عن ابو الهشاهيش والحزن


تحديث :- موضوع مستشفى ابو الريش اللى هنروحه يوم السبت ان شاء الله هتلاقوا تحديثات على بيكيا باسماء الدواء اللى ناقصه يا ريت نجيب الدواء ده لانه مش موجود مش مهم نجيب كله يا ريت تختاروا نوع او اتنين ويبقى كميه واللي يجيب بخصم يقول عدد الاطفال 50 طفل من سن سنه الى ست سنوات تابعوا بيكيا ومدونه قوس قزح هتلاقوا عليها ونتقابل السبت عند مستشفى ابو الريش اليابانى قدام القصر العينى الساعه 3 انا هناك من قبلها علشان اللى هيجى


الحوار داير على هشام طلعت مصطفى عند نوارة ما بينى وبين ناس من كام يوم والحوار ده ما بينى وبين ناس بحبها اوى ونوارة يا عينى متحمله قعدتنا على قلبها كده هههههههههه وقلبنها منتدى للرغى بس طلعنا بشويه حاجات فعرضت عليهم كام سؤال فجأه خطروا فى بالى ومش عاوزيين تهييس ركزوا بقى وده علشان دماغى فيها نحله ودبور


مش السكري ده كان قمل دوله

يعنى مدرب كويس وصايع ازاى تفوت عليه كذا حاجه كده


انه يسيب السكينه فى نفس المكان اللى شاريه كريدت كارد يعنى مش كاش ودي مصيبه تانيه


لما غير هدومه ليه مش غير البرنيطه

ش شايفين ان اعترافه بسرعه كده فيه سبب غامض يعنى كان ممكن يبقى فى زياره لاي حد مش شرط ليها صح

فيه خبر بيقول ان اباظه بيهدد الوليد ابن طلال بتوقيع عقوبه علشان اراضى توشكي اللى مش خلصها

الوليد ادخل فى موضوع هشام علشان يسلموه

الوليد كان شريكه بس قك الشراكه ما عدا فى الفورسيزون اللى فيه نفس الظابط


فكروا بقى فى الحاجات دي واربطوها ببعض
يا ريت نجنب ان بتوع قمل الدوله اغبياء لانهم فعلا مش اغبيه هههههههههه واللى هيقول او عقله يوزه على ان بتوع قمل الدوله اغبياء هسيب عليه خرفانى هما بيستعبطوا اه بيحاولوا يبانوا سذج ماشى دول بيمروا بتدريبات كتير ومنها المراقبات اللى بيعملوها على الناس مش المخبرين ولا الامناء يعنى ده كان مدرب كويس وفاهم ان فيه كاميرات ومداخل ومخارج
اربطوا ده ببعضوا وشوفوا لو طلعتوا بحاجه ابقى عيله غير صداع بس فى دماغكوا ههههههههه


ندخل على اللى بعده
هشام اتلعب بيه ومش عاوزه حد يضرب اصل اسيب خرفانى عليكم


هشام اتلعب بيه واتجاب اسمه اتسخن عليها عن طريق السكري الموضوع فيه واقعه او وقيعه او حاجه من حد


افتكروا فين الريان فين اشرف سعد فين السوركي فين كل واحد كان اسمه بيكبر على فكره الحزب له اسقف مش بيسمحوا لحد يتخطاها مهما ان كان وبكره تشوفوا الدور على مين علشان كبر والله مش مؤامره بس فكروا براحه واربطوا كل الاحداث ببعضها اللى ميعرفش يربط ينادى عليا وانا اربط له كله ببعضه


طلب للنائب العام بالتحفظ على امواله علشان خد الارض وعليه فلوس هشام اغلبيه فلوسه قروض ومنهم البنك الاهلى طيب ليه تحديدا دلوقتى ما كان موجود لو هنقول علشان هو فى قضيه اقول لكم مجموعه شركات طلعت مصطفى مش قايمه على كيان شخصى دول مجموعه يعنى لو مات لا قدر الله فيه غيره يعنى اخوه مسك مكانه وهيكمل المشوار


الوليد سحب شراكته من معاه ليه وساب بس الفور سيزون


ها حد جاي فى التفكير ولا هنستنى الاخبار على فكره عمرنا ما هنعرف الحقيقه الا اذا ركزنا


احنا وممشيناش ورا كلامهم فهمتوا اللعبه بقى بتمشى ازاى اخبار متضاربه بس بينها تفاصيل صغيره بس نقدر نطلع منها لو ركزنا حد هيقولى علشان دول ناس كبيره فعليهم اسبوت ودى مطربه وحصل فى بلد تانيه بتحترم القانون هقول لكم


وكام انتهاك ودعاره وقتل لاجانب بتحصل فى البلاد دي هتقول شخصيه معروفه ياااااما ناس كبيره قتلت ناس صغيره بس محدش اتكلم غير كده قبل كده حصل وصحبه اخو سوزان اترمت من الفور سيزون من الدور27 تقريبا واتقال انتحار مع انه مش كده بس اتغطت علشان فيها اسم هشام لانها من اوضته هااااا حد جاي برضه ولا لسه


برضه النقاش مشى على ان هشام مش اقوى من عز فى الحزب ولا اغنى


اجابه السؤال


هشام محبوب غير عزووووووو وانتم عارفه مفيش واحد على الاقل فى شركه هشام مش بيحبه وده معروف

قولوا ليه لما يكون قدامك منافس تحب تشيل اي واحد الغنى ولا اللى الناس بتحبه وعامل هاله كبيره جوليه

الدبور بيقولى :- طيب يا بنت الحلال يعنى لو هشام خد برائه هتقولوا القضاء مش عادل


هرد واقول لا لان كده ثبتت نظريتى ان هما عملوا اللى عاوزينه وخلوا صورة هشام وحشه جدا فى السوق واضرب يعنى وفيه مثل بيقول العيار اللى مش يصيب يدوش


الحزب من مصلحته او عوكل تحديدا محدش يتلمع غيره واللى يتلمع يتقمع على طول يعنى يكسروا عينه هااااا ولا نفتح القديم ولو هشام اتحكم عليه يبقى خلصوا منه استنوا شوفوا الدور الجاى على مين لسه


عزوو الابن المطيع فى الحزن لغايه دلوقتى


نسيت اقول لكم حتى الحزن فيه عصافير من قمل الدوله علشان كله يصب فى السياسات


وعلشان عوكل ينزل بقوة ونأجل موضوع عوكل بعدين


يالا كله يسخن الجمجمه ويدخل من غير خناق اصل اشد فى شعركم واسيب عليكم خرفانى


تحذير :- للحشرات الضاله اللى بتدخل هنا وتستهبل وانا عارفاهم كويس يا ريت تلموا نفسكم علشان احنا فى رمضان وانا كمان معايا شبشب بوردة ومش هرحم حد

ملحوسه :- فيه بوست على بيكيا بخصوص مستشفى ابو الريش البانر فى الجنب انطحوه هتروحوا هناك التبرعات انا ولا غيرى بنأخدها الكل بيوديها بايده وبعدين اللى فى بلدى اولى اهتم بيهم الاول وبعدين اشوف غيرى لما تخلص الكوارث عندنا مش ابقى اقرع ونزهى


حمكه الامبراطورة


الملايه تقول للعبايه الرجال بقت ولايه

104 اخبط وقول رايك:

عايش ولكن said...

انا جاى جرى احجز اول تعليق
هرجع بقا اقرى وجاى فى السريع

الطائر الحزين said...

الدويقة نستنا ونست الكل هشام
النسيان هو الوتر الذى يعزف عليه الجميع حتى ولو كان بيعرف على قفانا

عايش ولكن said...

اولا
حمكه الامبراطورة
الملايه تقول للعبايه الرجال بقت ولايه حلوه الحمكه دى يا appy
ثانيا
نصيحه منى متبقيش تجيبى اسم اباظه ده على لسانك تانى اصله اسم نحس بجد وصدقينى انا مجرب وانا مسافر مره قريته على عربيه نقل والله الميكروباس كان هينزل بينا فى الميه هههههه

نرجع بقا للموضوع
شوفى يا ستى انا بقيت بحب اتفرج واسمع وبس لانى اتعلمت ان الحكايه لعبه واللى ماسكها لعيييييييب حريييف game overاوى صعب انه يجيله
بس هقولك اللى شايفه فى الموضوع ده
هشام وصل لحاجات محدش من اللى فوق عاوزه يوصلها وبقا ليه نفوز وبقا محبوب شويتين فلازم يخفتوا نجمه شويه علشان يبقى يلعب على قده
والموضوع عامة متفبرك
وصعب جدا توصلى للفبركه ايه بالظبط ولا مين اللى عامل كده ومين الظالم والمظلوم
مش بقولك اللى ماسك اللعبه واحد لعيييييييب جامد اوى

ِِAdem El-Mahdy said...

