.jpg)
انا مش راح اعلق على الصورة لانى واخده هدنه كام يوم اريح فيهم اعصابى وكمان مسافره افغانستان اهدى اعصبى يومين
وازور القرد الشمبونجى علشان نعمل مؤتمر قمه بدل اللى احنا مش فالحين فيه ده هنا وكل يوم واحد يطلع يعمل مؤتمر لوحده ولا مجلس لوحده وتبقى مزاد واللى يعقد قمه اكتر ياخد عليها كانز بيبسى هديه اوكارت شحن ام نبيل وحودافون ومنتصالات
المهم جبت لكم صورة تحفه بجد
ومش راح اعلق انطح هنا هتلاقى الزياره الجبارة
انا هسيبكم انتم تقولوا الصورة دى بتفكركوا بايه ومعناها ايه الصورة دى واشوف بقى الذكاء بتاعنا وذكائهم وصلوا لنا الرساله ولا لا
والصورة عن زياره الاخ الكبير السيد الاستاذ البشمهندش الحاج/ جمال لرفح
علشان الجرحى الفلسطنين وبيشجب اللى بتعمله ازرائيل وكان سامع صوت القنابل والصواريخ بس اه دى منى ليه يا ريت كلكم تقروا عن القنابل الفسفور الابيض اللى بتضرب قرب المعبر دلوقتى وشوفوا تاثيرها على الجو والميه حد هيفهم ولا هتناموا
طلب تانى لو سمحتوا بليززززززز سيلفوبلاى حد يترجم المقال ده يا جدعان بتاع الاستاذه صافيناز كاظم اترجم انجليزى بس ترجموه لغات تانى لو سمحتوا فرنساوى بس حد بيروفيشنال ومش جوجل متفضحوناش
انطح هنا هتلاقوا المقال هو البوست اللى قبل اللى فات
متنسوش موعد زياره الجرحى فى مستشفى الاسماعيليه انظر البوست اللى متكعبل قبل ده
يالا مش عاوزه دوشه ومحدش يتصل بيه خالص
كان معكم ابى هانم بتنجانى من امام صورة العملاق الاخضر واهديله اغنيه يا حلاوتك يا جمالك
حكمه الامبراطورة
دق على الطاسه تجيلك الف رقاصة
وازور القرد الشمبونجى علشان نعمل مؤتمر قمه بدل اللى احنا مش فالحين فيه ده هنا وكل يوم واحد يطلع يعمل مؤتمر لوحده ولا مجلس لوحده وتبقى مزاد واللى يعقد قمه اكتر ياخد عليها كانز بيبسى هديه اوكارت شحن ام نبيل وحودافون ومنتصالات
المهم جبت لكم صورة تحفه بجد
ومش راح اعلق انطح هنا هتلاقى الزياره الجبارة
انا هسيبكم انتم تقولوا الصورة دى بتفكركوا بايه ومعناها ايه الصورة دى واشوف بقى الذكاء بتاعنا وذكائهم وصلوا لنا الرساله ولا لا
والصورة عن زياره الاخ الكبير السيد الاستاذ البشمهندش الحاج/ جمال لرفح
علشان الجرحى الفلسطنين وبيشجب اللى بتعمله ازرائيل وكان سامع صوت القنابل والصواريخ بس اه دى منى ليه يا ريت كلكم تقروا عن القنابل الفسفور الابيض اللى بتضرب قرب المعبر دلوقتى وشوفوا تاثيرها على الجو والميه حد هيفهم ولا هتناموا
طلب تانى لو سمحتوا بليززززززز سيلفوبلاى حد يترجم المقال ده يا جدعان بتاع الاستاذه صافيناز كاظم اترجم انجليزى بس ترجموه لغات تانى لو سمحتوا فرنساوى بس حد بيروفيشنال ومش جوجل متفضحوناش
انطح هنا هتلاقوا المقال هو البوست اللى قبل اللى فات
متنسوش موعد زياره الجرحى فى مستشفى الاسماعيليه انظر البوست اللى متكعبل قبل ده
يالا مش عاوزه دوشه ومحدش يتصل بيه خالص
كان معكم ابى هانم بتنجانى من امام صورة العملاق الاخضر واهديله اغنيه يا حلاوتك يا جمالك
حكمه الامبراطورة
دق على الطاسه تجيلك الف رقاصة
68 اخبط وقول رايك:
