نوارة نجم عملت حمله اسمها ايش عرفك انت ودى علشان جيمى علشان نقوله ايش عرفك انت بمصر علشان تحكمها

وانا كنت بتابع الحمله وبشوف ردود الافعال

وانا بحب اقعد واشرب شاى واعمل دماغ شيشه واتفرج على الناس وهى بتعك وتلوك

من ضمان الكتاكيت اللى بيدافعوا وطبعا من حق كل واحد انه يعترض على جيمى او يقبله انا مش ممانعه

بس انا لما ادافع عن حد يبقى ادافع عنه بمنطق مش اى كلام واى اسقاطات على شخصيات ضعيفه وبس

واحده من ضمن الحلوين اللى عاملين جروبات ومن ضمن الكتاكيت بتوع المدونات

بتقول اننا بنحقد عليه

بتقول هو علشان بيتكلم انجليزى يبقى ميعرفش يحكم مصر

ردى على الجمله دى نعم يا ادلعدى ( سورى على الاسلوب بس هو ده الرد المناسب لطريقه تفكيرها)

ما نص مصر واكتر بتتكلم انجليزى واحسن منه يعنى مثلا ينفع نقول بنحقد على منى زكى لانها بتتكلم انجليزى حلو

مش عارفه هو اللى فيه نقص بيجيبه فى نفسه

من ضمن الاخت معترضه برضه ان واحده بتقوله انت كنت معايا وانا بيحرش بيا مستنكره الوضع ازاى نقوله كده

تعالى ي هانم وانت يا بيه وانا افهمكم الناس ليه بتقول كده

لسبب مش محتاج مفهوميه ولو واحد مركبين له مخ بطيخه هيفهم

وهو انه مبينزلش الشارع مبيتعرض للضغوط مش بيشوف

اى حاجه من الحاجات دى جيمى او ابوه من اول خروجهم من البيت لغايه مشوارهم كل اللى بيبقوا شايفينه بس عربيات فيميه وصف ظباط مسحولين اهليهم دفعين دم قلبهم واقفين على الطريق يأمنوا الموكب للبيه والهانم

ومفيش مشكله بالنسبه لهم لو واحد من اللى بيأمنوا دول اللى بيقول عليهم ولادى عربيه تقطعه زى ما حصل اكتر من مره على الطريق الدائرى

كل اللى بيشفوه مستويات زيهم ميعرفش متطلبات الشعب ايه

العيال دى ناقص تيجى تقول احنا بنحقد عليه علشان هو عنده موبيل احدث حاجه واحنا لا

ولا اللى بيقول دا اتربى تربيه عسكريه

وده ينم عن جهل

لسبب بسيط وبالعقل واحد ابوه رئيس جمهوريه تفتكر قاعد فى البيت قد ايه لولاده يعنى تربيه طنط سوزى ومش عيب ما كلنا اتربينا امهاتنا برضه وده يعنى دخل الجيش طيب ما اجيب عم طارق الصول طول عمره راجل عسكرى يحكمنا

انا مش بطالب بواحد فقير يحكم لان مش هينفع فاقد الشئ لا يعيطيه ولا جمال من وجهة نظرى ينفع ولا الفقير ينفع انا عاوزه واحد معتدل

جمال فى مقال فى المصرى اليوم بيقول الجمله دى

جمال مبارك: البطالة زادت لأننا «شعب ما بيحبش يتحرك»

انا بثبت للناس اللى بتدافع انه جاهل مش فاهم حاجه لانه لو بينزل من بيتهم الصبح هيشوف الراجل اللى عنده 60 سنه بيكنس الشارع والطفل اللى عنده عشر سنين بيكنس الشارع

لان الدوله مش موفره لهم اى حاجه فى اى دوله فيه معاش للناس دى احنا بندوخ دوخه الكلب اللى بيهرش فى البوبو بتاعته ومش طايل علشان ناخد اى حق لينا فى اى خدمه فى البلد

الجمله دى كفايه اوى انى اقوله انت ايش عرفك

ايه عرفك بالم ووجع المصريين

عاوزها انزل شوف ابعد افهم ابعد عن الحرس وافهم درس واتحادك اذا اختلطت فى كل ده هتفكر لحظه واحده انك تمسك او تحكم

