باختصار التضحيه اللي هتقدمها في حياتك والتنازلات هتتعامل عليها انها حق مكتسب ومهما عملت هتفضل في نظر الآخر مقصر وغير أهل للثقه رغم اعترافك بغلطاتك ورغم أنه ممكن يقول إنه مقدر ومسامح هيفضل برضه نفس الشخص عديم الثقه فيك 

نطلع من دا انك عيش حياتك زي ما انت واللي يتقبلك هيقدر شخصيتك وروحك وحياتك وكل ما تقدم خطوه هيقدم لك خطوات في النهايه اخرجوا السم من داخلكم وابعدوا عن العلاقات السامه المؤذيه مهما كان وجعك في البعد لانك حبيتك بإخلاص أو اتعاملت بحب واهتمام وصداقه ابعدوا عن العلاقات السامه

غابت عن عالمها الواقعي منذ سبعه عشر عاما كانت جسد بلا روح قلب ينبض لمجرد ضخ الدم فى جسدها الضعيف تركت نفسها للواقع يؤلمها والعالم يتلاعب بها بطيب خاطر فهي لم يعد لديها الرغبه فى الحياه
كانت تعود للحياه عندما تعيش مع طيفه ذكرياتها معه عندما تتذكر كلامه وكلامها عندما تنظر الى عينيه
راحت فى غيبوبه منذ احدى عشر عاما بعدما انفصلا نهائيا واختار له حياه اخري ينعم بها
تركته وهى لا تعلم لماذا تركته ولماذا هو تخلى عنها وطارت كل الوعود راحت فى غيبوبه منذ ان ادركت ان حبه لها مرتبط بحبها له هى من تتحكم هى من تحدد واجهت واقعها واستوعبت ان حبه لها مرتبط بحبها وتصرفاتها معه وليس حب نابع من داخله
وفى سنوات الغيبوبه كانت كل الاجهزه المرتبطه بجسدها النحيل تعمل عندما ترى طيفه فى حياتها وكانوا الدكاتره يحتارون لما هذه الافاقه الغير معلومه وكانت تنظر الى جسدها وهو على سرير الموت وتستعجب لماذا جسدى لا يقاوم كانت تمسك بيده وتهمس له مش مهم المهم ان روحي معاك وتتحول لطفله تلهو وتلعب وتضحك وتملاء الكون بحنيها
ومره تلو الاخري كان يخذلها ويترك يدها فتتوقف كل الاجهزه مره اخري ولا يعلم احد سواها ما السبب
فهو كان الروح هو الحياه بالنسبه لها كان يظن انه كل مره يتركها انه يجعلها اقوى ولكن بغبائه كان يقضى عليها تمام
الى ان قررت فى يوم ان تفيق من الغيبوبه وتستعيد حياتها ولكن بدونه بدون طيفه بدون قلبها بدون روح قررت تكمل حياتها الواقعيه وهى جسد بلا روح بلا حب بدونه

ولكن عندما قررت ذلك
كان جسدها قرر ينهى حياته ينهى الامه فقرر ان تتوقف جميع العلامات الحيويه وماتت وهى على سريرها وروحها تنظر اليها وتصرخ لابد ان تقاومى لابد ان تعيشي بلاااه فهو لم يكن لكى يوما ولن يكن ورفض جسدها هذه المره الانصياع لها وانهارات روحها وجسدها معا .

مساحه شخصية

  حقيقي المرعب هو الوضع اللي وصل له الانسان الناس بقت غريبه بشكل لا يصدق بقي فيه عدوانيه كبيرة جواهم لما اقعد ادور في الفايس بوك واتفرج علي تعليقات الناس علي بعضهم وكميه الهجوم الفزيعه وخاصه بين الستات والرجاله الوضع بقي مخيف .
بس لو دورنا في الاسباب هنلاقي كتير منها ان الراجل دائما بيحاول يكسر الست وميبقاش لها شخصيه من مبدا انتي تطعيني وبس ملكيش راي ويوم ما يبقي بيحاول يمثل انه منفتح ويسمع بياخد رايها من باب ارغي يا حبيبتي وخلصي الصابون اللي في بؤك
ويا سلام لو علي صوته ولا ضايقها وحاولت مره واتنين تفهمه برضه بياخد كلامها ويرميه في أقرب تراش جنبه الصدمه بقي الراجل لما بلاقي الست دي رغم حبها الشديد ليه قررت تلبسه التراش في دماغه بيتصدم ويزعل ومش فاهمه برضه ايه ما حضرتك اللي حطيت في ودانك طين ومسمعتش كلامها
احنا علي فكره ارق ما يمكن وبيضحك علينا بكيس شيتوس أي نعم بس وقت الجد بنتحول تيناصور وديناصور وتنين وحاجات عجيبه
الرجاله مش عاوزه تصدق ان فيه ستات كتير تكوينهم العاطفي اتغير أه بحب بس مش هسمح باستغلالك لحبي أه بسمع كلامك بس مش همشي وراك وانا مغمضه أنا مقدرش اعيش من غيرك بس وقت ما تحاول تجرح كياني وشخصيتي هعيش بجناحات بعيد عنك ومع كل دا برضه هحبك بس مش هتحمل الاذي النفسي بتاعك
فيه ستات العكس بتتحمل كل شئ ودا لاسباب كتير جدا تخصها بس مش كله زي بعضه
النهايه العداوه جت حتي من كلمتكم اللي حتي بتعاكسوا بيها الموضوع بقي دخول في مناطق شخصيه مينفعش تدخلوها .