مش عارف ليه
دلوقتي بس افتكرت مثل شعبي قديم بيقول
يقتل القتيل ويمشي في جنازته
بس مش عارف ليه افتكرته؟
تفتكري ليه؟؟؟؟
لا يا احمد دى عدوى
الامثال الشعبيه اللى احنا فيها ده وانت شايف الصورة بس انه قتل قتيل وماشى فى جنازته اوك يا سيدى فى الاخر هبقى اقول لكم انا شايفه ايه
انا مش عارف الصوره فيها ايه مش عاجبك اينعم هما داخلين هجم كده على الجدع الغلبان ده وعددهم كفايه انه يخضه ويسحبوا منه الأكسجين , واينعم الراجل اللي جنب السيد جمال مبارك ده ولابس بالطو مش باين عليه انه دكتور خالص , واينعم الأوده مليانه بودي جاردز منهم الجدع اللي راكن على الحيط ده , واينعم تحسي ان الموضوع فيه شو كده شويه
انما
ارجع واقول ان الصوره دي وما يوازيها من مؤتمرات للحزب الوطني رافضه للعدوان الإسرائيلي تنسجم مع موقف مصر المتناسب مع دورها الإقليمي وجهودها المتواصله وتحركها على مستوى المحافل الدوليه من أجل إنهاء الأزمه الفلسطينيه وتقديم مجرمي الحرب الإسرائيلين إلى العداله وتنبع ايضا من رفض مصر الأكيد لأي محاولات للمزايده على دورها تجاه القضيه الفلسطينيه والسلام عليكم ورحمة الله وبركاته
ايه يا ابى الراجل بيطمن على الناس
فيها حاجه دى ؟؟
انتى ليه مش مقدره تعب الناس دول ؟؟
مش كفايه صحى الصبح بدرى وفطر الفطار الانتر كونتنينتال بتاعه وضرب كباية الاورانجوس وخد الشاور بتاعه بالجيل شاور الفرنساوى او الامريكى ولبس الحته السينييه او الايف سان لورا او الجيورجى ارمانى الاسبانى وحط النضاره الجامده وركب العربيه الخرافيه ومنسيش طبعا البيرفيوم التحفه وطبعا عقم نفسه هوا واللى معاه عشان يروحو الاماكن اللى فيها الناس المرضى
عايزه ايه تانى ؟؟ انتى هتنهبى ؟؟؟
انا شوفتك فين قبل كده
هو انت الواد اللى الامن المركزى ضربه فى المظاهره
ولا انت من اللى غرقوا فى العباره
لا افتكرتك انت اللى اتحرقت فى قطر الصعيد
او ولعت فى قصر الثقافة
او اتحمصت فى مجلس الشورى
ولا انت من ناشطى الفيس بوك
لا انت مصاب فلسطينى
ربنا يوفقنا ونعملك شهيد ان شاء الله
والله من خلال قراتى للصورة افتكر فيلم لا سماعيل يسين لما الشاويش عطية كان بيصرخ ويقول هو بغ و شكله العكر بس اللى انا شايفه انى الواد متقمص شخصية الاب بطريقة فظيعه جدا نفس عقدو اليدين ونفس الوقوفه
لو اتشالت صورة جمال واتحط مكانها صورة الوالد ختلاقيها صورة مكررة لزيارات الاب الشابقة فى رساله صريحة اهو الامتداد بتاع الاب فى الابن واللى خلف ما متش ومن شابة اباه فما ظلم
دة اللى حاولت اوصل ليه
ههههههههههههههههههه
سيبك انتى منالموضوع اساسا
خليكى فى حكمة الرقاصة دى
عليكى حكم يبنتى
تفطس من الضحك بس اصلى مسخسة اوى
يعنى بذمتك لو ماعملش كده و ماتصورش كده يبقى مين اللى يستاهل يعمل كده و يتصور كده
مسكترة حتى الصورة عليه و الكام تصريح
صحيح دايما الانسان بيظلم اخوه الانسان
:)))))))))
في واحد ناقص من الصورة علي غير العادة
هو الريس اتغير من غير ما حد يدينا خبر
انتي مش شايفة ان الحكومة بالحزب بلجنة السياسات و غيرهم بقت ريحتهم وحشة قوي؟
