.jpg)
فقعوا مراره الراجل
الراجل راح عمل عمليه
الشعب الساذج بيقولك ديمقراطيه
وكل اللى يجيله المراره يتعالج زي الراجل
الراجل مش زي اي راجل
والشعب لسه ساذج وبيطالب الراجل بالمساواه
شويه العيال بيلطشوا يمين وشمال
ويقولك حضروا عفاريت علشان تعرفوا هنعمل ايه
فى شهر ابريل
انا كرهت ابريل واللى فيه
الراجل مرارته بقت كاوتش
واتبطوا بقى لان مبقاش فيه حاجه تفقعوها
عينوا شيخ للازهر
كله بيهاجم من غير ما يسمع
شعب نمرود ومش عجبه الشيخ
الشيخ ببساطه بيتبع ولى الامر
لما سالت خالتى قالت ولى الامر
طيب اشمعنى احنا مش بنتبع ولى الامر ولا بنسمع كلامه
يبقى الراجل دا محترم
وكل الكلام اللى فوق دا تطلعوا منه بايه
ان طبق السلطه مش هيتغير
وان البلد مش هتتغير وان مش فى ايدينا حاجه
يبقى نبطل نخبط دماغنا فى ام الحيطه
وادوا فرصه لشيخ الازهر نتفرج من بعيد وبعدين نسلخ
مينفعش نسلخ الدبيحه وهى حيه
سيبوها تفرفر يا جدعان
كان معكم ابى هانم من امام الحضارات الوهميه
حكمه الامبراطوره
الدنيا مبتقفش على جد ناس بتيجى وناس بتروح
30 اخبط وقول رايك:
حكم و الله يا بؤبؤ
بس دى عادتنا و لا حنشتريها
عمرنا ما حنتغير ابدا
معلش نصيبه كده
لا هو اختار شعبه ولا احنا اخترنا ريسنا
هههههههههههه
ربنا يصبره علينا
أخيرا فهمت يا وديع
صباحوا يا بتنجانى
الدنيا بتغير الناس
فينيك لما كنتي زمان موضوع زي كده كان مش ممكن يعدي من غير ضحايا و قوات امن و تحديات و قرارات فاجوميه و بيانات عسكريه
بركاتك يا دكتور
تحياتي
صيدلانيه
لا احنا بقى بنوردها للعالم كله
ستار
ربنا يصبره اه والله انا لو منه كنت استقيل بس هو كويس كتر خيره متحملنا ببلاوينا
نحنوت
وديع طول عمره فاهم يا نصه
احوال الهوي
يا لهوى دا انا ماسكه نفسى علشان بس مغلطش وانا حلفت من زمان بلاش غلط بس انت لو ركزت هتلاقينى غلطانه فى العالم كله
الدكتور ملوش علاقه بالموضوع بتاتا حضرتك
انا اللى بضرب سم من تحت لتحت ههههههههههه
احنا شعب و الله العظيم نستاهل اكتر من كدة بكتير
الريس و الحكومة دول ناس طيبين قوي...كنا نستحق اكتر من كدة بكتير من القمع و الديكتاتورية و ماكناش هنقول لا
احنا قدره
وهو قدرنا
وكله على الله
:D
كلامك صحيح , بس بينى و بينيك كل ما الواحد يفكر ان مش فى فايدة يكتئب و يقول لا اكييد فى جديد و هو من جواة عارف ان مش فى حاجة, و اهى دنيا و تايهين فيها, تحياتى
رحاب
صباح الفل يا باشا
عامله ايه واخبار الكويت
البوسن متشفر عندي
مش عارف ليه
عموما حاولي تظبتيه
وربنا يهنيكي انت ومحمد
وربنا يعينه عليكي
انتي تغلطي في الريس في شيخ الازهر
ان شا الله تغلطي في ال80 مليون بني ادم انتي حرة
لكن تغلطي في شهر ابريل
لا والف لا
انا جعان
انا مقدرش يا اسلام باشا غلط كل سنه وانت طيب يا صديق العمر
هى وظروفها
متشفر يا لهوي يبقى العفاريت حضرت
احمد سمير
تصدق بالله احنا فعلا شعب طيب بل اطيب شعب على وجهه الارض
بنت من الزمن دا
ربك كبير يا بنوته
كريم
خلى عندك امل يا ابن العم
السلام عليكِ
أتفق في أمر