مش هتقدر عليها ولا هتعرف

البلد كل يوم بتنزل الناس اخلاقيا بقوا فى النازل وده لانهم مش لاقيين ياكلوا ولا يعيشوا

الرجاله لما بتكبر بتسيب بيوتها لانها مش لاقيه شغل وبتمشى فى الشوارع

الدعاره زادت العنوسه زادت الطلاق زاد كله مبقاش متحمل زنا المحارم زاد الاغتصاب زاد الشذوذ زاد

مش انت السبب يا جيمى بس الوضع اللى بقلنا فيه 28 سنه والنهب والسرقه هو اللى عمل كده

ايش عرفك انت والجهله اللى بيدافعوا عنك وبيغرقوك انك هتقدر ولا هتعرف البلد عاوزه راجل شاف وفاهم انت بتقول شعارات وكلام مكتوب مفيش منه حاجه ولا بيطول منك حاجه غير اللى حواليك

يا جمال يا ابن الريس ايش عرفك انت مصر شكلها ايه

يا جهله ياللى بتدافعوا بطلوا تظهروا انكم حاجه وانكم فاهمين وانتم ولا حاجه بطلوا تغرقوه لانه هيغرق ويغرقها

كان معكم المقهورة على بلدها وعلى شباب ضاع من بدرى ابى هانم

حكمه الامبراطورة

ايش عرفك انت بعيشتنا

بسب الايميلات التي تصلني :

1. توقفت عن شرب الكولا بعد ان عرفت انه قادر على ازلة بقع الحمامات!

2. لم اعد اذهب الى السينما بسبب خوفي من ان اجلس على كرسي فيه ابره تحتوي على فايروسالايدز

3. قمت ب اعادة ارسال مئات الايميلات طامعا بأن ادخل الجنه وان لم ارسلها فسأدخل النار كما يقولون بالايميل

4. رائحتي اصبحت تشبه رائحة الكلب الميت بعد ان عرفت ان مزيلات العرق تسبب السرطان

5. لم اعد اصف سيارتي في الكراجات و صرت اضطر الى ان امشي احيانا مسافات طويله خوفا من ان يأتي شخص و يرشني بمخدر و يقومبسرقتي

6.. توقفت من الاجابه على الهاتف خوفا من ان تأتي في فاتورتي مكالمات الى نيجيريا و اوغنده و الباكستان

7. توقفت من شرب اي شيء بعلبه مقفله خوفامن ان تحتوي على بول و فضلات الفئران

8. عندما احضر حفله توقفت عن النظر الى اي بنت جميله خوفا من ان تستدرجني الى بيتها و تقوم ب تخديري ثم تأخذ كليتي و كبدي و تتركني نائم في حوض الاستحمام محاط بالثلج

9. حتى اني صرفت كل مدخراتي الى حساب الطفله " سعاد الغامدي" و هي طفله مريضه بالسرطان اوشكت ان تموت اكثر من 7000 مره ... مسكينه ما زال عمرها 7 سنين منذ عام 1993 ...

10. و اريد ان اعلن اني ما زلت علىاستعداد ان اساعد اي شخص من نيجريا يريد ان يستخدم حسابي لتحويل املاك عمه او خاله المتوفي و التي تزيد عن 100 مليون دولار..

11. قمت ب ارسال 35 ايميل ل 400 شخص حتى لا آتي يوم القيامه وأقول ياليتني ارسلتها قبل ما اموت

12. قمت بطلب مئات الأماني قبل ان اقوم باعادة ارسال بعض الكلمات و الصور المقدسه .. لكن ما زلت على نفس مكتبي و آخذ نفس الراتب لم يتغير شيء.

13. قمت بارسال مليون نسخه لمليون من اصحابي حتى لا يتوقف حسابي مع شركة هوتميل

14. رميت جميع العلب والصحون والمعالق البلاستكية لانها تسبب سرطان مما جعل كل الزوجات تتهم ازواجها بالجنون وطلب الطلاق

15. بطلت اشرب اى نوع من القهوه لانهم يساعدو اسرائيل وبطلت أكل الشوكلاته واللبان لانها كلها معجونه بدهن الخنزير وبعت التلفزيون والتلاجه والغسالة والكمبيوتروساعتى و كل الاجهزه الامريكية لانهم كلاب يساعدو اسرائيل

