غزوو تتارى على السوبر ماركت

صورة الباركنج بره فى كارفور
طيب مش بالزمه حرام نبوظ الجمال ده

من الاول مش عاوزة تحديف قلل ولا رش ميه فى الكوكب انا بقول اهو هسسيب عليكم خرفانى انا بفتح على حاجه غيظانى وبعدين اصلام اصلام يعنى النظافه والنظام والادب من الايمان فموش عاوزة استعباط
اه بجد بقى عذاب مع ان ده اليوم الحلو اللى بستناه تقريبا مرتين او مرة فى الشهر لان بطلع فيه كل ميولى الخرفانيه للشراء وبيكون تخريب فى الميزانيه باقى الشهر واربط الحزام الناسف على باقى المرتب اللى بيكفينى بالقرص بالعافيه ومع متطلبات بطوط بقت حاجه صعبه
المهم انا بحب اروح الماركت الكبير كارفور سبينيس او المحمل لان دول بيعملوا اوفرز حلوة وكمان اماكن كبيرة وتلاقى الحاجه مرتبه واسعارهم اقل من بره انما مترو كلا البطه لانه بجد غالى جدا عن اى مكان بره
كالمعتاد اروح اشترى حاجه الشهر الاقى ايه بقى بجد ولا حديقه الحيوان او السيرك العالمى ياااااااااااه على الدوشه وعدم النظافه والصداع والزهق والملل والصوت العالى والرحلات اللى بتكون طالعه
اقولكم ازاى تلاقى الست رايحه تجيب حاجات واخده بنت خالتها وبنت عمها وعمه خال ابن اخو جوز خالتها واولادهم واولاد اولادهم كل ده ليه مش عارفه واللى بيخلينى بجد عاوزه انطحهم الاطفال بقى بيأخدوا حاجات من مكانها ملهاش لازمه ليهم ويرموها فى اى مكان تانى الستات تلاقيهم ماشين يتمختروا ويا ارض اتهدى ما عليكى قدى والرجاله عنيهم رايحه جايه على ستات تانيه غير مراتهم او لو لوحدهم بيكونوا بيعاكسوا ويتسنكحوا وخلاص ولا كأنهم بيتفسحوا ويتكلموا مع بعض بطريقه فظيعه مش فاهمه ايه ده وبعدين انا اساسا واحده لسانها فالت وعندها نحله ودبور ولو سمعت حد بيقول كلمه مبتعجبنيش بروح بجد مسخسه من الضحك لو اكسبريشن غلط وبكون لوحدى ساعات طيب مش يراعوا مشاعيرى فى ان حد يقول عليه هبله والله بيكون شكلى مسخرة وانا دايما ولابد تفاديا لهزوهى المواقف المتشفلحه المتشنقطه بعمل نفسى بتكلم فى التليفون او احط الهاند فرى فى ودنى لما ودنى بتوجعنى موووت بس احسن ما يقولوا عليه هبله ومسكوها كارفور
كمان بجد بيعملوا زحمه ملهاش حل بحس ان الناس دى تجار والله العظيم بيرحوا يشتروا الحاجه فى الاوفرز ويبعوها بره باغلى وده طبعا بيأثر على وجود الحاجات فى الماركت وفعلا ده جشع التجار المصريين
طيب ما تسيبوا الحاجات للناس ويا ريتهم يبعوها عندهم بنفس السعر لا بيغلوها يعنى الماركت الكبير يعمل حاجه ودول يجوا يخلصوها فى منتهى الاستغلال ولا يفكروا غير فى نفسهم وبس


المحمل عامل حاجه حلوة قوى للحد من جشع التجار والناس اللى بتاجر فى الحاجات بيعملوا حد اقصى للطلب من الحاجه اللى عليها الاوفرز بس بما اننا شعب متفنن فى استخراع الحركات ممكن الواحد يشترى خمس اكياس سكر ويبعت حد تانى قريبه يجيب خمسه تانين يعنى بجد لازم ظبط شويه على حياتنا لاننا السبب كمان فى الاستغلال والغلاء ده مش الحكومه بس وهنبقى احنا ونفسينا على نفسينا طيب والله نفسينا لها حق تنفسن علينا ههههههههههههه

طيب انا اعرف اللى بيروح الماركت لازم يبقى مركز وعارف هيشترى ايه وكاتبه فى ورقه او فاكر يعنى على الاقل ومحدد اتجاهه انا بعمل كده انما الناس دى غريبه موووووووت بلاقيهم ساعات مش بيشتروا بيتفسحوا يا جماعه الماركت مش للفسح ولا للكلام مع بعض والفرجه والضحك وتقييم الحاجات اللى فيه اكتر ناس عجبتنى الاجانب منظمين جدا حتى لو معاهم اطفال بتلاقيهم حطينهم فى العربيه او شيلنهم على ايديهم وبيشتروا فى صمت وبسرعه جدا ونظام مش زينا تلاقى الست ماسكه عربيه وابنها بيلعب بواحده وكأنهم بيلعبوا بلاى استيشن وفجأه تلاقى الواد هوووووب عمل حادثه فى رجلى فى ظهر حد ويبص لك بكل تناحه ويضحك بيكون هاين عليه احطه تحت العربيه واعمله سجاده هههههههه

اه فيه بعض ستات بتأخد اولادها تجيب لهم لبس بس بصراحه مش بالشكل ده وكمان زعيق وصوت عالى كأنها قاعده فى البيت وشوشه شويه تقولها ادينى حبه ميه يا ام احمد ولاحظوا انى بتكلم عن كارفور المعادى وسبينيز سيتى ستارز اللى بجد مخلينى هتجنن بلاقى ناس جايه من اماكن بعيد جدا يشتروا يعنى والله مرة واحده سمعتها بتقول احنا عندنا فى بولاق انا اتخضيت قولت دى جايه من بولاق لهنا يا نهار متكعبل
طبعا قريب هينقرض الاجانب من كارفور ومش بعيد كارفور نفسه ينقرض واحنا كمان ننقرض ويبقى الحاجات اللى بحبها مش فيه كمان لانه بجد بقى ولا سوق الخضار مع انه فتح فيه محلات بران نيمز كتير جدا بس بقى منظر غير حضارى من الناس والزباله والعمال مش ملاحقين الحقيقه يعملوا حاجه ولا من البضاعه اللى بتبوظ وتترمى
و نفس الكلام عن المحمل بتاع التجمع بقيت اقرف اروح اشترى منه حاجه بجد
بجد حرام الاهمال والشباب اللى بيروح يتلكع هناك ويضايق البنات ده ايه وجع القلب ده يا ريت نحافظ على نظافه مكان فى بلدنا ونبقى متحضرين شويه والامهات يا ريت بلاش الاطفال الكتير والكلام بصورة مش حضاريه ولا كويسه معاهم يعنى ممكن تسيبيهم مع جدتهم اختك اى حاجه الموضوع مش هيأخد كتير بجد علشان انا هشتكى لكل الادارت واقولهم يمنعوا جرجرت الاطفال فى السوبر ماركت وبما اننا عندنا فن فى تكسير النظام يبقى هتخانق مع الناس واخر حاجه هقعد على حرف الكوكب وادعى عليهم بقى او اسيب خرفانى هناك تنطحهم وربنا يستر عليا وابقوا جهزوا المستشفيات والقطن والميكركروم ولا بلاش طعهمه وحش شوفوا حاجه تانيه ههههههههه
ملحوسه كونوسه انا مش هفتح حضانه علشان الناس اللى عندهم اطفال يقولولى خديهم عندك انا بعنذر اهو وافنذر وافنجر اتصرفوا بقى واعملوا فيهم اى حاجه

كان معكم آبى هانم بتنجانى رئيس مرور السوبر مركب

انا والكمين وهواك...



شوفتوا الهنا اللى انا فيه يا قلبى اسلام حبيبى حن عليا وقال يخرجنى بدون اصحابنا ونبقى لوحديتنا خالص اتبسطت وقولت هتستفرس بيه بقى واقعد اقوله بتحبنى ولا لا وهتخونى ولا لا ومين بينتصل بيك ومين بيعاكسك وليه مش قولت ليه شعرى حلو وليه مش قولت اللبس شيك هههههههههههه وحركات البنات دى اللى بتزهق واخنق فيه شويه واتقمص شويه كده يعنى
هوووب عدى عليا ورحنا الحسين قولت وماله من زمان مروحتش رحنا وقعدنا فى كافيه اسمها ولى النعم المهم اسلام مش بيشيش الحمد لله ولا بيشرب اى حاجه خالص كبرت فى دماغه وجاب شيشه قولت هو حر
وفجأة انانانا تشششششششششششششش تيرررررررااااااار اسلام هيس والله ههههههههههه بجد داخ يا عينى وبقى بيضحك على اى حاجه وانا خلاص سخسخت من الضحك عليه وقعد عمل ديكورات الشقه والتصميمات واحنا قاعدين فى دماغه طبعا مش حتى على ورق وكمان كان بيزعق لما نختلف ولا اقوله يا حبيبى ده مش هينفع يقولى والطوب اللى جبناه تقولوش خلاص بنفرش الشقه
قولت يا بت عدى الواد هيس يا قلبى مش مهم
شويه ونزلنا بعد هسترية الضحك اللى مسكتنى منه بجد قالى تعالى نكمل خروج
هووووب طقت فى دماغى وكانت استقراح منيل بنيله قولت له عاوزة اقعد على الدائرى اللى ما بين المعادى والقاهرة الجديدة قالى ماشى طلعنا حبيبى بقى مفيش له زى
طبعا
فوق القاعده تجنن جدا وتشوف شكل النيل والجزر اللى فى النص تحفه بجد وانا مبسوطه
اسلام مش يحلى له الوقفه الا قدام الكمين هو كمين ثابت الناحيه التانيه وهو وقف هنا اقوله يا بابى بلاش يقولى عادى يا حبيبى العربيه فيميه بلاك ومينفعش يقولى سيبك انا ولا فى دماغى
وركب دماغه واتزحلق بيها
قعدنا بقى ولا حب ولا هباب انا النحله والدبور اشتغلوا وركزت فى الكمين مووووت اشوفهم بيعملوا ايه واضح انه كان فيه مشكله امبارح او بلاغ عن حاجه لانهم بيوقفوا كل العربيات الربع نقل اللى بصندوق ويفتشوها وفجأة فيه ماسورة وانفجرت رتب بلبس الشورته وتانين شكلهم محابس ههههههههه

والعربيات اللى من غير صندوق دى الامين واقف يأخد منها الفلوس من تحت لتحت بعيد عن الرتب وهما مش شايفينهم لانهم رايحين جايين وبيتكلموا فى اللاسلكى والتليفونات وانا هموت وايدى بتأكلنى على الكاميرا اصور واسلام قالى والله هيرموكى فى الميه لو اتقفشتى وطبعا فى الحاله دى الجرى الجدعنه كلها وهو هيقولهم ولا اعرفها
قعدت بقى اضايق فيه واقوله انت بتفسحنى فى الكمين ولا عاوز تسلمنى يعنى علشان الكوكب المهم قالى يالا نمشى مشينا وهوووب بنلف وعدينا من عند الكمين اقوله بلاش ميردش اقوله حبيبى ميردش قولت اعمله ايه ههههههههه
والظابط الى رتبته نكيب ابن الانبوبه والله اللى واقف يتنك ومش راضى يوقف عربيه وسايب الامناء جالنا مخصوص وعدى من بين العربيات ووقفنا تششششششششششش وقاله الرخص طبعا علشان الفيميه فاسلام اداله الرخص وقاله دى عربيه اللواء احمد وده طبعا والد اسلام بس هو طلع على المعاش من زمان بس العربيه بتاعت اسلام قاله طيب كارنيه او حاجه تثبت طلع له البطاقه بتاعت بابا
الظابط قاله دى قديمه طيب هو بابا فين قاله كان فى مديريه امن القاهرة قاله اه فى ايه يعنى