أن النقد بدون معرفة وبدون رؤية ظلم
نحن لا نستمع ونضع ردود فعل إستباقية وهذا أمر غير موضوعي
للأسف الحرية مفهومة عن شرائح كثيرة مفهوم بحاجة لتقويم
حمد الله ع السلامه يا ابى الاول
كنتى واخده اجازه فمبحبناش نزعجك
بالنسبه لشيخ الأزهر الدكتور أحمد الطيب سمعته كتير فى برنامج فقه الحياه ع النيل للاخبار واعتقد او احسبه - زى ما بيقولوا - احسبه على خير
وكلامه عقلانى جدا
وكنت بعجب بكلامه واللى اعرفه عنه انه كان رئيس جامعة الأزهر بس مكنتش اعرف هو خريج ايه بالظبط او يعنى دكتوراه فى ايه تحديدا
عرفت بعد كده انه خريج وعامل ماجستير ودكتوراه فى العقيده والفلسفه فمستغربتش
وبيتكلم عن مواضيع حساسه بأمانه العالم المسلم زى القرءانيين واللادنيين والبهائيين وحتى المسيحيين واليهود وعنده فكر حقيقى
اما عن انه بيطيع ولى الامر فانا مش شايف بروبليم
الا اذا كان فى معصية الله
والراجل مشفناش عليه حاجه
وانصح بعدم استخدام الفاظ حاده مع العلماء لان ده غلط يقال ان لحومهم سامه
يعنى اللى ياكل لحم اخيه الشيخ العالم حيا يموت مسموم
كونى نباتيه احسن فى الموضوع ده
وبلاش سلخ من الان
وبالنسبه للريس
(( لو صبر القاتل على المقتول ))
ونشوف بعد كده هيحصل ايه ؟
يعنى نشوف اللى اسمه شعب ده هيقدر يعمل حاجه ولا ... ؟
يعنى اتفرجى مثلا ع الاخ العقيد هل بتحسى ان شعبه كده كله زيه فى الطراوه؟
بالتأكيد لأ شعبه اكيد مش زيه طيب ازاى يرضوا ان ده يحكمهم وازاى سايبينه ده كله ؟
نفس السؤال عننا هنا فى مصر ؟
وزى ما قال الريس
الشعب المصرى كويس
ازيك اخبارك ايه والكويت عامله ايه معاكي
عارفه انا نفسي موت زوار الكويت إشتغل فيها مش عارفه ليه هههههه
والله يارحاب في كل مكان تجد حاجه تفقع المراره بس ربنا يصبرنا على يهديه ألامه الاسلاميه كلها غلي الخير
حمدالله علي السلامه
البلوج نور
الراجل فعلا شكله تعبان
وشيخ الازهر الناس مش صابره لأنهم عارفينه كرئيس جامعة الأزهر سابقا
آبي هانم
منوره والله .. ألف مبروك يا آبي على الزواج السعيد بارك الله لكما وبارك عليكما وجمع بينكما في خير . اللهم آمين .. نورتي البلوجر تاني يا فندم .
خالص تحياتي
:))
بلاش النبره التشائميه دي معايا
لا ابلد هتتغير غضن عن عين ابوهم علشان الميه بتغلي من زمان في الحله
فكك انت حد بعتلك توكيل للحمله ولا ليكي موقف من الموضوع كله؟
هههه لما الاهلي يبطل يشتري حكام
و التحكيم يتعدل
و الزمالك ياخد الدوري بلع نظيف و تحكيم شريف
يبقى في امل ان البلد تتغير او يوم القيامة يقوم
ههههه
مهو احنا كمان المرارة اتفقعت من زمااااااااااااااااااان وماتت لوحدها كمان
شيخ الأزهر بحكم التجربة الشخصية اقدر اقول بالفم المليان ... ما العن من ستى الا سيدى وده عن احتكاك شبه مباشر بالشخصية المذكورة
تحياتى
طول عمرك دماغك متكلفة
ايييييييييييييييييييييه
دنيا
المهم اخبارك ايه هناك
فى الكويت؟
خرفانك معاكى ولا اتصدروا
عووووووو
ازيك يا ابى هانم
البت سومه المجنونه الفتانه قالت لى على اخبار جميله بالنسبه لك .