ملاحظه:

اذا لم تقم بارسال هذا الايميل الى 11,674شخص خلال عشر ثواني سيأتي ديناصور ليعضك اليوم الساعه 6:30

بجد دا ابسط حاجه ممكن نوصل لها بسبب الايملات اللى بتحلف وتستحلفك وتلعنك وتكرهك فى عيشتك علشان تبعتها لحد

ساعات كتير بقعد افكر انى مضايقه من ناس وى شخص قريب منى او حتى بعيد وبيكون نفسى حتى اضربه باى حاجه المهم هو حقيقى مش دايما بقدر اعمل كده اطلع اللى جوايا فيه علشان ارتاح لان الكتم ده بيطلع حاجات وحشه فى المخ

وده لسبب واحد ان لما بعمل كده وبطلع فى حد بقطع كل الخيوط اللى بينا حتى لو بقيت بتكون هشه وضعيفه ومش بتقوى على اى حاجه ولانى من النوع اللى مبيعرفش يوقف كلامه ولا انفعاله وده لما بجيب اخرى فى الموضوع

لو افترضنا ان كل واحد معاه تلات صخور او هيضرب تلات اقلام لحد

اولا تختار ايه تلات صخور صغيرين للضرب؟

ولا التلات اقلام؟

وايه سبب اختيارك للحاجه دى ؟

وليه اصلا هتضرب الشخص ده ؟ اذكر السبب وممكن متقولش هو مين الشخص ده قول سبب ضيقتك منه بس

