الشرطه لما تلبس طرحه

انا عارفه انى قاعده لوحدى اهوى هنا ومحدش بيقرا ليه ولا حد بيسمعنى بس عادى اهو بعمل اللى عليا
اولا الشرطه ايوه لبست طرح العادلى بيحمر عينه ويقول لمبارك انت من غيرى ولا حاجه
وادى اوامر للشرطه تقعد فى بيوتها
سؤالى بقى لكل شرطى ولا لكل ام ولا اخت ولا حبيبه حتى يا ريت تسألوهم قولوا لهم انتم بتشتغلوا عند العادلى وقولته له هو القسم ولا للوطن
كل الشرطه اللى قعدت فى البيت من راى تتخلع وتنزل تكنس الشوارع كل اللى ساهموا ان البلد تتحرق ينزلوا يشتغلوا بوابين دلوقتى لمحايتها دول عار على البلد اصلا
اذا كان العادلى ها يتحاكم يبقى كل اللى قعدوا يتحاكموا
العادلى مستكبر ودماغه جزمه عن مبارك
اللى بيحصل كان منظم جارتى بكلمها فى مصر والقسم على بعد 100 متر من البيت بتقولى القسم اتحرق الاول وبعدين هجموا على لابيوت بس احنا عندنا رجاله فى العماره انا بقولها دول لو الستات طلعوا عليهم ها ياكلوهم انا عارفه
والجيش نزل التجمع وبينزل فى اى مكان

المشهد التانى

قناه الجزيره اول يوم تعاملت مع اللى بيحصل على انه اتنين بيتخانقوا وطنشت
بعد كدا لقت الموضوع فيه سبوبه بدأت تزود لما الدنيا هديت بدأت تسيب صور وتقنع الناس ان فيه ناس فى الشارع على لارغم ان مكنش فيه غير قليل مع الجيش اللى بيحموا شوارعهم
متنقلوش كل حاجه عن قناه الفطيره اصل شعللتها دى اكل عيش


المشهد التالت

العربيه قناه العربيه فيها سم قاتل بتجيب ناس من بيوتها مستحميه وحاطه جل وتقولك انا كنت فى المظاهرات والناس اللى بتخرب لا الشرطه والامناء هما اللى خربوا لحظه انسحاب الشرطه الحزب الوطنى اتحرق
الموضوع منظم ججدا من العادلى بعد ما ادى اوامر بالانسحاب وانهم يسيبوا اللى فى السجون
قناه العربيه فيها سم قاتل

المشهد الرابع

القنوات المصريه اول يوم كانت بتدى للناس مهدئات لغايه لما وعيت للصح وبدات توعى الناس وتساعد فعلا لما جيرانى اتصلوا على المصريه فى خلال ربع ساعه فعلا الجيش وصل عندهم انا اللى خلانى اتصلت انى سمعتهم بيتكلموا فى المصريه


المشهد الاخير

انا مع عمر سليمان عمر سليمان مفيش حاجه تشوبه شفيق محترم جدا وسمعته حلوة
الوباش بتوع الاحزاب المعارضه اللى ركبوا الموجه زيهم زى البرادعى كل شويه يقولك نعمل حكومه وطنيه ودستور وقصص وكل ما المذيعه تسال طيب فين دول طيب سمى حد بيتهرب حاجه منتهى القذاره يعنى
راى مبارك اول مره يتصرف صح انه يعمل نائب ويعين شفيق لانه كدا او كدا ماشى لو مشى وساب البلد فى ايدين الوسخين الباقينن فعلا هتولع بجد اذا كان الاحزاب ببتخانق ما بينها وبين بعض داخليا علشان رئاسه حزب تفتكروا مش ها يتخانقوا على تفصيل دستور كل واحد على حسب هواهم وعلى رئيس
انا شايفه ان اللى احنا فيه انجاز نهدى علشان منبقاش عاملين زى تونس بقينا بنحتج لاننا محتجين
العالم كله عرف دلوقتى ان شعب مصر مش قليل واى رئيس ها يمسك هيبقى عارف دا
نهدى ونشوف بيوتنا ونتكتل ونحمى مصالحنا ومنسبش مخربين

