فتوى عمل المهلبيه



امبارح بالصدفه بتفرج على فيلم بتاع اوقات فراغ مش هقعد اقول الفيلم حلو وهايل لانه فعلا واقعى بالصدفه الولد بيقول للبنت المفتى سمعته اجاز البوس شرعا وقال
البوس حلال شرعا يا حازم ههههههههه
البنت سابت كل ده ومسكت فى كلمه قالك يا حازم
انا طبعا ضحكت لسبب تانى خالص ان فعلا مبقاش خبر اجازة البوس من عدمه او شرب السجاير فى رمضان من عدمها
الغريب انه قال يا حازم ههههههههههههههههه
الشباب بقوا شويه وهيطلعوا افتى لوحدهم كل واحد عاوز حاجه يعملها ويطلع بيها فته جديده
قووم ايه على الصبح النهارده اقلاقى سى جمال البنا بيقول

جمال البنا يجيز تطليق الزوجة وابقائها كعشيقة في حالة التعرض لاشكالات قضائية

طيب انا مش هقدر اتناقش كتير فيها بس اللى اعرفه ان كلمه عشيقه دى كلمه بتهين المرأة جدا وبتجرح كرامتها اللى عندها يعنى ازاى واحده كانت زوجه هتقبل ده
نيجى ليه هو عمل كده علشان بره بيحرموا او بيمنعوا زواج الاتنين طيب ما تتنيلوا يا ترجعوا من بره يا يتجوزوا واحده طالما قانون البلد بيمنع
الحاجه التانيه ليه شيوخ الازهر وبما ان الازهر له هيمنه المفروض فى العالم ده زمان يعنى احم احم
ميحميش موضوع تعدد الزوجات فى كل مكان ويطالب بتنفيذ الشريعه على المسلمين فيه (ده بصرف النظر عن انا موافقه او لا هههههههههه)
بس بجد فيه ناس بتوافق على الزوجه التانيه يبقى يحموهم ويطالبوا يستثنوا الزوجات الاجانب اللى اسلموا ويبقى خلصنا
بدل ما يطلع علينا واحد عنده هلاوس سمعيه وبصريه واللى عاوز يفصل فتوى ياخد فى ايديه حاجتين حرام او عكس بعض ويتكل على الله ويروح له الراجل هيظبط على الاخر

الخبر التانى

زوجة عفيفي وأمه تنازلتا عن الدعوي في مكتب المحافظ بعد زيارة أحد الضباط لمنزله

فاكرين ده البمبوطى اللى مات فى السويس طبعا مع الاسى الشديد من قلبى على اللى بيحصل بس اهم اخدوا تعويض احسن ما يبقى زى ما بتعاملنا الحكومه النخعه الخرعه بتاعتنا واللى بيتقتل ملوش ديه
السفيره الامريكيه اعتذرت للاسرة وتوصولوا لحل انهم يتانازلوا مقابل مبلغ مادى
انا طبعا عارفه هنقول هى ديتها اعتذار عن كل واحد يموت وخلاص وناخد فديه هقولكم ميبقاش موت وخراب ديار
الاعتذار الرسمى كويس مش وحش وكون اتمسكنا بحق الراجل لغايه لما رجع يبقى كويس
قارنوا بقى ما بين ده ودى امريكا
وما بين اللى بيحصل من اسرائيل
بيتهموا القتل فى اى حد سودانين مرة
عصفورة شايله زلطه وقعت منها موتت الظابط والبنت
اى كلام ولا حد بيعتذر ولا حد بيتكلم
تفتكروا مين سيد العالم امريكا ولا زفته الطين اللى عارف الاجابه يرسلها فى باكو لبان على الكوكب وله خروف هديه

خدوا بقى دى خبطه فى الجون فى الدماغ
أباظة يهدد بإجراءات صارمة ضد شركة الوليد بن طلال لتقاعسها في استصلاح أرضها بتوشكي

هو مش احنا قولنا توشكى دى خلاص خرابه عاوزين ايه من الوليد يعنى هى الشحاته هتبقى رسمى ولا ايه هما الناس دى بيضحكوا على مين نفسى افهم
وهو الوليد بالسذاجه دى
ولا الخزنه فاضيه اليومين دول طيب يشحتوا او ينصبوا بشياكه
طيب والنبى الباقى فين باقى الاراضى يا ناس
النوباريه اللى محتاجه الاهتمام مع انها بطلع افضل خضار وفاكهه ومترمين فى الشارع
مش القيين اللى ينقلها قتلوا احلام الشباب هناك بجد
مش عارفه هى مصر رايحه فين وشكلهم بقى منيل شبه الشراب الشمال اللى ريحته وحشه جدا من نصب لشحاته لنيله على دماغهم اصلوا الشحاته عند المصريين بقوة وخلوا الناس بقت متواكله

كده كفايه عليكوا وكل سنه وانتم طيبين

حكمه الامبراطورة

انتهت الزفة وضرب الدفوف وجات الهبلة تقول عاوزةتشوف

كان معكم مراسلكم من عند دار الحاج فته شيخ الطريقه الخرفانيه آبى هانم

سباق الخيل والفكر المتوتر


انسان بلا هويه عمركوا حسيتوا ده انا بقى مبقتش عارفه هويه حد من اللى حوليه فى الشغل ،الشارع ،البيت ،كل ما حس بقرب انسان منى ويتهيأ ليه انى عارفاه كويس اكتشف انه مجرد وهم فى دماغى حتى النحله والدبور بيزهقوا منه وبيتلخبطوا وبقى وهم فى دماغى انى اعرف هويه الناس
السؤال
هل فقدنا هويتنا ام هى التى فقدتنا؟
هلى اصبحنا نعيش على فتات قلوب وعقول من حولنا ؟
هل كل همنا اننا نقتل احلامنا واحلام اللى حوالينا؟

