واجب عزاء


تحديث
========
توفى إلى رحمة الله تعالى الأخ


محمد


الفارس الملثم



صاحب مدونتي

ارجو الدعاء له بالرحمه والمغفرة واعطاء اهله الصبر
الخبر عرفته من مدونه مجداوية
========================================================

ارجو الدعاء لوالد نوران الشاملى بالمغفره صاحبه مدونة بنت خيخه واى كلام





لا اله إلا الله وحده لا شريك له . له الحمد وله الشكر وله الفضل وله الثناء الحسن يحيي ويميت بيده الخير وهو على كل شيء قدير . لا اله إلا الله لا نعبد إلا إياه مخلصين له الدين ولو كره الكافرون ولا حول ولا قوة إلا بالله . اللهم صلى الله على سيدنا محمد خاتم النبيين والمرسلين عليه افضل الصلاة أتم التسليم .

- اللهم يا رحمان الدنيا والآخر ورحيمهما ارحمنا وارحم أمة محمد رحمة كافة تغنينا عن رحمة من سواك

- اللهم اغفر لحيينا وميتنا وشاهدنا وغائبنا كبيرنا وصغيرنا

- اللهم من احييته منا فاحييه على الإسلام . ومن توفيته منا فتوفاه على الإيمان . اللهم ارحم ( المتوفى ) رحمة واسعة وتغمده برحمتك

- اللهم ارحمه فوق الارض وتحت الارض ويوم العرض عليك . اللهم قه عذابك يوم تبعث عبادك .
Align Centre
- اللهم انزل نورا من نورك عليه

- اللهم نور له قبره ووسع مدخله وآنس وحشته

- اللهم ارحم غربته وارحم شيبته

- اللهم اجعل قبره روضة من رياض الجنة . لا حفرة من حفر النار

- اللهم أغفر له وارحمه واعف عنه واكرم نزله

- اللهم ابدله دارا خيرا من داره . واهلا خيرا من اهله . وذرية خيرا من ذريته وزوجا خيرا من زوجه وادخله الجنة بغير حساب . برحمتك يا ارحم الراحمين

- اللهم انقله من ضيق اللحود ومن مراتع الدود الى جناتك جنات الخلود لا اله الا انت يا حنان يا منان يا بديع السموات والارض تغمد ( المتوفي ) برحمتك يا ارحم الراحمين

- اللهم ان كان ( المتوفي ) غير اهلا لوصول رحمتك فرحمتك اهلا لان تسعه

- اللهم اطعمه من الجنة واسقه من الجنة واره مكانه من الجنة وقل له أدخل من أي باب تشاء

- اللهم ان ( المتوفي ) في ذمتك وحبل جوارك فقه من فتنة القبر وعذاب النار وانت اهل الوفاء والحق فاغفر له وارحمه انك انت الغفور الرحيم

- اللهم ان ( المتوفي ) عبدك ابن عبدك يحتاج الى رحمتك وانت غني عن عذابه فارحمه

- اللهم وارزقه لذة النظر الى وجهك والشوق الى لقاءك

- اللهم ارجع نفسه اليك راضية مرضيه وادخله في جنتك مع عبادك الصالحين

- اللهم انت غني ونحن الفقراء فانت غني ونحن الفقراء فانت غني من عذابه فارحمه

- اللهم ان كان ( المتوفي ) من المحسنين فزد في حسناته وان كان من المسيئين فتجاوز عن سيئاته

- اللهم اجعل ذريته سترا بينه وبين نار جهنم

- اللهم اجعل ذريته ذرية صالحة تدعوا له بخير الى يوم الدين

- اللهم ادخله جنتك وكرمك جنات النعيم

- اللهم اني اسالك الفردوس الاعلى نزلا له

- اللهم وابني له بيتا في الجنة واجعل بملتقانا هناك

- اللهم واسقه من حوض نبيك محمد صلى الله عليه وسلم شربة هنيئة مريئة لا يظمأ بعدها ابدا

- اللهم واظله تحت عرشك يوم لا ظل الا ظلك ولا باقي الا وجهك . اللهم بيض وجهه يوم تبيض الوجوه وتسود وجوه اللهم يمن كتابه . اللهم وثبت قدمه يوم تزل فيها الاقدام . اللهم اكتبه عندك من الصالحين والصديقين والشهداء والاخيار والابرار . اللهم اكتبه عندك من الصابرين وجازه جزاء الصابرين .

- اللهم اني اسالك في هذه الساعة ان كان (المتوفي ) في سرور فزد في سروره ومن نعيمك عليه . وان كان ( المتوفي ) في عذاب فنجه من عذابك وانت الغني الحميد برحمتك يا ارحم الراحمين

- اللهم تقبل منه القليل وتجاوز عنه التقصير



اتفاقيه كنكة ديفيد


تحديث هام جدا:- مستشفى فلسطين كلمونى فيه حاله محتاجه حقن حديد بنت هى سنها فوق التلاتين كانت مناضله واتسجنت تلات سنين وطلعت تعبانه جدا اللى يقدر يجيب ليه الحقن يا ريت هي مستأصلين الامعاء بتاعتها يعنى بتاخد حقن بس اللى عاوز يساعد يقولى فى الكومنتات يا شباب

اللى هى يعنى معاهده كامب ديفيد علشان احنا كل يوم نعيد ونزيد فى نفس القصه وكل يوم الاخوان والمستقلين والشعب يقولك اوقفوا تصدير الغاز طيب يا جدعان اساسا ده بتنجان توقفوا ايه مش هيتوقف افهموا بقى الحكومه سيباكوا تضربوا فى بعض ما بين مؤيد ومعارض وهى مش هتعمل كده ولو بعد ميه سنه الا اذا استرجلت ووافقت على الحرب واقولكم ازاى الاتفاقيه فيها نصوص بكده لو وقفت تصدير الغاز يبقى بتعلن الحرب على اسرائيل وطبعا مصر مش هتعملها وهحط لكم بنود الاتفاقيه حسب الترتيب لو عملنا كده بس ركزوا علشان تفهموا ادى اول حاجه من نصوص المعاهده

تفق الطرفان على أن العلاقات الطبيعية التي ستقام بينهما ستضمن الاعتراف الكامل والعلاقات الدبلوماسية والاقتصادية والثقافية وإنهاء المقاطعة الاقتصادية والحواجز ذات الطابع المتميزة المفروضة ضد حرية انتقال الأفراد والسلع. كما يتعهد كل طرف بأن يكفل تمتع مواطني الطرف الآخر الخاضعين للاختصاص القضائي بكافة الضمانات القانونية وبوضع البروتوكول الملحق بهذه المعاهدة ( الملحق الثالث ) الطريقة التي يتعهد الطرفان بمقتضاها - بالتوصيل إلى إقامة هذه العلاقات وذلك بالتوازي مع تنفيذ الأحكام الأخرى لهذه المعاهدة.

وطبعا عارفين اى حد يخل باى جزء فيها يبقى بيلغى الهدنه ويعلن حرب رسمى تانى حاجه علشان اللى مش عاوزينها تدخل قناه السويس برضه هتدخل غصب عن مناخيركوا وادى النص

تمتع السفن الإسرائيلية والشحنات المتجهة من إسرائيل وإليها بحق المرور الحر في قناة السويس ومداخلها في كل من خليج السويس والبحر الأبيض المتوسط وفقا لأحكام اتفاقية القسطنطينية لعام 1888 المنطبقة على جميع الدول. كما يعامل رعايا إسرائيل وسفنها وشحناتها وكذلك الأشخاص والسفن والشحنات المتجهة من إسرائيل وإليها معاملة لا تتسم بالتميز في كافة الشئون المتعلقة باستخدام القناة

وفيه نص على ان مصر لا تشترك ولا تحرض ولا تتحرك من مكانها بشكل او باخر بخصوص اى عدوات مع الجيران ولا تشترك فيهاولا تحرض بشكل او بأخر

تعهد الطرفان بالامتناع عن التهديد باستخدام القوة أو استخدامها، أحدهما ضد الآخر على نحو مباشر أو غير مباشر، وبحل كافة المنازعات التي تنشأ بينهما بالوسائل السلمية.
2 - يتعهد كل طرف بأن يكفل عدم صدور فعل من أفعال الحرب أو الأفعال العدوانية أو أفعال العنف أو التهديد بها من داخل أراضيه أو بواسطة قوات خاضعة لسيطرته أو مرابطة على <2> أراضيه ضد السكان أو المواطنين أو الممتلكات الخاصة بالطرف الآخر. كما يتعد كل طرف بالامتناع عن التنظيم أو التحريض أو الإثارة أو المساعدة أو الاشتراك في فعل من أفعال الحرب العدوانية أو النشاط الهدام أو أفعال العنف الموجهة ضد الطرف الآخر في أي مكان. كما يتعهد بأن يكفل تقديم مرتكبي مثل هذه الأفعال للمحاكمة.

