سارحل بدون قلب




اليك أنت أكتب يا من وجدت قلبى بدونه
اليك انت أشكو قلبى الذى يعذبنى من آلامه

إليك انت ألجأ الى مكان تغفو عينى فى احضانه

وفى النهايه
لا اجد سوى قلب قاسى كالحجر

لا اجد سوى عين المح فيهما القدر
لا اعلم لماذا اتفنن فى تعذيب نفسى وآيلامها

فأنا اعلم أنك لم تكن يوما لى ولن تكن
ولكنى العن قلبى الذى احبك دونا عن البشر
العن يوما قابلتك وبه نفسى حدثتنى عن هذا القدر
لم اعد احتمل عذابى وآلامى من القدر
سارحل بعيدا عنك لأطوى أياما
لم يعد لى فيها قمر

اقر واعترف انا آبى هانم بتنجانى ان دى حاله مؤقته من طفح فى المشاعير ولكن هرجع لكواعدى سالمه ... تقريبا ده تخريف خرفان من الشمس والهوا والبحر او حتى مرض الاكتتاب اللى ماشى فى الجو بس ان شاء الله ارجع كويسه تانى بس النبى ايه رايكوا فيه وانا رومانسيه هههههههخخخخخخخخخ اكمل بطفح المشاعر ولا لا
ملحوسه:- البوست الجاى عن الستات يالا على راى اللى قال هيهدروا دمى فى الكوكب

ابقوا زوروا المدونة بتاعت بيكيا للبيع عليها حاجات للبيع


هيهات وهيهات يا شهرزعابيب



تحديث :- حاجات للبيع على مدونه بيكا للبيع يلا ا شوفوه

طبعا انتم عارفين الحملة المضادة اللى عاملينها الرجالة سى السيد الله يرحمه ويفش فش الطوبة على دماغه

وسى شهريار ومسرورة واقفه له بالمنشار فنقول لهم شويه نصايح كده على الماشي يالا ينوبنى فيهم ثواب واخد باديهم وافوقهم من الأقلام اللي واخدينهم فى جيوبهم

ايه هربتوا ليه وجريتوا على الخيم بتاعتكوا وسنانكوا بتخبط فى بعضها وركبكم لفت على بعضها ووشكوا جاب كام لون فوحفوحى على موهموهى انت اللى عملتوا كده فى نفسكوا

اياك وايك يا شهريار عصرك وغسيلك تجرح كرامه الست .. ساعتها بس توقع السم فى الاكل .... واول ما تلاقيها اشتريت أكياس جديدة اعرف ان كده خلاص نهايتك قربت ههههههههههه

بجد جرح الست صعب قوى لان الست قلبها طيبه بطبيعتها اللى خلقها عليها ربنا ومن السهل انك تحتويها وتكسبها وتغيرها للى انت عاوزة

ايااك وايااك تقلل من دورها اللى بتأديه حتى لو فى الدور التمنتاشر ساعتها استعد للبس مريله المطبخ وبمزاجك

وتربط بندانه على دماغك علشان تنشر الغسيل ومش فاهمه ايه علاقه البندانه بالغسيل ههههههههه

الست بجد دورها كبير فى البيت وجربوا حياتكم من غير الست كده سواء كانت ام او اخت او زوجه بتشيل كتير قوى وواجبتها من كنس ومسح وغسل وعصر وتنظيف جيوب هههههههه ودى اهم حاجه لا واحتواء الرجل لأنه انا بحس الراجل ده طفل كبير قوى فأوعى تقلل من ده وتقولها مبتعمليش حاجه ولا ليكى لازمه هتعرف ساعتها النتيجه

اياااااك وايااك تكون بخيل معاها ويااااااا ما اكترهم الرجاله دول اعرف ساعتها انها هتقولك الكلمه اللى بتكرهها زى زيك ببساطه لانها اعتمدت على نفسها خلاص ومش معنى كده للامخاخ المزنوقه اللى واقعه فى فنجان زفت انه يفتكر انه علشان بيصرف عليها يبقى امتلكها لا احنا مش جوارى وده واجب عليك وبرضه ربنا قال كده والست بتقدر (مش كلهم يعنى بس بجامل وبتحيزههههههههخخخخخخخخ)

حافظ على شكلك معاها جوا البيت وبره البيت لان بشوف رجاله بجد فى البيت شكلهم يععععععععع استغفر الله العظيم يعنى فى اللبس مبهدلين ومنكوشين شعرهم شبه دراكولا ولما ياكلوا تلاقى بعض الاصوات المصاحبه لاكلهم او شربهم وبوووووووم تششششش طاااخ

ياااا الناس دى بجد بتضايقنى جدا وساعات فيه ستات وقولت ساعات بتهتم بالحاجات دى قوى فبتضايق وده سبب من مشاكل البيت وتلاقى الراجل بره البيت يااا نهارلوا على البرفان والشياكه والاناقه تقولش منيكان وتشوفه متقولش ده دراكولا اللى كان فى البيت

ومش اقصد لابس فورمل فى البيت بس على الاقل منظم فى لبسه

واياك اسمعك يا باحث عن الحقيقه تقولى ما هى الست السبب لانها بتلبسه اى حاجه لا فيه رجاله فعلا مبهدله فى نفسها ومش مهتمه وحتى لو مشيت على كلمتكم دى هههههههههه هبقى رجعت انكم متقدروش تستغنوا عن الستات لوووووووولى (وش بيرقص حواجبينه )

بخل المشاعير بجد صعب يعنى الست بطبعها مدلعه تقعد تقولك بتحبينى الاقى واحد يقول لمراته ايه يا وليه ما انتى عارفه يا خبر طيب ما تقوم تديها بالشالوت ولا علقها من ودنها على مسامر فى الحيطه علشان اتجرأت وقالت كده

يا جماعه احنا كده عاوزين نسمع وندلع (ملحوسه خبيثه للستات ابقوا اختاروا الوقت ههههه الصح متشمتوش شهرزعابيب فينا)

ساعدها فى البيت آآآآآى مين حدف القله دى اممممم شايفك وعارفه بس مش هسيبك برضه ايون ساعدها ايه المشكله يعنى الله هو انت لو عايش لوحدك مش هتعمل كل حاجه يعنى مثلا على الاقل خلى هدومك فى مكان واحد لان فيه رجاله هدومها تجيبها مرميه من على المروحه تحت السرير جايز من عند الجيران كله عادى

بلاش الفوطه المبلوله اللى على السرير بتغيظ اوووف بجد طيب ما تسيبها ورا باب الحمام يا راجل

الكرششششششش يا راجله لما اشوف كرش راجل بيتيهيأ ليه انه حد ماشى ورابط ابنه على بطنه بجد وحش قوى اهتموا بالحاجات البسيطه دى هتفرقوا مع الستات كتييييير واتحدى ان محدش يسمع النصايح دى ..كل فترة هات لها هديه حتى لو جميز او تين شوكى بس هاتها بطيب خاطر لان بجد الستات بتحس قوى باللى بيقضى واجب واللى بيعمل من قلبه

لما تمشوا مع بعض فى مشوار بلاش تسبقها بخمسين خطوه بيدى ايحاء ليها انك مستعر منها او مكسوف او عاوز تمشى تتعاكس لوحدك اه متبرقوش وعنيكوا تقع من وشكوا كده الرجاله بتحب تتعاكس واللى هيقول لا هضربه انكروا بقى انكروا