اصعب حاجه اليومين دول الناس اللى بنقابلهم فى حياتنا مش الحقيقه طبعا فى الفايس بوك عاملين زى البلياتشو بمليون وش وش 

اخلاق الناس فى ضياع فعلى كل يوم بيمر بلاقى ناس وششهم صعبه اللى كانت عامله صديقه وهى بتتمنى لك الشر واللى بتنقلك كلام عن واحده وتالاقيها بتتكلم عليك مع انها عامله صديقتك واللى كانت بتكتب وتدافع عن بلدها واتحولت للجنه بتقبض فلوس او تسهيلات لمشروع ولا شقه ولا وظيفه المهم تمشى امورها 

انا اصلا معرفش ايه رجعنى هنا بس يمكن ارجع اكتب تانى افضل ميه مره من انى اكتب حاجه لناس قلوبهم مليانه حقد ووشوش اتغيرت

عاد لينتقم 

حتى لو محد قرأ كلامى انا برضه مبسوطه انى رجعت اكتب وافضفض

انا مش اخوان بس انا بحترمهم انا مش اخوان بس انا ضد الدم ..... كلمات لطيفه بسمعها كتير اليومين دول طيب انت مش اخوان بس بتحترمهم على ايه انت مش اخوان بس ضد الدم اى دم بتقصد دم المصريين ولا الاخوا

ن للاسف رحت انترفيو قريب والمدير كان ايرانى بعد ما اتكلمنا عن الشغل كله بالعربى بما انه بيعرف عربى على حد قوله وضحكته الحلوه لبلب وهو فى نظرى لا يتخطى لامار بنتى فى الكلمات العربى بل يمكن هى كلمتها مفهومه بالنسبه لى على الاقل عنه ولكنه اصر نتكلم عن الوضع السياسى فى مصر بالانجليزى هذا الشخص لا يحمل اى معلومات كافيه عن اى طرف وكان ضد السيسى ولا اعلم ما السبب ولكن لتعاطفه مع الاخوان لما شرحت له الوضع الحقيقى فى مصر واللى انا شيفاه من وجهه نظرى البتنجانى قالى والله هرام مصر راهت فى شوربه ميه ... طبعا مسكت نفسى من الضحك على شوربه الميه دى اللى انا مش عارفه طعمها ازاى بس شخص فهم وعرف اقتنع انما انا بلاقى ناس اللى على لسانها انا ضد الدم طيب يا حبيبى كان قالك اننا بنلبس مايوهات وننزل نعوم فى الدم ولا بنشرب منه كاسات ما كلنا ضده ليه لو انا موقولتش وااااااااااااه رابعاه ابقى موافقه على القتل وليه لو مقولتش السيسى حلو ابقى ضد الجيش باى منطق بتتكلموا هنفضل طول عمرنا متطرفين شمال يا شمال مفيش وسط ابدا دا حتى الوسط بيبقى جميل لما يبقى متحدد وتلبس عليه حزام بفيونكه 

اغسلوا عقولكم يرحمكم من فى السماء ويغور من فى الارض بس حتى لنفسكم 

انا فى الغربه محدش عاوز يصدق انى مصريه وبدات اقتنع بالفكره وادور جنسيه تانيه بس الحقيقه مش لاقيه غير المصريه لايقه عليا وحباها بلاش الشكل الاهبل والمتخلف اللى الناس واخداه عننا بقيت اقلق على ولادى من الفكره واتبسط انهم ملونين وعيونهم ملونه علشان محدش يقولهم انتم مصريين ودا لانى هزرع فيهم مصر ولازم تطغى على شكلهم بس بالشكل دا البلد دى لبست فى شجره باربع حوافر ومفيش لها مخرج اللى بيقولك معندناش طائفيه ولا تفرقه يبقى لا مؤاخذه عاوز يغير عيونه مش نضارته وقلبه بالمره ارحموا نفسكوا من الهرى 

على الهامش البهاوات اللى قاعدين يحللوا امن الدوله كلمه واحده بس هقولها لكم الناس دى مش غبيه وميفهمش ظباط امن الدوله الا اللى عاشرهم وصاحبهم وفهمه هما اذكى مما تتخيل 

ضربتهم الاخيره لنوشتاء الغبرا الباميجيه كانت واضحه بيسبوهم يفروحوا بشويه ورق وهما بيسجلوا لهم وسيبكوا من حقوقهم ولا مش حقوقهم جتكم كسر حقوكم البلد ومصلحتها مفيهاش حقوق يا ولاد الحقوق

واخيرا هرجع واقرفكم ويا انا يا انتم يا ذوات الاربع

انا شخصيه مختلفه عن الاخرين معنديش تعامل بلون رمادى حاده وطباعى مزفته بطين  ... بالمناسبه بنتى طالعه زى بالظبط يعنى اضمنوا ان فيه حد هيقرفكوا فى عيشتكوا العمر كله ....ودا معروف لكل الناس 

فجأه وبعد انهيار مرسى من على الكرسى الاقى انى بروفايلى على الفتيس توك فيه خلايا نايمه اى والنيعمه لا وخلايا متحوله من اجل التحول فقط انا شخصيا ومدونتى تشهد على كدا معنديش مشكله فى التعامل مع كل الناس وبكل تفكيرهم اخوانى سلفى مسيحى بس يكون واضح توجهه مش واحد طول الوقت منحنح وطول الوقت معسل فى بعضه وفجأه يتحول انه لكائن خرفانى دا اللى مش هقبله ابدا والغريبه ان اكتشفت ان اللى حصل طلع الكائن الخرفانى اللى داخل ما كانوا يدعون الصداقه او الزماله او حتى مدونين والاغرب انك لما تسال حد انت اخوان يقولك لا مش اخوان  طيب لما انت شايف ان أخوان تهمه وانها مصيبه سوده وحاجه تعر بتعملها ليه 

علشان ايه التلون اللى زى الحربايه فى حياتكم على كل لون يا بتاستا زى ابو الفتوح الدهول بالظبط مع التيار رايح وجاى 

المهم مصلحتى 

بالمناسبه لاحظت فى اغلبيه اللى مش اخوان بس بيحترموهم واللى اخوان بيغلطوا حتى فى كتابه اسمائهم كنت قد ايه بتأذى لما الاقى ست كبيره كاتبه كلام مش عارفه اطلع منه بسطرين صح مع العلم انها مربيه اجيال 

