مناخير بنوكيو




طبعا كلنا عارفين بنوكيو اللى كان بيكدب ومناخيره تطول ده انا بقى طورت الموضوع وبقت اللى مناخيره فعلا طولت تعدى مرحله الكدب وبدأ يمارس هوايته فى حشرها فى حياه الناس وده تطور طبيعى للكدب والناس دى اصلا بتكون ماريونيت فى ايد مين مش عارفه جايز فى ايد حد تانى جايز عوامل تعريه (محدش يفهم غلط ) اقصد من الزمن يعنى

فيه ناس كتير اوى حاشرين مناخيرهم فى حياه ناس وممكن ميكونش الناس الاولين يعرفوا الناس التانين بس نقول ايه تلاقى المناخير طولها اربعه متر لقدام
كنوع من الفضول القاتل اللى مسيره فى يوم يقتلهم من كترة الهرى والنكت فى نفسهم والاكلان
لان نهاية الناس دى بتكون يا العباسيه كولج علشان ياخدوا كورسات علاج مكثف لمناخيرهم ويعملوا لها بتر
يا بوليس ستيشن كولج وده ببساطه لان مناخيرهم من كتر الطول هتخبط فى اى حد ويا حبذا لو الحد ده مهم اوى يقوم يحصل حادثه قووووم هووووب طراخ بووووووم تتتشششششششش تبقى نهايته سوده
طبعا محدش فاهم حاجه كالمعتاد لانى انا نفسى مش فاهمه
بجد انا بشوف ناس وحاجات رمى جتت مشوفتش زيها يبقى الواحد ولا الواحده قاعدين على بوتاجاز 50 شعله عاوزين يعرفوا كل حاجه فى حياة اللى قدامهم ومش فاهمه ايه الاستفاده
يعنى لو كنا اصدقاء اكيد انا لو مضايقه هحكى لو مش عاوزة احكى خلاص
لو مش اصدقاء ولا معارف يبقى انت او انتى ولا تخصونى ولا تخصوا حتى اللى قدامكوا هيفيدكوا ايه تعرفوا ده بينام بالليل على انهى جنب ...بياكل بايده ولا الشوكه والسكينه .. اطلقت ولا اتجوزت ولا ماشيه على ودنها وهى فى البيت
وساعات معرفه حاجات عن اللى قدامك كتير ممكن تجيب لك احباطات نفساويه فى النفس ازاى
مثلا اللى قدامك يعنى حياته احسن شويه علميا اجتماعيا ماديا تقوم انت تعرف حاجات تجيب لك محباطات تقوم تنفسن عليه وعلى نفسك وعلى اللى اهلك كمان ، ما هو اه ليه بقى مخلفونيش زى ده ، وتقعد تهرى وتنكت علشان تثبت انك زى ده ، طيب ليه ما تعيش حياتك زى ما هى واتقندل على عينك (اى اتلهى اى اتوكس اى اتهبب)
وممكن يبقى اقل منك وتكون بعد الشر من الناس اللى عندهم دم يعنى ونفسوياتهم بتتعب يجيلك اكتئاب وقرفه معده وتضايق وتكلف نفسك برضه فلوس ودكتور وحركات قرعه
ملخص الكلام بقى
كل واحد يخليه فى حاله وميشغلش نفسه بغيره الا اذا كان شايف ان غيره ده ممكن يستفيد منه يعنى يبقى عنده فكر زيه او يطور من نفسه
انما ميشغلش نفسه بيه علشان يطلع العقد اللى اهله عملينها فيه على الناس او الفضول بياكل فى نخاع مواسير عقله
ومن انواع الفضول واحد لا تعرفه برضه ولا يعرفك ويروح يسال بنت خالت عمه جوز مرات ابن عم خالتك عليك او يخلى حد صحبك ينتصل بيك وبيكون ناس حركاتهم قرعه ومكشوفه موت بجد علشان يعرف اخبارك
لو شغلنا بالنا بحياتنا فى البيت والشغل والحياه هنبقى ناس ناجحه بجد وبنقدر الوقت والشغل كويس
وخاصه الستات المتجوزين اللى بعضهم معندوش شغلانه غير فلانه قالت وعلانه قالت وام سحلول جابت وام جلمبو راحت الساحل وعاوزة ابقى زيها وبيكون يوم اسود على جوزها لو معملش كده
او برضه المخطوبين دى جابت بادى من عند عمر افندى وانا مش اقل منها لازم اجيب من باتا وهووووب الدنيا تتفركش
فى النهايه التدخل فى حياه الناس بيهدم الحياه وبجد احنا من الفضى والفراغ هنقتل بعض قريب سواء جيران اصحاب منعرفش بعض

سؤال :- انت بقى انت وهى وهو طول مناخيرك قد ايه :)
وايه شايفينه تانى اضرار من التدخل وحشر المناخير فى حياة الناس بطريقه او باخرى سواء لبس حاجات شخصيه

ملحوسه كعبورة :- ميرسى لكل الناس الحلوه اللى حضروا معانا زياره مستشفى فلسطين والناس اللى اول مرة اشوفها شمس النهار الجميله وتوته بنتها ، وعاشقه النقاب اللى كانت مفاجأه حلوة اوى هى وزوجها ، وطبعا الريس ميشو مايكل وتحيا الوحده الوطنيه ودينا زميلته ، وطبعا الشريك المتضامن بتاعى قوس قزح هانم ، وضياء وخالد هم الاحباب وشريف ومحمد عبد الغفار وميرا الحته اللى واقعه منى وطبعا اللى اتصلوا نهر الحب ونضال ورئيس جمهوريه نفسى بجد اليوم كان حلو وهيسبهم هما يحكوا كل القصص اللى سمعناها وشوفناها اللى يحب يروح المستشفى لوحده يروح الناس هناك لطيفه جدا ومحترمه اوى اقروا القصه دى الولد ده احمد ابو سلامه قابلناه امبارح فى مستشفى فلسطين اسمه الشهيد الحى كليك على الاسم ووالده حكى لنا القصه والبناتاخدوا صور له مع والد ربنا يشفيه

كان معكم مدرس اول لواء بحريه ابى هانم كايده العزال انا من يومى

حكمه الامبراطورة

من تدخل فيما لا يعنيه هيلاقى ابو ورده بيرد عليه


110 اخبط وقول رايك:

لورنس العرب said...

سيرة الناس هي التسلية الوحيده للبشر يا آبي
فلا تخلو جلسه بين مجموعه من الاصدقاء أو المعارف إلا وقد اعابوا على الناس أجمعين وكأنهم وحدهم كاملين
ولكن من المواضيع الجباره ان يسأل فلان هي زوجة فلان حامل ولا لأ؟
وياترى تأخرت في الحمل ليه؟
طيب ده نرد عليه نقول له ايه؟؟؟

gana magde said...

هههههههههههههههههه

معاكى حق كلنا بنعانى من تطفل الناس فى حياتنا

يعنى انا مثل عندى 22 ومأجله الخطوبه شويه لانى بكمل دراسات عليا

الناس بقى كتر خيرهم

كل يوم يخطبونى لواحد وبعدين يفسخوه

لدرجة ان ماما قابلت واحده قبل كده بتقلها مبروك لبنتك كده متعزموناش على الخطوبه ماما قالتلها والله انتو ادرى انا معنديش خلفيه عن اللى بتقوليه

خدى عندك بقى كل شويه تليفون من اصحابى اللى بقاللى فتره مشفتهمش وزعلانين ازاى تتخطبى لفلان من غير منعرف

بجد الناس دى فاضيه

تقبلى تحياتى

only spot said...

hi appy

nice post as usual ,regarding your question , i do not know how tall is my noise ,but i do not like or interested to know any more details about the person i deal with as long as this person does not want to till me anything belongs to him ,but sometimes we meet many people who really very curious and annoying when they try to interfere in others life i consider such habits are impolite , but it is ok
but the smart one must be not concerned with such trifles
by the way dogs bark but the caravan passes
i wanted to be with you but i do not know ,but allah accepted what you did

greetings sweety

ماما أمولة said...