يبقى مصر مكنش فى ايديها الا انها تقف ساكته ويطلع الريس متقال يقول لازم الصديكه توافق على فتح المعبر لان مش بادينا يا اخوانا كمان تقليص عدد افراد الجيش الى 250الف جندى فقط وطبعا مصر دلوقتى بالشباب اللى يفرح ابو بوكس احمر وعليه دباديب اى والله بشوف العيال فى الشارع ماشين فرحانين بيه كده وشكلهم مقزز جتهم القرف وفى ظل الظروف المخضراوتيه دى كله بيتهرب من الجيش واللى بيقضى الجيش يا عين امه بيتسحل سحله البوبى الاعور يا بيبنى كبارى يا بيكنس الشارع يا بيجيب طلبات للهانم والبيه من عند بتاع الخضار يبقى معنديش حد احارب بيه متدرب

كمان سحب السلاح الروسى اللى كان عندنا وتعهد الولايات المتحده بامدادنا بالسلاح من عندها وطبعا الروسى اقوى (طبعا بمب وصورايخ ومصاصه لولى بوب ده السلاح الامريكانى) والمعونه طبعا وده لان بعض الدول اللى ايامها موافقتش على معاهده السلام دى فخالتنا الولايات قالت انا هديكم فلوس مقابل متضايقوش الناس الصديكه علشان كده احنا بنسكت علشان المعونة
وبعد كده طبعا باقى الدول انضمت وبقت بتاخدهم بالاحضان
بعد كل ده تفتكروا مصر دوله ذات سياده فى اى حاجه

هتقولوا الغوا المعاهده مش هتتلغى لانك معندكش جيش ولا تقدر تعمله ولا تقدر تمنع تصدير الغاز ولا حتىتقدر تمنع صواريخ بتترمى على اهلنا فى رفح وواحد كل يوم والتانى بينشنوا عليه ومينفعش دلوقتى على راى صديق ليه تقولوا له استرجل لان عمره ما هيسترجل ويغير فى حاجه هما سايبنا كل يوم والتانى نقول الغاز الغاز وعلى راى المثل رموا لنا عضمه يلهونا بيها وبنطلع اى كلام جوانا

انا لما قريت الاتفاقيه دى جتلى صدمه لان باقى بنودها كلها لصالح اسرائيل وفكرت بمنطقين مصر مش هتقدر تلغى حاجه لان معندهاش استعداد ولا امكانيات
تانى حاجه كل حاجه تتحل بالاتفاق زى كده كل حاجه بالخناق الا الجواز بالاتفاق
وحاول نغير الزفته المهببه دى
نطلع من ده بايه
مصر طلعت من حرب اكتوبر مش منتصره دى دخلت فى مرحله الوكسه الاكبر انا مش ضد معاهده سلام وعلى فكره الاردن معانا فيها انا ضد انها تعجزنا بالشكل ده
فبقولكوا ايه ريحوا نفسكوا وسيبكوا من اللى كل يوم والتانى عاملين واقفين زى البط وواقفين على رجل واحده على السلالم والنقابات ونقول الغاز لان ده برضه لمصلحه الحكومه لسبب بسيط بتقول لامريكا انا شعبى مش ملتزم بس انا كويس اهو
فوقوا بقى وشوفوا حاجه تانيه

هذا وبالله التوفيق واللى عاوز يجيله ارتفاع فى ضغط الدم يدور على الاتفاقيه من على النت ويقراها من كذا موقع

ملحوسه :- علشان محدش بيفهم بقفاه يدخل يقولى انتى موافقه على تصدير الغاز فبقولها لا طبعا مش موافقه بس احنا مربوطين ولازم نفك الربطه المنيله دى عن طريق انه يسترجل ويقلب بنود الزفته دى دلوقتى لمصلحتنا ازاى معرفش يبقى تركيزنا فى تغيرها مش هنبقى على الارض وعاوزين نمسك القمر ده عبط بجد واللى هيقولى حكم قضائى اخدناه فى تصدير الغاز هقوله انقعه فى شويه ميه واعمل به فنجان قهوة وانت بتقرا الجرايد لانه مش هيتنفذ بس لازم يبقى فيه حل تانى


كان معكم عسكرى اول برتبه عقيد ابى هانم


حكمه الامبراطورة

كلب حى احسن من اسد ميت


مناخير بنوكيو




طبعا كلنا عارفين بنوكيو اللى كان بيكدب ومناخيره تطول ده انا بقى طورت الموضوع وبقت اللى مناخيره فعلا طولت تعدى مرحله الكدب وبدأ يمارس هوايته فى حشرها فى حياه الناس وده تطور طبيعى للكدب والناس دى اصلا بتكون ماريونيت فى ايد مين مش عارفه جايز فى ايد حد تانى جايز عوامل تعريه (محدش يفهم غلط ) اقصد من الزمن يعنى

فيه ناس كتير اوى حاشرين مناخيرهم فى حياه ناس وممكن ميكونش الناس الاولين يعرفوا الناس التانين بس نقول ايه تلاقى المناخير طولها اربعه متر لقدام
كنوع من الفضول القاتل اللى مسيره فى يوم يقتلهم من كترة الهرى والنكت فى نفسهم والاكلان
لان نهاية الناس دى بتكون يا العباسيه كولج علشان ياخدوا كورسات علاج مكثف لمناخيرهم ويعملوا لها بتر
يا بوليس ستيشن كولج وده ببساطه لان مناخيرهم من كتر الطول هتخبط فى اى حد ويا حبذا لو الحد ده مهم اوى يقوم يحصل حادثه قووووم هووووب طراخ بووووووم تتتشششششششش تبقى نهايته سوده
طبعا محدش فاهم حاجه كالمعتاد لانى انا نفسى مش فاهمه
بجد انا بشوف ناس وحاجات رمى جتت مشوفتش زيها يبقى الواحد ولا الواحده قاعدين على بوتاجاز 50 شعله عاوزين يعرفوا كل حاجه فى حياة اللى قدامهم ومش فاهمه ايه الاستفاده
يعنى لو كنا اصدقاء اكيد انا لو مضايقه هحكى لو مش عاوزة احكى خلاص
لو مش اصدقاء ولا معارف يبقى انت او انتى ولا تخصونى ولا تخصوا حتى اللى قدامكوا هيفيدكوا ايه تعرفوا ده بينام بالليل على انهى جنب ...بياكل بايده ولا الشوكه والسكينه .. اطلقت ولا اتجوزت ولا ماشيه على ودنها وهى فى البيت
وساعات معرفه حاجات عن اللى قدامك كتير ممكن تجيب لك احباطات نفساويه فى النفس ازاى
مثلا اللى قدامك يعنى حياته احسن شويه علميا اجتماعيا ماديا تقوم انت تعرف حاجات تجيب لك محباطات تقوم تنفسن عليه وعلى نفسك وعلى اللى اهلك كمان ، ما هو اه ليه بقى مخلفونيش زى ده ، وتقعد تهرى وتنكت علشان تثبت انك زى ده ، طيب ليه ما تعيش حياتك زى ما هى واتقندل على عينك (اى اتلهى اى اتوكس اى اتهبب)
وممكن يبقى اقل منك وتكون بعد الشر من الناس اللى عندهم دم يعنى ونفسوياتهم بتتعب يجيلك اكتئاب وقرفه معده وتضايق وتكلف نفسك برضه فلوس ودكتور وحركات قرعه
ملخص الكلام بقى
كل واحد يخليه فى حاله وميشغلش نفسه بغيره الا اذا كان شايف ان غيره ده ممكن يستفيد منه يعنى يبقى عنده فكر زيه او يطور من نفسه
انما ميشغلش نفسه بيه علشان يطلع العقد اللى اهله عملينها فيه على الناس او الفضول بياكل فى نخاع مواسير عقله
ومن انواع الفضول واحد لا تعرفه برضه ولا يعرفك ويروح يسال بنت خالت عمه جوز مرات ابن عم خالتك عليك او يخلى حد صحبك ينتصل بيك وبيكون ناس حركاتهم قرعه ومكشوفه موت بجد علشان يعرف اخبارك
لو شغلنا بالنا بحياتنا فى البيت والشغل والحياه هنبقى ناس ناجحه بجد وبنقدر الوقت والشغل كويس
وخاصه الستات المتجوزين اللى بعضهم معندوش شغلانه غير فلانه قالت وعلانه قالت وام سحلول جابت وام جلمبو راحت الساحل وعاوزة ابقى زيها وبيكون يوم اسود على جوزها لو معملش كده
او برضه المخطوبين دى جابت بادى من عند عمر افندى وانا مش اقل منها لازم اجيب من باتا وهووووب الدنيا تتفركش
فى النهايه التدخل فى حياه الناس بيهدم الحياه وبجد احنا من الفضى والفراغ هنقتل بعض قريب سواء جيران اصحاب منعرفش بعض