يا ترى سافرتى ولا لسه .. اذا كنت سافرتى او ما سافرتيش انا اقول لك الف مبروك
الراجل مرارته اتفقعت مننا وانا مرارتى اتفقعت منه
كان زمان شيخ الازهر بيتم تعيينه بواسطة هيئة كبار العلماء .. كانوا بينتخبوا 3 علماء من علماء الازهر ويعرضوا التلاته دول قدام الملك وكان الملك من حقه يختار واحد منهم وما يقدرش يجيب حد من بره التلاته اللى اختارهم هيئة كبار العلماء .. لكن الوقت سمك لبن تمر هندى
إلا مووع شيخ الازهر ده
الناس عماله تشتم في الراجل من قبل ما يشتغل أصلا
وما صدقوا انه قال وهو قاعد مع مفتي فلسطين أن الادانه لليهود لا هتودي ولا هاتجيب حتى قالوا على الراجل انه خائف يدين اليهود وهو كان مقصده اننا لازم نعمل حاجه تانيه غير الكلام
أما بالنسبة لصاحب المراره
فناس أكدوا لي ان الاكل بييجي له من فرنسا ومش بياكل من الاكل اللي هنا زينا
على كل حال ربنا يشفيه
السلام عليكم ورحمة الله وبركاته
والله ما لقيت غير القصيدة دى ارد بيها على كلام حضرتك..لكن قبل ما انسى...الف مبروك على الزواج السعيد...مع انى مش عارف حضرتك تزوجتى امتى بالظبط..لكن..ان شاء الله ربنا يرزقك بذرية صالحة وابناء بارين بكى وبوالدهم أستاذ محمد....ابلغيه تحياتى وقوليله..نحن السابقون وانتم اللاحقون واللى لسه ما اتجوزوش يا ريت يعتبرون ..ههههههههههههههههههه
ههههههههه
واليكى القصيدة
يا عم الحاج ابوس إيدك
كفاية تذل ف عبيدك
مانيش قادر على نفاقك
وتبجيلك وتمجيدك
-
يا مش سامع نصيحة لحد
وخليتنا لطمنا الخد
ومش عارفين آخرها معاك
ماهوانت يا تتهدى يا تتهد
-
وبتسلمنا جيل ورا جيل
إيشى لعاطف وايشى لخليل
وجبتلنا المرض أنواع
من الزرع اللى بالمحاليل
-
ومن أيام جدود جدى
عايش تاخد ما يوم تدى
ف عيد شرطة ف عيد عمال
تقول أحلى العهود عهدى
-
ف عهدك طبعا الصحة
مافيش بقى داعى نفضحها
وزير الصحة ذات نفسه
بقى عنده البعيد كحة
-
مجارى وصرف ع الترعة
وعلة وأوبئة ترعى
وييجى المصل مجانا
ويتباع لى كما السلعة
-
وأنفلونزا جت للطير
ومن بعديها للخنازير
ده من أيام أفندينا
إلهى يصبحه بالخير
-
ماكنا نشوف مرض ولا داء
ولا نخاف نبتلى بوباء
لا كان فيه فيفى ولا دينا
ولا نانسى ولا هيفاء
-
أنافقك وبأمارة إيه؟؟
من العيش اللى بالأبونيه
وبعد ما اجيبه بالضالين
أكل نصه ونصه ارميه
-
وسرقة ونهب بالزوفة
وألف حكاية معروفة
ومين هرب ومين خرب
ولكح زى شلوفة
-
ديوننا متلتلة بالكوم
وراسك ناشفة زى الدوم
ضرايبنا فارضها حبوب
تسد النفس قبل النوم
-
وميت إعلان عن الترشيد
وعصمت زيه زى رشيد
رقيب قاعد..مافيش حسنات
وتعبان م الكتابة عتيد
-
تصدق..كنت انا حالف
لايوم اشجب ولا اخالف
وقلت زيادة ف التأكيد
أقص لسانى لو زالف
-
وقلت ايديا أقصرها
وع الماضى أحسرها
قالولى العلة ف دماغك
ويستحسن تكسرها
-
ولو حتى ح اكون مرحوم
حتفضل برضه روحى تحوم
على المجلس فوق القبة
واشوف من سقفها المخروم
-
وتبعت حد يندهلى
واقول يا روحى تستاهلى
لكن ارجوك تسيبلى يومين
اسلم فيها على اهلى
لكى كل تحياتى
فى حفظ الله
علي رأيك نسكت وبعدين نسلخ بس علي ما نكون احنا اللي استوينا اه والله
علي فكره معلش لو هسيب تعليق مختلف على موضوع مصر مش اومليت
بس اصلى حاولت اعلق هناك وكالعاده فشلت فشل زريع بعيد عنك الغباء بيحل عليا احيانا ملهوش حل
حسيت انك كتبتى الموضوع دا بأختلاف شوية مش عارفه ان كنتى فرحانه ولا زعلانه بس كنتى بتكتبيه مش زى اى موضوع كتبتيه بقلب
مبقصدش ان باقى المواضيع وحشه لا والله بالعكس
بس الموضوع دا بالذات مختلف مش عارفه ليه
اتمنى الكلام ميضايقكيش عامة كل موضوعاتك جميله
مميزه دايما
خالص تحياتى ليكى
زى ما قلتى يا رورو احنا هنفضل هو احنا وعمرنا ما هنتغير
هنفضل طول عمرنا نتبع ولى الامر واللى يعترض يروح يوفله بلد تانية يعيش فيه
يعنى اللى عاجبه عاجبه واللى مش عاجبه يخبط دماغه فى انشف حيطة
ربنا يرحمنا
المهم انتى وحشتينا اوى اوى
ويا ترى الجواز اخباره ايه
Post a Comment