اكتر منظر بيغيظنى من الراجل تلاقى يا عينى يا حرام الست ماشيه شايله بيبى والراجل حاطط ايده فى جيوبه ولا معبرها طيب شيل البيبى ولا شيل الشنطه او حتى ديل الطرحه المهم انها تحس انك جنبها

اياكم والخيانه وانتم شفتوا فى البوست بتاع الخيانه الست بتكون مجروحه قد ايه ومينفعش اللى اتكسر يتصلح حتى لو بأمير وعلى راى الشاعر الكبير مش عارفه مين تمن الخيانه خيانه ويا ريت اقدر اخون ايون كان حبك امانه تيررررراررررر ترررررن

وفى النهايه فيه حاجات كتير قوى لو قعدت اعد بصراحه هبوظ شهريار وسى السيد اللى كان فى البيت حمش وبره البيت بيلعب الليل الليل يا ميمون ههههههه والحدق يفهم طبعا وعلى فكرة برضه الست لها دور بس انا ساعات بلاقى ان اصل المشاكل الكبيرة حاجات زى دى صغيره وبتكبر مع مرور الوقت او مرور الخرفان هههههههه يالا ورينى همتكوا بقى يا شهريرات عصركوا وزمانكوا وبصوا لنفسكوا فى المرايات ههههههههههههههه

يا مسررررورة هاتى المنشار نخلص عليهم هههههههههه

ملحوسه من حد مزنوق :- هعمل بوست للستات علشان برضه الرجاله دولم اخواتنا وقرايبنا واولاد العم

كان معكم شهرزاد العصر الجديد فول اتوماتيك يعنى او بروحين علشان تصبر على سى شهرزعابيب آبى هانم بتنجانى

اسئله عاديه وطبيعيه بس للعقلين مش المجانين

بلدى العريش واللى مش عجبه واللى مش عارف العرايشيه يقف قدام المرايه ويبص
لنفسه احنا الاصل والكرامه والكلمه الواحده مش النفاق والتمثيل واللؤم


تحديثثثثثثثثث:- هيتذاع بكرة فى البرنامج العام انت تسال والبتوبوتر (الككمبيوتر ) يجيب البوست بتاع (هتقولوا الحقيقه ولا هااااااا) وطبعا هيتذاع التعليقات ابقوا شوفوا مين اللى هيتشرد ليه علانيه كده والله يا خوفى يا يسيحوا ليه انا شخصيا هههههههههههههههههه البرنامج الساعه 9.10 بس اللى مش هيصحى يسمعوه ينطــــــــــح هنا وهو يسمعه من الارشيف
وشكرا لكم على حسن استماعكم وتصفيق حاااااااد وشكر لاستاذ /صلاح لان ده تالت بوست يتذاع ليه وربنا يستر وشكلى هطلع على لازوغلى قريب بتهمه التحريض على علاج السلبيات هههههههههههههههههههه

طبعا يا عينى عليكوا هتقولوا هى قلبت استمحانات مع الكوكب ده بخرفانه وقلله كده ليه هقولكم والله ابدا بس اسئله دارت فى بالى ومنهم اللى اتسالته وقولت اخبطكم بيه فى وشكم كده يمكن تأخدوا بالكم من حاجه

لماذا عندما تكون بطارية (الريموت كونتربووول هههههههههه ضعيفة نقوم بالضغط بقوة على الأزرار؟؟


يعني بنشحن البطارية!!؟؟
ـ

لماذا نخفض صوت التسجيل او الردايو في البطوطات بتعاتنا (جمع بطوط يعنى ) لما نلاقى نفسنا دخلنا فى طريق غلط؟؟؟


يعني بكده هنعرف الطريق الصح ههههههههههه!!؟؟

ـ لماذا نقول لحد هدية مجانية؟؟ وهو فيه هدية مش مجانيه مجانية!!؟؟ ـ ليه لما الدنيا تمطر واحنا جوه البيت نقول هى بتمطر برا؟؟

يعنى على اساس انها هتمطر جوه بدل بره !!؟؟

ـ ليه لما نلاقى يافطه مكتوب عليها احترس الدهان على الحيطه لازم نجرب بادينا؟؟



يعني اللي دهن الحيطه لازم يحلف!على المصحف!؟؟ ـ


ليه لما نلاقى الباركنج فاضى ومفيش غير عربيه واحده وده نادر طبعا ومستحيل خالص نروح نركن جنب العربيه اللى واقفه؟؟


على اساس يونسوا بعض ولا يرغوا شويه العربيتين وميزهقوش من الوقفه لوحدهم!!؟؟

ـ ليه لما يتأخر الاسانسير بنقعد ندوس كتير على الزرار ههههه ودى انا شخصيا بعملها؟؟

يعني بكده هيتكسف على دمه ويجلنا بسرعه!!؟؟

ـ ليه بنفتح بقنا واحنا بنأكل الاطفال الصغيرة

بنساعده فى الاكل ولا مشاركة وجدانيه!!؟؟

ـ ليه لما نشرب الشاى او القهوة وبلاش الفسكافيه هههههههه مش بحبه بنبص فى الكوبايه ؟؟

يعنى مش هنصدق انه خلص الا لما نشوف!!؟؟ ـ

ليه لما نكون فى مكان عام لما نسمع رنة موبيل بنبص على الموبيل بتاعنا على طول..؟؟


على اساس اننا مهمين وتليفوناتنا مش بتبطل ززن ههههههههه!!؟؟ ـ

ليه وانتم بتقروا البوست ده بتضحكواواسنانكوا باينه...؟؟


على اساس انى شايفكم يعنى ..!!؟ ـ

لماذا يصعب علينا قول الحقيقة بينما لا يوجد اصعب من قول الباطل...؟؟؟


لان دايما الحقيقه مرة بس انا بحب اقولها بالعند فى الكل لان مش بحب الحال المتعوج واللى واقع من الدور التالت ـ

لماذا نشعر بالنعاس ونحن نُصلي.. ولكننا نستيقظ فجأة ونشعر بالنشاط فور انتهائنا من الصلاة ؟؟؟؟
؟

لان الشيطان بيبقى لاعب فى دماغنا ماتش شطرنج وطاوله ومش عاوزينا نصلى وبيحطلنا منوم فى الفسكافيه والشاى ومشوها غاز منوم بلاش حاجه تانيه هههههههههههههههه

لماذا نسهر الليل كل يوم علشان مباراة في كرة قدم أو مشاهدة فيلم أو مجالسة صديق ولا نسهر بقراءة القرآن أو الصلاة؟


لان اللك واللوكلوك بالنسبه للناس افضل بكتير واخف وعلشان كده بنعمل كده وعندنا ودان زى الفيل بتحب تسمع ونتكلم بس