او مش لازم شخص واحد ممكن اكتر

البوست ده فش غل مش اكتر للى عاوز يفش غله فى حاجه ويقول اللى فى نفسه

حكمة الامبراطورة

اصعب سلاح لقتل النفس الحيرة والغباء

تكمله للبوست اللى فات اللى كتير مفهموش الغرض منه وبرضه دخلوا يناقشوا فى الحجاب والنقاب واللى داخلى يقولى اتحجبى كأنه خليفه الله فى الارض ما علينا واللى دخل يقل ادبه واللى دخل يهفلط باى كلام
كله بيقولى الحلول
الحل سهل جدا ليه مش بنبص لكل نقطه قولتها ونحاول نعمل العكس بتاعها
بمعنى الناس بتوع الصين لما اتعلموا قص الشعر وبالسعر ده ايه العيب ان البنات او الاولاد برضه يعملوا كده ومتعرضش نفسك على البيوت انما على جيرانك اصحابك مشروع مش هياخد منك فلوس كتير بعلكس هيبىقربح ليك
موضوع زويل انا نفسى نهتم بالاطفال مش بقول الحكومه خالص انا بتكلم عن الامهات والاباء فى البيوت يعنى من صغر الطفل نمى عنده موهبه معينه راقبه خلى بالك هو بيحب ايه طوره فيه وبابسط الامكانيات محدش بيقول ابعته فى مكان يتعلم لا بامكانياتك وظفها
موضوع الدين بقى يا جماعه ميه مره قولت وهقول الدين ده لربنا مينفعش التطرف ده شويه نشتم وشويه نكفر بعض وشويه نتهم بعض اتهامات احنا مش فاهمناه وكل واحد عامل ليه العالمه ابن بطوط
يعنى ببساطه القنوات مليانه بلاوى ماشى خد منها اللى يناسبك والباقى ارميه مش لازم اطلع اقول واعمل ده فلان عمل ده فلان ايه هل ده هينقص منه عند ناس تانيه اكيد لا
ولا برضه هيعزلوه عن مكانه يعى كل واحد بتفكيره له اللى بيحبه
فكر انت بقى زى ما انت عاوز بس مضرش حد بفكرك ده خليك فى نفسك وبس وربنا فى النهايه هيحاسب الكل بس اعرف ان لازم تتقيه بالشكل اللى انت شايفه مش اللى انا ممثلا شايفاه علشان لما اتحاسب وانت برضه يبقى اتحمل اللى انا فيه خير او شر
الفساد اللى للركب فى مصر
انا فوق فى الجنب حطيت ارقام تليفونات شكاوى وزارات عملاها
هيدخل حد يقولى تفتكرى هيحصل حاجه
هفكركوا بالبوست بتاع حرامى الدقيق وعلشان اتعمل بلاغات فيه اتقفل وجاله غرامات وحاجات كتير
بمعنى اوضح ان اكيد من وسط عشره حراميه فيه واحد او انين على الاقل كويسين يبقى على الاقل بنحاول نوصل رساله للناس دى اننا مش ساكتين على حقنا
الشباب اللى مش لاقى شغل بخمس الاف جنيه معلش حقك عليا هى ظروف بلدنا كده بس ممكن احنا نظبطها بمعنى مثلا شوف انت عايش فى مكانعامل ازاى واعمل مشروع صغير يخدم المنطقه اللى انت فيها بس متقلدش حد ببساطه جدا فيه اماكن كتير بتدى قروض
مممممممم المركزيه بقى ودى اكتر حاجه مضايقانى على الرغم من انى لما كنت بدور على شقه لقيت فى مدينه نصر الا انا فضلت المدن الجديده واخترت التجمع
ليه على الاقل الهوا يبقى نضيف احنا عندنا مدن جديده كتير جدا ليه الشباب مش بيتوجهه لها يعنى بدر الشروق خمستاشر مايو العاشر اكتوبر اللعينه على راى خوخه
كل لمدن دى خلاص ارتبطت ببعض وفى الصعيد مدن جديده كتير
يعنى عندى زميل قرر يدفع مقدم فى شقه فى عين شمس ولاحظوا المنطقه على الطوب الاحمر من غير اى حاجه 30 الف جنيه وايجار هيدفع 250 جنيه ولسه هيوضب فى حين انى نبهته للمدن الجديده وخاصه بدر واللى مواصلاتها سهله جدا وفيها مجال للشغل فى كل حاجه
رفض علشان ايه يبقى جنب اهله
طبعا ده فكر عقيم لسبب بالفلوس اللى ضاعت دى ولسه قدهم فى التوضيب هياخد شقه على الاقل متوضبه فى اى مدينه ويدفع قسط وهيكون فى النهايه شقته وكويسه وعلى فكره هو مش حاله ميسور دا سالفهم كمان
بمعنى ان الواحد لو فكر كده واتحرك بعيد عن المركزيه والزحمه هندى مجال لبعض فى العيشه والشغل وكمان نوفر فى موضوع الجواز
ولازم نبسط الدنيا شويه فى الجواز البنت مش غلوها يعنى وقيمتها بانها تعمل شبكه بالوفات ومهر ووعفش كل ده كلام بيزول ولما بيتربسوا الاتنين ممكن هى تتنازل عن كل ده يبقى من البدايه العلاقه لازم تبقى احترام
نكون شقه بابسط الحاجات الاساسيه الكويسه على فكره سمعت جمله لخالد صالح فى فيلم بيقوله الفقراء بس اللى بيحبوا يملوا بيوتهم عفش كتير علشان يحسوا بالونس
وفعلا هو عايش فى قصر طويل عريض حاطط فيه حاجات بسيطه وقد ايه حلوه ومش مكركبه انا عجبنى كلمه الونس دى كل ما الحاجات الاساسيه هى اللى بتيجى مش الزيادات بيكون البيت افضل بكتير
انا دى الحلول اللى عندى وفى الكومنتات نتناقش بقى والىل عنده ارقام وزارت للشكاوى يبعتها ليه ويا ريت كله ينشر الارقام دى

مع السلام عليكوا بقى

كان معكم ابى هانم من التجمد التالت


حكمه الامبراطوره

لو وزنوا الوز بميزان هيطلع تلات اربعه ريش

دى مقارنه بسيطه شغلانى بقالها كام يوم

الصين تعددها مليار واسرع دوله فى التقدم العلمى والعملى ناس عمليه جدا ومنتشرين فى انحاء العالم

واحنا بنستورد منهم حتى الابره وبالمناسبه احنا عندنا اقل كوافير حريمى دلوقتى بيقص الشعر بتلاتين جنيه الصين من جبروتهم اتعلموا شغل الكوافيرات وبيعدوا على البيوت بخمسه جنيه القص واحنا لسه بنعاير بعض انت بتشتغل ايه وانتى بتشتغلى ايه اذا اصلا كنا بنشتغل غير المركزيه اللى احنا فيها ولسه بنعاير بعض انت من الاقاليم لا انت من العاصمه لا انت من اسكندريه لا انت من كفر ابو رجل مسلوخه