في مثل بيقول من راقب الناس مات هما وغما

ربنا يحفظنا اللهم امين

جزاكي الله خيرا انت وكل من يشارك معك في زيارة الجرحى

دمتي بخير حبيبتي

شمس النهار said...

طب مانقول
من تدخل فيما لايعنيه
سيبه لربه يربيه

وبلاش ابو ورده ده
الطيب احسن

سارة نجاتى said...

بيتعرفى تظبطى الأمثال دى منين ؟؟ نفسى أعرف هههههه

فعلا مفيش حد وراه غير جيرانه و أقاربه , حتى الناس اللى فى الشارع , لو بتتكلمى فى الموبايل تلاقى الشارع كله مركز معاكى , لو بترتبطى الكوتشى تلاقى الناس كلها بتتفرج ع الرباط .
عارفة يا ابى لو فى ثانوية عامة , ح تلاقى الناس بتسألك عن المجموع و عماله تدور وراكى , ولو فى كلية عاوزين يعرفوا ماشية على ودنك ولا لأ , و لو مخلصة كلية يبقى ح تتخطبى امتى , ولو اتخطبتى يبقى هو مين ؟؟ و ازاى ؟؟ و امتى ؟؟ , و لو اتجوزتى ح تحملى امتى ؟؟ , و لو خلفتى بنت يبقى الولد جاى امتى ؟؟ , و لو جبتى ولد يبقى بتصرفوا كام فى الشهر ؟؟ , و لما عيالك يكبروا شوية ح يبقى نفس القصة بس عليهم ييووووووه , كفاية كده رغيت كتير , بس بجد الحوار ده نقطنى زيك

تحياتى

الفاتح الجعفري said...

سلام الله عليكم ورحمته وبركاته
يااااه واح انك شايله اوي
خير هو للاسف طبيعة الاختلاط مع الناس لازم تصيب بأذي فعلا ,الم يقل النبي صلي الله عليه وسلم
"المؤمن الذي يخالط الناس ويصبر علي اذاهم خير من الذي لايخالطهم"
هي دي المشكلة للاسف ان الناس دائما بتتدخل في شؤون غيرها بطريقة مستفزة جدا , وفعلا لو كل واحد يشوف نفسه وعيوبها ويحاول يصلحها كان الامر هيبقي افضل بكثير ولكن للاسف !
وفعلا في امرض في القلوب لا تقل خطورة عن امراض الجسد يعني مثلا ممكن الانسان يصاب بمرض معين يذهب للطبيب ويحاول علاجه بشتي الطرق, الا ان امراض القلوب لايلتفت اليها احد فتتفاقم حتي يمكن فعلا ان تقضي علي الانسان في يوم من الايام والانسان لايحاول علاجها
فنسأل الله ان يطهر قلوبنا ويصلح فساد نفوسنا
--
ومعلش يازميلة المعارك هي الدنيا كده
وجزاكم الله كل خير

Son of Egypt said...

السلام عليكم

بعتزر طبعا انى مكنتش معاكم فى ولا زياره من دول والمره الوحيده كانت اول يوم وكنت مع نهر الحب على التليفون وربنا يقدركوا على فعل الخير دايما ولكن ظروفى مش سمحت انى اتابع المدونهمن الأساس لمدة اسبوع على الأقل وعرفت كمان برحله الإسماعليه وخير قدر الله وما شاء فعل

نيجى للموضوع
الموضوع رغم انك عرضتيه بطريقتك ووباين انه بسيط ولكنه بيسبب مشاكل كتير جدا بين اى اتنين والمناخير لو طويله فى اللإتنين تبقى البلوه بلوتين بس صدقينى المناخير الطويله بقت فى شبابنا اكتر من الستات ام فلان وام علان والدليل عى الموضه واللى ممكن يتقالك الواد فلان رغم انه مش لاقى ياكل الا انه لابس وعامل كاجوال
وانت مالك
الواد فلان مظلط شعرف
وانت مال اهلك
والخ....
ربنا يهدى واللى مش يتهدى ابو ورده زى ما قلتى اولى بيه

تحياتى
ودعواتك للغزاويه محتاجينا لسه :)

اسامه عبدالعال said...

انا بالذات وبعد طول غياب مكنتش عايز اعلق على البوست ده
لانى بعتبر ان مناخيري طويله بس دي بفعل فاعل كنت كلت علقه ومناخيري اتكسرت
وده يثبت فشل نظريتك ان المناخير الطويله حشريه
هههههه
تحيه بعد طول غياب للى ما سئلش عليا وانا بفرفر

محمد عتلم said...

شكلك كده اتلسعتى من الشوربه يا معلمه
انا شامم ريحة الشوربه فى البوستايه دى
بصى بأه انا مش من النوع اللى بيتدخل فى حياة الناس بس هسألك سؤالين تلاته هوا نتى كنتى فين ورايحه فين وجايه منين وايه اللى معاكى ده وشايله ايه وايه اللى فى الكيس ده والشنطه دى كبيره كده ليه هيا فيها ايه وهتسهرى فين النهارده وطابخين ايه على الغدا واشتريتى التيشيرت ده بكام وصاحبتك كانت بتعمل ايه عندك وقالتلك ايه وعلى فكره هوا صحيح منى بتعمل ايه عند داليا واحمد بيكلم ايهاب فى التليفون النهارده متعرفيش هوا كان عايز منه ايه ؟؟
.
.
.
.
.
وانتى عامله ايه ؟؟

محمد عتلم said...

على فكره انا عايز اقوللك على حاجه مهمه جدا الا وهى ان مفيش حد فى الدنيا بيعتبر نفسه حشرى وكل الناس بتقول على نفسها انا مش حشرى انا مش بدخل فى حياة الناس تؤتؤتؤتؤ اعوذ بالله لالالالالا استغفر الله ده على اساس ان الناس 120% منهم ملايكه بس فى الاخر Life is Life

Zika said...

ازيك يا آبي
والله كان نفسي اجي معاكو حوار المستشفي بقي بس كان عندي امتحانات
المهم

انا مناخيري زي الحديد بتنكمش بالحراره وبتتمدد بالبروده
يعني لو موضوع يخصني مش ههدي ومناخيري هتبقي اطول من مناخير بينوكيو اما لو ما يخصنيش لو اللي قدامي ماتكلمش حتي مش بساله

همس الاحباب said...

سيبك من الجزء الاول من البوست
لانه من تدخل فيما لا يعنيه سمع ما لايرضيه
ودى طبيعة فى البشر
ربنا يشفينا ويشفيهم منها
اما موضوع المسمتشفى فالحمد لله اليوم كان جميل وادارة المستشفى متعاونة جدا
بس مش ملاحظة ان حرف السين عامل مشكلة معاكى
خالد هم الاحباب
واخرتها معاكى ايه
ههههههه
تحياتى

نهر الحب said...

يا ست الحاجة
حكاية ان حد يدخل فى حياة حد دا العادى فى بلدنا كلنا فاضيين وكويسين والاخرين محتاجين اصلاح وكلمتين فى العضل
وكأنهم ملائكة ومفروض عليهم التدخل فى حياة الاخرين
سبحان الله
بس انسى وقفى كل حد عند حدة وانسى


اما بالنسبة للقاء فكان نفسى اعرف اللى حصل بالضبط :( دى الوصية برضة
انتى هتسبنى اكل نفسى ولا اية؟؟
عموما يارب بكون يوم كويس وجعله الله فى ميزانكم يارب العالمين

سومه...مجنونه فى بلد عاقل said...

للاسف احنا اكتر شعب بيحشر مناخيره وبيحشرها بالشر ديما مش بالخير
سيبك يا بنتى فى النهايه حيعرفوا انهم قضوا حياتهم يضايقوا الناس ويعيبوا عليهم وهم ناسيين عيوبهم الكتيره
اختك سومه

adel said...

