعلمت نفسي بدل بكالريوسي 3 أو أربع حاجات تانية، مجهود ذاتي، وافتخر إني نفعت مجتمعي بإلي عملته، وحاولت أصلح واساعد الدايرة المحيطة بيا علي قد ما اقدر

ظروف تانية خليتني اهرب،.... ظروف مختلفة عن قهر الفلوس، خليتني أهرب لقرية صغيرة في مقاطعة صغيرة في بلد صغيرة، ولا فيها مولات ولا فيها مطاعم وجبات سريعة، ولا فيها ريحة مصر... لما تحبي تشتري تي شيرت قطن يكمل الصيف مثلا لازم تسافري 100 كيلو.... عالم لسة عايشين في القرن الماضي، أنا بالنسبالهم جاي من الفضاء

منك للة، خليتيني أبكي بجد

ولا لحظة من لحظات مصر.... عارفة أغنية: بحبك وحشتيني، بحبك وإنتي نور عيني، دا وإنتي مطلعة عيني بحبك موت ..... مين إختار غربتة بإيدية....مش ممكن تحسيها غير لما تسيبي مصر

بحبك موت يا مصر، بجد بحبك

عايزة حاجة تانية؟؟

haitham said...

ياه انا اتقدمت قوى

تحية من القلب ليكى ابى لان الموضوع ده هايل وفيه اكتر من رأى وخصوصا مع الظروف الاقتصادية الهباب اللى احنا فيها

يعنى في الصعيد على اختلاف القاهرة ومحافظات وجه بحرى . بمعنى ان القاهرة الكبرى فيها الكثير من فرص العمل وكذلك محافظات وجه بحرى لكن فى الصعيد فى محدودية لفرص العمل نظرا لقلة وجود القطاع الخاص والانشاءات الصناعية ولكن مع ذلك توجد فرص عمل داخل مصر سواء فى القاهرة او الغردقة او شرم وبقية المدن السياحية .
الموضوع لسه فيه كلام كتير

وجهة نظري said...

حتة نسيتها معلش والنبي سيبيني أفضفض هههه

عارفة مشكلة الأكل عندي مش موجودة، ربنا أنعم عليا بزوجة بجد نعمة، زي ما بيتقال عن الزوجات في الإسلام، واللو بالظبط زي ما الرسول علية الصلاة والسلام وصي.... بتعمل عجينة طعمية ولا أجدع طعمجي.... مسقعةن ممكن أتحدي بيها في مسايقات رسمية.... وزرعنا ملوخية وفول، مش عايز أحكيلكو

المحشي وخصوصا محشي الكرنب ببقي ممكن أضربلي حلتين في المرة

دا بس موضوع عابر، إصلي جعان وشكلي حروح البيت وأسيب العمال يلموا البصل والثوم

والا أنا شكلي كبرت في السن وبقيت أرغي، واللة مانا عارف ههههه

appy said...

رئيس جمهوريه نفسى

عارف يا محمود انت مش ناوى تجيبها على جنب معايا شكلى فعلا هسلمك ههههههههخخخخخخخخ بجد انت غاوى تناهد فى قلبى وتوجعه معاك هدنه بقى يا راجل انت زى الشريك ولا الشريك المتخالف ده
انا معنديش مشكله فى اللى يسافر بكرامته ويرجع بيها مش يهاجر على طول ولا يرمى نفسه فى احضان غيرة
بس زويل وغيره مكنش لطموح الفلوس امممممممم احتمال مش عاوزة اظلم بس المفروض علمهم يرجع لبلدهم ومش اسمع واحد يقولى اصل بلدهم مش بتقدرهم يا سلام امال علمتهم مجانى ليه وعملت كتير ليهم المهم هما شرف لينا بس يرجعوا تانى وميسبوش نفسهم وعلمهم لغيرنا ينتفع بيه
ورفعت الجلسه وحكمنا على رئيس جمهورية نفسى بالحبس وسط الخرفان تلات اياك ياكلهم ويحميهم
ههههههههههخخخخخخخخخخخخخخخ







عبد من عباد الله

ربنا يكرمك يا رب هو ده الشباب ربنا يهدى واللى بيسعى بجد وبجهد ربنا بيقويه فعلا والرزق مكتوب فى اى مكان مش هتأخد اكتر منه
نورت الكوكب

appy said...

وجهه نظرى

الله عليك وعلى كلام عارف انا حطيت لك الاغنيه مخصوص واهداء كبير ومش عاوزة تمن خروف ولا معزة ولك انت والمدام عزومه عند اختك لما ترجع ايه رايك بس هى اللى تعمل المسقعه ونستغلها واسفه اذا كنت بكيت بسببى
بس بجد مش اقصد اضايق حد انا نفسى الناس تفوق بس انا كنت بموت لما ببعد عنها شويه قلبى بيوجعنى لما حد بيقولى انا عاوز اغور منها وبكرهها يا ريت النا تفهم بقى سافر بس مش يبقى دى هو تركيزك كله مش تغامر بحياتك فى البحر وتروح تتبهدل وتقول فلوس تسوى ايه الفلوس قدام كرامتك
بجد مصر فيها الوحش بس احنا اللى مخلينها فيها زباله احنا اللى مبوظين مرافقها باهمالنا والله
بجد مش عارفه اقولك ايه يسلم ايديك وقلبك وعقلك وكيبوردك اللى كتبوا
بس متسبش الشغل بقى وتروح تأكل وربنا يحميك ويحمى زوجتك وعاوزة كلب صغير وانت جاى عينى فيهم بقولك اهو

نورت الكوكب وتنور مصر كلها




هيثم
ما هو ده من سوء تخطيط الحكومه الهطله بتاعتنا يعنى لو توجهه شويه مشاريع للصعيد مكنش بتوع الصعيد او وجهه قبلى جم هنا صح ولا ايه
يعنى لو ظبطوها ودخلوا مرافق وعملوا مصانع هيخفوا المهاجرين للقاهرة وكمان يشغلوا اللى عندكم وانا عارفه ان فيه مساحات كتير جدا يعنى فى النهايه سوء تخطيط حكومه ملهيه على عينها الله يحرقهم بس مش نسيب مصر خالص يا هيثم ونكرهها
نورت يا متقدم هههههههه

فراشة said...

ياسولام على الكولام ده ايه الهكم دى يابوت يا ابي
انا قلبت نوبي ليه كده
ام هند بصي يا بنتى عندك حق مليون الميه محدش هيقدر يفتح بقه معاكي النهارده
يالله بقي ضيعتى عليه فرصه التغليس عليكي اهوه اتكتمت خالص
بس برضه نفسي اسافر والف الدنيا وياسلام لو رحت ايطاليا بس عن طريق الجو مش البحر
ياسلام يابت يا ابي على السفر بس للفسحة مش للهجرة عشان متزعليش

بس عارفه لو الواحد خلاص ملهوش حد في البلد دى انا افضل اخد نفسي كده واعيش في اي حته في العالم
زى فيلم ورده كده ليالينا ليالينا ودارت بينا ليالينا .......

اه بمناسبة انك بقيتى سفيرة ممكن تبقي تدينى تأشيرة لبره
برضه هسافر
هاهاها هاه اوفر اوى

" وش بيطلع لسانه "

بنت مصريه said...

سافرى يا سباى بس
اركبى الطياره
اوعى تركبى العباره
والا هتروحى للاخره اعاره
هههههههههه
بعد الشر انا بهزر اتمنى تنورينى فى مدونتى

خايف من الحقيقة said...

ملكه الكواكب كلها:
الموضوع فعلا مهم
اول نقطة ان التعميم ابدا لا يصح هنا
ثانيا مش كل متغرب مبيحبش بلده ولا كل اللي فيها بيحبها
موضوع الحب والاخلاص للبلد
موضوع مش دايما مرتبط ارتباط شرطي بالغربه


نيجي لتجربتي الشخصيه وانا في الغربة:
اولا انا كنت ولا زلت بشتغل في مكان مهم جدا ومحترم جدا في مصر فرض عليا مستوى معيشه معين وكمان فرض عليا معارك طويله وقاسيه ضد فساد وافساد كتيييير
ووالدي والحمد لله رباني وعلمني وعرفني ديني كويس جدا و لما اتخرجت منحني تلت حاجات
عربية وشقة وتكاليف الزواج
طيب ايه مشكلتي
اتغربت ليه!!!!
عارفه انا اتغربت منها عشان بحبها ومش قادر اكمل فيها صح زي زمان
قلت اخد هدنه محارب واستريح من المعارك واجيب شويه اسلحة جديدة( فلوس على علم على تكنولوجيا على معرفة اضافية والحاجات دي تخليني احارب احسن وافضل واربي ولادي زي ما انا عايز وللاسف مش متاحين ليا انا في مصر حاليا ) وارجع

بس من يوم ما غيبت وان كل يوم بحلم بيوم الرجوع ولحظة اللقاء
بحلم بنسمة هوا من بحر بورسعيد
بحلم بشوية سمك
بحلم ابوس ايد امي واكل حله محشي كامله من ايديها
بحلم اسند ابويا واحنا نازلين نصلي الفجر
بحلم اتخانق مع اخويا لما يسرق عربيتي
بحلم احضن اختي الغيره
بحلم ارجع عايش تاني

بس عشان اعيش تاني لازم استحمل
واكمل طريق بديته

هنا بقى في الغربه انا مش مقتنع ان فيه مخلوق يقدر ميحترمنيش انا اللي بفرض احترامي
واللي مش هيحترمني ما لوش عندي غير ولا بلاش
انا طولت بس انتي السبب
صدقيني انا في الغربة بس عايش في مصر اكتر من اللي جواها

واسمعي شيرين وهيا بتقول**:
يمكن ناسي لانك فيها مش وحشاك ولا عيبت عليها بس اللي اتغرب وفايتها قال ف الدنيا مفيش بعديها
سامحيني طولت

و شكرررررا

WhItE HeArT said...

عايز اقول لك اني تقريبا عشت حياتي كلها بره مصر وكنت متخيل مصر دي جنة الله في ارضه لكن بجد مليش نفس اعيش فيها ولو جتلي ربع فرصه بعد مااترخج اني امشي واسيبها همشي واسيبها مش لإني بكرهها والله يعلم اد ايه حب مصر بالنسبالي لكن لإن الناس اللي فيها مش ناسها واللي ماسكنها مش منها مش قادر اساعدها ومش قادر اعيش فيها

انتي عارفه حاجة ظريفه اوي من يومين كنت بلعب كورة في الكلية اصل الحمد لله الدكتورة لغت المحاضرة جزاها الله خير ورحت العب كورة "صياعه بأه والصياعه أدب" والحمد لله واحد من اللي بيلعبو ضربني بركبته في دماغي من ورا فطبيعي اغمى عليا وجسمي قعد يتنفض وعملت قلق يعني الاسعاف علشان تيجي من ظهر الكلية خدت نص ساعه وعربية الاسعاق ومستشفى الكلبة لازقة في سور هندسة خدت نص ساعه دي لو في بلد محترمه كان زمان وزير الصحة بأه بيتسول في الشارع

انا بصراحه وبقولها بكل امانه لو اتيحت لي الفرصه اني امشي واسيب مصر مؤقتاً لحد مااقدر اعيش فيها هسيبها

الاختلاف في وجهات النظر لا يفسد في الملوخيه الشهقة

موضوعك جميل

وآسف على الاطاله

آه وبالمناسبه مع سؤال كاميليا خدي السؤال ده

ازاي لو انتي ولد ومتخرجه من كلية محترمه ومش لاقيه شغل هتعيشي في البلد دي ؟
ومتقوليليش هشتغل شوفير وله طباخ في مطعم ولا الكلام اللي لا يودي ولا يجيب ده

تحياتي

klmat said...

شوفى يا ابى اغلبنا مش عايز يتغرب
لكنها ضروره احيانا يعنى لو شاب خريج
جديد وبيحب وعايز يتجوز ممكن يلاقى شغل
يدوبك يكفيه اكل وشرب ان كفى منين حايجيب شقه ومهر و..
احيانا السفر بيكون حل المهم
انه يسافر على اساس وجود فرصه له
وبكده بيوفر لغيره فرصه فى مصر
المشكله اننا بنستورد كل حاجه وبنسمع
عن مصانع وهميه
وحاجه تانيه لو حد زى زويل ومجدى يعقوب
وكل منهم وطنى وبيحب بلده لو استمر
فى مصر كان وضعهم يبقى ايه
انا اتغربت وكان نفسى ارجع بلدى اوى
لكن كان ضروره فى بدايه حياتى
علشان انا وزوجى عملنا كل حاجه بدءا
من الصفر ولما جبنا الشقه ومحتوياتها
قدرنا نفكر نرجع ونشتغل اسعار السكن
خياليه بالنسبه للشاب الا اذا ساعدوه اهله ورغم كده بلدنا جميله واهلها يشرفواشوفى اسراء عبد الفتاح المشكله فى
القيادات الفاسده وتوحشها والموضوع كبير كبييييير...
ملحوسه انا بحب مدونتك جدااااااا
خالص حبى وتقديرى

appy said...

فراشه

بعينك ولا اعبرك ولا اسيبك تطيرى برة هنا انما لو سياحه وترجعى موافقه خدى كل التأشيرات اللى فى الكوكب ههههههههههه
شوفتى لياليكم ليالكم
حصل لها ايه فى الغربه يا قله انتى ههههههههههههه تستاهلى لو روحتى اقعدى واتهدى هنا جنبى
نورتى الكوكب





بنت مصريه

نورتى الكوكب وشرفتينى وان شاء الله نردها لكى ههههههههههه

Wish I were a Butterfly ... said...

أولا: عايزة أقوللك إني كنت فرحانة أوي و أنا بقرأ الكلام دة لسببين..أولهم إنه كلام جمييييل :) و من قلبك أوي، و تاني حاجة لأن أنا لي نفس رأيك في كل كلمة قلتيها، والحقيقة كتبت عنه من شهرين وكان عنوان البوست "مشربتش من نيلها؟؟طب و بعدين؟؟؟" و فعلا كنت قاصداها كدة!! إزاي بيقدروا يسيبوها مش عارفة، وإزاي يحسوا بطعم أي حاجة-حتى لو كانت الفلوس كتيييرة- لو هم في الغربة؟؟بجد مش عارفة خالص
بس أنا "كنت" فرحانة وأنا بقرأ، وبعدين وجعتيني أوي في الآخر بكلام..للأسف صح. بابايا من الناس اللي مش في مصر حتى الآن..أيوة حاول يستقر هنا وفشل لأن الدنيا صعبة لماتكوني متعودة على بلد تانية بقالك عشرات السنين ،بس... عارفة لما كل شوية تفكري هو ممكن ييجي إمتى؟؟ لما أكون خلاص هتجوز وبكدة مش يشوفني ولايحس بي طول عمره؟ولا لمايبقى عيان أوي بعدالشر ويفكر يقضي بقية حياته في حضن أهله؟؟ بجد وجعتيني بس عندك حق

عمري ماكنت مع الغربة حتى لو فيها مصلحة..أيوة ممكن سنتين تلاتة لكن مش أقضي حياتي بعيدعن بلدي. تفتكري لو كلنا سافرنا هنسيب بلدنا لمين؟؟؟
آسفة جدااا على الإطالة. مش هعملها تاني والله :$. بس إنت جيتي ع الجرح جامد
تقبلي مروري على كوكبك الجميل :)

appy said...