فى النهايه دا راى انا شخصيا اللى مش عجبه مش مشكله بس يحاول يفكر بطريقه اهدى بس

فاضل على الحلو تكه


تحديث مش عارفه ليه قلبى مش مرتاح دلوقتى تابعوا الاحداث يمكن تفهموا
مش عارفه ليه الفأر بدا يلعب فى ودنى طيب تابعوا معايا الاحداث الشرطه تنسحب بسرعه وحبه نونو من الجيش يطلع وفجأه يحصل حريق والشرطه والمطافى والجيش مسقع والقنوات المصريه بتخلى ناس تبعها تتصل وتقول بيتى بيتحرق وابويا ها يتحرق ومتسمعش قطه جنبها وهى بتتكلم
ومبارك خانث يا خوفى يطلع يقولكم بكره شوفتوا انتم من غيرى عاملين ازاى قلبى مش مرتاح

وعازلين مصر حتى بالتليفونات الارضى
انا مش عارفه كلامى ها يوصل ولا لا يا جماع بس اللهى يخليكوا انزلوا انتم واحموا البلد النظام عاوز انه يقولكم شوفوا اهو انتم من غيرنا ولا حاجه
احنا اللى بنحميكم
حط فرق بسيطه من الجيش وسحب الشرطه
احتمال يكون غار فى داهيه
ارجوكم انزلوا متدوش فرصه لحد يبوظ الدنيا
ربنا معانا
ويا ريت تسيبوا صفوت الشريف واقف شامخ لوحده فى جنب

مصر مش فرخه بكشك يا برادعى



تحديث تانى من عند نواره اى نعم انا عامله زى الباز افندى اه بس دا والله اللى فى ايدى دلوقتى ربنا معاكوا اقروا البوست دا

بكره ان شاء الله جمعه الغضب اتمنى تبقى هاديه شويه يعنى كله يطلع بس الشباب يستمر على عدم التخريب انا عارفه اننا محترمين
وعارفه ان الشباب خايف على بلده ومش محتاج توعيه

بالنوسبه للاخ البرادعى اللى مقضيها اس ام اس ويوتيوب
احب اقوله الشعب يريد ان يرفس الحمار
ونفس الشعب يريد ان يربط البردعه
وعلى فكره محدش عرض على حضرتك حاجه هى مش ساندوتش فول وطبق طرشى لو انت اصلا تعرفه مش معنى انك تروح لام خالد سعيد يبقى انت تمسكها كلنا كنا معاه لو المقياس كدا يبقى انا اولى بقى يا قطه
مصر مش تكيه علشان الناس تموت وانت تتنازل وتقول انا مستعد اخد السلطه لفتره مؤقته
مع عدم احترامى ليك حمرررررررررررررررررررررا يا برادعى
انت كنت مستنى تشوف الوضع ها يوصل لايه وبعدين تقرر
لا مش عاوزينك ولا تمسكها يوم
انا واحده من الناس لو الناس انتخبتك انا هنزل واعمل مظاهرات ان شاء الله اولع فى نفسى بس انت لاااااااااااااا
عدمى احترامى ليه نابع من مواقفه بالعقل واحد يقوم الدنيا ويجرى
زى العيل الصغير اللى بيضرب ويجرى وبعدين تيجى تقول مستعد لا احنا مش مستعدين
اللى يحكم البلد واحد اتربى فيها وانضرب واتهان
واحد حس بينا وبالغلابه مش واحد بيطلع يعمل لنا باي باى من الطياره
يا برادعى اقف عند حدك
يا شباب اقروا الوضع صح والله واخده العاطفه من ناحيته لا بلاش الموضوع اكبر من كدا
منخلص من نقره نقع فى ضحضيره
ربنا معاكوا جميعا يا رب
بالنوسبه لجيمى كله بيقول موجود مسافرش على الاقل يطلعوا يطلوا بطلعتهم البهييه علينا يبطلوا يكابروا ويكدبوا بقى كفايه كدب
مش عيب انكم تقولوا اننا غلطان ساعتها بس الشعب ممكن يحترمكوا احنا شعب طيب والله ومحترم بس محتاجين مصداقيه
ربنا ينصرنا يا رب
وتقوم مصر بالسلامه وتلبس توب العروسه
بالمناسبه اهل سيناء قدها وقدود لان الشركه بتخاشهم والجيش بيخشاهم برضه يعنى سيطرتهم على حاجات كتير متعودين عليها
متقلقوش اهل سيناء رجاله وحبهم لمصر زى حبها لحياتها وشريان دمها
بالنوسبه لصفوت الشريف:- انت عامل شبه الشريط السافف عارف الجرامفون انت شبهه بالظبط كلامك معاد من ميه الف سنه