طيب واحده زى انا اصلا بتنجانى ودلوقتى ام لتنين صغير وديناصور توأم يعنى بقت بتنجان رسمى تغلط محدش هيلومها انما دول ايه ها ايه

الغريبه ان الواحد تيجى تكلمه فجأه ينط فى ضميرك زى الفأر ويقولك ايوه انت شمتان انت بتنجان انت بربهان يا عم انا صعبان عليا الناس يقول لا انتم كذا وكذا انتم علمانين ابص للكلام واتنح وحواجبى تتشعلق فى الهوا واقول يمكن انا كدا بس انا فاقده الذاكره ما برضه العيال وخلفتهم تجنن المجنون

كانوا زمان بيقولوا

على الناس اللى بتقطع الطريق بلطجيه وكانوا بيبرروا السحل والضرب ويقولك هئ هئ هئ وهى ايه اللى وداها هناك حد قالها تلبس بكابسين حد قاله يحط رجله فى بؤ الاسد ( أقوال الخرفان) 

دلوقتى يمهل ولا يهمل بيتعمل فيهم نفس اللى برروه وبرضه الواحد مش عارف يشمت 

ومازال الخرفان على نفس الغباوه والاعجب مصدقين نفسهم 

طيب بالزمه مرسى ايه اللى يرجع يرجع علشان يعدم اللى فى الجيش يرجع علشان ينفى ناس كتير طيب انتم هبل ولا مجانين جيش مين اللى هيفرج عنه مرسى بيتحقق معاه بتهمت الخيانه

مرسى مين الاهبل اللى يرجع اللى طالع يقول لازم نحافظ على سلامه المخطوفين

الهوى دا أيهم ابنى ميقولش الكلمه دى 

ناس بتقول هما اللى فى رابعه تاعبينكوا فى ايه احب اقولكم روحوا شوفوا البى بى اللى بيعملوه فى الشارع وانتم تعرفوا روحوا شوفوا الروايح اللى فى رابعه وانتم تعرفه بالمناسبه بطلوا تقولوا ميدان رابعه لانه مش ميدان دى اشاره يا جهله بس معلش بحكم الاقاليم واللى بعيد عن القاهره مش عارف انا كنت ساكنه فى المنطقه دى وعارفاها شبر شبر

بالمناسبه اللى فى التحرير مكنوش بيعملوا بى بى فى جناين بيوت الناس

مكنوش بيطبوخ وبيدبح لهم عجل يا عجول يوميا 

لما اتقفش معاهم جبنه نستو وكشرى قالك جبنه نستو وتفاح يا معفنين 

اعتقد الناس دى هتفضل طول عمرها فى غباوه وربنا مش هيحرمهم منها 

فالينعموا بغباوتهم وللننعم بالضحك علىهم

كان معكم ابى هانم ام أيهم ولامار من قلب الاحداث فى الكويت 

مصر لم تعد كما هى كلنا تأملنا الخير بعد ثورة ضاع فيها شباب زى الورد تاملنا جميعا ان تصبح بلاد متحضره تعيد امجادها ولكن من الواضح اننا مكتوب علينا نعيش تحت حكم حيوانات فمن قبل الاستبن الخرونج كانت البقره الضاحكه والان الخرفان ( عذرا فهم ليسوا كخرفان كوكبى ) وانما هما خرفان من نوع اخر خرفان استرالى لا تعى ولا تفهم وليس عندها ولاء سوا لذئب ولاول مره فى خياتى اشعر انه هناك تناغم بين الذئب والاغنام الاسترالى فهى غبيه بطبعها ليست كخرفان كوكبى البلدى التى تعتمد على ذكائها حتى فى اكلها فهم باكلون من تحت اقدامهم يجددون المبررات الواهيه لخروف كبير يعيش تحت رعايه ذئب ليس همه سوى ان يفرض سلطانه وهيمنته هو وجماعة الذئاب الجائعه على العالم العربى وكل هذا تحت دعوى انهم ينشرون الاسلام .

اى اسلام لا اعلم اشعر وكأن مصر كانت تعيش فى عباده الاصنام العجوه نصنعها وناكلها وجائم هم ليحررونا من عبادتنا للاوثان ولا يدركون طبيعه الشعب الذى يعبد الله الواحد الاحد بجميع اطياف ويؤمن بالرسل سواء كان مسيحى او مسلم 

جماعه اخذت الدين ساتر لكل افعالها والفاظها القذره لا ادافع هنا عن شخصيه بعينها ولكن لا اعلم باى دين يخرج شخص يتهم انسانه بشرفها او خروف اخر يخرج يقول سوف نؤسس الدستور غصبا عن الانوف ونسى ان ينظر فى المرأه الى انفه التى مثل البرطوشه يا اخ بلتاجى انت لا تتدعى حشرة او ذبابه غبيه تلك التى نهشها من على طعامنا تعود بكل لزاجه وغباء مره اخرى 

وهذا الصفوت حجازى الذى نسى فضائحه وشقه العجوزه وذهب ليرمى الفاظه القذره يمينا وشمالا 

وخالد عبد الله هذا الذى انزل الله على وجهه غضبه كأنه ابليس اللعين فكلما انظر اليه استعيذ بالله من الشيطان لن اقول كيف تخرج هذه الالفاظ منهم لاننى لا استغرب من صندوق القمامه عندما يخرج رائحه عفنه نتنه تاتى على الامنين فى بيوتهم نتيجه خطأ الاخرين فى الاختيار 

هؤلاء ما هم فى نظرى سوا صناديق قمامه تخرج رائحه عفنه ولابد من حرقهم جميعا 

اتعجب من سيطرتهم على الخرفان الاسترالى فهؤلاء لن يتخطوا ان يسيطروا على قطيع من الخراف الاسترالى العفنه مثلهم 

وعد الخروف المبير باشياء كثيره ولكنه ترك السيطره للذئب ولكن الذئب نسى ان الله هو من يرعى اللذين على الارض .