خايف من الحقيقة

اخى العزيز

انا مش بعمم فى كل الحالات والله يعنى اللى يروح ويرجع ماشى ويكون صاين كرامته ماشى انما مش هتحمل كرهه حد ليها
شوفت انت قولت اخد هدنه مش تسيبها للنهايه مع انى ضد ده لازم كنت تبقى قوى بس
ان شاء الله ترجع تانى وتنورها انا حبيت الكل يكتب عن تجربته يمكن الشباب يفكر مصر محتاجه لينا كتيرررررررررر

عارف ليه فيه ناس مش بتحترمنا لاننا يا بنسافر غلط يا بنهين نفسنا بجد

انا حسه بأغلبيه اللى بيسافروا وبيحبوها حتى اللى بيسبها ويسافر وهو مضايق هيرجع ليها وهو حببها
نورت ومتنساش لينا عندك عزومه وانت راجع هنا بالسلامه ومش هتنازل عن حقى انا بقولك اهو
نورت الكوكب






WhItE HeArT


عشت قد ايه انت عمرك تقريبا 19سنه
بس انا بشوف مصر جنه الله رغم بعض القصور اللى فيها وعلى فكرة لو هى وحشه يبقى احنا السبب الزباله احنا اللى بنرميها الطرق احنا بنبوظها حتى الجانين احنا بنرمى فيها بلاوينا
وكفايه اسمها فى القرآن

لو حد عمل فيك جميل وعلمك وكبرك هتسيبه وتمشى يبقى انت ايه هااااااااا دى هى اللى علمتك عارف علشان تفكيرك كده ونكران لجميل عمله فيك ناس كتير يبقى خلاص هى كمان هتديك ضهرها

حب مصر مش بالكلام بالفعل عملت لها ايه دافعت عن حقوق فيها ازاى
ناسها هما اهلك واهلى اصحابك واصحابى جيرانك وجيرانى حبيبتك وحبيبى اختك واختى

بلدنا محترمه بينا وبأخلاقنا ومتكبرهاش قوى كده اسال اللى بره لما واحد بيقع فى الشارع وبيموت على رصيف محدش بيعبره انما انت هنا لاقى اللى يشيلك ويطلب لك الاسعاف ابقى اتفرج على الحوادث وانت تعرف على الطرق وشوف الناس عامله ازاى انا سفرت تركيا ولو واحد وقع فى الشارع محدش بيسنده لو واحد بيعدى الطريق محدش بيعبره واستغربوا لما انا عملت كده

ميرسى لمجاملتك اجابتى على سؤالك انا بنت وبشتغل من وانا فى الكليه ههههههههه مش لما اتخرجت انا اتخرجت من بدرى وبشتغل من وانا فى سنه اولى

كنت سكرتاريه بعيد عن تخصصى اصلا بس اشتغلت مش علشان فلوس بس علشان ابقى انا الحمد لله بابا كان معيشنا كويس جدا وعلشان انا عانيت من غربته شويه فبكرهه اى بلد غير بلدى
ومش زعلانه منك والله دى وجهه نظر نورت يا صاحب القلب الابيض

بحبك يامصر said...

اببى
اما حتة بوست
وكمان الناس خلصوا الكلام فى التعليقات
انا مش عارف اللى بيقدروا يبعدوا عن مصر على طول بيقدروا ازاى مش متخيلها
احنا بنحب مصر بكل مشاكلها حلوها ومرها زى ما بيقولوا
بصراحه مش لاقى كلام اقوله بعد الاستاذ وجهة نظر ما حكى واستفاض الراجل قال كل حاجه
تحياتى ليكى وللكوكب بتاعك

appy said...

klmat

حبيبتى بجد بفرح لما اشوفك هنا قوى

مش مختلفه معاكى بس ممكن يعمل مشروع فيه حاجات كتير قوى طيب لو حتى سافر سنه ورجع انما مش يروح سنين انا بشوف حاجات تفقع المررارة واحد صديقى مسافر سته شهور ورجع بيجدد رخصه عربيته هنا يقولى اصل عندنا فى قطر انا اتخضيت عندكم انت خلاص نسيت مصر وبعيد عنك الرشاش اللى فى لسانى اتفتح ههههههههه واديته ليه علشان يفوق وده اكتر حاجه بتغيظنى وناس تروح وترجع تتكلم بلغه الفلوس ايه الجهل ده مش عارفه
شوفتى انتى رجعتى زويل المفروض وغيره يرجعوا نميتوا حاجه تعالوا انفعوا اولاد بلدكم بيها مش تبقوا انانيين ولا انا غلطانه
ميرسى لرقتك وجمال كلامك ده شرف ليا بجد





Wish I were a Butterfly ...

يااهلا الناس اللى بتزود كوكبى فراشه كمان
كويس قوى انك فرحانه وانى قدرت افرحك بجد
يا حبيبتى هيجى وهيقعد بجد زى بابا كده وعارفه انا اقرب واحده لبابا فى اخواتى وده كمان بما انى الكبيرة الهبله هههههههه وهيفرح بيكى كمان وهتعزمينى ازفك ببطوط صح
عارفه لو سافرنا هنسبها للحراميه اللى عاوزين كده
وبعدين يا فراشه الكوكب طولى براحتك
ده نورك هنا وهناك كمان

الشنكوتي الكبير said...

بصي يا بنت يا ابي
انا كنت بعزك وبقول دماغ لكن تقولولي بقى ترابها ومش عارف ايه
والسفر وحش والشغل هنا جميل
شكلي هاخبطك بكوز فيكوني اشتقاقي من تلحوسية الأراضي الشنكوتيه وده سلاح لا يصنع الا في الأراضي الشنكوتيه وهو خطر جدا وبيسبب اسهال ودموع وجوع ولخبطه في المواعيد ونعكشه في الشعر ووساخه في الضوافر واحه خطر جدا وحرمتة دول اعالم المستحضر

المهم يعني
جايز الغربه صعبه
وجايز بنشتغل زي العبيد
وجايز ممكن يتسرق حقنا ويضيع علينا شقانا
وممكن برده نروح فطيس بدون ذنب
واحتمال برده نحس بالخوف لوحدنا
ويمكن يعني بقول يمكن نكره نفسنا بعد ما بعنا هلنا كلهم علشان جنيه زياده
لكن ايه يعني
المميزات كتير
فرجه على السياح والأجانب طول الوقت
ولو بلد عربي فرجه على المليونيرات طول الوقت ونمصمص شفايفنا
وبرده بنتعلم نظام غذائي جديد علشان نعرف نحوش تاكل مره في الأسبوع بس
وياسلام بقى على الحرف الجميله اللي بناخد خبره فيها
كنس مسح طبيخ غسيل
نفاق سفاله وحاجات جميله كتير
ايه بقى اللي يخليني اسيب المتع دي كلها واقعد هنا في بلدي

------------------

حتى لو البلد دي زباله برده هي بلدنا
يعني اللي بيتهان في بلده هيتكرم براها
لازم نترزع هنا ونعمل حاجه اما لهنجيب ناس من بره تعمل لنا يعني
ادينا قاعدين هم يحاربونا واحنا نحاربهم لحد ما حد فينا روحه تطلع ويستريح

مش نسيبها ونروح نبيع نفسنا بره

سلاااااااااااااااااااااااام

الشنكوتي الكبير said...

استني اسالك بقى انا كمان بالمره

حد من والديكي عايش بره مصر
انتي بتشتغلي ولا قاعده في البيت


فكرتي تشربي سجاير
سؤال عبيط بس دايما بيسألوه في المواقف دي من باب الغاتاته يعني

سلااااااااااااااااام

appy said...

بحبك يا مصر

كفايه اسمك رد على اللى جواك بجد سعيده بيك وبحبك وتمسكك بيها نورت يا قمر ووجهه نظرى شخص محترم ولا يقال بعد كلامه اى حاجه




الشنكوتى الكبير

اللى مش شنكوتى خالص شكلك كده ناوى على حرب هات اللى عندك واللى عندى ونشوف بقى مين هيقدر انا عندى ققل وزرير كلاشينكوفى ومسدس ميه وارد الموسكى مقولكش وحتى لونه تحفه ههههههههه
المهم يا خوبه هنفضل فيها بجد انا بحب ناسها الجدعان والرخمين بس اللى بيقبلوا الكلام واللى تقعد تناهد فيهم بحب الاولاد اللى بتلعب والعب معاهم فى الشارع ولما اطلع بره البيت اشترى حاجهيجروا يقولوا ليه انتىعاوزة حاجه يا طنط بحب اصحابى اللى بدافع عنهم من غير ما اعرفهم ولا شوفتهم وبحب اصحابى اللى بيدافعوا عنى
بس بضايق من التراب لما بيجى على وشى ههههههههههه وهنفضل على قلبهم برضه
اسئلتك اجابتها كانت فى البوست بابا كان بره ورجع
وانا بشتغل من وانا فى اولى كليه ومش بحب السجاير يعععععععع على فكرة بقالى تسع سنين بشتغل وهتب الكلام ده فى البوست الجديد
نورتنى يا احلى واد شنكوتى نتاوى

Tamer Nabil said...

الانسان مهما سافر ومهما شاف بلاد تانية ما يقدرشى ينسى ولا يبعد عن الوطن بلدة الام

ممكن استقر فى بلد تانى عشان شغل وخلافة لكن تظل بلدى على الخاطر وفى القلب

تحياتى

Ahmed Samy said...

سيدتي,
مش كل اللي بيسافر بيكون عشان الفلوس وحتي لو عشان الفلوس فدا حق مشروع إذا كانت أبواب الرزق مقفولة في مصر.
رغم كل الحنين لمصر وأنتي في الغربة بس عن تجربة شخصية و عن ردود أفعال ناس كتير اتعرفت عليهم في الغربة مش بيقدروا يكملوا اجازتهم في مصر من اللي بيشوفوه.
سيدتي دا مش هروب من البلد لاكن لحسن حظ نااااس كتير وأنا منهم إن سبب تفوقهم عن نظرائهم (مش بتكلم مادياً) هو عملهم خارج مصر في بيئة محترمة.
للعلم انا رجعت مصر حالياً بس لو مكنتش متأكد إني لما أرجع هاقدر أعيش في مستوي معقول مكنتش فكرت إني أرجع لاكن المشكلة الأساسية عند شبااااب كتير إنه أصلاً مش قادر يعيش في مصر مش موضوع مستوي معقول او خلافه ودا بيخليه نفسه يسيب البلد بأي طريقة.

تحياتي.
مغترب سابق :)

Anonymous said...

العزيزه لواء امين شرطه شاويش ابى
نتيجه لرفمتة الكمبيوتر وتنزيل زيندوز من جديد ضاعت كل المعلومات ومنها عناوين البريد اللألكترونى ولذلك ليس امامى الا هذه الوسيله لأبلاغك اننا سنذيع بوست قواعد المرور اما الخميس او السبت فتابعينا ولك كل المنيات الطيبه
برنامج انت تسال والكمبيوتر يجيب
يوميا على أذاعة البرنامج العامالساعه التاسعه وعشر دقائق صباحا عدا الجمعه
موجة اف ام 107 وسته من عشره
او من موقعنا
http://dear.to cairo

كاميليا said...

وعودة مرة اخرى للتعليق

أنا فكرت وقولت هاتكلم بشكل عام عن الغربة

طبعا هناك فرق كبير بين الغربة فى بلد عربى والغربة فى بلد أجنبى

فى البلد العربى .. كلنا نعلم .. كيف يُعامل العاملين المصريين على مختلف تخصصاتهم
وقرأنا كثيراً عن ماحدث لبعض العاملين المصريين فى الاردن، وكذلك العراق قبل الغزو، وليبيا وغيرها من الدول هذا من جانب، ومن جانب آخر نجد ان التعامل بين المصرى والمصرى فى الغربة شئ فى منتهى الغرابة ايضا واعتقد اننا لانحتاج شرح لهذه النقطة لاننا نسمع كثيرا من العائدين من الدول العربية عن مايحدث بين المصريين وبعضهم هناك، وفى عودة للنقطة الاولى وهى تعامل جهات العمل مع العاملين المصريين وودت ان اوضح ان السبب فى ذلك سفاراتنا وقنصلياتنا فى تلك البلاد ، وهى للأسف تؤثر مصلحة العلاقات الدولية!!!! على العلاقات الانسانية البشرية الآدمية!! والحمد لله على مصيبتنا فى ذلك.
أما عن مشاعر الغربة وهى لا تختلف من بلد عربى عن بلد اجنبى، فهى مشاعر غاية فى الألم، وحدة ، ووحشة، وحنين دائم لكل قطعة فى بيتك وشارعك حتى هواء بلدك الذى رغم تلوثه إلا انه يملأ رئتيك أمان.
لا اظننى قابلت مغترب يستطيع النوم ملئ عينيه ،، وكلنا لا يعرف السبب.

بس كده علشان هادخل على حالتى انا فى الغربة
(:

تحياتى لاجمل آآبى

فاتيما said...

انتى بتغيظى ناس كتير على فكرة بموضوع الهجرة دا ؟
ناس كتير ممكن تدفعلك فلوس و تباصلهم الأوراق
بصى انا تهيالى ان الهجرة أو السفر موش سببها مادى فقط ...
مكنن السبب ان الحالى واقف ...
والدى سافر الخليج و خدنا معاه فى أوائل التمانينات عشان كان من الصحفيين اللى كانوا شاغلين فى الرئاسة أيام السادات ...
لما جم الناس الجداد بعد موته ...
بابا و اللى كانو معاه راحو وجم ناس جداد و ابتدوا يزنقوا عليه ..
و هوه الصراحة كان أليط قوى و كرامته على طرطوفة مناخيره ..
جاتله فرصة فى الخليج و استثمرها لأنه لو كان قعد كان هيتعب قوى
بس الناس الحقيقة عاملوه بإحترام و مكنوش عاوزينه يمشى ...
بس بابا حسبها صح ...
رجعنا بعد اربع سنين عشان أخويا خد الثانوية العامة و لازم يدخل الجامعة ...
ناس هناك نصحته يبعت أخويا لوحده
و نخلينا قاعدين احنا
بابا قال لأ
أسيب شاب لوحده ليه؟
كان أيامها منتشرة المخدرات و هى الموضة و بابا وماما خافوا عليه و قالوا الفلوس هتنفعنا فى إيه لو جراله حاجة
مع ان الواد اخويا دا اخلاق قوى
بس هما علمونى درس من غير ما يحسوا
ان الواحد دايما يخاف على ابنه مهما كان
و يكون جنبه
يعنى يا بيبى موش كل غربة بتغير الواحد قوى ممكن تغيره للأحسن
و تفيده
و تدى سمعة للمصريين كويسة
تحياتى يا حبيبتى

walaa said...