انا مش فاهم اى حاجة خالص

هو مش احنا صايمين ولا ايه

قلب مصرى said...

الحكاية لسه فيها حاجات كتير هتبان مع التحقيقات، خلينا نشوف الموضوع هايخلص على إيه وبعدين نجمع الناقص فى الصورة.

tamer.sala7 said...

ده انتي شكلك عاملة دماغ جامدة اوي علي السحور والله العظيم قريت البوست بجد جالي صداع فظيع الموضوع كل ناس كتير وشخصيات كبيرة واحداث كتيرة

بس خلاصة الموضوع هشام حيبقي خروف العيد

Hosam Yahia حسام يحى said...

7 تعليق

المره التانيه من نوعها

.........
كل سنه وحضرتك طيبه .

..........

انا حاسس بما انى اعتنق نظريه المؤامره ان البلد دى بيحصل فيها حاجات غريبه اوى الايام دى

حريق مجلس الشورى ...هشام طلعت مصطفى ...فريد خميس...الدويقه ...

الموضوع حسب راييى ونظريتى ان فيه حاجه كبيره بتحصل مخطط كبير وبيرموا ورق صغير عشان الناس تتشغل بيه والصحافه تكلم عليه ويغيبوا الناس عن المخطط الكبير اللى بيحصل

:d

انا مُغيب انا كمان للمعلومه

Abo 7anf said...

السلام عليكم
انا بردوا مستغرب زيك
دا لو جابوا حرامى نص كم مكنش عمل العملوا السكرى دا
يسيب التشيرت بتاعوا و عليه بصماتوا
ويقتلهما بسكينه مع ان فى اختراع اسمه المسدس وممكن يجيب كاتم صوت
لو هو كدا فعلا و كان ظابط و متدرب يبقى ربنا يستر على البلد دى
الموضوع كبير
و حكايه البرائه
ما العباره خدت برائه

blue-wave said...

الموضوع واضح وضوح الشمس يا ابى
هشام نطح عز
وعز محبوب الحكومه
تقوم الحكومه مكومه هشام
علشان عز مايزعلش
سهله

بحبك يامصر said...

السلام عليكم
فعلا اللى انتى بتشيرى ليه ممكن جدا يكون حقيقى ودى طريقتهم بس مش بالضرورى انها تكون صح يعنى ممكن فعلا يكون هشام عمل كده بس دى طريقتهم وهتفضل طريقتهم لتلميع من يحبون ان يلمعوه سواء كان ابو عوكل سابقا او عوكل حاليا

tamer.sala7 said...

النيو لوك بتاع البلوج تحفة موووووت

واحلي حاجة فيه انه بيفتح بسرعة

محمد الكومي said...

شوفي انا هخش في الحوار هنا عشان خاطرك

اما نوارة ربنا يعينها عاللي هي فيه

اعتقادي الشخصي

انه متورط

بس اتنصبله الفخ عشان يتورط فيه

لتصفية حسابات بقى لتوسيع طريق للحزب لتصفية كام كبير في البلد او حتى لتهدئة المجتمع عن طريق بث رسالة مفادها ان حتى الكبير بيتجاب في البلد و الدليل بعده على طول وقع او على وشك يعني محمد فريد خميس تاجر الجلاليب الاسبق و مهرب السجاد السابق برضه و حاليا مصنع السجاد
هي ممكن تبقى هوجة عشان يزبطوا الكلام شوية و يشمطونا كام ارتفاع في الاسعار كدة و احنا ملهيين على عيننا

عموما هو فخ و اتلعب صح
زبطوله الغزال و الغزالة انجشت معاه و راحت فاقعاه قلم عباسي

حب يرده ادوله بندقية و سابوه طايح

ده اللي حصل

الحلوة مدفوع فيها خليوين رجل لحد دلوقتي بس التاني كان من هش و هش ماستلمش الغزالة فطار جنانه

و عموما ربنا يسهل و يلاقوا غزالة لعز برضه
و في الاخر كله عشان جمي يمسك البلد و مايبقاش قدامه حد
بيعمل ثورة تصحيح زي بتاعة السادات بس مسبقة يعني

اسف للتطويل

وجهة نظري said...

وشاغله نفسك بالموضوع دا ليه؟ بريء والا مجرم، وراه حد والا لوحده، حد منافس وقعه والا الهوا رماه .... كل دا ميفرقش

هل دي قضية فساد والحزب الوطني حيتكسف علي دمه، ولا إن دي قضية تصفيه داخليه والا إيه ... برضه ميفرقش

كل إلي يفرق إن الكلاب الجربانه المسعوره دي مطلوقه علينا وبيلعبوا بينا كوره وإحنا مش عارفين نعمل إيه ..... بيلعبوا بفلوسنا كلللللللهم وفي الأخر بيطلعولنا لسانهم، والناس بتموت شمال ويمين بالميات أو الألوف وهما ولا هنا

إنما مين قتل مين والا مين وز عليه والا إيه قوانين العصابات ... فدا موضوع ثانوي خالص

وخلي بالك، الموضوع دا حيتعمل فيه فرقعات، علشان كل الناس يقعدوا يقولوا: ووووااااووو ... بجد .... ووواااااووو..... وهما شغالين في مصيبه تانيه وإحنا ولا هنا

محمد الكومي said...

بالمناسبة

هههههههههههههههههههههه

اثبتي على نيو لوك كل ما ادخل الاقي واحد جديد

مش معقولة كدة خيلتيني

قوس قزح said...

مفيش دخان من غير نار
هو كان بيلعب بديله كتير و مش بيلم نفسه
و فى النفس الوقت الناس شادة حيلها على الكبار اللى تحت الحماية

وبردو عندنا مشكلة القضاء و العبارة و البراءة

فانضرب كذا عصفور بحجر

فى حقايق تانية مش بس السكرى و غلطاته ولا افعال هشام السابقة و لا عزو و غيرته ولا حتى المراة التى كان لا يقاوم جمالها سوزان تميم ربنا يرحمها

الموضوع اكبر من كده
دى قضية لتظبط حاجات كتير لصالح حد

و بكرة الامور توضح

و لى سؤال .. اشمعنى هشام طلعت مش بيكلم حد فى السجن غير حسام ابو الفتوح ؟؟ محدش يقول اصلهم زير نساء زى بعض اصل ده صفة مشتركة فى كتير غيرهم

هيثم الدهشان said...

موضوع هشام معقد جدا والتضارب واضح فيه من اول يوم ومن قبل القبض عليه بكتير وخصوصا فى الجرائد اللى بره مصر يعنى مثلا حد يفسرلى الموقف ده
رجل اعمال من خارج الامارات يتصل برجل اعمال اماراتى بعد وقوع الجريمة بساعتين ليبلغه ان هشام هو المحرض على القتل والسكرى هو القاتل
طيب ايه مصلحته وعرف ازاى مع ان الدنيا كلها مش كانت عرفت لانه بحسب الاخبار برده تم اكتشاف الجريمة فى اليوم التالى لمقتل سوزان حيث كانت فى انتظار ابن خالتها للذهاب الى مشوار خاص وعندما وصل اليها لم تجيب هاتفه صعد اليها واكتشف الجريمة

اسئلة عديدة ؟؟؟؟؟؟؟؟؟؟؟؟؟؟؟؟؟؟؟؟
لا توجد لها اجابات
علشان انا بقول مش فى حد هيفهم حاجة حتى مع ظهور الحكم فى كلا حالاته بالبراءة او بالادانة

خلى خرفانك بقى تنطح مع بعضها ومش هتوصل

تحياتى يا قمر

مواطن مصرى نايم said...

ينفع اقولك انى عاوز حد يربط لى
ههههههههههههههههههههههههههه
و بعدين انا لسه شايف البوست دلوقتى انتى نزلتى بوست امتى
ههههههههههههههههه

بس البوست جامد على فكرة
عاوز دماغ
بس على فكرة صعبة اللفه دى كلها
بس ممكن برضوا

سلامى للنحله و الدبور و انوكل عزووو

(احمد سكر ) said...