وده هنا اسلام سحب فرامل لسانه وقرر ينفش ريشه وكان سكر مقالب بجد وبدأ يرخم على الظابط جدا
وقاله مش عارف والله بيشتغل فين المهم جه رائد قاله يعنى ايه مش عارف بيشتغل ايه انا ابنى عنده خمس سنين وعارف انا بشتغل فين لو سمحت كلمه اساله
اسلام تربس برضه وقاله لا مش هكلم بابا دلوقتى لانه نايم ومش ينفع ودى طبعا تناكه من اسلام جه رتبه كمان وقاله طيب اركن على جنب وانا طبعا عارفه حركات النداله بتاعته ممكن يقولهم سيبوا الفيميه وخدوا البت اللى جنبى دى بتتكلم فى السوياسه حبيبى بيموت فيه طبعا وعاوز يخلص منى
وراح وقف معاهم وبكل تناكه قاله حضرتك عاوز تسحب الرخص اسحبها عاوز تبعت العربيه على الورزاة وتفحصها زى ما بتقول او المديريه انت حر بس ولا هكلم بابا ولا هقول كان بيشتغل فى ايه لانى مش عارف
وانا طبعا مسخسخه من العند بتاعه وده دماغه قفلت لما شاف النكيب بيبص عليا وجاى على العربيه يكلمنى ويقولى بطاقتك قاله حضرتك اتكلم معايا قولت دى خطيبتى وتطلب منى وانا اجيب لك اللى انت عاوزة وطبعا هو مش بيعمل كده لحاجه الا انه عارف انى لسانى فالت
وهوووب هقوم ضاربه كرسى فى الكلوب واشد معاهم ههههههههه علشان الكلمتين اللى حفظاهم من كتاب علشان متضربش على قفاك
المهم قد كان قولت للظابط يعنى مش فاهمه المنطق بتاعك البطاقه وبتقول انه شرطه وده ابنه والاسم خماسى زى بعض يبقى فيه ايه
لزمتها تزعجوا الناس قالى حضرتك علشان الفيميه الوزير مانع
قولت له سبحان الله والتلات عربيات اللى عدوا واحنا واقفين دول مش فيميه ولا وقع عليهم قهوة ساده
اسلام بصلى وقالوه عاوز ايه العربيه تاخدها تفتشها تعمل اللى انت عاوزة براحتك ومتتكلمش معاها ولا فى اى حاجه وده برضه خوفا من خرفانى مش من حاجه تانيه هههههههه وبعد ربع ساعه جهه واحد رتبه كبيرررررررررة قوى وقال فيه ايه حكوا له وبص لاسلام وعرف والده كان زميله زمان فعلا فى المديرة قبل ما اونكل يقدم استقالته ويسبها لاسباب طبعا كلنا عارفينها وانه فعلا سلك مش محترم ومتكهرب طول الوقت وهو سابها وهو عميد مش لواء بس اونكل بيرقى نفسه ههههههههههه عادى يعنى وعلشان كده ولا اسلام ولا محمد اللى هو اخو اسلام بابا رضى يدخلهم الشوربه حفاظا عليهم بجد واكتفى بكليه التجارة هو اه الواد امور وطول بعرض ويخض وكان زمانه فى حاجه كبيرة وامبارح بس فهمت وجهه نظر اونكل لان اسلام نافش ريشه زيى بالظبط وطلعنا فعلا توأم حتى فى دى
على الرغم من هدوئه فلو كان دخل الشوربه كان نيلها بنيله ههههههههههه
وفى الاخر مشينا والرتبه ده قعد يهزر معاه ويقولهانت شبه بابا خالص اه والله حماية امور مووووووت بجد ما شاء الله واخدنا الرخص ولا اى حاجه حصلت وقعدت طول الطريق اضحك على اللى مش عاوز يقول باباه كان فى ايه ودماغه قفلت زى مفتاح الشقه اللى فووووت وكمان على انه مش عاوز يكلم اونكل اصل كان زمانه قلهم خدوه وخدوا العربيه وخلوهم عندكوا لما افضى اجى هههههههههههههه ويبقى خلص من اسلام وزنه الكتير
ومن هنا بشكرك يا حبيبى على الفسحه اللى كلها تهييس خالص

ونصيحه للمخطوبين اياكم والكمين بعد قانون ام طارق وانا اول واحده اتخبطت فيها امبارح اهو ههههههههههههه واستاهل بقى وعلى راى المثل من خرج بعربيه اسلام اتقفش فى الكمين بالفيميه
نصيحه محدش يتخطب لواحد عامل فيميه وبلاش الكورنيش بتاع المعادى وان شاء الله ما شميتوا هوا اتخنقوا احسن مالها الكافيهات
اللى خطبها مش بيشيش متجربش القصه دى لانه هيهيس هههههههههه ولازم نحافظ على مشاعير الناس من واحد قاعد لو بص لقطه بيضحك هههه

وابقى قطعوا كتاب علشان متضربش على قفاك لانك هتضرب بس سيبكوا انتم امشوا على قاعده نفش الريش له فايده هههههههه
كان معكم مراسلكم آبى هانم المتفيمه من كمين المعادى المنيب الثابت

خدوا بالكوا من طوارئكوا وجيبكوا



اصباح الخير عليكوا اولا اقولكم قانون الطوارق اتمد سنتين هتنحوا وتعملوا زى وتقولوا مين طوارق ده اقولكم ده جمع طارق يعنى اللى عنده واحد صحبه اسمه طارق يفلسع منه بدرى لانه هيتلم هيتلم انا عن نفسى بعتذر بقى يا ابو عبدوو عن معرفتك مع انى لسه مصلحاك انت اه بابا واللى مربينى بس يا عم العمر مش بعزقه انت اسمك طارق فمليش فى الافتكاسات دى انا واحده صاحبه نحله ودبور يعنى ميفنعش اللى عنده طارق لازم يغيرة بفارغه تانيه اى اسم هههههههههههههه
عاوزين
باختنصار تعرفوا قانون الطوارق ده غير الطريق خالص بس كله منافذ على بعضه


[تحرير] مادة 3
لرئيس الجمهورية متى أُعلنت حالة الطوارئ أن يتخذ بأمر كتابي أو شفوي التدابير الآتيــة: وضع قيود على حرية الأشخاص في الاجتماع والإنتقال والإقامة والمرور في أماكن أو أوقات معينة والقبض على المشتبه فيهم أو الخطرين على الأمن والنظام العام وإعتقالهم والترخيص في تفتيش الأشخاص والأماكن دون التقيد بأحكام قانون الإجراءات الجنائية وكذلك تكليف أي شخص بتأدية أي عمل من الأعمال. الأمر بمراقبة الرسائل أيا كان نوعها ومراقبة الصحف والنشرات والمطبوعات والمحررات والرسوم وكافة وسائل التعبير والدعاية والإعلان قبل نشرها وضبطها ومصادرتها وإغلاق أماكن طباعتها. تحديد مواعيد فتح المحال العامة وإغلاقها ، وكذلك الأمر بإغلاق هذه المحال كلها أو بعضها. الاستيلاء على أي منقول أو عقار والأمر بفرض الحراسة على الشركات والمؤسسات وكذلك تأجيل أداء الديون والإلتزامات المستحقة والتي تستحق على ما تستولى عليه أو على ما تفرض عليه الحراسة. سحب التراخيص بالأسلحة أو الذخائر أو المواد القابلة للإنفجار أو المفرقعات على إختلاف أنواعها والأمر بتسليمها وضبطها وإغلاق مخازن الأسلحة. إخلاء بعض المناطق أو عزلها وتنظيم وسائل النقل وحصر المواصلات وتحديدها بين المناطق المختلفة ويجوز بقرار من رئيس الجمهورية توسيع دائرة الحقوق المبينة في المادة السابقة على أن يعرض هذا القرار على مجلس الأمة في أول اجتماع له.

[تحرير] مادة 3 مكرر ( 1 )

يكون للشخص المعتقل وفقاً للمادة السابقة أن يتظلم من أمر الإعتقال إذا إنقضت ستة أشهر من تاريخ صدوره دون أن يفرج عنه. ويكون التظلم بطلب يقدم بدون رسوم إلى محكمة أمن دولة عليا تشكل وفقاً لأحكام هذا القانونم وتفصل المحكمة في التظلم على وجه السرعة. ولا يكون قرار المحكمة بالإفراج نافذاً إلا بعد التصديق عليه من رئيس الجمهورية.

[تحرير] مادة 3 مكرر ( أ ) ( 2 )

يجوز لمن فرضت الحراسة على أمواله طبقاً للمادة ولكل ذي شأن أن يتظلم من أمر فرض الحراسة أو يتظلم من إجراءات تنفيذه. ويكون التظلم بطلب يرفع بغير رسوم إلى محكمة أمن دولة عليا تشكل وفقاً لأحكام هذا القانون ويجب أن تختصم فيه الجهة الإدارية التي تتولى تنفيذ الأمر الصادر بفرض الحراسة ، كما يجب أن يختصم فيه من فرضت الحراسة على أمواله إذا كان الطلب قد رفع من غيره. وتفصل المحكمة في التظلم بتأييد الأمر أو إجراء تعديله. ولا يكون قرار المحكمة بإلغاء أمر فرض الحراسة نافذاً إلا بعد التصديق عليه من رئيس الجمهورية. ويجوز لمن رفض تظلمه أن يتقدم بتظلم جديد كلما إنقضت ستة أشهر من تاريخ الرفض.

[تحرير] مادة 4

تتولى قوات الأمن أو القوات المسلحة تنفيذ الأوامر الصادرة من رئيس الجمهورية أو من يقوم مقامه. وإذا تولت القوات المسلحة هذا التنفيذ يكون لضباطها ولضباط الصف إبتداء من الرتبة التي يعينها وزير الحربية سلطة تنظيم المحاضر للمخالفات التي تقع لتلك الأوامر. وعلى كل موظف أو مستخدم عام أن يعاونهم في دائرة وظيفته أو عمله على القيام بذلك ويعمل بالمحاضر امنظمة في إستثبات مخالفات هذا القانون إلى أن يثبت عكسها.