ازيك يا اابى عامله ايه
بصى بقه معاك حق ان الفربه وحشه وبتاخد من الانسان اجمل سنين عمره غربه وبعاد عن الاهل والاحباب اكييد طبعا بتبقى صعبه بس قوليلى الشباب الغلبان ده يكون نفسه ازاى
ازاى يجيب شقه علشان بس يتجوز فيها
عارفه انا اخوايا مسافر بره وهو ماشى يوم السفر بيعيط عياط انا بابا لما مات معيتش كده
بس هيعمل ايه شاب لحد دلوقتى متجوزيش
صدقنى بيبقى مضطر ولو يلاقى الفرصه دى عمره ما هيطلع بره
عندك حق سافروا وسبوها للحراميه
عارفه ايه الحل اللى احنا نخلص البلد من شوية الحراميه ونبنيها من اول وجديد
تحياتى ولاء

Abo 7anf said...

السلام عليكم
السفيره ابى اما بعد
بصى معنى خايف اقول
ولا هقول وامرى لله
يعنى هتحبس
اهو انا فى كليه طب
والمفروض اننا بنتخرج بنلاقى تكليف الحكومه ال الحمد لله بيشغلنا اينعم مبيكلش عيش بس اه
تقريبا نص الدفعه الاكبرمنى والاكبر منها
بيدوروا على عقود عمل قبل الامتياز
لانهم لو بالتكليف فى مصر مش هيعيشوا ودول المفروض انهم دكاتره يعنى احسن من غيرهم
هما مش بيبعوا البلد ولا بيسبوها
عايزين يعيشوا
انا معاكى ان فى مصر فى شغل بس مش هيعرفوا يشوفوا مسقبلهم مش يكونوه

Abo 7anf said...

صحيح انا كنت بعرض وجهه نظر
انا عن نفسى قاعد فيها
بس صدقينى هما كمان غلابه
وبصراحه عايزين يجوزوا
لانهم ب 250 جنيه بعد الخصومات
ولو مفيش بابا وماما قليلى هيعيشوا ازاى

الطائر الحزين said...

مش هحجز بعد كدة

يا ترى من الذى يستحق أن يحكم
الأقل خطأ أم الاوسع علم

(للغد)

بطوط حبوب said...

وجع الضرس؟؟
اشمعنى ده الى اخترتيه
انا حاسس انك منطهدانى
اشمعنى انا
بطوط واسنان؟؟

المهم بجد بوستك هايل وابسط دليل عليه ربنا قال لبنى اسرائيل

اعوذ بالله من الشيطان الرجيم
وَلَوْ أَنَّا كَتَبْنَا عَلَيْهِمْ أَنِ اقْتُلُوا أَنْفُسَكُمْ أَوِ اخْرُجُوا مِنْ دِيَارِكُمْ مَا فَعَلُوهُ إِلَّا قَلِيلٌ مِنْهُمْ وَلَوْ أَنَّهُمْ فَعَلُوا مَا يُوعَظُونَ بِهِ لَكَانَ خَيْرًا لَهُمْ وَأَشَدَّ تَثْبِيتًا (66)

يعنى قرن بين عقوبه قتل نفسه وعقوبه النفى من الارض
ولو ان الارض مش عزيزه اوى عند صاحبها مكنش فى معنى للمساواه مبنهم
احنا بس الى بقينا مش طايقين روحنا
ولا حتى ارضنا
ربنا يهدينا يا شيخه
هههههههههههههه

mohand said...

انا قاعد متخافيش

مش هسيبكم اتعرض كتير عليا ورفضت

متقلقيش

:D:D::D

رصيف نمرة خمسة said...

دايما تغمزى التدوينة بخفة دمك كالعادة
وحياتشك ياختشى لما تسافرى تجيبلى معاكى راديون بالالوان اوك
فيه جملة انا مؤمنه بيها جدا
اللى مبيحبش بلده مهما لف ودار ميلاقيش بلد تحبه
يبقةاحسنلهم يقعدوا هنا لو كل واحد اتخرج وسافر مين هيبنى البلد دى الحرمية اللى ماسكينهايعنى
وبعدين يغسل صحون هناك وهنا ابن بارم ديله اعقلوا بقة
واللى ربنا رزقله رزق فى اى مكان هياخده من هانا من هناك هياخده
ارق تحياتى يااحلى آبى

monaliza said...

انا متفقة معاكى جدا وشايفة ان الغربة اهانة وذل وبعد عن كل حاجة
على فكرة انا برضه مستحملتش الغربة هو انا سافرت مجبرة اصلا بس اول لما الفرصة جت عشان انزل بلدى كنت هطير من الفرح لدرجة انى فى المطار كنت برحب بكل الناس وكأنى مكنتش معاهم فى الطيارة وكانى مسافرتش اصلا وتعرفى والله هناك ما كان لاى حاجة طعم ولا حتى المياةرغم انها مياة معدنية ونضيفة بس تقولى ايه واخدين على الشرب من الحنفية ههههه

عمر المصرى said...

السلام عليكم
مش هنبطل مش هنسافر وهنفضل زى اللقمة اللى واقفة فى زورهم

mady said...

ياابي ياجامده
يعني زي ماانت قلت
وبعدين يعني مرارتها هي حلوتها
بالظبط بقول الغاز صح
يعني واحنا بنتمرمط صباحا في المواصلات
نلاقي واحد طويل وحليوه كده يقوم هوب واقف وضارب
تعظيم سلام لراجل عجوز عشان يقعده مكانه
فطبعا طبعا وانا متمرمطه بقول والله مصر لسه بخير
ماعلينا بس الناس معزوره برضه ياابي هانم
عشان عاوز تاكل وتتجوز وتكوم قرشين تربي بيهم
الاولاد بيدل مايشحتوا
لانك تجيبي فلوس وتغليها في مصر تمام
لكن تجيبي فلوس من مصر منين ياحسره
جامد ياابي وحلوه بحبك وحشتيني

only spot said...

سلام عليكم
بصى يا ابى انا متفقه معاكى ان الشغل بيجيب شغل واننا لازم نكافح واننا لازم نصمم اننا نبقى كويسين بالذوق بالعافيه هنعيش بس لو ضاق الرزق مش عيب ندور عليه بره واليست ارض الله واسعه هكذا ستسالنا الملائكه عندما نقول قد كنا مستضعفين فى الارض انه احسن يا ابى ان الشاب يسرق ولا يرتشى ولا يسافر بره يقلب رزقه فى راى كتير يسافر ويتبهدل ويكسب بالحلال احسن ما يتفتن هنا ويسكت عن الحق ويمشى جنب الحيط ماهو فى الحالتين هيسكت عشان اكل عيشه يبقى يسكت وعلته انه غريب اشرف له مايسكت وهو شايف بلده بتتنهب
مش كل الناس بتفكر بمثاليتك وعلى فكره انا كلامى الى فات ده وجهة نظر ناس كتير اصحابى مش كلامى انا هعيش واموت وادفن هنا
حاجه تانيه ودى انا اتعرضت لها عن تجربه شخصيه الفتر ه الى فاتت كان معروض عليا اسيب مصر واغير حياتى واعيش بره طول حياتى الغريب ان نظره الاهالى اختلفت الكل حسبها ماده طبعا انا رفضت بس للاسف فى ظل غياب الوعى والظروف المنيله الى احنا فيها مبقاش حد عارف يشغل الجمجمه قعدت فكرت الحمد لله انا عايشه فى بيئه كريمه والحمد لله مش متاثره اوى بس كان كلام المحيطين انتى عايزه من هنا ايه البلد ظروفها منيله طب الناس الى فعلا مش لاقين لقمه العيش يعملو ايه وعذرتهم لما بيبيعو بناتهم وانا بتكلم عن الجواز من اى ثرى عربى وبعد سنتين تيجى وعلى ايدها نتيجه غفلتها وجهلها
وفعلا افتكرت دعاء الرسول صلى الله عليه وسلم اللهم انى اعوز بك من الكفر والفقر لانهما متلازمان
بجد يا ابى الشباب معذور وما دام اتحرم انه يختار جوه بلده ومادام اتحرم انه يتكلم جوه بلده ومادام اتحرم حقه يبقى محدش يلومه
اما البنات نصيحه ارجوكم متتخدعوش بالفلوس واى واحد يجى يعاين البضاعه وهب يشيل
وربنا يرشدنا جميعا للصالح والخير ومايداكى ان الهجره للاسف بتسبب لنا برضه كوارث ويمكن هى من اسباب تهلهل الاسره بس فى ظل اللخبطه الى احنا فيها مبقاش حد بيعمل حساب التربيه بقينا مادين ببشاعه للاسف

Anonymous said...

العزيزه ابى
حلقة قواعد المرور تذاع الخميس17-4 كالمعتاد الساعه التاسعه وعشر دقائق صباحا
على اذاعة البرنامج العام موجه اف ام 107 وسته من عشره
متنسيش تسمعيها

فرنسا هانم said...

السفر ليه سبع فوايد
مش عارفه ايه هما
لكن اللى متأكده منه
ان الظلام الموجود فى البلد خلى الناس تبحث عن النور فى الخارج
وبعدين الشباب العاطا عن العمل
او الموظف المطحون
ماذا يفعل
بريق السفر بيزغلل العيون
والناس اللى بتسافر مش بتسافر علشان الفسحه
لا
دى بتسافر علشان هنا قفل خلاص

تــــايه ومش تـــايه said...

ا حابب اكون فى بلدى اكتر.بس لو اضطريت اسافر سنه او اتنين ابدا حياتى مش اكتر . بس ده لو استنفذت كل محاولاتى هنا
ليكى عندى تاج تعالى خديه بسرعه

فرنسا هانم said...

مبروك لادراج حلقه المرور فى اذاعه يوم الخميس القادم
انا قد نوهت عنها فى مدونتى
تحياتى يا ابى

L.G. said...

لألألألأ
ده كلام كبير خالص والتعليقات وجعت عنيا ودماغي
والملوخية والحشي بتاعة زوجة مين والسفر وتركيا والامارات
ايده ده

أنا بأه عايزة أمشي جوه
أروح الوادي الجديد أو الواحات أو العريش يا إما آه أمشي برضه بجد زهقت وطهقت وبعدين بتغيظوا اللي عايز يمشي

مصر بقت مقبرة بجد للطموح والشرف أنا أمشي وأروح ولما أرجع أأقولك المهم أركب الطيارة

سؤال
شفتيلي شغل ؟؟
انت عنيكي حلوة شايفة مصر بخير
احنا المحافظ عفر المنطقة خللاها هباب

وأنا أأقول الربان هادي ليه وبيكتب بهدوء أيوة مش متعصب زينا عندي صديقة ندمت لما سابت الامارات

وبعدين أنا خايفة أمشي في الشارع السرقة على ودنه في اسكندرية وخايفة أسافر المحافظات أتوبيسات غرب الدلتا منخل وربنا ما يحكم عليا بالعبارة


لالالالالا
حرام كفاية والله دماغي وجعتني
التعليقات كل وحده موضوع انتي اتكيتي على الجرح ليه كده
خديني معاكي ماليزيا وتركيا وأأقولك رأيي ماشي

في الأول زعلت وقلت أبويا ماشية وقلت أبعتلك ميل بسرعة تيجي تسلمي عليا الأول
وبعدين خضتني الأغنية

قاعدين مش بكفينا لحد ما يموتونا في العبارة ولا حفرة ولا بلاعة ولا قطر ولا مركز ثقافة متقلقيش هما ناويين يفضوها

الفارس الملثم said...

انتي عارفة يا ابي بيصعب علي اوي لما الاقي مصريين يتكلموا عن الهجرة من البلد وكأنها معسكر جوانتنامو , ايوه فيها فساد للركب وسرقة عيني عينك وبطالة وووووووووووووو

لكن ما بيحسس بقيمتها الا اللي عاشوا بره بجد , وعجيبة تلاقي ناس علي استعداد يتهانوا بره بلدهم طيب ما تخليك في بلدك احسن ..

كان في مرة قصة واحنا في ابتدائي عن امير طلب من الصقر انه يوديه اجمل مكان في العالم , وفعلا قعد يطير مسافات طويلة لغاية ما وداه واحة صغيرة فيها نبع ميه , فاستغرب الامير لانهم سابوا اماكن اجمل بكتير , لكن الصقر قله الحكمة اللي مكنش مدركها , دي وطني وهي عندي اجمل مكان في الدنيا , ياريت يكون المعني وصل

تحياتي
محمد

HelSiNg said...

هي عمرها ما كانت بتاعتنا عشان نفرط فيها ولا نبيعها طول عمرها بتاعت حكامها

والسفر نفسه مش عيب ولا حرام انى ادور على مكان انضف وفيه فلوس اكتر وراحة اكتر عشان اشتغل فيه طالما انى مش معايا زوجة ولا اولاد مرتبط بيهم خلاص مفيش اي مانع

appy said...

Tamer Nabil

بس ترجع ليها مش تنتمى لمكان تانى وتنسى اهلك ...شرفت يا تامر وازى رجلك دلوقتى نورت الكوكب كله




Ahmed Samy

اهلا بيك فى الكوكب اول مرة
مين قال ان ابواب الرزق مقفوله هو اللى ربنا كاتب له رزق فى مكان بيأخده بس فيه فرق بين انى اكون مستعجل على رزقى او عاوز مكسب بسرعه وفيه فرق فى الصبر
اما موضوع الاجازات فأنا مختلفه كليا مع حضرتك بيشوفوا ايه شوارع مش نظيفه احنا السبب زحمه احنا اللى مبلطجين فى السواقه ايه تانى
لو مصر بيئه مش محترمه يبقى كل اللى فىها مش آدميين ومختلفتش انك تسافر تنمى علم انما ترجع تنفع بيه اهل بلدك بدل ناس تانيه
رجعنا للماديات مستوى معقول ههههه شوفت بقى
اللى عاوز يسبها يسبها بس اللى مش بينفع فيها مش بينفع فى مكان تانى
نورت الكوكب كله وتشرفت بزيارتك
اتمنى متكونش زعلت ده اختلاف فى وجهات نظر

appy said...

