مش ناويه اطول بس انا هقول لكم كلمتين بس حطوهم توكه فى شعركم حلق فى مناخيركم خلخال فى رجليكم انتم حرين

اللى ميقدرش يحفظ سره هو شخصيا

يبقى محدش ينفع يستأمنه على سره

واللى يحاول يتذاكى على الناس ويعمل فيها شرلوك هولمز ويسأل عن حاجات كتير بعينها

وفاكر ان الناس مش هتفهم ليه سواء بقى ولد بيسال عن بنت بنت بتسأل عن ولد

يبقى شخص غبى لان لو واحد صدق انه سؤا ل عادى الف هيشكوا فيه ولو هو بيقنع نفسه بغير كدا احب اقولهم اذا كان العقل بيشترى مكنتش الكرشه اترمت فى الاسواق

واخيــــــــــــــــــــــــرا

من الكوارث التى لا يوجد لها علاج الكذب على النفس فكذبك على غيرك قد يضره او لا انما المؤكد كذبك على نفسك

سيدمر شخصيتك

الشخص الذى يتدخل فى حياة الناس او يراقبهم ليجمع خيوط حول حياتهم سواء بقى الناس دى مهمه مش مهمه ممثلين مطربين رقاصات ناس عاديه

فدا شخص مريض لانه برضه بينسج افكار عن شخصيات هو خلقها فى باله وبس

اللى بيحاول يضحك على واحده او يعمل علاقه مع واحده سواء بقى بتحليل شخصيات وتدوير اسطوانات انتى رقيقه وبتكتبى حلو وانتى احساسك مرهف ويصوصو وينونو وميعملش اعتبار لكون الانسانه دى لها حياته

يبقى هو شخص واطى وجبان وميستهليش يعيش وهى تستاهل القلى فى مازوت علشان بتركن عقلها وتصدق ناس لابسين شرابات فى دماغهم

اللى تهد حياتها علشان واحد تبقى تستاهل تتعض من سمكه قرش وميلحقوش يلموا جسمها من المحيط

يالا كفايه كدا بقى

ملحوسه :- مش عاوزه واحد فقيق يبعت ليه يقولى انتى بتتكلمنى عن نفسك الكوكب دا يا جدعان علشان اكتب فيه كل المشاكل والملاحظات بتاعتى اللى بشوفها فى حياتى

اما حياتى الشخصيه فملك ليه انا وجوزى فقط مبكتبش حاجه عنها يعنى من الاخر وللمره الخمسه الاف محدش يعمل تسقيط عليا بميه مش نضيفه

كان معكم ابى هانم برنس الليالى ورمانه الميزان

حقيقى الامر ولن افتى فيما لا عرفه من قيمه هذه اللوحه العبقريه لفان جوخ فانا فهمى فهذا الفن كفهمى فى الهيروغولفى ولكن ما لا استيطع ان انكره انها قيمه ووحيده ويتيمه كما فوزيه اللقيطه فى العالم كله فهى لها اب وهو متوفى وليس لها اى اقارب وانما من الجايز ان يكون لها شبيهه كما فطين وميشو توينز يعنى
المهم بقى انا مش عارفه لوحه ايه اللى تتسرق مرتين من سنين سمعت عن سرقتها وسمعت انهم اعادوها اعاد الله عليهم صحتهم بعد الشر طبعا ربنا ما يسمع منى خالص الدعوه دى
دلوقتى بقى الحراميه مبقاش عندهم غير اللوحه اليتيمه دى وكل شويه يطلع عبد المتعال يقول لقينها لا ملقينهاش
طيب ما تفتحت المندل يا راجل او اقرا الفنجان علشان تعرف فين
يا حراميه العالم حرام عليكوا غلبتوا الراجل والشعب معاه يعنى ولا حشيش متوفر ولا لوحه الخشخاش كمان
طيب دى مؤامرة بقى علشان الشعب مش يوسكتيف يعنى من الاخر خبوا الحشيش وحتى اللوحه اللى الشعب بيتنشق عليها ويعمل دماغ عليها برضه سرقوها
حتى على راى صديكى جوجو هو مفيش فى العالم غيراللوحه دى حتى لما عملوا فيلم حراميه فى تايلاند سرقوها
طيب على رايه بلغوا بقى يا جماعه عن اللى سارقها كريم عبد العزيز واللى مخبيها واحده اسمها حنون ويبقى خلصنا بقى ولقينها
والاعجب والاغرب فى بلاد الواقواق بتاعتنا ان بعدها بيوم يتكسر تمثال فى نفس ذات الموتحف
اللى اعرفه على حد علمى وفهمى ونظرى وعلى مدى الشوف ان المتاحف متأمنه برجال الشوربه طيب فين اللوحه بقى
يعنى ماجفير خفاها ولا هى اتسرقت واتكمرت من قبل كدا وحطوا وحده شبيهه ليها وقالوا يعملوا عليها سببوه
طيب حتى حرام يعنى لوحده يتيمه لقيطه زى دى تتبهدل بهدله الارمله المطلقه كدا هما معندهمش لوحه تانيه يسرقوها ولا ايه
ولا احنا معندناش تأمين يكفى لدا
وبعدين اصلام يعنى اللوحه مش بتاعتنا ها ازعل ليه اذا كانت تلت اثار العالم بتاعتنا اللى المفروض بتاعتنا منهوبه فى بلاد العالم
وكمان كل شغله عبد المتعال انه يبقى عداده يعنى يولول عليها وبس
يا راجل دا انت لو اديتها لعم عثمان البواب ها يحافظ عليها زى عيل من عياله ومش بعيد يطرد عياله ويحافظ عليها دى خشخاش حد لاقى يعنى
روح منك لله يا بعيد يجيلك ويحط عليك من وسع ادعى عليك بايه بس وانت فيك كل العبر يا برنس بس
اللهى تطلع منها بفضيحه زى فضيحه المطاهر يوم طلوعه على المعاش
اييييييييييييه دونيا فونيا وزمن كباس
الحقيقه يعنى انا منبهره بالغباء اللى هما فيه بجد وبقدره وبحرتمه لانها هبه وهما حفظوا عليها
الحل بقى الحقيقى ان دى تبقى الجزرة اللى قطمها جحش