سؤال :- انت بقى انت وهى وهو طول مناخيرك قد ايه :)
وايه شايفينه تانى اضرار من التدخل وحشر المناخير فى حياة الناس بطريقه او باخرى سواء لبس حاجات شخصيه

ملحوسه كعبورة :- ميرسى لكل الناس الحلوه اللى حضروا معانا زياره مستشفى فلسطين والناس اللى اول مرة اشوفها شمس النهار الجميله وتوته بنتها ، وعاشقه النقاب اللى كانت مفاجأه حلوة اوى هى وزوجها ، وطبعا الريس ميشو مايكل وتحيا الوحده الوطنيه ودينا زميلته ، وطبعا الشريك المتضامن بتاعى قوس قزح هانم ، وضياء وخالد هم الاحباب وشريف ومحمد عبد الغفار وميرا الحته اللى واقعه منى وطبعا اللى اتصلوا نهر الحب ونضال ورئيس جمهوريه نفسى بجد اليوم كان حلو وهيسبهم هما يحكوا كل القصص اللى سمعناها وشوفناها اللى يحب يروح المستشفى لوحده يروح الناس هناك لطيفه جدا ومحترمه اوى اقروا القصه دى الولد ده احمد ابو سلامه قابلناه امبارح فى مستشفى فلسطين اسمه الشهيد الحى كليك على الاسم ووالده حكى لنا القصه والبناتاخدوا صور له مع والد ربنا يشفيه

كان معكم مدرس اول لواء بحريه ابى هانم كايده العزال انا من يومى

حكمه الامبراطورة

من تدخل فيما لا يعنيه هيلاقى ابو ورده بيرد عليه


جيش الجيوش يا حدوقه

صورة من الفنان اشرف حمدى

تحديث عن زياره مستشفى فلسطين:- المستشفى فى 64 شارع الثورة فى مصر الجديدة المطلوب واللى موجود فى المستشفى اولا فيه في الرعاية حالتين واحد اتبرت ارجلة الاثنين و في في الدور الاول حالة واحدة عبارة عن اصابة بطلق ناري من دبابة و عملوا له عملية في ركبتة و ركبوله شريحة و بلاتين و الحمد لله حالته في تحسن الدور الثاني منقسم لجناحين لجناح الاول فيه 11 حالة ما بين استئصال طحال و كلية و حروق و عيون ضائعة الجناح الثاني فيه 15 من ضمنهم امراة الجناح الثاني هو اللي فيه عائلة عصفور و من ضمنهم طفل صغير زي القمر عندة عشرة سنوات و حالتة صعبة بس اليوم اول مرة يقدر ياكل الدور الثالت جناحان جناح به طفلينو الجناح الاخر به 14 حالة
الجميع طبعا يشعر باحباط و خذلان عالمي و ان لا احد يعوضهم عن الكارثة الانسانية التي يعيشونها الرعاية الطبية و التمريض و الاكل جيد
هم لا يريدون اشياء عينية و ان ارادوا فهم لا يمتلكون شنط سفر لوضع الحاجات بها من يريد احضار اشياء عليه ان يتبرع بشنط سفر
الي جانب المال هو اهم شئ لانهم لديهم عزة نفس رهيبة و كل واحد ادري بما يحتاجه حتي يعود لعائلته به
هنتجمع يوم الجمعه الجايه دى 23/1/2009 بعد بكرة قدام المستشفى الساعه 3 بعد الضهر اللى عاوز يسال فى حاجه يبعت ليه على الميل butterfly_549@hotmail.com
الميل ده مش ماسنجر يعنى ايميلات بس يا شوباب اللى هيجى يدخل يقولى


مرة البت ميرا كتبت بوست وكان فيه كلمه اسمها وجيش الجيوش ، وانا قعدت اضحك واقولها ايه جيش دى يا بنتى انتى عبيطه اسمها يعد الجيوش
وهى تقول لا اسمها كده
اكتشفت انها بتتكلم بالفسحه بقى فسكت لانى مليش فيها وبكتب زى ما بتكلم وخلاص وقولت هى مثقفه البنت دى يعنى بتقعد ليل ونهار تصقف كده على ايه مش عارفه

النهارده لقيت خبر حلو اوى نقله ليه محمد عتلم واضح انه ناوى يغيظ فيه كتير ويرفع ليه الضغط بس برضه مش هديله فرصه وهيطلع نأبه على شومه :)
لانى اخدت الموضوع بشكل تانى خالص
الاول الموضوع ايه ان اخوانا البعدا اسرائيل عملت جيش اى والله جيش من المدونين يعنى بيجيشوا الجيوش يا هنادى ، هنحارب بعض بقى احنا هنردح وهما يردوا علينا او العكس وهنضرب يا ويلد للصبح
هما طبعا عرفوا ان الميديا لها اهميه
وعمرهم ما كانوا هيخطوا الخطوه دى الا اذا تأكدوا ان المدونين العرب فى الفتره الاخيره او فى الحرب على غزة نجحوا فى حاجه وده حاجه كويسه فى حقنا ويا ريت نستمر فيها بشكل منتظم ومحترم وطبعا لان نواره وبعض الناس كانت بترد فى مدوناتهم وبترد وبتجادل بالعقل وكمان الجوابات اللى اتكتب بقينا نحط اللينكات بتاعتها على مدوناتهم ومدونه غزة الان كمان واضح ان ده جاب لهم هبل الجديان وعمى المعيز ونطح الخرفان اولا يا جماعه بجد اللى يقع تحت ايده خنزير زى ده بلاش وحياه اغلى شئ انت وهو وهى نشتم الا هدعى عليكم واكنس عليكم صلاح سالم رايح جاى .... اصل اسهل حاجه عندنا حتى لبعض الشتيمه وده اسلوب مش حلو ناقش بالعقل مقدرتش بلغ حد تانى يعنى اتحدوا شويه بلاش نفرش الباديهات بتاعتنا لبعض ولا ليهم متخلوش حد يستفذكوا هما عملوا كده علشان يكتسبوا العالم معاهم وخلوا بالكوا ممكن يبقى فيهم حد بيتكلم عربى كويس جدا وميدخلش على انه اسرائيلي ده اذا اصلا مكنش موجود من دلوقتى وبيمثل علشان يعرف دماغنا وحياتنا
حد هيقولى طيب يا ست الكوتكوته هنعرف ازاى اقولكم من مدوناتهم هيجوا عندنا لوحدهم ولو عملنا سيرش هنلاقى واللى يلاقى يقول للكل عليهم ونبقى نلمهم كلهم فى باسكت واحده ونرميهم فى اقرب مقلب نفايات
واحنا عندنا ناس بصراحه شاطره فى النقاش والجدل بالعقل
مش عاوزينهم ينتشروا زى الف الوكسا الطيور دى
الله يكرمكوا بقى وعلى فكره الكليبه دول بيحاربونا من زمان بالمخضروات والبلاوى الزرقا اللى بتحصل يعنى حتى الحرب بينا منتهتش

الخبر اهو
دبي- حيان نيوف أعلنت وزارة الهجرة والاستيعاب الاسرائيلية عن تشكيل "جيش المدونين"، المكون من اسرائيليين يتحدثون لغة ثانية، ليمثلوا اسرائيل في المدونات "المناهضة للصهيونية" والتي تنتشر بلغات فرنسية وألمانية وإنجليزية وإسبانية، وذلك وفق تقارير صحفية نشرتها الصحف الاسرائيلية الاثنين 19-1-2009 . ووصفت إحدى الصحف الاسرائيلية قرار الحكومة هذا بأنه "سلاح جديد على جبهة العلاقات العامة والدبلوماسية التي تقوم بها إسرائيل". وذكرت صحيفة "هآرتز" إن ساندرين بيتوسي، 31 عاما، كانت أول المتطوعين في هذا الجيش، وهي فتاة تقيم في "كفر ميمون" (دى اللى فيها قرود يعنى ولا ايه نيهاهاهاها) القريبة من غزة والتي قالت "قررت المشاركة فور سماعي عن الأمر في الراديو وذلك لأني في وسط الصراع". إشراف وزارة الخارجية الخبر كامل
انطح هنا يا ريت تقروه

اللى عنده اقتراح برضه لينا فى مواجهتهم يقوله او اللى مش شايف اننا عملنا حاجه كويسه او مقتنع يبقى جدع كده ويقولها فى وشى علشان اعلقه على باب الكوكب
على فكره فعلا فيه ناس كتير جدا مبيعرفوش يتناقشوا وتلاقوهم فرشوا الملايه بسرعه والغريبه انهم يقول للى قدامهم يااااى انت قرف وهما اصلا اللى بيشتموا ويطولوا لسانهم وطبعا يا عينى بيكون عندهم عمى الوان مش واخدين بالهم هما بيعملوا ايه اصلا بس فى النهايه الناس بتكون شايفه
وفيه استاذه فى كده بصراحه وبيتحدفوا علينا كتير اوى لان عارفين ان حجتهم ضعيفه وانهم هشين اوى وبيعملوا حروب كلها قذاره على الناس الكويسه سواء ردود تحت اسماء تانيه سواء ايميلات مشبوهه بس كله بيروح فى الغسيل يا عطيه :) المهم ناخد بالنا من كل كلمه وتصرف ومفيش مشكله اذا اختلفنا بس العيب اننا مناخدش بالنا من قدرنا وحجمنا وطريقه ردودنا