[تحرير] مادة 5

مع عدم الإخلال بأي عقوبة أشد تنص عليها القوانين المعمول أو من يقوم مقامه من رئيس الجمهورية

يعنى ببساطه بيدى الحق لوانكل امين الشورته انه يأخدك من حزام بنطلونك او ديل فستانك على القسم ويحجزك ستين يوم بدون اى حق ولو حبيت تقوله عيب عليك ده حقى يقولك كسر حقك وكمان يا عينى كتاب علشان متضربش على قفاك ولا له اى لازمه بجد للاسف المؤسف لانك بكل بساطه هتبقى قاعد وطارق يقوم يضربك برضه على قفاك هو وخالتى ام الطوارق وايه ولا قضاء وقدر ينفع ولا حكمه اليوم حتى يعنى بتوع القضاء دول ناس محترمه وقاعده فوق كده ولابسه مكوى وهى ناس مكويه نظيفه بس من الاخر ريكلام (يعنى منظر بس كلمه بتستخدم وحشه قوى او بتطلق على الناس اللى بتشتغل فى اماكن مش محترمه هههههههههه بس انا طيوبه ومش ااقصد حاجه خالص النحله والدبور وخرفانى هما السبب)
الغريب بقى انهم قالوا زمان ان اللى بيكدب بيروح النار صح لما تطورنا قالوا اللى بيكدب بيروح مارينا هههههههه

طيب يا عم متقال مش انت وعدت حضرتنا اللى هو الشعب المأسوف على شبابه فى الاستنخابات انك هتنهى موضوع خالتى ام طارق دى وابنها وتفض المشكله فى نهايه شهر مايو وعلى بال ما تجهز قانون خالتى ام ايهاب(الارهاب)
طيب خالتى ام ايهاب لسه مش فاضيه ليه بقى مش بتسيب ابو الطوارق يروح لحاله مش عيب توعد ومتعملش طيب نعمل ايه انصدقك ازاى يعنى بعدين يالا وافقنا ام لا فقد انسحلنا واللى كان كان وكله يقاطع طارق انا بقول اهو وقد فنذر من بنجروبعجر الا سؤال برئ من النحله والدبور هما المعارضه فين حد شايفهم اليومين دول فى اى مكان ولا هما بيلعبوا ماتش اعتزال والناس اللى كانوا لهم صولات وجوالات وبتنجانات وبمياجيات (ايه المطبخ اللى وقعت فيه ده ما علينا)

الخبر التانى وده تنبيه وايانى واياكم حد يفرط فى حقه بجد اصل كده تكون عدت وازحت معاكوا

حددت وزارة التربية والتعليم نسب الزيادة في مصروفات المدارس الخاصة للعام المقبل‏2009/2008.‏وقالت صحيفة الاهرام انه تقرر أن تكون بنسبة‏12%‏ للمصروفات الأقل من‏600‏ جنيه و‏8%‏ للمبالغ من‏600‏ جنيه لأقل من‏900‏ جنيه و‏6%‏ من‏900‏ جنيه لأقل من‏1600‏ جنيه و‏4%‏ من‏1600‏ جنيه لأقل من‏2000‏ جنيه‏ و‏3%‏ لما يزيد علي‏2000‏ جنيه‏.

يعنى الراجل بيقول لكم الاسعار اهى هى كده كده زادت بس النبى على قلبك يا عبدوو تاخد بالك من الزياده ونصحى ونبطل استنكراد فى بعضينا علشان متبقاش الحكومه واحنا بما ان الزياده امر واقع من برج الجزيرة يبقى اللى عارف الزياده يطبقها وياخد الايصال واللى هيدفع ازيد من كده بناءا على طلب المدرسه يقدم شكوى للوزارة وبرضه هيقولوا لك فوت علينا بكرة يا اسماعيل ههههههههه لا بجد هما مشددين قوى فى القصه دى اللى هيدفع ازيد من كده يبلغ الوزارة وهيتأخذوا اجراءات مشدده اه والله مع المدارس محدش يستسهل واكتبوا الحاجات دى فى ورقه يمكن تنفعكوا بقى اسفه المرة دى مفيش حلول خالص غير فى موضوع المدارس لازم تخلوا بالكم من جيبكوا لان واضح اننا بنتقلب زى الذرة المشوى على الجانبين ومحدش حاسس بينا وانا عن نفسى هفكر ميه مره فى موضوع الاطفال بقى وربنا يستر يبقى بلاش برضه نسيب حقنا ونتبع سياسه تكبير الدماغ

قانون الطوارق عمله علشان يلزق فى الكرسى اكتر واكتر واكتر وومش عاوز يسيبه
بس بقوله الكرسى هلك والشعب هلك ومحدش خلاص بقى عاوزة اشبع بيه بقى لاننا زهقنا منك يا راجل
كان معكم مراسلكم المتغاظى الناظى كوانازى آبى هانم وعشانا عليك يا رب

سلام مربع ..ومثلث ..ومضلع


ازاى بقى معرفش هو كده الاول صباح الفل عليكوا كلكم بجد انا مبسوطه جدا وعندى حاله انشكاح ومتأزحه بشكل محدش متخيله طبعا كنت رايحه لا مش اجيب اومو ههههههههه حفل توقيع الكتاب بتاع مشروع وطن او مدونات مصريه للجيب بما انهم بعتوا ليه وقالوا نزلنا لكى بوست (سؤال الى من لا اعرف) وطبعا ده من حبهم فيه وكنت حسه انى هطلع من هناك على لازوغلى على طول بدون مجهود كل اللى هيعملوه هيدبسوا البوست فى البلوزه بتاعتى وخلاص قضيه جاهزة المهم رحت وكنت مرعوبه عديت على سووو وكنا عاملين مفاجأه هنحتفل بعيد ميلاد لاحن واحلى وارق انسانه فى الدنيا فاتيما ام يوسف وروحنا على البورصه سبناها وبعدين رحنا المكتبه ولقيت ابو طويله خالو احمد الصباغ طبعا اول حد قابلته كانت الحله المندسه وهى داليا اهو ده عيبه وطلعت يا دوب غطاء زجاجه ههههههههههه مش حله خالص والسكر قوى ام دم خفيف شيماء الجيزى فظيعه بجد بخفه دمه وبعدين حكايات فريده وحنين بجد بقيت اشوف الناس وعاوزة اتنطط زى الاطفال من الفرحه اللى بشوفها جواهم وحساها جوايا لما بشوفهم قدامى وكان فيه واحده قاعده بعيد رحت سلمت عليها وقالت ليه هى مين بس مش هقدر اقول بس بجد هى مدونه جميله ومكنش نازل لها حاجه بس جايه علشان تشوفنا وبقولها ميرسى ليكى انتى بالذات وبعدين قبلت سكر اللى زى السكر بجد وقالى قولى انا مين بس عرفته بسرعه مش ذكاء طبعا كلا وحاشا وفاشا لا من الصورة بتاعته ههههههههههه وبعدين الواد سوو جاب واحده زى القمر وعنيها كلها حب وحنيه يقولى مين دى قولت له هو اليوم العالمى للتخمين قولى انتى دماغى مش مركزة قالى دى فاتيما مش عارفه بجد كل اللى حسيته انى فى حضنها وفعلا بقولها انتى احن حضن فى الدنيا يا ام يوسف وبعدين المفاجأة الاكبر وبرضه سوو عملها ليها مش عارفه الواد ده ناوى على انه يجيبى هارت اتاك اليوم ده لقيته بيعرفنى بشخص آيه فى الجمال الربانى شخص تبص له تحس براحه نفسيه وهدوء لالف سنه وتحسه حاجه منك ومن جواك انا تنحت وازبهليت قالى ده بابا ابو خالد بقيت مش قادره وعنيه هتدمع بجد انا والله بشكره من كل قلبى انا كان هيوقفه هههه قصدى انه اسعدنى وجه وعلشنا كلنا وبعدين اسلام حبيبى اللى كان تايهه والحمد لله وصفت له الوصفه سهله الوصفه هايله وكان نفسه يضربنى بس سوو لحقه فى التليفون وقاله المكان فين ...عادى قولت اهزر معاه واتوهه ههههههههه وطلع والناس بتسلم علينا وهو مكسوف قولت له يعنى جيباك تقف جنبى فى كسفتى تتكسف انت ههههههههه وبعد كده جت جارتى العزيزة قوس قزح اللى بجد بشكرها من قلبى قوى لانها بصراحه جايه علشانى وعلشان تشوفنى ولسانها اللى فالت منها دى هههههههههه فظيعه بس قمر وسكر ربنا يخليكى يا ام نور والمفقوعه مرارتها طلعت فيفى حماتهاا جبارة لان البنت رقيقه موووووت بجد ورئيسه حزب الاحلام النايمه طلعت صاحيه خالص ولماضه ماسكه بيبسى كانز اكبر منها ههههههههههه بس سكر يا عينى بحسها مخضوضه على طول كده والمفاجاة اللى اتسمرت طبعا قدمها استاذ/عصفور المدينه بجد شخص ربنا يبارك فيه جميل والابتسامه مش بتفارق وشه بكل حب للناس زى ما تعودنا منه فى المدونات وسلمت من بعيد عليه وانا كلى رهبه وخوف مش عارفه ليه بس علشان اول مرة اشوفه بس هو حد جميل جدا وم/احمد كمال اللى شوفته فى الاخر وانا بقعد بعد معاناه وكنت وقعت من هدومى خلاص وبقيت شبه الكلب اللولو خالص واتبسطت بيه اوى وقالى انا صاحب مدونة رحايا العمر بس خلاص كنت جبت اخرى اسفه يا بشمهندس معرفتش ارحب بحضرتك كويس والله
وكان فيه بنوته واقفه لوحدها كده بعيد منقبه بعت العسس بتاعى اللى هى رودى بنوته مصريه بما انها جت ولزقت بنتها فى وشى ههههههه لا بجد لان نور بتحبنى فانا اخدتها ومرضيتش تروح لحد كتير كانت بتروح للناس وترجع ليا تانى هقولكم مش حب فيه بس بتعاكس اسلام هههههههههه المهم رودى راحت سالتها انتى مين قالت لها انا مدونه بتاعت الزواج روضه الحب انا رحت اسلم عليها وقولت لها انا مين بجد البنت قمه فى الرقه والاخلاق والهدوء وكانت مبسوطه قوى وانا بتعرف عليها وكنت حسه انها حضنانى وهى مساكنى من ايدى وانا شايله نور طبعا على قلبى بس بجد ربنا يبارك فيها ويكرمها على اخلاقها الحلوه وجمال روحها اللى شوفته منها وناس كتير قوى وحكايات فريده شوفتها تحسها فعلا فريده هانم كده مش عارفه ليه واوشه مكان فى القلب ناس كتيرررررررررررر لهم فى الكتاب وناس لا
بس جم يقعدوا ويتعرفوا علينا وفهد من غير الشيخ طلبه هههههههه قولت احسن بدل ما اضربه ومصطفى ريان وهانى واحمد مبارك ودكتور حر بجد وكمان صاحب المضيفه اللى عرفنى بنفسه وطلع عكس ما اتصور خالص هههههههه بس منتهى الاخلاق بجد ....عندىبنزهير ومش هقدر افتكر كل الناس بس بجد بشكرهم كلهم لانهم خلونى فرحت مرتين اول حاجه انى شوفتهم وتانى حاجه حسيت كلهم فرحانين ليه بخطوبى وكأنهم اهلى حتى اسلام يقولى كل واحد يجى يسلم يقولى خلى بالك منها الله مش بيقولك ليه خلى بالك منه اشمعنى يعنى انا هههههههههههه وزعل علشان اول توقيع على كتاب مش ليه بس انا بقوله من هنا يا اسلاام يا حبيبى انت وقعت قلبى فى رجلى من اول يوم شوفتك فيه ومن ساعاتها مش لاقين بلدوزر يشده لفوق تانى ومتزعلش منى ما انا قلبت لك الكتاب كراسه وكتبت لك فى كل حته فيه حاجه هههههههههه وابقى قابلنى اذا عرفت تقرى منه حاجه اصلا لا بجد وجودك معايا فرق كتير قوى وكلكم وجدكم معايا غير مودى والاكتتاب اللى كان عندى من الناس الوحشه ورحنا على البورصه بعدين واحتفلنا بعيد ميلاد ام يوسف فاتيما ونور بنت رودى جرت الناس وراها هههههههه من شقاوتها ربنا يحميها يا رب ويخليها لمامتها


وحبه فضايح:-
لقد قام كل من المدعو سووو والمدعو احمد عبد العال الصباغ سابقا بنسف كل مخلفات التورته ههههههههههههه وتحويلها للخلاطات الداخليه عندهم وغلبت سوو معايا فى التورته اقوله مش عاوزة دى هات دى ودى صغيرة وفى الاخر قال لاسلام ما تسكت خطيبتك يا عم قاله براحتها سيبها ههههههههههههههه وكانت اول مرة طول اليوم اسلام ينصرنى بما انه كبسنى من الاول قدام الناس بهزار طبعا
محمود الدوح صاحب مدونة احنا وهما كان بيمضى للناس على الكتاب ليه مش عارفه مع انه مش مشارك

