مش بعيد عن رجالتك يا مصر رغم الانكار

انا عاوزه اعرف الموضوع دا صح ولا غلط الحقيقه نفسى اصدقه مش النفى بتاع سياده الرائد لا الكلام بتوع الظباط انا عن نفسى مش اسبعده الجيش لسه فيه رجاله كتير يا رب يطلع صح اقروا الخبر كله بعنايه
انطح هنا
وعلشان برضه لو اتشال ها جيبه لكم كوبى وبطاطس

ضباط ضد التوريث يعلنون دعمهم لمطالب الجمعية الوطنية للتغيير ويطالبون بتوحيد كل القوى السياسية تحتها – ومصدر مسئول في الجيش ينفي صحة البيان

خاص: موقع إنقاذ مصر:—

في خطوة نادرا ما تحدث تسلمنا في موقع إنقاذ مصر بيانا موقع من جماعة أطلقت على نفسها “ضباط ضد التوريث” من الواضح أنها تتحدث باسم مجموعة من الضباط العاملين في الجيش المصري يعلونون فيه عن دعمهم لمطالب التغيير ورفضهم للتوريث، وقد جاء في البيان:

بالاصالة عن نفسي و بالنيابة عن عدد غير قليل من الضباط العاملين و الاحتياط و صف الضباط مسلمين و اقباط

و من منطلق دورنا كمصريين اولا و مدافعين عن كل ذرة تراب بهذا الوطن

فاننا نعلن موقفنا علي الرغم من كل التقاليد العسكرية التي تعوق ذلك حتي من المشاركة في الحياة السياسية

نوافق علي توحد جميع التيارات و الاتجاهات السياسية تحت الجمعية الوطنية للتغير و نؤمن بكل ما جاء باعلان القاهرة و المطالب السبعة لما فيها من خير لابناء هذا الوطن بعد ان اهين علي يد نظام مبارك الذي كان يظن انه ان ملأ فمنا فلن نتدخل الا لما فية مصلحتة الشخصية بعد 33 عام من الانكسارات و و الاغتيالات التي تمت لضباط شرفاء من ابناء هذا الوطن و سجن اخرين كل تهمتهم انهم شرفاء

فاننا قد عقدنا العزم علي مساندة هذا الوطن و السعي مع كل من يسعي لاخراجه من محنته

و سنكون عون للشعب الذي نحن منه و هو منا لا عونا عليه
و لن نقبل ان ياتي لنا نظام مبارك بهذا المخث جمال بعد ان سبق ان افشلنا مشروعه الاول علاء بالاسكندرية

الله اكبر و العزة لمصر

ضباط ضد التوريث

وبعد نشر الخبر تسلمنا تعليقا موقعا باسم: الرائد / عبد الرحمن أبو عثمان

قال فيه أنه باسم قوات العمليات الخاصة بالقوات المسلحة المصرية
و باسم مصدر موثوق به بالمخابرات الحربية
أحيطكم علماً بأن هذا الخبر عار تماماً من الصحة…
إن القوات المسلحة المصرية بكافة أفرعها و أكرر بكافة أفرعها تدين بالولاء التام للقائد الأعلى للقوات المسلحة المصرية و نحن جميعاً على استعداد تام للتضحية بأنفسنا في سبيل الوطن و تنفيذ أوامر السيد القائد الأعلى للقوات المسلحة المصرية السيد الرئيس / محمد حسني مبارك…
يبدو إن من نقل هذا الخبر متأثر بأفلام عربية عرضت أيام الثورة…
نحن لا نعترض على فكركم و على من تناصرونه فهذه حريتكم الكاملة و انتم إخواننا و نحن نعمل من أجل أمنكم و استقراركم…
و لكن حين ينقل أحد خبر يمسنا وجب علينا التدخل لأن القوات المسلحة لن تكون مسار لأحديث يشوبها اللهو و الإشاعات…
مرة ثانية أود أن أؤكد لكم جميعاً إن جيش مصر بخير و نحن فداء لأبناء مصر و ولائنا التام للقائد الأعلى محمد حسني مبارك نفديه بأرواحنا
رائد / عبد الرحمن أبو عثمان
قوات الصاعقة المصرية


10 اخبط وقول رايك:

أتنين حبيبين said...