الاستاذ/صلاح حجازى

والله يا فندم انا مش عارفه اودى جمايلك دى فين بس ربنا يستر ومروحش على مارينا بسببها لو الناس مشيت على قواعد المرورو بتاعتى طيب دى فى الكوكب الخرفانى بس ليه كده على الهواء عموما ميرسى من قلبى لحضرتك ربنا يكرمك واتمنى التقدم للبرنامج كمان وكمان




كاميليا
كامى حبيبة قلبى بجد عارفه على الرغم من انى عارفه انى فيه الم فى الغربه اكتر من كده بس انتى اتكلمتى فى نقط مهم بجد ومقدرش اعلق غير انى اقول نحافظ على كرامتنا فى بلدنا بدل ما نبهدلها برة
ويا رب ترجعى بالسلامه هنا وتبقى وسط اصحابك كلهم ووسطنا احنا كمان
يا احلى فوندامى فى الدنيا كلها

appy said...

فاتيما

السكر انترفيش
هو ده الدرس وبابا لما سافر يا فاتيما خدكم انما بصى على اسر تانيه زى ما الطائر الحزين كاتب وزى بابا عندى عشنا فترة وباقى السنين هو لوحده وغيرة وغيرة وخالى اللى مرجعش من بره غير وهو على سرير الموت وساب ولاده مأسى كتير قوى شوفتها بعينى بس تحيه لاهلك بجد وليكى انك اتعلمتى درس حلو يا شيف الكوكب ومش هعفيكى منه ههههههههههه




ولاء

مش معترضه على الناس اللى بتسافر وترجع انما اللى بتهاجر وتقعد تشتم فى البلد ومن برج عالى يا ولاء غير كده الغربه كتير بتغير فى النفس وخاصه الشباب اسألينى انا عن كده وعندى اصحابى مثل ربنا يرجعه بالسلامه ونورتى الكوكب يا قمر

appy said...

ابو حنف

والله انا مش صعبان عليا غير بتوع طب طيب البلد هتعمل ايه لو كل الدكاترة سافروا اقولك روحوا اضربوا الوزير بتاعكم بجد انا كمان بعانى من القصه دى مع حد قريب منى قوى يعنى واحد اصلا بنزين عربيته فى اليوم مش اقل من 50جنيه تخيل وباقى مصاريفه ودكتور متعين ب250جنيه والله لكم الجنه انما لو هتسافروا ومتقعدوش برة وتيجوا تبنوا مستشفيات وتعالجوا الناس وتاخدوا حسنات هديلك تاشيرة تروح وترجع تانى ههههههههههههه نورت يا دكتور يا محلاوى يا زملكاوى




اخى الطائر الحزين

انت تحجز الكوكب بالمجرات بالمجموعه كلها فى اى وقت ان شاالله حتى بلوج سبوت نفسه احنا نطول يا استاذنا ربنا يبارك لك فى صحتك واولادك يا رب ويحقق لك كل اللى بتتمناه

سكــر said...

السلام عليكم

اولا الف مبروك على البرنامجواتمنى اتابعه

ااابى

ناس كتير جدا انتقدتنى

لما كتبت فى البوست بتاعى عمااار يامصر

وناس قالت عمار يامصر ايه دى خربانه

وانتى البوست اللى كتبتيه دا افضل رد عليهم

انا كنت كاتب بوست اسمه عمار يامصر

بس لظروف طارئه

لورحتى عندى هتعرفيها

انا اجلته شويه

صدقينى ياابى

انا تقريبا فى السنه بسافر خمس او ست مرات
زى السفريه الاخيره دى ممكنااقعد شهر اوشهرين برا البد

بعد اسبوع والله بحس بزهق وملل وارف
ببقى عاوز الماموريه تخلص بسرعه علشان ارجع بلدى
وانا رايح فرنسا السنه اللى فاتت
يااااااه كنت فرحان اوى
مبسوط اوى
اه منا رايح بلد الفن والجمال
بلد السهر
هههههههههه
ال بلد السهر ال

الناس هناك الساعه تيجى 6

خلاص متشوفيش حد فى الشارع

ناادر جدا

ااقول ياناس هى دى فرنسا

هى دى بلد الفن والسهر

يقولو اه الناس اقلمت نفسها على كدا

اجى انزل من الفندق بعد الساعه 8

ينصحنى الناس اللى فى الفندق ويقولولىمتنزلش لوحدك

من الافضل تكونى تلاته او اربعه مع بعض

ليه يعم هو انا هسافر
دا انا نازل اتمشى

يقولى لظروف امنيه ماتخرجشى لوحدك

هو انت فاكر نفسك فى مصر

ههههههههه

ايون مصر بلدى بلد الامن والامان

محمد ابنى مش هقول انا

بينزل فى اى وقت

والله اكتر من مره ينزل لوحده السوبر ماركت وتكون الساعه بعد 12 بعد نص الليل

بلدنا جميله

تحيااتى ابى

وصدقينى لو تسمحى ابقى اخدى مقطفات من البوست بتاعك اضيفها للبوست القادم

اللى انا مسميه عمـــــــار يامصــــر

appy said...

بطوط حبوب

طيب والله ما اخدت بالى ههههههههخخخخخخخخخخ بس اصلى يا دكتور والله ضرسى واجعنى جدا اليومين دول ومش بعرف افتح بقى ولا اكل فحسه ان ده اصعب حاجه فى الدنيا وخلينا قعدين على نفسهم يا راجل داهيه تأخدهم الناس الوحشه الرخمه نورت الاقيش عندك علاج ولا بلاش لتتعلم فيه شكرا مش عاوزة



مهند

ربنا يخليك طمنت قلبى يا راجل ايوه خليك حارب معانا الهم اللى احنا فيه بس نورت يا قمر

appy said...

رصيف نمرة خمسه

يا اوختشى قطتيشعه تقطعهم ناس هبله والله انما الراديون اجيبلك ديجيتال يا جمر انت يا سكر مقالب انا ليه بكرة وخيط الا انت هههههههههه ربنا يكملك بعقلك يا رب
نورت الكوكب يا احلى رصيف فى القاهرة بنت خالتى ام عز




موناليزا

يا حبيبتى الميه بتاعتنا لها طعم ولون ورائحه عكس كل المياه هههههههههه منقدرش نسيبها نورتى يا سكر

appy said...

عمر المصرى

والله عندك حق ظلمهم فاق الحد بجد وكده بانت قوى منهم لله اللى خلوا الشباب يوصل لكده نورت يا عمر




mady

السكر هنا ومتأخر كمان منين دى ارزاق بس بزمتك هتلاقى شاب طويل حليوه فى حته تانيه هههههههههههههه يروحوا وميتغيروش يرجعوا مش الحياه تأخدهم هههههههههههههههههه

appy said...

only spot

عليكم السلام
انا مقولتش عيب انما يا قمر العيب على اللى سابوها ومش عاوزنها واللى لما بيجوا بيتنططوا على الناس فيها ويبصوا ليها على انها زباله وهما السبب فى كده واللى يغيظك اكتر ان دول تلاقى منهم اللى كرامته متبعزقه ومتبهدله فى المكان اللى هو فيه ولا اللى يروح يدفع الاف علشان يموت فى البحر ما يعمل مشروع هنا ويصبر على رزقه ولا احنا استسهلنا
ربنا يكملك بعقلك يا رب ويحميكى مش هقولك اكتر من كده وبكون سعيده بأراء بجد جدا نورتى يا قمر الكوكب




استاذ/صلاح حجازى

علم وينفذ الاوامر يا باشا شاكري جدا اهتمام سعادتكم

انا مذنب said...

ابي الطيبه

انتي صنعتي اصلا لنفسك كوكب بره بلادنا ليه لما انتي مش بتحبي الغربه كده
عموما قد تكون الغربه داخلنا
يعني عايشين جوه بلادنا لكن غرباء فيها
لما اروح شغلي الاقي معنديش اي حقوق ضامنها
لما اروح اي مصلحه حكوميه اعامل كاني متسول يطلب الأحسان
يبقى انا مش في بلدي ولا حاجه
لما ابص الاقي الغاز والحديد بيباعوا لأعدائي وانا لا اجدهم لبيتي
يبقى انا مش في بلدي
لما الناس تقتل بعض على الفتات وناس عايشه في بذخ قاتل يبقى اكيد دي مش بلدنا

احنا كده كده متغربين في كل الأحوال
سواء شئنا ام ابينا
لكي مني كل التحيه

appy said...

فرنسا هانم

اغلى واحلى واحن فرنسا هانم فى النت والدنيا كلها بصى انا معاكى انما فيه ناس مستعجله جدا وبيتحول ده لكرهه جواها والله لو سمعتى كلام اصحابى قلبك يوجعك يعنى معاكى الواحد يسافر سنه ويرجع انما اللى بيسبوها بالسنيين دول ايه بقى انما السبع فوايد بالنسبه ليه هقولهم لكى ليه انا مش عامه الشوبنج - اللغه - الطبيعه -الاكل بتاع البلد - اجازة للنحله والدبور - تخريب الميزانيه ههههههههه
نورتى يا احلى فرنسا فى الدينا



تايهه ومش تايه

ليه تدبيس التاجات دى يا عمنا يا نهار انا عليا تيجان متأخرة حاضر يا اخى الصغير هاجى نورت يا قمر

appy said...

فرنسا هانم

يااااا والله مش عارفه اقولك ايه بس ده كتير عليا بجد ربنا ميحرمناش منك يا رب ومن حنيه قلبك علينا يا اغلى فرنسا فى الدنيا نردها لك يوم ما تطلعى فى الفضائيات وتبقى فرصه وشوفناكى ههههههههههههه



l.g

اخير ظهرتى وحشتيى يا قمر بجد
تعالى اوديكى العريش بما ان اهلى هناك وتبقى اول تأشيرة من كوكبى هههههههه اممممممم اشوف لك شغل حاتر اكلم لكى محسن بيه خخخخخخخخخ
وانا اقدر امشى واسيبها دى فى قلبى وعقلى كفايه دموع اصحابى اللى بيرجعوا ولا يكلمونى ويقولوا ليه شوارع مصر وحشتنا والله مش اهلهم بس لا احنا اللى هنفضيها منهم
الربان ربنا يرجعه بالسلامه وبعدين اوعدك لو هاجرت لاسيوط هسلم عليكى هههههههههه نورتى يا حبيبتى

appy said...

الفارس الملثم

اهلا بيك يا محمد انا عاوزة اقولك مش بسلبيتنا احنا اللى عملنا الفساد واحنا اللى ادناهم الحق انهم يخربوا فيها يبقى احنا اللى نقف ليهم بس
اللى عاوز يتهان بره ده ميستهلش يبقى بنى ادم اصلا
بجد تسلم ايديك على القصه حلوة قوووووووووى ربنا يكرمك يا محمد وبجد بتنورنى




HelSiNg

والله لو حضرتك شايف كده يبقى سيبها متزعلش نفسك طالما دى وجهه نظرك متفقين بس لو قريت ردودى على الناس وردهم هتفهم انك بتفكر من منطلق الزهق او عاوز مكسب بسرعه احنا اللى سمحنا بالنهب والسرقه
نورت الكوكب

appy said...

سكر

ربنا يبارك فيك ميرسى خالص انا معاك فى موضوع السفر ده سيبك منهم ما هو بص اللى مش سافر برة مبيعرفش يعنى ايه مصر ولا وطن والله كان بيحصل لينا بلاوى فى تركيا وحتى المغرب فعلا مصر بلد امان والله الواحد بيبقى راجهع من فرح الفجر ومش خايف لان حتى لو واحد بس هجم عليك او اتعرض ليك هتلاقى الكتير اللى بيقفوا ليه
وانت تؤمر خد اللى انت عاوزة ومتروحش فرنسا تانى واحد صديق ليه سافر ورجع اخلاقه تقريبا وقعت منه هناك وفى امستردام ههههههههههه




انا مذنب

اولا ميرسى على الطيبه دى ومتشكرة انك بقيت ترجع الكوكب تانى بس انا صنعت لنفسى كوكب فى بلدى اللى بحبها اللى شايفاها بعيونى وقلبى وعقلى وبايمانى بربنا وبقول مش هتتصلح غير بينا واحنا اللى المفروض منسبش حقوقنا بجد غير كده الغربه جوانا علشان احنا صناعناها بعيد عن اهلنا بقينا عايشين فى بيوت بارده الناس دى هى احنا
نورت الكوكب كله

shahy said...

انا سافرت كام بلد بس ماكنتش بطول يمكن اطول مدة قعدتها برة مصر كانت اربع شهور بس كنت حاسة انهم اربع سنين وكنت حاسة اني هارجع الاقي حد مش موجود في العيلة ولما عرفت ان اختي الكبيرة كانت عيانة قعدت اعيط بشدة مع ان كان عندها شوية برد بس جامدين شوية ولو كنت موجودة في مصر وقتها كان هايبقى عادي وماكنتش هاعيط ولا حاجة

والا لما جابوا في التليفزيون اغنية صباح بتاعة سلمولي على مصر
يالهوي على اللي عملتة مش عاوزة اقولك
فضيحة
ههههههه
فكرتيني باللذي مضى

سلام

Anonymous said...

أتدرين آبى" الغربة هى إنقطاع الحبل السرى الذى يربط الجنين بالمشيمة التى هى سبب حياته" هذا تعبير أخى رحمه الله عندما علم بوفاة أمى الحبيبة رحمها الله و هو فى الغربة و أراه أوجز و صف المعانة فى الغربة .
أبو خالد

محظوظة said...

لا بقى خلينا فى وجع الضرس احلى ههههههه

تقولى ليا غربة اقول


سلاموزززززز

Desert cat said...

بصى يا آبى البلد كوطن انا بدوب فى ترابها وبحبها جدا انما المسؤلين سؤا سمعتها بما فيه الكفاية
يكفى اوى ان اللى بيجى يزورنا بيكون عارف انه هياقبل نصابين وانتهازيين وحرامية
طبعا مش الناس كدا بس ده اللى فى مخيلة السائح اللى جاى
عارف ان سواق التاكسى هيضحك عليه واى مكان يدخله هينضحك عليه
احنا كمواطنين مش مطلوب مننا حاجه غير اننا نعرف نحترم نفسنا علشان نقدر نحترم بعضنا ونعرف نحترم اللى جاى من بره
لكن المسؤلين عن البلد هما اللى مطلوب منهم كتير اوى
حمايتنا من السمك اللى بياكلنا ومن الفساد المنتشر فى جميع المصالح الحكومية وفى كل مكان فى البلد
من الاخر محتاجين عملية تطهير كاملة علشان نقدر نعيش ونتعايش
البلد كوطن ملهاش ذنب دى زينتا ببتباع من غير ما تقول بيع ذرة من تراب مصر بااااطل
تحياتى
ومبروك يا جميل على اذاعة البوست فى البرنامج العام

Doba said...