ملحوسه جعلوصه :-احنا هنظم زياره لمستشفى فلسطين فى مصر الجديده على يوم الجمعه ان شاء الله هبقى اعمل تحديث بيها يا ريت تبقوا تتابعوا علشان عارفه ان فيه ناس كتير نفسها تشارك معانا


كان معكم وكيل اول وزاره الزراعه قسم مكافحه الحشرات ابى هانم بتنجانى


حكمه الامبراطورة

بقى للكلب بيت وماشيه وعزوة وحاشيه

حليمه طفله فلسطينيه

حليمه بنت فلسطينيه كانت فى مصر السنه اللى فاتت
جميله زي اطفال كتير من اولادنا
ده بقى حالها يا جهله يا منقادين ياللى مش صعبان عليكوا غير نفسكوا وبس ياللى بتشتموا ليل ونهار
وده صورتها بعد ما ماتت عاوزه حشره يطلع يعلق ويقول انهم متفقين مع اسرائيل وهي فتره وكل علشان السلطه




حليمة طفلة فلسطينية جميلة بريئة
جاءت الى مصر منذ عام وظلت بها اسبوعين
كل من راها احبها
كانت تزور شقيقها الذى يعالج فى المستشفيات المصرية
اخذت لها الصورتان الاولتان فى مصر العام الماضى

حليمة
اغتالتها يد العدوان هى وجميع افراد اسرتها
وهاهى صورة جثتها بعد ان قتلت اليهود براءتها

افضحوهم وافضحوا افعالهم



هانم طوبار

وصلتنى هذه الرسالة من الاستاذة هانم طوبار تدعو الجميع بنشر هذا الموضع برجاء لجميع المدونيين النشر



البوست ده نقلته من مدونه احمد عبد الفتاح يالالاللى

وبجد مش قادره اعلق من اللى جوايا اتفرجوا وشوفوا الناس ابقوا روحوا بصوا على الناس فى المستشفيات المصابين اللى هما ولا حماس ولا فتح ولا بتنجان الكلمه اللى على لسانهم الحمد لله
حسبى الله ونعم الوكيل فى كل واحد بيظلم انسان ربنا ينتقم منه يا رب
الفصائل كلها اعلنت وقف اطلاق النار وامهلوا ازرائيل اسبوع تسيب غزه هدموا البيوت شردواالناس واحده طالعه تقول انا بيتى متهنتش بيه نهبوا ...أكلوا كل الاكل اللى فيه هدوه هتروح فين هي وتلات اطفال
واحد هيقعد هو و15 من عيلته فى اوضه اذا لقوا
غزه ادمرت ....فى مصر قابلت اربعه من عيله واحد عيله عصفور احمد عصفور فى الاسماعيليه واخواته هنا فى مستشفى فلسطين 3
عاوزه حد يقول الناس دي هتعمل ايه ربنا يوجع قلوب الكفره والتابعين والمنقادين يا رب
وطلعوا 100 جثه شهيد متعفنه ومشوه من الضرب الناس هناك متحملوش المنظر الشكل فى الحقيقه غير على التليفزيون خالص بجد
ربنا يصبرهم وذنبهم فى رقبه الخونه كلهم

تابعوا كل التقارير على المدونه دي غزه الان


انا شوفتك فين قبل كده


انا مش راح اعلق على الصورة لانى واخده هدنه كام يوم اريح فيهم اعصابى وكمان مسافره افغانستان اهدى اعصبى يومين
وازور القرد الشمبونجى علشان نعمل مؤتمر قمه بدل اللى احنا مش فالحين فيه ده هنا وكل يوم واحد يطلع يعمل مؤتمر لوحده ولا مجلس لوحده وتبقى مزاد واللى يعقد قمه اكتر ياخد عليها كانز بيبسى هديه اوكارت شحن ام نبيل وحودافون ومنتصالات
المهم جبت لكم صورة تحفه بجد
ومش راح اعلق انطح هنا هتلاقى الزياره الجبارة
انا هسيبكم انتم تقولوا الصورة دى بتفكركوا بايه ومعناها ايه الصورة دى واشوف بقى الذكاء بتاعنا وذكائهم وصلوا لنا الرساله ولا لا
والصورة عن زياره الاخ الكبير السيد الاستاذ البشمهندش الحاج/ جمال لرفح
علشان الجرحى الفلسطنين وبيشجب اللى بتعمله ازرائيل وكان سامع صوت القنابل والصواريخ بس اه دى منى ليه يا ريت كلكم تقروا عن القنابل الفسفور الابيض اللى بتضرب قرب المعبر دلوقتى وشوفوا تاثيرها على الجو والميه حد هيفهم ولا هتناموا

طلب تانى لو سمحتوا بليززززززز سيلفوبلاى حد يترجم المقال ده يا جدعان بتاع الاستاذه صافيناز كاظم اترجم انجليزى بس ترجموه لغات تانى لو سمحتوا فرنساوى بس حد بيروفيشنال ومش جوجل متفضحوناش
انطح هنا هتلاقوا المقال هو البوست اللى قبل اللى فات

متنسوش موعد زياره الجرحى فى مستشفى الاسماعيليه انظر البوست اللى متكعبل قبل ده

يالا مش عاوزه دوشه ومحدش يتصل بيه خالص

كان معكم ابى هانم بتنجانى من امام صورة العملاق الاخضر واهديله اغنيه يا حلاوتك يا جمالك

حكمه الامبراطورة

دق على الطاسه تجيلك الف رقاصة

يا حكومه الوز بطلى هز


انتبهوا جميعا يا شوباب :- ايناس صاحبه مدونة نهر الحب عامله دعوه لزياره الجرحى الفلسطنين فى الاسماعيليه وادى اللى قالته ليه
نتقابل فى الاسماعيلية يوم الجمعه 16/1 الساعه 11 ظهرا امام الباب الرئيسى للمستشفى الجامعى عدد الجرحى فى الاسماعيلية 19 حالة بعد ان توفيت شابه هذا الصباح منهم سيدة تبلغ من العمر 58 عام وشابة فى العناية المركزة عندها 17 سنة والباقى رجال من سن 17 عام الى الاربيعنيات ومازالت المستشفى تستقبل المزيد غير الجرحى اللى بالمستشفى العام
محتاجين تبرعات مالية وبعض الملابس عصائر للاستفسار رقم تلفونى هو 0188047779
اما عن نفسى ان شاء الله مسافره يومين وهحاول ارجع على الاسماعيليه نتقابل هنا محدش يتصل بالبنت يعاكسها بلاش الحركات القرعه دى اناعارفاها وعلى فكره هنروح زياره تانى بعد فترة بس يا ريت تبقو موجودين وخاصه مدونين الاسماعيليه


تحديث مزفت بزفت :- شوفوا الخبر ده شوفوا الخيبه اللى بيقينا فيها انا عاوزه حد يرد والنبى عليا ربنا يكرمكوا قولا ده اسمه ايه
انطح هنا ابوس ايديكوا شوفوا علشان عاوزه حد يرد بس على السياده والرياله


براحه ومن غير عصبيه اهو الحلوين الكتاكيت اللى خايفين مصر تحارب وبيرددوا كلام زى البغباغانات وقولت لهم متخافشو احنا عندنا شباب فل اخره فرقعه من على الكيبورد وانا مش موافقه مصر تحارب اصلا لو عاوزين حد يحارب يبقى كله مع بعضه ده لو عندهم امكانيات اصلا واللى ماسكين فى كلمه ياسر عرفات الله يرحمه مع انى اصلا عمرى ما سمعتها ولا اصلا مصدقه انها صح انا هدافع لاخر جندى مصرى دى انا عن نفسى مكدبه الكلمه دى ولو صح يبقى زله لسان راجل بجد عمره ما يقصدها ابدا اكيد ربنا يرحمه يا رب وهو كان فيه كل الامراض اللى تخليه ميعرفش يقول كلمتين على بعض الدور والباقى على اللى لسانهم عامل زى لسان السحليه وبيغلطوا فى الكلام والتصريحات وبيكسفونا
انا مش ضد بلدى انا حزينه ومقهورة بجد من الحكومه الشعب غير الحكومه العالم كله عارف كده واللى مش عاوز يفهم ده يبقى ابن ستين تييييييييت وتيييييييت وتيييييييت كمان
لو اى حد له اى صاحب جنسيه تانيه هيقوله احنا عارفين المصريين انهم غير الحكومه وكله بيشهد لنا بده
ولما بيتعشموا فينا علشان احنا طول عمرنا عندنا بطولات وامجاد ونيله وعلشان مصر هى الكبيره
محدش طلب مننا نحارب محدش قال موتوا نفسكوا قال اضغطوا على الحكومه لانهم كانوا مغشوشين فينا وفاكرين عندنا ورق نقدر نضغط بيه طلع عندنا ورق كوريشه بتاع الزينه وحتى مش محصل ورق كوتشينه