الغريب ان ينضم للخراف خراف جديده تردد مثل الببغاء كلام لا يمت للعقل بصله كى تطلع علينا حيوانه اسمها نرمين تتحدث عن حادثه الاطفال كأن مشبك غسيل وقع منها قلبى الضعيف لم يتحما كلامها نعم ضعيف بعدما اصبحت ام لطفلين عندما يبكوا ابكى بجوارهم لاننى لا اقوى على تلبيه مطالبهم لانى لا اعلمها ما هى فابذل قصارى جهدى فى ضمهم لى 

تخرج وتقول فرصه للرئيس اى رئيس تتحدث عنه اشعر وكأنها تتحدث عن كائن هلامى خرافى فى دماغها المريض 

لا اقارن ولكن عندما كان مبارك فى الحكم كنا نسلخه حيا ولا يستطيع كلب النباح والدفاع عنه حملناه جميع مصائبنا من عباره لقطار لغرق اشخاص فى الهجره تاتى هذه الحشره وتقول الرئيس لا يقف على المزلقان ولا رئيس الوزراء فاقول لها من موقعى هذا لا وحياه امك دول قاعدين فى التكييف وبيلفوا على الدول يشحتوا علينا 

لا يقوى على مواجهه ارهابين فى جبل الحلال لا يقوى اى خروف فيهم على مواجهه شخص غلبان كيف لهم ان يناموا وهناك خمسون اسره تتألم نتيجه اهمال 

يتحدثون كأن مرسى من نيوجسرسى او فينيسا وليس من بلد فلاحين يعلم مشاكل القطارات مرسى هذا الذى فى 2002 وقف يردح لمبارك ويطالب باقاله وزاره لاهمالها هو ذلك النطع الذى خرج ليصرف 4000 جنيه لكل اسره بكل دم بارد ويقول قبلت استقالته ولكنه لم يقيله اى اب هذا واى عقل يقبل العنجهيه الخرافيه التى تنبع من عقولهم الخاويه

4000 الاف جنيه اقل من ثمن البامبرز فى الشهر الواحد لطفل من اطفالى 

اى مبالغ ستساوى قهره ام فقدت حضن ابنها او بنتها او مقابل اى دمعه من دموع اب 

يا الله انى لا اعترض على قضائك وقدرك ولكن هذا كثير علينا ان نظل سنين اخرى فى حكم حيوانات فنحن بشر ولسنا فى غابه 

اما نرمين ومن على شاكلتها ادعو من قلبى ان تدوق وتجرب ما جربه الاخرين ويستضها شخص وتقول تعطى فرصه 

انا اعطى فرصه للداده لما تحرق الاكل واقول تتعلم اعطى فرصه لشخص خطأ فى تقدير شى وليس فى ارواح 

ومن هنا اصبحت مصر مقبره الزهور 

منذ يومين محمد محمود يشتعل بين ابناء وطن واحد 

هذا لاخروف لم يطهر داخليه ولا شوارع ولا جيش كل ما فعله هو تكريم لهم وجعل حربا اهليه تقوم وهو يهتم بغزه اى غزه ونحنا هنا نتقاتل على كل شئ وهناك خرافا استراليه بيننا

هذا ما جاء في عقلى الا الان والبقيه تأتى فى البوستات القادمه

 ملحوسه اى ابن وسخه خروف استرالى هيدخل يدافع هنشر عرضه ومش هيهمنى درجه قربه منى 

كان معكم برعى المفش عاد لينتقم 

تحديث :- اقروا البوست دا عند خيخه يمكن توصل لكم الفكره اكتر ادخل هنا

كل عام وانتم بخير انا دخلت اكتب لكم عن ابو الريش طبعا فاكرينها واللى ميعرفهاش هى مستشفى ابو الريش اليابانى بتاعت الاطفال اللى فى نهايه شارع القصر العينى لو انت جاى من التحرير المستشفى دى بقالنا كتير سنويا بنعمل فيها تجمع منه تبرعات لمساعده الناس لان الاطفال اللى هناك محتاجين والادويه غاليه جدا والدوله مش بتكفى وطبعا الاهالى مش عندها القدره لدا المستشفى دى مش عليها تسلط اعلامى طبعا لانها مش مسنوده زى الباقى الموضوع دا بقالنا فيه سنين وبتقوم على مجموعه مدونين فيهم الخير 

طبعا انا لان ظروفى خارجه عن ارداتى وبرا مصر فبقالى سنتين بحاول اشارك بالكتابه والاعلان عنها  اللى ميقدرش يروح اليوم دا يا ريت ينشر على تويتر وعلى الفيس بوك والدال على الخير كفاعله

ليه بقولكم على تويتر لانى مشا الله لاقيه مجاهدى ومكافحى الفقر والدفاع عن حقوقهم مليين تويتر وليل ونهار سب دين علشان حق الفقراء طيب يا ريت ميبقاش كلام وشتيمه فى البرجوازيين او الاغنياء وبس يا ريت يساعدوا الاطفال دول لانهم محتاجين 

الموضوع والتفاصيل منشور عن قوس قزح هنا انطح هنا والموعد يوم 11-8 

عن نفسى بعتذر انى مبدخلش مدونات كتير الحمل صعب وانا بقيت شبه البطريق ومبعرش اقعد كتير قدام الكمبيوتر ومينفعش اكتب من الاى فون ان شاء الله اولد وارجع اقرفكم فى عيشتكوا تانى فاعذرونى شويه 

واللى عاوز يعرف اصول الموضوع واللى اتعمل فيه من قبل فينطح هنا 

وعند فاتيما ادخل هنا

على الهامش مرسى قدمه قدم الخير على مصر بس يا ريت ميركزش معانا قوى لان اكتر من كدا هننفجر خليه فى غزه ويسيب دوله مصر الشكيكه فى حالها 

