اولاد بوسماعين

اولا عاوزه اقولكم ان ربنا بيحب اولاد بوساعين علشان انا مش فى مصر اقولكم ليه 
اولا لان حظهم الاسود لو انا نزلت الصبح ولقيت صورته العجيبه دى على عربيتى اول شئ هرفع عليه قضيه اتلاف املاك خاصه 
ثانيا مش هشيل الصورة اى والله مش هشيلها هجيب قلم روج او فلومستر احمر واحط له روج 
واجيب قلم كحل اسود من ديور مش خساره فيه واحط له حسنه فى خده 
وهعمل كدا فى كل بوستر اشوفه فى خلقتى ثانيا اولاد بوسماعين وهو شخصيا من اغبى المخلوقات على الارض لانهم باللى بيعملواه وكلمه موتوا بط.... وبلاش اكمل الكلمه 
بيكرهوا الناس فى الجدع وطبعا دا مش من منطلق حبى فيه لا ولكن انا نفسى يجى واحد بس بيفهم يمسك ام البلد دى 
السبب فى غبائهم كميه البوسترات اللى بتنفر الناس منه وبتخلى الغلابه يقولوا يعنى مش كان عملا حاجه مفيده احسن من الورق اللى شوه بيه الدنيا
الغباء الاكبر انه لو كان استخدم الفلوس دى فى انه يساعد مستشفى او يساعد غلابه كان هيلاقى ناس كتير معاه بدل ما هما ضده بس ربنا لما بيكرهه حد بيسلط عليه غبائه او على اللى حواليه 
فيه فلعوطه هيقولى طبعا فيه ناس هى اللى متبرعه علشان تعمل له البوسترات من لوسهم وهو يا حرام مش بيدفع ولا بيعمل مع انى اشك وكلنا عارفين هو ممول من مين فى بلاد الجاز 
احب اقولهم علشان واحد يتمحك فى بوساعيل ويقوله انا اهو ساندتك وينوبه من الكعكه قطعه هيروح لمدير حملته يقوله انا هعمل مثلا الف بوستر لو هما اذكياء يقوله هات الفلوس واعمل كذا اى عمل محرم واكتب انه ابو سماعين مش بوسترات كأنها شلال ويضان على دماغنا 
وارجع اقول لان ربنا مسلط عليهم غبائهم مش هاديه للتفكير
دا
أخير احب اقول لاولاد بوسماعين اللى هما بيغرقوه وبيكرهوا الناس فيه بردودهم ان الشعب واغلبيته كرهه خلاص اننا هنوافق ان شاء الله بعمر سليمان بس الراجل دا مينجحش 
قرفتونا منه بغبائكم والعجيهب ان البيه بيألش فى فيدو ومبسوط اوى ان الناس قرفانه انها بتشوف صوره 
فى النهايه دى دعوه صريحه لاقامه دعوه ضده فى تخريب ممتلكات خاصه وعامه ودا حقنا 
والله الموفق والمستعان على الاغبياء والمرضى 
كان معكم ابى هانم كايده العزال 

18 اخبط وقول رايك:

oocb said...

حتى لو بئا رئيس جمهورية ودةوارد ف حالة انة ينزل اعادة مع عمرو موسي هيبقي ماتش كورة ~المكسب ان الشعب يتعلم أنه لما أختار أختار غلط علشان كلة يفهم يعنى إيه معايير الاختيار و يعنى إيه حرية ،، متفرضش عليه أنه يكون حر ف اختيار محدد

oocb said...

في حالة ان بوسمعين يكسب يا ابى لو نزل فالأعادة مع عمرو موسي ~هتبقي فرصة سنيحه لشعب كان مضغوط نفسيا ان يجرب الشعب لازم يتعلم أنه لما أختار~ أختار غلط ~لازم يفهم يعنى إيه معايير الاختيار و يعنى إيه حرية ،، منفرضش عليه أنه يكون حر ف اختيار محدد ~ محدش بيتعلم بلووشى

Foxology said...