وبرضه الناس اللى يقولك مقدرش الغى المعاهده يا مامى اصل علشان اصل ممكن يعنى كده مصر تتبهدل وتدخل حروب واحنا البلاى ستيشن بتاعنا بايظ

طيب والله يعنى ماشى حاضر انا موافقه علشان كله خايف الا مجموعه صغيره من الشباب اللى لسه عندهم نخوه ومش فارقه معاهم وبيطلبوا الشهاده زيك يا ابو صابر

انا مش هشخط ولا ازعق ولا اقول بطلوا تتفرجوا على افلام والت ديزنى والنبى وتطلعوا الهبل وكتر اكل المصاصه والفيشار علينا

ممكن بقى حد يفسر ليه كام سؤال كده براحه

1- من زمان وكل يوم والتانى الكلاب الازرائليين ينشنوا على واحد مصرى ظابط او مدنى وخاصه الاطفال فى رفح كانهم بيدربوا علينا وتطلع الحكومه بنت العز وتقولك نيران صديكه انا نفسى افهم صديكه دى مااشيه على حل شعرها على طول كده ما علينا واحنا برضه هنسامحها ويضيع دم اطفال وناس حلو؟
جت مجموعه من فلسطين وضربت نار على اخواتهم مصريين ودول اتقتلوا ودول قامت الدنيا ومقعدتش وقالوا المقاومه ويخرب بيتها هما مبيشوفوش والعتب على الباب والكلام الفارغ ده وعلشان يزودوها قالك ده اتقتل فى مكتبه وهو من غير سلاح طيب ازغرط انا بقى ولا اعمل ايه هو فيه ظظظظظظابط مصرى مش على الحدود لا فى اى قريه مجهوله المعالم حتى بيخرج من غير سلاح ؟؟

طيب ازاى يعنى وقامت الدنيا ومقعدتش وقولنا ربنا يرحم الاتنين برحمته وياخد اللى كان السبب فى وقوفهم قدام بعض بالشكل المخذى ده ويصبر قلب دول ودول

امبارح بقى علشان كل حد يقولى المعاهده ومش المعاهده هسمعه اغنيه على الزراعيه يا رب اقابل حبيبى وهديله باى حاجه فى ايدى ومشوها ايدى يعنى

لما تدخل اسرائيل تضرب من على الحدود بتاعتنا فى الاجواء المصريه ولما ترمى رسايل على الناس تقولهم سيبوا الاماكن دى علشان هنضربها لما رائد وملازم اول واطفال وعساكر تتصاب بشظايا
مسمعتش كلب هوهو ليه وطلع عبرنا ابو قردان فين من ساعه ما قال دور مصر هو التعر..... واتكتم
مطلعوش نددوا ليه وشجبوا وانتحروا

السؤال بقى للبهاوات اللى بيقولوا اصل لو فتحنا المعبر يا مامى الفلسطنين هياخدوا سينا على اساس سينا دى يعنى اللى ساكنين فيها ولا اهلها بلاش اهل مصر كلهم فرد شمال

فين المعاهد مين اللى بيخترقها دلوقتى مين اللى متمسك بيها وبيتذل انفاسه بيها ومين ضاربها فى الحيطه

مصر سكتت ومعملتش حاجه او مش مصر حكومه الوز سكتت ونفشت ريشها علينا وقالت انتم خونه واحنا بنحميكوا بالليفه والصابونه يا كليبه يا غوغائيين يا وحشين واحنا اتكسفنا وسكتنا

وقولنا صح وبقينا حيرانين هما بيحمونا دول كبار وفاهمين
طيب بعد اللى حصل امبارح تحديدا ومش راح اقول من قبل كده والحاجات اللى بتتهدم والناس اللى بتموت سواء فى سينا ولا فى غزة
لسه بتسالوا عن المعاهده لسه فاهمين انهم بيحمونا احنا ولا بيحموا الكراسى لسه برضه مصممين ان الحكومه خايفه علينا
انا معنديش كلام بجد اقوله

معلومه على الماشى برضه الاونروا منعت من يومين توزيع الغذاء على الفلسطنين علشان العاملين معاهم استشهد منهم واحد والانروا زعل وخافت على المتطوعين بيها دلوقتى ازرائيل بتضرب فى الانفاق وانطح هنا وشوف وقرب المعبر علشان يتقفل رسمى ومصر تخاف اكتر..... ازرائيل بتضرب قنابل فسفور لونها ابيض وممنوعه دوليا يبقى معناه ايه؟
اهل غزة معندهومش اكل وعلى فكره ده قبل ما يتقال لهم ان الدقيق بدل يخلص مش شايفين ربط غريب وازرائيل ضربت ومصر قالت انا مش عاوزه مراقبين من ناحيتى خالص وهما بيهددونا علشان احنا رفضنا على الله حد بقى يفهم والنبى

حماس طلعت قالت انا موافقه بس ينسحبوا ويجيبوا مراقبين ...ازرائيل بتكمل خطتها وبتضرب
لسه برضه هنتهم بعض؟ ولا هنفهم اللعبه لسه برضه هنقول مين السبب ولا نفوق بقى

ها ردوا عليه هتفكروا ولا برضه هتغموا عنيكوا وتتشدوا ورا اى كلام ربنا هيدينا عقل ولا هنفضل متنحين ومنقادين ومش فاهمين وبغبغانات

الخبر اهو انطح هنا علشان تشوفواوبالمرة فيه خبر للست عايشه عبد الهادى بتقول اللى هيجى ناحيه مصر هنكسر رجله اه والله يا ام عبدوو انا عارفه انك قادره وتعمليها بجد بس مقولتيش تقصدى مين اصلك لو تقصدى اسرائيل يبقى كده روحى بقى اضربيهم على ايديهم وورينى هتكسرى المصاصه ازاى يا بيضه

ملحوظه :- يا ريت تشوفوا البوست برضه اللى قبل ده وتساعدونى فى الترجمه على الرغم من الاحباط اللى انا فيه


كان معكم مراسلكم من مجلس الوز الموقر ابى هانم كعب الغزال

حكمه الامبراطورة

وبكره ترجع ريما من عند صديقتها فى مارينا

المساعده يا فياكين ويا فيكونات ....مذلون مهانون



الكلام والمقال ده من الكاتبه صافيناز كاظم والده نواره ومتأخرتش بصراحه لما طلبته من نواره وهي بلغت طنط احنا عاوزين نترجمه وبرضه نبدأ ننشره زي اللي قبله بس يا ريت بلاش ترجمه جوجل عاوزين كل اللغات وهظبط انا الميلات تاني وابقى انشرها مع الترجمه يا ريت تشدوا حيلكوا لغايه لما يتقطع ونترجمه ويا ريت عبرررررري علشان الكلاب تفهم ونبدا نحطه فى كل مدوناتهم ورونى الهمه بقى
علشان لازم نركز على الميديا زي ما قولنا ميرسي يا نواره يا بنتى عمنا نجم وميرسي لطنط خالص ربنا يكرمها يا رب ومش لاقيه كلام يوافيها حقها المقال

مذلون مهانون: هكذا يريدوننا دائما فهل نرضى؟

بقلم صافي ناز كاظم

الناس تسقط ميتة والمقاومون المجاهدون يرتفعون شهداء في سبيل طاعة الله وتقديم حقه فوق كل حسابات الربح والخسارة عند التجار عشاق فتنة هذه الدنيا .