انا مع محمد الكومى

ف كلامه كله

وخصوصا
هي ممكن تبقى هوجة عشان يزبطوا الكلام شوية و يشمطونا كام ارتفاع في الاسعار كدة و احنا ملهيين على عيننا

ودا اللى حصل تقريبا ف الكهربا الشهر دا

ممممممممممم

انا بدفع كل شهر رنج بيترواح بين 70 الى 90 جنيه

دا ف الصيف علشان التكييف وكدا

الشهر دا

فاتورة الكهربا

160 جنيه
؟؟؟

مش عارف عندى بس

ولا الناس كلها الكهربا زادت ؟

يبقى فعلا شوية اسعار هتزيد ف الهوجه دى

ومحدش واخد باله

وكل سنه وانتم طيبين

وسلمولى على هانى سرور

احمد

micheal said...

ده أنتي ونوراة مكانكوا المخابرات او الإنتربول بس تصدقي بجد ان فيه ربط منطقي جدا بين العديد من الأخداث بس صدقيني في بلد زي مصر صعب اوي تعرفي الحق فين ومع مين لان كلهم كلاب مصالح
تحياتي لكي وللشبشب أبو وردة
:)

ضى القمر said...

والله يا ابى الموضوع محير جدااا وغريب جدا .
يعنى كل يوم نسمع فيه جديد ..
بس بينى وبينك مبقيش بقرأ فيه خلاص .
لأن كل الأمور متداخله ..
فقولت اوفر على نفسى ده كله ..
لكن اول ما اعرف الموضوع كله كله ..
هتلاقى درى هنا تانى ..
تحيتى لكِ اختى:)

المحارب المتيم said...

آبى هانم

أنا مش فاهم حاجة

ان زهقت من مشاكل البلد دى

للاسف موضوع هشام مخلينى هتعفرت بس اللى
مخلينى مش فاهم حاجة

هما ليه سابوا القضاء ياخده المرة دى

رغم أنهم نفضوا فى مرات كتيرة قبل كدة وأخطر بكتير من موضوع هشام
يمكن علشان جمال هيترشح علشان كدة عاوزين يضحكوا على الشعب لغاية ما يمسك

وترجع ريمة لعادتها القديمة

ورمضان كريم

آه

كنت هنسى

الموضوع بتاع التبرعات مش عارف لأنى مش فى الساحة دلوقتى

وكمان بلعب لعبة كبيرة

المحارب المتيم said...

تانى

كنت هنسى

حلوة قوى حكمة الامبراطورة المرة دى

ههههههههههههههه

والله معاكى حق

كمان مش قلتلك بلاش حكاية النطح دى

علشان أنا مبنطحش

هههههههههههههه

طارق said...

فعلا الحكومه كل ما تلاقى رجل اعمال او سياسى زودها حبتين مابترحموش ،بس الموضوع ده محير فعلا ،يعنى السكرى ده هايستفيد ايه من كده؟لو حد محرضه على هشام طلعت يعنى، فلوس؟ طب هايعمل بيها ايه فى السجن،واكيد هايتهف مده محترمه،الصراحه انا زهقت من نظريه المؤامره ،بس للاسف دايما بتطلع صح
على كل حال سواء هشام او عز او الوليد دى مليارات مع بعض ،احنا قاعدين نتكلم واحنا اخرنا اصلا 20 جنيه .

طارق

WhItE HeArT said...

ياابي احنا في رمضان ربنا يستر

ورأيي زي الطائر الحزين الدويقة بكت الشعب خلاص وبقت كل حاجة مقرفه


تحياتي

احساس لسه حى said...

هو شئ واحد احب اقولة

دى عقلية راجل م واحدة كان بيحبها

امال كان بيعمل ايه فى ناس بينفسوه ولا اعدائه ده اكيد كان بيدهسهم

والغلبانه صاحب اخو سوزان عينه من كام الف عينة الله اعلم

ما هو فى السوق من زمان

ربنا يستر علينا ويخلصنا منهم

الدفاع said...

قلناش الكلام ده قبل كده؟؟؟؟؟؟؟؟
عموما انا شايف ان مفيش حاجه محتاجه كلام
ومش هايكون فى مفاجأت فى اى حاجه
والموضوع بقى متكرر والواحد اتعود عليه
انا منتظر اللى بعده واللى بعده
بس فى لغز هو هشام رجع ليه؟؟؟؟؟؟؟
سلم نفسه ليه؟؟؟؟
هو كان عارف ولا لا؟
فى خطه وهو مشترك فيها ولا لا
؟؟؟؟؟؟
تحياتى

واحدة مفروسة said...

ههههههههههههههههههههههه
يالهوي على دماغك
بقولك ايه الذكاء الزيادة بيجيب لصاحبه المشاكل
و تشغيل المخ بزيادة بيجيب برضه مشاكل
و كل لما تنخوري اكتر بتكشفى اكتر و الدبابير ما بتحبش حد يكشفها
و انتى بتخليهم سلبوتة خالص انتى و لا الاخت نوارة
هههههههههههههههههههه
ياخرب بيت الى ينكشك هههههههههههههه
على فكرة الست اللى كانت فى مجلس العب الهوائية و اتجوزت مؤخرا حماده عزو ساكنه فى فى الفور سيزون
هشششششششششششششششش
اوعي تقولى انى انا اللى قلتلك الخبرية ديه

ahmed_k said...

عز حاليا لا غبار عليه ومفيش منه خوف أو عليه خوف لأنه مكروه من الشعب
واللي الشعب يكرهوه
يبقى لااااازم يفضل ويقعد على انفاسهم

أنا فكرت في حاجه دلوقتي
لو عايزين عز ينزاح من وشنا ونرتاح منه فلازم كلنا نحبه ونمدح فيه ونثني على أفعاله ولازم الناس كلها تطلع تهتف بحياته أراهنك هو شهر ويكون مشرف في التخشيبه جمب هشام طلعت
ويبقوا بقا يصفوا حساباتهم مع بعض جوا



سلااااااااااااام
راح أحضر بوست لأحمد عز حبيب الشعب

wanna b a physician said...

هو عندك حق طبعا مفيش حاجة اسمها كدا انه ماكنش واخد باله وغلط
مفيش حد محترف بيغلط كل الغلطات دى ده اذا غلط اصلا
بس تقولى ايه ماهو الناس مش مركزة وبتسمع وخلاص

ربنا يستر ونعرف بيحصل ايه

جبهة التهييس الشعبية said...

طب والسقف بتاع الحزب سايب علينا حمادة عزو ليه؟
ده اتخن من هشام ميت مرة

ده بيقولوا هو اللي شنبر هشام

appy said...

عايش ولكن
===========
والنبى محسسنى انك بتحجز فى اسكان الشباب هههههههههههههه
ارجع يا عم براحتك






الطائر الحزين
==============

لا ولا هشام ولا العبارة ولا هايدلينا انا عن نفسى نسيتهم حتى حرق المجلس اللى فرحانه فيه برضه مش نسيته
فيه غيرى ممكن ينسى انما انا لا

appy said...

عايش ولكن
===========
ما هو لو ملعبش بحرفنه يبقى اسلم له يعتزل
بس اقولك هو بيلعب كده علشان مفيش لعيب كويس قدامه ولا فريق قوى مش شاطره منه ضعف مننا بس خلاص
نورت الكوكب






Adem El-Mahdy
==============
افطر وتعالا وانت تفهم
وبعدين ايه علاقه رمضان بالموضوع ده مش فاهمه هو انا بقولك كلام وحش
نورت الكوكب

appy said...

قلب مصرى
==========
وحتى لو جمعنا الصورة ولا حاجه هيظهر اللى هما عاوزينه القصه بتبان من اول حلقه يا ابو رقيه
نورت الكوكب





تامر صلاح
===========
دى خلاصه تلات ايام زن نحله ودبور ووقوع جبل المقطم والله يا تامر دماغى هنجت خلاص
لا معتقدش يا تامر انه هيبقى خروف اوى هما لازم يدخلوا انا فهمت ان الموضوع لو فى مصر كان اتقفل لسه برضه عند وجه نظرى
نورت يا اسكندرانى

appy said...

حسام يحيى
=========
عار ف يا حسام اننا وصلنا لمرحله ن لو حد فينا اتكعبل فى كرسى هيقول الحكومه اللى عامله كده هههههههههه ولا باين هى اللى حاطه وده هما السبب وعدم ثقتنا فيهم
كل سنه وانت طيب يا حسام





ابو حنف
=========
مش عارفه حسه انه كان ببيستغبى فعلا وهو ده اللى مأكد وجهه نظرى على فكره هو اتفصل من الشغل مش استقال فيه فرق ومعروف بالعمليات دى فى وسط رجال الاعمال
نورت يا زملكاوى

appy said...

blue-wave
=========
لا الموضوع اكبر من عز يا ريس خالص عز نونو جو الحزب برضه
نورت يا دكتور





بحبك يا مصر
=============
كذا حد بيحبوا هشام وكذا حد بيكرهوه فهمت التلميع حاجه تانيه خالص هو بيفضى طريق مش اكتر مش عاوز مطبات
نورت وكل سنه وانت طيب

appy said...