لسه الدنيا بخير وعمار يامصر

فعلا لسه فى ناس كويسه

أتنين حبيبين said...

ربنا يحميهم يارب
وكلنا ايد واحده

تحياتى لكى ولمدونتك الجميله

dr.lecter said...

بعد رمضان حاجات كتير هتتغير

Foxology said...

لما قرات الخبر من كام يوم كان عندى احساس انه مجرد جس نبض للجيش وانه مش حقيقى لأن الجيش من جوة عامل زى البيت المقفول من بابه محدش بيعرف ايه اللى جواه غير اللى جواه بس

الله اعلم باللى فى النوايا

تحياتى ورمضان كريم

الطائر الحزين said...

كل عام أنت بخير

الخروج على النظام ليس فى كل الاحوال هو الحل

رمضااااااان كريييييييم

أحــوال الهـوي said...

كل سنه و انتي طيبه
و اسرتك بخير

رمضان كريم

تحياتي

لورنس العرب said...

لا أبدا
اسامه رشدي بيحلم بس
ايه اللي يدفع ضابط انه يعمل ثوره على مبارك سواء كان ضابط بوليس أو جيش وهو متوفر له كل شيء ويأخذ امتيازات جباره من منصه؟
هل يثور حتى يصبح مثله مثل باقي الناس الماشيين في الشارع؟
انا سمعت اسامه رشدي كذا مرة في قناة الحوار- مشكلته انه خرج من مصر في الستينيات من القرن الماضي ويعتقد ان الوضععندنا زي ما كان موجود ايام جمال عبد الناصر- معلش اصل الجهل وحش بردو
ساعات بيتهيأ له حاجات انها بتحصل ولكن في الحقيقه مفيش اي حاجه من اللي هو بيحكيه بتحصل
مفيش حاجه اسمها ضابط جيش واخد امتيازات الدنيا كلها ولو اصبح لواء بعد ما يخرج للمعاش فإنه هايمسك شركه اومحافظه اوحي عشان يبقى رئيسه ويعمل ثورة على الحاكم
ولا احنا عاوزين نعمل ثوره ونبوظ البلد لأن لو حصلت ثوره اللي هاييجي هايعمل زي اللي قبله والدليل ثورة يوليو
احنا عاوزين ثورة عقول يا آبي ليتغير الموقف داخل البلد
ويبقي قابليني لو حصل حاجه

ليكي فانوس في الميكروباص يبقي تعالي خديه
انا مش بدخل النت في رمضان بس عنوان الموضوع استفزني

لورنس العرب said...

على فكره
الخ اسامه رشدي مس بينشر تعليقاتي في موقعه
أصل اصحاب الموقع من الاحرار باين عليهم هما كمان ديكتاتوريين زيهم زي موقع المصريون اللي بيشكي مر الشكوى من تقييد الحريه ومعهم الاخ عبد الباري عطوان اللي لسه كاتب موضوع عن نصر الله ليوم ولما دخلت وقلت ان سوريا هي المتهم الأول في اغتيال الحريري وهو يريد ان يداري عليها ولهذا عمل هذا المؤتمر الصحفي الآن وبعد خمس سنوات من وقوع الجريمه -لم يعجبهم الكلام ولم ينشروا التعليق لأنه عيب اعترض على حاجه هما بيقولوها

البلد دي مش نافعه

mohamed ghalia said...

كل سنة وانتى طيبة ورمضان كريم عليكى

nody said...

كل سنه وانتى طيبه ياقمر
رمضان كريم علينا وعليكى وعلى كل المسلمين