كان معكم ابى هانم كعب الغزال من خليج ابو لهب 

الناس اللى مستنيه النتيجه 

انتوا اعملوا حسابكوا واشتغلوا فى الاتنين علشان على الاقل الصفيق فريق هيمسك المنوفيه بما انهم عاشقينه والاستبن نوزعه حتت على الباقى 

ففى النهايه يا مستنى السمنه من بطن الخنزير

بس وخلص الكلام 

وبمناسبه ان كل واحد يقولك انا ابن الثورة طيب يا ولاد الشعب ارحمونا ودوروا على اصلكوا ومتتمحكوش فى حد 

خلص الكلام 

أشهر من فى ميدان التحرير " لو متعرفوش ده رضوان صبرة رضوان

محارب قديم .. تم تجنيده بالقوات المسلحة قبيل نكسة 67 .. شاهد الموت أكثر من مرة على الجبهة .. وتحديدا فى سيناء .. وخاض حرب الأستنزاف .. وحرب أكتوبر المجيدة .. عاش النصر كما عاش الهزي مة .. وبعد معاهدة كامب ديفيد وخروجه من الجيش .. شعر بأن تاريخه الحربى تم بيعه للصهاينة .. ترك بلدتنا فى صعيد مصر وأقام فى الأرض التى عشقها محاربا .. فى جنوب سيناء .. حتى الأن .. مثقف جدا جدا .. .. له أبن مستشار .. يعشق مصر بجنون .. ويكره من باعوا دم الشهداء للصهاينة .. تخيلوا دخل الجيش قبل النكسة ولم يخرج منه الا بعد نصر أكتوبر .. فلكم أن تتخيلوا مدى عشقه للوطن .. وكرهه لمن باعوا الوطن ...

الكلام دا ملطوش على فكره لانى كنت بشوف صورته كتير ومش عارفاه بس نفسى انزل مصر وابوس ايده لانه فيه شئ جميل ولما عرفت دلوقتى هو مين وايه عنيه دمعه يا رب ولادى يطلع فيهم حب الوطن زى الراجل دا او نصه حتى يا رب اقوم بالسلامه وانزل ادور عليه وابوس على ايده ... رجل يستحق الاحترام 

انا مش من الناس اللى شاركت فى الثورة فعليا على ارض الواقع ودا لسبب بسيط انىكنت برا مصر بس ربنا عالم قد ايه الواد كان بيتقطع حزنت على كل شخص اتصاب ومات اتوجعت لوجع اى ام او اى اب او اى فرد فى اسره فقد شخص ليه 

اتوجعت من الفلول وقرفت منهم وقولت لو قدر ليا الزمن وشوفتهم ها اضربهم باى شئ فى ايدى وانا معروف عنى انى شاطره فى التنشين 

جت الانتخابات واتزورت شفيق كان بيشترى اصوات بميه جنيه فى الدقليها اسألوا حسين عوض ماجد الصياد هناك وفيه واحد تالت مش فاكراه 

زمان كنت بقول  لكم مش بس الحزن الوطنى اللى بيزور الاخوان كمان فيهم اللى بيشترى ويبيع 

الانتخابات دى اكاد اقسم انها محترمه بس لانها افرزت شعب حب حمدين وابو الفتوح وخالد على واعطى لهم صوتهم بدون اى مقابل لايمان بيهم 

حزينه انى اشوف ناس تطلع ترد على ام شهيد انتم هتذلونا بان ولادكم ماتوا ما انتم قبضتوا فلوس 

حزينه انى اشوف حد على الفيس بوك يقول اخيرا غمست ايدى فى دم الشهدا

حزينه ان يبقى اختيارنا دلوقتى ما بين جزمه واستبن او بلوفر واستبن 

مش عارفه ولادى اللى جايين دول هقولهم ايه عملنا ثوره علشان نقطع فى بعض نفسى وعندى امل ان كل شئ يكون كوين مش علشان انا عشت كويس بس علشان ولادى اللى لسه ميعرفوش شئ فى الدنيا 

كان نفسى انزل مصر واربيهم بس فى ظل اخوان او جزمه تانى لاااااااا كتير صعب عليا احنا مزنوقين بين المطرقه والسندان بس املى فى ربنا كبير 

حلول فكرت فيها 

قولت ليه منقتلش شفيق ونتهمها فى مرسى  ونبقى خلصنا من اتنين فى واحد انا مؤمنه بحمدين وبتمنى ينجح

اولا عاوزه اقولكم ان ربنا بيحب اولاد بوساعين علشان انا مش فى مصر اقولكم ليه 

اولا لان حظهم الاسود لو انا نزلت الصبح ولقيت صورته العجيبه دى على عربيتى اول شئ هرفع عليه قضيه اتلاف املاك خاصه 

ثانيا مش هشيل الصورة اى والله مش هشيلها هجيب قلم روج او فلومستر احمر واحط له روج 

واجيب قلم كحل اسود من ديور مش خساره فيه واحط له حسنه فى خده 

وهعمل كدا فى كل بوستر اشوفه فى خلقتى ثانيا اولاد بوسماعين وهو شخصيا من اغبى المخلوقات على الارض لانهم باللى بيعملواه وكلمه موتوا بط.... وبلاش اكمل الكلمه 

بيكرهوا الناس فى الجدع وطبعا دا مش من منطلق حبى فيه لا ولكن انا نفسى يجى واحد بس بيفهم يمسك ام البلد دى 

السبب فى غبائهم كميه البوسترات اللى بتنفر الناس منه وبتخلى الغلابه يقولوا يعنى مش كان عملا حاجه مفيده احسن من الورق اللى شوه بيه الدنيا

الغباء الاكبر انه لو كان استخدم الفلوس دى فى انه يساعد مستشفى او يساعد غلابه كان هيلاقى ناس كتير معاه بدل ما هما ضده بس ربنا لما بيكرهه حد بيسلط عليه غبائه او على اللى حواليه 