تامر صلاح
==========
ميرسى يا تامر اى خدعه يا ريس انت تؤمر بس






محمد الكومى
=============

يا اهلا يا اهلا
على فكرة هو فعلا حتى الكبير بيتجاب يا عمنا افتكر الناس اللى قبل كده ركز كويس فين رامى لكح فين فين لو قعدنا نعد
مش قصه اسعار احنا تعدينا المرحله دى دى تلميع للفارس المغوار ابو سيف وحصان
علشان يقولك البلد بتقع يقوم هو يطلع يعدل نقول اه ظلمناه وساعتها محدش هيصدق غير الحبه القليلين اللى فاهمين اللعبه باقى الشعب هيبقى فى غيبوبه
بطل تتاسف يا ابنى انت اتكلم براحتك
نورت يا محمد ومبسوطه بيك

appy said...

وجهه نظرى
==========
لا انا بثبت النظريه اللى فى دماغى ان كل ده لمصلحه عوكل وانه جاى لا محاله او هو خلاص مسكها بس مش بشكل شرعى
يعنى بينظفوا الجنينه ليه فهمت
نورت يا معتز
عارفه انت خايف على ضغطى ما انت بتعليه ليه هههههههههههههه





محمد الكومى
=========

ههههههههههه كنت بظبط الناس مكنش بيفتح عندها اعمل ايه خلاص خلاص من غير شخط فيه

appy said...

قوس قزح
===========
هو انتى يا قلبى لسه متعرفيش الحد يا لهوى صحيح ما انتى مش ساكنه فى العزبه حدانا
ده للولد عوكل كله ي بت الناس ههههههههههههه
بحبك وانت معايا على الخط يا ريس ما هو ابو الفتوح من الناس اللى اتغدر بيها برضه يعنى اتلككوا له شوفتى بقى اصطادتى الموضوع من ناحيه تانيه ليه
زير نساء كل الرجاله المصريه الا نسبه قليله زرراييييير نساء هههههههههه
نورتى يا جمر






هيثم الدهشان
==============
لا ممكن يكون عارف لان هشام مشاكله وفضايحه معاها من سنه 2005 كتير اوى ومعروفه ممكن يكون تخمين كمان
بس فى النهايه تلبيسه ومش بنقول هو ايده نضيفه منها لا بالعكس هو له يد فى القصه
كل سنه وانت طيب يا هيثم ونورت تانى الكوكب

appy said...

مواطن مصرى
==============
يا سوسه انا حسه انى لو قفلت البوج وقولت لك سمع البوست ده هتسمعه ههههههههههههههه
نورت يا اسلام





احمد سكر
=========
لا يا احمد مش محتاجين المصايب دى علشان الاسعار ما بيغلوها واحنا بننكتم برضه بس هى فعلا زادات بس مش قوى ابقى طفى النور واللى يسالك قولهم غاره هههههههههههههههههه

appy said...

micheal
=========
انتى هتودينا فى شجره انا عارفه هههههههههه
بص اه مش هنعرف بس على الاقل يبقى شغلنا مخنا ووصل لهم اننا فاهمين اللى بيعملوه ده
بس
اما عن الشبب فميرسى اجيب لك دسته ههههههههههههه






ضى القمر
==========
عارفه ان ده اللى عاوزينه ان الناس تزهق ومش تفكر لا قاومى يا بنتى هههههههههههههه
نورتى يا قمر الكوكب

appy said...

المحارب المتيم
===============
اهدى بس يا حج
خدوه لان الموضوع تم بره مصر وفى نفس الوقت كانت الضربه اللى عاوزينها واعدائه كمان كتير
لا مقدرش استغنى عن النطح خالص
نورت الكوكب والبع براحتك






طارق
=======
هيستفيد ان الحكم لو اتخفف او القضيه بايظت هيطلع ممكن يكون حد عشمه بكده
وبعدين مش موضع نتكلم بملاينن واحنا معانا عشرين جنيه ده فكر يا طارق دماغ بتفكر مش بتفكر فى اكل وبس
يعنى بلد واحاول وبعدين اتكلم عن نفسك سا عم انت انا معايا اكتر بكتير الحمد لله ههههههههه نورت الكوكب

appy said...

WhItE HeArT
=============

كل سنه وانت طيب وربنا هيستر بس انا مش بنسى الناس واحنا مع بعض بنفكر بعض
نورت الكوكب تانى







احساس لسه حى
============

على فكره هشام معروف هنا وسط الناس بعطفه عليهم وكل العاملين فى شركاته بجد بيحبوه ومين قال انه هو اللى قتل انت اجزمت بكده خلاص
انت قدامك ادله متضاربه
فهمت

appy said...

الدفاع
=========
قولنا يا متر اهدى بس
بس هو مكنش واخد خانه او كان متاكد انه هيطلع ما هى دى من ضمن اللخبطه
نورت وخلينا مستنين






واحده مفروسه
==============
انا انا بخليهم سلبوته وحياتك هما متسلبتين لوحدهم هههههههههه
يوووووا معلوماتك قديمه يا بنتى ايه الناس النايمه دى مش برضه دى اللى اطلقت بدرى
نورتى يا فرفوسه يا حبيبى

ana ga3an said...

والله يا رحاب انا رايي اللي قلتهولك
بجملة المسلسلات الهابطة اللي بتذاع
من ارض المحروسة
لما نشوف اخرة المسلسل البايخ المعروف نهايتة مسبقا دة اية

appy said...

احمد
=======
برافو يا احمد وده اللى كنت بقوله يعنى لا يمكن الشعب يطلع فى يوم يطالب بوجود عز فى انتخابات انما شايفين مين اللى بيعمر
حلوه الخرطه المضاده دى اللى انت عملتها ههههههههههههههههه
نورت يا احمد الكوكب





wanna b a physician
====================
لا وشم اى محترف ده كان بيفاوض على اللى اتخطفوا فى العراق
ولسه هنشوف
نورت يا دكتور

appy said...

جبهه التهيس
==========
اهلا اهلا نوراة قلب الام
ههههههههههه
بصى يا نوراة هيجى اليوم على عز بس لو عمل خير ولا حاجه كويسه وحبوه عزر لغايه دلوقتى ماشى فى طوع الحزن
والشله اللى معاهم
انتى مش فاكره الحوار مع منى
عارفه كان بالظبط زى السى دى اللى شغال وحافظ علشان كده الحوار وقع يعنى منى بتسال فى حاجه وهو فى حاجه تانيه والاتنين مش مركزين هو طالع له هدف محدد
بجد
لا يا نوراة اللى اكبر منه هو اللى عمل كده ناسيه عوكل واللى قولناه علشان العزبه تنظف وميكونش فيه منافس
اهو كل يوم بيتحقق اللى بيفضل بس اللى الناس بتكرهه
فكرى وانتى تعرفى بس ركز يا ريس
نورت وميرسى على الاستضافه







انا جعان
==========
اهلا الها بالنور اللى جاى من السلطنه سعاده الامبراطور
والله حضرتك كده المسلسلات هتعمل على قلوبنا تخمه وعلى اخر رمضان هنكون جالنا عته اكتر ما احنا فى دماغنا
ومش هنبقى فاهمين حاجه
بس انا مستنيه اهو معاك اتاخر شويه علشان اتفرج انا كمان بس انا بحب الكوميك او اللايت يعنى تامر وشوقيه شغال انما عز والحزن تعبونى بصراحه
نورت الكوكب كله

صاحب المضيفة said...

تساؤلاتك مهم فعلا



لما نشوف الموضوع هايخلص على ايه في الاخر برضو


تحياتي

عايش ولكن said...

مهو صح كلامك مش شطاره منه ضعف مننا
بس عارفه انتى لما فريق عنده كل حاجه يقابل فريق معندوش اى حاجه خالص
تفتكرى علشان اللى معندووش اى حاجه ده يقدر يكسب ازاى؟!!!!!!؟؟؟؟






مفيش جواب للسؤال ده غير بالاتحاد

الربان said...

تحياتي

انا احييك لانك سبحتي ضد التيار....و غردتي خارج السرب ...

القضية أمام القضاء ...و سيماط او تنكشف حقائق عده.....

الموضوع جريمة قتل تمت في دوله عربية و القتيلة من جنسية عربية اخري...فالتحقيقات تسير متوازية في ثلاث
دول عربية...و نسأل الله ان يظهر برأة
البريء...و ان يدمغ بالبراهين و الدلائل
القاتل...