فى محاوله منى فاشله للاجابه على الاسئله دى لقيت ان البشريه بدأت تهوى الى عالم ليس له نهايه من التبلد والانانيه وفقد الاحترام لنفسيتنا ولغيرنا وبالتالى نفسيتنا هتنفسن علينا
قرار انى اخد وقفه بس علشان اقوم بيها انا او ا نتم لازم نستجمع قوانا العاطفيه والعقليه لمقاومه اى تأثيرات نفسيه بحته (الا يعنى ايه بحته دى )
لا بجد علشان نحدد من الصالح ومين غير الصالح على اختلاف مدى رؤيتنا لده
فى راى اعتقد ان نسبه 90% من اللى حوليه غير صالحين لنفسهم ولا ليه الاسئله بقى غير اللى فوق ومش عاوزة حد يزمزأ ويوقلى كل شويه تعملى امتحان اصل ها

1- امتى اخر مرة عملت فلتر للموبيل وعملت دليت لارقام مش محتاجها وحاسين انها عامله زحمه ؟


2- امتى اخر مرة عملت دليت لحد من على الماسنجر لانه مبيدخلش يكلمك الا لما يكون محتاج منك حاجه وبيتفنن فى ده ويقدم اعذار انه كان مشغول؟

3- امتى اخر مرة بصيت لنفسك وقولت ايه اللى انا بعمله ده ؟

4-امتى اخر مرة قولتى او قولت لا انا اللبس ده مش لايق عليا او مش مناسب مع انه موضه؟

5- امتى اخر مرة صفيت ذهنك من حله الترولى اللى عايشين فيها وقررت تقف وتبص من جديد علشان تمشى صح؟

جاوبوا على الاسئله بجد لان انا عملتها مع نفسى وحسيت قد ايه انا هديت امتى هنقف من سباق الخيل اللى بقينا ولا قادرين نكمله ولا قادرين نقف امتى هنفرمل ونقول اقف واشد خط وابص انا استفدت ايه من كل حاجه تدوين شغل حب علاقه صداقه مش لازم استفاده ماديه اقصد معنويه بصوا فى المرايه وشوفوا ايه اتغير للاحسن وايه للاوحش دى دعوه منى ليكم ولنفسى تصفوا نفسكم شويه علشان نعرف نكمل حياتنا صح ونصلح ظروفنا

ملحوسه منحوسه كونوسه :- كل اللينكات اللى عندى فى الجنب نقلتها على الريدر علشان اخف الكوكب شويه اللى موجودين مش عارفه انقلهم فسيباهم علشان محدش عقله يوزه انى شيلت لينكه انا عندى على الريدر فوق ال200 شخص والله وانا فعلا بحب كل الناس اللى بتيجى تقعد معايا هنا اصل اللى هيقول غير كده هسيب عليه خرفانى وقد بنجر من خلل

حكمه الامبراطورة اليوم

أنا زي الساعة يوم أتكتك ويوم أهاتي ويوم أروح للمصلحاتي


كان معكم خروف بمبى بيجرى فى سبق الحياه مع خيل كبير ولا هو عارف يقف ولا عارف يكمل
بالاشتراك مع آبى هانم بتنجانى

فكر حصاوى

ادخل على بيكيا للبيع بوست هناك جديد
اولا :- بشكر الاخت العزيزة الكميله بيلا علشان وضحت ليه معنى الفكر
الحصاوى وانا اخدت الكلمه منها وركبتها على البوست ومن هنا بشكرها واقولها نردها لكى فى الاسطبلات يا حبيبتشى هههههههههه

تعريف اصحاب الفكر الحصاوى بالنسبه لسعادتى

1- هم هؤلاء الذين يجلسون على الكراسى البنور اللى فى الطبق بتدور وفاهمين ان الناس التانيه غبيه ومش فاهمه وانهم مسئولين عن امرنا فى كل حاجه

2- هم اللذين يعجبهم عقولهم ويفتخروا بها وهم فى الاصل تابعين لناس تانيه تابعه لناس تالته ولو دورت من هنا لبكرة مش هتلاقى لهم اصل ولا جذور وان الفكره اللى بيحاولوا ينشروها هى مجرد اشاعه او خيال بيجلهم وهساهس وانهم فكر هلامى قشورى جمبرى فى الاساس

3- اللذين يجهلون العلماء ويعطوا لنفسهم الحق فقط فى التطاول على العلماء ولما ترد عليهم يقولك هى دى اخلاقكم وسبحان الله طيب ما انت اللى بدات ولا انت تركى وانا يعنى ابن الداده ويستكينوا ويعملوا فيها ام الخلول

4-هم اللذين يفهمون الرسيل على هواهم ويفسروها ويتاخذوا خطوات ليس لها علاقه بفحوى الرساله ولو استخدموا عقولهم اللى بيدعوا انها عندهم هيفهموا ان الرساله يا تهزئ بس بشياكه وفى الحاله دى رد فعلهم الاول هيكون غلط

او لها معنى تانى او رساله خفيه

بجد نصيحه للناس كلها لما تيجى رساله او تقروا متقفوش عند الكلمات فكروا شويه وبلاش سطحيه


5- هم من يدعون على انفسهم ليس ما بهم ويعتقدوا ان الناس مش هتفهم ولا هتكشف الهبل اللى بيقولوه

6- هما اللى عاوزين يعيشوا فى مستوى غير حقيقتهم وغير بيئتهم ويعملوا مثقفين ومفتحين وكلاس وبيكونوا بينين اوى
الناس الكويسه بتبان من التعامل مش الكلام والترجيع فى وشنا بكلام مش مترتب ولا مفهوم ليه بيتقال اصلا وبينسوا ان الايام تلف تلف والكلام بيتكشف واللى شبعه بعد جوعه بيبان ( هههههه مبسوطه فيكى يا رينا يا حبيبتشى ههههه)

7- البوب الكبير بقى فى الفكر الحصاوى هما دول انطح هنا
بيقولوا مينفعش ترميم يعنى هد وابنى يا ريس على حساب ومن جيب الشعب اللى يستاهل يتقال عليه فكر حصاوى برضه علشان مش
عارفين ناخد خطوه ولا نتوحد فى كلمه