احسن حاجة اني معرفش بنت خالت عمه جوز مرات ابن عم خالتك

عشان اسال عليكي؟ ؟
ههههههههههه

الف مبروك علي العريس
ههههههههههههههه

و بخصوص الزيارة بجد يابختكم كان نفسي اشارك بس عندي امتحانات و قرف

و لو حضرتك بروحي و حاجات زي كده ابقي قولي

أنا حر said...

بيتهيألي ده طبع اتطبع بيه المصريين
انت لو راكبة المترو او قاعدة في مكا فيه ناس ببتكلم هتلاقيهم بيتكلموا على كل اللي حواليهم وبيألفوا وممكن الموضوع كمان يتطور ويحكموا عليهم انهم كويسين او مش كويسين لمجرد انهم يتسلوا يعني
احنا شعبنا بيعشق النميمة قد عينية
تحياتي

صبرني يارب said...

سعات يتهيئلي يا ابي ان فى ناس ناقص عليهم يعيشوا تحت جلدك او يرشقوا فى دماغك من جوه

ورخمين كل شويه تروحوا حته وتغظوني

ايه رايك بقى انا لو نزلت القاهره هاجيبكم كلم على ملى وشكم فى اي مكان عشان اشوفكم

قلة ادددددددب

mayada said...

الله يسعدك ياابي والنبي فطست من الضحك علي مناخير العم بونكيو
يعني مثلا عارفه في العرق القوقازي مميزاته والمنغولي له مميزاته
فهتلاقي برضه ان الجنس المصري له مميزاته
من مناخير طويله
حاشرها في اللي ليه واللي ملهوش
وودان زي الدش عشان تلقط الكلام اللي يخصه واللي ميخصهوش
ولسان بتقاس بالمتر عشان يرغي وياكل ودان اللي يعرفوا واللي ميعرفهوش
سلام يادميل

وومن said...

ايه الإحراج دة بس يا آبي ما انتي عارفة ان عندي عقدة من المناخير

كمن مناخيري مكورة وشبة المناخير اللي بيحطها البلياتشو ايو هي الحمرا دي

تفتكري دة من ايه من كتر ما بحشرها في حياة الناس ... انا حتي مبحب احشرها غير في الكلينكس بتاعي لما بيكون عندي برد

بس تصدقي بجد انا قفشت نفسي وانا عندي اعراض الناس الحشريين دول لما بقيت الاقي البنانيبت الكماميل اللي معايا في الشغل حاطين روسهم في روس بعض وبيتفقوا علي مصيبة وانا عاوزة اعرف ايه هي

بس لحقت نفسي وقلتها وانا مالي ثم انا معنديش وقت فاضي لمصايبهم وبناء علية لميت مناخيري

مفيش بني أدم خالي من عادة حشر منخيرة بس بدرجات ربنا يعافينا كلنا

محمد الكومي said...

مرحبا بك في عالم الصدامات

مين بنوكيو ده يا بنتي

بنوكيو خلاص راحت عليه

ده كتكوت في القفص الصدري لاي واحد حشري و هجاص و فيه العبر دلوقتي

ريمان said...

بجد يا آبى عندك الف حق


والله بجد ناس مقرفه

مش بيهمها غير القيل والقال

وحاشرين نفسهم فى كل شىء

ودايما يدورا ورا الناس ويعرفوا اخبار دى وده وينشروا ولا وكاله الانباء

بجد كلنا بنعانى من القرف ده


لو كل واحد يحط لسانه فى بؤه شويه بقه كان هيبقى حالنا احسن بكتير

NIDAAL .R said...

هههههههههههههههههههههههههه
أبو وردة .. ده هيبقى نهار باباه اسود هههههههههههههههههههههههه
انا الحمد لله يا كولومبس .. بجد بجد .. أنا بكره الناس الى يتدخلوا فى حاجات شخصية او حتى عامة .. وسواء اصدقاء او اول مرة اشوفهم .. يعنى فيه حاجة انا لو عايز أحكيها هحكيها لكن لو ما حكيتهاش .. تبقى بتاعتى انا وليا انا .. تلاقى حد طالعلك يقولك .. انت ساكن فين..قاعد مع أهلك ولا لوحدك .. بقالك قد ايه فى الشغلانة دى .. بتاخد كام ؟ واسئلة عادية لكن شخصية ورخمة جداً .. انا حتى الناس الى من اعز اصحابى عمرى ما سألتهم انتوا بتاخدوا مرتب كام .. مع انو عادى و بالرغم من ان الى بيسألنى بقوله ..لن مافيش حد هيضرنى غير ربنا ومافيش حد هينفعنى غير ربنا ...المسألة مش مسألة خوف ولا بتاع
بس فيه حاجة اسمها اصول .. الى هيا بالافرنجى اتيكيت .. امتى اقدر اقول كذا وامتى امتنع وكدة يعنى ..

بقولك أيه يا كولومبس .. ما تكتشف لنا جزيرة جديدة علشان نودى النوعية دى كلها على هناك ..هههههههههههههههه

وهى وصلت لــ اتلهى اى اتوكس اى اتهبب
مش ممكن معنى أبسط من كدة علشان الاستهجاء بتاع الكلمات دى صعب شوية
هههههههههههههههههههههههههه
سلام .

حاجات جوايا said...

ازيك يا جميل اخبارك ايه ؟
عندك حق والله يا بنتى

وعلى رأى المثل
من شاف حاله .. انشغل باله

ومثل تانى بيقول
" يمشى الجمل ويحدف راسه لورا .. يرى عيوب الناس وعيوبه لا تُرى "

ياريت كل واحد يشوف عنده ايه ويصلح من نفسه بدل ما نمشى نتعقب هفوات واخبار بعض

بجد ناس تفرس
ربنا يهديهم

enjy said...

ساعات مناخيرى القصيرة بتجيبلى مشاكل من عينة مسالتيش ليه علية لما كنت كذا؟؟؟ عشان سالتك مرة وانتى معبرتينيش..وهى مرة واحدة تكفى؟؟ انتى بتطنشينى..وحوارات بقى من دى كتير

romansy said...

احنا بقى كده مش هنبقى فى مصر لو محدش اتحشر فى موضوع

واحدة مفروسة said...

ساعات الناس لما بتسأل على ناس مش معناها انها بتتدخل فى خصوصيتها
او بمعنى ادق مش كل الناس و مش كل الاسئلة
بس انتى واضح ان حد مضايقك

ادم المصرى said...

قال رسول الله صلى الله عليه وسلم

من سمع حديث قوم وهم لهو كارهون صب فى اذنيه وكر صدق رصول الله صلى الله عليه وسلم
.............

معنا الحديث وهوا كل اتى من سمع حديث قوم ..؟
يعنى لو مثلا اعدين فى البيت وسمعنا صوت الجيران بيتخنقو بيزعقو منحولش نرمى ودننا ليهم ونفض ونشغل بلنا بأى شيء

ولكن صب فى اذنيه وقر الوقر هوا شيئ من نار جهنم واعوز بالله
.....................

ولكن الكلام فى اعراض الناس او الغيبه او النميمه هذا شيئ اعوز بلله منه وكلنا واقعين فى هذا الاثم دون ان نشعر به كلنا وانا اولكم ولكن ندعو الله ونقول سبحانك الهما وبحمد استغفك واتوب اليك وهذا حديث فض المجالس

....................

وقال الله وعباد الرحمان الذين يمشون على الارض هونا واذا خاطبهم الجهالون قالو سلام صدق الله العظيم

بجد سعت جدا بزيارتى لمدونتك مره اخره

مدحت محمد said...

ضحكتنى جدا الحكمة

Reem said...

اولا الكلمتين اللي فوق لذاذ اوي

الناس الحشرية دي كترت اوي لسه كنت بدي وحدة اعرفها حل انها تسيبهم يتحشرو في حاجة و يفهمو غلط و تغرقهم حشرية تصدقي كرامتهم بتوجعهم لما يتحشرو غلط يقومو يبعدو عنك دي مجربة على فكرة

اسلوبك لذيذ اوي في الكتابة

Foxology said...