فيه فلعوطه هيقولى طبعا فيه ناس هى اللى متبرعه علشان تعمل له البوسترات من لوسهم وهو يا حرام مش بيدفع ولا بيعمل مع انى اشك وكلنا عارفين هو ممول من مين فى بلاد الجاز 

احب اقولهم علشان واحد يتمحك فى بوساعيل ويقوله انا اهو ساندتك وينوبه من الكعكه قطعه هيروح لمدير حملته يقوله انا هعمل مثلا الف بوستر لو هما اذكياء يقوله هات الفلوس واعمل كذا اى عمل محرم واكتب انه ابو سماعين مش بوسترات كأنها شلال ويضان على دماغنا 

وارجع اقول لان ربنا مسلط عليهم غبائهم مش هاديه للتفكير

دا

أخير احب اقول لاولاد بوسماعين اللى هما بيغرقوه وبيكرهوا الناس فيه بردودهم ان الشعب واغلبيته كرهه خلاص اننا هنوافق ان شاء الله بعمر سليمان بس الراجل دا مينجحش 

قرفتونا منه بغبائكم والعجيهب ان البيه بيألش فى فيدو ومبسوط اوى ان الناس قرفانه انها بتشوف صوره 

فى النهايه دى دعوه صريحه لاقامه دعوه ضده فى تخريب ممتلكات خاصه وعامه ودا حقنا 

والله الموفق والمستعان على الاغبياء والمرضى 

كان معكم ابى هانم كايده العزال 

مفيش عذر لعدم كتابتى غير انى فعلا الذكريات والتفاعلات انتهت فى مصر

الحياه فى مصر بتخليك عامل زى انبوبه الاختبار كل يوم فى تفاعل وفرقعه وهدوء وشعرك يوقف وتبقى شبه فيدوديدو او شبه العيال اللى ضاربين شعرهم جل وطالعين من كهرباء 300 فولت

بجد الحياه فى البلاد البلاستيك مفيهاش ذكريات انت حياتك شغل وشوبينج واكل ونوم

لا شئ مفيد ولا مضر اللهم انك تطلع روح شريك حياتك وانت وبختك بقى يا يطلع ابن حلال متصفى ويتحمل جنانك زى زوجى العزيز

يا يطلع مربى كتاكيت فى دماغه ويطلع شبه الرجاله فى الافلام الابيض واسود

يعنى انا هنا بالصلاه على النبى اليوم بيعدى عليا بدون ذكرى كل الايام شبه بعض

مبقتش عارفه اكتب عن حاجه مشاعر متجمده حسه نفسى شبه زجاجه البيبسى اللى اتجمد فى الفريدج ومستنيه الفرج علشان تفك

سامعه واحد فلعوطه هيقولى اكتبى عن مصر اقوله اكتب ايه واحنا فى الهم سواء ما هو اللى ميشوفش من الغربال يبقى اعمى

يا هكتب ونتخانق يا هكتب ونتخانق محدش بقى طايق حد بس ليه ملاحظات على السريع

عمر سليمان ... الذئب صاحب القبضه الدمويه لا يكل ولا يفل وحكم من حديد

الاخوان .... ارمله مطله بتجرى ورا ميراث جوزها لابنها اللى مجبتهوش منه ولما خدته اتهبلت وقلعت ملط وجريت فى الشارع

دراويش السلفين ... لو الميه بتجمد فى الصيف هفكر اصدقكوا

ابوسمعايين ....... مش كدا يا عم الكوتكوت انت ناقص تطلع ليا فى الكويت هنا من كاوتش العربيه ولا الاقيك باعت ليا على الواتس اب

بعض الاشخاص اللى اتحولوا من الثورة وضدها معلش يا كتاكيت اصل الثورة مش رحله طالعينها تقضوا يومين وترجعوا تانى تأخدوا تان فى لاشمس الثوره طريق طويل لغايه لما البلد تنضف واذا كنتوا من اللى قضوا عمرهم برا مصر ورجعوا فى وقت غلط يستمتعوا بفلوسهم هوووووب الثورة بوظت سهراتكم اقولكم فيكوا تطلعوا برا البلد تانى

الطائفيه الكلمه اللى بترعب الناس وكلنا بنحاول ننفيها بلاش تترعشوا كدا منها ويجلكم تبول لا ارداى لانها موجوده فى كل بلاد العالم

سؤال على الهامش هى كل الجنسيات بتكرهه المصريين ليه هو احنا علمنا على قفاهم اوى كدا طبعا بستثنى الناس المحترمه بس يا ربى حتى البنغالى بيكرهنا يخرب بيت ام الحقد الوسخ

رساله لواحده خيخه عندى خبر حلو وحياه امى وامك ما ها اعبرك ولا اقوله لكى وخليكى تتنطى زى السمكه الصاحيه فى طاسه القليه :P

اشوفكم قريبا

حكمه الامبراطوره

انا لست نادمه على عدم معرفتك بى ولكنى نادمه على عدم فهمى لك

أوعى تصدق ان المصريين بيقتلوا بعض عشان الكوره
أوعى تصدق اننا محتاجين قانون طوارئ
اوعى تصدق ان الجيش حمى الثوره
أوعى تصدق ان أمن الدوله مش موجود
أوعى تصدق ان الشرطه مش متواطئه
اوعى تصدق ان الجنزورى هيجيب حق الشهدا
أوعى تصدق خطاب القوات المسلحه اللى هينزل كمان شويه ويقولوا ايادى خفيه بتعبث بأمن الوطن
اوعى تصدق ان اللى نزلوا الاستاد وقتلوا اخواتنا دول يهمهم كوره ولا بلد.

واخيرا اوعى تصدق اننا هنسيب حق الشهدا ولا حق مصـــر غير لما نسقط الخونه ونحاكمهم ونعدمهم ..... الثورة ستنتصر ان شاء الله .