8- وادى الخبر التانى الخاص بالفكر الحصاوى برضه انطح هنا

وعلى راى محمد صبحى شين او سين او شى حا بالذمه لغايه النهارده مش قادرين يعرفوا وعمالين يرموا التهم على بعض انا على فكرة لا يعنينى نظريات ولا حرقوا علشان ورق ولا حرقوا علشان يجددوا ترخيص ولا علشان مش معلقين مثلث عاكس حتى انما المشكله كلها فى كم الاهمال والفضايح اللى بتطلع ولو انى اميل انهم عملوا المصيبه دى علشان مصيبه سوزان تميم وفضايحهم اللى وصلت للعالم كله والجرسه ام حناجل والخيبه القويه وان واحد يعنى سورى ميتحسبش على الرجاله ولا العيال هزئهم راى الصغير دى حصلت علشان تغطى على العبارة وعلى هايدلينا وعلى سوزان تميم وعلى بلاوى كتير وبما انهم عارفين اننا يعنى عاطشفيين شويتين فقالك اضغط على دى وسمعهم مصر هى امى وان مصر هتموت وهتتحرق ويبقى كسبنا بيع مناديل كتير وملايات علشان الناس تمسح فيها دومعهم ونقعد ( سورى يا صديقى اتعديت من نظريه المؤامرة ههههههههه)

انا مش شمتانه قد ما مبسوطه ان كل يوم بننتأكد اننا لعبه فى اديهم وان القليل مننا اللى بيعرف يفكر ويمشى عكس التيار بتاعهم بس فى النهايه بيلعبوها صح وبيحركونا زى العرايس فى ايديهم
ودى بيقول مش انا وده يقول مش انا
اللى انا مش فاهمه هو يعنى ايه تكلفه عاليه علينا اننا نعمل اطفا اتوماتيتك اشمعنى يعنى احنا وعلشان عندنا مصنع مكلفنا وغصبين علينا واكراهه تركيب اجهزة واطفأ ذاتى اكتر من اتنين مليون ونص ولمصنع لسه بيتعمل هو مجلس الشورى ده ملوش اهميه ولا المصالح الحكوميه
ما بدل نقل رمسيس اللى كلف الملايين مكنش يتعمل الحاجات دى ولا بتاع الدفاع اللى طالع يقول فيه بس الناس مش مدربه طيب حطينه ليه زينه رمضان مثلا ولا فشخره ده اذا كان موجود اصلا
وبعدين ايه البجاحه وقله القيمه دى طالعين يرموا التهم على بعض وفكرونى بأوبريت نيللى لا دى بتاعتى لا دى بتاعتى ايوة سيبى اللعبه بتاعتى

9- هما اللى كل حاجه حوليهم بتتعمل كويسه وهما يترجموها غلط ووحش وانها كخه ولازم يهدوا كل حاجه كويسه سواء مواصلات او جناين هم اللى رافضين الالتزام طيب بزمتكوا اذا مكنش كل واحد بيبدأ بنفسه يبقى ايه اللى هيتعدل ولا هنفضل نقول الناس التانيه يعملوا واحنا لا نفسى افهم بنعترض على ايه بقينا بنعترض لمجرد الاعتراض مش بنفكر فى الجوانب الكويسه حتى لو صغيره شبه الفرخه البيضه اللى عند البياع سايبه كل الامكان اللى المفروض تقف فيها ورايحه تتنطط على الاقفاص علشان تقول انا اهو وخلاص

فى النهايه افكار الفكر الحصاوى كتير فى بلدنا اوى والمشكله انهم فاكرين ان العقول احتكرت عليهم بس وان مفيش حد احسن منهم
وعلى راى بابتى ربنا لما وزع الارزاق كل واحد اعترض على رزقه ولما وزع العقول كل واحد معجبهوش الا عقله
وانا من هنا بقول الناس مقامات والشوزات مقاسات

كان معكم مدرب اول فريق محارب مجاهد فكر حصاوى آبى هانم كعب الغزال

سحبوا الرخصه والمفتاح معايااا


اه والله انا مبسوطه اوى اصلها مش عربيتى امبارح وعلى فجاه لقيت ابن عمي الكبير بيكلمنى ودار الحوار

آبي:- هاى يا اونكل ازيك خير فيه ايه ربنا يستر ايه الاصداف والقواقع السعيده اللى بتسمعنى صوت زعرور ده ليه (اصله ميتصلش الا فى مصيبه )

اونكل:- هههههههههه زعرور يا ام خرفان انتى قوليلى يا ام لسان فالت فاضيه يوم الاربعاء تسافري معايا اسكندريه بعربيتى

ابي"-نيهاهاهاهاها بجد بعربيتك طيب اشوف بقى الشغل والاجازه و ايه نظامها علشان مضغوطه هتدفع كام بقى فى المشوار

اونكل:-يعنى ايه ادفع كام مش كفايه هخليكى تسوقى العربيه انتى ربنا يستر بس الحمد لله انا جددت التامين بتاعها وبالمره امنت على حياتى ساعه لما اخدت القرار ده انك اللى تسوقي وكتبت وصيتى خلاص الحمد لله

ابي :- ايه انت ليه كل ده ايه الرضا السامي العدل اللى انت عامله ده ليه ما انا قولت العيله دي ميجيش من وراها مشاوير وفسح لله وبعدين دا انا هسيب بطوط الكميله واسوق عربيتك اللى مش عارفه اولها من اخرها دي حتى واسعه اوي شوف لك ترزي يلمها بقى وبعدين اشمعنى انا يعنى (انا هموت من الازحه والفرح جوايا اونكل عربيته بى ام الفئه الخامسه وانا عربيتى اصلا ماروتى متجيش فرده كاوتش شمال فيها ولما بركنها فى الشارع محدش بيشوفها وبغطيها بجراب موبيل

اونكل :- اسمعى يا خرفان هانم انتى علشان اخلص من لسانك واياكي اسمع تعليقاتك الرخمه اللى يضايقوا اصل والله انتى حره شدي فرامل لسانك لمده خمس دقايق انا الرخصه بتاعتى اتسحبت منى وعارف هتقولى انت من امتى عملت رخصه اصلا ما انت بتسوق من غيرها اخر مره كنت فى دمياط ظابط وقفنى وشاف الرخص سحب رخصه العربيه وانا مكنش معايا رخصه خاصه والظابط كان قافل دماغه انه اصلا ياخد العربيه علشان مش معايا رخصه شخصيه وكمان مش رابط الحزام ومش عارف كذا مخالفه اتجمعوا بسرعه المهم سحبها منى