و الله لولا اني اسنفذت احتياطي الشتايم بتاع النهاردة الصبح قدام الجزيرة كنت قلت عليهم كلمة ابيحة
بقى دلوقتي بتوع غزة دول بقوا بني ادمين؟؟؟؟
ما كانوا ولاد كلب ارهابيين و مش هنديهم بق مية حتى من كام يوم
دلوقتي بقوا اخواتنا و جيراننا و لازم نتطمن عليهم و نديهم معونات من الحزب الزفت الوطني؟؟
الناس دي فاكرة الشعب ده في كي جي وان و لا تو؟؟
هما متخيلين ان الشعب ده راجل اهبل بريالة سارح في اشارة مرور ببيجامة و شبشب بصباع؟؟؟
نفسي يفهموا ان اغبى انسان اللى بيتعامل مع اللى قصاده على انه أغبى منه
ابو ام دي حكومة بنت ستين تيييييييييت
آبي
انا انشاء الله عندي امتحان بركا ورايحة الجامعة
فهدخل عندنا في قسم عبري في معيدة هناك اعرفها يارب تكون موجودة بكرا هديها المقال تترجمه بس يارب الائيها
وبعدين اخونا جمال داخل يطمن على الراجل باباه يتكلم وهو يطمن وغالباً هتلائي مامته قاعدة تعيط ناس ذوق ذوق ذوق الصراحة
دق على الطاسه تجيلك الف رقاصة
ايه ده ياابي ياجميله
دي رقاصه اومليت والا ايه
موضوع الاسماعيليه خلاص عرفت تفاصيله من نهر الحب الجميله
ربنا يكرمكم
الصوره دي فيها فيل
ا نت بتشتغلي مع اي شركه لادويه الضغط
مصره ترفعهولي ليه
احياه الغالين عندك ارحمي
هههههههههههه...عاوز أجيب طاسة الخضة
ايه الصورة دي
بت يا ابي لما يكون في اي زيارات في القاهرة ابقي قوليلي
النهاردة واحد بيقولي جمال طالع بيزايد علي ابوة
تفتكري اقوله إيه
:)
تحياتي
hi appy ,
there is a slogan that say they make it with the guiltiness of children ,how they are very influenced and realy sad ,the face of Mr. Gamal is so guilty , and looked like the sweetly children , we are really unfair and think bad about this angel
what a shame , try to relax , because the coming will be very wonder full
my greetings
نحن نشجب ونعارض
نفسى مره مسمعش الجمله دى
بس زيارة المريض صدقه هههههههههه فالزياره واجبه طبعا
من باب الثواب
.............
اسماعيليه يا قمر ربنا يسهل يسهل
ونقول تانى يا رب
انا الى شيفاه
ان بصفته ايه ابن سوزان ده رايح؟
يعنى هو ابوه باعته علشان يلعب على الونجين
ومش بعيد نلاقى غزه وفلسطين بيدعموا المقصوف ابن سوزى انه يبقى بدل الخاين ابوه؟
حرام عليكى بجد انا لسه صاحيه من النوم
الدرس انتهى
الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..
ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …
ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس
--------
صلاح جاهين
ابريل 1970
نفس العدو ونفس المجازر ونفس المسلمين اللي بيموتوا مع اختلاف الارض او مع اختلاف مسرح الجريمة
السلام عليكم
منتى مسالتيش الاثر المرعوى الكبير على المريض
وازاى خف بمجرد رؤيه الوجه البشوش
وازاى كل المرضى خفوا
و القنابل كانت بتنزل متصبش حد
بل بتضرب فى الطيارات قبل متطلع
انتى بتقلى ايه
دى الساعه دى لما كانوا هناك
كانت صورايخ القسام بتتفجر سبع مرات للصاروخ الواحد
احنا مش عارفين حاجه
أذا لم تستحى .........