طبعا بالنسبة للاستاذ محسن السكري...استخدامه بطاقة الائتمان كان
السبب الرئيسي لاكتشاف جريمته...

ايضا ملابسه الرياضية التي اشتراها من دبي...تدل علي السذاجة المتناهية في التنفيذ....


وهذه كلها امور ساذجة لا يقوم بها انسان عادي فكر جيدا...فما بالك بضابط امن دولة او مدير امن باحد الفنادق الكبري....
لكن يتبقي سؤال في ذهني ...من اين اتي محسن السكري بخطاب من الشركة صاحبة العقار او المجمع السكني التي تقيم فيه القتيله...و الذي اراه اياه من خلال العين السحرية للباب و بالتالي فتحت له.

و في لبنان و التحقيقات الجارية هناك
و قد اتهم والد القتيلة زوجها عادل معتوق بقتلها....و قال انه هددها بالقتل اكثر من مرة، و يحضر التحقيقات
في لبنان فريق من اعضاء النيابة المصرية.

الموضوع تتداخل فيه اطراف اخري...و يقال ايضا ان شركة عقارية كبري من بلد عربية في منافسة مع مجموعة طلعت مصطفي قد يكون لها دخل في هذا....


نسأل الله السلامة لنا و لاحبائنا...و للجميع.

تحياتي و تقديري

الشنكوتي الكبير said...

انا مقريتش اي حاجه علشان مش عايز اضيع صيامي في الرغي عن اخبار الناس ومش قصدي انك بتضييعي صيامك ولا حاجه انا متأكد انك كاتبه الموضوع باسلوب حيادي متوقعنيش في غلط وترجعي تكلفيني هديه ومصالحه
انا بس جيت علشان اقولك كل سنه وانتي طيبه ورمضان كريم ووحشتوني كلكم

سلااااااااااااااااااااام
اخوكي ايهاب

arsenalwy said...

الله يفتح عليكى ياابى

تحليل رائع ولا المخرجين الامريكان

كل سنة وانتى طيبه

appy said...

صاحب المضيفه
===============
هيخلص على ايه اممممم هنشوف وساعتها نلبس النظارة ونحلل برضه هههههههههه نورت الكوكب






عايش ولكن
=============
صح بس اتحاد فى ايه اذا كان بينا عقول بتمشى ورا ناس تانيه غلط اذا كنا لسه بنزيط فى الزيطه
بس برجع واقول ممكن ليه لا
نورت الكوكب

appy said...

الربان
==========
اولا ميرسى لحضرتك
ثانيا فعلا جاب منين بس بعض الناس هتقول انه اخده من الشركه او زورة بس هى اتبعت ليها ميل الاول وفين كمان الامن اللى على المبنى
تخبطات كتيره اوى
وممكن برضه لانه كان ليه اعداء كتير وبرضه ناس بتحبه بس فيه ادله عقليه لسه هنشوف
منور الكوكب دايما







الشنكوتى الكبير
================
والله يا ابو الشنكايت مش كتبه حاجه غير الشبشب ابو وردة ههههههههههه
كل سنه وانت طيب وانت كمان وحشتنا يا ايهاب

appy said...

arsenalwy
=============

طيب فكرنى لما اعمل فيلم اجيب تعمل دور الشهيد فيه ههههههههههههههه
نورت الكوكب

انا من اهوى ومن اهوى انا said...

appy:

العبارة فى الشيكارة

انا دماغى ساحـــــــــــت

بس الحاجة اللى كلنا نعرفها ان العيد الكبير قرب

ومحتاجين خروف يضحوا بية

دا قربان لسيدهم القزم المعجزة

حسبنا الله ونعم الوكيل

حتى القرابين بتتقدم لغير الله


والنبى يا appy لو كدة ماتضحى بخروفين من خرفانك الللى عاملة قلق دى ونلم الموضوع وفى النهاية دى خرفان ومش بشر



ربنا سبحانة وتعالى هاينتقم لا كلامنا هاينفع ولا هايفيد

لسة لسة ربنا بيزيد الطاغية قوة اكتر واكتر علشان الحساب يبقى تقيـــــــــل اوى

تحياتى وخلتينى اتكلم لية انا فى العادى ساكت

Migo Mishmish said...

اخيراً دخلت عندك يا ابي وحشتني
بصي يا ستي يمكن انا الوحيدة في مصر اللي مش مهتمه بحكايه عم اتش طلعت
ليه بقه يا اخوتشي. واحد زيه كدة مش ممكن يكون اللي حاصله ده صدفه والقضاء بقى عادل وعلشان سمعه مصر ومحدش يلسن عليها. من الواضح ان الاخ اتش كان ليه دور ياما عمله واستغنوا عن خدماته. ياما حاول يشتغل من دماغه. مش مهم اصل الموضوع فين لكن اصبري وهاتشوفي القضية هتخلص ازاي وزي ما قولت عند القطة. الناس اللي زعلانه من اتش هتتراضى والقضية كلها هيبقى سببها ماس كهربائي. علشان عقب السيجاة استخدموه في حادثه مستشفى الطوارئ. واكيد انتي واخدة بالك انهم بيبدلوا جريمه ماس كهربي وجريمه سجارة. او السكري يطلع بسرة ومختل عقلياً زي بتاع بنى مزار
Love,
MishMish

أنا إنسان said...

اآبي
انت بتمسحي كومنتاتي
؟؟؟؟؟؟؟؟؟؟؟؟؟؟؟؟؟؟؟؟؟؟

أنا إنسان said...

تغطية شاملة للقافلة المتوجهة لغزة
الامن بعد أن سمح للقافلة بالعبور من بوابة الاسماعيلية
تم توقيفها ثانية على بعد 50 متر
والقافلة تتكون من أربع حافلات بالإضافة للسيارات الخاصة
وتعدادها حوالي 200 فرد

فضيحة كبرى...الأمن يسرق قوافل الإغاثة
الأمن يتفق مع ساقين الحافلة الأولى والثانية في القافلة الإغاثية المتجة لغزة
وتسير الحافلتان بدون الركاب الذين كانوا على الأرض إلى وجهة غير معلومة
والجدير بالذكر أن هاتان الحافلتان همه المحملتان بالطعام والشراب للمسافرين الصائمين النتجين لغزة
كما أنهما يحملان البضائع الإغاثية للفلسطينيين
وبالإتصال بأصحاب الشركات التي تملك الأتوبيسات
وجد أنهم قد أغلقوا موبايلاتهم
ولا يردوا على الأرضي
أي أن الأمن سرق البضائع الإغاثية
وترك الركاب على الأرض
أمن مصر القذر

الأمن المركزي القذر يواصل الفضيحة
الأمن يمنع قافلة الأطباء المصرية من الذهاب إلى غزة بكردون ضخم جدااا
ويحاصر النقابة
بالإضافة إلى منعه للقافلة الأولى
وسرقة الاتوبيسين المحملة بطعامهم والمعونات
...........................
تحديث
قافلة الأطباء تتفاوض مع الأمن
ويسمح لها بالعبور
وهيه محملة بمؤنة تكفي القافلة السابقة
وبها أماكن لبعضهم
يبدو أن الأمن القذر يخطط لسرقة أكبر
أدعو الله أن ينتصروا ويصلوا بأمان ويكسروا الحصار
اخر الاخبار
ــ الان اتجه الاستاذ مجدى حسين ومعه مجموعه من المشاركين عددهم 13 مجاهد
فى سيارة نقل واتخذوا طريقا غير معرفوة للامن نحو العريش ومنها لغزة
ربنا معاهم
ــ المرابطين فى الاسماعيليه ينتظرون عودة احد الاتوبيسات التى هربت
وارسل الشباب مجموعه مشاركين لكى يستلموا اشيائهم المفقودة من الأتوبيسات المسروقة
ــ قافلة الاطباء بعد اتصالات عديده معهم تقرر ارسال اماكن فاضية علشان ناس القافلة الاولى وكذلك اكل وافطار لهم
ربنا معاهم


القافلة الثانية
القافلة الطبية الثانية تجاوز عددها ال250 مشارك
وتتكون من أوتوبيسات ضخمة
وسيارات شركات
وسيارات خاصة
ومشاة يبحثون عمن يقلهم
والقافلة الأولى رجع بعضها
والاخرون ذهبوا متسللين مع الاستاذ مجدي حسين
ووصلوا إلى كوبري السلام
وإن شاء الله نتابعكم بآخر الأخبار

مقاطعـــــــــــــون said...