ابى :- والنبى ايه كل ده علشان اقول لكم امشووا عدل يحتار بتاع المرور فيكوا عيله متجيش الا بسحب الرخص صحيح انما قولى فين اونكل ..................( كل النقط دى اسماء ناس فى الدخليه بيجيبوا ليه الرخص على طول وبالتليفون والله بس شيلناها للرقابه هههههههه

وبعدين يعنى انت ماشى من غير رخصه عربيه ولا خاصه هههههههههه يا عينى عليكى يا ولدى

اونكل:- عارفه العميد ...... اللى فى المرور مش عارف يجيبها شخصيا لازم تبقى فى النيابه وهستلمها بعد شهر وهدفع الغرامه كمان فبطلى لماضه وتعالى سوقى العربي ولا اشوف سواق كارو احسن ويبقى الواحد كده مطمن على الاقل على عمره

ابى :- ههههههههه لا خلاص خلاص انا مؤدبه وهاجي معاك بس ها على شرط اوعي تتكلم طول ما انا سايقه ولا تقولى متربطيش الحزام ولا تقولى ادخلى عكسى ولا كل ده انا بحب امشى كانونى علشان يوم ما حد يكلمنى احط صوابعينى فى عنيه ودلوقتى ولا اونكل زعبوط العفريت ولا اونكل قرنبيط هينفعك علشان اصلا انتم ناس متجيش غير بسحب رخصها ههههههههه

اونكل تششششششش غورى بقى ى وردي عليا بكره علشان اجهز نمرة الاسعاف قبل ما نسافر

===================================================================
خلص الحوار وفعلا بجد قانون المرور الجديد مش فيه هزار وبيطبق بقوه عاوزه اقولكم ابن عمي ده وحده مرور متنقل لوحده بمعارفه والله فرحانه فيه ومتقولش عليا دمويه ولا شرانيه لان بجد بتغاظ اوي من الحاجات دي لان فيه ناس تانيه مش بتعرف تتصرف وحالها بيقف فبيصعب عليا الظلم
انما واضح ان الحكومه اخيرا هتعمل حاجه كويسه فى حياتها قبل ما انا اموت مش هما هههههههههههه على فكره اللوحات تحفه وشيك جدا وفعلا هتقلل المخالفات لان انتم عارفين ان العساكر والامناء بصمجيه يعنى ممكن ميعرفوش يقروا كل الارقام ههههههه او يالفوا
او لا قدر الله فى حادثه مبنلحقش ناخد الرقم لان العربيه صاحبها عاده مش بيقف انما دول تلات ارقام بس وتلات حروف لبتوع القاهرة وباقى المحافظات اربع حروف تقريبا فده هيكوون اسهل لان العربيات اللى ارقامها سهله قليله زي بطوط عربيتى كده
واهى خلاص هنعمل لهم رجيم فى شهر عشرة واغيرالارقام بتاعتها وهحاول اجيب اول تلات حروف باسمى يعنى مثلا تبقى آبى 112
عارفه ان فيه سواقين هيتظلموا بس بجد مش فرح فيهم قد ما هو بقول احنا شعب مش بيأدبه غير الفلوس لان ولا واحد من بتوع الميكروباظااااااات
بيمشى صح وفعلا مبلطجين الا القليل منهم فلو مشيوا صح محدش هيقدر عليهم ولا امناء ولا غيره هيبلطج
صحبتى المفروسه على طول قالت ليه ان لسه المحور زى ما هو وسواقين الميكروباص بيحملوا من على الكوبرى فى ميدان لبنان والظابوط واقف مش عارفه يمكن القانون موصلش ميدان لبنا ن بما انها بعيده ههههههههههههههه
القانون كله فى راى حلو اوى بما انى من الملتزمين فى السواقه ما عدا السرعه احم احم ههههههههه

والاشارات الجديده حلوة اوى بجد وشيك لان شوفتها بره مصر وعجبتنى وكمان مطبقه من زمان فى الاسماعيليه المسأله بس محتاجه تنظيم والتزام مننا
بس انيل واهبل واهطل حاجه بقى والوحيده الغلط واهو الحكومه لازم برضه تبوظ الطبق المهلبيه اللى عملته شنطه المسعافات الاوليه دى
انا عن نفسى هكتب على بطوط اوعى الاسعاف ههههههه على الشنطه علشان ميبقاش يسالونى عن شنطه الاسعاف تانى
انما المثلث فعلا كويس جدا وعلى فكره نسيوا موضوع الجاكت العاكس لان ممكن حد يغير كاوتش بالليل ولا حاجه وفى الضلمه وعربيه مش تشوفه وتقوم هوووووب مموتاه ودى حوادث كتير بتحصل فالجاكت ده بيعكس الضوء ولونه فسفورى كمان
بس انا اساسا لو بطوط عطلت هربطها فى عامود او شجره او احط جنبها طوبه واقول لهم ممنوع الازعاج هههههههههه
فى النهايه فكروا فى القانون صح ونفذه صح ومش عاوزة حد يطلع يقولى طيب والظباط هيتنفذ عليه هقوم خبطاه بقله فى دماغه هقوله عيب الظباط مرفوع عنهم القلم ههههههههههه

لا بجد مش لازم علشان هما او بعضهم مش هيطبق يبقى نمشى مع القطيع مش لازم علشان اكون انسان متحضر يبقى لازم الكل حوليه ابدأ بنفسك الاول واحترمها الاول

وفى النهايه بهدى اغنيه اركب الحنطور واتحنطر لابن عمى عند فيه علشان يبطل يبلطج هو واللى زيه ههههههههههههههه

سؤال البوست :- مين يعرف يخمن أرقام عربيتى هما 6 ارقام بس تلاته ازاى بقى فكروا يعنى اتنين مختلفين والاربعه الباقى متشابهين
اللى هيقول صح له خروف هديه هههههههههه

كان معكم استاذ لواء طيار فنار آبى هانم بتنجانى

الحب تيرررارررر


صباح شريف عليكم جميعا يالا عندكم استمحان النهارده بس رومانتيكى فستنتيكى شويه اوى

لانى زهقت بصراحه من الباميا (السوياسه ) والكلام فيها فهجيب لكم اساله حلوة وانا مشغله الكمنجات واتنين ليمون واوركسترا الخرفان بتاعتى وعزف اللحم المتشهور مائاميئو