معلش احنا بنتكلم
اديني امارة ان الصورة دي في رفح دي غرفة اي مستشفي
اديني امارة ان المريض ده فلسطيني هو معلق الباسبور في رقبته
اديني امارة ان الصورة دي مش تركيب علشان بابا قال ماتروحش تلعب بعيد خليك جنب البيت في حضانة السياسات فيها العاب حلوة
برضه خايف عليه
الضنا غالي
يالهوي على الناس و نفسوياتها
كل ده علشان مش اتصورتي لما رحتى زرتي؟؟؟
و لا مش رحتي؟؟
ولا نظامك ايه؟؟
لا النصيبة انه كان حيبعتلك عربية بحراسة توديكي
و نسي وراح لوحده
اااااااااااااااه يااااااااني
افرسيني افرسيني يا خرفاني
بالنسبة للمقالة
مش ينفع ان اي حد يترجمة
لازم حد متخصص ترجمة علشان المعاني مش تهرب
مش اي حد عنده لغة ينفع يترجم
الترجمة ديه تخصص
يا اما حتلاقى الموضوع بقى ضعيف
ماشي و ديه لاى مكتب ترجمة
وقال السيد الفاضل رئيس تحرير جريدة الاخبار ان زيارة جيمي هي أكبر دليل على اهتمامه بمعاناة أهل غزه
الحقيقه فعلا القضيه الفلسطينيه كانت محتاجه الزياره دي بشده!!
هنفضل نعايب على افعال الحكومة والناس دول لأمتى ياآبي
بجد انا مش عارف بصي
لازم نغير من نفسنا ياآبي ولازم نناشد الغير انهم يغيروا من نفسهم وكل حاجة هتتغير ان شاء الله
تحياتي
ربنا ينصراخوانا في غزة
بس بردو انا ضد ان مصر تحارب لوحدها
العرب كلهم لازم يتوحدو لكن مصر لوحدها تشيل الليلة لاء
لك كل التحيةودمت بكل الخير
ابى حبيبتى
و الله يابنتى انتى زى السكر
الصوره دى بتخلينى اسأل هو ليه الاهتمام ب ( جيمى )رغم انه و لا وزير رايح زياره و لا حد من المسؤمين( المسؤلين يعنى )
بس ابن الوز عوام
و بعين مهو ابن الظابط ظابط
و ابن الدكتور دكتور
مستخسرين على ابن الريس يبقى ريس
ده انتوا مفتريين
ازيك يا ابى
بما انك خبيره معانى الكلمات واستاذه فى علم الامثال
كل شويه اسمع كلمة بيزايد بيزايد
مش عارف مين بيزايدعلى الموقف المصرى
او بيزايد على موقف حسحس
منبى تقوليلنا معنى كلمة "بيزايد" دى
وهل ليها علاقه بالمرحوم الشيخ زايد بن سلطان ؟
او لانه ؟؟؟؟ كان طيار فيمكن تكون الكلمه تعنى الوزن الزايد فى حمولة الطياره = او البلد؟؟
افتينا بقى
وبعدين هى ريما كانت بتعمل ايه فى مارينا ؟
هممممم انا بس لاحظت انة كان مربي دقنة في العاشرة مسائا و ريحتة باينة
مفيش صاروخ اسرائيلي اعمى ينزل خطأ
طبعا عارفة ينزل على مين
:)
بتفكرك بأييييييييه
بتفكرك بأييييييييييه
مابلاش
خلينا ساكتين احسن يا ابي
هو انت تاخدي اجازة
و تسيبينا احنا نشتغل ولا ايه؟؟
هه هه؟؟
في بس تعليق صغير علي يا حلوتك يا جمالك
خلي الحلاوة لحد تاني
ممكن نقول يا جمالك بس
و الحدق يفهم
و بالنسبة ليوم الجمعة و مشوار الاسماعيلية
ما اعتقدش اني هقدر اعمل العملة الفدائية ديه
كده تكون وسعت اوي مني
تحياتي أختي الفاضلة آبي...
دأما ما تكون اختياراتك في الصميم
و لا أحسن و لا اروع ولا أجمل من أفغانستان لتهدئة الاعصاب و الاستجمام
وراحة البال... :)
في رأيي ان زيارة الحزب الحاكم قد تأخرت
كثيرا...و أنهم في الحزب يستطيعون فعل
أكثر من هذا.... و الله أعلم و أعلي.