من تدخل فيما لا يعنيه .. سمع مالا يرضيه

ومن حسن اسلام المرء .. تركه مالايعنيه

كلام جميل بس مين يفهم ويرحم دماغه شوية ؟؟؟

موضوع كويس جدا :)

تحياتى

mohamed ghalia said...

فعلا من تدخل فيما لايعنيه سمع ما لايرضيه
دايما مواضيعك هايلة
أنا اسف مكنتش متابع الفترة الى فات كنت مشغول فى الإمتحانات

micheal said...

ابي..بجد مش عارف اقولك ايه مش معقولة في وقت واحد كده مع بعضينا...طب شوفي الستاتس قبل الأخيرة عندي
كاتب فيها
مطلوب عدد واحد مبيد حشري للبشر اللي دماغهم ملت صراصير
أنا كمان عندي موضوع فيه مناخير ناس كتير محشورة وعاوز أبقي احكيلك عنه
جري ايه يا فندم..سيادتك مضبط مع دماغي كده في كل حاجة
خلي الأوشاعات بقي تكتر وجروب الفيس بوك يتعمل من دلوقتي
أنتي حرة بقي
:)
تحياتي يا قمر

مصــــري said...

آبي هانم

اعذري تقصيري الامتحانات بقي.

عن المحبطين والمحبطات الأحياء منهم والأموات الكلام يكتر وخاصة لو حد حابب الحياة ومتفائل زيك كده.

الشعب بقي ثلاث أرباعه مصاب بالاحباط ومابيصدق يلاقي حد ناجح عشان يكره في عيشته.

اتكلمت في حاجة شبه كده في البوست الأخير.

أرجو العذر علي التقصير
تحياتي
أسامة

مواطن مصري said...

انا اكتر حاجة اكرها النميمة و الت و العجن في غياب الناس



يتكلمو من وراة و طبعا بقى ميزة المصرين الي بنتميز ببيها اننا كل ما بنقل خبر بنزود علية من عدنا و الخيال يشتغل

او مثلا الي بتقبى صعبة ان صاحبك يشتمك من وراك

يعني انا شايف ان الواحد يقول الي ادامة على طول من غير ما يلف و يدور علية

مواطن مصري said...

معرفتش اروح معاكم انا كنت في مطحنة الامتحنات هما بيعملوها الظاهر عشان يحبطونا

قلم رصاص said...

أصبتي هدفا مباشرا هذه المرة جدا جدا

بالفعل يا ابي ..انشغال البعض بأمور وأخبار الاخرين بقت حاجة زائدة عن حدها جدا في مجتمعنا المصري

والمشكلة انها بتضر المتطفل أكتر وهو مش عارف او عارف ومش مقتنع او عارف ومقتنع بس مش قادر يتغير

دي حاجة تجنن والله

شكرا ليكي جدا على البوست الهايل

دائما متألقة

في حفظ الله

تحيتي

wanna b a physician said...

ههههههههههههههههه
الحقيقة الفضول و أفه اجتماعية خطيرة
وفعلا اكتر عند الفاضيين زى ستات البيوت
وطبعا بعدي عن الاضرار الاجتماعية
طبعا هيودى لجانب اخر وهو ارتكاب ذنوب نتيجة النميمة والغيبة وسنة سوده على اللى مناخيره طويله ده
يعنى دنيا واخرة

ahmed_k said...

أولا أنا في حاجه كده محيراني
بنت خالة عمة جوز مرات أبن عم خالتك
الموضوع ده يا آبي محيرني
لأنها هي نفسها
بنت خالة عمة أبن عم خالتك
لأنه هو نفسه جوز مراته
إلا لو مراته متجوزه واحد تاني ههههه
المهم
الحشريه أو التطفل داء يصيب الشخص نتيجة للفراغ والبطاله
فالذي لديه من المهام ما يشغله
لن يجد الوقت ليحشر أنفه فيما لا يعنيه
وزمان قالوا
الفاضي يعمل قاضي

البت المشمشية حلوة بس شقية said...

مية مية
عسلية
فى الجون
ايه الكلام ده

رئيس جمهوريه نفسى said...

انا قومت جبت مرايا وقعدت ابص على مناخيرى يمكن لانى من النوع اللى بيهتم باصحابى وبحب اطمئن عليهم بس عارف حدى ايه كويس قوي امتى حيقبلوا التدخل وامتى لا هنا فى خط احمر اسمه خصوصيةمش من حقى التدخل فيها فبقف الاضرار انها بتفقد العلاقات معناها وبتقلب من صداقه لرقابة وتدخل فى خصوصيات غير مقبولة

tamer.sala7 said...

مرة ابويا قالي ان من راقب الناس مات هما

رديت عليه ان من لم يراقب الناس مات مللا

الطائر الحزين said...

آفه وكأن هناك شىء يدفعهم لان يعرفوا ولا اجد سبب لهذا ولا اظن انه من قبيل التسلية او تضيعة الوقت وكانها جينات وراثية يسلمها جيل الى اخر
ربنا يعافينا ويعافى الجميع

عاشقه وغلبانه said...

ده بقي زي المرض المعدي او الوباء
الناس من كتر همومها ومشاكلها بقت بتحب تسمع هم غيره ومشاكله وحياته والتفاصلي واذاعات الراديو تشتغل
بينسوا روحهم في كده

ومن مبدأ اللي يشوف بلاوي الناس تهون عليه بلوته
هههههههههههههههههههه

او يمكن من كتر الفراغ العاتفي
او من كتر الرفاهيه والهنا اللي الناس شيفاه ففضي بقي
هههههههههههههههههههه

ربنا يريحنا من الاشكال دي

عاشقة القمر said...

ازيك
ياقمر اسفه لتقصير بس مش غول شويه

بجد بوست هائله نحنا عدنا بقول علي كلام داه اذا احد عايزه يعرف اي حاجه بقول فلان بتاع شمارات ههههههههه
نحنا هنا فعلا بنتعب من حاجات في حاجات عدنا بيسالوا هي فلان يوم المهر جبيوا لها كم
ايواه داه قليل ياخساره هكذا
انا عن نفسي فضلات النت من قعد اتكلم في ناس اذا قعدت مش بشارك معاهم
الا كلام يكون بدون ناس

son's egypt said...

السلام عليكم
طبعا موضوع ان واحد يحشر نفسه في اي حاجة دة اكيد شئ مستفز
لانه ببساطه ممكن يكون واحد مش فاهم الموضوع بيتكلم عنه ويدخل في الكلام وممكن في الاخر يعمل كارثة بسبب تدخلة غير المبرر

حروف (دلو مرة ثانية وجرح ثاني سابقا) said...

انا جيت نورتي ياحببتي دايما عامر يارب
بيتك طبعا
حلو ياابي يااختي البوست فعلا البنوكيو كتير اوي اوي اوي
الله يكون في العون هذا مرض بجد وبيصبح عدوي احيانا
دمتي بالف خير

Founoon said...

قدر المميزين

لوماكنتيش مميزة ماكانش حد اهتم وعمل فيكي كل اللي اتعمل دا

لما يحصلك كدا قولي الحمد لله يارب واجعل صبري على اي شيئ مندا كفارة ليا تغفر لي بيها ذنب او تزيدني بيها حسنة

شيليهم من دماغك هي حاجةتضايق آه بس اعتبريه قدرمن اقدارك و تعاملي على اساسه

وادلع يا كايدهم :)

بعتذر عن اني ماجتش يوم الجمعة يا آبي حصلتلي ظروف صعبة فرصة تانية ان شاء الله
ربنا يجعله في ميزان حسانتكم

انسان وبس ! said...

انا هعمل بنصيحتك
ومش هشغل بالى بكلامك ده
لان الواحد مش فاهم منه حاجه
بس بتقولى حكم والله يا رحاب

fashkool said...