؟ ايه هو الحب

ازاى بتشوف حبيبك او حبيبتك؟

الحب علاقته ايه بالكرامه؟

هل اول حب هو اصدق حب ولا ممكن يتنسى ويجى بعده الكتير؟

ايه هو الحب الفاشل؟

ايه الحاجه اللى تحب تعملها لحبيبك طول الوقت ومقدرتش تعملها

تحب تعمل لحبيبك حاجه بدون ما يقولك ولا تستنى لما يطلب منك

سؤال للفياكين الرجالى هلى الراجل منكن يعنى يحب اتنين وازاى

يالا يافياكين ومش عاوزة حد يجيب ليه تعريفات ولا قرشينات ههههههههه ولا يغش من الزمخشرك ولا المتعرى وخاصه المتعرى ده علشان عيب


يعنى نجيب كلام حد متعرى

انا عاوزة محاسيس ومشاعير حكيكيه

اه حب الام والوتن والاخت والاخ والاب وقبلهم ربنا طبعا والرسول (صلى الله عليه وسلم) مفروغ منه تماما

ومش عاوزة حد يشمر كمامه ويغمض عنيه ويدخل يقول الحب حرام اصل بجد جايبه قلل قناوى وراد الصعيد وعاوزة اجربها

انا قولت ميه مرة فيه حاجات خارج نطارق الخدمه او ايدينا والحب حاجه ربنا بيحطها فى قلب الواحد من غير ما يحس هنقول هنقاوم الاحتلال بتاع الحب اوكى عادى بس برضه هتتطسوا فى قلوبكم بيه ولا مفرات ولا مارشات ولا انفاق هتنفعكم

ملحوسه:) اوعوا تنسوا والنبى موضوع بيكيا وبؤجه الخير الوقت بيعدى ادخلو فى المدونه وشوفوا وتابعوا عاوزين نعمل حاجه كويسه بقى او اعملوا تنويهات عنها عندكم بليييززززز اللينك اهو

اشوشكم على خير بقى فى الكومنتات

كان معكم قائد الاوركسترا الخرفانى العظيم آبى هانم كعب الغزال

حاجات تحرق دم العفريت


اولا ملحوسه كبيرررره اوى قد الدنيا:- ممنوع نشر او اذاعه اى بوست من بوستاتى او الدخول فى مدونتى او اى مدونة تبعى وانا فيها من اى برامج اذاعيه ووضع اى اعلانات لاى برنامج او اذاعه او مجله واللى هيعمل كده همسح التعليق وهرد رد مش كويس خالص وقد عنذر من فنذر وانت الجانى على نفسك وانا مسئوله عن الكلام اللى فى مدونتى او اى مدونه انا فيها عضوة غير كده اى حاجه تنشر عن لسانى غير مسئوله عنها وليس لي به علم ولا اريده ولا اوافق



يا دى الليله كل ما اقول هأخد اجازة للنحله والدبور ربنا ميكتبهاش ليه


يعنى قمل الدوله دى بتهدد الناس ليه وتقولهم هنعلقكم من رجليكم ونضربكم بالمصاصه ونلعب فى وشكم البخت علشان عاملين حمله ضد ممدوح اسماعيل
طيب افهم ليه بقى بيعملوا كده هو ايه العوباره مش العبارة
يعنى الناس دى نسكت عليها طيب انا بقى متضامنه معاهم وهفضل ضد ممدوح اسماعيل ومش هنسكت عن حق الناس وانا مش بنخاف
وبيبعتوا ليهم ليه والله لو عارفين يعملوا حاجه هما ولا غيرهم يعلموا ويورونا بقى ايه اخرتها
الخبر نشرته الدستور اهو
انطـــح هـــــــنا

وبيقولوا مننشرش اى حاجه على المدونات ليه هما فاكرين المدونات دى ورث بتاعهم من العزبه ولا ايه عن الموضوع ده
طيب ليه علشان عيب ولا الحاجات اللى هننشرها بتخلل بالادب ولا بتتغرغر بالعيال الصغيره
طيب هننشر واللى هيقول متنشروش هننشره هو شخصيا على المدونة واسيب الخرفان تنطح فيه وانا بقى واحده عندى خرفان ونحله ودبور يعنى لا اقل عن ميراث عزبتهم فى حاجه
انا عن نفسى لو حد ادانى معلومات هنشرها
وده الخبر الاولانى


الخبر التانى
ايه قصه الغيره بقى هى الغيره دلوقتى ممكن تخلى حد يقتل ولا ايه طيب الراجل اللى بيقتل ست ولا يدفع دم قلبه علشان تجاهلته ولا بعدت عنه ولا حتى يا اخى مش عاوزاك تقوم تقتلها
يا سلام هى دى الرجاله بصحيح
طيب انا على استعداد حد يغير عليا ولو عاوز يقتلنى يدينى الفلوس وانا اتقتل لوحدياتى هو ميدخلش ههههههههه هرمى نفسى من فوق كنبه الانتريه واهو ابقى مت شهيده الحر اللى احنا فيه ده
موضوع سوزان تميم اللى متهم فيه رجل اعمال وبما انه رجل اعمال يعنى فلازم القصه تتطبخ حتى لو هو متهم اما لو برئ وبصراحه ده بتمناه لان لو مش برئ يبقى عليه العوض فى العقول بجد
وفى الرموز اللى محركه اقتصاد بلد وفى نفس ذاتيات الوقت غيره ولا غل ولا حاجه تحركهم وتدفعهم للبتنجان على طول
ما هو ليه لا يعنى
انا مش قادرة انسى قصه ذكرى وجوزها لما قتلها علشان شك فيها وانتحر واهو السويدى ده كان راجل اعمال كبير


على الهامش بقى حاجتين محيرنى
ليه سابوا اللى قتل 1000 واحد ومش عاوزنا نتكلم عنه وليه بيغطوا على ده فى المقابل
التانيه دى بقى اجتماعيه :- هو ممكن الغيره تخلى الراجل يقتل اللى بيحبها او مراته انا عن نفسى لو كده بلاها جواز يا خويا وعلى راى اللى قال بلاها ناديه وبلاها سوسو