هو ده الكلام :)))

تخيلى ان الدعاية وصلت لبطاعة البوستر على أكياس بيتباع فيها عيش فينو :))) بجد شئ عجيب وغبى فى نفس الوقت

الأنكت من كدة الموكب بتاعه امبارح من الدقى لحد لجنة الانتخابات ف مصر الجديدة مرورا برمسيس .. قمة الألش والهرتلة

تحباتى

Empress appy said...

oocb

يا اوس مش علشان تعلم ناس تلبس بلد بحالها لازم يخضعوا لمعايير العقل مش معاير اى حد غير وبس من غير منطق يعنى مش علشان بكرهك اروح اتجوز غيرك زى ما البنات بتعمل او قصدى علشان اغيظك اروح اتجوز غيرك وادفن باقى عمرى بالحياه
نورت يا او س

Empress appy said...

Foxology
,,.........
شوفت الاكياس والحمد لله انى مش ى مصر كان زمانى قطعت الكيس فى وش اللى عامله وتفيت فى وشه كمان يا فوكس
ليك وحشه على فكره سلامى لزوجتك العزيزه

الربان said...

تحياتي لك...........اعتقد بعد الاستعراض الرخيص الذي تم اثناء التقدم للترشح الكثيرين سيمتنعون عن دعم هذا المرشح .

مصر تستاهل افضل من هذا بكثير

دمت في حفظ الله و رعايته

Empress appy said...

الربان

يااااااااااااااااه عاش من شافك يا فندم والله
اتمنى ان الناس تعى كل شئ حواليه لان الوضع مزرى

فشكووول said...

اسمع بقى يا شألشه
الجماعه دول ما يهمهمش حد ولا يهمهم حاجه
هما بس بيتمسحوا فى الاسلام عشان اغراض شخصيه
يعنى هو من شخصية الاسلام الكدب
هما كانوا بيتبعوا مبدأ التقيه
وبعدين اتمسكنوا لحد ما اتمكنوا
واحنا اللى اديناهم الفرصه دى
دا خيار الشعب المصرى
اشربوهم بقى
مش كدا يا شألشه

Shaimaa said...

يا بنتى ده راجل متخلف عقليا اسمعى الكلام اللى بيقوله هتحسى ان الأشكال دى هتضيع البلد .. من أهم أقوله"ان جوزة الطيب حرام" ده ايه علاقته ببلد اللى ناوى يبقى رئيسها
ربنا يرحمنا برحمته

EMAN KANDEEL said...

والله ياحبيبتي لو كنت هنا كان حايجي لك هيستريا من اللي أحنا عايشين فيه،ربنا بيحيك علشان أنت بعيد

قبلاتي ووحشتيني ياقمر

حبيبـــــــة القمـــــر said...

للدرجه دي نزل مستوانا في رفض الاخر
عموما الحمد لله انه خرج من سباق الرئاسه
اكثر شخص عاجبني اسلوبه في التعامل مع خصومه هو الدكتور سليم العوا بغض النظر عن رفضي لبرنامجه ولكن حقيقي مسمعتش منه لفظ يؤخذ عليه ضد واحد من معارضيه
ياريتنا نتعلم من الاسلام اللي احنا بندين بيه احترامنا للاخر

ليكي وحشه يا ابي وان اختلفت معاكي في الرأي لكني بحبك واكيد هتابع جديدك

Sameh AlAraby said...

نفسي ظاهره البوسترات اللي بتتلزق دي تتلغي
حاجه مخجله بجد
وفي الاخر ياريته بفايده اساسا

Empress appy said...

فشكول

ماشى يا شألشه هسمع كلامى

Empress appy said...

شيماء اللى حواليه وهو منهم لله

Empress appy said...

ايمان

مهما ان كان هى بلدى وانتى عارفانى ربنا يهدى







حبيبه القمر

انا ولا مستوايا نزل ولا طلع بس مبحبش حد يبقى نطع ويستغل الدين
شرفتينى

Empress appy said...

بالمناسبه يا حبيبه

خليهم يتعلموا انا معتقدش غلط فىه برا الشرع ولا الدين
واللى هو عمله برا كل الدين والشرع
واذا انتى شايفه ان مستوانا نزل فانت عملتى زينا برضه لانك مش متقبله راى ايا كان انا وضحت هو ايه واتمنيت يكون ايه بس واضح انك مفهمتيش انا كتبت ايه

Empress appy said...

Sameh AlAraby


استخدمها بتقنين هيكون كويس انما بالهبل دا زفت ونيله عليهم

يا مراكبي said...

صح

فكرة التبرع بالفلوس دي لأمر مفيد في الجول بجد

لكن احنا كلنا عارفين ان ما فيش حد فيهم ال 13 ناوي على الخير أصلا

كلها مصالح