الموضوع ده مش احنا اللى عاملينه اللى عاملاه بوسبوس صاحبه مدونه روح بسبوس للى يحب يشارك وربنا يجازيكم خير
دخلنا على النصف الثانى من رمضان واحنا لسه حاسين اننا معملناش حاجة!!يمكن لاننا شايفين ان الفرص كتير ويمكن تعوضها

بفضل الله الخير بيزيد فى رمضان وناس كتير بتزور المرضى وتفطر معاهم وتخفف عنهم الآلم وبعد رمضان قل ما تذكرنهم

طيب ايه رأيكوا لو نعمل الخير فى رمضان ويستمر كمان بعد رمضان؟؟؟
كمل بس وانت تعرف هنعمل ده ازاى

المعهد فيه 100 طفل فكرنا نجيب لهم حاجات تفيدهم مش وجبات ولا أي حاجه تانيه لازم يحسوا أنهم مش ناقصهم حاجه علشان كده وبمناسبه قرب العام الدراسي هنوزع عليهم شنطه مدرسيه فيها

-شنطة مدرسية فيها أداوات مدرسية

نص كيلو عسل نحل لانه علاج ليهم

عدد 2 لعبه أطفال

عدد 2علبه عصير

----------------------------------

طرق المشاركة..مش شرط مشاركة مادية

-----------------------------------

هنتقابل عند معهد الاورام القديم يوم الاربع الساعه 3.30وندخل نوزع الحاجات اللي هتكون جاهزة معانا بالفعل المشاركات مش شرط مادية انت ممكن تشارك معانا بالزيارة وتوزيع الشنط على الأطفال وتحسسهم ان فى حد مهتم بيهم

ولو تحب تساهم ماديا سعر الشنطة الواحدة 40جنيه بمحتوياتها

لو مصمم انك تتبرع ماديا

ممكن تتصل برقم الموبيل المكتوب وتتفق على الميعاد والمكان اللى يناسبك علشان تديله الفلوس

0111600295

او "لو مش معاك رصيد" ممكن تبعت لمحمد مفيد رسالة على الفيس بوك وتعرفنا هتشارك بكام شنطة ويوم الزياره تجيب معاك التبرع وتشوف فرحة الاطفال بزيارتك بنفسك

وده الأيفنت اللى ممكن تبعت منه لمحمد مفيد

http://www.facebook.com/event.php?eid=157794283297

الخيييييييييييييير جاى لحد عندك...فى رمضان...حرام الفرصة دى تضيع ومتنساش ((ما زار مسلم أخاه المسلم في الله ولله إلا ناداه الله عز وجل أيها الزائر طبت وطابت لك الجنة))

غير انك هتشوف ناس يهمها تسعد الاطفال دى وممكن بعد كدة نفطر مع بعض في أي مكان أو اللي حابب يفطر فى بيته يفطر

------------------------

هاتجلنا المعهد ازاى

معهد الاورام القديم بجوار القصر العيني علي الكورنيش

طريق الوصول للمعهد أقرب محطه مترو هي محطه مترو السيده زينب بعد الخروج من المحطه تمشي في الشارع المقابل للمحطه للاخر حوالي 3 دقايق هتلاقي القصر العيني . المعهد بجواره

اوالقادم من التحرير ممكن يركب اي ميكروباص رايح حلوان او المعادي من موقف عبدالمنعم رياض ويقوله انزل عند المعهدحوالي 3دقايق برضه من التحرير

------------------------------

يالا يا شباب مستنينكم يوم الاربعاء ان شاء الله مش مهم تكون متبرع المهم تحاول ترسم بسمه علي وجه طفل بجد محتاح يحس أنه عايش معانا

-----------------------------

وربنا يجعله سبب فى عتقنا من النار هذا العام

-----------------------------

اضعف الايمان تعمل انفيت لاصحابك علشان يعرفوا بالايفنت ده وده لينك الأينفت

http://www.facebook.com/event.php?eid=157676859837&ref=mf

وممكن تنقل الموضوع فى مدونتك

اللى عاوز يعرف ايه حصل فى المستشفى والزياره كانت عامله ازاى بالتفصيل الدقيق ولا تحريات محابس امن الدوله يدخل هنا عند فاتيما يقرا كل حاجه كليك هنا او انطح علشان الناس اللى بتحب الكلمه دى

انا بجد بشكر كل الناس اللى جت واللى كلفت نفسها سفر من بلد لبلد علشان تشارك واللى عملوا حوالات من بره مصر علشان يشاركوا فى اليوم ده واللى حضروا وساعدونا حتى بعد ما خلصنا اليوم كان هايل والفطار اتاخر علينا بس الحمد لله مأكلناش بعض وكان برضه اليوم حلو ومنها للى اكلت دراع جوزها خيخه هانم اللى اتقرحت المكان لها يوم ازنقها فيه بس بجد المكان كان شيك وفى المستشفى عملنا كل اللى ربنا قدرنا عليه الحمد لله كمان بشكر استاذ محمد صاحب مدونة شويه كلام على الكلام الكتير الحلو اللى قاله ليه وبجد شرف ليه انك تقولى كلام زى ده وشهاده اعتز بيها وداليا حبيبتى اللى تعبت يا عينى بس احسن تستاهل
وخالد همس الاحباب اللى كان بينزل لنا الاكل بالعكس الطبق الرئيسى الاول وبعدين السلاطات واخر حاجه العصير والبطاطس
بس تعب برضه روحوا بقى اقروا عند رويتر هانم المدونات فاتيما وجزاكم الله خيرا

الحياه ليست حلم ولكنها واقع لابد ان تعيشه ولا تعتمد على خيالك

الحب ليست كلمه ولكنها مسئوليه كل فرد تجاه الاخر ولكن هناك فرق بين المسئوليه بحب والمسئوليه باجبار

الصداقه نادر ما تتواجد بين الناس وذلك لسببين الاول الانشغال الدائم ومتطلبات الحياه
الثانى الانانيه المفرطه وحب الذات عند البعض

الموت حقيقه لا يمكن تغيرها
الله سبحانه وتعالى حقيقه ندركها بعقولنا وقلوبنا

الرزق ياتى اليك عندما تسعى اليه بجهد

الحبيب هو من اغمض عينى على صورته وابدأ نهارى بصوته

حكمه الامبراطوره

اذا كان الرجل بحر فعلى المرأه ان تكون عوامه