.jfif)
.jpg)
طبعا لا تعليق على الصورة اللى شوفتوها دى ببساطه القصه اننا عاملين اعلان عن طلب وظائف فى الشركة عندنا وطبعا بما ان الاعداد كتير المطلوبه او ظائف كتيره فقولنا تيجى الطلبات عن طريق صندوق البريد
وطبعا اختكم اللى هى سعادتكى اللى بتفرز الطلبات دى
وبالصدفه اكتشفت الجمال ده
كل الطلبات والجوابات جايه عليها طوابع فرعونى باشكالها كلها زى ما جبت لكم
وفجأة ان ان ان تشششششش
لقيت طابع عليه محمد رشدى من 2005
طيب افهم بمناسبه ايه محمد رشدى رمز لايه يعنى
لو حد يعرف الحل يبعت على ص.ب الهرم واحده وييييى نص
عمار يا بلدى لما يبقى على بريدك مطربين وده علشان الاخوه اللى زعلانين انى بقول العالم بيبنى حضاره واحنا بنهد
يالا فتوكوا بعافيه
كان معكم ابى هانم حفيده حتشبسوت سابقا
حكمة الامبراطورة
ويل لامه عاقلها أبكم وقويها أعمى ومحتالها ثرثار
35 اخبط وقول رايك:
فيه حد ما يعرفشى محمد رشدى
يا نهار ابيض
يا بنتى ده صاحب اكبر معركه بحريه حصلت فى اكبرى صحرا فى مزارع كالفورنيا.
بصى
مهو يا اما انتى اللى مش عارفه تاريخ ، ودى مش مشكلة مصر .
يا اما مصر هيه اللى غلطانه اللى اتدت امثالنا الجنسيه ، ولذا اطالب من رئيس الجمهوريه يعدم كل واحد ما يعرفش مين هو القائد محمد بيك روشدى طيب الله سراه وادخله جنت الفردوس.
ويا بهيه خبرييييينى ............ ليه فيه ناس كده تايهين ؟!!
مش عار فين محمد رشدى من صلاح الدين.
ويكا
دا انا طلعت جاهله تصدق بحثت فى تاريخه لقيته قائد معركة كعب الغزال يا متحنى وكان هو برضه اللى دافع عن حبيبه لما يا ليه ما جاله حبيه ودق عليه الباب
تصدق انا جاهله فعلا
وبعدين صلا ح الدين يجى جنب ابو الرشد ايه عيب عليك دا ابو الرشد فشخ الصناعه المصرية loooooool
طيب مادمتوا بتعلنوا عن وظايف ليه مش بتقولي لأخواتك المدونين عليها ..هه؟
بصي انتي علي طول تدي الوظيفه للراجل الفنان صاحب الحس المرهف اللي لازق الطابع دا علي جوابه
هو في كدا؟
عاوز اصحى
اوبااااا ليه الزنقه دى بقى
عموما احنا طالبين مشرفين انتاج وفنين ومديرين ادارى بس ما شاء الله الجيش متوصى وتقريبا كل اللى طلعوا خدمه باعتين لنا انا ميلى فى الجنب ممكن اى حد يبعت ليه السى فى بتاعته والىل هلاقيه مناسب هقدم له فى الوظيفه يا فندم
مشرفين انتاج ؟؟؟ منبه يعني
لا شكرا جزيلا انا عمال بنبه نفسي لوحدي
تحياتي
انت هتدوخنى ليه
لا فيه حاجات كتير طالبين فى الصيانه وفى المبيعات كمان وفى الشئون الاداريه وفى تقنيه المعلومات
it
كده شوف انت خريج ايه وابعت وربنا يسهل
ان شاء الله علي شهر 7 هبقي خريج
it
قولي يارب ...يارب
وابقي ابعتلك السي في بتاعتي بس مبحبش الواسطه الا لو لزم الامر يعني
تحياتي
ههههههههههههههههه
يعني هو مالوش نفس
أكيد دي نفسة مش كدا ههههههههههه
كل حاجة مقلووووووووووبة
لحظه
من محمد رشدي
!اول مره اسمع عنه
اقصوصه
ده مطرب مصرى شعبى مش وحش كويس بس مش فاهمه يعنى ايه يتحط على طابع بريد بلد باى مناسبه يعنى
الطابع البريدي الدولة اوقات في مناسبات معينة تصدر طوابع تذكارية احيانا تكون بمتابة تكريم لشخصية معينة واحيانا تكون صورة مكان او حدث معين لكن هذه الطوابع تكون بكميات محدودة ربما الطابع الذي أوقعه حظه العاثر بين يديك (انا امزح ) من هذه النوعية
تحياتي لك
محمد رشدى فنان مصرى بيحترم فنه
شخصية مصرية محترمة
تقريبا فعلا هوا مات فى 2005
مش فاكر