منذ سنوات ياسادة،بالتحديد سنة 1416هـ.\ 1996مـ.، وقف المسيو جاك شيراك ليقول بحنو بالغ: "لابد أن يلقي حزب الله سلاحه" حتى يتوقف القصف الحيواني الغاشم الذي تصبه دولة الإحتلال إسرائيل على الجنوب اللبناني.هذا كان كلام أشد الناس مودة للعرب وللبنان. دولة الإحتلال الدخيلة المعتدية تجمع السلاح عيانا بيانا من كل مكان ويكون معها العذر كل العذر وعلى الضحايا أن ينزعوا سلاحهم ويجرموا مقاوميهم ليكفوا عن المقاومة! ماشاء الله! هذا ياسادة كان أكثر الكلام تعاطفا مع لبنان بعد مذابح الأيام الثمانية الأخيرة من ذي القعدة والأيام المدخل إلى ذي الحجه 1416 حين استمر القصف الصهيوني المسعور يقتل الأطفال الرضع ،منهم طفلة عمرها ثلاثة أيام، والصبايا والأمهات الشابات والمدنيين أهل القرى العزل الذين لاذوا بقاعدة للأمم المتحدة، 18\4\1996، متصورين إمكانية حمايتها لهم من الحقد الأعمى للأبالسة والشياطين أعداء الله وعار البشرية الأنجاس الملوثين للأرض التي وصفها القرآن الكريم بـ "المباركة". ماأشبه يومنا الدامي في غزة ببارحتنا ، فهاهي المذابح تخزق الأعين وليس على فم المجتمع الدولي الغربي الأوروبي \الأمريكي سوى تلمس العذر لدولة الإحتلال الصهيوني التي، رغم بوارجها ومفاعلاتها وأسلحتها الفتاكه المحرمة دوليا، تعاني من شوكة صغيرة تقلق راحتها اسمها: مقاومة حزب الله وحماس! كأن أقمار المقاومة العربية ليسوا أصحاب حق مواز، وأكثر، لحق المقاومة الأوربية والأمريكية التي تصدت لمحتليها وأعداء حقوقها. هذا هو عدلهم: لهم حق المقاومة ولنا الإجبار على إلقاء السلاح وأكل عناقيد غضب الغوريللا الصهيونية الغبية المتوحشة الهائجة لأننا لا نتركها تغتصبنا وتلتهمنا في خنوع وسكوت الموتى والحفريات!

كيف نرجو العدل من أيدي الجناة ياسادة؟

بلادنا تنتهك وأطفالنا يذبحون بحجة الذئب للحمل، بدعوى تأمين الإحتلال الصهيوني وتمكينه من الإحتفاظ بسرقاته ومواصلة غاراته متى شاء وكيف شاء وشاء له هوى كبار المجرمين واللصوص في الإدارة الأمريكية والإتحاد الأوروبي وتوابعهم، وحين تنهض مقاومة الناس للدفاع ،تحت أي لافتة فكل مقاوم في سبيل الحق هو من حزب الله وحماس، يستحل ذلك المسمى المجتمع الدولي القذر ذبحها وإهدار دمها مسترشدا بتعاليم الفلسفة اللادينية النفعية المنحطة التي تعتمدها أمريكا عقيدتها المثلى وتسود بها على العالمين. والمدهش أن البعض منا بدلا من أن يهتاجوا ضد المعتدين تسمعهم يسبون أنفسهم وأنفسنا في حالة مرضية مزرية من تعذيب الذات.

حين قال الشاعر حافظ ابراهيم:"أمن الحق أنهم يطلقون الأسد منهم\ وأن تقيد أسدي؟" ،كان يعني سلطة الإحتلال الإنجليزي التي كانت تسجن وتنفي وتقمع أبناء وطننا المحتل، والآن أصبحت أمريكا هي سلطة إحتلال الأرض كلها وهي لاتطلق الأسد منهم بل الكلاب المسعورة بينما كل أسود الوطن العربي والإسلامي في أقفاص الإتهام مكبلة بتهمة "المقاومة" بعد أن نعتوها "إرهابا". فهل نفتح أعيننا ونرى الحق حقا والباطل باطلا أم سيظل الحتم على حكمائنا وراشدينا وألي البصر والبصيرة منا أن يرددوا وراء الإمام علي بن أبي طالب استشهاده ببيت الشاعر دريد بن الصمة (أخو هوازن): "بذلت لكم نصحي بمنعرج اللوى\ فلم تستبينوا النصح إلا في ضحى الغد"؟

(أنصح بمراجعة كتابي "المقاومة وإرهاب المكر الصهيوني"،مركز يافا للدراسات والأبحاث، القاهرة، 1996).


ومع السلامو عليكو كان معكم مراسلكم ابى هانم بتنجانى وعدنا للعمل

حكمه الامبراطوره

اللى على راسه بطحه يشيل ايده من عليها علشان ناويه اعملها له حفره


مراهقين ومراهقات

صوره الكاس ده بتاعي تصويري واختراعاتى اوعوا حد يمد ايده وياخده هعضه
بس ممكن اقول على الطريقه


تحديث ملوش لازمه :- استعنت بكلمه مراهقه علشان هى دى الفتره اللى بتكون فيها المشاعر قويه جدا وبيكون القلب هو اللى فيها اكتر حاجه بتحرك المشاعر مش علشان كلمه وحشه وده تجنبا للصداع وتكرار الكلام فى الكومنتات بس

عفوا صديقى فكلنا مراهقين ومراهقات


اكتشفت اننا جميعا مراهقين ومراهقات وتستمر المراهقه معانا بالرغم من بلوغنا حتي سن الياس

وسن الياس ليس فقط هو انقطاع الدوره الشهريه عن السيدات ولا هو بلوغ الرجل سن الاربعين وطلوع الشنب المقزز لى خاصه على الوجهه ولكن ايضا سن اليأس ما وصلنا له من ياس فى حياتنا من كل شئ حتى ابسط الحقوق والحصول عليها وهي قلب ينبض ونخوه تجاه المواقف

ولكن المراهقه داخلنا فمن منا لا يريد سماع كلمه حبيبتى من منا لا يريد كلمه ترضى الغرور بداخله من منا ينكر ...

احم احم خلاص مبعرفش اكتب لغه عربيه علشان ملخبطش اه انا بقى اكتشفت ده اننا مراهقين راجل وست واللى هينكر هحطه فى الفازا اللى على شكل كاس وفيها جل اللى قدامي دي علشان يبقى كائن هلامي قشوري جمبري

كلنا عاوزين نسمع كلام حلو مهما كبرنا كلنا متمسكين باغنيه او اتنين من صغرنا

مفتكرش انى مريت بسن المراهقه لان اول حب فى حياتى كان بعد سن المراهقه وانا فى السن ده كنت بلعب كوره فى الشارع مع الاولاد واققف جون كمان وكنت بجري فى النادي ولابسه تريننج وقصه شعري قصير ولما حبيبت لاول مره فى حياتى كان وانا عندي 18 سنه وكان حب زي الابيض واسود بس مجرد انه يعدي من عند البيت واشوفه من غير كلام ولا سلام ولا ابتسامه بدون كلام من الطرفين وممنعناش غير الموت من اننا نكمل الحب ده

اكتشفت اني لما كبرت ما زلت وعاوزه اسمع الكلمه الحلوه ومش انا لوحدي حتى صحباتى المتجوزين وكل اللى حوليه رجاله وستات مين ينكر ده يبقى احم احم

عارفين الفرق ما بين سننا ده وقبل كده هو اننا دخلنا العقل شويه دا اذا كان باقى فينا عقل اصلا اصلا يعنى لاننا الحمد لله فى بعض الحالات بندي للعقل اجازه بدون مرتب

واللى يقدر يجاوب .... مشاكل المتجوزين واللى بيهدوا بيوت علشان بس مسمعتش كلمه حلوه من جوزها ولا اللى اتهبل وبيجري ورا واحده بتكتب شعر ولا بتقول كلام حلو وتدلعه يا حلو انت يا حلو

حتى لو كان سوري يعنى شبه ابو قردان او طرزان بس الطفل والمراهقه اللى جواه مستمره وكل رجل وست فيهم ده وركزوا وشغلوا مخكم وانتم تعرفوا ان اغلبيه المشاكل ده سببها

او ست حتى تبقى شبه يوم التلات يوم ملوش لازمه فى الاسبوع وبرضه مهمله وقالبه البيت شبه بيت الاشباح وبرضه بتعترض وتشجب وتنتحر يبقى كل المطلوب كلمه علشان الحياه تمشي

الشعب الوحيد اللى لسه مبتحركهوش المراهقه هما الفلسطنين لانهم عاشوا على ارض الواقع وصامدين وواقفين وبينددوا وبرضه فيه ابتسامه على وشهم بالرغم من الدموع اللى فى عنيهم مبيطلبوش من حد يقول لهم كلمه بيطلبوا مواقف

اسرائيل الاغبياء عارفين ده وخايفين منهم لانهم الشعب الوحيد اللى بيحكمه عقله حتى بيمنعوا الناس تصلى فى المسجد الاقصي اللى تحت خمسين سنه شوفوتوا خوف اكتر من كده

اعتقد ان زمان ايام الحرب برضه كان الجيش مراهق لانه بيحتاج لكلمه حلوه من ست حلوه والدليل الست برلنتى عبد الحميد لما اتجوزت من قيادي كبير طبعا فى غنى عن تعريفه