تحياتي و ياريت تتذكرينا في افغانستان
و تشتري الشال الصوف الكشميري...من اجمل
الاصناف و افضلها...و اكثرها شهرة ايضا....
تحياتي و تقديري
الحقيقه هو بيفكرني بالمشهد الخالد بتاع:
كنت فين ساعة الزلزال
صح كده؟
ازيك ياابى
الاوضاع كلها ماتسرش ولسه كمان رايحين يتصوروا ياسلام على الحنيه اصحاب واجب بزحيح . منهم لله وربنا يكون فى عون اهل غزه ويصبرهم ويقويهم وينتقم من كل معتدى وظالم وخائن
appy
انا بس حبيت اتطمن عليكي
ان شا الله تكوني بخير :)
ههههههههههههههه
أنا لي نص ساعه عمال أدق عالطاسه من غير فايده ههههههه
المهم الزياره دي تقدري تقولي عليها شوووو مش أكتر والجماعه لازم يعملوا كده محاولة منهم لتحسين صورة الحكومه بعد ما تشوهت وظهرت بمظهر وحششششش أوي خلال الأزمه الحاليه
حبيب امه ياخواتي جه في عربيات حسن راتب الخاصه يعني كمان مش جاي علي نفقه الدوله لا طالع علي قفا اصحابه
كتر خيرك ياعمنا الهي ربنا ينتع مراتك بالسلامه وتجيبلنا بيبي كده يركب علينا 16 سنه اللي جايين
سلام الله عليكم ورحمته وبركاته
مش عارف والله اقول ايه هو صورته واللي حواليه بتفكرني بكل حاجة وحشه مبفتكرش الخير ابدا
عامة حسبنا الله ونعم الوكيل
وجزاكم الله كل خير
ابىىىىىىىىىىىىىىىىىى
طلب صغير ممكن يكون متعلق بالبوست
لو عندك اى ايميلات لجهات خارجية
ناس برا يعنى
ياريت تشاركينا بيها عالجروب بتاعنا عالفيس بووك
http://www.facebook.com/home.php#/group.php?gid=19346759958
بنحاول نعرف العالم ان فيه "عولوكوست" اسرائيل عملته وبتعمله فى غزة
وميرسى مقدما..:)
الصوره فعلا زى ما قال انا جعان ناقصه حد تانى متعودين عليه
بس يمكن الصوره دى بترسم معالم للمستقبل القريب وبتقول انه هايبقى نسخه من الماضى؟؟؟؟؟
بس عموما يا آبى هى صوره تجمع بين القديم والجديد فى اطار واحد ربنا ياخد القديم والجديد بتاعهم فى مره واحده
انا ضغطت ملقتش صور ولا حاجه يمكن فى عندى حاجه غلط
بس انا مبقاش عندى كلام ف اى موضوع اقوله خصوصا الواحد لسه مخلص امتحانات بس هقول حاجه واحده بقا حسبى الله ونعم الوكيل ف اى حد ظلم اى حد
يحكى ان هناك رجل طيب كان يخرج مع الجيوش الى المعركة و يجمع الجرحى و يسقيهم و يضمد جراحهم و يضع لهم الميكروكروم
---
طيب الراجل ده كان يحارب معاهم احسن و لا ياخد السلاح من ايدين اعدائهم بدل ما يخفف الواوا بعد الضرب
و لا اية؟
تقبلي تحياتي
و اوروفوار
حلو الكريز الجديد ده يا بتنجانى
ابي انا حاسة بتقصير اتجاهالك بجد انيمش بزروكياريت تكوني مش زعلانةمني بجدالفترةدية مش مظبطاني بجدوقريبانش اء الله حتخطاهاواظبط نفسي متشكرة علي مروروك عندي وعليكلماتك الجميلة ليا بجد متشكرة دمتي بالف خيراختي العزيزة ابي
محمد فوزى
==========
فكرك راح لبعيد اوى يا دكتور والخيال وسع منك وبعدين يعنى ايه مش باين عليه دكتور دى هما الدكاترة لهم شكل معين
