من منطلق نفش الريش والتركى اللى عندى وانى بقلب على عصر الملوك والدوله العثمانيه يا فنظم نيهاهاها قولت احط صورتى

مش امورة وانا نونو هههه ماماى بتقولى انتى جايه من يومك قفشه من الحياة ومستحلفه لها هههههههههخخخخخخخ

آآآه اللقب اللى فوق ده قاله عليا مهند (الباحث عن الحقيقه ) فى تعريفه عنى
وانا موافقه عليه وحسه انه وسام شرف ليا بجد مع انه قال انه مش من السهل حد يفهمنى بس انا قلبى زى اسرار المحيط لو عرفت اسرار المحيط هتعرفنى
ولان الكلمهه كبيرة قوى بنت مصريه (زى فخر الصناعه المصريه هههههههههخخخخخخخخ و (

البوست ده عن سؤال سألته ليه كاميليا صديقتى وصاحبه مدونة أنت فى عيونى حياتى قبل وبعد التدوين

وكمان تاج اعترافات ليليه هههههههه انا سميته كده اللى هو اذكر عشر حاجات عن نفسك

زى بالظبط ما تكون حد قفشك من قفاك وقالك انت مين يا كابتن
وقررت ادمج الاتنين ببعض علشان تعرفونى ويبقى جنيتوا على نفسكوا.


عشر حاجات عن نفسى امممممممم
1- بنت بسيطه جدا ومصريه قوى وبموت فى البلد دى وبكرهه السلبيات والتخلف فى الاراء اللى عايشينه والامثال اللى تودى فى داهيه.

2- طيبه جدا بس لما بقلب ببقى حاجه صعبه عمرى ما أذيت حد الحمد لله بس بأذى نفسى كتير او بحول غضبى فى نفسى

3- بحب الحياه جدا وطفله أخر حاجه ولما اهرب من مشاكلى اتفرج على الكارتون بجد بيأخدنى لعالم تانى وبضحك من قلبى زى الاطفال وبيبان فى ملامحى جدا بموت فى الفراشات وبحسها زى بالظبط فى كل حاجه لو اتمسكت تموت و انا كده

4-واثقه من نفسى قوى ومن قدراتى فى حاجات كتير ودى من عند ربنا ناس بتتهمنى بالغرور ويمكن علشان متمسكه بأصولى شويه وعارفه قيمتها من الفواخريه فى العريش ودى عيلتى

5- معتمده على نفسى فى حياتى بشكل نهائى واهلى ربونى على الحريه بس علمونى انها طوق حولين رقبتى يا أقدر احافظ عليه يا خنق نفسى بيه ومش بثق فى حد انه يأخد قراراتى ....فى نفس الوقت بسمع النصيحه بس محبش حد يفرض رايه عليا غير باقتناع منى

6- بحب اصحابى قوى وبدافع عنهم باستماته حتى لو غلطم هما بس بينى وبينهم بتكلم معاهم وافهمه الصح فين وبسيب لهم مطلق الحريه فى اتخاذ الخطوه الصح

7- بنجرح بسهوله قوى وخاصه انى بدى كل اللى معايا وجوايا للى قدامى من اصحاب او اهل فبيعز عليا نفسى

8- لسانى فالت منى واطول من طريق مارينا القاهرة خمستاشر مرة بس بالادب بتريق على كل حاجه حوليه وبسخر منها يمكن علشان اخفف من حدتها بس كسوفه جدا ولما حد يقولى كلمه وشى بيجيب ميت لون وببقى مش عارفه ارد وخاصه لو مجامله يبقى يا نهار الوان قوس قزح

9- لما بدى ضهرى لصديق او صديقه او حد من الاهل خانى او جرحنى مش برجع تانى علشان بيكون جيم اوفر واستنفذ كل مسامحتى ليه وملهوش لايف جديدة عندى ولان الناس بتفهما حق مكتسب فبتجرح وتقول عادى ما انا هسامح
بس مش بسيب حقى ابدا خالص ولازم اخده من غير اذيه برضه - عصبيه جدا بحب المظاهر قوى بس جنب الجوهر طبعا بس مهم جدا بالنسبه ليه الشكل العام وطريقه التعامل مبحبش حد يحرجنى بتصرف وحش بحاسب على تصرفاتى جدا