يسقط يسقط حكم العسكر

حقيقى اكتشفت ان مبارك خلبوص خلبصه ملهاش حل كل دول ابنائه دا كان فيه صحه تهد جبل

الست الجاهل دى يوم 28 كانت فى الميدان وبتقول ايران وعراق وفلسطين قتلوا الناس مش الشرطه كان قاعده على النيل وبتعيط فى ميدان عبد المنعم رياض والهوا طير جيبتها وواحد اعترف على نفسه انه ايرانى وعراقيين ومن حزب الله اسمعواا يعنى ناس متأمره وهبله جايين يقتلوا وبيعترفوا على نفسهم

اسمعوا الفيديو وانتم تعرفوا الست شفافه شفافه يعنى

ولا يسعنى قول غير احيه يا ابو سوس احيه

والست التانيه اللى بتقول انه جده من الاشراف فيه ابن من الاشراف عاق بابوه ويطرده من الكليه لما يروح ليه حقيقى الستات دى مخهم ولا طبق الملوخيه

والمؤامره على مباريك الست الشفافه كشفتها

http://www.youtube.com/watch?v=ul4SbjDaYLY&feature=share

الفيديو التانى دا عن شهاده المشير عن القتل يا ريت تشيروها عندكم

http://www.youtube.com/watch?v=dYA0uCVd9U8

اعلم ان الكثير من المصريين لا يعلمون الكتير عن اهل سيناء والنظام البائد نجح انه يخونهم بين الناس ويمثلهم انهم خونه فى حين انه هو الفاسد والخائن

لعب حرب قذره دائما بين القابائل وباقى شعب مصر استطاع ان يخلق فرقه بين الصعيد واسكندريه وسيناء والقاهره اصبح يميز كل محافظه بصفه معينه كى يخلق كرهه فزيع بين المحافظات والناس كى لا نتحد ولكن ظهر الحق اخيرا

ولكن ما يؤلم دائما انه ما زال بعض الناس لا تفرق بين الصالح والطالح ففى كل مجتمع يوجد الخائن والحرامى والقاتل على اختلاف درجاتهم

وجاء هذا الكتاب من ابن العم الاديب الجميل احمد الحج ليوضح للبعض عن تاريخ سيناء واهلها وهذا لمن لا يعى فرحت اليوم عندما ارسل لى ايميل يقولى نسختك معايا يا بنت العم واريد ان ارسلها لكى فى الكويت قولت له على شرط امضاءك عليها

وبالفعل سوف يتم ارسالها لى على الكويت كم انا فخورة بان يكون هناك كتاب يوضح حقيقه اهل سيناء وتاريخهم العظيم فى البلد

واتمنى ان كل الناس تعى وتفهم وتمحى ما فعله النظام البائد

حقيقى وبما انى شايفه المجلس العسكرى مايل للسياسه وبيقبل الاعتذارات الرسميه وبيكتفى بيها والقول ماشى على انها اول مره اسرائيل تعتذر رسميا او نبى مثلا اعتذر فعلينا اننا نقبل كأن عادى ان اقتل ابنك واقولك اسف

يبقى اللعبه كدا والبادئ اظلم واقتراحى للمجلس العسكرى طالما موقفك كدا يبقى اتوقع واتمنى ولو موجوده كنت عملتها نصطاد علساكر وظباط من على الحدود ونعمل زيهم يبقى بالخطأ او نقول اسفين يا حدود

ويطلع المجلس العسكرى من المأزق ويقول ناس مش عارفينهم ويعمل الشويتين بتوعنا وهى لعبه الاحتمالا ممكن مهربين ممكن خارجين اسلاميين مختلين عقليا سمكه قرش وطالما اعتذار باعتذار يبقى تبدأ اللعبه

هذا والله الموفق وخلونا نخلص ونجيب حقنا بايدينا وانا مسؤله عن كلامى وعلى راى صديقى هينفخوكى على خمسه وتلاتين انا معنديش مشكله ان شاء الله اتنفخ على تسعين بس دم ولادنا ميروحش بلاش وعهد الكلب مبارك انتهى ومش قابلين بيه

وقصه المسوده اللى بالغلط عار عليناا مش عيب ننضرب وفنزويلا تطرد السفير الكلب والله عار ويبقى احنا اسفين يا مسوده طالما ابسط الاشياء مش قادرين يعملوها

وعلى فكره يا سياده المشير الاعتذار مش مقبول ولا حتى وقف التصدير للغاز اللى من قوتنا الحل العقاب والبادئ اظلم

تانى سنه مقدرش اجى على رمضان لمصر مع ان انا واثقه كدا وتأكده ان مفيش مكان فى العالم كله زى مصر فى رمضان ولا احتفالات ولا فوانيس ولا مساجد ملونه بالزينه ولا الناس اللى فى الشارع بتفطر الناس ولا اى حاجه

حتى عمل الخير الوحيد اللى بيخلينى مبسوطه وفرحانه وبقابل ناس كتير وبكون فى نفس الوقت مرهقه مش هقدر اكون متواجده فيه

مستشفى ابو الريش وقد ايه المكان دا محتاج لينا ومتاج لمشاركتنا كل سنه فيه

وقد ايه انا عارفه ان فيه ناس كتير جدا مبتقدرش على علاج ولادها ومجتاجه ان ربنا يشفيهم

لان ابتسامه الطفل دى تعنى كتير اوى لاهله ولاى حد يا ريت نشارك السنه دى فى ابو الريش التفاصيل هنا عندى داليا قوس قزح مانتى الصغيره انطح اللينك دا http://kouskoza7.blogspot.com/2011/08/blog-post.html

التجمع بعد الفطار هيقوم بيه خالد همس الاحباب الرجل الفولاذى

اتمنى انكم تشاركوا وانتم موجودين فى مصر لان صدقونى الاشتراك بوجودكم وذهابكم للمستشفى مش زى التبرع من بعيد الا اذا فيه حد مش قادر