عارفة

لما الواحد يكون معاه فلوس ويسافر ويتعلم ويعرف السبع فوايد من السفر دى تبقى متعة لكن لما انا اجرى وادور على رزقى بره واتبهدل واتمرمط على القرش دى تبقى مهانة

اللى بيسيب بلده بكل ما فيها من عيوب لانها مش مستحملاه ومش مقضياه بيروح لمكان برده مش هيديله الامان والطمأنيينه

مش عارفة ليه بس بحس بأمان كبير قوى وبحنيه مالية قلوبنا على الرغم من كل البلاوى اللى بنقع فيها

بره فيه برود وأنانية وجحود مش أكتر
ان الواحد يجرى علشان يجيب فلوس ويسيب ولاده هو مراعاش الأمانة بتاعته اللى ربنا مديهاله لان المبادىء والاساسيات بتاعت الاطفال مش هتحطها الفلوس لكن هيزرعها التواجد والحضور والمتابعة وأولهم القدوة الحسنة
========
سؤالى ليكى بقى تبع سؤال كامى
هل تستطيعين أن تتخذى من عالم التدوين أصدقاء ويستحوذو على كامل ثقتك أم أن العلاقة لابد أن تظل من خلف الشاشة الألكترونية وان امتدت فتظل فى خلال نطاق الأصحاب وليس الأصدقاء؟؟
=======

كوكبك جميل قوى يا آبى
بالتوفيق دايما
وفى انتظار حلقة بكرة

هبة

مواطن مصرى نايم said...

اولا مبروك
على البرنامج
عقبال التليفزيون
و اشوفك كده على قناة الجزيرة
ـــــــــــــــــــــــــــ
اما بقى بالنسبة لمصر
بجد و الله من غير شعارات رنانه
و لا تمثيل انى وطنى و بحب بلدى
انا لو خرجت برة مصرة بتخنق
بحس انى تركت حتة منى
بجد انا بحب مصر جداااااااا
و اللى مسافرين برة لو يقولوا غير انها
اآمن مكان بالنسبة لهم
الا اذا هو كان اساسا بيكره مصر
و عنده عدم انتماء
سلامى ليكى
ـــــــــــــــــــــــــــــ
و مبروك تانى مرة على البرنامج

بت خيخة وأى كلام said...

بصى يا ابى
انا مش شايفة ان فيها حاجة عيب ان البنى ادم يدور على رزقه فى اى مكان
هو اكيد الغربة صعبة
بس الاصعب ان يكون وراكى كوم لحم عايزة تصرفى عليه وتربيه ومش معاكى اللى يكفيكوا
فيها ايه لو الواحد سافر فى اى بلد علشان يجيب القرش من بق العو
بس انا معاكى ان المشكلة بتكون فى تفكك الاسرة وتشتتهم بعيد عن بعض
علشان كدة انا من وجهة نظرى بفضل ان لو الاب هيسافر برة ياخد معاه الاسرة كلها يعنى ياخد معاه مراته وولاده
لان الطبيعى ان كل واحد فينا بيتغير
بمرور الوقت
لو الراجل بعد عن مراته هو هيتغير لوحده وهى هتتغير لوحدها
ولما يجوا يتاقبلوا شهر فى السنة هيكونوا غرب عن بعض
وهتبتدى تحصل مشاكل كتير بينهم
لكن لما يكونوا مع بعض
التغيير مش هيكون ملحوظ اوى بينهم لانهم عايشين مع بعض على طول

بس خلاص
اختك خيخة

appy said...

شاهى

ايه ده الهنا اللى انا فيه ده ماما شاهى هنا طيب جايبه معاكى حبيبى الشنيور ولا لا
وبعدين يا حبيبى انا وانتى واللى زينا مينفعش نروح بعيد وبطلى تسمعى الاغانى دى بتجيب عياط فى العين ههههههههههه نورتى يا احلى شاهى فى الدنيا



اخى العزيز / ابو خالد

والله بجد ربنا يبارك له اخوك لخص الكلام كله نورتنى على طول يا اخى العزيز وربنا يرحم اخوك يا رب ووالدتك
متتأخرش تانى بقى ولا هااااا اجيلك

appy said...

محظوظه

اه وجع الضرس ده وحش قوى ربنا يكفينا شره لانه عندى نورتى يا قمر الكوكب






قطتى الحلوة

بصى اقولك قطقوطه علشان فيه ناس بتتغاظ
انا معاكى ان لازم حاجات كتير تتطهر وعلى فكرة انا وانتى وغيرنا كتير بيعاملوا الاجانب كويس جدا وليه اصحابى بيجوا وبيحبوا مصر لانى بحافظ على صورتها قدامهم
بس لازم ولادها كمان يتصلحوا ميبقوش مهويين على الاخر يعنى وانتى فاهمه هههههههههههههخخخخخخخخخ المهم نتفق على الا نبيع الوطن بس نبيع الحزن الوطنى هههههههههه نورتى يا قلبى

appy said...

Doba

ايه ده انا مش مصدقه نفسى دوبا هانم عندنا يا مرحبا يا مرحبا
موافقه على كلام دوبا هانم وتحيه منى ليك خروفين نونو لكى وليوسف وميرسى يا قمر على كلامك ومجاملتك



مواطن مصرى نايم

النبى انت ما نايم ولا حاجه دا انت دماااااغ سكر وعسل ميرسى خالص بس الجزيرة دى حاجه وحشه ولا ايه يا كابتن انت عاوز صاروخ يجى فيه ههههههههه
نورت الكوكب وبتنورة على طول

صحفية روشة said...

اولا بوست عن موضوع حيويى جدا
لكن احنا خليفة الله فى ارضه مش فى مصر بس
يعنى الانسان مسؤل عن تعمير ارضه مش مصر بس
لكن لما مغصة الجوع تقرصك هتبقى تفهمى كلامى
او على الاقل لو شفتى ناس مغصة الجوع بتموتها

appy said...

بت خيخة وأى كلام
خوختى حبيبتى انا مش ضد انهم يدوروا على رزقهم بس بعد الاول ما محاولتهم تفشل هنا ولما يروحوا هناك فعلا زى ما قولتى تعالى احضرى خناق ابن عمى ومراته اللى عندهم اطفال ولا كأنهم لسه متجوزين من اسبوع وبسبب الغربه نورتى يا ام احلى شيرى يا اغلى اخت





الصحفيه الروشه النمامه

هو يعنى اللى بيحركنا الجوع مظنش يعنى فيه حاجات كتي رما علينا عموما انا بقول ان فيه شغل هنا كتير بس اللى عاوز يشتغل انما فيه ناس مبد~ئهم السفر حتى لو هيشتغل كناس انما ميقفش فى محل هنا فهمتى يا نمامه نورتى الكوكب كله

حازم سويلم said...

الجنرال الفيكونى آبى
بداية انا معترض على عدم رمى سلام الورد ااالبلدى على الصين, لأنى معجب بالصينيين جدا لأنهم شعب مكافح ومثابر بيحلم دايما بالغد.. مش عايشيين عالذكريات زى شعوب تانية خايبة عارفه نفسها كويس

تعرفى يا آبى انا عمرى مفكرت أسافر بره مصر خالص وأسيبها, تقريبا عرق الفلاح المصرى فى جيناتى بيمنعنى

بحب مصر جدا وفعلا وبحب النيل والأهرامات وبحب نخل مصر وناس مصر الطيبيين, مش بزايد على حب مصر لأن كتير غيرى بيحبوها بجد وبصدق ويمكن أكتر منى .. متفق معاكى أنها عمرها مهتتقدم ولا تاخدنا فى حضنها طول ماحنا مدينها ضهرنا, هى خدت ايه من وشنا لما هنديها ضهرنا

متتصوريش يا آبى انا فرحت ازاى لما عرفت ان بوست المرور الخرفانى هيتذاع عالبرنامج العام

تحيات مخلصة قلبية .. من صديق

Soooo said...

لما قلت انك مدونه فاهمة التدوين صح ماكنتش باكدب

فعلا هي دي وظيفة التدوين وده دوره في المجتمع
تحفيز الناس باسلوب بسيط وهادي بعيد عن حورات القطر لو فاتك مش هتلحق تتشعبط
----
الف مبروك ياستي على اذاعة موضوع كوكب الخرفان بتاعك وعقبال ما يذيعو المدونه كلها


ملحوظه
انا لي استفسار سريع فزيع ابقي جاوبي عليه في تاج كاميللو
انتي قبل ماتدوني كنتي بتطلعي خفة دمك دي ازاي؟؟؟؟




سلامووووووووووووز

روينا said...

السلا م عليكم ورحمه الله وبركاته
اول ركوبه ليا يابى على كوكبك ربنا يستر اصلى بدوخ علطول
شوفى وشى حلو ازاى اول زياره وهططلعى فى برنامج
امال تانى زياره هططلعى فين



ادعوكى للمشاركه فى حمله وهننصر اسلامنا

أنا إنسان said...

اييييه ده كله
أنا مش عارف ابارك على ايه ولا ايه
أولا
مبروك على شكل المدونه الجديد
جميله جدا كده
والكلام اوضح
ثانيا
مبروك على الطلوع في الراديو
مش البرنامج العام ده في الراديو برده
:)
بجد انا لما عرفت الخبر من خالتو فرنسا
نطيت على هنا وانا مبسوط جدا
مبروك ياعم
وانا مش هاحسدك النهارده علشان ما ابوظش فرحتك وفرحتنا
:)

أنا إنسان said...

بس برده انا لسه متضايق جدا من نتيجه المحاكمه العسكريه
مهزلة
مهزله بجد
حسبنا الله ونعم الوكيل

الباحث عن الحقيقة said...

جميل اشتياقك لوشوش الناس
بحب ابص في وشوش الناس تحسي ان وطنك جوه الوشوش دى
ملامحك من ملامحهم
زيك زيهم
علشان كده بتوحشنا لما بنسافر
تحياتى
ال كافيه مجاني ال
اتاري كل اللي بيجي من طرفك بيشرب ويمشي من غير ما يحاسب

dina said...

الله
و الله العظيم كلامك كله زى الفل..بلدنا بكل الوحش اللى فيها قبل الكويس فيها حاجة مخلياها مميزة..يمكن انا مطلعتش برا مصر ابدا و بحمد ربنا على كدا و مش ناوية اسيبها غير لو حرجعلها احسن مما سبتها عشان افيدها...بس بجد الدفا اللى عندنا و الروح اللى فى شوارعنا و فى الناس مش فى حتة ابدااااااا

تحياتى

في حب مصر said...

معلش اتأخرت شوية
البوست ده انا حسيت انه متوجه ليا أنا تحديدا
هو مش كدة طبعا وانا عارف بس مجرد احساس
وبما اني بعيش هنا في الغربة (الامارات) من اكتر من سنة ونص فأنا عندي شوية ملاحظات صغيرة
أول حاجة انتي فعلا ما تعرفيش قيمة مصر الا لما تبعدي عنها، تعرفي قد ايه اشتياقك وحنينك وحبك ليها، والله ما هو مجرد استرسال وكلام فاضي دي الحقيقة،ممكن تحسي لحظة انكي مخنوقة من البلد بس مش البلد اللي تخنقك هو اللي بيحصل فيها، احنا عايزينها تبقى اجمل واحسن بلد في العالم، وهي كدة فعلا بس عايزنها احسن واحسن دايما
على فكرة احنا هنا المصريين بنتابع كل صغيرة وكبيرة بتحصل في مصر اكتر من اي حد في مصر
الحاجة التانية أنا سميت المدونة بتاعتي : في حب مصر، وده مش مجرد اسم جه على بالي بالعكس انا من ساعة ما وصلت هنا وانا حسيت قد ايه بحبها، بشوارعها بناسها حتى بغلستها زي ما انتي بتقولي
رغم ان الامارات متطورة جدا ونضيفة جدا لكني بحس وانا فيها انها مجرد ماكيت أصم بنايات وأبراج وشوارع من غير روح مش بلد فيه روح ونبض زي مصر

السفر مش سهل وتكلفته كبيرة قوي بس كتير قوي بنضطر نعمل حاجات غصب عننا، أي شاب بيحلم يكون عنده شقة يتجوز فيها ومصدر دخل يخليه يعيش حياة كريمة، وساعات كتير ما بيقدرش يعمل كدة في مصر، بيضطر في النهاية للسفر، يعني مجبر اخاك لا بطل

الحمد لله انا هنا في مكان حكومي محترم جدا والتعامل معايا بيتم باسلوب راقي بس رغم كدة بحس في أوقات كتيرة اني مخنوووووووق رغم ان عندي اصحاب كتير مصريين هنا، لكن تراب مصر نفسه ليه جاذبية خاصة

تعرفي المشكلة ايه في الغربة انها كل ما تطول كل ما اصحابك بيقلوا وينسوكي، انا اعرف هنا ناس بقالها فوق العشرين سنة ومش عاوزين يروحوا ويرجعوا مصر لسبب واحد انهم انقطعوا عن كل اصحابهم وبدأو يحسوا بالغربة جوة بلدهم مش هنا

الكلاااااااام كتير قوي، وانتي جيتي على الوجع ربنا يسامحك بقى
تقبلي مروري

الساحرة said...

انا مبحبش السفر اصلا

مبعرفش ابعد عن مصر

من كام سنه سافرت مع جوزي السعوديه

مقدرتش حسيت اني هموت لو مرجعتش مصر

وصممت اني ارجع

ومن يوميها لما ببعد

عن القاهرة بحس اني هتجنن

ناس كتير من اللي يعرفوني بيستغربوة

بس انا بحب انتمائي وحبي لبلدي

وبزعل اوي لو سمعت ان حد عاوز يسافر

عبده الرايق said...

الف الف مبروك يا ابى على البرنامج
وانا سيذاع لى حلقه يوم السبت 19 -4
الف تحيه متكلفه من عبده الرايق

somaa mahaba said...

هههههه ايبى
انا سافرت المنوفيه الحمد لله وكونت نفسى كويس ودلوقت بدور على عروسه
ايه اللى انا بقوله دا قصدى بدور على عريس خخخخخ
معاكى حق فى كلامك واللى عنده استعداد يمسح البلاط ما يمسحه فى بلده
تحياتى ليكى سومه_87

somaa mahaba said...

نسيت مبروك على الحلقه اللى حتتزعلك

شريف طلال said...

واللهى البلدى الوحيده الى فيها حاجه غريبه
حاجه تخليكى تحبيها من غير ما تعرفى على ايه يا حسره
شكراً على التدوينه الجامده
تحياتى

Zika said...