10-سهل مصالحتى جدا ومش بحب الرجاله الاغبياء واللى فاردين عضلاتهم على الفاضى والمليان لان بصراحه بقت فيه بنات بألف راجل وانا منهم هههههههههههههههخخخخخخخخخخ (شوفتوا اهو التركى نفش اهو حضر) اصرفه ازاى ههههه

حياتى قبل وبعد التدوين

انا بشتغل من تسع سنين حياتى عبارة عن شغل وبس واصحابى اللى دايما جرحنى وكتير بتقوقع على نفسى واحط اهداف قدامى احققها والحمد لله كنت بعملها فمش عندى وقت ضايع فى الحياة كتير
بس كان فيه حاجات بتغظنى من الناس واللى حوليه لما عرفت التدوين قولت اطلع عليهم الهلاوس والهساهس بتاعى ما هو مش معقول ضغطى يبقى زى مؤشر الساعه طالع نازل واسيب الناس هاديه

يمكن يستفيدوا من مواقفى وخاصه انى بحب المغامرة وقلبى جامد مش بخاف ولسانى فرامله بايظه على راى بابا ولا ذع قوى يعنى من الاخر مطب ههههههههه بس مش صناعى ولا اسمها مدب ما علينا

مش بعرف اجامل ومش بحب الانهزاميه ومن هنا حبيبت اقوى الناس اللى حوليه
بجد ارتباطى بالناس هنا قوى فى التدوين (مش عاطفيا لا عقليا هههههههه علشان الناس اللى بتفهم بقفاها ) وأثروا على حياتى جامد وخاصه انى كنت متابعهم من قبل ما ادخل التدوين واول واحده بصراحه الله يرحمها بهلوله ومن مدونتها عرفت أستاذى عصفور المدينه وبعدين فرنساهانم وسوو
وكله بقى ورا بعضه حبيت الفكرة قوى وعملت المدونه وقولت يا رب الناس تستفيد انا بس بيجيلى احباط لما احس ان فيه ناس بتعلق لمجرد اثبات حاله زى اللى اتقفشوا فى الصحراء بمخضروات يعنى انا يهمنى احرك حاجه جوا الناس ومش يعلقوا اكتر ما يستفيدوا
تقريبا الكوكب بتاعى خد كل وقتى فى الشغل وفى البيت كمان لما هترفد والصورصارات هتسكن معايا فى اليت (يعنى بالادب كل واحد اسبوع يساعدنى فى الغسيل والاكل ههههههههههخخخخخخخ)
لدرجه ان فيه اصحابى بيتخنقوا منى بجد الكوكب وزواره بقوا كل حياتى وعقلي وتفكيري كأنهم عايشين معايا فى البيت حوليه بخفه دمهم وأرائهم وحبهم لبعض رغم وجود مشاكل بس عادى
دوبا قالت ليه ممكن تأخدى أصحاب من النت آآه ممكن يا دوبا بس لما أقابلهم الاول علشان انا بحب على روحى ههههخخخخخ يعنى لازم اعرفهم قوى والدليل وجود كامى فوندامى فى حياتى وهى قريبه منى وسوو وقطه الصحراء ناس بحبهم ونسرين بسيونى وكتير قوى
وطبعا فيه ناس بتعملى فيهم خير من النت ومن وراكى عقلهم مزنوق فى كعب الشوز بتاعهم الرفيع ده جدا ويتكلموا عنك وحش وكمان يطلعوا فيكى القطط الفطسه وانا بجد بندم على معرفتهم بس برجع اقول معلش على راى الاغنيه اكمنى عيونى عسليه وبتلمع فى الضى شويه ابقى خلاص خلاص بقيت جنيه تيراراااااااارر

وكمان قابلت ناس وحشه ودى كانت صدمتى فى التدوين عاملين ثوراجيه وبيحبوا البلد وهما بجد بجد نصابين بمعنى الكلمة ومش بيهمه غير مصلحتهم وكدابين جدا والحياه مصالح بس بالنسبه ليهم او معرفه بنات والرسم بيهم وتطليع اشاعات قذره عليهم
بس الحمد لله بعدت عنهم ومش عاوزة اعرفهم تانى لانهم بميت وش.