وكل سنه وانتم طيبين

وحشتونى والله ومتابعه كل الناس تقريبا بس مش بعلق ودا اكيد تعبت من الاراء وتعبت من بعض ضيق الافق وزعلت من الاحداث بس رجعت اقول وحشتونى وكل عام وانتم بخير وبس كفايه الى اشعار اخر

ودا الفانوس اللى بقالى من السنه اللى فاتت مش عارفه اجيبه اللى يعرفه يبعت ليه فانوس يبقى اجدع شخص فى المحروسه

بالمناسبه برغم كل الاحداث انا برضه فخوره انى مصريه وانى منكم وبنتمى للبلد العظيم دا

ربنا يجعل كل ايامنا خير وسعاده ومقالب حرميه

حكمه الامبراطوره

لا تكن بالمقشه فتنكسر ولا تكن لين كالملبن فتتأكل

طبعا كله مستغرب من اختفائى ورجوعى الحقيقه انا نزلت مصر فتره طبعا قابلت ناس وشوفتهم وناس عرفت انى جيت وكبرت وناس طنشت وناس حاولت والناس اللى كانت بتمثل الحب وانى وحشاهم فى النهايه اللى كان نفسى اشوفهم فعلا شوفتهم

كنت نازله قلقانه مصر مفيهاش تغيرات كتير دا مبدئيا كل مشكله الناس فى عدم السهر والسرمحه والحقيقه انا ملقتش مشكله كبيره معايا فى القصه دى لانى بقالى سنه متعوده انى انام بدرى واصحى لشغلى بدرى واخرى فى الويك اند الساعه اتناشر وانام

الملحوظ بلطجيه عباس العقاد زادت

نفشه الريش على بعض الناس اللى ملهومش اصل ولا فصل وعره حسوا بنفسهم وفكروا انهم حاجه

العسكرى الغلبان اللى حصل لامهم انكماش وحسه انهم موقفين عيال من ابتدائى ملوش اى ذنب باللى كانوا بيعملوه شويه الظباط المتخلفين الغير محترمين فى الناس يا ريت منطلعش دا فى دا

لانى انقهرت من البلطجه اللى بشوفها فى السواقه وخاصه من جرابيع الميكروباصات

النهايه امهات كام ظابط من اللى انا اعرفهم شخصيا يا حرام لسه عايشين الدور وشايفين ولادههم اللى بيشربوا مخدرات ومرتشين انهم مظلومين ومحترمين وربنا ها ينصرهم وفيه واحده معينه عاوزه اقولها يا شبعه بعد جوعه يا محدثه النعمه التصوير بتاع مكتب العدلى انتى مش شايفه المكتب بالفخامه دى وان الشباب عروكى دا بقى على اساس انك بنت سلطح باشا وعايشه فى القصر الرياسى يا خالتى اللى يشوف شقتك ولا اللى يشوف عربيتك ولا شقه اسكندريه ميقولش انك تجرؤى تقولى كدا على شباب ضفرهم برقبتك انتى واهلك كلهم وساعات بتعيشى الدور وتنسى انك كنتى ولا زلتى ولا شئ ولو ناسيه اصلك يا ريت تتقى ربنا شويه فى صحتك لانك ايامك فى الحياه معدوده والحقيقه مش فاهمه انتى ليه واخده الدنيا على طر مناخيرك جبتى الثقه فى نفسك دى منين صحيح خنفسه شافت ولادها على الحيط قالت دا عقد لولى

الاهم من كل دا تعليقى على المجلس العسكرى واللى بيعمله يا سياده المشير بطل شغل البالونات والفرقعه اللى بتعمله فى اهالينا كل شويه وترجعوا تتطلعوا بيان بخصوص اللى نشره الاعلام فيه ام قانون اسمه قانون الصحافه يعاقب اللى بينشر اخبار غلط لو انت صادق ليه مش بتطبقه

يا سياده المشير اللعبه القذره اللى بتحصل مش فى مصلحه البلد بطل شغل الهى الكلب بعضمه

يعنى فتنه طائفيه

بعدها اشاعات اقتصاد بعدها هروب مساجين من اقسام كأن الماسوف على شبابه العادلى كان بيجيب اقفال صينى للاقسام

وتيجى فى النص ترمى مهموز صغير وتقول سوزان اتنازلت وهنعفو

سوزان مش ميراث ابوها اللى سابوا لها دى فلوس الناس اللى سرقتها مش بكيفها تتنازل غصبا عليها

ومفيش عفو

ومش بمزاج مبارك يطلب نعاقبه ازاى علشان برضه يتنازل

محدش يملك حق العفو غير كل اهالى شهداء مصر من تلاتين سنه دا دم ياللى معندكوش دم

شويه الارجزوات اللى بتلعبوهم وترجعوا تقولوا احنا بنحترم القانون احب اقولك مبارك كان بيقول زيك كدا وكان فيه قضاه بيموتوا بالذبحه الصدريه علشان ضميرهم انت تقدر تخلى القانون بمزاجك بس اللى انت ناسيه ان الناس واللى لهم حق مش هيسكتوا

الكسب غير المشروع اللى واضح ان القانون بتاعه فيه خرم فى المله شكله بيقبض على كل راس

يا سياده المشير متولعوش البلد انتم عملتوا كويس من الاول كملوا بقى

واياك تنسى انت او عصام شرف او عيسى او اى شخص

ان فى كل مكان ما زال شرفاء ومحترمين وانت يا سياده المشير بيتك كله زجاج يعنى عندك ظباط فى ثانيه هتهد الدنيا متولعش مصر علشان صداقه شخصيه متولعش مصر علشان ولا حاجه

مبارك اتذل وهنفضل نذله لاخر نفس فى عمره لان اللى طلع برا مصر فعلا حس بالذل والاهان اللى كان مسببه لنا الكلب دا اكتر من اللى جواها

والله الموفق انتهى

وسمعنى زغروطه يا عدلات