حكمه الامبراطورة عبد المتعال طير انت بقى

كان معكم ابى هانم رغم انف الفيران المسلوقه اللى لسه بتجرى فى المدونه

ملحوسه : اى شرشوحه ست جيرانها ولا ابو قردان يضايقوا فى مدوناتكم جوجل الله يعمر بيته عمل حاجه اسمها سبام لو عملتوا الشخص دا اسبام مش ها يوصل لكم منه اى قذروات سخيفه ومش بعيد تتحول لبيته وربنا يولع فيه بحق الايام المفترجه دى ويبقى مش عارف يدخل اصلا منين ويبقى مزنوق زنقه الكلب الجربان هجوم بقى على الفيران المقرف اللى لسه بتعس فى المدونات
اقعدوا بالعافيه

طبعا وللاسف ها تفوتنى ابو الريش السنه دى يمكن اعرف انزل يوم ويمكن لا بس انا عارفه ان كل اللى موجودين هما لالى بينجحوا اليوم دا على الرغم من انى فعلا مضايقه من عدم وجودى بس هااكون سعيده باستمرار اليوم دا
قوس قزح حبيبتى البركه فيكى انتى وخالد همس الاحباب وكل الناس الحلوه


اسماء الادوية

المطلوبة
اولا : فيجام--امينو جلووبين ivig--ال 5 جرام ب 1170
ثانيا : وان الفا نقط سعر ة 186 جنية
ثالثا: مينارين اسبراى ب 115 جنية
رابعا: بنتازا ب168 جنية
خامسا: تينام
سادسا: كولشسين المستورد
سابعا بالميكورت-كالسيمات-ريميكاد حقن-الواحدة ب 3000 جنية

كل عام و انتم بخير
و رمضان كريم

يوم الخير فى رمضان اللى بنعمله باشوفه من احلى ايام المدونين فى السنة كلها
يمكن لان جو رمضان بيخلى كل واحد فينا مش محتاج تشجيع علشان يعمل الخير
او لان ربنا بيحب الاطفال فبيسر لعدد كبير منا انه يشارك فى اليوم ده
مش عارفة بالظبط ايه السبب اللى بيخلى اليوم ده رغم صيامنا و تعبنا ..يوم من احلى ايام السنة


فى دعاء سمعته من ناس فى المستشفى بيرن دايما فى ودانى ..ربنا ما يقطع لكم عادة
و علشان منقطعش العادة الجميلة دى
بيشرفنى ادعوكم ليوم خيرى فى رمضان نزور فيه الاطفال فى مستشفى ابو الريش
و نتجمع سوا اعلى فطار ..حتى لو كان بيتاخر علينا او طعمه مش حلو اوى .. بس بيكون جميل بوجودنا سوا
يوم السبت 28 اغسطس


المرة دى التبرع هيكون مش محدد
يعنى كل واحد و قدرته
دوا - لبس - فلوس - لعب
و هنضيف اسماء بعض الادوية اللى المستشفى بتحتاجها دايما و فيها نقص عندهم
بخصوص نوعية الهدوم: الناس دي غلابة. يفضل بس أغلب اللبس يكون مشترك يعني ممكن للنوعين... لو مقاس كبير هيشمره و لو صغير هيلاقوا مليون حد يدوه له، لو صيفى هيلبسوا عليه حاجة يبقى شتوى ولو شتوى هيلبسوه على اللحم و يشمروا كمه
، ببساطة يعني ... و الله ما هتفرق معاهم

بخصوص الالعاب : ممكن الوان و كراسات رسم .. ممكن شطرنج أو سلم وتعبان أو دومينو .. دبدوب ممكن للأطفال وعروسة للبنات .. لعبة بتتزق زي العجل أو القطر ... ممكن لعبة المزرعة ... ممكن الصلصال للأطفال الكبيرة شوية ...