2- واحده اسرائليه اخدت جايزة نوبل فى الكيمياء

واحنا أخر واحد اخدها عندنا زويل ومن عشر سنين ومش عارفه مصيره فين دلوقتى

3- ماليزيا دوله اسلاميه اللى رحها هيعرف قد ايه الدوله دى متقدمه ونضيفه وشيك ومحترمه حتى شعبها وقد ايه اتقدمت بالرغم من انها كانت متاخره

واحنا لسه قاعدين نتخانق فى مسأله الحجاب والنقاب وانهى شرعى وانهى لا ومين مبسوط ومين زباله ومين مش مقتنع مع ان الدين لله وحده والمفروض كله يتقى ربنا وبس وده بينه وبين ربنا

4- السعوديه رغم تأخرها ولكنها دوله كبيره وغنيه جدا واولادها بيتعلمو ا بره البلد وعملت جامعه شيك وفريده من نوعها لاول مره

واحنا التعليم عندنا مبيطورش ولسه قاعدين نشتم فى الوهابيه والسعوديه وفكر الصحرا و العرب والبنتجان

4- امريكا اتغير فيها 40 رئيس بالانتحابات

مصر عدى عليها اربع رؤساء على مر الزمن كله

5- العالم كله بيحل مشكله الجواز وماشين مخلينها بسيطه جدا كل المتطلبات ومفيش كلاكيع وبيتجوزا فى سن مبكر مصر فيها 13 مليون وشويه عانس واعزب ولسه بنقول الستاير على مين وهنعمل الفرح فين

6- البنات بتشتغل وتسافر وتستقر لوحدها من وهى 18 سنه ومحدش يقولى الانحلال فيه ناس عايشه مع اهليها ومنحلين بالقوى وكله عارف

ومصر لسه الولد بيدور على البنت الرجعيه ولا المتفتحه... واصحاب ام دماغ متفتحه بس متجوزهاش انما اتجوز المنغلقه مع ان فى راى فى الزمن ده اللى منغلق هو دماغه لان مفيش بنت منغلقه ولا بتاع فنبطل نضحك على بعض كله بقى فاهم كل حاجه وكله دماغه شغاله كويس يكفى انها بتبقى عارفه انها عامله مصيده للفأر الدوغوف اللى هتشتغله علشان تتجوزه

7 - بره عاملين برلمان للاطفال وبيناقشوا فيه الحياه وبيعلموهم الحياه السياسيه

وفى مصر لسه بندافع عن تصريحا ت جماعه ما منتسبين لها مع ان تصريحتنا احنا ودافاعنا ممكن يدينهم وفى النهايه لا تجادل يا اخ بطيخ اصل نقيم عليك الحد

8- لسه بنتهم العرب وليبيا بالتخلف

على الرغم من اننا بنسعى للسفر وهما سبقونا بكتير على الاقل فى مستوى المعيشه

9- العالم بيتقدم كل يوم ويخترع وينفذ حاجات

واحنا لسه بندور ننام على انهى جنب احسن والمحجبه ولا الغير ولا منتقبه هى افضل وان البنت لما تقعد فى البيت بتستر عورتها ونسينا ان بجانب العباده ربنا قال العمل عباده

10 - بره تقريبا كل بيت بيحاول يخلف طفلين او تلاته

واحنا عندنا ناس لسه عاوز تجيب 11 طفل وبعد كل ده احنا لسه بنسال ليه مبارك قاعد على نفسنا وليه احنا كده لا والنعره الكدابه مسكانا
بعد كل اللى فوق ده عمرنا ما هنفوق الا لما نعترف اننا فعلا بننحدر

شالوم عليكم واياك حد يدخل يقولى بلاش شالوم اصل حرام

كان معكم من امام متحف ما يسمى بمصر ابى هانم كعب الغزال

حكمة الامبراطورة

ان كان التقدم نقمه فمرحبا بها ولا اعيش جاهله

لا ده مش اسم الفيلم ده مقال نقلته منون صحبتى على الفتيس توك وعجبنى وجبته شفقه واحسان بالرجاله يمكن ينفعهم يوم مينفعش فيه غير كده يا ابو ورده يشتغل وانتم عارفين بيوجع قد ايه انا هسيب لكم النصايح وهعلق تحت كل واحد بلون تانى
هذه طرق الرجل التي يجب ان يعامل بها المرأة كي يبقى الحب موجود لاخر العمر