فانا اعترف انى ما زالت مراهقه حتى لو بستبدلها بكلمات لنفسي وانا زي المجنونه قدام المرايا واياك اسمع حد يقولى يا ضنايا يا بنتى انتى اتجننتى ولا ايه لا انا متجننتش بس ايقنت ان الراجل ما هو الا وسيله للانجاب بس ومفيش لازمه تانيه غير اننا ننكد على بعض ونعمل هدنه مزيفه ما بينا تيرت تيررررررتااااارا ... وهو يعارض وانا اعارض وهو يعند وانا دماغي شوز شمال واطنطت زي الاطفال وهو يسبنى من غير ما يطبطب عليا وتبقى النهايه زي مجلس القمل موافقه على اللى متفقناش عليه احنا الاتنين وده حال الكل يعنى ممكن الموقف ينتهي بكلمه حلوه بس لو فيه حب وكلمه بحبك دي كفايه اوي

كل طرف بيحب نفسه وشايف نفسه مقهور قهره الضفدعه المطلقه طيب ما تتكلموا مع بعض طيب ما تعترفوا بضعفكوا قدام بعض ايه العيب غير العند وبس طالما يا ناس يا هو يا جدعان فيه حب ولا الاعتراف بالحب كبرياء وعند

لغايه دلوقتى معنديش اجابه فى وسط كل الاستكشافات اللى عماله اعملها دي

اللى معترض يدخل يقولى بس فى قفايا مش فى وشي واللى موافق برضه يقولى فى قفايا علشان انا عندي فوران فى الدم حسب تحليل الدكتوره قوس قزح انى عندي فوران فى الدم فى الاطراف ومش قادره افهم يعنى ايه بس معترضتش على كلامها لاني مش هروح لدكتور

كان معكم لواء اركان حرب محبط ابى هانم

حكمه الامبراطوره

لك الله يا غزه ولنا زعازيع القصب


حكومه الوز



Add Image


الفيديو اللى تحت ده عمله االاستاذ/احمد شوقى صاحب مدونة صباح الخير يا مصر اه معلش سامحونى معرفتش اطلعه فوق مش عارفه مضايق باين منى وبصراحه له حق انا بقالى يومين مطلعه عين استاذ احمد بس هو ربنا يكرمه اتحمل الرخامه اللى واقعه منى بقالى فتره
الصور دى رد على اداعاء الاغبياء اللى بيقولك احنا مبنقتلش اطفال

اللينك اهو للى مش عارف ياخد الفيديو من عندى ابعتوا اللينك بس فى ايميلات او حطوه على مدوناتكم انطح يا ريس


بيان رقم واحد واحذروا البيانات اللى بصدرها اليومين دول لان انا عامله زى الكلاشينكوف وشحن ذاتى كمان


الاغبياء اللى فاكرين صور الجرحى والموتى استعراض

علشان الجبلى وزير الصحه اللى يتقطع لسانه يا رب يقولك ان الفلسطنين طالعين يستعرضوا
هو الموت فيه استعراض هو اللى بيكون عنده ميت ولا مصاب هيستعرض ليه هما بيصوروا شريهان ولا نيللى فى فوازير ولا يمكن روبى
علشان بس التفكير المحدود الناس دى فى غزة فاكرين ان محدش حاسس بيهم ولا يعرف حاجه عنهم بيسيبوا الاعلام يصور يمكن العرب يحسوا على دمهم او امريكا او الدول تعطف عليهم وترفع عنهم اللى بيحصل
الناس دى معندهاش كهرباء ولا اكل ولا اى حاجه واللى مبيشوفش التليفزيون يبقى يحط شوز فى بقه ويتكتم
وعيب قوى لما يطلع وزير الصحه ويقول كلمتين هايفين وتافهين تدل على عدم انسانيه ومتنفعش من دكتور محترم قد الدنيا علشان يدافع عن تقصيره يقول كده

ومش راح اقع فى نفس الغلط واقوله يا رب تجرب نار الناس دى هو وكل حد يقول كده لان اليهود بس اللى بيقولوا كده حرام هو ولا بيرحم ولا يخلى رحمه ربنا تنزل حسبى الله ونعم الوكيل وليه يوم هما
وبتوع البربور العربى وجعوا عينى كل يوم اشوف واخلص علبه مناديل والله ما هو من الاغنيه لانها قشوريه وجمبريه وتقرف بس من صور الاهانات والضرب والاطفال اللى بتعيط
انا بصراحه نفسى افهم ازاى حد يجيله قلب اصلا يشوف طفل بيبكى وهو شفايفه بتترعش كده ويقول كلام هايف بالشكل ده دا انا اللى معنديش اطفال قلبى بيتقطع ربنا معاهم يا رب بجد

غير كده بقى علشان نكمل فقع المراره نفسى حد ينوبه ثواب يفهمنى يعنى ايه عمالين نقول دول السبب لا ام جلمبو السبب لا دول حكومه شرعيه لا دول حكومه انفاق بالزمه يعنى اى دين فى الدنيا بيقول كده اى دين فى الدنيا بيقول نسيب ناس تموت ونقعد زى الجرب نهرش لبعض ده ينفع والله حرام يعنى بستغرب وبنقرف ويجيلى انقرافه واكتئاب من الناس تدخل تقول اصل حماس ....اصل فتح ... اصل مصر... اصل ام زعيزع وام عبدووو لما راحت لقت ابو فصاده هناك
ايه ده بالزمه ده كلام ناس عاقله وبتحب بلدها وعندها انسانيه دا انا خلاص على مشارف الانتحار بسبب قله العقل دى
بجد اللى بيعمل كده تسمح ليه اقولك وكلى اسف و مع السورى واسكوزا بكل لغات العالم جتها نيله اللى عاوزه خلف شبه حضرتك

بيان رقم تنتين محمد حمدى عمل مدونة للاعلام انطح هنا هتلاقى لينكها وطالب ناس تساعده انا شايفه الفكره حلوة اوى يا ريت كلنا نساعده
ولا بلاش كلنا الناس اللى بتعمل من قلبها مش عندها حنجرة فارغه وعماله تكاكى ليل ونهار من تحت البطانيه وفى ساعه الجد الاقى اكياس الجوافه ليها فايده عنها لان الفتره اللى فاتت برضه كله بان على حقيقته بجد ومعلش يا صديقتى انا فهمتك اللى فيها انا مبقتش اسمع من ناس عندهم عقد وكلاكيع اجتماعيه وشخصيه وانحطاط فى الاخلاق فبيعملوا اسقاط على البلد وعلى الناس اللى حواليهم وزى ما قولت لكى لو اديتى لاى حد فيهم عروسه لعبه وكام جنيه من الصبح هيقولك ملعون ابو البلد على اللى فيها دول حناجر مخوخه فاضيه ودول مينفعش معاهم دكتور نفسى لا دول عاوزين الاباده

الفيديو ده يا ريت ننشره على مدونات الاسرائلين واللى عنده مدونات كلاب اليهود يجيب ليه لينكاتهم وانا انشرها على اقذر حبل عندى علشان نعمل عليهم حرب نفسيه خليهم يجلهم هبل الماعز ونخلص منهم وننشرفى كل الميديا والايميلات اللى فى البوست اللى تحت واللى قبله
واهو بنعمل محاوله يا رب تجيب بنتيجه يا رب


كان معكم من قلب سوق الخضار ابى هانم بتنجانى



حكمه الامبراطورة

لو اتفرقت الغنم يقودها الماعز الجربان


الفيديو

ادخل بكليكك اليمين

تحديث تالت:- شكرا لست ادرى على كتابتها فى جلوبال فويس عن الموضوع انطح اللينك هنا
عن الرسايل اللى اتبعت لانقاذ غزه

globalvoices




تحديييييث تانى :- موقع اهو خدته من عند الحجه نواره للتصويت لغزه ادخلوا بايميلاتكوا وارقعوا ميت صوت وحطوا اللينك عندكوا ادخلوا بكذا ميل واوعي تزهقوا بلييييز
انطح يا ريس
انا صوت اوعي فعلا تحبطوا حاولوا وانشروا الموضوع

تحديث :- هحط لكم هنا ايميلات جديده خالص غير اللى تحت ممكن تبعتوا عليها القديم والفيديو كمان وشكرا لكم على حسن استماعكم تصفيق حاااااد


الفيديو ده عاوزين ننشره على اوسع نطاق وبرضه نبعته للميلات اللى تحت فى البوست اللى تحت الفيديو من عند الحجه نواره بتاعت الجبهه اللى جنبنا المهيسه دى

فيه ناس بتقولى فيه ميلات مش شغاله معلش بس فيه كتير شغالين واحنا بنحاول نجيب ميلات تانى اللى يقدر برضه يجيب بعت لنا اه ويا ريت تجددوا فى الايام وفى عدد الجرحى الا انا تعبت وبقيت زى النحله الدايخه ومش عارفه اركز كويس ساعدونى ربنا يكرمكوا انطح هنا علشان لينك الفيديو ، علشان نبعته على الميلات اللى تحت دى وعلى الجروبات انطح على الكلمه هيشغل لك الفيديو خده لينك وابعته فى ايميل منكن يا فياكين وفيكونات