فى النهايه بجد يا ريت تكونوا بتستفيدوا من كتابتى هنا لو مش بتستفيدوا يبقى اسيب عليكم خرفانى البمبى تنطحكوا ههههههههه وبرضه تستفيدوا قوة واقتدار وده من منطلق تيتوقراطيتى المتبعزقه فى كل مكان
على فكرة انا مش دارسه سياسه للناس اللى بتسالنى بس انا كنت بحب اقعد مع ناس كبيرة واحشر نفسى واقعد اسالهم لدرجه انهم بيبقوا نفسهم يضربونى بالكوبيات والفنجانين اللى قدامهم اسمع منهم وبربط الحياة مع بعض واحلل المواقف بعقلي بس ومن الناس اللي حوليه عمري ما أتأثرت بكلام حد ابدا ولا جرايد سودا ولا بمبى بس بحلل كل حاجه والبركة فى النحلة والدبور اللى هيودونى فى داهية ههههههههه

محلوسه نونو ومولده من غير شعر :- لينك الكتاب بتاع علشان متضربش على قفاك للى عاوز ينزله ويقراه ويقرى ليه الفاتحه بعده ههههههههههخخخخخخخخ
http://www.fileflyer.com/view/5O4LLAW

كان معكم طفل نونو جوه تلفزيون حياه كبيرة مبقتش قادرة اتحملها آبى هانم

تحديث :- لينك كتاب علشان متتضربش على قفاك الحقوا يا شوباب ويا بنات اقروه واحفظوه وهنزل استمحانات فيه هههههههههههههههه
http://www.fileflyer.com/view/5O4LLAW

يا هاى عليكوا بجد وحشتونى مع انى كنت ايدى بتأكلنى ساعات وابص عليكم من بعيد كده اعمل ايه فى الادمان بقى يالا مش مهم.
المهم الاسبوع اللى فات نازله من البيت خارجه لقيت جارتى ست محترمه قوى واقفه بتعيط عند باب شقتها فطبعا صعبت عليا سألتها فيه ايه قالت ان ابنها النهارده الظهر واحد ثبته انا رجعت لورا خطوتين ثبته ..يعنى ازاى دى مش عارفه او يعنى ايه الكلمه دى يعنى دق مسمار فى رجله او ايده لقيتها بتضحك قولت طيب اقلبها تهريج قولت لها لا بجد يعنى ايه.
قالت الولد ووهو خارج من المدرسه وفيه عندنا جنينه كده واحد ساله فين عمارة رقم 30فالولد ابنها وقف وقالها الولد التانى مش كبير يعنى فى العشرينات وابنها لسه خمستاشر سنه.
بعد ما رد وابنها مشى الولد شده من قفاه ودخله بين عمارتين وطبعا احنا العمارات عندنا فيها مناور وغير كده الظهر ده فى الايام الحر ومحدش كان فى الشارع .
قاله طلع اللى فى جيبك واخد منه الموبيل . وقاله اوعى تتحرك لغايه لما امشى فالولد بعد ما التانى مشى بيتحرك لقاها واقف له وماسك طوبه وقاله لو اتحركت هضربك المهم انه فى الاول طلع مطوه عليه .
راحت القسم هى وابنها وحكوا هناك وقالوا لها تعالى بالليل لرئيس المباحث.
بعد ما طلع معاها اتنين امناء يدوروا فى المنطقه ومفيش حاجه راحت بالليل وهنا الكارثه والفرسه والشلل الرعاش جالى لما سمعت الناس اللى المفروض بيتقال عليهم امناء بصراحه مش كلهم بقى ليه اتنين قعدوا مع الولد وسالوه عن مواصفات اللى سرقه والولد ادالهم وطلعوا الالبون بتاع الصور آه والله اللى بيحطوا فيه صورهم الحلوة ده واتعرف على الولد مسجل خطر المصيبه اللى تخليك تنكش شعرك وتجرى فى الشارع لابس شبشب فرده وفرده ان اتنين تانين مش امناء يقولوا لا الولد ده مش موجود هنا فى المنطقه من اسبوع .
المهم الامين التالت قاله ازاى ده لسه خارج من هنا امبارح يعنى قبل الحادثه بيوم نيهاهاهاا وقعوا فى بعض يا حلولى لما الشوربه تقع فى بعض.