ـ لماذا نستيقظ باكراً من أجل العمل ولا نستيقظ من أجل صلاة الفجر؟

علشان عشمنا فى ربنا كبير وانه بيغفر انما صاحب الشغل هيخصم نيهاهاهاها

ـ لماذا نخشى مراقبة الناس لنا ولا نخشى مراقبة الله؟ ا

هى دى مقدرش اجاوب عليها لانى فعلا مش بخاف من حد الا من ربنا بس فيه ناس بيهمها صورتها قدام الناس قوى وممكن تكدب وتلفق اى حاجه وتقول اى حاجه غلط عن نفسها ومش فاهمه ان الناس ممكن تعرف الحقيق وبيبقوا ناس يعععععععععع عليهم ه
ـ

لماذا كل ما نتهم حد او نظن انه عمل حاجه غلط نتكلم فى الدين مع ان من البدايه بعدنا عنه ونقعد نقول بنصلى ونعرف ربنا وحسبى الله ونعم الوكيل بعد كل اتهامات او شتيمه ؟؟؟؟؟

طبعا دول ناس انا بقول عليهم مجانينو ونفسيات تعبانه اخر حاجه وهيجلهم شلل رعاش منى هههههههههههههه وبصراحه مبسوطه نيهاهاهاها ومتازحه زى الاطفال من اللى بيعملوه فى نفسهم بسببى

ـ لماذا نقول أننا نُحب الله ونحن نعصيه..؟؟ ونقول أننا نكره الشيطان ونحن مطيعين له ومطأطئين رؤوسنا لجنده؟

لاننا مبنعرفش نحب ولا نكرهه ولا قادرين نفرق وملخبطين ايدينا الشمال فى اليمين ولفينهم على بعض حد فاهم حاجه


لماذا نحس بالملل عند قراءة مقال ديني... ونشعر بالفضول عند قراءة اخبار الناس وفضايحهم ومقال عن أي شيء آخر؟؟؟

ناس غاويه قاعده مصطاب نعمل ايه فى انفسنا هههههههههه لا بجد لان الفضول بيأل البعض وفي ناس بتبقى قصدها خير وناس تانيه متخلفه مش فاهمه يبقى دول دماغهم مزنوقه فين ايووووووون فى كعب الشوز اللى بيلبخوا فيه فى الطين
ـ لماذا لا نُحب من ينصحنا ويُريد لناالخير...!!؟؟ ونبتعد عنه ونُحب من يقودنا إلى الهلاك ونتقرب منه وإذا افتقدناه نبحث عنه؟؟؟

طبعا فيه ناس بتحس ان اللى بينصحها احسن منها وساعتها بقولهم لو انتم فاكرين كده يبقى هو صح وتستاهلوا الهسهس اللى هيجلكوا
ومن منطلق قوتى المتشفلحه والمتفنيخه والمتكعبرة بقولهم هتعيط هتموت ومش هتحصل تبقى كتكوت ههههههههههههههه

ـ لماذا نذكر عيوب الناس دائماً وننسى عيوبنا؟
ا

صل عنينا بقت عمياء ومحتاجين مرايات (ورجعنا للسين يا سوووووووو تانى ههههههههههه لاننا محتاجين مرايات قريب لناس )


ـ لماذا نبكي من أغنية صد وهجر ولوعة ولا نبكي من خشية الله؟

علشان اتعودنا على التمثيل وان الناس دى فى دماغها ان الحل بايد البشر مش ربنا ـ

لماذا نغضب إذا انتُهكت حرماتنا ولو بكلمة..؟؟ ولا نغضب من انتهاكنا لحرمات غيرنا ونتكلم عليهم ونقول متكلمناش
...؟؟


على اساس ان التانى مش هيعرف طيب رساله على الهامش (بلبس بقلع بطنش بحدف قلل انا كده ودى حياتى يكفى انى مش بحب حد يتكلم من ورا حد ولا بتهم الناس بحاجات مش فيهم واللى بيعمل كده معايا شخصيا بيكون عارف انه اقل منى وده مرض فى دماغه مليش فيه انا عارفه اخلاقى ونفسى كويس واللى حوليه عارفينى كمان بس عموما مش بسيب حقى ومش باخد موقف من حد الا لما بجمع خيوط كتير وراء بعض)


فكر بالأمر، هل ستفكر فيما قرأت ملياً؟؟

هل ستحاول أن تغيّر حالك؟؟
أم ستكون إمعة وتقف كببغاء تُردد وتتبع غيرك ولا تعرف أن تقود أحداً حتى نفسك.

فى النهايه الحاجات اللى جاوبت عليها فيها سخريه وفيها رساله وابو الفصاد يفهم والمغفل يفهمها هههه
وده بوست على السريع على ما ارجع من مارينا ههههههههههههه لا بجد الحقيقيه مش المعتقل الصيف دخل وشرم بدأت ومارينا والعريش بلدى طبعا علشان الاهل مش يقتلونى وهفضل برضه انكد عليكوا تانى بالسوياسه بس انا موجوده واحدثكم من اعالى البحار وهبقى اكتب لكم عن الرحلات دى

كان معكم من المدن الساحليه والغير ساحليه مرشدكم ابن بطوطه آبى هانم دى ماركو دى ازيبلا دى اى حاجه جايه ورايحه

انت بتقول ايه



صباااااح احلى تصريحات ومباحاثات وبتنجانات على مجلس الشوعب المرجانيه عارفين مين هما دول الناس الحلوة اللى بتطلع فى الاختراع اللى بيجبلى هسس وهلاوس التليفزيون ده الناس الحلوة اللى لابسين بدل او بيقزقزوا لب او نايمين او بيمضوا طلبات دول او بيعملوا مزاعرات علشان يأخدوا التصاوير حداهم فى البلد الناس دى بتحب مصلحتنا وناس محترمه وانتم دايما بتجنوا عليها طيب يرضى حد يا اى حد او يا ايام الاسبوع كلها الناس دى بقى بتعمل لكوا ايه بتدرس استخدام حبوب الاجهاض للحد من الزوياده السوكانيه

انطح اللينك هتشوف وتستقرى بعنيك وودانك

شوفتوا غلبتوا الناس ازاى نعمل فيكوا ايه حتى مينفعش ادبحكوا

واعملكوا على ملوخيه يععععععععععععع هتبقى وهشه كالص
يعنى شوفوا

تحليل الخبر ده من وجهه نظرى انا النونو يعنى او تحديدا للنسل قصدى تحديدا النحله والدبور

1- هيضطروا يستوردوا الحبوب دى وانا على حد علمى لانى مش ادبى هههههههه او مكنتش ادبى الحبوب دى اسمع انها كانت بتتباع فى السعوديه وبتيجى من دول اسيا وبتيجى من روسيا واحنا بسم الله ماش شاء الله عندنا الروسيات مترمين فى شارم والغردقه على الارصفه فبكده هينشطوا التجارة (مش بقولكم مصلحه البلد اولا هههههخخخخخخخ) وشويه وتلاقى واحد زى هانى بك مسرور بتاع طنط هايدلينا احتكر الموضوع ويغلوا الحبوب يعنى اولا تجارة وبكرة تشوفوا هيغشوها ويعملوها من اللبن البودره او الجبس هههههههههههههه والست تأخد الحبايه الولد يلزق فى بطنها بدل ما ينزل

2- نيجى بقى للناحيه التانيه خالص وهى الدينيه فاكرين البوست اللى كتبته عن قانون المهلبيه فى دوله الفراخ المستخيه