انا بقى كان كل ما حد يقولى امضى ليه مش عارفه اكتب له ايه وكلهم سالونى عن خرفانى الناس دى غريبه هما مش كانوا شايفين وسط البلد مقفوله ازاى دا انا كنت ركنها صف تسعتاشر ههههههههههه وبيلعبوا علشان كده مشيت بسرعه علشان مينطحوش الناس
بجد بشكر كل اللى كانوا موجودين خالد همس الاحباب ؛ميرا امرأة بعقل رجل، الشاعر اللى جه من المنصورة مخصوص،يونيك البنوته الرقيقه، هيثم الدهشان ،هانى جورج،استاذنا الكبير احمد يوميات عيل مصرى، ادهم ابو اياد وده صديق لنا فلسطينى واشتريت له الكتاب على حسابى وعملت له اهداء لكل فلسطين اللى بدعى لها من قلبى ان ربنا يخلصها من اللى فيها
وكلاكيت هانم اللى هى تانى وتالت اللى جت علشانى مع انها كانت ضاربه بوز مش عارفه ليه باين خروف نطحها. وكل الناس اللى شوفتهم ومعلش نسيت الاسماء كتير علشان كنت عامله زى البيبى الفرحان قوى بوجدكم كلكم ووجود اسلام معايا وحسيت انكم عيلتى وبشكر محمود رئيس جمهوريه نفسى المحامى بتاعى اللى هيجيب ليه اعدام عند تخفيف الحكم هههههههههههههههه ووزة انين الحزن حبيبتى اللى كلمتنى فى التليفون بجد بحبكم كلكم ومبسوطه بيكم ومحدش يزعل منى لو نسيت اسماء بجد وكان نفسى ناس كتير قوى غاليه على قلبى وعقلى تكون موجوده بس مقدرة ظروفهم اكيد اللى بره مصر واللى جوه بس برضه بعيد بس بقولهم كلكم كنتم فى قلبى وعقلى

على الهامش حصل مشاده كلاميه بين حد مش عارفه هو مين اصلا وليه جه اليوم ده مع احمد مهنى اللى من ضمن المسئولين عن اصدار الكتاب بخصوص البوست بتاعه وكان ممكن الراجل يتكلم بهدوء اكتر بس فى النهايه ولا وصل لحاجه وكان احمد قدم اعتذار قبل كده عن البوست بتاع البنت المغتصب لما حتى اتكلمنا معاه مباشرة بس واضح ان كان فيه ناس مش عاوزة توقف الموضوع عند كده والمشكله انه متكلمش بموضوعيه ولا احمد رد الا بالاعتذار علشان فيه تعبرات خانته فى الموضع لما كان بيكتبه ووضح لنا انه راح بلغ الشرطه بتاعت المترو وهما قالوا له هنتصرف انا بصراحه مسمعتش الحوار لانى كنت هفطس من الحر وواقفه مع اسلام بره خالص بس سمعت عن المشكله وانهم صفوها بعد الحفله من الناس اللى قعدت احمد من ضمن المجموعه الكبيرة اللى مسئوله عن الكتاب بس فى النهايه دار النشر هى اللى بتقرر ايه يتنشر وايه لا

ملحوسه نونو :- فيه صور عند الصباغ للى عاوز يشوف بس يبقى يغمض عنيه هههههههه وهو داخل مدونة خالو احمد الصباغ

كان معكم اسعد واحده فى الدنيا بجد سعيده هانم هالو آبى هانم بتنجانى المكسوفه خالص

هتشغلوا المواتير اللى صدت ولاهنديله فرصه


الاستاذ /عوكل طبعا عارفينه بتاع التقريص ده اللى هو توريث يعنى قلبوها خلافاه قوم النحله والدبور زنوا وقولت انا اكتب قالوا ليه اتنيلى معلش اصلهم بيئه اخر حاجه ليه بقى اسكت علشان الناس مش هتتحرك والناس ركنت عقولها وصدت وبقت الاغلبيه بتهلل وبس يوووووووووا لا طبعا ده راى الناس بتتحرك بس يمكن ببطء شويه طيب خالتى فرنسا قالت على البطاقه الاستنخابيه ليه مش عندنا طيب نعملها وكان ده اقتراح من استاذ /محمد فوزى ومعتقدش انها هتاخد وقت ليه بقى كل اللك اللى فوق ده هقولكم علشا الخبر ده وكلام الاستاذ عوكل اللى اخيرا حد احرجه بس مش مصرى ههههههههههههه لا فى التليفزيون الفرنسى علشان اقوله من طلع من قصرة لقى اللى كسره يا عوكل خليك هنا احسنلك ههههههههههه نيجى لمقتطفات كلام عوكل افندى رفعنا العلم وركنا العقول

وقال إن المجتمع المصري كله يجب أن يشعر بالقلق تجاه شعبية الاخوان وليس فقط الحزب الوطني الديمقراطي


اعترف اهو برضه على الحزن محدش جاب حاجه من الصدى اللى فى دماغنا زى ما هما بيدعوا يعنى معترف بقلقان من الحزن طيب الاخ عوكل مش بيسال نفسه ليه ما علينا يمكن مبيعرفش يجاوب

أما عن الخلافة الرئاسية فقال : إذا ما تابعتم برنامج الإصلاح في الأعوام الخمسة الماضية والإصلاح الدستوري الذي تمت الموافقة عليه العام الماضي وما نحاول القيام به أنا وزملائي القادة الشباب في الحزب للعب دور حيوي في الحياة العامة والسياسة ستصلون إلي استنتاج وصل إليه الكثير، وهو أن
قضية الخلافة معروفة بوضوح في الدستور المصري والإطار التشريعي.

طيب انا مش فاهمه هو بيرمى لايه النحله بتقولى انه بيطلع لكم لسانه وبيقولك بالعند فيكم هتبقى صباح الخير يا عوكل قريب وده على قد فهمهم الاتنين انا بقول لا ده اصله بيكدب احساسنا والراجل كويس ولا انا اللى مستعبطه باين عاوزة استهبل يالا خير

وأضاف: مع الوضع في الاعتبار أن السياسة في مصر باتت أكثر انفتاحاً، أنا واثق أن الطريق أمامنا واعد ليس فقط في مسألة الخلافة أوالانتخابات الرئاسية وإنما في شأن أكثر أهمية وهو بناء المؤسسات علي الجانب السياسي، ففي صميم عملية الإصلاح إعطاء دفعة جادة لسياسة الأحزاب في مصر.

لا والله دول عندهم حق فعلا ده بيديها لنا وش كده بلاش قفا علشان انا قفايا وجعنى خلاص وورم من الضرب وبيقولها بكل صراحه مع سيجنال تو اسنانك تبقى اكثر استعباطا وبياضا واللى مش عجبه مينقطش بطاقيته

وسألت مقدمة الحوار أندريا سانكي : من ينتقدونك يشكون أنك لست مهتماً بالرئاسة لأنك تحاول فقط تفادي المعارضة أو ربما ثورة أو نقد دولي يقول إن مصر تعرض نفسها كدولة ديمقراطية ولكنها أقرب للملكية،

وأجاب عوكل أنهم أحرار في آرائهم وشكوكهم وأنهم يعبرون عنها بوضوح شديد.

واضاف: يوجد أيضاً أصوات تؤيدنا أو علي الأقل الأشخاص المؤمنون بالاتجاه الذي نحاول طرحه، وهم أكثر ثقة في رؤيتنا للمستقبل والإصلاح وساندونا في السنوات الأخيرة

ايوووون كله بالحريه زعقوا اخبطوا روسكم فى خرفانى انتم احرار ولا كأنى سامع لصوتكم يعنى بيتحدى فى التحدى الفزيع المريع لبيكولينا تغسل كموج الحر الراجل بيعمل بأغنيه ام كلثوم اعطنى حريتى طلق رجليه

وانتم زعلانين طيب عاوزة اقول كلمه دى النحله بس مش انا هما بيقولوا احرار صح وانا معاهم طيب المعتقلين ليه طيب لما هى حريه يا عبدووو ليه مش بتسمعوونا ليه مش فاهمين اننا طقينا خلاص

واشار إلى أنهم ليسوا فقط أعضاءً في الحزب لكن هناك أيضاً مواطنين مصريين وشباباً يحاولون رؤية المستقبل وتحسين معيشتهم أو المشاركة في الحياة العامة.

وأضاف: نحن نكسب أشخاصاً أكثر وأكثر، إما مؤيدين أو مؤمنين بنوع الإصلاح والمستقبل الذي نحاول طرحه

بصوا بقى بالذوق كده انا واحده صحبه مرارة مفقوعه وعندى هسس وهلاوس سمعيه وبصريه وبشتغل دبوس يعنى شكاكاه اللى هو بيتكلم عنهم دول يا ريت يرفعوا ايديهم ويورنا نفسهم ولو من عالم خارجى والفضاء الخارجى قولونا انهى مجرة بقى وانا افجرها لهم

فعندما وصفت مقدمة البرنامج رؤية عوكل للإصلاح الاقتصادي بأنها غربية للغاية راجعها جمال مبارك قائلاً بل مصرية للغاية، فقاطعته المقدمة متسائلة لكنك درست في لندن وعملت لصالح شركة استثمار في لندن وأنت مؤمن قوي بإصلاح السوق؟، فأجاب أنا مصري وجزء من برنامج مصري كلياً تم إعداده في مصر من خلال المشاركة والحوار المفتوح.

ثم تساءلت عما إذا كان هذا البرنامج المصري فعالاً مشيرة إلي أن حقيقة مصر الحالية تشير إلي وجود سخط واسع الانتشار وأن الفجوة بين الأغنياء والفقراء مازالت تتسع حتي في ظل نمو الحكومة الاقتصادي.

جينا للاحراج مش قولنا من طلع من قصرة يستاهل كسره بتزنق نفسك ليه يا مرزوق دول ناس مش خايفه من اعتقال ولا بتنجان ولا اختلاف دول عندهم تتيتوقراطيه احنا مش عارفينها يجرؤ حد يسال ولا يتكلم كده مباشر مع رمز من رموز القله العربيه ههههههههههه

فاعترض وسألها عن مرجعها للسخط واسع الانتشار فأجابت إن الفجوة بين الأغنياء والفقراء هي مرجعها مضيفة أنه حتي بالمقاييس المصرية هناك 80% من الشعب المصري فقراء فسألها باستغراب 80%، ما هو تعريفك للفقر؟ فقالت إن 40% من المصريين تحت خط الفقر وهذه إحصاءات يجب أن تتفق معها فنفي قائلاً هذه الأرقام خاطئة كلياً وأنها رمت أرقاماً غير صحيحة متسائلاً عن مصدرها.