اما الفطار
فلحد دلوقتى المكان المقترح هو ابو خالد بوسط البلد
بس باب الاقتراحات مفتوح لو حد عنده مكان افضل و يكون قريب من وسط البلد

ده ايميلات الناس المسئولة عن اليوم

kouskoza7@hotmail.com

kh_cyc2006@hotmail.com

و ده ارقام ممكن تبعتوا رسالة عليها او تسالوا على اى شىء خاص باليوم ده

داليا صاحبة مدونة قوس قزح

وده هيكون شغال قبل اللقاء باسبوع فقط

0148693432

خالد صاحب مدونة همس الاحباب

0101345140

اللى يقدر يعمل اعلان فى مدونته و يرفق معاه صورة اليوم يبقى جزاه الله كل خير

انا عاوزه اعرف الموضوع دا صح ولا غلط الحقيقه نفسى اصدقه مش النفى بتاع سياده الرائد لا الكلام بتوع الظباط انا عن نفسى مش اسبعده الجيش لسه فيه رجاله كتير يا رب يطلع صح اقروا الخبر كله بعنايه
انطح هنا
وعلشان برضه لو اتشال ها جيبه لكم كوبى وبطاطس

ضباط ضد التوريث يعلنون دعمهم لمطالب الجمعية الوطنية للتغيير ويطالبون بتوحيد كل القوى السياسية تحتها – ومصدر مسئول في الجيش ينفي صحة البيان

04-08-2010

خاص: موقع إنقاذ مصر:—

في خطوة نادرا ما تحدث تسلمنا في موقع إنقاذ مصر بيانا موقع من جماعة أطلقت على نفسها “ضباط ضد التوريث” من الواضح أنها تتحدث باسم مجموعة من الضباط العاملين في الجيش المصري يعلونون فيه عن دعمهم لمطالب التغيير ورفضهم للتوريث، وقد جاء في البيان:

بالاصالة عن نفسي و بالنيابة عن عدد غير قليل من الضباط العاملين و الاحتياط و صف الضباط مسلمين و اقباط

و من منطلق دورنا كمصريين اولا و مدافعين عن كل ذرة تراب بهذا الوطن

فاننا نعلن موقفنا علي الرغم من كل التقاليد العسكرية التي تعوق ذلك حتي من المشاركة في الحياة السياسية

نوافق علي توحد جميع التيارات و الاتجاهات السياسية تحت الجمعية الوطنية للتغير و نؤمن بكل ما جاء باعلان القاهرة و المطالب السبعة لما فيها من خير لابناء هذا الوطن بعد ان اهين علي يد نظام مبارك الذي كان يظن انه ان ملأ فمنا فلن نتدخل الا لما فية مصلحتة الشخصية بعد 33 عام من الانكسارات و و الاغتيالات التي تمت لضباط شرفاء من ابناء هذا الوطن و سجن اخرين كل تهمتهم انهم شرفاء

فاننا قد عقدنا العزم علي مساندة هذا الوطن و السعي مع كل من يسعي لاخراجه من محنته

و سنكون عون للشعب الذي نحن منه و هو منا لا عونا عليه
و لن نقبل ان ياتي لنا نظام مبارك بهذا المخث جمال بعد ان سبق ان افشلنا مشروعه الاول علاء بالاسكندرية

الله اكبر و العزة لمصر

ضباط ضد التوريث

وبعد نشر الخبر تسلمنا تعليقا موقعا باسم: الرائد / عبد الرحمن أبو عثمان

قال فيه أنه باسم قوات العمليات الخاصة بالقوات المسلحة المصرية
و باسم مصدر موثوق به بالمخابرات الحربية
أحيطكم علماً بأن هذا الخبر عار تماماً من الصحة…
إن القوات المسلحة المصرية بكافة أفرعها و أكرر بكافة أفرعها تدين بالولاء التام للقائد الأعلى للقوات المسلحة المصرية و نحن جميعاً على استعداد تام للتضحية بأنفسنا في سبيل الوطن و تنفيذ أوامر السيد القائد الأعلى للقوات المسلحة المصرية السيد الرئيس / محمد حسني مبارك…
يبدو إن من نقل هذا الخبر متأثر بأفلام عربية عرضت أيام الثورة…
نحن لا نعترض على فكركم و على من تناصرونه فهذه حريتكم الكاملة و انتم إخواننا و نحن نعمل من أجل أمنكم و استقراركم…
و لكن حين ينقل أحد خبر يمسنا وجب علينا التدخل لأن القوات المسلحة لن تكون مسار لأحديث يشوبها اللهو و الإشاعات…
مرة ثانية أود أن أؤكد لكم جميعاً إن جيش مصر بخير و نحن فداء لأبناء مصر و ولائنا التام للقائد الأعلى محمد حسني مبارك نفديه بأرواحنا
رائد / عبد الرحمن أبو عثمان
قوات الصاعقة المصرية