طيب ما الشغل بيجيب شغل

دي الغلطه الوحيده اللي غلطيها في البوست
انك سمعتي كلام الاعلان بتاع البلد بتتحرك :D:D
عمرك شوفتي واحد بيمسح بلاط .. بيبقي المدير التنفيذي لشركة بترول خليج السويس
:D
عموما مبروك النيو لوك ... ده احسن بكتير
تحياتي

Anonymous said...

أختى العزيزة /آبى
والله ياليتكى تشرفينا دى بورسعيد تنور و على فكرة أنا مش بخيل و بالعامية لو مشلتكيش الأرض نشيلك على دمغنا أحب فيك مصريتك الفجة تصورى آبى أنا مثلك مصرى للنخاع رغم أن مصر لا لن أقول مصر بل أولياء الأمور بخسوا الناس أشيائهم و تضحياتهم و حرموا شبابنا اللى ربناهم كما يجب أن تكون التربية و علمناهم فرصة الحصول على قدر و لو بسيط من حق الحياة أو التزوج أو فتح بيت و ما يدمى القلب أن ترى مذيع صغير السن و دخلة يزيد عن خمسة و عشرون ألف جنيه و هو ليس عبقرى و العشرة الأوائل على دفعته لم يحصلوا على فرصة مثله لأن كل القرص المتاحة فى مصر للمعارف و الأقارب و المحاسيب أو بالرشوة ..كنت لا أريد الخوض فى هذا الموضوع و لكن من يجعل الشباب يهرب أتستطيعين الأجابة عن هذا السؤال
تحياتى و سلامى
أبو خالد

رئيس جمهوريه نفسى said...

انا جهزت مسدسات الميه واستعرت بازوكا مياه مثلجه برضه وحغرق ليكى الكوكب
عايز افهم ايه عينى على القصر دى ؟
مبروك يا ابى ويارب فى الاذاعه دوما وعقبال التلفزيون

Vague said...

مممممممم
معاكي حق .. الغربة وحشة
ده انا قعدت فالعريش شهر الا..وحسيت بالحنين الى الاسماعيلية
بس عسافر برضه


عسافر اثبت اني اقدر احقق حاجة
عسافر اوريهم الاسلام بحق مش اللي بيجلهم غلط
عسافر وابقى ارجع اتطمن عليكوا تاني

Marvel said...

لما تتهان من امك احسن ما تتهان من الغريب

لأ...مش موافقك على الجملة دي...اهانة الام بتبقى اصعب كتير من اهانة الغريب لان اهانة الام مش بتبقى متوقعة انما الغريب الواحد بيبقى متوقع منه اي حاجة

في حاجة تانية ان شباب كتير جدا النهاردة عايش في مصر وهو حاسس انه غريب فيها..حاسس انه ضيف عليها..او زي ما بيتقال الجالية المصرية في مصر

احد اهم اسباب الهجرة هي الاحساس بالغربة جوة الوطن مش الفقر

والاذاعة المصرية يزيدها فخر انها تذيع المرور الخرفاني..هبقى احاول اسمع البرنامج

:))

راجى said...

انتى عسل على طول وربنا

alshared said...

السفر بره مصر حلم لكل واحد فينا

ليه علي الاقل

ده مش علشان مفيش عندي عدم انتماء
ولا علشان بكره البلد دي
أنا بحب مصر أكتر من نفسي
وعايز ولادي يحبوها ومايتعبوش فيها

عايزهم يطلعوا يلاقوها نظيفه

لو لاحظتي حركة التاريخ في فتره من الفترات كان الناس من كل العالم العربي وكمان من أوروبا بييجوا يشتغلوا عندنا في مصر

ده من أيام الفراعنه وراجعي الرسائل التسعه للفلاح الفصيح لفرعون مصر

دلوقتي أحنا بنطلع علشان نرجع
علشان نقدر نعيش

أه معاكي فيه شغل في مصر
واه الشغل بيجيب شغل

بس فين الشغل اللي بيحقق طموح شاب مقبل علي الدنيا
عايز يعيش في المستوي اللي هوه عايش فيه مش اكتر

أنا متهيالي السفر ضروري

تحياتي

NIDAAL PAL said...

العزيزة / آآآآبى
برااااااااااااااااااافو عليكى
طلعتى فيكونة تستحقى الاستيلاء على الجانب الاجتماعى فى الكوكب و شوية و هنرقيكى علشان تمسكى الادارة
ههههههههههههه
لا بجد موضوع كان نفسى حد يتكلم فيه من زمان
موافق على كل كلمة اتكتبت ..
وبلادنا كلها خير .. وربنا يخلى لنا ابو الخير الى معيشنا فى الخير و طاحنا فى الخير و معتقلنا فى الخير .. فاهمنى انت يا خير
هههههههههههههه

شقاوة شعب said...

تمام تمام تام

بصى يا ابى انا بجد شوفت مثال الاسرة اللى الاب فيها برة طوووول الوقت .. والام فيها برة نص الوقت والنص التانى عند جوزها
شفت المنتج النهائى عامل ازاى

بصراحة صعب جدا جدا جدا
مافيش حدود .... مافيش اخلاقيات ... الحرية المجنونة
تأخر دراسى فى الجامعة وده نتيجة طبيعية
نفسى اعرف بقى ... ايه قيمة الفلوس لو مافيش حياة واخلاقيات واسرة وتواصل وحب وتقدم علمى وثقافى ؟؟؟

سؤال يطرح نفسه

اخيرا عايزة اقول على مثال صغنوووون عن الارتابط بالارض وبالوطن

انا من اسكندرية ولما بروح اى مكان اصيف فيه او رحلة لعدة ايام مع الاسرة بجد ومهما كان المكان رااائع بعد يومين بالظبط ببقى هجن عشان ارجع اسكندرية
بيكفينى قوى قوى يومين فى اى مكان مهما كان جماله ...بس اكتر من يومين ابقى عاملة زى السمكة اللى طلعوها من شاطئ جليم فماتت

تحيات
شيماء

TheRiddle said...

اثبات حضور ولي عوده للرد ع التوبيك

الطائر الحزين said...

ان التعب الاكبر لا يكمن فى الحياه فحسب
ولكن

فى اسلوب الحياه

مجداوية said...

بصى يا آبى بعد اللى سمعته من عمر أديب انهاردة عن اسراء عبد الفتاح واللى اتعمل فيها واللى بأدعى ربنا انها ميكنش ضيعوها خالص حسيت بالغربة فى بلدى حسيت انى ممكن فى أى لحظة يسرقوا منى انسانيتى وكرامتى ,,أنا خايفة ,,واللى بيفقد الأمان فى وطنه يبقى ملوش وطن ,,أرض الله واسعة وكلها أرض الله ,,المهم انك تحتفظى بانسانيتك وتحسى بالأمان

حتعملى ايه الوشوش اللى بأعرفها وهى مش قادرة تحمينى ولا أتحمى فيها ووتعملى ايه شوارع بلدى وأنا ضايعة ومليش مكان ألجأ اليه ,,الوطن احساس مش مكان يا آبى

Bongo said...

ايه الستايلات الجامده دي يا آبي ؟؟

جامد جدااا

بالنسبة للبوست

الشعور بالغربة اسوأ شعور ممكن الواحد يحسه
بس هذا لا يمنع السفر

نلف العالم و نبقي نرجع بلدنا تاني هههههه

تحياتي يا جميل

الفاتح الجعفري said...

ياسلام علي حب الوطن ربنا يبارك فيكي
حب الاوطان من الايمان
وفعلا مصر مهما حصل بلد جميل جدا
ولو لم اكن مصريا لوددت ان اكون نيجيريا علشان بحب كورتهم جدا
المهم
فعلا انا بحب مصر بس بصراحه لو جالي شغلانه مناسبه ماديا وادبيا مش لاقي زيها في مصر غالبا هسافر بس السفر اصلا مش مطوح عندي بشكل كبير يعني مش حلم منغص حياتي
واصلا السفر والضرب في الارض من اسباب الرزق
بوست رائع فعلا
جزاكم الله خير

ياسر said...

يا جماعة واللة موضوع
شيق جدا وفتح الجرح
وخرج كل الا في القلب
عارفين تراب مصر ولاا دهب
اوروبا ومن تجربة مش من
فراغ تخيلي انتي تتغربي
واول اجازة تنزيلها لمصر بعد
8سنين اة صعب 8سنين
يعني ما شوفش امي
اتحرم من حضنها وحنانها
8رمضانات وحدي 16 عيد فطر
واضحي الناس تصبح تصلي وانا
شايف الدنيا من خرم ابرة سمراء
مخنوق حقيقي واول مانزلت بعد
ما عملت اقامتي وقريب الجنسية
انشاء الرحمان شفايفي كانوا اول
حاجة تلمس ارض المطار لما شفت
امي من كتر الفرحة روحت في غيبوبة
لفترة وودوني المستشفي وروحت فضلت
اسبوع مش مصدق اني في بيتنا خايف
لاا اكون بحلم وافوق مكنتش بقدر انام من
الفرحة واتفرجي وشوفي وانا راجع فرنسا
بعد 3شهور اجازة كاني راجع معتقل او حبس
واهو ماش الحال كل سنة بنزل شهر واتعود
علي كدا وتاقلمت
امي اللة يصبحة بالخير يارب
تقول الغربة كربة
ومشكورة سيدتي
الفاضلة علي الكلام الجميل دة
ومصر انشاء اللة بخير بي اولادها
الا كلهم زوق وادب وخفة دم شربات

الربان said...

تحياتي

مبروك نيو لوك للمدونه...ما شاء الله
.

تحياتي

appy said...

حازم سويلم

انا مبحبش الصينى خالص بعيد عنك وبيجيب ليه حساسيه وهضربك حالا يا حازم
الحمد لله اننا اتفقن اخيرا يا حازم وهسحب الضرب خلاص
وميرسى ليك ولمجاملتك يا اجمل صديق فيكونى




سوووووووو

ميرسى بجد مش عارفه اقولك ايه على رقتك وكلامك اما السؤال فبجد مش عارفه بس هحاول اجاوب عليك يا عجوز انت
نورتنى خالص يا سووو

appy said...

روينا

اهلا بيكى اربطى الحزام بس يا قمر وانا وعموما وشك زى القمر وده تانى بوست ليه وحاضر هشترك معاكم
ونورتى خالص الكوكب



انا انسان

الله يبارك فيك فى كل حاجه وكل سنه وانت طيب على اى حاجه وكل حاجه واوعى تتنطط تانى رجلك توجعك هههههههههه
وربنا مع التانين معلش

نورت الكوكب كله

appy said...

الباحث عن الحقيقه

ههههههههه ابقى ايده على النوته
او اقولك اصل اسعاركم رخيصه حلوة قوى ههههههه وميرسى لانك بتابعنى بجد نورت الكوكب كله وواحد خروف هنا للباحث مشوى ومحشى


dina

ميرسى ليكى والله على رقتك انتى يا قمر ونورتى الكوكب كله هنا وزاد رقه بيكى

appy said...

فى حب مصر

والله مش ليك لوحدك وانا مش اقصدك يعنى انا بس احساس الغربه صعب على الناس كلها بأمانه
وانت شوفت الناس اللى بتسبها وتقطع علاقتها باصحابها ربنا يرجعكوا بالسلامه كلكم
نورت الكوكب كله يا جميل ومعلش انى جيت على الوجع




الساحرة

ايوة يا اختى سعوديه ايه بس بلا وجع ضروس خليك هنا خليك بلاش تسافر هههههههه ربنا يرجع لكى جوزك بالسلامه

appy said...

مستر عبده الرايق

ميرسى ليك والله كده ان شاء الله انا وانت وكام مدون نحتل البرنامج ده ايه رايك هههههههههههههههه



سومه المجنونه

والله مالها المنوفيه ايه يا بنتىالقرع ده حد يعرف يكوم نفسه فى المنوفيه طيب قولى دمياط هههههههههخخخخخخخخ هقولك انزلك بوست ابحث لسومه عن عريس
ميرسى ليكى يا قمر على رقتك

appy said...

شريف طلال

احتمال يكون سحر والله ليه لا هههههههههخخخخخخخخخخ نورت يا شريف بجد




زيكا
لا مش غلطانه لان ده اللى بيحصل معايا يعنى ابتديت صغيرة وبمجهودى بقيت منصب كويس
طيب كويس ان اللوك الجديد عجبك

appy said...

اخى العزيز /ابو خالد

ادبست والحمد لله هجيلك وانت الجانى على جيبك ههههههههه

المهم انا معاك ان فيه ظلم كتير وانا مش اقصد انهم ميسافروا بس انا بتكلم على الناس اللى بتكرهها واللى كمان لما بتسافر مش عاوزة ترجع ليها تانى خالص
والظلم موجود فى كل حاجه انما ليه مش تبص ليها على انها ارزاق مكتوبه من رب العالمين وكل واحد ورزقه وهو اعلم بهذا
نورت يا اخى العزيز




رئيس جمهوريه نفسى

يعنى يا حوده يا اخويا عاوزة احتل القصر بتاعك واطردك منه ههههههههخخخخخخخخخخ حقى بقى انت مديون ليه
ميرسى ليك يا حوده

appy said...

Vague

عتسافر وتفوتنا يا ولد العم امكنش العشم منك اكده وبعدين العريش بلدى وجريبه من اهناك حداكوا عموما متغبش علينا هههههههههههههههخخخخخخخخخخ
نورت يا ادم




Marvel

هما اللى عملوا الحواجز دى ولا طبعا اهانة الام علشان مصلحتك انما اهانة الغريب فده هدر كرامه
نورت يا جميل

appy said...

استاذ/راجى

ميرسى ليك خالص وبتنور الدنيا هنا



الشارد
مختلفتش ان السفر ضرورى فى بعض الحالات انما مش اروح اموت نفسى فى البحر علشان رزق سريع
ولا علشان اهاجر وكرهتها ولا اسافر بالسنين واسيب اهلى
صح ولا ايه نورت الكوكب

Anonymous said...

الفاضلة آبى
أجمل تدبيسة فى إنتظارك و لا تحملين هم جيبى ده رغيف البركة يكفى ميه و لا بلاش حكاية الرغيف لقمة هنية تكفى ميه
أبو خالد

appy said...