الا قولولى هو السخط بقى محتاج حد يرجع فى وشك بتعريفه ولا ايه بس البنت زنقته احم احم قصدى يعنى احرجته عيب كده وقالت له اللى ميشوفش من الغربال يبقى اعمى هى دى مرجعة الناس اللى عاوزة تحس وتشوف انما اللى لابسين نظارة بمساحه بى ام دبليو او جاغور فمش هيشوفوا خالص

وزعل اخينا عوكل من كلمه سخط وقالها انتى متعرفيش حاجه ومصر مش فيها 40% تحت خط الفقر والقهر والظلم

لا بقولك يا استاذ عوكل ان مصر فيها كل ده بس مش مصر اللى انت عايش فيها وعيب لما ترد تقولها لا ده كلام الصحف الاروبيه وبعض المصريين

يعنى كلنا كدابين وحضرتك اللى صادق بس محدش غيرك ولا ايه طيب تعالى فى القاهرة الجديدة وانت تشوف جنب القصور والفيلل الناس الغلابه البياعين والناس اللى فى مساكن القطاميه الغلابه والزلزال واهى دى مدينه تعتبر من المدن الكلاس جدا بس شوف بقينا فين وانت فين

وشوف الناس بفت بتحقد على بعض ازاى بجد انا بقيت بخاف وانا مروحه لان فى نفس طريقى ناس صعب جدا وبتحصل سرقه عندنا فى الاسكان بتاع الشباب والمتطور كتير وده كله من بتوع الزلزال لانهم بصيين لمستوى معيشه الناس فوقوا بقى واتفرجوا كويس

حتى ا لصدمه فى بلد امى المنصورة اللى تعتبر فيها اغنياء البلد والبشاوات واللى عايش هناك هيعرف برضه بقى فيه حقد وغل ما بين الناس والتفاوت بقى كبير وباين جدا فى الطبقات

انما العريش لسه متمسكه باصولها يمكن علشان الامن مش عارف يسيطر كتير علينا او على العاءلات الكبيرة هناك قوى ويمكن بجد فيه تكافل والناس بتشيل بعضها

محمود رئيس جمهوريه نفسى بيقولى الحزن هيعمل اللى هو عاوزة ودى مساله وقت وبس

وبيقولى لا كلامنا هيخلص ولا الشعب هيتحرك ولا حاجه هتتغير

انا بقول هنقول لا بعد المهازل دى وبقول كمان هنعمل بطاقه انتخابيه وهنقاوم فى الانتخابات هما مش اكتر مننا احنا هنقدر ونقول لا لان سياسته غلط لانه واحد مش عايش وسطينا وتربيته غيرنا ونشأته وتعليمه والاقتصاد عنده مرتبط بدول اقتصادها وسياستها غيرنا

وهنا بقولك اسفه مش عاوزاك عن نفسى وهقولك لا لاخر يوم فى عمرى بعد ما كان ليها امل فيك وخيبته يا سى عبدوو بس من ساعه ما مسكت السوياسات يا عوكل وهى بقت خل وحبشتكانات خالص والبلد مسكها ارجل الاعمال السفليه وربنا يحفظنا من اعمالهم يا خويا

كان معكم استاذ ميكانيكى سمكرى نجار امخاخ آبى هانم بتنجانى

شخصيات مشخبطه




فيه حاجات فى حياتنا كتير والناس نفسيات واشكال حاولت افهم الناس مش عارفه بس بحاول دايما ونطيت جوا قفص الحياه وضربت كام غطس وطلعت بكام حاجه كده مش مفعصين قوي هههههههه


الشخص الحسود :- وده بيكون عنده نقص فى حاجات وبيشوفها عند غيره وبدل ما يتمنى انه يبقى زيه بيتمنى انها تذول من عنده مع انه لو اجتهد هيبقى عنده انما تقول ايه للامخاخ المخوخه.




الشخص الحقود :- اللى تلاقيه عنيه طالعه لبره كده وماشى بقفاه ههههههه لا بجد دي اشخاص بيبقى الحقد والحسد مالى قلبها من ناحيه نجاح حد وممكن يكون صحبه او يعرفه بس بتلاقيه انسان اساسا عنده عقد فى تربيته او نشأته وبيبان فى مواقف كتير جدا لما تطلب مساعدته يساعدك بالغلط او يقول اللى يوافق هواه وبس ولمصلحته.




الشخص المنافق :- وده تلاقيه فى وشك ومعاك حبيبك واول ما تديه ضهرك يولع فى الدنيا عليك ويضربك زي المخبر على قفاك ههههههههه


وده برضه مريض نفسى لانه بيحسك انك احسن منه


الشخص الغيور:- دول بقي قنبله موقوته بجد لان ده بيتفرب منك علشان يوصل لمستواك بس ويقول انه صحبك او يعرفك ومن وراك برضه يقطع فروتك ويطلع فيك القطط الفطسه بدون دليل وانما برضه مرض فى قلبه وعقله


الشخص المنقاد:- وده فعلا اللى بيصعب عليه لانه بيقوده قشور فى الحياه وعمره ما بص على جوهر ولا تفكير وبينبهر بالمسميات ومش عارف حاجه عن المسميات وان ممكت واحد يبقى معاه شهادات الدنيا والاخره بس فكره محدود او العكس ينقاد وراي اشخاص هو في وجهه نظره بيحققوا ليه احلام مش قادر يعملها نتيجه بيئته او مستواه الاجتماعى وده بيلغي عقله تمام وتقوله شمال يوافق وده شخص هوائي جدا وعقله صدي من قله التفكير بجد ومبقاش نافع فيه تزييت ولا غيره حله البيع خرده لو جاب تمن هههههههههههههه


الشخص الممثل:- ههههههه اه فيه ناس بتمثل فى الحياه بجد بمعنى انها تكدب كدبه وتصدقها او تنسب بطوله لنفسها وهى مش كده خالص او تتكلم عن اهلها انها بتقهرها وانهم ناس مش كويسه او والده او والدته بيعاملوه وحش او يذكر غلطات لوالده او والدته او اخواته وهو مش فاهم انه بيحقر من نفسه بس لو فكرنا صح هتلافيه مريض بجد وكمان ده بيكون كداب قوييييييييييييييييييييي وبيكون باين عليه بس هو مش مقتنع بكده خالص

وفاهم انه بيتصرف بحريه وبانطلاق وهو بعيد كل البعد عن الاصول ولا يعرف حاجه عنها خالص وفى النهايه اولاد الاصول بتبان


فيه بقى ناس تانيه مش لاقيه ليها مسمي بجد اللي بتخدع اهلها سواء بكدبه عن بنت عن ولد هيرتبطوا ببعض او حتى رايحين فى مكان او بيعملوا حاجه مش عارفه دول بيبصوا فى وش اهاليهم ازاي بجد ده صعب وحرام جدا فكروا لو حصل حاجه لا قدر الله هتقولوا لاهلكم ايه هتبصوا فى عنيهم ازاى يعنى انا لو خرجت بقول لاهلى انا فين ومش باكدب عليهم علشان ابسط شئ لو جري ليه حاجه يبقوا عارفين انا فين ومش تبقى مصيبه فى كل النواحي


فى النهايه انا مش بنقد انا بحط قدام عنيه وعنيكوا نماذج كلنا بتشوفها وممكت تكون فينا واحنا مش شايفنها بجد


بس فى المقابل فيه ناس قلبها زي الفل الحمد لله والايام بتقريتا منهم قوووووووووي وده من حب ربنا فينا ورضاه عننا


ملحوسه من واحده كانت هتسيب التدوين مش علشان حد انما علشان حياتها:-


شكر لاخي الطائر الحزين لانه هو اللى وقف جنبي بكلمتين من حكمه واتأثرت بيهم وهو فعلا نعم الاخ مع اني ولا اعرفه ولا يعرفني وربنا يبارك له فى اولاده




شكراااااااا كبيرررررررررر قوي لاسلام حبيبى وخطيبي وزوج المستقبل ان شاء الله انه متحملني وجبت له هسس وهطل من كتر الكلام عن المدونات وبقى عارفكم اكتر مني


بجد يا اسلام انت احلي حاجه ربنا اداها ليه مش عارفه من غيرك كنت عملت ايه انت حاجه حلوه قوي زي السكر المقالب كده ههههههههههههه بوقوفك جنبي وخليتنى تخطيت حاجات كتير فى الفتره اللى فاتت من صدمات فى حياتى من اقرب الناس ليه واللي جرحوني قوي برسايل بعتوها ليه


بس اقولكم هو عاوزني اسيب التدوين بس بعينه برضه هفضل ممشياه معايا من الشغل للبورصه للاجتماعات هههههههه بس محدش يقوله بقى


على فكره هو بقى شريكي فى الكوكب بس مش بيكتب لا بيمسح اللى مش يعجبه ههههههههههههههه بس انا هبقى ارجعه تاني وبرضه الفتنه وحشه محدش يقوله


علشان الناس مش تزعل فى الفرح هعزم الكل دي مجرد قرأه فاتحه وحاجه صغيره كده وهعمل لكم الفرح هنا ونكتب الكتاب فى تدوبنه او بوست هههههههههههههههههههه




كان معكم آبى بتنجاني مدير عام تحليل سوق الخضار والبورصه

هرتل مع اميريكان دبلوما


صباح الخير عليكوا
بنت خالتى امريكان دبلوما مدارس لغات فاضل لها تو ليلفيل وتدخل الجامعه زى ما هى عاوزة امريكيه مصريه بتنجانيه مش مشكله
المهم الدراسه عندهم حلوة قوى ومش مرهقه خالص ولا بحس انها بتروح المدرسه بتجر وراها مكتبه زى الاطفال يا عينى اللى بشوفهم بتوع المدارس الحكوميه
وكمان فى الكلاس هما خمسه هى وزمايلها لان الامريكان دبلوما شويه غاليه لانها اتناشر مستوى من بعد ابتدائى على تيرمات مش زى السنه الدراسيه العاديه وبعدين بتروح المدرسه الساعه عشرة وترجع واحده او اتنين بالكتير
حلو كل ده والبنت هايله بسم الله ماشاء الله فى الانجليش والفرنساوى كمان
وبما انها هى واختها وهما كانوا فى السعوديه كانوا مدارس بريطانى فالبنات حلوين فى اللغات جدا.
ومن هنا جت الكارثه ..استنوا بس اه بجد كارثه كنا من يومين بنلعب لعبه من سيربح المليون على الكمبيوتر وبقت بضحك لغايه لما عنيه بدمع ليه بقى البنت مش عارفه تقرأ عربى يعنى بتقرى الكلام غلط خالص وتقوله بطريقه تموت من الضحك بجد
هى المعلومات صعبه انما القرايه نفسها مش عارفه تقرى ولا كلمه صح
قعدت بعد الضحك ده كله اقول لطنط ازاى ساكته كده دى فضلها اقل من سنه وتبقى فى الجامعه اصلهم نظام الدراسه غريب شويه قالت والله مش عارفه اعمل ايه
المهم الكارثه الاكبر
فى الامتحان جالها سؤال فى علوم او عربى ايه تاثير التدخين على صحه الانسان وبيعمل ايه فى الاجهزة
فالبنت عاوزة تقول انه بيدمر الرئه او بيعمل دخان عليها نسيت كلمه الرئه بالعربى وفاكرها بالانجليش تصوروا كتبت الرئه ازاى هى نسيت اساسا ان دى اسمها رئه كتبتها كده ....... لااانج)Lung
كتبتها بالفرانكو آراب
وطبعا طنط بتراجع معاها اكتشف العبقريه بتاعت بنتها الفذه ههههههههه اللى هى طبعا طالعه ليه بحكم انى بنت خالتها ههههههههههخخخخخخخخ
طبعا مش هننكر ان التعليم اللغات هايل وشيك وبيدل على تحضر لانك بتعرف لغه بلد تانيه وافضل بكتير من التعليم العادى الحكومى اللى انقرض اصلا وبقى زى ام اسماعيل وهى قاعده تزغط البط مفطسه الولد ولا البنت تحت رجلها وبتحط المعلومات فى دماغه بالعافيه وتشربه وراها توكسفين باليه علشان يحبس المعلومات
انا اصلا تعليم الايصال الاحمر عارفينه طبعا المجانى يعنى بس ايامى كان فيه مدرسين فعلا محترمين وتقريبا الموضوع بيقف على المتلقى (شوفتوا بكلمكم بالفصحى علشان متفتكروش انى زيها بينى وبينكوا انا انيل منها حتى فى كلامى زى الاطفال شويه ههههههههه)
فى المدارس بجد التعليم له جانبين الطالب والمدرس يعنى طالب كويس من غير مدرس كويس يبقى مينفعش ومدرس كويس من غير طالب عاوز يتعلم صح او يأخد المعلومه ويفكر فيها ويجتهد ويذاكر بس علشان الامتحانات وده حال الاغلبيه يبقى ملوش لازمه
انا اخدت كوراسات انجليزى بعد ما خلصت خالص بس الحمد لله من البدايه كان تاسيس صح من مدرسين اللى بحبهم وبحترمهم لغايه دلوقتى فى المدرسه مش دروس خصوصيه ولا دروس لتسهيل الدرجات لان ده اللى بيحصل دلوقتى خد درس علشان تنجح مش علشان تقوى معلوماتك لانى مأخدتش غير فى ثانويه عامه بس
وطبعا فى ظل الحياه الغريبه اللى مشقلبه وماشيه بقفاها اليومين دول كل ما نلاقى اعلان وظايف يقولك مطلوب مش عارف ايه يجيد اللغه وساعات بيكون عامل بوفيه والله متضحكوش هههههههههه
ليه معرفش بس هو كده مع انى اشتغلت فى شركه كانوا طالبين حد لغات شرط اساسى واشتغلت فيها سنه والله كنت بكلم نفسى بس بالانجليزى وقولت كفايه عليه ههههههههه يعنى مش استخدمته بس من منطلق ان الواحد صاحب الشغل يتفشخر ويتبهوأ باللى بيشتغلوا عنده انهم لغات وخلاص
طيب المشكله دى وعارفنها نعمل ايه بجد انا اقترحت على طنط انها تجيب مدرسه عربى للبنت
طبعا هى الحمد لله تقدر بس فيه ناس ممشيه اولادها فى مدارس اللغات بالعافيه اكيد
علشان المصاريف والبلاوى الحمرا والصفرا اللى حصلت وبتحصل
يبقى الحل علشان مش عبأ مدرس كمان تحاولوا تسعدوهم فى البيت جامد فى العربى ركزوا عليه انا عارفه انها بتكون فرحه وحاجه تخلى الواحد يتأزح من الفرح اولاده يتكلموا لغات ومن هما بيبى كده بس برضه متنسوش ان العربى مهم جداااااااا
لانه لغه القرآن وغير كده لغتنا احنا المصريين