واللى كانوا بيطالبوا فيه بوضع قانون للزواج العرفى بعيد عن شرعيته او لا هههههههههه طيب هاتوا حبل كده واربطوا ده بده كده وقولوا رايكم يعنى هما سورى يعنى بيسهلوا الدعارة رسمى ولا ايه ماله موضوع تنظيم الاسرة كان ماشى

الراجل المحترم قال انه كان شغال كويس ومش عطلان لغايه 1997 طيب وبعد كده مفيش تحرك يمكن جاله شلل ولا حاجه
يا راجل ما هو ليه يعنى مش علشان موظفين نايمين وممرضات مش بتعمل شغلها ومفيش توعيه يوم يقولك نسمح بحبوب الاجهاض

يعنى تتصل بالصيدليه تقوله حبايه للاجهاض لو سمحت
ولا لو واحد متغاظ من مراته وهى عاوزة بيبى وهو لا يحطها لها فى عصير او اكل الكارثه بقى هما ناسين ان فيه شباب ضايع وشباب مش عارف يتجوز يعنى بيقدموا لهم حلول الغلط على طبق من ماس مش فضه ولا دهب ومحدش يقولى لا احنا شبابنا كويس لا طبعا مش كله واللى فى الجامعات عارفين البلاوى اللى بتحصل

علشان نتكلم بموضوعيه فعلا مصر فى تضخم فى عدد السكان فظيع وشنيع ومريع ولولبلى جدا بس احنا عندنا حلول كتير منها
اولا:- هما لازم يرجعوا تانى التوعيه للاسرة بموضوع تنظيم الاسرة (واصلا يعنى هو حد قادر فى الزمن المنيل ده يربى طفل دا البامبرز ب35 جنيه )
يدربوا الناس صح ويفهمومهم ويحطوا برامج ليهم وخاصه فى القرى والنجوع والكفور والعزب (على فكرة مصر البلد الوحيده اللى لسه فيها المسميات دى ههههههههخخخخخخخ)
ثانيا :-


من كام يوم اتخبط فى عقلى ودخلت طريق بلبيس العاشر وانا راجعه من السفر من عند تيته علشان ادخل القاهرة عن طريق السويس المهم خليكوا هنا معايا انتم تهتوا صح هههههههه طيب تعالوا تانى بدل ما توهوا ههههههههههههه مش هتفهموا منى حاجه فى شرح الطرق المهم انا شوفت كميه اراضى وصحراء يا نهاررررررررر مقوقز طيب والله فيها مزارع يعنى معنى كده انهاواصل لها خدمات يا شوباب طيب يا انابيب ما الاراضى اهى ما تبنوها ما تأخدوا الشباب شغلوهم ادلوهم ارض يبنوها ويعيشوا فيها ويبقى قضيتوا على المركزيه وتسيبوا الناس تخلف

بس مش معنى كده انه يبقى كتير لا طبعا لان بجد صعب فى الزمن اللى احنا فيه وكمان كل ولد او بنت هيتربى ازاى والاطفال بيحتاجوا رعايه علشان كده بنلاقى اطفال اللى فى الشارع والانحراف فى كل مكان

وبجد يا شباب اتوجهوا للمدن الجديدة بس ابعدوا عن القاهرة الجديدة والشروق وزايد والعبور بقوا نار يا حبيبى نار يعنى عندكم بدر هايله وفيها مرافق ومواصلات و15 مايو واكتوبر يعنى دول اللى عارفاهم فى القاهرة باقى المحافظات مش عارفه بس فيه مدن حلوة بس بجد

سؤال محيرنى يعنى ليه الحاجات دى بتطلع فجأم كده يعنى تقنين الجواز العرفى ووضع قانون له وكمان حبوب اجهاض هما عاوزين يقضوا على الشوباب ولا ايه
لااااااااا

اسكت يا دبور ههههههههههه يكونوش عاوزين يسمحوا لنفسهم بكده وبيجبوها فينا بما انهم اكسبنصات واحنا الشعب الغلوبه
يبقى يجبوها فينا ويقولا بيعملوا كده علشانا وهما اللى عاوزين طيب يقولوا كنا سكتنا وبقينا قله وغطاء عليهم هههههه

طبعا مشيخه الازهر او بعضهم يعنى مش هيتوصى فى تفصيل وتجهيز وتظبيط ونفخ وشد وترتيب الفته ويا سلام لو باللحمه الضانى بقى طبعا الازهر وسيادة الفته جاهز على طول


بجد مكنش ليه نوفس اكتب فى الموضوع ده بس حبيت افهمكم ان كل الحلول موجوده الكويسه مش الحلول اللى ممكن تعمل انحلال اخلاقى وتبقى ماشى فى الشارع تلاقى واحد انحلال معدى من تحت رجلك هههههههههههه


ويا ريت يا شوباب نراعى بس ربنا فى المواضيع دى لان بجد الحاجه اللى بتيجى بالساهل بتروح بالساهل جدا
يعنى ممكن هما يقصدوا الاسرة او الناس المتجوزة وانا برضه معترضه على كده لان ده قتل روح ربنا اراد لها الوجود طالما مفيش تشوهات او الحالات الخاصه وكتير حالات بتأخد حبوب منع الحمل وجميع الوسائل وتلاقيهم خلفوا برضه وده من عند ربنا

انما الكارثه ان اصحاب النفوس الضعيفه هيستخدموها فى الغلط وفيه دكاترة هتبعها بدون روشته اكيد اللى يخليهم يبيعوا الحبوب اللى نازله مخضروات من غير روشته علشان الشوباب يعمل دماغ مش هيبيعوا دى فى النهايه واسفاه على بلداه وعلى الناس اللى بتمثلها وبتمثل عليناواللى بتقول قلبنا عليكوا وهنا بقولهم ايه انت بتقول ايه يا حبيبى بتقول ايه

كان معكم سعادة لواء دكتور قبطان تنظيم الاسرة آبى هانم سرنجاتى

حوارات اطفال بيربونا معاهم

ايمووووو حبيب قلبى وهو عامل شنديد

صباح الخير

الحوار ده دار بينى وبين ايمووو (ابراهيم ) ابن اختى يوم الخميس وبجد اكتشفت حاجات فزيعه شنيعه مريعه ومرعبه فى نفس الوقت ايموو حبيبى عندة سنتين وتلات شهورى:-

آبى :- (أول ما شوفته ) تعالى هاتى حضن وسكر مقالب لآبى

ايموو:- رمى نفسه فى حضني وأدانى بوسه كبيرة ...وسكت شويه .... تعالى نروح بقى

آبى :- فين يا ايمو عاوز نروح فين ...طبعا مسبقا انا عارفه لما ايمو يحب يخرج معايا فى العربيه ميقوليش يقولى تعالى نجيب طعميه وفول هههههههه لان فى واحد بعيد قوى فبنروح بالعربية وهو لما بينام معانا عند ماما بنروح الصبح بالعربيه نجيب منه السندوتشات فلما يحب نخرج في اى وقت علشان مش أتحجج وأقوله تعبانه او بطوط نايمه يقولى على الفول والطعميه (عارف ان خالتو طفسه ههههههههههه) لانه جرب العادي وانا قوله خلاص بطوط نامت علشان انا بكون تعبانه.