يامدرس اول لواء بحريه ابى هانم كايده
العزال انا من يومى
ازيك يا ابى هانم
الناس الحشريين فعلا بيعملوا فضايح وانا كانت مشكلتى اليومين اللى فاتم من حشرة الناس دول فى حياة ابنى وكانت حتحصل كوارث لولا ربنا سلم
دول عاملين زى البصل اللى ما تقدرش تعمل التقليه من غيره وزى البقدونس اللى لازم يتحط على المحشى .. بس بصل بايظ وبقدونس بايظ
.. تحياتى يا ابى هانم .. وخلاص

أميرة الجنة said...

السلام عليكم تقريبا اغلب الناس الايام دى عايزة ابو وردة ولا انتى رايك ايه
تقبلى تحياتى

حازم سويلم said...

الجميلة الفيكونية, آبى

كان بودى ان اصحبكم لزيارة ابطال غزة المصابين, ولكن ما منعنى يا آبى هو وفاة جدى لأمى
بالنسبة للتدوينة فانا معنديش أنف من اصله, لأنى لا احب التدخل فى شئون غيرى مطلقا
تحياتى

~*§¦§ Appy §¦§*~ said...

لورانس العرب
=================

طيب ما يجيبوا بربع جنيه لب اوفر ليهم حتى يمرنوا عضلات سنانهم
قوله اصل المواصلات صعبه حاجه زفت بجد







gana magde
============

يوووووا ده الخطوبه ده اقل حاجه يا بنتى امال لما تدخلى فى التقيل
ربنا يصبرك يا بنتى والله انا لو مكانك ارد بغلاسه واقولهم مكنتش فاضيه اعزم حد

الربان said...

تحياتي آبي...

مدرس اول ايه ؟...حضرتك مديرة مدرسة....

بالنسبة لموضوع التدخل في حياة الاخرين
طبعا عندك حق...و هناك الكثيرين منا
من يحاول بدافع حب الاستطلاع او ربما لدوافع اخري...

في رأيي...ان التدخل قد يكون مستحب لاصلاح ذات البين بين الاصدقاء...و هذا ايضا يتوقف علي مدي قرب الشخص من الطرفين الاخرين.

ختاما...خالص الشكر لحضرتك و لجميع من قام بزيارة الجرحي في مستشفي فلسطين
او غيرها من المستشفيات...جزاكم الله خير الجزاء...و اثابكم برفع الدرجات في الجنات ان شاء الله.


تحياتي و تقديري

~*§¦§ Appy §¦§*~ said...

شيكو
=========
انتى يا بنتى ايه حكايتك واخده كورس انجليزى وبتسمعى فينا ههههههه
حبيبى يا شيكو بهزر معاك
عموما معاكى حق بس لو تقصدى المثل علشان فاكره ان فيه حاجه حصلت معايا نو يا حبيبى انا بعرف ادى بابو ورده انا بس بتكلم عموما فى الحياه وفى الشغل بشوفها ولان موقف حصل مع زميل لينا التنى بيدخل فى حياته وضايقه فكتبت
ونورتى يا شيكو







ماما اموله
==============

يموت هما ده هيموت غيظا فرسا ضغطا كده يعنى
ربنا يكرمك يا رب

~*§¦§ Appy §¦§*~ said...

شمس النهار
=============

يا شموس يا شموس بزمتك فيه حد اليومين دول بيعمل كده
عارفه انا فى نظرى ان الناس لازم تتواجه دايما مش نسيبها كده وبس ونقول ربنا عليها لان ربنا قال لما نشوف حاجه غلط لو باضعف الايمان اللى هو القلب لازم نصلحها لان ربنا هيحاسبنا
وبعدين متخافيش ابو ورده مبيوجعش هو بيوجع فى ضمير الناس اللى لسه عندها دم بس
نورتى يا قمر







سارة نجاتى
=============
مواقف الحياه بتخلينى اظبطها يا ساره
عارفه اللى بتتكلمى عليهم بجد اهون كمان من ناس تانيه بتابعك وجواها غل علشان تعرف اى حاجه عنك وتقلبها فى المعنى بمزاجها ربنا يجعل كلامنا خفيف عليهم

~*§¦§ Appy §¦§*~ said...

الفاتح الجعفرى
===============
والله يا زميل المعارك لو بتيجى عليا انا
بدى للى قدامى باى حاجه فى ايدى وبقوله ملكش فيه
وبحرجه علشان يحرم
بس المشكله انها زادت اوى مع ناس حوليه كتير مع بعض فقولت يمكن بتزيد مع البطاله والقعده على النت كتير ولا ايه
وخاصه بعض المدونين اللى مبيبصوش لاخطائهم ومشغولين بغيرهم وبياخدوه بنيه مش كويسه
وبعدين عيب عليك انا بحارب بابوورده وكل واحد حطاه فى مكانه









Son of Egypt
=============
ولا يهمك بالنسبه للزيارة تتعوض المرات الجايه
اما الزفلطه والالفطه
ففعلا دى حاجه رخمه بين الشباب بس خلينى بعيدن اقولك راى فى ده بالذات لان فعلا احنا بقينا مخوخين اوى من جوانا وبناخد كل حاجه مظاهر والناس بتقلد بعض
اما بتوع مناخير بونكيو سيبهم مسيرهم يتخبطوا فى حيطه وهما ماشين

~*§¦§ Appy §¦§*~ said...

اسامه عبد العال
================
انت زى القطط بسبعين روح يا ابنى
هو انت حد يخاف عليك
نورت يا اسامه حمد لله على سلامتك








محمد عتلم
===========
عيب عليك يا فنان انا برضه طيب والشعار بتاعى
ابو ورده والله بحرج اى حد ومرة عملتها فى جارتى واحده صحبتى جايه وجارتى كانت بتسالنى فى حاجه فدخلت صحبتى ولقيت جارتى بتقولى مين دى قريبتك قولت لها وانتى مالك قالت ايه انا بهزر قولت لها وانا مبهزرش
على فكره حتى اهلى ساعات اقول محدش يسالنى علشان ده يخصنى لوحدياتى
بخصوص مجمع الاسماء اللى بتقوله ليه ده كانك بتهدى اغنيه احب اقولك ان كلهم سابوا بعض وكل واحد اتجوز على التانى
صباح الخير يا فنان

~*§¦§ Appy §¦§*~ said...

محمد عتلم
==============
تانى يا سيدى
فعلا فيه ناس بتقول كده وبتقول كده من باب ان نيتها خير انها مبتدخلش فى حياة الناس وبتتطمن بس عليهم
مش اكتر بس ده بيبان يا محمد
انا كمان بتكلم على اللى قاعدين لعبض على الوحده فهمت يا كابتن










زيكس
=======
المهم يا زيكس انك مضايقش اللى قدامك وميبقاش عندك فضول مش اطمئنان فهمت

~*§¦§ Appy §¦§*~ said...

همس الاحباب
==============
نيهاهاها لا دى مقصوده يا ولد العم ابهزر امعاك عاد
اى خدعه بجد كنت منور يا باشا الدنيا







نهر الحب
==========
لا يا نوسه مش اسيبهم يا بنتى عاملين زى الافه فى الحياه يا لهوى وبيالفوا قصص ويصدقوها خالص بقت حاجه قرف والله

~*§¦§ Appy §¦§*~ said...

سومه المجنونه
===============
حبيبتى يا قمر دول لو فهموا يتعبوا يا سومه والله الناس دى بقت قرف لدرجه الشفقه منور يا قمر الكوكب تانى








عادل
=====

عريس مين يا عادل انت بتالف يا لهوى حتى انت طلعت بونكيو
نورت يا عادل

~*§¦§ Appy §¦§*~ said...