المهم يا سيدى لا خالص نفس المشهد بيتكرر مبارك هو اللى كان المفروض يقوم بالزياره دى رسمى ومرحش وبعت جمال ومش معنى كده انه علشان بتاع السياسات لا طبعا شوف صفوت الشريف وهو بيشرح له ووقفه جمال دى حاجات بتدرس خلاص جمال مسك الموضوع من تحت لتحت رسمى لغايه لما يجى الانتخابات ولاحظ انه قعد 18 يوم ميطلعش ولا يتكلم الا لما درس الموقف كويس جدا وبعيدن طلع ووجهه نفسه صح
وهما اختاروا الوقت الصح علشان يزوقوا ده الناس ملبوخه فى غزه وهما بيزوقوه واحده واحده من غير ما نحس
الموضوع بعيد عن الحزب الموضوع له دخل برئاسه الجمهوريه مباشر
وفيه معلومه فيه واحد بيدرب جمال ازاى يقف وازاى يتكلم وازاى يسمع للناس وصفوت الشريف بيعمل كده ده نفس الصورة اللى بتتكر
نورت يا دكتور
محمد عتلم
===========
بيبنى وبينك مبيعجبنيش فيه غي رالسينهات اللى بيلبسها بصراحه ربنا بقى على الظالم وبعدين تعالا هنا انت عايش معاه ولا ايه
راجع ردى على محمد فوزى وانت تعرف الغرض كله من االصورة
محمد حمدى
==========
ههههههههههه لا خالص الواد غلبان
ابقى شوف ردى على محمد فوزى يا ريس وانت تفهم
رئيس جمهوريه نفسى
================
ما انا قلوت لك على اللى فيها يا ريس غيروا الريس وانت لسه قاعد من غير ما تاخد بالك بيدربوه فينا لوووووووول
البنت المشمشيه
==============
هى اللى بتيجى كده يا مشمش والله مش ذنبى خالص
che
======
هههههههه يا ريتها تيجى على قد التصويره المصيبه فى اللى بعدها اقرى ردى على محمد فوزى وانت تعرف الغرض واللى انا فكرت فيه
ana ga3an
==========
طيب اعمل ايه اديلك جايزة الايزو فى الفهم ولا فى انك بتفهم اللى بقصده والله شكلك هتودينا فى داهيه يا رمضان ربنا يستر بجد كنت عارف انك لماح وهتفهم بسرعه
هو تقريبا اتغير داخليا ومستنين رسميا وبيدربوه انت عارف ان ده بيحتاج وقت
على فكره انا اخرت تعليقك يومين علشان محدش يغش
احمد يا مخنوق
==============
الموضوع بقى بعيد كل البعد عن الحكومه والسياسات وكل ده الموضوع تطور وتضخم وتشعب اقرى ردى على محمد فوزى هتفهم
الله ؟؟ طب ماهو اكيد كل الترتيبات دى بتحصل من حوالى 10 سنين مش من قريب ولا حاجه . امال النضاره والجيل والبيرفيوم والسنييه والحاجات دى تروح على الارض ولا ايه ؟؟ ماهو لازم يجيب تمنها برضه ده لابس طقم وعمامل الحاجات دى ومكلف اليوم كله ييجى 375 جنيه على الاقل هههههههه
ويجعله عامر
اه وكفى
==========
ماشى يا نور يا قمر لو عاوزه تعرفى راى فى الصوره بجد ابقى شوفى ردى على محمد فوزى
شمس النهار
==============
اه بس اومليت افرنجى مش بالبيض البلدى يا شموس
مياده مادى
==========
ان شاء الله هو يا مادى راى يا حبيبى انه خلاص مسك الحكم من تحت لتحت وفاضل تبقى رسمى فى الانتخابات ابعت لكى كام كارتونه ادويه
ميشو
=======
اللعبه كبرت المرة دى يا ميشو شوف ردى على محمد فوزى وهتعرف
only spot
=========
مستر جمال خلاص يا شيمو ركب على الشعب ودلدل رجليه واختاروا توقيت صح مليون فى الميه انشغال الناس بغزه وهما بيحشروه واحده واحده فى الرياسه مستنين الانتخابات الرسميه بس
محاسن صابر
============
اللهم لا اعتراض الموضوع اكبر يا محاسن الريس هو اللى كان بيروح الزيارات جمال خانث بقاله 18 يوم لما اتضحت الصورة والناس اندمجت اكتر فى غزه بدأو يدخلوه الرياسه واحده واحده