عارفه انا حاسه اننا بقينا فى دوامه كل يغنى على ليلاه والمشكله الناس فكرها اتشتت يعنى محدش عارف مين غلط ومين صح وهو ايه الموضوع وحصل امتى وفين وازاى ونركز مع مين ولا مين ونلاقيها من جوا مصر ولا برا مصر مصيبه بالكوم
لا تعليق

مقاطعـــــــــــــون said...

نسيت اقول مبروك النيولوك يا ام الخرفان

bar2ash said...

السلام عليكم
ازيك يا ابي

علي فكرة انتي مقصرة معايا جدا وانا زعلان
لكن عايز اقولك حتي لو انتي مجيتيش زرتيني انا مش هقدر اتأخر عنك

وبالنسبة للبوست انا بسميه اللعب مع الكبار

وكل سنه وانتي طيبة ودمتي بخير

برقش

دعاء مواجهات said...

ازيك ياآبى هانم

وحشاانى يابنتى جدا

يارب اشوفك قريب بقى

انا جيت اسلم بس

انا اصلى ماليش ف السوياسه

هههههههههههههه

بيس

محمد الكومي said...

و النبي يا حاجة تغيري لون الفونت عن الخلفية شوية الهي ما يوقعك في ضعف النظر يا حاجة

هو كل اللي يغير في اللوك يفقع عينينا يعني و يمققها

خلي لون الفونت واضح شوية اللي يخليكي

انا بكبره بالفاير فوكس بس مش عارف اغير لونه

و فونت فاتح على خلفية غامقة الهي ماتقعي يا اوختشي في زنقة

A7MeD F@hMy said...

هي دي آبي يا جماعة هي دي
امسكووووووها
انا عارف انها مغلباكوا
هههههههههه
تدفعي كام يا ابي وأسلكك منهم هه؟
الحمد لله ان السووياصة مش من اهتماماتي
خليني رومانسي كدة احسن
ههههههههههههههه
:)
تحليل راااااااائع


روووووووومانسي

norahaty said...

السلام عليكم ورحمة الله وبركاته
(هشام اتلعب بيه واتجاب اسمه اتسخن عليها عن طريق السكري الموضوع فيه واقعه او وقيعه او حاجه من حد)
انتى قلتى اللى كلنا بنقوله
اتغضب عليه !!
ليه؟
علشان
وبرضه زى ماقلت
الحزب له سقف محدد
مايطلعش براه حد
واللى يعلى عليه
يتقصقص..قصقوصة قصقوصة
(تحليل رائع ابى هانم افندم حظرتكم :)

وومن said...

آبي

هو انا كل كا اروح انام شوية اصحي الاقي بوست جديد

واثبتي علي لوك انتي عارفة نظري علي قدي

نتكلم جد شوية بقي

بصي يوم مكنتي عند نوارة وعمالهاغ منتدي انا كنت بفنكر برضة ان مش معقول ظابط أمن دولة يعمل الأخطاء دي كلها وكمان رايح ينفذ جريمة في بلد تانية ويستعمل الفيزا كارد

دة لو شخص عادي وبيتفرج علي movie chanel
مش هايعمل الغلطة الغبية دية

الا ذا ..... ولا بلاش مش طالبة نطح خرفان

تسلم تربيطاتك يا قمر

الريم said...

ابى ازيك

اول زيارة لى بجد مدونتك جميلة واسلوبك كمان

وتسلم ايديكى فىالبوست ده بجد

بس ييا ابى الموضوع داخل فيه ناس كتير وكبيرة اوى اوى واضح ام سوزان ديه كانت قادرة

عموما انشالله هشام طلعت حيخرج من السجن باى يا جميل

totaaaa said...

هاى ياابى
ايه الاخبار ؟
والله ياابى انا كنت مستنية تنزلى بوست عن موضوع اتش لانى كنت عارفة انه هيكون بوست جامد لان دماغك عالية
على فكرة برده انا حاولت احلل الموضوع وحسيت ان فيه حاجة غلط من السكرى اللى ساب كل الادلة اللى تدينه وكأنه أمين مخازن مش امن دولة
بس انا كبيرى وصل انه تصفية حسابات فى الحزب وبينه وبين عز وان كان هشام برده متورط بشكل او باخر

لكن انتى دخلتينى فى متاهات وباحاول اشغل الجمجمة شوية بس الصيام بقا :)

دماغك جامدة بجد
على فكرة عندك خروف حليوة كده بيعاكسنى كل لما اجيلك
لمى خرفانك بقا ياابى هانم
رمضان كريم

على باب الله said...

ربنا معاكو في أفكاركم الشيرلوك هولمزية

رامز عباس said...

بقي معاكي شبشب بودرة

وفي رمضان


كل سنه وانتي طيبه يا رحاب


والف سلامه عليكي عرفت من ناس انك كنتي تعبانه يوم حقفل توقيع مصر في جاتوة


انا ساعات بدخل ومبعلقش لان في ايام كنت مش ولابد وخرفانك بنطحو المستطاطيل




في حفلات عندنا



بتاع الصم اول فرقه للاداء الحركي حبيت اجي ابعت دعوة مخصوصه



كفايه دعوة الصور بتاع الحفله الاولي



التفاصيل عندى بس تعالي حافيه معنديش صرصير

انسان بلا عنوان said...

يا دى الحزن يا ولاد
هههههههههه

Diyaa' said...

شكلك إنتي مهيسة والله
ربنا يجازيكي كل خير علي تعبك في موضوع المستشفي

هشام وعز وجمال والسياسة القذرة
سياسة قذرة ويولعوا في بعض الصراحة مش فارقة واللهم إني صايم بقي

أصلاً الإعلام متحكمين فيه واللعب كله تحوير ومفيش حاجة هتوضح إلا لما يتنسف سيستم الحكم كله زي ما حصل في فرنسا
غير كده تساؤلاتك إجابتها هتكون ميتة
يعني إجابة تحير برضه ولو خرج براءة يبقي كان مسنود كويس وبس قرصة ودن
ولو خرج متهم هيعيش جوه زي الملك وقرصة الودن هتكون أعلي شوية..
ما علينا
نشوفك يوم السبت بإذن الله
سلام عليكم

عالم حبيب said...

كل عام وانتي بخير آبي

ربي يوفقكم ان شاء الله ويكتب خطواتكم في ميزان حسناتكم .. كنت اتمنى اكون معاكم .. ان شاء الله أكون متواجد في مصر ونلتقي على شئ زي كده .. دعواتي لكم

بالنسبة لموضوع هشام طلعت مصطفى فالصراحة أنا مش مهتم بالموضوع نهائيا غير بعض أخبار باسمعها من هنا وهنالك .. الموضوع فجأة كبر .. وأصبح مجال للنميمة في جميع الأوساط .. اللي أعرفه ان الموضوع كان هايتطبخ في مصر .. لكن الشيخ محمد هنا في دبي مارس ضغوط على حكومتنا الرشيدة .. لكن تبقى علامات الاستفهام اللي وضعتيها محل نظر .. يعني ازاي السكري ده دخل العمارة وهو عارف ان اي عمارة هنا مراقبة بالكاميرات .. وازاي اشترى بالبطاقة .. بالنسبة لسوزان خلاص هي ماتت وأفضت إلى ما قدمت .. ربنا يتولانا برحمته

رمضان كريم

Hossam said...

اهلا بالندالة اللى مش عبرتنى ولا حتى بكل سنة وانت طيب
وحشانى جدا والله تعبت عشان الاقى مدونتك تانى
وبعدين مش بتعبرينى ليه
عشان عارفه ان نص حياتى امريكانى
بس انا هطلع احسن منك واوقلك كل سنة وانتى طيبة ووحشتينى اوى
سلام

مصري بالغربة said...

المثل اللي قولتيه في الاخر ده على فكرة

مش كويس

وانا باعترض جدا عليه

أنا حر said...

انت شاغلة نفسك بتفاصيل كتير قوي متهمناش في حاجة لسبب ان الشعب مش هيحكم ومش هيفكر ومش هيشوف
الحزب عايز يتخلص من هشام طلعت او مش عايز برده مش مهم المهم ان هشام طلعت فعلا بقى متهم وان سوزان تميم اتقتلت بس هو السؤال هو هشام طلعت هيتحال لمحكمة الجنايات ولا الجنح زي ممدوح اسماعيل؟؟؟
بيتهيألي المفروض ياخد براءة لأنه قتل واحدة بس اسوة بممدوح اسماعيل اللي اخد براءة
تحياتي

انسان بلا عنوان said...

