مبارك الخلبوص

حقيقى اكتشفت ان مبارك خلبوص خلبصه ملهاش حل كل دول ابنائه دا كان فيه صحه تهد جبل

الست الجاهل دى يوم 28 كانت فى الميدان وبتقول ايران وعراق وفلسطين قتلوا الناس مش الشرطه كان قاعده على النيل وبتعيط فى ميدان عبد المنعم رياض والهوا طير جيبتها وواحد اعترف على نفسه انه ايرانى وعراقيين ومن حزب الله اسمعواا يعنى ناس متأمره وهبله جايين يقتلوا وبيعترفوا على نفسهم
اسمعوا الفيديو وانتم تعرفوا الست شفافه شفافه يعنى
ولا يسعنى قول غير احيه يا ابو سوس احيه
والست التانيه اللى بتقول انه جده من الاشراف فيه ابن من الاشراف عاق بابوه ويطرده من الكليه لما يروح ليه حقيقى الستات دى مخهم ولا طبق الملوخيه
والمؤامره على مباريك الست الشفافه كشفتها

الفيديو التانى دا عن شهاده المشير عن القتل يا ريت تشيروها عندكم

12 اخبط وقول رايك:

يا مراكبي said...

ما أنا ثلتلك مش خلبوص قوي كده
:-)

أغلبهم أطفال أنابيب
:-)

عموما الثورة دي فرجتنا على نوادر وطرائف رهيبة

حَنيّـن نِضال said...

هو فعلا خلبوص خلبصة ملهاش حل . . و لسا في ناس بدافع عنو ؟

شمس النهار said...

ازيك يارب تكوني بخير
وكل سنة وانتي طيبة
:))

والغريب بقا ان نقابة الاشراف لحد دلوقتي مااصدروش اي بيان يشجبوا وينددوا بشدة الكلام الفارغ ده
هي الاشراف هتلم ولا ايه مش عارفة
:))

Anonymous said...

أنا حسيت أنها عايشه في الفضاء الخارجي ... والعالم اللي قدامها أطفال رضع وبسكتهم بأي كلام وبس ....مدونه جميله باي

Emtiaz Zourob said...

والله انا شفت الفيديو قبل هيك وضحكت من كل قلبي بصراحة

عموما سعيدة بتعرفي على مدونتك وان شاء الله من المتابعين لكل جديد

دمت بخير وتقبلي خالص تحيتي وتقديري

ابو المفاصل الواصل said...

هو سقانا الخل وحرقنا بالبوص
ربنا يسامحه ويسامح الجهلاء المغيبين
نحياتى

فشكووول said...

السلام عليكم
كيف حالك يا ابى

بس يا ابى خدتى بالك هى روشه ازاى وشكلها مستريح وشفتى التانين شكلهم ايه ولابسين ايه والدهب بيلعلط فى صدرهم وايديهم .. طبعا امام مين حيكون آسف عشان الريس الا الاشكال اللى سرقت ونهبت مصر زى دول ودول كتير قوى يا ابى

وبعدين مبارك استاذهم فى التمثيل وبيمثل دور العيان كويس قوى وهما تلامذته

فشكووول said...

وبعدين يا ابى يا ترى الصفحه دى مدفوع فيها كام
خدتى بالك اما بيسمعوا كلمة المخلوع بيهيجوا ازاى وبيفقدوا اعصابهم .. طبعا عشان هابرين هبره كويسه ودائما ابناء مبارك يتسموا بالبلطجه .. كل كلامهم بلطجه .. كل افعالهم بلطجه .. دأبهم دأب زمن مبارك البلطجى

pediaman said...

السلام عليكم

على فكرة يا أخت أبي الست دي صدقه صدق عالي جدا لأني رأيت رؤيا لها في المنام أنها فعلاً من الأشراف ورأيت إننا كنا السبب في اللي بيحصل وحصل

الشهداء هما السبب في اللي احنا فيه

ولذلك


إحنا أسفين يا ريس أننا لم نقتلك بل لم نذبحك

وسلملي على مبارك الشريف

Anonymous said...

طلعوا بيقبضوا .... صادروا 3 مليون جنيه من مجموعه اسفين يا ريس

Unknown said...

كله كوم والست الكلكانة اللى فى الآخر دى كوم :)

Unknown said...

انا شخصيا سعيد
لان الواحد وسط القرف اللي عايشين فيه حاليا لازم حاجه تسليه
والقذافي مات
فالحمد لله طلع لينا توفيق عكاشه وظبايضر مان
والاخت الشريفه
الثلاثي ماشاء الله كوميديا سوداء مضحكه مبكيه في ان واحد
وعلى راي المثل اذا كان هؤلاء محبيه ومؤيديه فصدق المثل ان البطيخ الاقرع بيدحرج على بعضه

Share |