انا حر
==========
لا هما عادات وحشه اكتسبوها من قله الشغل ومن الهروب من عيوبهم بعمل اسقاطات على غيرهم بس مش اكتر






صبرنى يا رب
=============
طيب بس قولى كده انك جايه قولى بس قولى
وحياتك اعمل صفاره انذار واجيب كل البنات هجوم عليكى

~*§¦§ Appy §¦§*~ said...

مياده مادى
================
دول انيل يا بنتى انا بقيت اشوف مناخيير ولا ابو زلومه ربنا يستر بجد وابو ورده يجيب نتيجه







وومن
=========
عارفه يا ميرا مش مشكله انك تغلطى بس الاهم انك تتعلمى يا حبيبتى
فيه ناس خلاص الكبر راكبهم ومبيرجعوش نفسهم ابدا ابدا
نورتى بمناخيرك يا حبيبتى

~*§¦§ Appy §¦§*~ said...

محمد الكومى
==============
لا صدمات ايه انا مليش فيه يا كومى بس بيصعب عليا ناس كتير بس
والله معايا واحد فى الشغل مناخيره مترين بس قدامى بيكون زى النمله








ريمان
========

لو كل واحد ينشغل بحاله ويبص لنفسه يا ريمن ويبطل يتغاضى عن عيوبه ويغمض عينه عنها ويعمل اسقاط على الناس هيبقى كله كويس بس فيه ناس الحال وصل بيهم للحضيض خلاص

~*§¦§ Appy §¦§*~ said...

نضال
=========
دى وصلت لابعد يا خويا
ما انت عارف وفى مجتمعنا دى كل العبارات فشلت عن التعبير عن الناس دى يا نضال يا ابنى والله
ولو فيه جزيره يبقى هنحط تلاته اربع الشعب المصرى ونولع فيه هههههههههه
ايدى على كتفك يا نضال وندور









حاجات جوايا
==============
حلو بتاع الجمل ده يا سالى
بجد
وده اللى اقصده كل واحد يخليه فى نفسه وملوش دعوة بالناس وميعملش اسقاط عليهم ويالف قصص ويصدقها

~*§¦§ Appy §¦§*~ said...

انجى
=======
لا قولى انا طبعى كده علشان محبش اضايق اللى قدامى
وهو ده الصح مش العكس يا انوش





رومانسى
===========
لا طبعا المصريين الصح المحترمين مش كده
اللى بيقلدوا وهما مش فاهمين هما اللى كده اللى عندهم نقص بس هما اللى كده

~*§¦§ Appy §¦§*~ said...

واحده مفروسه
===============
فيه فرق كبير بين السؤال والتدخل والحشريه فيه ناس بتوصل بيهم انها تدخل وحشريه ملهاش مبرر
وانا محدش بينفع يدخل انا اللى بحكى واللى انا عاوزاه بس
وعلى فكره يا مفروستى البوستات الوحيده اللى بتتكلم عنى هى اللى بيكون الليبل بتاعها اسمه اعترافات ليليه انما اى حاجه تانيه مبتكونش عنى خالص
منورنى يا جميل









ادم المصرى
==========
كل اللى بتقوله مظبوط بس مين يفهم بقى فعلا الناس دى بقى على قلوبهم حجر وبلاك اسود
نورت الكوكب تانى يا ادم

~*§¦§ Appy §¦§*~ said...

مدحت محمد
==========
ماشى يا مدحت اى خدمه








ريم
======
ميرسى يا ريم ليكى ومنورة الكوكب

~*§¦§ Appy §¦§*~ said...

فوكس
========
ايوة صح
بس مين يفهم دى ناس خلاص بقت حالات مياوس منها خالص








mohamed ghalia
================
محمد ربنا معاك عارفه انك كنت بتمتحن نورت تانى

~*§¦§ Appy §¦§*~ said...

ميشو
=========
والله انت اللى هتودينا فى داهيه ما تلم لسانك يا مصيبه انت
بقولك ايه انت حلك معايا ميمى جزرة
يا ابنى من كتر كلامك ده شكلك انت اللى هتسلمنا باديك








مصرى
=======
انا متفائل
انا
لا خالص كل القصه بس انى بحاول اصلح سلبيات فيه وفى اللى حوليه
علشان نبقى احسن

~*§¦§ Appy §¦§*~ said...

مواطن مصرى
===========
عندك حق
بس اصلا اقول لحد ليه على حاجه فيه وهو ميعنيش ليه شئ
يعنى انا مثلا معرفش فلان اروح اقوله انت كذا وكذا طيب وانا مالى هو قريبى اشغل بالى ليه بيه اصلا







قلم رصاص
==========
ربنا يكرمك يا رب بس يا ريت يجى بفايده والناس تحس بس

~*§¦§ Appy §¦§*~ said...

wanna b a physician
======================
لا يا دكتور والله مش ستات البيوت بس دول بقى بنات وستات ورجاله








احمد
=======
هى اصلا مراته اتجوزت عليه
علشان كده ولا هو فاهم ولا احنا ولا اى حد هيفهم ههههههههه

~*§¦§ Appy §¦§*~ said...

البنت المشمشيه
==============
ميرسى ليكى







رئيس جمهوريه نفسى
====================
غير الخصوصيات طبعا يا محمود فيه ناس عندها امراض بتالف وتصدق وتهبل وتهرى وتنكت فى نفسها وتعمل اسقاطات
ربنا يشفى بقى يا ريس

~*§¦§ Appy §¦§*~ said...

تامر صلاح
===============
اشغل نفسك بعيوبك انت مش ملاك
انت بشر ومتعملش اسقاطات على حد
اشغل نفسك بشغلك واانجح وحب وانت مش هيبقى عندك ملل







الطائر الحزين
===============
دى قله ادب بجد انا بسمى الناس دى مش محترمه وقليله ادب وعندهم نقص كمان فى حياتهم بيعوضوه بالاسقاط على اللى احسن منهم
نورت الكوكب تانى

~*§¦§ Appy §¦§*~ said...

عاشقه وغلبانه
================
برافو عليكى صح كده
بيهربوا من مصايبهم وعيوبهم بعيوب الناس







عاشقه القمر
==============
يعنى مختلفناش عنكم اهو
نورتى يا حبيبتى تانى

~*§¦§ Appy §¦§*~ said...

son's egypt
================
كارثه وحادثه ومصيبه سوده كمان








حروف
=======
ما هو لازم يبقى عدوك لان بيتربص للغلط بس
وطبعا نورتى الدنيا كلها يا قمر

~*§¦§ Appy §¦§*~ said...

فنون
=========
يا حبيبى هو مش عنى طبعا الكلام هى سلبيات مصريه انا اللى بيدخل حياتى له حدود مبينفعش يتخطاها
بس فيه ناس فعلا بتحاول تقتحم ده وبتلاقى منى حائط صد
ولا يهمك يا حبيبتى ربنا معاكى فى ظروفك وان شاء الله خير









انسان وبس
=============
شاطر يا محمود تصفيق حاااااااااد

~*§¦§ Appy §¦§*~ said...

عمو فشكول
==============
ربنا يستر يا رب كله الا كده بصراحه ما ده اللى بقول عليه
وايه بصل وبقدونس ده تصدقى انى معرفش اميز البقدونس عن الشبت عن الكزبره ه ههههههههههه









اميرة الجنه
=============
اى والله يا اميرة فعلا نورتى يا جميله

~*§¦§ Appy §¦§*~ said...