كان معكم آبى هانم عميد اول مراجيح مولد النبى

غرامك مزيف ضميرك عدم ومارشات عسكريه


الدبور:- صباح الخير يا حبيبى بجد اللى انتي كتباه ده والاغنيه دي ليه

النحله :- (وش مكسوف ومحمر) ايوه انت شايف ايه اكيد طبعا

الدبور :- انا كمان بحبك اوي ومبسوط اوي ومش قادر اصدق نفسى انا بحبك حب تانى خالص حبيبتك من افكارك كلامك عقلك روحك

النحله :- انا كمان كل ده شدنى ليك اوي ومش عارفه قربتا منك كده ليه

الدبور:- يعنى بتحبينى او كده

النحله :- انت احلى حاجه فى حياتى

الدبور :- انا مبسوط اوي انتى اغلى حد فى حياتى انتى ملاك بحبك اوي

النحله والدبور سعاده لفتره وفى احلام حلوه وقت طويل

الدبور :- حبيبتى ممكن اقولك على حاجه بس اوعدينى انك متزعليش مني وتفهمينى صح

النحله :- عمرى ما ازعل منك ابدا (قلبها بيدق كتييييير اوى وعنيها بدمع من غير ماتعرف)

الدبور :- انا شبه متجوز ومقدرش اسيبها لانها قريبتى بس انا بحبك انتى ويا ريتك كنتي فى وقت غير الوقت ده

النحله:- مش زعلانه انا كنت حسه (كرامتها وقلبها وجعوها اوي بس تماسكت)

الدبور :- اوعي تسيبينى ابدا انا عاوزك تفهمى ان مينفعش اظلمها لانها قريبتى هى ملهاش ذنب وهيبقى صعب اسيبها قبل ما نتجوز اصلا

النحله:- (وعنيها بتدمع ولكن متماسكه) مشاعري ملهاش دعوه بحاجه تانيه انا بحبك لمجرد الحب
بس قولى ازاى هتتجوز واحده وقلبك مع واحده تانيه مش ده ظلم برضه

الدبور :- ارجوكى متصعبيش الامور عليا متعذبنيش سيبى الايام تعمل اللى هى عاوزاه انا بحبك ومقدرش ابعد عنك الا اذا كان ده طلبك

النحله:- انا عمرى ما عشت على الايام هتغمل ايه انا ليه انا عاوزه ايه مينفعش اعيش على امل اصلا مبنى على غلط واعيش استبن اللى
عاوز يعمل حاجه بيعملها مش مستنى الايام والاقدار انا ليه ابص انا عاوزه ايه ده جواز يمكن انا مختلفه وبحب اخد قرار الجواز ده بعقل مينفعش اقول اصل سنى ولا اهلى فيه انا ارتاح مع ده ولا لا

الدبور:- ده اتهام ليه متغذبنيش ارجوكى انا بموت

النحله : - بعد الشر عنك (منسحبه وهى بتتالم وبتعيط)

طفوا النور وكلوزززز هونا

هنا انا آبى هانم امبراطوره الكوكب وقلبى كمان
هو ليه مبنقدرش نأخد قرارات مصيريه يعنى انا يا بحب دى وعاوزها يا مش عاوزها يعنى اللى يحب واحده ويخطب واحده يا ميسمحش من البدايه لنفسه يحب على خطيبته يا يتنيل ياخد قرار ويسبها ولا ايه
ليه بقى الناس بتلغب مشاعر بعض وتحب تبين انها مقهوره ليه منكونش اقوياء فى الحاجات اللى احنا عاوزنها ونتحدي الدنيا علشانها
ليه ولد برضه يروح يحب بنت ويقولها هتجوزك ويروح يتقدم لها برضه وفى الاخر يقولها لا اصلك متنفعنيش بس نفضل مع بعض انتى متنفعيش زوجه (الموضوع ده كتباه بنت المنصورة نودي بتاع متنفعيش زوجه )
طيب هو ده بيحبها ولا بيحب التانيه ولا مبيحبش الاتنين وبيحب نفسه وبس
بجد مش عاوزه هزار محدش يدخل يقولى اصله معندوش كرات دم فوشيا ولا زرقا
لا انا عاوزه التماسيح (الرجاله يعنى ) يقولوا رايهم بجد ولو حد بيعمل كده يراجع نفسوياته يعنى يحدد عو عاوز ايه مش ناقصين نفسويات متذبذبه وتجرح فى السحالى
السحالى والنبى انتم ليكم الجنه معلش بنتنيل ونحب بالقلوب بتاعنا ولسه عايشين زمن عبد الحليم ابو حافظ والدباديب والنبى بقى نخلى بالنا واللى عندها وكسه من دي تقول عليها وحلتها ازاي

انا مليش علاقه بالكصه دى خالس بس دي كارثه عشتها مع ناس كتير
ونورحب بالحلول وهنيالك يا فاعل الخير


  1. ملحوسه :- اوعوا تنسوا موضوع بيكيا الله يكرمكم يا رب اصل والله اسيب خرفانى عليكم اللى عاوز ينقل البوست انا موافقه بس مع حفظ حكوك البتنجان ليه ربنا يجازيكوا خير


كان معكم قاضى اول جنح مستافف محكمه القلب العليا ابى هانم

عن بيكيا والخير نحدثكم




صباح الفل

بصوا بقى علشان انتم جبتوا ليه محباطات نفساويه بسبب مدونة
بيكيا للبيع
فيه هناك بوست اسمه (بؤجه الخير ) محدش يضحك انا بحنذر اهو قوس قزح الشريك المتضامن فى المدونة دى هى اللى سمته كده وانا اتحايل عليها يا بنتى خليه يبقى كيس او شنطه تقولى لا
قال وجايه تقولى تعرفى بؤجه يعنى ايه خلتنى قمت سألت زميلى فى الشغل يالا معلش ما هو من عاشر البتنجانى حصله اكتر من كده
بس استنوا فيه حاجات لسه علشان تفهموها عن المدونه اهمدوا واقعدوا هنا شويه وشوف الحاجات اللى جايه دى انا عاوزة اقول لكم بس الجون او الهدف باللغه العربيه المتفسحه من المدونة دى ايه يالا اكتبوا ورايا

