قولت الحق بؤجه الخير

طبعا بما انى خارج الاراضى والحدود المصريه وفى الكويت الشكيكه بس حبيت اشارك باضعف الايمان وهو القلب
اول مره اغيب عنها ومروحش اخد دوللى الصبح من الرحاب ونروح مع بعض
هيوحشنى صحيانى بدري يوم اجازتى ودوللى وهى بتتصل تصحينى تقولى قومى انتى لسه نايمه علشان طبعا الهانم رخصتها جوا الرحاب ولو طلعت بره بعربيتها بيتهيا لها هيسحبوا منها الرخصه
ففى مثل ه>ا اليوم اصحى واجر النوم ورايا واروح ضاربه بوز معتبر لغايه ما داليا تفوقنى ونروح نلم الحاجات
انا من هنا بدعوكم لليوم دا وانا بعيده ولاول مره مش هكون موجوده
بس انا عارفه انى سايبه رجاله تاكل الزلط وتحلى بالميل فاى فى الموضوع دا
التفاصيل عند خالد همس الاحباب ودوللى على المدونه قوس قزح
انا نفسى اسمع ان اليوم نجح بيكم كالمعتاد لانه من غيركم مش هينفع
قلبى معاكوا بجد وربنا يجازيكوا خير
التجمع يوم ثلاثون من الشهر دا
ربنا معاكوا وعاوزه افرح بيكوا لانى مفتقداكم كلكم

كان معكم ابى هانم ماكو فايده من الغربه

حكمه الامبراطوره

ليس كل الشجر مثمر

17 اخبط وقول رايك:

همس الاحباب said...

طبعا هنفتقدك جدا
بس ما بيد حيلة
ربنا يسعدك ويوفقك وترجعى بالف سلامة وتكملى المسيرة باذن الله
جزاكى الله خيرا
تحياتى

فتاه من الصعيد said...

ربنا معاهم ... والدال على الخير كفاعله

ربنا معاكي في الكويت ... ووحشانا قوي يا رحاب :)

تحياتي

MR.PRESIDENT said...

الله يكون في عونكم الغربة دي أصعب شيء بعيد عن الأهل بس اللي يعوضه شلة اصدقاء مخلصين دمتي كما تحبي ..
والتكلمة وليس كل الثمر طيب الطعم شهد المذاق

كيكى عوووووو said...

أثرتى فيا يا حاجه
ربنا يرجعك بالسلامه ان شاااااااء الله

مجرد بنت said...

ربنا معاهم ويوفقهم

لورنس العرب said...

كنتي دايمة الحضور
ورغم غيابك ستكوني حاضره أيضا
لن يمنعك السفر من الحضور

شمس النهار said...

ازيك
عاملة ايه
يارب تكوني بخير وسعادة
وبعدين ايه الكلام ده يعني مش هتعدي عليا انتي وداليا تاخدوا الحاجه ماليش دعوة خدي اول طيارة وتعالي
:))

ربنا يسعدك يارب

سلامي

فاتيما said...

إنتى معانا
يا بيبى برضو
التواجد مش بالمكان و المسافة
التواجد الحقيقى ف القلب و التفكير
يا حبيبتى
و انتى م الناحية دى
موجودة جداااااا
وبشدة


عقبال ما ييجى
معاد البؤجة الجاية
هتكونى فى مصر و تحضريها
و تنورى المكان... كله
يا قمر التدوين ... كله



و تعالى هنا
قوليلى
ليه بس ماكو فايدة؟!!

فيه إن شاء الله
بلاش كدا و النبى
متقلقيناش عليكى بقى

بوسات و حضونات
و اشتياقات كبيرات
للخروفان البمبيات
بتوعك دول

karim said...

انتى فيين اابى هانم بعدك عن البلد اثر على حضورك التدوينى ليية بس, فيين ايامك يا وحش , مفتقد موضوعاتك جداا, تحياتى

يا مراكبي said...

الدال على الخير كفاعله فعلا

Doba said...

وحشتينى يا مجنونة
جدا
جدا

عالم ماريونت said...

حبيبتي ابي
وحشتييني جدااااااااا و بقالي كاااااام شهر مجتش مدونتك و هي كمان وحشتيني و عجبني اوي النيو لوك ده

بالنسبة للبؤجة
مجهود رائع منكم انا كان نفسي اوي اشارك معاكم

يارب تتوفقي في حياتك و ترجعي لينا بألف سلامة يارب

اختك رنا

أحمد الحيدر said...

وانا اقول الكويت منورة :)

طب مش تقولي عشان نعمل واجب ؟ :)

عموما رحلة موفقة ودايما متألقة يا رب ..

سبهللة said...

حاسة بيكى اوى يا آبى
ربنا يرجعك بالسلامة
وطبعا الاعمال بالنيات
وان شاء الله هاتاخدى الثواب زيك زيهم

لورنس العرب said...

ده باين الكويت واخده الوقت كله

خمسة فضفضة said...

صباح الفل يا ابي

انت فين ياستو هانم مش باينه ليه بقالك كذا يوم

طب حتي عدي ارمي السلام وطمنينا عليك واجري

وحشاااااااااااااااااااااااااااااانه يا بتنجاني

موووووووووووووواة

أبو ملك said...

اللهم لا تؤاخذنا بما فعل السفهاء منا
و حسبنا الله نعم الوكيل
المسلمون كانوا يقودون العالم فى عصر الجهل و الظلام
هل هم من يخفون السكاكين وراء ظهورهم الان لبعضهم البعض
فعلا لقد نجح الاستعمار فى خلق اسوار و همية اسمها االحدود سجننا نفسها خلفها و عصبنا انفسنا عصابات

اللهم ارحمنا و اعفوا عنا و ردنا الى دينك رداً جميلا