حازم سويلم
===========
قلبى معاك البقاء لله ربنا يرحمها برحمته يا رب

tito_steelheart said...

mmmm....1st if all, nice to read about u appy (as you can know, i can't say nice to meet you as it never happened??!!! :) ) anyways....u have really great points out here!, like....gosh! i hate reading, but i really enjoyed reading that hilarious article of yours..your points are clear, obviously u did suffer from that as we all definitly did...but, life goes on, and lets face the fact....egypt is egypt, no matter what you say....or on other words..(FARAAAAAAAAAA3' taaaaaaaaaam...)so what do you expect them to do??? work and be useful??? that's rare, i am almost thinking it's inherited!!! anyways, looks like i am writing an (article comment) here....so kefa keda, zamanik zehe2ti menni..simply i will say
(dammik 7'afif moooot)....

tito_steelheart said...

mmmm....1st if all, nice to read about u appy (as you can know, i can't say nice to meet you as it never happened??!!! :) ) anyways....u have really great points out here!, like....gosh! i hate reading, but i really enjoyed reading that hilarious article of yours..your points are clear, obviously u did suffer from that as we all definitly did...but, life goes on, and lets face the fact....egypt is egypt, no matter what you say....or on other words..(FARAAAAAAAAAA3' taaaaaaaaaam...)so what do you expect them to do??? work and be useful??? that's rare, i am almost thinking it's inherited!!! anyways, looks like i am writing an (article comment) here....so kefa keda, zamanik zehe2ti menni..simply i will say
(dammik 7'afif moooot)....

~*§¦§ Appy §¦§*~ said...

الربان
=========

بس فيه يا استاذى فعلا ناس بتدخل بين اتنين وبتنقل الكلام غلط فانا بقول الاحسن المواجهه وخلاص
وميرسى لذوق حضرتك منورنى دايما

حنين القلب said...

اولا وقبل اى شىء
انتى وحشتينى جدا وزعلانه منك جدااااااااا
المهم بقى
انا اعرف ناس كده كتير جداااا
وبتخنق منهم اوى واغلبيتهم على فكرة ياآبى بيكونوا حاسين بالنقص ومش اعرف كلامهم ده هيزودهم فى ايه

انا والحمد لله مناخيرى صغننه والله ومش بحب اتدخل فى حاجه مش تخصنى

ارجع واقولك وحشتينى بجد واسفه عن غيابى المده اللى فاتت دى
سلام

أحــوال الهـوي said...

انا مناخيري طويله و عايش به بس لا انا حشري و لا كداب
الكدب البسيط الطبيعي ان اكدب علي مراتي مثلا علشان المشاكل
عندك حق و اظن ان الفراغ هو السبب في فضول الناس و اقصد الفراغ الفضا و فراغ العقل و العين و كل مفردات الفراغ

تحياتي

أحــوال الهـوي said...

الف سلامه عليك من البرد

و ده دعاء من القلب و مالوش دعوة بمناخير بنوكيو

تحياتي

Wish I were a Butterfly ... said...

عندك حق

فيه ناس بتتدخل بطريقة قمة الاستفزاز
و مهما حاولتي تظهري إنك مش حابة التدخل دة ...كأنهم مش بيحسوا

بس حلو موضوع بينوكيو دة :). ضحكني أوي البوست دة
تحياتي يا بيبو

only spot said...

ابى الجميل والله العظيم مجبر اخاك لابطل غصب عنى مضطر لما بعلق من الشغل اكتب بالعنجليزى رغم انى بعشق العربى جدا وبحب اتعامل بيه بس للضرورة احكام

معلش يا ابى بجدلان هو ده الوقت الى ببقى بقدر اعلق عند حبايبى اعذرينى
عموما انا ماصدقت انى رحوحت وقلت اكتب لك واعتذر يا ستو انا بس فعلا غصب عنى اختك شايله فى قلبها وساكته هههههههه
تحياتى

3ala asm masr said...

بصى أنا أتكلمت كتير ف الموضوع كل واحد يخليه ف حاله ده
بس هنا الموضوع مش كل واحد يخليه ف حاله وبس لاء انتى كمان بتتكلمى عن اللى بيبص لعيشه غيره
وده مرض وحش أوى وصعب أوى وعلى رأى ماما ربنا يديها الصحه اللى يبص لعيشة غيره تحرم عليه عيشته

hasona said...

أصبحنا في مجتمع شغله الشاغل التحدث عن بعضهم البعض
بعلم ومن غير علم
فراغ أو قلة عقل
سمع عصر وخصوبة للأمة
حتي أصبحنا أمة تحب الكلام فقد بدوت فائدة
ونتدخل فيما لا يعتيتا

نحتاج اعادة تأهيل أو نربي النشأ الجديد علي غير ذلك


نشكرك لموضوع

تحياتي

Lady E said...

ياااااه يا ابي الموضوع ده بجد يضاااااايق والناس اللي بتتكلمي عنهم دول بتوع بينوكيو كتير جدا وانا بكرههم ومن جوايا ببقى عايزة اولع فيهم

اما عني فبفضل مقولة دع الخلق للخالق
في زميلات معايا في الكلية حتى معرفش اسمهم واللي اعرف اسمها معرفش اسم باباها ولا عندها اخوات ولا لا ولا اي معلومة تانيه الا اذا هما حبو يقولوها

بجد موضوع هايل يا قمرايا

ريكو said...

معاكى حق واللة وباحييكى على الموضوع دة
حقيقى من تدخل فيما لا يعنية سمع ما لا يرضية
بس تعملى اية بقى فى الفضول
وخصوصا الجيران اللى مابيرضيهمش حاجة
يعنى لو خلتيكى مع نفسك يقولوا مغرورة وشايفة نفسها
لو اتعاونتى معاهم وحاولتى تحلى مشاكل العمارة يقولوكى اللى ما قولتهوش
لو فكرتى تتعلمى حتى السواقة يقولة آااة يا بختها بجوزها
حقيقى حاجة صعبة
تقبلى زيارتى
تحياتى الخالصة

gana magde said...

مش فاضيه اعزم حدههههه
مش لما يبقى فى خطوبه من اصله وابقى فاضيه اتخطب
يابنتى كبرى دماغك اللى هيسمع كلام الناس عمره مهيعمل حاجه وكمان هيموت بحسرته من اللى شايفه
وده اللى بحاول اقنعهم بيه فى البيت

انى مدام صح ميهمنيش حد

نعمل ايه دى افة مجتمع بحاله وثقافة عايزه تتشال من جذورها

تحياتى

عاشــــــ النقاب ـقــــة"نونو" said...

السلام عليكم
سعدت بالتعرف عليكم
متجمعين دوما في الخير وجزاك الله خيرا
بالنسبة للموضوع
قلة الدين والفضى هيالسبب
يا ايها الذين امنوا لا تسئلوا عن اشياء ان تبدى لكم تسؤوكم
دة للي بيحب يسال عن اشياء لا تخصه جائز جدا يعرف من خلالها حاجات تخليه يحط من نفسه او يحقد على غيره لانه اقل فتسوئه او تخليه يعرف حاجات ما ينفعش يعرفها لاسباب تانية
ومن تدخل فيما لا يعنيه سمع ما لا يرضيه ولا ابو وردة ايه
هههههههههههههههههه
حكم هايلة والله
تحياتي

dodda said...

انا هندى فكره كويسه جربيها

فى كل بلوج فوق ع الشمال
" next blog"
غالبا بتطلع بتاعت اجانت
اناجربت ده
كل واحدياخد اللينك
وينشره فى المدونات اللى جنبه

يا جماعه الصور لوحدها مش كفايه
نواره كانت بتقول هما اولى شايفين وبرضه مع اسرائيل؟؟؟؟
الناس فى امريكا عندهم جهل غير عادى وبيصدقوا الاعلام اللى عاملهم غسيل مخ
وانا شفت ده بنفسى قى امربكا الناس من سنين بيتلقنوا كلام
مش حنيجى احنا فى يوم وبكام صوره نغير ده...
والا كانت افكارنا احنا كمان اتغيرت بالسرعه دى
الناس دول عاوزين منطق مقنع ومناقشه
لازم نفهم انه اصعب حاجه تغير العقيده..وهم اسرائبل جوه العقيده عندهم..
قوبيبى رلأيك فى الفكره
سلام

شفقة هانم واحسان بك said...

ازيك يا قمر؟؟
انتى بجد سكر دمك شربات
لكن المشكلة ان كلام الناس هو التسلية الوحيدة والواحد ما بيلاقيش حاجة غير كده
هههههههههههههه
ربنا يعافينا

بنت الاسلام said...