ايمو:- وأنا عاوزة (طبعا هيبتدى لائحة الطلبات وانا مقدرش اقول لا) اثنين خروفين واتنين ارنوب واتنين عاااااااابيه (عربيه) واتنين كوله (كوره)

آبى :- افتكرت انه عنده حاجات فى البيت قولت له ايمو هو مش انت عندك عربيه فى البيت وعندك ارنوب خالو جابه لك وعندك كوره وخروف صغير

ايموو:- بصه خبيثه وقالى لا واحد كوله بثثثثثثثث (بس يعنى لأنه الدغ فى السين) وضغونونه وانا عاوزة واحد كوله العب عند تيته مع إبه (نسمه اختى هو نادر لما يقول خالتو حتى بيقولها هاتووو وكانت اول حاجه قالها ليه قبل آبى )

آبى :- قولت له اوك يبقى هنجيب واحد كورة بس يا ايمو مش اتنين وأخدته ونزلنا واحنا ماشيين بسم الله ما شاء الله عليه بقى بيشاور ليه على مكان الراجل اللى مامته لسه شاريه منه الكوره الصغيرة من عند جنينه كده للاطفال بيلعبوا فيها وهى بتوديه وجابت له الكورة وانا دماغى مقفله واقوله هنروح من بعيد علشان ندور وانا طبعا بدور على حد بيبيع وكل ما نقرب من المكان يقولى هنا بقى هنا

فى النهايه بصيت قولت له فين الراجل مش لاقيه قام مطلع صوباعه اللى زى الدوده الصغيرة كده وقال اهو عمو اهو...قولت له تعالى بقى اختار وشلته على رجلي في العربية وطلعته من الشباك يشاور على اللون اللى عاوزة

وجبت الكورة ادتها له وقولت شكرا للراجل .وانا بقعده على الكرسي تانى جنبي وأديته الكوره

ايمو::- بصه حلوة كده ليه وقالي ثكلا يا هاتوو (شكرا يا خالتو )

طبعا لانى قولت للراجل شكرا فهو فهم لما حد يديله حاجه يقول شكرا وأنا دايما لو هو ادانى حاجه فى ايدى أقوله شكرا علشان يتعود على كده وحتى ماماته وفى البيت كلهم كده

آبى:- هنجيب ايه تانى يا ايموو ( وانا فى سرى بقول يا رب استر بقى هههههههههههههه لا طبعا بهزر انا ما بصدق اجيب له اللى هو عاوزة بس بحساب علشان مش يتعود على اى طلب وخلاص)


ايموو :- عاوزة ثاقعه (آيس كريم) ودرة لتيته وإبه وكوكى(ماماته) وديدو (جدو ) ومنديد (مجدى خطيب اختى ) وثيبسى لاااا علشان كوكى قول لا لا يمو (ماماته مش عاوزة تأكله ثيبسى ونكيب (نجيب ) الديدااااااااا (البيبرونه )

آبى : - مش كوكى قالت خلاص ايموو كبر ومفيش ديداا تانى ونشرب اللبن فى الكوبايه بتاعت ايمووو وبس

أيموو:- ايه ايه ايه (طبعا كانه مش سمع او بيستعبط مش فاهم فانا كررت الكلمه وسكت وهو استسلم للأمر الواقع ودى محاولهمن محاولاته الفشله اننا نرجع له البيبرونه تانى يشرب فيها هههههههههههههه

المهم روحنا وادالهم الدرة وهو أكل واحده درة بس وجه قالى

ايموو:- ( وهشه كالث مث عاوزة اميها كلاص ) وحشه خالص ومش عاوز وخلوا بالكوا مش تفها من بقه الا لما قالى وانا قولت له تفها

آبى :- طيب كل الايس كريم وخلاص والعب بالكورة

ايموو: - اعملى تنديد التاتيرى

آبى :- طبعا وشى قلب وبقيت شبه العبيط وفتحت بقى وبقى شبه نفق الأزهر ورفعت حواجبينى زى شنبات الصرصار وقولت بسم الله الرحمن الرحيم الواد ماله قلب هيروغوليفى كده يمكن الايس كريم فيه حاجه وبسرعه ندهت لكوكى قولت لها الحقى ابنك فيه ايه وسألته

المهم ردت قالت ليه بيقولى اعمليه زى شنديد الدرديرى (شخصيه فى مسلسل بيجى على بانوراما دراما مش فاكرة اسمه كان عمرو واكد بيعملها ) وطبعا عاوز اربط له الطرحه على دماغه زيه لانه كان جايب ليه طرحه بيضه طبعا سخست من الضحك وندهت له تانى وسالته انت شوفتها فين

ايمو:- باتورابتن ثب ؤاتثيب اآآآلامه فى بيتك ....

آبى :- يا دى الليله الواد اتكعبل فى لسانه تانى ترجمى يا بنتى قالتليى بانوراما دراما هتسيب علامه فى بيتك ههههههههههه قعدت اضحك طبعا هنا اكتشفت انا ايمو متابع جيد جدا مع جدته للمسلسلات وحفظها ويجى يقولى ابحك واهوطك فى الششششششششششششوال

ودى من مسلسل تانى برضه اسمه الدم والنار شاف راجل ادبح واتحط فى الِشِِوال

وطبعا نبهت على ماماته تخلى بالها من اللى بيشوفه قالت ليه ده بيحب الشعراوى بيغنى الاغنيه بتاعته قولت لها كويس بس بلاش المسلسلات الرخمه يعنى لانه بيتأثر بها

ايمو::- انا موتى ابو نفيثه وضربتيها بالثبث وكانت كتييييييييييير وبتأجرى تحت (وبيضم صوابعه على بعضها زى السكر كده رمز انها كتير قوى ويحركها) ووقعدت ابوس فيها وهو بيعمل كده

آبى :- اوبااااااا طيب ام نفيسه وانا اتعلمتها من المرة اللى فاتت انت قاعد تكتشف العيله ابو نفيثه ده مين طبعا جت المترجم وقالت ليه انه بيقول على الصورصارات ابو نفيثه

ام نفيثه اللى هى الخنفسه مرة شوفانها وقالى ايه دى قولت له خنفسه من ساعتها وهو بيقولها ام نفيثه ولما شاف الصورصارات وسال وقالو له صورصار قال لا دى ابو نفيثه هههههههههههه

ايمو :- سؤال بخباثه على الموبيل مين ده (يقصد صورة اسلام )

آبى :- بصيته له وقولت له مين قول انت ايمو عارف مين ده صح سكت شويه وبص ليه

ايمو:- اثلااااااااااام اكلمه ههههههههه

قولت له صح انا مردتش اقوله معرفش مع انى عارفه انه عارف لان لو قولت له مش عارفه هيبقى بعلمه الكدب وانا عارفه انه بيدلع وعاوزنى اقوله وحركة لئم منه وخلاص فعكست له السؤال لان خطر انك تردى على طفل بانك متعرفيش وهو متأكد انك عارف

ولما اسلام اتصل ايمو مرضيش يكلمه ههههههههههههههه

ليه بقى الحوار كله ركزوا فيه هتكتشفوا انكم انتم اللى من السهل تعلموا اولادكم براحه من وهما صغيرين يسمعوا الكلام وميكونوش عنديين طبعا ايموو ساعات بيكون عنيد بس بالتفاهم معاه من غير ضرب بيرجع فى كلامه