المهم وقعوا فى بعض الامناء والتانى قالهم الدفتر اهو ومتسجل فيه روحوا هاتوه قعدوا ساعه ورجعوا قال ضاع مع الريح يا حرام القطه اكلته. مامته دوبته فى ايريال للغسيل .
طبعا جارتى فهمت ان والدة الولد بتشتغل فى مستشفى الشرطه .
هنا بقى انا كل ده ساكته وفجأة الدبور والنحله اشتغلوا والهاند بريك بتاع لسانى فلت وبعد ما كنت لابسه شيك وحسه انى خارجه شوفت نفسى بالشقلوب وماسكه مقشه الساحرة الشريره فى ايدى قولت لها سورى يعنى ايه معناه قالت يعنى بتظبط الامناء قولت لها على كام قصدى يعنى ايه .
قالت لو له طلب ولا حاجه وقد كان نورت زى سارينه الاسعاف ونسيت الخروج وقولت لها طيب ورسيت على ايه قالت هروح بكرة قولت لها هاتى رقم الظابط اللى ماسك الموضوع .

المهم راحت للظابط بتاع المباحث وحكت له على اللى حصل وبعت يجبوا الواد مش لاقينه وانا اخدت الرقم وكلمته وعرفته بنفسى طبعا مش قولت له لواء ولا نيله هههههههههه اصلها فيها حبس قولت له اللى حصل زى ما الست حكت ليه وعلى موقف الامناء وقولت له معلش حضرتك (ومنه لله الدبور هو اللى خبطنى فى عقلى ) انا مدونه يعنى الصحافه الصغيرة وبينى وبينك بقالى اسبوع مكتبتش فى الحاجات دى فيعنى مش عارفه اقولك دى فضيحه حلوة سورى قصدى فرصه حلوة انى اكتب ونجيب حق الواد طبعا

هو من اسمى عرف العيله كويس فقالى لا النهارده بكرة هنجيب وكان راجل ذوق ذوق بجد والدغ كمان يعنى زومل ههههههههههههههه

بعدين اتصل قالى خلى الست تيجى وابنها راحوا اتعرفوا على الولد فعلا .

وقالها هتصرف الامين ابن التيييييييييييييييييييييت خد نمرة جارتى قالها علشان لما نعوذك لقت الساعه اتنين بالليل الست بتكلمها وتقولها انا ابنى مسرقش ولما جارتى قالت لها انا ابنى اتعرف عليه ومش من مصلحتنا نسجن ابنك هددتها وهنا بانت ليه الامناء بيعملوا كده قامت الصبح حكت ليه على اللى حصل وانا نازله الشغل .

ان ان تششششششششششش فضلت اتصل بالظابط لغايه لما رد وقولت له حضرتك علشان الست تكلمها يبقى اسمها قله ادب يعنى لما تكونوا انتم مش امناء على ارقامنا ولا هى كوسه وباميا بقى وخلاص قالى لا هما علشان بس يصفوا الموضوع هنا انا برقت وجالى حول وشلل فى لسانى قولت له ايه تتصالح مع مسجل خطر بمناسبه ايه عيد تحرير سيناء يعنى سيادتك ولا ذكاة رمضان ضحك وقالى مقصدش.