فكان لازم يتعمل له طابع باسمه
والعالم كله بيعمل كدا
بيحط صور الفنانين والمشاهير والبنى ادمين اللى الناس بتحبهم عالطوابع
بس كدا :)
عايز ابعت بقى على الوظيفة
هبعت طابع عليه شعبولا
او عماد بعرور :D
دا حال البريد المصرى مستقبلا
لان مش فى رموز حاليا زى محمد رشدى
يعنى كمان تقريبا عشرين سنة هيحصل كدا
ويعتبروا بعرور هوا رائد الأغنية الصايعة :D
ويعملوا له نصب تذكارى
إحنا بلد بنت حلال وشعب غلبان
تحياتى
فقرى
شاب فقري
انا بحترمه جدا وبحبه على فكره مش بكره انا مش عتابى عليه او تقليل منه طيب انا بموت فى اغنيه كعب الغزال تصدق بقى
بس حتى لو الدوله عملت كده ميبقاش يتحط على البريد بتاعنا يعنى تذكار تتوزع طيب قولى هما عملوا لام كلثوم طيب ولا عبد الوهاب بجد مش هزار وحتى لو عملوا يبقى ميتداولش على خطابات رسميه ابعت بجد السي فى بتاعتك لو انت عاوز تشتغل مش لازم طابع بريد انا بتكلم بجد ابعتها على ميلى
خواطر شابه
اقري ردى على شاب فقري يا قمر
على فكره انا احتفظت بالطابع يعنى اعتبرته حاجه كويسه مش وحشه بس ميتحطش على مراسلتنا نحتفظ بيها فهمتى قصدي
يمكن يكون محمد رشدي هواول واحد من الفراعنه لبس بدله؟
ايه يا آبي
ايييييييييييه؟؟؟
وش واحدة بتشد فى شعرها
الحلجات اللى تفرس ديه تخصص اختك بس
لما تلاقى حاجة كده ابقى ابعتيها على طول
اما بالنسبة للطابع يا اختى
فديه اكيد مسابقة
و اللى يجمع 10 طوابع لفنانين مختلفين
حيدولو تذكرة سنما هدية
مفروسة تصدقى
بلد تفرس
و بشر يفرسوا اكتر
واحده مفروسه
لا يا قلبى سيبى شعرك مش مستاهله طيب اعرفى لنا المسابقه واوعدك انى اجمع وابعت على طول
لورانس
تصدق ممكن ازاي غايبه عنى الرياده فى التفكير دى ساعات برضه الواحد مبيقدرش يواكب الحكومه الاكترونيه وبيقى واقف متحجر
هيئة البريد من زمان بتنزل طوابع عليها أعلام مصر
الإمام محمد عبده ، على مبارك ، سيد درويش ، محمد كريم ... كل أعلام مصر فى جميع المجالات
ومحمد رشدى فنان شعبى محترم كلماته كلها راقية غير مبتذلة
إلهى يا رب ما اعيش لليوم اللى اشوف فيه بعرور وسعد الصغير على طوابع بريد :)
غالباً هيكونوا لغوا الطوابع ديه بعد كده :D
مســاء الفــل
- هو أنا في الحقيقية حضرتك مش لاقي تعليق .. هي يمكن بس الفكرة اللي جت في بالي دلوقتِ غن الطوابع دي بتلف العالم كله .. فلو الطابع ده راح متهيألي السودان مش هاقول لك أمريكا ما حدش هايعرف مين ده !!.. لإن المفروض الطوابع دي بيبقى فيها من هوية البلد .. إممممم .. مش عارف .. مش عارف هي حاجة تفرح ولا تزعل ؟... هل ده تكريم للناس دي ولا تغييب لحضارة بحالها ؟؟
عرباوي
:))
السلام عليكم ورحمه الله وبركاته
اسال الله ان يوفقك لكل ما يحبه ويرضاه
نتمنى زيارتكم الكريمه للرابطه
نسعد بذلك
انا مقدر انفعالك جدا وعندك فعلا
خصوصا اننا نفتقد للقدوة كمصريين في الوقت الحالي ..بس على كل حال محمد رشدي دلوقتي احسن مانلاقي بعد كده زي مااخونا شاب فقري لفت نظري بان ممكن يتحط شعبولا او عماد بعرورههههههههههههه
التغيير مش من هنا صدقيني
التغيير لازم يبدأ من تحت ..من الناس
لأننا رامينا طوبة النظام والحكومة من سنين طويله
كل سنة وانتي طيبه يا أبي
في حفظ الله
appy
thank you very much :D
انا شغال بقالى اربع سنين فى مجال بحبه بجنون والحمد لله :)
بالنسبة للطوابع
ما الطوابع اللى عليها صور الناس الكويسة والمشاهير دى بينزلوها للبيع برده
وفى طوابع تذكارية