الطفل بيلقط كل حاجه وهو صغير يعنى لما طفل يتأثر بالمسلسل والشخصيات يبقى لازم نخلى بالنا كويس قوى هو بيشوف ايه وبيركز فى ايه ومفيد ولا لا

احنا اللى نقدر نعود اطفالنا على القناعة والرضا بالشئ

احنا اللى نقدر ننمى فيه موهبه حتى لو صغيرة زى حبه للكوره او الرسم اى شئ

احنا اللى نقدر نمنعه عن الغلط وانه يطلع مؤدب ومن غير ما يشتم لان بصراحه بشوف بعض الناس بتتبسط قوى لما اولادها بيشتموا ويقوله تف على ده واشتم ده ويقولك لما يكبر هيبطل لاااااااااا استحاله لانه فيه من صغرة

ايمو وانا بوصلهم للبيت شاف واحده جارتهم فى الشارع قالت له تعالى يا ايمو اقعد معايا ومش استأذنت من كوكى ندهت عليه وقولت له تعالى رجع تانى ليه العربيه قولت له هات بوسه باسنى قولت له اطلع مع كوكى علشان هى قاعده من غير بابا العب معاها فوق فبص ليه وبص للست اللى ندهت عليه وكان عاوز يفضل معاها وقالى هاتر (حاضر ) وقولت انا للست معلش الوقت اتاخر ومينفعش فلازم يطلع يغير

واعتذرت لها وهو طلع ورا مامته

يعنى احنا اللى بنعوده بالادب على سمعان الكلام لان بشوف اطفال فزيعه بجد ولا كأن الام بتنادى عليهم ولا كأنها بتقول لا وبصراحه ده من البدايه ومن التربيه وبتغاظ لما اسمع ست تقول اصلى مش بقدر عليهم بيبقى نفسى اديها بالبوكس فى وشها لان هى السبب بصراحه

فى النهايه سلوكيات الاطفال كتير وخلوا بالكوا من التليفزيون وخلوا بالكم من الاطفال قوى علشان منندمش

كان معكم من حديقه الطفل اللى بيربينا معاه قبل ما بنربيه استاذ لواء عسكرى اصلح بوابير جاز هاتوو آبى هانم

مين السبب احنا ولا مخفيين الاسم



مش عاوزة هزار يا بونجور عليكم جميعا النهارده موضوع بجد انا بقول بعلو صوتى جد ددددددددد وفى الباميا (السوياسه يعنى ) كل واحد يجهز ورقه وقلم وكيلو باميا ويجى هنا الباميا فياكين وفيكونات مفيش تفركه فى الكوكب بتاعى وده من منطلق تتيتوقراطيتى المبعزقه الهلاميه المشفلحه
كان من فترة د/محمد فوزى صاحب مدونة نصحى مع بعض عمل موضوع عجبنى جدا اسمه مرتاح كده يبقى روح واختار الحزب الوطنى

آآآى مين بينطح ده ... آه ده خروف من بتوعى غبى هدبحه النهارده خلاص واعمل عليه مسقعه ....استنوا لا طبعا مش هختار اختار ايه ده حتى على راى واحد اخ ليه يقولى لو دخلتى مقر الحزن المستوطن ده تروحى تستغفرى ربنا وتوبى عن الذنب هههههههههههههه

المهم الموضوع باختصار ان اه عندنا فساد وعندنا تجاوزات من الحكومه اوعى وشك والتصريحات شمال ويمين طايرة رايحه جايه فى الجو ولا الكرة الطايرة والحكومه فجأه هووووب تجيب جووووون فى السله واحنا بنشجع اللعبه الحلوة وحكومتنا اجدع واحده تجيب اجون تمر بالمخيخ الداخلى لنا ههههههههههههههههه
بس فى النهايه مين السبب فى زياده ظلم الناس دى لينا احنا ولا هما ..امممممممممم
سمعاك يا رخم ياللى بتقولى هنعمل ايه اقولكم امسكوا زى الصياد باديكوا ورجليكوا وسنانكو اللى بتأكلوا بيها دى وتعضوا بيها بعض فى حقوقكم واعملوا البطاقه الانتخابيه وبلاش حد يقولى هنروح اللجنه ويقولوا لنا احنا علمنا على اسمك (وش مهرتل )
لما عشرة ولا خمستاشر يعترضوا ويقولوا للموظف لا احنا عاوزين ننتخب صح وبراحتنا مش هنمنع الفساد لما يعلوا صوتهم ويجيبوا لاخر الدنيا مش هنوقف الموظفين حتى فى المصالح الحكوميه عند حدها ومش بس الانتخابات الرشوة والسلبيات اللى ماليه حياتنا من حكومه لغيرها لشرطه لقرف كل حاجه فى البلد احنا بنحطم نفسنا مبقاش عندنا مظاهر حضارة ولا تحضر ولا تمدن وبقينا زى ايه تى ماشين ومش فهمين رايحين فين بس والله ايه تى كان عارف انه عاوز وطن انما احنا بنضيعه من ايدينا

الموضوع عندكم اقروه وهجيب لكم رأى هنا الرد بتاع

د/محمد فوزى ونتناقش

بجد لازم نحل مشاكلنا دى ونفوق احنا اللى بقى فى ايدينا الحل زى ما بقولكم هما مش اقوى لو هما اقوى مننا مكنوش خافوا مننا وقالوا علينا وعلى الفيس بوك كل الهجمات دى ده دليل على قوة صوتنا يا سلام عليا وانا الوطنيه واخدانى وهدخلنى فى شجرة بقول قلل هههههههههههههه)
لا بجد كفايه واحد زى عمنا احمد فؤاد نجم وابونا كلنا يطلع له مقالين يشكر فينا بصرف النظر عن كتاب مدونات مصريه للجيب اللى هو اتكلم عنه او عننا من خلاله كفايه انه اشاد بينا وقال علينا عيال بيور لما الكلمه دى تطلع منه يبقى نقول للدنيا كلها وللظلم انت ولا حاجه
ولما بتاع حركه مواطنون ضد الغلاء مش فاكرة اسمه (اصلى كنت بتنطط زى الفرخه قصدى من الفرحه وانا بسمع الكلام ) مع منى الشاذلى يقولها هما دول شباب مصر وهما دول اللى هيعدلوها

يبقى لازم يكون لنا دور ونقول للحزن الوتنى سمعنى سلام بودعك ...واعتبرة كلب وراح هههههههههههههههه


الرد بتاعى

بص بقى يا دكتور انا على طول بقول ان المجتمع منظومه كامله يعنى اللى بيأخد رشوة واحد مننا واللى بيسرق مننا الحكومه نفسها مننا
يعنى مثلا لو عندى مرض ماشى فى بطه (من اللى بتكاكى يعنى ) فى وسط البط اللى مربياه يبقى تيشلها وتعالجها ولا تسيبها وتقول بكرة تموت
لا لازم تعالجها فعلا مش كل حاجه على الحكومه هما عددهم كام واحنا كام فعلا فيه حاجات بتتعمل واحنا من زهقنا وقرفنا منهم مش بنحس بيها وغير كده بنحاول ننتقم وندمرها ومش فاهمين اننا بندمر نفسنا
الحاجه التانيه فعلا ان الحكومه بتاعتنا سابت الاساسيات بتاعت الناس وبدأت تهتم بكماليات ممكن احنا كمان منكنش حسينها
(الاساسيات بلنسبه لنا الاكل والشرب ) مع ان فيه الكتير على فكرة
طبعا الكماليات كبارى وانفاق ومولات وبتنجانات