قولت له حضرتك اقسم بالله لو هى مين انا على استعداد افعصها (الا انا مش عارفه جبت القوه دى منين) قالى هكلمها بس عاوزك تتأكدى من الولد ابن جارتك ان اللى اتعرفه عليه هو ولا حرام نظلم وبجد مش فاهمه المنطق ده بس طاوعته وندهت على ابن جارتى وهو ولد مؤدب بجد جدا قالى يا طنط هو والله قولت له هو كان بيكلمك وانت فى القسم سمعت صوته ولا نروح اخليك تكلمه تتأكد كمان من الصوت علشان حرام نظلم حد قالى هو واحنا فى القسم ادانى ضهرة ويقولى بص يا كابتن كويس اخر مرة

كلمت الظابط قولت له حضرتك هو اتعرف عليه حتى من الصوت وكده يبقى مفيش مجال للشك ولا الاعتراض ولو انتم بتجملوا الست علشان اى حاجه ولا الامناء المعفنين يبقى خلاص انا هتصرف(والله برضه مش عارفه كنت هعمل ايه بس هى بلطجه ببلطجه)

وفى النهايه انتصرت والولد محبوس على ذمه القضيه والظابط شكله هيحطنى فى دماغه نيهاهاهاهاها وساعتها هتبقى ضاقت بيه ووقع فيه انا ههههههههههههههخخخخخخخخخخ نطلع بقى من ده بايه اكتبوا ورايا
* اولادك تعودهم ميردوش على حد فى الشارع مهما ان كانوا كبار
* مش لازم يعنى النوبيل فى ايد الاطفال ومحدش يقولى معندناش لا فيه ناس كتير عندها او ايد اخواتكم ملوش لازمه فى المدرسه علشان التثبيت اللى مكنتش فاهماه
*الفلوس برضه على قد خروجهم او مواصلات المدرسه يعنى مش منطق واحد رايح مدرسه يبقى فى جيبه 50جنيه *

اوعى تسيب حقك مهما ان كان قدام ظابط قدام عفريت لو ظابط اتكلم باحترام وبأدب ولو قل ادبه انفش ريشك دول يخافوا ميختشوش

*الامناء اديهم باللى فى رجلك بكل قوة ولا يسوى ولو حسوا انك خايف بيطنطوا زى الشامبنزى.

*اوعى حد يهددك وتخاف زى الست دى لانك لو معاك حق خلاص لان جارتى زمايلها قالوا لها اتنازلى وخافى على اولادك وطبعا انا راسى والف كوتشى اميجو بينور ويصوت انه لا طبعا

وانتصرت فى النهايه يعنى مينفعش نمشى بمبدأ من خاف سلم كده بنخليهم يركبوا ويدلدلوا رجليهم علينا ونرجع نقول ضرب على القفا

ملحوسه خبيثه :- هنزل لكم كتاب علشان متتضربش على قفاك كامل على الكوكب بس فيه نقطه بسال فيها علشان فيه دواخل فيه كتير قوى واقعه كان

معاك سياده اللواء متقاعد وواقف ونايم وخايف عاااااااااااااا آبى هانم اللى معرفتش تأخد أجازة

دى صورتى انا والصباغ والكاست بيصور من بعيد
بس كفايه ضهرى ليكواههههههههه خفت عليكم من الخضه هههههههه