هو متهم بالاشتراك فى ارتكاب جريمة قتل عمد ....الاشتراك بالتحريض

وبالتالى هيتحال لمحكمة الجنايات..لان جريمة القتل العمد جنايه

اما ممدوح باشا اسماعيل ولو ادين ولو انه القضاء عادل ونزيه ...فهو متهم بارتكاب جريمة القتل الخطأ
وجريمة القتل الخطأ جنحه......وبالتالى احيل لمحمة جنح.....يعنى كده كده لازم المحكمه اللى تحاكمه محكمة جنج.... حتى ولو اللى بيحكمنا بتوع حركة كفايه !!ومش حكومة نظيف

انسان بلا عنوان said...

ومش عشان ابو اسماعيل اخد براءه يبقى لازم ابو طلعت ياخد براءه

ابو اسماعيل ولو كنت انا القاضى اللى بحاكمه ...ممكن اديله براءه لان الادله على ادانته لا تكفى ومبقاش انا الغلطان ....!!
لانه وبما ان البلد فاسده هيقدم شهادات من هيئة السلامه البحريه وغيرها ان العباره كانت تمام ...وانه معرفش بالحادث الا متأخر ويقدم ادله ...احكم عليه ازاى ؟
العيب فى الفساد....اللى افسد الواقع بادله مزيفه

اما ابو طلعت بقى ....اما نشوف هيحصل ايه والمحكمه هتحكم بايه ؟

طب سؤال ...ماذا لو كان فعلا هو حرض على قتلها ..ايا كانت المجنى عليها ؟؟؟

المحارب المتيم said...

بصى يا ستنا الجميلة اللى بتشتغل فى المخابرات
انا مكنتش عاوز أتكلم بس اهو الظروف استحملى

بصى يا ستى العملية مش زى ما انتى فاكرة ممكن تحليها من كام مقدمة الذكى بجد هو اللى شايف قدامة كل حاجة وقبل ما يبنى عليها حاجة يسأل ليه
ليه اتقبض على هشام
ليه السكرى اعترف
وليه دلوقت بالذات
وليه الصمت المريب ده من ناس كتير
هشام مبيشتغلش فى مصر بس
والمساهمين فى شركته 21تقريبا منهم عرب وأجانب
ليه الحكومة البريطانية ساكته رغم امتلاكها لجهاز قوى جداااااااااااااااا ممكن يتولى التحقيقات يعنى مش عارفين
لا عارفين
وكمان لو ركزتى بريطانيا فيها مصريين كتير اغنياء وعايشين هناك
والسكرى لما سافر فرنسا كان فين واتقابل مع مين وعمل ايه وليه
وكمان الحزب اللى بينتمى ليه ايه حدود سلطاته وعلاقاته ويا ترى المافيا ليها يد خاصة لو حطينا فى حسباننا ان المافيا ليها دايما يد فى اقتصاديات السوق فى البلاد النامية وواحد زى الوليدبن طلال ليه لدلوقتى معملش حاجة وعز كان ومازال الرجل التانى فى الحزب يا ترى لما حد يهدد منصبة هيستعين بمين علشان يخلصوا من الخطر اكيد منظمة معروفة بالتنظيم دة لو فى حالة كون القضية ملفقة ودة باين بس باين زيادة عن اللزوم ودة مش من اسس العمل المنظم اللى على كبير يعنى كان لازم تتحبك كويس لو متلفقة
بس هيا لازم تبان متلفقة
بصى انا هسيبك دايخة كدة بين الكلام دة لأن المفروض احقق اكتر علشان ابنى استنتاجات أكبر
وده اللى من المفروض أنى معملوش

سؤال اخير

فين المخابرات المصرية ودورها رغم أنها لازم تكون موجودة يعنى علشان ده يمس الدولة ترى هل ليها دور ولا ساكته استنى شوية كدة ونفسى امريكا تتدخل عارفة ليه علشان جهاز المخابرات بتاعها كان عنده خبر ما كله فى السياسة ومصر بتهم امريكا قوى وكمان هى زهقت من النظام المصرى اليومين دول بس كفاية كدة دلوقتى
ورمضان كريم

المحارب المتيم said...
This comment has been removed by the author.
المحارب المتيم said...

تعديل

السكرى سافر بريطانيا

اه

ومع تسليمنا بأنه من قمل الدولة اكيد

بريطانيا كانت عارفه هو مين وبيشتغل مع مين وجاى ليه

..............

المحارب المتيم said...

أقولك على حاجة تانى

يا ترى ده ليه علاقة بممدوح عباس ولا لا ولا هى فقط صدفة نظام كونهم هما الاتنين من رجالات النظام ويا ترى ممدوح عباس ليه دور ولا لا

وكمان الملاكم العراقى ايه علاقته ببالاحداث ويعرف مين ولا دوره ثانوى

صدقينى مش من كلام الجرايد تتحل القضية

ولا حتى حكم المحكمة هيكون شفاف

القضية اوسع بكتير مما تتصورى

ده نظام عالمى كبير صعب تخكمى بعدم ارتباطه وصعب أنك توجدى رابط بسهولة

استنى 25 سنة وهتعرفى حاجات كتير عن قضايا كتير

المبيدات المسرطنة والعبارة ومروان وهشام

فى خيط يربطهم ببعض ايوة

ايه بقى

من رجالات النظام المصرى

يا ترى دى صدفة نظام

.....................................؟؟؟؟؟؟؟؟؟؟؟؟؟؟؟؟؟

Ahmed Al-Sabbagh said...

جامدة طول عمرك
اشوفك بكرة ان شاء الله على خير
وربنا يجازيكى خير على مجهودك

kafrawy said...

تسمعى كلامى
على راى المثل

ابدان متسلطه على ابدان

و اهم بيخلصوا ف بعض

خلى الغلابه تتفرج

Sherif said...

كنت اود لو ان القصة كانت اكثر حبكة من السذاجة التى هى عليها

ماعرفش سكينة بكارت ائتمان .. يعنى حتى قصة ليست فيها اثارة .. اذكر فى الزمن القديم كان فى مصر السفاح محمد محمود سليمان .. الهب خيال حتى الادباء لدينا فالف على نهجه اديبنا العظيم نجيب محفوظ اللص والكلاب ..سننظر لنرى نهاية كتبت قبل القصة

فزلوكة said...

بصى يا آبى
بداية كدا تحية لدماغك إللى بتفكر دى
بصى موضوع السكرى دا فعلا شاغلنى
ومتفقة معاكى ان بتوع امن الدولة مش هبل ابدا
وبالذات السكرى لإن من تاريخه واضح إنو كان حد جامد مش شوية يعنى

فى اسم كدا اتقال فى النص لكن مش بوضوح
هوا اسم "محمد العبار " بتاع إعمار
الراجل دا كويتى وكان على خلاف جامد مع هشام طلعت
ممكن يكون الموضوع فيه شىء ما

على كل الأحوال أعتقد إن احنا فى بلد لاتظهر فيها الحقيقة ابدا
لافى شفافية ولافى قضاء عادل ولافى حتى امان

ربنا يتولانا يا بنتى

L.G. said...

أبي الحبيبة
بصراحة بذلت مجهود عشان أعدل الحروف وأفهم الموضوع
على حد فهمي ربنا قال
" ولولا دفع الله الناس بعضهم ببعض "
مش فاكرة بقية الآية لهدمت بيع وصلوات أو ما معناه ربنا يشغل الفاسد بالفاسد ويحلوا عنا
انا برضه متخيلتش 2 مليون جنيه عشان سكينة طب ده واحد جعان من الشارع بألف جنيه كان موتها وحكاية الكاميرات وحاجات كتير

في كل الأحوال يهمني مصر والناس اللي دفعة فلوس في المشاريع هي السيولة اللي بتدفع في القتل والدية منين
هشام طلعت مظلوم ظالم مش مهم النظام فاسد في كل الأحوال وظالم للشعب هو ده اللي يهمني

الموضوع جميل والتعليقات المشاركين جميلة قوي قريتها كلها مصر لسه فيها ناس بتفهم :))

أحمــــد said...

بسم الله الرحمن الرحيم
أفكار جميلة ورائعة أسأل الله أن يثيبك عليها
أين زياراتك من زمان ؟

appy said...

انا من اهوى ومن اهوى انا
=============================
سلامتك دماغك وابعد عن خرفانى يا حج علشان كده عيب
كل سنه وانت طيب





Migo Mishmish
==============
حمد لله على سلامتك يا حبيبتى ونورتى تانى
بصى يا ستى انا برضه مش شاغلنى اوى اللى شاغلنى انهم فاكرين ان الناس مش بتفكر وان الناس متقدرش تبين وتعرف غلطاتهم هى دى القضيه بس انا سمعه ان السبب مش الماس السبب عقب سيجارة هههههههههههههههه
نورتى يا قمر

appy said...