رد د/ محمد فوزى

الله ينور عليكي يا آبي
أهي حكاية المنظومه دي مهمه جدا
وهي اللي نفسي يوصل للناس فعلا ,

إنه في ظل التردي الأخلاقي الذي نعيشه
في ظل تراجع المباديء أمام الماده
في ظل إستسهال الفساد وإعطاءه ألف مبرر وألف حجه,
لا بد أن يفكر الناس أن أي فرد من المجتمع إذا ما تولى موقع المسئوليه
وما يحيطه من ظروف ومغريات , من الممكن جدا أن يمتد إليه الفساد وأن يتحول إلى نسخه ممن ينتقدهم ,
بدليل فشله أمام الفساد في موقعه الصغير سواء بإقتراف الفساد , أو فشله في مقاومته ,
أما إذا تغيرت الصوره وتحول كل منا إلى محارب شريف في موقعه حتما ستتغير الصوره
وموافقك إن مشاريع الحكومه تخلو في كثير من الأحيان من الواقعيه وتفتقر إلى ترتيب الأوليات .

أتمنى أن يقرأ ردي على تعليقك جميع الزملاء فهو مما أردت أن أكتبه فعلا

شكرا آبي



انتم بقى ايه رايكم خلينا نتكلم بصراحه وتعالوا جنبى على المصطبه بتاعت الكوكب ونتناقش سواء اختلافنا او لا يمكن نطلع بحاجه كويسه ولو اتفقنا اننا وحشين او عندنا جزئيات وحشه يا ريت نصلحها وميكونش الكلام مجرد كومنتات رايحه جايه بدون اى فايده
اصل انتم الجانين على نفسكم هنطحكم بالخرفان وفيه فياكين خلصت امتحانات وهتيجى تقعد هن وهتبقى رش ميه بمسدسات للصبح وقلل بتطير هنا وهناك


ملحوسه نونو كالص:- المدونه التانيه عاوزين نشغلها للناس اللى سالت انا ولا هأخد فلوس ولا ليه مكسب من وراها انا بعملها لانها فكرة اتنططت فى دماغى فقولت منها مساعده لبعض والتبرعات للناس المحتاجه فشدوا حيلكوا واوعوا يكون صينى ويتقطع بسرعه ههههههههههههههههه
بيكيا للبيع انطح اللينك ونط على هناك فى المركبه مجانا


كان معكم سعاده مدير ميكانيكى لواء بحار طيار اعالى الرقاب آبى هانم الباميجيه

خدوا اجازة وفكك منها وفكك منه



تحديث المدونه الجديده انطح هنا هتروح هناك دى بتاعت البيكيا
عاوزة بقى تشدوا حيلكوا وتبعتوا ونبيع واللى عاوز يتبرع يقول واللى يروح هناك ياخد بيبسى معاه ومصاصه وشيكولا وايت علشان مش بحب البراون هههههههههههههههه
لااااااااا استنوا مش عاوزة ضرب ولا تحديف قلل ايه الناس المستعبطه دى

انا مش اقصد تسيبوا بعض يخرب بيت الديتول اللى بتشربوه اصبروا
لا اخرجوا مع اصحابكوا يوم او مرة فى الشهر او مرتين تصدقوا الاجانب طلعوا اجدع مننا اه انا بعترف وبقول من قبل اى تحديف تانى ولا رش بالميه على طول اهو طيب سكووووووت وانا اقول لكم فيه ايه
يلا الفياكين الرجالى لوحدها والحريمى لوحدها بالعند فى اللى مش عجبه ههههههههههه تقريبا الكل كان عارف عن يوم التجمع الحريمى او البناتى اللى اقترحته فى يوم انا وخيخه ورودى بنوته مصريه وقررنا نعمله هما كتبوا عن مكان التجمع وده كان الغرض منه اننا بنات او ستات متجوزين او غير نتقابل ونقعد نتكلم المهم رودى اختارت مكان ورحنا انا طبعا بما انى عندى نحله ودبور مرضتش اكتب عن اليوم قبل ما يتم ليه ايوووون شطار علشان اشوف ايه اللى هنطلع بيه من اليوم ده الاول بس كنت بقول للناس عليه اقولكم طلعنا بايه
اولا قولنا للرجاله مش تكلمنا غير مرة واحده والستات تقفل فى وشهم السكه هههههههههه لو اتصلوا تانى هههههههههههههههه وده كان اقتراحى انا والله حتى قولت لاسلام كلمنى مرة واحده بس مش عارفه باقى البنات اتعمل فيهم ايه ههههههههههههه
واتجمعنا فى النادى والحمد لله كان فاضى وقلبنا الدنيا لعب زى الاطفال كلنا كستات وبنات طبعا وكنا مجموعه هايله فينا اللى اول مرة اشوفه وفينا اللى شوفته
واتكلمنا ورغينا كتيررررررررر فى الحياة والخيانه والخطوبه والجواز وسنينه
آآآآآآآى بس يا خيخه متضربيش بالقله اه نسيت اقولكم خيخه هانم ادتنى دروس فى باليه بحيرة الرفس
اه بجد دى حد بيرفس مش باليه ومثلت لينا بكينام والهبل اللى بتعمله قدام المرايه هههههههههههههه