عندما تمشى مبتعدة عنك (إلحق بها)
او اعمل نفسك اتكعبلت ووقعت وسيبك منها
عندما تتجاهلك ( أعطها اهتمامك الكامل )
قوم اعمل كوبايه شاى
عندما تريد الابتعاد عنك قليلاً ( لاتوافقها الرأي )
لو منك اقولها فى شجره
عندما تراها في أسوأ حالاتها ( قل لها أنها جميلة )
يعنى لو شبه امنا الغوله كده نيهاهاهاها
عندما تراها تبكي ( أحضنها ولا تقل شيئاً )
ايوه وامسح الحاجات اللى نازله من مناخيرها يععععععععع
عندما تكون خائفة ( أحميها )
ايون البس لها وش الاشكيف
عندما تأخذ منك شيئاً عزيزا ( دعها تأخذه فلن يكون أعز منها )
ايوه بدل الزن يا خويا اسالونى عن زن الستات
عندما تمازحك ( مازحها وأضحكها )
يعنى بطبق احدفه فى دماغها شدها من شعرها
عندما لاتجيب الهاتف لفترات طويلة ( أكد لها أن كل شئ على مايرام )
بانك تحرق التليفون ومتشلهوش تانى
عندما تشك بك ( انسحب قليلا لتعطيها وقتا للتفكير )
لاااااااا اوعى هتسود عيشتك اثبت لها انها الشجره والفجله والجرجير اللى فى حياتك
عندما تقول أنك تعجبها ( فهي حقا تكن لك مشاعر اكبر مما قالت )
يعنى هتلاقى مشاعر بالعض بالضرب
عندما تمسك يديك ( أمسك يديها)
واضغط جامد لغايه لما تكسرها
عندما تقول لك سرا ( أحتفظ به ولا تخبر به أحداً )
لان اكيد هيكون ذم فيك فخلى عندك كرامه واحتفظ به
عندما تنظر إلى عينيك ( لاتلتفت حتى تلتفت هي )
عارف التثبيته بتاعت الكلب تفضل مثبت نفسك بدل ما يعضك
عندما تفتقدك ( فهي تتألم من الداخل )
اااااااااااه علشان مش هتلاقى حد تنكد عليه
عندما تحطم قلبها ( الألم لن يزول بل سيستمر )
علشان مش هى اللى سابتك اسالنى انا فى غل الستات
عندما تقول أن العلاقة انتهت ( فهي لازالت تريدك )

اشك بس ممكن
أبق على خط التليفون معها حتى لو لم تقل شيئا
اه ما هو مش انت اللى هتدفع الفاتوره اشرب بقى
عندما تغضب احضنها ولا تتركها
بدل ما تكسر البيت على دماغك
عندما تكون صامته ( اسألها ما المشكلة )
اكيد واحده من اصحابها نكدوا عليها او ريحه سنانك
عندما تقول أن كل شئ على ما يرام لا تصدقها بل تحدث معها عن المشكلة
ايون
لأنها بعد عشر سنوات ستظل تتذكرك

أتصل بها في أول ساعة من يوم ميلادها وقل لها أنك تحبها
طبعا هتقول خير يا رب ماله ده
اتصل بها قبل أن تنام وبعد ماتصحو من النوم

علشان تريح بالك من زن طول اليوم
عاملها كأنها كل شئ مهم لك في الحياة
اكيد مهمه هو فيه ارق من كل للى انا قولته

مازحها ودعها تمازحك ابق معها طوال الليل عندما تكون مريضة

لا الا لمرض واجب برضه وزياره المريض صدقه
شاهد معها فيلمها المفضل أو برنامجها المفضل حتى لو كنت تعتقد انه غبي
اكيد هتبقى الافلام السيكوباتيه اللى عاوزه تتفرج عليها
أعطها العالم
اه البلوره اللى معمول فيها العالم دى والستات هبله وبتصدق
عندما تحس بالملل أو متضايقة اخرج معها واجعلها تتسلى
ركبها عجله او ابعتها سفارى ووصى الراجل يتوها
دعها تحس أنها مهمة لديك عندما تجري لك باكية ، أول سؤال تقوله لها ، مين اللي زعلك حبيبتي