صباح الفل والورد والياسمين

البوست ده خفيف خفيف بما انى هبقى فى أجازة من بكرة لغايه يوم الجمعه .
يوم الخميس اللى فات سافرت علشان عيد ميلاد الواد السكر المقالب ابن اختى ايموو حبيب قلبى انا ورحت عملنا له عيد ميلاد
نيجى بقى للاحداث من قبلها وخالو الريس احمد عبد العال هههههههههخخخخخخخ اللى هو خالو احمد الصباغ سابقا وده اسمه الجديد طلبنى وعاوزنى اصور معاه برنامج لقناة الحرة طبعا مقلكوش عملت سبع الكرنبه وقولت ماشى وانا عماله اطنط فى البيت واقول يا دى النيله ايه التدبيسه دى انا بتكسف آآآه والله مش مصدقين انا بس لسان كده على النت انما فى الحقيقه لما اتعامل مع اشخاص ببقى مكسوفه أخر حاجه وضاربه الوان الطيف فى وشى .
المهم احمد قالى التصوير الخميس ومكنش ينفع خليته الجمعه وهو كلمنى الخميس بالليل يقولى الميعاد وأنا كنت مقتوله وفى عالم الاموات خالص من السفر واللعب مع ابن اختى
تانى يوم كلمنى وقولت له انا هاجى فى الطريق بس سيبونى اروح اغير وعديت فى الزقازيق وبعدين طلعت بلبسى وشعرى المنكوش شبه عفريت العلبه هههههههههخخخخخخ على الزمالك وكان معايا سووو وخالد همس الاحباب بس سابنا ومشى وبعدين جه الصباغ والكاست بتاع البرنامج وحسيت ان كلهم عاوزين يضربونى على التاخير ويشدوا فى شعرى بس بما انهم محتاجنى اتبعوا سياسه الهدوء ومسكوا اعصابهم بمشابك هههه وانا كل شويه وانا فى الطريق يكلمونى وارد وبعد ما اقفل اقول لسووو واغيظ فيه مش عارفه اعمل ايه يا ربى اوردارات طول الوقت انا زهقت بجد ههههههههخخخخخخخخ(وسووو يقولى واحد مرايا هنا ) وده سين ما بينا فهمينه خخخخخخخخ
ومش هقول معناه لحد هههه بس الشاطر يقول معناه (وله جايزة)
والصباغ اول ما شافنى حسيت انه هيجرى ورايا فى الزمالك فى مكان التصوير كافيه سينابوو وتخيلوا الصباغ بطوله ده وانا نونو كده بيجرى ورايا هههههخخخخخ زرافه بتجرى وراى قطه وعدت على خير
وقعدنا صورنا واتكلمت عن الفيس بوؤ ( الفيس بووك يعنى) بس كنت مكسوفه جدا والواد الصباغ وسوو يقولوا ليه كنت مزة وهما عارفين انا بكرهه الكلمه دى (وش مطلع دخان ومدلدل ودانه )
وعدى اليوم على خير وكانوا عاوزين يصوروا معايا فى البيت وكمان الشغل بس اقنعتهم بقى ان كده حلو بعد طبعا ما وافقت خخخخخخخخخ علشان يعنى ميصحش تعرفوا كل حاجه كده عنى حتى البيت .
ولسه البرنامج قدامه شويه لما يتذاع وهقول لكم على الميعاد.
هجيب لكم صورتى مع الصباغ بس مش كلى باينه نيهاهاهاهاها غتاته خلوها مفاجأة فى التليفزيون للناس اللى متعرفنيش
وبجد فى النهايه بشكر الصباغ قوى على ثقته فيه علشان رشحنى وفلترنى وصبر الكاست عليا لانى من اولها وبضرب مواعيد التصوير بس علشان عيد ميلاد ابن اختى
وسوووو اللى كان قاعد يتكلم مع الناس عنى هااااا وطبعا هو فاهم مزززة فى عينك يا سووو
وكمان خالد همس الاحباب انه وصلنى لغايه مكان التصوير اختكم عبيطه قرنبيطه مش بتعرف حاجه فى الزمالك
وقطتى الحلوة انها سابتنى اروح على الرغم من انه يوم عيد ميلادها

ملحوسه :- انا اجازة بقى وهخلص منكم ومن النت خخخخخخخ ليوم الجمعه بجد تعبانه ومحتاجه اقعد مع آبى شويه تراجع نفسها فى حاجات كتير قوى قوى ....ممكن ابقى اعمل تحديث للصور تانى ههههههههه وانزل صورة تانيه ليه
وكمان الشغل صعب عندى فمحتاجه هدنه بس هبقى اتابع تعليقاتكم على الكوكب عندى بس مش هقدر ازور حد لانى تقريبا هقفل النوبيل وارمى اللاب توب (زامباتيكا) فى الدولاب فترة وعلى فكرة ده اسمه هههههههخخخخخخخ مش ماركه يعنى انا سميته كده
وكل سنه وانتم طيبين بمناسبه اى حاجه وكل حاجه


كان معكم استاذه مذيع شنيع فظيع مريع آبى هانم وربنا يستر منطلعش من الحرة على لازوغلى وبركاتك يا صباغ