وبعدين بقى لو سمحتوا بعض الناس بتجيب ليه هرش فى مخى تقعد تقولى هو ده ممكن يجيب نتيجه ده ممكن يفجر اسرائيل انا معرفش ده يجيب ولا لا المهم اننا نعمل اللى علينا وبس
وعلشان منبقاش كلامنجيه ومفرقعتيه كلام وعاملين ثورجيه وعاوزين حقنا وحق بلدنا واخواتنا وكل ده واحنا قاعدين فى حله شوربه
ما ممكن اقعد اشتم والعن ليل ونهار بس ايه الفايده هااااااا ايه الجديد بالنسبه لينا ولا حاجه
الصح الناس اللى بتحب الناس وعندها انسانيه ودم مش هيبقوا مجاهدين كيبورد ولا يكونوا بيفرقعوا بمب العيد ويجروا يستخبوا احنا نعمل اللى علينا وبما انى مش من هواة القاعده على السلالم ولا بحبها بصراحه ولا المظاهرات ولا الشطب والشجب انا بتحرك فى حدود امكانياتى وفى الحدود اللى بتسمح ليه انى افضل محافظه على نفسى وكرامتى
وعلشان محدش يدخل برضه يترجم كلامى غلط اصحاب اصحاب الامراض كتير انا مش بقلل من عمل المظاهرات ولا الكلام ده بس فى نظرى فى اولويات
وعموما ده راى مبحبشششششششش المظاهرات يمكن بتخنق من الزحمه يمكن بخاف اضحك على موضوع الهتافات اللى بيقعدوا يتخانقوا عليها لا نمشيها اسلاميه لا ليبراليه لا اشتراكيه والله ده اللى بيحصل وهما بنفسهم بيحكوا ليه كتير على الهبل اللى بيحصل فانا معنديش مراره ليه بجد

حاجه كمان غير الفيديو البنت خيخه وايناس نهر الحب عاملين دعوة لزياره المرضى يوم الاربعاء البوست عند البنت خوخه خيخه انطح على اسمها هتروح هناك ورجاء واستعطاف كله ينطح يمكن ربنا يقبل منى واخلص منها بقى
يا ريت كلنا برضه نشارك فيه ويبقى اسمنا بنعمل حاجه صح مش قاعدين تحت البطاطين وبنحارب طواحين الهوا


hrwnyc@hrw.org, berlin@hrw.org, hrwbe@hrw.org, chicago@hrw.org, hrwgva@hrw.org, hrwuk@hrw.org, hrwlasb@hrw.org, paris@hrw.org, hrwsf@hrw.org, toronto@hrw.org, hrwdc@hrw.org, hrwnyc@hrw.org; berlin@hrw.org; hrwbe@hrw.org; chicago@hrw.org; hrwgva@hrw.org; hrwuk@hrw.org; hrwlasb@hrw.org; paris@hrw.org; hrwsf@hrw.org; toronto@hrw.org; hrwdc@hrw.org, publisher@nytimes.com;president@nytimes.com
executive-editor@nytimes.com;managing-editor@nytimes.com;
foreign@nytimes.com, ombudsman@washpost.com;
foreign@washpost.com;ceo-carolinelittle@wpni.com, stletters@telegraph.co.uk;dtletters@telegraph.co.uk;
telegrapheditorial@telegraph.co.uk;
newlook@telegraph.co.uk;weeklytelegraphsubs@telegraph.co.uk, online.editor@timesonline.co.uk;news@timesonline.co.uk
;foreign.news@thetimes.co.uk;
newsrev@sunday-times.co.uk
;newsdesk@sunday-times.co.uk;foreigndesk@sunday-times.co.uk, customercare@gazette.com;announcements@gazette.com, masson@lemonde.fr, mailto:publisher@nytimes.com;
president@nytimes.com
;executive-editor@nytimes.com;managing-editor@nytimes.com;foreign@nytimes.com;ombudsman@washpost.com;foreign@washpost.com,ceo-carolinelittle@wpni.com;stletters@telegraph.co.uk;dtletters@telegraph.co.uk;telegrapheditorial@telegraph.co.uk;newlook@telegraph.co.uk;weeklytelegraphsubs@telegraph.co.uk;online.editor@timesonline.co.uk;news@timesonline.co.uk;foreign.news@thetimes.co.uk;newsrev@sunday-times.co.uk;newsdesk@sunday-times.co.uk;foreigndesk@sunday-times.co.uk;customercare@gazette.com;announcements@gazette.com;masson@lemonde.fr, ahramdaily@ahram.org.eg, http://www.harakamasreya.org/, al.ahaly@yahoo.com, Dostor.eg@gmail.com,
Dostor_eg@yahoo.com, ibrahimman@gmail.com,
kerbek@hotmail.com,
ragaa66@hotmail.com, abeersoliman@gmail.com, abeersoliman@gmail.com, walid_taher@yahoo.com, dostourmail@yahoo.com, yehiarakhawy@yahoo.com, bothainakamel@hotmail.com, koddosi@hotmail.com, zakisalem@myway.com, emad.abughazi@gmail.com, edawoud61@hotmail.com, t_rdwan@yahoo.com, eme55@hotmail.com, naglabedeir@hotmail.com
Mohamedal3zab@gmail.com, ahmedtawab@gmail.com, aktowfik@hotmail.com, fhoweidy@gmail.com, dr.nabil@ragolalmosta7eel.com, Kandel2002@hotmail.com, ayman@freeaymannour.org, elbadeel@elbadeel.net, Galal_Amer@hotmail.com, opinion@elbadeel.net, hamdeensabahy@hotmail.com,
Amin_eskander@hotmail.com, Kamal.arafa@hotmail.com, Kamal.arafa@hotmail.com, Mashhad6666@hotmail.com, alkaheraalyoum@orbit.net, al3ashera@dreams.tv, mostafabak@hotmail.com, watani@watani.com.eg, nabdelsalam@dailystaregypt.com, webmaster@mena.org.eg, info@alwafd.org, waelabrashy@yahoo.com,
elhaea@dreams.tv, bothainakamel@hotmail.com,
90min@elmehwar.tv, salahmont@ahram.org.eg, saad.mashakel@gmail.com, hewar@bbc.co.uk,
dostor_eg@yahoo.com; dostor.eg@gmail.com;
ibrahimman@gmail.com; kerbek@hotmail.com;
ragaa66@hotmail.com; abeersoliman@gmail.com; walid_taher@yahoo.com; kh_kassab@yahoo.com; dostourmail@yahoo.com; yehiarakhawy@yahoo.com; bothainakamel@hotmail.com;koddosi@hotmail.com; zakisalem@myway.com; emad.abughazi@gmail.com; edawoud61@hotmail.com; t_rdwan@yahoo.com;
eme55@hotmail.com; naglabedeir@hotmail.com; mohamedal3zab@gmail.com; ahmedtawab@gmail.com; aktowfik@hotmail.com; fhoweidy@gmail.com; dr.nabil@ragolalmosta7eel.com; kandel2002@hotmail.com; ayman@freeaymannour.org; hamdeensabahy@hotmail.com
amin_eskander@hotmail.com;kamal.arafa@hotmail.com; mashhad6666@hotmail.com; alkaheraalyoum@orbit.net; al3ashera@dreams.tv; mostafabak@hotmail.com; 90min@elmehwar.tv; salahmont@ahram.org.eg; saad.mashakel@gmail.com; hewar@bbc.co.uk; watani@watani.com.eg; nabdelsalam@dailystaregypt.com; webmaster@mena.org.eg; info@alwafd.org; elhaea@dreams.tv;
waelabrashy@yahoo.com, hrwnyc@hrw.org; berlin@hrw.org; hrwbe@hrw.org; chicago@hrw.org; hrwgva@hrw.org;
hrwuk@hrw.org;
hrwlasb@hrw.org; paris@hrw.org; hrwsf@hrw.org;
toronto@hrw.org; hrwdc@hrw.org; publisher@nytimes.com
; president@nytimes.com; executive-editor@nytimes.com
; managing-editor@nytimes.com; foreign@nytimes.com;
ombudsman@washpost.com; foreign@washpost.com;
ceo-carolinelittle@wpni.com; stletters@telegraph.co.uk
dtletters@telegraph.co.uk;telegrapheditorial@telegraph.co.uk; newlook@telegraph.co.uk; weeklytelegraphsubs@telegraph.co.uk; customercare@gazette.com; announcements@gazette.com;online.editor@timesonline.co.uk; news@timesonline.co.uk; foreign.news@thetimes.co.uk; newsrev@sunday-times.co.uk; newsdesk@sunday-times.co.uk; foreigndesk@sunday-times.co.uk; masson@lemonde.fr


كان معكم مراسلكم من التجمد التالت ابى هانم المصدعه

حكمه الامبراطورة

النساء كالحكام نادرا لما يلاقوا أصدقاء مخلصين