انا مش فاهم فى الموضوع اوى
بس مش مهم يعنى
دا طابع
تحياتى :)
ملحوظة: انا بحب له اغنيه عدوية
شاب فقرى
واضح جداا انك مش تعرفى قيمتة دة صاحب نظرية مهمة جداا فى الجولوجيا ولا بقى احمد زويل و لا نجيب محفوظ و لا البرادعى انسىى كل دووول, النظرية بتقول من فضلك امشى بحنية لايقوم زلزال, تصدقى انك بجد مالكيش فى النظريات,تحياتى
السلام عليكم
والله الكوكب بتاعك وحشنى
ازيك يارب تكونى بخير يا ابى هانم
انا شايف ان الحكايه ترجع لأغنية ادهم الشرقاوى لان ادهم كان رئيس عصابه والناس حولتو لبطل عشان سرق الانجليز وده طبعا له طابع تاريخى وانتى عارفه بقه عبق التاريخ
وسلملى على التاريخ واللى كتبوه
على كدة ممكن فى الخطة الخمسية اللى جاية يطلع طابع بريد عليه صورة هيفاء وهبي أو نانسى عجرم باعتبارهم غنوا لمصر
أو روبي باعتبارها صورت الكليب الجديد بتاعها عند الاهرامات و أبو الهول
وكم في مصر من المضحكات
ولكنه ضحك كالبكاء
:-))))))))))
جميل يا ابي
صباح الخير يا رحاب
واحده في عقليتك وتفكيرك افتكر مينفعش تكون مغيبه ومن هذا المنطلق....
بقي متعرفيش محمد رشدي ليه صورته نازله علي طابع بريد
اخص اخص علي كده
دول قلوا معاه وعملوا معاه الغلط
والمفروض يعملولو تمثال ويحطوه في ميدان القللي.......... ليه بقي
هو اللي غنا أوعو تحلو المراكب والله يا ناس ما راكب......
ولا حاطط رجلي في الميه
يابن الكلب يا لعيب
قالوهم عيني عينك والحدق يفهم انا مع تأليه الرئيس وتأبيد الرئيس
عرفتي بقي عملوله كده ليه
بجد تحياتي
وليد الدوغري
اه صحيح نسيت اقولك يا رحاب ان محمد رشدي في نهايه حياته قرر انه يبقي معارض واعلن بيان ثوره غنائي ختامي متدفق في الأغنيه الملحمه التي لو جاز للمعارضه ان تتخذ شعار غنائي لكانت هي
دامت لمين
عشان منظلموش
عرباوووي عراباااوي
ده كفايه
تصدقى بقى انا لولا شفت الطابع
كنت مش هاصدق
يعنى عم محمد رشدى ده على عينا وعلى راسنا
بس طوابع البريد
طول عمرها مرتبطه فى اذهاننا برموز معينه وبيتهيألى ان الطابع بيعبر عن هويه البلد اللى عليه اسمها
يالا
بس مش هاستغرب بعد كده لما الاقى طابع عليه الست فيفى عبده
تحياتى ياقمر
السلام عليكم
اذا وكل الامر الي غير أهله- فانتظر الساعة
اذا كان الاعلام والحكومة -تفرض علينا أن تتمثل قدوتنا في المغنيين والممثلين
فقد ضاعت القدوة
لذلك ننتظر أجيال سطحية لا تعرف ولا تفهم وتمثل فقط لا غير
ويتمثل دورها في التمثيل علي الناس وعلي خلق الله
طب لو ام كلثوم ماشي هعديها عبد الوهاب مايضرش
عب حليم مش مشكله
بس ليه محمد رشدي يعني
اول من غني لعدويه مثلا
ونده بعلو صوته عددووواااااييييههه
لوعرفتي قولي
سلام
مامتي حبيبتي
ايه صحيح محمد رشدي ده ماله
ايه علاقته بالبريد يعني
طب اذا كان كده ما تيجي نروح ونحط صورنا احنا كمان
حلو الاغنيه اللي انتي حاطاها دي
انتي فين يا ابي بقالك فترة مش بتكتبي خير انشاء الله
بطمن عليكي بس
ميرسى ميرسى
الفكره كلها انا مش ضد الموضوع بس مستغربه مصر مش حضارتها محمد رشدى ولو زى ما الناس قالت لا بيعملوا لنجوم الفن طيب فين عبد الحليم وام كلثوم
فين عبد الوهاب
الموضوع لو هما بيكرموهم صحيح يبقى يعملوا ده تذكارى ويتباع غالى للى عاوز بس الفكره كلها مش يتحط على جوابات
واعتقد الموضوع غلطه انا لغايه دلوقتى جايلى اكتر من الف جواب مفيش فيه غير واحد بس محمد رشدى
ميرسى ليكم ولتواصلكم
Post a Comment