واولها وقفته اللى هى بتدرس ليهم هو وابوه وطريقه صفوت
المساله بقت وقت بس يا قلبى
نودى
========
يا ريت يا ريت
اقرى ردى على محمد فوزى وهتفهمى او على اونلى سبوت
تامر صلاح
===========
ونفس غبائنا لان البيه خلاص بقى ماسك الحكم دخلى وفاضل الانتخابات يا تامر راجع ردى على محاسن واونلى سبوت ومحمد فوزى هتفهم
ابو حنف
=========
كل كلامك صح من الناحيه المشاعريه انما السياسيه البحته بقى
جيمى مسكها رسمى وبكره تشوفوا
طارق مؤمن
==============
لا هى فعلا كده ودى حقيقه
مش متركبه
اقرى تفسيرى لمحمد فوزى هتفهم
واحده مفروسه
===============
لا خالص انتى فاهمه غلط يا قلبى انا رحت اى والله بس فرده الكاوتش نامت ومرضتش ازعجها ههههههههههه
اقرى ردى على محمد فوزى هتفهمى يا مفروسه
لورانس
==========
كنت فاكره انك هتفهما وهى طايره
شوف ردى على محمد فوزى هتفهم يا لورانس وانا هكتب بوست بيها
القلب الابيض
===============
ما احنا بنعدل اهو يعنى اعمل ايه اكتر من كده وبنفهم الناس اولع فيهم وترتاح ها قول بقى
مصطفى ريان
===========
والله ولا انا عاوزاها تحارب خالص خالص خالص
اقرى ردى على محمد فوزى فى الاول هتفهم وجهه نظرى
الجواز وسنينه
==============
قربتى من الهدف علشان هو بيتدرب من دلقوتى على الرياسه يا قلبى
انسان وبس
=============
لا الشيخ زايد الله يرحمه بقى
بيزايد عكس بيناقص هههههههههه
الموضوع كبر يا محمود لان البيه بقى فاضل الانتخابات علشان يمسك رسمى انما كده داخليا هو اللى بيدير وابوه واجهه مش اكتر
مواطن مصرى
===============
نو نو خالص
بص يا سيدى هما بيعودونا على الصورة دى لان دى اللى هتيجى الموقف ده مبينفعش يتصور ولا يتعمل غير لابو جيمى وبما ان جيمى عمله يبقى هو خد الكورسات وبدأ يزل الميدان قولى ليه من 18 يوم محدش سمع له حس هو استنى لما الرؤيه تبان قدامه من كل الجوانب وبعدين طلع
وهيبدأ يلم فى الناس بعد غزة ويصدر هو امر بخروجهم من المعتقالات علشان يبقى هو الفارس المغوار
فهمت اللعبه هما اختاروا توقيت الناس ملبوخه فيه اوى علشان غزة ومش هتاخد بالها من حاجه ابدا الموضوع مش فاضل عليه غير الانتخابات ونبقى شربناها بالهنا والشفا
مونى
=======
ولا يهمك يا قمر
اما جيمى ده موضوع كبر اوى وخرج من الايدين اقرى ردى على مواطن مصرى هتفهمى
الربان
========
والله الجو حلو هناك بس اعتقد برد فغيرت راى مش مهم
اما بالنسبه للصورة يا ريت اتعبك معايا واقرى ردى على مواطن مصرى ومحمد فوزى ويا ريت تقولى كلامى صح ولا غلط
Alexandrian far away
==================
كده يا ياسر ات اللى تفلت منك دى ها انت
طيب راجع بقى ردى على مواطن مصرى ومحمد فوزى وانت تفهم يا راجل انا متوسمه فيك خير تحبطنى
ولا اقولك مش مهم كفايه نورك اللى هل على الكوكب بجد
كلمات
======
يا ريت على الصورة اللى وراها اعظم واكبر يا حبيبى اللى وراها انها مساله وقت ونلبسها رسمى فى وشنا انه يبقى الريس
اقصوصه
===========
حمد لله على سلامتك يا قمر
احمد