كان معكم من ارض لكويت المحروسه ابى هانم كعب الغزال

احنا فى مصر كلنا واحد


تحديث مهم من عند نواره
الشباب الآن يتوجه ليشكل مجموعات في كل من العباسية الخليفة المأمون باب الشعرية
المجموعات تلحق ببعضها في اتجاه باب الشعرية
سوف ننطلق من الساعة واحدة عشان يبقى عندنا وقت نجمع ولو اتجمعنا قبل كده بعدد كويس ننطلق واللي ييجي يحصلنا
يالا.. الحاضر يعلم الغايب
اولا الحمد لله نضال طلع امبارح اطمنت عليه هو ناس كتير
ثانيا اللى عاوزه اوججه برضه رساله تانيه لكل الظباط سواء امن مركزى
امن دوله ظباط نظام
احنا اخواتكم احنا مش اعداء اللى بنعمله علشان مرتباتكم وعلشان ولادكم ميتربوش بالحرام
الشباب اللى فى الشارع دا مش ها يسرق ولا بيضحى بنفسه علشان يموتك انت وهو وغيرك اخواته راعوهم شويه بلاش البدله الوسخه تتحكم فيكم
انا عارفه انها اوامر بس الامر لله وحه من قبل ومن بعد

شوفوا لافيديوا دا لظابط امن مركزى صغير بس عنده ضمير بيعرف الاتنين انهم واحد واننا اخوات
انتم كمان لازم تفهموا دا
بلاش عنجهيه البدله تموت قلوبكم
لو مشى هو انتم مش ها يجرى لكم حاجه انتم هتفضلوا زى ما انتم
الجيش المصرى ماله نايم ليه اللى بيضربوا فى الشارع اهاليكم واخواتكم اقفوا جنب بعض
فى النهايه كلمه واحده بس
مصر دى لينا كلنا مش لعصابه الارعين حرامى
انا عارفه ان فيه ناس فى البيوت مش قادره تشترك معلش مش مشكله ما انا فى غربه وكل اللى عملاه حط علم بلدى فى عربيتى
حاول تشاركوا باى حاجه علشان ضميركوا بس

اخيرا صفوت الشريف عامل زى الشريط السافف نفس الحوارات الفكسانه الحمضانه قالها فى قناه المحور امبارح
نفس الحوار اللى بيقوله من 100 سنه
يا حكومه احنا فقدنا الامل والتفاهم معاكى
شوفوا فيديو الظابط دا

نضال فين

نضال قال لو مرجعتش مش زعلان بس ها ازعل لو ماخدتوش حقى انا بقى ها ازعل لو مرجعش
انا مش داخله اكتب عن الاحداث هنا انا مبقتش عارفه ادخل كتير انا دايما على الفيس بوك
نضال فين خدوا نضال نضال مش اخويا الصغير وكل اللى من اصحابنا عارفين ان نضال بقوله يا ابنى مع انه اطول منى نضال شاب زى الفل محترم عمرى ما شوفت عينه اترفعت فى حد نضال عنده امتحان يوم 31
انا عاوزه ابنى تانى يرجع نضال متاخد هو وكتير فى معسكر السلام
الرساله دى للبهوات اللى لازقين فى مدونتى واللى جت عليهم فتره يبعتوا ايميلات تهديد ليه
انا مش عاوزه منهم حاجه انا عاوزه نضال يرجع نضال اسمه محمد جمال
يا عادلى يا ولاد العادلى انا بعيده بس انا قادره اقلب الدنيا برا وجوه انا مش طالبه حاجه منكم غير رجوع نضال واللى معاه
نضال طلع يجيب ليه حقى وانا فى الغربه
نضال طلع علشان يجيب حقوقكم انتم كمان
رجعوه ليه بقى نضال معملش حاجه غير انه طالب بحقه وحقى
انا كنت بتفرج انا اول واحده فى وسط احداث تونس كتبت وقولت لو عملت ثوره بكره مين ها يجى معايا
دخل وقالى 17 واحد من اصل 300 فريند هو قالى معاك يا كولومبس
انا مش ها اذكر بقيت الاسماء فى امن الدوله ولا فى الداخليه بس قسما برب العزه لاعلنها حرب ويا روح ما بعدك روح
انا ولا هو ولا غيرنا عمل حاجه غير اننا عاوزين نعيش زى البنى ادمين
انشروا فى كل مكان واللى عنده معلومات يبعتها ليه انا تويتر وفيس بوك شغالين معايا
واللى يعرف حاجه عن نضال يقولى

مصر ام الدنيا مصر بلد الامان



إذا اردت ان تهدم دوله بأكملها فاضرب على الفتنه



واطرق بقوه على الفئه التى تشعر بالاضطهاد

والقليل يعقلون ويفهمون انهم غير مضطهدين


والاغلبيه ملعوب فى عقولهم


اللهم احمى بلدنا من المدمرين واهدى الجميع