مقاطعون
==========
اهلا اهلا وهو ده اللى هما عاوزينه وبيجرونا ليه دايما
نورتوا الكوكب كله





bar2ash
==========
والله مع الناس كلها انا اسفه ونورتنى ومش هتاخر تانى كل سنه وانت طيب

appy said...

دعاء مواجهات
==============
اهلا يا دودو لا خليكى انتى بعيد ملكيش فى القصه دى يا سوسه
نورتى يا حبيبى






محمد الكومى
============
بقولك ايه انت هتهزر انا زهقت انا هدى للناس الباس وورد وكله يغير اللى هو عاوزة ههههههههه حاضر يا محمد عنيه

appy said...

A7MeD F@hMy
==============
بتبيعنى يا احمد شكرا شكرا ماشى ليك يوم نورت الكوكب






norahaty
=============
اهلا يا قمر وميرسى على ذوقك يا نور
هو مش اوى بس بحاول اربط اى حاجه باى حاجه نورتى الكوكب

appy said...

وومن
=======
حاضر يا ريس هثبت اهو وبعدين هو انا اللى عملتها مش الناس اللى بتتناقش واهى اتحملتنا كتير خيرها
نورتى يا ميرا






الريم
=====

اهلا بيكى اول مرة وميرسى على ذوقك
هى القصه اصلا بدأت تتلعبك ويبان فيها بلاوي
نورتى الكوكب

appy said...

totaaaa
=============
لا انا ادبحه خروف مين ده اللى يعاكسك فى الصيام معلش يا توتا انا هأدبه يا قمر
نورتى يا حبيبى






على باب الله
=============
لا دى تنظيف دماغ بس ميرسى على الدعوة
نورت الكوكب

appy said...

رامز عباس
=============
سورى يا رامز انا بعتذر من دلوقتى لانى فعلا مش هكون فاضيه
كل سنه وانت طيب ونورت






انسان بلا عنوان
===============
هو احنا ورانا غيره يا ريس
نورت

appy said...

Diyaa'
=========
اهلا اهلا
ما احنا عارفين انها كده بس هنعمل ايه
ميرسى على وجودك يا ضياء فى الدعوه وبجد نورتنا






عالم حبيب
===========
ولا يهمك لما تكون فى مصر ان شاء الله تنورنا كلنا
واحنا مستنين نشوف اخرة الاجابه ايه

appy said...

Hossam
=========
انا عارفه انك اكتر حد زعلان منى بس والله معلش غصب عنى بقى
كل سنه وانت طيب يا محمد





مصري بالغربة
==============
من حقك تعترض عادى بس مش كل الرجاله انت ليه اخدت المثل على جوة كده
تانى حاجه ده مع الموقف اللى بيدخلوا يشتموا وموضوع هشام
عموما نورت الكوكب اول مرة

appy said...

انا حر
==========
مين قالك انا كنت فاكره زيك الناس شاغله نفسها او على الاقل اغلبيه منهم شاغلين نفسهم وادينا بنشغل دماغنا بدل ما تصدى
نورت الكوكب






انسان بلا عنوان
=================
محمود باشا انت بدات تشتغل اهو فى الكوكب يا رب زيد وبارك على المحاميه بتوع لاكوكب هههههههههه
ماشى يا ريس منور ورد صح من الناحيه الكانونيه وخاصه اللعب فى الورق

appy said...

المحارب المتيم
==============
هو محصلش حاجه فى بريطانيا اساسا كان بلاغ وشكرا
ايع علاقة الوليد بالحزب هو الوليد مصرى ولاالحزب عندنا بقى بياخد غيرالمصريين هههههههههههههه
السكرى استقال من امن الدوله وهو نقيب يعنى من سنينننننننننن كتير وايه علاقه المافيا لا وسعت دى شويه ومخابرات ايه الا ما قامت علشان ناس كتير هتقوم علشان دى سوزان دى لا بتهزر
نورت يا محارب الكوكب






احمد الصباغ
===========
اهلا يا خالو ان شاء الله نورت وميرسى لذوقك يا احمد

appy said...

kafrawy
==========
اها ممعاك بس لازم يبقى فيه مخ يشتغل
نورت يا كفراوى





شريف
========
معاك حق هو فيها غلطات هبله كتير مش عارفه ليه
نورت يا شريف الكوكب كله

appy said...

فزلوكه
=========
عارفه المشكله ايه على بال ما المعلومه تطلع من مكانها على طول يكون زاد عليها ميه حاجه
نورتى يا قمر





L.G
====
اهلا بالناس المستخبيه
ازيك يا حبيبى كويس ان فيه ناس بتفكر بس انا نفسى الناس تتوحد على حاجه واحده
على فكره البلد فيها فلوس فوق مما تتخيلى بس مشعارفين بتروح فين

appy said...

احمد
=======
ميرسى ليك انا اسفه مقصره معاك انا جاى حالا
نورت الكوكب

المحارب المتيم said...

آبى هانم

لا ابدا مبهزرش طاب بصى

نمشى شوية بالعقل

اولا هشام طلعت صاحب مجموعة من أكبر المجموعات الاقتصادية فى الشرق الاوسط

ومن ضمن المساهمين فيها الملياردير الاكبر الوليد

ثانيا

هشام احد رجالات النظام المصرى

ثالثا ليه اعمال برا وسمعت انه راح يعمل شغل فى الاتحاد السوفيتى روسيا

طاب مال العك ده كله بالقضية

أمريكا عندها قسم أقتصادى فى جهاز المخابرات سليم

واسرائيل بردو

وبعدين

ايه علاقة طلعت مصطفى بالفيلم ده

عمنا طلعت ليه نزوات مع سوزان تميم

اكيد طبعا لأن القضية مش كلها متلفقة

ماشى وبعدين

تفتكرى لو اسرائيل ولا امريكا حبت تضرب الاقتصاد المصرى خاصة انها مغضوب عليها من كام سنة وزهقوا من النظام الحالى لأنه شطب خلاص ومبقاش مفيد

اشمعنا هشام

لأنه ليه شغل برة وفيه اكتر من مساهم أجنبى معاه يعنى هيأثر بعلى الاستثمار وهشام قريب قوى من النظام وكمان مبانش عليه موالاة لأمريكا ولا اسرائيل بعكس ناس تانيا
لا وايه راح يعمل شغل فى روسيا يعنى ممكن يكون حلقة وصل بين روسيا ومصر وأمريكا مستحيل تقبل مجرد التفكير فى ده ما زمان كان الزعيم عبدا الناصر مغلبهم فى اتحادة مع روسيا ولولا السادات اللى راهن رهان خسران على أمريكا كانت أمريكا خسرت الكتير
طيب ياعم يعنى الفيلم ده كله بتاع مخابرات

لالالا مش قوى يعنى عمنا هشام نس نفسه ونسى حساسية موقعة ولعب حبتين مع سوزان وجات الفرصة لحد عندهم لأنهم بيراقبوا كل رجالات النظام مراقبة دقيقة ولقيوا الفرصة
اللى يقوى الاحتمال ده حاجة مهمة قوى

القضية باينة متلفقة بس باينة زيادة عن اللزوم واللى عملها عاوزها تبان متلفقة يعنى مش عاوز يقضى على هشام لا عاوز يقرص ودنة وودن النظام اللى حاميه
حاجة تانى
بعد القبض على هشام قالوا ان اللاقتصاد المصرى مهدد بهزة عنيفة ولازم يتغطى على الخبر على الاقل علشان الاقتصاد
دى حاجة حاجة تانى السوق كلة عداوة للناس اللى زى هشام العداوة دى مش بس داخلية دى ممكن تكون خارجية كمان علشان كدو مش ممكن تستبعدى دور المافيا
يعنى صعب أن القضية تكون مجرد فساد رجل اعمال
أو تورطة فى قضية أخلاقية فى المقام الاول لآنة لو مجرد دة كان سهل قوى يتغطى عليها
ودى مجرد فرضيات ملهاش سند بس فرضيات لا تخلو من منطقية

ممكن تبان مبالغ فيها بس دى هى الدنيا الكبيرة

واستنى الايام كفيلة بانها تورينا كتير

وسلاموووووووز

appy said...

المحارب المتيم
=============
الوليد فك شراكته مع هشام من بدرى
مفيش غير الفور سيزون
موضوع انهم يخلصوا من هشام مش بقضيه هبله زى دى دول ممكن يخلصوا منه شخصيا وبسرعه
نزواته ما كان له ميه الف لا لعب الناس دى على كبير شويه مش زى ما انت متخيل
ولما يحبوا يضربوا يضربوا عز والبوب الكبير يا ريس ولا احمد بهجت