ورودى القويه المفتريه كانت سكر واول مرة اشوف سومه رايحه تعدل المايله طلعت العكس تمام بنوته هاديه مووت ورقيقه وضحكتها سكر مقالب بجد بس دماغ وثقافه وانتحاريه بجد وفدائيه انها تيجى تقعد وسط المجانين دول
وشيماء احتمال ودى رقيقه وبسكوته اول مرة اعرفها بس سكر خالص ومنى نبضات ودى بقى قصه الست المثقفه هههههههه لا بجد عسل خالص ورقيقه وعاقله ودمها خفيف الا الرجاله بتنطس فى نظرها وبتسيب البنات السكر دى ليه وشاهى الرقيقه اللى بتعيط لو نحله اتكعبلت قدامها ههههههههههه
وفاتيما اللى نفسى تبقى قويه ومفتريه كده وتقول مودونين هجوم نقولها وراك يا ريس وعشانا عليك يا رب ونروح نجيب يوسف من بقى الجحش ههههههههه
ودوبا الجبارة بتاعت عالم سمسم ههههه قصدى عالم الفلك علشان بتعرف فى الابراج اه بجد حتى برج الجزية عارفاه كام دورررررررررر هههههههههه
وكلاكيت هى ولينا بنتها وقررنا نعمل لكلاكيت تانى محكمه تلم القضايا بتاعتها ونسميها محكمه كلاكيت هههههههههه
وقوس قزح اللى جت متأخره بعد ما خلوصنا لعب بس اتغدت معانا
وسمر فوضى الحواس ودى حد هادى وصوته واطى يا بنتى كان اليوم مجانين حد يبقى هادى كده
بس بجد كان يوم تحفه وبعيد عن شنبات الرجاله وابقى ورينى بقى يا صباغ انت وعسقوووووووول وسووووووو هتعملوا زينا ازاى هو انتم بتعرفوا ترقصوا باليه ههههههههههه
المهم بجد ده اقتراح يعنى كل المدونين اللى من مكان واحد يتجمعوا يوم بنات ويوم رجال متجوزين او غيره حتى يدوا فرصه للمتزوجات يخروجوا بدون ازواجهم ويقضوا يوم يفكوا فيه عن خنقة الرجاله ههههههههههه وبجد اليوم هيفرق باقى الاسبوع او باقى الشهر جدا او خلوها مرتين فى الشهر وده اللى الاجانب بيعملوه بس عندنا لا مع انها ولا مكلفه ولا متعبه
كل الفكرة فى انكم تلاقوا مكان كويس تقعدوا فيه والرجاله برضه المدونين يقعدوا مع بعض يوم من غير زوجاتهم ولا خطيباتهم هما بس واصحابهم او المدونين اللى معاهم من نفس البلد واللى يحب بقى يتشحطط ويروح لمجموعه فى بلد تانيه يبقى حلو
ليه بقول نفصل علشان الكل يبقى براحته ومحدش يقول ما ممكن نخرج ستات ورجاله والرجاله يقعدوا لوحدهم والستات لوحدهم هخبطه بقله على طول وخروف ينطحه لا طبعا علشان الست تبقى حسه انها مش متقيده ولا الراجل حاسس انه متراقب وتقوله انت بصيت ولا انت سبت العيال هههههههههههههه كده يعنى
وبجد من تجربه امبارح انا كنت مبسوطه قوووووووووى ورجعت عيله بيبى تانى باللعب مع الاطفال شيرى ابن خيخه ربنا يحميه يا رب ونور حبيبه قلبى بنت رودى اللى كانت بلطجيه بس سخنه وتعبانه ربنا يشفيها واحمد وعمر اولاد المفقوع مرارتها عسل الاتنين ويوسف افندى ابن دوبا بس هو هادى قوى ربنا يخليهم يا رب جميعا واهلهم يفروحوا بيهم
وكمان كان نفسى اشوف البغبغانات اولاد شاهى بس هى سابتهم مع والدتها خيرها فى غيرها
نرجع تانى ناس هتقولى زوجاتنا مش فى التدوين او ازواجهم هقولهم يوم مع اصحابكم حريمى بسسسسسسسس ورجالى بس وانسوا فيه كل حاجه هتفرق صدقونى حتى لو سالتوا المتزوجات اللى كانوا معانا هيقولوا لكم باليوم ده فرقت وغيرنا موود كتير ونسينا هم ومشاكل او بمعنى اوضح بصوا لها بصه تانيه خالص بهدوء بجد
اعملوا اليوم ده هيفرق كتير ومش معنى كده انه محدش يبقى عارف التانى فين لا طبعا تعرفوا ومفيش مانع الزوج يوصل زوجته علشان يطمن من حقه بس يسبها طول اليوم ويكلمها مرة واحد مش زززززززن طول الوقت بجد هترجعوا عيال بصرف النظر عن التكسير والتفشيش والتخبيط وكأن مزيكا حصبله فى جسمك اليوم التانى بس دماغك والنحله والدبور هيأخدوا اجازة وتحسهم فريش راجعين من السونه كده ههههههههههههه احنا قررنا نعمل الموضوع ده كل فترة وهنبقى نقول امتى والدعوة الحريمى للكل بنات وستتات نتعرف على بعض

ملاحيززززززززز:-
بعد عرض الفكرة على المجلس الموقر بتاع امبارح قررنا عمل مدونه هنسميها روبابيكيا للبيع ودى علشان اللى عنده اى حاجه قديمه ايشربات شنط عفش بيت كتب بدل فساتين بنطلونات شوزات اى حاجه هيبعت ليه صورتها على الميل والسعر ومكان وهنزلها فى المدونه ودى طبعا بدون مقابل واللى عاوز يشترى نديله ميل البايع بعد الاتفاق على السعر ايه رايكوا موافقه صح شكرااااااااا ههههههههههه بعد ما اعملها هبقى اقول لكم اللينك
اللى عاوز يعرف اجابتى على البوست اللى فات هتلقوها اخر حاجه انا جاوبت خلاص ههههههههههههه اى خدعه


كان معكم مدير عام امن مراجيح ونطاطات نادى الزراعين بالدقى آبى هانم بتنجانى على الاخر

هتقولوا الحقيقه ولا هاااااااا


الموضوع النهارده زنه نحله ودبور على الاخر هما كام سؤال كده صغيرين وتقابلونى بقى فى الكومنتات وبكل صراحه مش عاوزة كل واحد يطلع نفسه ماركه ابو جناحات
يعنى عصافير وملايكه وبغباغانات يعنى كله يورينى الوش الشرير بكل صراحه علشان هى مشكله ولازم نناقشها بس علشان نعدل من نفسينا اللى نفسنت علينا كتير ونبقى مرايات قدام بعض
هااااااا الصريح يدخل اللى مش صريح يروح يلعب مع خرفانى بعيد وهى هتقوم بالواجب وتنطحه

السؤال الاول

للرجاله امتى تخون زوجتك او حببتك او خطيبتك؟
السؤال التانى :-

لو خنت فعلا هتعترف لشريك حياتك ولا لا ؟

السؤال الثالث:-

الستات : ممكن تسامحى ولا لا وامتى تسامحى ؟

نفس الاسئله اعكسوها يعنى الستات تحط نفسها او البنات فى نفس المكان
السؤال الرابع:-

يه هى مظاهر الخيانه او الراجل بيعتبر الست لو عملت ايه بتكون خاينه

والست بتعتبر الراجل بيكون خاين لما يعمل ايه؟

بصوا بقى انا عاوزاكم تحطوا نفسكوا فى الحالتين سواء خنت او لا سواء هتسامح تقول هتسامح ليه ولو مش سامحت ليه برضه
وايه هى الحالات اللى ممكن تسامح فيها والحالات اللى مش ممكن ابدا
كله هيجاوب بصراحه انا بقول اهو ونتناقش مع بعض وبلاش زى ما قوت ماركه ابو جناح ده مش بحب
يالا كله يشمر رجليه ويقعد على حرف النهر فى الكوكب ويعترف بكل هدوء خلونا نطلع بأسباب والحاجات اللى بتهدم العلاقات ونعالجها بكل وضوح
فياكين فيكونات هجوووووووووووم

ملحوسه من خروف هينطح :- اللى هحس فيه دبلوماسيه هحدفه بقللى وجايبه زيركلاشينكوفى احتياطى فرغوا كل شحناتكم بقى مرة فى حياتكم وهجيب اسلام يعترف ههههههههههههههههههههههه هو كمان وانا هجاوب فى الاخر البوست اوك يالا قلل بقى وضرب نار وميه الجو حر وعاوزين نلعب واللى هيكسب هجيب له بطيخه من اللى الكيلو ب1.5هههههههههههههه

كان معكم من امام مكتب الاسره بكوكب أبى هانم بتنجانى اول خروف هينطح ههههههههههههه

Share |