1- اللى عنده حاجه عاوز يبعها قديمه او جديدة بيبعت ليه على الميل صورتها وسعرها وانا بنزلها هناك

2- اللى عنده حاجه عاوز يتبرع بيها لايتام برضه اى حاجه يبعت ليه واحنا بنجمع الحاجات دى ونوديها لناس محتاجه

3-فيه ناس باعت حاجات واتبرعت بتمنها واللى اشتروا كمان بجد اتبرعوا للايتام بالحاجات دى وهتلاقوا فى المدونة

4- انا بنسق بين البايع والشارى ويفتح الله (الا محدش عارف مين يفتح الله ده هههههههه)

5- فيه ناس واخده الموضوع هزار وانا مش بهنزر انا مكنشره وبتكلم بجد وجديات وحقيقى والقانون بتاع المدونة بما انى عضو كسلان فيها على اليمين او الشمال او هتلاقيه فيها وخلاص فى جنب دور عليه

6- فيه فى الجنب لوجو وفوق اهو الصورة اللى حطاها عن المدونة قوة واقتدار كله يأخده ويحطه عنده مع اللينك علشان اللى يدخل فى مدونته يضغط عليه يروح على بيكيا وده كرار فيكونى من الامبراطوره اللى هو انا واللى يقدر يصمم شكل تانى يبقى اوك ويبعته ليه على الميل ده مصطفى الاسكندرانى الجميل اللى عمله ليه ربنا يكرمه ويرجع بالسلامه

نيجى بقى للجد المدونه دى عملناها للخير يعنى ننقل العمل التدوينى لعمل اجتماعى كمان نساعد بيه الناس ومنبقاش ناس بتجعجع على الفاضى والمليان اللى عنده اى افكار تساعدنا فى الموضوع ده او لتطوير المدونة يقول بجد واحنا نتفق عليها يعنى مدونتنا دى لكل الناس بلا استثناء هناك فى الميل بتاعى اللى عاوز يستفسر عن حاجه ده ميل بس مش مازنجر علشان الناس مضفنيش عليه
وشدوا حيلكم لغايه لما يتقطع معانا بقى واحنا داخلين على رمضان والناس ما بتصدق تجمع اكبر عدد من الحسنات فيه وترمى السيئات فى البى سين

كل سنه وانتم طيبين ومستنيه حد يجيب ليه الفانوس بتاع رمضان بس مش الصينى انا عاوزة ابو شمعه ده انا بشجع مواريد بلدى ومنتجاتها ههههههههههههههههههههههه
اللينك اهو وفى الجنب كمان


ملحوسه :- بشكر انا آبى هانم امبراطورة الكوكب كل الناس اللى فعلا اثبتوا ليه قد ايه هما بيحبونى ودافعوا عنى فى غيابى وبقولها بعلو صوتى بجد ربنا يكرمك يا رب وبحبكم اوى
وغير كده للتوضيح انا مفيش بينى وبين اى حد حاجه وحشه ولما فى يوم من الايام بعدت عن شخصيه من المدونين كان بس علشان غلطها فى ناس كبيره انا بحترمها مش اكتر وانها بعتت ليه رساله مع احد الاشخاص انى مدخلش فى الموضوع فقررت احافظ على كرامتى وبس وابعد عنها انا ولا طالبت حد بحاجه ولا قولت حد يسيب حاجه علشان العقول المريضه واللى بتصطاد فى الميه العكرة انا فيه اماكن مش بدخولها لوجود الشخصيات دى فيها وبس وده اللى انا قولته وكان ده راى بعض المدونين برضه ....
طبعا هتموت وتعرفوا فيه ايه ههههههههههههههه الشخصيات التعبانه هتعرف لوحدها هههههههههههههههه

كان معكم ابى هانم خرفانى وبتنجانى

هو مين بيعاكس مين

تحديثثثث من غير نطح خرفان:- اقدم انا ابى هانم بتنجانى اعتذار رسمي متر فى متر الا ربع لكامى فوندامي حبيبه قلبي وخرفانى ونحلتى ودبوري عن بعدي عنها الفتره اللى فاتت واقولها بحبك اووووووي يا كاميليا يا احلي فوندامي وهنا كوكبك ضلمه من غيرك وهناك بيتك وانا ضيفه عليكى

والخبر التانى ليه بوست جديد على مدونه الرايق وفرنسا والضاحكون اللى هو احنا وانتم بس محدش يدخل هناك غير بالعمله الفيكونيه يجي ديزليون دراختم كده علشان تساوي جنيه مصري هههههههههههه اللينك اهو


طبعا محدش بيمشى فى الشارع مش بيتعاكس سواء بنت محجبه (حجاب على ما يفرج او حجاب كارينا حتى او حجاب علشان معندهاش وقت تروح الكوافير)
او حجاب محترم محتشم او منقبه او مش محجبه خالص(ومنهن القالعين والابسين ومحدش يتنح اه فيه النوعين)

المشكله بقى مش فى كل ده كل ما اتكلم مع حد واقوله عيب تعاكس فى الشارع مش كل البنات بتتبسط يعنى لما واحد يسخف عليها سواء راكبه عربيه او مواصلات او الاختراع الفاشل اللى اسمه

(c.t.a)
طبعا المعاكسات مش بتقف عند حدف الولد للبنت بكلمه وحده فى وشها لا ممكن توصل لكلام جارح جدا ومينفعش يتقال وطبعا عن مناطق فى جسمها

طبعا كل فرقع لوز هيطلع يقولى ما البنات السبب اقوله لا يا فرقع افندى اتهد مش البنت بس السبب لانى قولت حتى فيه منقبات يعنى مش باين منها حاجه خالص وبتتعاكس (وسبب ده بجد ان فيه البعض بيتخذ من النقاب ساتر ليه لاعمال مش كويسه) فهنا بالظبط زى الوحده اللى نازله مش لابسه هدوم وعاوزة الكل يعاكسها وخدت فى رجليها باقى البنات وبقت فكرة ان البنت لما تنزل شكلها شيك تبقى عاوزة تتعاكس برضه اللى بيستخدموا النقاب خدوا فى رجليهم اللى بيستخدموه كويس او لاقتناعهم انه بيحميهم او انه تدين
فالمشكله هنا مبقتش مين لابس ايه او مين لابس فين
المشكله الخطيرة الهايله المايله اللى عملها الشباب او اللى حاصله انها بقت اخلاق منعدمه او رايحه فى شجرة وعدى عليها قطر سكه حديد صناعه مصريه فاخرة
واياك اسمع حد يقولى كبت جنسى
كبت لما يكبتكوا هتضحكوا عليا انا والله بالقله دا الشباب مخلوش مصيبه الا لما عملوها اتنيلوا روحوا اتجوزا وبرضه هتخونوا وهتعاكسو