حاجه تانيه كمان لازم نزرع فى الاولاد وهما صغيرين او حتى دلوقتى ان التعليم ده تحصيل معلومات مش شهاده تتحط على الحيطه وخلاص سواء هيدخلوا لغات او حتى حكومى اللى ربنا محيرهم فى سته ونظام الثانويه بجد بقوا محسسينا ان الاتنين دول زى اخواتهم بس من ام تانيه يزعلوا يشيلوا سته يتصالحوا يحطوا سته ونفس القصه مع الثانويه وكلنا معترفين ان التعليم فى مصر فاشل فاشل يا ولدى بس لازم ننقذ ما يمكن انقاذه
بجد بنت خالتى لها اختين اكبر واصغر نفس المشكله الكبيرة اتخرجت برضه من اللغات وبتشتغل مدرسه انجليزى فى مدرسه خاصه بس خط التلات بنات نكش فراخ ولا تفهم له هو هيروغليفى ولا عربى طبعا فى العربى
انما الانجليزى رسامين فيه وخاصه رنا اللى هى الوسطانيه دى وممن تقولها على اى موضوع فى الدنيا بس تكتبه بالانجليزى مش العربى
خلوا بالكوا من الموضوع ده بجد مصيبه
واكيد احنا مهما كانوا بيطلبوا موظفين معاهم لغات لازم برضوا نعرف عربى حتى علشان اصول دينا واربطوا اللغه العربى فى رجل اولادكم
بدل ما تصحوا الصبح تلاقوهم ناسين هما فين ولا البلد بقت لغات ونحس اننا غرب فى بلدنا
كان معكم مدرس اول لغه عربيه بى ام دبيلوا آبى بتنجانى

ومن التكنولوبيا ما قتل


صباح الخير عليكم كنت من يومين فى وسط البلد جايه من على الكورنيش رايحه البورصه وانا فى اشارة فى عبد المنعم رياض وراكبه بطوط وقافله نص الزجاج وبطوط بتغنى ليه على ايه مش عارفه بس من غلبها وهيست من عصير القصب اللى بشربه لها بدل البنزين ههههههههه ومش واخده بالى ببص على شمالى لقيت عربيه بوكس زرقا فيها عساكير اللى هما بيقضوا فترة جيش قاعدين قدام واحد سايق وواحد فى النص وواحد جنب الشباك
المهم بصيت قدامى تانى لانى كنت شايفاه بيورى زميله حاجه فى النوبيل ومش عارفه ايه اللى خلانى ابص تانى قوم ايه اننننننننننن تشششششششششش لقيت المجنون ماسك الموبيل بالجنب وموجهه الكاميرا ليه وبيبص بجنب علشان مش اخد بالى قومت بصيت وتنحت وفجأة الاشارة فتحت وانا اتغظت كسرت عليه ونزلت ازعق معاه وبصراحه كنت مجمده قلبى لانى كنت عند محطه الاتوبيس اللى فى عبد المنعم رياض يعنى اعلى واجب من المصريين وفعلا نزلوا شباب فيه ايه حكيت لهم على اللى حصل خدوا الموبيل من العبيط ده ومسحوا الصور وكانوا عاوزينا نروح القسم نعمل له محضر بس قولت خلاص خليه يمشى...
لان تخيلوا ده لو تربست دماغى وانا اساسا قفل صغير ورحت عملت له محضر والشباب شهدوا معايا كان ايه مصيره وحظه بقى المتكعبل فى حرف سجاده وعلى شنب صورصارات انه وقع فى ايد واحده قلبها مش فى مكانه وعنيده ومتعرفش تسيب حقها
وقولت ميرسى للشباب بجد لان هما دول شباب البلد الجدعان اللى بيدخلوا فى وقت الشده مش بيدوا ضهرهم للحاجه ويمشوا وميقدموش مساعده لان بجد من الموضوه انى بقت اشوف ناس بتتخانق وباقى الناس واقفه تتفرج او ولد بيزعق وبيضرب بنت والناس واقفه من بعيد تتفرج ويشجعوا اللعبه الحلوة
وده واجب اى حد لما يشوف حاجه وخاصه لبنت لازم يدخل او حتى اتنين شباب مع بعض
وبجد لولاهم كان زمان العساكير دول استفردوا بيه زى الشغاله اللى صحتها كويسه لما تنفض سجاده هههههههههه
الكارثه فى ايه بقى انى عرفت ان ده بيحصل كتير يعنى ممكن البنت تبقى ماشيه فى امان الله وواحد معندوش دين ولا اخلاق ولا تفكير ومهروش فى عقله وماشى بقفاه وجايب موبيل جديد وفرحان بيه او شرير من جواه يصورها علشان يروح بس يقول لاصحابه شيفين البنت دى ويترسم بيها .
ما هو ملوش تفسير تانى وده لو مش عارفها .

انما لو عارفها وبيصورها من غير استأذان وهى بتعمل اى حاجه يبقى اسمها هيشهرر بيها ودى كارثه ومصيبه تانيه فلازم نخلى بالنا لان فيه ناس بتستخدم التكنولوبيا غلط وعلى الرغم من ان العسكرى ده طريقه كلامه من القرى بس معندوش اخلاق بس والله فيه ناس كتير من القرى عندهم يعنى مش مقياس.
المهم البنات لازم تخلى بالها بدل ما تلاقى نفسها طالعه فى اليوتيوب ولا على الفضائيات ولا حتى عندى فى الكوكب هههههههه ولا تلف الايام وحد قريبها يشترى النوبيل ده بالصدف وتبقى زى قليل البخت اللى لقى العظم فى الكرشه ههههههههههههههههه ده مثل شعبى
وكتير بيستغلوا الموضوع ده ويصورا اتنين مع بعض قاعدين فى اى مكان ويقولك شوفوا بنات مصر بتعمل ايه وطبعا العيب فينا احنا انا طبعا مش بتكلم عن الوحشين انا بتكلم عن البنات المحترمه .
يعنى الكاميرات دى اتعملت للحظات الحلوة بين الناس نقوم نستغلها وحش مش حرام زى البتوبوتر(الكمبيوتر يعنى سابقا ههههههههه) حاجه حلوة بس ساعات بنستخدمه فى ازيه نفسنا والناس فاهمين طبعا ومتعملوش مستهبلين وواكلين مستعبطه المواقع الوحشه الحخكه دى طيب ما فيه حاجات كويسه كتير
ولا تركيب الصور والفيديوهات فيه ناس هتقولى بتبان وهقول فيه ناس كتير ممكن تصدق لانها متعرفش فى التكنولوبيا بتاع العصر والضهر

البنات خلو بالكم فى اى مكان من موضوع التصوير بدل ما تلاقى لوح تلج وقع عليكى فجأة وانتى مظلومه او حد قريب او بعيد يشوف صورك وحتى اللى معندهمش عربيات فى الشارع فى المترو فى اى مكان
والاولاد اللى هما التماسيح يعنى تتقى ربنا لانها مترضاش كده على اختها ولا امها .

ولا حتى لما واحد يعمل كده فى واحده متجوزة ويصورها وهى خارجه مع صحبتها مثلا وجوزها وجوز صحبتها بالصدفه قاعد بيتكلم معاها وواحد نفسه ضعيفه يصورهم ويبعتها لجوزها تخيلوا الكارثه بقى
ولا مثلا واحده تصور واحد مع واحده وتبعت الصورة لخطيبة الولد لان وارد مش الاولاد لوحدها هى اللى بتغلط ما البنات كمان شوفوا كم المشاكل وبجد بما اننا اتجننا تكنولوبيا بالصلصه واللحمه يبقى نراعى ربنا بس فى استخدامها ومنركبش صور ونشهرر بالناس ونفتكر اننا ممكن نكسر حد بكده لان ربنا دايما مع المظلوم لان داين تدان اللى عنده نصايح فى ده او مواقف يا ريت يقولها علشان كلنا نستفيد لان دى كارثه وانا اتصدمت بيها ومش عاوزين ندى فرصه للكليبه يدونا على قفانا ويقولوا علينا شعب محدث نعمه ولا يقولوا علينا بامياجيه بدل ما اعملكوا قضيه تحرحش بكاميرا ههههههههههههه
كان معكم مدير عام قسم التصوير ومباحث مخابرات مراجيح مولد النبى فى اقرى الحادثه وقول يا فكيك آبى بتنجانى

مش كفايه قله مندسه كمان بقى كبت




تحديث اللينك اهو للناس اللى عاوزه تشوف المقال
http://www.alwasat.com.kw/default.aspx?pageid=12&mgdid=54564

المقال ده كان اتنشر عنى وعن نوراة نجم فى جريده الوسط الكويتى اتعمل الحوار معايا من اكتر من 4 شهور ونسيت وده عن تأثير المدونات فى حياتى واملى ايه منها ه المهم لقيت صاحب مدونه فى حب مصر جايبه ليه لينك وشكرته جدا لانى بما انى عندى بنزهير مبكر فبنسى ومسالتش هيتنشر امتى طبعا ناس انتقد ت عادى
الاقى بقى استاذ من المفترض انه مثقف بس الله اعمل بالنيات ههههههههه رايه ايه فى المدونات اللى فى الاقاليم البنات بعد الحوار اللى اتعمل معانا فى نفس الصفحه واخدين رايه
مجرد كبت
يقول المحامي الشاب أحمد الجيزاوي: في رأيي أن مدونات البنات ببساطة تفريغ لرغبات مكبوتة داخل كل منهن، بسبب تقاليد المجتمع، وهذا يظهر في أغلب مدونات الأقاليم في الوجهين القبلي والبحري، أما مدونات بنات القاهرة فالأمر لديهن مختلف لاختلاف الوضع الاجتماعي والثقافية، إذ تنحصر في التعليق على الأحداث، أو سرد المواقف اليومية، أو تسجيل آراء ومواقف سياسية، أو اجتماعية، والاعتراض عليها، وتعد المدونات الشعرية والرومانسية الغالبة بين مدونات البنات.