نضال

عاش من شافك يا اخى الصغير انت فين والله لسه ساله عليك امبارح الله يخليك سالت عليا العافيه طبعا ههههههههههههه ميرسى يا ابو النضاضيل ليك بس النبى شكلك اول وحد عاوز تسافر خخخخخخخخخ لا عارفه انك حد مجتهد جدا وبتشوف الويل وبتتعب جدا فى شغلك ومتحمل انا عارفه ان ضفرك برقبة ناس كتير مترمين على القهاوى يا احلى نضال




شقاوة شعب

والله يا شيمو مش عارفه اقولك ايه بس انتى جبتى المفيد يا اسكندرانيه نورت الكوكب كله

appy said...

the riddle

منتظرين واهلا بيك




مجداويه

حبيبه قلبى عارفه اللى انتى بتتكلمى عنهم دول اجبن خلق الله فى الارض اسالينى انا لولا خوفهم منها ومننا مكنوش يعملوا كده دول ولا يسوى جزمه قديمه بجد
احنا اللى بنخلق احساسنا ادارى نفسى عن الوشوش الوحشه ومنخليش دول يخوفونا احنا اللى صنعناهم واحنا اللى ممكن نهدهم يا حبيبتى اسالينى انا
نورتى يا قلبى ومش كفايه انا عليكى

appy said...

بونجو

انا موافقه نلف ونرجع بس منسبش خالص هههههههههه وميرسى على ذوقك يا قمر هو خرب بيتى الا الشوبنج من بره ههههههههههههه



الفاتح الجعفرى

اممممممممم امال هتخانق مع مين لا بقولك ايه انت كويس لو سبتنى لليعقوبى مش بعيد ترجع تلاقينى كل واحد قاطع ودن فاقع عين للتانى لا خليك وان شاء الله تلاقى حاجه كويسه يا رب او لو هتسافر وتاخده معاك موافقه بس ترجع تانى

ميرسى ليك وربنا يكرمك يا زميل المعارك

appy said...

ياسر

تصدق بالله انت وجعت قلبى من كلامك والله ربنا يرجعك بالسلامه بجد وتحياتى لولدتك وربنا يهدى نورت كوكبى المتواضع




الربان

يا اهلا اهلا ميرسى ربنا يكرمك بجد وميرسى على ذوقك

appy said...

اخى الطائر الحزين


ربنا يبارك فيك ويفك حزنك اللى مش عارفه مالك بجد



اخى ابو خالد

ههههههههه مليش فيه رغيف وحركات لااا بقولك ايه انا رفيعه اه بس باكل وبعدين خد عندك عاوزة سمك بورى سنجارى ماشى وسمك موسى وده مهم وفيليه وجمبرى معنديش مانع وواحد شاى على البحر بقى وبعد الاكله دى بطانيه وتسيبونى نايمه على البحر واصحى الاقى عجله علشان الف بيها على البحر وبعدين اروح التجارى والسوق التانى اللى مش عارفه اسمه لغايه دلوقتى حتى بعد ما بابا قالى 100 مرة غباء مستحكم فى دماغى مش مهم وبعدين نروح بورفؤاد
وبعدين اممممممم كفايه كده لغايه لما اجى شكلك هتعزل وتسيب بورسعيد صح قول ههههههههههههههه

Anonymous said...

تشرفينى يا آبى
أبو خالد

Unique said...

بصي يا جنرال انا جاية ارمي كلمتين

بس بليز دماغي واجعاني مش عايزة

قلل تتحدف علي .. اوكي

وجع الضرس ولا وجع مصر

احنا اتفقنا على ايه .. لا للقلل

appy said...

اخى ابو خالد

الشرف ليه يا اخى العزيز




Unique
طيب ماشى اتفقنا بس اياك اشوفك فى جروب هنروق مصر وهروح اشرد لكى ده حق مشروع اتفقنا طالما امنتى نفسك من القلل ومن دخل كوكبى وامن نفسه فهو امن من قللى ههههههههههخخخخخخخخ

سكــر said...

اسف ياابى

كان نفسى اسمع الحلقه

ظروف الشغل

حاولت اجيب الموجة فى اذاعة الطياره معرفتش

فى وقت اذاعة البرنامج

كنا بنعمل كشف صيانه على طياره

اسف ياريت لومسجلا الحلقه

مش عارف ااقول ايه

تحيااتى ياابى

والف مبروك
وتتعوض ان شاء الله

واشوفك فى التى فى

مجداوية said...

آبى الغالية
انت فهمتينى غلط أنا مش خايفه منهم ,,أنا لا أخاف من بشر على وجه الأرض ,,أنا خايف من تأثيرهم على حياتنا فى مصر وعلى نوع الحياة اللى ناشرين فيها الرعب بين الناس واللى يتكلم يسحلوه أنا خايفة الحق يضيع من خوف الناس تتكلم أنا خايفة على نفسى وعلى بنتى يكمموا أفواهنا ويرهبونا ويهينونا
,,البلد اللى كرامتى تتهان فيها متبقاش بلدى وأنا مش عايزة أوصل لده ده اللى أنا خايفة منه لكن هم كبشر ولا يسووا ولا عمرى حاخاف أتكلم وعلى عمرهم يقدروا يسكتونى ,,لكن الاهانة أنا مقدرش عليها وعمرى ما اتعرضت لموقف مهين وممكن أموت فعلا ولا ان أى بشر يهينى

ربنا أكبر منهم لكن اللى بيحصل فى مصر ارهاب شعب ونجحوا فى ده

3abdo me7tas said...

ادعيلي
انا هدخل تانى اقرا البوست
بس قلت ادخل عشان مش تزعلى منى
ادعيلي بجد

appy said...

سكر


ولا يهمك هى الطيارة السبب هشد ودنها بعدين متزعلش هههههههه كفايه انك اهتميت ربنا ميحرمنيش منك




مجداويه

عارفه يا حبيبتى كلامك وفهمته خلاص ربنا القوى وبعدين احنا هنقدر عليهم ان شاء الله ربنا دايما مع الحق وبيحمنا دول ضعفاء وعندهم جبن كبير



عبده محتاس

بدعيلك ربنا معاك يا رب ومش زعلانه خالص

صاحب المضيفة said...

مدونة رايقة بجد


باسمع عنها كتير لحد ما شرفت بالدخول

فوجدتها اكثر لمعانا ورونقا وبريقا


دمت مبدعة

Tamer Nabil said...

يانهار مش فايت كمان حصلت ان رجلى الراديو يتكلم عليها ههههه

طيب ونبى قوللى ليا اتقال اية بالظبط لااحسن رجلى من ساعة ما عرفت وهيا بتصرخ وبتعيط

تحياتى

الشنكوتي الكبير said...

مبروك على الشكل الجديد يا ابي
اللون ده احلى كتير من البنفسجي

عقبال ما تختاري الوان بيتك يا سكر

سلاااااااااااااااااااااااام

همس الاحباب said...

طبعا الف مبروك على الاذاعة
وعقبال التلافزيون والفضائيات كمان
انا نايم 6 الصبح وصحيت 8.30 علشان اسمع البرنامج مخصوص
بجد انتى تستاهلى كل خير
واسلوبك فعلا جامد وبوستاتك رائعة
اما بالنسبة للغربة فانا مش بحب اخرج بره مصر مهما تكن الظروف
لانه نار مصر ولا جتة الغربة
وفيه مثل بتقوله لينا ستى من طلع من داره اتقل مقداره
تحياتى ليك يا ابى هانم
خالد

عـــفـــراء said...

اعتقد وجع الضرس
اصلك ماجربتيش ربنا مايوريكى

اكيد الغربة صعبة جدا
ولانى فعلا عشت فترة غربة بس مش شرط تكون غربة الوطن.
خالص تمنياتى

الراقص مع الذئاب said...

السلام عليكم
ازيك يا آبي

انا بقي بختلف معاكي في الموضوع دا
انا بحب لدي والحمد لله وبنتمي ليها اوي
بس لازم اكل عشان اعيش
لازم اولادي يكلوا ويستريحوا في عيشتهم
يا آبي الناس مش لاقية العيش وبتموت بعضها عليه
اكيد لو جتلي فرصة اني اسافر بره مصر هسافر من غير نقاش
مع اني برضو جربت الغربة والبعد عن مصر
وعارف ادي ايه هي صعبة
بس مش هتكون اصعب من اني ملقيش رغيف العيش

بصي للأمر بصفة عملية شوية....وحاوري شاب حديث التخرج ملوش واسطة او مش معاه فلوس رشوة عشان يشتغل بيهم

وحولي تبدلي الكراسي وتشوفي لو انتي مكانه احساسك هيبقي ازاي

لأن الامر دا مش هيحس بيه غير صاحبه بس

ربنا ينجينا

الراقص مع الذئاب said...

استحمليني بقي...رد تاني

----------------------
من الحجات الجميلة اللي انا اتعلمتها في مجتمع التدوين يا آبي إننا مش شرط اننا نكون متفقين في كل حاجة عشان نحترم بعض
في عالم التدوين

ممكن اكون مختلف معاكي في حجات كتيرة اوي...بس بحترمك


وانتي برضو لما بتختلفي معايا بتدخلي تشرحي وجهة نظرك اللي بيبقي ليها عندي احترام وتقدير
لأني مبنساش إن ليكي مواضيع واراء ومواقف انا بستفيد منها شخصياً
والله يا آبي من غير مجاملة ولا نفاق
وفي مدونات كتيرة اوي بالشكل دا

معلش كان لازم اوضحلك قدر مدونتك عندي وليه انا حريص جدا علي متابعة مدونتك وبعتبرها من احسن المدونات اللي بتردد عليها


وعشان ردك عندي في اخر موضوع حبيت اوضح شوية حجات واتمني انك تتفهميها من غير ما تتحيزي لفلانة عشان خاطر هي صاحبتك او تعرفيها عن قرب....ومش هقول انك متفقة معاها
عشان عارف انك مش كدا

بصي يا اختي الكريمة

عادل امام اتسبب في ضياع هيبة المشايخ سنوات كتيرة
واجبر المشايخ الكبار انهم ينشروا تراجمهم اللي ديما بيخفوها خشية الوقوع في العجب او الرياء
يعني يطلعوا يقولوا انهم درسوا كذا واتعلموا علي يد فلان وفلان
دا غير تصويره لكل سنة من سنن النبي صلي الله عليه وسلم بكل إستهزاء وبتبجح رهيب
والكلام دا ملوش دخل في احداث التسعينات
فئة قليلة او مأجورة (والله اعلم الجهة اللي هي تبعها) فقجرت وقتلت وعملت
خلاص بقي ليا الحق اني احارب الاسلام
يا آبي السنيما المصري بتطلع العاهرة وفتاة الليل إنها ضحية ومظلومة وصاحبة الحق والناس بتتعاطف معاها
دا حتي الشاذ بقي ليه مكان في قلوب الشعب المصري

دا بخصوص الكلام علي واحد من اشر الناس...ونقول ربنا يهديه

اما موضوع الحجر علي الافكار فدا من باب اولي اني احنا اللي نقول كدا
وهو يا آبي الناس تشتم في الاسلام وتستهزء بيه ونفضل احنا متكتفين ونتفرج
واحدة طالعة تقول كل واحد ملتحي كان عنده مشكلة عاطفية وحببته فرقعته
لا...لازم هنقف وندافع ونخرس السنة الناس ديه

وانا عاوز أسألك سؤال صغير
هو موضوعي دا في حاجة متطرفة او اي نوع من الحجر علي الافكار ؟؟
أنا قرأت الموضوع اكتر من مرة ملقتش فيه حاجة شاذة
ولو حصلت مقارنة بين اللي مكتوب عندي واللي مكتوب عندها اكيد هتظهر حجات كتيرة
وانا ليا عتاب شديد اوي عندك
انتي معروفة بقول كلمة الحق في اي مكان
ليه مدخلتيش توقفيها وتنصحيها مدام هي صاحبتك وتعرفيها؟؟


اما بقي بخصوص ردي عليها فهو دا بقي اللي انا مشتغربله اوي من كلامك يا آبي
انتي متأكدة إنك قرأتي ردي انا؟؟؟
اللي انا افتكره اني كتبت رد عادي او دفاعي
هما كمان كانوا ردين...رد علي استهزئها بالنقاب...والرد التاني كان دفاع عن نفسي
لأني كنت قبل الجيش ملتحي...وهي وصفت الملتحيين بأبشع الصفات
مفتكرش اني دخلت شتمتها ولا حاجة..
ياريت لو هي صاحبتك اوي وبتوريكي الردود ..ياريت تعملي للرد بتاعي كوبي وتنشريه
عشان محدش يظن فيا ظن سئ
لأن كدا الناس هتاخد عني فكرة مش مظبوطة وهتتوهم بقي اني دخلت عندها وانا شايل جنزير وعصايا ونزلت اضرب فيها
وضعاف النفوس كتير اوي زي ما انتي عارفة

اتمني اني اكون عرفت اوضح الامر ليكي ...وحبيت انه يكون في مدونتك مش في مدونتي

وبعتزر علي الاطالة

دكتور بهــدوء said...

اول مره ادخل البلوج
بس بجد فاتني كتيــــــــــــــــر أوي
هااااايل هااااايل بجد
وهكون هنا ع طول
فعلا طول عمري حابب البلد دي بكل اللي فيها
وزي الرائعه ما قالت
ماشربتش م نيلها
طب جرب كولديرها

fatma said...

السلام عليكم
انا بجد مبسوطة انى دخلت هنا وفى البوست ده
موضوعك هايل والردود اللى فيه روعه
أنا كمان اكتر حاجة بتوجعنى لما اعرف ان حد قريبى مثلا مش عاجبه حال البلد وحجته مفيش شغل وزى ما انتى قولتى هبقى متخرج من ايه واشتغل معرفش ايه
ويفضل من غير شغله ولا مشغله واهله يدوروا له على شغلانه بره مصر يجيب منها فلوس
منهم اللى بينجح والغالب بيفشل
اللى عايز يشتغل هيشتغل فى مصر او فى اى حته تانية
انا فعلا مش فاهمة ليه الشاب يرضى على نفسه يمسح البلاط ويغسل الصحون فى اى حته بره مصر ويبقى فخور قوى انه لقى شغل
طيب مهو ممكن يشتغل اى شغلانه هنا بردو ويمسح بلاط ويغسل صحون
بس حجته ان هناك محدش يعرف هو مين ولا اهله مين فبيشتغل براحته
اما هنا هيشاوروا عليه ويعايروه بشغلانته
الشغل مش عيب مدام شريف وحلال
فعلا الغربة صعبه قوى قوى وحقيقى بزعل على اى شاب بيفكر انه يشتغل بره ويتغرب ويسافر
بيدفع التمن من عمره وحياته وشبابه
آبى بحييييييييييييكى بجد على موضوعك ده

د/اجدع بنوته said...

مبدئيا كده ..

الله يسهله ياعمممممم اذاعه وقريبا تلفزيون

متسيط طول عمرك

تعليقا بقى ع السفر

معاكى ف كل كلمه قولتيها

بس موافقه ع السفر لو كنت انا واولادى هنكون هناك مع بعض

لكن حد مننا ف البلد والباقى ف بلد تانى

لاااااا

تحياتى لاحلى رئيسه ف احلى كوكب فيكونى

نوري said...