تانى مشكله والاكبر اللى والله عااااانيت منها امباح وكانوا موقفين وفعلا اتصطدمت لاول مرة فى حياتى ولسانى حسيت انه اتكعبل فى رجلى مع انه طويل جدا بس مقدرتش ارد
اول موقف:-
عند البيت بتاعى وبركن العربيه وولد صغير بتاع خمس سنين كده مش باين شبه عقله الصوباع بيلعب فى الشجر اللى لسه شارينه (اصل ادبست فى خمسين جنيه تمن الشجرة علشان خاطر بطوط متوقفش فى الحر وزرعنا تحت العمارة عاااااااا)
الولد ماسك فى الشجرة وبيهزها جامد لانها لسه رفيعه
فبراحه بقوله عيب يا حبيبى ميصحش كده ورد عليا الرد اللى عمرى ما توقعته ابدا وساعتها حسيت انى زى الفأر الواقع فى صلصه
وانتى مالك يا مزززززة(وش فاتح بقه ومدلدل لسانه ومحمر)

انا طبعا الصدمه سكتتنى شويه وقفلت العربيه وطلعت وجريت صدمتى على كتافى لقيته جاى ورايا فى السلم ويقولى قشطه يا مزززة
انا فعلا مقدرتش اتكلم خالص ومش عارفه ليه

ثانى موقف امبارح برضه نازله ولقيت بنات اطفال صغير فى سن ابتدائى بيلعبوا عند البيت وقعدوا يبصوا ليه كتير فقولت عيال بقى هتلاقيهم مستنين اطلع ويلعبوا فى العربيه علشان تشغل الانذار
وكانت المفاجعه طالعه وانا لسه فى مدخل العمارة الاقى البنات بتنادى عليا وتقولى يا مزززززززززززة
بجد والله كان هيغمن عليا

هو فيه ايه هو ايه اللى بيحصل فى الاخلاق والتربيه هى الاطفال دى فاهمه الكلام ده طيب جابوه منين طيب ليه بيقولوه
انا فكرة انى كنت طفله وعمرى ما اعرف يعنى ايه معاكسه
انا عاوزة الشباب والاهل يخلوا بالهم من حاجه مهمه جدا وكارثه
ان فيه بعض أباء بتقول لاولدها قولها يا مزة عاكس دى لاااااااااااااااااا استوب بجد الاطفال الكلام بيركز فى دماغهم والله وبيعملوه وانت بتعملوا كده بدافع الهزار وبتستظرف بس هتبقى مصيبه بعدين ويطلع اطفال مشوهه اخلاقيا
وفى كل المستويات شوفت ناس بتقول لاولادها كده
كمان والنبى الشباب اللى مش قادر يمسك لسانه يبقى بقى يجيب حد يقطعه ليه احسن يعنى مش هتموت بمرض ذبابه التسى تيسى لو مش عاكست البنت
والبنت مش معنى انك محدش بيقولك يا مززة مع انها كلمه مهينه ومقرفه جدا يبقى معناه انك وحشه
فامسكوا نفسكوا الاطفال بتتعلم
وغير كده اللى بشوفه بعياكس او بسمعه بيعاكس وبجد بالالفاظ الهبله كمان وتعليقات سخيفه يععععععععع سواء على لبس او شعر
بيبقى نفسى امدد ايدى فى زمامير رقابينه واجبها واعملها ممبار
اظبطوا نفسكوا شويه واعرفوا ان اخلاقكم وتصرفاتكم هتأثر على اللى حواليكم اطفال او غيرة

ملحوسه على جنب :- دى للفياكين الرجالى بس امشوا يا فيكونات حموا الخرفان على ما اجى لكم امشوا
نظرة الاعجاب المحترمه او الابتسامه المحترمه للبنت احسن ميت الف وخمشتاشر مرة من كلمه ماسخه ولا معاكسه هطله دى لو عجباك فعلا ومش بتقسم يا ريس
لما البنت تمشى ومتردش عليك متبقاش عامل زى اللبانه الرخيصه اللى بتلزق فى الشوز وتفضل ماشى وراها وتقول هترد عليا البنت طالما مش عاوزة تتكلم هتمشى انما متفتكرش تقل ولا مهلبيه يا عطيه


ملحوسه للفيكونات :- تعالوا وسيبوا الفياكين بقى يحطوا مانكير للخرفان ههههههههههههههه والنبى اللهى يسترك دنيا واخره انتى وهى بلاش البنات اللى فى دماغها انها لو مش اتعاكست يبقى وحشه وكخه والزمن فات عليها لا عادى يعنى ممكن انتى تعجبى حد ومتعجبيش حد تانى وبعدين اصلا اللى بتستنى كده معندهاش ثقه فى نفساويتها يبقى تتنيل وتقعد فى البيت وتنظف مرايتها لغايه لما يجلها الثقه فى نفسها

ملاحيس للاتنين بقى وسيبوا الخرفان على جنب:- انا زهقت وبعانى وهطق وهنفجر من اللى بيعاكسوا بالعربيات واللى بيتحرحشوا بالبنات واللى هيقع تحت ايدى هغزة يا عطيه بجد ربنا يكرمكوا ايديكوا فى ايد بعض (سيب يا واد انت وهى انتم ما صدقتوا هههههههههه) وامنعوا الكلام ده اقفوا ضده الفياكين خلو عندكم نخوه على غيركم مش كل بنت بتخرج شيك يبقى عاوزة تسمع كلمه حمضانه من واحد فيه بنات لا كتير

كان معكم استاذ لواء دكتور فنان شاعر بالاحباط معلم سوق الاخلاق آبى هانم بتنجانى

Share |