يعنى خالتى فرنسا مش مثقفه لا دى بتخرج علينا كبتها اللى دماغها بمائه واحد وداليا بتاعت اهو ده عيبه نفس القصه وبنت الاسلام بطه مع انها انتقدتنى ونتفت ريشها بس سمحتها هههههههههه يعنى كل بتوع الاقاليم الوحشين الغير مثقفين عندهم كبت الا كبت ده كلمه عيب يعنى ولا ايه كل البنات اللى بتكتب حلو جدا ومش هعرف اقعد اعد ليكوا عندهم كبت طيب يا مكبوتين يا وحشين خلاص مش هلعب معاكوا وقال ايه اغلبيه المدونات البناتى شعريه بالسكر ولا جايز بالزيت عادى يعنى بتكتب فى الشعر والادب طيب كويس مقالش قله أدب.
بس يعنى هى دى نظرة المدونين الرجاله لينا ولا ايه يعنى نوارة بالسياسه ومواضيعها وانا وفرنسا وغيرنا كتيررررررر وخيخه وبيلا وبنات كتير مووت ونسرين بسيونى طيب اعد مين ولا مين يعنى بقينا مكبوتين ولا انا مش عارفه افهم وده كان تعليق الاستاذ على المقال اللى اتكتب عنى وعن نوارة فى الجريده بتاعت الوسط الكويتى اضغطوا على الصورة هتطلع لكوا الاخ المذكور مدون برضه هههههههههههههههخخخخ وزغرطوا بقى
وبعدين لازم إستطلاع رأي الدين: هل خلوة البنات في المدونات حرام أم حلال؟؟ وخاصة وأن أغلب البنات عندهم رغبات مكبوته، وممكن لا مؤاخذه شاب يتحرش كده والا كده

وكمان روز اليوسف نازله فينا شتومه (المدونين كلهم يعنى بنات واولاد ) وتهزيء حاجه تقرف ومطلعنا تاكسجيه وبتوع قهاوى وبننزل الشوارع طيب بلاش ننزل الشوارع نمشى من على السطوح وكل واحد يجيب بدله اسبيدر مان او بات مان ويمشى بيها وكمان ماشين بكاميرتنا الرقميه اسمها الديجتال يا جهله هههههههههه طيب ايه هى بقت جريمه تحرحش بكاميرا بيعاقب عليها القانون طيب الحق اخبى بتاعتى
ولا كلامنا بنسوء سمعت مصر بقى احنا دلوقتى بنسوء سمعه مصر واللى هما عاملينه خيرررر ومحافظين على سمعتها لغايه لما تتدخل بيت العز يا بيتهم ايون برضه المفروض نستر على ولايان
ا
بجد روز اليوسف اثبتت بجدارة انها لا تفقهه شئ حتى الاستاذ اللى كاتب المقال معدى محو الاميه بنص فى الميه ولا يفقه شئ عن الفيس بوك ولا المدونات وبجدارة كمان بجد الناس دى لا تفقهه شئ عن الاختراع الجديد اللى بنستخدمه البتبوتر والتكنولوبيا ويجعله عامر يا بلد بسمعه كويسه
وخدوا دى كمان شعار من الحزن المستوطن فى الجروب بتاعه على الفيس بوك شوفوا درجه الهيافه والاستهتار بجد تحس انهم ناس من كوكب تانى وطبعا بيقصدونا احنا القله المندسه اللى هما المدونين
نتشرت فى مصر فى الفترة الاخيرة مجموعة كبيرة من الافكار السلبية الافكار دى مع تراكمها بدون ادنى محاولة منا او حتى من غيرنا لتوضيحها او تغييرها ادى لكثير من المشاكل اللى ظهر اثرها تقريبا فى كل مجالات الحياة فى مصر احنا كل اللى ها نعمله ان احنا اولا نوضح الافكار دى للناس ونعرفهم قد ايه ده خطر علينا ونحاول بعد كده قدر جهدنا اننا نغير الافكار دى من افكار هدامة الى افكار بناءة تفيدنا وتفيد غيرنا انا بدعى كل واحد مخلص للبلد دى انه يشارك معانا فى الجبهة وهايكون شعارنا دايما غير افكارك تتغير حياتك
عاوزين حرقه الدم اكتر الجروب ده بيقول نعم لجيمى نيهاهاهاها عااااااااا بجد والا اسباب اختيارهم ليه يا نهار ملخبط وماشى بضهرة
خدوا بقى الاسباب الله اشمعنى انا يعنى اضحك لوحدى قولت لازم اجيب لكم شويه زغزاغات معايا امال انكد بس كررررركررررررر اضحكوا بقى اسباب اختيارنا لأستاذ جمال مبارك
ترجع الى خمس اسباب اساسيه :
___________________________

1- من الناحيه السياسيه والعلاقات الدوليه (ايون علاقات هايله مايله حايرة طايرة)
2- من حيث السلوك والتربيه العسكريه (يعنى هو لازم اللى يمسك البلد عسكرى طيب والله ممكن نجيب واحد من العساكير الطيبين اللى فى الشارع دول حتى مقطقطين ويمسكها وخلاص او نرطها فى رجل السرير طيب والله المدنين احلى حتى بيبقوا ناس مش منشيه كده هههههههههه)

3- من حيث الاهتمام بتدريب الشباب وسمو بقدرتهم العلميه (اها بجد بيدربهم انهم يحطوا عقولهم فى التلاجه تلات مرات قبل وبعد الاكل)
4- من حيث تعمق فى السياسه الدخليه ودرايه بمشاكل الدوله (سياسه تكبير الدماغ ومصحلتك اولا )

5- من حيث توفير الأعباء الماليه على دوله حين تولي استاذ جمال الرئاسه (لوووولى وفروا لنا ايوون دى اجمد حاجه وفروا لنا الاعباء ونجحوا فيها يعنى جابوا لكل واحد بمليون جنيه اعباء فى حياته وغير كده هديه اوفر امراض العصر والضهر والمغرب)

ملحوسه خبيثه جدا :- الجروب ده مأعلنش عن نفسه انه تبع الحزن الوتنى انما خالتى روزا اليوسف فضحته ههههههههههههه كان متخفين انهم شوباب عاتى يعنى بس بيحب الحزن على طول بس ربنا يجازيهم خير ضحكونا ضوحك
بس والله عاوزة اللى يدخل يقول رايه فى المدونات بتاعت البنات وبصراحه بجد بدون تحيز اصلى هاااعارفين القلل والخرفان ومسدس الميه جاهزين وكمان تفرحوا لاننا بقينا قله مندسه ههههههههه عقبال ما تكبروا وتبقوا زيررررر كلاشينكوفى هههههههههه اللينك اهو للى عاوز يضحك ويلم الجيران عليه من صوته هههههههههه

http://www.facebook.com/group.php?gid=5606232549
كان معكم مكبوته هانم هههههههه آبى بتنجانى وارحمنا يا رب من الادمغه

قالوا محافظه ورضينا .. طيب بيتنك ليه



يعنى بجد تسلل لاحداث حرقه الدم اللى عايشين فيها ومش فاهمه ليه كده لدرجه انى جالى هطل على بلاهه على غباوة مفيش بعد كده انا بقف قدام المرايا وبحط شعرى على عينى ومش عاوزة اشوف نفسى وبلبس مش قدامها من اللى بيحص لنا وبجد قررت كل يوم مش هقعد قدام التليفنون الاختراع الخزعبلى ده علشان متحفش بوش معتز الرخم ولا الاقى منى هانم الشاذلى بعد اللى حصل للمصريين فى السودان جايبه موضوع طويل عريض عن السودان وبتقولنا روحوا هناك يا حلوين العبوا مع الاسوده يعنى بيطفشونا من البلد بالذوق انا قررت خلاص اخد زامبتيكا كل يوم وانزل اقعد فى الجونينه تحت البيت قبل ما المحافظ يشيلها واعمل كوبيتين شاى ليه وهى كده اتنين معرفش ليه وزجاجه ميه واشغل اغانى وابقى من الاقليه الصامته
قالوا هيعملوا محافظه حلوان وبعد ما كانت القاهرة الجديدة اللى كلها ناس كلاس وشيك وفيها جزء بسيط متوسط بدل ما تبقى تبع العاصمه بقت محافظه حلوان قولت مش مهم انا بطاقتى مدينه نصر اصلا
طيب قولت كويس وبصيت لها نظرة تانيه يمكن لما يعملوا محافظه بيحلوا مشكله بطاله وهيشغلوا شوباب البلد وشوبات البلد وتبقى حلت مشكله البطاله ومرضيتش ابص لها من زاويه وهشه وكخه ولا نظرة قله من قللى المندسه وافترضت افتراضا النيه الكويسه
وبعدين قولت خلاص خليها حلوان واربطها فى رجل السرير وانا نايمه بدل ما اصحى الصبح الاقى نفسى بقيت فى الصعيد وهو مش عيب ما الارض كرويه بتلف حولين محور ميدان لبنان عاتى يعنى
قوم ايه السيد المحافظ يقول ايه للصحفيين
مدير مكتبي سيرد علي استفساراتكم..ولا تتصلوا بي بعد التاسعة مساء
يعنى لو المحافظه ولعت ملوش فيه اتحرقوا معاها وعين مدير لمكتبه من يومين وكمان الاستفذاذ ايه بقى
وأضاف القويضي تصريحاته التي أوردتها صحيفة المساء والتي قالت إنها صدمت الصحفيين : إنه لا يحب الاستماع لشكاوي المواطنين إلا من خلال أعضاء المجالس الشعبية المحلية وتعلل بأن الوقت غير كاف أمامه للاستماع إلي مشاكل الناس علي الطبيعة وأنه يريد الوقت الكافي للتعرف علي المحافظة والأجهزة المختلفة وتكوين الهيكل الإداري لها.
طيب والله همسك لسانى خلاص علشان الناس اللى خايفه عليا بس يعنى ايه من خلال بتوع المجالش الشوعبيه دى هو ناسى ان دول حزن مستوطن على قلوبنا
يعنى هيعملوا لصالحهم ومش مهم الناس طيب ما يقبل الشكاوى مباشرة زى اى بلد وتتعرض عليه ليه يحط ستارة بينه وبين الناس بقولكم ايه ده حقنا وانا لو قدمت شكوى هروح له مكتبه يا لهوى ده حق من حقوقنا ما انا لما بيحصل مشكله عندنا بروح لرئيس الجهاز علشان احنا تابعين ليه مباشرة يعنى كل مكان وله اختصاصه
والوقت غير كافى فعلا الراجل بينام الساعه 9
شوفتوا المسلمين وصل حالهم لفين سيدنا عمر ابن الخطاب مكنش بينام علشان الناس وخايف يسأل عن حد فى مكان تانى طيب نام نينه هووو يا بيضه
طيب عاوز يتعرف على المحافظه يعنى ازاى هو هيخطبها طيب والله مديينه اشيك اماكن المعاتى وحلوان والقاهرة الجديدة والشروق اماكن نظيفه والجهاز بتاع المدينه مظبطها جدا بس المشكله فى الناس اللى بتبوظها بصراحه
عاوز يعمل هيكل ادارى طيب حقك معندناش مانع والله بس يا ريت يكون عادل او امين اى اسم يعنى وتوظف ناس بقولك ايه ما تروحوا تقدموا كده فى الوظايف دى يعنى لو اعلنوا او مأعلنوش ونتنح كده يمكن تجيب فايده
بصوا كده كفايه انا لو قعدت اكتب من هنا لبكرة فى حركه الشلاليت اللى بتحط على قفانا من هنا لبكرة مش هيكفينى المدونات اللى جنبى كمان
ربنا يرحمنا برحمته ويشيل عن قفانا الناس اللى متنكه دى
والله ومن عندى اديله فرصه يظبط لو بقى طلعت التناكه دى على الفاضى يبقى يا رحمن يا رحيم على المناطق الجديدة ولو على المليان والنبى هرفع له شابووه تحيه واحترام منى واكتب فيه من هنا لبكرة
بس عاوزة نشوف موضوع الوظايف ده واللى عنده معلومه يقولها