وحشتيني يا ابي ووحشتني خفة دمك

معلش اعذريني قصرت في حقك كتير الفترة اللي فاتت

بس والله غصب عني عارفة بقي الدروس الخصوصية ودخلة الامتحانات مكانتش مخلياني اهرش في قفايا

ههههههههههههههههه


وكمان مش مخلياني اطول مناخيري واتحشر في خصوصيات حد ابداااااا

هههههههههههههه


انا بهزر

ومعاكي حق كمان

الرسول عليه الصلاة والسلام في الحديث الشريف قال

من حسن اسلام المرء تركه مالايعنيه

صدق رسول الله


يعني علامة حسن الاسلام هو عدم التدخل في شئون الغير


وده طبعا في تهذيب للنفس البشرية

انها لا تتطلع لغيرها وترضيس بما في يدها

لو نظرنا يبقي ننظر للافضل مننا في العلم لكي نتعلم منه

وللي ااقل مننا في المال عشان نحمد ربنا علي في ايدينا


لكن واقع الحال والفقر اللي انتشر في مصر زي السرطان

خلي الناس عندها حقد طبقي ومابقتش مشغولة بحاجة غير انها تبص لغيرها


كان نفسي اكون معاكم في زيارة المستشفي

لكن انتي عارفة انا فييييين وهي فييييييين

تحياتي ليكي ياقمر

انتي وكوكبك وخرفانك

ومعلش استحملي غلاسة البشر ومناخيرهم الطويلة

هنعمل ايه بقي


هههههههههههه


تحياتي

في حب مصر said...

السلام عليكم
ازيك يا آبي
بعتذر بداية عن فترة الانقطاع الطويلة عن زيارة مدونتك الجميلة
وشكرا لسؤال سموك
بالنسبة لموضوع الحشرية دي يعني الناس اللي بتحشر مناخيرها في كل حاجة فده اعتقد انه بقى حاجة من ميلمات التعامل في مصر
يعني الناس مادام مش وراها حاجة اهو بتتكلم وخلاص في كل حاجة
دي احد مكونات الثقافة المصرية دلوقت
وبلاش تحاولي تعالجيها لانها خلاص ملهاش علاج دلوقت زي حاجات كتير استفحلت في مصر
تحياتي مرة تاني لسموك
واتمنالك التوفيق

في حب مصر said...

ايه التطور ده انتي عملتي كنترول على التعليقات؟
ماشي يا ستي ياريت بس اشوف التعليق بتاعي بسرعة...هههههههه

اسماء عوني said...

ايه ده انا كنت حاطه الكومنت بتاعي ودلوقت مش لاقياه
عاااااااااااااااااا
انا عاوزه الكومنت بتاعييييييي
عاااااااااا

حسن حنفى said...

ههههههههههههه

والله شكلك حد زي دول ضايقك

او ادخل في حاجه ليكي

ربنا يحفظنا

:d

Hossam said...

السلام عليكم
بجد الموضوع متناقش بطريقة كوميدية بسيطة بطريقة تحفة
الموضوع لذيذ اوى وهداف جدا
بالنسبة لسوالك
انا عن نفسى منخيرى طويلة جدا بس فى الثقافة والتطلع واللى يخصنى
ولكن غير اللى يخصنى منخيرة مش بتبقى باينة اساسا
اتمنى نكون ادصاقء
سلام

~*§¦§ Appy §¦§*~ said...

tito_steelheart
====================
طيب بزمتك اادبهم ازاى الشعب ده بصورتك اللى انت حاططها دى
يا ابنى استر نفسك عيب كده
اهلا بيك هو فعلا لو اشتغلوا واتلموا وصلحوا اخلاقهم الشعب هيبقى كويس ربنا يهدى
الا صورتك دى بجد ولا ايه








حنين القلب
==============
انا كمان زعلانه منى يا حنون بس اعذرينى المؤشر فى النفسيه واقع وبندور له على بديل فبتجنب اخبط فى اى حد انت والله وحشانى بجد

~*§¦§ Appy §¦§*~ said...

احوال الهوا
==============
حتى الكدب على الزوجه مش كويس عارف لو عملت لها حساب برضه مش هتعمل الحاجه اللى تخليك تكدب
وربنا ياخد الفراغ اللى احنا عملناه بادينا ده علشان نرتاح
نورت يا احوال
والله يسلمك يا رب هو البرد وصل عندك ولا ايه









Wish I were a Butterfly ..
========================
اصلى كنت بحب اوى قصته يا حبيبتى وبستفيد منها ويمكنن هو الرادع بتاعى وانا صغيره فى الكدب بما ان مناخيرى صغيره كنت بخاف تكبر
منورانى خالص

~*§¦§ Appy §¦§*~ said...

شيكو
=========
انا بهزر معاكى يا قمر والله واكيد فاهمه انا بس قولت انكش فيكى شويه









على اسم مصر
===============
تحياتى لماما على كلامها فعلا والله صح لان الواحد ساعتها مبيحبش العيشه بتاعته
نورتى يا قمر

~*§¦§ Appy §¦§*~ said...

hasona
=============

مش هينفع نربى نشأ واحنا مش متربين بد صح
يا ريت نبص كويس على غلطاتنا علشان نستفيد منها ونتعلم مش تبقى حاجه وعدت
نورت الكوكب







Lady E
==========
ده بيكون تعود من البيت حشر المناخير ده
وكمان فراغ دماغ
نورتى يا سكر

~*§¦§ Appy §¦§*~ said...

ريكو
=======
يا ختتتتتى انت هتقولى على الجيران اسالنى انا مجربه بس برضه ولا بيهمنى عادى
نورت يا ريكو









gana magde
==============
لا يا حبيبتى ما انا فاهمه بس رخامه برخامه بقى
يعنى لو انا مش اتجوزت وجت واحده قالت ليه مبروك الجواز معزمتنيش ليه هقولها اصل الحمل تعابنى
هعمل ايه بس اى كلام زى ما هما بيقولوا

~*§¦§ Appy §¦§*~ said...

عاشقه النقاب
==============
اهلا بيكى
لا دول يا بينتى يبقى ابو ورده اخرهم وتردى عليهم ردود قويه علشان يتلموا لان مينفعش معاهم غير كده
اتشرفت بمعرفه جدا وجزاكى الله خيرا وبارك لكى فى اولادك








dodda
==========
بعملها يا حبيبى
فعلا وبحط مقالات وهنشر مقال طنط صافيناز ان شاء الله

~*§¦§ Appy §¦§*~ said...

شفقه هانم
===========
كده تسليه طيب ما تنظفى البيت روحى الجيم اقرى كتاب
ولعى فى الجيران انما ده لا صعب
نورتى يا قمر









بنت الاسلام
=============
بطوط وحشتينى خالص والله عارفه انك مشغوله يا حبيبتى ربنا يكون فى عونك اول ما راح انزل دمياط هشدك من مناخيرك قصدى من ريشك علشان اشوفك ومعلش متعوضه لما تنزلى القاهرة فى اى وقت ابقى روحى زوريهم يا قمر

~*§¦§ Appy §¦§*~ said...

فى حب مصر
=============
يا سيدى قلقتنا عليك الحمد لله انك بخير ويا رب دايما متبقاش تغيب
معلش الكومنتات دى علشان الحشرات المتطايره اللى بتدخل تشتم شتيمه وحشه مش اختلاف لا شتيمه بجد بقوا عملين زى مجاذيب السيده نورت الكوكب تانى












اسماء عونى
=============
هو اوانت بتعلقى كنتى راكبه اتوبيس هيئه نقل عام
امممممممممم لو كده يبقى اتنشل منك

~*§¦§ Appy §¦§*~ said...

حسن حنفى
==========
عيب عليك كان زمانى عضيته فى مناخيره










حسام
=======
اهلا بيك لا الحالات اللى قولت عليها مسموح بيها فى حاله المناخي رالطويله
وشرف ليه يا فندم