اكيد انت اللى زعلتها هو فيه غيرك هم فجهز نفسك للاجابه

منقـــــول بتصرف

حكمة الامبراطورة

نهيتك ما انتهيت والطبع فيك غالب وعمر ديل الفيل ما هيطول حتى لو ربطوه فى السلالم

كل سنه واهل القناه طيبين كل سنه والكرامه اللى كانت عند جنودنا طيبه كل سنه وكل واحد كافح وحارب واتنسي ومحدش بيفتكره غير فى المناسبات اذا افتكروه طيب
كل سنه وكل ام لها شهيد طيبه
كل سنه ومصر يمكن السنه الجايه طيبه
لان مش باين لها ملامح

اول يوم مدارس النهارده ولا يوم الحشر الشوارع مليانه التجمع اللى المفروض يبقى مش زحمه ورايق كله فوق بعضه وكله متربس دماغه يعدى انا بس مستغربه اننا كده وشغالين بنص افراد يعنى المدارس على يومين والجامعات الانتساب مش المفروض يروحوا لا وايه كله متانتك ونازل كل طلبه الجامعه فى الشارع لابسين الحته اللى على الحبل وفوووول ميك اب وكله فى الشارع الا صحيح بنات الجامعه بيحطوا ميك اب كتير ليه الصبح ده اصلا مضر بالبشره جدا والصبح المفروض ميك اب لايت حاجه خفيفه وبعدين دى طالبه جامعه ليه تعمل كده فى نفسها يعنى دى مش سهره ولا عيد ميلاد وكله راسم البرائه والطفوله على وشه يالا رزق الهبل على المجانين الاطفال بقى ايه فى الاتوبيسات العاديه فوق بعضه حتى الناس فوق بعض مشوارى اللى بأخده فى ربع ساعه اخدته النهارده فى ساعه كامله مش مضايقنى غير ثقافه القطيع اللى احنا فيها محدش بيصبر محدش بيسيب المرور يمشى بانسيابيه كله حاشر بوزه ولا عارف يعدى ولا حاجه تانيه والناس فوق بعض برغم تحذيرات الالفلونزا على فكرة مهما عملت الحكومه برضه مش هتقدر تمنع القرف كله لوحدها دى ثقافه بقالها كتير ومش هتتغير واحنا شعب ما شاء الله مبيأثرش فيه العفريت بالعكس العفريت هو اللى بيتأثر بينا ربنا يستر وخلوا بالكوا من عيالكوا
وطلبه الجامعه النبى على قلبكوا خفوا الميك اب على الصبح وبلاش الجبنه والزيتون والتفاح اللى بيتحط على الوش ده مضر بالبشره بجد وبلاش بوس كل نازل امواااااه على المحطه يعنى كان معكم من قلب الزحمه ابى هانم كعب الغزال


حكمه الامبراطورة

ايش تعمله الماشطه فى الوش العكر

الواد شنكوتى ايهاب ده اتجوز اه والله كتب كتابه الواد وبقى عريس ومحتاس يا عينى كده وملبوخ انا فرحانه فيه اوي وبقوله مبروك على القمر انها خدتك مننا وقولها اننا كلنا حمواتها الفاتنات شنكوتى على الرغم من مقابلتى معاه القليله الا انى اعتبرته اخ ليه وكنت معجبه باصراره فى حياته على اللى بيحبها وان البنت زي السكر وصابره معاه على كل الظروف وعلشان كده ان شاء الله ربنا هيكرمهم ويجيبوا لنا شناكيت صغننه نلعب بيها واد يا ايهاب اوعى تزعل القمر بتاعنا اصل كلنا هنقف لك واقفه ست واحده وانت عارف العصابه لما تتلم وهنقطعك تقطيع الف مبروك لايهاب وعقبال كل البلوجر لما نفرح فيهم كده يا رب اه على فكره اللى ميعرفش ايهاب هو صاحبه مدونه شاب شنكوتى مع انه والله ما هو شنكوتى خالص انطح هنا هتروح له


نصيحه للشنكوتى

يا ويلك يا سواد ليلك ياللى تبقى حماتك أبى هانم