ملحوسه نونو من واحده مكسوفه :- بجد اسفه للناس اللى اتعصبت عليهم علشان عاوزين اعدل حاجات فى البوست اللى فات واللى كانوا بينصحونى معلش اعصابى تعبانه ومش متحمله وانتم شايفين الضغط العصبى اللى احنا فيه وعارفه انه من منطلق الخوف بتاعك م عليا ربنا ميحرمنيش منكم كامى متزعليش منى بليزززززززز انتى حبيبتى وانتى عارفه

كان معكم مفروسه النوسه كونوسه آبى هانم وبرضه مش هخاف

حوار على المصطبه وتفاوض على بيع بطوط



صباح الخير الحوار ده مع الريس متقال الكبير قوى آه متبرقوش كده وعنيكوا تقع من وشكم هو كده وده تطور طبيعى للهباب اللى بقينا نشمه اليومين دول والضرب بالشلاليت اللى بنأخده فى ميداين عامه

طبعا ده بحضور الساده الافاضل النحله والدبور واللى كلامهم الريس مش بيسمعه او بيسمعه ويعمل نفسه نايم على ودنه اللى بيسمع بيها والتانيه اساسا مبتسمعش

آبى :- صباح الفل يا ريس متقال

الريس:- صباح الخير يا ايه نسيت اسمك

النحله :- اهو ابتدأها استعباط مش قولنا قبل كده ده يجيله زهيمر بمزاجه

آبى :- احم احم معلش هدخل فى الحمار على طول قصدي الحوار هو حضرتك ليه اديتنا حلاوة يعنى مش بتكلم عن نفسى لا سمح الله لا بتكلم عن القطاع العام اللى اساسا مرتباته صغير اما احنا القطاع الخاص قالك اخبطوا رسكم فى الحيطه بس اوعى تقولوا لنا اتعورنا.

الريس :- بمناسبه عيد ميلادى وحبيت اوريكم انكم ممكن تتلهو بأى حاجه وكمان همكوا على بطنكوا وبس ومش بتفكروا غير تحت رجليكوا.


آبى :- ياااا للدرجه دى نظرتك لينا من فوق قوى كده يا ولا علشان لقيتنا بنعمل اضرابات وعصيان وحركات وبقى عندنا ثقافه اه بجد حتى ثقافه الوقوف فى البلكونه والضرب على القفا كله كله فخوفت وقولت تلمنا.

الريس:- ألم ايه ما تتلموا ولا ما تتلموش انتم بالنسبه ليه ولا حاجه انتم غوغاء مش بتفكروا انا حامى البلد من الحروب.


الدبور:- حامى ايه ده هو انت ناسى انك ماريونت فى ايدين امريكا بتقولك عاوز تفضل افضل بس بشرط كل ما نقولك على حاجه تعملها من غير نقاش ولما حد فى المصريين يتكلم تديله بالشالوت وتقوله ده اخرك


آبى :- يا دى الليلة السودا اتهد يا ابنى بقى طيب يا ريس ما انت اخدت الحلاوة من الغواغاء تانى يعنى كنت بتقولنا انجغ انجغ يا نونو انت وهو

الريس :- اجيب موارد منين تسد العجز انا بقى من بنوك سويسرا ولا من شلتى اللى فى النادى هناك معايا مش تخليكوا متعاونين كده


آبى :- يااااا لو على الموارد تعالى اقعد جنبى احكيلك عندك مثلا رجال الاعمال اللى احتكروا السوق اللهى يورينا فيهم يوم ممكن تأخد من كل واحد مبلغ بدل ما بيعمل اعلانات بالشئ الفلانى ولا بيطلع هدايه بقد كده فى السنه يساعد البلد والغاز اللى بيتصدر لاسرائيل


الريس :- هو انا هشحت عليكوا ولا ايه لا طبعا وبعدين الناس دى فتحت مصانع وشغلتكم يبقى ازاى بعد ما كسب اخد منه فلوس (ده رد محلل اقتصادى من جامعه القاهرة امبارح) وبعدين الغاز دى شركات خاصه وسامح قال كده اعمله ايه بقى

النحله :- لا مد ايديك فى جيوبنا امال ليه لا على الاقل رجال الاعمال بيفيدوك انما احنا ايه يلا دنيا وبعدين سامح ده كداب مش قال مفيش غلاء ورجع تانى فى كلامه طيب بزمتك يشوف عنيه الخضرا دى فى المرايا ازاى حمرا مثلا هههه


آبى :- حضرتك ساويت ايه الغنى بالفقير بمعدوم الدخل بايه على اساس انك شايف العربيه الفيورا او السيات على انها جاغور ومتنكرة بالنهار ولا فاكر ان اللى بيحط بنزين 90ده غنى طيب انا وهبله وبحط 92 علشان اللعبه بتاعتكوا قربتم سعر الاتنين يعنى الفرق 10قروش فقولت مبدهاش بقى ونخلص

الدبور :- يا بنتى ريحى دماغك ده راجل عسعوس ميعرفش غير الاوامر مش بيفكر ولا عنده بعد ده ابن حلال........

اآبى :- وبعدين ما هو لما البنزين يغلى نقل الخضار وباقي السلع هيغلى يبقى انت غليتها من مكان تانى ولا انت بتشيل الدعم واحده واحده

الريس :- والله عوكل ما انه كان عايش بره فده فكرة بس انا حنين عليكوا شويه الولد عاوزكم تنضفوا وتأكلوا بالشوكه والسكينه وتشربوا بيبسى بدل الميه ومصر تبقى اليوم فى عيد

آبى :- لا دى مصر اليوم فى وكسه خالص ومعتقل كمان يعنى انا قولت ندى فرصه لعوكل ابنك وساعتها يمكن الظروف تتحسن يقوم عاوز يعمل كل ده وانت بتنفذ طلباته بس زى حقن الزيت براحه

الدبور:- انتى عبيطه مش عوكل ده اللى ماسك السيوسات وعلى رأى الاغنيه يا حلو بانت لبتك

آبى :- ايه لبتك والكلام البلدى ده انا مسكنه ناس من الجيارة يخرب بيت كده اتهد المهم يا ريس طيب فيه موارد كتير اقولك فين فلوس قناه السويس ليه عاوزين تعملوا مصنع بيكلف 2 مليار جنيه علشان لوح العربيات طيب ما توفروا ليه عضو مجلس الشوعب المرجانيه بتاع دمياط وافق على المصنع اللى هناك ولما الناس قامت لغيتوا الموضوع وطلعتوا بدور الحمل الوديع واتحملتوا الغرامه طيب اقولك كلمه فى سرك خد منه الهديه اللى خدها

طيب ما تلموا الضرايب المتأخره على رجال الاعمال اقولك ايه ولا ايه بس

الريس :- ايه الكلام ده مش عندى معاشات ورواتب بدفعها يا بنتى ولا ايه

آبى :- ما هو يا عمنا اهدي بس الناس اللى بتدفعوا لها رواتب بتأخدوا منها ضرائب وكمان بتوع التأمينات كنتم بتأخدوا منها الفلوس دى من زمان ولا الفلوس جت من الهوا

النحله :- باين عليه عنده التزمات وأقساط حرام نظلم الراجل يا بنتى بره بيقول انه قليل وعامله دايت هههههههه فحب يزودها وبرضه عنده كام فرح ولازم ينقط فيهم

اآبى :- طيب دلوقتى اعمل ايه فى بطوط ابيعها واشترى عجله ولا احط لها عصير قصب الخوف بقى للعصير يغلى ويبقى من غير زعزوعه وانا راسى والف كوتشى انا عاوزة الزعزوعه

الريس:- اتصرفوا امشوا اعملوا رياضه بدل المحشى واكل الارز

النحله والدبور وآبى :- ايوووون قول كده بقى اونكل القطنه مبتكدبش قال رغفين ونص فى اليوم للفرد وده من منطلق اننا نبقى سمباتيك وحلوين قوم ايه انت وعوكل قولتم لازم رياضه علشان طبعا انتم رياضيين وبتلعبوا استكواش كل يوم يبقى ايه بقى لازم رياضه فنبيع العربيات ونشترى عجله ومن هنا بناشد خالتى فرنسا فى توفير عجله لكل مواطن ولا انت هتستورد لنا من مكان معين مش عاوزين نزعلك يا ابو عوكل والنبى اصل زعلك وحش واللى بيلعب مع الاسد بيعضه وطبعا علشان عوكل عاوزنا متحضرين لازم نخس ويجلنا امراض العصر والضهر والمغرب واكتئاب انا مودى بقى زى مؤشر البنزين لاااااااا محدش يقول بنزين زى مؤشر اى حاجه بقى فى الأرض والزمبلك بتاعه باظ اضحك بهستيريا واعيط بهستيريا وتحيا جمهوريه مصر العجله سابقا العربيه ههههههههههههههههخخخ

الريس:- بصى من الاخر وعلى بلاطه انا حايش عوكل عنكوا وبطلوا جهل اولادى بتوع قمل الراس عاملين الواجب وانتم هتسكتوا برضه من الاخر يا كده يا القفا التانى جاى ولا نسيتوا بتوع المحله اللى كانوا اساس الاضرابات وحصل ليهم ايه اقولكوا اضربوا كوله تنسيكوا الهم ما انا موفر لكم المخضروات فى كل مكان

وكمان علشان الشباب يبطل يكروز فى الشوارع غليت البنزين وخفيت الزحمه لانه مش هيقدر ينزل شوفتوا بقى أانا حلو ازاى.

آبى :- خلاص من النهارده مفيش بطوط من النهارده فيه زئرده وشكلى هيبقى امور واشتروا عجله روحوا بيها الشغل قبل ما يغلوا الهواء وتبقى مصيبه

النحله والدبور :- لا فوقوا لازم يتكون حزب محترم يدافع عن الشعب مش الأحزاب الحراميه دلوقتى لازم تثوروا بقى وكفايه خوف الناس فى الشارع ماشيه وشها شبه قفاها بقينا حااسين انهم نسخه من ايه تى اللى فى الفيلم الاجنبى

لازم نحتج بقوه ونقوله مش بنخاف منك وانت ولا حاجه ونقدر نعضك فى عرينك مع كل اللى بتتحامى فيهم دول ومش هنييأس خالص بالذوق والعافيه هنأخد حقوقنا احنا الاقوى والاكتر وانت ضعيف واذا كان على عوكل فمتوقعين له الفشل من اول يوم لو مسك بس ده لو شاف قفاه من غير مرايا لاننا مش هنقبل وهنروح الانتخابات من دلوقتى وهضرب الامن ومش هدى لحد رخصه عربيتى ومش هخاف منك ولا هسمع لحد واللى عاوز يبقى معاى تعالوا معاى وهقولكم ازاى

آبى :- سؤال اخيرطيب يا ريس تفتكر الهكومه احرجتك بقرارتها دى وهتقيلها بقى علشان دول ناس كليبه ونمورة وقروده ولا يا ريس قاعده الدومينو اللى كانوا قاعدنها وعاوزين يجاملوا كام واحد ويشغلوه محافظ قاموا قسموا مصر وعملوا محافظات طيب دى قرارات بذمتك هى الدومينو قفلت على صوابعينهم فطلعوها على الشعب

الريس :- ايه كنتى بتقولى ايه اصلى نمت تصبحى على خيرررررررررررررر ومصر فى المعتقل واولادها

كان معكم محاور صاحب نظره سياسيه طقه من الهلاوس والهساهس اللى جت ليه من اللى بيحصل آبى هانم ومش هخاف