عايزين تعرفوا رأينا
في الغربه ايه
حاجه يعني بصراحه متتوصفش
شئ لا نحسد عليه ابدا
شئ بدون ملامح
حياه بدون روح
ولو كانت مرتبتك او وظيفتك ايه
فانت غريب غريب لامحاله
ع راي بابا ديما يقولي
في مصر كنت بشتغل عشان
اسمع دعوه حلوه
واحس بواحد كان اعمي
وبعدين نظره رجعله تاني
وشاه الحياه من جديد
لكن هنا بشتغل عشان
الفلوس بس
عشان كده احنا
مفتقدين حاجه مهمه
وهي الروح
في مصر كنا بنتعامل صحيح
ع الاصول والواجبات الاجتماعيه
بس برضه غالبا عشان بنحب بعض
بس هنا الكل بيتعامل بالمصلحه المطلقه
ولا دخل لاي نوع من انواع الحب المجرد
فاحنا بجد نفتقد مصر
بتربها ونيلها واهلها


يلا بقي(بست وشز فور يو)0

واحد من البلد دى said...

يا مصر ياللى التاريخ ســطر علـى جبيـنـك

العــمـر يخـلــص ولا يخـلــص مـحـبيــنـك

من بص ف عنيكى بصة تسحريه على طول

يتــمـنى لو يبـقى زرعــة نابـتــة من طـيـنـك


سألونى يعنى إيه مصـر؟ومصـر إيه يعـنى

أنا قـلت حضـن ودفــا و صــدر شبعنى

وإيدين بتاخد عزا و زغروطة يوم فرحى

ولما اقـــول الآه مـيـن غـيرها يســمعـنى


أنا مصر عندى مش ملوك وقصور وسجادة

دى مصر شنجى وبرنجـى وكنـجى وبيــادة

وفانوس ف إيد طفلة أول ليلة من رمضـان
دقــت عـلى البـاب قـالـتــلى.إدينـا العــادة

أنامصرعندى مش تراب ولاأهرامات واقفين

دى مصردى محمد وزيزو وإبراهيم وحسين

وعــم حـنـا اللى قـاعــد يشــرب القـهــوة

ويقول ما تييجى تتغلبلك عشرة والا إتنين


مصر اما ييجى الشــتا لحـاف يغطيــنى

وف حمتى كمـادات باردة على جبيــنى

و اسم الله يا ابنى لما اقع و إيدين تقومنى

وجــرس وجنبه الآدان للخــير يناديــنى


دى مصر ريحة العنب ونخيل بلح أبريم

وصلاح وبيـرم وعبـده ونجـم ويا حليــم

وثــومة والنقــشـبـنـدى لو يقول مولاى

يحسسك أد إيه ربك غفور و رحيم


ياللى إنت ناكرلخيرهاروح وسيبهالنا

دى العيشة لوجوه عشة فى مصر تحلالنا

بلـدنا.بنحـبها والحــب ما يعــبنــاش

لكن يعيبنا السكوت على وضعنا وحالنا


ياللى إنت راكب حصان واخد وراك إتنين

واخد حبيبــتى معـاك.طيب واخـدها لفين؟؟

ما اقدرش اشوفك و اسيبك تمشى على كيفك

ما اقدرش اكون فى الدنيا دى عايش كده بوشين


دى حبـيـبـتى لـو تبتسـم الدنيـا تـبقــى ورود

وانا حبـى ليها ما تقــدر يـوم تحــده حـدود

حافضـل محـوط عليـها بقلـبى وجنـاحــى
ويا تبقى حرة يا فى ترابها ياكلــنى الدود

Whispers just for a Night said...

السيدة الكريمة

تابعي على مدونة قولاً سديداً رد الحكومة الهولندية على حملة المدونة لدعوة الحكومة الهولندية لسن قوانين ردعية تمنع حدوث الإستهزاء بالمقدسات الدينية ورد المدونة عليهم على الربط التالي
http://kawlansadida.blogspot.com/2008/04/blog-post_18.html

وجزاكم الله عن نبيكم خيراً

المنسى said...

السلام عليكم
الله على إحساسك ياآبى وعلى حبك لبلدك
أنهى حمار ده إللى عايز يسبها ويمشى
ده أكتر نعمة ربنا أنعم بيها علينا طبعا بعد نعمة الإسلام هو إنك مصرى
ده أنا لما بطلع بس بره دار السلام بحس بغربة تقوليلى أسيب مصر كلها
انا قاعد ونبى لو هيقتلونى قاعد برضو
وهصلحا وأظبطها
إن شالله أعيش فيها لوحدى
برضو مش هسيببها

الطائر الحزين said...

لكل منا لسان واحد وأذنين

فهل يا ترى نسمع اكثر مما نتكلم؟

الطائر الحزين said...

مبروك اذاعة الحلقة

وفقك الله
ومزيد من التقدم

حمادة زيدان said...

آبي الجميلة
أنا طبعاً زى كل مرة هاتأسف أني بكتب الكومينت بعد فترة بس والله غصب ... المهم خلينا في موضوع السفر أنا شايف بردوا أنوا لازم الناس تقعد في البلدي وتحارب لغاية ما تلاقي نفسها .... بس في ملحوسة صغيرة
الناس اللي بتسافر بيصرفوا مش أقل من 10 تلاف جنية فى السفرية طيب بيسافروا ليه!!!
آبي
اليوميات الجزء التالت مستنياكي تعلقي عليه

shaimaa samir said...

والله محدشينكر احساس الغربة
لكننا لوادركنا ثقافة الغربة
الامر هيكون اهون شويتين
بصى انامش عارفة اكتب حاجةجديدة
لانى كنت لسه برد برضو فى مدونة على موضوع الغربة

خلاصة ما اريده
ان يكون للسفر هدف اسمى
لنهضة دينه وبلده ونفسه

وكل اللى هنا
يركزوا فى اللى بيعملوه
الدراسة
الشغل
كل حاجة
هنقومها تانى باذن الله

appy said...

صاحب المضيفه

ربنا يكرمك يا رب وانا تشرفت بوجود هنا نورت الكوكب كله ولك خروف هديه ههههههه



تامر نبيل

قالوا تعليقك علىالبوست يا عمنا



الشنكوتى الكبير

ميرسى يا هوبه ربنا ميحرمنيش من ذوقك

appy said...

همس الاحباب

والله يا خلود كتير عليا يا جمر انت ومش عارفه اودندى جميلينك دى فين ابقى اعزمك على واحد خروب بقى هههههههههههبجد ميرسى ليك




عفراء

لا يا اختى والله جربت بقالى كام يوم وجع ضرسى مجننى هههههههههه نورتى اول مرة فى الكوكب

appy said...

الراقص مع الذئاب

عليكم السلام يا ابو صابر

بص يا عمنا انا مش معترضه على الناس اللى تسافر شهرين سنه بالكتير وترجع انما متبعش بلدها ميجيش معاه فلوس يطنطط على خلق الله
ولازم نفكر واحنا بنأكل اولادنا برضه تربيتهم التربيه مش اكل وشرب بس يا حضرة الظابط
على فكرة مش كل حاجه بالوسطه والرشوه صدقنى انا اشتغلت من غير دول الحمد لله واللى عاوز يدور هيلاقى
الموضوع التانى متفقين يا ابو صابر وفهمت وجهه نظرك ولك كل احترام وليا الشرف انك ترد هنا وتطيل كمان براحتك
علشان تبقى فرصه واقول عليك بالع راديو وارد الخارج تردد 1000 قناه ههههههههههه
بس استنى شاذ مين اللى ليه مكان قلوب مين اوعى تقول انا ازعل منك قوى انما انا بعتبر الافلام المصريه حاجات مهويه يعنى فراغ مفيش كتير عجبنى المهم ربنا يهدى الجميع
وانت ولا كنت ماسك جنزير ولا سلسله عادى يعنى
نورتنى يا ابو صابر



دكتور بهدوء

ميرسى يا دكتور وابقى اقعد اتسلى ومتحرمناش من وجودك يا اهلا بالهدوء كله فى حياتنا شرفت الكوكب وخد خروف وقله هديه هههههههههه

appy said...

فاطمه

اهلا بيكى يا قمر هنا اول مرة نورتى الكوكب وزودتيه كلام جامد جدا
والله عليكى وعلى كلامك يا سكر انتى نورت الكوكب كله



د/أجدع بنوته فى الدنيا

يا سمسمه عاوعقبال لما اشوشك فى الفضائيات يا اوختى وانت طبيبه قد الدنيا
ميرسى ليكى يا سمسمه ياللى متفقين على طول يا رب دايما

appy said...

نورى

ايون هو ده اللى عاوزاه فهميهم بقى اصل قلبى وجعنى موووووووووووت شكرا ليك من قلبى ولكى ثلاث خرفان هديه هههههههههههه نورتى يا قمر


واحد من البلد دى

تسلم ايديك وقلمك نورت الكوكب بجد وزاد نووووووور قوى بقلمك

appy said...

Whispers just for a Night
حاضر هتابع ان شاء الله ربنا يكرمك




المنسى

ايون يا راجل تخرج برة السلام تلاقى السلام التانى ده حتى يبقى عيب هههههههههه نورت يا منسى

appy said...

اخى الغالى /الطائر الحزين


الله يبارك فى حضرتك ويكرمك يا رب




حماده زيدان

انت القطار بيكعبلك انا عارفه يا زيدان ولا يهمك يا قمر
وهجيلك انا جى وسع الطريق لبطوط



شيماء سمير

بصى يا قمر معترضتش على كل ده بس لما يسبها علشان حاجات تانيه او ميرجعش يبقى يغور هو بقى
نورتى اول مره الكوكب يا قمر

The_Explorer said...

قابلت كثيرا من المغتربين ومما لاحظته أن الناس أحيانا تحاول أن تبرر تصرفاتها بمبررات ضخمة فخمة مع أن الأمر أبسط من ذلك أو كأن السفر تهمة يحاولون أن يوجدوا لأنفسهم الأعذار لاقترافها. لا يقول أحدهم مثلا لقد سافرت من أجل المال -مع أنه هدف مشروع- واٍنما يقول لقد سافرت لأن نظرتى للكون ومعنى الحياة لا تلتقى على المستوى الميتافيزيقى مع انعكاس الضوء فى الأفق المصرى. الغريب أننى أعرف من هؤلاء من كان ينتقد مصر كأن بينها وبينه ثأر ثم عاد اٍليها فور حصوله على وظيفة بمرتب جيد

الخلاصة أننا نميل دائما اٍلى تضخيم الأمور. من أراد أن يسافر فليسافر لانتهمه فى وطنيته وأيضا ليس من حقه أن يسب مصر ليل نهار ليبرر سفره لنفسه أو للآخرين

أما عن نفسى فأنا أنظر للسفر كمأمورية يحدد المرء هدفه منها ويرجع فور حصوله عليه لكيلا تسرق عمره السنون. فضلا عن أن تربية الأولاد فى بلدهم أمر مهم جدا لكيلا يكونوا من الشباب اللامنتمى لشىء ككثير ممن رأيتهم. ثم اٍن الوطن كالأم لا نقارنها بأى امرأة أخرى ولو كانت أكمل النساء

Z_Diva said...

hi
ana lssa m5lasa elblog da, we bsra7a r3'm in fe mawde3 msh melly bhtm beha awy y3ny, bas 3ammatan eslobk 3gbny ela 7d kbeer, we bsra7a m7trma awy istaklalytk, weink 3shan sh3'lk we mst2blk momkn tb3dy 3n ahlk, we t3dy lw7dk, we fe nfs elw2t ahlk dayman gambk we m3aky 7ta whma fe mkan tany, keep up the good work, we salmely 3la btoot -32bal ana kman magybly z3bolla-

ayman badr said...

جزء من كلامك مش موافق عليه إن احنا بنقسى على مصر وبنهرب منها لا ده مش هروب ده بحث عن الرزق فى أى أرض ودى مش عيب ولا حرام وزى ما سألوا جحا : بلدك فين يا جحا قال بلدى اللى فيها رزقى واكل عيشى.
دى اول نقطة اما تانى نقطة متفق معاكى فيها وهى الشباب اللى مقضيينها شات ومعاكسات وكل طموحهم يكلموا بنات وينزلوا آخر اغنية اجنبية اللى هما بالطبع مش فاهمين عنها حاجة وبينزلوا الكلمات بتاعتها عشان لما حد يسالهم فيها يبقوا جاهزين وفى الآخر عاوز والده او والدته يديلوا المصروف
احييكى على البوست اللى عجبنى جدا وأسلوبك اللذيذ
تحياتى

appy said...

The_Explorer

اهلا بيك اول مرة هنا فى الكوكب نورت بجد قوى وميرسى على كلامك
بس متفقه معاك انه يسافر ويرجع بعد ما كل محاولاته هنا تفشل مش على طول نورت الكوكب



Z_Diva
اهلا بيك وميرسى على الكلام ومش لازم تكون اهتمامك زى اهتمامى بجد عادى بس كويس ان اسلوبى عجبك لحد ما حتى مش كبير هههههههههههههههه
وعنيه بطوط كمان بتسلم عليك واهلا بيك هنا على طول وعقبالك هههههههههه

appy said...

ايمن بدر

اهلا بيك وانا مش بعمم يا ايمن خالص فيه ناس وفيه ناس تانيه السفر وسيله لحاجات وحشه
عموما كويس اننا اتفقنا فى ناحيه تانيه نورت الكوكب المتواضع

الطائر الحزين said...

ليس بالضرورة ان تميز كل فرد يؤدى فى النهاية للنجاح

لكن الاهم ان يتميز الفريق مع بعضة

MR.TITO said...

باختصار...

تعب وعمر بيروح بسرعة وتحس انك عندك فوق ال90سنة مع انك فى ربيع شبابك..
ده غير حرق الدم والاعصاب وكسرة النفس لأنك مش فى بلدك ، وللأسف بنشوف يوميا قصص وحكايات عن المصريين فى الخارج واللى بيشوفوه..وممكن انا كنت واحد منهم...ياااااااااااااااه..
عمرى ما هنسى يوم مرجعت مصر قبل ما اسافر تانى..
يومها اول منزلت لأرض مصر..
والله بوست الأرض ومسكت رملها بايدى ومش مصدق انى فى بلدى.
بس برده متعملتش وسافرت من تانى،بس ده غصب عننا لأن ظروف البلد متسمحش ابدا بالمعيشة فيها فى وسط ضغوط الحياة فى الوقت ده.

اسف انى طولت عليكم ..بس والله جوايا كلام كتيييييييير وكان نفسى افضفض شوية

تحيـــاتى

المصرى

appy said...

مستر تيتو

اهلا بيك والله حسيت بيك معلش ربنا يجيبك بالسلامه وفضفض براحتك الكوكب كله هواه بحرى بجد وانا بستنى الناس الحلوه