=========
ههههههههههههه كنت دق بزمه اقرى ردى على محمد فوزى وعلى مواطن مصرى هتفهم القصد
dr.lecter
=============
يا ريت تبقى كده يا سيدى هو بيدرب رسمى على الرياسه هو مي يقدر يتصور الصورة دى
اقرى ردى على مواطن مصرى هتفهم
الفاتح الجعفرى
===============
الله يا زميل المعارك يبقى فهمتها اللى خايفين منه هما لعبوها صح وفى ز الناس ما هى ملبوخه فى غزة هو داخل زى السحليه واحده واحده فى الرياسه رسمى والناس مغيبه والدليل انه كله اتوجهه ناحيه غزة ومخدش باله ان نفس الصورة اللى بتتاخد لابوه وصوفوت بيشرح له
ودى بتكون بتدريب وبرتوكول
نورت يا زميل المعارك
سفاح كرموز
==============
نفذنا المهمه يا فندم اى خدعه
الدفاع
==========
يا اسامه بطل تغش من انا جعان بقى ليه بتبص على تعليقه دا انا حجبته يومين ههههههههه
المهم اقرى ردى على محمد فوزى وعلى مواطن مصرى هتفهم وجهه نظرى
على اسم مصر
===============
الخبر يا حبيبى موجود الزياره
طهقانه
=========
لا ده يبوس الواو يا قلبى
هو خلاص فيه ريس بيعد نفسه للحكم هيبص على ده
محمد عتلم
===========
هههههههه اجيب لك كيلو
حروف
========
لا يا حبيبى ولا يهمك ربنا يكون فى عونك يا قمر
مشمش
=======
سورى بس علم وجارى التنفيذ
محمد عتلم
==========
لا يا ريس بس هو ابن لاذين اختار توقيت فى الجون والناس ملبوخه والله بيعد حاجه ويبدأ ينزله حاجه تانيه خالص
كده معناها انه امنه من كل الاتجاهات غير كده كمان جاب تمام كل اللى فى الحرس القديم
آبي هانم المحترمه يا ريت تسيبي دعاء التحصين واللينك على المدونه اكبر فتره ممكنه وبجد شكرا على الهديه الحلوه دي ربنا يكرمك ويريح بالك ويحقق امانيكي ويبعد عنك كل سوء
اما بالنسبه للصوره فبصراحه بصراحه من كتر ما المعنى كان واضح قوي وبسيط في ذهني ومن زماااان فمتخيلتش ان يكون هو ده قصدك وعشان كده وسعت الخيال شويه لحد ما بهوء كده بعد اذنك اوديه للترزي يلمه شويه هههههههههه
كل التحيه والتقدير لإمبراطورة الكوكب
ملاحظتك في محلها جدا
واضح أوي يا ابي أن ميشو دماعه اتلحست بالكورة والرياضة ومبقاش يعرف يركز كويس في حاجة غيرهم
الله يرحم ايام الكلية مكنش فيه حاجة زي دي تعدي من تحت إيدي
:)
بس بجد قشكة معايا نايبة واعية ومفتحة ومصحصة لأي هاموشة تعدي
:)
تحياتي
معلش يا ابي يا بنتي
أنا نسيت فرق السن وأنك لسه صغننه ما خضرمتيش في الدنيا
ما اشرت إليه يا ستي هي زيارة السيد الرئيس الميمونه لضحايا الزلزال 1991 في المستشفيات وسؤاله المتكرر المقدس لكل جريح: كنت فين ساعة الزلزال؟
ما تتخيليش الجمله دي أتألس عليها قد ايه وأتعملت عليها أفيهات مالهاش أخر
طبعا بلاش نجيب سيرة النهب ألي حصل باسم الزلزال
وصلت يا بنتي؟
محمد فوزي
==========
حصل خير يا دكتور وميرسي لذوقك
الكسندريا
=========
والله فاكراها وفرق سن ايه انت هتغلط ولا ايه انا اقصد اننا بناخد حقنه الزيت بتاعت جمال براحه
وحوله كنت فين ساعات الزالزال انا عن نفسي كنت راجعه من المدرسه تعيانه ونايمه
ميشو
--------
اي خدمه يا ريس هدعيلك تركز
Post a Comment